رواية الصائغ والجواهر من البارت 18 بقلم مرفت السيد
رواية الصائغ والجواهر من البارت 18 بقلم مرفت السيد
رواية الصائغ والجواهر من البارت 18 بقلم مرفت السيد
18
لتجد امامها رجل بالخمسينات ومعه رجل اخر بالثلاثينات
صاحت برعب:انتوا مين وإزاي تدخلوا بيتي كدة
نظر الينا الرجل الكبير بغضب وقال: انا حذرته من الجواز بس هو صمم ومن يوم جوازه منك وهو متغير وبيحاول يسيبنا
قال الرجل الاخر: ادخلها مع الباقيين يابيه ؟
ليتفاجئوا بعصام ةمامهم وصفع الرجل الثلاثيني وقال: أخرس ياحيوان دي مراتي
قال الرجل الاخر:إيه ياعصام هاتخسرنا عشانها
عصام:برة بيتي يافريد إنت والكلب بتاعك دة لحد مراتي لا
فريد بابتسامة خبيثة:احنا هانسيبك دلوقتي بس لينا كلام بعدين ياللا ياخليل
وانصرف كلاهما وجوهرة بحالة ذهول من كل مايحدث
#بقلم_مرفت_السيد
اقترب عصام منها محاولا تهدئتها فابتعدت عنه الى داخل الحجرة
واشارت الى الاشخاص المخدرين بداخل الحجرةوهي تقول بعصبية:ايه دة ياعصام مين الناس دي وبيعملو إيه هنا ومين الي جم هددوني دول
انتو عصابة ولاايه بتخطفو الناس
رد عليا وامسكت بهاتفها وقالت :انا هاتصل بالبوليس
قال عصام بهدوء:طيب ممكن اجاوبك و تسمعيني بعدها اعملي الي يريحك
ارجوكي
ترددت جوهرة وقالت: ماشي بس لو فكرت بحركة غدر انا في حد مبلغاه و..
*مفيش داعي تقلقي انا مش مجرم ومستحيل أأذيكي اسمعيني الاول وبعدها انا تحت امرك
تعالي نتكلم تحت
: ماشي
جلس عصام امامها وقال: انا هاقولك الحكاية من البدلية وربنا شاهد اني مش بكدب عليكي
الحكاية بدأت كلها ياجوهرة لما بابا مات وانا مش بافهم بتجارة وشغل الدهب خالص
لولا عم فاروق باباكي إنه ساعدني اصفي الشغل عشان التفت لممارسة الطب لاني مش بامارس الطب وخلاص انا فعلا باحب مهنتي ودة سبب اني رفضت اشتغل زي بابا الله يرحمه
وبالي ورثته كبرت شغلي وشاركت واحد صاحبي بمستشفى وفي يوم اتفاجئت بفريد الي شوفتيه دة جاي عيادتي ومعاه ورق بيثبت ان بابا كان مديون بمبلغ كبير اوي مقابل صفقة دهب كان هو وفريد شركاء فيها وقبل مايخلصوا الصفقة بابا اتوفى
والراجل عاوز فلوسه ودة مبلغ وقدره وبعد مفاوضات كدة انه يصبر عليا شوية او يقسط
اقترح عليا بما اني دكتور اني اساعده ب.
وتردد عصام قليلا ثم اكمل قائلا :تجارة الأعضاء
في البداية رفضت وهددت اني ابلغ ولكنه ورطني بمشكلة كبيرة ممكن تضيع مستقبلي المهني كله
سلط عليا واحدة تعمل مريضة وتجيلي قبل مااقفل العيادة وانا لوحدي واترجتني افحصها وانا باكشف عليها
طلبت مني انها تشرب روحت ورجعت لقيتها شبه قالعة هدومها وبتشدني من هدومي وبتصرخ
الموقف صدمني لقيت فريد وخليل داخلين و بيصوروني واتضح انها تمثيلية وكان لازم اوافقه على الي هو عاوزه واتضح ان في 2 دكاترة بيشتغلوا معاه فاشترطت اني مش هاشتغل بايديا
من هنا لهنا اتفقنا اني هاكون مخزن ليهم وهاكشف على الحالات الي بيجيبوها واعملهم التحاليل اللازمة
واتفقت معاه اني هاكون معاه لمدة سنتين بس لحد مايخلص دين بابا الله يرحمه
وبقالنا سنة اهو بيجيبوا الحالات وبتكون بالاغلب لمشردين وبافحصها والي يطلع سليم بيفضل هنا لحد ماياخدوه
انا باموت وانا بعمل كدة بس معنديش اختيار تاني
كانت جوهرة تستمع له وهي بحالة صدمة وبعدما انتهى قالت :عارف لو رفضت وبلغت كان زمان الحقيقة اتعرفت انهد بيساوموك انما كدة انت شريك
#بقلم_مرفت_السيد
إزاي تساعد عصابة زي دي بيخطفو الناس الغلابة ويق...تلوهم
ارتمى عصام باحضانها:ساعديني انا كنت تايه قبل مااعرفك انا مستعد اعمل أي حاجة بس ماتسيبنيش
*يعني لو قولتلك تروح تبلغ وتعترف عن نفسك وعنهم هاتعمل كدة
#بقلم_مرفت_السيد
:وليه مانلاقيش حل مايتسببش ليا بأذى
*الموضوع محتاج تفكير
:أهم حاجة ماتسيبنيش وقبل يدها ارجوكي
*متخافش انا هاساعدك بس محتاجة افكر كويس
بس لحد مانلاقي حل هاودهم مؤقتا وقولهم انك اقنعتني اسكت
:حاضر ياحبيبتي
وقدنهضت جوهرة وهي تقول لاخواتها: ودة الي حصل معايا ومش عارفة اعمل إيه
ماسة:يانهار ابيض دة موضوع كبير اوي
لؤلؤة :احنا نقوم ننام وبكرة ربنا يحلها
دهب:متخافيش ياجوهرة احنا جنبك وباذن الله هانلاقي حل
فيروزة:ايوة يابنات إحنا مش هانمشي من بيتنا الا لما نساعد بعض ونحل لكل واحدة فينا مشكلتها ولا إيه رأيكم؟
الكل:صح موافقين
فيروزة:تمام إحنا سند بعض ياللا على النوم وبكرة بإذن الله هانقعد ونفكر سواتصبحوا على خير
ونهضت كل واحدة منهن الى فراشها وهي تفكر بمشاكل اخواتها
وباليوم التالي استيقظن بكل نشاط وتناولن طعام الإفطار وبعدما انتهين جلسن سويا يتناولن القهوة
قالت فيروزة:انا فكرت كتير و لقيت حل وهو....
يتبع
تكملة الرواية هناااااااااا
اكتب في بحث جوحل( مدونة قصر الروايات) تظهر القصص كاملهق
تابعونا علي قناة التليحرام من هنااااااااااا
ليصلكم اشعار بالنشر
الرواية كامله من البداية من هناااااااااااا
تعليقات
إرسال تعليق
فضلا اترك تعليق من هنا