روايةانا_وابن_خالتي 3 " الجولة الأخيرة " 7

روايةانا_وابن_خالتي 3 " الجولة الأخيرة " 7

انت اتجننت!!،، ايه اللي انت بتعمله دا؟

= اخرسي،، انتم الآن في حضرة الإله،، في حضرة ابليس!!

ابليس دا نكرة،، ولا يقدر يعمل حاجة،، ابليس أضعف من البشر مليون مرة

" مسكني من شعري بقوة وقالي

انتم جميعا تحت أقدامه،، اخضعو للإله

" لمحت شاهر من الشباك لكنه كان بشكله الحقيقي،، كان طاير بأجنحته بأقصى سرعة و شوفت النار وهي طالعة من بوقه و متجهة علينا بسرعة كبيرة جدا و بدأت تلف حوالين هارون،، نار لونها احمر زي الدم،، بعدها شاهر دخل من الشباك ووقف قدام هارون،، عنيه كانت حمرا،، قرونه كبيرة جدا،، ومتعلق في ضهره كورة النار،، هارون مكنش بيتكلم،، شاهر نفخ تاني وخرجت النار من بوقه وبقت محاوطة هارون بشكل كامل،، هارون ابتسم في اللحظة دي،، بعدها شاهر نفخ للمرة التالتة و معاها انتهى هارون لانه بدأ يدوب في النار واختفى،، بعدها شاهر رجع للجسم البشري تاني ووقف وسطنا،، عبدالله قرب منه و زعق

هو ايه اللي بيحصل؟،، ايه اللي هارون بيعمله دا؟

= دا مش هارون،، هارون لسة في بيت لوسيندا

اومال مين اللي كان موجود دا؟

= جن من أتباع ابليس و اتشكل في هيئة هارون

" مروان اتكلم بعده

فين هارون دلوقتي؟

= هارون اتسجن في بيت لوسيندا

" رديت وأنا بصرخ

يا نهار اسود،، اتسجن ازاي؟

= اتعمله فخ 

" عبدالله رد

طب احنا لازم نطلعه،، اكيد مش هنسيبه كدا

= عايزني اروح بيت لوسيندا لوحدي عشان يحصل فيا زي ما حصل في هارون

هنبقا معاك بس المهم منسيبوش

= احنا لو روحنا كلنا هيبقا مصيرنا زيه،، مش هينفع نروح يا عبدالله

" مروان رد عليه بإستغراب

يعني ايه مش هينفع نروح،، مين لوسيندا دي عشان نخاف منها؟

= كونك مستهتر ب لوسيندا لحد دلوقتي دا معناه انك متعرفش اي حاجة،، لوسيندا خدعت جن مصنف عندنا انه من اقوى الجان اللي هو هارون،، عايز انت بقا تروح عشان تنتهي تماما وميبقاش ليك وجود تاني صح؟

" رديت أنا عليه

أومال هنعمل ايه يا شاهر؟،، هنسيبه؟

= مقولتش نسيبه بس نفكر صح،، هارون اندفع و راح يهاجم من غير ما يفكر و اهو شوفنا اللي حصله،، خلينا احنا نفكر بقا

" عبدالله رد

انا مش هفكر ولا هستنا،، احنا لو قعدنا دقيقة واحدة كمان هنلاقيهم هما اللي جايين،، هارون لازم يرجع

= انت بتتكلم على اساس اني مش موجود معاكو،، أنا هنا اللي اقول ايه اللي يحصل وايه ميحصلش

وأنا هروح حتى لو منعتني

" مروان وقف جنب عبدالله وقال

وأنا كمان هروح

" كنت انا الأخيرة اللي انضميت ليهم

وأنا معاهم

" شاهر زعق وقال بصوت مرعب

أقسمت بالله لو حد خرج من الباب دا انا هأ*ذيه 

" كلنا بصينا لبعض ووقفنا مكاننا بعدها شاهر رجع يكمل كلامه

عبدالله هو اللي هيروح لوحده 

" كان لازم أستنا للصبح الاول وبعدها جهزت نفسي ونزلت من البيت و في طريقي ل بيت لوسيندا،، كنت قلقان جدا وخايف من اللي ممكن يحصل بس معنديش حل تاني،، لازم هارون يخرج،، لازم يرجع عشان نكمل اللي بدأناه،، وصلت القصر بتاعها،، بمجرد ما وقفت قدام البوابة لقيتها اتفتحت،، مشيت ودخلت لحد ما وصلت للقصر و دخلت جوا لقيت لوسيندا جاية عليا من بعيد وبتقرب 

كنت عارفة انك هتيجي تاني بس ايه السبب بقا؟

= أني شايفك مختلفة عن اي بنت انا شوفتها قبل كدا،، كل حاجة فيكي مختلفة ومش هنكر اني اتشديت ليكي بس انا مش موافق على اللي بتعمليه

" قربت مني أكتر

اللي بعمله دا هو سبب انك تتشد ليا،، هو سبب اختلافي 

= بس انا مش عايز ابقا كدا

كفاية عندي تصدق بس ومع الوقت هتتعود 

= بس مش دا السبب اللي أنا جاي عشانه

اممم وايه هو السبب؟

= عشان اكمل اللي بدأناه سوا،، فاكرة؟،، انا من يوم ما مشيت من هنا وانا بحلم بيكي

بيا انا؟

= واحنا مع بعض على السرير وبقضي معاكي احلى ليلة في عمري

ومش خايف؟

= لو كنتي عايزة تعملي حاجة كنتي عملتيها

" بدأت تقرب أكتر وأنا قربتلها اكتر،، وبو*ستها بعدها سحبتها على الاوضة فوق وأنا لسة ببو*س فيها،، قل*عت كل هدومي واترميت على السرير بعدها هي كمان قل*عت هدومها و نامت عليا،،، بعد ما خلصنا نمنا جنب بعض،، استنيتها لحد ما تنام تماما واتحركت من جنبها ولبست هدومي وخرجت من الأوضة ،، نزلت تحت و بدأت ادور في كل حتة لكن مكنتش لاقي اي حاجة،، بس لقيت ورا السلم اللي باب صغير،، فتحته بس الدنيا كانت ضلمة جدا،، شغلت كشاف الموبايل ونزلت تحت لحد ما خلصت السلم،، كنت شامم ريحة وحشة جدا جدا،، بعدها شوفت زنزانة مقفولة وكان فيها جسم بشري متحلل،، كان جنبها زنزانة تانية وفيها هيكل عظمي،، الزنزانة التالتة كان جواها هارون

عبدالله انت ايه اللي جابك هنا؟

= انا جاي اخرجك،، ثواني هدور على حاجة تفتح الباب دا

مش هينفع يا عبدالله،، امشي انت دلوقتي عشان محدش يشوفك

= امشي ازاي واسيبك؟

اسمع الكلام،، امسك المفتاح دا خليه معاك

" اخدت منه المفتاح،، كان مفتاح حديد قديم جدا وفيه بروز لونها احمر

بيعمل ايه دا

= دا اللي هنقضي بيه على لوسيندا،، دي الوسيلة الوحيدة اللي هتخلينا نعرف نخلص منها

طب اعمل بيه ايه؟

= شاهر هيقولك،، يلا امشي انت دلوقتي 

طب انت متعرفش تخرج؟

= الحديد دا عليه تعويذة لو عديت منه هتحر*ق،، لازم الباب يتفتح

طب استنا وأنا هساعدك تخرج

= مفيش وقت قولتلك،، اطلع بسرعة يلا و ارجع البيت حالا 

" طلعت بسرعة على السلم وخرجت من القصر،، جريت بسرعة كبيرة جدا لحد ما وصلت البيت،، هند قابلتني

عملت ايه يا عبدالله؟

= متقلقيش كله تمام

" دخلت وشوفت شاهر وهو مبتسم 

استعملتها صح؟

= صح

ايه رأيك؟

= جميلة أوي بصراحة،، أنا متعبتش خالص

" هند اتكلمت وقالت

هي ايه دي اللي جميلة؟

" شاهر رد عليها

كان معاه قوة جسدية جبارة عشان لو حصل أي مشكلة يعرف يتعامل

= مش فاهمة ازاي يعني؟

انا منحته قوة من عندي عشان يقدر يحمي نفسه 

" زودت انا على كلامه وقولت

عايز اقولك اني جريت من القصر عندها لحد البيت هنا من غير ما اتعب ولا احس بأي حاجة

= و دا فايدته ايه بالموضوع اللي احنا فيه دلوقتي؟

ولا حاجة

= فين هارون يا عبدالله؟

رفض ييجي معايا بس هو قالي آاخد المفتاح دا

" خرجت المفتاح من جيبي ولسة بمسكه لما شاهر اخد مني المفتاح و بص له بإستعجاب وقالي

هارون جاب المفتاح دا ازاي؟

= معرفش،، هو المفتاح دا بيعمل ايه؟،، هو قالي دا اللي هنقضي بيه على لوسيندا

ومش لوسيندا بس،، لوسيندا و دانوم كمان،، المفتاح دا جاي من جهنم،، مصنوع عندنا من ايام سيدنا سليمان،، المفاتيح دي كتيرة أوي عندنا وليها استخدامات تفوق عقول البشر منهم المفتاح دا،، مجرد ما المفتاح دا يدخل جسم الشخص هينف*جر،، جسمه مش هيكون فيه غير تراب

= للدرجادي؟

واكتر بكتير يا عبدالله،، في مفاتيح تانية ممكن تهد الارض باللي فيها،، السؤال المهم هارون جاب المفتاح دا ازاي؟

= ممكن يكون اخده من لوسيندا

صح،، الوحيد اللي ممكن يكون معاه المفاتيح دي هو ابليس

= تفتكر لوسيندا معاها مفاتيح تانية؟

ممكن ليه لأ

" مروان رد عليه وقال

طب ما الموضوع بقا سهل اهو،، يلا نروح القصر ونه*جم على لوسيندا ونقت*لها بالمفتاح دا

= هو انت ناسي ان ابليس بيحميها؟،، يعني احنا مش هنحار*بها لوحدها

" هند ردت

اومال هنعمل ايه يا شاهر،، ماهو كدا احنا مستفدناش حاجة بالمفتاح دا

= هارون يخرج الاول وبعدها هنستفيد كتير أوي

" مروان رد عليه في اللحظة دي

ايه يا جماعة اللي بتقولوه دا؟،، احنا في ايدنا فرصة نروح وهارون يخرج وبنضيعها ازاي؟

" شاهر رد عليه

امسك المفتاح اهو و روح بنفسك ووريني هتعرف تخرج ازاي اصلا من هناك

= ماهو عبدالله خرج

عشان هي اللي بدأت مع عبدالله الأول وكانت عايزة تعمل معاه علاقة

" بعدها شاهر بص ليا وقالي

طمني صحيح انت عملت ايه معاها؟،، اوعا تكون فاكر ان القوة دي معاك عشان تدافع بيها عن نفسك والكلام دا،، لا انت منحتهالك بس عشان ترفع راسنا،، طمني بقا

= عيب يا شاهر كله تحت السيطرة

خلصت عليها يعني؟

= مخدناش وقت كتير وكنت مخلص عليها

يعني انا بمنحك قوة عشان برضو متاخدش وقت كتير؟،، اومال القوة اللي معاك دي لازمتها ايه؟

= يا شاهر متقلقش قولتلك انا سيطرت خلاص

يعني اطمن؟

= اطمن جامد أوي

راجل يا عبدالله جدع،، بس كدا سوسو هتزعل أوي

= ملكش دعوة ب سوسو

انت شوفت زيزي بنت خالتها؟

= حلوة دي؟

اقسم بالله ما تتشاف 

= طب ما تدور وتاخد حاجة نضيفة 

يا عبدالله ابويا حالف اتجوزها،، وأنا مش عايز اكسر كلمته

= ملكش غير ابوك يا شاهر اسمع كلامه

ما انا هسمع كلامه وهتجوزها وبعدين اتجوز عليها

= يااخي دا انت دماغك عالية اوي وربنا 

" مروان زعق وقال

ايه اللي بتقولوه دا؟،، الراجل مسجو*ن وانتو بتتكلمو عن سوسو و زيزي 

" رديت عليه وقولت

في ايه يا مروان ما احنا بنتناقش 

= نقاش ايه و زفت ايه دلوقتي،، خلينا في اللي احنا فيه،، أنا اعرف شيخ ممكن يساعدنا في الموضوع بتاعنا دا

يا مروان يا حبيبي الموضوع بتاعنا دا مش محتاج شيخ،، دا محتاج معجزة

= احنا عايزين نبقا ضامنين كل الطرق بحيث لو خطة فشلت مننا نكون مجزين خطة بديلة

" شاهر رد عليه 

واسمه ايه الشيخ دا؟

= هتفرق معاك يعني؟

انا احب اكون مطمن بس

= اسمه محمود

حلو محمود 

" اتكلمت انا 

بس قديم شوية يا شاهر

= اه دلوقتي في اسامي جديدة ظهرت زي اياد و نهاد وفريال و ابو الوفا 

" مروان رد عليه وقال

هو احنا واقفين بنختار اسم البيبي؟،، لو بتختارو قولو يعني عشان اختار معاكو

" شاهر رد عليه

لا انا هسميه شاهر على اسمي خلاص

" مروان كتم غيظه و رد

انا هنزل دلوقتي اروحله 

" هند قربت من مروان وقالت

انا هاجي معاك

= خليكي يا هند أنا مش هتأخر

خلي بالك من نفسك 

= خلي أنتي بالك من نفسك،، انا هبقا كويس لما أنتي تكوني كويسة

" نزلت و روحت ل بيت الشيخ محمود،، هو كان ساكن جنب بيت اهلي بس لما وصلت بيته ملقتوش،، الجيران قالولي انه سافر وممكن يرجع بعد يومين،، لفيت و رجعت تاني وانا في الطريق للبيت لقيت تليفوني بيرن،، كانت هند

ايه يا حبيبي عملت ايه؟

= ملقتوش،، سافر وهيرجع بعد يومين

طب خلاص يا مروان مش مشكلة،، تعالى يلا على البيت

= انا جاي اهو

" قفلت معاها و سمعت صوت بيتكلم من ورايا

ازيك يا مارو

" لفيت وشي لقيتها لوسيندا 

انتي عايزة ايه؟

= عايزاك،، عايزاك معايا

معاكي فين؟

= في مملكتي،، تعالى معايا وسيبك منهم،، هما مش هينفعوك

وهو أنتي اللي هتنفعيني؟

= تعالى وجرب بنفسك

مفيش أي مكان ممكن يجمعنا

= حتى لو قولتلك اني ممكن احققلك أي حاجة انت عايزها وبدون اي مقابل،، اطلب واتمنى اللي نفسك فيه

انك تمشي دلوقتي وتسبينا في حالنا

= يا مارو متبقاش غبي،، الفرصة مبتجيش غير مرة واحدة بس،، فكر كويس

" سيبتها ومشيت لكنها ظهرت في وشي تاني

مينفعش تمشي وأنا بكلمك،، هما الخسرانين يا مروان،، انت مينفعش تكون معاهم،، الموضوع كله مسألة وقت وكل دا هينتهي 

= انتي عايزة مني ايه

هو دا وقتك يا مروان عشان تنت*قم منهم وترد على كل اللي اتعمل فيك،، دا وقتك انك تثبتلهم انك قوي بجد

= والمطلوب ايه؟

تكون معايا وصدقني يا مارو هتكون كسبان وكسبان كتير أوي كمان 

= وأنا موافق!!

#عمرو_راشد

#انا_وابن_خالتي 3 " الجولة الأخيرة " 7

#يتبع

تكملة الرواية هنااااااااا

اكتب في بحث جوحل( مدونة قصر الروايات) تظهر القصص كامله