رواية مهرة العز البارت الثالث3 من الجزء الثاني بقلم مريم حسين
رواية مهرة العز البارت الثالث3 من الجزء الثاني بقلم مريم حسين
#مهرة_العز
#البارت_التالت_الجزء_الثاني
في صباح يوم جديد مليئ بالأحداث الشيقه على أبطالنا صحت مهرة من النوم وكانت دماغها مصدعه
من الحفله......قامت قعدت شويه على السرير تفتكر كل
اللي حصل معاها امبارح وكانت مبتسمه اووي خصوصا لما افتكرت اللي حصل بينها وبين عز في الاوضه وانو قالها انا بحبك وعايزك تعرفي اني عمري ما هسيبك
وبعدين افتكرت لما كانت قاعده معاهم امبارح قبل ما عزيز يجي...........
فلاش باك....
(نجوى بابتسامه:بس انا والله مبسوطه اننا رجعنا اتجمعنا تاني من اول وجديد.....من زمان متجمعناش التجميعه الحلوة دي🥰
سهام(مامت ياسر):ايوة والله معاكي حق ❤️
احمد:بس اكيد هنتجمع كتير من بعد النهاردة خصوصا
بعد ما بقينا قرايب مش صح ولا ايه
نجوي بابتسامه: اكيد طبعا.....
لؤي بضحك:بس يارب بس ياسر ما ياخد منى مننا وتبقى لوحده بس
الكل ضحك عليه وياسر قال بضحك:انا اتسجر.....ده عز يقتلني لو بعدتها يوم عنكوا....
منى:متخافوش كل يوم هنط عندكوا وهنوجعلكوا دماغكم....مش صح ولا اي يا ياسر
ياسر بابتسامه: طبعا.....
نجوى:يارب بس ميكنش كلام وخلاص
سهام بابتسامه: حتى لو طلع كلام....اكيد هنروحلهم احنا ومش هنسيبهم بردوا....
قاطعها لؤي بضحك وقال:وهنُطبُق على نفسهم..مش صح ولا ايه ياسوسو
ياسر وهو بيجز على سنانه: اللي انتوا عاوزينه....
اسر بضحك:بياخدكم على قد عقلكم لحد ما يتجوزها وهوب معدناش هنشوف وشهم تاني
عز بضحك:طب يجرب يعملها كده....كله الا منمن قلبي
ياسر بغيظ:لا ياخويا متخافش......مش هجرب ولا حاجه هو انا مش عارفك ممكن في اي لحظه تفركشها
ده انت صاحبي وعارفك اكتر من نفسي....
الكل ضحك عليهم....
وبعدين احمد قال: لا بس ياسر باين عليه بيحب منى بجد وشاريها........ربنا يخليكوا لبعض يارب
اسر:ايوة.........عمري ما شوفت حد بيحب زي ياسر كده غير في الأفلام والمسلسلات وبس
لؤي بضحك:لا وعز صاحبك بردوا......مش صح ولا ايه
عز بابتسامه: ايوة صح.....وكان بيبص على مهرة من طرف عينه من غير ما حد ياخد باله....بس مهرة مركزة اوووي معاه ف خدت بالها.....
اسر بضحك: ايوة صح ايه؟؟؟؟
عز بهيام: انا مش بحبها بس لا ده انا عديت مرحله الحب دي من زمان....دي عندي بالدنيا وما فيها...ومن زمان اوووي بس هي اللي مكنتش واخدة بالها...عارفين هي شبه ايه؟.....شبه كل اللي بيلمس الروح
الورد واللوحات ،مزيج من الموسيقى،القصائد، ريحه المطر والشوارع المهجورة ❤️
عايز اقولك ان انا عارف محبتك زي ما عارف خطوط ايدي....محبه واضحه مستقرة ومستقيمه محبه يألفها صدري ولا يخشاها....
محبه هاديه بوسعها انها تمنحني كل طمأنينة العالم
انتي.........
انتي في ذهني
في قلبي
بمكان عميق جدا داخل روحي....
وان لم أراك
ولم المسك
حتى وان كان بيني وبينك
أميال ومسافات
لا شيئ يحجب نور شمسك عني....
وكمل بصوت مهموس لاحظته مهرة بس
بحبك يامهرتي❤️
طبعا الكل سقف ليه وعارفين هو يقصد مين
طبعا ما عادا سلوى وعيله ياسر وزياد
لؤي بضحك:الله الله.....ده انا عز اخويا طلع بيعرف يقول اشعار وقصائد اهو......اومال عاملنا فيها عم التقيل ليه....
منى بسقفه:ده انت عديت ياسر بمراحل
ياسر بصلها بغيظ وقال:على فكرة انا ممكن احفظ كلمتين زيه واجي اسمعهم.....بس انا بحب اقولك كلامي
من جوة قلبي...وبص على عز بغيظ وقال مش كلام محفوظ....
اسر بضحك:طب بزمتك ده كلام محفوظ....ده طالع من جوة روحه كمان مش قلبه
سلوى بفرحه: ايوة اسر معاه حق.....وانا مصدقه كل كلمه عز قالها......وانا كمان بحبك يا عز
وراحت تحضنه وهو حضنها وبص على مهرة اللي هتطير من الفرحه وقالها وانا بموت فيكي❤️
لؤي بضحك:احم احم....طب دلوقتي كل واحد قال كلمه للي بيحبه لسه انت يا زياد انت ومهرة...
زياد بحرج:ايوة بس انا......قاطعته مهرة وقالت
مهرة بابتسامه: هقول انا....
نجوى بحب:طيب ايه رايك يا مهرة تعرفينا ايه هو الحب ♥....قاطعتها شمس وقالت او ايه هو سر الحب
نجوى بابتسامه: ايوة صح.....ايه هو سر الحب
مهرة بهيام:سر الحب دائمًا في الكيفية وليس الكميّة، كيف زرعت مشاعرك بقلوبهم وليس كم مرة سكبتها، كيف تحدثتم بإنسجام وليس كم مرة تحدثتم بسطحية، كيف شعرت أنك محبوب وليس كم مرة سمعت بكونك محبوب، إذا الكيف حقيقي فهو أهم من الكم الزائف!"
لؤي بابتسامه: ده ايه الناس اللي قلبت رومانسيه مرة واحدة دي......كمل بضحك طب بذمتكوا دي مهرة اللي كانت عامله نفسها سوبر هيرو....دلوقتي بتتكلم عن الحب...وايه هو سر الحب😂
اسر بضحك:بكرة لما تحب يامعلم....هتعرف بجد
لؤي وهو باصص على شمس:ومين قالك اني معرفوش
احمد:لا ياشيخ.....طب سمعنا كلمتين يلا
لؤي:عايزين تسمعو ايه
اسر بضحك:ل ام كلثوم
لؤي بغيظ:هههه ظريف
شمس من غير ما تاخد بالها:شعر....سمعني بيت شعر ....ا
قصدي سمعنا بيت شعر
الكل ضحك بس كل واحد في سره.....
لؤي:فَأني عند النظر لِعينك ، أَزور سبعَ مجرات 💗.
مهرة بمكر:دي مين دي؟؟؟؟
لؤي بخوف:ها.....لا مش حد.....بس بسمعكوا بس
الكل فضل يضحك عليه لحد ما عزيز وصل.)
مهرة فاقت من شرودها على صوت عبير وهي بتنادي عليها....(وحشتني العقربه دي😂)
مهرة قامت واتوضأت وصلت كعادتها ولبست هايكول اسود وبنطلون بوي فريند اسود ولمت شعرها لديل حصان وخرجت عشان تفطر......
مهرة بابتسامه: Bonjuer
عبير:نفسي مرة تتكلمي عربي انتي واختك عشان افهم
بتقولوا ايه....ده انا حفظت بتاعت النوم دي بالعافيه
اللي اختك بتقولها ....
رؤوف: ايوة والله معاكي حق....انا لسه محفظتش ولا كلمه...
شمس بضحك:طب قوليها.....
عبير:هي ايه
شمس:مش بتقولي حفظتي بتاعت النوم...قوليها يلا
هي اسمها ايه
عبير:اه..اسمها حاجه وي كده بس مش فاكرة
مهرة بضحك:اسمها Bonnie oui يعني ليله سعيدة
عبير:ايووووة...هي دي......
رؤوف:طب واللي انتي لسه قايلاها دي اي
مهرة: يعني صباح الخير
عبير:ما تكلمنا عربي ياختي...هو لازم الانجليزي بتاعكوا ده...
شمس بضحك:ده فرنساوي ياماما...مش انجليزي
رؤوف: فرنساوي ألماني كلوا واحد ومبنفهموش
الكل ضحك وفطروا في جو سعيد.....
بعد الفطار راحوا قعدوا عشان يشربوا الشاي بلبن
(معلش عشان بحب الشاي بلبن ف بقول كده😂😂)
مهرة بابتسامه: انا مش مصدقه بجد انها كلها شهرين واتخرج واخيرااا....
عبير:معرفش ايه اللي يخليكي تبقى مُدرسه اطفال كده
لو كنتي بتاعت ثانوي او حتى اعدادي كنتي هترتاحي
لكن كده هتتعبي....
مهرة بابتسامه: بحب الاطفال اوووي
رؤوف بابتسامه: عقبال ما اشيل عيالك يارب
مهرة بابتسامه: يارب
شمس بضحك:وانا عقبال ما اشيل شهادة التخرج يارب وابقى احلى دكتورة في مصر كلها...
عبير بإحباط:مش لما تدخليها الاول ابقى قولي كده
مهرة بابتسامه: انشاء الله....انا عندي ثقه في شمس انها هتجيب طب وهتبقى أحلى دكتورة...
شمس بحب:والله انتي اللي احلى اخت...
مهرة:طب يلا قومي بقى قدامي عشان تروحي الدرس يلا....
رؤوف:وانتي يامهرة راحه فين؟
مهرة بابتسامه: الكليه يا بابا.....بقالي كتير مروحتش
وعايزة اروح اشوف الاخبار...
عبير بابتسامه: ربنا معاكوا يارب....
وسلموا عليهم ونزلوا....
رؤوف بحب:تعرفي اني مبسوط....ان اخيرا رجعنا اتجمعنا من اول وجديد بس المرة دي غير...المرة دي مهرة وشمس قريبين من بعض اووووي وانا مبسوط
عبير بابتسامه: وانا هحاول اعوضهم واقرب منهم اكتر
........
عند رفيف كانت واقفه بتستنى مهرة في الشارع...
واخيرا وصلوا...
رفيف بغضب:والله كل ده...جايين من الساحل
شمس باستفزاز: لا جاين من شرم
رفيف بغيظ: انتي ايه خلاكي تجيبي البلوة دي معاكي
مهرة بضحك راحت حضنتها وقالتلها :خلاص بقى..حقك عليا متزعليش....
رفيف:مش زعلانه.....يلا عشان اتأخرنا على الزفت المحاضرة وهنطرد...
مهرة بضحك: مش دي نفس الجمله اللي قولتهالي من اول ما دخلنا الكليه بردوا ولا اي
شمس بضحك:طب همشي انا بقى عشان متأخرش.....
ومشت مهرة ورفيف للجامعه....
في الطريق °•°•°•
رفيف:احكيلي بقى كل حاجه بالتفصيل الممل....
مهرة بابتسامه: عن ايه
رفيف بغيظ: عن الحفله هيكون عن ايه
مهرة بضحك: اه.....منى كانت زي القمر..كانت لابسه فستان.......قاطعتها رفيف
رفيف بغضب:والله........بطلي استعباط...وقوليلي يلا
مهرة:مفيش والله....انا خلاص شيلت عز من دماغي وقررت ان هفوق لمستقبلي وبس....اه وبصراحه لقيت ان مفيش داعي افضل انا وسلوى متخاصمين كده على حاجه ملهاش لازمه وقررت اصالحها ونبقى صحاب عادي........انا كنت مفكرة اني بحبو بس لما روحت امبارح...لقيت نفسي مش مشدودة ليه اوووي وكان شعوري من تجاهه عادي...فقررت اشيله بقى...بس طبعا قررت اخلى زياد قدامهم خطيبي علشان محدش يقول عليا كذابه ولا حاجه....وشويه ونسيب انا وهو
رفيف:طب ازاي تبقى صاحبه العقربه دي...انتي مأمنه ليها...
مهرة:عادي....صداقه سطحيه مش اكتر
رفيف:ربنا معاكي...معرفش ليه مش مطمنه...
مهرة بضحك:عشان مشوفتيش اسر بس
رفيف وكزتها في دراعها ودخلوا عشان يحضروا المحاضرة......
🦋♡♡♡♡♡♡♡♡🦋
عيله عز°•°•°•
عند عز كان صحى من النوم واتوضا وصلي ولبس جاكت جلد اسود وبنطلون جينز اسود ولبس النضارة وصفف شعره ونزل......
عز بابتسامه: صباح الخير
الكل:صباح النور
لؤي:شايفك متشيك....كمل بغمزة وقال:رايح فين
عز بضحك:هكون رايح فين....الشغل طبعا
لؤي:من امتى وانت بتتشيك للشغل كده
سلوى بتكبر:عز طول عمره متشيك بس انت اللي مش بتاخد بالك.....
عزيز:بصراحه ولا انا كنت باخد بالي
الكل ضحك على عزيز...
وعز قال:دمك خفيف....
عزيز:منا عارف
عز:احنا كنا ناقصين اتنين لما يجي التالت
عزيز:مين الاتنين دول
عز بابتسامه مصتنعه: لؤي واسر....وانت جيت كملت الثلاثي اللي دمه يلطش...
منى بضحك:قصدك الثلاثي المرح
عز:ههههه...تصدقي مكنتش اعرف
احمد:اسكتوا بقى وكملوا اكل ومحدش ينطق بكلمه
بعد شويه......
الكل اتجمع في الصالون وكانوا بيتكلموا في أمور عاديه
وعزيز كان بيحكي عن شغله في إنجلترا لأحمد ونجوى
ومنى ولؤي بيرخموا كعادتهم على سلوى
وعز هو اللي قاعد وكأن ناقصه حاجه....ناقصه قلبه
مش معاه....وروحه بعيدة اوي عنه مخلياه قاعد بيفتكر كل لحظه معاها في البيت وبيقول لنفسه أتأملْ صُوركِ كمن يُمسك قلبه بين يديه ولا يعرف ماذا عليهِ أن يفعلْ
عز بتنهيدة حااارة: ااااااااااااااااه يا مهرة...عملتي فيا اي
شقلبتي كياني......ب انا ده....انا عز...عز اللي مكنش بيضحك غير بالعافيه وكانت حياته عبارة عن جحيم واسود وبس....انتي جيتي نورتيها وخلتيها الوان وجنه
بس قريب......قريب اووووي كله هيتحل وهتبقى معايا
وعمري ما هسيبك......
عز:انا هقوم امشي بقى لان عندي شغل كتير
نجوى: خلي بالك من نفسك
عز بابتسامه: حاضر
لؤي:انا بردوا هقوم عشان عندي درس
منى:وانا عندي محاضرة ومش عايزة اتأخر
احمد:طيب تعالي اوديكي في طريقي
منى بابتسامه: اشطا....يلا
وكل واحد خرج وراح على شغله
نجوى:انا هطلع بقى اغير عشان راحه النادي اشوف صحابي لاني بقالي كتير ما روحتش وهما زعلانين مني
عزيز:اوكي وانا بردوا شويه وهقوم اشوف الشغل اللي في المستشفى الجديدة دي...
نجوى بابتسامه: ربنا معاك ياحبيبي
عزيز بابتسامه: مع السلامة يانوجه.....
ونجوى طلعت ومعتش غيرسلوى وعزيز.....
عزيز بنظرة غريبه:وحشتني قعدتك يا سلوى
سلوى بتوتر:انا هقوم عشان هعمل شوبينج لان اهلي نازلين قريب......وطلعت تجري على برا
وعزيز كمل بضحك شيطاني شويه:ههه هتروحي مني فين.....مصيرك هتبقى تحت رجلي.....وقام عشان عنده مشوار......
عند مهرة كانت خلصت كل محاضرتها وخرجت هي ورفيف عشان يقعدوا في اي مكان
بس اتفاجأت لما خرجت ب.......
يتبع............
بقيت بطول في الأحداث اهو واخليها رومانسيه😂
بس ياترى ايه العلاقه اللي بين عزيز وسلوى
وياترى مهرة اتفاجأت ب ايه🤨🤨
يلا توقعتكوا اللي محدش بيقولها اصلا😂😂
(ثقْ بنفسك بما يڪفي أنت عظيم و تستحق الأفضل)
تكملة الرواية هناااااااااا
تعليقات
إرسال تعليق
فضلا اترك تعليق من هنا