رواية جيم اوفر البارت الخامس 5بقلم ديدا الشهاوي حصري لمدونة قصر الروايات
رواية جيم اوفر البارت الخامس 5بقلم ديدا الشهاوي حصري لمدونة قصر الروايات
البارت 5
جيم اوڤر
بعد ماالجد شاكر اتصدم من لبس حسنا ومعاها جوزها واستغرب من موقفه وطبعا كالعاده بدا يهزء شاكر
_انت معندكش احساس سايب مراتك متع*ريه ادام الناس فين نخوتك ورجولتك ولا سبتهم هنا قبل ماتسافر امريكيا بتاعتك
_في اي بس ياجدي ماهي كويسه اهي وبعدين الناس هنا متحضره وكل واحد في حاله يعمل اللي هو عاوزه
_متاكد طب شوف كده ياااخره صبري المتحضرين
وهنا شاكر التفت للجهه اللي شاور فيه جده وهنا شاكر اتصدم
لما لاقي حسناااااا وقفه وسط زحمه من الشباب والبنات شاكر قام من مكانه وقرب من الزحمه وهو بيتزاحم عشان يوصل لحسنا كان بيخبط في البنات والشباب وكلهم زي يامولاي كما خلقتني الكل لابس مايوهات بيكني ولبس تحسه انه لبس اتعمل عشان تتعري بيه وهنا وصل شاكر واللي اتفاجيء ان الزحمه دي كانت علي حفله لمطرب الشاطيء والبنات كلها بترقص حولين المطرب ومنهم حسنا شاكر قرب من حسنا واللي كانت مندمجه مع الاغنيه وشباب كان حوليها بيشجعوها هنا شاكر اتعصب وقرب منها وشدها
_انتي ياااهانم بتعملي ايه
_اه ايدي ياشاكر سبني الاغنيه حلوه اوي
_حلوه في عينك بنت قليله الادب
_الله مش احنا اقولنا كل واحد في حاله.. سبني بقي اعمل اللي عوزاه
وحسنا وهي بتتكلم كان شاكر بيشدها من وسط الزحمه وفجاءه وقف قصاده اتنين شباب عاملين زي ضلفه الباب طول بعرض بعضلات شكلهم مظبطين في الچيم جامد
_ ممكن اعدي من فضلكم
_علي فين يااصاحبي وواخد المزه
_مزه.. وهنا قرب شاكر لحسنا ياعني مزه دي
_حسنا ياعني القمر اللي هو انا
وهنا... بص شاكر لشابين وكمل
_وانتوا مال حضرتكم بتتحشروا ليه
_احنا مالنا هنعرفك مالنا ازي
وهنا شاب قرب من شاكر وشل حركته وضم ايده لورا والشاب التاني ضرب شاكر بوكس جات في عينه طيرت النضاره هنا حسنا صرخت
_سبوه .. سبوه دا جوزي اوعي ياجدع انت وبدات تشد في ايد الشاب اللي ماسكه شاكر وتعض فيها والشاب هنا
_اااه.. مش تقولي انه جوزك بدل مانضرب جوزك كده ونبهدله
_والله يامدام كنا فكرين بيعاكسك ولما شدك اقولنا نربيه--
الله وهو راح فين جوزك
وهنا الشابين بيدورا علي شاكر عشان يتأسفوله علي اللي عملوه وشاكر ياحرام كان نازل علي ركبه عشان بيدور علي النضاره اللي طارت ومعتش شايف بعدها وهنا الشباب خدوا بالهم من شاكر علي الارض وقربت حسنا من شاكر وجبتله النضاره
_شاكر... ايه اللي بتعمله دا
_النضاره يازفت مش شايف من غيرها كتك القرف والله مادخلك في حاجه تاني
وهنا حسنا بتتلفت عشان تلاقي النضاره ولاقتها ووطت علي شاكر لبسته النضاره وهنا ساعدته عشان يقوم وهنا شاكر بيشيل ايدها من عليه والشباب واقفه تتفرج عليهم
_اسفين يااكابتن والله مكناش نعرف انك جوزها
_حصل خير وهنا شاكر سابهم ومشي ووراه حسنا
شاكر كان شايف طشاش حتي بالنضاره لانها اتكسرت وحسنا بتحاول تكلمه وهو ماشي زي الاعمي ممد ايده
_شاكر... شاكر... استني
_سيبني احسنلك ولا ادوقك البوكس اللي خدته عشان خاطرك
_انت اللي كنت بتشدني اوي هما فكروك بضايقني
_حسنا تعرفي تخرصي مش عاوز اسمع صوتك
وهنا شاكر وحسنا قربوا من المكان اللي قاعد فيه جدو شاكر واللي مكنش فاضي جدو شاكر بيعرف يستغل الوقت صح الجدو شاكر ياساده لضم مع ست قاعده في الشمشيه اللي جنبه
الجدو شاكر... انتي لوحدك ياهانم ولا حد معاكي
الست... لوحدي ياشاكر بيه بنتي لسه نايمه وانا احب اتفرج علي البحر
الجدو شاكر... والله ياهانم ذوقك راقي كفايه لبسك
الست... ميرسي شاكر بيه.. اقولي حضرتك انت عندك كام سنه
الجدو شاكر.. والله ياهانم مكلمتش ال55 سنه ولسه مدخلتش دنيا وبفكر ادخل من ذوقك الراقي وهنا بغمزه من الجدو شاكر
الست... بكسوف شاكر بيه من فضلك
الجدو شاكر... اموت انا واعيد السنه
وهنا الاتنين ضحكوا وفجاءه اتصدم الجد شاكر وخاف يتفضح ادام المزه بتاعته انه جد
عن اذنك ياهانم
وقام الجد شاكر بسرعه لمكان الشمسيه بتاعته
_ايه دا يابني مين اللي عمل فيك كده
_اسالك الهانم
_اقولي ياست هانم مين اللي شلفط جوزك كده
_ياجدو اتنين ضربوه
_اقولي السبب ولا انتي مغلطيش قاعده تترقصي ولا عبالك وفالحه في الصوت العالي وبس فافتكروا اني بعكسها
_ والله يابني يشكروا انهم عندهم دم
_بتقول ايه ياجدي بس يشكروا عشان ضربوني دي حاجه تخنق
وهنا شاكر سابهم ومشي عشان هيطلع اوضته وطبعا الاستاذ مش شايف حاجه وهو ماشي متعصب اتخبط في تربيزه اتكعبل وقع وهنا حسنا جرت عليه عشان تساعدهواللي شخط فيها بعصبيه
_اوعي من وشي والا قسما بالله ماهيحصل طيب
وهنا سابته حسنا عشان كانت اول مره تشوف شاكر كده
حسنا رجعت لجدها
_والله ياجدو ماعملت حاجه
_كل دا ومعملتيش دا كفايه اللبس اللي انتي لابسه بزمتك دا منظر
_ياجدو دا كاش مايوه وتحته مايوه مش قلعاه ياعني
_برده يابت شفاف اهو تلاقيه متعصب عشان كده
_حسنا باستنكار ولا شافه من اساسه اصلا
_بتقولي ايه يابت
_مش بقول حاجه ياجدو
_يابت اللبس دا يتلبس في اوضه النوم مع جوزك ترقصيله تدلعيه تهننيه
_ياجدو دا لبس لحر مش لبس بيت
_وماله يابت احلي غطس خو غطس البحر اللي فوق
اقومي وراه واعتذرليه
_طب وانت ياجدو مش هتطلع ترتاح ولا اي
_جدو بغمزه لا انا ورايا غطس هنا بس علي الناشف
حسنا راحت الفندق وطلعت اوضتها واول مادخلت لاقت شاكر في السرير وعامل لنفسه كمدات علي عينه وهنا حست انها غلطت قربت من شاكر وقعدت جنبه
_شاكر انا اسفه... بس اقولي هو انت زعلان ومتعصب علي ايه عشان مش قادره احدد
_متعصب علي حضرتك عشان انتي وحده مش مسؤله ازي ترقصي كده وباللبس دا
_حسنا بفرحه ياعني لبسي كان مزعلك
_جدا ياحسنا
_حسنا كانت هتطير من الفرح لان شاكر بغير عليها خلاص مش هلبسه مدام مضيقك
_لا ياماما البسي بس في مكانه اللبس دا للبحر يبقي في البحر مش نرقص بيه
_والله دا اللي مزعلك اني رقصت بيه
_طبعا ياماما كل لبس وليه مكانه ياعني مثلا هتلبسي الچينز في البحر ولا فستان سورايه
_لا ميصحش تجي ازي دي وهنا رمت حسنا الخداديه في وش شاكر
_ااه حاسبي انتي عبيطه ولا اي مش شايفه عيني
_حسنا بغيظ سوري ان شاءلله التانيه يارب
_بتقولي حاجه
_لا مش بتزفت
حسنا وشاكر كل واحد منهم خد شور وارتاحوا وفعلا ناموا لغايه بليل ومحسوش بالوقت ومصحيوش الا علي مكالمه من جدهم واللي كان بيكلم شاكر
_كل دا نووم هو الغطس كان جامد اوي ولا اي
_غطس اي ياجدي.. اقولتلك بلاش الكلام اللي مش بفهمه دا
_اخرص ياولد ... يلا اقوم انت وعروستك عشان حجزتلكم في المطعم بتاع الفندق تربيزه باسمك
_لا ياجدي خليها وقت تاني انا تعبان ومش قادر
_اقوم بطل كسل وانا وشوي ونزلكم عارف لو منزلتش انت حر بقي
_حاضر هنزل
شاكر قفل المكالمه وهو بيبرطم علي جده
_انسان لايطاق قصير بس جبار
_حسنا اصحي اقومي عشان نتعشي
_ماليش نفس عاوزه انام
_اقومي بدل ماتلاقي جدك نططلنا هنا
_يووووه حاضر
شاكر وحسنا قاموا وجهزوا عشان ينزلوا وفعلا لاقوا تربيزه باسمهم وكان الجو تحفه ورومانسي علي الاخر شاكر كان جعان ومحسش بالجوع الا لما دخل المطعم وشم الروايح
_حسنا هتطلبي ايه
_شوي ياشاكر هو احنا لسه قاعدنا
_ناكل ياماما وبعدين اقعدي براحتك
حسنا نفخت من طريقه شاكر الجو رومانسي وهو مش في دماغه.. شاكر طلب الجرسون
_امر يافندم
_عاوز العشي والمنيو من فضلك
_بس الحج حجز وطلب الاكل
_حج مين
حسنا ادخلت في الكلام
_جدو ياشاكر
_وهو، يطلب ليه هياكلنا علي مزاجه
وهنا وجه كلامه للجرسون
_والحج طلب اي
_سي فودبكل انواعها
هنا شاكر كلم حسنا
_شوفتي انا مش بحب اكلات البحر هو، بيحبها يجي ياكلها
_خلاص ياشاكر غير واطلب اللي انت عوزه
وهنا وجه كلامه للجرسون
_الغي الطلب دا
_تحت امرك يافندم
هنا شاكر طلب
_عاوز محشي مشكل وفراخ مشويه علي الفحم وعاوز ريش
_حاضر يافندم
وهنا الجرسون مشي وحسنا
_هتاكل دا كله
_اه عشان اعوض الضرب اللي خدته لازم اتغذي
_لاياشيخ
بعد وقت جه الاكل وشاكر نزل فيه مسح كانه بياكل في اخر زاده.. وحسنا كانت بتبص عليه وبتستغرب ازي حبت الشخص دا وازي هو دكتور اصلا
وبعد وقت كانت حسنا هيمانه في الموسيقي اللي في المطعم والاغاني اللي كانت شغاله وشاكر كان فاتح داتا علي موبيله بيتابع رسايل الايميل بتاعه
وهما قاعدين قربوا اتنين كانوا اصحاب شاكر في الكليه من زمان
_مين شاكر حبييي فينك يابني وحشني اوي
_اهلا.. يا خالد عاش من شافك
_ايه اللي جابك هنا وانت مش بتحب الاماكن دي
_والله حكم القوي بقي
_الله مش تعرفنا
_حسنا.. بنت عمي
وهنا حسنا كملت علي تعريفها ليهم ومراته وبنقضي شهر العسل
_مبروك ياشاكر لازم نحتفل بالمناسبه دي
وهنا كمل صاحبه كلامه لحسنا
_عملتيها ازي دي واقنعتيه يتجوز
_والله مش انا النصيب بقي
وكمل صاحب شاكر
_تعرفي مدام حسنا جوزك كان مدوخ بنات الدفعه عشان يكلمهم بس
_والله ليه ياعني
_عشان جوزك تقيل اوي عليهم
وهنا شاكر حس ان صاحبه هيعك
_خلاص بقي ياخالد ان الله حليم ستار
_ماشي ياسيدي هسكت بس علي شرط تقضوا معانا بكره اليوم كله
_شاكر ماشي ياسيدي
قضوا شاكر وحسنا وقت مكنوش بيتكلموا لغايه ما حسنا عاوزه اطلع
_شاكر وانا عاوز انام
وطلعوا اوضتهم وناموا ومكنش بينهم كلام
في اليوم التالي كان صاحب شاكر اللي عزمه كان عامله حفله بمناسبه جوازه ودعي كل شله الجامعه واللي جم الساحل عشان يحتفلوا بصاحبهم
والكل جه وكان من بين شله الدفعه بنت كانت بتحب شاكر وهو كان اظاهر مرتبط بيها ومكملوش
والكل كان في انتظار العرسان اللي اول ماوصلوا الكل صفقولهم وشاكر وحسنا كانوا مبسوطين لانهم اول مره يعملوا حاجه جدهم مش مخططها
والكل اتلم علي العرسان عشان يباركوا ويهنوا وهنا شاكر اتصدم لما لاقي... مي صديقته الانتيم او الللي كان مرتبط بيها
_مبروك يادكتور ونورت الساحل وقربت تبوس شاكر من خده
_هنا شاكر وبتوتر الله يبارك فيكي
وحسنا كانت مراقبه البنت دي بالذات لانها تصرفاتها مش طبيعيه
وهنا وجهت مي كلامها لحسنا
_مبروك ياعروسه عرفتي تكلبيشيه
_ميرسي الحب بقي هنعمل اي
وهنا خسنا قربت من شاكر ومسكت في ايده
وهنا الكل قعد معاهم يفتكروا ايام الجامعه والمذاكره ومي وحسنا كانوا بيبصوا لبعض ولاكانهم اعداء
والكل قام يرقص ويغني وحسنا كانت مبسوطه بالاجواء ماعدا مي دي وهنا مي قربت من شاكر
_ممكن كلمه ياشاكر عن اذنك ياعروسه هخدوه منك شوي
_اتفضلي خدي راحتك
وهنا شاكر قام مع مي واللي فضلوا يتكلموا وحسنا، كانت، مراقبهم والغيره بدات تظهر علي حسنا وكمان انها، قعدت لوحدها وهنا قرب منها شاب يطلب الرقصه منها
ومن غير تفكير قامت حسنا ترقص معاه
هنا شاكر كان مع مي بس عيونه علي حسنا وحس احساس لما قامت رقصت مع الشاب
وفحاءه ولما جات اغنيه رومانسيه وبدا الشاب يرخم علي حسنا
شاكر كان شايف المنظر مستحملش ساب مي وجري علي حسنا
_يلا هانم كل شويه اجيبك من رقصه شكل
الشاب كان شارب ووجه كلامه لشاكر
_انت عبيط ولا اي بتشدها كده ليه وهنا شاكر خد بوكس في عينه بس العين السليمه ووقع شاكر والكل اتلم
حسنا.... شااااكر
شاكر... النضاره ضاعت ياحسنا
تكملة الرواية هناااااااااااا
اكتب في بحث جوحل( مدونة قصر الروايات) تظهر القصص كامله
تابعونا علي قناة التليحرام من هنااااااااااا
ليصلكم اشعار بالنشر
الرواية كامله من البداية من هناااااااااااا
تعليقات
إرسال تعليق
فضلا اترك تعليق من هنا