رواية عصابة مجانبن الحب كامله البارت 6-7-8-9-10بقلم نور محمد
رواية عصابة مجانبن الحب كامله البارت 6-7-8-9-10بقلم نور محمد
6
في مكان تاني قصر كبير وفخم اوي لعيله كبيره اوي كانت
نايمه في غرفتها بهدووء وده الهدووء الذي يسبق عاصفه حياتها
القادمه شعرت بأحد بيقرب منها وانفاسه الساخنه بقت على وشها وشفا"يفه
قربت من خدها الناصع البياض بنعومه وقبلها بهدووء وشفا"يفه بتوزع القبل على وشها وهي
خايفه ومتوتره جدا حتي حست بشفا"يفه قربت من شفا"يفها فقامت برعب وهي بتبص في عنيه بخوف
فيروز بخوف:مراد انت بتعمل ايه هنا
قرب منها وهي بتتراجع منه بخوف وقال:انا بحبك يافيروز بحبك اوي
فيروز برعشه:مراد ارجوك اطلع بره مرت
خالي لو شفتك هنا هتزعل منك اوي
ابتسم مراد:وانتي خايفه تزعل مني مش كده
فيروز بتوتر:انا يعني انت ابن خالي والازم اخاف عليك
قرب مراد وبقى وشه مقابل لوشها وانفاسهم وحده:ابن خالك بس..
احمر وجه فيروز بكسوف:اه ابن خالي بس
عاد كلامه وهو بينظر لها بتركيز:متأكده
اتوترت من نبرته اوي وقالت:مراد اخرج بره كده عيب
ضحك مراد على توترها:تمام ياقلبي بكره مش بيبقى
فيه عيب بينا سلام يافيروزي
خرج فتهندت براحه ودقات قلبها بقت عاليه جدا وهي
بتتنفس بصوت عالي:في ايه مالك كل ماتشوفه بتدق كده ليه امتي بس تبقى قره عيني بجد يامراد
دخل مراد فجأه وغمز لها:قريب اوي ياقلب مراد
****************
وفي المستشفي
كانت حبيبه قاعده جنب ادهم وهي بتعيط على حالته وهو
متسطح على السرير ورأسه ملفوفه باشاش الطبي فتح
عنيه بتعب وهي اخدت بالها منه
حبيبه بخوف:ادهم انت كويس رد عليا حاسس بايه
رفع ادهم نظره ليها واول حاجه نطقها هي:ماما
برقت فيه حبيبه بصدمه:ماما؟!!
حاول ادهم يقوم من السرير وهي قربت
منه تساعده بس لقته حضنها بقوه وقال:ماما وحشت ادهم اوي
حبيبه انصدمت منه وقلبها بقى بيدق بقوه وانفاسها بقت
عاليه ومش قادره تبعده عنها لانها خايفه عليه
فضرخت بقوه:باااابا الحقني بسرعه
دخل بسرعه حسام وحازم وشمس وحنان ووقفو مصدومين من المشهد
حسام بصدمه:انت ازاي تقرب من بنتي كده
قرب منه بغضب وبعده بقوه عن حبيبه وحازم
وشمس وحنان جرو عليه بسرعه بس الكل انصدم لما لقوه بقى
بيبكي زي الاطفال وهو بيمد ايده لحبيبه
ادهم بدموع طفوليه:ماما.. ادهم عاوز ماما تحضنه
ضحك حازم بخبث:حتي هو مريض برضو سا"فل
ضربته شمس في جنبه وقالت:مش وقته يامحترم انت ها
سكت حازم بس زاد عياط ادهم اكتر فقربت منه حبيبه بعد ماصعب عليها
حبيبه بحزن عليه:اهدي ياادهم خلاص ماما هنا جنبك
قربت اكتر وادهم شدها بسرعه قدمهم وحضنها
بقوه وحسام اتعصب اكتر وجز على سنانه وكان عاوز يقرب بس حازم وقف قدامه بسرعه
حازم:معليش ياحسام باشا سيبه هو تعبان ومش عارف بيعمل ايه
شد حسام حازم بغضب من قدامه:يعني اسيبه يحضن بنتي كده قدامي عادي
حازم خاف على ادهم من حسام فقال بقوه:ويعني ايه ماهو تعب كده بسبب
بنت حضرتك ولولا تدخله هو كانت هي مكانه
رجع حسام لان حازم عنده حق ان ادهم بسببه بنته
دلوقتي بخير فخرج وقال:انا اشوف الدكتور ياجي يشوف حالته بسرعه
هز حازم راسه ورجع جنب ادهم تاني وهو بيبتسم على شكله في حضن حبيبه
حازم في نفسه:والله طلعت معلم ياض ياادهم
دخل الدكتور بعدها وقرب من ادهم بس
هو رفض وفضل حا"ضن حبيبه بخوف
حبيبه بهدووء:اهدي يادهم متخفش ماما معاك اهو مش هسيبك ابدا
بعد ادهم شويه وهو ماسك ايدها بخوف لغايه مادكتور خلص فحصه
الدكتور بتوتر:الصراحه ياجماعه من حالته كده اظن ان الخبطه على الدماغ كانت
شديده اوي فاثرت على اتزان مركز الذاكره عنده ومحتاج علاج واهتمام وان شاء الله يبقى كويس
حازم بعدم فهم :يعني هو ماله زي الاطفال كده يادكتور
الدكتور بتوضيح اكتر: يعني بالبلدي كده هو فعلا رجع لمرحله الطفوله ومحتاج
حد يهتم بيه 24ساعه فهمت
حازم هز رأسه وحسام وحبيبه ليسه في صدمتهم
وشمس وحنان زعلانين اوي عليه
طلع الدكتور فتقدم حازم من حسام وقال: حسام باشا انا عارف ان طلبي مش في وقته بس
مفيش حل تاني ممكن تقبل زواج ادهم من بنت حضراتك حبيبه
برق فيه حسام فكمل حازم: انا عارف انه صعب في الوقت ده بس زي مانت شايفه ازاي
بيقول عليها ماما وخايف من الكل الا هي بص حتي شوف حالته
اشار حازم على ادهم وهو رجع في حضن حبيبه تاني زي
الطفل في حضن امه وخايف تسيبه وتبعد
فقال حسام: شوف ياحازم الطلب ده صعب اوي بس كمان بنتي هي
سبب حالته فلازم هي تاخد بالها منه الفتره دي وانا موافق بس
فرح حازم اوي بس فرحته اختفت على اخر كلمه من حسام فقال : بس ايه؟!
كمل حسام بحده: بس بعد مايخف لازم يطلق بنتي فورا ده شرطي
حازم مسح بايده على شعره بتفكير: تمام وانا موافق بس الاول نشوف رأي العروسه والا ايه
حسام هز رأسه وقرب من حبيبه وقال: موافقه يابنتي تتجوزي ادهم وتهتمي
بيه لغايه مايخف ويرجع زي الاول
بصت حبيبه على ادهم في حضنها وقد ايه
هو بريئ اوي شكله زي الطفل الصغير
فقالت: موافقه طبعا يابابا هو انقذ حياتي ولحقني وده واجبي اني اساعده كمان
حازم فرح اوي وهو بيبص على ادهم في حضنها بخبث
وقال: على خيرت الله بقى كتب الكتاب بكره وانا
متبرع بشقتي لادهم لغايه مايخف كمان وربنا يقدرنا على فعل الخير
خلص كلامه وانطلقت زغروته عاليه في المكان من حنان وشمس بفرحه
*************
وفي الليل كان الجميع على العشاء ماعدا حسام وبنته حبيبه طبعا وادهم
ليسه بيعيط بعد ماخدوه من حبيبه غصب
حنان بحزن عليه:خلاص ياادهم بقى ماما بكره تاجي كل انت اكيد جعان اوي
ادهم كان بيعيط ليسه وهو بيقول:لا ادهم عاوز ماما دلوقتي تأكله انا عاوز ماما
حازم اتعصب من عناده ده وشمس لاحظه غضب حازم فقربت
من ادهم بسرعه وقالت:اهدي ياادهم انا مش زي ماما هأكلك انا تمام
قام حازم بغضب وغيره:شمس ابعدي عنه بسرعه
ادهم اترعب من صوته فصعب على شمس فقالت بقوه:لا مش هبعد واهدى كده ده مريض بس حرام عليك انت مش عندك قلب
حازم اتعصب اوي وعروقه برزت وعنيه بقت حمره فارتعبت شمس لما
لقته ضرب السفره بقوه وسابهم وطلع بره البيت كله قبل مايتهو"ر على حد ويندم
بصت في اثره شمس بحزن فقالت حنان:متقلقيش اكيد هيهدى لما يطلع غصبه بره ويرجع تاني
تهندت شمس بحزن وبصت على ادهم وبقت تأكله علشان ياخذ الدواء
************
وبعد منتصف الليل
كانت شمس في اوضتها وهي قلقانه اوي على حازم لانه
اتأخر فجأه سمعت صوت باب البيت بيتفتح فعملت نفسها
نايمه وبعد دقيقه لقته فتح باب غرفتها زي عادته ودخل قرب منها بوجهه وبا"سها في شفا"يفها بهدووء فحست
بانفاسه الساخنه وشمت ريحه غريبه في هدوومه فقامت مفزوعه
شمس بصدمه:حازم ايه الريحه دي انت شا"رب ايه؟!
قرب منها حازم اكتر وقال:شا"رب من السعاده ياقلبي
شهقت شمس بصوت عالي:ياليله سوده انت شا"رب ال..ممم
حط حازم ايده بسرعه على بوقها قبل ماتفضحه وقال:هششش اسكتي فورا قبل ما..
يتبع..
والواد حازم اجن ياجدعان 🤔
قلبي عندك يابو حبيبه ده انت هتشوف ايام لوز اللوز 😂😁
7
حط حازم ايده بسرعه على بوقها قبل ماتفضحه وقال:هششش اهدي انا مش شا"رب حاجه خالص
بعد ايده ببطئ فقالت شمس بتعجب: طب ايه الريحه الوحشه دي
قلع حازم التيشرت بتاعه ورماه بعيد وقعد جنبها واخدها
في حضنه باشتياق وقال: دي ريحه مشر"وب اه بس مش بتاعي.. انا كونت بتمشي في
الحاره وفجأه لقيت واحد سكر"ان وفي ايده قزا"زه مشر"وب ووقع عليا
فتدلقت القزا"زه على التيشرت بتاعي بس
تهندت شمس براحه لانها افتكرته شرب رغم انه
عمره ماعملها او حتي شرب سجاره في حياته
بصت شمس على ملامحه الهادئه غير ملامحه الغاضبه الي طلع بيها من هنا
فقالت بأسف:انا اسفه ياحازم لو زعلتك مني
ضمها حازم اكتر وقال:انا مهما ازعل اتعصب بس في حضنك بتتبخر كل
زعلي وعصبيتي كمان لان قربك من قلبي ياشمسي هو الدواء كل همي وزعلي وحزني من الدنيا كلها
ابتسمت شمس على حب حازم الكبير ليها بس تغير لونها للاحمر من
الكسوف لما سمعته بيقول
حازم بخبث: وكمان البو"سه منك بتسكر"ني والا اجدعها مشرو"ب ها فين
بو"سه الصبح الي ضاعت عليا والا فاكره اني نسيت ياشمسي
بعدت شمس بكسوف منه:نفسي اعرف انت ازاي عندك كميه قله الاد"ب دي
كلها معايا انا بس وقدام الناس محترم اوي
ضحك حازم وقرب منها با"سها بشوق بوسه طويله وبعد
وهو بياخد نفسه وقال:انا محترم قدام الناس بس انتي غيرهم كلهم ياشمسي لاني
مش بقدر اسيطر على مشاعري قدامك ياقلبي
قربت تاني شمس وحضنته بكسوف وهو ابتسم وحضنها
بقوه نام بسلام لانه مش بيقدر ينام غير في حضن شمسه
***************
في مكان تاني في القصر كبير دخل بغضب وهو بيتوعد لكل فجأه لقاها قدامه
مريم ببسمه:اهلا ياكمال نوره بيتك كله
كمال بضيق:ده مش بيتي وانا هنا بس علشان
اخد بنتي وامشي من هنا فورا وللابدا
مريم بقلق:بس باكمال ده كمان بيتك وبيت بنتك فيروز ده حقها من امها
رد كمال بغضب:انا مش عاوز منكم حاجه كفايه الي حصل
معايا بسببكم انتو انا عاوز بنتي بس فيروز تعالي ياحبيبتي
فيروز كانت في غرفتها اول ماسمعت صوت بباها جرت على تحت بسرعه وحضنته
فيروز:بابا وحشتني اوي كونت فين الوقت ده كله
مسح كمال على شعر بنته بحنيه:كونت في شغل مهم ياحبيبتي بس
خلاص اجيت اخدك معاها علطول
فرحت فيروز اوي لان مامتها متوفيه وبباها كان بعيد
عنها فتره طويله علشان كده فرحانه اوي بوجوده جنبها :بجد يابابا انا فرحانه اوي امتي نمشي من هنا
رد كمال:حالا ياقلبي نمشي من هنا
كمال اخد ايد بنته بتملك وكان هيخرج بس وقف على صوته
مراد بغضب:على فين العزم يازوج عمتي
بص عليه كمال بضيق:انا ماشي ومش عاوز حاجه منكم غير بنتي بس
تقدم منه مراد وهو بيبص على فيروز بخوف يخسرها وقال:لا مستحيل تاخدها لانها تبقى...
وقف فجأه لما مسكت ايده امه وقالت:كمال تقدر تاخد بنتك وتخرج براحتك ده حقك طبعا
بص عليهم كمال بضيق واخد بنته وطلع بسرعه من القصر كله
بص مراد في اثرهم بغضب:انتي ازاي تسمحيله ياخدها كده ياماما وهي تبقى
قاطعته مريم بهدووء:عارفه يابني بس مش وقته الكلام ده انا
عارفه كويس هو رايح فين دلوقتي فمتقلقش هنروح نجيبها منه تاني اوعدك بكده
تهند مراد بضيق وخرج من القصر كله لمكان تاني علشان يرتاح
***************
وفي شقه حازم كان الكل متجمع لكتب كتاب ادهم وحبيبه
دخل حازم ومعاه المأزون:اتفضل يامولانا هنا في الصالون
دخل المأزون والكل قاعد حسام ومراته وبنته حبيبه وجنبها او
الاصح في حضنها ادهم الي اول ماشافها لزق فيها زي مامته وشمس وحنان في
المطبخ بتحضر الضيافه والعصير
قعد المأزون وفتح الدفتر بتاعه وقال:نبدأ بسم الله اين هو العريس والعروس
قعد حازم جنبه وشاور على ادهم وحبيبه:هما دول يامولانا العريس والعروسه
حسام كان قاعد على اعصابه حرفيا من ادهم ومن عمايله والمأزون
انصدم من شكلهم:استغفر الله العظيم كيف يقترب منها هكذا وهي لم تصبح حلاله بعد
ضحك حازم وقال بخبث:اصله بعيد عنك مش متر"بي يامولانا
خلص كلامه وهو ليسه بيضحك فبص عليه حسام بضيق وكان نفسه
يقف وياخد بنته ويخرج فورا بس المشكله انه مطر يستحمل لان بنته هي السبب
خلص كتب الكتاب الحمد لله وقام المأزون بضيق من المكان وكأنه
قاعد في جه"نم وخرج بسرعه
فقرب حازم من ادهم بخبث وقال:الف مبروك ياادهومي الف مبروك يامدام حبيبه بقيتي حرم ادهم السنغاري
ابتسمت حبيبه بسعاده كأنها فرحانه اوي باجواز ده
وقالت بكسوف:الله يبارك فيك ياستاذ حازم
دخلت شمس وحنان وقدمو الضيافه للمناسبه وحسام قام
بعدها بضيق هو ومراته وقال:تمام كده بس زي ماقولت ادهم يخف ويطلق
بنتي فورا والا انا اعرف اتصرف كويس
رد حازم:تمام ياباشا طبعا عند كلامنا تقدر تتفضل واحنا
كمان علشان نسيب العرسان مع بعض بقى والا ايه
خلص كلامه وغمز لادهم وخرجو كلهم
فبعدت حبيبه عن ادهم بكسوف:انا هحضر العشاء اكيد جعان اوي والازم تاخد الدواء كمان
سابته ودخلت المطبخ تحضر الاكل وبعد شويه فزعت فجأه لما
سمعت صوت حاجه بتتكسر بره فجرت بسرعه وخوف على ادهم بس
وقفت مصدومه وعنيها وسعو بخوف لما لقته....
يتبع...
8
سابته ودخلت المطبخ تحضر الاكل وبعد شويه فزعت فجأه لما
سمعت صوت حاجه بتتكسر بره فجرت بسرعه وخوف على ادهم بس وقفت مصدومه وعنيها
وسعو بخوف لما لقت ادهم واقف فوق الكنبه في ايده
طفايه السجاير والفازه على الارض مكسوره وهو بصرخ
فجرت عليه بخوف: ادهم مالك بتصرخ ليه كده حصل ايه
وبدون مقدمات لقت ادهم شدها لفوق الكنبه
جنبه وحضنها بخوف وقال: فار ياماما فار كان هنا من شويه
حبيبه سمعته وترعبت كمان: فا فار انت متاكد من كده
خبى وشه في حضنها بخوف وقال: ايوه هناك انا شوفته بشنبات كبار كمان
شاور ادهم على كنبه قدامه وفجأه طلع من تحتها فعلا فار كبير فصرخت
حبيبه وادهم مع بعض وجرو خارج الشقه كلها بخوف
***************
في شقه حازم تحت كانو على السفره بيتعشو بهدووء. وحازم
بيغمز لشمس وهي بتبلع الاكل بكسوف وبقى شكلها زي الفراوله فعلا
حنان بضيق:حازم وبعدين يابني في اوضتكم الكلام ده وبعد شهر بازن الله
بص عليها حازم وضيق عنيه وقال:طيب انتي شوفتيني قومت
بو"ستها قدامك والا ايه دنا بغ"مز بس والا اروح اغ"مز للبنات بره ومراتي موجوده قدامي يعني
شمس وقف الاكل في حلقها وفضلت تكح جامد من
كلامه لانه دايقها فعلا فقرب بسرعه حازم منها و بخوف وشربها ميه وفضل
يضرب برقه على ظهرها لغايه ماهديت
فقالت شمس بضيق:تغ"مز لمين تاني مش كونت اخدت عنيك دول من مكانها
برق حازم فيها لانها اول مره تكلمه باطريقه دي فضحك بقوه وقال:شمسي طلعت قطه شر"سه اوي وكده
عجبتني اكتر امو"ت انا في هواك ياشمسي
ضحكت شمس غصب عنها من كلامه وحنان انصدمت في ابنها اكتر وقالت:نفس الجينات السا*فله من ابوك ياحازم يابن كم..
فجأه سكتت على صوت جرس الباب فقامت شمس بسرعه تشوف مين بس وقفت على صوته
حازم بحده: شمس جوه فورا واخر مره اشوفك بتجري على الباب بشكلك ده حتي
لو كان مين سامعه على اوضتك ولو ناديت عليكي بس تطلعي ياله
شمس خافت منه وجرت بسرعه لغرفتها وقام
حازم يفتح الباب اول مافتح الباب عنيه اسودت من الغضب وفضل واقف مكانه فقلقت
حنان عليه وقالت:حازم في ايه مين على الباب
حازم فضل واقف بغضب ومش بينطق وفجأه سمعت صوته وهي مش مصدقه ازنها
:ده انا ياحنان
***************
وفي شقه حسام كان قاعد على السفره هو ومراته بغيظ من الي حصل
حسام بغيظ:بقى انا اجوز بنتي الوحيده على اخر الزمن لواحد
صا"يع زيه وانا مجبور كمان على كده
هدى مراته بحنيه:اهدى ياابو حبيبه خلاص الي حصل ياخويا وبكره
يخف وترجع بنتنا تاني هنا في حضنا
حسام بضيق:ده يبقى يوم الهنا بس يخف وانا
هطلقها فورا منه الصا"يع ده و...
سكت على صوت جرس الباب بقوه
فقالت هدي بفزع:ياساتر يارب في ايه
قام حسام:متقلقيش اكيد دول عيال بتلعب بس وانا هأدبهم على قله اد"بهم دي
فتح الباب فجأه لقي ادهم في وشه وزقه
ادهم بسرعه وخوف لدرجه انه وقع على حسام كمان وبقى حسام في
الارض وفوقه ادهم وهو بيبص عليه بخوف
ادهم بخوف:عمو ياعمو الفار في البيت بشنبات كبار كمان وا
صرخ فيه حسام بغضب وألم:قوم يابن ال** من عليا ضهري اتكسر
تقدمت هدي وحبيبه من حسام وانفجرو ضحك عليه وادهم بيبص عليه ببلاهه وغباء
فصرخ حسام بقوه:شيلو الب"غل ده من عليا ضهرى بقى في زمه الله
قربت هدي وحبيبه منه بضحك وشالو ادهم بعيد عنه وقام
حسام بألم ونظره مصوب على ادهم بغضب فجرى ادهم على حضن حبيبه بخوف
ادهم بخوف:ماما عمو الشرير ده عاوز يضربني مش كده
حسام اتغاظ منه اكتر وحبيبه طبطبت عليه بحنيه
حبيبه بحنيه:لا اهدي ياحبيبي هو مش هيضربك خلاص
قالت هدى بعدم فهم:في ايه ياحبيبه ماله ادهم خايف كده ليه
ردت حبيبه:مفيش ياماما بس لقينا فار في البيت وادهم خاف منه اوي
هدى بتفهم:اه طيب تمام نامو هنا النهاردا وبكره نشوف حل
قال حسام بضيق وسرعه:لا مستحيل البني ادم ده استحمله ليله هنا
قربت منه هدي:معليش يابو حبيبه علشان خاطر حبيبه بس حتي
زفر حسام بغيظ:تمام بس يبقى في اوضه حبيبه مشفهوش في البيت بره قبل بكره
سحبت حبيبه ادهم في ايدها بفرحه وقالت:تمام يابابا وشكرا اوي
وصلت حبيبه لباب غرفتها بس وقفت على صوت ادهم
ادهم بجوع:ماما انا جعان اوي من الصبح
بصت عليه حبيبه وضرب ايدها في رأسها بغباء وقالت:ايوه صحيح انا اسفه تعال ناكل سوى علشان علاجك كمان
هز ادهم رأسه بسعاده وقعد جنبها على السفره وهي بتأكله وحسام بيبص عليه بضيق وبغيظ
***************
وفي شقه حازم تحت
كان قاعد حازم جنب امه بضيق وهو على اعصابه
و بيبص عليه بغضب جحيمي
حنان بضيق :خير ياكمال راجع بعد السنين دي كلها ليه؟!
كمال بندم:انا بس عاوزك تسمعيني ياحنان انتي وابني الاول بس و..
قام حازم بغضب وصرخ فيه:متقولش ابنك دي تاني انا مش
ابن حد سامع وانا لولا ان امي سمحت ليك انك تدخل انا كونت رميتك بره العماره كلها.
بص عليه كمال بحزن ومردش عليه
فقالت حنان بغضب لحازم:حازم اهدى.. ده مهما كان ابوك وانا
مش علمتك تتكلم كده حتي مع الغريب اقعد ومش عاوزه اسمع نفس
قعد حازم تاني وهو بيتنفس بضيق بس مش خوف من امه لا
احتراما ليها لانه مش عنده اغلى منها
فبلع كمال ريقه وقال:انا هنا بس لاني لازم اقولكم الحقيقه انا
استنيت السنين دي كلها علشان تاجي الفرصه اني اقول الي حصل معايا قبل عشرين سنه
حنان كانت بتسمع وحابسه دموعها باعافيه وحازم متعصب ليسه ونفسه يطرده بره البيت
فكمل كمال كلامه: انا صحيح سبتك ياحنان قبل عشرين سنه انتي
وابني بس كل ده كان علشانك انتي وحازم صدقيني الي
حصل كونت مجبور عليه وكل ده بدء بعد إشتغلت عنده هو واخته منها لله وو
يتبع..
وياترى عمو كمال حكايته ايه؟!!🤔
وحنان وحازم هيسامحو او لا هذا ماستعرفه لاحقا 😁
9
فكمل كمال كلامه: انا صحيح سبتك ياحنان قبل عشرين سنه انتي وابني بس
كل ده كان علشانك انتي وحازم صدقيني الي حصل كونت مجبور عليه وكل
ده بدء لما إشتغلت عنه هو واخته منها لله
سكت كمال وفرت دمعه من عينه فمسحتها
فيروز بنته بحنيه: بابا انت بتعيط
ابتسم ليها كمال: لا ياحبيبتي مش بعيط
بص عليهم تاني وكمل: انا بعد ما اجوزت حنان امك ياحازم ربنا
كرمنا بيك علطول وانا كونت سعيد جدا بيك واسعد واحد في الدنيا كلها كمان كونت
بتكبر قدام عيني وانا شايف فيك دراعي وسندي العمر كله ومش
اتمنيت حاجه في الدنيا غير سعادتك انت وامك لاني محبتش في حياتي قدك انتي ياحنان
حنان غصب عنها دموعها نزلت لانها كمان محبتش حد قد
ماحبت كمال لانه كان ابن الجيران وحب طفولتها كمان
تهند كمال وكمل: بس كل ده اتغير في يوم واحد كان اسوء يوم في
حياتي كلها يوم مالقيتك تعبت مني اوي ياحازم وكونت مرعوب
اوي عليك فضلت الف بيك في كل مكان بس الدكتور قال
ان حالتك صعبه اوي ومحتاج عمليه بسرعه وكونت وقتها طفل يادوب
عشر سنين وتمن العمليه كبير اوي وانا مملكش حتي جزء منه فطريت
اروح لصاحب الشركه الي شغال فيها يسلفني المبلغ ده بسرعه بس الي حصل وقتها دمر حياتي فعلا من اليوم ده
فلاش باق قبل عشرين سنه
في شركه الحسيني كان يوسف الحسيني قاعد على مكتبه بهدووء وفجأه دخل عليه الموظف كمال
كمال بخوف:انا اسف يافندم اني دخلت
كده بس انا محتاج مساعدتك بسرعه ارجوك
رفع يوسف نظره ليه فكمل كمال:انا ابني بين الحياة والمو"ت يافندم ولازم
يعمل عمليه بسرعه فارجوك سلفني مبلغ العمليه بس وانا هسدده ليك ان شاء الله لو العمر كله
رد يوسف ببرود:عاوز كام..
كمال بفرحه وسرعه:ميه وخمسين الف جنيه انا عارف انه مبلغ كبير بس هسدده والله و
قال يوسف بسرعه:موافق هسلفك المبلغ ده كله وفورا كمان بس
كمال فرح جدا وكان هيطير من الفرحه بس وقفت فرحته دي على
اخر كلمه من يوسف فقال:بس ايه يافندم انا موافق بس انقذ ابني بسرعه
مردش عليه يوسف بس دخلت بنت في العشرين من عمرها لابسه
لبس شيك وعلى الموضه ووقفه جنب كمال وحطت ايدها على كتفه بدلع
نسرين بدلع:بس تتجوزني انا وتسيب الجربوعه بتاعتك دي للابد
بعد كمال بسرعه و غضب:انسه نسرين خدي بالك من كلامك مراتي مش جربوعه انتي الي جر..
وقف يوسف بغضب:انت هتشتم اختي قدامي كمان.. انا
لولا انها بتحبك واعترفت ليا بكده انا كونت قطع"تك ورمي"تك للكلا"ب يازباله
كمال بغضب:تصدق مفيش زباله في المكان ده كله غيرك انت و
واختك الدلوعه دي طول عمرك مدلعها زياده عن اللزوم واهو اخرها عاوزه
تخرب بيتي كمان لانها مريضه زيك
قرب منه يوسف بغضب ومسكه من هدومه:انا اختي ظفرها بيك وبعيلتك كلها سامع والي
هي عاوزاه وبتحبه تاخده بدون نقاش حتي لو كان ايه
بعد كمال ايده بقوه وغضب:ابعد عني.. انت واختك مجانين ومرضى كمان وانا
مش عاوز حاجه منك وحتي الشركه مش راجع ليها تاني الارزاق على الله
واللتفت علشان يخرج فجرت نسرين على اخوها بدموع:يوسف ارجوك اقنعه تاني انا بحبه اوي انا
اول مره احب حد كده وصدقني لو كمال مش اجوزني انا همو"ت نفسي
يوسف سمعها وارتعب على اخته لانه مش
ليه في الدنيا غيرها وهي بنته مش اخته بس
فقال بسرعه:استنى ياكمال عندك
وقف كمال فكمل يوسف:انت عاوز كام وتتجوز اختي وتسيب
مراتك وابنك اي مبلغ انا مستعد ادفعه فورا
بص عليه كمال بغضب:انا لو مال الدنيا كله مش هطلق مراتي او
ابعد عن ابني علشان اختك المجنونه دي
خلص كلامه وطلع بغضب بس تصنم مكانه لما سمع:تمام يبقى اكيد هتخاف عليهم مني لان
ممكن مثلا تسيب مراتك لوحدها في البيت يدخل حد ويته"جم عليا او
لا قدر الله ابنك يكون راجع من المدرسه تخبطه عربيه ويمو"ت وفي الاخر برضو هترجع لاختي بأي تمن
كمال بلع ريقه بخوف:انت بتهد"دني والا ايه
ضحك يوسف بشر:لا مش بهدد لان كلامي بنفذه علطول انا بس
بنصحك ياكمال تسمع الكلام وتاخد حق عمليه ابنك دلوقتي وبعد
اسبوع تطلق مراتك وتكون عندي في القصر لكتب الكتابك على اختي نسرين
باق
نزلت دموع كمال غصب عنه قدامهم لاول مره تشوفه حنان بالحاله دي
فقال كمال:انا سعتها كونت خايف اوي عليك ياحازم لان
الدكتور قال انك لازم تعمل العمليه بسرعه وانا من معايا حتي نصها وكمان كونت خايف اوي من
شر يوسف الحسني لاني عارف انه مجنون وممكن يعمل اي حاجه علشان اخته فطريت اجر"حك ياحنان واسيبك انتي
وابني صحيح لساني عجز انه ينطق كلمه الطلاق من حبي الكبير ليكي فكذبت عليهم زورت قسيمه طلاق علشان
يصدقو وعشت كمان في حزن ورعب عليكم من بعدي بس مش كونت هقدر اشوف حد فيكم يتأزي بسببي انا اسف
حازم رغم كميه الغضب من كمال بس حس بصدق كلامه وألمه من صوته وهو
بيتكلم فنزلت دمعه من عينه مسحها بسرعه قبل ماحد يلاحظ والغضب سيطر عليه من عيله الحسيني كلها
حازم بغضب:وفينه يوسف ده ومين البنت دي كمان
بص كمال على فيروز:دي تبقى بنتي واختك ياحازم هي صحيح كانت
لحظه ضعف وغل"طه بسبب نسرين والي عملته فيا بس انا مش
ندمان عليها لانها الحاجه الوحيده الحلوه الي طلعت بيها من عيلتهم كلها بس الي
ندمان عليه اني اشتغلت من الاساس عند يوسف الحسيني المجنون ده بس
الحمد لله ربنا اخد حقي منه لما عمل حادث هو واخته وما"تو سوى وعلشان كده رجعت تاني
فيروز نزلت دموعها على امها لانها مهما كانت
امها فقرب منها كمال وحضنها:انا اسف ياحبيبتي اني قولت حقيقه امك قدامك باطريقه دي بس
انا جنبك ومش هسيبك ابدا حتي شوفي حنان دي حنينه اوي وكمان
حازم انا واثق انه هيحبك برضو و
قام حازم بحده: انا مصدقك بس انا اسف بنتك مستحيل اتقبلها اختي عن ازنكم
خرج حازم بغضب وكمال بص في اثره بحزن فقربت
حنان من فيروز واخدتها في حضنها:متزعليش هو حنين اوي بس الحقيقه صدمته لانه
عاش بعيد عن ابوه سنين كتير فاعزريه يابنتي اكيد هيهدي ويتقبلك لانك
مش ليكي زنب في الي حصل كمان
كمال بص على حنان بحب وقرب وحضنها هي وفيروز:ليسه زي ماانتي مش تغيرتي ابدا ياحنان الدنيا كله
ابتسمت حنان بسعاده لانه لغايه دلوقتي منسيش كان بيناديها زمان بنفس الجمله (ياحنان الدنيا كله)
**************
وفي غرفه شمس **
دخل حازم بتعب وغضب فجرت عليه شمس بخوف
شمس بخوف:حازم انت كويس مش كده وليه كان صوتك عالي كده
حازم رفع عينه ليها واخدها في حضنه بتعب وتهند:مفيش ياشمس بابا رجع تاني بعد
السنين دي كلها وحتي مش قادر ازعل منه على انه سابني انا وماما زمان لانه طلع مظلوم زينا واكتر
شمس انصدمت من كلام حازم وحست بوجعه من صوته وكلامه فمسحت على ضهره برقه علشان يهدء شويه
شمس:اهدى ياحبيبي خلاص الي حصل حصل المهم انه رجع تاني لينا ياحازم
حازم بضيق:بس مرجعش لوحده ياشمس رجع معاه بنت من نفس العيله الي دمره عيلتنا زمان
شمس بصدمه:بنت ازي يعني قصدك اختك من ابوك
حازم بغضب:لا هي مش اختي ومستحيل اتقبلها اختي لانها
بنت الست الي خربت بيتنا واخدت بابا بعيد عننا زمان
بعدت عنه شمس ولمست خده برقه وقالت:بس ياحبيبي هي زنبها ايه في الي
حصل زمان مع بباك ياحازم مش تظلمها ارجوك
حازم بحده:انا عارف انه مش زنبها بس انا مش قادر اتقب...
سكت فجأه على صوت عالي وكان بباه بيتخانق مع حد خارج الغرفه فطلع جرى عليه
***************
في الخارج**
كمال بغضب:انت ازاي ليك عين تاجي هنا بعد الي حصل اطلع بره مش
عاوز اشوفك انت او امك في بيتي
مراد ببرود:انا هنا علشان فيروز بس ياجوز عمتي ومش هخرج من غيرها كمان
اجه حازم بسرعه وخوف:في ايه يابابا مين ده وعاوز ايه
مراد:انا مراد الحسيني ابن خال فيروز وعاوز اشوفها وده حقي لانها
حازم سمعه والدم جرى في عروقه فقرب منه ومسكه بقوه وغضب
حازم بغضب:ابن الحسيني وكمان جاي برجلك لهنا يازباله انا
هفرجك اذاي ابوك يعمل كده في ابويا زمان يابن الحيوا"ن
مراد اتعصب كمان اوي بعد شتيمه حازم لابوه فمسك كمان فيه بقوه
مراد بغضب:انت ازاي يازباله انت تشتم ابويا كده انا هعرفك ازاي تقول عليه الكلام ده
كمال خاف على ابنه حازم من شر مراد لانه بيفكره بيوسف ونفس عصبيته زمان فقرب بسرعه وفصل بينهم
كمال بحده:بااااس انت عاوز ايه يابن الحسيني انا
سبت كل حاجه ومش عاوز منك اي فلوس او املاك بس سيبنا في حالنا واخرج بره
مراد بضيق:انا قولتلك جيت علشان فيروز ومش هخرج من هنا بدونها
حازم:انت كمان بتتشرط في بيتنا طيب انا اختي مش
هتسيب بيت ابوها والي عندك اعمله يابن الحسيني
مراد بخبث لكمال:انا بقولك لاخر مره ياجوز عمتي فيروز ترجع
معايا برضاك احسن اخدها من هنا غصب عنك وانت عارف اني اقدر اعمل كده
كمال بضيق:انت بتهددني يامراد صحيح الي خلف مش مات يابن يوسف هو
مات وساب نسخه منه وهي انت بس انا مستحيل اسيب بنتي ومش
خايف منك او من نفوزك لاني عندي ابني حازم وهو سندي كمان
حازم فرح اوي بكلام بباه ومراد زفر بضيق واخد امه وتوجه للباب
مراد بضيق:بس افتكر ياجوز عمتي ان انت الي
اخترت وبكره تشوف هاخد فيروز من هنا ازاي
خلص كلامه وطلع بغضب وكمال زفر براحه بعد ما خلص منه الحمد لله
فيروز كانت بتسمع كل كلامهم من غرفه حنان فطلعت بعدها وجرت على بباها بخوف وحضنته بقوه
فيروز بخوف:بابا ارجوك مش عاوزه ابعد عنك تاني ارجوك
كمال:متقلقيش ياحبيبتي مش هتبعدي عني تاني ابدا
حازم كان شايف شكلهم مع بعض ازاي فقلبه رق عليها وقرب منهم بندم
حازم بندم:انا اسف يافيروز اني قسيت عليكي انتي صحيح مش كان ليكي زنب بس انا كونت متعصب اوي منهم مش اكتر انا اسف
فيروز بعد عن بباها وبصت عليه بتردد ففهمها حازم
وقال:تعالي متخافيش مهما حصل انا اخوكي وسندك العمر كله تعالي في حضني متخافيش
فيروز سمعته وفورا جرت على حضنه لانها محتاجه الامان ومفيش غير حضن اخوها حازم الي هتحس بنفس الامان فيه زي حضن بباها
وكمال كان بيبص عليهم بفرحه وبيدعى ربنا يديم السعاده دي بينهم
*************
وفي صباح اليوم التاني **
كان الكل متجمع على الفطار بسعاده لاول مره بعد سنين طويله
حازم بمرح:بس كده يابابا وبعد ماخلاص اعترفت لقلبي اني
بحبها اجيت وقولت لماما وكتبنا الكتاب علطول
كمال:انا فخور بيك اوي يابني وكونت طول الوقت اقول
البنت شمس هتكبر وتتجوز حازم ابني مش كده ياحناني
حنان بكسوف:طبعا كده ياحج
كمال بخبث:حج ايه بس دنا ليسه شباب ياحبيبتي قوليلي ياحبيبي احسن
حنان اتكسفت منه وحازم ضحك بصوت عالي عليه
حازم:وانا الي بتقولي عليا قليل اد"ب ماهو طلعت جينات وراثيه ياست ماما
كمال:اكيد ياحبيبي والجينات دي من جد جد جد جدك محروس باشا ال..
سكت فجأه على صوت جرس الباب فقام يشوف مين
كمال:حاضر جاي اهو اهدى شويه
كمال فتح الباب فلقى ظابط قدامه فبلع ريقه بخوف
كمال بخوف:افندم ياباشا أمر
الظابط:الامر لله حضرتك ده بيت المدام فيروز كمال البحيري
كمال:ايوه هو يافندم خير
الظابط:انا عندي محضر بإحضار المدام فيروز معايا لان زوجها مراد الحسيني طالبها في بيت الطاعه حضرتك
حازم خرج بقلق خلف بباه وسمع كلام الظابط وبعدها
قال حازم وكمال في صوت واحد:ايه جوزها؟؟!!!
#يتبع...
وياترى حازم وكمال هيعملو ايه بعدين 🤔
10
قال حازم وكمال في صوت واحد:ايه جوزها؟؟!!!
خرجت حنان وشمس وفيروز على صوتهم والظابط كمل
الظابط: ايوه يافندم زوجها وانا لازم اخدها معايا علشان اسلمها لزوجها دي التعليمات الي عندي
حنان بعد فهم: في ايه ياكمال الظابط قصده على مين
حازم بصدمه: قصده على فيروز ياماما انا مش فاهم حاجه بابا هو اجوزها امتي وازاي بدون علمك
كمال: معرفش انا زيك دلوقتي انصدمت مش عارف هو عمل كده امتي
كمال بص على فيروز وتوجه ليها وسحبها لجوه
كمال بحده: فيروز هو مراد جوزك ده صحيح يابنتي والا كذب قولي وطمني قلبي عليكي
فيروز بخوف: لا يابابا محصلش انا مش اجوزته بدون علمك صدقني
كمال كان هيرد عليها بس سمع صوت الظابط بره
الظابط: حضرتك مينفعش كده انا اتأخرت اوي ولازم انفذ الاوامر بسرعه فين المدام فيروز
كمال خرج ومعاه فيروز بس هو ماسك ايدها بخوف
كمال: فيروز معايا يافندم بس ممكن لو سمحت تسيبها ساعه كده عاوز اتكلم معاها
الظابط باصرار: انا مقدر حالتك بس مقدرش دي التعليمات ولازم اخدها فورا لبيت جوزها مراد الحسيني
حازم بص على ابوه بحزن وقرب منه علشان يلحق الموضوع
حازم بحزن: معليش يابابا سيبه ياخدها دلوقتي لانه ده مش زنبه وده شغله وان شاء الله انا هحلها
كمال مسك ايد بنته بتملك وخوف وصرخ فيه
كمال: لا ياحازم مستحيل مش هياخد بنتي مني كفايه الي عشته بسببهم ودلوقتي عاوز يحرمني كمان من بنتي لا مش هسيبها لا
حازم دمعته نزلت على بباه بس تقدم وشد فيروز منه وقدمها لظابط
حازم بحزن: احنا اسفين ياباشا على التأخير تقدر تخدها دلوقتي لزوجها
الظابط: تمام وشكرا على تعاونك معايا اتفضلي يامدام قدامي على بيت زوجك لوسمحتي
فيروز بصت على كمال بدموع وهي مش عاوزه تسيبه بس مجبوره تعمل كده فخرجت مع الظابط ودموعها بتنزل
وحازم قرب من كمال واخده في حضنه علشان يهدى شويه
حازم: انا حاسس بوجعك يابابا بس اهدى وفيروز هترجع لحضنك تاني وعد مني
كمال بدموع: اخدها مني ياحازم زمان اتحرمت منك ومن امك لسنين بسببهم ودلوقتي رجع اخد بنتي مني كمان
حنان وشمس دموعهم نزلت على كمال فتقدمت حنان واخدته في حضنها وهي بتعيط عليه وشمس اخدت حازم كمان في حضنها وهي بتعيط
*************
وفي قصر الحسيني **
مراد كان واقف على نار مستني فيروز تاجي ومامته قاعده قدامه بلوم
مريم بلوم:ارتحت بعد ماعملت الي في دماغك يابن يوسف
مراد:ماما لو سمحتي مش وقته الكلام ده
مريم بضيق:لا وقته يامراد ارتحت بعد ماخدت منه بنته باطريقه دي رجعت تكرر نفس غلطه بباك يوسف زمان هو حرمه من مراته وابنه وانت رجعت دلوقتي تحرمه من بنته كمان
مراد بغضب:انا مش كونت عاوز اعمل كده هو الي جبرني انا طلبت منه بالزوق بس هو رفض ودي مراتي ومن حقي تفضل معايا ياماما
مريم:مراتك اه بس انت نسيت انك مضتها على القسيمه الجواز بدون علمها هي حتي ودلوقتي لو عرفت الي عملته ده يامراد هتكرهك يابني وهتندم بعدين
مراد:لا ياماما انا عملت كده علشان بحبها اوي وكونت عارف بعد موت بابا وعمتي كمال هياخدها مني ومش كان عندي حل غير ده فيروز ملكي ياماما وهتفضل كده العمر كله
مريم تهندت بحزن لانها عارفه مراد وحبه بل وهوسه الكبير بفيروز من صغرهم
رن جرس القصر ففتح الباب الخدم ودخل الظابط ومعاك فيروز
مراد اول ماشافها قدامه حس نفسه طاير من الفرحه فجرى عليها زي الطفل الصغير واخدها في حضنه بقوه
مراد بحب: وحشتيني وحشتيني اوي يافيروز
الظابط باحراج: احم انا خلصت شغلي هنا ياباشا عن ازنك
خرج الظابط فدفعت فيروز مراد بقوه عنها
فيروز بغضب: انت ازاي تضحك عليا باطريقه دي ازاي بيقول اني مراتك يامراد
مراد بتوتر:فيروز اهدى وهفهمك كل حاجه والله
فيروز بعصبيه:مراد لو الكلام ده صحيح فانا مش عاوزه اعرف ازاي عملت كده بس عاوزه تطلقني فورا
مراد:لا فيروز طلاق مش هطلق لانك عارفه قد ايه انا بحبك يافيروز صدقني انا بحبك اوي اوي
فيروز:يا مرات خالي ارجوكي اقنعيه يطلقني انا عاوزه ارجع عند بابا عاوز بابا بس
مريم بقله حيله:اسفه يابنتي بس انتي عارفه انه عنيد قد ايه ومش بيسمع من حد كده طول عمره
فيروز بعصبيه:يعني ايه مش هيطلقني اسمع يامراد لو مش طلقني انا هقدم واخلعك والله وارجع لبابا تاني
قرب مراد منها وعنيه مركزه في عنيها وهي بلعت ريقها بتوتر وقلبها بيدق بقوه لانها كمان بتحبه مش هتنكر ده بس حبها لبباها اكبر وهي كمان اتحرمت من بباها لفتره كبيره اوي
مراد بحب:واهون عليكي يافيروزي تعملي كده
فيروز بتوتر:ها
ابتسم مراد بخبث:انا عارف يافيروز انك كمان بتحبيني زي ما انا بحبك علشان كده انا مستعد اعمل اي حاجه بس تفضلي معايا ومتسبنيش ابدا
فيروز بدموع:انا مش عاوزه حاجه غير بابا عاوزه افضل اشوفه قدامي انا اتحرمت منه سنين يامراد وقت ماما كانت عايشه ولما ماتت رجع علشاني علشان افضل معاه ارجوك يامراد عاوزه بابا بس ارجوك
مراد حس قلبه بينز*ف من الحزن عليها فقرب منها واخدها فحضنه بحب ودفاء
مراد بعشق:حاضر ياقلب مراد بكره هنروح عند بباكي وهتفضلي تشفيه زي مانتي عاوزه كمان يافيروزي
***************
في صباح اليوم التالي على الفطار**
حنان:لو سمحت ياكمال كل لقمه انت من امبارح مش اكلت حاجه
كمال بحزن:مش قادر ياحنان قلبي بيتقطع عليها عاوز اشوفها بس
حازم بحزن عليه:يابابا صدقني انا هروح للمحامي وهلاقي حل ان شاء الله بس انت متفضلش على حالك كده
شمس:ايوه ياعمي هو عنده حق ان شاء الله فيروز هترجع هنا تاني انت تاخد بالك من نفسك اكتر
كمال بدموع:وحشتني اوي ياشمس انا سبتها سنين لاني عاوز ابعد عنهم وبعد ماخلصت منهم وربنا اخد حقي رجعت وانا طاير من الفرحه علشان اخدها في حضني تاني علطول
قرب حازم من ابوه وطبطب على كتفه بمواساه
حازم:بابا ارجوك اهدى وان شاء الله ربنا هيرجعها لحضنك تاني
كمال اتهند ودموعه نزلت بس فجأه سمع صوت الباب فقام حازم يفتح
فتح حازم الباب وتصنم مكانه من الصدمه
حازم بصدمه:فيروز دي انتي بجد
فيروز ببتسامه:ايوه انا يابيه فين بابا عاوز اشوفه
حازم:بابا جوه على السفره
فيروز جرت على جوه وهي بتنادي عليه وكمال اول ماسمع صوتها قام بسرعه وهي جرت عليه وحضنته بشوق
فيروز بحب:وحشتك مش كده يابابا
كمال كان حاسس انه ملك الدنيا وفيروز بنته في حضنه فضمها بقوه كأنه خايف يطلع بيتخيلها بس من شوقه ليها
كمال بدموع فرحه:فيروز ده انتي مش كده ياحبيبتي
فيروز:ايوه يابابا انا واجيت علشان انت وحشتني اوي
حازم كان بيبص عليهم بحب وهو فرحان اوي وحنان وشمس كمان فرحانين اوي
بعد كمال فيروز عنه:انت كويسه ياحبيبتي مش كده وازاي اجيتي هنا بعد ماخدك مني امبارح
فيروز ببتسامه:انا كويسه اوي يابابا متقلقيش واجيت هنا معاه هو جابني هنا علشان اشوفك
كمال بعدم فهم:قصدك على مين يابنتي
مراد من على الباب:قصدها عليا انا ياعمي
حازم وكمال بصو عليه بصدمه وغضب ومراد دخل ووقف جنب فيروز
فيروز:ايوه يابابا مراد هو الي جابني هنا علشان اشوفك وكمان قال اني هفضل اشوفك علطول
كمال بغضب:وانت قصدك ايه بالحركه دي يامراد عاوز تعمل ايه تاني بعد ماضحك علينا واجوزها باطريقه دي وعلفكره جوازك ده باطل لانه بدون علمي او علمها
مراد بهدووء:طيب ممكن تهدى ياعمي الاول علشان افهمك انا مش اقصد حاجه والله لاني بحبك فيروز اوي وعملت كده علشان متبعدش عني وبعدين صحيح انا اجوزتها بدون علمك او علمها بس حضرتك عرفت وهي كمان وفي القانون فيروز مراتي وكمان على سنه الله ورسوله لانه القسيمه الجواز رسمي مش سوري وانا من حبي ليها جبتها هنا تاني لاني مش عاوز ازعلها ابدا فلو تكرمت ياعمي انا عاوز اطلبها للجواز منك تاني برضاك وبرضها هي كمان قولت ايه
كمال بص عليه بتفكير وحازم قرب منه وهمس في ازنه بحاجه وبعدها بعد عنه
فقال كمال:وانا موافق على جوازك من بنتي وبرضايا كمان بس عندي شرط ولازم تنفذه
مراد بثقه:اطلب ياعمي وانا جاهر لاي شئ المهم فيروز تفضل معايا
كمال بخبث:تمام انا عاوز تعمل............
مراد بصدمه:نعم انت بتقول ايه!!!
يتبع..
وياتري عمو كمال هيطلب من مراد ايه🤔
ومراد هيوافق او لا 🤨 ده كله هنعرفه في البارت القادم
تعليقات
إرسال تعليق
فضلا اترك تعليق من هنا