روايةعريس نصف عمر البارت السادس 6بقلم حنان حسن
روايةعريس نصف عمر البارت السادس 6بقلم حنان حسن
لية امي وحازم نايمين في غرفة واحدة.. بقالهم
اسبوع؟
ولية نايميين كل الوقت ده؟
دا السؤال الي كان هيجنني
وكان لازم اعرف السبب
وللاسف اتصدمت لما عرفت السبب
....
الجزء السادس
عريس نصف عمر
للكاتبة..حنان حسن
بعدما اتاكدت
ان الكل نام..
فتحت باب غرفتي
بالمفتاح..
ومشيت علي اطراف صوابعي
لغاية... ما وصلت للغرفة
الي نايم فيها ماما...وحازم
وبالراحة ناديت علي ماما
لكن...
مصحيتش...
فا استنيت شوية
وناديت تاني...
وبرضوا ماما مصحيتش
فا اضطريت اهز جسمها عشان تصحي
وهنا كانت الصدمة...
اصلي لما لمست راس امي
اتفاجئت....
بملمس شيئ صلب
(ناشف)
فا استغربت
و نزعت بسرعة الغطاء...
من علي جسم ماما
عشان اكتشف ...
انه مفيش جسم لباقي الراس
بمعني ..
اني شوفت راس بدون جسم نايم علي المخدة
وباقي الجسم عبارة عن مخدة متغطية ببطانية
ورجعت تاني ابص للراس
لقيتها عبارة عن ....تمثال
من الشمع
بالظبط شبة وجة ماما ...
فا روحت بسرعة علي سرير حازم..
واكتشفت...
انه هو كمان تمثال
وبرضوا...
عبارة عن راس فقط
شبيهة بحازم ابني اختي
وفي اللحظة دي
شكيت انهم يكونوا قتلوا ماما وحازم
وحاطين التماثيل في السراير
عشان يوهموني بانهم نايمين
وفي الوقت ده
حسيت ان عقلي طار...
ووقفت افكر شوية
وبعدين
قلت لنفسي
انا لازم اعرف...
امي وحازم راحوا فين؟
ولو حصل... واتاكدت
ان اسلام ...واهلة
قتلوا امي وابن هند
مش هسيبهم غير لما ادفعهم الثمن
وبسرعة روحت ع المطبخ وجييت سكينة كبيرة
واخدتها... وروحت بيها علي غرفة اسلام
عشان اعرف منه
فين امي وحازم؟
لكن للاسف..
للكاتبة..حنان حسن
بعدما فتحت غرفة اسلام ملقتهوش في غرفتة
فا فضلت ادور عليه في البيت
كلة
لغاية... ما وصلت لغرفة بابها متوارب
وخارج منها نور
ولما قربت من الغرفة
سمعت صوت همسات...
جاية من ناحية الغرفة
فا قربت راسي من الباب
عشان اسمع مين الي بيتكلم؟
و غرفة مين دي؟
وفي اللحظة دي
سمعت صوت اسلام...
وهو بيقول بالحرف
يا جماعة... لازم تسمعوا كلامي...
وتنفذوا الي بقولكم عليه
لما سمعت الجملة دي
عرفت ان اسلام معاه اكتر من شخص في الغرفة ...
فا مديت ايدي علي الباب
الموارب
ودفعتة ببطء
عشان اقدر اسمع ....واشوف بوضوح
اسلام بيكلم مين ؟
وفي اللحظة دي
شوفت ام اسلام
وجنبها ابنها اسلام ....
وكام شخص تاني
مقدرتش اتحقق من شكلهم...
من الفتحة الصغيرة
الي في الباب
لكن حاولت
استمع للحوار الدائر مبينهم
عشان افهم هما عاملين الاجتماع ده ليه؟
المهم...
بعدما ما اسلام قالهم
جملة....
(لازم تسمعوا كلامي)
ردت ام اسلام
وقالت...
كلامك مش منطقي يا اسلام..
واحنا مش موافقين عليه
فا رد اسلام...
وقال...
طيب قولولي....
هقول ايه لمني ؟
لما تطلب مني الصبح
انها تشوف امها ...وابن اختها تاني؟
رد صوت جديد
وده تقريبا كان صوت اختة
وقالت...
انت كان ممكن تختصر كل الهري ده ...
وتخلصنا من مني كمان
لو كنت تممت دخلتك عليها
لكن للاسف...
انت فشلت في مهمة تافهة
وممكن تتسببلنا في مشكلة جديدة
للكاتبة ..حنان حسن
رد اسلام...
وقال...
منتوا لو وافقتوا علي اقتراحي
مش هيحصل اي مشاكل
فا ردت اخت اسلام بحسم
وقالت..
اقتراحك مرفوض
فا ردت ام اسلام
عشان تحسم الجدال ...
بين اسلام.... وشقيقتة
وسالت...شخص جديد موجود معاهم في الغرفة
وقالت...
ايه رايك انت ياسيدنا؟
وفضلت انتظر
عشان اسمع صوت الشخص الخفي (سيدنا)
الي بيوجهولة الاسالة...
لكن ...
مسمعتش اي صوت
وشوية لقيت ام اسلام
بتسال
وبتقول...
سيدنا قال ايه يا ام فنجان؟
فا ردت ام فنجان
وقالت...
سيدنا مازال علي راية
وبيقولكم
(النجاة في الارض
وال١٣ لا زم قبل ال٤٠)
وفضلت ام فنجان تكرر
النجاة في الارض وال١٣ لازم قبل ال٤٠
وفي اللحظة دي
اتعصب عليهم اسلام
وقال...
واضح انكم واخدين المسالة بفرض الراي....
و بالعناد
وانا محدش يعند معايا
وانهي اسلام الحوار
وقال...
عن اذنكم انا ماشي
وطبعا انا اول ما سمعت اسلام
وهو بيقولهم... انه ماشي
طلعت اجري علي غرفتي
عشان محدش يفهم اني سمعت حاجة
وبعدما قدرت ارجع لغرفتي
بدون ما حد يشوفني ..
قفلت علي نفسي تاني
وفضلت افكر
في كل الكلام الي انا سمعتة
واكتر جملة كانت بترن في وداني
هي جملة اخت اسلام
لما قالت...لاسلام
(انت كان ممكن تخلصنا من مني كمان؟)
وده معناه
انهم اتخلصوا من عيلتي كلها...
وانا الوحيدة الي لسة فاضلة
واشتعلت في قلبي النار
حزنا وقهرا علي امي واختي وابن اختي
وفضلت افكر بيني وبين نفسي
واقول
ازاي اقدر انتقم
من عيلة اسلام كلها؟
وفضلت طول الليل
مش جايلي نوم ...و بعيط بحرقة
علي اهلي
الي اسلام واهلة غدروا بيهم
كلهم ..
لغاية ما اهتديت لفكرة شيطانية
..وهي...
للكاتبة...حنان حسن
اني اق&تل عيلة اسلام
وكانت افضل فكرة
عشان يموتوا كلهم موت جماعي
هي ...اني اسمم العيلة
لكن ....هجيب منين السم؟
وازاي؟
وفضلت افكر
لغاية ما بقينا الصبح...
وقطع عليا تفكيري صوت الباب وهو بيخبط
فا قلت...مين؟
فا سمعت صوت اسلام
وهو بيقولي..
انا يا حبيبتي افتحي
....انا جايبلك الفطار
فا قمت مسحت دموعي.... وفتحت
وبعدما اسلام وضع الاكل علي التربيزة
بصلي وهو بيصبح عليا
وقالي صباح الفل
علي اجمل عروسة
وعشان صوتي كان مخنوق بالعياط مردتش علي اسلام
فا بص اسلام ناحيتي
و لاحظ اني كنت بعيط
فسالني...
وقال...مالك حبيبي؟
فا بصيت لاسلام
وكنت هقولة
مفيش حاجة....انا كويسة
لكن....
بعدما فكرت شوية
فكرت بيني وبين نفسي
وقلت استغل الفرصة
عشان اخلي اسلام يخرجني واشتري السم
فا بصيت لاسلام وانا ماسكة بطني
وقلت..
عندي شوية مغص بس جامد جدا
لدرجة اني معرفتش انام منه
طول الليل
فا رد اسلام بلهفة...وقلق
وقالي..
الف سلامة عليكي حبيبتي
لحظة واحدة اتصل بالدكتور
فا استوقفت اسلام بسرعة
وقلت...لا لا لا
مفيش داعي للدكتور
ممكن المغص يكون نفسي
لاني عندي القولون العصبي
وبيحصلي الم في بطني
بمجرد ما اعصابي تكون مضغوطة.... او اكون متدايقة
رد اسلام
وقالي..
طيب وده علاجة ايه يا قلبي؟
قلت...ممكن تاخدني معاك وتخرجني شوية
لغاية اي عطار ؟
وانا هجيب شوية اعشاب
رد اسلام
وسالني
وقالي...
والاعشاب هتعمل ايه في المغص الجامد ده؟
للكاتبة ..حنان حسن
فا رديت عليه
وقلت..
انا اتعودت اني استعملها ديما لما بيجيني المغص
رد اسلام
وقالي...
طبعا حبيبتي تعالي
وانا اخرجك
يلا بسرعة البسي
وانا هستناكي تحت
هزيت راسي
وقلت...حاضر
وبالفعل ..
لبست وخرجت مع اسلام
وبعدما وصلنا بالعربية ادام محل العطارة
فضل اسلام ييحث عن ركنة للعربية لكن ملقاش
فا قلتلة..
انا هسبقك وهدخل لمحل العطارة
علي ما انت تركن العربية
بصلي اسلام بمكر
وسالني
وقالي..
اوعي تكوني بتفكري تهربي
ابتسمت بسخرية
وقلت...
تفتكر ممكن اهرب واسيب امي وحازم ابن اختي؟
رد اسلام بحزن وكسرة
وقالي..
كان نفسي تذكري اسمي
من ضمن اسماء الناس الي متقدريش تسيبيهم
هزيت راسي وانا بنزل من العربية
وغيرت الموضوع
وقلت...
علي ما تلاقي ركنة هكون انا جيبت الاعشاب
رد اسلام
وقالي..ماشي
وبسرعة دخلت علي محل العطارة
واشتريت سم فئران قوي وسريع المفعول
وكام نوع اعشاب تاني للمغص
وخرجت قبل ما اسلام يجي
المهم روحنا علي البيت...
ولاحظت ان الكل كان في انتظارنا
بوجوه وابتسامات مزيفة
واول ما ام اسلام شافتني
لقيتها بتعاملني
بمنتهي الرقة
وبتشاورلي علي الشاي الي في ايديها
وبتقولي...
تعالي يا عروسة يا حلوه
عشان تشربي الشاي معايا
علي ما الغداء يجهز
فا ابتسمت لها..
وقلت...انا فعلا عايزة اقعد معاكي
بس للاسف
عندي مغص جامد
لحظة واحدة هروح اعمل شوية اعشاب
واجي اقعد معاكي
وبالفعل..مصدقت اني لقيت حجة لدخول المطبخ
وبعدما دخلت المطبخ
اتاكدت اني لوحدي
في المطبخ
فتحت كل الحلل الي فيها الاكل
بتاع الغداء
وحطيت السم في الاكل
الي هياكلوا منه العيلة كلها
وبعدها ...
عملت الاعشاب
وحطيتها في كوباية
و اخدتها
وخرجت...
عشان اقعد مع ام اسلام
وفضلت
اتكلم ....وابتسم... واتجاوب مع الجميع
وبعد شوية
لقيت ام فنجان جاية
بتقول
اتفضلوا..الغداء جاهز ع السفرة
فا بصتلي ام اسلام
وقالتلي..
يلا يا مني
عشان تاكلي معايا
فا شاورت علي كوب الاعشاب الي كان مازال ادامي
وقلت...
لا للاسف مش هقدر اكل
دلوقتي
عشان المغص
انا شربت الاعشاب...
وشوية كده وهبقي اكل
فا هزيت ام اسلام راسها
وقالتلي..
خلاص براحتك
وحمدت ربنا انها تركتني براحتي
للكاتبة..حنان حسن
وكنت فاكرة اني نجحت وخلاص
هخلص منهم كلهم
لكن...في لحظة
لقيت اسلام واقف ادامي
وبيطلب مني اني اكل معاهم
طبعا انا ااعتذرت
تاني
وقلت مش هينفع اكل
عشان بطني وجعاني
فا قرب اسلام مني
وقالي..
طيب ولو قلتلك تعالي اقعدي جنبنا علي السفرة
واحنا بناكل
عايز احس انك بداتي تتكيفي مع العيلة يا قلبي؟
هتكسفيني؟
ابتسمت ورديت باسف
وقلت...معلش يا اسلام
بجد تعبانة
ومش هقدر اكل
فا بصلي اسلام بشفقة
وقالي..
لا يا مني
انتي مش تعبانة
وبطنك مش بتوجعك
وانا عارف سبب سدة نفسك
وعارف ايه هو علاجك؟
وبعدها
..
سابني اسلام ...ومشي...
واختفي من المكان نهائي
في اللحظة دي
مركزتش مع اسلام
وفضلت اتابع الجميع علي تربيزة السفرة
وشوفت الكل وهو بياخد مكانه علي السفرة
و بيستعدوا لالتهام الاكل الشهي الي علي التربيزة
وفضلت مركزة معاهم
عشان اشوف
مين اول واحد فيهم
هياكل ...من الاكل المسموم
وانا بدعي
انهم ياكلوا كلهم
في وقت واحد
واخلص منهم جميعا
لكن ...
قبل ما يمد الجميع ايديهم في الاكل...
حصلت حاجة غير متوقعة
والحاجة دي هي...
اني سمعت صوت اسلام بينادي عليا
من عند الباب
وبيقولي...
مفاجئة يا مني...
شوفي مين جاي يتغدي معانا؟
فا بصيت بسرعة
باتجاه اسلام عشان اشوف مين جاي معاه
ولقيتة فعلا...
جايب معاه مفاجئة
غير متوقعة
مفاجئة
خلتني اندم
علي فكرة السم
وحولت الفكرة لورطة حقيقية
عارفين اسلام كان جاي وجايب مين معاه........؟
تكملة الرواية هنااااااااا
اكتب في بحث جوحل( مدونة قصر الروايات) تظهر القصص كامله
تابعونا علي قناة التليحرام من هنااااااااااا
ليصلكم اشعار بالنشر
الرواية كامله من البداية من هناااااااااااا
تعليقات
إرسال تعليق
فضلا اترك تعليق من هنا