رواية متمرده عشقت كبريائي كامله البارت 7-8-9-10-11-12 بقلم دودد محمد

رواية متمرده عشقت كبريائي كامله البارت 7-8-9-10-11-12 بقلم دودد محمد

❤متمرده عشقت كبرياءه❤

فى شقة اسر وصل الدكتور ودخل كشف على مها وخرج 

فايزه :- مالها يا دكتور 

الدكتور :- متخفيش يا حاجه هى كويسه هى اتعرضت لصدمه خلت الضغط وطى عليها وهو ده اللى عمل ليها الاغماء وانا ركبت ليها محلول ومجرد ما يعمل مفعول هتفوق وهتبقى كويسه ومد ايده بالروشته وقال العلاج ده تمشى عليه الاسبوع ده 

اسر :- شكرآ يا دكتور ووصله لحد الباب

وحاسب الدكتور ومشى 

مى :- منك لله يا محمد انت وامك 

علشان هما السبب فى اللى حصل ليها ده 

فايزه :- قدر الله وماشاء فعل 

مليكه :- طب اروح لمحمد اكلمه واصلح ما بينهم 

فايزه :- اوعى اللى ميقدرش ظروفنا وميقفش جنبنا يبقى مايستهلش يبقى فى وسطنا هى هتتوجع شويه بس هترتاح بعدين 

اسر :- انا اسف على التدخل بس ايه سبب المشكله اصلا 

مى :- واحد واطى علشان اللى حصل معانا استعر مننا وسابها ومرضاش يقف جنبها 

مليكه :- انا اخر حاجه كنت اتوقعها ان محمد يعمل كده ويتخلى عن حب عمره لمجرد ظروف بتمر بيها 

اسر :- يبقى ميستهلهاش والحمدالله ان هى جت على كده 

فايزه :- اهم حاجه كلنا نقف جمبها لحد ما تقدر تعدى المرحله دى 

اسر :- عن اذنك يا مرات عمى هروح اشترى ليها العلاج ده 

فايزه :- طب استنى يا حبيبى اجيب ليك الفلوس 

اسر :- عيب يا مرات عمى فلوس ايه اللى تجبيها مش مها بنت عمى يعنى ملزومه منى 

فايزه :- معلش يا ابنى تعبينك معانا

اسر :- مفيش تعب ولا حاجه يا مرات عمى المهم دلوقتى مها تقوم وتكون كويسه ومش مهم اى حاجه فى الدنيا دى 

ونزل اسر يشترى العلاج من الصيدليه 

……………………………………………………

فى شقة فهد 

كان قاعد على السرير وبيشرب السيجار الكوبى بتاعه

سحر :- ايه يا باشا حضرتك ناسى وجودى ولا ايه من ساعة ما جيت وحضرتك ساكت ومش بتتكلم خالص 

فهد :- ششششش مش عايز اسمع نفس 

سحر :- قعدت جمب فهد على السرير وقربت منه اوى وقالت ايه يا باشا سحورتك مش وحشاك ولا ايه 

فهد :- غمض عنيه وحاول يتعمق معاها فى العلاقه وقرب هو اكتر منها وبص على شفايفها ولسه هيبوسها جت صورة مليكه قدامه وبعد عنها 

سحر :- خير يا باشا 

فهد :- غمض عنيه وقال سحر قومى خدى الفلوس اللى عايزها وامشى دلوقتى 

سحر :- مالك يا باشا بقالك فتره متغير مش زى الاول معايه هو انا زعلت حضرتك فى حاجه 

فهد :- قومى يا سحر امشى دلوقتى 

سحر :- حاولت تعمل اغراء لفهد فتحت اول الزارير بتاعت البلوزه وقربت منه وقالت جرب يا باشا وانا هنسيك كل حاجه 

فهد :- حاول تانى يقرب منها بس برضه ظهرت ليه صورة مليكه قال سحرررررررر قومى امشى حالا 

سحر :- خافت منه وقامت اخدت الفلوس ومشيت علطول 

فهد :- انتى ايه حكايتك معايه علطول صورتك تيجى قدام عينه انا بكرهك ومش هسكت غير لما اكسرك زى ما مديتى ايدك عليا قدام الكل 

وطفه السيجاره بتعته وهو بيتوعد بالشر لمليكه 

……………………………………………………

فى شقة اسر 

اسر :- جاب العلاج وجه ورن الجرس وفتحت ليه مى وقال ايه مها لسه مافقتش 

مى :- لا فاقت جوه وماما ومليكه جوه عندها 

اسر :- طب ادخلى اقولهم ان انا عايز ادخل عندها 

مى :- طب ثوانى ودخلت مى الاوضه قالت ليهم وخرجت وقالت تعال يا اسر ماما بتقولك ادخل 

اسر :- خبط على الباب ودخل وكان باصص فى الارض 

فايزه :- تعال يا ابنى 

اسر :- بص لمها وقال عامله ايه دلوقتى 

مها :- بدموع كويسه 

اسر :- سبق وقولتلك ان مفيش حاجه تسوى دمعه من عيونك واكيد يعنى ربنا اراد ليكى الاحسن منه 

مها :- بدموع مفيش احسن منه يا اسر ده هو كل حياتى انا من غيره اضيع ده هو النفس اللى بتنفسه هو معنى الحياه بالنسبه ليا 

اسر :- غلطانه يا مها اللى يبيع حب عمره علشان شوية ظروف ميستهلش الحب ده كله علشان لو هو كان بيحبك بجد كان وقف جمبك فى المره قبل الحلوه وانا لو منك مفكرش فيه ولو ثانيه واحده 

مها :- عمرك ما هتحس باللى انا فيه لو كنت جربت الحب مكنش هيبقى ده كلامك 

اسر :- بأنكسار لا يا مها جربته ولحد دلوقتى بتكوى بناره بس عمرى ما فكرت اقف فى طريق سعادة اللى بحبها وبتمنى تملى اشوفها مبسوطه حتى لو هى مع غيرى تقدرى تقولى انا اصعب منك بكتير على الاقل انتى عرفتى ان هو واطى ومينفعش يتبكى عليه لكن انا بحبها وهى عمرها ما فكرت فيا كنت بشوفها مع غيرى ورغم الوجع اللى كان فى قلبى بس والله كنت ببقى مبسوط لما بشوفها مبسوطه ومش قادر اشلها من قلبى وتفكيرى وكل يوم قبل ما انام اتمنى ليها السعاده حتى لو مع غيرى فأحمدى ربنا لان مهما تقولى اللى انا فيه ده صعب بس بجد فى اصعب منك بكتير وخليكى عارفه ان الحب تضحيه تضحيت شخص بيحب التانى ومستعد يعطيه عمره فى سبيل يشوفه مبسوط سعيد حتى لو على حساب تعسته هو الحب حاجه حلوه اوى ونضيفه بس للناس اللى بتقدره لكن اكتر الناس بيستعملو الكلمه لقذارتهم ولوصول لهدف معين عمومآ ربنا يريح قلبك يابنت عمى وبص لمراته عمه وقال عن اذنك يا مرات عمى يدوب اروح الفيلا وانام الوقت اتأخر

فايزه :- خليك يا ابنى اعملك لقمه تكلها 

اسر :- ربنا يخليكى يا مرات عمى انا مليش نفس وبص لمها وقال حاولى بلاش دموعك دى علشان بتجرح ناس كتير ومشى وسابهم 

مى :- هو ايه معنى كلامه ان هى بتجرح ناس كتير 

مليكه :- قصده علينا يعنى 

مى :- بعدم اقتناع ممكن 

فايزه :- هقوم اعملك لقمه تاكليها

مها :- لالالا يا ماما والنبى مليش نفس بس محتاجه انام اوى احسن تعبانه 

مليكه :- يا مها حاولى تطلعى البنأدم ده من دماغك ومتفكريش فيه وزى ما هو باعك بيعيه 

مها :- بدموع حاضر ونامت على المخده وغمضت عنيها وعملت نفسها نايمه 

فايزه :- يلا يا بنات سيبوها ترتاح شويه 

وخرجو كلهم من الاوضه وقفلو الباب وراهم 

مها :- قامت قعدت وضمت رجليها لصدرها وحطت راسها ما بنهم وقعدت تعيط وتقول يارب انا مش هقدر اعيش من غيره حاسه ان روحى بتتسحب منى وهو بعيد عنى يارب لو مش هعيش معاه يبقى خدنى عندك اريح من العيشه فى الدنيا من غيره انا عارفه ان هو باعنى بسهوله بس انا مش قادره ابيعه وبحبه يارب نار فى قلبى قيده هونها عليا يارب وقعدت تعيط 

……………………………………………………

اشرقت شمس صباح يوم جديد فى سماء عروس البحر ليبدء يوم جديد مليئ بالمفاجأت صحيت مليكه على صوت المنبه طفت المنبه وقامت من على سريرها بكل هما ونشاط دخلت حمامها واتوضت وخرجت ادت فرضها ولبست هدومها وخرجت من الاوضه

مليكه :- صباح الخير 

فايزه :- صباح النور 

مليكه :- ايه مصحيكى بدرى كده 

فايزه :- كنت بطمن على اختك مها 

مليكه :- عامله ايه دلوقتى 

فايزه :- نايمه ودموعها على خدها يا قلب امها 

مليكه :- ربنا يريح قلبها يارب المشكله انها بتحبه اوى 

فايزه :- بدعلها فى صلاة الفجر ان ربنا يريح قلبها ويبعت ليها ابن الحلال اللى يعوضها عنه 

مليكه :- اللهم امين يارب العالمين 

فايزه :- خلى بالك على نفسك 

مليكه :- وهى ماشيه عند الباب قالت حاضر يا ماما دعواتك بقى وفتحت الباب وخرجت 

فايزه :- ربنا يوفقك من عنده يا مليكه يابنت فايزه ويبعت ليكى ابن الحلال اللى هيسعدك يارب ودخلت اوضتها مسكت المصحف وقعدت تقراه فيه 

……………………………………………………

فى شقة فهد 

صحى فهد من نومه بص على الساعه وقام دخل الحمام اخد شاور وخرج لبس هدومه وسرح شعره وخرج من الشقه نزل ركب عربيته وراح على الشركه دخل بهبته المعتاده ركب الاسانسير وطلع راح على مكتبه وطلب من السكرتيره تبعت ليه باسم 

وبعد شويه دخل باسم المكتب لفهد 

باسم :- صباح الخير 

فهد :- صباح النور عملت ايه فى المقابله امبارح 

باسم :- تمام اخترت واحده السى فى بتعها حلو جدآ والتقدير بتعها الاولى على الدفعه بتعتها 

فهد :- تمام وهتنزل تستلم الشغل النهارده 

باسم :- ايوه هى زمانها على وصول اول ما تيجى هخليها تدخل ليك 

فهد :- لالالا مش خلاص انت قابلتها وبتقول انها ممتازه يبقى خليها تمضى العقد وتستلم الشغل 

باسم :- اللى تشوفه 

فهد :- المفروض هنمضى العقد مع الشركه السويسريه امته 

باسم :- الاسبوع الجاى هينزلو مصر هنخدهم سياحه فى الغردقه يومين وهنمضى العقد هناك 

فهد :- تمام جهز نفسك بقى علشان هتبقى معايه واه مدير الحسابات علشان يكون موجود ساعة الاتفاق على الشيك بتاع الصفقه 

باسم :- مش عارف هترضى ولا لا 

فهد :- هو ايه اللى هترضى ولا لا مش شغل ده ولا احنا بندلع 

باسم :- حاضر يا فهد هشوف وارد عليك 

فهد :- ماشى ياباسم روح مكتبك وفى السكه بلغهم يبعتو القهوه بتعتى

باسم :- حاضر وخرج باسم من المكتب 

فهد :- رجع راسه لواره وغمض عنيه وشويه والتليفون رن بيبص لاقه رقم دولى فتح السكه وقال اذيك يا فارس اخيرآ افتكرت ان ليك اخ 

فارس :- فهود واحشنى والله العظيم بس انت عارف الشغل واخد كل وقتى 

فهد :- لا ولا يهمك المهم ابنك عامل ايه 

فارس :- كويس الحمدالله 

فهد :- انا لحد دلوقتى معرفش اسمه ايه 

فارس :- اسمه عدى خد كلمه اهو 

عدى :- الو 

فهد :- اذيك يا عدى عارفنى 

عدى :- ايوه يا عمو فهد بابا علطول يورينى صورتك ويكلمنى عنك 

فهد :- وانت بقى طالع شبه مين 

عدى :- شبهك يا عمو ماما علطول تقولى انت شبه عمك فهد 

فهد :- وهى ماما تعرفنى 

عدى :- لا من الصوره الموجوده عندنا 

فهد :- قول لبابا ينزلك عند عمو فهد وجدو فريد 

فارس :- اخد التليفون منه وقال مش محتاج توصيه ده علطول مصدعنى ويقولى ان هو عايز ينزل عندك 

فهد :- طب ما تخلى عندك دم وانزل بص على ابوك وامك دول هيتجننو عليك 

فارس :- هحاول اوفر وقت واعمل اجازه وانزل انا ومراتى وابنى 

فهد :- كل مره تقول كده وبتقعد بالسنين متنزلش 

فارس :- لا والله بجد كلكم واحشينى وعايز اشوفكم 

فهد :- تيجى بالسلامه يارب 

فارس :- الله يسلمك يا حبيبى هسيبك انا بقى وهروح اشوف شغلى 

فهد :- ماشى يا فارس مع السلامه 

وقفل مع فارس وفى الوقت ده دخلت القهوه ليه اقعد يشربها وبدء يشتغل 

……………………………………………………

عند مليكه 

حاسبت التاكسى ومشيه ودخلت هى الشركه وركبت الاسانسير وطلعت عند مكتب السكرتيره 

مليكه :- صباح الخير 

سهر :- صباح النور 

مليكه :- استاذ باسم وصل 

سهر :- اه فى مكتبه 

مليكه :- طب بلغيه ان مليكه وصلت 

سهر :- ايوه فعلا هو سايب خبر ان اول ما توصلى ادخلك ليه علطول 

مليكه :- يعنى ادخل ليه 

سهر :- ايوه هو فى انتظارك 

مليكه :- خبطت على الباب واذن باسم ليها بالدخول 

باسم :- تعالى يا انسه مليكه 

مليكه :- صباح الخير يا فندم 

باسم :- صباح النور اقعدى 

مليكه :- اقعدت وقالت شكرآ لحضرتك 

باسم :- بصى انا هتصل على المحامى ويجيب العقد وتمضيه وتستلمى الشغل علطول 

مليكه :- شكرآ يا فندم 

باسم :- مسك التليفون وطلب المحامى بتاع الشركه ان هو يجى ويجيب معاه العقود وقفل السكه وطلب السكرتيره وبص لمليكه وقال تشربى ايه 

مليكه :- شكرآ يا فندم مش عايزه والله 

باسم :- للسكرتيره فى التليفون هاتى واحد قهوه وواحد ليمون 

وقفل التليفون وشويه وجه المحامى 

باسم :- خدى يا مليكه اقرى العقد كويس واقرى بنود العقد ولازم هيكون فى شرط جزائى على الطرفين 

مليكه :- اخدت العقد من ايد باسم وقراته وبصت لباسم وقالت كله تمام يا فندم بس مش شايف ان الشرط الجزائى كبير شويه 

باسم :- ما هو زى ما عليكى علينا احنا كمان ومدام انتى ملتزمه فى شغلك الكلام ده كله ملهوش لازمه 

مليكه :- وفى حاجه تانيه كمان 

باسم :- قولى يا مليكه ايه هى 

مليكه :- البند اللى بيقول ان ممكن اى حد من المسؤالين فى الشركه نقلى لاى مكان مدام فى سياق العمل بالشركه وعلى المدير تطبيق غرامه بملغ 10الف جنيه على الممتنع عن العمل 

باسم :- ده بيحصل فى ظروف قليله اوى لما يكون فى مكان فى الشركه ومش لاقين موظف ليه فااحنا بناخد اى موظف من الشركه يسد الخانه الفاضيه لحد ما نلاقى موظف للوظيفه دى واحنا عندنا العقود واحده يعنى كل الموظفين ماضين على نفس البنود دى 

مليكه :- تمام اوك ومسكت القلم ومضت فى المكان المحدد والمحامى اخد العقود ومشى 

باسم :- ثوانى هخلى سهر تيجى تعرفك مكتبك ومسك التليفون واتصل على سهر وقالها تيجى تاخد مليكه لمكتبها 

……………………………………………………

فى شقة اسر 

صحيت مها من نومها واول ما فتحت عنيها مسكت التليفون وبصت فيه على امل تلاقى محمد متصل بيها بس دموعها نزلت منها لما ملاقتش اى اتصال 

مها :- بدموع عاااااااااااااا يارب قلبى وجعنى اوى يارب مش قادره اتحمل كل ده وحطت ايديها على وشها واقعدت تعيط 

فايزه :- اول ما سمعت صوت مها دخلت تجرى على الاوضه وقالت اهدى يا حبيبتى مش كده خليكى قويه وقعدت على السرير واخدتها فى حضنها 

مها :- بدموع مش قادره يا ماما استحمل بعده عنى اقسم بالله بموت وبتقطع من جوه مستعده اعمل اى حاجه بس يرجعلى مش قادره ابعد عنه بحبه يا ماما بحبه 

فايزه :- طبطبت على ضهرها وقالت يا حبيبتى احمدى ربنا ان هو ظهر على حقيقته دلوقتى احسن ما كنتو اتجوزتو وجبتى منه عيل وبعد كده كان رماكى انتى وابنك فى الشارع 

مها :- مش قادره اتقبل فكرت ان هو خلاص مبقاش ليا وهيبقى فى يوم من نصيب واحده غيرى طب هو مدام مش بيحبينى ليه كان بيعلقنى بيه ليه كان تملى يبان قدامى ان هو مستعد يبيع الدنيا دى كلها علشانى معقوله يكون كل ده تمثيل مستحيل يا ماما 

فايزه :- بصى يا حبيبتى الموضوع كله بيرجع للقسمه والنصيب حتى لو هو بيحبك وانتى بتحبيه ومفيش نصيب لبعض مهما تعملو عمركم ما هتكونو لبعض علشان ربنا بيبقى شايل عنده الخير كله ويخليكى تحبى محمد وتتعلقى بى وبعد كده يبعده عنك علشان يديكى بنأدم بيحبك بجد ويستاهلك ويبقى هو جوزك وابو اولادك ان شاءالله وبعد كده تقعدى تفتكرى الايام دى وتقولى ايه الهبل اللى كنت بعمله ده الحمدالله ان مبقتش من نصيبه والحمدالله ان ربنا عوضنى بأحسن منه وخليكى فكره دايمآ الايه دى بسم الله الرحمن الرحيم (عسى ان تكرهوا شيئآ وهو خيرآ لكم وعسى ان تحبوا شيئآ وهو شرآ لكم ) صدق الله العظيم 

يعنى مش كل حاجه بنكرها بتبقى وحشه ممكن يكون فيها خير كبير من عند ربنا ومش كل شئ نحبه يبقى خير لينا ممكن يكون شر وفيه ابتلاء من ربنا فخليكى تملى مؤمنه بربنا ومتأكده ان هو عنده الخير كله ومش تتسرعى بالحكم علطول ان حياتك انتهت مش كل نهايه معانها نهاية الحياه اوقات كتير بيبقى فى نهايات بتبقى بدايه لشئ احسن وافضل قومى وصلى ركعتين لله واحمدى واشكرى فضله واقفلى صفحة محمد نهائى وابدأى بصفحه بيضه من اول السطر وركزى على مستقبلك وخليكى تملى الاولى فى كل حاجه 

مها :- مسحت دموعها وقالت ربنا يخليكى لينا يا ماما احنا من غيرك ولا حاجه 

فايزه :- بستها من راسها وقالت انا عايزاكى قويه ومفيش حاجه تأثر فيكى 

مهما كانت 

مها :- حاضر يا ماما 

فايزه :- يلا قومى كده خدى شاور واتوضى وصلى فرضك وركعتين شكر لله وقامت وسابتها وخرجت من الاوضه 

مها :- قامت دخلت الحمام وعملت زى ما امها قالت وادت فرضها وصلت ركعتين شكر لله وخرجت من اوضتها 

…………………………………………………… 

فى شركة فريد المنشاوى 

فى مكتب فهد 

كان قاعد فهد على مكتبه مشغول دخل عليه باسم 

فهد :- خير يا باسم 

باسم :- فهد هو ينفع نروح الغردقه من غير موظف الحسابات 

فهد :- هو فى ايه بالظبط 

باسم :- اصلها بنت وصعب يعنى تروح الغردقه مع اتنين شباب لوحديها 

فهد :- هو ايه النظام لاحقت تعجب بيها من اول يوم ولا ايه 

باسم :- فهد انت عارف ان انا مليش فى السكه دى بس كل الحكايه مش حابب ان بنت تطلع معانا الغردقه 

فهد :- خلاص يا باسم بلاش منها 

باسم :- بجد 

فهد :- لا بهزار ما انت عارف ما بهزرش فى الشغل 

باسم :- ولا بره الشغل وحياتك 

فهد :- بجد ما بلاش انت عارف ممكن اعمل ايه  

باسم :- وعلى ايه انا هروح مكتبى 

فهد :- يكون احسن برضه وانا خلصت شغل وهروح

باسم :- ماشى سلام وخرج من مكتب فهد

……………………………………………………

فى مكتب مليكه 

بصت فى الساعه لاقت ان معاد انصرافها جه قفلت ملفاتها واكدت على الخزنه وقفلت الباب بتاع مكتبها بالمفتاح وراحت عن الاسانسير وركبت ولسه هيقفل لاقته بيفتح تانى ولاقت ناس كتير ركبت رجعت وراه خالص علشان متحتكش بحد من الموجودين بس فجأه شمت برفان فهد وقالت لنفسها 

ملكيه :- ده مين اللى حاطط نفس برفان المستفز ده بجد حاجه تخنق 

ونزل الاسانسير والكل خرج واستنت هى لحد ما الكل يخرج من الاسانسير وبعد كده خرجت هى وخرجت من باب الشركه ومشيت مشوار طويل علشان مكنش فى مواصلات ولسه هتعدى الشارع عربيه فرملت عليها 

مليكه :- من الخوف غمضت عنيها وكانت ضهرها للعربيه

فهد :- نزل من عربيته وهو متعصب وقال انتى يا غبيه مش تفتحى عينك وانتى بتعدى الشارع 

مليكه :- اتصدمت من الصوت بس كدبت نفسها 

فهد :- شغل النصابين ده ميخلش عليا تلاقيكى عملت كده علشان تخدى منى قرشين 

مليكه :- اتأكدت من صوت فهد ومشيت من غير ما تبص ليه 

فهد :- اتغاظ منها لما مردتش عليه وسابته ومشيت مشى وراها ومسكها من درعها وقال لما بكون بكلمك متسبنيش وتمش وسكت فاجئه وقال انتى

مليكه :- شدت درعها وقالت لوسمحت ملكش دعوه بيا 

فهد :- ليه ده انتى خطيبتى ازاى مليش دعوه بيكى 

مليكه :- ده بعيد عن شنبك انك تلمس شعره منى واتسمى ليك زوجه 

فهد :- بضحكت سخريه متقوليش حاجه انتى مش قدها 

مليكه :- لا انا قدها وعارفه بقول ايه 

فهد :- انا نفسى تكونى كده لما اجى اخد منك اللى عاوزه 

مليكه :- خليك احلم كده كتير ومشت وسابته 

فهد :- راح عندها وشالها وحطها فى العربيه عنده 

مليكه :- قعدت تخبط على العربيه وتقول نزلنى من هنا بدل ما اعمل ليك محضر انك خطفتنى 

فهد :- محدش يقدر يعملى حاجه ولا حتى الحكومه

مليكه :- قعدت تخبط وتقول يا ناس حد يلحقنى والله العظيم خطفنى الحقونى 

فهد :- حس ان ممكن تسبب ليه مشاكل كان معاه مخدر فى العربيه بيخليه كنوع تامين للنفس طلعه ورشه على مناخير مليكه 

مليكه :- ا.ا.ال.ح.ق.ونى ونامت من اثر المخدر 

وبعد وقت فاقت مليكه ولاقت نفسها نايمه على سرير فى اوضت نوم ومتغطيه بملايه بتبص لاقت نفسها بهدومها الداخليه 

مليكه :- يا نهار اسود ومنيل ه.ه.هو عمل فيا ايه وشويه وخرج فهد من الحمام وهو حاطط البشكير على نصه اللى تحت وصدره عريان 

فهد :- مبروك يا عروسه 

مليكه :- يا نهارك اسود انت عملت ايه 

فهد :- هههههههه عملت كتير بس انتى مكنتيش حاسه 

مليكه :- ليه كده حرام عليك معندكش اخوات بنات تخاف عليهم يتعمل فيهم كده 

فهد :- ههههه مابلاش الكلمتين بتوع الافلام المصرى دول وبعدين معنديش اخوات بنات 

مليكه :- بس عندك صحه وعافيه قادر ربنا ينتقم منك فيهم 

فهد :- ههههه حلو جو امينه رزق ده 

مليكه :- ربنا ينتقم منك ياشيخ 

ممكن تخرج علشان البس هدومى 

فهد :- عادى البسى قدامى ما كان كله على الطبيعه دلوقتى 

مليكه :- حطت ايديها على ودنها وقالت بس بقى كفايه اطلع بره اطلع بره ودموعها نزلت منها 

فهد :- ياااااا كل ما بشوفك وانتى كده برتاح ولسه هكسرك كمان وكمان متتسرعيش وتعيطى خلى الدموع دى بعدين لسه اللى جاى اصعب 

مليكه :- ليه كل ده ليه 

فهد :- علشان انتى اتجرأتى وعملتى اللى محدش يقدر يعمله على الارض نهائى علشان انتو جنس نمرود علشان انتو اخركو تكونو خدامين عندنا علشان انتو حرام وجودكم فى الارض ولو ملزومين نتقبل وجودكم يبقى علشان مزجنا وبس مش اكتر من كده 

مليكه :- انت واحد معقد مريض نفسيآ اقسم بالله وجودك مع البشر فى خطر عليهم منك لله حسبى الله ونعمه الوكيل فيك يا شيخ 

فهد :- بصلها من فوق لتحت وقال ليها قومى البسى هدومك وحدف فلوس فى وشها وقال ده حق الوقت اللى قضيته معاكى ولو انى متبسطش ولا حاجه 

مليكه :- غمضت عنيها وصعبت عليها نفسها من اهنته ليها وقالت لو سمحت اطلع بره 

فهد :- خرج وقفل الباب وراه 

مليكه :- قامت من على السرير ودموعها على خدها لبست هدومها وخرجت من الاوضه وفتحت باب الشقه ونزلت من العماره وقفت تاكسى وراحت على البيت 

………………………………………………

#يتبــــــــــع…… 

❤متمرده عشقت كبرياءه❤

👇البارت الــ8👇

فى شقة اسر 

وصلت مليكه وحاولت تتماسك قدام امها واخواتها 

فايزه :- ايه يا مليكه قلقتينى عليكى اتأخرتى اوى وبرن عليكى التليفون بيدينى مغلق 

مليكه :- انا اسفه يا ماما اتأخرت فى الشغل والتليفون فصل شحن معرفتش اكلمك 

فايزه :- مالك يا مليكه انتى كويسه 

مليكه :- ا.ا.اه م.م.مالى يعنى 

فايزه :- لون وشك مخطوف واصفر وحاسه ان فيكى حاجه 

مليكه :- ل.ل.لا د.د.ده بس ارهاق من الشغل علشان اول يوم ليا فى 

فايزه :- اه ربنا يقويكى يارب 

مليكه :- عن اذنك يا ماما هدخل انام احسن تعبانه خالص 

فايزه :- طب مش هتتعشى 

مليكه :- لا اكلت فى الشغل تصبحى على خير 

فايزه :- وانتى من اهله 

ودخلت مليكه اوضتها وقفلت الباب وراها وقعدت وراه الباب وعيطت وحطت ايديها على بوقها علشان تكتم صوتها ومحدش يسمعها 

مليكه :- يارررررب اعمل انا ايه دلوقتى لو امى عرفت هتروح فيها حسبى الله ونعمه الوكيل فيك يارب انتقم ليا منه وقعدت تعيط اعمل ايه اعمل ايه دلوقتى اااااااااااااه انا تعبت يارب من الدنيا كل شويه تدينى ضربه اصعب من التانيه بس المرادى الضربه صعبه اوى يارب خدنى وريحنى من اللى انا فيه 

وقامت دخلت الحمام وقلعت هدومها ووقفت تحت الدش وبقت تمسح كل حته فى جسمها بتحاول تشيل اثر لمسات فهد من عليها واختلطت دموعها مع الميه وغمضت عنيها واتصور ليها ان هى لازم تنهى حياتها بدل ما تجيب العار لامها واخواتها بصت حواليها لاقت موس من بتاع اسر محطوط قدامها مسكته وقربته على ايديها وجرحت ايديها وقبل ما تعمق الجرح سمعت صوت اذان العشا رمت الموس على الارض وقعدت فى الارض وعيطت وكانت ايديها بتنزل دم وقالت ايه اللى انا بعمله ده كنت هخسر دينى واموت كافره وسندت على البانيو وقامت دخلت تحت الدش واخدت شاور واتوضت وخرجت لبست هدومها وربطت الجرح وادت فرضها ودعت كتير وهى قلبها محروق وكانت بتعيط وسلمت ومسكت المصحف وقعدت تقراه فيه ودموعها نزله منها 

……………………………………………………

فى شقة فهد 

نام على السرير وغمض عينه وقال 

فهد :- ليه يا فهد ليه كانت تحت ايدك وخلاص ليه جسمك رفض يلمسها ليه مقدرتش اقرب ليها مع ان كان نفسى انتقم منها بس معرفتش طب ايه السبب معقوله تكون صعبت عليك وانا من امته بيصعب عليا واحده انا مش فاهم حاجه صورتها قدام عينى علطول فى تفكيرى ويوم ما جت الفرصه علشان اكسرها مقدرتش وسرح فى اللى حصل 

……………………………………………………

فلاش باااك 

وصل فهد بالعربيه عند العماره اللى فيها شقته نزل من عربيته وفتح الباب من نحيت مليكه شالها وقفل الباب برجله وركب الاسانسير وطلع بى عند شقته وفتح الباب ودخل بمليكه وقفل الباب برجله ودخل اوضه وحطها على السرير بصلها كتير وهى نايمه ومشى ايده على خدها وقرب شفايفه على شفايفها ولسه هيبوسها بعد عنها 

فهد :- لنفسه ايه يا فهد مالك مش قادر تقرب منها ليه اهى تحت ايدك اكسرها مش ده اللى كنت بتتمناه 

راح قرب منها تانى ومقدرش يعمل حاجه خبط بأيده على السراحه وقال ليه ليه مش قادر اقرب ومسك زارير البلوزه وفتحها ليها وقلعلها وقلعها بقيت الهدوم وخلها بداخلى بس ومسك ملايه وغطها بيها وجاب كرسى وحطه جمب السرير وقعد عليه وقعد يبص عليها وهى نايمه وبعد الوقت بدءت مليكه تحرك راسها اول ما شفها كده دخل الحمام وعمل نفسه ان هو بياخد شاور وقلع هدومه ولف البشكير حوالين نصه اللى تحت علشان يوهمها ان حصل حاجه ما بنهم وخرج من الحمام

……………………………………………………

باااااك 

فهد :- رغم ان مقدرتش اعمل فيكى حاجه بس برضه كسرتك قدام نفسك وانتى مفكره نفسك مش بنت بنوت وغصب عنك هتوافقى عليا علشان  تسترى على نفسك وسعتها هتبقى ملكى وهنتقم منك براحتى 

وغمض عنيه ونام 

……………………………………………………

فى شقة اسر 

خرجت مها من اوضتها 

مها :- ماما هى مليكه جت 

فايزه :- اه وقالت هتدخل تنام علشان تعبانه 

مها :- ماشى هدخل ابص عليها 

فايزه :- ماشى يا حبيبتى بس لو نايمه متقلقهاش وسبيها نايمه 

مها :- حاضر 

ودخلت مها اوضت مليكه لاقتها قعده بتقراه فى المصحف 

مليكه :- اول ما سمعت الباب اتفتح مسحت دموعها وصدقت بالله وقفلت المصحف وبصت لاقتها مها 

مها :- معلش لو عطلتك عن قرايت المصحف 

مليكه :- لا يا حبيبتى انا كده كده كنت هصدق بالله 

مها :- مالك يا مليكه شكلك معيطه 

مليكه :- ها لا ده بس كنت بقراه فى المصحف اتأثرت بكلام ربنا وعيط 

مها :- ربنا يجعل قلبى وقلبك على طاعته وعلى فعل ما يحبه ويرضيه 

مليكه :- اللهم امين المهم عامله ايه دلوقتى 

مها :- تعبانه اوى يا مليكه هتجن واشوفه واحشنى اوى اوى 

مليكه :- انسى يا مها ميستهلش حبك 

مها :- ياريت اقدر لكن مش بأيديه يا مليكه حب محمد بالنسبه ليا الحياه ولما هو بعد عنى كأن حياتى كلها وقفت ومش عايزه تمشى 

مليكه :- معلش هى فتره وهتعدى هى هتبقى صعبه شويه بس ربنا يهونها عليكى وعليا ودموعها نزلت منها 

مها :- لا يا مليكه انتى مش طبيعيه فيكى حاجه 

مليكه :- اترمت فى حضن مها وقالت انا تعبانه اوى يا مها ومخنوقه 

مها :- طب من ايه ده حتى انهارده كان اول يوم ليكى فى الشغل وكنتى مبسوطه انك اشتغلتى ايه حصل لكل ده حد جرحك بكلمه فى الشغل 

مليكه :- ياريت تيجى على مية كلمه تجرح بس ميبقاش اللى انا فيه ده 

مها :- يا مليكه اتكلمى قلقتينى عليكى ايه حصل بالظبط 

مليكه :- خرجت من حضن مها ومسحت دموعها وقالت متشغليش انتى بالك كنت مخنوقه شويه ولما عيط ارتحت شويه 

مها :- ازاى مشغلش بالى انتى اختى واى حاجه توجعك توجعنى انا كمان 

واتفاجأت بالجرح اللى فى ايد مليكه مسكت ايديها وقالت ايه ده يا مليكه من ايه ده 

مليكه :- سحبت ايديها وقالت د.د.ده انا اتعورت فى الشغل انهارده 

مها :- ازاى يعنى 

مليكه :- عادى يا مها زى الناس 

مها :- مليكه انتى عمرك ما خبيتى عنى حاجه ليه حاسه انك مخبيه دلوقتى حاجه عنى 

مليكه :- مفيش يا مها وروحى اوضك علشان تعبانه وعايزه انام 

مها :- ماشى انا هسيبك دلوقتى بس مش هسكت غير لما اعرف انتى مخبيه ايه وسبتها ومشيت على اوضتها 

مليكه :- نامت على السرير وحطت ايديها على بؤقها وقعدت تعيط 

……………………………………………………

اشرق صباح يوم جديد بنوره الساطع لينير البيوت فتحت مليكه عنيها وكانت دموعها على خدها قامت من على سريرها دخلت حمامها واتوضت وخرجت ادت فرضها وقعدت على السرير وضمت رجليها لصدرها وبصت قصادها ودموعها نزلت من عنيها وقالت 

مليكه :- يارب مش قادر استحمل اللى انا فيه حلها من عندك يارب واسترها معايه يا ستار وانتقم ليا من اللى كان السبب وفى الوقت ده سمعت خبط على باب اوضتها 

فايزه :- فتحت الباب وقالت مليكه انتى صحيه 

مليكه :- مسحت دموعها بسرعه وقالت اه يا ماما.

فايزه :- طيب يا حبيبتى ليه مش لابسه هدومك علشان متتأخريش على شغلك 

مليكه :- تعبانه شويه يا ماما مش هقدر اروح النهارده 

فايزه :- يابنتى انتى لسه تانى يوم فى الشغل مينفعش تقعدى كده وبعدين لازم جسمك يوجعك فى اول يومين علشان مش واخده على الشغل 

مليكه :- لنفسها ياريت كان الوجع عضوى كان هيبقى اهون بكتير من الجرح اللى انا فيه 

فايزه :- مالك يا مليكه 

مليكه :- م.م.مفيش روحى انتى وانا هقوم البس 

فايزه :- ماشى يا حبيبتى 

وخرجت فايزه من الاوضه ومليكه دموعها نزلت وقالت 

مليكه :- ربنا يستر عليكى يا ماما لو عرفتى الخبر مش بعيد تروحى فيها يااااااااارب حلها من عندك 

وقامت فتحت الدولاب وطلعت اى حاجه فى وشها ولبستها وخرجت من الاوضه 

فايزه :- ربنا معاكى يا حبيبتى 

مليكه :- بأنكسار مع السلامه يا ماما

وفتحت الباب ونزلت وهى منكسره وقفت تاكسى وراحت على الشركه 

وركبت الاسانسير وطلعت على مكتبها 

وقعدت على الكرسى وحطت رسها على المكتب وقعدت تعيط 

……………………………………………………

فى شقة فهد 

صحى من نومه وشم ريحة برفان مليكه على المخده اللى نايم عليها 

غمض عنيه واستنشقها وحاول ان يحتفظ بريحة برفنها لوقت طويل وفتح عينه واخد نفس وابتسم ابتسامه خفيفه قام من على سريره دخل حمامه واخد شاور وخرج لبس هدومه وسرح شعره وبص على السرير مكان ما كانت مليكه نايمه وطفى النور وخرج من الاوضه وفتح باب الشقه ونزل ركب عربيته وراح للشركه 

……………………………………………………

فى شركة فريد المنشاوى 

كانت مليكه قعده وبتعيط وتليفون المكتب رن 

مليكه :- ايوه حضرتك 

باسم :- تعالى يا انسه مليكه عندى المكتب وهاتى معاكى ملف حسابات الموظفين 

مليكه :- حاضر يا فندم 

وقفلت مع باسم ومسحت دموعها وقامت اخدت الملف وراحت بيه عند باسم 

 خبطت على الباب ودخلت 

مليكه :- اتفضل يا فندم الملف اهو 

باسم :- شكرآ يا انسه مليكه 

مليكه :- لما سمعت كلمة انسه مقدرتش تمسك دمعه نزلت منها 

باسم :- شفها وقال خير يا انسه مليكه انتى كويسه 

مليكه :- مسحت الدمعه وقالت انا تمام بس بلاش حضرتك كلمة انسه مليكه خليها علطول مليكه 

باسم :- ماشى يا مليكه تعالى اقعدى 

مليكه :- شكرآ يا فندم بس هروح انا اشوف شغلى 

باسم :- اقعدى بس عايزك 

مليكه :- قعدت وقالت افندم 

باسم :- بصى هو كان فى سفريه للغردقه الاسبوع الجاى وكان لازم تسافرى معانا فيها

مليكه :- معانا اللى هو مين 

باسم :- انا وصاحب الشركه 

مليكه :- هو حضرتك مش صاحب الشركه

باسم :- لا انا المدير هنا انما صاحب الشركه يبقى 

مليكه :- قطعته وقالت فريد المنشاوى 

باسم :- هى مجموعة الشركات اسمها بأسم فريد المنشاوى انما اللى مسكين  الشغل ولاده 

مليكه :- اه تمام بس مش هينفع حضرتك اسافر مع اتنين رجاله مش هتبقى حلوه حضرتك 

باسم :- فعلا انا عملت حساب النقطه دى وكلمت صاحب الشركه ان هو يلغى موضوع مرواحك معانا الغردقه وهو وافق بس انا قولت اقولك ليكون ليكى رأى تانى وتحبى تيجى الصفقه 

مليكه :- تمام يا فندم صح اللى حضرتك عملته شكرآ لحضرتك 

باسم :- العفو يا مليكه انا معملتش غير الصح 

مليكه :- هو حضرتك صاحب الشغل اسمه ايه 

باسم :- فه

وفى الوقت ده الباب خبط وامر باسم بالدخول 

فهد :- صباح الخير يا باسم 

مليكه :- اتصدمت لما سمعت صوت فهد 

باسم :- احم هو ده استاذ فهد صاحب الشركه 

مليكه :- اتصدمت لما سمعت كلام باسم واغمى عليها 

باسم :- مليكه 

فهد :- جرى يشوف مين اللى وقعت واتفاجئ بمليكه وقال مليكه بتعمل ايه هنا 

باسم :- ما هى دى الموظفه الجديده اللى اتعينت فى الحسابات

فهد :- ايه وليه مقولتش من الاول ما انت عارف ان هى دى اللى كانت فى الصوره 

باسم :- مش وقته بقى يا فهد نفوق البنت الاول ولسه هيشلها باسم 

فهد :- متمدش ايدك عليها انا هشلها 

باسم :- استغرب من كلام فهد 

فهد :- شلها وحطها على الكنبه وجاب شوية ميه ورشها على وشها 

مليكه :- اممم.

باسم :- انتى كويسه يا مليكه 

مليكه :- بتعب هو ايه اللى حصل 

باسم :- اغمى عليكى 

مليكه :- افتكرت فهد وبتبص لاقته وقف جمبها تلقائيه بقت تغطى فى نفسها وحطت ايديها على صدرها وقالت ا.ا انا عايزه امشى من هنا 

باسم :- حاضر يا مليكه اهدى وانا هروحك 

فهد :- ههههههه انا شايف ان لسه فيكى الروح اهو ولما انتى بتحبينى وجاى تشتغلى عندى فى شركتى مقولتيش ليه ده حتى يعنى كان اللى حصل يبقى بتراضى ما بنا 

مليكه :- حطت ايديها على ودنها وقالت بس بس بس مش عايزه اسمع صوتك 

فهد :- ما خلاص بقى ما بلاش تمثيل ماانتى بتجرى ورايا اهو 

مليكه :- بدموع مكنتش اعرف ان هى شركتك لو كنت اعرف عمرى ما كنت جيت فيها ابدآ وقامت وقفت وقالت وعمومآ انا هصلح الغلط ده انا مستقيله 

فهد :- وانا رافض استقلتك وبص لباسم وقال اطلع يا باسم وسبنا لوحدنا 

مليكه :- جريت وراه باسم وقالت لا والنبى اوعى تسبنى معاه 

باسم :- يا فهد اهدى الكلام مش كده البنت خايفه منك 

فهد :- اتغاظ لما مليكه جريت على باسم ووقفت وراه وقال باااااااسم اطلع بره والا انت عارف اللى هيحصل 

مليكه :- مسكت باسم من دراعه وقالت لا والنبى 

باسم :- انا اسف يا مليكه وشد دراعه منها ومشى 

مليكه :- طلعت تجرى وراه باسم ولسه هتطلع من المكتب 

فهد :- مسكها من درعها ودخلها وقفل الباب 

مليكه :- اوعى كده سيبنى ملكش دعوه بيا مش اخد اللى انت عايزه منى عايز ايه تانى 

فهد :- انا شايف اللى حصلك مأثرش فيكى ولسه قويه زى ماانتى 

مليكه :- انت ايه يا اخى عايز ايه منى ارحمنى بقى وسبنى فى حالى مش كفايه اللى حصل منك سبنى سبنى 

فهد :- سند ضهرها على الحيطه وقرب منها اوى وقال ده بعدك ابعد عنك واسيبك ده لسه انتقامى فى اوله وانا متعودش انسحب من اول جوله كده 

مليكه :- كان يوم اسود ومهبب يوم ما شفتك فيه يا شيخ مش خلاص وصلت للى انت عايزه ارجوك ابعد عنى بقى وسبنى فى حالى وعيطت 

فهد :- مسح دموعها بطرف صوبعه وقال شششش خلى العياط ده بعدين 

لسه بدرى على الدموع اللولى دول 

مليكه :- انا مش هنزل اشتغل فى الشركه دى ولا ثانيه واحده 

فهد :- بلاش تقولى كلام انتى مش قده انتى طبعآ قريتى العقد قبل ما تمضيه واكيد عارفه ان فى شرط جزائى يعنى لو عايزه تسيبى الشركه وانا مش موافق تدفعى المبلغ علطول وانا بقى مش موافق معاكى الفلوس يا حلوه 

مليكه :- بدموع يا نهار اسود ومنيل يعنى انا ملزومه اشوف وشك كل يوم اعتقنى لوجه الله يا اخى وحيات اغلى حاجه عندك سيبنى اروح لحالى 

فهد :- ههههههههههه انا مش واخد على الوش البرئ ده انا واخد على القطه اللى بتخربش بتبقى احلى بكتير 

مليكه :- ياربى بقى ابعد بقى مش طايقه قربك منى 

فهد :- ههههههه ده انتى امبارح كنتى نايمه فى حضنى وانتى 

مليكه :- قطعته وقالت بس كفايه مش كل شويه تفكرنى باليوم الاسود ده منك لله يا شيخ 

فهد :- هههههه ده انتى دخلتى عرين الاسد برجليكى وقعتى ولا حد سامه عليكى يا عسل 

مليكه :- زقته وقعدت فى الارض وعيطت وقالت يارب انت اقوى منه ورب المستضعفين خدلى حقى منه يارب حسبى الله ونعمه الوكيل فيك يا شيخ 

فهد :- والله انا عند كلمتى ولسه عرض الجواز موجود لو موافقه انا مستعد اكتب عليكى من بكره واهو اكسب فيكى ثواب واستر عليكى 

مليكه :- بنأدم زباله وواطى وحقير ومفكر نفسك ان مفيش حد هيقدر عليك بس انا وكلت اللى لا يغفل ولابينام عليك يتصرف فيك بمعرفته 

فهد :- ههههه خيرآ تعمل شرآ تلاقى طب انا قولت اصلح غلطتى واتجوزك انتى حره انا مش مضرور فى حاجه انا راجل لكن انتى شوفى بقى الكلام اللى هيتقال على ست الحسن والجمال 

مليكه :- وانا برضه مش موافقه عليك واللى عندك اعمله 

فهد :- لا اللى عندى كتير عندى صورك وانتى نايمه فى اوضى وفى حضنى اه هو انا مقولتلكيش مش انا مصور كل اللى حصل ما بنا فى الاوضه وظرف حلو كده فى الفلاشه والصور هتتبعت لماما ولاخواتك وهيتفرجو على اقوى فيلم لاختهم وخلى ماما بقى السكر يعلى عليها ولا الضغط وتروح فيها بسبب بنتهم اللى حطت راسهم فى التراب 

مليكه :- قامت من مكانها وقعدت تضرب فى صدره وتقول مستحيل تكون بنأدم انت احقر خلق الله انت واطى ومعندكش لا دين ولا اخلق ربنا ينتقم منك وقعدت تضرب فيه 

فهد :- مسك ايديها وقال اناملاحظ ان ايدك بتطول عليا بس انا هسيبك اصل انتى صعبانه عليا اوى الصراحه ومعلومه صغيره عايز اقولها ليكى وسبق وقولتهالك انا مش عايز اتجوزك علشان خاطر سواد عيونك انا عايز اتجوزك علشان انتقم منك براحتى لكن انا اخد منك اعز ما تملكى فا مش محتاج جسمك فى حاجه فكرى وردى عليا واعملى حسابك لو منزلتيش الشغل هتباتى فى الحجز لانك طبعآ كحيانه معكيش ولا مليم وسبها ومشى على مكتبه 

مليكه :- قعدت على الارض وعيطت دخل باسم وقال 

باسم :- انا اسفه يا مليكه مكنش فى ايدى حاجه 

مليكه :- بدموع بنأدم حقير ربنا ينتقم منه انا بكرهو بكرهو 

باسم :- قومى تعالى اقعدى على الكرسى 

مليكه :- استاذ باسم ابوس ايدك ساعدنى امشى من هنا 

باسم :- للاسف يا مليكه مش هينفع انتى ماضيه على العقد وموافقه على كل بنوده 

مليكه :- يعنى انا كده ادبست 

باسم :- اهدى بس وقومى 

مليكه :- قامت قعدت على الكرسى 

باسم :- اتصل على السكرتيره وطلب منها تجيب ليمون لمليكه وبعدين قال 

بصى يا مليكه هو فهد طبعه صعب شويه مش بيحب حد يرفض ليه كلمه ولا حتى يرجعه فيها ومش بيحب العناد وطول ما انتى على حاضر ونعم فى شغلك هو مش هيعمل ليكى حاجه 

مليكه :- يا استاذ باسم انا مش بضيق اشوف وشه 

باسم :- والله فهد طيب من جوه ومكنش كده بس

مليكه :- مليش دعوه بى ولا بقصة حياته انا كل اللى عايزه يبعد عنى ويسيبنى فى حالى 

باسم :- لنفسه معتقدش هيبعد عنك مدام حطك فى دماغه 

وفى الوقت ده جه الليمون 

باسم :- اشربى يا مليكه علشان تهدى شويه

مليكه :- مش عايزه حاجه انا كل اللى عايزه امشى من هنا 

باسم :- طب اصبرى شويه وانا هخليكى تمشى بس خدى اشربى الليمون 

مليكه :- اخدته من ايده وشربته 

……………………………………………………

فى شقة اسر 

صحيت مها من نومها بصت على التليفون ملاقتش برضه اتصال من محمد 

قامت دخلت الحمام واخدت شور واتوضت وخرجت لبست هدومها وخرجت من اوضتها 

مها :- بحزن صباح الخير يا ماما 

فايزه :- صباح النور 

مها :- انا هنزل اروح الجامعه 

فايزه :- طب اقعدى كلى لقمه 

مها :- لا يا ماما مليش نفس 

فايزه :- يابنتى انتى قطعه الاكل خالص انتى بتموتى نفسك بالبطيئ

مها :- ياريت يا ماما على الاقل هستريح من اللى انا فيه ده 

فايزه :- بعد الشر عليكى يا حبيبتى ربنا يحميكى ويحرسك لشبابك 

مها :- مش فارقه عن اذنك يا ماما ومشيت وسابتها 

فايزه :- يارب برد قلبها وريح بالها يا قادر يا كريم 

مى :- امزه صباح الخير 

فايزه :- صباح النور يا اخرت صبرى 

مى :- امال فين البنات 

فايزه :- مليكه فى الشغل واختك مها راحت الجامعه 

مى :- طب كانت تستنا ننزل مع بعض 

فايزه :- هى اصلا ما فطرتش 

مى :- والله انا لو منها اعمل حفله واهيص ان هو بعد عنها ده كان عامل شبه حنفى فى فيلم ابن حميدو 

فايزه :- يا شيخه اتقى الله ده كان زى القمر 

مى :- امر بالستر يا حاجه انتى عارفه المفروض تعلقه يفته وتكتبو فيها بيت عبد الرحمن للحزن والنكد على من يرغب التقدم عليه باللطم او الصويت 

وشغلى اغنية ايها الراقدون تحت التراب 

فايزه :- لو مش عجبينك روحى شوفى بيت واهل تانين 

مى :- مين يا حاجه ده انا بموت فى النكد نكدنى 

فايزه :- هقول ايه ما انتى بختى الاسود فى الدنيا

مى :- اخس عليكى يا فوزه بقى تقولى عليا بختك الاسود ده انا فاكهة البيت اقسم بالله من غيرى ملهوش لا طعم ولا لون 

فايزه :- صبرنى يارب هتطفحى 

مى :- لا صنف الاكل ده مش بحبه معندكيش حاجه تانيه غير الطفح 

فايزه :- والنعمه شكلك كده وحشك الشبشب 

مى :- ها شبشب طب انا همشى بقى يا فايزه عايزه حاجه وطلعت تجرى على الباب ومشيت 

فايزه :- هههه مجنونه والله 

……………………………………………………

فى فيلا ممدوح مظهر 

فى اوضت اسر 

صحى من نومه وهو حزين فتح التليفون وبص على الخلفيه وقال 

اسر :- صباح الخير يا قلبى واحشتنى اوى بس لازم ابعد عنك وهحاول اعمل حاجه تسعدك وتفرحك مش مهم انا والوجع اللى فى قلبى المهم انتى متتوجعيش هو ده الالم الحقيقى بالنسبه ليا فكره لما كنتى بطلعلك فى كل مكان وكنت اقولك صدفه لا انا ببقى عارف الاماكن اللى بتكونى فيها وببقى متعمد اروح علشان اشوفك 

هههههههه طب فكره واحنا صغيرين فى المدرسه كنت علطول اعصبك واخد منك السندوتشات بتاعتك هههههههه وكنت علطول اقولك يا ام زعروره وكنت تهبتى برجلك فى الارض وانا كنت اغيظك واضحك تعرفى انتى حب عمرى لا عمرى حبيت ولا هحب حد غيرك من صغرى وانا بعشقك وعمرى ما نسيت اى لحظه ما بنا انا هبعد عنك بس هفضل علطول احميكى من بعيد لبعيد فى سبيل اشوف الضحكه على شفايفك انا هقوم بقى ادخل الحمام والبس علشان فى مشوار ضرورى لازم اروح ليه هتوحشينى الشويه دول 

وقام من على سريره دخل الحمام اخد 

شاور وخرج لبس هدومه وسرح شعره ونزل 

اسر :- صباح الخير 

سوزى :- صباح النور اول مره يعنى تصحى بدرى 

اسر :- عندى مشوار صغير متعلق بالشغل 

سوزى :- على اساس انك فالح اوى 

اسر :- امممم طب بالاذن انا قبل ما تبدء الوصله بتاعت كل يوم سلام 

وخرج ركب عربيته وراح مشواره 

وصل اسر المكان اللى هو راحه ونزل من عربيته وقال 

اسر :- السلام عليكم يا بلدينا 

البواب :- وعليكم السلام ايوه حضرتك 

اسر :- كنت عايز استاذ محمد 

البواب :- بس هو فى الكلس دلوقتى 

اسر :- فين 

البواب :- فى الكلس 

اسر :- ياراجل قول كلام غير ده هو اسمه كلس 

البواب :- ايوه دى مدارس انترناشونن 

اسر :- لا لالا انت راجل مش سهل اسم الكريم ايه 

البواب :- هانى 

اسر :- عاشت الاسامى يا هانى لا كده تستاهل تقول كلس وانترناشونن لايقين على هانى الصراحه 

هانى :- سانكيو 

اسر :- وكمان سانكيو لالالا كده كتير انا جالى تسلخات فى اللغه يا اخى ده انت مدرسه انترناشونن لواحدك 

المهم يا هانى ادخل بلغ استاذ محمد ان انا عايز اكلمه فى موضوع مهم 

هانى :- اقوله مين 

اسر :- لا قوله واحد عايزك 

هانى :- طب سان تاون هنا على ما ادخل ابلغه 

اسر :- ههههههههههه سان تاون انا بفكر اجى اخد عندك كرس انجليزى ده انا طلعت جاهل اوى فى اللغه 

ودخل هانى بلغ محمد وشويه ومحمد جه 

محمد :- ايوه حضرتك مين 

اسر :- انت شوفتنى كذا مره بس معرفش انت فاكر ولا لا 

محمد :- وشك مش غريب عليا 

اسر :- انا اسر ابن عم مها وشوفتنى كذا مره صدفه وانت معاك مها 

محمد :- ايوه ايوه افتكرتك خير عايز حاجه 

اسر :- طب ممكن نتكلم لوحدنا 

هانى :- طب انا هروح اعمل تى وجاى 

اسر :- ههههههه لا جامد خليهم تون تى

هانى :- ما اسمهاش تون اسمها تو يعنى اتنين 

اسر:- معلش بقى جاهل اعمل ايه 

هانى :- لا اتعلم ده العلم نور ومشى وسابهم 

اسر :- هانى ده مشكله 

محمد :- لو سمحت ياريت تخلص علشان عندى شغل 

اسر :- مها 

محمد :- مالها 

اسر :- بتموت من يوم ما انت سبتها 

محمد :- بص يا اخ ياسر 

اسر :- اسر مش ياسر 

محمد :- ما علينا المهم كل شئ قسمه ونصيب واحنا نصبنا انتهى لحد هنا والصراحه انا خطوبتى على بنت خالتى الجمعه الجايه 

اسر :- ولما انت مش بتحبها ليه علقتها بيك 

محمد :- سورى يعنى فى الكلام اللى هقوله بس دى عيله كلها مشاكل ومسيرهم ينامو فى الشارع وانا بصراحه مش مستعد اخد واحده بتنام فى الشارع وبعدين دول حريم ومش فيهم راجل يعنى مش محتاج اقولك تربية الست بتبقى عامله ازاى 

اسر :- ضربه فى وشه باللكميه وقال انا اللى غلطان ان فكرتك راجل وجيت اتكلم معاك بس الصراحه ربنا بيحب مها ان انت مش من نصيبها لانك بجد خساره فيك حب مها اللى بتحبه ليك وانت بنأدم واطى وزباله  

محمد :- حط ايده على عنيه وقاله لما انت بتحبها اوى كده متتجوزها انت ولا مستعر منها 

اسر :- ومين قالك ان انا بحبها 

محمد :- اوعى تكون مفكر مكنتش بشوف نظرة الحب فى عنيك ليها لما كنا بنتقابل فيها اللى هى مكنتش صدفه وبتبقى قصدها علشان تشوف مها اهى عندك يا سيدى اتجوزها وابعدو عنى بهمكم ومشاكلكم وسابه ومشى 

اسر :- ركب عربيته وخبط بأيده على التريكسون وقال بنأدم واطى وجبان سامحينى يا مها مقدرتش اساعدك وارجعلك الضحكه من تانى وشغل عربيته ومشى 

………………………………………………

#يتبــــــــع.… 

❤متمرده عشقت كبرياءه❤

 👇البارت الــ9__10

فى شركة فريد المنشاوى 

كانت مليكه بتعيط ودموعها على خدها 

باسم :- يا مليكه اهدى مش كده انتى عماله تعيطى من بدرى وده غلط عليكى والله 

مليكه :- مليش دعوه انا عايزه امشى من الشركه دى 

باسم :- طب اهدى وانا هوصلك بعربيتى 

مليكه :- طب يلا بينا 

فهد :- دخل فجاءه وقال يلا على فين 

باسم :- هوصلها بالعربيه 

فهد :- مفيش خروج من هنا غير بأمرى وهى مش هتمشى غير فى الوقت الرسمى بتاع الشركه وممكن كمان احتاجها تسهر معايه فى الشركه 

مليكه :- لالالالا مستحيل اقعد معاه فى مكان واحد انا عايزه امشى 

باسم :- يا فهد البنت منهاره سبها تروح تريح اعصابها وهى هتيجى بكره فى معادها 

فهد :- وانا قولت لا مش هتروح 

مليكه :- ياربى بقى على الغلب اللى الواحد فيه ده 

فهد :- هههههههه عسل 

مليكه :- سم يارب يخدك انا بكرهك بكرهك 

فهد :- باسم اعمل ليها قرار ان هى هتتنقل فى مكتبى بصفة السكرتيره المخصوصه بتاعتى 

باسم :- اتصدم وقال نعم 

مليكه :- مستحيل ده يحصل هو انا طيقه اقعد فى الشركه لما لما هطيق اقعد فى وشه ده انا بكره اشوف وشه 

فهد :- والله براحتك بس بلاغ بكره ان انتى ممتنعه عن العمل وشوفى بقى هتدفعى ال10الاف منين وسعتها لو بوستى رجليه مش هتنازل عن حقى 

مليكه :- يا استاذ باسم قوله اي حاجه والله حرام اللى بيحصل فيا ده 

باسم :- يا فهد بلاش عند سبها فى المكان اللى هى فيه وانا هجيب سكرتيره مخصوصه ليك 

فهد :- لا من بكره تكون فى مكتبى ومشى وسابهم 

مليكه :- يا استاذ باسم انا مستحيل اقعد مع البنأدم ده فى مكان واحد 

باسم :- للاسف يا مليكه ملزومه تعملى كده يا اما هيقدم فيكى شكوه فى شؤن العاملين وسعتها هيبقى ياالدفع يا الحبس 

مليكه :- يعنى انا كده ادبست مفيش اى مخرج 

باسم :- انا اسف يا مليكه ان انا حطيتك فى موقف زى ده وعينتك فى الشركه 

مليكه :- انا دلوقتى مليش غير ربنا هو بس اللى هيقف جمبى ويقوينى وان شاءالله هيجى ليا حقى منه وربنا هينتقم ليا منه 

باسم :- اقولك على حاجه 

مليكه :- اتفضل 

باسم :- خليكى قويه قصاد فهد ومتبينيش ليه ان انتى ضعيفه طول ما هو شايفك قويه مش هيقدر يأذيكى

مليكه :- لنفسها لو على اذيته ليا فاهو اذانى اكبر اذيه 

باسم :- بتقولى حاجه 

مليكه :- بدموع بقول حسبى الله ونعمه الوكيل 

............................................................

فى مكتب فهد 

كان قاعد على الكرسى ومبسوط وعمال يصفر ببؤقه ودخلت ليه السكرتيره 

فهد :- ايوه يا سهر 

سهر :- فى اتنين ستات عايزين حضرتك بره 

فهد :- اتنين ستات طب مقالوش هما مين 

سهر :- قالو حضرتك واحده اسمها سوزى والتانيه رهف 

فهد :- ودول جاين ليه دخليهم 

سهر :- حاضر يا فندم 

وخرجت سهر ودخلت سوزى ورهف 

سوزى :- اذيك يا فهد باشا 

فهد :- وهو رافع حاجبه كويس خير 

رهف :- اصلك واحشتنا ومن يوم العزومه محدش شافك قولنا نيجى نسأل احنا عليك 

فهد :- واوحشك بصفتى ايه 

سوزى :- مش سوسو مامتك طلبت رهف ليك يعنى هى فى مقام خطيبتك 

فهد :- غمض عنيه علشان ميتعصبش وقال يا ست سوزى سبق وقولت ليكم ان انا هخطب بنت عمها مليكه وانا خلاص رايح البسها الشبكه فياريت يعنى متعشموش نفسكم بحاجه عمرها ما هتحصل 

رهف :- انا مش عارفه ايه عجبك فى البنت المقشفه دى 

فهد :- والله انا حر عجبانى محدش ليه دخل 

سوزى :- براحتك بس خلى بالك البنت دى مش سهله بتعمل نفسها بريئه لحد ما توقع واحد زيك وتاخد اللى وراه واللى قدامه وبعدين تروح تدور على حد غيره 

فهد :- بعصبيه وانا مش عيل ولا برياله علشان حد يضحك عليا 

سوزى :- خافت وقالت ا.ا انا كنت بنبهك مش اكتر 

فهد :- طب لو سمحتى اتفضلى علشان ورايا شغل مش فاضى 

سوزى :- وقفت هى ورهف وقالت عن اذنك وانا اسفه لو كنت عطلت حضرتك 

وطلعت هى ورهف 

رهف :- يعنى خلاص يا ماما هنسيبه ليها ده بتاعى وكان جاى ليا انا اصلا وهى اللى خطفته منى 

سوزى :- وحياتك عندى يا رهف فهد هيكون ليكى انتى 

رهف :- يارب يا ماما اصل ده حلو اوى 

ومشيو الاتنين من الشركه 

............................................................

فى الجامعه عند مها 

خلصت محاضرتها وخرجت من الجامعه 

واتفاجأت بأسر وقف قصاد الجامعه 

مها :- اسر انت بتعمل ايه هنا 

اسر :- وقف مستنيكى 

مها :- وتقف تستنانى ليه

اسر :- عادى كنت معدى من هنا وقولت ده معاد خروجك قولت استناكى واوصلك للبيت معايه 

مها :- وانت عرفت معاد خروجى ازاى 

اسر :- ها ا.ا.اتوقعت

مها :- عمومآ شكرآ انا هركب تاكسى 

اسر :- تركبى تاكسى وعربية ابن عمك موجوده 

مها :- امم بص بقى يا اسر انا مش من البنات اللى بتمشى معاهم انا مليش فى الجو ده وبعدين راعى ان انا بنت عمك 

اسر :- ليه بتقولى كده انا بجد مش قصدى حاجه انا كنت عايز اوصلك مش اكتر وبعدين انتى بنت عمى يعنى الدم اللى بيمشى فى الوريد ده دم واحد وانا عمرى ما افكر اذيكى ده لو شوفتك عريانه هغطيكى واسترك علشان انتى لحمى ودمى وعمرى ما هرضى حد يأذيكى حتى لو الشخص ده انا هحميكى من نفسى وانا اسف لو ازعجتك 

مها :- بص يا اسر انا اليومين دول بعدى بظروف صعبه وضغط نفسى فمتزعلش منى انا بس عصبيه شويه ومش عارفه بقول ايه 

اسر :- ولا يهمك يا مها انا مقدر اللى انتى فيه والله لو بأيديه حاجه اعملها ليكى علشان تكونى مبسوطه كنت عملتها علشان اشوف الابتسامه بتاعتك او كنت اقدر اشيل من عليكى شويه 

مها :- شكرآ يا اسر متزعلش منى انت زى اخويه اتحملنى شويه 

اسر :- اخوكى 

مها :- ايوه انا ربنا مرزقنيش بالاخ بس رزقنى بيك احسن من اى اخ 

اسر :- بزعل طب اركبى اوصلك 

مها :- ركبت جمب اسر فى العربيه 

اسر :- شغل العربيه ومشى بيها على شقتهم 

............................................................

فى مكتب فهد 

كان قاعد ومتعصب من زيارة سوزى وبنتها ليه

فهد :- ناس معندهاش دم ولا كرامه رفض بنتهم وجاين بكل برود يرمو نفسهم تحت رجليه 

وفى الوقت ده دخل باسم 

فهد :- ايوه عايز ايه 

باسم :- فهد حرام عليك اللى انت بتعمله ده فى البنت دى منهاره خالص ارحمها يا اخى مكنتش بالقسوه دى ايه جرالك شليت قلبك وحطيت مكانه حجر والله انا كده كمان بظلم الحجر ده الحجر بينفجر وينزل منه مايه للناس لكن انتى مبقاش عندك لا قلب ولا احساس ليه ده كله علشان تنتقم لكرامتك خلاص يا اخى كفايه اللى عملته فيها رمتهم فى الشارع وبهدلتهم ارحم من فى الارض يرحمك من فى السماء يا اخى 

فهد :- خلصت كلامك 

باسم :- ايه يا ابنى كمية البرود اللى فيك دى انا حاسس ان بتعامل مع بنأدم تانى غير فهد صديق عمرى اللى اتربيت معاه وعشت معاه احلى سنين عمرى 

فهد :- بص بقى يا باسم خرج نفسك من موضوع مليكه علشان ماانساش صداقت عمرنا وتشوف منى الوش التانى اللى لو طلع ليك هتندم على اليوم اللى وقفت فيه قصادى 

باسم :- انا مش مستغرب من اللى بسمعه ده ما هو فهد صديق عمرى مات من زمان واللى عايش دلوقتى جسم من غير قلب ولا احساس فمن الطبيعى ان انت تبيع اى حد حتى لو هتببع صديق عمرك وسابه ومشى 

فهد :- اتعصب ورمه كل اللى كان على المكتب فى الارض وقعد على الكرسى وغمض عنيه علشان يقدر يتحكم فى اعصابه وجت صورت مليكه ليه فتح عنيه وقال اطلعى بقى من حياتى انتى ظهرتى ليه فى حياتى من يوم ما قبلتك وانا حياتى اتغيرت بتيجى ليه صورتك قصاد عينى بشم ليه تملى ريحتك انا مبقتش فاهم حاجه خالص ولا فاهم نفسى بس ودينى لادفعك كل اللى بيحصل ليا بسببك هخليكى تكرهى اليوم اللى شفتينى فيه انا بكرهك وبكره اللحظه اللى شوفتك فيها 

............................................................

فى مكتب باسم 

كانت مليكه قعده وبتعيط 

دخل باسم وقال 

باسم :- مليكه قومى روحى 

مليكه :- بجد يا استاذ باسم يعنى مش هاجى هنا تانى 

باسم :- لا يا مليكه روحى دلوقتى ارتاحى وبكره تعالى فى معادك عادى 

مليكه :- بزعل يعنى هو لسه مصمم على اللى قاله 

باسم :- للاسف 

مليكه :- وقفت وقالت بدموع عن اذنك 

باسم :- اتفضلى يا مليكه ربنا معاكى 

مليكه :- مشيت ودموعها على خدها 

باسم :- ربنا يهديك يا فهد وكلامى يجيب معاك نتيجه ويأثر فيك 

............................................................

فى شقة اسر

وصل اسر هو مها ورن الجرس فتحت فايزه ليهم 

فايزه :- اسر انتو اتقبلتو على السلم ولا ايه 

مها :- لا يا ماما ده اسر جالى الجامعه ووصلنى هنا 

فايزه :- اه طب ادخلى انتى اوضك يا مها 

مها :- حاضر يا ماما ودخلت اوضتها 

فايزه :- تعالى يا اسر عايزاك 

اسر :- حاضر يا مرات عمى ودخل وقفل الباب وراه وقعد على الكنبه 

فايزه :- بص يا ابنى انا لما وفقت وجيت انا والبنات الشقه قولت انك ابن اخو المرحوم وعايز يساعدنا وخايف على بنات عمه من النومه فى الشارع بس لو انت جايبنا هنا لغرض تانى فى دماغك فانا هاخد بناتى وانام فعلا فى الشارع 

اسر :- ليه بتقولى كده يا مرات عمى 

فايزه :- عايز ايه من مها يا اسر دى بنت عمك يعنى عرضك 

اسر :- قطعها وقال انا بحب مها يا مرات عمى ومش من دلوقتى لا من زمان اوى ومن احنا اطفال عمرى ما حبيت ولا هحب حد تانى غير مها ومستعد اعمل اى حاجه علشان اشوفها مبسوطه حتى لو فرحتها هتيجى على جرح قلبى مش مهم المهم ان هى متتوجعش 

فايزه :- واخرت الحب ده ايه خروج ومرواح ومجى 

اسر :- لا يا مرات عمى لو مضيقك مجى  هنا بلاش منه والله انا حاولت ارجع محمد لمها بس هو مطلعش راجل وهيخطب بنت خالته ومكنش بيحب مها انا لو نيتى حاجه وحشه لمها مكنتش رحت حاولت ارجع ليها اللى بتحبه

فايزه :- سكتت شويه وقالت بص يا اسر انت راجل مقولتش حاجه بس سمعتك ان انت بتخرج مع البنات تخلينى اخاف شويه 

اسر :- اقولك حاجه انا والله عمرى ما بصيت لبنت ولا جيت جمبها حبى لمها طول عمرى يمنعنى افكر ولا ابص على حد غيرها انا اشتريت الشقه دى وكنت باجى اقضى وقتى فيها لوحدى والله العظيم واروح البيت الصبح علشان مكنتش حابب افعال بابا وماما ورهف وهما بتصورهم ان انا بتاع بنات وبسهر معاهم طول الليل وطلعت عليا 

السمعه على كده بس انا والله عمرى ما فكرت ولا شغلت تفكيرى في حد الا مها 

فايزه :- حست بصدق كلام اسر وقالت بص يا اسر انا مصدقه كلامك بس طبعآ ظروف مها ونفسيتها مش مهيأ لاى علاقه دلوقتى بس احنا نقف جمبها ونحاول نخرجها من اللى هى فيه وانت بعد كده تحببها فيك وهى لما تحس بحبك ليها هتتعلق بيك 

اسر :- يارب يا مرات عمى هى مش شيفانى غير زى اخوها 

فايزه :- معلش علشان هى مقعدتش معاك كتير ولا اتعملت معاك علشان كده هى مش شايفاك غير اخوها 

اسر :- انا مستعد اعمل اى حاجه علشان تحس بحبى ليها 

فايزه :- اصبر شويه بس على ما تنسى محمد 

اسر :- حاضر يا مرات عمى 

وفى الوقت ده وصلت مليكه وقبلت مى على السلم 

مى :- ملوكه ليكى واحشه والله هو كل اللى اشتغل بقى مهم وينسى اخواته 

مليكه :- مى انا مش فايقه ليكى 

مى :- اه ماانتى من عيلة عبدالرحمن لازم تنضمى لحزب النكد وربنا عيله تشل مش عارفه والله ليه ربنا محطنيش فى وسط عيله فرفوشه كده يحبو يضحكو ويهزرو مش ناس عندهم الهم والنكد ملازمهم تملى 

مليكه :- هقول ايه واحده تفها مفيش حاجه شاغله دمغها وسبتها وطلعت السلم 

مى :- والله يابت يامى انتى خساره فى العيله دى وطلعت وراه مليكه 

مليكه :- فتحت الباب ودخلت ودخلت وراها مى 

مليكه :- اذيك يا اسر 

اسر :- الحمدالله اذيك انتى 

مليكه :- تمام 

مى :- اذيك يا برنس ايه النظام ها شيفاك مرتاح اوى هنا انا بقول تنقل اقامتك من الفيلا وخليك هنا عندنا علطول 

فايزه :- يابت لمى لسانك ده 

اسر :- ههههه سبيها يا مرات عمى هى البنت الاوزعه كده ربنا بياخد من طول جسمها بيحطه فى طول لسانها 

مى :- ههه خفه مش احسن من الزرافه اللى بيمشى ويخبط فى سقف البيت 

اسر :- يا اختى كيوت شبه توتى بالظبط ونفس البوظ وربنا 

مى :- لا وكمان ممكن اوريك برضه طولت لسانه 

فايزه :- يابت احترمى نفسك 

مى :- هبتت برجليها فى الارض وقالت مش شايفه بيغيظنى ازاى 

اسر :- طب والنعمه هى توتى 

مليكه :- عن اذنكم 

فايزه :- اصبرى لما تاكلى 

مليكه :- لالالا مليش نفس انا هدخل الاوضه اريح شويه وسبتهم ومشيت 

اسر :- هى مال مليكه 

فايزه :- مش عارفه من امبارح وهى على كده 

اسر :- حاولى تقعدى معاها وتشوفى مالها 

فايزه :- ربنا يسهل 

مى :- انا داخله اوضى 

فايزه :- روحى 

مى :- ايه ده مش هتقوليلى استنى لما تاكلى 

فايزه :- لا 

مى :- ليه هى مليكه بنت البطه البيضه وانا بنت البطه السوده اشمعنا مسكتى فى مليكه وانا لا 

فايزه :- علشان انتى معندكيش دم ولو عايزه تاكلى مش هتستنى لما انا اقولك هتاكلى علطول 

اسر :- ههههههههههههههه يا طفسه 

مى :- عاااااااا غلس وداخلت وهى متغاظه اوضتها 

اسر :- مجنونه خالص دمغها مسافره منها علطول 

فايزه :- والله غلبت معها بدعلها علطول بالهدايه 

اسر :- مى طايشه ولسه صغيره بكره تكبر وتعقل 

فايزه :- يارب يا اسر 

اسر :- همشى انا بقى محتاجه حاجه اجبها ليكى 

فايزه :- انشالله ربنا يخليك 

اسر :- سلامه عليكم 

فايزه :- وعليكم السلام 

ومشى اسر ودخلت فايزه اوضتها 

............................................................

عند فهد نزل من الشركه وركب عربيته ومشى بيها وراح لبيت جدته رن الجرس وفتحت ليه ماجده 

فهد :- ستك ناديه صاحيه ولا نايمه 

ماجده :- لا صاحيه وقعده فى البلكونه 

فهد :- دخل البلكونه ومسك ايد جدته وبسها وقال الجميل عامل ايه 

ناديه :- كويسه يا حبيبى مجدش امبارح ليه كنت مستنياك 

فهد :- ها ا.ا.اصل كنت مشغول 

ناديه :- مخبى ايه عنى 

فهد :- قعد على الكرسى وبص نحيت البحر وقال ولا حاجه 

ناديه :- ده انا اللى مربياك وعارفه لما تكون مخبى عنى حاجه مترضاش تبص فى عينى 

فهد :- بتخدى العلاج فى معاده 

ناديه :- اه ومتحاولش تغير الموضوع 

فهد :- عايزه ايه يا نانا 

ناديه :- تقولى اللى مخبيه عنى 

فهد :- انا خطفت مليكه امبارح عندى فى الشقه 

ناديه :- يا نهارك اسود وعملت فيها حاجه 

فهد :- مقدرتش 

ناديه :- ليه 

فهد :- مش عارف السبب مع انى كنت مخدرها ومهيأ نفسى ان اكسرها بس جسمى كل ما اجى اقرب عليها كأنه اتشل رفض يقرب ليها 

ناديه :- وبعدين عملت ايه

فهد :- وهمتها ان انا ضحكت عليها 

ناديه :- طب ليه كده 

فهد :- علشان اكسرها قدام نفسها حتى لو بالكدب وعلشان ترضى تتجوزنى غصب عنها علشان هتخاف من الفضيحه 

ناديه :- حتى لو وفقت تتجوزك عمرها ما هتحبك طول ما هى رسم صورتك على انك مغتصب وسلبت منها شرفها 

فهد :- انا مش مهم عندى تحبنى انا هتجوزها علشان اكسرها وازلها طب انتى عارفه الحظ كان حاليفى انهارده 

ناديه :- اشمعنا 

فهد :- انهارده اتفاجأت بيها فى الشركه وان هى موظفه عندى وهفضل ازل فيها 

ناديه :- طب ما انت كسرت عنيها لما وهمتها انك ضحكت عليها عايز ايه تانى 

فهد :- لسه برضه النار اللى جوايا منطفتش 

ناديه :- بس انا بيتهيألى مش هو ده السبب 

فهد :- قصدك ايه 

ناديه :- انت شكلك حبيتها يا فهد رفضها ليك وتمردها عليك خلاك اتعلقت بيها اختلافها عن البنات وشخصيتها القويه خلوك اتشديت ليها وشغلت تفكيرك

فهد :- ايه اللى بتقوليه ده يا نانا لا طبعآ بلعكس انا بكرها كل الحكايه ان انا عايز اديها درس اعلمها ان هى متطولش على اسيادها 

ناديه :- بس اللى انا شيفه فى عنيك غير كده خالص 

فهد :- انتى عارفه يا نانا اللى شفته من مروه خلانى بكره كل جنس حوا وخلانى بنتقم منهم بأقذر الطرق مش هتيجى على اخر الزمن جربوعه زى دى وهحبها 

ناديه :- الايام الجايه هيبقى فى حاجات كتير هتحصل وبكره افكرك 

فهد :- شكلك يا نانا كبرتى ودماغك يعنى 

ناديه :- ولد اختشى يا قليل الادب هتغلط فى جدتك 

فهد :- والنعمه عسل وسكر 

ناديه :- مشكلتى ان بحبك وضعيفه اوى من نحيتك 

فهد :- يا ابو قلب كبير يا قمر 

ناديه :- بكاش 

فهد :- والله العظيم بحبك 

ناديه :- طب يلا ندخل ناكل 

فهد :- يلا يا مزه 

............................................................ 

اشرقت شمس صباح يوم جديد فى سماء الاسكندريه لتداعب بخيوطها الصفراء العيون البونيه لتفتح مليكه عينها بصعوبه بعد عياطها طول الليل واول مره متبقاش عايزه تقوم غمضت عنيها ودعت ربنا ان يهونها عليها وقامت من على السرير بصعوبه ودخلت الحمام اخدت شاور واتوضت وخرجت لبست هدومها وادت فرضها وخرجت من الاوضه وكان الكل لسه نايم فتحت باب الشقه ونزلت وقفت تاكسى وركبته وراحت على الشركه 

............................................................

فى شقة ناديه 

نام فهد عند جدته فى اوضه المخصص ليه 

ماجده :- استاذ فهد استاذ فهد 

فهد :- اممم 

ماجده :- بتقولك ست ناديه اصحى يلا علشان الشغل 

فهد :- طب روحى انتى 

ماجده خرجت من الاوضه وقام فهد دخل الحمام واخد شاور وخرج لبس هدومه وسرح شعره وطلع من الاوضه 

فهد :- صباح الخير يا نانا 

ناديه :- صباح النور يا حبيبى اقعد افطر 

فهد :- انا مليش نفس بس هاكل لقمه على السريع علشان متزعليش 

ناديه :- فهد 

فهد :- اممم

ناديه :- انا عايزه البنت دى تجبها ليا 

فهد :- ليه بقى ان شاءالله 

ناديه :- عايزه اشوف البنت اللى تعباك وشغلاك كده 

فهد :- انتى تانى يا نانا هتقولى نفس كلام امبارح 

ناديه :- انا عند كلامى مش هغيره 

فهد :- وقف وقال انتى حره خليكى فهما غلط سلام يا مزه وراح فتح الباب وخرج من الشقه ونزل ركب عربيته وراح على الشركه 

............................................................

فى شركة فريد المنشاوى 

وصلت مليكه وهى متوتره من الوظيفه الجديده اللى هتستلمها فى مكتب فهد دخلت وركبت الاسانسير وطلعت عند مكتب باسم وخبطت على الباب ودخلت 

باسم :- صباح الخير يا مليكه تعالى ادخلى 

مليكه :- صباح الخير يا فندم 

باسم :- اقعدى 

مليكه :- هو اللى ما يتسمى وصل 

باسم :- ههههههه لا اللى مايتسمى لسه موصلش 

مليكه :- اللهى ما مايجى ابدآ 

باسم :- ههههههههه طب بس احسن مايجى ويسمعك وسعتها هيعلقك 

مليكه :- اللهى يعلقو فى حبل المشنقه يا قادر يا كريم 

باسم :- ههههههه ده انتى مشكله 

مليكه :- هو انا مكتبى الجديد هيكون فين 

باسم :- هتنصدمى 

مليكه :- اكتر من الصدمات اللى بشوفها فى حياتى قول حضرتك

باسم :- جوه مكتب فهد 

مليكه :- جوه جوه يعنى هبقى معاه فى اوضه واحده 

باسم :- ايوه 

مليكه :- دى شكلها هتبقى ايام ما يعلم بيها الا ربنا 

فهد :- متستعجليش ايامك كلها سوده معايه 

مليكه :- اول ما سمعت صوته انتفضت من مكانها وقامت وقفت 

باسم :- طب قول الاول صباح الخير السلام عليكم مش داخل فينا زى القطر كده 

فهد :- شاور على مليكه وقال الاشكال دى مينفعش يتصبح عليها 

مليكه :- على اساس ان وشك هو اللى عدل ده وشك يقطع الخميره من البيت 

فهد :- لمى نفسك يا جربوعه مبقاش غير الشحاتين يردو عليا 

مليكه :- انا فقيره اه بس عندى كرامه وارجل من ميت راجل عنده فلوس وبصت ليه بقرف 

فهد :- يابت متعملهمش عليا دى انتى مقضيها مع كل واحد شويه علشان الفلوس 

مليكه :- حاولت تمسك دموعها وقالت انا اشرف من عشره زيك بس علشان انت و**** مفكر الناس كلها زيك 

فهد :- اتغاظ منها ولسه بيرفع ايديه علشان يضربها 

باسم :- جرى ومسك ايديه وقال اهدى بس يا فهد صلو على النبى يا جماعه انتو فى الشركه وصوتكم عالي

فهد :- ودينى هندمك على كل كلمه قولتيها 

مليكه :- مبقأتش فارقه مبقاش فى حاجه اخاف عليها 

فهد :- لا لسه فى حاجات كتير وبص لباسم وقال حطيت المكتب عندى 

باسم :- ايوه 

فهد :- بص لمليكه وقال ورايا 

مليكه :- مشيت وراه وهى بتدعى عليه 

باسم :- ربنا يستر من اللى هيحصل اتحط البنزين جمب النار 

............................................................

فى مكتب فهد 

دخل فهد ودخلت وراه مليكه ولسه هتقعد على المكتب 

فهد :- انتى يا ماما متقعديش غير لما اقعد وامرك تقعدى 

مليكه :- لنفسها اللهم يطولك يا روح 

فهد :- قلع الجاكت وحطه على ضهر الكرسى وقعد وبص فى الورق اللى على المكتب وتجاهل وجود مليكه وسبها وقفه 

مليكه :- هفضل وقفه كده كتير 

فهد :- من غير ما يرفع عينه شاور بأيده بمعنى اقعدى

مليكه :- لنفسها بنأدم مستفز ومتكبر 

فهد :- هتفضلى قعده كده كتير ما تشوفى شغلانه اشتغليها

مليكه :- والله شوف ايه الشغل المطلوب منى اعمله وانا اشتغله علطول 

فهد :- اداها دوسهات كتير وقال كل ده عايزه يتنقل من اول وجديد ومفيش خروج من الشركه غير لما تخلصيهم 

مليكه :- طب فين الكومبيوتر اللى هنقل عليه الملفات دى 

فهد :- هههههههه لا الشغل هيكون يدوى 

مليكه :- نعم شغل ايه اللى يدوى ده كل ده هكتبه على ايدى 

فهد :- ايوه وهيخلص انهارده 

مليكه :- مستحيل يخلص النهارده 

فهد :- والله ده اللى عندى مفيش خروج من باب الشركه غير لما تخلصيهم 

مليكه :- بصوت واطى خلصت روحك يا بعيد 

فهد :- على فكره سمعتك ولمى لسانك علشان مقطعهوش ليكى 

مليكه :- ما تسمع ايه يعنى ولا يهمنى 

فهد :- طب زى ما انتى شاطره فى الرد ورينى شطارتك فى الشغل 

مليكه :- حسبى الله ونعمه الوكيل فيك وبدءت الشغل 

فهد :- كان كل شويه يخطف نظره عليها وهى شغاله وجه وقت الغدا 

قام فهد من على مكتبه وبص على مليكه بصه اخيره وخرج من المكتب وسبها شغاله

مليكه :- اللهى تروح ما ترجع يا شيخ وكملت شغلها 

وانتهى وقت الغدا ورجع فهد على مكتبه وقعد على الكرسى وقعد يهز الكرسى يمين وشمال ويخبط بالقلم على المكتب 

مليكه :- ممكن لو سمحت تبطل خبط بالقلم علشان اعرف اركز 

فهد :- والله انا حر فى مكتبى 

مليكه :- خلاص يبقى انقل مكتبى انا فى مكان تانى علشان اعرف اركز 

فهد :- لا هتقعدى فى مكتبى وانا برضه هعمل اللى انا عايزه

مليكه :- بصت ليه بغيظ وكملت شغلها

وانتهى وقت العمل الرئيسى وبدء الموظفين يخرجو من الشركه 

مليكه :- ممكن اروح وبكره اكمل الباقى خلاص مش قادره 

فهد :- لا 

مليكه :- هوف ربنا ينتقم منك وكملت شغلها وبعد وقت طويل خلصت مليكه الشغل وقالت اتفضل نقلت ليك كل الملفات اهو 

فهد :- بص على الملفات المنقوله بقرف وقال ايه ده زفت الخط زى الزفت وقطعهم كلهم

مليكه :- لاااااااااااا حرام عليك ليه تعمل كده ده انا تعبت فيهم

فهد :- الملفات دى تتنقل من اول وجديد 

مليكه :- اييييييييه 

فهد :- زى ما قولتلك تتنقل من اول وجديد وابدأى فيهم حالا علشان مش هتروحى غير لما يخلصو 

مليكه :- بأنهيار حرام عليك يا اخى انا تعبت بجد ومش هعملهم تانى واللى يحصل يحصل وقامت وقفت ولسه هتفتح الباب حست بدوخه ووقعت بس قبل ما تلمس الارض كانت ايد فهد سابقه 

فهد :- بلهفه وخوف مليكه مليكه وقعد يخبط على وشها براحه ويقول مليكه فوقى بس مليكه مردتش عليه شلها ونزل بيها وحطها فى العربيه وراح بيها على المستشفى 

فهد :- وصل المستشفى ونزل يجرى بيها ودخلها اوضت الكشف ودخل الدكتور وكشف عليها وخرج 

فهد :- خير يا دكتور 

الدكتور :- .....................

#يتبــــــــــع…… 

❤متمرده عشقت كبرياءه❤

👇البارت الــ10👇

فى المستشفى 

خرج الدكتور من الاوضه بتاعت مليكه 

فهد :- خير يا دكتور 

الدكتور:- متقلقش يا فهد باشا بسيطه كل المشكله ان هى بقالها فتره مأكلتش فحصلها هبوط فى الدوره الدمويه وانا علقت ليها محلول وكمان شويه هتفوق بس ياريت تهتمو بيها شويه فى الاكل علشان هى ضعيفه جدآ

فهد :- شكرآ يا دكتور 

الدكتور :- العفو يا فهد باشا انا تحت امر حضرتك ومشى الدكتور ودخل فهد عند مليكه فى الاوضه وحط كرسى جمب السرير وقعد عليه وقعد يبص عليها وهى نايمه ومشى صوابع ايديه على وشها وكان فى خصله من شعره نزله على عنيها مسكها بأيده وشمها ورجعها وراه ودنها 

مليكه :- بعد شويه بدءت تحرك راسها 

فهد :- اول ما شفها بتحرك راسها قام وقف 

مليكه :- اممم انا فين 

فهد :- احم انتى فى المستشفى 

مليكه :- انزعجت من صوت فهد وفتحت عنيها وقالت انت ايه جابك هنا 

فهد :- انا غلطان ان جبتك هنا لما اغمى عليكى فى مكتبى 

مليكه :- وانا اللى حصلى ده بسببك وبسبب الشغل اللى اشتغلته تقتل القتيل وتمشى فى جنازته 

فهد :- وانا مالى وانا اللى كنت قولت ليكى بلاش تاكلى اللى حصلك ده هبوط من قلت الاكل 

مليكه :- وانا هيجى ليا نفس منين بعد اللى عملته فيا ينتقم منك ربنا 

فهد :- وانا قولتلك مستعد اروح اطلب ايدك دلوقتى 

مليكه :- بدموع اطلع بره مش عايزه اشوف وشك انا بكرهك وعندى الموت اهون مليون مره من ان اكون مراتك 

فهد :- انتى حره بس اعملى حسابك مش هصبر عليكى كتير انا بزهق بسرعه ولو زهقت متلميش غير نفسك على اللى هيحصل وخرج من الاوضه 

مليكه :- حطت ايديها على وشها وقالت وهى بتعيط يارب خدنى بقى انا تعبت مش قادره استحمل كل اللى بيحصل ده وسحبت ابرت المحلول من ايديها  

وحاولت تقوم بس كانت دايخه ومش قادره تقف وحاولت كذا مره لحد ما وصلت للحيطه وسندت عليها ومشيت لحد الباب بالعافيه وفتحته وخرجت منه 

فهد :- ريحه فين 

مليكه :- ملكش دعوه بى سيبنى فى حالى 

فهد :- ازاى اسيبك انتى مش قادره تمشى لوحدك وبص على ايديها لاقها بتنزل دم مكان الابره قال وايدك بتنزل دم 

مليكه :- حاجه متخصكش وحاولت تمشى وهى سانده على الحيطه 

فهد :- شلها وقال شكلك كده مش بتيجى بالكلام 

مليكه :- اوعى نزلنى بدل ما اصوت والم عليك كل المستشفى

فهد :- لو جدعه اعمليها ودخلها الاوضه تانى ومسك ايديها ومسح الدم اللى فيها بأيده 

مليكه :- حاولت تسحب ايديها بس هو كان متحكم فى ايديها جامد قالت اوعى كده انا بقرف من لمستك ليا 

فهد :- بقى انتى بتقرفى منى انا ده انتى اللى تقرفى بلد 

مليكه :- يا عم انا راضيه بس ابعد عنى وسبنى فى حالى 

فهد :- هبعد عنك فى حاله واحده 

مليكه :- ايه هى وانا مستعده اعملها 

فهد :- قرب منها وقال لما تموتى وبرضه مش هسمح للموت يخلصك منى علطول كده 

مليكه :- لالالا انت اكيد مجنون مش طبيعى اقسم بالله فى حاجه فى دماغك 

فهد :- يلا علشان اوصلك 

مليكه :- استحاله اركب معاك فى العربيه انا هركب تاكسى 

فهد :- والله يا مليكه لو ما قومتى دلوقتى ومشيتى معايه لاكون شايلك ونزل بيكى قدام الناس كلها وانتى عارفه ان انا مجنون واعملها ها هتتزلى بالذوق ولا اشيلك 

مليكه :- وقفت وحست بدوخه وقعت فى حضن فهد 

فهد :- اتفاجئ بمليكه فى حضنه قعد يبص فى عنيها 

مليكه :- بصت فى عنيه وحست بأحساس غريب وفى الوقت ده دخلت الممرضه 

الممرضه :- احم احم 

مليكه :- اتنبهت وبعدت عنه بسرعه 

الممرضه :- انا كنت جايه اشوف المحلول خلص ولا لا 

مليكه :- خ.خ.خلص 

فهد :- ممكن بس تشوفى ايديها علشان كانت بتنزل دم مكان الابره 

الممرضه :- بصت على ايديها ومسكت قطنه ومطهر ومسحت الدم اللى فى ايديها وحطت عليها لزق طبى وقالت تمام كده 

مليكه :- ش.ش.شكرآ

الممرضه :- خرجت من الاوضه 

فهد :- لاحظ الجرح اللى فى ايديها مسك ايديها وبص عليه وقال ايه ده 

مليكه :- شدت ايديها وقالت ملكش دعوه 

فهد :- انتى حاولتى تموتى نفسك 

مليكه :- ايوه علشان ارتاح من شكلك اللى كل ما بشوفه بفتكر اللى عملته فيا 

فهد :- ههههه حتى الموت مش هخليكى تطوليه غير بمزاجى 

مليكه :- استغفر الله العظيم ربنا ينتقم منك الموت ده بأيد ربنا مش بأيد العبد لكن هقول ايه انت كلمة شيطان قليله عليك 

فهد :- بكره تشوفى الشيطان ده هيعمل فيكى ايه 

مليكه :- مش هخسر اكتر من اللى خسرته مش فارقه 

فهد :- ولا هيفرق معاكى لو عملت فى اختك زى ما عملت فيكى 

مليكه :- بصدمه اختى اياك تقرب على اختى والله العظيم اقتلك 

فهد :- ههههههههه طب ماانا عملت فيكى اللى انا عايزه ومقدرتيش تعملى حاجه انتى كلام وبس واسمعى اخر كلام عندى لو مش هتوافقى على الجواز منى هيتعمل في اختك زى ما اتعمل فيكى وهصورها زى ما صورتك وهبعت لامك الفيديوهات بتاعت بنتها الاتنين وشوفى بقى ايه هيجرارها وبرضه فى الاخر هتجوزك 

مليكه :- حرام عليك يا اخى انت ايه معندكش قلب ولا عندك رحمه ليه كل ده علشان ضربتك قلم طب خلاص خلصنا انا ضربتك قلم وانت اخد منى اعز ما املك ودى اصعب الف مره من مية قلم سبنا فى حالنا بقى حرام عليك 

فهد :- انتى قولتيها معنديش قلب يعنى كلامك ده مش هيخليكى تصعبى عليا وانا اللى عندى قولته ويلا اوصلك 

مليكه :- مشيت وراه وهى دموعها على خدها وبتفكر فى المصيبه دى ونزلت مع فهد وركبت العربيه معاه بس وراه 

فهد :- ركب العربيه وقال قولى العنوان 

مليكه :- بدموع قالت ليه العنوان 

فهد :- شغل العربيه ومشى بيها على العنوان وطول الطريق يبص على مليكه فى المرايا بتاعت العربيه 

مليكه :- طول الطريق مبطلتش عياط  

فهد :- وصل للعنوان ونزلت مليكه من غير ما تنطق ولا كلمه وطلعت للشقه 

ومشى فهد بعربيته وراح للفيلا 

……………………………………………………

فى شقة اسر 

دخلت مليكه الشقه وكانت فايزه ومها ومى قعدين قلقانين عليها واول ما شفوها طلعو يجرو عليها 

فايزه :- كنتى فين يا مليكه كنا هنتجن عليكى ينفع كده التأخير ده 

مليكه :- بدموع اسفه يا ماما بس انا تعبت واغمى عليا وكنت فى المستشفى 

فايزه :- بخضه مستشفى ليه حصلك ايه 

مليكه :- متخفيش يا ماما مع قلة الاكل حصل ليا هبوط مش اكتر وعلقو ليا محلول ودلوقتى بقيت الحمدالله 

فايزه :- يا بنتى حرام عليكى اللى بتعمليه فيا ده يعنى لو حصل ليكى حاجه انا هبقى كويسه مش بعيد اروح فيها علشان ترتاحى 

مليكه :- بعد الشر عليكى يا ماما 

مها :- طب مفيش حد اتصل بينا ليه 

مليكه :- صاحب الشركه هو اللى ودانى المستشفى وقعد معايا لحد ما خلص المحلول ووصلنى لحد هنا بالعربيه 

مى :- خلاص يا جماعه بقى المهم ان هى كويسه وبخير سبوها ترتاح شويه مش شايفين وشها اصفر ازاى من التعب 

فايزه :- ادخلى يا حبيبتى اوضك وريحى ونامى 

مليكه :- ماشى تصبحو على خير 

الكل :- وانتى من اهله 

وكل واحد دخل اوضه ونام 

……………………………………………………

فى فيلا فريد المنشاوى 

وصل فهد بعربيته ونزل منها ودخل الفيلا 

سهير :- اخيرآ افتكرت ان ليك اهل 

فهد :- ماما بقولك ايه انا مصدع ومش فايق لاى كلمه دلوقتى 

سهير :- انت قلبك قاسى علينا كده ليه مش بنوحشك ابدآ اكيد جدتك هى اللى بتكرهك فيا 

فهد :- يا امى يا حبيبتى مش وقت كلام ده انا هموت وانام 

فريد :- خرج من المكتب وقال فهد حبيبى وحشتينى 

فهد :- انت اكتر يا بابا 

فريد :- كده يا فهد اهون عليك تبعد عنى كده 

فهد :- معلش يا بابا كنت عايز اقعد لوحدى شويه 

فريد :- ماشى يا حبيبى بس حاول متعملهاش تانى كفايه اخوك فارس مش هيبقى انتو الاتنين 

فهد :- ماشى يا بابا متزعلش 

سهير :- فايق تتكلم بس مع ابوك لكن انا مش فايق ليا 

فهد :- غمض عنيه وقال يا ماما بلاش طريقة كلامك دى ارجوكى انا مش عيل صغير افهم دى بقى 

فريد :- اطلع يا حبيبى اوضك ونام 

فهد :- اعمل حسابك يا بابا بكره هتيجى معايا نطلب ايد مليكه 

سهير :- مين البنت الشحاته دى مستحيل ده يحصل 

فهد :- وانا مش باخد رأيك انا ببلغكم بقرارى 

فريد :- واضح انك بتحبها علشان كده متمسك بيها والبنت شكلها كويسه ومحترمه 

سهير :- فريد ايه اللى انت بتقوله ده 

فريد :- ايه بقول رأى وانا شايف ان البنت تستاهل بجد كفايه انها قدرت تنسى فهد البنت اللى كان بيحبها 

سهير :- وانا مش موافقه 

فهد :- براحتك موافقه ولا مش موافقه دى حاجه ترجعلك انتى لكن انا هتجوزها يعنى هتجوزها 

سهير :- وانا مستحيل ادخلها الفيلا هنا 

فهد :- مفيش مشكله هقعدها فى الشقه بتاعتى وممكن اخليها تقعد مع نانا 

سهير :- اتغاظت وقالت كده يا فهد ماشى براحتك بس انسى ان ليك ام 

فهد :- هههههه ومن امته وانا بحس ان ليا ام كفايه عليكى النوادى والخروج مع سيدات المجتمع الراقى لكن طول عمرك انا اخر همك عمرك ما فكرتى تقعدى معايه تسألينى عايز ايه تضحكى معايه زى اى ام مع طفلها طب بذمتك انتى تعرفى انا بحب اكل ايه ولا بكره ايه تعرفى ايه عن حياتى اصلا علشان كده مش من حقك تدخلى فيها دلوقتى وانا مليكه هتجوزها هتحضرى ولا لا ده مش هيفرق معايه كتير عن اذنك 

وسبها وطلع اوضه 

سهير :- شوفت قسوة قلب ابنك عليا 

فريد :- اللى قاله ده ميجيش نص اللى انتى حرمتيه منه وانا من زمان وانا بحاول افهمك تقربى منه زى اى ام لكن عجرفتك واهتمامك بنفسك نسوكى واجباتك كأم متجيش دلوقتى وتشتكى من قسوته عليكى علشان انتى اللى زرعتى القسوه دى فى قلبه من زمان وانا حذرتك من يوم زى ده عن اذنك وسبها ودخل المكتب 

سهير :- كده ماشى يا فهد اعمل اللى انت عايزه واتحدانى ويا انا يا هى 

……………………………………………………

فى اوضت فهد 

دخل فهد اوضه ورمى نفسه على السرير وبص على السقف وشاف فيه صورة مليكه سرح فى فيها وافتكر لما كانت فى حضنه وعنيها فى عينه وقال 

فهد :- من بكره هتكونى ملكى انا وبس وهعمل فيكى اللى انا عايزه وبراحتى وشوفى بقى هتقدرى ترفضينى ازاى 

وغمض عينه ونااااااام نوم عميق 

……………………………………………………

فى شقة اسر 

فى اوضت مليكه 

دخلت مليكه الاوضه ورمت نفسها على السرير وحطت ايديها على وشها وقعدت تعيط وقالت 

مليكه :- يارب اعمل ايه دلوقتى لو رفضه ممكن ينفذ اللى هو قال عليه ويأذى اختى ولو وفقت هكون برمى نفسى فى النار ومستحيل هقدر اعيش معاه تحت سقف واحد اعمل ايه بس يارب حلها من عندك انا اضعف من فى الارض وانت رب المستضعفين خد حقى منه وانتقم منه يا قادر يا كريم وغمضت عنيها ونااااااامت نوم عميق 

……………………………………………………

اشرقت شمس صباح يوم جديد بنورها الساطع فى سماء الاسكندريه لتفتح مليكه عنيها على صوت امها 

فايزه :- مليكه مليكه 

مليكه :- اممم ايوه يا ماما 

فايزه :- اصحى يا حبيبتى يلا علشان تاكلى لقمه وتروحى الشغل 

مليكه :- لا يا ماما مليش نفس وبعدين انا مش هروح الشركه انهارده 

فايزه :- خلاص يا حبيبتى براحتك وخرجت من الاوضه 

مليكه :-دموعها نزلت منها وقامت دخلت الحمام اخدت شاور واتوضت وخرجت من الحمام لبست هدومها وادت فرضها وقعدت على السرير وضمت رجليها عند صدرها وقعدت تعيط 

وفى الوقت ده دخلت ليها مها 

مها :- صباح الخير 

مليكه :- مسحت دموعها وقالت صباح النور 

مها :- قعده ليه لوحدك ما تيجى تاكلى معانا 

مليكه :- مليش نفس يا مها روحى انتى كلى 

مها :- لا بقى يا مليكه انتى فيكى حاجه كبيره ومخبيها عليا وانا مش هخرج من اوضك انهارده غير لما اعرف ايه السبب 

مليكه :- والنبى يا مها سبينى فى حالى واطلعى 

مها :- لا يا مليكه مش خرجه غير بعد ما تحكى وتقولى مالك 

مليكه :- مرضتش تحكى ليها موضوع الشقه بتاع فهد وقالت الشغل اللى انا فيه 

مها :- ماله 

مليكه :- صاحب الشغل يبقى فهد المنشاوى اللى خرجنا من الشقه بتعتنا 

مها :- بصدمه ايه 

مليكه :- عرفتى ليه انا عامله كده 

مها :- طب وانتى تزعلى نفسك ليه ما تسيبى الشغل وخلاص 

مليكه :- مش هينفع علشان العقد اللى ماضيه عليه فيه شرط جزائى بمبلغ كبير ويا اكمل شغل يا اتحبس 

مها :- يا نهار اسود ومنيل طب وهتعملى ايه 

مليكه :- مش هى دى المشكله 

مها :- وهو فيه حاجه تانى 

مليكه :- ايوه 

مها :- ايه 

مليكه :- عايز يتجوزنى ولو رفض هيحبسنى برضه 

مها :- هو الراجل ده ايه مش بيخاف ربنا 

مليكه :- مفترى ومعندهوش قلب ومش بيرحم حد 

مها :- وانتى قرارتى ايه 

مليكه :- بدموع مش عارفه يا مها مش عارفه 

مها :- صعبت عليها مليكه حضنتها وقعدت تطبطب عليها 

مليكه :- عرفتى يا مها مالى ده انا بموت اقسم بالله تعبت والله العظيم 

مها :- ششششش اهدى يا مليكه وان شاءالله ربنا هيحلها من عنده 

مليكه :- طلعت من حضن مها ومسحت دموعها وقالت الحمدالله انا صابره وعارفه ان ده اختبار من ربنا 

مها :- ونعمه بالله 

مليكه :- روحى انتى يا مها وسبينى لوحدى 

مها :- حاضر يا مليكه وخرجت مها وسابت مليكه فى الاوضه لوحدها 

مليكه :- كتمت بؤقها بأيديها وقعدت تعيط 

……………………………………………………

فى فيلا فريد المنشاوى 

فى اوضت فهد 

صحى فهد من نومه وقام من على سريره دخل الحمام اخد شاور وخرج لبس هدومه وسرح شعره وخرج من اوضه ونزل 

فهد :- صباح الخير 

فريد :- صباح النور 

سهير:- مردتش عليه 

فريد :- ايه يا حبيبى رايح الشركه 

فهد :- ايوه يا بابا واعمل حسابك بليل هتيجى معايه عند اهل مليكه

سهير :- اعمل حسابك انا مش موافقه ومش هروح عند حد 

فهد :- براحتك وانا مطلبتش منك تيجى 

سهير :- يعنى برضه مصمم عليها

فهد :- اه مش هتجوز غيرها

سهير :- ماشى يا فهد اعمل اللى فى دماغك وانا برضه هعمل اللى فى دماغى 

فهد :- بص ليها بتوعد وقال ليها وهو دايس على سنانه ودينى وما اعبد لو فكرتى تقربى لمليكه هنسى انك امى انا حذرتك اهو وخرج ركب عربيته ومشى على الشركه وهو متعصب 

فريد :- ليه ليه يا سهير انا تعبت من الكلام بجد معاكى وقام دخل المكتب وسبها 

سهير :- بتوعد ودينى لهوريكى يا جربوعه وادفعك تمن كل حاجه بتحصل دلوقتى 

……………………………………………………

فى شقة اسر 

كان كلهم قعدين مع بعض ومليكه قعده فى اوضتها 

مى :- هى مليكه قعده لوحدها فى الاوضه ليه ما تيجى تقعد معانا 

مها :- لا سبيها هى تعبانه شويه وقالت انها هتنام 

فايزه :- مش عارفه ايه جرى لاختكم كانت زى الفل 

مى :- اتحسدت يا حاجه ابقى بخريها او اعملى ليها عروسه وفقعى عنيها علشان الحسد يروح من عندها 

فايزه :- بت انتى اسكتى خالص كلامك بيعصبنى اوى 

مى :- ده انا غلبانه علطول ظلمانى 

فايزه :- اه غلبانه اوى اه يا غلبى منك انتى 

مها :- هتعملى ايه دمغها فاضيه مش شغله بالها باى حاجه فى الدنيا لو فتحتى دمغها هتلاقى توم وجيرى 

مى :- سبت ليكى انتى العقل يا ام قلب كبير وفى الوقت ده رن جرس الباب

فايزه :- قومى افتحى الباب 

مى :- انا بعد كده هجيب كرسى واحطه جمب الباب وكل ما الباب يخبط افتح ليه بلا تعليم بلا قرف بقى وراحت تفتح الباب 

اسر :- اذيك يا اوزعه 

مى :- الحمدالله يا زرافه 

فايزه :- تعال يا اسر ادخل 

مى :- ادخل يا خويه ما انت خلاص بقيت من المكرر اليومى بتعنا 

اسر :- قرصها فى خدها وقال يا تويتى بعينه ودخل جوه

مى :- قفلت الباب وقالت اللهى تتفقع عينك 

اسر :- اذيك يا مرات عمى 

فايزه :- الحمدالله يا ابنى 

اسر :- اذيك يا مها 

مها :- كويسه انت عامل ايه 

اسر :- انا كويس طول ما انتى كويسه 

مى :- ايه يا عم النحنوح خف تعوم 

اسر :- مش عارف كده سامع صوت نمله بتتكلم حد شايفها 

مى :- والله مابلاش انا هزعلك 

اسر :- ههههههههه تويتى 

مى :- يخربيت غلاستك يا شيخ 

اسر :- ههههههههههه

فايزه :- سيبك منها واقعد يا ابنى 

اسر :- امال فين مليكه 

مها :- تعبانه شويه ونايمه فى اوضتها 

اسر :- الف سلامه عليها وعليكى 

مى :- بنأدم مبالغ فيه الصراحه 

اسر :- هدى اعصابك يا تويتى كل ما تتعصب بتقصرى اكتر 

مى :- وانت يا زرافه كل ماتغلس بتطول اكتر 

مها :- بس بس بس انتو ايه ناقر ونقير علطول كده 

اسر :- لالالا بلاش تتعصبى والله لو مش عايزانى اكلمها تانى مش هكلمها 

مى :- اه يا واطى بتبعنى فى اول محطه كده 

مها :- وانا مالى تكلمها ولا متكلمهاش انت حر 

اسر :- بزعل لا عادى انا بس قولت اعمل اللى يريحك 

فايزه :- احم اسر اعمل حسابك هتتغدا معانا

اسر :- ماشى يا مرات عمى 

……………………………………………………

فى شركة فريد المنشاوى 

وصل فهد للشركه ونزل من عربيته وركب الاسانسير وطلع على مكتبه وبص على مكتب مليكه ملقهاش طلع من مكتبه وراح مكتب باسم 

فهد :- صباح الخير يا باسم 

باسم :- صباح النور 

فهد :- هى مليكه مجدش النهارده.

باسم :- لا مجدش لحد دلوقتى معرفش ليه

فهد :- ودينى لو ناويه متجيش تانى لاكون حبسها 

باسم :- اهدا يا فهد ممكن تكون تعبانه شويه ولا حاجه 

فهد :- ماشى يا باسم وخرج وهو متعصب

باسم :- ربنا يستر من اللى هيحصل 

فهد :- دخل مكتبه وهو متعصب وقال ودينى يا مليكه لاوريكى ومسك تليفونه واتصل على ابوه 

فهد :- بابا تعال ليا دلوقتى حالا علشان نروح بيت مليكه 

فريد :- بأستغراب دلوقتى يا ابنى 

فهد :- اه يا بابا ولو مش عايز تروح اروح انا 

فريد :- لا ياابنى انا جاى ليك وقفل مع ابوه وقال 

فهد :- ورينى هتعملى ايه يا مليكه 

……………………………………………………

فى شقة اسر 

كان الكل متجمع على سفرة الاكل 

فايزه :- كلى يا مليكه انتى قعده مش بتاكلى ليه 

مليكه :- ما انا باكل اهو

فايزه :- فين اللى بتاكلى ده انتى وشك اصفر لمونه

اسر :- هو فى حد مضيقك فى الشغل ولا ايه يا مليكه 

مليكه :- بصت لمها وقالت ها ل.ل.لا ب.ب.بس تعبانه شويه 

مها :- ك.ك.كل يا اسر مش بتاكل ليه 

اسر :- فرح اوى ان مها بتهتم بى وقال ربنا يخليكى يا مها انا هاكل الاكل اللى محطوط على السفره ده كله علشان خاطرك 

مى :- لا مش كله طب واحنا هناكل ايه 

اسر :- ابقى شوفى حل للنمل اللى عندك يا مرات عمى 

مى :- استظراف دمك سم على فكره 

اسر :- هههههههههه براحه على نفسك والله هتختفى من كتر ما انتى بتقصري

فايزه :- كلو بقى يا ولاد بطلو كلام وفى الوقت ده رن جرس الباب 

مى :- والنبى ما انتى قايله هقوم افتح 

وقامت فتحت الباب وقالت انت 

فايزه :- مين يا مى 

مى :- د.د.ده الراجل 

فايزه :- راجل مين ده 

مى :- تعالى وانتى هتعرفى 

كلهم قامو وراحو عند الباب 

فايزه :- بصدمه انت جاى ليه 

فهد :- مش المفروض تدخلو ضيوفكم ولا متعودين تستقبليهم وتسبيهم على الباب 

مليكه :- بصت لمها بخوف 

مها :- مسكت ايد مليكه علشان تطمنها 

اسر :- مش انت فهد المنشاوى جاى ليه هنا 

فهد :- ينفع الكلام على الباب 

فايزه :- اتفضل ادخلو

دخل فهد وفريد وقعدو 

فايزه :- ممكن اعرف انت جاى ليه 

فريد :- اهدى يا مدام احنا جاين نطلب ايد الانسه مليكه لفهد ابنى 

فهد :- وبنتك عارفه الموضوع ده وانا قايلها فى الشركه 

فايزه :- شركة ايه 

فهد :- ليه هى بنتك مش قايله ليكى ان هى شغاله عندنا فى الشركه 

فايزه :- بصت لمليكه وقالت صحيح الكلام ده 

مليكه :- مسكت ايد مها اكتر 

فهد :- وانا هكدب عليكى ليه 

اسر :- وهو اللى بيجى يطلب حد بيجى من غير معاد ولا استأذن 

فريد :- فى دى عندك حق بس فهد مش صابر 

فايزه :- بس انا اسفه معنديش بنات للجواز 

فهد :- بيتهيألى بنتك ليها رأى تانى 

فايزه :- بنتى سبق ورفضتك وده قرار نهائى 

مليكه :- بدموع انا موافقه يا ماما 

الكل بص لمليكه بصدمه 

فهد :- ضحك ضحكت انتصار وقعد وحط رجل على رجل وقال 

فهد :- …………………………

#يتبــــع…… 

❤متمرده عشقت كبرياءه❤

👇البارت الــ11👇12

مطلوب نوصل البارت ده لــ500 كومنت علشان نقدر ننزل بارتين كمان النهارده

فى شقة اسر 

مليكه :- بدموع انا موافقه يا ماما 

الكل اتصدم من رد مليكه 

فهد :- ضحك ضحكة انتصار ورجع ضهره لوره وحط رجل على رجل وقال 

فهد :- ها ايه رأيك بقى صحبة الشأن موافقه 

فايزه :- مليكه انتى موافقه على جوازك منه 

مليكه :- بدموع ايوه يا ماما 

مها :- بلاش يا مليكه اللى انتى هتعمليه ده اكبر غلط 

مليكه :- خلاص يا مها انا قولت موافقه 

فهد :- والله هى وراحتها لو عايزه ترفض هى عارفه 

مليكه :- لالالا انا قولت موافقه 

فهد :- طلعتى شطره وعرفتى مصلحتك 

فايزه :- بس انا مش موافقه 

فهد : - طلع سيجار كوبى بتاعه وولعه واخد نفس ونفخ الدخان فى الهوا وبص على السيجار يمين وشمال وقال مش مهم توافقى ولا لا برضاكى او غصب عنك هتجوزها 

اسر :- ما تتكلم عدل بدل ما اخرب عليك 

فهد :- روح يا بابا العب بعيد 

اسر :- تصدق انك بنآدم قليل الادب وعايز تتربى ولسه هيروح عنده 

مليكه :- وقفت قصاده وقالت وحياة اغلى حاجه عندك بلاش 

اسر :- انتى مش شايفه بيتكلم ازاى 

مليكه :- معلش علشان خاطرى 

فهد :- حلو اوى الشويتين اللى انت عملتهم دول 

فايزه :- بقولك ايه انا سكتالك احترام للوالدك لكن لو محترمتش نفسك هيبقى  فى كلام تانى معاك 

فريد :- شكرآ ليكى وبص لفهد وقال اهدا شويه يا فهد احنا فى بيتهم برضه

فهد :- من الاخر اعملو حسابكم الفرح الاسبوع الجاى 

فايزه :- وانا قولتلك مش موافقه ومعنديش بنات للجواز 

مليكه :- بدموع علشان خاطرى يا ماما وافقى وانا اللى هعيش معاه موافقه 

فايزه :- هتعيشى معاه ازاى ده يا مليكه مش ده اللى كان بسببه اترمينا فى الشارع وخلنا اتحوجنا للى يسوى واللى ميسواش 

مليكه :- انسى يا ماما علشان خاطرى ووافقى 

فايزه :- مش هتقدرى تعيشى معاه 

مليكه :- لا هقدر 

فهد :- خلصونا بقى وزى ما قولت الفرح الاسبوع الجاى 

مليكه :- لا الاسبوع الجاى مش هينفع استنى كام شهر 

فهد :- وانا قولت الاسبوع الجاى ووقف وقال الاسبوع الجاى زى النهارده الفرح 

وسبهم ومشى ولسه هيفتح الباب ويطلع 

مليكه :- موافقه بس مش عايزه فرح كتب كتاب وبس 

الكل بص لمليكه واستغرب كلامها 

فهد :- بصلها وقال يكون احسن برضه اصل دى مش اشكال يتعمل ليها فرح وسبهم ونزل ونزل وراه ابوه 

فايزه :- فهمينى بقى ايه الحكايه لسه من كام يوم فى فيلا عمك كنتى رافضه الجواز منه ايه حصل غير رأيك وبعدين انتى ايه خلاكى تروحى تشتغلى عنده فى الشركه ومن غير ما تقولى وليه وافقتى وطلبتى ميكنش فى فرح فى حاجه فى الموضوع ده انا مش فهمها 

مليكه :- بدموع دى حياتى وانا حره فيها وانا وافقت عليه وخلاص وطلعت تجرى على اوضتها 

اسر :- ازاى مليكه توافق عليه وازاى هتقدر تعيش مع بنأدم زى ده 

فايزه :- لالالا فى حاجه فى الموضوع 

مها :- انا عارفه ليه مليكه عملت كده 

فايزه :- قولى ليه 

مها :- حكت ليهم الكلام اللى قالتو مليكه ليها 

فايزه :- قعدت على الكنبه بصدمه وقالت يانهار اسود يعنى مليكه يا تتجوزه يا تتحبس 

مها :- ايوه 

اسر :- لو على الفلوس انا ادفعها وبلاش موضوع الجواز ده 

مها :- لا طبعآ مش هينفع اولا مليكه مش هترضه وثانيآ ده بنأدم شرانى يعنى ممكن يعمل اى حاجه علشان يتجوزها 

فايزه :- علشان كده مليكه بقلها يومين مش طبيعيه 

مها :- اهم حاجه دلوقتى ندعموها نفسيآ ونقف جنبها الاسبوع ده الجواز هيتم هيتم بيرضنا او غصب عننا مش قدمنا غير ان احنا نقف جنبها وندعى ربنا يصبرها ويقويها على اللى هى داخله عليه 

فايزه :- قامت وراحت لمليكه الاوضه وخبطت على الباب محدش رد خبطت تانى برضه محدش رد فتحت الباب لاقت مليكه مغمى عليها فى الارض 

فايزه :- جريت عليها وخبطت على وشها وقالت مليكه مليكه ردى عليا وقالت الحقونى يا ولاد 

كلهم طلعو يجرو على صوت فايزه واتفاجئو بمليكه فى الارض 

اسر :- جرى عليها وشلها وحطها على السرير وقعد يخبط على وشها بس مفقتش قال هاتى ازازة البرفان بسرعه 

مى :- جابت ازازة البرفان وادتها لاسر 

اسر :- اخدها ورشها على ايده ومشاها تحت مناخيرها 

مليكه :- اممممم ومسكت راسها 

فايزه :- مليكه ردى عليا حاسه بأيه 

مليكه :- صداع جامد اوى 

مها :- ممكن يكون الضغط وطى عليها 

اسر :- مليكه اتصل اجبلك دكتور 

مليكه :- لالالا انا كويسه هاخد حباية صداع دلوقتى 

فايزه :- ليه مقولتيش يا مليكه الحقيقه كلنا هنقف جنبك 

مليكه :- بدموع انتى تعبانه يا ماما مش حمل مشاكل وهو مفترى ومش هيرحم حد 

اسر :- متخفيش يا مليكه انا هدفع ليه الشرط الجزئي ومش هسمح ان هو يتجوزك 

مليكه :- لالالا يا اسر اوعى تعمل كده انا خلاص هتجوزه 

اسر :- مدام انتى مش بتحبيه هتتجوزى ليه ما انا هحلها ليكى وهديلو الفلوس اللى بيهددك بيها 

مليكه :- يا جماعه خلاص بقى الموضوع خلص الاسبوع الجاى كتب كتابى وده اخر كلام عندى 

فايزه :- احنا خايفين عليكى مش هتقدرى تعيشى مع البنأدم ده

مليكه :- وانا مش صغيره واعرف اتعامل معاه كويس اوى 

مها :- يا حبيبتى احنا معاكى فى اى قرار تخديه ومش هنتخلى عنك وهنقف جنبك علطول 

مليكه :- معلش يا جماعه سيبونى لوحدى انا تعبانه وعايزه انام

الكل خرج من الاوضه وقفلو الباب وراهم 

مليكه :- حطت ايديها على وشها وقعدت تعيط 

……………………………………………………

فى العربيه عند فهد 

فريد :- بعصبيه ايه اللى انت عملته ده انا بقيت قاعد مش عارف اتكلم ولا كلمه من اللى انت قولته ده 

فهد :- ببرود عادى يا بابا هما الناس دى كده عايزه المعامله دى 

فريد :- بلاش عجرفت امك دى بتتكلم بطريقتها وبعدين لما انت شايفهم ان هما ناس مش من مستواك متمسك ليه بالبنت وعايز تتجوزها 

فهد :- لاسبابى الخاصه 

فريد :- يا فهد البنت شكلها غلبانه ولو مش بتحبها بلاش تاخدها وتعذبها معاك 

فهد :- بابا لو سمحت دى حياتى الخاصه وانا حر فيها ومليكه هتجوزها واللى هيحصل ما بنا مش من حق اى حد يدخل فيها 

فريد :- مش كده بلاش تستقوى على الضعيف علشان فى الاقوى منك فى ربنا وساعتها هياخد حق الغلبانه دى منك 

فهد :- بابا انا مش صغير وعارف بعمل ايه وفى الوقت ده وصلو الفيلا 

فريد :- مش نازل 

فهد :- لا هروح انام عند نانا 

فريد :- ماشى 

فهد :- ابقى بلغ ماما 

فريد :- ماشى سلام ونزل من العربيه ودخل الفيلا 

فهد :- مشى بعربيته وراح على شقة ناديه جدته

……………………………………………………

فى فيلا فريد المنشاوى 

دخل فريد وكانت سهير قعده ومستنياهم 

سهير :- امال فين العريس 

فريد :- راح عند امى 

سهير :- اه ما لازم يروح عندها ما هى اللى مقويه علينا ومخليه يعمل اللى هو عامله علشان تقهرنى 

فريد :- هو اى مصيبه تحصل تقولى امى هى السبب وبعدين ابنك فهد هو اللى عايز يعمل كده من نفسه 

سهير :- اه يانى هتشل بقى بنت الشحاتين دول تكون مرات ابنى هقول لاصحابى ايه فى الفرح لما يسألونى عنها دى بنت مين 

فريد :- ريحى نفسك ابنك مش هيعمل فرح اتفق الاسبوع الجاى زى النهارده هيكتب كتبها وهيروحو علطول 

سهير :- كمان يعنى اولادى الاتنين يتجوزو من غير فرح والله العظيم كده كتير هما ناوين يشلونى ولا ايه 

فريد :- والله العظيم انا اللى تعبت منك ومن تفكيرك المريض ده يعنى سايبه جواز ابنك واللى مفروض نعمله من بكره علشان نحضر ليه الاوضه اللى هيقعد فيها هو ومراته وبدورى على الفرح والمظاهر 

سهير :- نفر ان البنت دى تقعد هنا معانا فى مكان واحد ولو صممت ان تقعدها هنا معاك همشى واسيب ليكم الفيلا وهسافر اقعد عند فارس 

فريد :- يا سهير يعنى ينفع يبقى عندنا الفيلا وكبيره وابنك يقعد فى شقه 

سهير :- والله انا مش معترضه على ابنك يقعد فى الفيلا براحته لكن لوحده مش معاه البنت الجربوعه دى 

فريد :- ازاى يعنى ابنك يقعد فى مكان ومراته فى مكان تانى 

سهير :- والله ده اللى عندى تصبح على خير وسابته وطلعت اوضتها 

فريد :- لا حولا ولا قوة الا بالله

……………………………………………………

فى شقة ناديه 

وصل فهد بعربيته ونزل منها وطلع عند الشقه ورن الجرس 

ماجده :- فتحت الباب 

فهد :- نانا نايمه ولا صاحيه 

ماجده :- لا صاحيه وبتقراه فى المصحف 

فهد :- ماشى حضرى ليا العشا

ماجده :- حاضر وسابته ودخلت المطبخ 

فهد :- دخل الاوضه عند ناديه 

ناديه :- اول ما شفته صدقت بالله العظيم 

فهد :- باس ايديها وقال اذيك يا نانا

ناديه :- الحمدالله ياقلبى بس ايه سر الفرحه اللى فى عنيك دى 

فهد :- فرحه فرحت ايه دى 

ناديه :- ياحبيبى كام مره اقول ليك ان انا بعرفك من غير ما تتكلم 

فهد :- عادى يعنى متقدريش تقولى فرحه بس حاسس بأنتصار كبير حققته النهارده 

ناديه :- فى موضوع مليكه برضه 

فهد :- امم 

ناديه :- ايه عملت مصيبة ايه تانى فى البت

فهد :- ولا حاجه اتقدمت ليها وهتجوزها الاسبوع الجاى 

ناديه :- بصدمه ايه وعملتها ازاى دى 

فهد :- ما انتى عارفه ان هى مفكره نفسها ان هى مش بنت بنوت مع كام تهديد ليها خافت ووفقت 

ناديه :- قولتلى بقى هو ده سر الفرحه اللى فى عنيك 

فهد :- تقدرى تقولى مبسوط علشان خلاص قرب اوى الانتقام منها وازلها

ناديه :- وطبعآ امك رفضت جوازك منها 

فهد :- ده شئ اكيد يعنى اصلها مش من مستوانا 

ناديه :- امك دى طول عمرها عايشه الدور اوى بنت سيد انح وخديجه شلح 

فهد :- هههههههههههههههههههههههههه 

شلح ده انتى مشكله يا نانا هههههههههههههههه

ناديه :- وناوي تقعدو فين 

فهد :- اكيد فى الشقه بتعتى 

ناديه :- ماشى يا حبيبى ربنا يسعدك يارب 

وفى الوقت ده خبطت ماجده على الباب وفتحت الباب وقالت استاذ فهد الاكل جاهز 

فهد:- ماشى يا ماجده روحى انتى 

ومشيت ماجده وفهد بص لجدته وقال اكلتى يا نانا 

ناديه :- لا يا حبيبى مليش نفس والله 

فهد :- طب يلا تعالى كلى معايه لقمه تفتح نفسى 

ومشي فهد على الاكل وقعدت معاه جدته 

……………………………………………………

اشرق صباح يوم جديد فى سماء الاسكندريه وصحيت مليكه وهى واخده قرار وهتنفذه قامت دخلت 

الحمام واخدت شاور واتوضت وخرجت لبست هدومها وادت فرضها وخرجت من الاوضه وكان الكل نايم فتحت باب الشقه وخرجت نزلت وقفت تاكسى وركبته وراحت على الشركه 

……………………………………………………

فى شقة ناديه 

صحى فهد من نومه قام دخل الحمام اخد شاور وخرج لبس هدومه وسرح شعره وخرج من اوضه 

فهد :- صباح الخير يا نانا

ناديه :- صباح النور يا حبيبى اقعد افطر 

فهد :- ده انا جعان اوى 

ناديه :- والله ربنا يخلى اللى كانت السبب وفتحت نفسك على الاكل 

فهد :- عادى يعنى جعان فيها ايه دى 

ناديه :- مفيهاش يا قلبى 

فهد :- والله يا نانا مبقتش افهمك الصراحه 

ناديه :- لا انت فاهم بس عامل نفسك مش فاهم 

فهد :- وقف وقال انا هروح الشغل بدل فوازير رمضان دى 

ناديه :- ربنا معاك يا قلبى 

ومشى فهد ونزل ركب عربيته وراح على الشركه 

……………………………………………………

فى شركة فريد المنشاوى 

وصلت مليكه ونزلت من التاكسى وحسبته ومشى ودخلت الشركه وركبت الاسانسير وطلعت المكتب بتعها ودخلت وبصت على مكتب فهد بقرف وقعدت على المكتب بتعها ومسكت الدسهات وبدءت تشتغل فيهم 

وبعد شويه وصل فهد بعربيته وركب الاسانسير وطلع على مكتب باسم 

فهد :- صباح الخير 

باسم :- صباح النور 

فهد :- مليكه جت 

باسم :- لا لسه هى متعوده لما تيجى بتعدى عليا  الاول 

فهد :- مش مشكله عروسه ومحتاجه تجهز نفسها برضه 

باسم :- هى مين اللى عروسه 

فهد :- مليكه خطيبتى 

باسم :- خطيبتك انت شكلك رايق على الصبح وبتهزار

فهد :- ههههههههههه لا مش بهزار انا امبارح خطبت مليكه والاسبوع الجاى الجواز 

باسم :- بصدمه ايه وده حصل ازاى 

فهد :- زى الناس يعنى 

باسم :- عمومآ مبروك يا فهد وفعلا البنت كويسه وغلبانه وياريت تتقى ربنا فيها علشان هى متستهلش غير كل خير 

فهد :- هههههه اه انا هروح مكتبى اشوف شغلى وخرج من مكتب باسم 

باسم :- ربنا يستر شكلك مش ناوى على خير يا فهد 

……………………………………………………

فى مكتب فهد 

دخل فهد مكتبه واتفاجئ بوجود مليكه 

فهد :- مليكه انتى بتعملى ايه هنا 

مليكه :- من غير ما تبص ليه قالت جايه اشوف شغلى عندك مانع 

فهد :- لا طبعآ بس انا قولت عروسه ومحتاجه تجهزى نفسك وكده 

مليكه :- بصت ليه بقرف وقالت مش فارقه ان كان ده يوم جوازى ولا يوم موتى كله واحد بالنسبه ليا كله نهاية حياة

فهد :- هههه لالالا انتى هتستسلمى بدرى ولا ايه انا عايزك القطه المفترسه زى الاول علشان اللعب يحلو 

مليكه :- بصت ليه بقرف ورجعت تبص على الاوراق وتشوف شغلها 

فهد :- بغمزه بس عايزك تستريحى على الاخر وتستعدى للى هيحصل 

مليكه :- بنأدم وقح 

فهد :- هههههههه دماغك متروحش لبعيد انا بتكلم على انتقامى منك مش للى دماغك راحت ليه ده 

مليكه :- يارب يخدك قبل اليوم ده 

فهد :- ههههههههههههههه عسل 

……………………………………………………

فى شقة اسر 

فى اوضت مها 

صحيت من نومها وقامت من على سريرها ودخلت الحمام اخدت شاور واتوضت وخرجت لبست هدومها وادت فرضها وخرجت من اوضتها راحت على اوضت مليكه خبطت على الباب محدش رد فتحت الباب ملقتش حد موجود قفلت الباب وراحت المطبخ لامها 

مها :- صباح الخير يا ماما 

فايزه :- صباح النور يا حبيبتى 

مها :- هى مليكه فين يا ماما 

فايزه :- مش عارفه دخلت ليها الاوضه ملاقتهاش اتصلت عليها مش بترد على التليفون 

مها :- هتكون راحت فين دى 

فايزه :- يمكن نزلت تتمشى شويه لماتيجى نبقى نشوفه راحت فين

مها :- ان هتصل عليها يمكن ترد المرادى عليا 

فايزه :- ماشى وابقى طمنينى 

مها:- دخلت اوضتها مسكت التليفون واتصلت على مليكه 

……………………………………………………

فى شركة فريد المنشاوى 

فى مكتب فهد

كانت مليكه قعده على مكتبها وشغاله 

وفهد عمال يبص عليها وهى شغاله 

فهد :- انتى 

مليكه :- والله انا ليا اسم

فهد :- قومى يلا علشان تاكلى 

مليكه :- مش عايزه اطفح 

فهد :- كلمه واحده ده معاد الغدا يلا معايا علشان تاكلى 

مليكه :- وانا قولتلك مش هاكل 

فهد :- هتقومى ولا اشيلك قدام الناس اللى فى الشركه واخدك بالعافيه 

مليكه :- يا عم ما تسبنى فى حالى انا حره مش عايزه اكل ليك فيه ده 

فهد :- اه ليا فيه عايزك بصحتك علشان تقدرى تصدى على اللى هيحصل فيكى بعد الجواز 

مليكه :- مش قايمه واللى عندك اعمله 

فهد :- قام من على مكتبه وشدها من درعها وقال شكلك كده بتحبى العنف معاكى 

مليكه :- اااااه دراعى اوعى كده متلمسنيش 

فهد :- انتى اللى عايزه كده 

مليكه :- اوعى سبنى كل حته فى جسمى مش طايقه لمستك ليها

فهد :- شدها اكتر ليه لحد ما وصلت لحضنه وبص على شفايفها 

مليكه :- وهى بتحاول تبعد عنه اوعى بقى ابعد عنى 

فهد :- مكنش سامع ولا كلمه من اللى بتقولها مليكه وسرحان فى شفايفها وقرب من شفايفها ولسه هيبوسها تليفون مليكه رن 

مليكه :- ياربى انت عايز منى ايه مش خلاص اخد منى اللى انت عايزه ابعد عنى وسبنى بقى 

فهد :- انتبه لنفسه بعد عنها وقال وانتى مفكره نفسك حاجه انتى واحده متسواش فى سوق البنات ولا مليم يابنتى انا واخدك علشان انتقم منك واعرفك مقامك مش حب فيكى ولا هموت عليكى لا فوقى يا ماما 

مليكه :- اخدت كلامه بوجع كبير ومسكت دموعها بالعافيه علشان متنزلش قدامه وقالت انت عارف انت اكتر بنأدم بكرهو فى حياتى ولو بأيدى كنت قتلتك وريحت الناس من شرك ربنا ينتقم منك اشد انتقام وفى الوقت ده رن تليفون مليكه تانى 

مليكه :- مسكت تليفونها وبصت فيه لاقته رقم مها ردت عليها وقالت 

مليكه :- ايوه يا مها 

مها :- ايه يا مليكه ينفع كده قلقتينا عليكى مش بتردى ليه 

مليكه :- معلش يا مها كنت شغاله 

مها :- هو انتى نزلتى الشركه تانى 

مليكه :- ايوه يا مها 

مها :- طب ليه 

مليكه :- مش وقته يا مها انا شغاله دلوقتى نبقى نتكلم لما اجى البيت 

مها :- ماشى يا مليكه سلام وقفلت السكه مع مليكه 

فهد :- يلا قومى ومش هقول تانى 

مليكه :- هووووف يارب يخلصنى منك بقى ومشيت وراه فهد وراحو على المطعم اللى قصاد الشركه وكان باسم قاعد بياكل 

باسم :- اول ما شاف مليكه قام وقال مليكه انتى جيتى امته 

مليكه :- جيت الصبح بس دخلت على مكتبى علطول 

باسم :- مش عوايدك تيجى من غير ما تدخلى عندى المكتب الاول 

مليكه :- معلش يا استاذ باسم مرضتش ازعجك

باسم :- مفيش ازعاج ولا حاجه يا مليكه المكتب مكتبك وتيجى فى اى وقت 

فهد :- اتغاظ من الحوار اللى بين باسم ومليكه وقال هنقف كتير كده ما تمشى علشان نقعد ناكل 

مليكه :- بصت ليه بغيظ وقالت انا هقعد هنا مع استاذ باسم 

باسم :- اه طبعآ تنورينى ومبروك على خطوبتك انتى وفهد 

مليكه :- من غير نفس الله يبارك فى حضرتك 

فهد :- كان متغاظ جدآ وكان هاين عليه يكسر دماغ الاتنين 

باسم :- تعال يا فهد اقعد معانا 

وقعدو التلاته على الطربيزه 

باسم :- تاكلى ايه يا مليكه 

مليكه :- اى حاجه انا اصلا مليش نفس 

باسم :- ليه يا بنتى بصى هطلب ليكى طلب هتحبيه اوى 

فهد :- بغيظ هو فى ايه بالظبط هو موجود هنا ضيف شرف ولا ايه اقوم واسيبكم براحتكم 

مليكه :- ياريت والله تبقى عملت احلى واجب انت مش محبوب وجودك فى اى مكان اصلا

باسم :- لا لا اهدى شويه يا مليكه وانت يا فهد صوتكم على شويه والناس بتبص عليكم 

مليكه :- بص يا استاذ باسم البنآدم ده شكله بيعصبنى اوى ومش بطيق المكان اللى هو فيه 

فهد :- اقسم بالله يا مليكه لو ملمتيش نفسك هعرفك مقامك قدام الناس دى كلها 

مليكه :- ههههههه لا خوفتنى اوى على فكره انت ولا بتهز شعره منى حتى عارف ليه علشان انت بنأدم ضعيف اصلا وبتعمل كده علشان تظهر قدام الناس انك قوى لكن انت ضعيف واحد ضعيف 

فهد :- وقف ولسه هيمد ايده عليها 

باسم :- وقف قصاده وقال لا اهدا يا فهد الناس بتتفرج عليكم 

مليكه :- لا سيبه يا استاذ باسم خلى الناس تشوفه على حقيقته ويعرفو ان هو مش بيتشطر غير على الحريم 

فهد :- اوعى يا باسم سبنى عليها 

باسم :- اهدا يا فهد وانتى يا مليكه كفايه كده بقى 

مليكه :- انا اصلا سايبه ليه المكان وماشيه خالص ومشت وسابتهم 

فهد :- ليه يا باسم كنت سبنى عليها بس هتروح فين كلها كام يوم وهتكون معايه ودينى لعرفها مقامها وشد دراعه من باسم ومشى وهو متعصب 

باسم :- ده الايام الجايه هتحصل مجزره وحاسب المطعم وراح للشركه 

#يتبــــــــــع…… 

❤متمرده عشقت كبرياءه❤

👇البارت الــ12👇

فى شقة اسر 

وصلت مليكه وطلعت السلم وفتحت الباب ودخلت 

فايزه :- كده يا مليكه ايه اللى انتى عملتيه ده ازاى تروحى الشغل تانى عند البنأدم ده 

مليكه :- وهتفرق ايه ما انا كده كده كلها اسبوع وهكون معاه فى بيت واحد 

فايزه :- يابنتى متوجعيش قلبى عليكى اكتر ما هو موجوع 

مليكه :- بضحكة انكسار متخفيش يا ماما انا معايه ربنا اللى اقوى من الكل وانا عمرى ما عملت حاجه وحشه فى حد الخير اللى عملته ربنا هيوقفه ليا ان شاءالله 

فايزه :- بزعل على بنتها ربنا معاكى يا حبيبتى ويقويكى على انتى داخله عليه 

مليكه :- عن اذنك 

فايزه :- ادخلى يا حبيبتى ريحى شويه ولما يجو اخواتك هبقى انادى عليكى تيجى تاكلى 

مليكه :- ان شاءالله وسبتها ودخلت الاوضه 

فايزه :- يارب صبر قلبها وقويها ووقف ليها ولاد الحلال 

……………………………………………………

فى اوضت مليكه 

دخلت مليكه اوضتها ورمت نفسها على السرير وقعدت تعيط وفى الوقت ده رن التليفون بتعها بتبص لاقته رقم غريب ردت وقالت 

مليكه :- السلام عليكم 

فهد :- وانتى مفكره نفسك لما تمشى من الشركه مش هعرف اوصلك ده هما ايام وهتبقى فى بيتى وهعيشك اسود ايام عمرك وهدفعك تمن كل كلمه قولتيها غالى اوى 

مليكه :- انت جبت رقمى منين 

فهد :- من الملف بتاعك اللى فى الشركه علشان تعرفى لما بحب اوصل لحاجه بوصلها بكل سهوله

مليكه :- وعايز ايه يعنى متصل ليه 

فهد :- علشان اعرفك مهما تروحى هعرف اوصلك 

مليكه :- بص بقى انا مش بخاف منك ولا بخاف من كل كلامك وحركاتك دى واعلى ما فى خيلك اركبه وقفلت السكه فى وشه 

ورمت التليفون على السرير وقعدت تعيط 

……………………………………………………

فى شركة فريد المنشاوى 

فى مكتب فهد 

اتعصب لما مليكه قفلت السكه فى وشه 

وقعد يرمى اى حاجه تقبله فى الارض 

باسم :- سمع صوت تكسير فى مكتب فهد دخل يجرى فى مكتب فهد وقال 

فى ايه يا فهد وايه اللى عمل كده فى المكتب 

فهد :- بقى حتة جربوعه تقفل السكه فى وشى ده حسابها كبر معايه بنت ال**** دى حتة بنت شحاته والله لحوريها ايام سوده بنت ال*****

باسم :- يا فهد اهدا شويه بس

فهد :- مسك الجاكت بتاعه وراح عند الباب 

باسم :- رايح فين يافهد 

فهد :- بعصبيه هروح اعرفها مقامها 

باسم :- وقف قصاد الباب وقال والله ما هيحصل هتروح تتهجم على ولايه قعدين لوحدهم فى الشقه 

فهد :- اوعى يا باسم من سكتى علشان مطلعش عصبيتى عليك 

باسم :- يا فهد اهدا شويه وفوق انت عارف نتيجة اللى هتعمله ده ايه 

فهد :- مش مهم المهم اروح اعرف بنت ال*****دى مقامها واعرفها مين فهد المنشاوى 

باسم :- اقعد بس واستهدا بالله كده وهطلب ليك ليمون يهدى اعصابك شويه 

فهد :- مش هرتاح غير لو روحت ليها البيت 

باسم :- اقعد بس وشويه ابقى روح ليها 

لما تهدا 

فهد :- قعد وقال اهو لما اشوف اخرتها معاك ايه انت كمان 

باسم :- مسك التليفون وطلب عصير ليمون وبص لفهد وقال يا فهد انت باللى بتعمله ده بتكره البنت فيك وانت بتقول فرحكم الاسبوع الجاى ازاى هتعيشو مع بعض تحت سقف واحد وانتو بالمنظر ده 

فهد :- وانت مفكر جوازى منها علشان بحبها لا طبعآ انا هتجوزها علشان ادفعها حساب القديم والجديد 

باسم :- انت كداب يا فهد انت بتحب مليكه وده كان واضح اوى النهارده فى عنيك والدليل انك كنت غيران عليها منى 

فهد :- لا غلط انا بكرها اوى وجوازى منها علشان انتقم منها مش اكتر 

باسم :- انت عارف المشكله فى ايه فى انك بتحبها وبتكابر حتى مع نفسك مش عايز حتى تعترف بده ما بينك وبين نفسك بس اللى عارفك اوى هيقدر يشوف حبها فى عنيك بسهولا وكل اللى انت بتعمله ده علشان تثبت لنفسك عكس كلامى وانك فعلا مش بتحبها وفعلا انت مش بتحبها انت بتعشق مليكه يا فهد وسابه وخرج من المكتب 

فهد :- قعد على الكرسى وقال لنفسه غلطان يا باسم وهثبت عكس كلامك انا بكرها بكرها 

……………………………………………………

فى شقة اسر 

وصلت مها ومى وفتحت ليهم فايزه 

مها ومى :- السلام عليكم 

فايزه :- وعليكم السلام 

مها :- مليكه جت 

فايزه :- ايوه فى اوضتها 

مها :- طب انا هدخل ليها 

فايزه :- ماشى يا حبيبتى 

ودخلت مها لمليكه الاوضه 

مى :- ماما انا جعانه 

فايزه :- هحضر الاكل دلوقتى وناكل كلنا مع بعض 

مى :- طب اى سندوتش اصبر نفسى بى

فايزه :- ادخلى غيرى هدومك هكون حضرت الاكل 

مى :- طب بسرعه والنبى يا حاجه احسن عصافير بطنى بتصوت جوه من الجوع وفى الوقت ده رن جرس الباب 

مى :- عارفه هتقولى ايه افتحى يا مى حاضر وراحت فتحت الباب وقالت اتفضل بتيجى على سيرة الاكل علطول

اسر :- وانتى زعلانه ليه محسسانى ان انا باكل اكلك 

مى :- بقولك ايه ادخل واخلص مش نقصه رزارتك على اخر اليوم وسابته ومشيت

اسر :- ده ايه البت المجنونه دى حد كلمها ودخل وقفل الباب وقال اذيك يا مرات عمى 

فايزه :- تعال يا اسر ادخل 

اسر :- امال فين بقيت البنات 

فايزه :- فى اوضت مليكه 

اسر :- ومليكه عامله ايه النهارده 

فايزه :- بزعل بتنطفى كل يوم عن اليوم اللى قابله خايفه عليها اوى 

اسر :- متخفيش يا مرات عمى مليكه قويه وصدقينى طيبت مليكه وقلبها الابيض هيوقفه جنبها وهيكون طاقة النور اللى بتنور طريقها 

فايزه :- وربنا معاها ومش هيتخلى عنها ابدآ ان شاءالله 

اسر :- ان شاءالله 

……………………………………………………

فى اوضت مليكه 

كانت نايمه على السرير وبهدومها اللى جت بيها من بره وعماله تعيط 

دخلت ليها مها وقالت 

مها :- ليه يا مليكه رحتى الشركه

مليكه :- طلعت تجرى ورمت نفسها فى حضن مها وقالت بدموع انا بكرهو يا مها بكرهو وبدعى ربنا كل يوم ينتقم منه انا تعبانه اوى ومش عارفه هتحمل اعيش معاه تحت سقف واحد ازاى حاسه ان انا بموت بالبطئ وكل يوم بيفوت ويقرب معاد الجواز بحس ان حكم الاعدام هو اللى بيقرب منى مش جوازى يا مها 

مها :- صعبت عليها مليكه وطبطبت على ضهر مليكه وقالت اهدى يا مليكه انتى عمرك ما كنتى ضعيفه كده ايه جرى ليكى طول عمرك واحنا بنقول عليكى قويه ومفيش حاجه تقدر تكسرك ايه اللى جد ايه خلاكى مسلمه ليه وسيباه يتحكم فيكى بكل سهوله 

مليكه :- علشان ده قدر يكسرنى وعرف يكسر عينى ازاى 

مها :- ايه معنى كلامك ده 

مليكه :- انتبهت لنفسها وقالت ق.ق.قصدى يعنى على العقد والشرط الجزائى 

مها :- اه انا فهمت كلامك على حاجه تانيه 

مليكه :- ل.ل.لا طبعآ 

مها :- اهدى يا حبيبتى كده وخليكى واثقه ان ربنا مش هيتخلى عنك وهيقف جنبك ان شاءالله 

مليكه :- ونعمه بالله 

مها :- مسحت دموع مليكه وقالت ادخلى الحمام واغسلى وشك كده وغيرى هدومك وتعالى علشان ناكل مع بعض 

مليكه :- لا يا مها مليش نفس 

مها :- والله يا مليكه لو مأكلتيش ما انا واكله وخلى ذنبى فى رقبتك بقى 

مليكه :- خلاص يا مها روحى وانا جايه وراكى 

مها :- ايوه كده ناس مش بتيجى غير بالعين الحمرا هههههههه اضحكى وسبيها على ربنا وبستها فى راسها وخرجت من الاوضه ودخلت مليكه الحمام غسلت وشها وخرجت غيرت هدومها وخرجت من الاوضه 

……………………………………………………

خرجت مها من اوضت مليكه لاقت اسر قاعد 

مها :- اذيك يا اسر 

اسر :- الحمدالله انتى عامله ايه 

مها :- كويسه 

اسر :- انتى مش بتروحى الجامعه 

مها :- بروح بس فى المحاضرات المهمه بس يعنى زى النهارده نزلت متأخر حضرت محاضره مهمه ورجعت 

اسر :- ربنا معاكى وفى الوقت ده خرجت مليكه 

مليكه :- اذيك يا اسر 

اسر :- انا الحمدالله عامله ايه دلوقتى 

مليكه :- كويسه اهو يوم زى اللى قابله 

اسر :- معلش يا مليكه هو اختبار من ربنا بس صعب شويه 

مليكه :- الحمدالله على كل شئ 

مى :- جعانه يا خلق يا هو جعانه وربنا ده ايه العذاب اللى الواحد فيه ده 

اسر :- يا ساتر ياربى فى ايه يا بنتى هتاكلينا ولا ايه 

مى :- لا مش بحب الحاجه الباسله 

اسر :- انا باسل ماشى يا اوزعه 

مى :- يا ماما هموت من الجوع 

فايزه :- طب قومى ساعدينى وحضرى معايه الاكل 

مى :- ها ايه اصل من قلة الاكل عندى هبوط ودايخه 

مها :- والله 

مى :- اه 

اسر :- كسوليه 

مى :- ملكش دعوه يا غلس 

فايزه :- تعالى انتى يا مها 

مليكه :- وانا هاجى معاكم اساعدكم 

فايزه :- لا خليكى انتى يا حبيبتى اختك مها معايه 

ودخلو المطبخ 

اسر :- يا غلسه فيها ايه لو كنتى قومتى انتى وسبتى مها قاعده 

مى :- هههههههههه احسن يا عم النحنوح 

اسر :- اللهى يا شيخه يوعدك بواحد يطلع عنيكى ويمشيكى على العجين متلغبطهوش 

مى :- ههههههههه ده مين اللى امه داعيه عليه فى ليلة القدر اللى هيقع فى ايدى 

مليكه :- بدموع ربنا ما يكتبها عليكى ولا تشوفى اللى انا شايفه 

اسر :- الصراحه دى عايزه واحد يكون قاسى وطبعه جامد علشان يقدر يشكمها لكن لو طيب هتجنه والله 

مى :- ههههههههههههههه ده انا طيبه خالص وكيوت وصوتى محدش بيسمعه من كتر ما هو واطى 

اسر :- يا اختى بيضه يا بت ده انا صدقتك 

مى :- ههههه ايتها خدعه 

وفى الوقت ده جه الاكل والكل قعد على سفرت الاكل 

……………………………………………………

فى شقة ناديه 

وصل فهد بعربيته ونزل منها وطلع عند شقة جدته 

ماجده :- فتحت الباب 

فهد :- دخل وسأل على جدته 

ماجده :- نايمه جوه فى اوضتها 

فهد :- ماشى 

ماجده :- احضر الاكل 

فهد :- لا ودخل الاوضه عند جدته 

ناديه :- صحيت على صوت فتحت الباب 

فهد :- قومى يا نانا عايزك 

ناديه :- قعدت وقالت خير يا فهد مالك متعصب كده 

فهد :- بنت ال*****تغلط فيا انا 

ناديه :- اهدا يا فهد شويه علشان اعرف افهم حصل ايه بالظبط 

فهد :- حكى لجدته اللى حصل فى المطعم ولما قفلت السكه فى وشه 

ناديه :- ههههههههههههه والله البت دى جدعه 

فهد :- بغيظ انتى بتضحكى يا نانا انا غلطان ان جيت وحكيت ليكى ووقف ولسه هيمشى 

ناديه :- مسكته من ايده وقالت استنا بس اقعد 

فهد :- انتى ايه اللى ضحكك اوى كده 

ناديه :- اصل البت دى فظيعه وكل ما تتمرد عليك كل ما بتشغل تفكيرك اكتر وبتعلق بيها اكتر واكتر 

فهد :- انتى ايه حكايتك انتى وباسم النهارده هو يقولى ان انا بحبها وانتى تقولى بتعلق بيها انتو هتعرفو اكتر منى ولا ايه 

ناديه :- ايوه يا فهد علشان حبك ليها واضح اوى فى عنيك وعلشان احنا بنحبك شايفين ده بسهولا اوى لكن طبعآ فهد المنشاوى صعب يتنازل عن تكبره ويعترف بده لازم يكابر ويضغط على البت علشان يثبت لنفسه قبل اى حد ان هو مش بيحبها ولا حاجه انت مفكر ان الحب هيخليك ضعيف وان هيحصل معاك زى اللى حصل من مروه لا طبعآ بس عايزه اقولك انا مشوفتش البنت دى بس متأكده مليون فى الميه انها مختلفه عن مروه يكفى انها محافظه على نفسها ومعملتش زى البنات وجت اترمت تحت رجليك ويكفى انها قويه وقادره تقف قصادك رغم انها مفكره انك ضحكت عليها وهو ده اللى عجبك فيها ومش عايز تعترف بى تمردها وحط مليون خط تحت الكلمه دى ان واحده ترفض فهد المنشاوى وكمان تمد ايديها عليه ده انا نفسى اجيب امها وابوس راسها على تربيتها لبنتها دى  

فهد :- لا يا نانا انا بكرها وبكره تشوفى هعمل فيها ايه وتمردها اللى انتى فرحانه بى ده انا هكسره ليها وهزلها وهعيشها اسود ايام حياتها 

ناديه :- وانا بقولك على قد الحب اللى شيفاه فى عنيك ليها مش هتهون عليك تعمل فيها حاجه 

فهد :- بكره تشوفى 

ناديه :- هى البنت دى ساكنه فين انا لحد دلوقتى معرفش مش قولت انك مشيتهم من الشقه اللى كانو قعدين فيها ومرات عمهم مشيتهم من الفيلا 

فهد :- ايوه بس ابن عمهم كان عنده شقه فى (………) قعدهم فيها 

ناديه :- طب كويس ربنا مش بيسيب حد 

فهد :- وقف وقال تصبحى على خير هدخل اوضى انام 

ناديه :- مش هتاكل 

فهد :- لا مليش نفس 

ناديه :- علشان خاطرى كل لقمه بلاش تنام من غير اكل 

فهد :- معلش يا نانا سبينى براحتى 

ناديه :- ماشى يا حبيبى تصبح على خير 

فهد :- وانتى من اهله وسبها ودخل اوضه وحدف نفسه على السرير وقعد يفكر فى كلام جدته وباسم لحد ما غلب عليه النوم ونام 

……………………………………………………

فى شقة اسر 

كان كلهم قعدين مع بعض 

مى :- ايه يا اخينا مش ناوى بقى تمشى ولا ايه عايزين ننام 

اسر :- ما تدخلى اوضك ونامى حد حيشك 

مى :- ما تنام هنا وخلاص بدل ما انت تاعب نفسك تمشى تنام ساعتين واول ما النهار يطلع نلاقيك فوق دمغنا

فايزه :- يا بنتى انتى طالعه قليلة الذوق ولسانك طويل لمين بدل ما تشكرى الراجل انه مقعدنا عنده فى الشقه 

اسر :- ايه اللى انتى بتقوليه ده يا مرات عمى الشقه شقتكم انا مليش حاجه فيها وبعدين انتى مش بتقولى ان انا ابنك يبقى ليه بتعملى فرق ما بنا 

فايزه :- والله العظيم يا اسر انت غلاوتك عندى نفس غلاوت البنات بالظبط بعتبرك ابنى اللى مجبتهوش بطنى 

مى :- تيراررررررر ابغى ابكى لكن استحى والله 

مها :- يابت اتلمى 

اسر :- سبيها يا مها وبص لمى وقال مش كنتى عايزه تنامى روحى يلا شوفى ليكى اى درج ادخلى فيه ونامى يا قصيره 

مى :- على الاقل اى سرير بيكفينى الدور والباقى عليك لما تكون نايم نصك اللى فوق على السرير والباقى من بره علشان السرير قصير عليك وبصت على مها وقالت الله يكون فى عونك يا اللى فى بالى هتتجوزى زرافه محتاجه مية كرسى علشان توصل للرقبتك 

اسر :- مسك المخده بتاعة الكنبه وحدفها بيها وقالها ادخلى ونامى يا تويتى بدل ما احلف اخدك واعلقك فى مراية العربيه شبه المداليه يا قصيره 

مى :- اااااه طب وربنا لاخلى العيال فى الشارع يحدفوك بالطوب واقولهم عليك نخله بتنزل بلح 

اسر :- وقف وقال انا نخله طب والله ما انا سيبك 

مى :- وقفت وطلعت تجرى على اوضتها وقفلت وراها الباب 

الكل :- ضحك ماعده مليكه 

اسر :- والله العظيم يا مرات عمى الله يكون فى عونك من بنتك دى قصير بس بتحير مجنونه اخر حاجه 

فايزه :- اه والله عندك حق 

مها :- الصراحه انتو الاتنين اجن من بعض 

اسر :- يعنى انتى شيفانى مجنون 

مها :- لا يعنى دمكم خفيف زى بعض 

اسر :- فرح اوى وقال ده انا على الكلمه دى مش هنام من الفرحه لحد الصبح يلا همشى انا بقى تصبحو على خير 

الكل :- وانت من اهله 

ونزل اسر ووقفت مليكه وقالت وانا هدخل انام تصبحو على خير 

مها وفايزه :- وانتى من اهله 

ودخلت مليكه اوضتها ونامت على السرير ودموعها نزلت منها 

فايزه :- اااااااااه يابنتى قلبى وجعنى عليكى اوى وانا مش قادره اشيل عنك حاجه وكل يوم بتنطفى ضحكتك وبيظهر حزنك 

مها :- ادعلها يا ماما فى صلاة الفجر ان ربنا يريحها ويفرح قلبها 

فايزه :- بدعلها والله وبدعلكم انتو التلاته 

مها :- باست ايديها وقالت هتفرج ان شاءالله وهينزاح الهم قريب بإذن الله ادخلى نامى تصبحى على خير 

فايزه :- وانتى من اهله يا حبيبتى 

ودخلت فايزه اوضتها ودخلت مها اوضتها 

مها :- قعدت على السرير ومسكت تليفونها وفتحته وجابت صور محمد وقالت واحشتنى اوى يا محمد كل ده اهون عليك ومتسألش عليا انا مستنياك انا عارفه انك لسه بتحبينى وهتيجى تصالحنى قريب اوى وحضنت التليفون ودموعها نزلت منها 

……………………………………………………

اشرقت شمس صباح يوم جديد فى سماء عروس البحر ليبدأ فهد بفتح عيونه وكانت ناديه وقفه قصاده 

فهد :- نانا وقفه كده ليه 

ناديه :- جيت اصحيك لاقيتك بتنادى بأسم مليكه مش ده برضه اسم البنت اللى انت هتتجوزها 

فهد :- ا.ا اه تلاقينى بس كنت بحلم ان انا بنتقم منها ولا حاجه 

ناديه :- سبحان الله مع انك كان وشك مبتسم وانت بتنادى على اسمها وشكلك كنت مبسوط فى الحلم 

فهد :- ن.ن.نانا ب.ب.بقولك ايه بلاش كلامك ده على الصبح الله يخليك وسبها ودخل الحمام 

ناديه :- هههههههههههه اقطع دراعى لو مكنتش يا فهد بتموت في مليكه وانا وراك لحد ما اخليك تتنازل عن كبريائك وتعترف بحبها وخرجت من اوضه

……………………………………………………

فى شقة اسر 

فى اوضت مليكه 

فتحت مليكه عنيها بتقل شديد وحست نفسها جسمها وجعها ومش قادره تقوم من على السرير اتحركت بصعوبه من على السرير ودخلت الحمام اتوضت وخرجت ادت فرضها ونامت تانى على السرير وفى الوقت ده دخلت فايزه عليها

فايزه :- صباح الخير يا حبيبتى 

مليكه :- بتعب صباح النور يا ماما

فايزه :- بقلقك مالك يا حبيبتى شكلك تعبانه 

مليكه :- شكلى داخل عليا شوية برد جسمى وجعنى وراسى تقيله شويه 

فايزه :- حطت ايديها على دماغ مليكه وقالت انتى سخنه يا حبيبتى استنى اعمل ليكى كمدات علشان تنزل السخونيه دى 

مليكه :- لالالا مش مشكله انا هنام شويه وهقوم هبقى كويسه 

فايزه :- طب استنى وجابت ليها حبايه وقالت خدى دى علشان البرد اللى عندك 

مليكه :- اخدتها وحطتها فى بؤقها وشربت وراه شوية مايه ونامت على السرير وغطتها امها وطفت النور وخرجت من الاوضه وقفلت الباب وراها 

مها :- صباح الخير ياماما 

فايزه :- صباح النور

مها :- هى لسه مليكه نايمه ولا ايه 

فايزه :- داخل عليها دور برد وسخنه اديتها حبايه ونامت تريح شويه 

مها :- ربنا يجعله ليها بالشفا 

فايزه :- اللهم امين انا مش عارفه ايه اللى بيحصل لاختك الايام دى الدنيا حاطه عليها جامد مع انها غلبانه وعمرها ما اذت حد 

مها :- يا ماما استغفرى ربنا ده انتى اللى قولتى ليا ان احنا نحمد ربنا على كل شئ ونحمده فى الضراء قبل السراء 

فايزه :- استغفر الله العلى العظيم انا قولت كده من قلقى على اختك 

مها :- ان شاءالله ربنا هيكفأها على صبرها ده 

فايزه :- يارب احضرك تفطرى 

مها :- لما تصحى مى ناكل مع بعض 

فايزه :- ماشى يا بنتى انا هدخل اقراه فى المصحف شويه لحد ما تصحى مى 

مها :- ماشى يا ماما 

ودخلت فايزه اوضتها وقعدت مها قصاد التلفزيون 

……………………………………………………

فى شقة ناديه 

خرج فهد من الحمام وبص فى الاوضه ملاقش جدته فيها لبس هدومه وبص فى المرايا علشان يسرح شعره بص صورة مليكه جت ليه فى المرايا

فهد :- اخرجى بقى من حياتى اخدى كتير من تفكرى وانتى مش تستهلى افكر ثانيه واحده فيكى وسرح شعره وخرج من الاوضه 

ناديه :- تعال يا حبيبى كل لقمه 

فهد :- لا يا نانا مش عايز 

ناديه :- لا والله العظيم لتقعد تاكل انت امبارح نايم من غير اكل وكمان عايز تمشى من غير اكل والله ما يحصل اقعد 

فهد :- قعد وقال يعنى انا لو جعان هاكل مش هستنى عزومه يعنى 

ناديه :- كلمه واحده كل 

فهد :- هههههههههه انتى ليه بتعملينى كانى لسه فى مدرسه 

ناديه :- وانت مفكر نفسك كبرت عليا مهما تكبر وتطول هتفضل فى عينى فهد اللى كنت بغيره وهو صغير 

فهد :- ربنا يديكى طولت العمر يارب يا نانا 

ناديه :- ويسعدك ويفرح قلبك يا فهد يا ابن قلبى يارب 

فهد :- اكل كام لقمه ووقف وقال شبعت هروح انا بقى علشان اتأخرت على الشركه 

ناديه :- ربنا معاك ويفتح ليك الابواب المتقفله يارب 

فهد :- باس دمغها وقال يلا سلام 

ناديه :- مع السلامه يا حبيبى 

وخرج فهد من الشقه ونزل ركب عربيته وراح للشركه 

ناديه :- ماجده يا ماجده 

ماجده :- نعم يا ست ناديه 

ناديه :- تعالى ساعدينى علشان البس وننزل نروح مشوار 

ماجده :- حاضر يا ستى 

وماجده ساعدت ناديه ولبستها الهدوم

ناديه :- مسكت شنتطها ومسكت العكاز بتعها ونزلت هى وماجده ووقفت تاكسى واديته العنوان ومشى بيهم 

……………………………………………………

فى بيت اسر 

فى اوضت مى 

صحيت مى ودخلت حمامها اخدت شاور وخرجت لبست هدومها وخرجت من الاوضه 

مى :- صباح الخير 

مها :- صباح النور 

مى :- فين القوم اللى هنا 

مها :- ماما فى اوضتها بتقراه فى المصحف لحد ما انتى تصحى ومليكه نايمه فى اوضتها تعبانه 

مى :- اممممم المهم هناكل ولا ايه

مها :- روحى خبطى على ماما وعرفيها انك صحيتى 

مى :- اوك راحت مى خبطت على باب اوضت امها وقالت امزه انا صحيت وربنا انا صحيت ده الشمس كانت حالفه ما تطلع غير لما انا افتح عيونى يا سلاااااااام قد ايه انا متواضعه 

فايزه :- فتحت الباب وقالت فى ايه يا بنت المجنونه وقفه بتكلمى نفسك 

مى :- انتى ادرى بنفسك 

فايزه :- قصدك ان انا مجنونه 

مى :- والله انا مالى انتى اللى قولتى 

فايزه :- قلعت الشبشب 

مى :- طلعت تجرى وقالت جرى ايه يا حاجه انتى مالك خلق بقى ضيق كده ليه ده انا بهززز معاكى وربنا 

فايزه :- يابت انتى بيعه دمك 

مى :- والله يا حاجه روحت ابيع دمى قالو ليا مش بنشترى عسل مكرر احرجونى ولاد الايه 😂😂😂

فايزه :- يابت حسى على دمك شويه اختك تعبانه ونفسيتها زى الزفت وانتى وقفه بتهزارى 

مى :- لا ازاى المفروض اروح ادفن نفسى علشان يكون عندى دم اقسم بالله البيت ده لو دخل ليه الفرحه شويه تتعبو وتروحو تدوره على النكد فى مكان تانى اهو انتو تانى عيله تعشق النكد بعد الاستاذه العظيمه اللى خلت نص شعب مصر ينتحر والنص التانى عنده حالة اكتئاب مزمنه امينه رزق 

فايزه :- حدفتها بالشبشب وقالت اصل شكله واحشك بقاله كتير منزلش عليكى 

مى :- مجاش فيها الشبشب وقالت ههههههه ايه يا حاجه هو النكد اثر على عينك ولا ايه 

فايزه :- يابت هتجلطينى 

مى :- بعد الشر عليكى يا فوزه طب والله العظيم بحبك يلا بقى علشان جعانه وعايزه الحق المحاضره من اولها 

فايزه :- اللهم لا اسألك رد القضاء ولكن اسألك اللطف فى ده انتى اكبر مصيبه فى حياتى 

مى :- شكرآ والله انا كده هتغر

فايزه :- بصت ليها وسبتها ودخلت المطبخ وحضرت الفطار وقالت 

يا مها يا مى تعالو خدو منى 

مها :- حاضر يا ماما

وفى الوقت ده رن جرس الباب

مى :- ده مين اللى حماته بتحبه وجاى ساعة الاكل ده اكيد هو مفيش غيره الزرافه 

مها :- طب ما تفتحى بدل ما انتى بتلكى كده 

مى :- فتحت الباب وقالت ايوه حضرتك 

……:- ممكن اقابل مليكه 

مى :- ايوه اقولها مين 

……:- قوليلها ناديه جدت فهد 

مى :- اتصدمت وفتحت بؤقها 

ناديه :- مالك كده مصدومه وفتحه بؤق هو انا قولت حاجه غلط 

مى :- ها لالالا

فايزه :- من جوه مين يا مى 

مى :- د.د.دى جدت فهد اللى هيتجوز مليكه 

فايزه ومها جم يجرو 

فايزه :- ايوه حضرتك عايزه ايه 

ناديه :- طب مش هدخلينى الاول ولا ايه 

فايزه :- اتفضلو ما احنا مش ورانا غيركم 

ناديه :- دخلت هى وماجده وقالت عيب يا بنتى انا ست كبيره قد امك يعنى مفروض تكلمينى بطريقه احسن من كده 

فايزه :- من عمايل حفيدك من يوم ما دخل حياة بنتى وهى مجاش عليها يوم حلو ابدآ 

ناديه : - انا معاكى وعزراكى ومش هدافع عن ابن ابنى بلعكس انا جايه اقابل بنتك علشان اقف جنبها واساعدها 

فايزه ومها :- بصو لبعض 

مها :- بعد اذن حضرتك احنا مش فاهمين ممكن توضحى كلامك 

ناديه :- انتى مليكه 

مها :- لا اختها

ناديه :- طب ممكن اقابل مليكه وهى تبقى تفهمكم بعدين

فايزه :- بس مليكه نايمه تعبانه فى اوضتها 

ناديه :- معلش مش هاخد من وقتها كتير 

فايزه :- طب اتفضلى معايه 

ناديه :- بصت لماجده وقالت خليكى انتى هنا 

ماجده :- حاضر 

ودخلت ناديه مع فايزه فى اوضت مليكه 

فايزه :- مليكه مليكه

مليكه :- اممم

فايزه :- اصحى يا مليكه فى ناس هنا عايزه تقبلك 

مليكه :- وهى مغمضه عنيها ناس مين يا ماما 

فايزه :- جدت فهد 

مليكه :- اتصدمت من اللى سمعته وفتحت عنيها فجأءه وقعدت وقالت مين

ناديه :- انا جدت فهد 

مليكه :- …………………

#يتبــــــــــع………. 

تكملة الرواية هنااااااااااا