رواية جيم اوفر البارت السابع 7بقلم ديدا الشهاوي حصري لمدونة قصر الروايات
رواية جيم اوفر البارت السابع 7بقلم ديدا الشهاوي حصري لمدونة قصر الروايات
رواية جيم اوفر البارت السابع 7بقلم ديدا الشهاوي حصري لمدونة قصر الروايات
#البارت_7
#جيم_اوڤر
في القاهره
في فيلا شاكر ابو المجد
_انا شاكر ابو المجد يجي اليوم واتفرج علي احفادي وهما بيضربوا بعض
انتم متربتوش ولازم اربيكم من جديد
شاكر... هي اللي قليله الادب وعمتي معرفتش تربي عيالها
ناديه... جري ايه ياابن اخويا انا ولادي متربين كويس شوف نفسك وطريقتك
والده شاكر... في اي ناديه انا ربيت ابني احسن تربيه شوفي بنتك لازم تحترم الكبير
ناديه... جري ايه ياسميره
الجدشاكر... باااااس برضو عرفت احفادي ليه بيعملوا كده في بعض عشان اتربوا من ناس كارهه بعض
احمدابو حسنا... اهدي يابابا واللي انت عاوزه هينفذوه
الجدشاكر... احمد اجمعلي كلهم بليل عاوزهم متجمعين بليل
شاكر خد مراتك وروحوا وتعالوا بليل
شاكر... لاخلينا احنا مرتحين كده
الجد... اسمع الكلام ولا خدك التاني عاوز قلم زي اخوه
شاكر... اوف ليه الغلط بقي اديني غاير يلا ياست حسنا
شاكر خد حسنا وروحوا بيتهم وهما مش بيتكلموا مع بعض واول مادخلوا شقتهم وحسنا دخلت اوضتها
وشاكر فضل بره في اللفينج بيفكر ياتري جده عاوز ايه تاني وهيفضل لغايه امتي يتحكم فيه كفايه جوزه علي مزاجه كل حاجه بيعملها من ساعه مارجع امريكا وهي، علي مزاج جده شاكر فكر انه ميسكتش ولازم ياخد موقف مع جده وينهي المهزله اللي هو فيها جواز بالغصب حتي الاكل بالغصب شاكر من التفكير بدا يكلم نفسه وقام بعزم
_انا لازم انهي المهزله دي فورا و لازم اسافر احقق حلمي في الدراسه والدكتوراه لازم اكون عالم زي ماكنت بحلم
وفجاه مشي ودخل بكل قوه وصرامه اوضته هو وحسنا
اما حسنا كانت قاعده في سريرها كانت بتقارن بين سليم وشاكر وازي مافكرتش في سليم مع انه حلم كل بنت مز ومتعلم ومتفتح مش زي شاكر وحياتها هتكون احسن مع سولي حسنا كانت بتقارن في كل حاجه بين شاكر وسليم وكانت كفه سليم بتكسب عن حسنا وتخيلت لو كانت متجوزه سليم كانت قضت حياتها خروجات وفسح ورقص ودلع ومن كتر التفكير كانت بتكلم نفسها
_انا دفنت حياتي مع واحد مش شايفني ولا حاسس بيا المهزله والفيلم اللي عملينه لازم ينتهي
وفجاءه قامت ولسه هتخرج لشاكر لاقت شاكر في وشها وهما الاتنين في نفس واحد
_احنا لازم نطلق...
شاكر.. لازم نطلق حياتنا صعب انا مش هفضل كده عايش مع واحده تافهه ومخها فاضي مش شغال بالها غير الرقص والسرمحه
حسنا... احترم نفسك ياشاكر انا سكته من بدري عشان عامله اعتبار انك جوزي
شاكر... انتي خليتي فيها جوز.. انا جوز شرابات حضرتك وقت ماتحبي انتي وجدك تلبيسهم
حسنا.. والله محدش ضربك علي ايدك اظن ليك لسان تتكلم وتتعرض انا بنت انما انت راجل ولا انت متعرفش معناها
شاكر.. قرب من حسنا كلمه تانيه هجيبك من شعرك فاهمه ناقص كمان التافهين هيتكلموا انتي من عينه سولي بيه واخته
حسنا... تصدق مافيش غير انت اللي تافهه
شاكر... لا لسانك طول ياحسنا وهنا شاكر مسك شعر حسنا واللي كانت بتصوت منه
حسنا... شعري... سيب شعري بقولك
حسنا بدات تبعد ايد شاكر لغايه ما فلتت منه وجرت بره الاوضه علي اللفينج وشاكر وراه عشان يكمل عليها
شاكر... مش هسيبك وريني بقي هتعملي ايه
هنا حسنا قربت منه و مسكت ايد شاكر بايدها واقعدت تعض فيه
شاكر.. يابنت العضاضه مش بتكلي لحمه في بيتكم
حسنا سمعت كلامه قامت نطت عليه ومسكته من رقبته وهي شعرها منكوش من شده ليها
_هوريك بنت العضاضه هتعمل ايه
وهنا حسنا خدت النضاره منه ورمتها بعيد وشاكر بدا ميشوفش حاجه
_انتي كده محاربه مش فيير
_لا حضرتك المحاربه بكل الوسايل وهنا نطت حسنا ووقعت شاكر علي الارض وهو نايم وهي فوقيه بتضربه عشان شتمها
_حسنا ابعدي مش شايف حاجه
_المره الجايه ياحلو لسانك هيتقطع فاهم
في فيلا الجد شاكر وبعد مادخل اوضته وكان زعلان علي حال اولاده واحفاده كان بيفكر ازي يجمعهم مع بعض تاني وازي يخافوا علي بعض وكان بيكلم نفسه
_لومت وهما بالمنظر دا مش هيعرفوا بعض ولا هيحافظوا علي اللي تعبت فيه لازم الحق احفادي وانجح اني اخليهم مع بعض مدمت فشلت مع اولادي يبقي لازم الحق اولادهم
وفجاءه قام الجد شاكر وقعد علي مكتبه اللي كان في اوضته وفتح اللاب بتاعه
وفتح كاميرات شقه الله دي شقه شاكر وحسنا وبدا يشغل ملفات الكاميرا
الله دا فتح كاميرا اوضه اللي شاكر كان بينام فيها لوحده وبدا يشغل الاصوات ياااجدو ياشاكر يااالاعيب
الجد شاكر مركب كاميرات في كل الشقه وسماعات في كل اوض النوم ماعادا اوضه نوم شاكر وحسنا
الجد شاكر... وهو بيفتح كاميرا اللفينج فجاءه شاف شاكر علي الارض وحسنا راكبه علي شاكر وضهرها للكاميرا
الجدشاكر اتحرج واقفل اللاب بسرعه
الجد... يخيبك راجل في اللفينج طب متعملوا براحتكم في اوضتكم مافيش كاميرا فيها
هنا الجد شاكر فتح الاب تاني وشافهم تاني شاكرواقفل بسرعه
_الله يحرقك ياشاكر البت هي اللي قايمه بالمجهود
عند حسنا وشاكر
الاتنين كانهم في حلبه مصارعه اللي بيلاقي حاجه ادامه بيحدفها في وش التاني
حسنا وشاكر ضربوا بعض وبهدلوا بعض وفي الاخر وهما قاعدين علي الارض حسنا بشعرهاالمنكوش وبيجامتهاالمتقطعه وشاكر اللي وشه كل عض من عض حسنا ليه وكدمات من ايديها
_بصي ياحسنا انتي عاوزه ايه
_اغور من وشك، ومن حياتك الكئيبه انت انسان لاتطاق الدنيا مش دراسه وبس عاوزه اطلق
_خلاص وانا عاوز اغور من خلقتك ومن تافهتك عاوز اشوف حياتي العلميه وحشتني الطاقه النوويه وانا عاوز اطلقك
وهنا شاكر وحسنا قاموا وشاكر كان بيحاول يقوم
_استاذه حسنا النضاره من فضلك
_ايوه كده تحترمني احترمك... اتفضل ياباشا
هنا شاكر خد نضارته ولبسها
_خلاص انهارده واحنا عند جدي انا وانتي نكلمه اننا قررنا اننا نطلق
_اتفقنا ياشاكر
_حلو اوي شيك هاند بقي وهنا حسنا مدت ايدها لشاكر واتفقوا انهم هيبلغوا جدهم بليل بقرارهم ومافيش رجعه فيه
في المساء
وزي مالجد طلب كان الكل متجمع ابنه احمد وبنته حسنا وسميره مرات ابنه المتوفي ووالده شاكر وشاكر ابنها
وبنته ناديه واولادها سولي ونانو
الكل منتظر الجد عشان يشوفوا هو مجمعهم ليه وكان شاكر وحسنا كانوا عاوزينه عشان يبلغوه بقرارهم الكل كان منتظر ه
الجدشاكر نزل من اوضته ولاقهم متجمعين
الجد شاكر.... اظن كلنا موجودين
احمد ابنه... ايوه ياحج زي ماطلبت
الجدشاكر... كويس عاوزكم تنتبهوا لكلامي عشان...
وهنا قطع كلامه شاكر
_جدي انا كنت عاوز اكلمك علي انفراد انا وحسنا،
_ههه ليه ياليلي ااقصد... ياشاكر
_جري ايه ياجدي ماخلصنا من، ليلي دي
_دا الموضوع مش ليلي دا طلع اسخم من ليلي
_مش فاهمك ياجدي... المهم انا عاوزك في موضوع انا وحسنا
الجدشاكر.... بعدين اللي عاوزه اقوله اهم من اي موضوع
وهنا الجد بدا كلامه وهو باصص في عيون اولاده واحفاده وبدا يتكلم
_اللي حصل في الساحل نبهني لحاجات مكنتش واخد بالي منها
وهي اني معرفتش اربي ولادي وبتالي معرفوش يربوكم
احمدابنه... ليه بس ياحج عيال وغلطت
الجد شاكر... مش عاوز حد يقطعني
انا كتبت كل املاكي ووزعتها عليكوا علي حياه عيني وهنا الكل بص لبعضه والفرحه مش سياعهم
بس عشان تستلموها لازم بعد شهرين
سولي... وليه شهرين ياجدي هنكون سافرنا
الجد شاكر.... الشهرين دول هو شرط لتنفيذ توزيع املاكي
شاكر... مش فاهمين
الجد شاكر... في الشهرين دول واللي، يبتدوا من بكره كلكم هتعيشوا معايا هنا في الفيلا وطول ماانتم معايا عاوز علاقاتكم ببعض تتحسن واللي اقول عليه يتنفذ
شاكر... تحكمات تاني... ارحمنا بقي
هنا الجدشاكر كمل كلامه
اسمعوني كويس ادامكم شهرين من انهارده هتعيشوا كلكم معايا في الفيلا وتحت عيني لو علاقاتكم مع بعض لو متحسنتش انسوا خالص الفلوس والاراضي.. وهتسددوا اللي صرفته عليكوا واحد زي شاكر الدكتوراه بفلوسي.. وسولي بيه ونانو هانم حياتكم كلها بره بفلوسي
سولي... انت عاوزنا ندفعلك فلوسنا وحقنا واللي انت متحكم فيها
الجدشاكر.. اترزع واحترم نفسك وشوف انت بتتكلم مع مين
ناديه... سولي احترم جدو
الجدشاكر... دا اخر كلام عندي وكل واحد ليه حريه يرفض او يقبل بس في حاله الرفض ينسي جد اسمه شاكر ويسدد كل الغلوس اللي اتصرفت عليه
وهنا بص لشاكر تقدر تسافر بفلوسك وتتعلم وتشتغل وتعتمد علي نفسك
شاكر... جدي ازي بس انت عارف دراستي والدكتواره
وهنا الجد شاكر.. كمل وهو باصص لسولي
حضرتك تقدر تشتغل وتسرف فلوسك علي سرمحتك واصحابك الفاسدين بعيد عني
سولي... چاميه انت كده ياجدو بتموتنا عاوزنا نشحت مثلا
الجدشاكر... انا قولت اللي عندي
وهنا بص لحسنا وشاكر
الجد... اما انتم فليكوا شرط تاني لازم تحققوا وهو الحفيد بعد الشهرين اسمع ان مراتك حامل فاهم
شاكر... ياعني ايه مش فاهم
الجد... اللي قولته انت فاهمه كويس مش عجبك اشتغل واصرف علي نفسك
وهنا بص للكل اوضكم جاهزه اتفضلوا وبكره الصبح اللي هينزل يفطر معايا هعرف انه قبل شروطي واللي منزلش ياخد بعضه من ساكت ومشفش وشه وينسي انه من عيله ابو المجد
وهنا قام الجد
_تصبحوا علي خير
الكل كان معترض وكل واحد طلع علي اوضته وهو، مش عارف هيعمل ايه لو رفض شروط جدهم
في اوضه شاكر وحسنا وشاكر اللي كان متعصب ومتوتر من تصرفات جده
_انا بجد تعبت، بيمسكنا من ايدنا اللي بتوجعنا الفلوس بيتحكم فينا عشان الفلوس
_خلاص ارفض مدمت، زعلان اوي،
_انتي برده كده ليه انتي ناسيه الشرط المهم بتاعنا الحفيد ياهانم
_والله دي مشكلتك
_انتي تافهه وملكيش راي ومحدش يعتمد عليكي
_هنغلط تاني ولا اي انا اصلا مش عوزاك مش عاوزه اعيش معاك
امشي مدمت، مش عجبك، وهقولهم انك رفضت وسافرت
_هسافر ازي وهو اللي متحكم في الفلوس
في اوضه ناديه وكان معاها اولادها
_جدو دا مفتري بيعمل فينا كده ليه انا بكرهه بكرهه عاوزه اسافر لبابي
_اهدي يانانو جدو بيحبنا ولو سمعنا كلامه هيغرقنا فلوس وهنعمل اللي احنا عاوزينه
وهنا سولي كان مضايق
_انا همشي وهسافر لبابا خليكوا انتم لو عاوزين
وهنا ناديه امه
_ياعبيط انت تقدر تبقي الكل فالكل وجدو يحبك وهتاخد عينه مش فلوسه بس
_ازي ياماما انا بجد مخنوق من شرطه دا
_اهم حاجه نوافق علي اللي هو عوزه انكم تتعاملوا مع اولاد خالكم ادمه بحب وانكم اخوات
ومن وراه اعملوا اللي انتم عاوزينه فيهم
وهنا ناديه قربت من سولي
_انت بقي لو اقدرت تخلي حسنا حبيبه جدها تتشد ليك وتحبك
_ازي دي متجوزه شاكر
_انت بشطارتك توقعها فيك وتخليها تكرهه شاكر وتطلب منه الطلاق هتكون حطيت فلوووووس جدك كلها في جيبك
تكملة الرواية هنااااااااااا
اكتب في بحث جوحل( مدونة قصر الروايات) تظهر القصص كامله
تابعونا علي قناة التليحرام من هنااااااااااا
ليصلكم اشعار بالنشر
الرواية كامله من البداية من هناااااااااااا
تعليقات
إرسال تعليق
فضلا اترك تعليق من هنا