رواية قدر اخي البارت الثامن 8بقلم ديدا الشهاوي حصريه وجديده في مدونة قصر الروايات
رواية قدر اخي البارت الثامن 8بقلم ديدا الشهاوي حصريه وجديده في مدونة قصر الروايات
#البارت_8
#قدر_اخي
فلاااااش بااااك
من عشرين سنه
_عبد الحميد.. عبد الحميد مالك واقف كده مش فصلك ليه
_المستر طردني من الفصل
_ليه يطردك وفين قدر
_قدر في الفصل مطردتش عشان هو دفع مصاريف المدرسه انما انا لا
_طب تعالي معايا
_هتخدني فين يايامن
.... وهنا يامن خبط علي المستر في الفصل
_مستر.. ممكن ندخل
_تعالي يامن.. تعالي حبيبي سقفوا ليامن المتفوق والاول علي المدرسه واخلاقه عاليه ياريتكم ربعه
_شكرا يامستر انا عاوز من حضرتك طلب
_اتفضل يابني... الله انت تعرف الولد دا
_دا اخويا وابن خالتي لو سمحت يدخل وبكره مصاريفه هتتدفع
_عشان خاطرك يا ياامن... اتفضل ياعبد الحميد
في المرواح وبعد الدراسه
_عبد الحميد كان ماشي مروح البيت... عربيه وقفت وكان فيها يامن وقدر مروحين البيت
__عم ابراهيم اقف عشان هناخد عبد الحميد معانا
_حاضر يايامن بيه
_هنخده فين انت اتجننت... والله اللي اقول لماما
_انت المفروض تعامله احسن من كده انتم اصحاب وابن خالتك
_لا مش ابن خالتي ومش صاحبي
_عبد الحميد.. تعالي اركب معانا
_مش لازم انا هكمل مشي
_لا من بكره عم ابراهيم هيجيبك وهيروحك معانا .. سامع ياعم ابراهيم
_ياامن. انا بحبك اوي ياريت كان ليا اخ زيك... يابختك ياقدر
هنا قدر بيشاور بايده ويعلن استياءه من كلام عبد الحميد علي يامن
_انا اخوك وقريبك واي حاجه انا موجوده انا اخوك زي مانا اخو قدر بالضبط وانتم الاتنين عندي واحد فاهم
بااااااااك
في فيلا... قدر
_انتي لازم تروحي لدكتور نفسي انا مش هفضل كتير كده كل مااعوزك واخد حقوقي الشرعيه تبقي بالعافيه
نورا في حاله اعياء شديده وعيون كلها دموع
_حاضر اللي تشوفه
_انا رايح الشغل بدل الكأبه اللي واحد عايش فيه ليل ونهار
في فيلااا ياامن
والكل مجتمع عبد الحميد والدكتور جون والياس ااقصد يامن
يامن... انا اعرف يامن
حميد... بجد... انت شوفته فين... انت تعرفه هو بعتك... هو فعلا سابنا عاوز اكلمه من فضلك دكتور الياس عاوز اكلم يامن
جون... سيدي حميد... اهدي من فضلك
حميد... قام بتوتر انتم بتلعبوا عليا انتم مين وفعلا جايين تستثمروا وفعلا تعرفوا يامن وهنا حميد قام وقام يمشي
وفجاءه سمع صوت
عبد الحميد.... اخباررر خالتي ايه نجلااااااء اي
هنا التفت عبد الحميد وبدا يبص لدكتور جون والياس وقرب منهم وبعصبيه
_انتم مين وعرفتوا دا ازي انطقوا... فين يامن... عاملتوا فيه اي
وهنا قرب من الياس لدرجه اللي كان بينه وبين يامن سنتيمترات بسيطه ورفع صابعه في وش يامن
_لوعرفت انكم السبب في اختفاء يامن او حصله حاجه مش هرحمكم... فاهمين... مش هرحمكم
وهنا حاول دكتور جون يهدي من عصبيته ويامن كان واقف وعيونه كلها دموع بس دموع حب علي ابن خالته ومدي حبه ليه وعلي مدي قلقه ووجعه عليه
جون... سيد حميد. اهدي ستعرف كل شي ولكن بهدوء الامر في غايه الصعوبه ولابد من الهدوء لكي احكي عليك الامر... تفضل سيد حميد بالجلوس رجاءا
يامن كان ساكت وعيونه كانت علي حميد واللي نظرات حميد لم تفارقه
_اتفضلوا احكوا انا سامعكم وكلي هدوء
_سيد حميد ابن خالتك تعرض لحادثه اختطاف في المانيا وتم حبسه ايام في مخزن كبير للصناعه الكاوتشوك وبعدها تم نشب حريق بفعل فاعل وكان من الضحايا قريبك يامن والمسؤل عن احتجازه بالمخزن
_ياعني ايه يامن مات فهموني
_قريبك يامن اتي بالمستشفى الذي اعمل بها وكان الحريق التهم جزء كبير من جسمه ووووو... وووو
_كمل دكتور جون فانا بموت في ارضي
_كان وشه محروق للغايه وملامحه غير متعارف عليها
وهنا الدكتور جون بدا يحكي كل تفاصيل اللي حصل ليامن والخطا الطبي اللي حصل واستبدل ملامح اللي كان حبسه مع ملامح يامن
ووقت ماكان الدكتور ياامن بيحكي كانت عيون حكيم علي دكتور الياس وكان قلبه بيوجعه من اللي سمعه واللي حصل لابن خالته وكان عنده احساس ان اللي قاعد ادامه هو ممكن يكون يامن لغايه عينه وقعت علي ايد يامن اللي كان عليه اثر من الحريق وبعض الرتوش البسيطه في رقبته من اثر الحريق
وبعدها انتبه لكلام الدكتور جون
_كل هذا سيد حميد وقريبك الان بملامح مختلفه وباسم مختلف
حميد... قام وقرب من الياس وهنا كان دقات قلب يامن بدق بسرعه وقرب منه وفجاءه ارتمي في حضن ياامن
_اخويا. وصحبي... كان قلبي حاسس انك في مشكله وحصلك حاجه.. مكنتش مطمن لغيابك انت استحاله تسبنا كده .. وهنا حكيم طلع من حضنه وهو بينظر لعيون يامن من ساعه ماشوفتك في المطعم وانا بقول نظرات الشخص دي انا عارفه اسلوبك طريقه مشيتك .. وارتمي في حضنه مره اخري... اااه يااخويا تعبنا من غيرك... حياتنا اتشقلبت بغيابك
وهنا ياامن بدا يتكلم
_غصب عني والله.. عمري ماكنت اقدر اسيبكم انتم كنتم عيلتي وحياتي واللي عايش ليها بس دلوقتي واللي عرفته واللي شوفته
ماينفعش ارجع واعيش وسطيكم تاني
هنا حميد طلع من حضن يامن
_ليه مش تقدر ترجع احنا متقابلينك باي شكل واي وضع احنا محتاجينك امك وانا واخوك
وهنا تعالات ضحكات يامن ولكنها ضحكات اسي وحزن
_مالك يايامن في اي تاني معرفوش... اقولي حصل ايه بينك وبين اخوك وليه قالنا انك هجرت واتجوزت هناك ليه
يامن قام واتحرك ومشي خطوات لشباك فيلته واللي كانت مفتوحه
_جون كمل لحميد باقيه الحكايه
جون كمل كلامه
_بعد سنه من حدوث الوقعه واصبح ياامن اوالياس دكتور كبير
عرفنا اللي حصله دا بفعل فاعل
حكيم قام وقرب من يامن
_مين اللي هيعمل فيك كده انت ملكش اعداء انت في حالك وكنت مسافر مؤتمر وراجع مين اللي هيعمل فيك كده
وهنا دكتور جون كمل كلامه ويامن وحكيم وقفين
_اللي دبر كل شيء مسيووو قدر هو اللي دبر الحريقه وهو اللي سعي لتخلص من دكتور ياامن
هنا جات صدمه لحميد والتفت لدكتور جون
_انت بتقول ايه قدر... قدر يعمل فيه كده.. استحاله دا اخوه وهنا دكتور جون فتح فيديو للشخص اللي كان زار يامن في المستشفى واللي مفكره صاحبه وشغل له تسجيل بانه اجرشخص ليخطف دكتور يامن و يشعل به الحريق لتخلص منه
ولما شاف حميد.. الفيديو والتسجيل بالاعتراف من الشخص اللي كلمه هو قدر بيه وطلب منه يبعت حد وراه ويسافر المانيا ويخطفه
دفن حميد وشه بين ايده وفضل يبكي علي صاحبه ومدي شره وعلي اخوه وابن خالته واللي شافه واللي اتظلم من كلام قدر عليه
يامن قام وقرب من حميد..
_حميد انا بخير... وبقيت احسن... ودا.. قدر ونصيب من ربنا.. وكمان قدر اعرف مين اللي مخلص ليا.. ومين اللي باعني
_ محدش بااعك
في فيلا نورا
كانت شارده وسرحانه وكل ماتفتكر ليله امبارح وطريقه قدر معاها وفجاءه لاقت الشغاله
_مدام نورا والدك تحت منتظرك
_حاضر انا نازله
نزلت نورا لوالدها واللي جاي يطمن عليها بعد شكوي قدر ليه
_اهلا يابابا وحشتيني
_اهلا حببتي عامله
_الحمد الله بخير
_مزعله قدر ليه منك
_يابابا انا مزعله نفسي ومزعله قدر انا حاسه اني عايشه عيشه مش عيشتي مش حياتي مش مكاني انا بموت الف مره كل يوم وهو بيقرب مني انا بموت وانا مش فاهمه ليه بحس الاحساس دا
انا بكرهه قدر... بكرهه.. ومش عارفه ليه... جسمي رفضه ورفضه نفسه ومش عارفه ليه
انا تايهه يابابا... تايهه ...
وفجاءه موبيل قدر رن
_نورا حببتي اجهزي عشان هعدي عليكي ونروح المستشفى
_هو انا لازم اروح
_طبعا لازم مش هعمل حاجه فيها من غيرك... اجهزي... بحبك
_حاضر
نورا قفلت مكلمتها وبصت لوالدها حياتي معاه اجبار علي مزاجه هو
في فيلا يامن
_لا يامن متظلمش حد احنا تعبنا كتير في غيابك انت متعرفش حصل ايه لامك ولنورا
_امي مالها ياحميد انطق
_امك تعبت بعد ماقدر بلغها انك هاجرت واتجوزت ومعنتش راجع تاني وبقت تتحرك بصعوبه
_ونورا برضوا زعلت ولما صدقت اتجوزت اخويا... وهنا يامن قام ووراه حميد
_نورا حكيتها حكايه ولو انظلمت من اخوك فهي اتظلمت مليون مره
هنا يامن التفت لحميد وبقي قصاده
_ياعني اي فهمني انا هموت من ساعه ماشوفتهم مع بعض ... فهمني ياحميد
_نورا لما سافرت وهي كاعادتها لما كانت بتروح الفيلا بتاعتكم تخلص حاجات فيها.. منعرفش وقعت ازي من الدور التاني وووواثر الوقعه......
_ايه ياحميد حصلها ايه انطق
_نورا فقدت الذاكره بسبب الوقعه.. ياعني مش فاكره حاجه خالص ولا فاكرك اصلا حتي لورجعت بشكلك الاول
_وقعت ازي وشغل ايه اللي في الدور التاني وهو خلصان اصلا
_مش عارف بس دا التقرير اللي طلع من المستشفى
_ياعني ايه... نورا مش فاكره حاجه.. مش فاكره حبناوخطوبتنا واحلامنا .. طب اتجوزت قدر ازي.... انا هتجنن ليه قدر يخلص مني وملقاش غير نورا يتجوزها
هنا حميد بصوت كل توتر وقلق
_اصل.... اصل... قدر كان بيحب نورا من زمان وكان نفسه يتجوزها وكان هيخطبها
_ بدهشه يخطبها....
_ايوه... يوم ماكنتم عنده في مكتبه انت ونورا بتعرفوه بخطبتكم كان قبلها قايلي انه هيكلم والدها.. وجيتم انتم صدمتوه
_طب نورا كانت تعرف بالكلام دا
_نورا عمرها ماكانت شايفه قدر... ولا بينت ليه اي اعجاب حتي لما كنا في كليه واحده
_طب حاله نور ا دي علي طول ولا مؤقته
_والله يعرف قدر ووالدها
_حميد عاوزك تساعدني عاوزه اعرف حاله نورا بالضبط وكمان عاوز اعرف تقرير الكشف الطبي وقت الحادثه
_مش عارف... بس هحاول.....
وهنا جون....
ياساده معاد قدر والمستشقي الان
وهنا حميد.. بص ليامن.
_هتعمل ايه مع قدر... فهمني
_هعمل ايه ... اخد حقي بس... واعرف ليه عمل معايا كده
_حميد بخوف وبقلق...
_يامن انا مش عاوز اخسركم انتم الاتنين فهمني يا يامن
_فهمك ياحميد
بعدساعات
وفي المستشفى
_ايه رايك حببتي المستشفى كبيره وهيقدوا يطورا فيها كويس
_اللي تشوفه
وهنا قدر.. اتصل بحميد واللي كان في العربيه
_حميد فينك مش ظاهر من الصبخ
_داخل عليك اهو
_والمستثمرين مجوش ليه
_كلموني وهما في الطريق
_طب يلا بسرعه
وبعد ساعتين وبعد مرور الدكتور جون والياس علي الغرف والادوار وكلهم اجتمعوا في اوضه مدير المستشفى
جون.... رائع سيكون استثمار عظيم
قدر.... اكيد بيكوا وبمجهودهم... شايف دكتور الياس مش بيقول رايه
الياس... رائع ومشجع علي الاستثمار
وفجاءه دخل عليهم مدير المستشفى
واللي تصدم يامن منه لانه رفده من المستشفي بسبب سلوكه المشكوك فيه
_قدر بيه من فضلك ممكن كلمه علي انفراد
وهنا قدر قام
_عن اذنكم ثواني
وهنا دكتور جون بدا يتحدث مع حميد في بعض الامور
ويامن كان باصص لنورا اللي كانت عيونها حزينه طول الوقت
_ حضرتك تعبانه شكلك مجهده
_شوي... قله نوم بس
_تسمحيلي اسالك
_اتفضل... عيونك ليه علي طول حزينه
_انا... بتهقيلك... هي بس قله نوم
_انتي ممكن تحكي اللي مضيقك افانا دكتور نفسي وممكن اساعدك
وهنانورا بلهفه
_ بجد دكتور نفسي
_اه والله وللعلم كل اللي هتقوليه هيكون سرا لانه اسرار المريض
_طب اقدر اجيلك فين... عنك عياده هنا في القاهره
_زي ماتحبي
_عاوزه اجي عياده
_انا حاليا مع دكتور صديقي بعيادته تقدري تجي
_كويس جدا.... بس.... بس
_متقلقيش محدش هيعرف حاجه
_خصوصا قدر
_هنا يامن حس ان في حاجه غلط بحياه نورا
_زي ماتحبي... وهنا يامن بص لايد نورا ومسك موبيلها ومسك موبيلها.. وسيف رقمه عندها
_غريبه انك لسه مش عامله رقم سري لموبيلك
نورا استغربت طريقته وازي عارف ان موبيلها من غير رقم سري
فلاااااش باااك
_بص ياسيدي من ساعه المؤتمر والدكاتره الستات نازلين تصوير معاك لوسمحت ياادكتور الباص ورد بتاعك عشان اتابع معجبينك
_ياسلام اتفضلي ياستي بس انا برضو هاخد الباص ورد بتاعك
_ههههه مش لما اعمله انا اصلا مش بحب اقفله بنساه علي طوله وحتي بنسي الاشكال فرحيت دماغي
بااااك
فجاءه دخل قدر واللي لاقي نورا كانت سرحانه وبصه ليامن وهو كان مشغول في موبيله
_نورا.... يلا حبيبي عشان اروحك شكلك تعبان
_حاضر.... وهنا نورا بصت ليامن عن اذنكم
وخرجت مع قدر
وهنا حميد. خد الياس وجون وفجاءه وقفه دكتور يامن يعرفه كويس
_استاذ حميد.. استاذ حميد
_ايوه مع حضرتك... انا عاوزك ضروري..
_انا... عاوزني انا... انا مش دكتور
_عارف... انا دكتور هشام وبدا هشام يلتفت حولينه واللي استغرب حميد ويامن وجون من طريقته
__طب عاوزني بخصوص ايه
_بخصوص حادثه البشمهندسه نورررا
تكملة الرواية هنااااااااااا
اكتب في بحث جوحل( مدونة قصر الروايات) تظهر القصص كامله
تابعونا علي قناة التليحرام من هنااااااااااا
ليصلكم اشعار بالنشر
الرواية كامله من البداية من هناااااااااااا
تعليقات
إرسال تعليق
فضلا اترك تعليق من هنا