روايةعريس نصف عمر البارت الثامن 8بقلم حنان حسن
روايةعريس نصف عمر البارت الثامن 8بقلم حنان حسن
تتخيلوا اني اتذللت لاسلام
عشان يوافق انه يتمم دخلتة عليا...
وبالرغم من كده
رد اسلام برد غريب
وقالي ...
مينفعش ادخل عليكي يا مني
ولا ينفع اقرب منك خالص
فا استغربت من كلامة
وسالتة
قلت..ليه مينفعش؟
فا رد اسلام
وقالي...
لاني ...طلقتك..
يعني انتي دلوقتي مش علي زمتي
فا بصيت لاسلام
بدهشة
وسالتة
قلت..
انت بتنكلم جد؟
قال...ايوه
فسالتة تاني
قلت..
و ليه طلقتني؟
رد اسلام..
وقالي...
..مش لازم تعرفي
الجزء الثامن
عريس نصف عمر
للكاتبة..حنان حسن
في اللحظة دي
حطيت ايديا الاتنين علي راسي
من اللخبطة
الي بقيت حاسة بيها
وقلت...
يادي النيلة
علي ام الهبل
واللخبطة الي انا وقعت فيها
وسالتة
وقلت...
هو انا لسة فهمت انت اتجوزتني ليه؟ ...
لما هتطلقني ؟...
وبرضوا بدون ما اعرف ليه؟
رد اسلام باسف
وقالي
كل الي عايزك تعرفية
انك دلوقتي حره
ومش ملزمة انك تعملي دخلة
غصب عنك
مع انسان انتي مش طايقة تشوفيه
بصيت لاسلام
وقلت.. متشكرة
قال..علي ايه؟
قلت...عشان....
طلعت انسان حساس... وشهم اوي كدة
بصلي اسلام
وقالي..انا مش عايزك تشكريني
لكن عايزك تقدميلي خدمة
قلت...خير؟
قال..مش عايز
مسالة طلاقنا دي...
حد يعرفها دلوقتي
وكمان عايزك تفضلي في البيت هنا كام يوم
لغاية ما ارتب نفسي
واشوف هقولهم علي خبر
الطلاق ده ازاي
بصيت لاسلام بضيق
وقلت...
طيب منا كده ابقي استفدت
ايه ؟
منا هفضل برضوا قلقانة علي امي ....وحازم زي منا؟
رد اسلام
وقالي..
لو علي امك وابن اختك
فا متحمليش هم
وخرج اسلام من جيبة موبيل
وبعدما ظبط الاعدادات بتاعتة
مد ايه ليا بالموبيل
وقالي..
خدي الموبيل ده
فيه شاشة متابعة للكاميرة
الي في غرفتهم
تقدري تتابعيهم
وتطمني عليهم كانهم ادامك بالظبط
بعدما فهمت من اسلام
انه حاطط كاميرة في غرفة امي
فا بصيت حواليا
وسالتة
قلت...هو هنا كمان
في كاميرات مراقبة؟
بصلي اسلام بعتاب
وقالي..
ازاي يعني هحط كاميرة في غرفتي انا وانتي ؟
واخلي اهلي يتفرجوا علي زوجتي؟
عديت الجملة
وبصيت للموبيل الي في ايدي
وسالتة
قلت...هو المفروض انت هتدبر امورك في اد ايه؟
او بمعني اصح
وانا هستني هنا تاني اد ايه؟
رد اسلام
وقالي..كام يوم فقط
بصيتلة بصدمة
وقلت...يلهوي كام يوم ازاي
دي الست امك مانعة عني الاكل؟
رد اسلام
وقالي...يا مفنرية...
هو انا مش لسة مدخل عندك صينية اكل
تكفيكي يومين
بصيت لاسلام
بدهشة
وسالتة
قلت...يعني انت الي دخلتلي صينية الاكل؟
هز اسلام راسة
وقالي ..ايوه وكل يوم هدخلك صينية زيها
وسالني
وقالي...
تمام كده؟
رديت بعدما هزيت راسي بالايجاب
وقلت..ماشي تمام
وبعدما خلص كلامي مع اسلام
قام عشان يرجع لغرفتة
وفي اللحظة دي
سالتة
قلت..سؤال اخير
قال..نعم؟
قلت انت في حاجة بينك وبين سعيدة؟
رد اسلام
وقال...
حاجة متخصكيش...
وزي منا ...
مش بسمح لها تتكلم عنك
محبكيش تتكلمي عنها
للكاتبة..حنان حسن
بصراحة كلامة حرق دمي
فا رديت بغضب
وقلت..
طالما انت انسان كويس اوي كده
ليه مش بتتجوز سعيدة ...
بدل المنظر الزبالة الي انا شوفتة امبارح ده؟
بصلي اسلام بغيظ
وقالي...ملكيش دعوة خليكي في حالك
قلت...اولا مفيش حاجة اسمها ملكيش دعوة
لان سعيدة دي بنت عمي
واي عك هي بتعملة
هيقع في دماغي في الاخر
وبعدين...بصراحة بقي
موقف الجدعنة الي انت عملتة معايا دلوقتي
خلاني مستخسراك في الطريق الشمال
الي انت ماشي فيه ده
بصلي اسلام بغضب
وقالي..
لو كنتي عرفتيني كويس
كنتي هتتاكدي اني مش ممكن اعمل حاجة شمال؟
بصيتلة بتعجب
وقلت ..فعلا؟
وطبعا فهم اسلام اني بسخر من كلامة
فا قالي..
علي فكرة ...
انا عمري ما كنت انسان سيئ
ولا عمري سمحت لنفسي
اني استبيح اعراض بنات الناس
بصيتلة بتعجب
وقلت...كلامك ده افهم منه ايه؟
في اللحظة دي
سمعت صوت سعيدة
وهي بتتكلم بعصبية
وبتبص لاسلام
وبتقولة...
ما تقولها يا اسلام
ولا اقولها انا؟
بصلها اسلام بغضب
وسالها
قال...انتي ايه الي جابك هنا؟
اتفضلي امشي ادامي
واخد اسلام سعيدة
وخرجوا من الغرفة
وانا قعدت لوحدي افكر
في اللي حصل
وبدات اكل في نفسي مش عارفة ليه؟
وقلت لنفسي
كلام سعيدة وجرائتها دي ملهاش غير مبرر واحد
وهو ....انه اتجوزها فعلا
معقولة ؟
يعني فعلا ممكن يكون اسلام اتجوز سعيدة؟
طيب ليه اسلام مش عايز يصرح بجوازه منها؟
وفضلت الافكار تروح ...وتيجي
في دماغي
لغاية ما فضولي كان هيقتلني...
واخيرا ...
اهتديت لفكرة معقولة
وقلت
انا مش هعرف اذا كان اتجوز سعيدة او لا
الا...من سعيدة نفسها
وعشان انا كنت عارفة سعيدة كويس
وعارفة انها بتغير موت
فا لعبت علي نقطة ضعفها
واتصلت باسلام
ولما رد عليا
قلتلة... تعالي حالا يا اسلام
انا تعبانة اوي
وقبل ما يجي فتحت شنطتي..
وطلعت صباع الروج
وحطيت الروج علي كف ايدي
وبسرعة لقيت اسلام بيفتح الباب
وداخل وهو باين عليه انه
قلقان عليا
وسالني
مالك؟
قلت... عندي مغص
قال...اعملك شوية اعشاب من الي بترتاحي عليها؟
قلت...لا مش عايزة اعشاب
قال..امال اعملك ايه؟
قلت..اقعد اتكلم معايا شوية
يمكن المغص يروح
رد اسلام
وقالي..مبقاش ينفع
احنا دلوقتي متطلقين
ومينفعش نقعد لوحدنا
بصيتلة بتاثر
وقلت..انت شايف كده؟
بصلي اسلام بحسرة
وقالي..مش انتي كنتي عايزة كده؟
للكاتبة..حنان حسن
في اللحظة دي
مديت ايدي
الي فيها الروج علي كتف اسلام
وعملت اني بطبطب علية
وقلت...خلاص متزعلش نفسك انا متفهمة
اتفضل روح لاوضتك
وبالفعل خرج اسلام
ورجع لغرفتة
بعدما ارسلت معاه رسالة لسعيدة
عشان اخرجها عن شعورها
واخليها تقول كل الي عندها
وبالفعل...
بعد شوية
سمعت صوت سعيدة وهي بتزعق مع اسلام
فا قلت اضرب علي الحديد
وهو سخن
وقررت اني اتصل بسعيدة
واستفزها با الكلام
يمكن تقع بلسانها
وبالفعل اتصلت بسعيدة
ولما ردت عليا
قلتلها...
مالك يا سعيدة انتي بتزعقي
ولا ايه؟
ردت سعيدة بغضب
وقالتلي...
ملكيش دعوة
خليكي في حالك
قلت..حالي هو حالك يا بنت
عمي
وبعدين انا سمعت الصوت قريب اوي كده
افتكرتك في غرفة اسلام؟
ردت سعيدة عشان تغيظني
وقالت..منا طبعا في غرفة اسلام
قلت...وبتعملي ايه في اوضة جوزي يا سعيدة؟
ردت سعيدة
وقالت ...
واحدة وقاعدة في اوضة جوزها
تفتكري هتكون بتعمل ايه؟
قلت.. اسلام جوزك؟
قالت ..ايوه جوزي...
واتجوزني عليكي
عندك اعتراض؟
قلت...لا مش فكرة اعتراض
انتي صعبانة عليا بس
مش اكتر
لان واضح نك مش مالية عينة
واديكي شوفتي الدليل بعينك
بعدما سعيدة سمعت استفزازي لها
اتعصبت بشدة
ولقيتها عملة تصرخ وتزعق لاسلام
وسمعتها بتقول..
وحياة امي لاروحلها وامسح بيكرامتها الارض
وفي عز انفعالها
وعصبيتها...
لقيتها فضلت تصرخ ...
وبعدها ...
سكتت مره واحدة
وفي اللحظة دي
عرفت ان اسلام بيشد معاها
وممكن يكون ضربها
لانها سكتت فجاءة
وقلت لنفسي
انا مالي انا ما يتجوز ولا يولع
هو انا ايه الي هيدايقني في كدة؟
وبدل ما اهدي وافوق لنفسي
غصب عني لقيت دموعي نازلة
والحزن مش راضي يفارقني
فا اتكشفت اني بحب اسلام
فعلا
وطبعا مقبلتش علي نفسي ان اسلام يحبسني
وهو متجوز من واحدة تانية...
وواضح ان هو فرحان اوي بجو حريم السلطان ده
وفي عز غضبي
قررت انقض وعدي ...
واتفاقي مع اسلام...
واخد امي ....وحازم ونمشي
فا اتصلت باسلام
لكن للاسف
اسلام مردش عليا..
وده في حد ذاتة شعلل النار جوايا اكتر
طبعا مهو البيه
مش عايز يزعل سعيدة
ويرد عليا ادامها
فا قررت ا فتح بسرعة الباب
الي بيني وبين اسلام
عشان امسخر بكرامتهم لارض هما الاتنين
قبل ما امشي
لكن الي خلاني اتردد في فتح الباب
اني سمعت صوت( ام اسلام) جوه عندهم
وقلت اكيد امه طالعة تفض النزاع
بين سعيدة واسلام
وحبيت اعرف الي بيحصل جوه
فا بصيت من فتحة المفتاح
وفي اللحظة دي
شوفت حاجة غريبة جدا
ومفزعة جدا
لاني شوفت بعيني
سعيدة خايفة من حاجة
فا فضلت ادور بعيني عشان اشوف
هي خايفة من ايه؟
فا شوفت ادامي
شقيقة اسلام ...وامه
و الاتنين كانوا
بيقربوا من سعيدة
وفي ايديهم سلاح
وكان واضح من منظرهم
انهم ناوين يهجموا عليها فعلا
في اللحظة دي
انا كان لازم
ادافع عن بنت عمي
فا روحت بسرعة علي صينية الاكل
الي في اوضتي
واخدت منها السكينة
ورجعت تاني
علي الباب الي بيفصل بيني وبين غرفة اسلام
و دفعت الباب ودخلت عليهم فجاءة
وقلت...
اقسم بالله لو حد منكم قرب لبنت عمي
لا اقطع من لحمة...
في اللحظة دي
بدات سعيدة تعيط ...
وتستغيث بيا
وتقولي ...
الحقيني يا بنت عمي
فا اخدتها ورا ظهري
وبعدما وقفت ورايا
غمزتها بالموبيل بتاعي وهمست لها في سرية
وقلتلها...
خدي موبيلي و اطلبي البوليس بسرعة
وبعدما سعيدة اخدت موبيلي
وانشغلت بيه
وجهت كلامي ل ..ام اسلام وشقيقتة...
وانا بهددهم بالسلاح عشان
يبعدوا عنها
لغاية ما تتصل وتستغيث باي حد يغيثنا
وقلت...
ابعدي يا ولية انتي وبنتك عن بنت عمي احسن......
.
وقبل ما اكمل الكلمة
حسيت بحاجة وقعت علي راسي....
وبعدها.... اسودت الدنيا
وبعد مدة مجهولة من الزمن
فوقت بعدها
لقيتني في مكان مظلم وريحتة مقرفة
شبيهة برائحة مياة الصرف الصحي
فا اتفزعت ...وبصيت حواليا
واول ما تنبهت لنفسي
بصيت جنبي علي الارض تاني
لقيت سعيدة واقعة علي الارض
فحاولت اطمن عليها
ان كانت عايشة ولا جرالها حاجة؟
ومديت ايدي ناحية ايديها
و اطمنت لما حسيت اني ما زلت بستشعر نبضها
وبعد شوية
فاقت سعيدة ولقيتها بتعيط
فا حاولت اطمنها
وقلتلها...
متخافيش حبيبتي انا معاكي
وهنخرج من هنا باذن الله
ردت سعيدة
وقالتلي
لا يا مني احنا مش هنخرج من هنا
احنا خلاص هنموت هنا
رديت عليها
وانا مرعوبة ....
وقلت...ليه بتقولي كده؟
ردت سعيدة
وقالت...
انا سمعت كل كلامهم
وهما خلاص
اصدروا حكم الاعدام فينا احنا الاتنين
وانا بنفسي سمعت ام فنجان
قبل ما يخدروني...
وهي بتقولهم يجهزونا عشان يقتلونا
و يقدمونا (قربان)
استغربت من كلام سعيدة المرعب
وسالتها...
قلت...قربان ايه ؟
انا مش فاهمة حاجة؟
ردت سعيدة
وقالت...انا كمان مش فاهمة قربان ايه الي قالت عليه
ولا حتي اعرف هما عايزين يقتلونا ليه؟
بس الي فهمتة
ان ام فنجان عملت عليا تمثيلية
عشان اجيبك انتي واختك
هند لغاية هنا
للكاتبة ..حنان حسن
في اللحظة دي
استغربت من كلام سعيدة
وسالتها
قلت...يعني انتي الي جيبتي لهند العريس ؟
وانتي السبب اني انا وامي وابن اختي هنا كمان؟
وضعت سعيدة راسها بالارض
وقالتلي...
سامحيني
واضافت سعيدة بندم
وقالت...
انا اتكسفت من نفسي
لما لقيتك..
بتحاولي تنقذيني...
وبتواجهي ام اسلام ...واختة
بالرغم من السلاح الي كان معاهم
وكل ده عشان تنقذيني
بالرغم من كل الي عملتة فيكي
بترمي نفسك في النار عشان تنقذيني
وفضلت سعيدة تعيط
وهي بتقولي...
انا ندمانة علي كل حاجة عملتها معاكي يا مني...
(سامحيني)
بصيتلها بذهول
وسالتها..
قلت..انتي قولتي انك انتي السبب اننا وصلنا هنا؟
فهميني انتي عملتي ايه؟
بالظبط؟
ردت سعيدة
وقالت..
انا عملت حاجات لو عرفتيها ممكن تقتليني
قلت...
تقصدي ايه انطقي؟
ردت سعيدة
وقالت
انا السبب في موت ازواجك الثلاثة
قلت...مش ممكن طبعا انتي بتهرجي
في اللخظة دي
دمعت عيون سعيدة بندم
وقالت...
هقولك علي الحقيقة كلها
عشان اريح ضميري
قبل ما اموت
بس ارجوكي سامحيني
يا مني
هزيت راسي
وقلت..اخلصي يا سعيدة
وقولي وفهميني
ايه الكلام الي بتقولية ده؟
وبالفعل
بدات سعيدة في سرد الحقيقة
وقالت...
امي بقي الله يسامحها
هي السبب
لانها ربت فيا انا واخواتي الكره
ناحيتك
انتي... وامك ...و اختك ...
وده بسبب
ان امك كانت ديما تعايرنا ب اختي الكبيرة
وتقول ان جوازها بيموتوا
عشان ووشها وحش علي ازوجها
لغاية ما اختي اتعقدت واكتئبت
وانتحرت...
وانا...
من يومها
وانا كرهي ليكم كان بيزيد
...عشان كده...
قررت اخليكي تدوقي
من نفس الكاس الي اختي داقت منه
وكنت بعمل نفسي
جاية اهنيكي يوم فرحك...
في الصباحية
وكنت بجيب معايا عقرب
في برطمان زجاج...
في جوازتك الاولي
جيتلك في الصباحية
وغفلت الجميع
وحطيت العقرب في الجزمة...
بتاعة العريس
ولما مات ومحدش عرف سبب موتة
كررتها في تاني جوازة ليكي
و حطيت العقرب بنفس الطريقة
لكن...في الجوازة الثالثة
حطيتلك العقرب في براد الشاي
وبعدما غليت المية بالعقرب
اتسمم الشاي
وكنت قاصدة اعملة في البراد
عشان تشربوا الشاي وتموتي معاه
زي ما اختي ماتت
لكن انتي اتلهيتي في صحباتك
الي كنتي قاعدة معاهم
وعريسك هو الي شرب الشاي ومات لوحدة
بصيت لسعيدة بذهول
وانا مش مصدقة الي بسمعة
وقلت...مش ممكن؟
انا مش مصدقة
يعني انتي سيبتيني اعيش العمر ده كله
وانا فاهمة
اني وشي وحش علي الي بتجوزهم؟
طيب ليه ؟حرام عليكي
وقبل ما سعيدة ترد علي سؤالي
سالتها
قلت..
امال ازاي بتقولي...
انك انتي السبب اني انا وهند جينا هنا؟
انطقي....
ردت سعيدة
وقالت........؟
ومش هتصدقوا سعيدة جابتنا هنا ليه....؟
اكتب في بحث جوحل( مدونة قصر الروايات) تظهر القصص كامله
تابعونا علي قناة التليحرام من هنااااااااااا
ليصلكم اشعار بالنشر
الرواية كامله من البداية من هناااااااااااا
تعليقات
إرسال تعليق
فضلا اترك تعليق من هنا