سكريبت فريده البارت 9-10الاخير بقلم هاجر العفيفي
سكريبت فريده
البارت التاسع والعاشر
ريان بتوتر : أنا بحبك يافريده
فريده بصدمه : بتحبني !!!
ريان بتنهيده : أيوه بحبك مش عارف انتي هتصدقيني ولا لاء بس انا فعلا مش هقدر أطلقك مش هقدر أعيش من غيرك صدقيني يافريده
فريده كانت مصدومه من كلامه وقالت : ريان أنا
قاطعها ريان وهو بيقول : انا عارف انك مش بتحبيني بس صدقيني انا هحاول أعمل كل حاجه تخليكي تحبيني يافريده بس اديني فرصه
فريده كانت هتطير من الفرحه بس قالت بحذر : بس ياريان احنا لسه مشوفناش النتيجه بتاعت العمليه ممكن ا
قاطعها ريان مره أخرى وقال : اي كان النتيجه ده مش هيغير فى كلامي حاجه بقولك انا بحبك مش فارقه معايا حاجه تاني بقا
فريده مسكت دموعها علشان العمليه وقالت : وانا كمان بحبك ياريان
ريان بصدمه : بتهزرى
فريده بضحك : مش بهزر والله
ريان بتوتر : فريده فهميني من فضلك
فريده اتنهدت تنهيده طويله وقالت : انا لما وافقت على جوازى منك ياريان كان بإرادتي مش غصب عني بس لما عرفت انك بتحب روان مردتش اتكلم محبتش أقول إن مستعده أكمل معاك عادي قولت هسيب النصيب يحكم مردتش أضغط عليك ياريان علشان ال بيحب حد بيحب ليه السعاده حتى لو مع غيره فهمت
ريان بابتسامه : يعنى موافقه تعيشي معايا علطول
فريده بتوتر : بس انا مش عايزه شفقه ياريان انا
قاطعها ريان وقال : هنبتدى بقا فى جو الدراما ده يابنتي ارحميني هو أنا هاخدك شفقه ليه يعني أنا بحبك والله
فريده : طب وروان
ريان : روان دي كانت صفحه وقطعتها دي انسانه مينفعش أكمل معاها ابدا غير سويه نفسيا يمكن أعجبت بيها شكلا إنما طبعها وحش جدا انانيه ومش سهله أبدا وطمعانه فيا انا عمرى ماحبيت روان أبدا فريده الاحساس ال بحسه معاكي محصلش معايا قبل كده صدقيني ها موافقه بقا
فريده ابتسمت بفرحه : موافقه طبعا
ريان قام وقف بفرحه وقال : هروح بقا أبلغ بابا وعمتي وأفرحهم بالخبر ده
فريده بخجل : ماشى
ريان بخبث : ايه مكسوفه ليه يابطتي
فريده بضحك : لاء بس عايزه أكل جعانه أوى على فكره انت مجوعني وانا كده هشتكي
ريان بضيق : يافصيله حاضر ياختي هجييلك أكل ياعديمة الرومانسيه
قام دخل المطبخ وفريده كانت بتضحك على كلامه
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفرووو
حنان : انا خلاص مبقتش عارفه أعمل ايه معاها انا بقول أسكت خالص واقبل بالوضع وطالما ابني مبسوط مش هتكلم
روان بصدمه وعصبيه : هو ايه ال مبسوط بقولك ريان مبيحبش غيرى انا فريده مش هتاخدو مني
حنان : انا مش فى ايدي حاجه أعمالهاك روحي بعيد عني بقا انا مش عايزه خراب بيتي عبد الحميد لو عرف بحاجه زي كده مش بعيد يطلقني انا لما قعدت مع نفسي عرفت أن مصلحة ابني أهم وبعدين انا معرفش جبت القسوه دي منين وازاى روحت أذيت الغلبانه دي
روان : دلوقتي بقت هي غلبانه وانا حربا"يه
حنان : اي واحده تفكر تدخل مابين اي بيت تبقي خرابة بيوت
روان بعصبيه : هي ال اخدته مني بقولك
حنان : ابني مش عيل علشان تاخده منك هو عارف مصلحته فين انا مش هتدخل في حياته خالص ابعدي عنه أحسن ليكي علشان انا ال هقفلك
روان : بقا كده
حنان : أيوه كده ابعدي عننا بقا بلا هم
وقفلت التلفون فى وشها
روان بصدمه وغضب : بقا كده ماشى عليا وعلى أعدائي بقا
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
عبد الحميد بفرحه : بجد ياريان يعني هتكمل انت وفريده
ريان بابتسامه : أيوه يابابا انا كنت طايش فعلا معرفش انا كنت بعمل ايه لكن دلوقتي حاسس ان عايز أعمل بيت بجد يكون مبني على رضا ربنا سبحانه وتعالي وانا واثق أن فريده هتساعدني فى كده
عبد الحميد : طب ولو محصلش النصيب والعمليه منجحتش ؟
ريان : بابا أنا حبيت فريده علشان روحها وعشانها هي مش عشان اي حاجه تاني وانا راضي فى كل الأحوال
عبد الحميد : أهو كده بقا أقدر أطمن على فريده معاك
ريان : يارب يقدرني واقدر أسعدها
عبد الحميد : روان لازم تبعدها عن حياتكم انا قولت انها مش سهله ومش هتسكت بالساهل
ريان : انا هتصرف معاها
عبد الحميد : ربنا معاك
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
ريان : يلا يافريده أجهزى علشان هنروح المستشفى
فريده بتوتر : جاهزه ياريان فاضل الخمار بس
ريان : يلا ياحبيبتى توكلى على الله انا متفائل جدا والله يلا
فريده جهزت ونزلوا الاتنين واستعدوا يركبوا العربيه
ريان : نسيت اجيب مفاتيح العربيه هطلع أجيبه واجي خليكي هنا
فريده : حاضر
طلع ريان وهي كانت واقفه ولقت صوت جمبها
الشخص : ماتسيبك منه وتعالي معانا
فريده بخوف : انت مين
الشخص الآخر : تعالي معانا وانتي ساكته ده انتي متوصي عليكي أوى
فريده بخوف : ريان يارياااااان
الشخص ابتدا يشدها وياخدها بالعافيه وهي كانت بتصوت بصوت عالي وتنادي على ريان
فريده بصراخ : ريااااااان
ريان نزل يجرى لما سمع صوتها واتصدم لما شاف الشابين عايزين يخطفوها جرى عليها وزقهم بغضب والأدوات يضربوا فى بعد
فريده بدموع وخوف : ريان
الشباب راحت جابت خشب وضربوا ريان بقوه ونزلوا فيه ضرب وهو كان مش قادر يقوم وخايف على فريده جدا
فريده مكانتش شايفه ال بيحصل لكن كانت خايفه على ريان وقالت بصوت عالي : حد يلحقنااااااا رياااااان
يتبع
❤️ البارت العاشر
ريان بتعب : خوفتي عليا
فريده بحزن : الحمد لله أنا كنت هموت عشانك
ريان بابتسامه : بعد الشر عليكي للدرجه دي بتحبيني
فريده بخجل : أه والله
ريان بتنهيده : انا مش عارف لو مكانش بابا جه فى الوقت المناسب كان زمان حصل ليكي ايه انا مكانش همي حاجه غيرك انتي يافريده
فريده : الحمد لله أن انا وانت بخير حمد الله على سلامتك
ريان بمشاكسه : الله يسلمك يابطل
فريده اتكسفت وسكتت
ريان : يلا علشان ندخل للدكتوره علشان نشيل الشاش
فريده : بس انت تعبان
ريان بحزم : يلا هي كلمه واحده قومي بقا
فريده قامت وخرجت هي وريان وكان عبد الحميد ووفاء وحنان واقفين بره وشافوهم خارجين
عبد الحميد : رايحين فين دلوقتي
ريان : هندخل للدكتوره علشان تطمنا على فريده
وفاء : مش وقته يابني انت لسه تعبان و
قاطعها ريان وقال : فريده أهم يلا يافريده
عبد الحميد : يلا احنا جايين معاك
وصلوا كلهم عند أوضة الدكتوره ودخلوا وحنان كانت ساكته علشان عارفه أن فريده زعلانه منها
الدكتوره : يلا بسم الله الرحمن الرحيم
كلهم كانوا واقفين خايفين من النتيجه وريان كان هيموت من القلق
الدكتوره ابتدت تشيل الشاش واحده واحده وبعدين شالته خالص
الدكتوره : ها طمنينا يامدام فريده
فريده ابتدت تفتح عيونها واحده واحده وبعدين فتحت خالص واول ماشافت كان ريان ابتسمت بفرحه
فريده بفرحه : انا شايفه انا شيفاكم كلكم انا فتحت الحمد لله يارب اللهم لك الحمد الحمد لله
كلهم راحوا عندها بفرحه وحضنوها ماعدا حنان مقربتش علشان متحرجهاش
ريان بفرحه وحضنها وقال : الحمد لله أنا واثق فى ربنا
فريده بدموع : الحمد لله
وفاء بدموع وفرحه : الحمد لله ياحبيبتى ربنا كبير
شكروا الدكتوره وخرجوا كلهم راحوا التوضه ال كان فيها ريان وكان مش قادر يمشي علشان الإصابات ال فى رجلوا وايدو بس كان بيحاول علشان فريده
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹استغفروووا
روان بغضب : شوفتي المصيبه ال عملها ابنك ولبسها فيا رايح يعترف للنيابه أن انا ال بعته يضرب ريان ويخطف فريده
ثريا بغضب : انتي السبب منك لله خليتي الواد يروح فيها أبو ريان حبسه هو واصحابه وياعالم هيحصل فيهم ايه
روان بصدمه : انا ياماما مش انتي ال كنتي بتشجعيني
ثريا : اه ياختي بس مكنتش اعرف انك هتكوني السبب فى ضياع أخوكي
روان : بس انا مقولتلوش يعمل كده
ثريا : قولتي ولا مقولتيش المهم أن هو دخل من وراكي ياجلابة المصايب
روان كانت مصدومه من كلام أمها وقالت : ماما بس انا
ثريا قاطعتها وقالت بغضب : اخرسي خالص روحي انجرى شوفي أخوكي وشوفى هتخرجيه منها ازاى حتى لو هتتذلي لفريده دي وريان علشان يوافقوا يخرجوهم
روان بصت لأمها وخرجت بغضب من البيت
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
فى البيت
كانت فريده رجعت هي وريان وكان معاهم وفاء وحنان وعبد الحميد والكل فرحان بفريده
فريده دخلت تجرى على الشقه وابتدت تلف فيها بفرحه وكانت طايره من السعاده ريان دخل الأوضه عليها وشافها بتنطط
ريان بضحك : يابنتي اقعدي هتقعي
فريده بسعاده : انا فرحانه اوي ياريان اخيرا شوفت مملكتنا الصغيره أخيرا هعيش حياه طبيعيه زي الناس انا سعيده اوى
ريان بحب : الحمد لله يافريده انتي متعرفيش انا فرحان قد ايه بيكي انتي لو كان حصل ليكي حاجه إمبارح انا مكنتش هسامح نفسي ابدا
فريده بابتسامه ودلع : مكنتش اعرف ان أفرق معاك أوى كده يا أستاذ ريان قولت فتره وتعدي وهنطلق
ريان مسك أيدها وحطها عند قلبه وقال بحب صادق : والله يابنتي معرفش انتي عملتي فيا أيه انا بجد حبيتك لدرجة مش قاادر اتخيل حياتي من غيرك ربنا يخليكي ليا
فريده بابتسامه : ويخليك ليا ياحبيبي
ريان بغمزه : أخيرا نطقتيها
قال كلامه وهو بيقرب منها بخبث
فريده بتحذير : بتقرب ليه ابعد
ريان بضحك : هو أنا هبعد فعلا علشان احنا مش لوحدنا فى البيت وهما بره كلهم وزمانهم أفتكرونا غلط
فريده : طيب انا خارجه ليهم وسع كده
زقته وخرجت
ريان اتوجع بألم وقال : ااااه متجوز صحبي
فريده خرجت بره وكانوا كلهم بره ولقت حنان بتقولها : ممكن يابنتي عايزاكي فى كلمتين
فريده اتصدمت من كلامها معاها بالطريقه دي وقالت بقلق : ماشى ياطنط
دخلت معاها البلكونه
حنان بحزن : انا عايزاكي تسامحيني يابنتي على معاملتي ليكي انا معرفش انا كنت بعمل كده ليه بس الشيطان كان عميني بجد حقك عليا انا ميهمنيش إلا سعادة ابنى وانا شايفه ان ابني مبقاش مبسوط غير دلوقتي انا بجد مش عارفه أقولك ايه سامحيني يابنتي علشان خاطرى أنا ندمت
دموعها نزلت وهي بتتكلم وفريده مسحت دموعها بحنان وقالت : متقوليش كده ياطنط انتي زي ماما وأكيد مسمحاكي ربنا يصلح الحال وصدقينى مش زعلانه منك
حنان بسعاده : بجد ياحبيبتى
فريده بابتسامه : بجد ياطنط
حنان حضنتها وقالت : طنط ايه بقا قوليلي ياماما أنا أمك التانيه ربنا يسعدكم يابنتى ويرزقكم الذريه الصالحه
فريده : اللهم أمين
خرجوا الاتنين وقعدوا مع وفاء وعبد الحميد وريان انضم ليهم كانوا فى جو أسرى جميل
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
بعد شهر
ريان : فريده
فريده : نعم ياريان
ريان بتنهيده : شوفتي ال حصل روان عملت حادثه وفقدت نظرها
فريده بصدمه : لاحول ولا قوة الا بالله حصل ازاى
ريان بدهشه : هي لسه صعبانه عليكي بجد فريده انا عرفت أن روان هي ال زقتك قدام العربيه يوم الحاد"ثه وهي ال قالتلى كده فى أخر مره شوفتها فيها انتي ازى قلبك طيب كده
فريده بحزن : بس ياريان انا جربت وعارفه الاحساس ده ومش حابه أتمناه لحد حتى لو روان
ريان ضمها وقال : كل واحد أخد جزاته يافريده حتي أخوها هيتحكم عليه كمان أسبوعين بتهمة الشروع فى قت"ل ربنا عادل
فريده : ربنا يصلح الحال
ريان : يارب
فريده بخبث : عندي ليك خبر مش عارفه هيبقى حلو ولا
ريان بقلق : قولى يا أخرة صبرى اوعي تكوني جبتي أوردر تاني يافريده ده انا دفعت أربعه الشهر ده
فريده بضحك : لاء لاء حاجه أهم أهم
ريان : مش عارف
فريده بسعاده : روحت للدكتوره النهارده وقالتلى مبروك
ريان بغباء : ليه مبروك على ايه
فريده بقلة صبر : أكيد مقالتليش مبروك انتي جالك القلب حامل ياحبيبي حااااامل
ريان بصدمه وعدم استيعاب : قولى والله
فريده ضحكت على شكله وقالت : والله
ريان من الفرحه شابا ولف بيها فى الأوضاع
فريده بفرحه : بجد فرحان
ريان بابتسامه : فى أسعد حالاتي انا طوب عمرى ماكنتش سعيد غير مرتين مره دلوقتي ولما حبيتك ياجميل
فريده بابتسامه : ربنا يقدرني وأقدر أسعدك ياريان
ريان بمشاكسه : ويقدرني واسعدك يابطتي
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
روان لما عملت الحادثه أمها كانت دايما بتعايرها وهي حست ان ده عقابها بعد ال عملته فى فريده وأخوها اتحكم عليه هو وأصحابه بعشر سنين س"جن وده جزاة كل واحد بيأذى غيره
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹 أستغفروا
بعد سنه
فريده بغيظ : ممكن تشيل بنتك شويه ولا هنزعج حضرتك
ريان : أمهات أخر زمن مش قادره تستحملى بنتك تعالي ياحبيبة بابا أنا عارف انها بتعذ"بك طول اليوم وانا بره
فريده خبطته فى كتفه بغيظ وقالت : والله ؟؟ طب ياسيادة الاب الحنين اتفضل أقعد بيها وانا هروح اقعد عند أمي ولا تقولى غيرى بامبرز ولا اعملى ببرونه وانام براحتي واصحي براحتي وعيش انت وهي بقا
لسه هتقوم ريان شدها بضحك وقال : اقعدي يامجنونه ده كله علشان البنت الطيبه الكيوت دي اهي نامت أهى بكل هدوء برائة انتى ال ظلمتها بس
فريده : لاء ياحبيبي هي عملت كده علشان بتخاف منك إنما أنا أم مهزقه البت ال عندها تلات شهور بتكدبني قدامك عشنا وشوفنا أمال لما تكبر شويه هتعمل فيا ايه هتقولك تغيرني
ريان : هو أنا أقدر أستغنا عنك برضوا ده انتي الخير والبركه يافيرى
رفيده : بتثبتني ياريان انت وبنتك صح
ريان بضحك : حاجه زي كده
فريد بقى حيله : طيب ياريان لما نشوف أخرتها معاكم
ريان : أخرتها العباسيه إن شاء الله ياروحي
فريده ضحكت على كلامه
ريان بابتسامه : بحبك
فريده بحب : وانا كمان
تمممت بحمد الله 💙
تعبت فيه والله وعايزه رأيكم فيه بجد وعايزه ريفيو حلوه كده زيكم 💙
واسفه على التاخير عاشر مره😂
#فريده
#هاجر_العفيفى
دمتم بخير
تعليقات
إرسال تعليق
فضلا اترك تعليق من هنا