رواية ملاك في رداء الشيطان كامله من الفصل الاول الي الفصل العاشر بقلم ايزيس
رواية ملاك في رداء الشيطان كامله من الفصل الاول الي الفصل العاشر بقلم ايزيس
في نص الليل
داخل القصر ببروده المعتاد ومعاه بنت عندها عشر سنين كان ماسك أيدها وطالع ع السلم فجأة وقفه صوت
... مرراااد انت كنت فين ومين دي هي حصلت كمان تجيب اطفال مش كفاية البنا*ت الزبا*لة اللي بتجبهم كل يوم
بصلها بمنتهي البرود .. خلصتي؟ اولا اسمي مارد مش مراد وبعدين بص للبنت اللي بصتله بابتسامة بريئة وتابع كلامه .. هاتسلي شوية حد عنده اعترض
فريدة بغضب وتذمر... انت اتجننت دي جر*يمة دي لسة طفلة
مراد ... ياااااه اللي يسمعك كده يقول انكم ولاد ناس ومش بتعملوا اكتر من ..قاطعت كلامه بحدة مراد مش عيب تكلم مامتك كده
مراد بسخرية .. مامتك !!! ومسك ايد البنت والايد التانية ماسك الجاكيت بتاعه ورا ضهره وطلع اوضته وهو ماشي في ممرر فيه اوض ع الناحيتين سمع صوت شهقات وبكا طالع من اوضة اتنهد بضيق ومسح وشه بغضب وكمل طريقه لاوضته فتح الباب بعصبية ف الطفلة اتخضت واتنفضت لاحظ مراد خوفها بص لها بجمود وهو عاقد حواجبه لانه نادرا ما بيضحك وقال ... ما تخافيش تعالي اقعدي هنا وهارجعلك بعد شوية بصت له بابتسامة طفولية باحتة وهزت راسها
قعدها ع السر*ير بهدوء وقالها بتحذير ... اوعي تخرجي من هنا
البنت بخوف ... حاضر
رمي الجاكيت بتاعه بإهمال ع الكرسي وخرج وقفل الباب بهدوء ، مشي لغاية ما وصل لاوضة الشخص اللي كان بيعيط
خبط وفتح الباب قبل ما يسمع رد من اللي جوه
كانت جميلة وهي فعلا اسم علي مسمي جميلة ست اربيعينة أقل ما يقال عنها انها ملكة جمال
جميلة مسحت دموعها وقالت بتوتر ... م م مراد
مراد قفل باب الأوضة دخل وقف قدام السرير وقال بصوت مخنوق ... بتعيطي عشانه صح ، بتحبيه بعد كل اللي عمله فيكي وفيا .. دمر حياتك وحياتي ولسة بتحبيه
جميلة دموعها زادت .. انقذني، لمني من الشوارع وكلا*ب السكك يا مراد
مراد بخنقة .. قلت ماااارد اسمي مارد مراد دا انتوا قتلتو*ه مابقاش موجود اصلا
وبعدين انتي بتقولي لمك من الشوارع لا بجد كتر خيره وبعدين قال بصوت جحيمي .. لمك لقذا*رته
جميلة وقفت ومسكت مراد من كتافه .. ماتظلمهوش يا مارد
مراد بعد عنها وقال .. اوعي ما تلمسنيش طول مانتي بتدافعي عنه كده هيفضل يدوس عليكي *خلص كلامه وفتح الباب بغضب وخرج زي الاعصار ورزع الباب وراه
دخل أوضته وهو مش شايف قدامه بص لقي البنت الصغيرة نامت ع السرير قال في نفسه .. يا تري ايه حكايتك أنتي كمان وايه اللي خلاني اخدك معايا
و قلع التيشيرت بتاعه ودخل الحمام كمل قلع هدومه ووقف تحت الدش المية نزلت علي وش مراد في اللحظة دي أطلق العنان لدموعه عشان تختلط بالمية وما يظهرش ضعفه حتي قدام نفسه
مسح وشه وبعدين افتكر البنت الصغيرة وبقي يفتكر هو شافها فين
فلاش باك قبل ساعة
كان راجع من night club ومعاه فتاة ليل في عربيته كانت ماسكة ازازة خمرة وبتشرب منها ولسة هتشربه قام مودي وشه الناحية التانية وقالها وهو سكران .. ابعدي الازازة دي أنا بقرف !
وهو باصص من ازاز العربية لمح طفلة صغيرة نايمة جمب كشك ومنكمشة حوالين نفسها فرمل بسرعة والبنت اللي معاه استغربت نزل بسرعة وراح ناحية البنت هزها ف صحيت وهو مرعوبة كان فيه بقع د*م علي فستانها
مراد بقلق ...انتي ايه اللي منيمك في الشارع
البنت بتوتر وخوف .. ا انا انا مش عارفة اروح
مراد شاف الدم كان هيتجنن ومسك ايد البنت وقالها .. تعالي مش هينفع تفضلي في الشارع كده ومسك ايد البنت وراح ناحية عربيته
فتاة الليل قالت بضحكة رقيعة .. ايه دا هو انت ليك في الأطفال ما كنتش اعرف هيهيهيهئ
مراد فتح العربية بغضب وشد البنت من شعرها وخارجها برا العربية وقال من بين أسنانه .. واديكي عرفتي ، يلا بقي غوري ف ستين داهية ورماها ع الأرض وركب البنت الصغيرة و ركب وساق ولسة هيسألها عن سبب وجودها برا البيت في ساعة متأخرة زي دي لقاها راحت في النوم ف ساق لغاية ما وصل القصر
عودة من الفلاش باك
مراد .. كان بينشف نفسه وخرج عشان يلبس هدومه لبس البنطلون ولسة هيلبس التيشيرت سمع البنت كأنها بتحلم كابوس وبتصرخ بدأ مراد يقرب منها بقلق
البنت وهي بتحلم كانت بتقول .... لااااا لا ياعمو ما تعملش كده سيبني يا مامااااااااا ، وفجأة صحيت م النوم وصرخت وهي بتتنفس بسرعة كان مراد قريب منها اوي راحت حضنته من شدة الخوف في اللحظة دي فريدة كانت برا الأوضة بتتصنت ولما سمعت صرخة الطفلة ابتسمت بخبث وقالت ... هه بتدعي الفضيلة علينا يا مراد وفي الاخر تقلد ابوك فعلا هذا الشبل من ذاك الاسد .. ومشت من قدام الأوضة وهي مبسوطة وبتتمخطر وتتمايل في مشيتها من الفرحة
أما مراد فبمجرد ما البنت حضنته طبطب عليها وقعدها علي السر*ير وقال لها ... اهدي ماتخافيش
وراح جاب لها كوباية مية شربها وقعد جمبها وقال
... احكيلي بقي انتي ازاي تُهتي من بيتكم وايه الد*م اللي علي فستانك دا
البنت بدموع وخوف وتوتر ... ا ا انا ما تُهتش أنا هربت
مراد بصدمة ... هربتي
(وافتكر كلام جميلة .. أنا هربت)
مراد تابع كلامه ... هربتي من مين وليه
البنت عيطت و مرعوبة حرفيا... هربت من عمو حماصة جوز ماما والد*م دا بسببه
مراد سمع الكلمة دي وعينيه قلبت للون الأحمر وقال .. احكيلي كل اللي حصل بالتفصيل
البنت بخوف ... ح حاضر ...........يتبع
البارت التاني
البنت عيطت و مرعوبة حرفيا... هربت من عمو حماصة جوز ماما والد*م دا بسببه
مراد سمع الكلمة دي وعينيه قلبت للون الأحمر وقال .. احكيلي كل اللي حصل بالتفصيل
البنت بخوف ... ح حاضر وبعدين كملت بخجل ب بس انا جعانة اوي ما اكلتش من امبارح .
مراد قالها .. تمام هاروح اجيبلك حاجة تاكليها ونكمل كلامنا
وقتها مراد ماكانش لسة لبس التي شيرت بتاعه خرج وهو عاري الصدر ونزل تحت نادي بصوت عالي وقال
... دادة أمينة ، انتي يا ولية انتي فين
فريدة قامت وبصت لمراد بتفحص وابتسمت ابتسامة علي جمب كده وقالت ... خير يا مارد بتزعق ليه
مراد لسة هيتكلم لكن أمينة خرجت من اوضتها وهي بتقول ... نعم يا مارد يا ابني
مراد اتنحنح وقال .. اعملي عشا لطفلة صغيرة
أمينة ... طفلة 😲 مين خلف يا ابني
مراد جز علي أسنانه وقال ... بقولك ايه مش ناقص تخاريف وزهايمر وتنفذي اللي بقولك عليه
فريدة ببرود .. مش عيب يا مارد تشتم الدادة اللي ربتك
مراد لف حوالين فريدة وهمس في ودنها ... انا ما حدش رباني أنا اصلا مش متربي
فريدة بصت لمراد بصدمة قام هو بعد عنها وقال بسخرية .. هه يا ماما
وسابها وقال وهو بيطلع السلم .. أمنية حضري عشا لطفلة عندها تقريبا عشر سنين
أمينة ... حاضر يا ابني
مراد وصل الاوضة لقي البنت ماسكة بطنها وبتتألم
مراد قرب وقعد جمبها ع السرير وقالها بقلق ... مالك انتي كويسة
البنت بدموع اطفال ... انا جعانة
مراد ... عشر دقائق والأكل هيجي احكيلي بقي ايه اللي حصل معاكي
البنت ...حاضر هحكيلك عشان انت عمو الطيب
مراد ابتسم .. تمام أنا سامعك
البنت بدأت تحكي
فلاش باك
في شقة متوسطة في قرية من قرى دمياط
في نص الليل
شاب عنده حوالي ٣٠ سنة بيتسحب علي طراطيف صوابعه ودخل اوضة بنت صغيرة كانت الأوضة ضلمة
وبدأ يشيل الغطا من ع البنت ويقلع*ها فستانها ، البنت في اللحظة دي كانت بتحلم وفجأة حست بإيد بتل*مس جسمها قامت مرعوبة من النوم وصرخت ... اعاااااااااا .. مامااااا انت (اندل )بتاع المرعبون (اندل شخصية كارتونية شريرة)
وفجأة كتم نفسها فالبنت ما حسيتش بنفسها الا وهي بتضربه بالاباجورة في دماغه ود*مه ساح علي فستانها وصرخ هو من الالم
وفجأة دخلت ام البنت علي صوت صراخ جوزها فتحت الإضاءة لقت جوزها سايح في دمه
جريت عليه بلهفة وبدأت تتفحصه وتمسك وشه بشويش وتحسس علي مكان الجرح بقلق وقالت
.... حماصة حبيبي ايه اللي حصل
حماصة وهو ماسك راسه قال بخبث وبيمثل الغضب ... ب*نت الكل*ب دي ، سمعتها بتصرخ هي ونايمة قلت اجي أشوفها لقيتها بتصرخ وتقولي انت اندل وضربتني علي دماغي اااااااه أنا مش قادر اشوف كويس أنا بموت ولا ايه
الام... اللي ما شربت من د*مك يا حيوانة انا ميت مرة قلت ما تتفرجيش ع التليفزيون اللي لحس دماغك بأفلام الكرتون بس مافيش فايدة مش عاملة أهمية للكلام أنا هاربيكي
البنت بدموع وشهقات ... والله يا ماما بيكدب دا كان عايز يقل*عني الفستان بتاعي
حماصة بيمثل الغضب ... أخرسي يا فا*جرة هي حصلت بتتهميني دانتي زي بنتي
الام ... سيبهالي أنا هاعرف اربيها و هاحبسها تلات ايام كاملين في اوضة الفيران بس تعالي يا حبيبي اطهرلك الجرح بتاعك وبعدها هاعرف ما اربيها من اول وجديد
الست اخدت جوزها وهي مسنداه واول ما دخلوا اوضتهم البنت بقت مرعوبة وهي بتردد .. لا اوضة الفيران لا أنا بخاف من الفيران لا والنبي يا ماما وما حسيتش بنفسها الا وهي بتفتح باب الشقة وتخرج من بيتهم اللي جمب محطة القطر وبقت بتمشي من غير ما تعرف هي رايحة فين وفجأة القطر وصل ركبت فيه وهي ولا معاها فلوس ولا هدوم لقيت ست كبيرة نايمة راحت قعدت جمبها ومكست طرف شالها واتغطت بي ونامت جمب الست كأنها تعرفها
وبعد مرور ساعات القطر وصل والكل بقي يعمل دوشة وصوت في القطر صحيت هي وخرجت من القطر زي الناس وهي مش عارفة القطر جابها فين بس كان كل تفكيرها أن اي مكان بعيد عن اوضة الفيران فهو امان بالنسبة لها
ومن لما نزلت م القطر وهي قاعدة جمب الكشك اللي جمب محطة القطر اللي شافها فيه مراد
عودة من الفلاش باك
مراد اتنهد بارتياح وقال بابتسامة أمل .. يعني هو ما قربلكش
البنت ببرأة ... يعني ايه يا عمو؟
مراد ... ولا حاجة انتي بطل علي فكرة
البنت فرحت اوي من الكلمة وضحكت ضحكة تجنن من شدة البرأة
مراد قرب جمبها وحاوطها بدراعه وكان لسة ما لبسش التي شيرت بتاعه ولسة هيسألها
عن حاجة قامت الدادة خبطت ودخلت بالاكل برقت لما لقيت مراد حاضن البنت والبنت فستانها فيه دم سندت الصينية وهي عينيها هتنط من برا من كتر ماهي مبرقاها
مراد لاحظ ريأكشنات أمينة ف زم شفايفه وقال ...دادة بعد ما ...وبص للبنت وقالها انتي اسمك ايه
كانت البنت ساحبت صينية الاكل وبتاكل بشراهة وقالت وهي بقها مليان اكل ... اسمي تاليا
مراد رفع حواجبه باستغراب من طريقة اكلها وقال لأمينة ... بعد ما تخلص تاليا اكل خوديها وحميها ولبسيها اي حاجة من عندك او من عند فريدة هانم ، فريدة اصلا لبسها لبس بيبيهات
أمينة بتوتر ... ح حاضر يا ابني عن اذنك وخرجت وقفلت الباب ومشيت وهي بتكلم نفسها وكل تفكيرها مرادعمل ايه للبنت
مراد بص لتاليا وقال .. انتي حابة ترجعي تاني ل مامتك وجوزها ولا لا لو حابة ترجعي أنا هوصلك
تاليا قاطعته بسرعة وقالت ... لا لا يا عمو أنا مش عايزة ارجع للعذاب والذل بتاعهم تاني واوضة الفيران
مراد الكلام دا ارضي غروره جدا كان نفسه تكون جميلة اللي بتتكلم وتدافع عن نفسها مش تاليا
بص ل تاليا بابتسامة رضي بسيطة بس حلوة وقال ... مش قلتلك انتي بطل
وبعدين كمل في نفسه وقال وعشان كده انا هاعمل المستحيل عشان تفضلي نقية وبريئة وماتتذليش لحد أنا هاحافظ عليكي عشان تكوني زي ما انتي كده( ملاك ) طاهر
تاليا هزت مراد وقالت ... انت بقي اسمك مارد يا عمو
مراد هز راسه يعني ايوا
تاليا قالت بشقاوة .. أنا بقي هاسميك مارد وشوشني لأنك طيب زيه اوي هو وصاحبه اخدو البت( بوه) وحافظوا عليها لغاية مارجعوها لأهلها وبعدين كملت بحزن.. بس انا مش عايزة ارجع لأن ماما مش بتحبني هي بتحب عمو حماصة اكتر مني
في اللحظة مراد بقي بيتنفس بسرعة وكور أيده وقال ...بسسس اسكتي
البنت خافت .. ا انا قلت ايه زعلك يا عمو
مراد اخيرا قدر يتحكم في انفعاله مسح وشه وقال لها بهدوء ... بصي تعالي نتفق اننا ننسي الماضي الوحش ونبدأ من جديد قولتي ايه
البنت هزت راسها بابتسامتها البريئة يعني موافقة
مراد ... انا هسميكي (انجل ) لأنك بجد شبه الملايكة
تاليا ابتسمت ... وانا هاسميك مارد وشوشني
مراد قال برفعة حاجب ... وشوشني
تاليا .. اه دا فيلم المرعبون انت ماشفتوش قبل كده ولا ايه
وقف وشال الصينية من قدامها وقال .. مابحبش الافلام ، ويلا عشان تنامي الوقت أتأخر اوي احنا تقريبا الفجر
واخيرا لبس التيشيرت بتاعه وسابها تنام ع السرير ونام هو ع الكنبة
الصبح صحي واخد الشاور بتاعه ولبس ونزل عشان يفطر ويروح شغله
فريدة برسمية .. صباح الخير يا مارد ، اخبار ليلة امبارح ايه يا تري انبسطت
رفع عينيه بس ناحية فريدة وقال لها ببرود... جدااا
جميلة نزلت وقالت ... صباح الخير
فريدة هزت راسها بغرور يعني صباح الخير
أما مارد فمسك ايد جميلة وباسها وقال .. صباح الخير يا ست الكل جميلة سحبت ايدهابخوف وهي بتبص لفريدة اللي كانت هاطق من الغيظ
فريدة مسكت فنجان القهوة ورمته بكل قوتها ع الأرض اتكسر علي ميت حتة
وبصت لمراد وقالت ... مراد عايزاك في الكتب
هز راسه بكل برود ودخل وراها المكتب
فريدة بدأت تتكلم هي ومراد بالالغاز
فريدة ... العروسة وصلت بيت جوزها بأمان؟؟
مراد كان ساند بضهره علي باب المكتب وقال ببرود .. ما اعرفش
فريدة بعصبية ...طب ما تعرفش دفعوا كام مهرها
مراد وهو بيفتح باب الأوضة .. تقدري تسألي اللي انتي عايزاه للباشا لما يرجع لكن أنا ما باشتركش في الشغل القذ*ر بتاعكم دا
فريدة بسخرية ... علي اساس أنه باقي الشغل نضيف اوي
مراد ... وهو برا المكتب ... كلها وسا*خة
وسابها و خرج عدي علي أمينة في المطبخ وطلب منها تطمن علي انجل وتفطرها
وراح اشتري لانجل لبس كتير جدا وشوز وحاجات بتفرح اي طفلة ولعب ورجع بعربيته
نزل وهو بيشيل النضارة السودة من علي عينيه وبص لقي انجل واقفة في الشباك ابتسم لها هو ليه بيفرح لما بيشوفها مش عارف يمكن حابب يصلح فيها كل طفولته اللي ماعشهاش واتحرم منها
مراد طلب من الخدامين يطلعوا الحاجة فوق وطلع هو بعد ما ركن عربيته
لقي تاليا حرفيا هتموت م الفرحة وعمالة تحضن في الهدوم وتحطها علي جسمها كأنها بتقيسها
فضل واقف وساند علي باب الأوضة بيراقبها ويبتسم لفرحتها ، وبعدها راح لجميلة اوضتها وطلب منها تاخد بالها من تاليا طول ماهو في المصنع وتلبسها هدوم من اللي جابها لها جميلة استغربت من اهتمامه وحبت تسأله بس هي عارفاه كويس لو حابب يحكي حاجة هيقولها غير كده ماحدش يسأله عن حاجة لانه مش هيجاوبه
خرج تاني وراح شغله وتاليا فضلت طول النهار مع جميلة وحكت لها تقريبا كده كل حاجة من لما هربت لغاية اللحظة ما مارد اخدها وجابها القصر معاه
جميلة عيطت وحضنت تاليا بس من جواها كانت مبسوطة لان مارد لسة جواه خير وطيبة عكس ما بيظهر لهم
جملية اخدت تاليا في حضنها وناموا هما الاتنين
*في نص الليل
دخل مارد كعادته وكل يوم معاه بنت شكل طلع وهو بيتمايل وفاقد توازنه لانه سكران
البنت سندته ودخل اوضته وقفل الباب وسند البنت ع الباب وقرب منها اوي ولسة هيبوسها سمع صوت طفولي مسرسع بيقول ... مارد وشوشني مشي البنت الرقاصة دي أنا هنام جمبك من هنا ورايح مدام بتخاف تنام لوحدك ع السرير
مراد ....😲😲😲😲
************
البارت التالت
في نص الليل دخل مارد كعادته وكل يوم معاه بنت شكل طلع وهو بيتمايل وفاقد توازنه لانه سكران
البنت سندته ودخل اوضته وقفل الباب وسند البنت ع الباب وقرب منها اوي ولسة هيبوسها سمع صوت طفولي مسرسع بيقول
... مارد وشوشني مشي البنت الرقا*صة دي أنا هنام جمبك من هنا ورايح مدام بتخاف تنام لوحدك ع السرير
مراد بص لانجل بصدمة وبقي بيرمش بعينيه اكتر من مرة بيحاول يفتكر مين دي
البنت اللي معاه ضربت علي صدرها .. يالهوي انت امتي خلفت دي كلها يا مارد باشا
مارد بص للبنت بعد ما افتكرها وقال بغضب .. انجل ايه اللي مصحيكي لحد دلوقتي
انجل وقفت ع السرير وحطت ايديها في وسطها وقالت ... انا نمت كتير أنا وماما جميلة ولسة صاحيين انت بقي ايه اللي مخليك برا البيت لحد دلوقتي
مراد مسح وشه بزهق وشاور بإيده وقالها .. طب يلا روحي عند ماما جميلة ونامي
انجل بغضب ... قلت هنيمك مدام بتخاف ، انت ليه مش بتسمع الكلام
مراد ابتسم ابتسامة خفيفة بس بسرعة أخفاها وبص للبنت اللي كان جايبها وطلع فلوس من جيبه وإدهالها وشاورلها بإيده عشان تمشي
انجل شافت كمية الفلوس دي كلها وبرقت عينيها ومسكت البنت من طرف فستانها القصير وقالت ... انتي بتاخدي الفلوس دي كلها منه ليه ولا اكمنه خمورجي وسكران تضحكي عليه هاتي الفلوس دي يا مفترية
مراد هز راسه بعشوائية وضحك علي لماضة انجل وقال للبنت .. امشي انتي
ومسك ايد انجل وقعدوا ع السرير
مراد زم شفايفه واخد نفس طويل وقال لها مين اللي قالك اني بخاف أنام لوحدي يا ست انجل
انجل ببرأة .. أنا وماما جميلة كنا قاعدين في البلكونة وشفتك نازل مع البت دي ، ولما سألت ماما جميلة قالتلي انك بتخاف تنام لوحدك
مارد سرح في كلامها وافتكر لما كان صغير
فلاش باك
مارد لما كان طفل
... لا والنبي يا جميلة أنا عايز أنام جمبك أنا بخاف أنام لوحدي ، ومامي بتطفي النور وتقفل الباب
جميلة والدموع في عينيها ... مش هينفع يا مراد يا حبيبي مامتك هاتتضايق مننا لو شافتك نايم هنا يلا قوم روح اوضتك
مراد حضنها بكل تلقائية .. عشان خاطري يا جميلة أنا بحبك اوي سيبيني نايم عندك انهاردة أنا بخاف
جميلة وهي بتعيط .. م مراد قولي يا ماما
بص لها باستغراب وما ردش
جميلة تابعت ... ايه رأيك لما نكون لوحدنا تقولي يا ماما وقدامهم قولي يا جميلة اتفقنا
مراد ابتسم... اتفقنا يا ماما ، وفجأة تدخل فريدة ... هي مين دي اللي ماما يا مراد مافيش ماما غيري انا وبس ويلا علي اوضتك معاد نومك
وجرجرته غصب عنه لغاية ما وصلت اوضته نيمته في سريره وغطته وطفت النور وقفلت الباب ومشت
عودة من الفلاش باك
انجل بتهز مارد ... مارد وشوشني رحت فين
مارد اخيرا فاق .. ها لا مافيش أنا عايز أنام يلا تعالي نامي في حضني
انجل نامت في حضنه وقالت ... تحب احكيلك حدوتة
مارد ضحك بسخرية .. هو مين فينا الكبير
انجل ... ياعم اتلهي هو فيه حد كبير يخاف ينام لوحده دانت علي الله حكايتك
مارد شد انجل وبقي يزغزغها ويقول لها ... انتي بتجيبي الكلام دا منين يا لمضة ، انتي طفلة انتي
وهي كانت مسخسخة ضحك وبتصرخ ... كفااااااية كفاية يا وشوشني همووووت
فريدة كانت برا مبرقة عينيها ومش قادرة تتخيل ازاي مارد بيعمل كده مع طفلة
وبعد فترة
مارد راح في النوم وانجل في حضنه كان حاضنها كأنها بنته
في الصبح
بعد ما صحي واخد شاور وانجل كمان صحيت أخدها عشان ينزلوا يفطروا وهو نازل ع السلم شاف عزيز المالكي والده علي رأس السفرة مسك ايد انجل ونزل ببروده المعتاد
مارد ... صباح الخير حمدالله ع السلامة يا باشا
عزيز وهو مركز عينيه علي انجل قال بجمود ... مين دي ؟!!
مارد بص لفريدة وبعدين بص لعزيز وقال ... دي تخصني وهتفضل هنا معايا تقدر تقول بنتي
انجل ابتسمت بمجرد ما سمعت الكلام دا
فريدة قاطعت كلامه ... او عشيقتك
عزيز بصدمة ... عشيقته !!! انتي بتقولي ايه
مارد ... مستغرب ليه يا باشا تلميذ سعادتك
عزيز خبط علي السفرة بإيده وقال ... لااااا انت زودتها اوي وقام من ع الفطار
وهو داخل المكتب قال لمارد .. خلص فطارك وحصلني ع المكتب
مارد وهو بيصب لبن لانجل قال ببرود .. اوك
خلص مارد فطاره دخل المكتب
عزيز ... عملت ايه في الحتة اللي بعتلك صورتها قدرت تعمل زيها
مارد وهو بينفخ دخان السيجارة بتاعته ... اممم عملت احسن منها ، إنما قولي يا باشا انت مهتم اوي كده ليه المرة دي
عزيز بعملية .. اصلها هتكسبنا كتير اوي
مارد بدهشة ... ليه هتبيعها لاي مافيا المرة دي
عزيز بيبص للفراغ بابتسامة ... المرة دي هدية مني لحد عزيز علي قلبي
مارد بص له بشك ووقف وقال .. أنا باصنع أسلحة اه بس وربنا لو بس شميت خبر أن الأسلحة دي راحت للي مايتسموش لاهد المعبد ع اللي فيه
عزيز بسخرية ... تعجبني وطنيتك اوي
مارد بسخرية اكبر ... ابن الوز عوام يا والدي
وخرج ورزع الباب وراه وخرج علي طول ركب عربيته ومشي
فريدة بصت لطيف مارد واتأكدت أنه مشي لسة هتسأل انجل عن علاقتها بمارد قاطعت كلامها جميلة لما قالت لانجل .. هتيجي نقعد مع بعض زي امبارح
انجل هزت راسها بفرحة طفولية وقالت ... ماشي
فريدة جزت علي أسنانها وما اتكلمتش
عزيز خرج من المكتب شاف جميلة طالعة ع السلم ومعاها انجل اتحجج لفريدة أنه طالع يجيب حاجة من أوضته فوق وطلع وراها
جميلة كانت بتفتح الباب مسك عزيز أيدها وقال ... وحشتيني
جميلة بضيق .. عزيز انزل لو سمحت بلاش فضايح ع الصبح انت عارف أنه فريدة زمانها طالعة ع السلم
عزيز ... قرب من رقبة جميلة وباسها وقال .. بقولك وحشتيني تقولي فريدة
جميلة بحزم ... عزيز أنا مش هافضل في نظر ابني الست الخاينة
عزيز بص لجميلة بضيق وقال ... انا بعمل المستحيل عشان علاقتنا .. ولسة هيكمل كلامه سمع صوت
....عزيز جبت الحاجة المهمة اللي طلعت عشانها
عزيز كور أيده وضغط علي أسنانه ورسم ابتسامة علي وشه وقال .. ايوا كنت هاجيبها بس كنت بسأل جميلة عن البنت دي بنت مين
فريدة ... اسأل مارد هو اللي جابها من الشارع
جميلة سابتهم بيتناقشوا ودخلت هي وانجل وقفلت الباب
*مر شهر وتقريبا انجل اتعلقت بجميلة كأنها امها الحقيقية ، وكل يوم تنام في حضن مارد وهو ماعدتش يجيب بنات معاه بالليل وهو راجع عشان انجل بتطفشهم
وفي يوم
في night club
مارد سكران ومش شايف قدامه
اسلام صاحب مارد .. موري اصحي ياباشا يا ابني انت ، البت سوزي عينها هتطلع عليك .
مارد رفع وشه وهو مش شايف حد .. اممم بص لسوزي اللي رمتله بوسة في الهوا وقال لاسلام ... هات مفتاح شقتك
اسلام بسخرية ... الله ، هو مارد باشا بطل ياخد بنات معاه القصر ليه ، شكله كده عزيز باشا ادبك
مارد مسك الكأس اللي ف أيده ورماه علي اسلام وقال بغضب .. ماحدش يقدر يفرض رأيه علي المارد ولا يمشي كلامه عليه
قام ظبط قميصه الاسود اللي مفتوح اغلب ازراره وقرب علي سوزي مسك أيدها وخرج بيها علي عربيته علي طول وساق لحد ما وصل القصر
طلع بالبنت قدام عزيز وفريدة
عزيز وقف وقال بغضب .. ماااارد اطلع برا انت والبت دي انت ماحدش مالي عينك ولا ايه مافيش اشكال زبا*لة زي دي هتدخل هنا تاني
مارد سمع كل كلام والده ومعلقش علي ولا كلمة مسك البنت من وسطها وضغط عليه جامد من الغضب وطلع أوضته بكل برود
وساب عزيز هيتجنن
بص لقي جميلة واقفة قدام باب أوضتها قربت من مارد وقالت بحزن
... ليه بتعمل كده يا ابني
مارد بغضب وهو سكران ومش واعي لكلامه ... ابنك ! دلوقتي ابنك وزمان لما اتنازلتي عني لفر... ولسة هيكمل كلامه قامت جميلة ضربته حتة كف وقالت
... اسكت اسكت وعيطت
مارد مسك ايد سوزي ومشي علي طول علي أوضته
دخل لقي انجل مستنياه زي كل يوم
انجل بطبيعتها العنيدة .... انا مش قلت ما تجيبش راقصات هنا تاني
مارد قرب من انجل بغضب جحيمي ومسكها من شعرها جامد وقال لها بصوت كله تهديد ... لو نطقتي نص كلمة تانية هانسي انك طفلة ... غوري من وشي ....
انجل بدموع وعند ... لا مش هاخرج دا سريري
مارد رمي انجل ع السرير بغضب شديد راسها ضربت في السرير واتفتحت ونز*لت د*م
مراد فاق علي صرخة انجل وبص لها وكان هيموت من القلق حرفيا عليها جري ناحيتها وقال ... انجييييييييل ... يتبع
*************
البارت الرابع
مارد رمي انجل ع السرير بغضب شديد راسها ضربت في السرير واتفتحت ونز*لت د*م
فاق علي صرخة انجل وبص لها وكان هيموت من القلق حرفيا عليها جري ناحيتها وقال ... انجييييييييل !
وسوزي صرخت وقالت ... يالهوي البت د*مها سا*ح ومغمي عليها ولا ماتت يا مصيبتي وفضلت تضرب علي خدودها
مارد حسس علي جيوبه بإيديه كان بيدور علي فونه بس مالقهوش جري عشان يدور عليه في العربية بس جميلة وقفته وقالت أنا هاتصل علي جاسر
وكلمت الدكتور جاسر صاحب مارد
بعد فترة وصل جاسر لقي مارد قاعد جمب انجل واول مرة يكون قلقان علي حد بالطريقة دي بدأ جاسر يشوف شغله وقال ل مارد ... مين البنت دي
مارد بقلق .. بنتي
جاسر ... 😲😲😲بنتك انت !! دي مش اقل من عشر سنين انت خلفت وانت عندك ١٤ سنة ولا ايه 🤔
مارد ... ممكن تسكت وتطمني عليها
جاسر ... هي كويسة بس انا اديتها منوم و مسكن عشان ما تحسش بالوجع فمش هتصحي الا الصبح
مارد ... تمام
جاسر وهو بيلم حاجته وماشي قال .. هاسيبك دلوقتي لأنك شكلك شارب بس لازم افهم حكاية بنتك دي ايه
مارد هز راسه يعني ماشي
خرج جاسر وجميلة اطمنت علي انجل وباست راسها وقالت ... ممكن أخدها انهاردة تقعد معايا عشان اخد بالي منها يا مارد
مارد بحدة .. لا أنا هاعرف اهتم بيها اطلعي انتي
جميلة اتنهدت بحزن .. تصبح علي خير
مارد هز راسه من غير ما يرد ، وبعدها قلع قميصه وجزمته ومدد ع السرير واخد انجل في حضنه ونام
*في الصبح
صحيت انجل لقت نفسها في حضن مارد فضلت تتألم وتتأوه من جرحها لغاية ما صحي هو
مارد فتح عينيه بالعافية لقي انجل صحيت حط أيده بهدوء وحذر ع جرحها وقال ... حاسة بإيه دلوقتي ، تعبانة
انجل بغضب طفولي ... اوعي انا مخصماك انت شرير زي ماما وعمو حماصة
مارد اتضايق من نفسه اوي في اللحظة دي حضن انجل وقال بصوت كله حنية ... انا اسف
انجل بعند .. واسف دي اصرفها فين أنا بقي
مارد برفعة حاجب .. تصرفيها ، انتي كمان مش عاجبك أن المارد بيعتزرلك دانا عمري ماعملهتا مع حد قبل كده
انجل ... لا أنا هافضل مخصماك لحد ما تصالحني
مارد كشر وقال .. واصالحك ازاي بقي يا لمضة
انجل بضحكة طفولية وبتحاول تمثل اللؤم .. توديني الملاهي 😍
مارد بقلة حيلة ... اوعدك يا ستي اني اوديكي الملاهي بس لما تخفي ، ها صالحتيني
انجل حضنت مارد ... طبعا صالحتك انت أحلي مارد في الدنيا ، أنا هاقوم البس
مارد ... استني يا بت مش هينفع لما تخفي
انجل قامت بالعافية وكانت تعبانة بس بتقاوح وقالت ... لا ، ااااه انا خفيت
مارد رفع كتافه بقلة حيلة ... ماشي 🤷
اخد شاور ولبس وهي كمان راحت لجميلة لبستها واخدها مارد وخرجوا ع الملاهي
*********
في حتة تانية
اسلام ... هو أنا هفسح بنت اختي يا رغد يا بنتي ارحمي امي
رغد بتوسل ودلع ..عشان خاطري يا ايسو أنا بحب اروح الملاهي
اسلام بقلة حيلة .. ماشي يا ستي اتفضلي قدامي مانا اللي جبته لنفسي ادي أخرة اللي يخطب واحدة عندها طفولة متأخرة انجري !
رغد وهي بتضحك .. طيب ما تزقش
*في الملاهي
انجل راكبة الساقية وبتضحك وتشاور ل مارد اللي كان حاطط ايديه في جيوبه ومتابعها بقلق شديد لأنها لسة تعبانة ، وفجأة داخت ومسكت راسها وكانت هتقع
مارد صرخ ... انجيييييل حاسبي
وبص ع الراجل المتحكم في اللعبة وقاله بغضب جحيمي .. وقف بسرعة
وقفت الساقية ومارد شال انجل وقعدها علي رجله وقال بغضب .. شوفتي عندك وصلنا لفين من دقيقتين كنتي هتموتي ، يلا كفاية لحد دلوقتي
انجل بدموع وتعب .. ماشي بس عايزة ايس كريم
مارد بنفاذ صبر .. اوك
اشتري لها ايس كريم وكانوا خارجين قابلوا اسلام
اسلام بدهشة .. مارد مين دي !!
مارد .. دي بنتي
رغد .. بنته 😲
مارد ببرود .. ازيك يا رغد
رغد ... ازيك 😲
مارد مسك ايد انجل وقال وهو ماشي .. نتقابل بالليل واحكيلك ع التفاصيل have fun انت وخطيبتك وابتسم وسابهم ومشي
اسلام بتوهان.. لاحظتي أنه قال بنتي
رغد بتوهان اكبر ... لاحظت أنه أول مرة يقولي ازيك وكمان يا رغد
اسلام ضربها علي راسها .. هو دا كل اللي لفت انتباهك ، مالفتش انتباهك ازاي واحد عنده ٢٤ سنة يخلف بنت عندها عشر سنين لا وكمان مخبي عليا طول السنين دي كلها داحنا أصحاب من كي جي وان
وبعدين تابع .. انجري قدامي اليوم باين من أوله
عدي اليوم طبيعي جدا بدون أحداث ومارد ماراحش الشغل وفضل جمب انجل لحد ماناموا
*في الصبح
مارد صحي وساب انجل نايمة اخد شاور و لبس ونزل عشان يفطر
فطر وبعدها طلب من جميلة تعتني بأنجل لحد ما يرجع م الشغل
جميلة خلصت فطارها وطلعت كانت رايحة اوضة مارد لانجل بس وقفها صوت
... جميلة
جميلة لفت وشها ناحية الصوت وقالت بضيق .. نعم يا عزيز
عزيز قرب منها ومسكها من وسطها وهمس لها .. أنا هاجيلك انهاردة بالليل استنيني
جميلة بعدت عنه بحزن وقالت .. حاضر يا عزيز وفتحت الباب ودخلت
قضت اليوم كله جمب انجل وهي بتفتكر أول لقاء بينها وبين عزيز
فلاش باك
كانت الدنيا بتمطر والجو بيشتي
بنت عندها ١٥ سنة بتجري في الشوارع وهي لابسة فستان فرح وحافية والكحل سايح علي خدودها
فجأة تكون علي وشك أن عربية تصدمها بس صاحب العربية بيفرمل في آخر لحظة
نزل شاب وسيم جدا حوالي ٣٠ سنة قومها بكل هدوء وذوق
عزيز ... انتي عروسة هربانة صح
جميلة وهي بتترعش من البرد ومن الخوف .. لا ا قصدي ا ايوا
عزيز بص حواليه لقي الشارع فاضي مافيش ناس قال لها ... اركبي معايا أنا هاوصلك المكان اللي انتي عايزة تروحيه
رفعت وشها بحزن وقالت .. ماعنديش مكان اروحه انا هربانة من مرات ابويا عايزة تجوزني راجل اد ابويا ومتجوز اتنين غيري عشان الفلوس
عزيز اصلا ما ركزش في ولا كلمة من كلامها كان سرحان بس في جمالها اللي عامل زي لوحة فنية غاية في الروعة
عزيز اتنحنح وقال ... طب تعالي معايا أنا هاسعدك
جميلة ما كانش قدامها حل الا انها تروح مع عزيز قصره وصلوا القصر وقال لمراته فريدة أنه هيحتاج جميلة في شغلهم فريدة وافقت أن جميلة تعيش معاهم ، مر شهر وعزيز كل يوم حب جميلة بيكبر جواه لحد ما ف يوم فريدة سافرت لوالدتها تركيا
وفي ليلة كانت كلها رعد وبرق ومطر
عزيز اتجرأ ودخل اوضة جميلة وكان سكران
عزيز قرب من جميلة وهي اتخضت وقامت من السرير وقالت بخوف ... عزيز بيه عايز حاجة
عزيز أخدها في حضنه وقال ... عايزك انتي يا جميلة انتي عملتي فيا ايه أنا مش قادر ابعد عنك اكتر من كده .. ما تخافيش يا جميلة ، انا بحبك اوي
جميلة ... ابوس ايدك يا عزيز بيه سيبني
عزيز وهو بيشم شعرها ... عزيز بس عزيز بس يا جميلة
جميلة كانت مرعوبة بس مع الاسف عزيز قدر يتخطي حدوده معاها ومع الأسف برضو أن كل حاجة كانت برضاها
بعد شهر بالظبط جميلة اكتشفت انها حامل وقالت لعزيز
جميلة... انت لازم تتجوزني يا عزيز بيه
عزيز .. اتجوزك ازاي يا جميلة انا راجل متجوز وانتي لسة ١٥ سنة يعني صغيرة
جميلة عيطت .. اومال اعمل ايه اتصرف ازاي
عزيز ... ما تقلقيش يا جميلة أنا هاتصرف
عودة من الفلاش باك
جميلة كانت الدموع نازلة من عينيها .. بحبك يا عزيز وهافضل احبك مهما تعمل فيا وتئذيني
انجل صحيت وجميلة اخدتها ونزلوا تحت شافوا والدة فريدة قاعدة معاها قامت جميلة اخدت انجل وخرجوا يقعدوا في الجنينة ..
*مارد خلص شغله بدري ورجع عشان كان قلقان علي انجل وصل بعربيته ع القصر نزل وقلع النضارة الشمس بتاعته بص لقي ولد عنده حوالي ١٤ سنة بيسوق عجلة وانجل وراه ومتبتة في وسطه وبيضحكوا
مارد قال بغضب جحيمي ... انجيييييل ...
*************
البارت الخامس
*مارد خلص شغله بدري ورجع عشان كان قلقان علي انجل وصل بعربيته ع القصر نزل وقلع النضارة الشمس بتاعته بص لقي ولد عنده حوالي ١٤ سنة بيسوق عجلة وانجل وراه ومتبتة في وسطه وبيضحكوا
مارد قال بغضب جحيمي ... انجيييييل
الولد وقف العجلة وشاور لمارد وقال ... ماااارد هاي
مارد قرب بغضب جحيمي وبص لانجل بنظرة مرعبة وقال .. اطلعي فوق
انجل ببرأة .. أنا عملت ايه دا اياد كان بيفسحني
مارد بص لها بنفس النظرة المرعبة وقال. .. فووق
انجل بلعت ريقها واترعبت بجد وهزت راسها ورمشت عينيها كذا مرة ورا بعض من التوتر وجريت علي فوق علي طول
اياد .. ايه يا مارد بتزعق ليه دي بنت لذيذة اوي وانا حبيتها بصرا..ولسة هيكمل كلامه لقي مارد رفعه من ياقة قميصه وقال من بين أسنانه ... حبيت مين دي لسة عيلة يا حيوا*ن (قول لنفسك شكلك انت اللي حبيتها 😂)
اياد بيحاول ينزل من الوضع اللي هو فيه .. نــ نزلني يا مارد بقي أنا مكانش قصدي قصدي حبيت هزارها
مارد نزله واياد جري علي القصر بعصبية وهو بيقول ... والله لاقول ل نناه جولنار
مارد مسح شعره بإيده وقال .. هي كمان شرفت دا شكل اليوم باين من أوله
ودخل مراد وهو بيعصر علي نفسه لمونة عشان يبقي لطيف
فريدة ... مارد نناه جولنار وصلت من تركيا انهاردة هي واولاد خالتك تعالي سلم عليهم يا ماما
مارد بابتسامة صفرا واضحة اوي
... ازيك يا جولنار هانم
جولنار ... اهلا يا مارد مش بتسأل علي نناه الا لما هي تسأل عليك
مارد ... شغل بقي اعذريني
جولنار ... سلم علي لمار بنت خالتك
مارد لف ناحية لمار ومد أيده ... ازيك
لمار بنت عندها ١٨ سنة لفت ايديها حوالين رقبة مارد واتشعلقت في حضنه وهمست في ودنه ... وحشتني علي فكرة
مارد فك ايديها من رقبته وقال بجمود .. حمد الله ع السلامة
فريدة ... مارد اطلع غير هدومك وخد لمار وإياد واطلعوا اتفسحوا برا
مارد عشان يسايرها قال ببرود.. اوك
وطلع علي اوضته علي طول فتح الباب ودخل وقفله بالمفتاح
بص لقي انجل قاعدة مربعة ايديها ورجليها وبتهز في جسمها من العصبية ومكشرة
مارد وهو بيقلع قميصه
... انا قولتلك ايه قبل كده ، أنا مش قولتلك ما تكلميش اي حد غريب اجي القيكي بتتصرمحي مع الواد الملزق دا وحضناه
انجل عاقدة حواحبها بغضب😡 ... انا كنت بالعب معاه انت ايه يزعلك في كده ، وبعدين مش دا ابن خالتك
مارد بحزم .. برضو غريب عليكي واوعي اشوفك مرة تانية بتكلمي اي ولد أو تحضني اي حد فاهمة
انجل ما رديتش وكانت مكشرة
مارد كرر كلامه ... فاهمةةة
انجل بتحاول تمنع دموعها .. فاهمة
مارد رمي نفسه ع السرير وفتح دراعاته وقال لها ... يلا هتنامي
انجل بصدمة .. هو في حد بينام دلوقتي ليه احنا فيران
مارد وهو ممدد علي السرير وحاطط أيده تحت راسه ابتسم وقال ... اسمها فراخ مش فيران
انجل .. أنا عارفة بقي المهم مش هنام
مارد بعصبية ... يعني انتي بترفضي تنامي في حضني
انجل بخوف .. لا مش قصدي بس مش عايزة أنام دلوقتي عايزة العب
مارد مد لها أيده ... تعالي نامي وبطلي رغي
انجل نامت في حضنه بس كانت صاحية
بعد دقيقتين
انجل ... مارد وشوشني
مارد ... يادي وشوشني اسمي مارد وبس
انجل ... بس انا عاحبني وشوشني اكتر
مارد ... اممم ارغي عايزة ايه
انجل .. هو أنا هاروح المدرسة
مراد ...اكيد ماتقلقيش أنا هاجهز كل حاجة
انجل .. قولي يا وشوشني
مارد ... نعم ؟
..انت بتشتغل ايه صحيح
مارد ... انتي شايفة ايه
.. شكلك بيقول انك ظابط بس انت بتخرج الصبح وترجع اخر الليل سكران شكلك بتشتغل صبي عالمة
مارد بصدمة .. صبي ايه ؟!! انتي بتجيبي الكلام دا منين يا لمضة انتي ، انتي مش طفلة
حب يغيظها ... يا لمضة
انجل ... يا خمورجي 😂
مارد ابتسم .. خمورجي طب نامي كفاية رغي ،، غمض عينيه وراحوا في النوم وفجأة المنبه بتاعه ضرب قام بهدوء اخد شاور ولبس وطلع ع اجتماع مهم مع والده وناس مهمين وهو خارج قفل الباب بالمفتاح علي انجل
في فندق فايڤ ستارز وصل مارد وكان آخر شياكة لقي والده عزيز المالكي ومعاه راجلين وبنت
مارد ... Hi , welcome to Egypt Mr Jack
رد جاك هو و اعضاء المافيا .. Thanks Mr Mared
مارد قعد واتكلموا علي صفقة السلاح الجديد اللي مصنّعه مصنع المالكي
مارد كان كل شوية يبص للبنت اللي كانت قاعدة معاهم بطرف عينه و لاحظ طول القعدة أنها ما شالتش عينها من عليه
خلص اجتماعهم والبنت قربت علي ودن مارد وقالتله
البنت ... l admire you , you are so handsome
(انت تعجبني ، كم انت وسيم )
مارد بابتسامة علي جمب فيها نوع من الغرور ..? What do you want
ماذا تريدين ؟
البنت ... ,l want you , come with me to my room (انا اريدك ، تعالي معي الي غرفتي )
مارد ببرود .. ,mm ok (امم اوك )
مارد مسكها من وسطها وطلعوا اوضتها
دخلوا الأوضة وبعدها قلع القميص الكحلي بتاعه ورماه وقعد جمب البنت الأجنبية ولسة هيقرب يبوسها جات في خياله صورة انجل قام انتفض بسرعة وقال بقلق... انجل
انا قافل عليها بالمفتاح
مسك قميصه اللي كان مرمي ع الأرض وهو خارج البنت سألته بدهشة
..holly shit , what happend
(اللعنة , ماذا حدث )
.. Am l ugly ??!! (هل أنا قبيحة )
مارد وهو بيليس القميص باستعجال قال بنفي
... No no you are very beautiful
see you laterلا لا انتي جميلة جدا ، اراكي في وقت لاحق )
خرج بسرعة جدا وركب عربيته وساقها كأنه بيسوق صاروخ ، وصل البيت في وقت قياسي جدا وطلع بسرعة وهو مش بيفكر غير في انجل
فتح الباب لقاها بتعيط
مارد من غير ولا كلمة مسكها حضنها جامد وقال ... أنا اسف
انجل كانت منهارة وبتعيط بشهقات ... انت حبستني ليه عشان لعبت مع اياد ، انت هتحبسني زي ماما وعمو حماصة
مارد .. اششش اهدي ، مش هيحصل أنا مستحيل احبسك أنا بس خفت عليكي منهم عشان كده قفلت عليكي واخدت المفتاح ، اهدي خلاص فضل يطبطب عليها لحد ماهديت وناموا هما الاتنين
*الصبح
مارد كان صاحي نشيط لانه ماشربش خمرة لغاية ما اتسطل يالليل
بص لانجل اللي كانت صاحية وقال ... تيجي ننزل البيسين
انجل وهي بتفرك عينيها عشان تفوق قالت ... مش بعرف اعوم
مارد وهو ماسك أيدها بيقومها .. مش مهم أنا هاعلمك
واخدها ونزلوا البيسين وحطها علي ضهره وفضل يعوم بيها وهي تضحك وترش ميا علي وشه وهو كمان يضحك من قلبه مارد في اللحظة دي نسي كل اوجاعه كان حاسس انه لسة طفل
جميلة كانت في البلكونة بتاعتها وبتبص عليهم وتبتسم اتنهدت وقالت .. يااااااه من زمان اوي ما شوفتش مراد بيضحك من قلبه كده من يوم الحقيقة القاسية اللي عرفها وغيرت حياته كلها ، وسرحت بتفكيرها وافتكرت
فلاش باك من ست سنوات
مراد خارج من أوضته الصبح وبيلبس التي شيرت بتاعه وصل أوضة جميلة خبط فتحت له وبصت يمين وشمال مالقيتش حد في الممر قامت حضنت مراد وقالت بحب ... كل سنة وانت طيب يا حبيبي وعقبال مية سنة
مارد طبطب علي ضهر جميلة وقال .. تسلمي يا جميلة ، انتي بجد حنينة اوي وبعدين كمل بمشاكسة .. ايه رأيك تدي درس لفريدة هانم في الحنية
جميلة ابتسمت ابتسامة مكسورة وماعلقتش
تابع مراد ... ادعيلي يا جميلة أنا رايح اجيب نتيجة الثانوية وقلقان بجد
جميلة وهي بتمسح علي شعر مراد .. انا واثقة فيك وبدعيلك انت شطور وهتجيب اعلي نمر ، وهتبفي الفرحة فرحتين فرحة عيد ميلادك وفرحة النجاح
مراد وهو خارج باستعجال ... بغض النظر عن شطور دي بس يسمع من بقك ربنا يا جميلاااااا قالها وهو بيجري ع السلم كان كله حيوية وامل في الوقت دا
وصل مراد وجاب نتيجته ورجع القصر وهو فرحان لانه جاب درجات كبيرة ودخل باندفاع دور مالقاش ولا مامته ولا باباه
طلع فوق عشان يفرّح جميلة لسة هيفتح الباب سمع صوت وقفه
...ياروحي أنا كمان نفسي مراد يعرف انك أمه الحقيقية بس لو عرف دا ممكن يدمر انتي ف نظره واحدة بتشتغلي عندنا وانتي عارفة فريدة أنا ما اقدرش اوقف في طريقها
جميلة بحزن ... انت ما بتحبنيش يا عزيز لو كنت بتحبني ماكنتش حرمتني من ابني أنا اتنازلت عنه لفريدة بس عشان بحبك غير كده أنا كان ممكن اخده وأهرب
عزيز في اللحظة دي عينيه اتحولت للاسود القاتم من شدة الغضب مسك جميلة من شعرها وقربها منه وقال .. تهربي مني يا جميلة انتي بقيتي بتاعتي من اللحظة اللي شوفتك فيها وقرب من شفايفها عشان يطبع عليهم ختم ملكيته ليها
في اللحظة دي انفتح الباب عليهم
شافوا مراد بصورة غير الشاب المرح اللي اتعودوا عليه كانت عينيه كلها دموع وانكسار ونظرته كلها غل
قرب منهم قام عزيز بعد عن جميلة وبيحاول يغطي نفسه كويس بالملاية
مارد بصدمة ... انتي انتي امي
واتنازلتي عني .. اي ام انتي وكمان ر*خيصة وبتخوني فريدة ، مش ممكن لا
عزيز بخجل .. مراد ماتفهمش غلط أنا .. احنا ...
مارد ... انتوا ايه يا باشا .. انت جبتني من زنا ، والست اللي المفروض هي امي بتسرحها بتوديها تخلصلك شغلك مع الناس اللي اكبر منك
اي ام واب انتوا . انا من انهاردة ماليش أهل
وسابهم وخرج من كل البيت وعزيز كان بيلبس هدومه ويتكلم بقلق .. الواد دا مش فاهم اي حاجة وهيضيعنا كلنا أنا هاروح ألحقه
جميلة كانت منهارة ودافنة وشها بين ايديها وبتعيط وبس ..
عودة من الفلاش باك
جميلة اتنهدت بحزن وقالت .. سامحني يا مراد لاني في نظرك ست رخيصة سامحني عشان مش قادرة احكيلك الحقيقة كاملة
*مراد كان حاطط انجل علي رجله ولاففها بفوطة وبيمسح لها شعرها
وبعدها شاورلها علي اوضة وقالها ... ادخلي البسي جوا ولازم تقفلي علي نفسك اوي وانتي بتلبسي
انجل ... ليه
مراد ... كده عشان دي خصوصيتك ومش لازم جسمك الصغنن دا حد يشوفه
انجل .. طب وانت تشوفه ، مش انت قولتي انك بابا
مراد اتنهد وقال .. حتي أنا ماينفعش اني اشوفه
انجل ... اممم طيب ، وبعدين قالت .. مارد وشوشني انا امتي هاروح المدرسة
مارد .. أنا خلصت ورقك كله وبيعدين شاور لها علي عم عبد الحميد الجنايني وقال شايفة عم عبده دا
انجل ... امم ماله
مارد .. دا اكتر شخص أنا بحبه وبثق فيه عشان كده عملتلك شهادة ميلاد جديدة باسم انجل عبدالحميد الخولي ، يعني عم عبده هو باباكي قدام المدرسة اتفقنا
انجل ... طب وانت مش قلتلي انك بابا مارد ... انا مش مجوز عشان كده ما ينفعش تبقي بنتي هيقولوا فين مامتها
انجل بتلقائية وبرأة اطفال .. اتجوز ماما جميلة أنا بحبكم انتوا الاتنين
مارد بدون تفكير ... ما اتجوز ام... سكت لحظة وبعدين كمل ... ما ينفعش اتجوزها هي اكبر مني
انجل ... ليه هو ما ينفعش الواحد يتجوز حد اكبر منه ، يا خسارة أنا كنت هاتجوزك انت
مارد ضحك .. أنا مش عايز اتجوز
انجل ... وانا كمان مش هاتجوز عشان افضل معاك علي طول
مارد .. مد أيده وقالها وعد
انجل غمضت عين وفتحت التانية وقالت .. اممم حتي لو اتجوزت هجيب جوزي وتنام معاك في اوضتك
مارد ضحك بصوت عالي وقال .. حويطة اوي انتي يا انجلي وبعدين همس انجلي هه أنا مالي كده قلبت علي سوما العاشق فاتنحنح بطريقة رجولية عشان يفكر نفسه أنه لسة المارد
* مرت خمس سنين وانجل مع مارد وكل يوم يتعلقوا ببعض اكتر ولسة برضو بتنام في حضنه ورافضة أنها تنام في اوضة لوحدها
رغم الحاح مارد الشديد أنها تنام في اوضتها.. وفي يوم كان مارد معاه صفقة بيع سلا*ح واضطر أنه يشرب
رجع البيت ع الساعة ١٢
لقي انجل كانت نايمة والكتاب فوق وشها كانت بتذاكر وغلبها النوم
مارد قرب وشال الكتاب وفضل يتأمل ملامحها اللي بدأت تاخد شكل أنثوي جذاب قرب وباس راسها
وقلع قميصه واخدها ف حضنه وفضل يبص عليها ويتأملها كتير جدا ..
في الصبح
انجل صحيت وحاسة بتعب
قامت من ع السرير بصت لمارد وابتسمت وفجأة لقيت د*م ع السرير
انجل .... الد*م دا من ايه 😲😲😲.... يتبع
************
البارت السادس
مارد قرب لانجل وهي نايمة وشال الكتاب وفضل يتأمل ملامحها اللي بدأت تاخد شكل أنثوي جذاب قرب وباس راسها
وقلع قميصه واخدها ف حضنه وفضل يبص لها ويتأملها كتير جدا ..
في الصبح
انجل صحيت وحاسة بتعب
قامت من ع السرير بصت لمارد وابتسمت وفجأة لقيت د*م ع السرير
انجل بخضة .... الد*م دا من ايه 😲😲😲
وبعدين صرخت بتوتر وخوف وقالت ... ماااااارد
مارد صحي مفزوع وبالعافية بيفتح عينيه وقال لها ... مالك فيه ايه ع الصبح
انجل مركزة عنيها ع الد*م وقالت .. في د*م ع السرير
مارد بص للد*م بقلق واستغرب وقالها... ايه الد*م دا جه منين انتي انجرحتي ولا حاجة
انچل بقلق ... لا
مارد رفع عينيه بالعافية وبص ولها وقال .. ادخلي خدي شاور وهانشوف حكاية الدم دا ايه اتحركت انجل ناحية الحمام بص مارد لضهرها لقي بقعة د*م علي هدومها قام من ع السرير وقال لانجل باحراج .. احم أنا هاروح اقول لجميلة
وخرج وعلامات الإحراج علي وشه وقال لجميلة
جميلة بشك ... مارد انت قربت لانجل مارد قاطعها بسرعة وقال
...لا طبعا مستحيل اعمل كده
جميلة اتنهدت بارتياح وقالت .. تمام كده تبقي انجل كبرت خلاص ودي حاجة بتحصل مع كل البنات ، اسمع أنا هاروح افهمها كل حاجة بس من انهاردة انجل هتنام في اوضة لوحدها حتي لو عاندت تمام
مارد بجمود .. تمام
جميلة راحت عند انجل عشان تفهمها أنه دي حاجة طبيعية لاي بنت ومارد نزل تحت لقي عزيز حاطط رجل ع التانية و بيشرب قهوته وبيقرا الجريدة
مارد ببرود .. صباح الخير
عزيز بعملية هز راسه يعني صباح النور
مارد قعد وقال لعزيز ... برضو مش هتقولي ليه طلبت من جاك من خمس سنين يقتل صفوت الاوريني
عزيز بجمود ... لا
مارد ... براحتك بس الاوريني حاططنا في دماغه اوي ، وما تنساش اللي عمله في جاك لما قطع رقبته وبعتهالنا كإنه بيقول أنا عارف انكم اللي وراه
عزيز بقلق .. وانت ايه اللي فكرك بحكاية قتل صفوت الاوريني
مارد ... انت ما عرفتش أنه شريك في صفقة السلاح اللي وقعتها انا امبارح مع مسيو مرورني الايطالي
عزيز قام انتفض من مكانه بتوتر وقال .. وقعتها ليه ليه ، وافقت
مارد وقف وقال ... ماعرفتش أنه شريك موروني الا بعد التوقيع عشان كده ما حبيتش ابين أن شراكته مضيقاني ، وبعدين انت ازاي تعدي عليك حاجة زي دي كان لازم تدور كويس شكلك كبرت ياباشا ، مارد خلص كلمته وساب عزيز في صدمته وطلع لانجل
فتح الباب لقي انجل قاعدة ع السرير بحزن والخدامين بيشيلوا هدومها وحاجتها من اوضة مارد
فضل واقف شوية و باصص لها من غير كلام
بعدين اخد نفس طويل وقال بجمود .. مالك قالبة وشك ليه دلوقتي
انجل بصت له وقالت بصوت مخنوق كأنها هتعيط .. ماكنتش اعرف ان قعادي معاك بيضايقك
مارد حط أيديه في جيوبه وقال .. عشان هابلة
انجل جزت علي أسنانها وقالت .. مين دي اللي هابلة
مارد شال أيديه من جيوبه وقعد جمبها وحط أيده علي كتفها حاوطها وقال بابتسامة فيها نوع من الحزن .. انجل بنتي الصغيرة كبرت ولازم تبعد عني عشان تفضل انجل الملاك الصغير
انجل حضنت مارد وعيطت وقالت .... انا مخنوقة ومضايقة
مسح علي ضهرها وقال ... بتعيطي ليه دلوقتي ، اوضتك جمب اوضتي مش هسفرك موزمبيق انا
انجل ضحكت وهي بتعيط ومارد بعد عنها وقال .. أنا دلوقتي هاخرج رايح لاسلام عشان الفرح عايز لما ارجع القيكي انجل العفريتة الشقية عشان رايحين الفرح اوك
انجل هزت راسها وهو دخل ياخد شاور ولبس وخرج وانجل كانت مشغولة بترتيب اوضتها الجديدة هي وجميلة
*في الليل
وصل مارد عشان ياخد انجل وكان لابس بدلة سودة وقميص أبيض كان زي العريس
نزلت انجل وهي لابسة فستان اوف وايت طويل من ورا وقصير من قدام كانت قمر
بس مارد شافها واتعصب عشان رجليها باينة
انجل كانت لسة مضايقة من فكرة أنها هتنام بعيد عن مارد قالت بضيق ... انا جاهزة يلا
مارد قرب عليها ومسك وشها بين ايديه ومشي صوباعه علي شفايفها فهي غمضت وبص في صوباعه لقي فيه لون احمر
ضغط علي أسنانه وقال ... انتي حاطة روج
فتحت عينيها بتوتر وبلعت ريقها وقالت ... اه هو ممنوع ولا ايه
مارد بغضب ... وحياة امك عاملة نفسك ناسية ولا ايه . حط أيده في جيبه وطلع منديل وفتح كف أيدها وحطلها المنديل وقال بتهديد .. هتمسحي الأرف دا ولا امسحه أنا وبهدلك وشك الحلو دا
انجل بصت بخوف لمارد وهزت راسها وقالت .. حاضر حاضر هامسحه
جميلة كانت نازلة سمعته وقالت .. بالراحة عليها شوية يا مارد هي اليومين دول اصلا بتكون حساسة ومش بتستحمل العصبية
مارد بص نظرة مرعبة و حادة لجميلة وقال .. جميلة ما تتدخليش بيني وبينها
كانت انجل خلصت مسح الروج وكانت مضايقة ومودها قالب ع الحزن ونفسها تعيط ، مسك مارد أيدها انكجها في أيده وخرجوا عند العربية مارد لاحظ الدموع في عينيها قام شدها حضنها وباس راسها وقال ... الملاك انچل جميلة من غير اي اضافات وشها مش محتاج روج عشان تكون حلوة
انچل سمعت كلام مارد وفرحت وحضنته اكتر بس ما اتكلمتش ركبوا العربية و
راحوا الفرح
طبعا كان اسلام مولع الفرح هو ورغد المجنونة ، دخل مارد وحضن اسلام وباركله وانچل حضنت رغد
اسلام مسك ايد مارد عشان يرقص معاه مارد قاله .. لا يا اسلام مش هينفع انت عارفني
اسلام أصر علي مارد
قام بص له بنظرة حادة زي الصقر كده وقال ... تؤ وبعدين اسلام فهم وسكت علي طول ، مارد اخد انجل وقعدوا ع الطرابيزة
قامت رغد العروسة مسكت ايد انجل عشان يرقصوا لسة انجل هتقوم مارد شدها ناحيته وقعت جمبه ع الكرسي وقال ... عدي الليلة دي علي خير بدل ما تندمي
وبعدين بص لرغد وقالها .. مش هتقدر ترقص اصلها مشلولة
انجل بصت لمارد والدموع ملت عينيها وكشرت واتأففت
مارد قرب من وشها جامد وهمس لها ... بتعيطي ليه انتي مالك انهاردة بقيتي حساسة كده وكل ما اقولك حاجة تعيطي
انجل ساكتة مارديتش وقالت .. هاروح الحمام عشان بطني بتوجعني
مارد بجمود .. روحي
انجل راحت الحمام وهو فضل مركز نظره معاها لغاية ما رجعت وهي راجعة لقت واحد زميلها في المدرسة اول ما شافها راح مد أيده وقال ... انجل هاي ايه الحلاوة دي
انجل ابتسمت وقالت ... هاي يامن شكرا ومع الأسف مدت أيدها وسلمت عليه
مارد قام زي الاعصار وسحب أيدها من ايد الولد وجز علي أسنانه
مسك ايد الولد واعتصرها في أيده وقال من بين أسنانه ... تشرفنا ، عارف لو قابلتك في ظروف غير دي كنت قطعتهالك ساب ايد الولد وتقريبا كانت انكسرت فضل يتألم ويفرك في أيده
مارد مسك انجل وجرجرها وراه وخرج علي الجراج علي طول اسلام بص باستغراب علي مارد وهو خارج وقال لرغد ... هو فيه ايه مارد مشي ليه
رغد بهبل ... الحمد لله أنه مشي. كنت خايفة موت يبوظلي الفرح بحركة من بتوعه انت ناسي كل ما نروح نسهر لازم يختم الليلة بشوية اكشن
اسلام شد العروسة من ودنها وقال ... لاحظي انك بتتكلمي عن صاحبي ، عليا الطلاق لو قولتي كلمة تانية عليه لأكون مطلقك
رغد ... مطلقني 😲😲
انجل سابت ايد مارد بعصبية قدام العربية وقالت ... انت حصلك ايه بتتصرف ليه زي المجنون
مارد من غير ما يحس بنفسه ضرب انجل كف جامد فنزل د*م من بقها
مارد شاف الد*م كور أيده بندم وقرب لها عشان ياخدها في حضنه ويعتذر لها قامت جريت فتحت باب العربية وركبت
ركب هو كمان و ربط لها حزام الامان وهو بيربط الحزام بص في عينيها بنظرة ندم وهي ودت وشها الناحية التانية وكانت بتعيط ، اتحرك بالعربية من غير ولا كلمة فضل يبصلها طول الطريق وهو ساكت بس كان مضايق من نفسه
وصلوا البيت انجل طلعت ع السلم بعصبية و غضب وهي طالعة المغص شد عليها هدت شوية ومسكت بطنها واتألمت وفجأة مارد يشلها ويطلعها اوضتها من غير برضو ما يكلمها
حطها ع السرير وطلب من الخدامة تعملها حاجة دافية تشربها
فريدة كانت مراقبة لهفته عليها وهتطق من الغضب لأنها متخيلة عزيز وجميلة لانه عزيز كان بيهتم بجميلة بنفس الطريقة
فريدة حبت تكسر مارد وتنتقم منه لأنها متخيلاه عزيز فقالت ... انا شايفة قدامي نسخة تانية من عزيز *هي عارفة أن مارد بيكره أن حد يقارنه بعزيز *
مارد وقف وضغط علي أسنانه وقرب لها وقال ... انجل بنتي ، أنا مش عزيز ولا هاكون قذ*ر زيكم ولا هاستغل عيلة صغيرة ريحي نفسك
وسابها وراح لانجل وجميلة كانت جمب انجل..
للحظة بسيطة مارد بص لجميلة بشفقة لانها كانت ١٥ سنة نفس عمر انجل لما عزيز أخدها واستغلها
مارد اتنحنح وقال ... جميلة اخرجي عايز انجل شوية
جميلة خرجت ومارد قعد جمب انجل حط أيده تحت راسها وقرب كوباية الأعشاب منها يشربها لفت انجل وشها الناحية التانية
قام هو حط الكوباية ع الكومود ومسك راس انجل دفنها في حضنه وقال ... انجل أنا ما بحبش حد يقرب ولا يلمس بنتي ، وانتي عنيدة ما بتسمعيش الكلام أنا حذرتك تسلمي علي حد ولا حتي تكلمي حد
انجل هديت في حضنه وقالت ...دا زميلي و قبل ما تكمل كلامها قاطعها مارد وقال .. يعني ايه زميلك برضو غريب عليكي يا انجل ،
انجل وهي لسة في حضن مارد قالت .. أنا آسفة
مارد ابتسم لأنها عرفت غلطها مسك كوباية الاعشاب وشربها وبعدها نامت وهي حاضنة مارد قام عدل وضعها في النوم وغطاها وخرج .
وقال في نفسه وهو خارج .. مش هاسمح لحد يإيذيكي يا انچل هحميكي من الكل وأولهم أنا
*مرت تلات سنين و انجل كانت علي وشك أنها تتم سن ١٨ سنة ، وطبعا علاقتها بمارد ما اتغيرتش وحياتهم زي ما هي مارد رافض يتجوز وفريدة وجميلة وعزيز في نفس الصراع اللي مش بينتهي ،
مارد كان قاعد في الجنينة بيلعب جولف
وفجأة يجيله الصوت المرح اللي مدخل السعادة علي حياته
..... مااااااااارد أنا نجحت
كانت انجل رافعة أيدها وماسكة نتيجة الثانوية العامة وبتجري ناحية مارد
وهو ابتسم وفتح دراعاته ليها جريت اترمت في حضنه حضانها جامد ورفعها عن الأرض وفضل يلف بيها ...... يتبع
**************
البارت السابع
كانت انجل رافعة أيدها وماسكة نتيجة الثانوية العامة وبتجري ناحية مارد
وهو ابتسم وفتح دراعاته ليها جريت اترمت في حضنه حضانها جامد ورفعها عن الأرض وفضل يلف بيها وقال بفرحة ... مبروك كنت متأكد انك هتنجحي انتي تربيتي
نزلها وهي بتحاول تسند نفسها لأنها داخت وقالت ... طبعا مش المارد بنفسه كان بيذاكر لي
سكتت لحظة وبعدين قالت بدلع .. موري
مارد ضيق عينيه وقالها .. اممم موري دي وراها حاجة اكيد ، ارغي
انچل حضنت أيده وقالت .. انت وعدتني قبل كده اني لما انجح ليا عندك طلب هتنفذه صح
مارد بص لها بطرف عينه وقال .. صح
انچل غمضت عينيها وقالت ... عايزة اطلع كامبينج مع صحباتي
مارد بجمود ... لا
سابت أيده وقالت بغضب ... يعني كنت بتثبتني عشان اذاكر ، اومال ازاي بتقول المارد ما بيرجعش في كلامه ابدا *تخنت صوتها كأنها بتقلده *
مارد ابتسم علي طريقتها ف تقليده بس حط صوباعه علي بوقه عشان يداري ابتسامته وقال لها ..
حصل واهو أنا قد كلامي لاني قلتلك من الممنوعات عندك انك تطلعي تخييم
انجل .. والله يا مارد دول بنات كلهم 🥺
مارد .. اه أنا كده اطمنت ، برضو لا
انجل ضربت رجلها في الأرض بغضب وقالت ... يووووه يا ريتني مانجحت
مارد بحدة ... انچل😠
جي اسلام شافهم بيتخانقوا
اسلام ... خير توم وجيري لسة بيتخانقوا
انجل .. كويس انك جيت يا اسلام صاحبك المارد باشا وعدني ينفذ لي اي طلب لما انجح ودلوقتي رافض اني اطلع كامبينج مع اصحابي
اسلام بيحك في دقنه ... لا مالكش حق يا مارد
مارد بص لاسلام بحدة وقال .. اسلاااااام انت هتعصيها عليا ولا ايه
اسلام ... وعلي ايه الحكاية محلولة تعالوا نطلع كلنا كامبينج لمدة يومين
مارد بص لانجل بطرف عينه وقال ... موافقة ؟
انجل فرحت وقالت .. طبعا ، ايسو انت اجمد فريند في الدنيا دي
اسلام فتح درعاته وقال ... حبيبي
مارد بحدة ... اسلاااااام
اسلام .. يامامي خضتني يا اسمك ايه
مارد ... اسلام أنا ما بهزرش ، يعني ايه عايز تحضن انجل ،
اسلام ... ايه يا عم دي زي اختي ، وبعدين انا حاجزها للواد ادم ابني
انجل..... إذا كان كده أنا موافقة اتجوز دوومي
سابتهم جريت ع القصر وهي بتقول ... انا رايحة احضر شطنتي
مارد كان مركز علي انجل وهي ماشية وبيفكر في كلامها (اتجوز ) شرد لحظة و اسلام بص لمارد وابتسم ابتسامة خفيفة وبعدها اتعمد يعلي صوته وقال ... اللي واخد عقلك
مارد فاق من شروده وقال ... ماحدش يقدر
اسلام بمشاكسة .. متأكد
مارد بضيق .. جرا ايه يا اسلام ، روح حضر نفسك انت ومراتك وهات آدم معانا
اسلام .. ليه ليه السيرة دي مابلاش ادم أنا بفكر اسيبه مع ماما أو مع تنت جميلة
مارد كان حاطط ايديه في جيوبه قال .. براحتك
اسلام مشي ومارد طلع عشان يستعد للسفر
***********
في مكان تاني
صفوت الاوريني ...اخبار المارد ايه
واحد من رجالته ... احنا ما بنشلش عينينا من عليه يا باشا ومستنين اي لحظة عشان نخلص عليه
صفوت ضحك فبانت سنته الدهب وقال ... مارد لو انتهي عزيز هيخسر كتير اوي الصفقة اللي اتمضت دي بمبلغ ممكن يوديه في حتة تانية خالص ، ومارد الوحيد اللي يقدر يطلع السلا*ح دا بالجودة اللي مسيو موروني عايزها .. اسمع عايزك خلال يومين بالظبط تخلص علي المارد مفهوم ومش هاقبل اعذار
الراجل ... امرك يا باشا
************
مارد وصل هو انچل بعربيته ، واسلام وصل في نفس الوقت ومعاه رغد
نصب مارد واسلام خيمتين ورغد كانت جايبة معاها اكل أكلوا وبعدها شعلوا نار وقعدوا حواليها وكان الكل ساكت
انچل بضيق ... وحدوووووووه
رغد ... لا اله الا الله ، ايه جو دار المسنين دا عايزين نفرفش بقي يا شباب
انچل ... ايه رأيكم نلعب truth or dare
رغد ... موافقة
اسلام بص لرغد بطرف عينه وقال .. يارييييييت
مارد ... العبوا انتوا
انجل بوزت زي الاطفال وقالت بدلع ... عشان خاطري يا موري
اسلام بدلع ... عشان خاطرها يا موري
مارد زم شفايفه ... اسلام
اسلام ... ايه ياعم بنهزر مابتهزرش يا رمضان
مارد بضيق .. لا خفة .. اوك يلا وامري لله
جابوا ازازة مية فاضية وبدأوا يلعبوا
لفت اسلام الازازة وقفت عند رغد
اسلام بص لرغد بشك وقال ... اخر مرة خدتي فيها حباية منع الحمل كانت امتي
رغد اتوترت .. احم م م مش فاكرة يا بيبي طب ممكن اغني يا باشا بدل ما اجاوب
مارد بصدمة ... لحظة لحظة ايه السؤال دا انت وهي انتوا أغبية ؟؟ في بنت قاعدة معانا علي فكرة
اسلام بغضب .. مانت مش فاهم الهانم بتسمع كلام امها وعايزة تحمل تاني وابن الكل*ب ادم مطلع عين امي ،
انچل بلوية بوز .. انتوا جايين تحلوا مشاكلكم هنا ايه الهم دا
لفت الازازة بعصبية وقفت عند مارد ...
انچل بصت لمارد وقالت .. موري انت حبيت قبل كده
مارد بص لها بجمود وقال ... لا ومش هحب
انچل الكلمة دي جرحتها وقالت ... انا كابس عليا النوم هادخل أنام
دخلت جوا الخيمة وماقدرتش تمسك دموعها فعيطت
اسلام قال لرغد ... قومي يلا نامي أنا هاقعد مع صاحبي
رغد وهي بتنفض هدومها من التراب قالت .. قايمة اهو اشبعوا ببعض
مارد كان مضايق قال لاسلام .. ادخل انت كمان نام ، دماغي مش رايقة اتكلم في اي حاجة
اسلام ... وانت هتنام فين
مارد ... هنام هنا
اسلام ... بس دا خطر وانت عارف اننا اليومين دول بالذات علينا العين ادخل جوا عند بنتك
مارد .. ما تقلقش عليا ادخل انت بس
اسلام دخل ينام
ومارد دخل يطمن علي انجل لقاها نايمة حاضنة نفسها من البرد غطاها وخرج تاني
فضل واقف برا النار طفت والجو بقي عتمة
كان فيه واحد مراقبه ومنشن عليه وهيضر*به في اللحظة دي مارد سمع انچل بتصرخ جوا الخيمة اتحرك بسرعة ناحية خيمتها فالرصاصة ما جاتش فيه مارد وقف عند الخيمة بص وراه لما شاف الرصاصة اللي عدت جمبه بالظبط وسحب مسدسه من وسطه وفضل يضرب اسلام صحي وسحب مسدسه وخرج يضرب برضو وانچل منهارة وهتموت من الرعب ورغد ماكانتش أقل رعب من انجل
اسلام عشان متدرب كويس ع النشان قدر يضرب الراجل اللي معاه الرشاش فالراجل مات
دخل مارد لانجل واسلام لرغد
مارد لقي انجل حاطة ايديها علي راسها وبتترعش من الخوف مسك ايديها وحضنها وقال .. اهدي مافيش حاجة
لسة بتترعش ومش بتنطق
بعدها عن حضنه ومسك وشها بين ايديه وقال ... انچل انتي سمعاني ، ركزي احنا لازم نمشي من هنا بسرعة يلا المكان خط*ر
جهز مارد واسلام ورغد كل حاجة وركبوا العربيات بسرعة ومارد اتصل باسلام وفضلوا فاتحين الخط علي بعض لحد ما وصلوا تقريبا الفجر
اسلام راح شقته هو ومراته
ومارد وصل القصر
انجل كانت لسة مصدومة لأنها اصلا كانت بتحلم أنه مارد انضرب بالرصاص وصحيت سمعت صوت رصاص عشان كده خافت ليكون الكابوس اللي حلمته اتحقق مارد كان محاوطها بايده وحاطط الجاكيت بتاعه علي كتافها
وصلها اوضتها ولسة هيخرج مسكت أيده وقالت .. مارد خليك معايا انهاردة أنا خايفة
مارد مسح علي شعرها
وقعد جمبها لحد ما نامت وهو كمان نام من غير ما يحس
انچل صحيت لقيت مارد محاوطها بإيديه ونايم كانت ملامحه لينة وهادية ومش مكشر زي ما بيكون صاحي ... قامت من جمبه اخدت شاور ونزلت تحت
لقت فريدة واياد ولمار قاعدين
فريدة ... تعالي يا انجل سلمي علي اياد بيسأل عليكي من لما وصل
اياد وقف ومد أيده لانجل وقال .. ازيك يا انجل وحشتينا أنا ولمار ،
لمار بضيق .. ما وحشتنيش علي فكرة
انجل ببرود ... علي اساس انك وحشتيني اوي يعني ، أنا اصلا كنت ناسية اسمك
فريدة بغضب ... انجل
انجل ... اوووف أنا اصلا هاروح أجري شوية
اياد ... خوديني معاكي 😍
انجل ... اوك يلا
خرجت انجل واياد جريوا شوية وبعدها تعبوا فقعدوا في الجنينة مارد كان بيدور علي انجل ولما لمحها مع اياد راح لهم بس ماكانوش شايفينه
انجل كانت بتمسح وشها من العرق
اياد اخد نفس طويل وقال لانجل ... انچل أنا بحبك
انجل .............
مارد غمض عينيه وكور إيده وجز علي أسنانه ........... يتبع
****************
البارت الثامن
انجل كانت بتمسح وشها من العرق
اياد اخد نفس طويل وقال لانجل ... انچل أنا بحبك
مارد سمع كلام اياد غمض عينيه وكور إيده وجز علي أسنانه وكان رايح يقت*ل اياد بس سكت لما سمع رد انجل
انجل بصت لاياد ورمشت كذا مرة وبعدين قالت ... اياد انت زي اخويا ، وانا مش بفكر في الحوار دا دلوقتي ، والراجل الوحيد اللي بحبه هو بابا المارد
مارد هدي وابتسم برضا وقرب وقال .. انجل
انجل لفت وشها ومارد تابع ... قاعدة هنا ليه تعالي عايزك
وقفت وحطت الفوطة علي كتفها وقالت .. وانا كمان عايزاك في حوار
مارد شاور براسه يعني اوك وقال لها .. تعالي فوق
طلعوا وسابوا اياد مصدوم وزعلان
دخل مارد الأوضة وانجل وراه وقفلت الباب وقالت هي وهو في صوت واحد ... ممكن افهم ايه اللي بيحصل
مارد عقد حواجبه وقال لها ... قصدك عن ايه
انجل .. انت اللي قصدك عن ايه
مارد ... قولي انتي الاول
انجل ... ضر*ب النا*ر اللي امبارح دا سببه ايه دي حكومة ولا مافيا ولا دول مين اصلا
مارد ابتسم .. كبرتي يا انجل
انجل بضيق ... انا مش بهزر يا مارد
مارد ...تؤ قولي يا بابا زي ماقولتيها تحت
انجل برقت ... انت سمعت ؟!!
مارد ... عارفة لو ماكنتيش رديتي عليه كده أنا كنت عملت فيه و فيكي ايه ، احمدي ربنا انك طلعتي راجل زي ابوكي
انجل مسكت ياقة القميص بتاعت مارد ورفعت نفسها لمستواه وقالت .. بس انا مش راجل يا بابا أنا بنت ، بس مش اي بنت أنا بنت المارد
مارد بص لحظات في عينيها وماكانش مصدق أن انچل اللي بتتكلم كده ابتسم ولعب لها في شعرها لخبطوا بإيده لانه عارفها بتضايق م الحركة دي ، اتضايقت وقالت .. يوووووه انت عارف ان الحركة دي بتستفزني
مارد بضحك ... انا حر اعمل اللي انا عايزة في بنتي
بصت له انجل وقالت ... علي فكرة أنا لسة ما اخدتش هديتي لازم تعوضني
مارد زم شفايفه وهز راسه وقال ... هعوضك ما تقلقيش
*************
رغد .... انا عايزة تفسير للي حصل ، انت غيرت نشاطك من مهندس لايه بالظبط لديلر
اسلام .... ديلر؟؟!!! ، دا اقصي طموحك في عالم المافيا
رغد بعصبية ... يوووووه أنا مش بهزر علي فكرة
اسلام بثبات انفعالي فوق الوصف... يا حبيبتي انتي عارفة المارد واحد مشهور وأستاذ في صناعة احدث انواع الأسلحة واكيد لي منافسين في السوق عايزين يخلصوا منه اهدي انتي بس لا تكوني حامل تطقي مني
رغد بوزت زي الاطفال وقالت .. اممم هحاول اصدقك
اسلام ... لا دا غصب عنك تصدقيني لاني بقول الحقيقة
رغد بهبل ... خلاص صدقتك انت شكلك اصلا تخاف تقت*ل صرصار
اسلام بيمثل ... يا مامي انا ا*قتل صرصار مستحيل ، دانا قلبي ديعيف
رغد ضحكت علي طريقته في تقليد واحد فرفور وهو تابع ... ايوا كده اضحكي ، بتبقي شبه قدرة الفول وانتي مكشرة
رغد ... نعم ؟؟! قدرة ايه
اسلام حضنها وقال ... مش لازم تركزي في كل كلمة بقي ! ماتجيبي بوسة 😙
************
في مكتب عزيز
عزيز ... فيه عروسة جديدة عايزين نجوزها
برا البلد
مارد بضيق ... وبتقولي أنا ليه ، قلتلك قبل كده ماليش في الشغل دا
عزيز ... كنت بقول لو انجل تسافر يومين تتفسح
مارد نسي نفسه ومسك والده من ياقة قميصه وقال بغضب جحيمي .. انجل مستحيل تشترك في حاجة زي دي أنا بحذرك تقرب لها ، انجل مش جميلة
عزيز بص علي ايدين مارد اللي ماسكاه ف مارد ساب قميصه واتأفف بغضب وقال .. شغل الآثار أنا مش موافق عليه دا اولا ،وانجل خط احمر يعني مستحيل تفكر في يوم من الايام انك تشغل انجل معاك دا لو عايزني استمر معاك في شغلك ، قال كلامه وقبل ما يسمع رد من والده سابه وخرج من المكتب
*******
كانت جميلة وانجل قاعدين قدام اللاب وبيدورا علي تنسيق الجامعات
مارد ... بتعملوا ايه
انجل ... بنشوف الكليات هتقبل من كام وشروط التقديم
مارد .. وانتي مالك بالتنسيق شاوري علي اي كلية وانا هدخلك خاص لو مجموعك ما جبهاش
انجل وقفت وقالت ... لا يا موري انا اخترت من زمان أنا عايزة ادخل كلية الشرطة
مارد بصدمة ... شرطة !! مستحيل .
انجل عقدت حواجبها وقالت .. ليه بقي أن شاء الله انت مش لسة قايل شاوري ع الكلية اللي تعجبك
جميلة ... احم ، مارد خايف عليكي يا انجل انتي عارفة أن كلية الشرطة خطر وكده
انجل بعند .. لا طبعا هو ناسي أنه دربني ازاي امسك السلاح وبنشن حلو اوي وكمان علمني الكاراتيه ، ماترد يا مارد
مارد بغضب .. انچييييل أنا قلت ايه ، مافيش كلية شرطة ومش عايز كلام كتير بدل ما اقول مافيش جامعة من الأساس
انجل قفلت شاشة اللاب بغضب وطلعت اوضتها
مارد فضل باصص عيلها بغضب وهي طالعة لحد ما اختفت
جميلة ... ما تقلقش أنا هاعقلها ،
مارد ... ياريت ، وساب القصر كله وخرج
راح night club وكان من زمان ما راحش
فضل يسكر ويفتكر أنه هو كمان كان نفسه يدخل كلية الشرطة ووالده رفض ودخله كلية علي مزاجه عشان يساعده في شغله في المافيا
وبعدها جاتله بنت سنها صغير
مارد كان بيفتح عينيه بالعافية بص للبنت من فوق لتحت وقال لها .. انتي عندك كام سنة
البنت بدلع ... ١٨ يا باشا
مارد قام وضر*ب البنت كف بكل قوته وقال لها ... ليه تعملي في نفسك كده انت كان ممكن تهربي منه كان ممكن تعيشي شريفة
البنت مسكت خدها وعيطت .. غصب عني ما اقدرش اهرب منهم يقت*لوني
مارد وهو سكران ومش حاسس قال ... جميلة انتي قاعدة عشان بتحبيه مش عشان خايفة ، اعترفي
ومس*ك البنت من شعرها ف البادي جارد جم يخلصوها منه
وفيه واحد فيهم ضر*به وهو فضل يضر*بهم لحد ما جه المدير وقال .. ايه دا مارد باشا ، سيبوووه .
البادي جارد قعدوه بالعافية وهو مش حاسس بحاجة ومغيب تماما
المدير كلم اسلام اللي كان قاعد مع انجل بيحاول يقنعها ماتدخلش كلية الشرطة
اسلام ... الو عاش من سمع صوتك
المدير ............
اسلام ... ايه مارد طب أنا جي بسرعة
انجل بلهفة ... ماله مارد يا اسلام ,استني أنا جاية معاك
وركب اسلام العربية ومعاه انجل
وراحوا الملهي
اسلام سند مارد ركبه العربية وانجل جمبه واسلام ساق
انجل كانت حاطة أيدها تحت راس مارد
وهو فضل يبص لها ولمس وشها وقال وهو مش حاسس بنفسه ... بنتي ، بنت المارد عايزة تبقي ظابط ههههههههههه
مبروك علينا الاعد*ام يا ابو موتة
اسلام بيسوق ومركز نظره في المراية وخايف مارد يسيح اكتر من كده فقال .. مارد بنتك جمبك واقتنعت انك خايف عليها ومش هتدخل شرطة خلاص ممكن تفوء يا تنام يا تنقطنا بسكاتك
مارد بص تاني لانجل وقال ... اقتنعتي اني خايف عليكي يا انجلي خايف تروحي مني
اقتنعتي انك عيلتي اللي ماليش غيرها طبطب علي وشها وبعدين راح في النوم
انجل ماكانتش فاهمة حاجة بس كلام مارد لمس قلبها وعيطت ولما راح في النوم حضنته جامد وباست جبينه
وصلوا واسلام نادي الحرس سند مارد معاه وطلعوه اوضته
فريدة بقلق .. ماله مارد
اسلام ... سكران
عزيز بص لفريدة وكان حزين ومضايق وقال .. هو بقي بيسكر في عز النهار كمان وبعدين دا من فترة ما شفتهوش بيشرب بالطريقة دي
فريدة ... اتخانق مع السينوريتا *قالتها بسخرية*
اسلام حط مارد ع السرير وانچل قالت له أنا هافضل جمبه
اسلام .. تمام أنا همشي وهابقي أكلمه لما يفوء ..لسة هيخرج لف وشه ناحية انچل وقال ... انجل حوار كلية الشرطة انتهي خلاص صح
انجل هزت راسها وقالت ... خلاص انتهي
بصت لمارد وقالت .. مدام كلية الشرطة مزعلاك مش هادخل بس مش عايزة اشوفك تاني بالحالة دي
غطته ولسة هتقوم مارد مسك أيدها وقال .. أنا موافق انك تدخلي كلية الشرطة
انجل اتنهدت وقالت .. انت مش في وعيك دلوقتي ، نتكلم لما تفوء
مارد اتعدل بالعافية وقال لها .. أنا فايق واوي كمان ، حاولت اتسطل ما قدرتش ، عارفة يا انجل يوم ماشفتك عاهدت نفسي اني انفذلك كل طلباتك ، وانا بعمل كده دلوقتي ، هاتخشي كلية الشرطة
انجل ابتسمت وحضنت مارد وصرخت في ودنه ... اعاااااااا ، أنا مش مصدقة
بحركة منه قرب وشها ناحيته اوي وقال .. لا صدقي بنت المارد مستحيل يكون نفسها في حاجة وما يعملهاش ، انجل كانت مكسوفة لأنها قريبة اوي منه وهو لاحظ قام بعد عنها واتنحنح وقال .. اظن كده خدتي اللي انتي عايزاه ، يلا روحي علي اوضتك
انجل .. أنا هافضل معاك عشان انت ... قاطعها هو .. انا كويس اهو وباخد قرارت مصيرية كمان ، روحي عشان تنامي
انجل بقلة حيلة رفعت كتافها وقالت له .. طيب وباسته من خده وقالت .. تصبح علي خير يا بابا مارد بص لها وكشر فانحرجت اكتر وخرجت بسرعة
مارد لما خرجت غمض عينيه وحط أيده علي خده حسس عليه وبعدين قال في نفسه ... فوء يا مارد دي بنتك وبس
انجل فتحت باب اوضتها ومسكت مذكراتها وكتبت
«اليوم سأتم عامي الثامن عشر ، ومنذ أن افترقت عن حضنه لم أحظي بليلة دافئة افتقدت الأمان الذي كنت أشعر به بين ذراعيه التي كانت بمثابة الحصن الذي يحميني ،لطالما كان لي الاب والام والاخ الصديق ، لذا فمنذ أن أدركت أنه ليس أبي أصبحت لا اتمني سوي أمنية واحدة فقط وهي أن يغمرني مرة أخري بين ذراعيه القويتين ولكن هذه المرة في الحلال ،»
كتبت اخر جملة وقفلت مذكراتها وسندتها جمبها وراحت لجميلة اوضتها
رمت نفسها في حضن جميلة كأنها بتريح نفسها من صراع جواها يا تري مارد بيحبها زي ما بتحبه ولا لا
انجل اتنهدت في حضن جميلة وقالت ... ااااااه ، ماما جميلة
جميلة مسحت علي ضهرها وقالت .. قلب ماما ، مالك يا حبيبتي
انجل وهي بتبتسم .. احكيلي عن طفولة مارد ، كان شقي ولا هادي كان مكشر ديما وحواجبه علي شكل تمانية ولا كان زيننا طفل عادي
جميلة ضحكت وقالت ... مراد كان شقي اوي وهو صغير وكان بيحب المقالب وكان مرح جدا ، بس كان يضايق اوي لو حد باسه من خده فيكشر علي شكل ٨
انجل بتعب ... امممم ولسة بيضايق علي فكرة وبيكشر
فضلوا يتكلموا كتير وفريدة عدت جمب اوضة جميلة وحاسة بغل جواها هي ليه كل اللي في البيت بيحبها ، وليه انجل بتعامل فريدة كده رغم أنها ما تعرفش أن جميلة هي أمه الحقيقية
*بعد وصلة رغي طويلة بين جميلة وانجل
انجل راحت تتطمن علي مارد كان لسة نايم
راحت هي كمان أوضتها ونامت
*في نص الليل
واحد فتح اوضة انجل بكل هدوء كانت نايمة كعادتها زي الاطفال ، قرب منها بهدوء وشالها من غير ما تحس ونزل بيها ....... يتبع
**********
البارت التاسع
*في نص الليل
واحد فتح اوضة انجل بكل هدوء كانت نايمة كعادتها زي الاطفال ، قرب منها بهدوء وشالها من غير ما تحس ونزل بيها
خرج في الجنينة وكان لسة شايلها كانت الجنينة ضلمة ومافيش غير نور القمر وفجأة حد يمسك كوباية مية ساقعة ويدلقها علي وش انجل ، صحيت مفزوعة من النوم وصرخت ... اعاااااااااا هو فيه ايه اول وش شافته كان وش مارد اللي كان شايلها بين ايديه وضحك عليها لنا اتخضت اما هي فحضنته تلقائي من شدة الخوف
مارد قرب من دونها وهمس ... كل سنة وانتي طيبة يا آنسة انجل ، كل سنة وانتي بنت المارد
انجل كانت لسة مخضوضة بعدت عنه و قالت وهي بتتنفس بسرعة .. حرام عليك يا مارد
اسلام شغل الانوار وقال .. صحي النوم عندنا حفلة ، فيه عفريتة شقية صغيرة تمت انهاردة تمنتاشر سنة ، عشان نجوزها
مارد بص لأسلام بصته الحادة وكشر
قام اسلام حب يستفزه اكتر فابتسم
انجل كانت مركزة نظرها علي مارد وقالت ... انا مش هاتجوز قاعدة علي قلبك يا اسلام . وبعدين قالت بغضب .... مين صاحب فكرة المية
مارد بسخرية ... اسلام ومراته
انجل ... مااااشي يا اسلام هتتردلك قريب
اسلام قرب علي انجل بضحكته الجميلة وغمزاته اللي بتظهر لما يضحك وفتح علبة كانت في أيده فيها خاتم سوليتير بناتي حلو
قرب منها وباس راسها بطريقة كده كأنها أخته او بنته مارد في اللحظة عفاريت الدنيا كلها كانت بتتنطط قدامه كان ماسك في أيده كوباية ميه ضغط عليها جامد لحد ما انكسرت وجر*حت أيده ، انجل شافت أيده مجروحة جريت عليه بلهفة ومسكت ايده ضغطت عليها عشان توقف نز*يف وقالت ... مارد ايدك بتنز*ف ، عملت كده ليه
مارد مسح علي شعرها وقال .. ما تخافيش حاجة بسيطة
نادت ع الخدامة تجيبلها شنطة الاسعافات وطهرتله الجرح الصغير وقالها ... روحي البسي عشان عيد ميلادك
انجل بقلق ... مش مهم دلوقتي ، المهم ايدك كويسة دلوقتي
جميلة .. روحي يا حبيبتي البسي وانا هاطمن علي أيده
انجل .. اوك يا ماما جميلة ، طلعت انجل عشان تلبس
جميلة لسة هتمسك ايد مارد تتطمن عليها قامت فريدة سحبتها منها وقالت .. ايدك كويسة دلوقتي يا حبيبي
جميلة بعدت بحزن وهي ومارد فضلوا يتبادلوا نظرات عتاب وخذلان من مارد وندم من جميلة
مارد وهو مركز نظره علي جميلة قال لفريدة ... دا جر*ح بسيط ما بيوجعش
جميلة غمضت عينها فنزلت دمعة منهم لأحظها مارد وفضل باصص لها بغضب
انجل بعد فترة لبست ونزلت وكانت قمر
بدأ الكل يعايدها حتي عزيز رغم اعتراضه طول الوقت علي وجود انجل في القصر إلا أنه ماحرمهاش من معايدته ليها يوم ميلادها
بدأت الموسيقي تشتغل علي اغنية (Happy birth day to you )
انجل ورغد كانوا بيتنططوا ويرقصوا علي انغام الأغنية
وبعدها قط*عوا التورتة اللي كان عليها صورة كبيرة لانجل ، ومارد طلع من جيبه مفتاح
شافته انجل وحطت ايديها علي بقها من الفرحة وقالت .. جبتلي عربية ... اعاااااا انت أحلي مارد في الدنيا كلها اخيرا هاسوووق وحضنته ف همس في ودنها ... تؤ مش هتسوقي ، العربية بسواااق
بعدت عنه بصدمة ..فهو ابتسم أما هي رفعت شفتها اللي فوق وكشرت
بعد مرور وقت انتهي عيد الميلاد واسلام اخد رغد وادم ومشوا ، وعزيز وفريدة طلعوا يناموا وكمان جميلة
مارد كان داخل القصر بص لانجل لقاها لسة واقفة فقالها .. واقفة ليه يلا هنطلع ننام
انجل قربت وقالت .. مارد وشوشني
فهو ابتسم لأنها من فترة ماقالتلهوش الكلمة دي
قالها ... تصدقي واحشتني الكلمة دي ، عايزة ايه
انجل .. ممكن نسهر للصبح أنا وأنت هنا نشوف شروق الشمس مع بعض
مارد برفعة حاجب .. هتقدري
انجل هزت راسها وقالت بابتسامة .. هاقدر
مارد مسك أيدها وقال يلا نسهر ، ادلعي براحتك انهاردة عيد ميلادك ما اقدرش ارفضلك طلب
قعدوا هما الاتنين يدردشوا وهي كانت حاطه راسها علي كتفه
سكتوا شوية فانجل قالت .. مارد كان نفسي نعمل عيد ميلادنا مع بعض الفرق بينهم بس خمس ايام قاطعها مارد .. انجل انتي عارفة اني ما بحبش احتفل بعيد ميلادي وانا اصلا بكره اليوم دا
انجل بحيرة ... انا نفسي اعرف بتكرهه ليه
مارد بحدة .. انجيييييل ، لو عايزة ما افقدش اعصابي عليكي قفلي ع الموضوع دا ، أنا لو عايز اقولك كنت قولت من زمان
انجل سكتت وبعدين قالت .. أنا بس نفسي اسيب ذكري حلوي في عيد ميلادك تنسيك الحاجة الوحشة اللي مخلياك بتكرهه
مارد ... مش هتقدري ، في حاجات مش بإيدنا يا انجل
انجل مدت أيدها لمارد وقالت .. اوعدك بيوم عمرك ما هتنساه في اليوم دا ومن غير ما افكرك بإنه عيد ميلادك ،اتفقنا
مارد ابتسم علي جمب وقال .. بجد ، نشوف ومد ايه وقال لها اتفقنا
فريدة كانت بتتصنت وسمعت كلامهم وقالت ... اعملي كل اللي تقدري عليه ، وانا هاعمل برضو كل اللي اقدر عليه عشان ابعدك عنه زي ما بعدت جميلة وخليته يكرهها
مارد وانجل فضلوا يتكلموا لحد ما انجل غلبها النوم ونامت وهي ساندة راسها علي كتف مارد بص بطرف عينه كده لقاها نامت مسك راسها وحطها علي رجله وفضل يملس علي شعرها ويبص لها ومع الأسف فقد السيطرة علي نفسه وقرب من شفايفها لمسهم بشفايفه بس ما قدرش يكمل ويبوسها بعد عنها بسرعة ولعن نفسه وقال .. دي بنتي بنتي مش لازم انسي ، أنا مش عزيز ، مش عزيز كان هيقوم يمشي بص لمح اول خيط من الشمس بيظهر
ف صحي انجل بهدوء عشان تشوف الشروق
صحيت وفركت عينيها عشان تفوق ، مارد قال لها ... فوقي الشروق
بصت للشروق وابتسمت واخدت نفس عميق كانت بتستنشق هوا الصبح النقي .. وبصت لمارد وقالت له .. نفسي نفضل مع بعض للابد
مارد بص لها وابتسم وما مردش
... وبعدها قال ... اي أوامر تانية يلا بقي عشان أنا بنام علي نفسي
انجل ... امممم لا مافيش أوامر في هدية وقربت علي خد مارد طبعت بوسة عليه
فهو ابتسم وقال لها .. يلا يا شقية هانطلع ننام وطلعوا يناموا
*مرت خمس ايام عادية من غير اي أحداث بس كانت انجل بتجهز لمفاجأة المارد وفريدة بتجهز لحاجة تانية
وجي يوم عيد ميلاد مارد
انجل جهزت هدوم ليها ودخلت اوضة مارد وهو نايم اخدتله طقم وحطته في الشنطة
صحي مارد اخد شاور وانجل راحت اوضته وقالت ... يلا نفطر عشان عملالك مفاجأة
مارد ابتسم وقالها ... اممم مفاجأة رغم اني بكره المفاجآت بس يلا يا ستي قدامي
ونزلوا وهما بيهزروا ويضحكوا وفجأة مارد يلمح تورتة كبيرة في نص السفرة مكتوب عليها مارد عزيز المالكي بص لانجل بحدة ومسكها من دراعها وقال ... هي دي المفاجأة ببتحديني يا انجل ،
انجل هزت راسها وعينيها اتملت دموع قام هو زقها كانت هتقع ع السلم ونزل كأنه إعصار بص للتورتة بغل ورماها ع الأرض وخرج ركب عربيته وانطلق
فريدة بصت لانجل وابتسمت باستفزاز
اما انجل جريت بسرعة عشان تلحق مارد بس مع الاسف كان مشي فضلت تفكر كتير يا تري راح فين وفي الاخر افتكرت اسلام فاتصلت عليه وحكتله كل اللي حصل فاسلام قالها أنه فيه مكان واحد بس خاص بالمارد ماحدش يعرفه الا اسلام وهو بيت في حتة هادية مافيش حواليه بيوت كتير أداها العنوان وقالها أنه هيحصلها
قفلت انجل وراحت علي طول ع العنوان اللي اخدته من اسلام
وصلت وفضلت تبص للمكان شكله مريح حواليه جنينة جميلة بس مع الاسف بيت وحيد مافيش حد حواليه
انجل خبطت علي باب البيت
مارد كان قاعد مخنوق وبيسكر وفجاة سمع خبط قام يفتح كان فاكره اسلام صاحبه لانه الوحيد اللي يعرف المكان دا لقاها انجل
مارد كان سكران وقال بدهشة ... انجل ايه اللي جابك ، وايه اللي عرفك المكان دا
انجل والدموع في عينيها ... مش أنا إللي عملت كده والله دي مامتك فريدة
مارد هز راسه يعني خلاص فهمت
وفجأة انجل حضنته وهمست في ودنه .. كل سنة وانت اجمل مارد في الدنيا دي كلها
مراد الاول ماكانش عايز يحضنها بس غصب عنه حضنها ورفعها بقت رجليها متعلقة وهي لسة في حضنه
دخل بعدها مراد وهو لسة حاضن انجل وكان طبعا سكران مش واعي لتصرفاته .
نزلها ع الكنبة بهدوء .. وقال لها خليكي قاعدة وانا هادخل انام شوية ، وبعدها هاخدك ونرجع
دخل مارد وقلع التيشيرت ورمي نفسه ع السرير وحط ايده علي عينيه وفجأة انجل ترمي نفسها جمب مارد وقالت ... انا هنام جمبك لانك بتخاف تنام لوحدك
مارد افتكر كلامها وهي صغيرة بس اتجاهل انه فاكره وكان عايز يبعدها عنه بأي طريقة ف قال ... انجل قومي رواحي
انجل عنيدة ... لا مش هاروح وراحت حضنته زي ما كانت بتعمل زمان مارد بقي يتنفس بسرعة ومش قادر يتحكم في نفسه هو مش عايز يئذيها بس هي مش فاهمة وفجأة مسكها من وسطها وقربها لحد مالصقت في جسمه وشفايفه قريبة من شفايفها بس ما باسهاش بقي يتكلم وهو في نفس القرب دا وبيتنفس بسرعة قال بعصبية ... انجل امشي .. رواحي
ضربات قلبه كانت زي الطبول.. والمشكلة ان انجل بتقرب اكتر ..وللحظة مع الاسف المارد فقد السيطرة علي نفسه .... يتيع
انتي فصيلة بجد يا ازيس اوووف 😂
**************
البارت العاشر
ضربات قلب مارد كانت زي الطبول.. والمشكلة ان انجل بتقرب اكتر ..وللحظة مع الاسف المارد فقد السيطرة علي نفسه وبا*س انجل في شفايفها ولأول مرة يتحول من دور الأب اللي أتقن تمثيله طول الوقت لعاشق جامح نسي كل قواعد المنطق وبيطبق بس احكام القلب والمشكلة أن انجل كانت بتستقبل البو*سة بكل استسلام وفجأة الباب ينفتح ويسترد مارد الذرة اللي باقية فيه من عقل لما سمع صراخ اسلام ... مااااارد
فاق لنفسه بسرعة وبعد عن انجل اللي كانت مغيبة
اسلام أنصدم .. فيه ايه أنا مش فاهم
مارد غمض عينيه وضغط على أسنانه وبعدها بص لاسلام وقال .. أنا انا مش عارف حصلي ايه دا اكيد من أثر المشروب
اسلام بص له بشك لأنه عارف ان مارد مهما بيشرب بس بيكون واعي لتصرفاته
قاله .. أنا برا حصلني .. وخرج
مارد بص لانجل كان وشها في الأرض وكل اللي شاغل تفكيرها هو عمل كده ليه هل عشان بيحبها ولا فعلا كان سكران ومش واعي لتصرفاته
مارد قرر يقطع لحظات الصمت ف اتنحنح وقال باحراج .. انجل أنا اسف ع اللي حصل أنا ماكنتش في وعيي ، وبعدين كمل بعصبية ... قلتلك أمشي قلتلك رواحي ليه مابتسمعيش الكلام
انجل كانت مصدومة ومحبطة لانه مش بيحبها وكمان بيتعصب عليها فعيطت
مارد اتأفف وبعدين مسك راسها دفنها في حضنه وقال لها ... اللي حصل مش هيتكرر تاني ، ومش هيغير حقيقة انك بنتي فاهمة
انجل ماردتش
مارد بعصبية .. فاهمةةةة
هزت راسها وقالت وهي بتعيط .. فاهمة
مارد ... خليكي هنا ما تخرجيش هاشوف اسلام وراجعلك
خرج مارد لاسلام وقفل الباب وراه
اسلام كان باصص لمارد وساكت
مارد بضيق .. اسلام ما تبصليش بالطريقة دي ، قول اللي جواك علي طول أنا مش ناقص في ام اليوم دا
اسلام .. تفتكر الاب حب بنته
مارد خبط علي الطرابيزة بعصبية وقال .. لااااا ماحصلش كانت لحظة شيطان انجل بنتي وهتفضل بنتي انت فاهم
اسلام ... اشك
مارد مسك اسلام من لياقة قميصه وقال .. اسلام مش عايز افقد اعصابي عليك اختفي من وشي يلا امشي وبعدين سابه واداله ضهره وقال ... انا مش عارف انتوا جيتوا هنا ليه انا كنت محتاج اكون لوحدي
اسلام بزعل ... انا غلطان عشان قلقت عليك ، أنا ماشي سلام !
وخرج اسلام ورزع الباب وراه
ومارد اخد انجل وركبوا العربية عشان يرجعوا ع القصر و طول الطريق كانت انجل باصة من شباك العربية ومارد ساكت ما بيتكلمش وكل شوية يبص لانجل ويتأفف ويركز في السواقة تاني
وصلوا البيت وانجل طلعت اوضتها من غير ما تكلم حد كانت فريدة قاعدة بتشرب قهوة مارد بص لها وما كلمهاش ولسة هيطلع اوضته فريدة نادت عليه
... مارد عايزاك في المكتب
بص بملامح جامدة وهز راسه يعني تمام
دخلوا المكتب
فريدة طلعت أجندة من الدرج و أدتها لمارد
مارد بغضب .. دي مذكرات انجل انتي ازاي تاخدي حاجة خاصة بيها كده من غير استئذان
فريدة بخبث ... اهدا بس واقرا اخر صفحة
مسك مارد اخر صفحة قرأها وانصدم لما عرف أن انجل بتحبه
بس فريدة ما سابتهوش يفرح قالت بخبث .. طبعا احساس انجل تجاهك هو نفس احساس جميلة تجاه عزيز الامتنان بتحبك عشان انقذتها من الشارع وعطفت عليها يعني لو اي حد مكانك هو اللي أخدها كانت هتحبه .. يعني التاريخ بيعيد نفسه وقصة جميلة وعزيز هي نفسها قصة مارد وانجل
مارد ركز في كلام فريدة وافتكر اللي حصل بينه وبين انجل واد ايه كان ندل أتأكد أنه لو قرب خطوة تاني من انجل هيبقي مافيش فرق بينه وبين عزيز
فاق من شروده وقال بصوت عالي .. لااااا أنا مش عزيز وانجل مش جميلة ، انجل مش هتتحول لجميلة في يوم من الايام
فريدة بنفس الخبث ... لو عايز انجل تفوق من الوهم اللي عايشة فيه أنها بتحبك يبقي انت لازم تخطب
مارد عقد حواجبه وقال ...أخطب ، بس انا مش عايز اتجوز
فريدة ... وليه ما تتجوزش دي سُنة الحياة
مارد ... عايزاني اتجوز واجيب اطفال احرمهم من الاستقرار وراحة البال ولا اشغلهم معايا في شغلي الو*سخ ردي عليا
فريدة ... مانت اهو ابن عزيز المالكي وفريدة عثمان اغا وعايش عيشة ملوك
مارد ضحك بسخرية .. احلي عيشة بصراحة كلها حرام في حرام
فريدة ... بص يا مارد يا حبيبي براحتك أنا كل همي هو مصلحتك مش عايزاك تعيش طول عمرك في تأنيب الضمير من ناحية انجل ، فكر براحتك ولو اقتنعت بكلامي ، هاخطبلك لمار بنت خالتك
مارد ماردش علي فريدة وسابها وخرج
م المكتب طلع اوضته قلع التيشيرت بتاعه ومدد ع السرير وفضل يفكر في كلام فريدة وعقله بيقله أنه كلامها صح اكيد احساس انجل ناحيته هو امتنان مش حب
فضل مارد في أوضته وانجل في اوضتها لحد بالليل
نزل مارد ع العشا لقاهم كلهم متجمعين بياكلوا سحب الكرسي بتاعه وقعد قصاد عزيز بدأ يحرك في الطبق بتاعه بالملعقة من غير ما يأكل انجل كانت متابعه تصرفاته دي وبتبص له من تحت لتحت
فجأة رفع وشه وقال .
....عزيز باشا أنا قررت اتجوز لمار
انجل الشوكة وقعت من أيدها أما فريدة ابتسمت بانتصار ، جميلة وعزيز انصدموا لانهم كانوا متوقعين أنه بيحب انجل من تصرفاته
مارد كان مركز نظره علي انجل وشاف في عينيها خيبة أمل كبيرة ونظرة حزن وانكسار
حس أن قلبه بيتق*طع عليها
بصت لتحت عشان دموعها ما تبانش ، واتحنحت عشان صوتها يرجع طبيعي ومايبانش أنه مخنوق وقالت .. أنا شبعت ، وقامت بسرعة جريت علي اوضتها ومارد كان مثبت عينيه عليها ومتابعها لحد ما اختفت خالص
قام من غير ما ياكل ولا لقمة
عزيز بص لفريدة وقال .. غريبة دي مارد قرر لوحده كده أنه يتجوز
فريدة بابتسامة .. وفيها ايه يا عزيز مهو لازم يتجوز هو مش صغير
عزيز بشك ... قصدي يعني اشمعني لمار بالذات
فريدة بغضب .. ومالها لمار يا عزيز
عزيز وهو بيقوم من ع الكرسي ... مش عارف ليه شامم ريحة مخططاتك في الموضوع بس في النهاية مارد مش صغير
هو حر في اختياره
سابهم ومشي
فريدة بصت لجميلة وقالت .. وانتي مش هتضيفي التاتش بتاعك انتي كمان مهي بقت فوضي
جميلة بصت لفريدة بابتسامة ونظرة تحدي في عينيها وقالت .. أنا لو فتحت بقي وقلت اللي في قلبي كل حاجة في البيت دا هتتقلب أنا ساكتة بارادتي يا فريدة مش ضعف مني فحافظي علي وضعك بدل ما تخسري كل حاجة
جميلة قالت كلامها وسابتها ومشيت وفريدة كانت هتتجنن ازاي جميلة بقت بالجرأة دي
مارد كان واقف قدام اوضة انجل بس مارضيش يدخل كان قلبه بيتقط*ع حرفيا وهو سامع صوت عياطها
جميلة جات من وراه ومسكت كتفه لف وشه ليها
جميلة ... ليه كسرت قلبها ،دي بتحبك
مارد بص لجميلة وهزها من دراعها وقال بصوت واطي .. مش عارفة ليه عشان مابقاش نسخة من عزيز ، مش عايز اكون عزيز ، ولا انجل هتبقي انتي
جميلة ... عزيز ياريت تبقي زي عزيز
مارد جز علي أسنانه وسابها قبل ما يفقد أعصابه ونزل ركب عربيته وانطلق وجميلة راحت لانجل
انجل اول ما شافت جميلة حضنتها وانهارت وقالت .. أنا بحبه يا ماما جميلة ، مش هقدر اشوفه بيتجوز واحدة تانية
جميلة طبطبت علي ضهرها وقالت ... عارفة يا قلب ماما احساس صعب اوي أنا مجرباه
فضلوا يدردشوا كتير لغاية ما سمعوا صوت عربية مارد وصلت حوالي الساعة ١٢ بالليل كان سكران وماسك الجاكت بتاعه وبيتطوح يمين وشمال كانت جميلة وانجل واقفين في البلكونة وشايفينوا جميلة اتنهدت بحزن وقالت ربنا يهديك يا ابني
انجل بصت لجميلة بدهشة وقالت .. ابنك دي تاني مرة تقولي كده يا ماما جميلة
ممكن اعرف السبب
جميلة .. هاحكيلك كل حاجة في الوقت المناسب يا حبيبتي بس دلوقتي نامي عشان الوقت أتأخر
خرجت جميلة وانجل مسكت مذكراتها وبدأت تكتب
أما مارد كان واقف بهدومه تحت الدش وساند ايديه علي الحيطة ومنزل راسه لتحت
اخد دوش ولبس ومدد ع السرير فضل يفكر هل اللي عمله دا صح ولا غلط
*في الصبح
نزل مارد وكان ماسك راسه ومصدع لقي انجل ماسكة شنطة back bag ولابسة ترينينج رياضي ورافعة شعرها ديل حصان وهتخرج خلاص
مارد بصوت عالي قال ... انجل ، رايحة فين
انجل بصت له ببرود وقالت .. رايحة صالة الجيم هاتدرب عشان الكلية
مارد قرب عندها ومسكها من درعها وقال ... أنا مش قلت اني هادربك ولا اكسرلك دماغك العنيدة دي
انجل ردت بتحدي ... انت مش فاضي تدربني وراك خطوبة وجواز ولمار الملزقة ركز في أمورك وسيبني
مارد .. ومين قالك اني لو اتجوزت هاسيبك في حالك ، انتي مافيش خطوة هتخطيها الا بأمري وبموافقتي انتي فاهمة
انجل سحبت أيدها من مارد بعصبية وقالت ... لا مش فاهمة وشغل التسلط دا مش معايا أنا ، اعمله مع خطيبتك
وقبل ما تسمع رد منه سابته وجريت برا القصر لانها عارفة كويس أن أقل حاجة ممكن يقتلها ع الرد دا
مارد بقي يمشي وراها خطوات سريعة ويقول بصوت عالي .. انجل اقفي احسنلك
وهي بتبص وراها عليه وتجري وصلت عند الخط السريع عشان توقف تاكسي ومارد كان قرب يوصل عندها وغضب الدنيا كله قدامه
خافت من نظرته ولسة هتجري كان فيه عربية علي وشك أنها تخبطها جري مارد شدها دخلها في حضنه وهي اتخضت من الموقف لانها حست أنه خلاص العربية هتخبطها .. لحظات وهي في حضنه من غير اي كلام بينهم
وبعدين مارد قال بغضب ... في يوم هكسرلك راسك لانك مش بتسمعي كلامي قدامي ع البيت أنا هادربك
وصلوا القصر ومارد اخد انجل ودخلوا اوضة التدريب
فضل يدربها ويعلمها قواعد القتال وهي ماكانتش عارفة تعمل الحركات باحترافيه بس هو كان بيحاول معاها مرة واتنين وتلاتة
مارد ... عايزك تعرفي انك قوية ، يلا حاولي مرة تانية
انجل بإحباط .. مش عارفة اعمل اي حاجة اساسا
مارد .. هاعمل نفسي مش سامعك يلا
وفعلا انجل عملت الحركة المرة دي صح
ونجحت أنها تزق مارد ع الحيط وتحشره وتقيد حركته بس برضاه طبعا لانه بيدربها جات عينيها في عينه فقالت ... انقذتني ليه انا ماطلبتش منك انك تنقذني
مارد ... بس انقذتك وهافضل انقذك لأن دي مسؤوليتي ناحيتك
رجعوا يدربوا تاني فمارد المرة دي وقعها ع الأرض وقالها .. لما تكوني محترفة مش هتسمحي لحد يوقعك كده لأنك هتقاوميه
انجل زقته ناحيتها بحركة هو مش متوقعها وهزمته المرة دي فابتسمت
وقالت له ... زي كده
ابتسم هو ورفع حواجبه وقالها ... مثلا
أنهوا التدريب ولسة هيخرجوا لقوا لمار اللي جريت علي مارد حضنته وقالت .. وحشتني يا موري
انجل حست بنار في قلبها بصت لمارد وكشرت وجريت علي اوضتها
مارد كان مخنوق من لمار بس عصر علي نفسه لمونة عشان يحاول يبقي لطيف
بعدها عنه وقال
... أنتي ايه اللي جابك
لمار بصدمة... نعم ؟؟!!
... قصدي عايزه حاجه يعني ايه سبب الزيارة
لمار ...تنت عازمتني ع الغدا
مارد ... اممم تنت اوك ، أنا طالع اوضتي عشان هاخد شاور وخارج عندي شغل
لمار ... هتيجي ع الغدا
مارد ... لا هاتغدي في الشغل
لمار لوت بقها .. خسارة
مارد طلع وقف عند اوضة انجل ورفع ايده عشان يخبط بس نزلها تاني ومشي
خرج راح شغله وانجل جالها اتصال من مجهول
ردت ... الو مين
المجهول ... ازيك يا (تالية ) ليكي وحشة يا بت ........ يتبع
*************
البارت انتهي اتمني يعجبكم ❤️
تعليقات
إرسال تعليق
فضلا اترك تعليق من هنا