رواية الصائغ والجواهر من البارت الاول الي البارت العاشر بقلم مرفت السيد

رواية الصائغ والجواهر من البارت الاول الي البارت العاشر بقلم مرفت السيد

رواية الصائغ والجواهر من البارت الاول الي البارت العاشر بقلم مرفت السيد

(1) 

:يعني انا فاضلي شوية واموت يادكتور

قالها فاروق بابتسامة رضا وعين دامعة

نظر إليه الطبيب بحزن وقال:انت راجل مؤمن ياحاج فاروق

بكى فاروق وقال:حياتي مش مهمة عندي بس بناتي يادكتور عصام 5 بنات ملهمش غيري اصغر واحدةفيهم 18 سنة والكبيرة 30متعلقين برقبتي اعمل إيه يادكتور يارب رحمتك

ولا واحدة فيهم اتجوزت  والي بتشتغل والي بتدرس طيب أعمل إيه نصيبهم كدة

دمعت عين عصام وقال بتأثر: ربنا مش هاينساهم استغل الوقت الي باقيلك واشبع منهم وسلم أمرك لله

ابتسم فاروق وقال وهو ينهض : لوسمحت بس ليا طلب عندك

عصام :إنت مش مجرد مريض عندي انت بمقام ابويا الله يرحمه الي كنت بتشتغل معاه اكتر من 35 سنة في صناعةالمجوهرات بصدق وأمانة انت تأمرني

فاروق:ربنا يخليك ياابني متقولش لبناتي حاجة لو حد منهم سألك عن تعبي قولهم إرهاق

عصام:حاضر وناوله بعض الادوية واكمل قائلا:خد ياحج ومتنساش تاخدهم بمواعيدهم

ابتسم فاروق بسخرية: يعني تفتكر المسكنات دول هايمنعوا قضاء ربنا ولاهايمدوا بعمري عشان خاطر بناتي ياابني

#بقلم_مرفت_السيد

عصام بحزن:بس هايسيطروا على الألم وانت مش عاوز بناتك يعرفوا إنك بتعاني

اخدهم فاروق وانصرف وهو يقول :اللهم اني لااسألك رد القضاء ولكن اسالك اللطف فيه

جلس فاروق على الكورنيش وهو يفكر في مصيبته ويدعو الله حتى سمع صوت الأذان فاستغفر الله وقال لنفسه إزاي اشيل هم وربنا ارحم الراحمين موجود

وقام دخل المسجد وتوضأ وكلما سجد بكى بحرقة حتى انتهت الصلاة فجلس يدعو ويبكي حتى اقترب منه إمام المسجد ومعه بعض الرجال بعضهم يعرفونه  فهو دائم الصلاة بهذا المسجد 

فقال له الامام وهو يربت على كتفه ويبتسم بهدوء:مالك ياحاج فاروق 

نظر اليه فاروق وشعر بالراحة وهو يتطلع بقسمات وجهه المضيء  ودمعت عيناه فربت الشيخ على كتفيه وقال:مهما كان فيك ياحاج هموم في رب اكبر من أي بلاء الجأله ولن يضيعك وكل ابتلاء ستجازى على صبرك عليه

قال الله بكتابه الكريم: وبشر الصابرين الذين اذا اصابتهم مصيبة قالوا انا لله وانا اليه راجعون 

صدق الله العظيم 

فاروق:ونعم بالله ياشيخ عبد الله

واجهش بالبكاء

ربت الجميع على كتفه بود وقال شيخ كبير منهم يدعى علي :ممكن تقولنا مشكلتك إيه يمكن ربنا يقدرنا على مساعدتك  بقلم مرفت السيد

قص عليهم فاروق ماحدث معه قائلا:

اتجوزت من بنت عمي من 30 سنة ربنا رزقنا ب5 بنات الحمد لله كانت حياتنا ماشية باستقرار وشغلي كويس لحد ماتعبت ام البنات واضطريت ابيع بيتي والمحل الي كان عندي وصرفت كل مااملك على مرضها ولكن ربنا استرد وديعته و بقيت ساكن بشقة صغيرة بتاعت بابا الله يرحمه ويادوب مكفي بيتي ومصاريف بناتي الي بيدرسوا ويشتغلو عشان يساعدوا معايا

لحد ماعرفت حالا اني تعبان ووقتي في الدنيا قليل اوي اعمل إيه وبناتي اسيبهم لمين عارف ان ربنا ارحم من أي حد بس خايف عليهم من الناس دول ملهمش غيري انا من عيلة كبيرة ولكن كل واحد ملهي في حاله مقدرش افرض نفسي علي حد واقولهم راعو بناتي من بعدي وانا طول عمري عفيف النفس بقلم مرفت السيد 

طب نفسي اجوزهم واتطمن عليهم قبل مااموت يارب

وبكى فاروق ودمعت عيون الموجودين وظلوا يواسونه ويذكرونه برحمة الله وبكرمه حتى هدأت نفسه قليلا

ثم قال احدهم وهو شاب صغير لحيته زادت وجهه هيبة ونور :لو سمحت ياشيخ علي انا عندي اقتراح للحاج فاروق

علي وهو امام المسجد قال:اتفضل يادكتور محمد

محمد: انا ممكن اتجوز بنت من بناتك ياحاج يكون سنها مايزيدش عن25 لان سني 28

قال الشيخ علي:وانا اضمنه برقبتي دة مولود بالبيت الي جنب المسجد وهو واهله ونعم الناس انا مربيه 

قال عبد الله:وانا اعرف بنات الحاج فاروق واضمنلك تربية واخلاق عالية

علي:ايه رأيك ياحج فاروق

قال فاروق بسعادة: موافق طبعا بنتي  لؤلؤة سنها 25

محمد: هات فونك وقام بتبادل ارقام الهاتف وقال:بكرة بعد صلاة العشاء هانيجي انا واهلي لزيارتكم وللاتفاق

#بقلم_مرفت_السيد 

احتضنه فاروق وهو يبكي بسعادة وانصرف فاروق وهو يدعو الله شاكرا 

لحق به الشيخ علي وناوله مظروفا وقال:خد ياحج فاروق دة مبلغ بسيط مساهمة مننا بجواز بنتك وان شاء الله ربنا هايعينك على سترة الباقيين

احتضنه فاروق بحب وقال:ربنا يستركم في الدنيا والآخرة يارب العالمين

وذهب فاروق الى منزله وقبل ما يصعد حلس على قهوة تحت منزله وجلس يفكر فيما سيفعل

فلمحه الحج سالم صاحب القهوة والمنزل وصاحب فاروق منذ الصغرفجلس بجواره وسأله:مالك يافاروق شكلك زي ماتكون عجزت 50 سنة ليه كدة

تنهد فاروق بألم وقال:هاموت ياسالم

*ياجدع بعد الشر عنك

:انا بكلمك جد

*مش فاهم

#بقلم_مرفت_السيد 

فاروق باستسلام وحزن:تعبان ياسالم والدكتور بالي ان حالتي متأخرة وايامي معدودة

سالم بصدمة:انت بتقول ايه انت كشفت عالتعب الي كان عندك لا هاخدك لدكاترة تانية

فاروق:الدكتور عرض حالتي على اكتر من دكتور والكل اجمع على اني باعيش اخر ايامي انا مش معترض على قضاء الله بس البنات ياسالم يمكن لو جوزتهم قبل مااموت احس اني مرتاح كدة وانا سايبهم  في بيوتهم 

سالم بحزن:لاحول ولا قوة الا بالله مش معقول حكمتك يارب

فاروق:سالم بكرة بالليل في عريس جاي لبنتي لؤلؤة اقف معايا انا لازم اجوز ال5 قبل مااموت ساعدني ياسالم

سالم:وحد الله في قلبك دة الاعمار بيد الله  وان شاء الله تعيش وتجوزهم وطبعا انا معاك دة إحنا اخوات

اطلع ارتاح نام  ان شاء الله نتكلم تكون ارتحت كدة

صعد فاروق لمنزله وهو يتأمل درجات السلم وكأنه يودعه حتى باب منزله ظل واقفا امامه وهو يتذكر احداث حياته ويبتسم بألم حتى فتح الباب ودخل وهو يكمد الله بان بناته بالخارج كل واحدة منهن بعملها والصغيرة بالكلية 

ارتمى على اقرب مقعد واضعا رأسه بين يديه وهو يفكر

ثم نهض ودخل حجرته واستسلم للنوم

ثم استيقظ على بناته ملتفات حول سريره

نظر اليهن  وقال: فيروزة

لؤلؤة

دهب

 جوهرة

ماسة

إيه مالكم في إيه

قالت فيروزة وهي الكبرى :بابا......

يتبع

2

فاروق:في إيه يافيروزة مالكم ملمومين ليه كدة

جوهرة :اتخضيناعليك اول مرة تنام كدة بالنهار

ماسة بمرح:ومفيش غدا كمان

ضحك فاروق: هاطلب دليفري عشان خاطر عيونك

اختضنته وقبلته:ياروحي انت ياروقة

لؤلؤة :انت كويس يابابا!

: الحمد لله ياقلبي ياللا اخرجوا اطلبو غدا على مااحصلكم

نهض فاروق وهو يغالب ألامه فتذكر المسكنات فتناولها ولحق ببناته وجلس وسطهم وهم يتحدثون سويا كعادتهم ظل يتأملهم بحب وينظر اليهم وهو يتمنى احتضانهم حتى اخر رمق والالم يعتصر قلبه

ثم قاطعهم   وقال:لؤلؤة في عريس جايلك بكرة

صمتت الفتيات بصدمة ونظرن الى بعضهن وقالت لؤلؤة :إيه ازاي ومين

فيروزة: بابا مين دة

الاب:شاب دكتور صيدلي من طرف صديق ليا وانا عاوز اقولكم لو في بنت منكم بتحب حد وعاوز يتقدملها تصارحني وييجي وميخافش من الظروف

جوهرة:بابا انت كويس في إيه

#بقلم_مرفت_السيد 

ماسة:انت بتوقعنا ياحاج عشان نصارحك و تضربنا ولاايه

ضحك الجميع وقالت دهب:لا بجد يابابا انت النهاردة مش بعادتك خالص مالك ياحبيبي بس

فاروق بابتسامة:عاوز اتطمن عليكم مش هاعيش قد ما عيشت

قالت بناته بصوت واحد:بعد الشر عليك

والتففن حوله يحتضنونه ويقبلون رأسه ويديه

دمعت عيناه وقال:عاوز استركم في بيوتكم ما خبيش عليكم باشوف امكم في الأحلام كتير وبتوصيني بكدة

فيروزة:الله يرحمها ويطول بعمرك يارب

قاطعهم وصول الطعام وبعدما انتهو من تناول الطعام طرق سالم الباب ففتح له فاروق واستقبله ولكن سالم طلب منه النزول معه

فاروق لبناته:جهزوا البيت واظبطوه كدة لمقابلة عريس بكرة وابعتوالي طلباتكم إيه وهاجيبهالكم انا نازل مع عمكم سالم

جلست الفتيات وهم يتعجبن من امر فاروق وتصرفاته الغريبة اليوم

سالم اخذ فاروق داخل القهوة وطلب لهما شاي ثم قال سالم بحزن :شوف يافاروق انا من ساعة ماعرفت وانا هاتجنن اكن الي فيك دة فيا انا

فاروق :احنا اخوات ياسالم ربنا يخليك لأولادك

*عشان كدة قررت اني اعملك حاجة تريحك من  الحمل الي انت شايله واشاركك فيه

:ماتشيلش همي ياسالم أنا رميت حمولي على الله

*ونعم بالله بس احنا اسباب عشان كدة هاجوز ابني سامي لبنتك دهب

اتصدم فاروق وقال:بس ياسالم سامي ابنك متزعلش مني مش متعلم ودهب دكتورة متزعلش مني انت أخويا 

قاطعه سالم :عارف بس انت عارف انه مليونير مكاتش غاوي علام كان غاوي فلوس وتجارة من يومه وشغله تاجر عربيات نقل وانت عارف انه بيحب دهب من زمان والتعليم كان العائق دة رفض يتجوز عشانها من يوم ماانت رفضته مش يمكن ربنا بيديهم فرصة انت عاوز راجل يحب بنتك وتكون متطمن عليها معاه صدقني مش عشان إبني بس سامي حنين وطيب ومستعد يفتحلها عيادة كمان

#بقلم_مرفت_السيد 

صمت فاروق قليلا ثم قال بعد تفكير:كلامك صح انا عاوز راجل يصون بنتي ويحبها انا موافق ياسالم بس تخلي بالك منها 

احتضنه سالم بسعادة: بنتك دي بنتي يافاروق وان شاء الله ربنا يطول عمرك وتشيل عيالهم

:يارب ياسالم

*بما ان بكرة عريس لؤلؤة جاي يبقى إحنا بعد بكرة الخطوبة على طول واسبوع يحهزوا الشقة ونكتب على طول 

:لو بظروف تاتيه كنت هاطلب وقت اكتر بس ربنا يمد بعمري لحد مااتطمن عليهم كلهم على بركة الله ياسالم

قاطعهم صوت الأذان *ربنا كبير يافاروق تعالى نصلي المغرب بيأذن

بعد الانتهاء من الصلاة انزوى فاروق بركن في المسجد وظل يدعو الله ويقرأ المصحف الشريف حتى غلبه النعاس

فرأي في منامه زوجته الراحلة وهي تبتسم وتأخذ بيده ليسير معها بطريق طويل أخره نور ساطع بشدة وبالطريق 5 إشارات مرور فتوقفت به عند اول اشارة اضائتها خضراء وابتسمت

استيقظ فاروق على صوت أذان العشاء

وبعدما انتهى من الصلاة وصلته رسالة من فيروزة بان يحضر بعض الحلوى والعصير بطريق عودته

وبينما هو بطريق عودته للمنزل راى سيارة فارهة يترجل منها  شاب  وقور اقترب منه فاروق وقال: انت اكيد توهت عن بيتك ياخالد

نظر اليه الرجل بتعجب وقال:انت تعرفني ونظر اليه بتفحص وقال:انا باشبه عليك

ضحك فاروق: ابوك الحج عبد الناصر يبقى ابن عمي

ابتسم خالد وصافحه:انت اكيد عمي فاروق دة انت شبه بابا جدا

فاروق:بالشكل بس ياخالد بس قولي إنت بتعمل إيه هنا

خالد:انا كنت جاي عشان بابا عاوز يبيع ألارض بتاعته وكان معايا زبون بيتفرج عليها طمني عليك دة بابا بيحبك اوي

:انا كمان لولا ظروف العيشة والانشغال كنت روحتله باقولك انت متجوز ياخالد

خالد بدهشة: اه متجوز وعندي بنتين

فاروق بخيبة امل:واخواتك حد منهم مش متجوز

خالد بمرح:بتشتغل خاطبة ولا إيه عالعموم عندنا يونس اخر العنقود بس دة عنده 20 سنة ينفع

وانفجر خالد ضاحكا بينما قال فاروق بعد تفكير سريع:بقولك ايه يابني خدني معاك البيت انا عاوز ابوك ضروري بس وصلني بيتي قريب من هنا اروح الطلبات دي واجي معاك

خالد باستغراب :حاضر أتفضل معايا

:عارف انك مستغرب بس صدقني موضوع حياة او موت

خالد: تحت امرك ياعمي ولايهمك

 وبالفعل ارسل فاروق لبناته المشتريات مع صبي القهوة وارسل لفيروزة بانه ذهب بمشوار هام وانصرف مع خالد الي اتصل بوالده وأخبره بما حدث فرحب الاب بزيارة ابن عمه وهو يتساءل عن سبب الزيارة الغريبة

ولم يدم تساؤله كثيرا بعدما وصل فاروق مع خالد لفيللا فاخرة تأملتا فاروق بإعجاب 

استقبله  عبد الناصر بكل مودة وحب احتضنه وقال:كدة يافاروق متسالش عني خالص كدة

فاروق :طب أسأل إنت ياعبده انا مطحون بالعيشة وبعدين اخاف اجيلك اتفهم غلط زي اخر مرة

عبد الناصر :ميبقاش قلبك اسود كدة وفيها ايه لما اساعدك طول عمرك حنبلي وقلبك اسود 8 سنين مقاطعني بسبب كدة تعالى تعالى انت واحشني طمني على اخبارك واخبار بناتك

فاروق:البنات بخير بس انا جايلك عشان انا الي مش بخير ياعبده

#بقلم_مرفت_السيد 

طلب فاروق فنحانين من القهوة من الخادمة وقال  *مالك يافاروق ملامك قلقني و وشك متغير خير

:هاحكيلك ياعبده

وقص عليه فاروق ماحدث معه وهو يشرب قهوته منذ الصباح واختتم كلامه قائلا :وانا جايلك عشان محتاجلك

*لاحول ولا قوة الا بالله العلي العظيم قولي عاوز ايه لو مليرن جنيه و اسفرك برة تتعالج دةانت افضالك وجمايلك مغرقاني  

:مش عاوز فلوس ياعبده بس لو عاوز تردلي جميل يبقى تساعدني

*عنيا بس ازاي

:تشوف لل3 بنات الي فاضلين عرسان عندك من اولادك حتى لو عريس واحد لأي بنت منهم الي فاضلين فيروزة 30 سنة

بتشتغل  مهندسة

وجوهرة23  في كلية الطب 

وماسة 18 في  كلية العلوم

اما لؤلؤة  ودهب لقيتلهم عريسين

لؤلؤة معيدة بكلية اثار ودهب   دكتورة أمتياز 

دمعت عينا عبد الناصر وقال بتأثر* دة انت تطلب عنيا من جوة انا لولاك كان زماني ميت لما عملت الحادثة وانت اتبرعتلي بدمك

شوف يافاروق خالد متجوز ومخلف

بس عندي يونس ينفع بنتك الصغيرة

وعندي عمر منفصل مناسب للكبيرة

بكى فاروق بحرقة :شيلت من على قلبي هم كبير ياعبده اللهم لك الحمد

احتضنه عبد الناصر وهو يبكي:خلي أملك في ربنا كبير

*ونعم بالله

عبده تفتكر اولادك هايوافقوا دول عمرهم ماشافوهم

:متشغلش بالك على يوم الجمعة هانيجي نخطبهم ونتفق بإذن الله

*ربنا يريح قلبك انا هامشي

نده عبد الناصر على خالد:قوم تعالى وصل عمك لحد بيته ووجه كلامه لفاروق بس استناني شوية يافاروق

دلف  الى مكتبه وعاد يحمل شيك وناوله لفاروق وقال:خلي دول معاك

فاروق:معايا والحمد لله

:مش هاقبل رفض ياللا وصل عمك ياخالد

وبينما فاروق بطريق العودة رن هاتفه برقم دكتور عصام فأجابه ودار بينهما الحوار التالي:عامل ايه ياحج

*هاعمل إيه بس يابني ربك سهلها باربع عرسان لبناتي

:انت بتتكلم جد طيب هما عرفوا حاجة اصل في بنت دن بناتك تقريبا جوهرة اتصلت وجاتلي عشان تستفسر عن حالتك وانا رفضت اقولها حاجة واتهربت منها انه شوية إرهاق ربنا يسامحني كدبت عشانك

*طيب ربنا يكرمك كويس انك ماقولتش

:وهاتفضل مخبي عنهم كتير

*في الوقت المناسب

:ممكن اطلب منك طلب

#بقلم_مرفت_السيد 

*عنيا يابني

:هي بنتك جوهرة من ضمن البنات الي اتقدملها حد

*لا دي الي فاضلة يابني

:طب لو تسمحلي انا مستعد اتجوزها

*بجد ياعصام

:ياعمي دة انا مش عارف اساعدك ازاي بس لما شوفتها لقتها فعلا جوهرة  وقلبي ارتاحلها

*ربنا يسعد قلبك ويريحك زي ماريحتني

:تحب اجي امتى عشان اخطبها

*بكرة لؤلؤة وبعده دهب  والجمعة فيروزة وماسة  يبقى السبت باذن الله

:على بركة الله تعالى

اغلق فاروق الهاتف وهو يبكي بسعادة كان خالد يستمع لمكالمة فاروق وهو يتساءل بقرارة نفسه عما يحدث مع فاروق

وصل فاروق لمنزله وترجل من السيارة وصعد لمنزله وهو يفكر

ازاي هافاتح البنات

هاقولهم إيه يارب زي ماسهلت الحال ب24 ساعة سهلها باقناعهم

دخل فاروق المنزل واجتمع ببناته وقال:..........

يتبع

3

باختصار ومش عاوز اسئلة ولا واحدة منكم تقاطعني من بكرة كل بنت فيكم جايلها عريس مايترفضش وانا موافق

لؤلؤة بكرة جايلك دكتور صيدلي اسمه محمد

وبعد بكرة ان شاء الله دهب انا وافقت اجوزك لسامي ابن سالم وانا عارف انك بتحبيه وساكتة عشان انا كنت رافضه بس بصراحة دة الي هاتطمن عليكي معاه

وانتي يافيروزة انتي وماسة يوم الجمعة خطوبتكم على ولاد ابن عمي عبد الناصر

والسبت خطوبتك ياجوهرة على دكتور عصام

وبخلال شهر كل بنت منكم هاتكون في بيت عريسها 

كان الصمت يعم المنزل على غير العادة

نظر فاروق بوجوه بناته فوجدهم عبارة عن  افواه وعيون مفتوحة من الدهشة وصوت صرصور الحقل

فاكمل كلامه قائلا : عارف الصدمة واحساسكم بس انا ليا أسبابي ورحمة امكم الغالية ماتتعبو قلبي انا هاقولكم كل حاجة بس بعد جوازكم انا ابوكم وعارف مصلحتكم

واخيرا قالت فيروزة : بابا انت بكامل وعيك انا اسفة بس دة مش حضرتك مش تربيتك لينا ولا تفكيرك

دهب:انا مستغربة وواثقة ان في سبب قوي يابابا ارجوك صارحنا انت معودنا على التفاهم متعاملناش كدة وكأننا رجعنا لسنة 1900

كان فاروق يستمع وهو يشعر بالحزن فهم على حق ولكن شعوره بانه سيتركهم بمفردهم لمواجهة الحياة هو مبرره لما فعل

قالت ماسة:طب وانا الي يادوب قربت اتم 19 سنة

نهض الاب وقال بعصبية:بس خلاص مش عاوز اسمع كلام تاني انا قررت والي مش هاتعمل كدة هاغضب عليها ولو عاوزين تصغروني انا ابوكم الي ربتكم والناس بتحلف باخلاقكم وطاعتكم ليا عاوزين تقللو احترامي وتخلو الناس تقول عني معرفتش اربي تمام بلاش بعد ماالتزمت بكلمتي طلعوني عيل عشان حضراتكم شايفين اني باظلمكم

ردت جوهرة بعصبية:ايوة لما تخطبلنا وتجوزنا بسرعة عرسان منعرفهاش تبقى بتظلمنا احنا محصلناش البهايم انت كدة ظالم

رفع فاروق يده ليصفعها ولكنه توقف ووقع مغشيا عليه

افاقته دهب فهي طبيبة ولكن كانت حالته الصحية سيئة فنظر حوله ليجد بناته يبكين بحزن

وانكبت جوهرة تقبل يده ودموعها تتساقط بشدةوهي تقول:سامحني يابابا انا غلطانة دة انت اب وام انت عيشت عشاننا وحرمت نفسك حقك عليا

#بقلم_مرفت_السيد 

وكذلك باقي البنات قبلن يديه وهم يعتذروا فابتسم وقال بصوت واهن:متقلقوش انا مش زعلان، انتو عارفين اني لو هارميكم في النار لازم تثقوا ان دة لمصلحتكم وانا هاجوزكم لناس محترمة وعاوزكم تثقوا ان دة للصالح

لؤلؤة : واحنا موافقين نترمي بالنار عشانك

فيروزة:خلاص بقى احنا موافقين بس انت قوم كدة ومتخضناش عليك ولاايه يابنات

هتفن كلهن بالموافقة 

ماسة:خلاص ياروقة هاتجوز انا اصلا فاشلة بالدراسة

ضحك الاب بصعوبة وقالت دهب: ضغطك كان واطي اوي ليه ترهق نفسك كدة

فاروق:مااكلتش كويس بس متقلقوش ياللا حضروا العشا ربنا  يحفظكم

كانو يتناولون طعام العشاء بصمت وكلا منهن بداخلها نفس التساؤل: ليه ولكنهن اثرن الصمت لأجل خاطر والدهم

اما بمنزل كل عريس لم يختلف الوضع كثيرا

بمنزل محمد  اجتمعت العائلة الام والاب والشقيقتان الاصغر

بناء على طلبه

قال الاب وهو ايضا صيدلي ولكنه مريض ويتحرك  بصعوبة :في ايه يامحمد خير جمعتنا كلنا انا وامك واخواتك ليه

الام:خير ياابني

محمد :خير ياحاج بصراحة كدة انا قررت اتجوز

الاب:الف بركة ياابني مين العروسة

محمد :بنت واحد من أصحاب الشيخ  عبد الله وعلي واعتقد انها معيدة بكلية اثار

#بقلم_مرفت_السيد 

الام بسخرية :ومن امتى بتوافق على حواز الصالونات ومالها اسماء بنت خالك

محمد:ياأمي انا عندي اسباب وان شاء الله بكرة الخطوبة

هتفت زهرة شقيقته:ايه بسرعة كدة

الاب:أيوة ايه السربعة دي

محمد بهدوء : ياحاج اسمحلي بكلمتين على انفراد

وبعدما انتهى محمد وابوه من الكلام على انفراد بالصالون والام يتاكلها الفضول خرج الاب وقال: حضرو نفسكم بكرة وباذن الله الجواز هايتم بخلال اسبوع واهو شقة ابننا عالدهان بس وبأمر الله نفرح قريب 

الام:بس ياحاج عاطف انا...

قاطعها بحدة:ولاكلمة ابنك راجل وعارف مصلحته الكلام انتهى

اما بمنزل سالم كان الوضع مختلفا دمعت عيناسامي من السعادة حين ابلغه ابوه واطلقت الأم زغرودة من السعادة

وقال ساني وهو يقبل يد أبوه :ربنا يخليك ليا بس عرفت اقنعه ازاي دة الحج فاروق كان رافض خالص

سالم:ربك كريم متفكرش كتير بس يابني انا عاوزك تتقي ربنا قيها

ام سامي:يلهوي ياسالم دة بيتمنالها الرضا دة كل يوم يروح عند شغلها عشان يشوفها من بعيد بس

سالم بحزن:ربنا يسعد قلبك يافاروق زي ما فرحت قلب إبني

ام سامي :بقولك ياسالم متنساش تبلغ سمير وسليمان ولادك ومراتاتهم عشان ييجوا معانا

سالم:بلغتهم خلاص ربنا يتمم على خير

سامي بسعادة: يارب ياحاج دة انا هاجيبلها حتة من السما

ودخل غرفته وهو يكاد يطير من السعادة فهي دهب عشق عمره وأخيرا سيصبح الحلم واقع

اما بمنزل عصام فهو يتيم ووحيد بعدما مات ابوه ولحقت به امه اتصل عصام بعمه وخاله ليحضرا معه فباركا له ولم يهتم أحدهما كثيرا بسؤاله عن احواله فجلس عصام بمنزله وهو يتخيل عروسته الجميلة بجانبه والمنزل ممتلئ بالأطفال فأبتسم وهو يغمض عينيه بسعادة 

اما بمنزل عبد الناصر فكان الوضع مشتعلا

بعد العشاء قال عبد الناصر :تعالو ياولاد وانتي كمان ياحاجة بالجنينة عاوزكم بموضوع

بعدما جلسوا جميعهم قال:عمر ويونس اعملوا حسابكم يوم الجمعة هاتيجو معايا تشوفو عرايسكم انا خطبتلكم بنات فاروق ابن عمي

ضحك يونس بشدة :انت اكيد بتعزر ياحاج

ضرب عبد الناصر عصاه بالارض وقال بحدة :اخرس ياولد

عمر :بابا انت بتتكلم جد

*جد الجد وخالد عارف وشاهد

أومأ خالد براسه بالموافقة فقال عمر بحدة: دة انا لو بنت كنت اخدت رأيي الاول ازاي الكلام دة

*وطي صوتك ياقليل الادب

:ياحاج انا مش هاتجوز ومش جاي وبعدين انهو مصيبتين دول يقبلو بعريسين بدون مايشوفوهم والمفعوص دة يتجوز إزاي وهو بيدرس.

نهض الأب بعصبية: آخر كلام عندي والي هايرفض هاحرمه من الميراث وهارميه برة انا اخترت المرادي بنات يتاقلو بالدهب واظن كفاية اختيارك الي فات المهبب فاهمني طبعا

#بقلم_مرفت_السيد 

وانصرف الاب جلس عمر بعصبيه وقال لخالد:ينفع كدة

خالد:ياعم وافق انت خسران ايه

يونس : انا شخصيا هاوافق عشان متحرمش من ميراثي بس لو طلعت وحشة هاخليها هي الي ترفضني

عمر للام الصامتة:ايه ياأمي يرضيكي التحكم دة

الام بهدوء:أبوك تعبان يابني متنساش دة لسة قايم من تعب بقلبه

خالد:ياعم امك بتتكلم صح انت مش مسران حاجة

عمر باستسلام : ماهو تعبه  دة الي مخليني مش قادر اتكلم 

 وباليوم التالي بالمساء اقترب موعد وصول محمد لخطبة لؤلؤ

استعدت لؤلؤ لمقابلة عريسها الغريبة وكذلك باقي الفتيات وحلس فاروق وسالم بانتظار العريس واهله والشيخ علي وعبد الله 

فماذا سيحدث  🤔🤔

يتبع

4

وصل العريس  وأهله امه وابوه واخواته البنات الاتنين زهرة ورقية ومعاهم الشيخ علي والشيخ عبدالله

استقبلهم فاروق وسالم وهمس فاروق لمحمد بألا يخبر بناته عن مرضه

وبعد عبارات التحية والتعارف قدم محمد علبة شيكولاتة فاخرة الى فاروق  قال ابو محمد :امال فين عروستنا

كانت البنات يتلصصن ليشاهدن شكل العريس

الى ان طلب منهم الاب ان تحضر لؤلؤة العصير وتأتي

عدلت اخوات لؤلؤة من هندامها ووضعن لها لمسة اخيرة من المكياج الخفيف وحملت العروس الصينية وخرجت وهي خائفة  وتشعر بالخجل ولكن تتظاهر بالثقة

ساعدها فاروق بوضع صينية المشروبات وقال:اقدملكم بنتي لؤلؤة العروسة

انبهر الجميع من جمال لؤلؤة وكان واضح على كل الموجودين إعجابهم بيها فهي بيضاء البشرة تمتلك عيونا  رمادية اللون لامعة كاللؤلؤ وشعرها بني وممشوقة القوام باختصار هي رائعة الجمال

احمر وجه العريس وهو يتحدث مع فاروق الذي قال له:نورتنا يامحمد ياابني

محمد :بنورك ياعمي

سالم: على فكره لؤلؤة معيدة بكلية الاثار

ابو محمد:ماشاء الله تبارك الله العروسة زي القمر

ابتسمت لؤلؤة بخجل فقالت ام محمد وهي تشعر بالغيرة:وياترى ناوية تكملي شغل لما تتجوزي

فاروق:دي حاجة بينها هي وعريسها بقى يتفاهموا عليها

ام محمد :اصل احنا معندناش بنات بتشتغل ياحاج بناتي اهم خلصوا الدراسة وقعدوا في البيت

محمد :ياأمي لسة بدري على الكلام دة زي ماعمي قال دي بالاتفاق وانا اصلا مش ضد عمل الزوجة بالعكس يعني تبقى مراتي بإذن الله أستاذة بالجامعة دة شيء يشرفني ويسعدني طالما مش هاتقصر ببيتها  ووجه كلامه الى لؤلؤة ولاايه رأيك يااستاذة

#بقلم_مرفت_السيد 

كان الجميع يستمع لمحمد بإعجاب فاجابت لؤلؤة :معاك حق

ابتسم محمد وقال والده: طيب انا بس هستأذنك ياحج فاروق العريس والعروسة يقعدو سوا يتكلموا شوية على مااحنا نتكلم بالتفاصيل

نظر فاروق الى سالم بتساؤل فقال سالم:وماله اتفضلوا معايا

واصطحبهم سالم الى الصالة وقال:اتكلمو سوا ماتتكسفوش

قال علي: لازم يشوفو القبول بينهم

جلس محمد يختلس للنظرات الى لؤلؤة ثم قال: انا مبسوط اوي بيكي

ثم تلعثم:انا اسف قصدي فرصة سعيدة معلش انا متلخبط

ابتسمت لؤلؤة:انا اسعد

قاطعهم دخول ماسة بالقهوة قدمتها وقالت :انا ماسة الضغيرة اللمضة

ضحك محمد:أهلا بيكي ياصريحة

انصرفت ماسة وقالت لؤلؤة :ممكن أسألك سؤال

:اتفضلي

* انت دكتور صيدلي ؟

:اه

*تفتكر طريقة جوازنا صح

:مش مهم الطريقة المهم يحصل قبول وتفاهم ودة هاييجي مع الوقت

*انا اسفة مش بعرف اجمل كلامي

:بالعكس انا شايفك خجولة وانسانة على خلق

*كلك ذوق

:بصي يا لؤلؤة انا استخرت الله من قبل مااشوفك وبعد ماشوفتك ارتحت كل الي هاوعدك بيه اني هاديلك وقتك بالكامل انك تعرفيني بس طبعا نظرا لظروف سرعة الموضوع دة هايكون بعد الجواز

شعرت لؤلؤة بالسعادة من كلامه وعقليته الرزينة وتأملته وهو يتكلم وسيم دقنه خفيفة اسمر طويل القامة شعره لسود ناعم يرتدي نظارات طبية زادته وسامة ولما تلاقت عيناهما  اخفضت بصرها بخجل ابتسم محمد واكمل قائلا :وصدقيني مش هاتندمي انا انسان سلس وبسيط

*بإذن الله خير

قاطعهما فاروق:ايه ياولاد اتكلمتو وكله تمام ولاايه

محمد :اه ياعمي

طب يالا احنا اتفقنا خلاص وها نقرا الفاتحة ولا بلاش يا لؤلؤة

ابتسمت بخجل :الي تشوفه يابابا

فاروق:على بركة الله

اتفضلوا ونادى على باقي بناته:تعالو يابنات اقروا الفاتحة معانا

دخلو جميعهم وجلسو فقال فاروق:دول بناتي مهندسة فيروزة ودكتورة دهب ودكتورة جوهرة و ماسة بكلية علوم

انبهر الجميع  بجمالهم وقال ابو محمد :ماشاء الله تبارك الله جمال وتعليم واخلاق

عبد الله :الله يباركلك ياحج فاروق ونعم التربية 

#بقلم_مرفت_السيد 

محمد : عم فاروق مخلف محل مجوهرات

ضحك الجميع  ماعدا  ام محمد وشقيقاته فقد شعرن بالغيرة

قال سالم:نقرا الفاتحه ياجماعة

قرأ الجميع اىقاتحة واخرج محدد خاتم قيم وانيق من جيبه وقدمه لعروسته وقال:يارب يطلع مقاسك 

ارتدته العروسة وكان مقاسه مناسبا وانطلقت الزغاريد قال فاروق:احنا اتفقنا الفرح اخر الشهر يعني بعد اسبوعين باذن الله

محمد :على بركة الله هستأذنك بس ياعمي نتبادل ارقام الفون انا والعروسة والاسبوع الجاي تتغدو معانا في يوم وتشوفو الشقة

فاروق :بإذن الله يياللا يابنات هاتوا الجاتوه

قدمت الفتيات الجاتوه والشيكولاتة للجميع وانتهت الخطوبة بسلام وغادر العريس وأهله

جلس فاروق مع لؤلؤة بمفردها بعد مغادرتهم وسألها:ايه رئيك في العريس يابنتي

*فات اوان انك تاخد رأيي يابابا انت اتفقت معاه نتخطب على طول

:يابنتي هو ابن حلال ومن ساعة ماشافك وعنيه كلها أعجاب واهله كويسين ومستواهم عالي

*خلاص يابابا الي تشوفه

:حبيبتي قوليلي رايك طيب

*شكله كويس يابابا

:ربنا يريح قلبك ويسعدك

ياللا قومي نامي وارتاحي  انتي واخواتك بكرة خطوبة دهب

اما بمنزل محمد كان ابوه سعيدا جدا وقال:ونعم النسب يابني الغروسة وأخواتها حاجة تفرح

محمد :عندك حق يابابا انا كان قلبي حاسس ان ربنا هايباركلي

#بقلم_مرفت_السيد 

زهرة :بصراحة حسيت العروسة مغرورة

ام محدد:صدقتي يابنتي بتطلع الكلمة بالعافية

رقية:ولااخواتها ايه دة كلهم لينسز كدة

ابو محمد:بطلو غيرة بنات البنت واخواتها جواهر بجد

محمد بحزن:الله يبارك فيكم تصبحوا على خير

وذهب لغرفته فصاح بهم الاب:عاجبكم كدة نكدتو عالواد يوم فرحه دة انتوا غم وتركهم ودخل غرفته هو الآخر

بمنزل فاروق كان بغرفته يدعو الله ان يبارك زيجات بناته وان يطيل بعمره حتى يراهم بفستان الزفاف

اما الفتيات فاجتمعن حول لؤلؤة

ماسة:شكله طيب وحلو ايه رئيك فيه يا لؤلؤ

فيروزة:هو شكله محترم بس امه واخواته عقارب

جوهرة:احنا بضهرك متخافيش يا لؤلؤ بس قوليلنا رأيك بقى

لؤلؤة :مش عارفة يابنات نفس انطباعكم

دهب:طب قالك إيه

لؤلؤة :قالي انه مرتاح وانه هايديني وقتي عشان افهمه ونقرب من بعض وكدة

فيروزة:دة عينه كانت بتطلع قلوب لما شافك

ضربتها لؤلؤة بالمخدة

وانطلقت القتيات يضحكن ويتمازحن بمرح

ماسة:بكرة يومك يادهب

دهب :ربنا يستر

ياترى هايحصل إيه بخطوبة دهب🤔🤔🤔

يتبع

5

بصباح اليوم التالي استيقظ فاروق وبناته على طرقات الباب

فتح فاروق ليجد سالم ومعه رجلان محملان بحلويات وعصائر ورجل معه فروع نور ليعلقها بالبلكونة

قال فاروق:ايه ياسالم كل دة

سالم:الله مش خطوبة افرح بقى وفرح البنات وشوية كدة سامي باعت فستان و ميكب اراتيست للعروسة

وهمس لفاروق: حاولت امنعه عشان تعبك بس ملقتش سبب مقنع اعذرني يافاروق هو فرحته غلبتني

فاروق:خليه يفرح ياسالم دة ابني وأنا مش عشان تعبان هانكد عليهم ووطي صوتك بقى لاحسن البنات تسمع دول لسة بيفطرو

احتضنه سالم بحب :ربنا يخليك ليهم يافاروق انا هامشي بقى ياابو نسب لاحسن الواد هايعلق زينة ونور من اول الشارع لآخره وجايب دي جي

ضحك فاروق:ربنا يفرحه هو وكل بناتي يارب

بمحرد هروجه خرجت الفتيات ليشاهدن الشارع وهو يتحول لقاعة افراح عمت الفرحة ببيت فاروق وبالشارع بأكمله

كانت دهب سعيدة ولكنها تحاول اخفاء فرحتها حتى لاتسقط هيبتها فهي شخصية كتومة جدا ولا تظهر مشاعرها بسهولة

#بقلم_مرفت_السيد 

 ولكن بمجرد وصول الفستان والميكب ارتيست انطلقت زغاريد البنات وعمهم شعور بالسعادة فهم يعلمون بان دهب تحب سامي مهما حاولت الانكار

رقصت الفتيات بسعادة كان فاروق يحلس بالبلكونة ويشاهد سامي واصدقائه يحتفلون معه على انغام الدي جي ودهب وشقيقاتها يرقصن بالمنزل

كانت ابتسامته تعلو وجهه وهو يشعر بالالم في رأسه فنعض بهدوء وذهب لغرفته وتناول الأقراص المسكنة

وبالمساء حضر العريس واهله بزفة كبيرة من الجيران الي كانو مستغربين فجأة بنتين من بيت فاروق بيتخطبو في يومين ورا بعض

جلس الجميع ورحب فاروق بهم وخرجت العروسة وشقيقاتها بناء على طلب والدها وقدمن الخلوى والعصير للموجودين

وبمجرد ماراها سامي دمعت عيناه من السعادة وهو يتأملها فهي متوسطة الطول ومتناسقة القوام شعرها ذهبي كلون عينيها العسلي الفاتح

قبلتها ام سامي بحب وكذلك زوجات اولادها

وقال سالم :نقرا الفاتحه يافاروق

فاروق: طب مش نتفق الأول

رد سامي :طلباتك اوامر ياعمي

سالم:دي بنتنا وعمرنا ماهانختلف دكتورة دهب تتاقل بالدهب

فاروق :القاتحة ياحماعة

قرأ الجميع الفاتحة ثم اخرج سامي شبكة عبارة عن طقم من الالماس وقدمه للعروسة واخرج دبلة فضية لنفسه

قال سالم:بعد اذنك يا فاروق لبسها الشبكة ياولا

ضحك فاروق:طبعا ياسالم دي بنتك ما تتكسفيش ياحبيبتي

 بعدما انتهى سامي  وضعت دهب الدبلة بيده

انطلقت الزغاريد وعلا صوت الموسيقى واحتفلت العائلتان بسعادة

استأذن سامي فاروق لينفرد بعروسته  فوافق

ووقف سامي ودهب بالبلكونة

#بقلم_مرفت_السيد 

قال سامي: دهب انا اسعد انسان بالكون بجد ويارب اقدر اسعدك

دهب بخجل: بإذن الله

:مبسوطة يادهب

*اكيد

:شوفتي النصيب انا عمري ماكنت هاتجوز غيرك

*تصيب ياسامي

:ياترى هاتسمحيلي ابقى اوصلك لشغلك

*لو بابا وافق ياسامي

:بصي هو الاهم اننا هنتجوز وعاوزك تعرفي انك لو طلبتي عينيا اديهم لك وبكل رضا انتي جوة قلبي يادهب

*شكرآ

نده عليهم سالم:تعالوا ياعرايس احنا اتفقنا خلاص والفرح بعد أسبوعين 

دهب:بسرعة كدة انا لسة مش جاهزة

سامي: جاهزة لايه بس ماشيليش هم حاجة

فاروق: على بركة الله ياجماعة

سالم:ياللا بينا ياجماعةوان شاء الله يومين كدة وينزلو يختاروا عفشهم والغروسة تختار الوان الشقة وديكوراتها

مبروك يا دهب

دهب :الله يبارك فيك ياعمي

سامي : عمي فاروق ممكن كلمة لوحدنا

سالم:طيب احنا هنمشي ياللا ياحاجة ياللا ياولاد ربنا يتمم على خير

بعد انصرافهم جلس سامي مع فاروق بمفردهما

قال سامي وهو يخرج مبلغا من المال :عمي دة مبلغ لجهاز دهب

فاروق :يابني جهاز دهب موجود عيب كدة

سامي:أرجوك ياعمي اعتبره هدية من ابنك انت هاتحوز كذا بنت ورا بعض  على حسب كلام بابا وحاسس ان في سبب قوي لانك ياعمي مش متهور بتصرفاتك بس مش علوزك تحسبه تطفل مني وانا زي ابنك وصدقني انا وكل مااملك تحت امرك وامر دهب

#بقلم_مرفت_السيد 

فاروق بتأثر:انت ابني فعلا تربية ابوك صح نفس الجدعنة

ترك سامي المال وهم بالانصراف :استأذن انا بقى

فاروق:إستنى يابني

واحتضنه وهو يربت على كتفه

بعد انصرافه ذهب قاروق الى دهب وقال لها:مبسوطة يابنتي

دهب :الحمد لله يابابا

فاروق:عريسك ابن حلال وجدع

ياللا عقبال باقي اخواتك

. وذهب فاروق إلى غرفته وهو يفكر

ياترى هايحصل ايه مع فيروزة وماسة بكرة وياترى ولاد عبدالناصر هايطلعو زي محمد وسامي

🤔🤔🤔

يتبع

6

باليوم التالي اقترب موعد خطوبة فيروزة وماسة

جلس فاروق مع سالم على المقهى يتناولان القهوة

كان فاروق يشعر بالتوتر ولاحظ سالم ذلك فقال له  مطمئنا اياه: متقلقش ياابو البنات بإذن الله خير

فاروق:انا عارف ان عبد الناصر راجل تمام بس معرفش أولاده ورد فعلهم هايكون إيه

:صدقني لما يشوفو جمال بناتك واحترامهم هما الي هايتحايلو على ابوهم

ابتسم فاروق:ربنا يخليك ليا ياصاحبي

بمنزل فاروق عادت بناته من الخارج  واجتمعو كعادتهم فقالت فيروزة: يابنات انا دلوقتي شاكة ان ورا جوازاتنا دي سر

دهب:باين جدا ان في حاحة كبيرة وعمو سالم عارفها

ماسة:طب هنعرف ازاي

جوهرة : اكيد دكتور عصام عارف سيبوني انا هحاول اوقعه لما ييجي بكرة

ضحكت لؤلؤة :ياجوهرة علينا احنا برضه هو عاجبك من ساعة ما شوفتيه ولما اتقدملك مانمتيش بالليل من الفرحة

جوهرة:وايه يعني ماانتي بتحبي سامي

فيروزة:بس يادكتورة منك ليها عالاقل انتو شفتو عرسانكم حتى لو مرة انما انا وماسة منعرفش عنهم اي حاجه

ماسة:ياللا نتغدا ونقوم نجهز انا عندي فضول اشوف الواد خطيبي اوي

ضحكوا بمرح من كلامها ومر الوقت سريعا وبالمساء

كان عبد الناصر وزوجته وابناؤه الثلاثة بمنزل فاروق

استقبلهم فاروق بود كعادته ورحب بهم وصافخهم فصافحه عمر بكل تكبر

وجلس عمر ينظر حوله بغرور وهو يتفحص المنزل بق.. رف

لاحظ عبد الناصر تصرفات ابنه فقال لفاروق :بيتك جميل يافاروق فاكر بيتنا الي اتربينا فيه انا وانت دة انت كنت ابن عز انما ابويا كان على قد حاله وكنا بننام على الارض ونظر لعمر وقال انا عملت نفسي بنفسي ومش باتكسف من اصلي ولااتعالى على حد

#بقلم_مرفت_السيد 

فطن عمر مقصد ابوه فجلس صامتا ولم ينطق 

فاروق: طبعا ياناصر طول عمرك ابن اصول

خالد: امال فين العرايس ياعمي

يونس:ايوة انا برضه باقول فين عروستي الي وعدتوني بيها

ام خالد:بس ياابو لسان طويل اسكت

ضحك فاروق :سيبيه على راحته 

نده فاروق على بناته ومرجت ماسة وفيروزة وقدما المشروبات وجلسا  بجوار فاروق بهدوء

قال عبد الناصر بانبهار:ايه الجمال دة يافاروق يشبهو امهم جدا

ام خالد:بسم الله ماشاء الله فيروزة وماسة اسم على مسمى

كان عمر يتحاشى النظر الى فيروزة ولكن اختلس النظر اليها فوجدها رائعة الجمال عيناها بلون الفيروز وشعرها اسود طويل وطويلة جدا ذات خصر نحيف وقوام ممشوق

فظل ينظر اليها باعجاب يحاول اخفائه فهمس له خالد:البنت زي الأجانب

قال يونس لماسة:هي دي لون عنيكي انتي واختك بجد

ضحك الجميع وقال فاروق:ايوة لو عنيهم بجد

يونس :الله عنيها زي القطط اخضر فاتح

عبد الناصر :اتلم ياولا

 خالد: ياترى بتشتغلي يافيروزة

فيروزة بهدوء:ايوة مهندسة بشركة بترول

عبد الناصر :ماشاء الله عمر كمان مهندس بس بشركتي انا مقاولات

#بقلم_مرفت_السيد 

ويونس بيدرس تجارة انجليش

رد يونس :وانتي ياماسة بتدرسي ايه

فاروق:علوم

عبد الناصر:مش تعرفنا بباقي بناتك يااخي

نده فاروق بناته وطلب منهم مصافحة الجميع وقدمهم قائلا :دي دكتورة دهب

ودي استاذة لؤلؤة معيدة

ودي جوهرة بكلية الطب

انبهر عمر بجمال بنات فاروق وبتعليمهم العالي وبدأ يشعر باعجاب تجاه فيروزة

عبد الناصر :ايه الحلاوة دي يافاروق ربنا يحرسهم

مش نقرا الفاتحه بقى طلعي ياحاجة الشبكة

أخرجت ام خالد من حقيبتها علبتان من القطيفة بكل منهما طقم ذهبي واهدتهما للعروستان

وقرأالجميع الفاتحة حتى عمر قرأها وبداخله سعادة لايعرف مصدرها وانطلقت الزغاريد لليوم الثالث بمنزل فاروق

عبدالناصر :اظن شهر مناسب اوي على الجواز ولاايه يافاروق

فاروق:كويس ياناصر على بركةالله

عبد الناصر :واعمل حسابك ان ظول بناتي وانا عاوزهم كدة بشنطة هدومهم

فاروق: تسلم يا حبيبي أنا الاهم عندي تخلي بالك منهم

عبد الناصر:في عينيا متقلقش

نقوم احنا وان شاء الله اعملو حسابكم تشرفونا عشان تشوفو الفيلا قريب

#بقلم_مرفت_السيد 

فاروق:بإذن الله تعالى

وانتهى اليوم كالعادة  بانصراف اهل العريس

بعد وصول عبد الناصر واسرته لفيللتهم انفجر عبد الناصر بعمر غاضبا:انت بتتعوج على الناس في بيتهم ومنفوخ اوي وقاعد ساكت زي المغصوب وهي اصلا برقبتك هي واخواتها

عمر بهدوء :بابا انا آسف متنفعلش لو سمحت وان كان عليا انا موافق عن اذنكم

نظر عبد الناصر الى زوجته والى أولاده بدهشة :ايه الي قلب حاله دة

يونس:البنات حلوين اوي وفيروزة عجبته بس متكبر يقول

هالد:هما يحلو من على حبل المشنقة بصراحة كويس ان حسناء مراتي عند امها ومجتش معانا

ام خالد :ماانت. الي مبتبطلش معاكسات وعلاقات ومراتك غيورة أصلا 

#بقلم_مرفت_السيد 

يونس :سيبكم من كل دة عروستي تجنن البت زي القمر

عبد الناصر :عشان تعرفو انا مختارلكم بنات ادب وجمال

اما بمنزل فاروق خلدت البنات للنوم عدا فاروق كان يشعر بوهن ولكنه تناول المسكنات حتى هدأت آلامه وقال لنفسه

اجمد كدة فاضل جوهرة وترتاح وتطمن عليهم

يارب قويني ووطول بعمري لحد مااجوزهم بس

وكذلك كان حال فيروزة وهي تتذكر شكل عمر ووسامته ولكنها تذكرت غروره فشعرت بالحزن وقالت لنفسها شايف نفسه وقليل الذوق ياريته كان لذيذ زي شكله

وكانت جوهرة ايضا مستيقظة وهي تشعر بالسعادة وتفكر بعصام وهي تتسائل ياترى بيفكر فيا

ياترى هايحصل ايه بكرة

🤔🤔🤔

يتبع

7

بمساء اليوم التالي حضر عصام بصحبة خاله وعمه وصديق له طبيب يدعى رامي وسط اجواء هادئة كان عصام يحمل ورد وشيكولاتة وضعهم على الطاولة 

رحب بهم فاروق وبعد تبادل عبارات الترحاب المتعارف عليها 

تحدث خال عصام وقال:اظن انت شكلك مش غريب عليا يااستاذ فاروق

عصام:دة كان مساعد بابا الله يرحمه ودراعه اليمين من زمان

قال عم عصام:ايوة انا عارفه دة الحج فاروق كان  اخويا الله يرحمه بيحبه وبيشكر فيه

عصام: الحج فاروق مربيني وانا يشرفني اتقدم لبنتك دكتورة جوهرة وانا مستعد لكل طلباتك ياعمي

فاروق: يابني دة انا اوصلها لحد بيتك

#بقلم_مرفت_السيد 

خال عصام:دكتورة بسم الله ماشاء الله طيب ايه مش هنشوف العروسة ولاايه

نده فاروق على ابنته وكالعادة قدمت العصير للجميع وباقي اخواتها قدمن الحلويات

وجلست جوهرة بكل هدوء وخجل فقال العم:زي القمر الف مبروك  ياجماعة

همس رامي لعصام:لون عنيها دة بجد

عصام وهو يلكزه:ايوة اسكت

رامي: عنيها دهبي اول مرة أشوف اللون دة وشعرها كمان

عصام بغضب:اتلم بقى دي هاتبقى مراتي

رامي بمرح:يابني مقصدش اعاكس بس يابختك 

نظر له عصام بحدة فضحك وقال :خلاص خلاص 

اخرج عصام خاتم  وساعة من الذهب قدمهم لفاروق وقال:دي الشبكة ياعمي يارب تعجبك ياجوهرة

ابتسمت جوهرة بهدوء وقالت:جميلة شكرا

رامي :نقرا الفاتحه ياجماعة

قرأ الجميع الفاتحة وانطلقت الزغاريد ولم يندهش الجيران فقد تعودوا على الوضع برغم فضولهم

قال فاروق:ربنا يتمم على خير

عصام:ان شاء الله بخلال شهر هاكون جهزت كل حاجة على ذوق العروسة

العم:على بركة الله ربنا يتمملكم على خير

الخال:نستأذن احنا وخليك انت ياعصام مع عروستك

العم:ايوة ياللا بينا

ودعهم فاروق واوصلهم الى الخارج وعاد الى عصام ورامي

قال رامي :بعد اذنك عاوزك بكلمتين انا وعصام ياعم فاروق

طلب فاروق من بناته الانصراف وجلس بمفرده معهما

قال عصام :دة دكتور رامي صديقي وعالج حالات كتير شبه حالتك وهو شاف الإشاعات والتحاليل بتاعتك وشايف ان قي امل بعملية بس تلاقي متبرع بنخاع ويكون....

قاطعه فاروق:متكملش يابني انا مش هاعارض ارادة ربنا وصدقني انا راضي هاصرف القرشين الي معايا بتوع بناتي على علاجي لا يابني وبعدين انت قولتلي ان الامل منعدم يعني دي مغامرة يبقى اموت بسريري وانا متطمن على بناتي

 رامي :ياحاج الاعمار بيد الله بس المحاولة مش هاتضر بالعكس

فاروق:لا ياابني هاتضر بناتي لما اديلهم امل وبعدها ممكن يحصل فشل عملية ودة الاحتمال الاكبر ساعتها هابقى تعبتهم واخدت فلوس جهازهم وصدمتهم لا ياحبيبي كتر خيركم انا اتطمنت على البنات خلاص وهاعيش الوقت الي فاضل بتجهيزهم وربنا يمد بعنري واوصل كل بنت لبيتها

عصام وهو يخرج ظرف من جيبه ويناوله لفاروق:دة مبلغ بسيط لجهاز جوهرة انا عارف انك عزيز النفس بس دة حقها

فاروق:يابني ربك كرمني وفرهم ليك انت وهي

عصام : متقلقش ياعمي جوهرة في عينيا ارجوك اقبلهم

إحنا هانمشي وطبعا هانكون على تواصل

وبينما هو خارج لمح جوهرة فابتسم لها وهي أيضا فقال :اسمحلي ياعمي اعزمكم عالغدا اخر الاسبوع عندي

فاروق:بإذن الله ياحبيبي

بعد انصرافه ضحكت جوهرة بسعادة واحتضنوهاشقيقاتها بسعادة

جلس فاروق بغرفته وطلب من البنات الا يزعجونه واخرج مبلغا من المال وجلس يفكر طويلا ثم اخرج صندوقا خشبيا قديم وفتحه واخرج منه 5  من الاحجار الكريمة النادرة مختلفة الألوان

#بقلم_مرفت_السيد 

ثم اخرج اوراق  بنكية بحسابات باسماء بناته من نفس الصندوق

وقسمهم على5 اقسام

مبلغ من المال وورقة وحجر كريم

ووشعهم ب5 علب وخلد للنوم بالصباح ذهب للبنك واودع لكل بنت مبلغا من المال وعاد الى منزله

اشترى طعاما وجلس مع سالم ليشرب قهوته معه كالعادة ثم صعد منزله وقام بطهو الطعام وجهز السفرة وانتظر حتى عادت البنات الى المنزل وضج المنزل باحاديثهن كالعادة وهو يستمع لهن ويبتسم

وبعدما انتهو من تناول الطعام جلس فاروق وقال:حبايبي انا مش عاوز اظلم اي بنت فيكم مش عاوز ضميري يتعبني هل في واحدة منكم مش عاجبها خطيبها

لم تنطق ولاواحدة منهن فقال مكملا:يعني اعتبر انكم راضيين

اومأن برؤسهن بخجل فاباسم وقال:على بركة الله

واخرج 5 ورقات و5 كروت بنكية وقال:دة حساب باسم ن كل بنت منكم كل بنت معاها 200 الف جنيه دة شقى عمري ودة ليكم كل بنت تتصرف فيه بحكمة  صدقوني يابنات ربنا عالم الفلوس دي جمعتها إزاي عشانكم مش عاوز بنت منكم تعاني من بعدي

قبلن يديه ودعون له ودمعت عيناهن: ربنا يطول بعمرك ويخليك لينا

*ويخليكم ليا ومن بكرة هانبدأ بتجهيز كل بنت منكم لجوازها بإذن الله

#بقلم_مرفت_السيد 

نظرت الفتيات الى بعضهن البعض بتوتر فقال فاروق: مش عاوزكم تقلقوا ولاتخافوا عرسانكم ولاد حلال وكل الي طالبه منكم تكونوا بطبيعتكم وتتقوا ربنا بازواجكم ومش عاوز واحدة تحس انها مفروضة او قليلة انتو مهندسين ودكاترة واجمل بنات

عارفين ليه كل بنت منكم لون عنيها وشعرها ملونين

ماسة:نفسي اعرف يابابا

لؤلؤة :عمرنا ماسألناك وجاوبتنا

فيروزة:ايوة يابابا نفسي اعرف بس انت كنت بتقولنا هاحكيلكم بالوقت المناسب

فاروق:وجه الوقت المناسب عشان احكيلكم

🤔🤔🤔🤔🤔🤔

 يتبع

8

جلست الفتيات حول الأب باهتمام وفضول عشان يعرفوا سبب لون عيون كل واحدة منهم مع ان الاب والام عيونهم مش ملونة

قال فاروق: انا من صغري كنت غاوي شغل المجوهرات جدكم كان اكبر صايغ زمان بس لظروف البلد وقتها قفل شغله وغير شغله لتجارة الجملة المحل دة انا ورثته منه، بيعته وقت تعب امكم الله يرحمها

كان نفسي افتحه جواهرجي بس كنت محتاج سيولة كل دة قبل مااعرف امكم فوقتها بابا شغلني مع التاجر الي كان بيورد شغل الدهب لبابا ولما مات كملت مع ابنه ابو عصام

كنت باشتغل معاه بتصميم الدهب وكان عنده محل كبير بيعرض الشغل فيه وبعدها قابلت امكم بنت عمي كانت كبرت ومكنتش شوفتها من سنين قلبي اتفتحلها وحبيتها اتجوزنا

#بقلم_مرفت_السيد 

وكانت كل ماتحمل تتوحم على حجر كريم تشوفني باشتغل تسرح في الحجر الي في ايديا وتفضل تتمنى تخلف المولود ويكون لون عنيه زي الحجر الكريم الي يلفت نظرها

ودة سبب تسميتكم شافت الفيروز وجت فيروزة بلون عين فيروزي

وبعدها لؤلؤة عنيها رصاصي بتبرق زي اللؤلؤ بالظبط

وبعدها دهب لون عنيها دهبي

وبعدها جوهرة لانها شافت جوهرة كنت ماسكها وبتبرق وكالعادة

لحد ماسة

كانو امي وامها بيقولولي ان عنيها لقاطة الله يرحمهم جميعا

وعلى فكرة انتو مش مجرد بنات حلوين ب اسامي مجوهرات وبلون عيون مميز زي الفيروز والدهب والالماظ لا انتو كمان من جواكم حلوين وبرة زي جوة ماتعبتش بتربيتكم انتوا واخدين طباع الجواهر غاليين بتلمعوا مهما الناس اتغيرو واتسببو  ان الزمن يتدهور من افعالهم وانتوا محافظين على قيمتكم بالعكس كنتوا بتعلو اكتر واكتر انتوا  اعلى واغلى من مستوى كل الي حواليكم كنتو بتتسببوا بتهديد للبنات والرجالة كانت بتخاف تقرب منكم عشان عارفين إني جواهرجي وانتو الجواهر بتاعتي بتبرقوا وتلمعو وغاليين اوي عرفتو ياحبايبي السبب باساميكم وبأن الي يشوفكم ويعرفكم بينبهر بيكم

عشان كدة عاوزكم تتعاملوا بالمرحلة الجاية من حياتكم زي ما أنتم بطبيعتكم بالرقي الي ربنا خلقه فيكم بالخجل والادب بالذكاء متنزلوش عن مستواكم عاملوا نفسكم انكم جواهر بجد بدون غرور  مش مجرد دهب صيني بيلمع وملهوش قيمه

كانت الفتيات يستمعون لابيهم بانبهار وتأثر

وبعدما انهى حديثه قال :ياللا ياحبايبي قوموا ناموا بكرة وراكم شغل وبعدها هانروح لزيارة  محمد عريس لؤلؤة عازمنا ع الغدا عشان تشوف شقتها وتختار العفش هو اتصل بيا وكلمك يا لؤلؤة صح

أومأت لؤلؤة برأسها بالايجاب وقالت:ايوة وبيكلمني ع الواتس بس كلامه عبارة عن سلام وبس

فاروق بابتسامة :واثق من اخلاقكم وسبحان الله رزقكم بعرسان مقدرة قيمتكم والي مش عارف بكرة يعرف

#بقلم_مرفت_السيد 

وباليوم التالي بعدما استعدت الفتيات للذهاب الى بيت محمد خطيب لؤلؤة الي وصل بسيارته واستقبله فاروق وطبعا العربية مكنتش هاتكفيهم فسالم اصر ان سامي يوصل باقي البنات بعربيته

واتعرف سامي بمحمد وفضلوا يدردشوا ويضحكو سوا على قهوة سالم واتصااحبوا على بعض على ماالبنات تنزل 

ومحمد اصر ان سامي ييجي معاهم 

نزلت البنات انقسموا على السيارتين وطبعا كل واحد خطيبته جنبه وفاروق هو الي طلب منهم كدة

ودة اتسبب بسعادة لمحمد ولسامي الي كان ماشي ورا عربية محمد 

لحد ماوصلوا وقفت العربيتين قدام عمارة جميلة مدخلها شيك مقفولة ببوابة حديد وتحت العمارة صيدلية محمد 

محمد فتحلهم البوابةوطلعوا بالاسانسير لحد الدور الثالت

محمد قالهم اول دور دة مخزن الصيدلية والتاني دي شقة للضيوف

وانا شقتي الدور الرابع الاخير

ورن الجرس وفتحت الباب اخته رقية واستقبلهم عاطف ابو محمد  بكل ترحاب 

وبعدما دخلوا اجلسهم محمد وابوه بالصالون وبعد لحظات دخلت ام محمد وسلمت عليهم  والبنات جالسون بصمت وخجل  يستمعون لاحاديث الرجال فاروق وابو محمد ومحمد وسامي بشتى المواضيع 

شويةومحمد قالهم :اتفضلوا ياجماعة الغدا جاهز

جلسوا جميعهم على السفرة عائلة فاروق وسامي بجهة والجهة الاخرى فايزة ام محمد وزهرة ورقية اخواته وعلى راس السفرة عاطف من جهة ومحمد من جهة أخرى

#بقلم_مرفت_السيد 

قال عاطف : مش هاعزم ياجماعة دة بيتكم وانت ياسامي اعتبر ان محمد اخوك ماانتو عدايل

سامي:دة شرف ليا يادكتور

فايزة وهي تنظر الى لؤلؤة بغيظ:كلي ياحبيبتي اصلك نحيفة انتي واخواتك

لؤلؤة بابتسامة باهتة: احنا متناسقين كل بنت فينا طولها مناسب لوزنها ودة صحيا أفضل

زهرة: بس ال كيرفي أحلى

فيروزة: فعلا بس الكيرف لما يكون طبيعة جسمك بدون دهون او ترهلات

نظر محمد الى لؤلؤة باعجاب وقال: انا شايف ان خطيبتي  كدة جميلة

مما اشعل الغيرة بقلب الام والشقيقتان انا لؤلؤة فنظرت اليه باعجاب وابتسما لبعضهما وكذلك باقي شقيقاتها اعجبهن موقف محمد 

عاطف بمرح: طبعا مين يشهد للعروسة

فاروق كان يتابع بصمت وابتسم بفخر حين سمع رد بناته

رقية:على كدة مين فيكم مخطوبة غير دهب

فاروق:كلهم يابنتي عقبالك انتي واختك

فايزة:الله يعينك ياحج فاروق

عاطف :البنات رزق وربنا بيبعت رزقهم لابوهم من يوم ولادتهم

انتهوا من تناول الطعام واصطحبهم محمد وعاطف لرؤية الشقة

#بقلم_مرفت_السيد وبينما يشاهدونها انضمت اليهم فايزة وابنتيها 

قال محمد الى لؤلؤة :ايه رأيك في الشقة

لؤلؤة :حلوة

محمد :تحبي ندهن الوان إيه

لؤلؤة:على حسب الوان العفش انت بتحب الوان إيه

:لا العفش والدهانات على ذوقك

*عالعموم انا بفضل تداخل الالوان

:صاحبي عنده مكتب ديكورات بعد اذنك ياعم فاروق اخد لؤلؤة وسامي ودهب ونروح نشوف الديكورات والألوان وبكرة باذن الله هنختار العفش

فاروق:ماشي ياحبيبي اتفضلوا واحنا هنستناكم هنا

عاطف :لا احنا هنطلع السطح هانشرب الشاي فوق هايعحبكم اوي

وبالفعل صعد الجميع الى السطح وانصرف العرسان الاربعة الى مكتب الديكورات

وبعد ساعة عاد اربعتهم لينضموا الى الاسرتان فوق السطح

وبينما الجميع يتجاذبون اطراف الحديث قالت زهرة :ياترى اخترتي لون إيه

محمد:لون جديد كدة قطيفة وكل اوضة لون مختلف وهليها مفاجئة افضل

#بقلم_مرفت_السيد 

فايزة: ياترى يا لؤلؤة هاتكملي شغل

محمد:انا موافق انها تشتغل بعد الجواز

فايزة بعصبية:هوانت محامي عنها

انزعج محمد واحمر وجهه ونظرت البنات لبعضهن البعض فتدارك عاطف الموقف وقال بحدة:في إيه يافايزة انتي مالك ومالهم

فايزة بخوف:انا ماقولتش حاجة اصل محمد بيتكلم بالنيابة عنها

فاروق وهو يتجاهل ام محمد :نستأذن احنا يادكتور عاطف ا

بناتي عندهم شغل ودراسة الصبح بدري

عاطف :كدة بسرعة

فاروق:كفاية كدة 

محمد وهو ينظر لأمه بعتاب:انا هاوصلكم ياعمي 

بعد رحيلهم قال عاطف بعصبية لزوجته 'انتي ايه حكايتك مع عروسة ابنك

:بصراحة كدة انا مش عاوزاها

*وابنك عاوزها والبنت مفيهاش غلطة

:متكبرة هي واخواتها

*بقولك ايه قفلي وخلي ليلتك تعدي

اما محمد فقد اوصلهم واتفق على اختيار العفش بالغد واعتذر لفاروق:ارجوك متزعلش من أمي

فاروق:يابني انا مش زعلان اوعدني بس متعرضش بنتي لموقف بايخ

محمد:اوعدك وان شاء الله على ميعادنا بكرة بعد اذنكم

قال فاروق لابنته :ايه رئيك في حماتك

لؤلؤة  متقلقش يابابا محمد هايمنع اي صدام وأنا مش هاخليه يزعل هو وامه بسببي انا هاكون بحالي

فيروزة:بس ياترى هي هاتسيبك بحالك

دهب :متقلقوش لؤلؤة عاقلة وهاتحتوي الموقف

باليوم التالي اختار العروسان اثاث بيتهم والأجهزة الكهربائية

وكان اعجاب محمد بلؤلؤة يزيد مع كل موقف 

وباليوم التالي كانت عزومة سامي لعائلة فاروق

ولكن حدث مالم يكن بالحسبان

يتبع

9

باليوم التالي كان فاروق يشعر بالاجهاد الشديد ويتحامل على نفسه كي لاتشعر بناته ولحسن حظه كانو جميعهن بالعمل والدراسة

فاتصل بسالم كي يساعده بالذهاب للدكتور عصام

عاينه عصام وقال له بحزن: ياعمي الموضوع بقى صعب السيطرة عليه بالمسكنات

سالم:طب إيه العمل يادكتور

عصام:لازم يتحجز بالمستشفى

فاروق:لا لأ مش هاتحجز ولا حاجة اكتبلي مسكن قوي البنات كلها شهر وكل بنت تكون في بيتها لأ ارجوك يابني

سالم:بطل عند بناتك لازم يعرفو

#بقلم_مرفت_السيد 

فاروق:مش هايحصل مش هاكسر فرحتهم أبدا

ومع اصراره قال عصام:حاضر ياعمي هاديلك علاج اقوى بس لازمك راحة 

فاروق:ربنا يريح قلبك

اوصله سالم لمنزله وانصرف وجلس فاروق وهو يتألم فخطرت له فكرة فامسك بهاتفه واجرى بعض الاتصالات وكان يتحدث بصعوبة وبعدما انتهى كان سعيدا فخلد للنوم

ثم استيقظ قبل عودة بناته وهو يشعر بتحسن

فقام بتحضير الغداء وحضرت بناته تباعا وجلس  الجميع يتناولون الغداء ويتحدثون عدا فاروق كان شاردا

قالت فيروزة:شكلك كدة عاوز تقول حاجة يابابا

ماسة:ايوة انت سرحان كدة وشكلك بتفكر اوعى تكون بتحب

ابتسم فاروق :ياشقية بس فعلا انا عاوزكم بموضوع مهم

انا قررت اكتب كتابكم كلكم في يوم واحد وعرسانكم موافقين بعد اسبوع وبعدها تختارو عفشكم براحتكم معاهم وتوضبو الشقق الي هتتجوزو فيها

لؤلؤة :بسرعة كدة ليه يابابا

دهب:ايه الي بيحصل من ورانا يابابا

فاروق:اهدوا يابنات انا بس ضد ان واحدة منكم تخرج مع خطيبها حتى  لو لاختيار  عفش كدة كتب  الكتاب افضل

جوهرة بانفعال: ما تقولنا في إيه طيب وتريحنا

فاروق بعصبيه :مش عاوز معارضة الموضوع انتهى خلاص انا اتفقت مع رجالة واناادرى بمصلحتكم كدة كدة الفرق مش كبير بالمواعيد الي اتفقنا عليها 

ونهض ودخل غرفته واغلق بابها بعنف وجلس وهو حزين هو يعلم بانهن على حق ولكن ماباليد حيلة

وكذلك الشقيقات كن بحالة ذهول من تصرفات والدهم فاثرن الصمت 

بالمساء استعدت العائلة لزيارة بيت سالم

ااصطحبهم سالم وسامي  للمنزل القريب

استضافتهم ام سامي بسعادة ورحب اشقائه وزوجاتهم كذلك  بهم

قال سالم:نورتونا ياجماعة

#بقلم_مرفت_السيد 

 فاروق :تعيش ياسالم

سامي: تسمحوا تيجوا تتفرجو على شقتي انا من بكرة هاوضبها زي مادهب تحب

بعدما رأوا جميعهم الشقة قال سامي:عجبتك يادهب

دهب:حلوة بس انا...

قاطعها فاروق:مالك يابنتي قولي

سامي :ايه يادهب مالك

دهب بهدوء:بصراحة كنت فاكرة اننا هانسكن ببيتك  التاني

سالم:ايوة هو كان ناوي يوضب بيته بس الوقت ضيق

ام سامي:ياحبيبتي ماتخليكي هنا معايا

دهب :طبعا ياطنط انا هاكون معاكي  طبعا بس هناك قريب على شغلي وشغل سامي

فاروق:طالما هانكتب الكتاب هايكون في وقت للتوضيب يبقى سامي يوضب بيته ويسكنوا هناك افضل

سامي:بس دة محتاج وقت كبير انا شايف اننا نتجوز هنا واوضب هناك على مهلي وننقل ببعدها

سالم:إيه رأيك ياعروسة

دهب : ماشي مفيش مشكلة

سامي: انا معروف ان كلمتي واحدة يادهب

#بقلم_مرفت_السيد 

دهب :عارفة

فاروق: قولي لعريسك على الالوان والتوضيب الي تحبيه يابنتي

وبالفعل بدأت دهب باستشارة شقيقاتها وسامي بيوافق على كل كلمة تقولها وهو فرحان

انتهت الزيارة على خير وبمنزل فاروق  أخبر بناته  بان عبد الناصر عازمهم على الغدا  بكرة عشان فيروزة و ماسة يشوفو شققهم

وباليوم التالي ذهبت عائلة فاروق الى فيللا عبد الناصر الي كان باستقبالهم هو وزوجته وخالد وزوجته حسناء وعمر ويونس

وبعد الترحاب جلسوا بالجنينة وقال عبد الناصر: منورين ياقمرات على فكرة ياعرايسنا انا عامل لكل ولد دور لوحده عشان تكونو على حريتكم

نتغدا الأول وبعدها افرجكم فين الاكل ياحاجة

نظرت حسناء الى فيروزة وماسة وباقي أخواتهم بغيرة واشتعل قلبها حين قال خالد:هاتنورو الفيللا يابنات عمي

اما عمر فكان يشعر بسعادة لايدرك مصدرها بعد ان اجتمع به والده هو ويونس بالامس واخبرهم بتقديم موعد كتب الكتاب

فكان يجلس مبتسما عكس المرة السابقة وقال لفاروق: منورنا ياعمي انت وبناتك ثم قال لفيروز : على كدة يافيروزة مبسوطة بشغلك في الشركة الي انتي فيها

فاروق:لا واخدين منها موقف بس هي شاطرة وملتزمة فمحدش عارف يمسك عليها غلطة

#بقلم_مرفت_السيد 

عمر باهتمام:ليه كدة

فيروزة برقة:يعني اصل اغلبهم اجانب وانا بارفض السفر او التجمعات معاهم ودة مزعلهم مني بس الشريك المصري متنسك بيا

نظر عمر اليها باعجاب فقالت حسناءبخبث : ربنا يتمم على خير ان شاء الله نبقى اصحاب يابنات

فيروزة:بإذن الله

عبد الناصر:ياللا عالاكل ومش عاوز كسوف انا مش باحب العزومات دة بيتكم

كان يونس يضع الطعام امام ماسة ويقول:كلي ياماسة اتغذي كدة عشان تبقي بطة

مما جعل الجميع يضحكون من اسلوبه

بعد تناول الطعام اصطحب عبد الناصر الجميع الى شقة يونس وعمر

سالهم عبد الناصر:انا موضبهاعلى ذوقي لو في اي تعديل او تغيير قولوا يابنات

ماسة:بصراحة شقة يونس الوانها حلوة وديكوراتها عاجباني

فاروق:طب الحمد لله وانتي يافيروزة

فيروزة:نفس الكلام دة شغل مهندس ديكور وبصراحة ذوقها رقيق وحلو

ابتسم عمر :طب الحمد لله ان شغلي عجبك

فاروق:ماشاءالله عليك

فيروزة:بجد شغلك حلو اوي والالوان الباستيل بتعجبني

عمر:الظاهر ان ذوقنا واحد

عبد الناصر بسعادة:وبما ان الدنيا تمام كدة هاننزل بعد يومين كدة نختار العفش ايه رأيكم

فاروق:على بركة الله نستأذن احنا

عمر:تسمحولي اوصلكم

يونس:وانا راشق معاكم

اوصلهم عمر ويونس و انتهى اليوم على خير

وبالمنزل اخبر فاروق بناته بان غدا اخر يوم بالزيارات لرؤية شقة جوهرة وعصام الي اتصل بفاروق واصر على دعوتهم الى الغداء 

كانت الفتيات يهلدن للنوم وكل بنت مستلقية على  فراشها وبتفكر بخطيبها رغم موقف فاروق والسرعة الي بيتم بيها جوازهم الا انهم كانو حاسين بسعادة تغمرهم

 وفاروق ايضا مستلقي على فراشه وهو يدعو الله ان يمر يوم غد على خير

وباليوم التالي.........

ياترى هايحصل إيه 🤔🤔

يتبع

10

وباخر يوم بالزيارات وبالموعد المحدد اصطحب فاروق بناته الى فيللا عصام التي ورثها من أبوه

كانت الفتيات ينظرن الى الفيللا الفاخرة من الخارج ويندهشن من تواضع عصام

فقال لهم فاروق : متستغربوش ابوه الله يرحمه كان كدة متواضع

استقبلهم عصام من باب الفيللا الخارجي واصطحبهم الى الداخل مرورا بالجتينة وحمام السباحة حتى بهو الفيللا الواسع واحلسهم بالصالون وطلب من خادمه ان يأتي بالعصير

ابتسم عصام وهو ينظر الى جوهرة :نورتي بيتك

جوهرة:شكرا

عصام :يارب يعجبك

ماسة :دة يهوس يادكتور دة انا ممكن اتوه هنا

فاروق:ربنا يباركلكم وتملوه أولاد

قاطعهم وصول العصير فقال عصام وهو يقدمه لهم:على فكرة انا مجدد الفرش من فترة صغيرة بس اي حاجة هاتقولي عليها هانفذها فورا

شعرت جوهرة بالخجل واحمر وجهها

فاروق:بإذن الله ياحبيبي

عصام :طب ياللا ياجماعة اتفضلو شوفوا الفيللا

كانت الفيللا عبارة عن 3 طوابق بعدما شاهدوا الدور الارضي ثم الأول

قال لهم عصام:الدور التاني مش متجهز

فاروق:ايوة فعلا كان ايام الحج ابوك مهجور ومخزن هولسة مخزن صح! 

عصام بتوتر:لا انا نضفته من اي كراكيب وشايف انه مستقبلا ممكن ينفعنا بس حاليا مش فاضي لتوضيبه

#بقلم_مرفت_السيد 

فيروزة:عالعموم انتو عندكم 8 غرف 2 تحت و6 هنا اظن دة كافي جدا

ماسة:مااحنا كمان هانسكن بفيللا بس كل واحدة دورها شقة 5 غرف بس إحنا مساكين

ضحك الجميع وقالت دهب: لا مسكينة بجد

عصام:ايه ياجوهرة قوليلي عاوزة توضبي او تغيري حاجة

جوهرة: بصراحة لا انت عندك فرش لسة بورقه. متغلف وانا عاجبني الستايل والالوان

عصام بدهشة: يعني ذوقي عاجبك طب وانت ياعمي

فاروق:دة قراركم سوا

عصام :طب ياللا عالغدا بقى انتو اكيد جعانين

وبعدتناول الغداء طلب منهم الانتقال الى الخارج ليقضوا باقي يومهم امام البسين ويشاهدون الاشجار والورود التي  قام عصام بزرعها بنفسه

انبهرت جوهرة برقة عصام وبهدوئه وبعد انتهاء اليوم قام بتوصيلهم الى منزلهم

اجتمع الاب ببناته وقال لهم:دلوقتي اظن ان كل واحدة منكم راضية عن جوازتها وربنا كرمكم بعرسان محترمة و بيقدروكم

انا عارف ان فاضل ايام على كتب كتابكم ومتقلقوش انا هاامنكم وهاحفظ حقوقكم بس عاوزكم تكونو راضيين من قلبكم عن تصرفاتي الي انا عارف انها غريبة عليكم بالفترة دي

#بقلم_مرفت_السيد 

بس انا عملت كدة عشان ماتتلطموش من بعدي معاكم سلاح العلم والجمال ودلوقتي هايزيد عليهم السند لأن الراجل مهما كان هايحمي مراته ومفيش اسد مهما جاع بياكل مراته و اولاده انا لولا امكم بحياتي كان زماني ضايع عشان كدة غرزت فيكم قيمة الأسرة ويارب لو مت تفتكرونى بكل خير

بكت البنات وقبلن يديه ودعون له بطول العمر وأخبرنه بموافقتهن ورضاهن

مرت الأيام سريعا ووصلنا ليوم كتب الكتاب الي اقترح عليهم فاروق انهم يحجزو قاعة مناسبات اوبن

كانت الفتيات يرتدين 5 فساتين تشبه بعضها بلون اوف وايت لامع  كانت كل فتاة منهن يعانق الفستان جسدها بتاج صغير فوق رؤوسهن وبمكياج سواريه زادهن جمالا كان الجميع بحالة انبهار فكانوا يبدون كالحوريات

اتفق فاروق مع كل عريس على مؤخر كبير وقايمة كبيرة وبعد الاتفاق تم كتب الكتاب بأجواء هادئة والمدعوين اقتصروا على بعض الافراد من كل عائلة  وبعض الأصدقاء المقربين 

وتم الإحتفال وسط دموع فاروق وبناته تأثرا بالموقف

#بقلم_مرفت_السيد 

وبعدها ذهب جميعهم للعشاء باحدى المطاعم بجو مرح ومع اصرار كل اسرة على دفع ثمن العزومة تقاسم العرسان الفاتورة

انتهت الليلة الجميلة واوصل العرسان فاروق وبناته الى المنزل وسط زفة بالسيارات

وبمجرد صعودهن طلب منهن فاروق ان يجلسن فهو يريدهن بأمر هام

غاب بحجرته قليلا ثم عاد ومعه خمس حقائب قطيفة صغيرة وناول كل بنت حقيبة وقال:افتحوهم

ومع شعورهن بالدعشة فتحت كل واحدة الحقيبة لتجد جوهرة كبيرة او حجر كريم بلون عيون كل واحدة منهن لتزداد دهشتهم اكتر

فيروزة وهي تنظر لحجر كريم كبير باللون الازرق  

قال لها فاروق:دة حجر الفيروز الإيراني من اغلى واندر الأحجار لونه ازرق  • لمعرفة ما إن كان الفيروز حقيقيًا أم لا يمكن كسر جزء منه للكشف عن طبيعة لبه، ففي حال كان اللب أبيض اللون فهذا يعني أن القطعة مزورة ومجرد قطعة من البلاستيك المصبوغ

 وطبعا دة الي مامتك عينها وقعت عليه 

وهي حامل فيكي حافظي عليه واعرفي قيمته كويس لان قيمته زيك لاتقدر بثمن 

اما دهب فكان نصيبها عملة ذهبية عليها نقوش غريبة فنظرت الى والدها الذي سبقها وقال:دي عملة دهب نادرة من القرن ال15 كنت اشتريتها من بياع خردة وانا بانضفها وبالمعها كالعادة شافتها امك وهي حامل فيكي شايفة بقالها قد ايه ومازالت محتفظة بلمعتها وقيمتها بتزيد زيك يادهب

اما جوهرة فكان نصيبها جوهرة كبيرةلامعة بتعكس  اي ضوء حواليها فقال لها فاروق دة حجر الموسغرافيت من الجواهر النادر وجودها تشبهلك ياجوهرة نفس لون عنيكي ونفس صفاتك بتلمعي في اي مكان

اما لؤلؤة فكان نصيبها لؤلؤة كبيرة دائرية  داخل صدفة فقالها:عارفة طبعا لما بتخرج اللولوة من الصدفة بتعملنا احلى واغلى عقد خصوصا ان دي لؤلؤة طبيعية من الرخويات ودي لؤلؤة  من بحار الجنوب من ميانمار من أكبر اللاليء ويستحيل كسرها زيك يا لؤلؤة

اما ماسة فكانت ماسكة ماسة كبيرة لونها ذهبي مما اثار استغرابها فقال فاروق:دة ياماسة الماس شمبانيا متستغربيش دة من اغلى انواع الاحجار الكريمة الماسية الي لم تتم معالجتها تماما بطبيعته شبهك طبيعته غالية ومميزة

قال فاروق:  اظن كدة عملت الي عليا ووصلتلكم ورثكم مني فلوس والجواهر النادرة   حافظو عليهم وعلى بعض اوعوا في يوم تتغيرو انا باحبكم انتوو اغلى مافي حياتي تعالو في حضني

التففن حوله واحتضنوه  بكل حب ودموع فرح وتأثر

فاروق:ياللا يا عرايس على النوم  بس كل واحدة كدة تحيب بوسة وحضن كدة انا فرحتي بيكم مش عارف اوصفها

احتضنته كل واحدة منهن وقبل يديه ورأسه ووخلدوا للنوم بمنتهى السعادة والقلق بان واحد  فقد فاجئهم والدهم بالجواهر الثمينة الى ان غلبهن النوم ليستيقظن على مفاجئة أخرى 

ياترى إيه ......

😢😓😳🤧😔🤔🤔🤔🤔

يتبع

تكملة الروايةهنااااااااااا

اكتب في بحث جوحل( مدونة قصر الروايات) تظهر القصص كاملهق

تابعونا علي قناة التليحرام من هنااااااااااا

ليصلكم اشعار بالنشر

الرواية كامله من البداية من هناااااااااااا