رواية نقاء كامله بقلم ندي حسين
-انا متحمسه اوي يا سليم اشوف البيبي بجد،متعرفش كنت مستنيه اليوم ده وانك تكون معايا ونشوفه سوي
-انا مش عارف انتي مستعجله علي اي ما كنا هنشوفه لما يتولد وخلاص
-ممكن متقفليش اليوم وخليني مبسوطه كدا يلا
-يلا يختي
-وصلوا عند الدكتوره وفرح مبسوطه جدا شايف يا سليم
-هو ولد ولا بنت يا دكتور
-ولد ،الدكتور مركز جدا في الجهاز خلص كشف عليها وراح ناحيته المكتب انا عايزكم تعملوا التحليل ده وتجبهولي ضروري
-فرح بقلق:هو في حاجه يا دكتور
-لا ده زياده تاكيد وان شاء الله خير
-تمام
-تجيبه ضروري
-حاضر يا دكتور بعد اذنك
*مشيوا من عند الدكتوره وفرح قلقانه من كلام الدكتوره
-تفتكر يا سليم في حاجه
-ما قالتلك زياده تاكيد يعني ملوش لازمه قولتلك نصبر لحد ما تولدي
-استغفر الله العظيم خلاص يا سليم
***
تاني يوم عملت التحاليل وقالها بعد اسبوع هتطلع النتيجه
رجعت للبيت وقعدت تطمن نفسها وقررت مش هتقول لسليم عشان ميفضلش يزعق
عدى اسبوع حاولت تشغل نفسها ب اي حاجه
راحت جابت التحاليل وراحت للدكتوره
الفون بيرن: انتي فين يا فرح
-برا بشوف ماما وجايه
-ومعملتيش اكل ليه قبل ما تمشي
-جايه علي طول حاضر
-قفل الفون في وشها
**
اتفضلي يا مدام ادخلي
تمام
-ازيك يا مدام
-الحمدلله بخير دي التحاليل الي طلبتيها مني
-الدكتوره خدتها وشافتها وفرح متوتره
-ها يا دكتوره طمنيني
-تمام ،انا عايزه حضرتك أهدء عشان افهمك الوضع ابن حضرتك عنده متلازمه داون
-داون؟!
-ايوه ،انا شكيت من الاول لان صوابع رجله الي بانت في السونار مش ده الطبيعي ،الفرق بين الصباع الاول والتاني فيه مسافه ده الي خلاني اقولك علي تحليل الكرموسومات ده عشان نتاكد ونعرف نتعامل مع الوضع
فرح منهاره من العياط :طب اعمل اي
- ممكن تهدي ابن حضرتك مش مريض مرض موت ولا قولتلك عنده حاجات ميقدرش يعيش دي طفل ربنا حط فيه الروح بيختلف عن غيره في صفات معينه حرفيا بيبقوا ملايكه
- انا معنديش مشكله معاه اصلا بس خايفه عليه خايفه عليه من كل حاجه من المجتمع معرفش ابوه هيفهم الموضوع ولا لا
- ان شاء الله والده هيتفهم الموضوع ويتولد علي خير ويعيش وسطكوا بس لازم تتابعي اول بأول عشان دي معركه صعبه شويه مش بيدخلها غير القوي وانتي ربنا بيحبك
-شكرا يا دكتور بعد اذنك ،المره الجايه امتي
-زي معادنا كل مره
-ماشي سلام عليكم
***
وصلت البيت
سليم: اهلا بالهانم لسه فاكره ترجعي
دخلت الاوضه ومش بتتكلم
دخل وراها:ده اسمه اي بقي ده مش بكلمك
سليم اقفل الباب عشان انا اقسم بالله حتي مش قادره ارد
-في اي اتعدلي كلميني زي ما بكلمك
-وانا مش عايزه اتكلم دلوقتي
-اتعدلي كدا وقوليلي كنتي فين انتي مكنتيش عند والدتك زي ما قولتي انا كلمتها وقالتلي انك مروحتيش
-اه مروحتش
-اومال كنتي فين
-فرح بنفاذ صبر:كنت عند الدكتوره
-بردوا روحتي ومسمعتيش كلامي ،وقالتلك اي بقي
-قالتلي ان ابننا عنده متلازمه داون
-يعني اي ،ابني معاق
-لا لا متقولش كدا ،دي مش اعاقه ولا هو معاق ولا في اي حاجه دي حاجه بتحصل كتير وبيبقي السبب هو خلل في الكروموسومات
-انتي بتحللي اي
-انا مش بحلل انا بفهمك صح
-لا احنا هنروح لدكتور تاني
-هي الدكتوره حابت الكلام من عندها دي تحاليل وكشف
-بردوا بكرا هنروح للدكتور وساعتها نشوف بقي الموضوع ده
-يعني اي نشوف الموضوع مش فاهمه
-بكرا ربنا يسهلها وسابها وخرج
-كتمت صرختها في المخده وعيطت كتير اوي ،قعدت تفكر ذنبه اي يكون ابوه بالجحود ده،هو لسه مفهمش الموضوع ومش متقبله وبيعمل كدا اومال لما يتولد قعدت طول اليوم في الاوضه افتكرت كلام الدكتوره وقامت تصلي ونامت علي المصليه من كتر التعب
***
قومي يا فرح يلا البسي عشان منتاخرش علي الدكتور
صحيت وجسمها وجعها من النوم علي الارض قامت خدت دوش وصلت لبست وخدت التحاليل وخرجت
-اتفضل يا استاذ سليم
-اهلا بحضرتك يا مدام
-اهلا بيك يا دكتور اتفضل
-اي الموضوع بقي
-فرح لسه هتتكلم سليم قاطعها عايزين حضرتك تطمنا علي الجنين
-اتفضلي معايا يا مدام
-كشف عليها حالته مستقره
-اهو قولتلك ،الدكتوره دي اصلا مش مرتحلها وقولتلك مبتفهمش حاجه
-هو في اي
-ممكن يا دكتور تبص علي التحاليل دي وده تقرير الدكتوره
-الدكتور قعد يركز في التحليل طب تعالي كدا مره تاني ،كشف عليها تاني
-بالعكس الدكتوره دي ممتازه جدا وقدرت تشخص الحاله بدري عشان فعلا نتفهم الوضع ونفكر صح
-يعني اي يا دكتور ،يعني فعلا ابني عنده البتاع الي هي بتقول عليه ده
-اسمها متلازمه داون وده مش مرض خطير زي ما انت متخيل دي بتحصل كتير جدا والأطفال كلهم نعمه من عند ربنا ورزق وانت كدا بتعترض علي الرزق
-بس انا مش عايزه
-استغفر الله العظيم ،اهدي بس كل الي انت فيه ده توتر اهدي بس وانا هشرحلك الحاله
-شكرا يا دكتور ،يلا بينا
-فرح شكرا الدكتور وبصتله بأمتنان ومشيت
-سليم دخل البيت متعصب ورايح جاي في الصاله
-فرح سابته ودخلت الاوضه تغير هدومها ،دخل عليها بعصبيه ،انتي ناويه تعملي اي
-...
-ردي عليا بكلمك
-فرح بعصبية:انت عايز اي دلوقتي انا كدا صبرت كتير اسلوبك الي زي الزفت قدام الدكتور وكلامك السم ده عايز اي عشان نخلص
-تنزليه
-انت بتقول اي انا مش هنزله ولا هتخلي عنه سامع ولا لا
-لا هتنزليه ،انا مش عايزه ،انا مش هعرف اتعامل معاه مش هعرف
-انا هتعامل معاه وهربيه وهخليه احسن انسان في الدنيا وبكرا تشوف
-وانا قولتلك الي عندي
-وانا رديت عليه بردوا
-طب انتي كدا قدامك حلين لو منزلتهوش هطلقك
-فرح اتصدمت وكأن سكينه نزلت في قلبها ازاي هيتخلي عنها كدا ازاي بجد مبيحبش ابنه للدرجه
-سابها وخرج وهي قعدت مكانها كلامه بيتردد في ودنه هطلق ،تطلق لذنب هي ملهاش فيه ولا هي ولا ابنها
-سمعت صوته بيكلم ولدتها وبيهددها انها لو منزلتهوش هيطلقها
-فرح خرجت بكل غضب وانا عايزه اطلق ،ومش عايزاك جمبي عارف اول حاجه هعلمها ل ابني يكون ازاي اد المسئوليه ازاي بصبر ويتحمل ولما يتحط في حاجه ميهربش ويكمل للاخر
-سليم رد عليها بصفعه قويه على خدها
-دخلت لمت هدومها وخدت كل حاجتها ولبست وخرجت فتحت باب الشقه
-فرح
-وقفت وكأن شعاع امل بيتردد قدامها،لفت وشها
-انتي طالق !!!!
#ندى_حسين
#نقاء
-انتي طالق
-نزلت دمعه من عينها كانت محبوسه ،شالت شنطتها ورقتي توصلي علي بيت اهلي وقفلت الباب وراها ،مشيت في الشارع تعيط تفتكر كلام سليم وهو بيوعدها انه عمره ما هيسبها عمره ما هيعمل زي ما عمل بابها ويقف ديما جمبها وصلت بيت اهلها مامتها فتحت الباب اترمت في حضنها :احنا ملناش حظ في الرجاله يا ماما ملناش حظ خالص سليم سابني يا ماما عمل معايا نفس الي عمله بابا
-ادخلي يبنتي واهدي
-سبني ليه يا ماما هو ده مش ابننا احنا الاتنين ليه يا ماما عايز يتخلي عنه بالسهوله دي ،طب هو مش أد المسئوليه اتجوزني ليه ،طب ليه كان مستعجل ان احنا نخلف
-يبنتي حرام عليكي الي بتعمليه في نفسك ده لو حصلك حاجه دلوقتي وابنك ده غلط عليه العياط والي انتي عامله في نفسك ده
-اترمت في حضنها ،صعبان عليا اوي ،كان نفسي نكون اب وام سوين ويتربي وسطنا ونكون اول ناس تدعمه مش واحد جاهل يقول عليه معاق
-مسحت دموعها انا هربيه وهكون جمبه ديما انا وانتي ياماما هنكون مع بعض زي ما عدينا حاجات كتير وحشه سوا ،هنعدي ده كمان سوي ،خليكي جمبي يا ماما عشان خاطري
-انا جمبك اهو يحببتي احنا مخلوقين عشان نبقي ديما مع بعض يا فرح الحمدلله على كل حال يبنتي
-الحمدلله الحمدلله نامت علي رجليها من كتر التعب والعياط
-ناموا سوي علي الكنبه لحد الصبح
****
-اصحي يلا يا فرح عشان تاكلي يلا ،يلا يحببتي الاكل هيبرد
-فرح قامت بتعب غسلت وشها عشان تفوق وقعدوا كلوا سوي وفرح عملت الشاى وخدت علاجها وقعدت مع مامتها في البلكونه
-قوليلي بقي يبنتي براحه الدكتوره قالتلك اي ولا اي هو ده
-فرح سردت ليها الموضوع وقالتلها الي حصل ،بس يا ستي ف انا هروح ل الدكتور تاني واشوف هنعمل اي واتابع ازاي ولازم اعرف كل حاجه عشان اربيه صح وابقي معاه خطوه بخطوه
-المعركه دي كبيره بس انتي ادها
-ان شاء الله ادعيلي يا ماما اكون الام الي تستاهل بجد نعمه زي دي
-انا واثقه فيكي انك هتربيه احسن تربيه
-المهم اني لازم انزل ادور علي شغل عشان احنا محتاجين فلوس
-معاشي يبنتي موجود خدي منه
-مش هيكفي يا ماما
-بكرا بأذن الله انزل ادور علي شغل وربنا يرزقني
-ربنا معاكي يبنتي ،خدتي علاجك
-ايوه الحمدلله
-طب ادخلي ريحي شويه بقي
-حاضر ،شويه وجايه وراكي
-قعدت تعمل سيرش عن الحالات الي زي كدا وبيعملوا اي وبيعلموهم اي قعدت تسمع كتير محستش بالوقت غير والمغرب بيأذن قفلت الفون ودخلت تصلي وتدعي ربنا ان يساعدها ويقويها ويصبرها عشان تقدر تكمل
****
في صباح اليوم التالي
فرح:انا نازله يا ماما عايزه حاجه
-خلي بالك علي نفسك
-حاضر
-نزلت قعدت تدور علي شغل وسألت في أماكن كتير ،راحت علي المدرسه الي كانت بتتعلم فيها وهي صغيره سلمت علي المدرسين وكان حظها لقت المدرس المفضل ليها بقي المدير سلمت عليه بأمتنان وعرضت عليه انها تشتغل ورحب جدا بالموضوع مؤمن جدا بشطارتها وادائها العالي في اي حاجه بدخلها ،روحت مبسوطه جدا ورجعت تفرح مامتها ،بتخبط علي الباب لقت راجل طالع علي السلم وبيسأل فين بيت فرح نصر
-اتفضل انا فرح نصر
-اتفضلي الجواب ده ليكي امضي هنا مجرد اثبات بس انك استلمتي
-تمام
-اتفضل
-شكرا ،دخلت البيت وسلمت علي مامتها وبتفتح الجواب لقت ورقه طلاقها
-عنيها دمعت مسحت دموعها هناكل اي يا ماما
-فيها اي الورقه دي
-ورقه طلاقي سليم بعتها ،حتي محاولش يصلح حاجه ،كفايه المهم يلا ناكل عشان احكيلك اي الي حصل
-مامتها حاولت تندمج معاها في الكلام عشان عارفه فرح اد اي موجوعه وبتتجاهل الشعور ده
-بس يستي وهدي دروس في المدرسه ،لازم اشوف شغل تاني من البيت بقي عشان ده مش هيكفينا
-يبنتي كدا بتتعبي نفسك اوي
-لا شغلانه المدرسه مش متعبه زي ما انتي متخيله ،بس فعلا الفلوس مش هتكفي
-طب مش بتفكري تاخدي حقك من جوزك ،كل حقوقك منه هو ملزم يصرف علي ابنه ونفقتك وكل ده حقك
-مش عايزه حاجه منه ،خليه بعيد كدا احسن،مش عايزه ابني لما يجي يتعقد ويلاقينا وافقين قصاد بعض في المحاكم مش عايزه حاجه خالص انا احتسبت كل ده عند ربنا
-ربنا يريح قلبك يبنتي
-انا هدخل اصلي ،وقلب علي النت كدا اشوف اي شغل وانام
-محتاجه حاجه
-لا يحببتي ادخلي ارتاحي
-قضت فرضتيها وعملت سيرش كتير وبعتت لناس كتير ومحدش بيرد عليها ،يارب يسرلي الامور يارب ،بصت علي الورقه من بعيد تاني والحسره في قلبها بتوجعها ،استغفرت ربنا ونامت مستعده للشغل الجديد
***
قامت بحماس راحت الشغل ،وخلصته علي اكمل وجه وكملت دروس وروحت عملت الغدا لمامتها وكلوا سوي وفتحت الفون لقت حد من الي بعتتله للشغل رد عليها واتقبلت فعلا وظبطتت معاه الوقت الي هتمسك فيه الصفحه وترد علي العملاء وحياتها بقت مستقره الي حد ما بين المدرسه والشغل الاونلاين وبتابع مع الدكتوره ،حاولت تتجاهل شعور الوحده الي محاوطها ديما وهي بتروح للدكتور وترجع لوحدها تهتم بكل تفاصيل ل ابنها بتحاول علي اد ما تقدر تيسر ليه الحياه الي هيعشها
-عدت شهور وهي علي نفس الروتين لحد ما قرب ميعاد ولادتها
-للاسف انا مش هعرف اولد هنا ،المستشفي هنا تكالفها كتيره ،انا هولد في حكومي واول ما اولد هخلي ماما تجيب الولد علي هنا علي طول ونتابع هنا علي طول
-انتي كدا هتتعبي
-لا انا عامله التأمين الصحي وان شاء الله كله هيبقي تمام ،انا مقدره انك عايزه تساعديني بس ما باليد حيله
-قوليلي بس المستشفي الي هتولدي فيها وانا هجيلك بنفسي
-يا دكتور متتعبيش نفسك
-لا مفيش تعب انا هبقي جمبك لحد ما تقومي بالسلامه ونطمن علي البيبي ونعمله كل الفحوصات اللازمه من اول ولادتها
-فرح بأمتنان:انا مش عارفه اشكر حضرتك ازاي
-مفيش شكر ولا حاجه انتي تستاهلي كل خير ،رقمي معاكي كلميني في اي وقت وانا معاكي
-تسلمي بجد يا دكتور الف شكر
-**
دخلت البيت وكانت مبسوطه ان ربنا بيوقفلها الناس دي كلها وعايزين يساعدوها من غير مقابل
- اي يا فرح الدكتورة قالتلك اي
- هتيجي معايا المستشفي وانا بولد
- ربنا يقومك بالسلامه يبنتي ان شاء الله
- اللهم امين
*****
استأذنت وخدت اجازه من الشغل ،عشان تستعد للولاده
-يوم الولاد خدت شنطتها وكل الي هتحتاجه وكلمت الدكتوره تاكد عليها الميعاد ،وخرجت هي ومامتها رايحين المستشفي
-وصلوا المستشفي وقعدت مستنيه الدكتوره وباين عليها التعب ولقت ستات كتير حامل وكل واحده معاها جوزها الي بيساعدها تقوم وواقف جمبها والي قلقان علي مراته بتولد
-مسكت ايد مامتها جامد ومسحت الدموع في عينها ،طبطبت عليها مامتها وخدتها في حضنها
-الدكتوره وصلت دخلت اوضه العمليات ومامتها مستنيها برا
-بعتت رساله لسليم *مراتك بتولد في المستشفى* وقفلت الفون بسرعه
-قعدت تقرأ قرآن وتدعي لبنتها
-الممرضه خرجت تطمنها وادتها البيبي ،نقلوا فرح ل اوضه عاديه ،خدوا البيبي يحطوا في الحضانه لحد ما الدكتوره تشوفوا
-دخلت الاوضه لبنتها وقعدت جمبها لحد ما تبدأ تفوق
-شوفتي البيبي يا ماما
-ايوه يبنتي مشاء الله عليه
-جميل اوي يا ماما عيونه مسحوبه وعنده شعر وشكله ملاك الحمدلله يارب الحمدلله
-الحمدلله يبنتي ،هتسميه اي
-عبدالرحمن
-حلو اوي يبنتي ربنا يحفظه ويبارك فيه
-يارب
-هي فين الدكتوره
-قالتلي جايه
-ماشي
-سندت علي المخده دماغها والباب فتح و...
#ندى_حسين
#نقاء
-سندت علي المخده دماغها والباب فتح و..
-سليم !!،اي الي جابك
-امك بعتتلي رساله بتقولي انك ولدتي
-فرح بصت لوالدتها ،والله يبنتي قولت يجي يطمن عليكي ويقف جمبك
-يعني لولا هي بعتت الرساله مكنتش جيت
-وانا هعرف منين
-اه صح ،اديك جيت اي الي هيتغير ،معندكش رد صح ،وجودك ملوش لازمه شكرا علي الواجب اطلع برا يا سليم
-سيبيه يبنتي يشوف ابنه
-ابنه !!! ضحكت بتعب ،هو اصلا مسألش عليه ،ولا اهتم الفتره الي فاتت حتي يسأل علي عليا ولا كأن بينا عيش وملح ولا حاجه خالص ما صدقت ،انت عايز تشوفه فعلا .....
-ودت وشها الناحية التانيه ..،بردوا مش هيرد ،روح ما كان ما جيت يا سليم ،امشي مش عايزه اشوفك
-خرج من الاوضه ،ليه يا ماما عملتي كدا ليه
-عشانك
-بس انا مش عايزه ،حتي وجوده مبقتش حابه ،عشان خاطري متعمليش حاجه من غير ما تقوليلي
-خلاص يبنتي حقك عليا ارتاحي
-دخلت عليهم الدكتوره تطمن علي فرح
-عامله اي دلوقتي يا فرح
-الحمدلله يا دكتور
-شوفتي عبدالرحمن
-خلاص استقريتي علي الاسم
-ايوه
-ايوه يا ستي شوفت عبدالرحمن وزي القمر ،دلوقتي هجبهولك تحاولي ترضعيه وهنشوف هيستجيب ولا لا
--هو ممكن ميرضعش مني
--ممكن منسبقش الاحداث ونسيبيها علي الله ،كل خطوه لازم تسبيها علي الله
-ونعم بالله
-هروح اجبهولك بقي
-خرجت الدكتوره تجيب الطفل ،فرح خدته منها عنيها دمعت وابتسمت فضلت تردد مشاء الله مشاء الله ،شايفه يا ماما حلو ازاي مناخيره صغيره وعينه مسحوبه وشعره ناعم فتحة بؤقه صغيره خالص وصوابعه جميله ازاي كل حاجه فيه حلوه مشاء الله
-ايوه يبنتي ،ربنا يباركلك فيه ويحفظه يارب
بدأت تحاول ترضعه ،مش بيستقبل منها ،قعدت تحاول كذا مره والطفل مش بيستجيب منها
-فرح بخضه:مش راضي يا دكتور
-اهدي عادي جدا عضمهم بيبقي ضعيف ده طبيعي
-احنا هنحاول تاني ،هجبلك ببرونه تحاولي علي اد ما تقدري تمليها ونحاول نرضعه منها
-تمام
-والدتها خرجت تجيب ببرونه ورجعت ،فرح حاولت علي اد ما تقدر تملها وتحاول معاه
-الدكتوره خدته منها وحاولت معاه وبدأ يستجيب ببطئ شديد
-خدي دي خليها جمبك
-هو لحق
-كدا كويس اهو الحمدلله رضع شويه وده ممتاز جدا ،في اطفال تانيه بتاخد صناعي ف الحمدلله
-الحمدلله
-انا هخده دلوقتي واعمله شيك اب كامل عليه وهخلي الدكتوره تكتبلك كل التقارير ،ونشوف بقي رحله العلاج هتبدأ ازاي،الي عايزاه منك دلوقتي انك ترتاحي وتطمني لانك لسه هتتعبي معانا شويه
-ان شاء الله خير
-شكرا يا دكتوره ،مش عارفه اقولك اي بجد
-متقوليش حاجه وارتاحي ،ده واجبي
خرجت وفرح اطمنت شويه وهديت وراحت في النوم
****
الدكتوره بتعمل فحوصات كامله للطفل وبتكشف علي جسمه كامل وتكتب في التقرير،عملوا تحليل كروموسات تاني يتاكدوا نوع المتلازمه اي
*عدي اسبوع علي الفحوصات والكشف وفرح في المستشفي ،بتحاول ترضع عبد الرحمن وتشيله لحد ما الدكتوره تيجي تاخده
-حمدلله علي سلامتك ده احنا بقينا زي الفل خالص اهو
-الحمدلله البركه فيكي
-لا ده انتي الي روحك حلوه عشان كدا بترجعي اقوي وبسرعه
-ربنا يكرمك يارب
-يلا اجهزي ومستنياكي في المكتب
-حاضر جايه وراكي ،سابت عبدالرحمن لوالدتها ودخلت للدكتوره
-تعالي اقعد
-خير طمنيني اي الاخبار
-طبعا بناء علي التحاليل والفحوصات الكامله الاسبوع ده كله ابن حضرتك عنده متلازمه داون ثلاثيه وده الحمدلله النوع الاكثر ظهور
-طب الحمدلله
-احنا عندنا مشاكل في الغده وده الي هنبدا فيه العلاج عملنا سونار علي مناخيره عضم الاذن والانف صغيرين وده طبيعي لحالته ،الحمدلله بعيد عن امراض القلب في اطفال بتتولد بأمراض القلب بس ابن حضرتك بعيد عن الحته دي الحمدلله ،طيب الي انا قولتله ده كله هيتابع وهيتعالج مع تيم كامل من الدكاتره تاهيل وعلاج ،وجلسات تخاطب وكل حاجه وده هيساعدنا جدا بعد كدا لو بدأنا بدري ومن دلوقتي
-وانا مطلوب مني اي
-حضرتك نمو ابنك هيكون مختلف شويه عن الاطفال دون المتلازمه ،يعني هيتأخر شويه في ان يقعد ويمشي والكلام بس مش معني كدا مش هيتحرك بالعكس زيه زي الطفل العادي بالظبط لانه بيبقي عنده ارتخاء شويه في العضلات عشان كدا لقينا صعب انه يعرف يسحب من صدرك اللبن
-مطلوب منك تعمليله تحليل الغده كل ست شهور عشان نشوف الحاله مستقره ولا لا ويكبر شويه هيبقي كل سنه،بعد كدا لما يكمل ٣ سنين هنعمله اشعه X-ray علي الرقبه ،تحليل سكر ،ونعمله تحليل حساسيه القمح عشان دي برضو امراض مناعيه لازم ناخد بالنا منها ،انا كتبتلك كل حاجه في الورقه دي سن كذا هنعمل اي
-طبعا انتي ممكن تتخضي من كم الحاجات بس فعلا حاله عبدالرحمن كويسه جدا بس لازم المتابعه اول بأول وده بيحسن من حالته جدا ،اللعب مهم جدا معاه بيعمله مرونه عضلات ينتبه اسرع يخليه اجتماعي ،اول ما نعدي المرحله دي ،هبدأ اقولك ندخل علي الي بعدها ازاي ،هي اول مرحله صعبه بس متقلقيش كلنا معاكي وهنساعدك ،احنا موجودين عشان نساعدكم ده واجبنا
-يارب بجد ،بس....
#ندى_حسين
#نقاء
-بس تفتكري انا هقدر اكمل كل ده لوحدي
-كل ما تيأسي افتكري ان ربنا بيختبر كل انسان وعارف يقدر يتحمل اد اي ،وانتي قويه وانا واثقه من ده جدا
-شكرا يا دكتور
-بس انتي مش محتاجه تشكريني انا معاكي ديما ورقمي معاكي وهستناكي متابعه كل شهر
-حاضر تسلمي ،مع السلامه
-خرجت من عند الدكتوره وطلبوا عربيه عشان يرجعوا البيت ،طول الطريق فرح بتفكر هتعمل اي وهتجيب فلوس العلاج منين وهل هتقدر تعمل كل ده لوحدها ولا هتقصر هتعرف تربيه صح ولا لا سليم هيسبها في حالها ولا كل شويه هيضايقها خدت نفس عميق وردتت *ان مع العسر يسرا*،دخلت البيت وشالت عبد الرحمن ترضعه ونام فضلت مركزه معاه وهو نايم وابتسمت مشاء الله
-في ناس قرايبنا جاين النهارده يا فرح عشان يباركلولك وخالك جاي
-يجي ينوروا ،هدخل اخد دش قبل ما عبد الرحمن يصحي
-ماشي حببتي
-خدت دوش وصلت وبصت علي الورقه الي الدكتوره ادتهلها وظبطت التواريخ علي التيلفون عشان متنساش وكتبت كل وقت تروح فيه للدكتور ،قطع تفكيرها خبط الباب
-خرجت سلمت علي قرايبها وقعدت معاهم
-اومال فين عبد الرحمن
-نايم يا طنط ثواني اجبهولك
-دخلت جابته واديتهلها وفرح لحظت تعبيرات وشها من فرحه ل استغراب
-اه مشاء الله ربنا يخلهولك
-خدي شيليه
-لا يحببتي خليه معاكي ليصحي ،ربنا يعوض عليكي
-يا عوض عليا ،ليه ان شاء الله هو ماله
-معرفش ،بس الاطفال الي زي كدا بيبقوا تعبانين
-لا ابني مفهوش حاجه وزي الفل
-هاتي يا فرحه اشيله انا
-اتفضل يا خالو
-شاله وكان مبسوط بيه وحطله فلوس وبارك ليها ومشيوا
-مالك يا فرح
-مفيش يا ماما كويسه
-طب تعالي هنا مره
-مش قادره صدقيني
-اجي انا
-راحت قعدت جمبها وحضنتها ،فرح عيطتت كتير
-يارب يا ماما اقدر اعمله كل حاجه ومقصرش
-هتقدري والله هتقدري
-خايفه ابقي لوحدي
-انا معاكي ومش هسيبك
-مسكت ايديها،متسبنيش خليكي معايا عشان خاطري
-مسحت دموعها ،مش هسيبك
-نامت علي رجليها من التعب ،سندت راسها علي المخده ،وقامت شالت عبدالرحمن عشان صحي وأكلته وحاولت تبعد شويه عن فرح عشان متصحاش ،صحيت فرح علي صوته خدته من والدتها
-روحي يا ماما نامي انتي وانا خلاص صحيت
-ماشي حببتي ،تصبحي علي خير
-وانتي من اهله
-تعالي يا عبدو ،اكلته واديته الدواء وقعدت تضحك معاه وتصوروا لحد ما نام ،مسكت الفون شافت شغلها وخلصت وصحيت الصبح سابت اكل عبدالرحمن والدواء ونزلت المدرسه ،حاولت تنجز شغلها علي اد ما تقدر عشان تلحق ترجع وتكلم مامتها تطمن علي عبد الرحمن
-دخلت البيت لقت والدتة سليم قاعده مستنيها
-اهلا ازيك يا طنط
-اهلا
-لسه راجعه يعني وسايبه ابنك يعني بس شاطره بس تحطي اللوم علي ابوه وتمنعيه يشوف ابنه
-ماما لو سمحت دخلي عبد الرحمن جوا غلط يسمع الصوت العالي
-سيبك من امك دلوقتي انا بكلمك
-لو سمحت يا ماما
-حاضر يا بنتي
-بتقولي اي بقي يا طنط ،انا مخلتهوش يشوف ابنه ،اه بس الي انتي متعرفهوش ابنك الي ساب ابنه قبل ما يتولد ومشي ،تعرفي هو طلقني ليه ،عشان منزلتش الواد
-ما هو حقه يجيب عيل معاق يفضل يصرف عليه ليه وفي الاخر يموت
-وهو مش اد الجواز والخلفه بتيجوا لبيوت الناس ليه ،ومجاش هو ليه اصلا بكل جراءه كدا يقولي عايز اشوف ابني ،ابني عامل اي دلوقتي ،جايه بتتكلمي علي اساس اي انتي
-احنا غلطانين الي يوم ما فكرت اجوز ابني ،جوزته لواحده ملهاش اصل ولا نعرف ابوها فين ولا اهلها ملقناش غير امك
-فرح وشها احمر وجسمها بدأ يتشنج بتفتكر ماضي عدي عليه اكتر من ١٥ سنه في كلمه واحده اتقالتلها حاولت تتكلم والكلام مهزوز :تعرفي يا طنط انتي علمتيني حاجه دلوقتي حلوه اوي ،عرفت ان الاصل مش العيله والاب والام واللمه ،اصل في تربيه البني ادم واحترامه وطريقه كلامه مع الناس ومشاء الله سليم مطلعش جابها من برا
-انتي واحده قليله الادب
-وانا مش حابه اسمعك اكتر من كدا ،وخلي عندك ذوق شويه لانك في بيتي
-بيتك !
-اه الي انتي واقفه فيه حالا
-انا هاخد ابنك وبالقانون
-بجد ،يبقي وفرتي عليا جامد في المصاريف وحق التحاليل والعلاج بدل منا متمرمطه كدا وبروح الشغل وباجي ،اهو حق ابني بردوا
-بكرا هوريكي
-بتقولي حاجه عشان مش سامعاكي
-قفلت الباب وراها جامد ،وفرح نظمت نفسها عشان متعيطيش*متعيطيش يا فرح متعيطيش هي مشيت ومش موجوده ،انتي كويسه وابنك جمبك متعيطيش *
-مامتها خرجت من الاوضه بعد ما نيمت عبدالرحمن ،خدتها في حضنها سامحيني يا بنتي انا السبب ،انا لو كنت اختارت من الاول صح مكنش زمانا بنتعاير بيه دلوقتي
- فرح انهارت :ليه يا ماما بدفع حق غلطه مش غلطتي ،ليه مفكرتش ثانيه في وجعي ،فتحت جروح حاولت اقفلها علي اد ما اقدر واكمل
-هي في ناس كدا يبنتي * ثُمَّ قَسَتْ قُلُوبُكُم مِّن بَعْدِ ذَٰلِكَ فَهِيَ كَالْحِجَارَةِ أَوْ أَشَدُّ قَسْوَةً ۚ*
-بكت كتير في حضن مامتها والدتها بتحاول تهديها *يارب*
-يبنتي كفايه قطعتي قلبي كفاياكي كدا ابنك هيتعب انتي بترضعي والزعل وحش عشانك كفايه ،ربنا يباركلك في عبدالرحمن ويبقي ابن بار وسند ليكي في كل وقت ،ادخلي غيري وخدي دوش وتعالي ناكل سوي
-ماشي ،دخلت الحمام وقعدت تعيط كتير ،افتكرت وهي بتنادي علي ابوها وماسكه إيده لاخر مره وبتترجاه ميمشيش
-فلاش باك :ابوس ايدك متسبنيش ،عشان خاطري متسبنيش لوحدك ،زقها بعيد اوعي بقي زهقت منكوا انتي وامك همشي ومش هرجع تاني مش عايز اشوفكوا ،طب اقعد وانا مش هطلب منك حاجه ولا عايزه حاجه يا بابا بابا *حطت ايديها علي بؤقها تكتم صريخها والمايه تحاول تهديها مسحت دموعها وقفلت المايه خرجت لبست وصلت ،هديت شويه ،لقت عبد الرحمن صحي خدته اكلته ولبسته عشان تنزل تعمل التحاليل وتكشف عليه
-نزلت هي ووالدتها عملوا التحاليل ،وكشفت عليه والدكتوره طمنتها
-ولدتها عزمتها علي اكل برا وقضوا وقت لطيف مع بعض وروحوا
-******
بعد اربع سنين من الحياه الروتينه ما بين شغل فرح الي بدأت توسعه اكتر وتنزل تشتري لبس وتبيعه وبدأت تدي دروس اونلاين وبدأت تقضي وقتها في البيت اكتر بعد عبد الرحمن ما كبر شويه ،بداءت في التحاليل بتاعت ٤ سنين وجلسات التخاطب وقراءه قصص وبتتكلم معاه اكتر وتعرفه حاجات جديده ومهارات جديده وعبد الرحمن الي بدأ يتكلم كلامه تقيل شويه بس بيعرف يعبر علي الي جواه وارتباطه بفرح بقي اكتر ،بدأ يساعدها في اي حاجه تعملها ويعبر ليها عن حبه لما تخرج وترجع يحضنها ويحكلها ساعد جدته ازاي ونهايه الكلام يقولها *I love you mam*
علمته لما حد يجي جديد يقول *you're welcome*
بداءت تشجعه يصلي حتي لو هيعمل نفس الحركات الي هي بتعملها
******
-انا بفكر اقدمله في حضانه يا ماما
-استني شويه يا فرح
-اربع سنين كويس اهو ،والدكتور قالتلي اصلا ان ده مفيد جدا ليه ويشجعه يبقي اجتماعي اكتر
-طب خلاص اتوكلي علي الله وروحي
-ان شاء الله هروح بكرا
*****
تاني يوم لبس وخدته معاها ،دخلت للمديره وفهمتها حالته وان لاززم يتعاملوا معاه براحه وميحسسهوش بالاختلاف ويتعامل زي الاطفال العاديه ويندمج معاهم ،جابت اللبس وخدته جابتله شنطه وشوز وكان مبسوط بيهم جدا ،جابتله عصير،اشترتلوا قصه جديده، وروحوا سوى
قعدت تلعب معاه طول اليوم وجابتله صاحبه جارهم يلعبوا سوي باللعب بتاعته ،دخل ينام بدري متحمس للحضانه واللبس الجديد
******
حضرتله الاكل ولبسته وبتعلمه يربط الشوز لوحده ،نزلته يركب الاوتوبيس ،بداءت تنجز في شغلها قبل ما يرجع عشان تسمعه عمل اي وخد اي وتساعده اكتر يتكلم معاها ،حضرت الغدا ونزلت تاخده من الاوتوبيس وكان فرحان جدا
-حضنها:وحشتيني
-وانت كمان يحياتي ،يلا نطلع واحكيلي عملت اي
-دخل سلم علي جدته وفرح بتعلمه يجي يغير هدومه ويصلي ،حضرت الاكل وقعدت تسمع عمل اي النهارده ولعب مع مين واتعرف علي ناس جديده ولا لسه ،قعدوا يرسموا سوي
-فرح اطمنت عليه في الحضانه اكتر ولقته فعلا بيستفيد والدكتوره اكدتلها ده ،فرح مستمره في عمل التحاليل اللازمه وماشيه علي العلاج مظبوط وشايفه ان فيه تحسن
*****
-عايزه حاجه يا ماما ،انا داخله اصور الحلقه بتاعت النهارده
-لا يبنتي روحي ألحقي
-دخلت الاوصه وسابت تيلفونها برا ،ةبداءت تصور الحلقه ومركزه في الشرح والفون بيرن برا
-والدت فرح خرجت علي صوت الفون الي مش مبطل رن
-نادت علي فرح وافتكرت انها بتصور الحلقه ومش هتسمعها
-الو سلام عليكم
-وعليكم السلام معايا والدت الطفل عبد الرحمن
-ايوه خير
-عبدالرحمن اتنقل المستشفي و...
#ندى_حسين
#نقاء
#متلازمة_داون
-الو سلام عليكم
-وعليكم السلام معايا والدت الطفل عبد الرحمن
-ايوه خير
-عبدالرحمن اتنقل المستشفي
-فرح خرجت علي الصوت ،عبدالرحمن ماله
-بتقولي في مستشفى...
-خرجت بسرعه مستنتش تعرف الباقي ،فرح يا فرح استني البس واجي معاكي
-وصلت للمستشفى ،ابني عبدالرحمن فين
-ثواني يا فندم اشوفلك
-اخر الطرقه يمين
-وصلت الاوضه ولقته قاعد علي السرير ومربوط شاش حوالين راسه
-جريت عليه حضنته وعيطت ،اسفه حبيبي حقك عليا ،حصلك اي
-طفل معاه في الحضانه وقعه من علي المرجيحه وخبطته
-ليه كل ده ،وانتو كنتو فين ،سلوك الطفل ده مسئوليه مين
-عبدالرحمن مسك ايديها ،عايز اروح البيت
-حاضر حبيبي
-انا بكرا ليا معاكم كلام تاني ،والي حصل ده مش هسكت عليه
-شالته ووقفت تاكسي وروحت علي البيت طول الطريق خدته في حضنها وبتتوعد للي عمل فيه كدا
-دخل البيت ،حضن جدته وبيوريها الجرح
-الف سلامه عليك حبيبي ،متخافش
-هيضربتي تاني
-فرح جابتله عصير ،خد يا يحبيبي اشرب
-مش عايز ،عايز انام حطت ايده علي الجرح ،بيوجعني
-اشرب بس العصير عشان تاخد الدواء وهخليك تنام
-شرب العصير بعد اصرار فرح وأداته الدواء بتاعه ورقد علي رجليها نام من التعب
-الحمدلله يبنتي ربنا سترها
-الحمدلله،بس مش هسكتلهم وهروح معاه بكرا واجيب الولد ده لازم افهم في اي
-يبنتي خلاص
-لا يا ماما لازم يتعلم يجيب حقه ازاي وميسبهوش ،عشان هيتعرض ل اكبر من كدا
-الي يريحك
-بصت لعبدالرحمن الي باين عليه التعب وبتتوعد للي عمل فيه كدا
*في صباح اليوم التالي
-يلا يا عبدالرحمن ألبس
-لا .... انا م ش هروح خالص
-خدته في حضنها ونزلت لمستواه حبيبي احنا مينفعش نخاف من حد ،احنا بنخاف من ربنا بس ومحدش يقدر يعملنا حاجه ولازم نعرف ندافع عن نفسنا ،احنا هنروح نشوف الولد ده عشان يتعاقب عشان ميتعرضش ليك تاني
-انا بحب كل صحابي ،هو الي مش بيحبني ،بيقولي شكلي يخوف،ومامته قالتله ميلعبش معايا ،ه ه و انا و ح ش يا ماما
-حضنته جامد،حبيبي ربنا مبيخلقش حد وحش ابدا وانت جميل جدا يا بودي في حد حلو كدا عيونه جميله وشعره جميل كدا ويقول علي نفسه وحش ده انت تتاكل اكل يولا قعدت تضحك معاه وتزغزغه
-لبسته ونزلوا راحوا الحضانه ،دحلت للمديره واستنتها
-ازيك يا عبدالرحمن النهارده
-الحمدلله
-عايزه اعرف ازاي ابني يحصل معاه كدا في حضانه كبيره زي دي
-احنا بنتأسف لحضرتك جدا علي الي حصل وفعلا المدرسه الي كانت معاهم خدت جزء
-المدرسه تاخد ليه ،فين الطفل
-احنا هنعاقب الطفل بالفعل
-لا انا عايزه الطفل دلوقتي ووالدته ،واظن ان ده حقي
-حاضر يفندم ،بعتت للطفل تجيبه ،وطلب والداته علي الفون عشان تيجي
-دخلوا الطفل ،وبص لعبدالرحمن بخوف
-سيف،انت ضربت عبدالرحمن ليه لدرجه انك تفتح دماغه
-انا انا معملتش حاجه هو مكنش راضي يقوم من علي اللعبه
-ماما لا هو زقني ووقعت وخبطني بالمرجيحه في دماغي
-حصل كدا يا سيف
-حط عينه في الأرض
-فرح،حبيبي تعالي خد هنا
-قرب منها ،عبدالرحمن عملك حاجه وحشه في الفصل
-هز دماغه بمعني لا
-طب انت ليه عملت كدا
-عشان كل المدرسين بتحبوا وعنده صحاب ،وخد صحابي مني
-وانت ليه متبقاش صاحبه
-كدا ،ماما قالتلي ملعبش معاه
-ليه يحبيبي
-عشان هو تعبان
-تعبان؟!هل انت شايفه تعبان
-لا
-مش اي حاجه بنسمعها بنصدقها ،ولازم نتعلم نحب الناس الي حوالينا
-صح ولا اي
-مسح دموعه ،فرح حضنته ممكن متعيطتش
-انا اسف
-متعتذرش ليا انا ،انا فخوره بيك انك عرفت غلطتك واتأسفت واتأسف لصاحبك
-راح ناحية عبد الرحمن ،اسف
-عبدالرحمن بص لفرح وحضن سيف ،خلاص مش زعلان منك ،انا بحبك
-سيف خده بالحضن ،هنبقي صحاب وعمري ما هزعلك ابدا
-ماشي ،شكرا
-تعالي يلا نروح الفصل
-لا يا سيف يحبيبي ،هو هيروح عشان يكمل بقيت علاجه وهيجي لما يفك الجرح عشان الشمس
-ينفع اخده نلعب شويه واجيبه تاني
-فرح بأبتسامه:ماشي
-يلا يا بودي
-انا بجد لساني يعجز عن وصف حنيتك وتفكيرك في معاملة الاطفال بجد
-شكرا ليكي
-قطع كلامهم دخول والدة سيف
-السلام عليكم انا جالي استدعاء ل ابني ،خير
-اتفضلي يا فندم اقدملك فرح والدة الطالب عبدالرحمن الي ابن حضرتك ضربه
-انا اسفه لحضرتك جدا وانا حذرت علي ابني صدقيني ميلعبش معاه ويبعد عنه
-ايوه ليه ،مين سمح لحضرتك تحكمي علي ابني بالتعب
-انا عشان ابني ميلعبش معاه ويأذيه
-حضرتك انا لو خدت حضرتك لبرا هتلاقي سيف بيلعب مع ابني ،ابن حضرتك ضرب ابني عشان وصله الكلام بتاعك انه تعبان ميتعاملش معاه اصلا وهو نفسه يصاحبه اصلا،ممكن اعرف ابني تعبان عنده اي وشخصتي الحاله ب اي
-مش حضرتك عنده متلازمه داون
-هي داون بقت مرض ،طب كويس اني قابلتك عشان اصححلك الموضوع ،ابني كويس جدا واختلافه ده هو المميز بيه جدا وعمري ما هلاقي قلب ابيض زي ابني وحد قوي زيه وبيحب الناس ،ابني ولا تعبان ولا عنده مرض ابني زي الفل وبحمد ربنا كل يوم علي النعمه الي هو ادهالي ،عارفه لو عبدالرحمن كان طفل عادي مكنتش هحس بالنعمه ولا هشكره كل يوم ،بس فعلا انا بحمد ربنا كل يوم ان أداني عبدالرحمن بكل صفاته واختلافته ومبسوطه بيه جدا ،بدل ما كنتي قولتي ل ابنك يبعد عنه ويكبر علي الغريزه دي اي طفل من دول يبعد عنهم ويعمل الي عمله في ابني احب اقولك ابنك هيكبر معندوش رحمه ولا هيحس بالي حواليه ابدا ،لو كنتي عايزه تعملي حاجه فعلا ،هتعلميه ازاي يحب كل الناس بكل اختلافتهم يحترمهم ويحبهم زي ما هما مش محتاج يغير حاجه
-بعد اذنك
-خرجت ونادت علي عبدالرحمن وسلمت علي سيف وحضنته ومشيت
-والده سيف قاعده بتفكر في كل كلمه قالتلها فرح وحست بالندم جدا علي الي عملته،ممكن اطلب من حضرتك طلب
-اتفضلي
-عايزه عنوان عبدالرحمن
******
ماما احنا مش هنروح علي البيت
-مش قولتلك هعملك مفاجاه
-ايوه
-استني بقي
-وصلت النادي وقابلت الكابتن وسلم علي عبدالرحمن
-جاهز يا بطل
-هو انا هلعب اي
-ألعاب قوي
-زي ما بشوف في التيلفون يا ماما
-ايوه
-ايوه جاهز
-خلاص دماغك تخف شويه وتيجي ،اتفقنا
-اتفقنا
-مبسوط
-حضنها،انا بحبك اوي يا ماما
-وانا كمان يحبيبي
-يلا بقي نشرب حاجه ونروح لجدتوا بسرعه
*****
وصلوا البيت وعبد الرحمن بيحكي لجدته الي حصل وفرحان انا صاحبه بيلعب معاه وهيقدم في نادي ،دخلت تعمل الاكل عشان يتغدوا وحطوا الأكل
-الباب خبط ،فتحت لقت والدة سيف
-ممكن ادخل
-اه طبعا اتفضلي
-عبدالرحمن جري علي سيف ،انت عرفت تيجي
-اه ماما جابتني
-طب تعالوا اتفضلوا ناكل الاول
-لا شكرا انا اسفه اني جيت من غير ميعاد
-مفيش الكلام ده اتفضلي بجد
-لا بجد شكرا انا هتكلم معاكي كلمتين وهمشي
-بعد الاكل بردوا ،يلا يا سيف انت راجع من الحضانه اكيد جعان ،خدوا يا بودي
-حاضر ،يلا
-قعدوا علي الاكل سوي ،كلوا مع بعض و عبدالرحمن كان مبسوط بوجود سيف معاه ودخل يجيب الالعاب بتاعته عشان يلعبوا سوي
-فرح دخلت بالشاى وقعدوا يتكلموا
-عرفتي توصلي
-ايةه انتو اصلا طلعتوا قريبين مننا جدا ،اولا انا اسفه ان جيت في وقت مش مناسب وبجد جايه اعتذرلك من كل قلبي علي كل الي حصل وباقي علاج عبدالرحمن علي حسابي ،واسفه علي كلامي الي وصله ابني ،انتي بجد علمتيني درس عمري ما هنساه ربنا يباركلك في ابنك وتشويه احسن واحد ،ولو هتمني حاجه دلوقتي انك تقبلي اعتذاري انتي المعني الحرفي الانسانيه
-ممكن متقوليش كدا ابنك زي ابني ،وانا خلاص مش زعلانه منك ،ومن دلوقتي بقينا صحاب خلاص
-ربنا يعزك يارب ،شكرا ليكي
-قعدوا اتكلموا كتير مع بعض واتصاحبوا وخدوا ارقام بعض وعلي ميعاد يتقابلوا تاني
-مع السلامه نورتينا
-شكرا ليكي متنسيش هستناكي عندي
-حاضر من عيوني
-باي يا سيف
-مع السلامه يا طنط
-مبسوط يا بودي
-اوي يا ماما ،انا وسيف لعبنا كتير
-وهيجي علي طول يحبيبي ،يلا تعالي خد العلاج ونعمل التمارين الي الدكتور قالت عليها ،لحد ما تخف ونروحلها
-أدتله علاج وقعدت تلعب معاه بالالعاب الي الدكتوره قالتلها تعملها كنوع من التمرين ويرسموا سوي ،لحد ما عبدالرحمن تعب ونام
*****
عدي اسبوعين وعبدالرحمن اتحسن وفك الخياطه ورجع الحضانه بتاعته
-يلا يا بودي الاوتوبيس واقف تحت
-حاضر اهو
-هعدي عليك النهارده ،عشان هنروح للدكتور
-ماشي
-يعني متركبش الاوتوبيس وانا هاجي اخدك
-حاضر
-يلا مع السلامه حبيبي ،خلي بالك علي نفسك ،ركبته الاوتوبيس وطلعت تلبس عشان تروح تخلص مشاوير شغلها وترجع قبل عبد الرحمن
-عايزه حاجه يا ماما
-لا يحببتي خلي بالك علي نفسك ومتتاخريش
-حاضر سلام
-نزلت جابت شغلها كله ومخدتش بالها من الوقت ،بصت في الساعه كان ميعاد عبدالرحمن
-جريت عشان تركب وتلحقه
-الو
-معاكي ميس شيماء مدرسه عبدالرحمن،حضرتك قايله انك هتيجي تاخديه
-ايوه انا جايه في الطريق اهو
-نص ساعه بالكتير
-طب انا اسفه انا كدا هتأخر ،هسيبه مع البواب هنا وهو هيسلمهولك
-خلاص تمام،ممكن اكلم عبدالرحمن
-انا اسفه انا مشيت
-تمام شكرا
-توترها زاد اكتر والطريق زحمه ونفسها تنزل تجري المهم تلحق ابنها ومش عارفه تنزل بالحاجات الي معاها
-*عدي ساعه وصلت الحضانه لقت عبدالرحمن واقف مع حد وهياخده وهيمشي و.....
#ندى_حسين
#نقاء
#متلازمه داون
-عبدالرحمن !!
-جريت وراه انت ،انت واخده ورايح بيه علي فين،اقف هنا
-سليم!!!!!
-مسكت عبدالرحمن من ايده،انت كنت واخده فين
-سكت بيوزع نظراته بين عبدالرحمن الي واقف مش فاهم حاجه ،وفرح الي بتبصله بعصبيه
-كان بيعيط وعايز يرن علي ماماته خدته هشحن الفون واخد الرقم منه ،هو ده عبدالرحمن ابننا
-فرح خدت عبدالرحمن ورا ضهرها ابني
-فرح ممكن نتكلم ،الولد مرعوب جدا ،وعينه بايظه من العياط
-بصت لعبدالرحمن خدته في حضنها ،اهدأ اهدا مفيش حاجه اسفه اني اتاخرت عليك
-كنت هروح مع عمو ارن عليكي
-خلاص يحبيبي متخافش تعالي نتغدأ وبعدين نروح للدكتور
-هروح حاجتي الاول ،واغير لعبدالرحمن وبعدين نتقابل
-وانا هستناكي في المكان الي بنتقابل فيه علي طول
-ابعتيلي لوكيشن عشان مش فاكره،يلا يا بودي ،خدته من ايديه وخدت تاكس وحطت حاجتها وروحت
-انا جيت يا تيتا
-تعالي يا روح قلبي ،غيرتله هدومه ودخل جاب هدومه ،وفرح جهزت الاكل وقعدوا ياكلوا
-ألبس يا ماما
-ايوه يحبيبي يلا
-انتي رايحه فين يا فرح
-هقابل سليم
-سليم !! ازاي
-سردت ليها الي حصل ،وانتي ناويه تعملي اي
-هنتفاهم يا ماما،عبدالرحمن مش صغير وبكرا يقول فين ابوه ،هنتفق ان يقابله وياخده يلعبه وده حق ابني عشان ميقولش اني ظلمته
-وعبدالرحمن هيستوعب ده
-تدريجيا هيستوعب
-ماشي يبنتي الي انتي شايفه
-هدخل ألبس واشوف عبدالرحمن
-ربطتت ليه الشوز ومسكت ايده ونزلوا ،رنت عليه انا عند *** تعالي علي هناك
-وصلوا هي وعبدالرحمن للمكان وجبتله عصير ولعبته لحد ما سليم يجي
-انتي فين
-خلاص شوفتك جايه
-تعالي يا عبدالرحمن سلم علي عمه وكمل لعب
-هلعب
-حبيبي ،احنا اتفقنا اي نسلم الاول
-حاضر
-سلم علي سليم وقاله شكرا ،انا بحبك
-سليم عيونه دمعت ،فرح :روح يا بودي كمل لعب وبراحه
-ماما انزلي اقولك حاجه
-نعم
-ينفع ألعب مع البنت دي
-خدته وراحت ناحية البنوته ولعبوا سوي وفرح رجعت لسليم ،قعدت وعينيها مش متشاله من علي عبدالرحمن
-خير يا سليم في اي
-مجتيش ليه علي المكان
-اه هي هتبدأ كدا طيب ركز معايا
-اولا احنا مبقاش بينا حاجه يا سليم غير عبدالرحمن وده عشان انا محبش ابني يطلع من غير اب وهو ابوه عايش واكيد مش هحكيله اقوله ابوك انسحب من حياتك عشان مش قادر يكمل ،اه صحيح يا سليم ازاي مش هتعرف تتعامل معاه وصعب عليك واخده تساعده
-سليم مش عارف يقول اي
-عادي برضو متردش،انت عايز فعلا تظهر في حيات ابنك ،فكر شويه قبل ما ترد ده حقه الي عمري ما هيعرف يطلبه من حد تاني ،حقه أنه يعيش حياه سويه وسط اب وام حتي لو احنا منفصلين ليك الحق تشوفوا ما انت ابوه ،هستني ردك وبناء عليه هوصل لعبدالرحمن واحده واحده الموضوع لان في الاخر ده طفل
-قامت خدت عبدالرحمن وسلم علي سليم *هشوفك تاني يصحبي*
-سليم اكتفي بأبتسامه
-فرح خدت عبدالرحمن للدكتوره يكملوا الجلسه بتاعته وعلاجه الجديد وروحوا
-عبد الرحمن دخل نام ،وحكت فرح الي حصل لوالدتها،وقالك اي
-مردش
-قولتله خد وقتك وسيبته ومشيت ،سبحان من صبرني بجد ،بس دي حيات عبدالرحمن ومن حقه يعيشها كويس
-ربنا يباركلك فيه يبنتي يلا خلينا ننام كفايه كدا اليوم كان طويل اوي النهارده
-اه يلا هموت من الصداع
*****
-خلي بالك علي نفسك
-هنروح التمرين النهارده
-ايوه مستعد يا بطل
-جدا
-طب يلا علي الاوتوبيس عشان كدا احنا هنجري وراه ،شالته ونزلوا جري ركبته واطمنت عليه ورجعت تكمل شغلها في البيت ،والفيديوز الي بتعملها قبل ما عبدالرحمن يرجع وتحضر ليه كشاكيل الرسم عشان يرسم فيها
-ماما مالك انتي كويسه
-ايوه متشغليش بالك
-انتي مخدتيش العلاج بتاعك
-لا خدته ،متقلقيش شويه بس وهبقي كويسه
-هعملك عصير اشربيه
-ماشي
-جابتلها عصير وقعدت جمبها وبتخلص شغلها ،تيجي معايا وانا رايحه النادي ،تعالي اهو تنزلي شويه
-لا روحي انتي
-تعالي معايا بقعد لوحدي
-خلاص حاضر لما يرجع بالسلامه ان شاء الله
-انا بفكر انزل يوم اخلص الورق بتاعه ،بتاع الخدمات المتكامله ده هيساعدني جدا اهو يبقي جمب العلاج بتاعه
-ده بتاع اي ده
-ده بيتعمل للحالات الي زي عبدالرحمن والناس التانيه من ذوي الهمم وزاره التضامن الاجتماعي وفرته ،وكمان اعمل لعبدالرحمن معاش ليه يستفاد منه ولما اقدمله في مدرسه يبقي ليه فرصه يقدم في مدارس عاديه وجامعات
-خلاص يبنتي روحي واسألي قدام دي مصلحته
-ان شاء الله بكرا
-ماشي حببتي ربنا معاكي ،نزلت استلمت عبدالرحمن من الاوتوبيس ،اتغدوا سوي ،لبست عبدالرحمن للتمرين ونزلوا سوي وكان متحمس للتمرين
-وصلوا وقابل الكابتن وبدء يدربوا فرح والدتها قاعدين يتفرجوا عليه وفرح مبسوطه انه بدء يندمج مع الاطفال والكابتن
-خلص التمرين ورجع ل فرح مبسوط
-فخوره بيك اوي اي الشطاره دي
-انا شطور
-جدا
-ألحقي يا ماما صاحبي سليم اهو
-سليم
-لفت وشها ولقته واقف هناك وعبدالرحمن حضنه
-ضحك معاه وفضل يشجعه انه يكمل ،سلم عليه ورجع ل فرح خدته ومشيت
-رجعوعلي البيت زي ما فرح بتعلمه ديما يغير ويصلي وتفضل تتكلم معاه عشان كلامه يتعدل اكتر وميبقاش عنده صعوبه
******
بعد مرور سبع شهور والحال كما هو عليه رجع اختفي سليم تاني وعبدالرحمن مكمل رحله العلاج والتخاطب ولعب الرياضه وسؤاله المتكرر علي سليم
-مستعد للبطوله يا بطل
-ايوه
-هتكسب ومركز اول يا بودي
-ايوه هكسب وهخسرهم كلهم
-عاش يا حبيببي واثقه فيك
-يلا بينا ،يلا يا ماما
-حاضر جايه اهو
-ماما احنا لازم نروح نكشف انتي حالتك بتسوء كل سوم وانتي مش راضيه حتي نروح للدكتور
-انا كويسه بس العلاج تقيل شويه
-بكرا نروح للدكتور ونخليه يغيروا
-ان شاء الله يلا عشان منتاخرش
-نزلوا وراحوا علي الاستاد وبداءت البطوله وفرح متوتره جدا وعبدالرحمن بيشاورلها ومبسوطه بيه
-بدؤا السباق وبدء عبدالرحمن يجري كويس ولد زقه وقع والاولاد سبقوا وهو وراء وبيحاول وبص لفرح وعيونه فيها دموع ،قامت من علي الكرسي ونزلت ل اقرب مسافه يشوفها فيه
-فرح بصوت عالي:عاش يا عبدالرحمن كمل ،كمل يا بطل هتوصل عاااش يلا هانت هانت عاش
-عبدالرحمن الحماس عنده زاد اكتر وقام وكمل جري
-ايوه يلا هانت اهو هتوصل خلاص ايوههههه وصلتتت مركز اول يا عبدو
-كسب وفعلا خد مركز اول ،فرح اتنطتط من الفرحه وحضنت والدتها ،الحمدلله الحمدلله
-نزلت من المدرجات حضنته جامد ،فخوره بيك اد الدنيا دي كلها
-بحبك يا ماما اوي
-راحت معاه واستلم الجايزه واتصوروا سوي خرجوا يتغدوا برا سوي وقضوا وقت لطيف بينهم
-عارف اي يا عبدالرحمن اكتر حاجه مبسوطه ييها اي،انك عندك عزيمه واصرار رغم انك وقعت قومت كملت وده ميعملهاش غير البطل وانت بطلي الوحيد
-شكرا، هو صاحبي سليم مش هشوفه تاني
-فرح بصت لمامتها :لما يرجع من السفر هنشوفه عشان هو مش موجود دلوقتي ،يلا كمل اكلك عشان نلعب سوى
-ماشي ،بس هو وحشني اوي
-فرح بعصبية : عبدالرحمن خلصنا كُل ومتجبش السيره دي خالص فاهم
-عبدالرحمن بياكل وبيعيط وعياطه بيزيد اكتر وقام وقعد بعيد
-عبدالرحمن خد هنا
-ليه كدا يا فرح انتي عمرك ما اتعصبتي عليه كدا
-اعمل اي يا ماما اعمل اي اكتر من الي عملته انا روحتله لحد عنده وهو بردوا عمره ما هيتغير ،بجد تعبت ومش في ايدي حاجه
-اهدي يبنتي اهدي شويه ،خلاص مفيش حاجه
-مسحت دموعها ،تفتكري هكون مبسوطه وهو كل شويه يسأل علبه وانا مش ف ايدي حاجه ربنا يعلم بحاول اعوضه عن اي حاجه
-فرح انتي قويه ودي لحظة ضغف وابنك ميفهمش كل ده ف براحه يحببتي ،ربنا عمره ما بينسي عبده هيجبر بخاطرك يبنتي والله وهيغوضك خير وهتشوفي ،قومي بقي راضيه
-حاضر ،راحت ناحيته وقعدت جمبه ،علي فكره بقي انا الي زعلانه ،احنا اتفقنا الي يزعل من التاني ميمشيش ونتكلم وانت كدا خالفت الوعد
-انتي زعلتيني جامد
-امسح دموعك عشان نتكلم
-مسح دموعه بأيده الصغيره ،فرح مقدرتش تقاوم خدته في حضنها ،انا اسفه مكنش ينفع ازعلك حقك عليا
-خلاص مش زعلانه
-بس انا زعلانه انت بقيت تحب سليم اكتر مني وانا بحبك
-لا بحبكوا انتو الاتنين
-فرح عملت نفسها زعلانه
-حضنها :خلاص بحبك انتي اكتر شويه
-اي ده شويه بس طب تعالي بقي ،قعدت تلعب معاه وقاموا جريوا سوي ويلعبوا كره لحد ما عبدالرحمن قالها محتاج ينام
-روحوا البيت وخد العلاج ودخل ينام واتفق مع فرح انهم ينزلوا يجيبوا لبس تخرج الحضانه بكرا
********
جهزوا لبس التخرج وعبدالرحمن وصل الحضانه وفرح والدتها هيروحوا وراه
-يلا يا ماما هنتاخر
-لا مش قادره اروح يا فرح روحي انتي
-مالك يا ماما ،انتي تعبانه اوي كدا ليه
-مرهقه شويه عشان نزلت يومين ورا بعض
-لا يا ماما تعالي نروح لدكتور
-لا يبنتي روحي ألحقي ابنك ولما تيجي نروح
-مش هسيبك كدا
-روحي بس ولما ترجعي وعد هنروح
-طب خلي بالك علي نفسك وانا هاجي علي طول
-حاضر
مع السلامه ،حضنتها وباست ايديها وخرجت
******
الحفله بداءت وبدؤا ينادوا علي الاسماء ،نادوا علي اسم عبدالرحمن وحصوله علي مركز تالت ،فرح انهارت من العياك وقعدت تصوروا وفرحانه بيه جدا وهو لابس لبس التخرج وماسك الشهاده ومبسوط وبيشاورلها ،راحتله علي الاستيدج وطلعت واستلمت الشهاده ،شالته واتصوروا سوي وكانوا فرحانين جدا ،عبدالرحمن اندمج مع صحابه وفرح سلمت علي صاحبتها وتبادلوا الحديث
-هي تيتا فين
-في البيت حبيبي مستنياك ،يلا عشان نروحلها
-يلا ،مع السلامه حببتي اشوفك علي خير ،هستناكي تيجي يوم
-حاضر من عيوني ،مع السلامه
-خدت عبدالرحمن وكانوا مبسوطين وصلوا البيت فتحوا الباب و........
#ندى_حسين
#نقاء
# متلازمه داون
وصلوا البيت فتحوا الباب ،ماما ماما ،اي ده اي الي حصل فوقي يا ماما ،يا امي فوقي بالله عليكي متخصنيش عليكي ،هات يا عبدالرحمن مايه من جوا بسرعه ،رشت عليها مايه كتير وتشوف النفس مش بتتنفس
ياماما قومي بقي في اي ،اعمل اي اعمل اي ،افتكرت الدكتور الي في العماره عندها ،طلعت تجري علي فوق
ألحقني ألحقني يا دكتور ماما مش بترد ومعرفش مالها ،بالله عليك تعالي شوفها بسرعه
-حاضر ثواني هجيب حاجتي وانزل معاكي
دخلوا الشقه والدكتور بيشوف النفس وبيحاول يضغط علي قلبها
- البقاء لله
- هو مين الي مات ،ماما عايشه مستحيل تسبني ،هي قالتلي كدا ،انها عمرها ما هتسبني ،قومي بقي ،عشان خاطري هي حاسه بيا علي فكره يا ماما قومي بتحاول تفوقها والدكتور بيبعدها ويجيب حاجه يغطيها بيها ،لا يا دكتور لا ماما عايشه صدقني هي اغمي عليها وهتفوق دلوقتي، يلا يا ماما فوقي معايا
- قومي يلا يا تيتا ،ماما هي تيتا نايمه
- ايوه يحبيبي متخافش ،هي كويسه هتقوم دلوقتي
- الدكتور غطي وشها ،لا يا ماما متسبنيش انتي قولتيلي مش هتسبيني ارجوكي ،مش عايزه ابقي لوحدي
- اجمدي يا فرح راحت للي خلقها ،اهدي يا فرح
- الدكتور طلع يتصرف وطلب الاسعاف تاخدها المستشفي
-فرح قاعده جمبها ولسه بتسوعب الي حصل ،قاعده جمبها ،الاسعاف جت وخدتها وفرح مسكت فيهم ،سبوها انتو واخدنها فين سبوها محدش ياخدها مني بقولك محدش ياخدها ،ياماما متسبنيش ،الدكتور حاول يتحكم فيها لقي جسمها اترخي واغمي عليها
-ماما فوقي يا ماما
-اهدي يا عبدالرحمن ماما نامت شويه اهدي مفيش حاجه
-هي تيتا رايحه فين
-هقولك بعدين حبيبي خليك هنا لحد ما اجي
-نزلت مرات الدكتور تقعد مع فرح ،الدكتور ادها حقنه مهدئه
-عبدالرحمن قاعد جمبها وماسك ايديها وبيعيط
-كفايه عياط يا عبدالرحمن
-ماما بتعيط وهي نايمه ،ومش بتصحي
-حبيبي هي تعبانه شويه ،حاول تنام حبيبي
-لا هستني ماما تصحي
-هتصحي وهتبقي كويسه متخافش امسح دموعك بقي عشان لما تصحي متزعلش منك
-مسح دموعه بسرعه وفضل ماسك ايديها ،نور مستغربه ازاي قلبه طيب كدا وطفل صغير لا يدرك شئ ولا يفقه وحاسس بالزعل ده كله
-الدكتور طلع تصريح الدفنه واتغسلت وخرجت عشان تدفن
-خال فرح حضر الدفنه وعمل العزا ودخل لفرح يشوفها ،والدكتور بيحاول يفوقها ومش بتفوق وكأنها بتهرب من الواقع
-مش بتفوق ليه يا دكتور وليه وشها متشنج كدا
-ده بيبقي من الصدمه عقلها بيرفض الواقع لدرجه مش عايزه تفوق تواجهه
-طب وبعدين
-هتفوق هتفوق
-خرجوا وقفلوا الأوضه وعبدالرحمن مش سايب ايديها ونام جمبها
-********
-فرح فاقت تاني يوم ،والعزا لسه شغال ،قامت غيرت لبسها بكل هدوء وخرجت من الاوضه بعد ما اطمنت علي عبدالرحمن ،قعدت وسط الناس ومش سامعه حد ولا شايفه حاجه دماغها شغاله بتفتكر مامتها وهي راقده علي الارض وبتحاول تفوقها ،دموعها بتنزل من غير كلام ،قامت تصلي وصوت بكائها بقي اعلي تشنجات جسمها بقت اكتر
-والدة سيف جت العزا ولقت فرح قاعده لوحدها ،خدتها في حضنها ،وعياطها زاد اكتر وكأن كانت مستنيه وجودها مستنيه حضنها
-ادعيلها ربنا يرحمها
-سبتني وحدي ،مشيت فجاه ،مدتنيش فرصه اودعها ،حضنتها بس ليه مقالتش كنت حضنتها اكتر ،كنت هقعد جمبها مش هنزل ،كنت مش هتحرك والله ،انا رجعت علي طول عشان ننزل سوا اطمن عليها ،قالتلي مش هسيبك هفضل معاكي ،هي مش هترجع تاني ،مره واحده بس اودعها ،مره واحده ،اخر مره
-ده عمرها حببتي ،ربنا يرحمها ويغفرلها
-متفقناش علي كدا ،مش ده الوعد بتاعها ،مش هعرف اقعد من غيرها
-اهدي يا فرح ربنا يخليلك عبدالرحمن ويفضل سندك ادعيلها يا فرح
-غمضت عنيها جامد ،مش قادره حاسه انها هترجع
-حرام عليكي كدا يا فرح هي ارتاحت كدا سبيها ترتاح ،هي هتفضل تحس بيكي ديما ،ادعيلها حببتي
-ردت ان لله وان اليه راجعون ،ان لله وان اليه راجعون
********
عدى شهر وبدأت الحياه ترجع مع فرح تاني وجواها جرح مفتوح لا الايام ولا الساعات تداويه
كملت رحله علاجها مع عبدالرحمن واشتركتله في نوع تاني من الرياضه عشان يجرب اكتر ويتشجع اكتر
رجعوا البيت
-ماماوهي تيتا مش هتيجي تاني وحشتني اوي
-تعالي يا عبدالرحمن
-نعم
-بص حبيبي ،تيتا دلوقتي طلعت عند ربنا ، بندعيلها ونطلع عليها صدقه ونقول ربنا يرحمها وهي شايفنا ديما وحاسه بينا
-يعني اطلع عند ربنا عشان اشوفها
-وتسبني انت كمان يا عبدو
-لا هاخدك معايا نشوفها سوي
-لما ربنا يأذن يحبيبي ،هو بياخد مننا حبيبنا عشان يشوف معزتهم عندنا اد ايه هنصبر اد اي وندعلهم ونطلع صدقه ،الصدقه دي يعني نساعد اي حد محتاج حبيبي فهمت
-ايوه ،خلاص انا هاخد منك فلوس عشان اساعد الناس
-خلاص اتفقنا ،يلا نكمل بقي الرسم ونقرأ سوي
-خد كمل دي عقبال ما ادخل اجيب حاجه وارجعلك تاني
-حاضر
-دخلت اوضته والدتها وفتحت الدولاب وطلعت هدومها وكانت بتحضنها بتشم ريحه الهدوم عشان تحس بوجودها معاها ،بتشوف مكان العلاج بتاعها لقت العلب بتاعتها فاضيه كلها ،بدور علي باقي العلاج لقت كل العلاج خلصان ،افتكرت وهي تعبانه اخر فتره وفهمت انها مكنتش بتاخد علاج القلب ،لقت جواب تحت المخده ،خدت الورقه (انا عارفه انك هتقرائي الورقه وهكون ساعتها مش موجوده معاكي علي عيني اني اسيبك لوحدك بس دي سنة الحياه يبنتي ،وزي منا كنت معاكي اعملي كدا مع ابنك عارفه ان المشوار عليكي هيبقي صعب لوحدك ،بس ربك كريم وعمره ما هيسيبك هتلاقي فلوس في الظرف جمب الجواب ده المعاش بتاعي مش قادره اكمل علاج بالفلوس دي كلها وانا شايفاكي محتجها اكتر مني خديها والمعاش كل شهر خديه ليكي ولابنك البيت اقعدي فيه بتاعك وربنا يبنتي يرزقك ويوقفلك ولاد الحلال ديما سامحني يبنتي وانا راضيه عنك ،وادعيلي انتي وعبدو ومتنسنيش)
-خدت الجواب في حضنها وانهارت من العياط ،حطت ايديها علي قلبها عشان يهدأ ،عبدالرحمن دخل عليها وخدها في حضنه ،متخافيش انا وانتي هنبقي مع بعض ،انا بحبك ،متعيطيش
-جاب ليها تشرب وطبقت الجواب وخدت عبدالرحمن في حضها وناموا في الاوضه سوى
********
كملوا حياتهم سوي بين الدكتوره والتمرين وتنميه مهاراته معاها في البيت
-نقلت ورقه عشان يدخل المدرسه وكان مبسوط جدا وهو بيشتري هدومه الجديده وشنطته ومتحمس جدا يدخل المدرسه الجديده
-جاهز للدراسه يا بطل
-ايوه جاهز جدا ،يلا عشان لما ارجع انام بدري
-صليت
-لسه
-طب يلا مفيش نزول غير لما نخلص صلاه
-بسرعه اهو دخل صلي وجهزت فرح حاجته ونزلوا علي النادي ،عبدالرحمن بيدرب ومبسوط بتشجيع الكابتن ليه
-فرح بتتفرج عليه ،لفت انتباه سليم بيسحب كرسي ويقعد قدامها
-اي ده
-معرفش مكان بتروحوا غير هنا فقولت اجي عشان اقابلكم
-لو سمحت يا سليم امشي دلوقتي انا مش عايزه عبدالرحمن يشوفك كل شويه يشبط فيك وانت تختفي
-انا كنت بختفي او بهرب بالمعني الاصح الفتره الي فاتت عشان بفكر في الموضوع
-لو سمحت يا سليم انا جربتك كذا مره وانت عمرك ما هتغير فخليك بعيد احسن وانا وابني هنعيش حياتنا ومش محتاجين حد
-انا عايز عبدالرحمن
-نعم ،الي هو ازاي يعني
-اهدي ،انا عايزه يعيش معايا زيك
-انت بتتكلم ازاي ولا انت شارب حاجه ،ده ابني ومحدش هياخده مني ويترا المره دي جاي تاخدوا عشان مش هشوفه تاني صح
-لا هفهمك
-انا مش عايزه اسمع منك حاجه ،بص يا سليم احنا من ساعه ما أطلقت وسبت بيتك وانا مدتش اي رد فعل ولا اذيتك ولا حاجه ده مش ضعف مني ده عشان انا مبحبش المشاكل ،يس هقولك علي حاجه عايز تشوف الشر مني قرب من عبدالرحمن
-قامت وقابلت عبدالرحمن عشان ميشوفش سليم خدته ومشيت
-روحت البيت متعصبه جدا وهتموت من الرعب ل سليم فعلا ياخده منها
-يلا يحبيبي ادخل غير عشان ننمام
-حاضر ،دخل ساعدته وبتحاول تنام تتغلب علي افكارها
-وصلت عبدالرحمن للمدرسه ورجعت تخلص شغلها
-ازيك يا فرح
-الحمدلله ازيك يا عم ابراهيم
-الحمدلله في نعمه يبنتي ،عبدالرحمن عامل اي
-كويس الحمدلله
-ربنا يباركلك فيه ،جميعه رساله عامله حفلة اطفال للاطفالي عبدالرحمن وبيفرحوهم وبيبقي يوم حلو الاطفال كلها بتتبسط بتبقي حفله ويوزعوا هدايا ويلعبوا معاه خليه يروح معاهم
-امتي
-الجمعه ان شاء الله ،انا قولت اقولك ،وهما بيقدموا مساعدات كتير ليهم قدمي يبنتي وخليه يندمج مع الاطفال هنا مش بينزل كتير
-خلاص حاضر يوم الجمعه نروح ،شكرا يا عم ابراهيم شكرا بجد
-علي اي يبنتي ،ربنا يعلم انتي زي بنتي
-ربنا يعزك بعد اذنك
-اتفضلي
-طلعت البيت وبدأت تجهز الدرس الي هتشرحه ،الباب خبط
-ايوه حاضر ،انت!!
-ممكن تسمعيني عايزه اشرحلك
-تشرحلي اي عايزه تاخد ابني مني
-لا اسمعيني بس ،هفضل واقف كدا كتير
-مش هينفع تدخل مفيش حد هنا
-هو انا غريب
-ايوه غريب
-قفلت باب الشقه وقعدوا علي السلم ،قول بإيجاز
-طيب انا عايز اقرب من عبدالرحمن ومش هاخد زي ما انتي فاهمه يعني يبات معايا يوم اشاركه تفاصيل يومه كدا
-واي الي جد يعني ،ما الكلام ده قولتهولك
-انا وصلت لنفسي لحل وخلاص يا فرح
-ثواني يبات عندك ،ده من اي ان شاء الله
-مش بقولك كل يوم
-ولا ساعه انا مضمنش والدتك تعامله ازاي وانا الي بنيته ده كل مش هسمح لحد يهده فاهمني
-طب اديني فرصه ،انا بجد المره دي عايز ابقي جمبه
-سيبني افكر ،واشوفك فعلا هتبقي موجود ولا هتمشي كالعاده
-فرصه بس يا فرح
-ربنا يسهل
-دخلت البيت وهو مشي وقعدت تفكر تعمل اي وهتوصل لعبدالرحمن ان سليم ابوه
-قامت صلت استخاره ،عشان تقدر توصل لحل
***
عبدالرحمن رجع من المدرسه فرح قعدت تتكلم معاه اي الي حصل معاه في المدرسه واسماء اصحابه وخد اي ،عشان يتكلم معاها ويتكلم اسهل
-ليك عندي مفاجاه
-اي
-سليم صاحبك جه هنا وسأل عليك
-بجد
-ايوه وعايز يشوفك
-ممكن اشوفه
-ايوه
-امتي
-هسأله واقولك
-ماشي ،هو انتي هتزعلي
-لا متخافش يلا نشوف الواجب ونجيب الكشاكيل يلا
-يلا
-قعدت توريه صور ويتكلم اكتر معاها،ويلعبوا سوي لحد ما عبدالرحمن دخل ينام
-كلمت سليم واتفقت معاه يتقابلوا بكرا
-قفلت ودخلت نامت بتفكر هتقول لعبدالرحمن ازاي ان ده والده
*****
يلا يا عبدالرحمن المدرسه
جاهز
-نزلوا سوي وخلصت شغلها ،رجعت حضرت الاكل واستنت عبدالرحمن يرجع يأكلوا سوي ،وجهزوا لبس التمرين ونزلوا ،سليم قعد استني عبدالرحمن يخلص ،عبدالرحمن شافه جري عليه
-وحشتني
-وانت كمان ،براڤو عليك بتلعب كويس جدا
-ايوه الكابتن بيقولي كدا
-طب يلا اقعد اشرب العصير عشان نلعب سوي وحشتني اوي وعايز ألعب معاك كتير
-ماشي
-شربوا العصير سوي وسليم خد عبدالرحمن فضل يلعب معاه واكتشف اد اي هو جميل قلبه ابيض اوي كل شوويه يحضنه ويقوله بحبك ،اكتشف بجد معني الانسانيه منه
-عبدالرحمن تعب ورجع التربيزه ،انا تعبت
-اقعد شويه غلط عليك كدا انت لسه مخلص تمرين
-انا غلبته
-بطل تعالي هات حضن
-يلا نمشي بقي
-هقول لصحبي باي
-ماشي
-انا همشي
-ماشي خلي بالك علي نفسك
-هشوفك تاني
-اه ان شاء الله هنتقابل كتير ،خده في حضنه ومشي
-سليم خده وراح ناحية فرح ،هشوفكم تاني
-هكلمك سلام
-مبسوط يا عبدو
-اوي اوي
-طب الحمدلله ،يلا هنتاخر علي المدرسه الصبح
****
عدي اسبوع وكل يوم سليم بيزن علي فرح عشان عبدالرحمن يبات معاه
-خلاص قولتلك هكلمه ،انت مفكر الموضوع سهل في علاج وحاجات ياخدها بليل
-انا ههتم بكل ده
-اما اشوف سلام
-راحت ناحيه عبدالرحمن لقته قاعد بيرسم شخص وطفل ماسك ايده واحد ست ماسكه ايده من الناحيه التانيه
-مين دول يا عبدو
-ده انا وده سليم وده انتي
-بتحب سليم اوي يا عبدو
-ايوه
-بس الصوره الي انت رسمها دي عيله
-يعني اب وام وطفل
-هو بابا فين ،ليه معنديش بابا
-فرح قلبها وجعها اوي من الكلمه دي ،رغم انها عملت حسابها كتير
-لا عندك بابا
-بجد
-ايوه
-سليم صاحبك هنقوله بعد كدا بابا
-سليم صحبي
-ايوه ،هو بابا بس كان مسافر
-عشان كدا بيجي يلعب معايا
-ايوه
-وعشان انت بتحبه هخليك تروح تبات معاه هناك
-ليه مجيش هنا
-عشان مينفعش محدش هنا ،انا هخليك تروح ،مستعد تروح
-ايوه
-خلاص يوم الخميس تيجي من المدرسه ونخلص التمرين وهخليك تروح معاه
-بس
-اي
-وانتي
-يعني اي
-مسك ايديها ،مش هسيبك تعالي معايا
-مش هينفع هو صاحبك انا مش هينفع اروح
-خلاص لا
-لا يا عبدالرحمن روح واتبسطت ومتخافش عليا هكلمك ،خلاص اتفقنا
-يلا بقي نكمل الرسمه
-ماشي
-خلصت معاه الواجب وادته علاجه وكلمت سليم اكدت عليه هياخده الخميس وفهمته كل حاجه
****
نهايه الاسبوع
-يلا يا عبدالرحمن هنتاخر علي التمرين
-يلا
-هات الشنطه دي معانا
-فيها اي
-هدومك انت نسيت هتروح مع سليم النهارده
-اه
-يلا بقي
-خدته النادي وسليم وصل النادي واستني عبدالرحمن يخلص التمرين وفرح فهمته العلاج ده يتاخد امتي ويأكل اي عشان الغده وادته كشكول الرسم وبقيت اللعب بتاعته الي لازم يمارسها وفهمته ان لازم يتكلم معاه كتير حتي لو كلامه هيطلع تقيل المهم يفتح معاه مواضيع
-عبدالرحمن خلص التمرين وجري علي سليم حضنه وخده وركب العربيه ،فرح حطت ايديها علي قلبها وبتحاول تتحكم في دموعها لاول مره عبدالرحمن يبعد عنها راحت ناحيه العربيه باست ايده
-خلي بالك علي نفسك
-حاضر
-هكلمك لما توصل
-هستناكي
-حاضر حبيبي سلام
-استني
-نزلت لمستواه نعم
-مسح دموعه بأيده الصغيره ،متعيطيش
-ابتسمت بدموع حاضر
-تابعت العربيه لحد ما مشيت ومسحت دموعها دخلت للبيت لقته فاضي وكئيب من غير عبدالرحمن وحيده فعلا
-عيطت كتير افتكرت والدتها وهي بتاخدها في حضنها بتحس بيها كل لما تتعب وتحس انها حزينه ،عبدالرحمن الي ملي عليها حياتها فجاه مش موجود
*****
وصل سليم البيت دخل لقي والدته قاعده طلع عبدالرحمن فوق يوريه اوضته وطلع هدومه وسابه يغير لحد ما ينزل يشوف والدته
-اي الي جاب الواد ده هنا
-انا
-ليه ان شاء الله الحنيه نزلت دلوقتي
-ده ابني
-ابنك ،وبتقولها وانت مبسوط دلوقتي كدا ليه هو ده يفهم حاجه ده عيل معاق هتعمل بيه اي
-ابني وعايزه يبقي جمبي ،هستفاد اي وهو بعيد ،عايزه يفضل بعيد وميعرفش مين ابوه ويفضلوا واخدينه كدا وبعدين يفضلوا يقولوا ابوك ده وحش وسابك ومشي لا ،انا عايز اعرفه ان موجود واد اي انا حنين وامه السبب
-وهو هيفهم حاجه زي كدا
-لما اقرب منه هيفهم
-انت حر المهم مشفهموش طول منا موجوده ،مش ناقصه قرف
-طيب طيب
-طلع فوق لقي عبدالرحمن بيحط هدومه علي جمب وحط المصليه يصلي
-سليم وقف مصدوم من الي الطفل بيعمله
-انت مش هتصلي
-ها
-صلي معايا مش بعرف اصلي لوحدي
-ماشي يلا
-اتوضي الاول
-اه نسيت طيب استني
-ماشي
-دخل اتوضي وخرج يصلي معاه وخلصوا
-عايز اكلم فرح
-حاضر
-كلم فرح واطمن عليها ،طلع كشكول الرسم وقعد مع سليم يرسم معاه ويتفرجوا علي الصور سوي وسليم قعد يحكي ليه قصه لحد ما عبدالرحمن نام
-سليم نقله عشان يناموا سوي ،مش عارف الدنيا هتودينا لحد فين بس خليها ماشيه
*****
في صباح اليوم التالي
نزلوا يفطروا سوي ،والدت سليم صحيت قعدت علي السفره كلت وقامت دخلت الاوضه
-مبن دي
-دي والدتي ،زي فرح مامتك كدا
-انت عندك ماما زي
-اه
-طب ينفع اسلم عليه ،فرح هتزعل مني ،قالتلي لما نشوف حد جديد نسلم عليه
-خلاص هخليك تسلم عليها بس كُل الاول
-ماشي
-خلص أكل وسليم خده وراح ناحية الاوضه
-خبط ودخلوا
-انا مش قولت طول منا هنا مش عايزه اشوفه جايبهولي لحد الاوضه
-عبدالرحمن خاف من الصوت ومسك في ايد سليم واستخبي وراه
-هي زعلانه ليه
-متخافش
-خلاص انا همشي
-خليك اصبر
-جاي يسلم عليكي هو قالي كدا
-انت كمان بقيت متخلف زيه ولا اي يسلم عليا اي هو يعرفني
-عبدالرحمن بص ليها وعيط وخرج برا الأوضه
-اي الي انتي عملتيه دي
-قولتلك مش عايزه اشوفه وانت بردوا الي جايبه
-هاخده وامشي واسبلك البيت
-سيبه يا اخويا هتعملي اي يعني جايبلي عيل معاق وفرحان بيه جتك القرف برا يلا سكه السلامه
-طلع ولقي عبدالرحمن بيعيط جامد برا
-قعد جمبه وحاول يهديه
-عايز فرح ،انا عاوز اروح لفرح
-خلاص متخافش اهدي احنا هنروح دلوقتي
-لا انا عايز فرح ،عايز امشي دلوقتي وبدأ يزعق جامد
-عبدالرحمن اهدي
-بدأ يتعصب اكتر وانفعالاته زاد وقع الكوبايه كسرها عايز فرح و........
#نقاء
#متلازمه_داون
#ندى_حسين
-عبدالرحمن اهدي
-بدأ يتعصب اكتر وانفعالاته زاد وقع الكوبايه كسرها عايز فرح عايز امشي من هنا وسع متقربش مني قعد علي الارض وضم رجله وحط وشه في الارض ،خرجت والدت سليم علي الصوت ،اي الي انت هببته ده يا متخلف انت قوم لم الحاجات الي اتكسرت دي وهتتعاقب عليها قوم يلا
-سيبه يا ماما هو هيهدي انتي مش اشيفه عامل اي
-قولتلك وكلامي مبيتسمعش ،بقولك قوم يلا،راحت ناحيه ومسكته من ايده وهو بيزقها مسكته جامد ،اتعصب عليها وزقها وكانت هتقع ،رجعت ضربته بالقلم علي وشه ،عشان تحترم نفسك وتتعامل كويس هي مش ناقصه مجانين،عبدالرحمن اتعصب اكتر زق سليم وكسر كل حاجه قدامه
-انا ب ك ره ك ،انتي ش خ ص س ئ
-بيقول اي الواد ده انا مش فاهمه منه حاجه
-فتح الباب وخرج يجري
-يلا في داهيه
-سليم خرج يجري وراه بيحاول يمسكه بيزقه وبيزعق جامد وصوت عياطه اعلي وسليم مش عارف يتحكم فيه وبيضربه وجاب طوبه من الارض حدف سليم اتعور وجري
-سليم مسك دماغه وبيبص لقي عبدالرحمن اختفي من قدامه قعد يدور عليه ويحاول يلاقيه مش لقيه
-الو يا سليم
-اي يا فرح
-في اي مال صوتك ،فين عبدالرحمن كويس!!
-عبدالرحمن مشي ومعرفش راح فين
-اي ،انت بتقول اي
-والله ما اعرف راح فين كنت ماسكه قعد ي ض ر ب فيا وحدفني بالطوبه ودماغي بتنزف
-مكانك فين دلوقتي
-****
-مستنتش تسمع حاجه نزلت جري وراحت عنده ،هو مشي في انهي اتجاه
-معرفش
-طول عمرك هتفضل كدا ،وربي أعرف فين بس وانا مش هسيب حد فيكوا
-جريت تدور عليه في كل مكان وتعيط في الشوارع وتسأل عليه ،دورت في كل مكان مش شايفاه خالص رجعت البيت ممكن يكون هناك طلعت الشقه ملقتش حد (يارب يارب )نزلت تاني الشارع وبدور ورجعت لنفس المكان ،لقت جامع راحت تشوفه فاتح ولا لا تنادي عليه لقته قافل بصت في ايديها لقت الساعه ٢ ،يارب يارب
-سمعت حد بيعيط ،مشيت اتجاه الصوت لقت عبدالرحمن قافل علي نفسه وحاطط راسه بين ايديه وبيعيط
-جريت عليه وحضنته ،بيزقها ابعدوا عني
-اهدي اهدي انا فرح عبدالرحمن انا فرح
-بيزقها جامد وبيعلي صوته وبيعيط ابعدوا عني انا مش عايز حد جمبي ،انا متخلف انا متخلف ابعدوا عني
-جريت وراه وحضنته وحاولت تتحكم فيه بطبطب علي ضهره اهدي اهدي انا فرح جمبك ومحدش هيذيك مش انت صحبي اهدي خالص
-حاوات تهديه واعصابه بدأت تترخي ،اغمي عليه
-شالته وجريت وقفت عربيه ،اقرب مستشفى يسطا بسرعه ،عبدالرحمن فوق يا عبدالرحمن معاك مايه يسطا هنا
-ايوه اتفضلي
-بتحاول تفوق فيه ومش بيستجيب
-وصلوا المستشفي شالته فين الدكتور الي هنا بسرعه ،سمعوها فريق التمريض خدوا عبدالرحمن ودخلوا الطوارئ
-فرح بترن علي الدكتوره بتاعت عبدالرحمن وحكتلها علي الي حصل
-هو خد علاجه ؟!
-لا
-ده نتيجه انه مكلش ومخدش العلاج ،ابنك اتعرض لصدمه نفسيه وده هيأثر في الي احنا عملانا ده كله
-اعمل اي دلوقتي
-شوفي الدكتور الي عندك يقولك اي وكلميني تاني وهستناكي بكرا
-حاضر
-الدكتور خرج ،طمني يا دكتور
-لااسف اتعرض لصدمه سببتله الهايبر الي حصل ده انا اديته حقنه مهدئه هو في علاج مخدوش خلاه يفقد الوعي هو عنده مشاكل في الغده صح
-ايوه وبعالجه منها
-هو دلوقتي نايم ،هيصحي بكرا او في نص الليل المهم تجيبي الدوا بتاع الغده عشان يلحق يأخده التاخير ده غلط عليه
-حاضر ،شكرا جدا يا دكتور
-قعدت علي الكرسي حطت راسها بين ايديها وبتردد يارب يارب
-رنت علي سليم مش بيرد وبتحاول تاني
-بصوت نايم :الو
-عايزه علاج عبدالرحمن حالا
-انتي لقتيه
-انا في مستشفى*** تجبهولي دلوقتي
-الصبح طيب
-سلام قفلت في وشه بعصبيه هو ازاي في كدا بجد بتحاول تتحكم في اعصابها عشان متعيطيش
-دخلت لعبدالرحمن تطمن عليه ،قعدت جمبه مسكت ايديه باستها ،حقك عليا انا السبب حقك عليا
-نامت جمبه من التعب لحد الصبح
****
مدام فرح في حد برا عايزك
-فرح بنوم :حاضر
-خرجت براحه عشان عبدالرحمن ميحسش ،لقت سليم واقف برا
-فين العلاج
-عبدالرحمن عامل اي
-ميخصكش هات العلاج
-خدته من ايديه ،اتفضل امشي
-فرح افهميني
-مش عايزه اسمع صوتك انا قرفانه منك ولو سمعت كلمه منك تاني هفرج عليك المستشفى خليني ساكته احسن
-انا معملتش حاجه
-فرح بزعيق :انا الي عملت انا الي عملت كل ده انا الي جبت ل ابني صدمه عصبيه ،انا الي خليته يمشي في الشوارع يضرب في الناس وشكله متمرمط ويمشي مش عارف يروح ماشي يقول على نفسه متخلف صح ولا انا الي عملت كل ده،انا اديتك فرص كتير وانت كلها ضيعتها وانا مأذتكش ولا مره متجريش اذيتي احسن ،المره دي مش هرحم حد علي الي عملتوا في ابني ولا انت ولا امك امشي احسنلك ومش عايزه اشوفك في حياتنا تاني ،روح اتعالج بقي ،علي الاقل يعلموك تبقي اد المسئوليه ازي جتك القرف
-دخلت جوا وقفلت الباب في وشه ،لقت عبدالرحمن بيفوق جريت عليه ،حبيبي انت كويس
-افتكر حصل اي وبيعيط وحضن فرح وحشتيني يا فرح انا كنت خايف اوي ،الناس دي كلها وحشه سيبتيني ليه
-حقك عليا ،حقك عليا يا نور عيني ،مش هسيبك تاني وعد خلاص
-مش هروح لطنط الوحشه دي تاني ولا سليم ،مش عايز اروح هناك تاني
-حبيبي اهدي متخافش مش هنشوفهم تاني اهدي انا بس هنا متخافش من حد مش اتفقنا
-عبدالرحمن بيحاول يهدي ،فرح بتحاول تأكله براحه وخد علاجه ونام
-خرجت للدكتور يديهم اذن بالخروج عشان تلحق الدكتورة بتاعته ،حجزت مع الدكتوره ميعاد بليل لحد ما الدكتور يكتب اذن الخروج وعبدالرحمن يبدأ يفوق
****
-يلا يا حبيبي علي مهلك
-ماسك ايد فرح جامد وكأنه خايف من شئ
-وصلوا عند الدكتوره وقعد مع عبدالرحمن لوحدهم وفرح استنتهم برا
-والدكتوره بتحاول تتكلم مع عبدالرحمن اكتر وتفهم اي السبب الي نتج عنه السلوك ده وبتخليه يتكلم اكتر ،عملوا جلسه التخاطب وخرج ،الدكتوره نادت علي فرح وقعدت عبدالرحمن بعيد يرتب اللعبه
-عبدالرحمن الي وصله ده زي ما قولتلك اتعرض لضغط شديد وهو حكي علي الي حصل عبدالرحمن الفتره الجايه لازم ثقته بنفسه تزيد اكتر يعني هنحتاج لشغل اكبر انتي نعاه وفي المدىسه والتمرين وممارسه الرسم ويلعب مع اصحابه محتاجين مجهود اكبر عشان يسترد ثقته بنفسه بسبب الي سمعه ده واي حاجه تحتاجيها كلميني
-شكرا يا دكتور
-خدت عبدالرحمن ونزلوا جابتلوا عصير
-العصير الي بتحبه اهو
-شكرا ،عايز اروح البيت
-ليه
-عشان محدش يبصلي ويقولي متخلف
-حبيبي احنا قولنا اي احنا أشطر ناس واقوياء جدا انت نسيت البطوله بتاعتك والمركز الي خدته في المدرسه ،طب انا هاخد ريك في حد هيبقي متخلف ويعمل كل الحاجات الحلوه دي
-لا
-يبقي نقول علي نفسنا شاطرين ومنسمحش لحد يقولنا كدا ابدا ،اتفقنا
-اتفقنا
-وعشان انت شطور عملالك مفاجاه
-اي
-هتعرف
-خدته علي محل ألعاب ،يلا اختار اللعبه الي تعجبك
-انا
-ايوه
-اختار لعبه قطر وفرح اشترتله بازل ومشيوا
-وصلوا البيت وفرح علمته يحط حاجته مكانها وخد علاجه ودخل نام
-فرح دخلت تصلي ونامت جمب عبدالرحمن من التعب
-******
-يلا يا بودي التمرين
-يلا
-وصلوا النادي وعبدالرحمن مركز في اللعب والكابتن بيشجعه علي أدائه الممتاز وفرح مبسوطه انه اندمج مع صحابه ،كلمت مامت سيف عشان يتقابلوا وتجيب سيف معاه يلعب مع عبدالرحمن وبالفعل وصلوا قبل ما عبدالرحمن يخلص تمرين
-عبدالرحمن خارج من التمرين وشاف سيف جري عليه حضنه وحشتني يا صحبي
-وانت كمان
-يلا نلعب
-ماشي تعالي اروح لماما
-ماما سيف صحبي
-ايوه حبيبي ،يلا نغير هدوم التمرين وألعبوا سوى
-راحت معاه يغير هدومه وطلبتله سناكس وكلوا وقام يلعب
-متقلقيش ان شاء الله يرجع احسن من الاول
-يارب بجد حقك عليا اني نزلتك دلوقتي بس كنت عايزه عبدالرحمن يشوف سيف عارفه اد اي بيحبه عشان كدا قولت هيحسن نفسيته
-متقوليش كدا يبنتي انا كنت محتاجه اشوفك واطمن عليكي ،انتي متعرفيش بحب اشوفك ازاي ،كل ما اشوفك احس اد اي انك انسانه صابره وشجاعه رغم كل الي مريتي بيه ولسه قلبك ابيض ومكمله ربنا يعينك ويجازيكي خير ويحفظلك عبدالرحمن
-يارب بجد،كل مره اقول ان دي الاخيره ،مش هقوم منها المره دي لكن كل مره لطف ربنا بيبقي اقوي بقوم وبكمل الحمدلله
-الحمدلله رينا يجازيكي خير عن كل ده
-يارب
******
-اتبسطت
-اوي ،سيف بيحبني
-ايوه جدا كمان انت مشوفتش بيحب يلعب معاك ازاي
-وانا كمان بحبه اوي
-بكرا هاخدك وهنروح مشوار مهم
-فين
-خليها مفاجاه بكرا تعرف
-وقف وحضنها ،بحبك اوي يا فرح
-وانا كمان بموت فيك ومعنديش اغلي منك ،يلا عشان نلحق نأخد علاجنا شالته وجريت
-عبدالرحمن صوت ضحكاته بتعلي
-جاهز يا بطل لمغامرات بكرا
-جاهز
-*********
-هنشوف النهارده مين هيربط الشوز اسرع
-انا
-هنشوف فرح بتربط براحه عشان عبدالرحمن يلقط منها الحركه ويبقي اسرع
-قؤبت اخلص
-انا خلصت
-يوووه بقي
-هههههه كسبت يا فرح ،winner winner
-تمام اوي ،فرح بصتله بصه فهمها كويس واتسابقوا مين ينزل الاول وكانت بتجري براحه عشان عبدالرحمن ميقعش
-اوووه فرح winner
-وقفوا عربيه وعبدالرحمن قعد جمب السواق وفرح قعدت جمبه لحد ما وصلوا للمكان
-يلا بينا نطلع
-طلعوا المبني وكان عبدالرحمن مبهور بالمكان والالوان والاطفال الموجوده
-اهلا يا استاذه فرح
-اهلا استاذ احمد سلم يا عبدالرحمن
-ازيك
-الحمدلله يا بطل وانت عامل اي
-الحمدلله
-انت عارف انت جاي هنا ليه
-شاور بدماغه بمعني لا
-نزلت فرح لمستواه ،النهارده جاين نتعلم حاجه جديده غير التمرين ،هنتعلب موسيقى
-تعالي معايا اوريك
-فرح شاورلته بمعني روح
-دخل اوضه الموسيقى واحمد قعده علي البيانو ووراه يلعب ازاي
-وعبدالرحمن اتفاجي في الاول وبعدين اتبسط واندمج معاهم وفرح بتصوره وعينها فيها دموع
-خلص الوقت بتاعه
-جري علي فرح مبسوط ،انا فرحان اوي ،عرفت ألعب
-شطور اوي شوفتك كنت هايل
-لا ده مممتاز ازي وهيتعلم علي طول صح يا عبدو
-ايوه
-هستناك المره الجايه
-ماشي شكرا يا استاذ احمد
-شكرا علي اي ربنا يحفظهولك علي ميعادنا
-ان شاء الله مع السلامه
-سلام
****
-مبسوط
-اوي عرفت العب
-شاطر يلا عشان نلحق نروح نكمل لعب هناك
-هكسبك
-هنشوف
-فرح بتلعب معاه بازل ويرتبوا سوي
-يلا نشوف شنطنا ونام بدري عندنا مدرسه
-ماشي
-مالك متوتر ليه
-تعالي
-نعم
-مش اتكلمنا في الموضوع ده وقولنا منخافش من حد وعندنا ناس بتحبنا وصحاب بيحبونا ومنخافش من حد خالص وكمان شاطرين صح ولا لا
-ايوه
-يبقي منخافش من حد ونقوم نشوف مصلحتنا
-يلا
-رتبوا الكتب سوي والهدوم ودخلوا يناموا
******
فرح وصلته للمدرسه ،اتبسط وعايزاك شطور ،اتفقنا
اتفقنا
-دخل المدرسه وفرح مشيت علي شغلها
-قضي اليوم في المدرسه وسط صحابه وبيحاول يكسب ثقه تاني رغم خوفه
****
دخلت الفصل المدرسه
ولد قاعد جمب عبدالرحمن:دي ميس جديده
-اقعدوا
-فين الطالب الي عندوا متلازمه داون هنا ،الاطفال كلها بصت لبعض ومحدش فاهم حاجه
-مين هنا اسمه عبدالرحمن سليم الصاوي ..و
#ندى_حسين
#تقاء
#متلازمة_داون
فين الطالب الي عندوا متلازمه داون هنا ،الاطفال كلها بصت لبعض ومحدش فاهم حاجه
-مين هنا اسمه عبدالرحمن سليم الصاوي
-الاطفال كلها بصوا علي عبدالرحمن ،عبدالرحمن وشه احمر والدموع بتلمع في عينه
-فين عبدالرحمن يقوم يقف هفضل انادي كتير ولا اي
-عبدالرحمن وقف والدموع في عينه والكلام بيطلع بالعافيه ،ا ن ا
-بتقول اي ،تعالي هنا اقعد قدام ،قوم يبني اقعد مكانه وهاته هنا
-قعد قدام وكول الحصه ساكت وسرحان ومكتبش وراها ،جه ميعاد خروج من المدرسه وصل البيت والهدوء مسيطر عليه
-مالك يا عبدو ساكت كدا ليه
-عينه كلها دموع ،فرح يعني متلازمة داون
-يعني اي
-حكلها الي حصل ومش عارف يجمع كلامه من كتر الدموع
-ممكن تهدى شويه
-هو انا عندي مرض
-لا متقولش كدا
-ليه الميس قالت كدا
-تعالي هنا وانا افهمك
-حضنته ومسحتله دموعه ،جابتله عصير ،نقعد بقي في هدوء وانا افهمك
-حبيبي اولا ده مش مرض ،ده اختلاف ربنا دينا بيخلقنا مختلفين عن بعض في الصفات والطباع والشكل واللون ،لازم نختلف عن بعض عشان اختلافنا ده رحمه ،عشان نرحم بعض ونساعد بعض كل واحد بيبقي مميز في حاجه معينه ،الاختلاف ده مميز وحلو بيخليك مختلف في كل حاجه
-بس انا مش عايز ابقي مختلف ،انا عايز ابقي زيهم،عايزهم يبطلوا يتريقوا عليا في كل حاجه ،مش عايزهم يبصولي اني غريب ،عايز ابقي زيهم
-هتبقي غبي وفاشل ،انت مش زي اي حد ،الي عايز يبقي زي اي حد يبقي انسان فاشل معندوش طموح ،لما ربنا يدينا حاجه لازم نشكره ونحمده عليها ،مش نعيط كدا ،اومال انا بخليك تتعلم رياضه وموسيقي وكل ده عشان تقولي ابقي زيهم،الناس مش بتسيب حد في حاله بتتكلم علي كله ف احنا نتعلم منهتمش لكلام حد ،احنا نركز مع نفسنا وبس والي يحاول يتحدنا نرد عليه بأنجاز كبير فاهمني ،مش هنسمع كلام حد ولا هنهتم بيه ،انت اشطر واحد وانجح واحد بالنسبالي عايز تبقي زيهم انت حر ومتجيش تعيط ،انا ماشيه وفكر بقي انت عايز تبقي مين وقولي ولو عايز تبطل المدرسه والتمرين وكل حاجه انت حر عشان تبقي زيهم
-دخلت الاوضه وخبطت الباب وعبدالرحمن قعد في الصاله بيفتكر كلام فرح الي مفهموش كله ،بس فاكر كلامها كله
-فرح في الاوضه منهاره من العياك ،ماسكه صوره مامتها ،مش عارفه ابقي قويه للاخر ،مش عارفه ابقي لوحدي ،وانتي جمبي حاجات كتير كنا بنعديها سوي وتخديني في حضنك ،انا دلوقتي لوحدي ،سمعت صوت الاذان قامت تصلي وخرجت تشوف عبدالرحمن
-لقته بيصلي لوحده ،خلص صلاه وسلم دخل الاوضه
-فرح دخلت تشرب مايه وخرجت
-مش هنروح النادي
-فرح ابتسمت فهمت عايز يقول اي ،اربط الشوز لوحدك
-دخلت تلبس ونزلوا سوي وفرح جابتله لعبه جديده كنوع من التشجيع
-تاني يوم نزل المدرسه وبدأ يتعامل اكتر ومبقاش يهمه نظره حد بقي يتكلم مع صاحبه الي بيحبه ديما ويلعب معاهم ويرجع يروح تمرينه وحصة الموسيقي ويرجع البيت
******
-خلصتوا كتابه ولا لسه
-امسحي يا ميس عبدالرحمن مش هيخلص دلوقتي ههههه
-عبدالرحمن بصله وكمل كتابه ،المدرسه مسحت السبوره وعبدالرحمن مكملش الكشكول جه ميعاد خروج المدرسه ،وصل البيت
-جاهز لبطوله بكرا يا بطل
-جدا
*******
-يلا يا بطل عاش ربنا معاك
-يلا يا كابتن
-نزل التراك واستعد للمسابقه ،وفعلا كسب وخد دهب
-فرح نزلت من المدرجات شالته وخدته في حضنها ةكانت مبسوطه بيه والكابتن خده اتصور معاه وكان مبسوط بيه جدا
-انا فخور بيك جدا
-شكرا
-يلا يا عبدالرحمن عشان نلحق نروح
-يلا
-انا بقول بلاش مدرسه بكرا واقعد ارتاح انت لسه راجع من بطوله
-لا هروح المدرسه
-فرح استغربت ردة فعله
-في حاجه يا عبدالرحمن
-لا بس مش عايز اغيب
-ماشي
******
وصل المدرسه ودخل مكتب المديره ،قالها انه فاز في مسابقه الجري وخد دهب
المديره فرحت بيه حدا وكرمته في الطابور والمدرسه كلها سقفلته
دخل الفصل وراح ناحية زميله :اه انا صحيح بطئ في الكتابه بس انت تعرف تجيب دهب زي
-انا اسف وقام حضنه مش هعمل كدا تاني مد ايديه يسلم علي عبدالرحمن
-عبدالرحمن سلم عليه وحضنه خلاص مش زعلان
-نقل قعد حمبه وقعد يكمله الكشاكيل طول اليوم
-رجع البيت حكي لفرح الي حصل وكانت مبسوطه بيه جدا انا فخوره بيك اوي يا عبدو بجد،ليه مقولتيش من الاول
-عشان احكيلك انا عملت اي انا خلاص كبير وهدخل تالته ابتدائي
-يواد يا كبير يولا ،قعدت تلعب معاه وجابت اللعب بتاعته وقعدت تتكلم معاه كتير ونزلوا لميعاد الدكتوره وخلص جلسته ورجعت البيت
-********
-يلا يا عبدالرحمن فاضل اخر درس يلا بقي
-تعبت مش قادر
-لا خلاص اخر درس ،خلينا نفصل شويه هعملك عصير اتفرج علي الفيديو ده عقبال ما اعملك العصير
-ماشي ،بدأ يقلب في التيلفون ويجيب فيديوهات
-فرح انا عايز لما اكبر ابقي اطلع علي التيلفزيون زي دي
-مسكت التيلفون شافت الفيديو ،لقت رحمه خالد بطله من ابطال متلازمة داون اول مذيعه علي قناة dmc
-عايز تبقي مذيع
-اه
-يارب يارب يا عبدو
-انا شاطر
-جدا وهتبقي اشطر مذيع
-يلا نكمل الدرس
-يلا ،كملت معاه الدرس ودخل نام وفضلت تتفرج علي البينت والانجازات الي عمتلها ،يارب يا عبدو يارب
**********
بعد مرور ٩ سنين
عبدالرحمن بيكمل رحلة علاج الغدة خلص دور دكتوره التخاطب وبدأ يتاهل نفسيا خصوصا فتره المراهقه عند دكتور نفساني ،بدأ اكتر يكون إنسان سوي ميهموش كلام حد ولا نظرات المجتمع ليه بدأ يركز في حياته اكتر بدأت فتره الثانويه بينزل دروس لوحده قليل وباقي المدرسين البيت ،بقي بينزل لوحده بيقعد مع صحابه اكتر قل عنده ارهاب الاجتماعي ،بدأ يتعامل مع الناس اكتر فرح بتعتمد عليه اكتر ،بقوا صحاب اكتر بينزلوا سوي في اي مكان هو روحها وهي روحه
-ربنا معاك يحبيبي الفتره دي انا عارفاك اشطر واحد وعمرك ما دخلت في حاجه الا وكسبتها
-شكرا يا فرح
-اي حاجه تقف معاك ،انا معاك
-حاضر ،هجبلك الاكل واجي
-جابت سندوتشات وقعد جمبه وتساعده من الحين للاخر ،منظمه مذاكرته ونومه وعلاجه ووقت التمرين الي ميقدرش يستغني عنه ابدا
-صحي بدري ونزل التمرين
-مش هتاخدني معاك اتفرج
-البطوله اخر الاسبوع هاخدك
-خلاص ماشي
-ماله الجري
-تعبت ،السباحه حلوه
-شوف يا اخي لعبنا العاب كتيره وفي الاخر ثبت في اكتر حاجه مكنتش بتحبها
-بحبها دلوقتي اوي
-بتحبها اكتر مني
-قعد جمبها وخدها في حضنه مقدرش
-باست ايديه طب يلا عشان هتتاخر
-نزل التمرين وهي جهزت الأكل ومكان المذاكره لحد ما يرجع
***
-دخل سلم علي صحابه وبدأ يجهز عشان التمرين
-لو سمحت ،هو كابتن حازم ييدرب هنا
-انتبه للصوت ،ايوه هو الكابتن الي هناك ده
-شكرا
-عفوا
-بدؤا التمرين ،وعبدالرحمن بيثبت مهارته في السباحه وحبه فيها ،خلص ميعاد التمرين وجهز نفسه عشان يروح ،لقي نفس البنت تايهه وبتسأل راح ناحيتها
-محتاجه حاجه
-كنت عايزه ادفع الاشتراك
-اشتراك اي
-السباحه
-اه هنا تعالي
-وصلها للمكتب واستنها دفعت وخرجوا سوي
-شكرا ليك تعبتك معايا
-لا عادي
-هو انت بتتدرب مع كابتن حازم
-ايوه
-انا هنضم ليكوا المره الجايه
-اهلا بيكي ،هتتبسطي اوي
-انت بتلعب سباحه بقالك كتير
-يعني من تالته اعدادي كدا
-اه ده حلو اوي ودخلت مسابقات
-ايوه جبت 2 فضه واحده دهب ومره شهاده كدا يعني
-ده انت جامد اوي بقي هتعلم منك ،طب انت وراك حاجه ممكن نشرب اي حاجه
-يعيني ،بس يلا
-قعدوا في كافيه قريب،تشرب اي انا عزماك
-لا مينفعش اطلبي بس الاول
-لا انا الي جبتك يبقي انا الي اعزمك
-مش هينفع ،ثواني بس ،بتشربي فرواله
-اشرب
-طلبوا عصير سوي وشربوا واتكلموا كتير نسيوا الوقت ،قطع كلامه رنه فون عبدالرحمن
-اي يا فرح،حاضر حقك عليا مع السلامه
-طب استأذنك
-معلش عطلتك
-لا مفيش حاجه ،عبدالرحمن حاسب علي العصير وقاموا مشيوا وكل واحد مشي في اتجاه
-صحيح اسمك اي
-ضحك بمرح ،اسمي ليلي ،باي
-مش هتسأليني علي اسمي
-عبدالرحمن
-خبط ايديه علي دماغه بتوبيخ باي
-ركب وروح البيت طلع بيجري
-اسف اسف
-اتاخرت
-خلصت وعملت كام حاجه وجيت
-طب يلا نتغدى
-ماشي
-اتغدوا سوي وفرح بتتكلم معاه عشان يحكلها يومه ،لعبت كويس النهارده
-اه الحمدلله،طب يلا ألحق صلي الضهر عشان تلحق تذاكر
-حاضر ،تسلم ايديك الاكل حلو
-قام صلي وخلص ودخل يذاكر وفرح من الحين للاخر بتذاكر معاه ويسمع فيديوهات عشان تسهل الدنيا عليه اكتر ويقدر يستوعب المواد والكميه دي
*****
عدى شهور الثانوي بين مذاكرته ونزول الدروس ومشوار التمرين الي بيشوف ليلي فيه وبيتبسط كل لما يشوفها ،بيحب يقعد معاها ويتكلموا سوي اكتر
-رايح فين يا عبدو
-عندي تمرين
-مش قولنا نحاول نقلل الايام دي عشان امتحانات الثانويه قربت
-هنزل النهارده ومش هنزل الخميس
-اشمعنا النهارده
-عندنا تدريب مهم
-متاكد
-ان شاء الله
-حاول متتاخرش معندناش وقت الفتره دي يا عبدو
-حاضر
-***
قعد يستنها تيحي مجتش اتمرنوا وخلصوا ومجتش ،قعد بعد التمرين يستنها ويروح المكان الي بيقعدوا فيه كتير ،مش معاه رقم تيلفون ومش عارف يوصلها ومش بتيجي التمرين
-رجع البيت حزين ودخل الاوضه علي طول
-فرح سمعت الباب ،خرجت من المطبخ لما ملقتش عبدالرحمن عدي عليها
-مالك يا عبدو
-مفيش عايز انام
-من امتي بتنام الصبح
-محتاج انام شويه مصدع
-طب تعالي عايزاك
-فرح ارجوكي سيبني شويه
-راحت قعدت جمبه علي السرير وشدت الغطا من عليه
-اولا احنا صحاب ومتفقين محدش يخبي حاجه عن حد صح
-اه
-ممكن تحكيلي اي الي مزعلك كدا ،انا مش غريبه عشان معرفش شكل ابني وهو زعلان
-اه مضايق شويه يا فرح
-اتعدلت وقعدت قدامه ،يبقي تحكيلي بقي
-خد نفس براحه ،ليلي غايبه بقالها اسبوعين ومعرفش عنها حاجه
-مين ليلي
-هحكيلك ،هحكلها الفتره الي فاتت ازاي اتعرفوا وقربوا من بعض اكتر بقي بيحب يشوفها فرح بتسمعه ومبتسمه
-اي يا فرح انتي مبتسمه كدا ليه
-احساسك حلو ووصلي ،في ساعات بحس انك مش بتعرف توصلي الكلام اد ما احساسك وصلي
-بس ف انا مش عارف اوصلها ومعرفش عنها حاجه
-مش معاك رقم ليها
-لا
-طب انا عندي فكره ،احنا نجيب رقمها من النادي
-قدام هي عضوه هناك يبقي هنجيب رقمها بسهوله
-ازاي انا مفكرتش كدا
-يبنتي انا عبقريه
-ايوه بجد
-خلاص سيب الموضوع ده عليا وانا هجبلك رقمها ،ركز دلوقتي في مذاكرتك وانا هشوفلك الموضوع ده ،مع اني مضايقه عشان مقولتليش من الاول واتعرفت عليها
-لما اشوفها تاني هعرفك عليها
-خلاص ماشي اتفقنا ،يلا كمل انت بقي وانا هتصرف
-قام وقفلت الباب وراها وبتفكر فعلا البنت الي ابنها اتعلق بيها دي مين وهي فعلا اتعرفت عليه ويبقوا صحاب ولا شفقه علي أد ما هي مبسوطه ان عبدالرحمن بيحكلها اول مره موضوع مع بنت علي اد ما هي خايفه من الضربه الجديده
*****
تاني يوم عبدالرحمن نزل الدرس وهي نزلت تروح النادي ،ودخلت لمكتب بيجددوا فيه العضويه وطلبت رقمها اساس انها نسيت معاها حاجات في التدريب وعايزه توصلها
خدت الرقم ورنت عليه مفيش رد ،وصلت البيت وعبدالرحمن رجع
-ها عملتي اي
-عيب عليك لما تسأل سؤال زي كدا ،جبته طبعا
-رني يلا
-برن من ساعة ما جبته مفيش رد خالص
-يعني اي
-مش عارفه
-انا هبعتلها علي واتس اب يمكن لما تفتح ترد ،اول ما ترد هقولك ،خلاص متزعليش بقي ان شاء الله نعرف نوصلها
-انا عايز اطمن بس
-عبدالرحمن انت متاكد انكو صحاب
-مش عارف ،بس بحب وجودها ،الي حاسه دلوقتي اني قلقان عليه وعايز اشوفها
-حبيبي ان شاء الله نعرف نوصلها ،انا عايزاك تركز بس الفتره دي في امتحانتك قربت وبعدين هنوصلها
-يوووه امتحانات اي بقولك ليلي عايز اشوفها
-طب هنعمل اي احنا حتي منعرفش مكانها فين ورقمها الي جبنا مش بترد ،هنوقف حياتنا اول ما نوصل ليها ،هنكلمها وننزل نقابلها كمان ،ممكن نشوف مصلحتنا وحلمنا مش بعد كل ده يبني
-حاضر دخل الاوضه ،غير هدومه وخرج يتوضي وصلي وقعد كمل مذاكره مش عارف يركز ،مسك كشكول الرسم وقعد يشخبط ورسمها وكان مبهور بالرسمه ازاي طلعت كدا ،حطها في الدرج وحاول يركز في مذاكرته
****
عدت الايام وبدأ عبدالرحمن امتحانته وفتره ضغط اكبر وفرح معاه خطوه بخطوه ومنظمه ليه وقته جدا ونومه ومذاكرته واكله ومساعدته في الدراسه ومتابعه ديما معاه مذاكره ويراجعوا سوي
-خلص امتحانت وفرح خدته خرجوا سوي بمناسبه انتهاء الامتحانات ،لقته سرحان مسكت ايديه تطمنه ،ان شاء الله هترجع ،يمكن عندها امتحانات زيك
-ان شاء الله
-*****
عبدالرحمن مكمل حياته بين التمرين وصحابه ويبعت ليها رسايل كتير علي فيس بوك ومش بترد
- سمعت ان النتيجة بكرا
- اه ان شاء الله
- ربنا معاك يبنتي ،نام ومتسهرش ولما تظهر هنجبها ان شاء الله
- خير
- يارب ،تصبح علي خير
- وانتي من اهله
- قعد علي المكتب وشغل اللمبه وقعد يرسمها ،تاني ويلعب موسيقي لحد ما تعب ونام
*****
يا عبدو اصحي النتيجه ظهرت وو
#ندى_حسين
#نقاء
#متلازمة داون
يا عبدو اصحي نتيجه الثانويه ظهرت
-فين رقم الجلوس
-هتلاقيه في المكتب
-اهو اهو
-دخلوا الرقم ،بيحمل
-خير خير ان شاء الله
-66في الميه
-فرح زغرطط من الفرح وحضنته مبروك يحبيبي الحمدلله
-ده وحش اوي
-لا حلو علي فكره قول الحمدلله الاول قول الحمدلله علي اي حاجه
-الحمدلله
-بس كدا
-بس كدا مش هدخل الكليه الي عايزه انا عايز ادخل اعلام
-لا في فرصه وان شاء الله هتدخل سبها علي الله لو ليك نصيب فيها لو الدنيا كلها ضدك ربنا موجود يقول للشئ كن فيكون
-الحمدلله انا هدخل انام
-مفيش نوم في هننزل نخرج نحتفل
-شويه بس تصبجي علي خير
-دخل اوضته وقفل علي نفسه وعيط اول مره يعيط بعد فتره طويله كبر وفهم ان عياط الرجال مش بالساهل مبقاش يحب حد يشوفه وهو ضعيف
-فرح كلمت سيف صاجبه يجيله ,دخلت تعمله كيكه احتفال بيه ,الباب خبط وكان سيف دخل قعد معاه وحاول يخرجه من المود
-يعني انت لما تفضل زعلان كدا هنغير حاجه ,خلاص يصحبي انت عملت الي عليك وسيبها علي الله وربنا هيختاركلك الخير وهيفاجئك انت لازم تتوكل علي الله متفضلش تحسبها كدا ترتيبات ربنا احسن مليون مره من قبل ما تتولد انت عليك تجتهد وتدعي ربنا وبس وكفايه نكد بقي اخرج اقعد مع مامتك بدل ما هي قاعده لوحدها كدا احمد ربنا ان فرح دي مامتك بجد دي في امهات تانيه كانت زمانها بتجري وراك بالشبشب ارض بما قسمه الله ليك وانت هتتفاجي بكرمه ,ادعوني استجب لكم ,يلا بقي قوم معايا
-خرجوا برا لقوا فرح بتمسح دموعها ,عبدالرحمن راح ناحيتها حضنها ومسح دموعها ,حقك عليا
-يا حبيبي انا عايزاك مبسوط ربنا هيكرمك والله انا متاكده
-ان شاء الله يا ماما
-اول مره تقولي ماما متقوليش فرح , يبقي لسه زعلان
-لا يا فرح
-طب يلا عملالك كيكه تحفهه
-قعدوا ياكلوا سوي ونزلوا يتمشوا شويه قضوا وقت لطيف ورجعوا البيت
-اعملي حسابك هتيجي معايا التدريب بكرا
-حاضر يا عم صحيني معاك
-اشطا
-بص علي المكتب ودخل نام
-يلا يا فرح هنتاخر
-خلاص خلصت اهو يلا بينا
-اقعدي هنا والشنط اهي وانا هدرب قدامك هنا
-ماشي حبيبي ربنا يوفقك
-دخل مع صحابه يدرب واندمج في التدريب
-فرح قاعده مبهوره بيه خلص التمرين ورجع قعد جمبها لبس وراحوا يكلموا الكابتن
-لا عبدالرحمن ممتاز ان شاء الله عندنا بطوله اخر الشهر
-ربنا معاكم وشكرا يا كابتن ده يرجع لمجهود حضرتك بردوا
-ليلي
-عبدالرحمن ,بعد اذنك يا كابتن
-طبعا اتفضلي
-ليلي
-عبدالرحمن ازيك
-كنتي فين كل ده
-نقلنا من فتره كبيره ومبعرفش اجي
-انا كل ده بدور عليكي ومش لقيكي,وحشتيني
-عبدالرحمن مينفعش الكلام ده انا مخطوبه
-في اي يا عبدالرحمن ,ازيك
-الحمدلله بعد اذنكم
-يعني مش هشوفك تاني ,محتاج اتكلم معاكي في حاجات كتير اوي
-بعدين يعدين
-هشوفك تاني
-موعدكش
-ليه
-عشان قولتلك مخطوبه
-ليلي انا بحبك
-بتمسح دموعها عشان خاطري متصعبهاش عليا
-كفايه يا عبدالرحمن يلا
-استني يا فرح
-ليلي بصدمه :انتي فرح
-ايوه انا امه
-حطت ايديها علي بوقها تكتم شهقتها
-في اي انا مش فاهم حاجه
-طب ممكن نقعد في مكان الواقفه دي مش كويسه
-ثواني بس وراح ناحيتها عايز اتكلم معاكي وبعدين امشي ,روحي انتي يا فرح وانا هاجي وراكي
-عبدالرحمن انت كويس
-ايوه ,خلي بالك علي نفسك
-يلا يا ليلي
-قعدوا في المكان بتاعهم الي اتعودوا ديما يقعدوا فيه
-انت ليه جايبني هنا
-عشان ده المكان الي جيته كتير استناكي فيه وانتي مبتجيش ليه مشيتي مره واحده تعرفي انا حاولت اوصلك كام مره
-صدقني غصب عني نقلنا واتسحب مني الفون عشان الثانوي ومبعرفش اخرج
-والخطوبه
-لما عز جه يتقدم انا كنت رافضه فعلا بس لما افتكرت تعلقك بفرح وكل شويه تقول فرح وتكلمها اختارته
-عشان كدا اتصدمتي اني فرح دي امي
-ايوه
-وبعدين
-معرفش ,سيبها للايام يا عبدو لو لينا نصيب نتقابل هنتقابل تاني مقدرش اعلقك بيا انا دلوقتي مبقتشش حره
-في ايدك تقولي لا
-وبعد ما اقول
-هتجوزك انا ,ليلي انا بجد بحبك ,انا مبعرفش اكذب مش بعرف اقول حاجه مش حاسسها
-صعب يا عبدو الي انت بتقوله
-صعب ليه
-لو حطيت نفسك مكاني مش هتعمل كدا
-منا مبحبهاش ,ف اول ما اشوفك هرجعلك
-انا عايزه امشي
-طب وانا
-ربنا يصلحلك حياتك وتقابل واحده احسن مني اعتبر كل ده مراهقه وفتره وخلصت وانساني
-مراهقه يعني انتي مبتحبنيش وبتكذبي عليا
-انا موعدتكش بحاجه
-بس انا حبيتك من قلبي
-مينفعش ,سلام
-ليه مينفعش قوليلي
-في حاجات مينفعش تتقال عشان هنجرح الي قدامنا
-مش فاهم قصدك
-اهلي مش هيرضوا بيك
-ليه مش فاهم
-عشان حالتك دي
-حالتي ,انا كويس علي فكره ومسمحش ليكي تقللي مني مهما كنتي
-عبدالرحمن افهمني
-مش عايز اسمعك تاني امشي ,امشي مش عايز اشوفك
بص عليها لحد ما اختفت حط ايده علي راسه ومشي رجع البيت بهدوء دخل اوضته وقفل الباب وراه فرح سابته براحته احتراما لخصوصيته
-قطع كل صورها وكل حاجه ليها علاقه بيها رمي كل حاجه
-قفل علي نفسه ايام يخرج وقت الصلاه ويرجع تاني اوضته
****
عدى شهر
-خرج من اوضته الصبح وفرح نازله ,رايح فين يا عبدو
-عندي بطوله
-تحب اجي معاك
-عندك شغل
-عادي انت اهم
-يلا
-نتيجه الرغبات هتطلع النهارده
-اه عرفت
-ان شاء الله خير
-ان شاء الله يلا
-بدؤا السباق وكان عبدالرحمن يسرح ويشوفها قدامه وكأنه بيصارع المايه فاق علي صوت الكابتن بتاعه زود سرعته وفاز بميداليه دهب
-فرح كانت مبسوطه بيه ,استلم الجايزه ورجعوا يشوفوا نتيجه الرغبات
-معهد اعلام
-الحمدلله يا ما انت كريم يارب قولتلك هتجيلك
-الحمدلله
-بكرا نسحب الورق
-يا مسهل
*********
-عدى اسبوع وهما شاغلين في اجراءات النقل وبالفعل قدم في المعهد العالي اعلام
****
*خلال اربع سنين
-بدأ دراسته ومركز جدا فيها ,بدأ يدخل انشطه طلابيه ويحضر ايفنتات واتصاحب علي ناس كتير في المعهد واندمج معاهم اكتر بقوا تيم واحد ,عبدالرحمن بدأ يعمل محتوي علي الانترنت ويقدم فيديوهات ازاي يتعاملوا مع اطفال متلازمه داون ويخلي فرح تطلع معاه تشرح اكتر ,قدم ايفينت في الجامعه مع اصحابه والكل كانوا مبهورين بيه وبثقته في نفسه وعزيمته ,كل ايفنت ياخد فرح تتفرج عليه ويقدمها للناس في الاخر ويقولهم هي دي البطله الحقيقه
-كانوا صحابه ديما بيدعموا ويقفوا جمبه
-شكرا يا وعد
مفيش بين الصحاب شكر يا عبدو انت رائع والناس كلها بتحبك لما تتخرج متنسناش ابقي اقتكرنا يا فنان
-مش هعرف انساكي انتي اكتر واحده ساعديتي من اول يوم في المعهد
-متبقاش متواضع كدا انت الي شاطر
-تعالي اعرفك علي والدي ووالدتي هنا
-انتي شوفتي فرح
-ايوه كنت قاعده جمبها طول الايفنت مامتك دي عظيمه بجد
-هي قعلا كدا ,هي لو مكنتش موجوده في حاجات كتير مكنش زماني هبقي هنا اصلا
-تعالي بقي اعرفك علي اهلي
-باب ماما عبدالرحمن اهو
-ازيك يا حبيبي وعد مش مبطله كلام عليك
-كل تحركاتك عندنا
-هههه ماما بتحب تهزر
-يلا بقي نمشي تاني
-اهلك لذاذ جدا
-اه اوي ماما كدا بتحب تهزر
-هما اهلك عندهم مشكله تكلميني
-لا ليه يعني
-لا مفيش
-المهم جاهز للامتحانات
-ان شاء الله اخر امتحانات في اخر ترم
-متتبسطش كدا عندنا مشروع تخرج
-ان شاء االه خير
*******
-بدوا فتره الامتحانات وشغل علي مشروع التخرج واتقبل وكانوا مبسوطين جدا ,جت الاجازه وكانوا مستنين النتيجه
عبدالرحمن ووعد بيتكلموا كتير وينزلوا مع بعض كتير وبتروح معاه تشجعه في التدريب والمسابقات
وعبدالرحمن قرب منها اكتر وكسب ثقته من تاني وبدأ يقرب من اهلها اكتر
-يوم النتجه نجحوا بتقدير جيد جدا وبيستعدوا لحفله التخرج
-فرح انا عايزك معايا في قرار واثق منه
-اي يحبيبي
عايز اتقدم ل وعد في حفله التخرج
-بجد يا عبدو
-انا متاكد فعلا من مشاعري ليها وصليت استخاره زي ما علمتيني ومتاكد وعايز اتقدملها
الاول هنقترح علي اهلها وهفجئها في حفله التخرج
-انا معاك يحبيبي ,خدلي منهم ميعاد ونروحلهم
-انا عايز نقولهم ووعد مش موجود ,روحي انتي وانا هخرج في اليوم ده مع وعد نجيب لبس التخرج
-خلاص حاضر خدلي ميعاد
-هكلم والدها دلوقتي ,
-الصبح يا عبدو الجو اتاخر
هو بيسهر
-عيب يحبيبي الصبح
-حاضر
بالفعل عبدالرحمن خد ميعاد وفرح راحت وعبدالرحمن ووعد خرجوا
-انا جايه النهارده زي ما عبدالرحمن فهم حضراتكم جاين نطلب ايج بنتكم ل ابني
-انا عايز اشيل من علي حضرتك الحرج ابن حضرتك ابننا وعمرنا ما هنلاقي حد محترم ونضيف كم جوا كدا زي ابن حضرتك وانا لو شاكك واحد في الميه في راي بنتي هقولك وعد حكتلي كل حاجه عن عبدالرحمن مش هكدب عليكي واقول خوفت في الاول بس لما اتعاملت معاه واتكلم ساعتها عرفت فعلا انك ربيتي وتعبتي فعلا
مشوار عبدالرحمن كان صعب وطويل بس الحمدلله ربنا ساعدني رغم كل حاجه , انا مش عارفه اقول لحضرتك اي انك سهلتها عليا كدا انا عمري ما هلاقي ناس زيكم
-ولا احنا هنلاقي زي ابنك ابدا
-يعني يتوكل علي الله ويجيب الدبله
قوليله لو عايز مساعدتي كمان معنديش مانع
-شكرا ليكم سلام عليكم
-خرجت رنت علي عبدالرحمن وقالته تمام وكان فرحان جدا رجع البيت حضن فرح ونزلوا يختاروا الخاتم سوي
********
يوم حفله التخرج ,عبدالرحمن قال المقدمه بتاعت الحفله وبدؤا التكريمات ونادوا علي اسمه هنا فرح مقدرتش تمسك نفسها من العياط مسك ايديها وطلع علي المسرح استلم شهاده ونزل باس رجليها ورفع اييديها لفوق خد المايك
-انا اسف لز هاخد من وقتكم دقايق ,بس انا عايز اشكر البطله دي البطله الحقيقه الي لولا انا مكنتش هبقيي هنا ولا هكون واحد في الميه من الي اانا عليه دلوقتي الي ضحت بكل حاجه واستحملتني علمتني القوه في اللسان امتي تستخمل وانتي تسكت وامتي تجيب حقك علمتني اني عمري ما اتنازل عن كراامتي ولا اسمح لحد يهزها كانت معايا في كل خطوه رغم انها كانت وحدها هي الي خلتني اعرف اتكلم دلوقتي واكمل تعليمي لولا مكنتش هاجي اصلا واقف وسطيكم شكرا يا امي شكرا يا فرح حضنها والقاعه كلها بتصقف وتصفر ويعيطوا والتيلفزيون بيصور واحب احتفل وسط كل حبايبي وصحابي كلهم وانا بختار شريكه مشواري لااح ناحيه وعد ونزل علي ركبته , تتجوزيني ,بسرعه بس عشان ذاكرت الحركه دي كويس بس دقيقه وهقع ,
-ضحكت طبعا موافقه ,الكل كمل تصقيف وصفروا والكل بيصور , خلصوا الحفله وروحوا البيت لقوا نفسهم ترند والكل مبسوط بفيديوهتم واتعمل معاهم لقاء تيلفزيوني وفرح ااتكلمت ازاي يبدوا مرحله العلاج مع اطفال داون وعبدالرحمن قال انه نفسه يبقي مذيع
-وبالفعل جاله الفرصه بعد الفيديوهات حفله تخرجه ومحتواه علي الانترنت ,بدأ يقدم برامج وحقق حلمه بالفعل
************
كل محنه بنتعرض ليها بنقول انها هتكون النهايه مش هنعرف تعدي منها مش هنعرف نتصرف هتعدي ازاي دي ولكن كل اختبار يسبقه لطف الله الدائم فهو مدبر كل امر وله حكمه في كل اختبار
فلازم تقع وتقوم وتكمل وتعدي بأزمات عشان لما توصل تحس فعلا بطعم التعب تحصد نتيجة ثمارك
ان الله ينصركم فلا غالب لكم
تمت
ندى_حسين
نقاء
تعليقات
إرسال تعليق
فضلا اترك تعليق من هنا