رواية مين حب مين البارت 1-2-3-4-5بقلم ساره محمد
رواية مين حب مين البارت 1-2-3-4-5بقلم ساره محمد
انا هتجوزها خلاص
قصدك هتتجوز عليا يا سيف؟
هو بزعيق : لا قصدى ان هتجوز حب عمرى
هى يوجع والدموع محبوسه فعينيها : طيب وانا؟
انا مراتك، حبيبتك، انا اكتر واحده حبيتك انا مسيبتكش تحزن لحظه وهى الى رامتك زمان لما كنت فقير ودالوقتى ولما بقيت دكتور مشهور وغنى جات وأكلت بعقلك حلاه يا دكتور
سيف : اخرسى منتكلميش عنها كدا
الى فات مات والحقيقه بقا يا ست حور انى محبتكيش
هى طول الوقت كانت معايا وطول الوقت كنت بتخيلها فيكى
والحقيقه الاكبر انى اتجوزتك علشان خاطر انتى صعبتى عليا بعد امك مماتت، قولت ازاى هتعيشى لوحدك وانتى يتيمه مخفتش على وحدتك اد مخفت على يتمك، اصلى مجرب شعور اليتم
هى رفضتنى زمان لأسباب قهريه، ودالوقتى اتكتبلنا نكون مع بعض
حور : يااااه.... ياااااااه دا انت شايل فقلبك ياما بقا للدرجادى بتكرهنى؟
سيف : مبكرهكيش
حور قاطعت كلامه : بس بتعطف عليا
وقعت على ركبتها وبكل حزن وأسى قالتله : روح اتجوز حب حياتك يا سيف، انا كنت مين علشان تاخد رأيى اصلا
مش معقول واحده انت بتعطف عليها هتمشى كلمتها عليك مش كدا؟
وكتر الف خيرك يا دكتور لحد كدا
سيف : عاوزانى اطلقك يا دكتوره؟
حور قامت وقفت ومسحت دموعها ورفعت عينيها فعين سيف وقالتله : ارمى عليا يمين واحد بس دالوقت
وفى سرها قالت يمين واحد يفكرنى انى هبعد، انى هسيبك، إنى هتخلى عن حب عمرى، يفكرنى بكسره قلبى
Flash back
حور حور ممكن تستنينى فالبريك عاوز اقولك حاجه مهمه جدا
حور : اكيد يا سيف
سيف : طيب عن اذنك دالوقت هخلص العمليه دى بس وقابلك فالبريك ان شاء الله
حور طلعت تجرى على صحبتها ندى
حور : يا ندى سيف قالى انه عاوزنى فموضوع مهم متعرفيش عاوزنى فأيه؟
ندى : انا شوفت معاه عليه فيها خاتم واول مشافنى شوفته خباها علطول، يكون الى فبالى صحيح؟
حور : بتهزرى، بتهزرى صح يا ندى؟ اخيرا سيف هيعترفلى بحبه؟
لا لا انا عقلى خلاص هيطير مش مصدقه
انا طايره من الفرحه بجد
ندى : انا ليا الحلاوه وفى الخطوبه ان شاء الله ليكى منى احلى هديه
حور : انا اعرف سيف من اول موعيت على الدنيا دى، عمرى معرفت حد غير، اكيد كان لازم احبه صح؟
هو طول عمره واقف جنبى اخويا وابويا وكل ما ليا حقيقي
ايه ده بس انا لازم اقول ليقين دى هتفرح اووى
ندى : يووه بقا يبنتى انا مش عارفه هى يقين دى قريبه منك كدا ليه انا حاسه انها بقيت اقربلك منى
حور : لا يندى متقوليش كدا كل واحده فيكم ليها معزه مختلفه وخاصه فقلبى
ندى : طيب معادك معاه جه يا شاطره يالا اجرى
حور : طيب بالله عليكى لما تشوفى يقين قوليلها علشان انا كدا مش هلحق
ندى : اووف حاضر
فالبريك
حور بصيت لقيته قاعد على ترابيزه
رواحت ناحيته بأبتسامه وقلبها بيدق بسرعه
سيف بأبتسامه : اتفضلى يا حور
حور قعدت
سيف : بصى انا مش عارف اجيبهالك ازاى بس اكيد انتى هتفرحى
اممم انتى اكتر واحده بتفهمنى اصلا
حور غمضت عينيها وهى طايره من الفرحه وسيف طلع العلبه من جيبه وفتحها
سيف : حور حور انتى معايا ولا نمتى يا بنتى؟
حور فتحت عينيها بسرعه وبصيت على الخاتم الى فى العلبه وبصيت لسيف بكل سعاده
حور وعينيها مليانه فرحه : انا مش مصدقه لاء
سيف : تتوقعى هيعجبها يحور
حور بصدمه : هى مين؟
سيف : يقين
حور وهى بتحاول تسيطر على تعابير وشها بالعافيه وبتبلع ريقها
اكيد ..اكيد هيعجب يقين
ممكن استأذن يا سيف عندى عمليه دالوقت
سيف : لسا وقت البريك مخلصش يبنتى وبعدين انا لسا مقولتلكيش بقيت التفاصيل
حور بتعب وهى حاسه ان قلبها بيترعش وجسمها متلج
بعدين يا سيف .. بعدين
واول مقامت وقفت راحت واقعه على الأرض
سيف : حوووووور
استغفروا♥️
#يتبع
#مين_حب_مين؟
#ساره_محمد_التلوانى
Part 2
Part 2
حووور فاقت لقيت نفسها على سرير فاوضه فالمستشفى وصاحبتها ندى قاعده جنبها
وسيف بيقولها : حاسه بأيه دالوقتى يا حور؟
حور بدءت تستوعب الى حصل وهى بصاله ومصدومه ومنطقتش
ندى : مالك يا حور.. ايه الى حصل يا حبيبتى
انا عملتلها اى يا سيف
سيف بأستغراب : عملتلها اى!
انتى شكلك كدا يا حور مأكلتيش كالعاده، روحى يا ندى هاتيلها أكل وعصير بسرعه
ندى : حاضر وطلعت تجرى تجيبلها اكل وعصير
سيف قعد جنب حور وسألها بكل هدوء : مالك يا حور، العيب مش فاكل ولا فشرب وأنا عارف انتى انفعلتى من حاجه جامد، انتى فى حاجه مزعلاكى من امبارح
حور لسا باصه لسيف ومبتنطقش
سيف : مامتك تعبانه يحور ومقولتيليش صح؟
حور بلعت ريقها ورديت عليه : اااه ايوا يا سيف ماما تعبانه بقالها يومين بصراحه وانا قلقانه وخايفه عليها
سيف : متقلقيش ان شاء الله هتكون كويسه
حور بعياط : هتكون كويسه ازاى والورم كل يوم بيكبر عن اليوم الى قبله
سيف : انا هروح معاكى وهبص عليها
حور : منا كل يوم ببص عليها انا دكتوره وانت دكتور وكل الدكاتره عاجزين قدام حالتها
سيف : انا سيف يا حور بجد اليومين الى فاتو كنت مشغول جامد والله ومسألتش عليها ولا كنت جنبك، مع ان الشقه فوش الشقه
حور : لاء متعتزرش يا سيف انا متفهمه كل حاجه، وبعدين ما انت علطول بتسأل وبتبص عليها، مفيش مبينا اعتذار ولا الكلام ده
سيف : بصى يا حور ادعى كتير ليها وانا كمان هدعيلها ومتروحيش النهارده من غيرى انا هروحك علشان ابص عليها
حور : حاضر يا سيف
سيف ممكن تبتسمى بقا علشان خاطرى
حور بصيتله وابتسمت والدموع فى عينيها
سيف : انا لازم امشى دالوقتى علشان اتأخرت ع معاد العمليه وانتى كمان كان عندك عمليه صحيح، بس لو حاسه انك تعبانه ومش هتقدرى قوليلى وانا هبلغ دكتور شكرى يحط حد مكانك او نلغى معاد النهارده
حور : لا لا انا كويسه الحمدلله روح انت يالا بسرعه ربنا معاك
سيف خرج من باب الاوضه وندى دخلت
ندى : مالك يحور ايه الى حصل
حور : محصلش حاجه يا ندى انا عاوزه اروح
ندى : مالك يحور .. ارجوكى قوليلى ايه الى حصل، مش هسيبك غير لما تقوليلى
حور بصوت عالى : طلع بيحبها هى طلع جايب الخاتم ليها هى ارتحتى؟
بقلم ساره محمد التلوانى
ندى : انا كنت متاكده ان البنت دى نيتها كدا، واتفربت منك علشان خاطر تتقرب منه، بس انتى الى طيبه وعلى نياتك
كلنا كنا شايفين ده إلا انتى يحور
حور بزعيق : خلاص يا ندى ارجوكى كفايه... كفايه
حور : انا اسفه يا ندى على صوتى الى عِلى فجأه ممكن تروحى تجيبلى ازازه ميا لو سمحتى
ندى: حاضر يحور متزعليش انتى بس نفسك بالله عليكى، هو ميستاهلكيش والله
اول مندى مشيت حور راحت على مكتبها واخدت شنطتها وقلعت البالطو الأبيض وخرجت من باب المستشفى والدنيا بتشتى وهى بتعيط، ومنهاره، ازاى صاحبتى تخدعنى وتخطف الشخص الوحيد الى ليا فالدنيا الى هى عارفه كويس اووى انى بحبه، ازاى تعمل كدا وليه.. لييه
حور فضلت ماشيه كتير لحد الساعه 12 بالليل فالشوارع وهى مش عارفه رايحه فين ولا جايه منين، دماغها مليانه افكار واسئله ملهاش اجوبه، صدمه مكنتش هينه ابداً
سيف فالمستشفى اول مخلص العمليه طلع يجرى بسرعه لمكتب يقين
سيف : جاهزه يا يقين؟
يقين : جاهزه يا دكتورى... ها هتعشينى فين يا حبيبى ؟
سيف : لا دى مفاجأه
يقين : سمعت ان حور تعبت واغم عليها يحبيبى بس روحت ابص عليها ملقيتهاش، عاوزه اتطمن عليها
سيف : هى نفسيتها مش متظبطه بسبب تعب مامتها ما انتى عارفه
يحبيبتى، اكيد كانت فاوضه العمليات..
يقين : حور مكنش عندها ولا عمليه النهارده اصلا
سيف : انتى متأكده يا يقين؟
يقين : maybe يا حبيبى مش متأكده اووى يالا بينا بقا علشان منتأخرش
سيف : يالا يا حبيبى، خرج معاها من المستشفى وفتحلها باب العربيه وصل لأحلى مطعم فسكندريه على البحر وقدملها الخاتم بعد منزل على ركبته
سيف : تقبلى تتجوزينى؟
يقين بفرحه : مقبلش بحد غيرك طبعاً
سيف لبسها الخاتم وقالها : عاوزك تاخديلى معاد من باباكى فأسرع وقت ممكن علشان اجى اتقدملك رسمى
يقين : طيب هتقوله اى؟
سيف بأستغراب : يعنى اى هقوله اى
هقوله طبعا انا بحب بنتك وعاوز اتجوزها
يقين : مش قصدى كدا يا حبيبى قصدى تفاصيل الجوازه والفرح
هتسكن فين، هتجيب دهب بكام، وكل التفاصيل دى
سيف : ما انتى عارفه يا يقين ان معنديش غير الشقه الى ورثتها من أهلى والعربيه، هو اكيد هيبقا على علم انى لسا بادئ مستقبلى
يقين : امممم... بابا يا حبيبى انا مكلمتكش عنه كتير انا عارفه بس هو بيبص للماديات شويتين تلاته ومبيحبش نبقا اقل من الناس
سيف : مش فاهمك يا يقين
يقين : بص انا هاخدلك منه معاد وانت هتفهم، بس وانت بتتكلم معاه حاول تتكلم كتير عن المستقبل واهدافك وطموحاتك
انا عارفه انك طموح يا حبيبى
سيف : هى الساعه كام دالوقتى؟ يا خبر ابيض دا انا نسيتها خالص
يقين : الساعه دالوقتى 12 يا حبيبى، نسيت اى؟
سيف : كنت عاوز اروح حور النهارده وابص على مامتها
يقين بعصبيه : اااه لا يا حبيبى هى اخر شفتها النهارده اصلا كان الساعه 8 وهى روحت من زمان كدا
سيف : طيب تعالى يحبيبتى يالا علشان اوصلك
يقين : هروح اظبط الميكب بس واجيلك حالاً يروحى
تليفون سيف رن وكانت مامه حور
سيف : الو يا ماما ايه اخبارك يا حبيبى؟
مامه حور بتوتر وخوف : يقين كانت قالتلى يا ابنى يا حبيبى انها هتيجى الساعه تمانيه بس دالوقتى الساعه 12 وهى ليا مجتش، لو معاك طمنى وقولى علشان قلبى واجعنى عليها اووى
سيف : اااه اااه معايا يا أمى واحنا جايين فالسكه متقلقيش
مامه حور : ربنا يطمن قلبك يا حبيب قلبى، خلى بالك عليها ومتتأخروش.
سيف قفل المكالمه بسرعه ونده على الجرسون
سيف : اتفضل الحساب اهو والباقى علشانك ولما تيجى الأنسه الى كانت قاعده معايا اديلها مفتاح العربيه ده وقولها دكتور سيف سابلك مفتاح عربيتو علشان جاله مشوار ضرورى جدا روحى بالعربيه وابقى طمنيه لما تروحى
وقف تاكسى بسرعه وهو بيتصل على ندى صاحبه حور علشان يسألها عنها
ندى : الو يا سيف
سيف : ندى... انتى تعرفى حور فين؟
ندى : لا معرفش يا سيف
سيف : طيب هى دالوقتى فالمستشفى؟
ندى بعصبيه : مقولتلك معرفش يسيف، بس متتعبش نفسك وتدور عليها فالمستشفى علشان هى مشيت من ساعتها
سلام وققلت الخط
سيف : لو سمحت اطلع من طريق المستشفى حاول تعدى على كل الطرق الرئيسيه لحد العنوان****(العماره الى ساكنين فيها)
بعد ساعه سيف وصل قدام العماره وهو فاقد الأمل، وبيسأل نفسه هتكون راحت فين يا ربى
بقلم ساره محمد التلوانى
سيف عارف ان حور لما بتكون زعلانه من حاجه او نفسيتها مش متظبطه بتختفى تماماً، وبتكون مش مدركه هى بتعمل اى حتى وبتمشى لوحدها، وسيف عارف ان مينفعش يطلع لوحده هيقول ايه لمامتها، فضل قاعد فالمدخل جنب البواب بعد مسأله هى جات ولا لاء والبواب قاله لاء لحد الساعه اتنين بالليل وبعدين قرر انه خلاص هيطلع لمامتها يطمن عليها ويحاول يشوف حل معاها
طلع وخبط على الباب، لقا الباب مفتوح
دخل وهو بينده على مامه حور
سيف : يا امى انتى صاحيه؟
ودخل اوضتها لقاها صاحيه، تعالى يا سيف يا حبيبى
سيف : انتى عامله اى دالوقتى يا أمى
مامه حور : الحمدلله يا حبيبى، انا بخير طول ما انت بخير، انت ليه مطلعتش مع حور؟
سيف : يعنى اى مطلعتش مع حور يا ماما؟
مامه حور : بعد مقغلت معاك حور جات علطول
سيف : هى فين حور دالوقتى يا امى؟
مامه حور : تلاقيها فى اوضتها يا حبيبى
سيف : طيب انتى اخدتى علاجك؟
مامه حور : اه حور اديتهولى يحبيبى وكانت جايه هدومها متغرفه ميا، ليه كدا بتمشوا فى الشتا يحبيبى انتم مش كبرتم بقا؟
سيف : ما انتى عارفه يماما حور بتحب الشتا ازاى، عن اذنك هقول لحور حاجه
مامه حور : روح يحبيبى، وبقولك انا سيباىك طبق اكل فالمطبخ فيه محشى وفراخ متنساش تاخده
سيف : حاضر يا ماما، تصبحى على خير
وأول مخرج من باب الاوصه لقى الشغاله فوشه
سيف : هى حور جات امتا يا اشجان
اشجان الشغاله : جات من ساعتين كدا يدكتور، تلاقيها فى اوضتها دالوقت، كانت جايه حالتها غريبه كدا ومتغرقه شتا ومبتردش عليا ولا أكلت ولا شربت حتى
سيف خبط على باب اوصه حور مرديتش راح فاتح الباب وداخل
لقاها نايمه على السرير، نده عليها مرديتش، بس لاحظ انها نايمه بهدوم الخروخ مسك طرف الجاكيت لقاه مبلول
خرج ونده على اشجان وقالها : صحيها تغير هدومها دى يا اشجان علشان متتعبش
اشجان : حاضر يا دكتور، اتفضل طبق الاكل بتقولك الحاجه
سيف : انا اتعشيت يا اشجان، بس لو سألتك قوليلها انى اخدته، وصحى حور خليها تغير هدومها وتاكل
ودخل شقته ولسا هيغير هدومه لقا الجرس بيرن
راح يفتح الباب لقا اشجان قدامه
اشجان : الحقنى يا دكتور سيف
استغفروا♥️
#يتبع
Part 3
سيف : فى اى يا اشجان
اشجان الخدامه : الحق يا دكتور سيف الست حور مبتصحاش وجسمها متلج مش عارفه مالها
جرى سيف على اوضه يقين حط ايديه على دماغها لقاها درجه حرارتها عاليه جدا وبعدين بص لأشجان وقالها بصوت واطى
اجرى يا اشجان هاتيلى جهاز الضغط والسكر من عند الحجه واوعى تاخد بالها واوعى كمان تقوليلها ان يقين تعبانه
اشجان : حاضر يا دكتور، متخافش مش هحييها بحاجه خالص
سيف قاس لحور الضغط لقاه واطى جدا والسكر عالى جدا
هى عندها السكر وراثه من والدتها
سيف : اشجان هى حور اخدت علاج السكر بتاعها النهارده
اشجان : معرفش والله يا دكتور، بس هى جات اترمت على السرير بهدومها زى ما انت ما شايف ومبتنطقش
سيف : طيب انا هنزل دالوقتى اجيبلها محلول وعلاج من الصيدليه لحد ما تغيريلها هدومها المبلوله دى
اشجان : طيب مننقلها على المستشفى احسن يا دكتور الا دى شكل حالتها صعبه اووى
سيف بعصبيه : هو انا الدكتور ولا انتى يا اشجان، ممكن تسكتى خالص دالوقتى وتعملى الى قولتلك عليه وبس
وخرج سيف من الشقه وهو بيفكر فكلام اشجان، هى فعلا حالتها صعبه، بس هو عارف كويس اووى ان كل ده نفسيه وانها هتهدا بعد مترتاح وتاخد العلاج ورجع ومعاه العلاج وبدء يركب الحقن فالمحلول ويشوف حرارتها كل شويه
دخلت عليه اشجان الفجر : روح صلى انت يا دكتور وانا هخلى بالى منها ونام شويا علشان عندك شغل الصبح
سيف : انا متعود ع السهر يا اشجان خليكى انتى بس جنبها لحد مروح اصلى وابص على الحجه
دخل سيف على اوضه والده حور : ازيك يا امى عامله اى دالوقتى؟
طمنينى عليكى
والده حور : تعالى يا ابنى
كانت بتتنفس بهدوء جدا ومسكت فأيديه
انا بموت يبنى
سيف : لا يا ماما متقوليش كدا بعد الشر عليكى
والده حور : بوصيك على بنتى حور، احميها وكن لها الضهر والسند
واتجوزها يا ابنى انا مش هلاقى حد احسن منك علشان استئمنه عليها
سيف بصدمه : بس يا امى
والده حور : مبسش، اشهد ان لا اله الا الله واشهد ان محمد رسول الله
وفجأه والده حور ماتت وسيف بقا واقف مش عارف يعمل اى نده على اشجان بسرعه بعد شويا من الصدمه
اشجان : نعم يا دكتوى
سيف : هاتى اى مُغسله ومتقوليش لحور اى حاجه دالوقتى
اشجان : انا مش فاهمه حاجه يا دكتور انت بتقول اى
سيف : أُمى فى ذمه الله دالوقتى ادعيلها بالرحمه
اشجان بصريخ : يا لهوووى لا يا ستى لاااا
سيف بزعيق : اسكتى خالص انا مبحبش الصريخ على حد ميت يالا روحى اعملى الى قولتلك عليه واوعى تقعى بلسانك قدام حور اول متصحا
جريت اشجان بلغت الجوامع كلها والمغسله جات الصبح علطول وقبل متدخل سيف دخل لحور الأوضه ومسك ايديها
سيف : حور حاسه بأيه دالوقتى؟ بقيتى كويسه؟
حور : ااه دماغى يا سيف تقيله جدا، انا سقعانه خالص
سيف : معلش انتى بس تعبتى شويا امبارح وانا ركبتلك محلول فهو الى سقعك،ممكن بس تفتحى عينيكى وتحاولى تقومى تقعدى علشان عاوز اقولك حاجه مهمه
حور فتحت عينيها بسرعه وقعدت على السرير وسيف حطيلها مخده ورا ضهرها
سيف : انتى عارفه ان ربنا كريم صح؟ وان ربنا مش بيجيب حاجه وحشه ابدا
حور رجعت شعرها لورا وحطيت ايديها على راسها وبصيت لسيف بأنتباه : فى اى يا سيف؟
سيف : كلنا هنموت واحنا الدكاتره اكتر ناس بنشوف كل يوم الناس بتموت قدامنا صح؟
حور والدموع فى عينيها : قصدك اى يا سيف، اوعا تنطقها امى محصلهاش حاجه صح؟ هى قالتلى انها مش هتسيبنى علفكره
سيف بص لحور وسكت
حور بصدمه : امى ماتت يا سيف؟
هاا رد عليا
سيف : انا مكنتش عاوز اقولك خبر زى ده وانتى تعبانه كدا، وكنت هخليهم يغسلوها وتدفن علطول لأن اكرام الميت دفنه لكن مهما كنت هأخر عنك الحقيقه لحد امتا؟
انتى لازم تبقى قويه وتسلمى عليها قبل متمشى
حور رمت الغطا من عليها ونزلت على الارض ومشيت لحد اوضه والدتها ووقفت قدامها ومسكت ايديها وسيف طلع يجرى وراها
حور : بس انتى وعدتينى، انا كدا هعمل اى لوحدى فى الدنيا دى؟
طيب مقولتيليش لى انك ماشيه وانا كنت فضلت قاعده جنبك او كنت حضنتك لأخر مره وفجأه دخلت المُغسله
يالا يا جماعه علشان لسا عندى مواعيد تانيه وانا كدا هتأخر عندكم
حور : انتى ايه الى جابك هنا يا ست انتى؟
الست : لا حول ولا قوه الا بالله انا جايه اغسل الحجه
حور بصريخ : اخرجى بره وكلكم اخرجوا بره، هى بس نايمه شويا وهتصحى واوعوا اشوف حد حاطط حاجه على وشها وكاتم لها نفسها تانى، انتم عاوزين تموتوا امى؟ دا انا مليش غيرها فى الدنيا دى
سيف قرب من حور ومسكها من ايديها : يالا يا حور وسيبى الست تعمل شغلها، امر الله نفذ خلاص وإكرام الميت دفنه وبعدين متخافيش انا معاكى
حور بصريخ وهى بتشد ايديها من ايد سيف : لااااء انت مش معايا ولا هتبقا معايا انت ناسى انك اخترت تبقا معا مين؟
وفجأه حطيت ايديها على راسها وصرخت و. ...
#يتبع
#مين_حب_مين
#ساره_محمد
Part 4
حور اغم عليها وبعدين سيف شالها وفتح باب شقته ودخل اوضته وحطها على سريره، وفضل قاعد حاطط ايده على راسه مش عارف يعمل اى وبعد مخلصوا راح ودفنها وصلوا عليها وبعدين طلع اخد حور على المستشفى وحطها على السرير ونده على الممرضه
اندهيلى على دكتوره ندى بسرعه (صاحبه حور)
الممرضه بقلق : هى مالها دكتوره حور يا دكتور
سيف بزعيق : مش عاوز كلام كتير لو سمحتى اندهيلى دكتوره ندى
راحت الممرضه ندهت على ندى واول ما ندى وصلت
ايه ده مالها حور يا سيف وقربت منها وبدءت تفحصها وهى بتكلم سيف وتقيسلها الضغط والسكر وتسأل سيف ايه الى حصل وسيف مش بيرد وبعدين خرج وسابها وهو متأكد انها هتعمل لحور اللازم واول موصل على مكتبه وقعد الباب اتفتح ودخلت يقين
يقين بعصبيه : هو انت ازاى تعمل فيا كدا امبارح وتسيبى اروح لوحدى؛ ولا هو فى ايه مهم اكتر منى يا سيف فحياتك؟
هااا رد عليا
سيف بحزن ونبره صوت هاديه : والده حور ماتت
يقين : الله يرحمها يا سيدى
هو انت ليه محسسنى علطول انك من بقيت اهلهم؟ هااا
اصلا الست دى طول عمرها بترسم عليك هى وبنتها علشان تحوزك لبنتها وانت هتفضل طول عمرك غلبان كدا يا سيف
سيف : خلاص يا يقين، انا مش قادر اسمع حاجه والله انا منمتش من امبارح
(((والريتش وحش جدا للأسف لو استمر على كدا فالبارت دا هخلى النهايه البارت الجاى لأن بجد انا شغفى بينطفى وانا شايفه الريتش ده))
يقين قربت من سيف ومسكت ايديه : خلاص يا حبيبى روح ارتاح وخد اجازه النهارده
سيف : لاء انا مش هينفع اخد اجازه انا عندى عمليه كمان نص ساعه هشرب كبايه قهوه واقوم
يقين : يا حبيبى مش هيحصل حاجه لما تاخد يوم اجازه والله
سيف : قولتلك مش هينفع يا يقين
يقين : طيب هى فين حور دالوقتى علشان اروح اعزيها
هى فالبيت؟
سيف : حور فصدمه كبيره يا يقين، حور حالتها صعبه جداً
يقين : اووف بدءنا بقا امور الاستعطاف بسبب قلبك الحنين ده
خلاص بقا يا سيف سيبك منها اقولك ان شالله تولع حتى مش امها ماتت؟ اخلع بقا منها لتفضل لازقه فيك طول العمر يا حبيبى وحاول انك تتجنبها الفتره الجايه بقا وابدء فوق وفوق نفسك كدا علشان انا حضرتك معاد مع بابا يوم الخميس الساعه عشره بالليل
يعنى بعد تلت ايام بس
سيف بدء يفكر فكلام يقين وشرب قهوته ودخل اوضه العمليات واول مخلص العمليه لقا ندى وقفاله قدام الباب
ندى : حور مالها يا سيف؟ لو سمحت رد عليا
حرام عليك بقا يا اخى الى انت عملته فالبنت ده دا انت صدمتها صدمه عمرها، يحور بتحبك يا سيف وانت بكل بساطه روحت وقولتلها انك هتتقدم ليقين
(والريتش وحش جدا للأسف لو استمر على كدا فالبارت دا هخلى النهايه البارت الجاى لأن بجد انا شغفى بينطفى وانا شايفه الريتش ده والله انا نفسى اكمل الروايه ومفروض انها طويله بس مش عارفه ليه فى ناس بتستخسر تتفاعل مع ان الروايه عجباها ومتابعاها)
سيف : انا ميهمنيش اى حاجه من الكلام الى انتى بتقوليه يا دكتوره ندى ويقين فالحاله دى بسبب ان والدتها اتوفت
فخلى بالك عليها اليومين دول لو سمحتى ويستحسن لما تبقا كويسه تاخديها عندك البيت كام يوم علشان حالتها النفسيه
عن اذنك
وروح سيف عالبيت وفعلاً بدء يمسح حور من قاموسه ومن حياته واخد شاور ودخل نام وتانى يوم نزل من بيته وحود على يقين اخدها وطلعوا على المستشفى حتى الاوضه الى كان فيها حور مكنش بيقربلها
واول مجه يوم الخميس سيف جهز نفسه ولبس بدلته واخد عربيته وطلع على بيت يقين ووالدتها استقبله احسن استقبال
والد حور : قولتلى بقا انت معاك ايه يا دكتور؟
او عندك اى؟
سيف : عندى شقتى الى قاعد فيها والعربيه الحمدلله
والد يقين : بس كدا؟
سيف : انا لسا فبدايه حياتى وان شاء الله ربنا هيكرم
والد يقين : انت مُعدم يا ابنى انت شايف المستوى الى بنتى عايشه فيه؟ شايف القصر الى انت دخلته؟
هقولك حاجه انا متعلمتش زيك ولا طلعت دكتور لكنى املك ثروه انت متقدرش تعملها طول عمرك، ونصيحه منى الزمن الى احنا فيه ده لا عاوز دكتور ولا مهندس عاوز واحد بيعرف يخلق القرش من تحت الارض متنساش تاخد الباب فأيدك ومتتعاملش مع بنتى تانى خالص يا اما هتتسبب بنفسك ففصلك من المستشفى الكبيره الى بتشتغل فيها مع بنتى
سيف روح على البيت وهو مصدوم ازاى يترفض بالطريقه البشعه دى واول مطلع على السلم بص لقا شقه حور مفتوحه، دخل جوا لقا حور قاعده على سرير والدتها وحاضنه هدومها وساكته
سيف : انتى خرجتى من المستشفى امتا يا حور؟
حور مبتردش
سيف : انا اسف معرفتش اسأل عليكى اليومين الى فاتو دول علشان كنت مشغول
حور بصيت فعين سيف وبردوا مرديتش
سيف : انا عارف انى مكنش ينفع اختفى عنك اليومين الى فاتوا دول ارجوكى سامحينى يا حور
حور ديرت وشها الناحيه التانيه : روح عيش حياتك يا سيف زى متحب انا مش مكتوبه على اسمك، ومتعتذرش منى، لأنى مليش عندك حق اصلاً، احنا كنا اصدقاء وكنا يا دكتور سيف
سيف : تتجوزينى يا حور؟
#يتبع
Part 5
حور بأبتسامه بعد مقامت وقفت قدام سيف : لاء يا سيف مش هتجوزك
وبعدين انت ازاى تقولى كدا وانت بتحب واحده تانيه اصلاً
سيف : دى وصيه والدتك يا حور، امك وصيتنى قبل وهى بتموت انى اتجوزك
حور بصدمه : انت بتقول ايه؟
امى لو عملت كدا فأكيد لإنها كانت فاكره انك بتحبنى او مُعجب بيا
وشافتك هتخاف عليا وهتحمينى مش اكتر، لكن صدقنى هى لو كانت تعرف انك بتحب واحده تانيه كانت استحاله تقولك كدا يا سيف وانت عارف كدا كويس
سيف : اممم هنتجوز يا حور اخر الشهر ده وهنعيش فشقتى
حور قربت من سيف اكتر وبصيت فعينيه وبحسره : لاء يا سيف ارجوك وقف تضحيات بقا علشانى ارجوووك، انا عارفه انى صعبانه عليك بس صدقنى انا هبقا كويسه بعدين وهتأقلم، انما انت روح وعيش مع البنت الى اختارها قلبك والى حبيتها
سيف : البنت الى اختارها قلبى ابوها رفضنى من شويا وكرشنى من بيته قصدى قصره..
حور بصدمه : متزعلش يا سيف اكيد حصل سوء تفاهم انا هكلملك يقين وهحاول على اد مقدر والله احل سوء التفاهم الى حصل ما بينك وبين والدها وان شاء الله خير
سيف بعصبيه : وصيه امك لازم تتفذ يا حور وانا موضوع يقين خلاص اتقفل بالنسبالى
حور : بس....
سيف : مبسش يا حور فرحنا اخر الشهر الجاى ان شاء الله
(التفاعل يجماعه والله ما هو الا حافز ليا بيخلينا اخطف وقت من يومى وسط كل الى انا فيه واستمر معاكم، لو انتم حابين الروايه فأنا والله حابه اكتر انى موقفش ولا لحظه وابعت البارت الجديد كل شويا مش كل يوم♥️، ومقدرش استغنا عن رأيكم كالعاده واسفه عن اى تأخير فالبارتات الى فاتت♥️)
واتجوزنا اخر الشهر انا حور الى وافقت على جوازى من حب عمرى بالرغم من انها كانت باينه وواضحه انه بس حقق وصيه امى علشان ينساها بيا، عمرى مكنت هبله لكنى كان قلبى معاه ومكنتش هقدر اعيش من غيره لحظه واحده بعد موت امى كنت محتاجه لوجوده اكتر ما كنت محتاجه لنفسى
سيف قبل الفرح بيوم : بصى يا حور انا ملاحظ انك تعبانه نفسياً وكمان جسديا من وقت موت والدتك فأنا مش عاوزك تشتغلى بعد الجواز تانى
حور : بس
سيف : مبسش يا حور انا بيبقا فى فدماغى ميه موال فالشغل وبقلق عليكى طول ما بتبقى فالشغل وبتتعبى
حور : خلاص يا سيف موافقه
يوم الفرح مفتكرش انه كان فرح عادى خالص انا وسيف واصحابنا خرجنا واتصورنا وانا كنت لابسه فستان سيمبل وسيف كان لابس بدله واول مروحنا
سيف : حور انا هدخل انام فى اوضتى علشان بس فيها هدومى
وكل حاجتى وانتى ادخلى نامى فى الاوصه التانيه
ودخل اوضته وسابها
حور دخلت قعدت على السرير فى الأوضه وبصيت على نفسها فالمرايه وفضلت تعيط، صحى سيف الصبح تانى يوم
سيف : حور يا حووور يالا اجهزى علشان خارجين نفطر بره ونقضى اليوم بره
حور : تمام يا سيف هجهز
حور لبست وجهزت ووهى جايه تطلع من الباب رجعت بسرعه جابت روايتها لأنها عارفه كويس انه هيفضل قاعد سرحان زى عادته
راحوا قعدوا فمكان على البحر وسيف طلب قهوته وفضل قاعد على الموبايل وحور طلبت نسكافيه وفتحت روايتها وبدءت تقراها
وبعد ساعه سيف بصيلها وسألها مزهقتيش من القراءه يا حور؟
حور : بصراحه لاء مزهقتش لأنها روايه شيقه جدا
البطله بتتكلم فيها عن ان الأستثناء صوره من صور الحب لكن ليها وشين بتقول ان فى حد ممكن يستثنيك عن غيرك فحياته علشان بيحبك او ممكن يسثنيك علشان بس يحافظ عليك
بس هل تعتقد ان النظريه دى صحيحه يا سيف؟
سيف : معرفش انا هقوم اشرب سيجاره
حور بصدمه : بس انت مبتدخنش يا سيف
سيف بعصبيه : وبقيت بدخن دالوقتى بقا يا حور
وسابها ومشى واول مروحوا البيت
حور بعصبيه : شكراً جداً على الخروجه الى كل واحد قعد فيها لوحده، شاطر انك بدأت تتغير بس للأسف يا سيف للأسواء
سيف : انا مش عاوز وجع دماغ يا حور اتفضلى ادخلى نامى لو سمحتى
حور بصريخ : انا مش لعبه هتحركها زى ما انت ما عاوز ارحم بقا يا شيخ قلبى الى حبك وفوق فوق بقا من الوهم الى انت فيه يا سيف يقين دى عمرها محبيتك ولا هتحبك هى عملت كل ده علشان تثبت انها احلى واشطر منى وبس مع انك عارف غلطاتها فى اوضه العمليات كويس والبلاوى الى انت كنت بتصلحهالها، البنت دى ضحكت عليا زى مضحكت عليك وصاحبتى واتقربت منى ومش هنكر انى حبيتها لكنها اتقربت منى علشان تاخد منى اكتر حاجه بحبها وبس ولعلمك يقين دى كانت عارفه إنى بحبك ودا اكبر دليل على انها انسانه مش كويسه
سيف : طيب ما انتى اتجوزتينى وانتى عارفه انى بحبها
حور وقفت مصدومه مش عارفه تقوله اى ودخلت اوضتها وفضلت تعيط، الساعه اتنين بالليل سيف سمع باب الشقه بيتفتح وهو نايم
سيف : دا صوت باب الشقه ده ؟
واخد وقت لحد ما قام من على السرير وبدء يفوق ولما خرج الصاله لقا فعلاً باب الشقه مفتوح طلع يجرى على اوضه حور ملقاهاش
سيف : عملتها تانى؟!
طلع جرى يركب الاسانسير لقاه واقف لسا فالدور الاول ومعلق طلع جرى على السلالم نزل، خرج من باب العماره وفضل يجرى لمده تلت دقايق وبعدين شافها بتعدى الطريق وبينده عليها مبتردش تكاد تكون مُغيبه
وفجأه عربيه جايه ناحيتها من بعيد
سيف : حور حاااااااسبى .....
#يتبع.
تعليقات
إرسال تعليق
فضلا اترك تعليق من هنا