رواية مين حب مين البارت 16-17-18بقلم ساره محمد
رواية مين حب مين البارت 16-17-18بقلم ساره محمد
الجزء التانى part 16
حور منطقتش ويحيى راح معيط وناده على احمد احمد : ممكن تاخد جنب بس يا دكتور سيف انت ودكتور يقين علشان نخرج بس علشان ابنى بيخاف من الزحمه
سيف اخد جنب لحد مخرجوا ودخل الأسانسير وباب الأسانسير بيقفل شاف وش يحيى وبعدين البال اتقفل وسيف بقا واقف مصدوم
يقين : وانا اقول هى اختفت راحت فين؟ اتاريها لقيت صيده تاتيه غيرك يا حبيبى، لا وكمان خلفت
سيف : هو انتى تدى للطفل ده سن اد اى؟
يقين : هو ايه الى اديله سن اد اى ما يكون عنده زى ما يكون واحنا مالنا؟
سيف دخل السويت مع يقين وفضل قاعد ساكت وبيفكر
يقين: مالك يا حبيبى؟
سيف : مفيش
يقين : لا فى وبليز يا حبيبى انا مش عاوزه نكد عنا كمان ولا لما شوفت الحلوه بتاعه زمان بدءت تسرح؟
فوق يا سيف انا مراتك وعيب اووى لما احس انك دالوقتى قاعد بتفكر فيها
سيف : ممكن تسكتى يا يقين؟
يقين : لاء انا مش هسكت يا سيف، البنت دى دمرت حياتنا زمان لو تفتكر، ودالوقتى هى عايشه حياتها ومبسوطه، انت بقا بتفكر فيها ليه؟
سيف : انا مش بفكر فيها، انا بس مصدوم
يقين بعصبيه : ومصدوم من ايه ان شاء الله اذا كان وقت مكنت انت متجوزها كانت بتخونك مع احمد ده وكانت واكله بعقله حلاوه ودالوقتى اتجوزته وخلفت
سيف : اتجوزته من اد اى يعنى؟
يقين بصوت عالى : لااااا بقا، ما تفوق بقا!
سيف : يعنى تعتقدى اننا لو كنا خلفنا اول متجوزنا ابننا كان هيكون عنده اد اى دالوقتى؟
يقين وهى بتضحك بصوت عالى وماشيه بالهيلز بيخبط على الارض وبيعمل صوت عالى
لا احنا مبنخلفش يا سيف فمتحطش احتمالات كدابه على الفاضى
وبعدين انت عمال تحسب عمر ابنهم لى وانت عارف كويس ان الى انت بتفكر فيه اصلا مينفعش وانها لما كانت حامل كانت حامل من احمد ده علشان هى واحده خاينه وعلشان كدا كانت بتحاول بكل الطرق انها تموت الطفل علشان انت متكتشفش، وبعدين ما كل الدكاتره قالوا يا سيف انك مبتخلفش بتفكر فى اى بقا؟
سيف بزعيق : ممكن تخرسى بقا يا نبض؟
ومش كل ذويا تفكرينى انى مبخلفش، دى مبقيتش عيشه
احمد وحور ركبوا العربيه بسرعه وحور كانت قاعده فالكرسى الى جنب احمد وقاعد ورا المربيه ويحيى
حور كانت قاعده مصدومه وايديها بترتعش وبتعيط واحمد بعد مبعد شويا عن الفندق وقف بالعربيه ع جنب ومسك ايد حور
احمد : متخافيش يا حور طول ما انا جنبك وبعدين محصلش حاجه، متقلقيش
حور بعياط : بس هو شافه يا احمد
احمد : وايه المشكله لما يشوفه، وبعدين يحيى ابنى وعمرى محد يفكر او يستجرى ياخده منى اصلاً
حور بعياط : اكيد سيف هيفهم كل حاجه
احمد وهو بيمسح دموعها من ع وشها : يحبيبتى محدش هيفهم حاجه علشان محدش يعرف حاجه غير انا وانتي وبس
واول موصلوا البيت
حور : ادى الشغاله اجازه وانا الى هقعد مع يحيى من هنا ورايح
احمد : لاء يا حور انتى هتكملى حياتك عادى وكأن شيئاً لم يكن وعندك عمليه بكره مهمه جدا ولازم تروحى
حور بخوف : بس
احمد بعصبيه : مبسش يا حور ولو ع يحيى فأنا مش هنزل بكره الشغل وهقعد بيه
تانى يوم الساعه ٨ بالليل حور وصلت على المستشفى علشان تستعد علشان عندهم عمليه لشخصيه مهمه جدا واول حور مدخلت اوضه العمليات وهى لابسه الماسك والجونتى والمريله
لقيت العمليه بتبدء خلاص وكان معاها تلت دكاتره كمان وكانوا بيشتغلوا الأربعه بكل جهدهم ومفيش وقت حد يبص فوش حد اصلاً وفجأه دكتور فيهم غلط بالمشرط وخبط فشريان جوا بطن المريض والمريض بدء ينزف جامد، حور طلعت على سرير المريض بسرعه ورمت كل حاجه كانت فأيديها وبأيديها مسكت الشريان ووقفت النزيف وفاللحظه دى افتكرت نفس الموقف ده من كام سنه لما سيف غلط نفس الغلطه ولكن بسرعه بدءوا الدكاتره وهى معاهم يكملوا العمليه وبعد مخلصوا واول مخرجوا بره وقدام اوضه العمليات لقيت الى بينده عليها وبيقولها
برافو عليكى يا دكتوره حور
حور اديرت بسرعه لقيته سيف، فضلت واقفه مكانها مبتنطقش
سيف قرب منها شويا : شوفتى الدنيا صغيره ازاى يا حور؟
حور جسمها كله بدء يرتعش
سيف بص فعينيها وقالها : مالك يا حور، انتى كويسه؟!
حور اديتله ضهرها وهى بترتعش ومش قادره تتكلم ولسا جايه تمشى خطوه لقدام وقعت على الأرض
سيف : هنبتدى الأسطوانه بقا من اول وجديد تانى والتمثيل ده تانى، قومى يا حور وبطلى تمثيل، واعرفى انك مهما بعدتى عنى بردوا هلاقيكى
#يتبع.
#مين_حب_مين؟
#ساره_محمد.
Part 17.
الجزء التانى
حور فاقت بقيت على صوت احمد
احمد : حبيبتى مش هتصحى؟ المنبه بيرن بقاله كتير
حور قامت قعدت بسرعه وحطيت ايديها على قلبها وبدءت تنهج
احمد : مالك يا حبيبتى انتى كويسه؟
وطلع يجرى جابلها كبايه ميا بسرعه
حور بعد مشربت : متقلقش انا كويسه
احمد : طيب قومى البسى وانا هاجى معاكى اوصلك
حور : لا يا احمد كمل نوم انت متتعبش نفسك معايا
احمد: لا لا انا كدا ولا كدا صحيت خلاص هوصلك وارجع تانى
حور جهزت واحمد كمان وركبت فالعربيه جنب احمد
احمد : حور لو حسيتى انك تعبانه اتصلى عليا بالله عليكى
حور : متقلقش يا حبيبى انا كويسه والله .
حور اول موصلت المستشفى جهزت ودخلت على اوضه العمليات ومل الدكاتره كانوا لابسين ماسكات وبدءو فالعمليه بسرعه كبيره ودقه عاليه وبعد اربع ساعات خلصوا العمليه وحور أول مخرجت من اوضه العمليات سمعت حد بيقولها
برافو عليكى يا حور
حور اتديرت بسرعه لقيته سيف فضلت واقفه مصدومه وكأن حلمها بيتحقق قدامها
سيف : شوفى الدنيا دى اوضه وصاله ازاى يا حور؟
حور بلعت ريقها بخوف ورجعت خطوتين لورا
سيف : لا بس انتى عايشه حياتك على الأخر هنا، بس عاوز اعرفك بس ان لعبتك اتكشفت وان انا ليا عندك حق يا حور وهاخده
حور رجعت كمان خطوتين لورا وهى حاطه ايديها على قلبها ويتنهج والدموع فعينيها وبتهتهه : انت قصدك اى!
وبعدين وقعت على الأرض
اول حور مفتحت عينيها لقيت احمد جنبها فالمستشفى وماسك ايديها
احمد بخوف : انتى كويسه يا حبيبتى؟ قوليلى حاسه بأيه دالوقتى؟
حور بعياط وهى بترتعش : س يف، سيييف عرف كل حاجه
احمد : انتى بتقولى اى يا حور؟
حور : سيف قالى انه اكتشف كل حاجه يا احمد
احمد وهو ماسك ايد حور : استحاله يا حور، استحاله
مين الى قالك كدا؟
حور : هو يا احمد الى قالى كدا
احمد : انتى شوفتيه فين؟
حور : كان فأوضه العمليات معايا
احمد ساب ايد حور وطلع جرى على السكرتاريه وسألها عن مكانه والسكرتاريه قالتله انه لسا خارج من باب المستشفى
احمد طلع يجرى وقبل سيف ميتحرك بعربيته احمد وقفله قدام العربيه وبزعيق وصوت عالى
انزل... انزل هنا وكلمنى
سيف ابتسم ببرود ونزل
احمد مسكه من لياقه الجاكيت بعصبيه شديده وقاله
مراتى مشوفكش بتكلمها تانى ولا بتقرب منها
انت فاهم؟
سيف بص لأحمد وضحك بصوت عالى
احمد راح ضاربه بالقلم موقعه على الارض
سيف قام بردا وهو بيضحك
وبيقوله : اوعا تكون فاكرها بقيت مراتك بصحيح؟
احمد بعصبيه شديده : مشوفكش بتقرب تانى من مراتى يا سيف
سيف قام وقف قصاد احمد وبعصبيه
مراااتك بصحيح ؟ ولا انت لسا عايشين مع بعض فالحرام
احمد فضل يضرب فسيف لولا ان الشرطه جات وفضت المشاجره الى مبينهم
وبعدين احمد رجع لحور وهو وشه بيجيب دم
حور بخضه : مال وشك؟ ايه الدم ده!
احمد : مفيش حاجه
حور : احمد بالله عليك علشان خاطرى متعمل اى حاجه تخلينا نندم عليها، خلينا نمشى من البلد دى كمان ونسيبهاله
احمد : احنا مش هنمشى من هنا يا حور غير لما تعملى العمليه
حور بحزن : لاء انا مش هعمل حاجه يا احمد وانت عارف ان الموضوع ده منهى بالنسبالى
احمد : حور انتى مريضه وارجوكى اعترفى بقا بده، احنا مصدقنا اكتشفنا الى عندك هنا
حور بصيت فالارض وبعدين التفتت لأحمد وقالتله والدموع فى عينيها : انا هقدر اعيش فى الى عندى ده وانت قولتلى هتفضل جنبى وبعدين الاغماء بقاله فتره طويله مش بيتكرر
احمد : انا مش هستنى يا حور لحد مقلبك يقف او يجيلك جلطه فالمخ، انتى عارفه ان فى نقطه معينه فقلبك فيها خلل وهو الى بيخلى ده يحصلك
حور : كمل يا احمد، قول كمان انى ممنوع احمل واخلف بسبب الخلل ده، انا عارفه انى حرماك من طفل بسبب الموضوع ده
لكن حس بيا يا احمد انا ام انا خايفه اموت وانا بعملها واسيب يحيى لوحده
احمد : لاء يا حور متقوليش كدا وبعدين يحيى ابنى وانا مجرد وجودك عندى بالدنيا، لكنى مبقيتش قادر استحمل كميه القلق الى بقلقها عليكى لما يتصلوا بيا يقوليلى انك فاقده الوعى بقالك تلت او اربع ساعات، انا مبقتش قادر استحمل ده
حور بعياط : العمليه صعبه يا احمد، لازم حد مُحترف جدا الى يعملها ومع ذالك نسبه نجاحها بس ١٠٪
احمد : الى انتى عاوزاه يا حور، براحتك
سيف روح ليقين ووشه كله متعور
واول مدخل عليها
يقين : اي دا انت عملت حادثه يا سيف!
سيف قعد على السرير
انا مش عاوز اتكلم يا يقين دالوقتى
يقين : هو ايه الى مش عاوز اتكلم ده، رد عليا وقولى ايه الى بهدلك كدا؟
سيف : اووف بقا دى بقيت عيشه تخنق وتقرف، كل كلامك اوامر ونواهى وطريقه معامله زفت
يقين: انا بقيت زفت يا سيف! فاكر لما كنت بتجرى ورايا زمان وحفيت بس علشان تتجوزنى؟
على العموم عن اذنك انا نازله اسهر مع اصحابى
سيف : والله هتخرجى بالهوت شورت ده والتوب ده
يقين : حبيبى، احنا لأمريكا وانا خارجه مع اصحابى
عن اذنك، وبعدين سواء انت وافقت او لاء انا هنزل بردوا لانهم مستنينى
سيف مردش عليها وهى نزلت
نبض من وقت متجوزت سيف وهى قعدت من الشغل، هى كدا ولا كدا عمرها مكانن ناجحه فالجراحه وطول عمرها بتنجح بالواسطه والفلوس، وحياتها بقيت كلها مصاريف وخروجات وبس
حور روحت البيت مع احمد
واتعشوا سوا وتانى يوم نزلت الشغل الصبح واحمد نايم وبعد يوم طويل فالشغل وهى مروحه لقيت عربيه وقفت قدام عربيتها وهى سايقه، ونزل سيف من العربيه ووقف قدام حور وقالها
اخرجى يا دكتوره حور علشان انا ليا حق عندك وعاوز اخده
#يتبع
#مين_حب_مين
#ساره_محمد.
الجزء الثاني. Part 18
حور كانت خايفه تفتح باب العربيه وبعدين افتكرت كلام احمد وهو بيقولها
متخافيش طول ما انا جنبك ولازم تواجهى يا حور
حور فتحت باب العربيه ونزلت وقفت قدام سيف وبعصبيه شديده
نعم يا دكتور سيف؟ حق ايه الى ليك عندى ان شاء الله
حور كانت بتتكلم بنبره مليانه ثقه أنما هى من جواها مرعوبه وخايفه لتسمع الأجابه الى فى بالها
سيف : انتى كنتى ست خاينه، وضحكتى عليا وخونتينى
حور : هو الى بيطلق ويتجوز اليومين دول بيبقا خاين ولا اى مش فاهمه؟
سيف لطش حور بالقلم وبزعيق قالها : متستهبليش علشان انا عرفت انى مبخلفش
حور حطيت ايديها على وشها والدموع فى عينيها
سيف : يعنى انتى كُنتى بتخونينى ومكنتيش حامل منى اصلا زمان
حور فضلت حاطه ايديها على وشها ورجعت ركبت عربيتها بسرعه وفضلت تسوق لحد مبعدت شويا وبعدين نزلت من العربيه وفضلت تضحك ضحك هستيرى فالشارع، وبعدين اول مروحت البيت دخلت من الباب وهى حاطه ايديها على نص وشها
احمد: حاطه ايدك على وشك لى يا حور؟
حور : مفيش حاجه يا حبيبى
احمد قام وقف وقرب من حور وشال ايديها من على وشها
احمد بصدمه : ايه الى عمل كدا فوشك يا حور؟
حور : مفيش حاجه يا حبيبى قولتلك
احمد بصوت عالى : ازاى يعنى ما فيش حاجه ووشك احمر ووارم كدا؟!
حور : حادثه بسيطه يا حبيبى بالعربيه بس الحمدلله عدت ع خير
احمد مسك حور من ايديها بسرعه وبخوف : طيب انتى كويسه؟
متأكده ان مفيش حاجه بتوجعك
وفاللحظه دى حور افتكرت كلام سيف وفضلت تضحك تانى ضحك هستيرى وسابت احمد وطلعت اوضه يحيى وكان معاه المربيه
حور بصيت للمربيه وقالت وهى بتضحك : دى مفهماه انه ميخلفش وتلاقيها هى الى مبتخلفش اساساً، ما هو ربنا بردوا مبيسيبش، خليها تعيشه فالوهم طول عمره واهو بالمره متخليش يجى عالبلوا الحقيقيه خالص
حور تانى يوم حطيت ميكب تقيل ولبست ونزلت
احمد : متطلعيش بعربيتك يحبيبتى انا هوصلك وهجيبك وانا جاى
حور : لا يا احمد مش عاوزه اتعبك معايا، يعنى الى يروح فينا بدرى الافصل ميستناش التانى علشان يحيى
احمد : متقلقيش ع يحيى
حور نزلت من عربيه احمد ودخلت المستشفى واول محطه شنطتهت وقعدت على المكتب لقيت البال اتفتح ويقين وقفت قدامها
يقين : ازيك يا حور، عامله اى؟
حور بصيتلها من تحت لفوق وحطيت رجل على رجل
وقالتلها : انا بخير الحمدلله المهم انى احسن منك
يقين : بسى يا حور انا هجيب من الأخر ومش هطول عليكى، جوزى ملكيش دعوه بيه وابتدى عنه
حور شبكت ليديها فى بعضها وبصت ليقين وقالتلها
انا والله ست متجوزه والى انتى بتقولى عليه جوزك ده انا الى سبته زمان وهربت ودالوقتى انا مش شايفاه اصلا، فبدل متجيلى روحى لجوزك
يقين بعصبيه لسا جايه تمشى
حور : قال سيف طلع مبيخلفش صحيح؟!
يقين وقفت مكانها ومتحركتش خطوه ورجعت اتديرت وبصيت لحور
حور : اما غريبه صحيح، قال انا كُنت ست خاينه؟!
يقين بخوف : قصدك اى يا حور بالكلام ده؟
حور قامت وقفت قدام يقين وبنبره جافه قالتلها
اقصد انك لعبتيها صح بس على حساب حور بتاعه زمان الهبله، العبيطه، الغلبانه، والمغفل الى انتى اتجوزتيه
إنما حور بقا بتاعه دالوقت، حور تانيه خالص مش هتسيبك تلعبيها صح تانى، وخافى بقا على لعبك القديمه الى مستمره علشان شكلها هتخسر قريب، عن اذنك يا دكتوره يقين علشان عندى عمليه، انتى كُنتى دكتوره صحيح زمان؟ انتى اتخرجتى صحيح ولا لسا بتشيلى مواد؟!
نبقا نكلم مكلامنا بعدين معلش علشان عندى عمليه مهمه
حور دخلت اوضه العمليات وبدءت تلبس الماسك والأفر هيد وهى بتبتسم وفرحانه وبدءت العمليه مع اتنين دكاتره رجاله وكان من ضمنهم سيف واول موصلوا لمكان الورم
حور بصدمه : مش ده مفروض حجم الورم الى كان فالأشعه
سيف : لازم نضغط فالوقت شويا يدكاتره مينفعش نتراحع دالوقتى خلاص
حور بعصبيه : حجم الورم ده محتاج سبع ساعات مش تلاته بس
سيف سأل دكتور التخدير الى معاهم كدا ممكن اقصى وقت المريض ممكن يتخدر فيه اد اى؟
الدكتور : اقصى حاجه تلت ساعات ونص بس
حور بدءت تشتغل بسرعه مع سيف وبدءو يشيلوا الورم من مكانه ولكن الكارثه انهم اكتشفوا انه منتشر بشكل مش طبيعي ابداً وده صعب عليهم العمليه اكتر، حور وسيف كانوا فسباق حرفياً مع الزمن والمعجزه انهم خلصوا على الوقت ولكن حور جات تقفل الجرح وتخيط ايديها اتعرشت وقلبها بدء يدق جامد لدرجه ان الأدوات الى كانت مسكاها وقعت من ايديها
سيف نده على الممرضه وقالها تعالى اقفلى الجرح وخرج بحور بره وهو خايف عليها
حور اول مخرجت من اوضه العمليات مكنتس قادره تاخد نفسها خالص وسيف بيحاول معاها انها تنظم نفسها وفجاه حور شدت ايديها من ايد سيف ونزلت قعدت على الأرض وهى حاطه ايديها على قلبها وسيف كان واقف مستغرب مش عارف مالها ولا عندها اى لحد ما ممرضه طلعت تجرى عليها واخدتها غرفه وقاستلها الضغط ولقيته عالى جدا وبدءت انها تعلقلها محلول
سيف فضل واقف باصص لحور شويا وبعدين راح قايل
هو انتى ليه يا دكتوره حور كل متطلعى من اوضه العمليات تتعبى كدا؟
حور بصيت لسيف بعصبيه وديرت وشها الناحيه التانيه
سيف : هو الف سلامه عليكى وكل حاجه يا دكتور حور، بس انا مش لاقى تحليل منطقى للى بيحصل معاكى بصراحه
حور بصيت لسيف : ممكن تطلع بره لو ءمحت علشان محتاجه ارتاح شويا، اقولك؟ روح شوفهم نقلوا المريض العنايه المركزه ولا لسا
سيف خرج لكنه وقف ورا باب الأوضه وسمع حور وهى بتقول للمرضه
اوعى دكتور سيف يعرف انى عندى مشكله فالقلب
سيف وهو واقف قدام باب الاوضه ابتسم وقال
والله وعرفت ازاى هندمك يا حور على الى عملتيه معايا زمان وازاى هسحب السجاده الحمرا الى انتى واقفه عليها دى لما يوصل خبر لإداره المستشفى ان اشطر دكتوره هنا مريضه وقلب وتتمنعى من دخول اوصه العمليات تانى الى روحك فيها
#يتبع.
#مين_حب_مين؟
#ساره_محمد. استغفروا♥️ ورأيكم يهمنى بحب اقرا كومنتاتكم واحب اعرف رأيكم♥️
تعليقات
إرسال تعليق
فضلا اترك تعليق من هنا