رواية باسم قانون الحب البارت الاول 1بقلم نشوه عادل جديده وحصريه في مدونة قصر الروايات
رواية باسم قانون الحب البارت الاول 1بقلم نشوه عادل جديده وحصريه في مدونة قصر الروايات
-انت موافق تأكل حق اختك ف الورث ي محمد هى دى وصية امك الله يرحمها هى دى الامانة اللى امنتك عليها؟!
محمد بغضب: وطى صوتك ي فاطمة احسنلك وادخلى الاوضة وحسك عينك رجلك تخطى خطوة واحدة برة انتى فاهمة
فاطمة بتهكم: حاضر ي سيد الرجالة ي سبعى ي جملى ي دكرى هدخل اما اشوف اخرتها ايه
اخد محمد صينية الشاى وقدمها للشخص اللى كان برة وقال: لا مؤاخذة ي كمال بيه ع الكلام الاهبل اللى المدام قالته اصلها صاحبة رقية الروح بالروح
كمال: فاهم ومقدر ان زوجتك ع نياتها وعيونها مش قادرة تشوف العملة السودة اللى عملتها رقية ووطت رأسكم كلكم بالارض ادام اهل الحتة
محمد: عندك حق ي كمال بيه انا مش عارف ارفع عينى بعين واحد من اهل المنطقة
كمال: ايه كمال بيه اللى انت بتقولها دى ي ابنى احنا ولاد حارة واحدة ولا عشان بقيت صاحب شركة ولبست بدلة هستعرى من اصلى يعنى
محمد: العفو ي كمال بيه العين متعلاش عن الحاجب برضه
كمال: برضه مصمم انك تضايقنى ي راجل عيب عليك ده احنا اكتر من الاخوات ولا ايه؟!
محمد: ده انا ليا الشرف ي غالى
كمال بعد ما انهى الشاى: حبيبى شكرا ع الشاى وبيتى وشركتى مفتوحين ليك ف اى وقت وفكر كويس ف اللى قولته ليك وانا واثق انك هتعمل الصالح
محمد: ان شاء الله طب اقعد شويه كمان نتغدى سوى
كمال وهو بيتجه للباب: لا معليش الغدا مرة تانية لان عندى اشغال متأخرة
محمد: شرفتنا ونورتنا ي غالى مع الف سلامة
مشى كمال ودخل محمد ع غرفة النوم لقى فاطمة بتلم هدومها هى وولادها
محمد: انتى بتعملى ايه ي فاطمة؟!
فاطمة: زى ما انت شايف بلم هدومى انا وعيالى وهروح ع بيت اهلى
محمد: ليه بس ي بنت الناس هو انا عملت فيكى حاجة ولا قصرت ف حقك بشئ ولا طلبتى حاجة ومجتش؟
فاطمة: فيه انك عاوز تأكلنى انا وولادى من مال حرام عارف انت النبتة الحرام دى اخرتها ايه ي شيخ الجامع ياللى مش بتفوت فرض
محمد بغضب: فلوس حرام ايه ي غبية انتى ده حقنا من امى الله يرحمها وكل قرش ف البنك حتى البيت ده قرشه حلال
فاطمة: محمد متحورش انت عارف انا قصدى ايه الشيطان اللى كان هنا ده جاى يرمى السم بودنك عشان متعطيش اختك حقها انا سمعته
محمد: طب ما الراجل عنده حق ف كل كلمة قالها عاوزانى اعطيها الفلوس تروح تصرفها او تشغلها ف الحرام!
فاطمة: انت عارف زى ما انا عارفة ان رقية عمرها ما تعمل حاجة غلط او حرام والتهمة دى متلفقة ليها ومش بعيد المغدور اللى كان هنا ده هو اللى ملفقها ليها ولنفترض انها فعلا ماشية ف السكة الشمال ده حقها وتاخده تعمل بيه حلو او وحش اسمه حقها واخدته
محمد: وانا مش هعطيها فلوس امى الشريفة تروح تمشى بيها ع حل شعرها
فاطمة: وماله ي اخويا انت صح اما انا بقى هروح ع بيت اهلى ومش هيتبعنى منك جنيه لا ليا ولا لعيالى انا عمرى ما هأكلهم بالحرام طبعا انت عارف العنوان اما تفوق لنفسك وترجع محمد اللى انا حبيته واتجوزته ابقى تعال خدنى اما بقا لو صممت ع اللى ف دماغك ورقة طلاقى توصلنى وانا ي اخويا متنازلة ليك عن كل حقوقى سلام يا شيخنا
مشيت فاطمة وهى شايلة بنتها ع ايدها وابنها ف ايدها التانية وسابت الشنطة لحد ما تبعت حد من اخواتها ياخدها
فى مكان تانى بالتحديد ف حجز احدى الاقسام كانت رقية قاعدة ف زاوية منكمشة ع نفسها وبتعيط بحرقة جات واحدة من اللى معاها واسمها فادية
فادية: جرى ايه ي اختى من ساعة ما جيتى وانتى عمالة تعيطى بالصوت العالى ايه زهقتينا
رقية: ي سيتى انتى مالك ومالى انا كلمتك ولا جيت جنبك ما تسيبنى بحالى
فادية بشهقة: نعم ي حيل*تها انتى هتعملى فيها شريفة ي بت ولا ايه!
رقية: انا محترمة وشريفة غصب عنك ومش واحدة زيك هتعرفنى انا ع ايه
فادية: واحدة زيى طب انا بقى ي حلوة هوريكى اللى زيى بيعملوا ايه
فجأة هجمت عليها وشدتها بقسوة من شعرها ونزلت فيها ض*رب بكل عن*ف لحد ما وش رقية و*رم ونزلت د*م من انفها وفمها وبسبب الصريخ خرج رئيس الباحث
طارق: ايه ي عسكرى ايه اللى بيحصل هنا وايه الصريخ ده؟!
العسكرى: الستات اللى بالحجز ي باشا ماسكين واحدة جوة عاملين عليها حفلة
طارق: افتح الباب ده
فتح العسكرى الباب ودخل طارق بنرفزة: بس ي زب*الة منك ليها ابعدى انتى وهى والا قسما عظما افرغ فيكم المسدس
بعد الكل وشاف رقية مرمية ع الارض مغمى عليها وسا*يحة بد*مها ...طارق بصدمة: ايه ده مين اللى عمل فيها كده يا ح*وش
واحدة من الموجودين: فادية ي باشا
طارق: عسكرى هات البت دى ع مكتبى بسرعة ...شال طارق رقية واخدها ع مكتبه واتصل بدكتورة جات فحصتها وفوقتها
طارق: خير ي دكتور
الدكتورة: ده اعتداء ي فندم ومقصود فيه كسر بايدها اليمين غير الكدمات اللى بوشها وجسمها
طارق: تمام ياريت تبعتيلى التقرير ف اقرب وقت ممكن ..لف لفادية: عملتى فيها كده ليه؟!
فادية: هى اللى ضايقتنى ي باشا وضربتنى بالاول
طارق: وكمان كذابة ودينى مش هتشوفى شكل الشارع طول ما انا رئيس المباحث هنا ي عسكرى
العسكرى: افندم ي باشا
طارق: خد بنت****** وديها ع الحبس الانفرادى
العسكرى: حاضر ي باشا انجرى ادامى ي بت
راح طارق لرقية اللى كانت بتحاول تغطى جسمها اللى باين لان التيشرت اتقطع عطاها الجاكيت بتاعه وساعدها تلبسه وقال: انتى ايه حكايتك بالظبط؟ انتى شكلك بنت ناس ومحترمة ايه اللى وداكى شقة مش*بوهة زى دى ووووووووو...... يتبع
اكتب في بحث جوحل( مدونة قصر الروايات) تظهر القصص كامله
تابعونا علي قناة التليحرام من هنااااااااااا
ليصلكم اشعار بالنشر
الرواية كامله من البداية من هناااااااااااا
تعليقات
إرسال تعليق
فضلا اترك تعليق من هنا