رواية حبي الاول البارت 3-4بقلم ميرفت سعيدجديده وحصرية في مدونة قصر الروايات
رواية حبي الاول البارت 3-4بقلم ميرفت سعيدجديده وحصرية في مدونة قصر الروايات
#البارت_الثالث
تميم: مش انتي طول عمرك نفسك تفرحي بيا وتجوزيني
سعاد بحب: ياسلام ده يوم المني ياحبيبي شاور انت بس
تميم: أنا عايز اتجوز .
سعاد بفرحه : عايز اتجوز مين بقا شاور كده وانا هروح اكلم مامتها
تميم : عايز اتجوز ليلي
سعاد : ليلي مين ؟
تميم: ليلي بنت عمي انت عارفه اني بحبها من زمان و...
سعاد بعصبيه: تحب مين لا طبعا دي لو اخر واحده في الدنيا مش هتتجوزها
تميم بهدوء : ليه ياماما أنا عارفه أن بينك وبين مامتها مشاكل وانك مش بتحبيها ومش عارف اي السبب ومش عايز اعرف ولكن انت بحبها
سعاد: بقولك اي ياتميم الكلام خلص لحد هنا ليلي لا ..عندك بنات كتير اووي مثلا حبيبة عندك اهي جارتنا وعرفناها وهرفين أهلها أو اي بنت تانيه لكن ليلي لاا
تميم: ماما أنا بحب ليلي حبيبة صحبتها بس وزي اختي مش اكتر
سعاد بحده: تميم أنا قولت اللي عندي عايز تتجوز ليلي تبقي لأبني ولا اعرفك ...وقامت وسابته قاعد حزين بيفكر ومش عارف يعمل اي .
★**********★
تاني يوم ليلي كانت نازله رايحه لحبيبة علشان يروحوا الجامعه قابلت تميم
تميم : ازيك يا ليلي
ليلي بهدوء : ازيك تميم
تميم: رايحه الجامعة ؟
ليلي: ايوه
تميم : طب انتي كويسه انتي كان مالك امبارح ؟
ليلي : لا مفيش حاجه صداع زي ما قولت لك والحمدلله دلوقتي كويسه عن اذنك
تميم: طب استني أنا ممكن اوصلك
ليلي: لا شكرا رايحه مع حبيبة . ثم قالت بغيرة : الا بقا لو عايز تشوفها
تميم باستغراب: اشوف مين ؟
ليلي: خلاص مفيش حاجه عن اذنك
تميم وهو بيمسك ايديها : استني ياليلي قصدك مين
وكانت بتابع الحوار من بعيد حبيبة اللي كانت زعلانه جدا وهي شايفاهم مع بعض ولكنها لاحظت معاملة تميم لي ليلي وباين حبه مقدرتش تستني ومشت.
ليلي: تميم أنا اتأخرت.
تميم :تمام وساب ايديها وليلي مشت علطول وهي بترن علي حبيبة ولكن مش بترد
ليلي: مش بترد ليه اتأخرنا
تميم: في حاجه؟
ليلي بضيق: في حاجه ياتميم
تميم: مفيش أنا لاحظت انك واقفه وحبيبة شم موجوده ممكن تكون مشت
ليلي بخوف: معقول تكون شافتنا واقفين مع بعض فازعلت ومشت
تميم باستغراب: واي اللي يزعلها لما نقف مع بعض
ليلي مردتش عليه وفضلت ترن علي حبيبة وكان جرس ومش بيرد وبعد كده قفلت فونها وده أكد ليها أنها شافتهم ومشت ليلي بسرعه تروح الجامعه تشوفها وتميم واقف مش فاهم حاجه
★***********★
ليلي وصلت الجامعه فضلت تدور عليها لقت حبيبة قاعده لوحدها وسرحانه راحت بسرعه تقعد جمبها
ليلي بخوف: حبيبة انتي ليه مشيتي ومستنتنيش
حبيبة ببرود: معلش
ليلي بحزن ودموع: في أي ياحبيبة
حبيبة: في اي؟
ليلي:حبيبة علشان خاطري مترديش عليا ببرود وردي عليا بجد
حبيبة : اصل شوفتك واقفه مع تميم ومندمجين أوي في الكلام فا مردتش ابقي دخيله يعني ...
ليلي كانت لسه هتتكلم فاقطعتها حبيبة وكملت : اااه صح باين اوي انو بيحبك حبيت اريحك يعني .قامت بسرعه ومشت وليلي مقدرتش تقوم وراها فضلت دموعها تنزل
ليلي كانت قاعده لوحدها في الاوضه وبتحاول تكلم حبيبة بس هي اصلا مش عارفه هتقول لها أي هي بتحب تميم ومش عارفه هل هتنساه ولا لا هتعرف ولا لا لقت فونها بيرن عليها ولكن لقت تميم!!
ليلي باستغراب: تميم .وردت: الو
تميم: احم ازيك ياليلي
ليلي : الحمدلله ياتميم خير في حاجه
تميم : لا بس انا كنت عايز اطلب منك طلب
ليلي: اتفضل .
تميم : أنا تحت
ليلي باستغراب: تحت فين؟
تميم: هكون فين يعني ياليلي تحت في الشارع عيزك تلبسي وتنزلي
ليلي: ليه ؟
تميم : احم عايز اتكلم معاكي شويه
ليلي: تميم مينفعش....
تميم: لا ينفع ياليلي يلا علشان خاطري انزلي .
ليلي: صدقني مينفعش ...
تميم: ليلي لو منزلتيش هطلع أنا اجيبك بنفسي اخلصي
ليلي: طيبيب انت مش هتجبها البر
وبالفعل ليلي لبست ونزلت
ليلي: ها نزلت اهو
تميم بحب: قمر
ليلي بخجل: تميم
تميم:نعم
ليلي: عيزني في اي؟
تميم فتح لها باب العربية: اركبي
ليلي بتبص حوليها وخايفه حبيبة تشوفهم : تميم
تميم: اي بقولك اركبي ؟
ليلي : طب هنروح فين
تميم : ملكيش دعوه اركبي بقا
ليلي فضلت واقفه بقلق ولكن شدها بخفه ودخلها العربية
تميم بضحك : يلا انتي لسه هتنحي
وبالفعل اللي خافت منه ليلي حصل حبيبه كانت واقفه في البلكونه وشيفاهم .وفضلت واقفه شويه بتفكر ولكن لقت سعاد ( أم تميم ) جايه عندهم استغربت ولكن فاقت علي صوت خبط الباب
أم حبيبة: ازيك يا سعاد ازيك اختي ادخلي
سعاد: ازيك ياحبيبتي عامله اي وحبيبة حبيبة قلبي عامله اي وحشاني
أم حبيبة: كويسين استني اندهالك.. وطلعت حبيبة وقعدت معاهم
سعاد : ماشاء الله مش بتفكري تجوزيها ولا اي دي بقت ست العرايس اهي
أم حبيبة: لسه بدري لما تخلص جامعه معندناش بنات تتجوز غير لما تخلص تعليم خالص
سعاد: ايوه بس حتي تتخطب
أم حبيبة : بترسمي علي اي ياوليه لتكوني جايبه ليها عريس
سعاد بخبث: ايوه
أم حبيبة وهي بتعدي يكون تميم : مين ؟
سعاد : تميم ابني.
★***************★
عند تميم وليلي
ليلي : جايبني هنا ليه فكان المكان اشبه بالصحراء مش فيه حد خالص
تميم: علشان نتكلم
ليلي: نتكلم في أي ؟
تميم بحب: ليلي فاكرة زمان فاكرة واحنا صغيرين لما كانت مامتك تحوشك عني وانتي تقعدي تعيطي وتهربي وتيجلي ولما كنتي تنزلي ليا السبت علشان اجبلك الشكولاته والحاجه الحلوه ولما كنتي تقولي نفسي اكبر بسرعه علشان اتجوزك ياتميم
ليلي كانت بتسمعه بدموع وبحب وبتفتكر ايامها معاه
ليلي بدموع: بتفكرني بالايام دي ليه دلوقتي ياتميم
تميم بحب: ليلي انا بحبك .
#البارت_الرابع
ليلي بدموع: بتفكرني بالايام دي ليه دلوقتي ياتميم
تميم بحب: ليلي انا بحبك
نظرت له بصدمه ودموع : ده بجد
تميم بحب: بجد ياليلي ده انتي تبقي هبل.ه لو مكنتيش عارفه
ليلي اتكسفت وكانت فرحت وبصتله بحب وسكتت
تميم: طب وانتي ؟
ليلي بخجل وحب: ماهو لو مكنتش عارف تبقي اهب.ل
تميم بفرحه وضحك : يعني مش هتقوليها
ليلي بخجل: تؤتؤ
ليلي وتميم فضلوا يتكلموا كتير ونسوا نفسهم وكانو فرحانين اووي
★**********★
أم حبيبة : بترسمي علي اي ياوليه لتكوني جايبه ليها عريس
سعاد بخبث: ايوه
أم حبيبة وهي بتدعي يكون تميم : مين ؟
سعاد : تميم ابني.
أم حبيبة بسعاده : والله يا سعاد تميم زين الرجال ورجال مفيهوش عيب بس الرأي رأي حبيبة وأبوها
سعاد: اهي حبيبة قاعده معانا وتقول رأيها رأيك اي ياحبيبتي
حبيبة كانت مصدومه مش مصدقه معقول طب هي نوافق ولا تعمل اي طب وليلي صحبة عمرها ؟؟
سعاد : قولي اي ؟
حبيبة بتوتر : وهو تميم رأيه اي ؟
سعاد بضيق: هو جه وقالي انوا عايز يتجوز لكن مقالش مين العروسه.
حبيبة : بس انا مش موافقه
سعاد بضيق: ليه كده هو تميم ابني وحش ؟.
حبيبة بتوتر: لا ياطنط بس ...
أم حبيبة : ياحبيبتي فكري هو تميم يتعايب
حبيبة : افرضي انو بيحب واحده تانيه
سعاد وهي خايفه لتكون عارفه أنه بيحب ليلي: لا ياحبيبتي مش بيحب واحده تانيه لو كان بيحب كان قالي امبارح
حبيبة : طب انا عايزه اقعد مع تميم بعد اذن حضرتك ياماما
سعاد بخوف: ااه ياحبيبتي طبعا هتقعدوا . أنا همشي أنا بقا ياأم حبيبة هتبقي اجيلكم بعدين
علي الناحيه الأخري
تميم وصل ليلي لحد باب البيت
تميم: انزلي يلا
ليلي: اي انت مش طالع
تميم : هحط العربية في الجراج
ليلي : ماشي
ليلي نزلت وكانت سعاد متبعاهم من بعيد بغيظ
ليلي كانت لسه هتدخل بيتهم ولكن وقفتها سعاد
سعاد: ازيك يابنت عبير
ليلي : الحمدلله ازي حضرتك ياطنط
سعاد بضيق: الحمدلله كويسه شايفاكي يعني نازله من عربية تميم هو انتم كنتم برا
ليلي: احم ايوه كنت عايزه اشتري حاجه فا كان بيوصلني ( فعلا ليلي وتميم راحوا اشتروا اي حاجه علشان لما ليلي ترجع كأنها كانت بتشتري )
سعاد بضيق ؛ طيب.. اااه صح لما ييجي بقا بركيله
ليلي باستغراب: علي اي ؟
سعاد بخبث: اصل لسه جايه من عند حبيبة كنت بطلب ايديها لتميم
ليلي كانت مصدومه معقول ازاي كان ليه معاها بيعترف لحبه لها
ليلي بصدمه: حضرتك بتقولي اي؟
سعاد : بقول اللي سمعتيه ياحبيبتي اصل تميم حبيب أمه حالي امبارح وقال انو عايز يتجوز قولت له علي حبيبة وهو رحب جداا شكله كان بيحلها من زمان ولا اي فاروحت النهارده علطول طلبتها له ..عن اذنك بقا وطلعت بيتها ( نسيت اقول ان تميم ساكن معاهم في نفس العمارة )
ليلي فضلت واقفه مصدومه مبقتش قادرة تطلع سندت بأديها علي السلم وقعدت .تميم جه وليه هيكله ولكن اتفاجأ بليلي قاعده علي السلم ودنوعها بتنزل بصمت
تميم بقلق: مالك ياليلي في أي
ليلي بصتله بدموع ووجع ومتكلمتش
تميم بخوف: ليلي مالك في أي ؟ بتعيطي ليه وقاعده كده ليه
ليلي لقت فونها بيرن وكانت حبيبه مقدرتش ترد ودموعها نزلت اكتر
ليلي ببكاء : أنا ..أنا معتش فاهمه حاجه
تميم باستغراب وقلق: مش فاهمه اي
ليلي : انت ازاي كنت بتقولي من شويه انك بتحبني وفي نفس الوقت مامتك كانت بتطلب حبيبة ليك
تميم بصدمه: نعم تطلب مين ؟؟
ليلي : حبيبة
تميم: مين اللي قالك الكلام الفارغ ده
ليلي: مامتك .
تميم بصدمه: ماما؟؟؟! .
حبيبة كانت قاعده متوترة ومحتارة هل هو فعلا تميم موافق عليها وبيحبها زي ما هي بتحبه ولا بيحب ليلي ..طب ولو هي وافقت وليلي صحبتها معقول هتجرحها وتوافق علي حبيبها . ؟
تميم طلع لمامته دخلت وبكل عصبيه
تميم بغضب: ماما
سعاد: نعم
تميم: هو انتي فعلا روحتي لحبيبة وطلبتيها ليا
سعاد : ايوه
تميم بغضب: ليه ياماما ليه تعملي فيا كده أنا قولت إني بحب ليلي مش حبيبة
سعاد : وانا قولت ليلي لا ...وعلفكرة حبيبة وافقت وقالت عايزه تشوفك وتقعد معاك وتتكلموا
تميم قاطعها بغضب: اشوف مين واكلم مين اي الهبل ده ماما زي ما انتي روحتي وعملتي كل ده تنهييه أنا مليش دعوه وسابها ودخل الاوضه
سعاد وهي بتمسك راسها :تميم ...تميم تعالي الحقني يابني ووقعت
تميم جري عليها بخوف: ماما.. ماما مالك ونظل بسرعه لخالد ابن عمه لانه دكتور خبط عليهم جامد وخالد فتح
تميم بخوف: خالد تعالي بسرعه معايا ماما تعبانه فوق
ليلي جت عليهم وقالت بقلق: تعبانه مالها ؟
تميم: معرفش.
خالد وليلي طلعوا معاه وخالد كشف عليها
خالد : متقلقش ضغطها عالي بس هنزل اجيب لها محلول من الصيدلية يظبطه وانت خليك جمبها.
تميم: شكرا ليك يا خالد
خالد : علي اي ونزل يجيب الدوا
ليلي حاسه انها السبب وأنهم اتخنقوا بسببها علشان كده طنط تعبت
ليلي بقلق: تميم
تميم بضيق : انتي ........
ادعولي ياجماعه نتيجتي بكرا 🙂💔
توقعاتكم🔥
اكتب في بحث جوحل( مدونة قصر الروايات) تظهر القصص كامله
تابعونا علي قناة التليحرام من هنااااااااااا
ليصلكم اشعار بالنشر
الرواية كامله من البداية من هناااااااااااا
تعليقات
إرسال تعليق
فضلا اترك تعليق من هنا