رواية باسم قانون الحب البارت الرابع 4بقلم نشوه عادل جديده وحصريه في مدونة قصر الروايات
رواية باسم قانون الحب البارت الرابع 4بقلم نشوه عادل جديده وحصريه في مدونة قصر الروايات
-بإسم_قانون_الحب الرابع
وخلى بالك لانه العصفورة الجديدة بتاعتنا اهو نستفيد منه ونرميه جنب اخواته اللى بالسجن
مرتضى: استاذ ورئيس قسم طول عمرك ي باشا
كمال: المهم كلمت انيس المحامى وعرفته تفاصيل القضية الجلسة بكرة
مرتضى: اه ي باشا كلمته وقال انها بسيطة وهيخرجها ف لمح البصر
كمال: حلو اوى يوم وهتبقى بتاعتى ي رقية
مرتضى: نقول مبروك مقدماً ي باشا
كمال: تؤ مبروك دى تقولها لما تلاقيها عندى ف بيتى تحت رحمتى روح انت خلص بقيت الشغل وانا هرجع ع البيت ارتاح لازم اجهز مش هبقى عريس
مرتضى: وسيد العرسان ي كبير
فى البيت عند محمد يدوب دخل ورمى نفسه ع الكنبة فجأة رن فونه ...محمد: الو ي باشا
.........: ها عملت اللى قولتلك عليه وروحت لكمال
محمد: ايوة وزى ما انت قولت بالظبط حصل وكمان عطانى فلوس اجيب بيها بدل
.........: يبقى ناوى يعمل فيك زى غيرك يورطك انت ف القضايا ويطلع هو ملاك
محمد: انا عاوز اشوف رقية ي طارق بيه وحشتنى اوى بجد وكمان عاوز احكى الحقيقة لفاطمة وارجعها البيت
طارق: لا ي محمد اوعى تقول لمراتك حاجة لو رجعت ع البيت ده هيخلى كمال يشك فيك وممكن يخ*لص عليك
محمد: طب هفضل ع الحال ده لحد امتى؟!
طارق: انت وشطارتك عرفت توصل للورق اللى يوقعه وتجيبه ليا يبقى كده مهمتك خلصت
محمد: هحاول ....طب ورقية هتفضل بالحجز كده؟!
طارق: متقلقش انا محضر حتة مقلب لصاحبك هيولعه
محمد: مقلب ايه؟!
طارق: هتعرف بكرة المهم تخلى بالك من نفسك كمال مش سهل احنا مسمينه فى الادارة عندنا الحرباية انت فاهم انا عاوز اقول ايه!
محمد: فاهم ي باشا وربنا يستر ان شاء الله
طارق: تمام يلا سلام
قفل طارق ونده ع العسكرى: تمام ي باشا
طارق: عاوزك تجيب رقية ابو الدهب من الحجز
العسكرى: تمام ي فندم
راح العسكرى وجاب رقية لطارق وكان وشها بهتان وباين عليها الخوف وانها معيطة جامد
طارق: خايفة؟!
رقية: اكيد الجلسة بكرة ومفيش محامى راضى يترافع عنى كده هتحجز تانى صح؟
طارق: لا متخافيش فيه محامى هيترافع عنك بكرة
رقية بفرحة: بجد ...محمد اللى جابه صح!
طارق: لا مش محمد انا اللى جيبته
رقية: حضرتك! وانت ليه عملت كده؟
طارق: يمكن عشان مصدقك وعارف وواثق كمان انك بريئة
رقية: عرفت ازاى وجايب الثقة دى كلها منين
طارق: تعالى ي رقية
قامت رقية وقفت جنبه شغل طارق الكمبيوتر وعليه مقطع فيديو ليها وهى واقفة جنب العربية وبتقرأ الورقة وفجأة اترش ف وشها بنج مخدر ووقعت ع الارض ونزل اثنين شالوها وحطوها بالعربية
رقية بدموع: ي ولاد ال*** عشان كده مفتكرتش اى حاجة لما فوقت طب ده نص الحكاية ايه اللى ودانى الشقة وليه عملوا فيا كده؟!
طارق: ارتاحى ي رقية الاول واهدى ...طلب ليها عصير ليمون وشربته وهديت شويه ...طارق: احسن
رقية: الحمدلله ممكن تكملى بقيت الحكاية؟
طارق: عارفة فادية اللى ضر*بتك ف الحجز دى اصلا صاحبة الشقة اللى انتى كنتى فيها وواخدة تعليمات من حد انها تعمل فيكى كل ده
رقية بصدمة: حد ....حد مين انا عمرى ما اذيت حد عشان يفكر يإذينى بالشكل ده!
طارق: تعرفى كمال ابو الليل
رقية باشمئزاز: وليه السيرة دى؟
طارق: عشان هو اللى عمل فيكى كل ده ي رقية
رقية بصدمة: كمال....كمال هو السبب ف كل ده طب ليه؟
طارق: ليه دى اجابتها عندك انتى وانا اللى محتاج اعرف هو ليه بيعمل كده؟
رقية بدموع: كمال كان شغال صبى ف ورشة بابا الله يرحمه وتقدر تقول متربين سوى حبيته وهو كمثل او بمعنى اصح كان بيضحك عليا لحد ما اكتشفت انه كان بيمثل عليا الحب بس عشان الورث اللى هاخده من بابا لما عرفت كده بعدت عنه وقولت لبابا عشان كده بابا طرده من الورشة بعد مدة حوالى ٥ سنين رجع كمال بس غير اللى نعرفه كان رجل اعمال ومشهور وسمعت بابا ف يوم بيقول لمحمد اخويا ان اللى مقوى كمال بالشكل ده واحد بيشتغل ف المديرية بعدها بابا اتوفى وحاول كمال انه يتودد لينا ولان والدتى ست ع نياتها سامحته وطلبت مننا نعامله كويس حاولنا بس انا مقدرتش عرض عليا الجواز اكتر من مرة وانا رفضت واخر مرة كان بيحاول..... عيطت جامد: حاول يتح*رش بيا ضربته بالقلم وتفيت بوشه وهددته انى هعمل فيه محضر عدم تعرض لو مبعدش عنى
قالت كلماتها الاخيرة وكان طارق قابض ايده بعنف لدرجة ان ضوافره جعلت ايده تنزف برزت عروق وشه وايده بشكل غريب وبغضب مكبوت: كملى
رقية: من بعدها مشوفتوش وقولت خلاص كده خلصت منه اتاريه كان بيخطط ازاى يردلى القلم
طارق بهدوء: متقلقيش ي رقية اوعدك انه هدفعه التمن غالى قصاد كل وجع اتسبب ليكى فيه
رقية: انا كان نفسى بس محمد ميصدقش اللى اتقال عنى كان نفسى يكون جنبى
طارق: مسيره يفهم ويتلم شملكم من جديد
رقية: معتقدش انى هقدر اسامحه بعد ما اتخلى عنى ف محنتى وصدق الكلام اللى اتقال عنى
طارق: الايام جاية ومحدش عارف مخبية ايه المهم عاوزك تطمنى وتكونى قوية الجلسة بكرة الساعة ١١ الضهر
رقية: ع الله انا متشكرة جدا لحضرتك مش عارفة اردلك جميلك ده ازاى
طارق بابتسامة: بعدين ي رقية اخرجى بالسلامة وابقى ردى الجميل براحتك
نده طارق ع العسكرى واخدها رجعها ع الحجز ..تانى يوم كان كمال واقف تحت مكان النيابة ووصل انيس المحامى قبل ميعاد الجلسة بنصف ساعة
كمال: ها ي انيس جهزت كل حاجة؟
انيس: اطمن ي كمال بيه كله تحت السيطرة والانسة رقية هتخرج النهاردة بعد ما نخلص كل الاجراءات
كمال: عارف ي انيس لو رقية مخرجتش انا هعمل فيك ايه؟
انيس وهو بيبلع ريقه بخوف: وليه التهديد والتوتر ده بس ي كمال بيه ده حتى مش حلو عشانى ف الوقت ده وبعدين انت عارفنى كويس عمرك قصدتنى وخذلتك؟!
كمال: المرة دى غير اى مرة بالنسبة ليا الغلطة منك بالجيم كله
انيس: اطمن ي باشا ان شاء الله مفيش اخطاء ولا حاجة عن اذنك
طلع انيس ع فوق ووقفه صوت ايهاب: استاذ انيس المحامى
انيس: ايوة ي فندم خير فيه حاجة؟!
ايهاب: انت جاى عشان تمسك قضية رقية ابو الدهب مش كده؟
انيس: ايوة
ايهاب: شكرا لتعبك ي متر الانسة رقية فيه محامى تانى ماسك قضيتها استاذ احسان عبدالملك اكيد حضرتك تسمع عنه مش كده
انيس: طبعا ي فندم ده اشهر من النار ع العلم بس مين اللى جابه ليها؟
ايهاب: رئيس مباحث زميلنا اسمه طارق المغازى
انيس: تمام عن اذنك
نزل انيس وكان كمال مستنيه نزل كمال من عربيته بغضب: انت رايح فين ميعاد الجلسة قرب ي بنى ادم
انيس: عيب اوى ي كمال بيه لما تجيبنى وتهددنى وتوترنى وتسيبنى اشغالى عشان القضية دى وف الاخر يكون ماسكها اكبر واشهر محامى بالبلد يعنى انا وغيرى اصلا جنبه ملناش لزمة هتخرج يعنى هتخرج
كمال بصدمة: ايه وده مين اللى جابه ؟!
انيس: رئيس مباحث اللى وكله ليها اسمه طارق المغازى
كمال بصدمة : مين..طارق المغازى ضرب ع العربية بغضب وزعق ف انيس: غور من وشى
مشى انيس بسرعة اما كمال ساق عربيته وراح ع شركته وكان بيرزع ف كل حاجة تقابله ف المكتب
مرتضى: خير ي باشا مالك متضايق كده ليه؟!
كمال: الك*لب اللى اسمه طارق جاب محامى لرقية بيعمل كده عشان يستفزنى بس لا انا مش هسكت
مرتضى: اؤمر وانا انفذ
كمال: عاوز اخ*لص منه ي مرتضى ووووو....يتبع
اكتب في بحث جوحل( مدونة قصر الروايات) تظهر القصص كامله
تابعونا علي قناة التليحرام من هنااااااااااا
ليصلكم اشعار بالنشر
الرواية كامله من البداية من هناااااااااااا
تعليقات
إرسال تعليق
فضلا اترك تعليق من هنا