رواية حبي الاول البارت 5-6بقلم ميرفت سعيدجديده وحصرية في مدونة قصر الروايات
رواية حبي الاول البارت 5-6بقلم ميرفت سعيدجديده وحصرية في مدونة قصر الروايات
#البارت_الخامس
ليلي حاسه انها السبب وأنهم اتخنقوا بسببها علشان كده طنط تعبت
ليلي بقلق: تميم
تميم بضيق : انتي لسه واقفه ياليلي
ليلي: امال اروح فين ياتميم .
تميم بتعب: طيب انزلي علشان متتعبيش
ليلي: لا أنا مش هنزل غير لما.....
تميم بصوت عالي: ليلي انزلي .
ليلي بدموع : انتي بتزعق ليا ياتميم
تميم لف وشه وسكت
ليلي : تمام عن اذنك
ليلي كانت ليه هتمشي
تميم : ليلي استني
ليلي من غير ماتبص له : نعم
تميم راح لها وقال بتعب وحزن : ليلي متزعليش مني معلش أنا تعبان دلوقتي .
ليلي بحب: عارفه والله انك تعبان مزعلتش اصلا ب بس انا عايزه اعرف هي طنط حصل لها كده ازاي
تميم:بكرا هقولك .
ليلي : ماشي هبقي اكلمك أما انزل
تميم بابتسامه: ماشي ياحبيبتي
تميم كان قاعد وبيكلم نادر صاحبه
نادر: وانت هتعمل اي دلوقتي
تميم: مش عارف اعمل حاجه يانادر امي منشفه دماغها علي حبيبة تصور انها راحت طلبت ليا حبيبة من امها
نادر بغضب: نععم ازاي يعني
تميم باستغراب: في أي؟
نادر : ازاي يعني تتقدم لحبيبة
تميم بخبث : اي ده اي ده مالك كده ايه اللي ضايقك
نادر بتوتر: لا طبعا مفيش حاجه ضيقتني قصدي يعني ليلي وهتتجوزها وكده هتظلم حبيبة معاك
تميم بغضب: يابني انت متخل.ف هو أنا عارف اتجوز ليلي اساسا
نادر: يعني انتي عني مش هتتحوزها
تميم: مش هتجوزها ده انا قت.يل فيها دي ليلي مش هتبقي لغيري وانا مش هبقي لحد غيرها .
نادر بضحك: ايوه ياعم الحبيب هههههههههههه .
تميم: بقولك اي اقفل هطمن علي ماما وبعد كده هنام علشان الشغل بكرا .سلام
نادر : ماشي يا صاحبي سلام .نادر قفل مع تميم ولكن لقا فونه بيرن
نادر: اووف ابو غلست.ك
ورد: الو ياورد( بنت خالته)
ورد بخجل : أزيك يانادر....صحيتك من النوم ولا حاجه
نادر: لا أنا كنت صاحي.. خير في حاجه
ورد: احم بكرا عندي مشوار مهم ولكن ماما مش راضيه تخليني اروح
نادر : ايوه انا اعمل اي
ورد سكتت بأحراج وحزن
نادر بندم: معلش حقك عليا أنا بس مضايق شويه
ورد بحب: لا ولا يهمك أنا بس كنت عيزاك تقنعها ثم ادفا بحزن: مش انت اخويا الكبير برده
نادر: اااه لو علي كده تمام ماشي ياستي هكلمها هقنعها
ورد بابتسامه: شكرا اوي يانادر
نادر: علي اي ياهبله ده انتي اختي الصغير ..معلش هقفل معاكي عشان انام ..وقفل
ورد بحزن وغيظ: اووف كل شويه أخته الصغير
أم حبيبة دخلت علي حبيبة لقتها قاعده سرحانه
أم حبيبة : بقولك اي ياحبيبتي
حبيبة بانتباه : نعم ياماما
إن حبيبة : انتي اي رأيك بصراحه في الواد تميم
حبيبة : في ازاي يعني
أم حبيبة : هو اي اللي فيه ازاي شخصيته شكله وكده
حبيبة بخجل: هو حلو وكل حاجه ومحترم وكده بس ...
أم حبيبة باستغراب: بس اي ؟
حبيبة : افرضي مش بيحبني
أم حبيبة: ومين قالك انو مش بيحبك يعني وبعدين هو لو مش بيحبك أمه جت تطلب ايدك ليه
حبيبة : ما هي قالت إنه قال عايز يتجوز بس.مقالش انو عايز يتجوزني
إن حبيبة : بقولك اي أنا اتفقت أنا وسعاد انها هتخليكم تقعدوا مع بعض وتشوفي بقا بس أن شاء الله هيكون من نصيبك .
حبيبة بحب: يارب
تاني يوم تميم كان لابس ونازل الشغل ولكن لقا جرس الباب بيرن فتح لقا حبيبة وامها
أم حبيبة: ازيكي احبيبي عامل اي
تميم: احم ازي حضرتك ياطنط اتفضلوا
حبيبة بخجل: ازيك ياتميم
تميم بهدوء: ازيك ياحبيبة
أم حبيبة : مالها مامتك ياتميم تعبت ازاي دي كانت لسه عندنا امبارح
تميم: تعبت شويه ياطنط ضغطها كان عالي
أم حبيبة : طب هي فين اطمن عليها
تميم: اتفضلوا هي جوا في الاوضه اتفضلوا تشربوا اي
أم حبيبة: لا ياحبيبي أنا جايين نشوفها بس ونمشي
سعاد: لاطبعا مينفعش لازم تشربوا حاجه تشربوا اي
أم حبيبة : ياريت لو قهوه
تميم : تمام ..وراح يعمل القهوه
سعاد بحبث:روحي ياحبيبة ساعديه معلش ياحبيبتي في عمل القهوه
أم حبيبة: ايوه ده حبيبة بتعمل القهوه حلو اوي روحي ياحبيبتي .
حبيبة بخجل وتوتر: طيب
وراحت علشان تساعده
سعاد: ربنا يكتبها من نصيبه يارب بدل بنت عبير دي (طبعا قالت كده بصوت واطي )
حبيبة بخجل: احم اساعدك
تميم بهدوء وهو مركز في القهوه : لا لا القهوه مش صعبه يعني هعرف اعملها لوحدي
حبيبة بأحراج :احم تمام ...احم كنت عايزه اتكلم معاك بخصووص أن مامتك
قاطعها تميم : احم حبيبة أنا كنت عايز اقولك أن امي راحت تتقدم من غير مااعرف
حبيبة بألم: يعني اي ؟
تميم بحزن: حبيبة أنا .....أنا.
حبيبة قطعته : خلاص ياتميم أنا فهمت علفكرة أنا رفض بس هما اللي صمموا أني لازم اتكلم معاك
تميم : أنا آسف ياحبيبة لانك اتحطيتي في موقف زي ده
حبيبة بحزن: لا عادي ...طب وانت مش بتحب حد
تميم باستغراب : حد زي مين ؟
حبيبة :لا خلاص... الباب خبط
حبيبة: خليك انتي اعمل القهوه أنا هفتح الباب
حبيبة راحت تفتح
ليلي بصدمه : حبيبة ؟!!
توقعاتكم🔥
#البارت_السادس
بعتذر عن التأخير يارب تكونوا صاحيين😂❤️
حبيبة: خليك انت اعمل القهوه أنا هفتح الباب
حبيبة راحت تفتح
ليلي بصدمه : حبيبة ؟!!
حبيبة : احم ازيك ياليلي
ليلي بصدمه: انتي بتعملي اي هنا
تميم من جوه : مين ياحبيبه؟
ليلي مصدومه ومش عارفه حبيبة بتعمل اي هنا
حبيبة : أنا جيت اطمن علي طنط سعاد أنا و ماما ماما جوه
تميم جه يشوف مين : ليلي تعالي ادخلي
ليلي : لا أنا جيت اطمن علي طنط هي كويسه
تميم: ايوه كويسة تعالي ادخلي
ليلي: لا معلش وقت تاني عن اذنكم
ليلي مشت وتميم مستغرب ليه ليلي زعلت
ليلي نزلت بيتهم ولقت مامتها مستنياها
أم ليلي : ها عامله اي ؟
ليلي: تميم بيقول كويسه
أم ليلي: غريبة نزلتي علطول ليه ؟
ليلي : عندهم ضيوف فوق
إم ليلي : اااه
ليلي: ماا بقولك اي فاكرة الموضوع اللي قولتيلي عليه انتي وخالد
أم ليلي: ااه فاكرة ماله
ليلي بأصرار وحزن : أنا موافقه
أم ليلي بفرحه: طب الحمدلله ربنا يكملك بعقلك ياقلبي
( تفتكروا موضوع اي ؟)
حبيبة وامها قعدوا شويه مع ام تميم وتميم نزل وبعد كده روحوا
أم حبيبة : بت ياحبيبة
حبيبة : نعم ياماما
أم حبيبة : اتكلمتي مع تميم ؟
حبيبة : ايوه ياماما اتكلمت
أم حبيبة : ها اتكلمتوا قولتوا اي
حبيبة : مقولتاش حاجه
أم حبيبة بعصبية: نعم ياختي يعني اي متكمتوش
حبيبة بغضب وحزن: مقلتاش حاجه ياماما بس اللي احب أقوله ليكي انو مش موافق علي اللي أمه عملته ولا بيحبني ارتحتي ..قالت كده ودخلت الاوضه تعيط
(وطبعا أم حبيبة زي اي ام طبيعيه كلمت اختها وحكت لها كل حاجه 😂)
تميم نزل راح الشغل بتاعه وبيحاول يكلم ليلي ولكن مش بترد فصل قاعد هو ونادر صحبه
نادر بضيق وهو بيمسك الفون : اووووف
تميم: في أي
نادر: ورد يابني كانت قيلالي هنروح مشوار النهارده وانا نسيت خاالص وبترن عليا دلوقتي
تميم: طب ما تقوم دلوقتي تروح لها
نادر بضيق : اووف بقا هو أنا فاضي لها هرن عليها اعتذر وخلاص ..اهي بترن خالص
تميم : والله البت خسارة فيك
نادر نظر ليه بسخريه ورد : الو ياورد
ورد : شكلك نستني
نادر بضيق: معلش غصب عني كان عندي شغل كتير
ورد بحزن : كان الله في عونك ...خلاص تمام
نادر: مش هتروحي ولا اي
ورد : لا أنا روحت اصلا
نادر : بغضب: نعععم روحتي ازاي
ورد : مانا لما ملقتش رديت مشيت
نادر: لوحدك ؟؟؟!
ورد: لا مانتا عارف ان ماما مكنتش هترضي اروح لوحيدي
نادر: ايوه يعني روحتي مع مين
ورد: روحت مع معاذ ابن عمتي كان عندنا وهو اللي قال لماما يوصلني
نادر بغضب وغيرة : نععععم ياختي بتقولي مين ؟؟
ورد بخوف: م معاذ
نادر بغضب: وانتي مرنتيش عليا ليه
ورد بخوف: رنيت والله انت مردتش
تميم اللي كان قاعد متابع الحوار : اهدي ياعم مش كده
نادر بغضب: انتي هتخلصي أمته ؟
ورد: كمان ساعه
نادر:طيب اول ما تخلصي رني عليا اجي اخدك
ورد: بس معاذ
نادر بغضب وغيرة : ووورد أنا قولت اي قولت هاجي اخدك
ورد بخوف : حاضر
نادر قفل وفضل متعصب وتميم بيشوفه وبيكتم ضحكته علي شكله
نادر بعصبية : متضحكش
تميم اول ما نادر قال كده ضحك جامد ومقدرش يكتم ضحكته ونادر فصل باصص له بغضب وبعد كده ضحك معاه
عند ورد فضلت واقفه مصدومه وقالت : اي ده هو متعصب ليه ..يكون ...يكون بغير ...ثم قالت بفرحه : الله الله وضحكت بسعاده ...صبرك عليا يانادر
أم حبيبة بتكلم سعاد وبتقول لها أن تميم مش عايز حبيبه وبتلومها علي انها جت اتقدمت لحبيبه بدون موافقه تميم
سعاد بغضب من تميم: معلش ياأم حبيبة هو لما قال ليا انو عايز يتجوز جت في بالي علطول حبيبة انتي عارفه اني بحبها ونفسي تكون مرات ابني بجد
ام حبيبة :عارفه بس برده كان المفروض تتأكدي منه الاول
سعاد: حصل خير بقا متزعليش وقولي لحبيبة متزعلش وان شاء الله يكونوا من نصيب بعض ثم قالت في نفسها : ماانا مش هسيبه لبنت عبير ده يبقي علي جثت.ي
بعد ساعه ورد رنت علي نادر وجه فعلا وخدها
ورد : احم مالك يانادر
نادر بحده: مليش
ورد : طيب وسكتت تفوتها رن وكان معاذ لقت أنها فرصة ترد عليه وتغيظ نادر
ورد برقة :ايوه يامعاذ
نظر لها نادر بغضب وغيرة
ورد متابعه نظراته بس كملت برقة: انا اسفه يامعاذ متزعلش مني نادر ابن خالتي كان معدي وشافني وقال يوصلني معلش .
نادر كان ثانية كمان وكان هيو.لع فيهم
ورد : تمام ماشي سلام
نادر: ماشاء الله اي الرقة دي
ورد: قصدك اي مثلا اني مش رقيقه
نادر بغضب: لا رقيقه جدااا ...وبعدين بتكدبي ليه واي عدي عليا وطلب يوصلني هو مش انتي اللي اتصلتي عليا
ورد: اتصلت علشان اقولك اني مشيت بس انا انت اللي طلبت توصلني
نادر: ومقولتيش كده ليه
ورد بتلقائية: يزعل مني
نادر بغضب وقف العربيه. قال بغيرة.: نعععم ياختي ماي زعل ولا يتفلق انتي هتستهب.لي
ورد بخوف: في أي يانادر أنا أول مره اشوفك كده
نادر: متعصبنيش أنا بقولك اهو
ورد: أنا عصبتك في أي
نادر: ورد خلي يومك يعدي أنا بقول اهو ياريت تفضلي ساكته طول الطريق. احسن
ورد: سكتت اهو
تميم رن علي ليلي ورعد مكالمات كتير ردت
ليلي : ايوه ياتميم
تميم بغضب : مش بتردي ليه
ليلي: معلش مسمعتش الفون
تميم: تمام انتي زعلتي ليه
ليلي: أنا مزعلتش زعلت فين ده؟
تميم : ليلي قولي في أي
ليلي : تميم أنا عايزه اقولك علي حاجه
تميم: قولي
ليلي بتوتر: احم أنا..............
تميم اتنفض من مكانه وقال بغضب: نعم ياختي
توقعاتكم 🔥
تفتكروا ليلي قالت لتميم اي ؟
ونادر بيحب. مين حبيبة ولا ورد ؟
اكتب في بحث جوحل( مدونة قصر الروايات) تظهر القصص كامله
تابعونا علي قناة التليحرام من هنااااااااااا
ليصلكم اشعار بالنشر
الرواية كامله من البداية من هنااااااااااا
تعليقات
إرسال تعليق
فضلا اترك تعليق من هنا