رواية مين حب مين البارت 6-7-8-9-10بقلم ساره محمد
رواية مين حب مين البارت 6-7-8-9-10بقلم ساره محمد
Part 6
سيف طلع جرى ناحيه حور مسكها من ايديها والعربيه وقفت على اخر لحظه، سيف مكنش مكنش مصدق الى حصل وان هما اللأتنين كانوا زمانهم ميتين دالوقتى لولا ستر ربنا واخد حور على البيت ودخل معاها لحد اوضتها وهى مش بتتكلم نامت على السرير وغطاها بالبطانيه وبعدين قفل باب الشقه من جوه بالمفتاح كويس وطلع وقف فى البلكونه وفضل يشرب سجاير للصبح، وبعدين راح قعد على الكرسى فى اوضه حور جنب السرير بشويا واول حور مفتحت عينيها اتخضت
حور : فى ايه يا سيف، ايه الى جابك هنا؟
سيف : انتى ازاى عملتى كدا امبارح يحور هاااا وبعصبيه ردى عليااا
حور قامت قعدت بسرعه وبصدمه وخوف : لى انا عملت اى امبارح يا سيف؟ كل ده علشان اتخانقنا معاك امبارح! وبعدين الموقف عدى خلاص مستنى تخصنى لما اصحا علشان تتناقش فيه؟!
سيف : انتى بتستهبلى يا حور صح؟
حور بعصبيه : هو اى يا سيف مالك، واى الطريقه الى انت بتعاملنى بيها دى؟
سيف بصدمه : يعنى انتى مش فاكره انك نزلتى الساعه اتنين بالليل الشارع بلبس البيت وعديتى الطريق واحنا كان زمانا دالوقتى ميتين؟
حور : لاء ، والله مفاكره اى حاجه انت بتهزر صح؟
وجاى تخضنى بتهزر صح؟
سيف حط ايديه الاتنين على راسه وبص فالأرض
حور انتى لازم تتعالجى
حور بعصبيه : انا مش مريضه يا سيف انت عارف انى لما بتعصب او بتدايق او بتبقا حالتى النفسيه وحشه بمشى فى الشوارع ومببقاش عارفه انا رايحه فين ولا جايه منين لكن قليل ما بيحصل ده
سيف بص فى عين حور : بس بتبقى فاكره انتى عملتى اى كويس
لكن المره دى غير يا حور، لأنك كُنتى شبه مُغيبه، بصى يا حور تمام انتى حره مش عاوزه تكشفى خلاص مش هجبرك على حاجه انا هقوم اروح الشغل وهاجى الفجر وهضطر انى اقفل باب الشقه بالمفتاح وارجوكى حاولى انك متعمليش اى مشاكل تانى النهارده
يعنى قومى خدى شاور سخن وافطرى، صلى، اسمعى فيلم، كلمى ندا فالتليفون وحاولى انك متفكريش كتير ارجوكى
وقام لبس ونزل
حور مسكت تليفونها ورنت على ندى صاحبتها
ندى : عامله يا عروسه طمنينى عليكى
حور بعياط : هو انا مجنونه يا ندى؟
التفاعل يجماعه والله ما هو الا حافز ليا بيخلينا اخطف وقت من يومى وسط كل الى انا فيه واستمر معاكم لو انتم حابين الروايه فأنا والله حابه اكثر انى موقفش ولا لحظه وابعت البارت الجديد كل شويا مش كل يوم ، ومقدرش استغنا عن رأيكم كالعاده
واسفه عن اي تأخير فالبارتات الى فاتت )
ندى : لى بس بتقولى كدا يا حور يحبيبتى ايه بس الى حصل
حور قعدت حكيت لندى على كل حاجه
ندى : بصى يا حور انتى وسيف عاملين زى الاتنين الى ماسكين حبل زينه وبدل ميعلقوه ويفرحوا بيلفوه حوالين رقبتهم ويخنقوا بعض، هو عنده جرح وانتى كمان عندك جرح بس جراحكم مختلفه تماماً لدرجه ان مفيش حد عاوز يعدى للتانى حاجه، وطبيعى ان سيف لسا منساش يقين وانتى عارفه ده كويس لكن شطارتك انك تنسيهاله وتعرفى ازاى تداويله جرحه لانك لو داويتى لسيف حرجه هتكسبيه يا حور، معلش تعالى على نفسك وحاولى تنسى جرحك دالوقتى وموت امك انا مش بقولك انسيها لا افتكريها وادعيلها دايماً لكن عيشى يا حور
حور قفلت مع ندا وقامت علشان تطبخ لقيت التلاجه مفيهاش غير علبه جنبه
اتصلت بالبواب جبلها كل الطلبات وبعدين دخلت المطبخ وفصلت تطبخ
وفضلت مستنيه سيف لحد بعد الفجر وهو مجاش وفين وفين فتح الباب ودخل الساعه سبعه الصبح، لقاها نايمه وهى قاعده على الكرسى وراسها على السفره وكانت لابسه دريس احمر وشعرها مفرود ومغطى وشها، قرب منها وخبط على كتفها
سيف : حوور مش نايمه ليه على سريرك؟
حور بخضه وهى بتفوق : انت جيت يا سيف؟
سيف : انتى شايفه اى؟
حور : هى الساعه كام دالوقتى؟
سيف : الساعه داخله على سبعه الصبح
حور : انت مش قولتلى انك هتيجى على الفجر؟
سيف قعد قصادها على السفره : حصل نزيف واحنا فنص العمليه ومكنش المفروض ان النزيف ده يحصل انا الى خبط بالمشرط فشريان مش عارف ازاى ده حصل
حور : خلاص يا سيف المهم ان الموقف عدا على خير الحمدلله، انا عارفه انه احساس صعب بس اهم حاجه انك بخير وان المريض مماتش
سيف : معاكى حق انا هدخل انام شويا
ودخل نام وقفل باب اوضته عليه
حور شالت الاكل كله رمته فالزباله بعصبيه شديده ورمت الاطباق فالحوض ودخلت اوضتها واتصلت على ندى
حور : شوفتى الى حصل يا ندى دا حتى مقالى عامله اى ولا سألنى اكلتى ولا لاء ولا بص على الاكل حتى
ندى : معلش يا حور الصبر يا حبيبتى وبعدين انا عاوزه اقولك حاجه مهمه
حور : فى اى يا ندى
ندى : يقين كانت فأوضه العمليات مع سيف النهارده انا مكنتش هقولك علشان متزعليش لكن سيف غلط غلطه كبيره فى اوضه العمليات والمريض كان شخصيه مهمه وكان هيموت لولا ستر ربنا
حور : سيف قالى على كل ده لكن مجابليش سيرتها
ندى : طيب قالك ان هو قدم استقالته النهارده من المستشفى؟
حور بصدمه : لاء مقاليش
حور استنيت سيف لما صحى واول مفتح عينيه لقاها قاعده نفس القاعده على الكرسى بس فوش سريره
سيف بخضه : فى اى يا حور، فى حاجه حصلت ولا اى؟
حور : انت ليه قدمت استقالتك النهارده
سيف : علشان انا حر واعمل الى انا عاوزه
حور : طيب يا سيدى انت حر لكن اى هى خطتك المستقبليه بقا؟
سيف قام قعد وولع سيجاره : خطتى المستقبليه ان مفيش خطه
مش عاروز اشتغل الشغلانه دى تانى اصلاً، كرهتها
حور بحسره : تمام جداً، براحتك خالص يا سيف
بس انت شايف ان دى بقيت عيشه؟
انت مبسوط بنفسك كدا! فين سيف الى كل الناس كانت بتتحاكى بشطارته واخلاقه طيب اقولك فين سيف الى كان مثلى الاعلى الى دخلت كليه الطب بسببه؟!
فين سيف الطموح، الى مفيش حاجه بتوقفه!
انا مش قادره استوعب ان واحده ست قدرت تعمل فيك كل ده
سيف بعصبيه : اخرسى، اخرسى يا حور
حور : حاضر يا سيف انا هعرف ازاى افوقك كويس
وطلعت تجرى على المطبخ، سيف طلع يجرى وراها
مسكت السكينه وقربتنا من شرايين ايديها
وسيف واقف قصادها مصدوم
حور : قولى بقا يا دكتور يا ترا انت اشتغلت قبل كدا عمليه ربط اوتار وشرايين؟
سيف : حور، ارمى السكينه دى حالاً من ايدك انا بجد مش فايقلك خالص
حور : بس انا هفوقك يا سيف وقربت السكينه من ايديها اكتر و.....
#يتبع
Part 7
حور قربت السكينه من ايديها اكتر
سيف بعصبيه وهلع : طيب خلاص اهدى وانا هعملك كل الى انتى عاوزاه، تعالى نقعد ونتكلم براحه يا حور، وبعدين انا هقنعك انتى دالوقتى لو انتحرتى ما هوديكى المستشفى وهتعيشى غصبن عنك
فمنغير عنف تعالى نقعد ونتكلم براحه
حور رميت السكينه من ايديها وخرجت قعدت قصاده فى الصالون
سيف : قولى يا حور الى انتى عاوزاه وانا سامعك
حور بعياط : انا عاوزاك متدمرش مستقبلك الى بقالك سنين طويله بتبنيه لوحدك يا سيف، عاوزاك تحقق طموحك وتبقى اشطر دكتور فالبلد دى كلها، عاوزاك تنسى الماضى وتقفل عليه بقا
سيف : انتى معاكى حق يا حور واوعدك انى هعمل كل ده
بس فالمقابل عاوزك انتى كمان تبطلى حركات الجنان بتاعتك دى انا عاوز اشوف يقين العاقله القويه
حور : خلاص يا سيف اتفقنا بس انا عندى شرط كمان
سيف : اشرطى يا ستى
حور : ان احنا نفضل اصحاب زى ما احنا وانك ترجع تحكيلى كل حاجه زى الاول ومتخبيش عليا حاجه
سيف : موافق وانا كمان عاوز اقول اخر شرط عندى
حور : قول
سيف : تتابعى مع دكتور نفسى
حور بعصبيه : بس انا مش مجنونه يا سيف
سيف : انتى ست العاقلين ومين الى قال الى بيروح لدكتور نفسى ده مجنون، هو بس بيكون اعصابه تعبانه شويا
حور : تمام موافقه
سيف : خلاص اتفقنا انا فى واحد صاحبى شغال فمستشفى كويسه جدا وكان بيكلمنى زمان علشان اروح اشتغل معاه فهكلمه واشوف الموضوع كدا
حور : تمام جداً وان شاء الله خير
سيف : انا داخل انام بقا عاوزه حاجه يا حور؟
تصبحى ع خير
حور : لا تصبح على خير يا سيف
وبعد اسبوع
سيف : حور انا مش مُتخيل ان العمليه نجحت، انتى عامله العمليه دى كانت نسبه نجاحها كام؟
حور : كام يسيف؟
سيف : عشره فالميه بس
حور : انا مبسوطه انك اثبت نفسك فالمستشفى الجديده يا سيف وفخوره بيك جدا
حور : تخيلى ان صاحب المستشفى عاوز يعمل نفس العمليه دى من عشر سنين وكان خايف يعملها بس اتشجع جدا بعد معملتها للحاله النهارده ونجحت وقالى عارف يا سيف لو العمليه نجحت وانقذت حياتى زى الراجل ده انا هكتبلك المستشفى دى كلها بأسمك
حور : انت بتهزر يا سيف؟ قالك كدا بجد!
سيف : يبنتى الراجل ده ملياردير ميقولش كدا لى
حور : طيب وانت قولتله اى؟
سيف : قولتله ان شاء الله خير
انتى صحيح عملتى اى مع الدكتور النهارده؟
حور : ولا حاجه فضل يسمعنى عادى اغلب الوقات وكتبلى على شويه ادويه مهدئه
سيف : انا هحاول اروح معاكى مره ان شاء الله
حور : انا عارفه انك بتبقا مشغول وبعدين انا بروح بأوبر وباجى بأوبر فمتقلقش
و
بعد شهر سيف نجح فالعمليه وصاحب المستشفى وفى بوعده وكتبهاله بأسمه دا غير طبعاً الشهره الى اخدها، اما يقين فهى مبسوطه طول ما هى شايفه سيف مبسوط وبينجح بالرغم من انها مبتشوفهوش غير كل اسبوع مرتين تلاته بس
حور عند الدكتور النفسى
حور : سيف قالى انه مش قادر يشوفنى غير اخته او صاحبته يا احمد
احمد (الدكتور النفسى): يبقا انتى كمان لازم تشوفيه زى ما هو ما بيشوفك يا حور
حور بتنهيده : انا حاسه انه لسا منسيهاش
احمد : انا شايف انك لازم ترجعى تشتغلى تانى يا يقين انتى شخصيه شاطره جدا وموهوبه من لما كنا فالكليه وانا فاكر انك كنتى بترتبى على الدفعه وبعدين انتى حالتك النفسيه بدءت تتحسن انتى محتاجه بس تتعاملى مع اشخاص تانين غير سيف
لازم تطلعى وشوفى النور انتى كمان
حور : انت معاك حق، لكن انا بكدا هبقا مشغوله عن سيف يعنى افرض رن يتطمن عليا ومرديتش كنت فأوضه العمليات مثلاً
احمد : وايه المشكله، بصى يا حور سيف كل افعاله بتدل على انه بيحبك لكنه مبيقولش وواهم نفسه انه مبيحبكيش لأنه خايف ياخد الخطوه، فأنتى لازم تعامليه بمعاملته علشان توحشيه، وحطى كل طاقتك ومجهودك فالشغل
حور بدءت تسمع كلام احمد وتطبقه بالحرف الواحد ونزلت تشتغل فالمستشفى مع سيف لكن هو اغلب وقته فالأداره وبينزل بس العمليات للشخصيات المهمه وهى اغلب وقتها مع المرضى والعمليات المتكرره والعاديه
وبعد شهرين
سيف دخل البيت الساعه اتنين بالليل وحور وصلت الساعه تمانيه الصبح والمفاجأه ان سيف كان قاعد مستنيها على نار
سيف : ممكن اعرف اتأخرتى كدا لى يا حور؟
حور : امممم اصلى كان عندى كذا عمليه ورا بعض
سيف : انتى كدابه انا راجعت جدول عملياتك ومفروض كنتى تروحى الساعه اربعه الفجر تقدرى تقوليلى حضرتك كنتى فين طول الوقت ده؟
وبعدين مين الى موصلك بعربيته لحد باب البيت يا دكتوره؟
حور : انت بتراقبنى؟
سيف مسكها من ايديها بقوه : يالا ردى عليا بسرعه
حور : اااه سيب دراعى بيوجعنى
سيف ساب ايديها بسرعه وبعدين هى مسكت دراعها وعيطت
سيف : ماله دراعك؟ هااا ردى
حور ديرت وشها الناحيا التانيه وهى بتعيط سيف مسك ايديها بسرعه وعرى دراعها لقا ايديها كلها ملفوفه بشاش
سيف بعد خطوتين : متردى عليا يبنتى مال ايدك؟
حور بعياط : وانا راكبه الأوبر السواق عمل حادثه ازاز العربيه اتكسر ودخل فدراعى وكان وقتها احمد بيكلمنى فالتليفون لأن مكنش فى وقت انى اروح الجلسه فكان بيتابع معايا عالتليفون وهو جه فورا بصراحه واخدنى على المستشفى وفضل معايا لحد دالوقتى وبعدين وصلنى بعربيته
سيف : طيب ومتصلتيش بيا لى؟
حور : انا ملحقتش اعمل حاجه يا سيف كل حاجه حصلت ورا بعضها
سيف طيب انا اسف بجد حقك عليا، تعالى اوصلك لأوضتك واحضرلك الاكل وعصير تشربيه علشان شكلك نزفتى دم كتير
حور دخلت اوضتها وسيف جهزلها الاكل والعصير وخبط على باب الاوضه وبعدين دخل لقاها نايمه حط عليها الغطا وطفا النور وطلع ووهو طالع لفت انتباهه ان الجاكيت الى كانت لابساه يقين رجالى
سيف نام وصحا لقاها مش موجوده رن عليها ومكنتش بترد
اتصل على السكرتاريه فالمستشفى بسرعه
الدكتوره حور جات النهارده؟
السكرتاريه : هى جات وبعدين خرجت علطول مع دكتور محمود
سيف فضل قاعد على ناره تانى مستنيها لحد موصلت البيت واول مدخلت من الباب
سيف : كنتى فين يا حور؟
التفاعل والله يجماعه ما هو الا حافز ليا ومعلومه اكيده ليا اذا كان انتم عاوزينى اكمل او لاء والبارت الى فات كان التفاعل وحش جدا وبجد شكلكم مبقيتوش عاوزينى اكمل
حور : خرجت اشم شويه هوا
سيف : دا من غير ما تقوليلى؟ وبعدين مرديتيش على تليفونك لى
حور وهى بتقلع الجاكيت الجلد وبلا مبالاه : مأخدتش بالى
سيف : وكنتى بتشمى هوا فين بقا؟
حور وهى بتفرد شعرها الى كانت رافعاه لفوق
فى اى يا سيف هو تحقيق بقا؟
سيف : انا عرفت انك خرجتى من المستشفى مع دكتور محمود زميلك
حور : اااه منا نسيت اقولك انى روحت اشم هوا مع محمود قصدى دكتور محمود
سيف مسكها من دراعها جامد وبعصبيه شديده
بالليل كنتى مع احمد وبالنهار مع محمود
ايه؟! كيس جوافا انا
حور بصريخ : اااااه سيب ايدى
سيف : انتى كدا بتسوئى سمعتى وسمعه نفسك لانك قدام كل الناس مراتى وانتى متعرفيش الرجاله بتبص لواحده متجوزه ازاى
حور بكل هدوء : هو انت فاكرنى هقعد ابكى على الأطلال وانت بقالك شهر عايش مع الست يقين احلى قصه حب!
لتكون فاكرنى نايمه ع ودانى!
سيف ساب ايديها بصدمه ورجع لورا كام خطوه
حور : دا الخبر فاضل شويا ويتذاع على الأخبار يا دكتور
سيف بلجلجه : ايدك بتنزف
#مين_حب_مين
#يتبع
#ساره_محمد.
Part 8
سيف بلجلجه : ايدك بتنزف يا حور
ولسا بيقرب بنها
حور بصريخ : ابعد عنى، روح اهتم بالحلوه بتاعتك إلى رجعتلك بس لما اتغنيت واتشهرت
سيف : انا هتجوزها خلاص
قصدك هتتجوز عليا يا سيف؟
هو بزعيق : لا قصدى ان هتجوز حب عمرى
هي يوجع والدموع محبوسه فعينيها : طيب وانا ؟ انا مراتك حبيبتك انا اكتر واحده حبيتك انا مسيبتكش تحزن لحظه وهى الى رامتك زمان لما كنت فقير ودالوقتي ولما بقيت دكتور مشهور وغنى جات وأكلت بعقلك حلاه يا دكتور
سيف : اخرسی منتكلميش عنها كدا
الى فات مات والحقيقه بقا يا ست حور انى محبتكيش هي طول الوقت كانت معايا وطول الوقت كنت بتخيلها فيكي والحقيقه الاكبر انى اتجوزتك علشان خاطر انتى صعبتى عليا بعد امك مماتت قولت ازای هتعيشي لوحدك وانتى يتيمه مخفتش على وحدتك اد مخفت على يتمك اصلى مجرب شعور اليتم هی رفضتنی زمان لأسباب قهريه ودالوقتى اتكتبلنا نكون مع بعض
حور : يااااه.... ياااااااه دا انت شايل فقلبك ياما بقا للدرجادي
بتكرهني ؟
سيف : مبكرهكيش
حور قاطعت كلامه : بس بتعطف عليا
وقعت على ركبتها وبكل حزن وأسى قالتله : روح اتجوزها
حياتك يا سيف انا كنت مين علشان تاخد رأیی اصلا مش معقول واحده انت بتعطف عليها هتمشى كلمتها عليك مش كدا؟
وكتر الف خيرك يا دكتور لحد كدا
سیف : عاوزانی اطلقك يا دكتوره؟
وتطلقنى ليه؟ هو احنا كنا متجوزين اصلاً
وبعدين حور قامت وقفت ومسكت الجاكيت بتاعها ونزلت جرى ركبت تاكس وراحت عند احمد (الدكتور النفسى)
دخلت من باب العياده وهى منهاره وايديها بتنزف وماسكه فالأيد التانيه الجاكيت كل الناس الى كانوا قاعدين اتفاجئوا من المنظر
السكرتاريه : ايه الى حصل لحضرتك يا دكتوره حور؟
حور فتحت باب الأوضه الى فيها احمد واول دخلت من الباب
احمد بصدمه : حور!
ووقعت على الأرض وفقدت الوعى
وبعدين صحيت بدءت تفتح عينيها براحه
لقيت احمد واقف على الباب وبيقول للسكرتيره بخوف
هى الأسعاف اتأخرت كدا لى!
حور بتعب : احمد
احمد طلع يجرى ناحيتها
وبخوف : حاسه بأيه دالوقتى يا حور؟
حور بصيت على ايديها : اي دا انت علقتلى محلول لى!
احمد : انتى فاقده الوعى بقالك ساعه ونص لى يا حور؟
انا حاولت افوقك بكل الطرق ومكنتيش بتفوقى وكل ماجى ايقسلك الضغط ضربات قلبك مش قادره اسمعها خالص
قولت يمكن كل ده نفسى تخيلى انى حاولت افوقك بسبرتوا وبردوا مفوقتيش!
حور بعياط : سيف هيتجوز عليا يا احمد
احمد : يا ستى اليهى يولع سيف المهم انتى دالوقتى
حور بعياط : متقلقش انا كويسه
احمد : طيب حاولى تقومى تقعدى كدا معايا
هاتى يا مايا (السكرتيره) العصير للدكتوره
مايا جابت العصير بسرعه
حور بحزن : لا انا مش عاوزه، متشكره
احمد : هو ايه الى مش عاوزه يحور، معلش ممكن تشربيه علشان خاطرى وانتى واقفه لى يا مايا اتفضلى ع مكتبك ولو اى حاله جات النهارده تانى قولي الدكتور مش هنا
يالا يا حور اتكلمى
حور بأستغراب : طيب لى هتروح الناس!
احمد : لا انا روحتهم من بدرى اصلاً، يا بنتى والله اتخضيت عليكى جداً، انتى مشوفتيش انتى كنتى عامله ازاى اصلاً
يالا احكيلى بقا ايه الى حصل بس الاهم انتى حاسه انك بقيتى كويسه اكيد!
حور : اه والله بقيت كويسه، متقلقش
احمد : طيب قولى
حور : قالى انه هيتجوزها يا احمد وقالى لو عاوزانى اطلقك اطلقك
احمد وهو بيرفع حاجبه بأستغراب : طيب وانتى قولتيله اى؟
حور : قولتله روح اتجوزها ولما قالى لو عاوزانى اطلقك اطلقك قولتله ليه هو احنا كنا متجوزين بصحيح علشان تطلقنى!
احمد بأبتسامه : طيب ما انتى جدعه اهو يا بنتى ورديتى عليه احلى رد
حور بعياط : انا مش قادره اكمل اللعبه دى يا احمد
احمد قام اداها منديل فى ايديها
بطلى عياط بقا انا مبحيش العياط وبعدين لاء انتى هتكملى اللعبه يا حور علشان انتى مش ضعيفه وفسره وعلشان كمان سيف يعرف ان الله حق يعنى فأيده القمر ده ومش شايفه ازاى انا معرفش
حور : طيب قولى اعمل اى تانى؟ .
احمد : حاسبى بس دراعك والحيطه علشان كان بينزف جامد وانا غيرتلك عليه ولو اى خبطه كدا ولا خبطه كدا انتى عارفه ان ايدك هتتخيط تانى، وبعدين انتى مقولتيليش دراعك كان بينزف كدا من اى؟
حور بلجلجه : اتخبطت فيه
احمد : اوعى يكون سيف مد ايده عليكى يا حور؟
حور : لا لا مفيش الكلام ده
احمد : طيب يا ستى، انتى هتكملى فاللعبه عادى جدا ومتأفوريش علشان ميفهمش، يعنى غيرى نظام لبسك واحده واحده وغيرى لون شعرك، غيرى طريقه تعاملك، نبره صوتك، صوت ضحتك
حور بأستغراب : طيب ليه انت مش عاوزنى اتعامل على. طبيعتى!
احمد : علشان طبيعتك دى خام اووى يا حور ومبتأكلش عيش بصراحه
حور بأبتسامه : هو انت خبير علاقات ولا دكتور نفسى انت ولا اى؟
ولاااا
شجعونى بالتفاعل يشباب لأن البارتات الى جايه كلها احلى من بعضها ♥️وانا كل مبلاقى التفاعل كويس تلقائى مبتأخرش عليكم ثانيه واحده
احمد بضحك : لا قوليها ما كل الناس عارفاها ولا بتاع بنات صح؟
حور بضحك : انا مكنتش هقول علفكره انت الى قولت
احمد : مشكلتى انى حلو وهما بيتلموا عليا اعمل اى انا طيب!
بس اقولك حاجه بصراحه دراستى دى مساعدانى جداً فالتعامل مع البشر بقيت عارف تفكير اى بنت رايح لفين وكذالك اى ولد
المهم انك تختفى عن سيف الليله دى خاااالص
حور بشهقه : فين شنطتى صحيح، تليفونى فين!
احمد : تليفونك اهو واهى الشنطه
حور : تتوقع يكون سيف رن عليا!
احمد : تليفونك فاصل علفكره ومتشحينيهوش خليه فاصل لبكره
حور : هى الساعه كام يا احمد؟
احمد : الساعه عشره بالليل
حور : انا نسيت اخد اجازه من المستشفى طيب والعمليات!
احمد : جوزك صاحب المستشفى وبتقولى اجازه!
وبعدين هو مش سيف عرف ان ايدك متخيطه وكذالك دكتور محمود زميلك فى اوضه العمليات فأكيد دخلوا حد بدالك حتى لو كنتى هناك مكنتيش هتعرفى تدخلى اوضه العمليات
حور : انا نسيت اقولك حاجه على دكتور محمود
عمال يلمحلى كتير انه مُجب بيا الفتره الى فاتت وانا عامله مش واخده بالى
احمد بعصبيه : حور خلى بالك من محمود ده علشان انا عارفه كويس وافتكرى انى حظرتك
حور : ليه ماله محمود ؟ ما هو طول العمر صاحبك
احمد : لاء كاان صاحبى وحصل موقف مبينا انا مش حابب احكيه ومن وقتها وهو ولا صاحبى ولا اعرفه وقللى كلام معاه لو سمحتى على اد متقدرى
حور : المهم انت مش ناوى تخطب بقا؟ عندى عروسه ليك دكتوره قمر والله
احمد : هو انتى هتبقى هنا وست الوالده فالبيت!
حور : ايه رأيك ارتبلك معاها معاد تشوفوا هترتاحوا لبعض ولا لاء الاول؟
احمد : تاكلى بيتزا ولا سوشى؟
حور : لاء انا مش جعانه
احمد : هو ايه الى لاء انا طلبت خلاص سوشى وانتى هتاكلى معايا كدا ولا كدا انا عارف انك بتحبيه
وفجأه تليفون احمد رن
حور : شوف مين الى بيرن عليك يا احمد؟
احمد : دا سيف
دخلت السكرتيره : الأوردر وصل يا دكتور
احمد : طيب هاتيه يا مايا
حور بأستغراب : انت مش هترد على سيف؟
احمد : الله الله على جمال السوشى تعالى يالا ناكل على المكتب
ولا تعالى لى انا هجيلك بالكرسى بتاعى عند سريرك
وانتى يا مايا خدى العلبه دى بتاعتك كليها وقت متحبى
مايا : متشكره يا دكتور، طيب انا هروح امتا النهارده؟
احمد : لا انتى قاعده النهارده بدكتوره حور
يالا بقا يا حور دوقى الأكل
حور : سيف بيرن عليك مش هترد عليه؟
احمد رفع حاجبه وبص لحور : صدقينى يا حور التجاهل حلو اووى
وبيجيب نتيجه سريعه، خليه كدا يغلى من جوه
واحنا ناكل ونتبسط
يالا بقا مدى ايدك وبعد مخلصو اكل
احمد : القهوه يا مايا بعد اذنك
علشان اشربها مع دكتوره حور واروح بقا علشان اشوف ست الوالده قبل متنام، وانتى يا حور خليكى ارتاحى هنا للصبح مش هينفع تروحى وانتى تعبانه كدا وعقبال كمان ما يكون هو طاب واستوى
ومايا قاعده هنا هتخلى بالها منك
مالك يا حور سرحانه فأيه؟
حور : انا خايفه من سيف
احمد : ثقى فيا واضحكى بقا بدل التكشيره دى
مايا : القهوه يا دكتور، القهوه يا دكتوره
حور : شكرا يا مايا
والمره الجايه العزومه عليا يا احمد
احمد بضحك : مش هقبل بأقل من اكله سمك وجمبرى
حور بضحك : دا اكيد
وفجأه سيف فتح الباب ودخل
حور بصدمه : سيف!
سيف بعصبيه : وانتى يا هانم ايه الى مقعدك هنا تتساهرى وتضحكى لحد الساعه 12 بالليل؟
احمد قام وقف بسرعه : ازيك يا سيف عامل اى؟ طيب سلم الأول يا اخى دا انا مشوفتكش من زمان
سيف دير عينيه من على حور بأتجاه احمد
حاضر هسلم وراح ضارب احمد بالبوكس فوشه راح موقعه على الأرض
حور قامت وقفت بسرعه وصرخت
سيف مسك من لياقه البالطو وبعصبيه شديده : انت عارف لو شوفتك بتتعامل مع مراتى تانى انا هعمل فيك اى؟
وفجأه سمعوا حاجه هبدت على الأرض
#يتبع البارت الى جاى نار شجعونى بقا بالتفاعل علشان انزله بسرعه يحبايب ورأيكم كالعاده يفرقلى جدا♥️
#مين_حب_مين
#ساره_محمد.
Part 9
وفجأه سمعوا صوت حاجه هبدت على الارض
احمد بخوف : حور
سيف سابه واتدير بسرعه بص لقا حور واقعه على الارض طلع يجرى عليها هو واحمد ولسا احمد جاى يقرب منها
سيف بزعيق وعصبيه شديده : ابعد عنها ومتلمسهاش
السكرتيره طلعت تجرى على احمد
وشك بينزف دم يا دكتور وطلعت تجرى تجيبله قطن وهو راح قعد على كرسى مكتبه بكل هدوء
سيف وهو ماسك ايد حور بيشوف النبض : فوقى يا حور
وراح رايح جايب كبايه الميا من على مكتب احمد وبدء يرش منها على وشها بردوا مفاقتش
بدء يجرب طريقه تانيه ويضغط على مناخيرها لمده كام ثانيه
بس الموضوع طول معاه لدقيقه
احمد : كدا هتموت فأيدك
سيف سابها وبعد شويا لورا وبعدين بص لقا جهاز الضغط، جاب الجهاز بسرعه وبدء يقيس لها الضغط كذا مره ورا بعض وبعدين راح رامى الجهاز فالأرض وبعصبيه
سيف بعصبيه : انا مش سامع حاجه خالص
وبعدين بص لأحمد وسأله بخوف
ده psychogenic syncope صح؟
(اغماء نفسى)
احمد : لاء طبعاً هى محتاجه تتنقل المستسفى حالاً
سيف : اكيد غيبوبه سكر
احمد : مستوى السكر عندها كويس جداً، وقام وقف وهو بيقرب من سيف، وقال اعتقد فى مشكله فالقلب عربيه الأسعاف دقيقه واحده وهتكون تحت
سيف : لاء دا psychogenic syncope
احمد بعصبيه : ازاى يعنى اغماء نفسى وفى سبب قدامك وسبب كبير ومش صغير، قلبها يكاد يكون مبيدقش اصلاً
سيف بص لأحمد وبعصبيه : اسكت انت يبتاع المجانين فمبقاش فى غيرك يتكلم
احمد : انا مش هتناقش معاك دالوقتى ولا هخرج عن شعورى علشان حور بس وطالما انت مش مقتنع بكلامى سيبنى انا اوديها المستسفى حالاً
سيف بعصبيه وهو بيشيل حور : مليكش علاقه بمراتى تانى خالص اللهم بلغت
وشالها ونزل حطها فالعربيه وطلع على المستشفى اول موصل اخدوها منه علطول ونده على رئيسه الممرضين
سيف : تعالى معايا على مكتبى ودخل وقعد على الكرسى
رئيسه الممرضين : نعم يا دكتور
سيف : لما دكتور حور تفوق ابقى بلغينى وخلي التمريض يظبطولها مستوى السكر فالدم، ويبصوا عالجرح الى فأيديها
هى : حاضر يا دكتور، عن اذن حضرتك
وفاللحظه دى دخلت يقين من الباب
يقين : مالك يا حبيبى مكشر لى؟
سيف : لا مفيش حاجه يا حبيبتى انتى عامله اى؟
يقين : منا كويسه قدامك اهو المهم انت تكون بخير يا حبيبى، يالا قولى بقا هنبدء العمليه الساعه كام؟
سيف : لسا الساعه تلاته، والدك قالك حاجه لما عرف انك هتشتغلى من هنا ورايح معايا فالمستشفى؟
يقين بأبتسامه : لا يحبيبى معترضش ومبسوط منك جدا علفكره لأنك اثبتله ان الدكتور لو عاوز يبقا مليونير هيبقا مليونير.
بس انت مش عاجبنى، تعالى نخرج نتعشا بره ونرجع ع معاد العمليه لازم تفك كدا شويا علشان العمليه دى مهمه بالنسبالك ولا اى؟
(عاوزين التفاعل نار شجعونى بقا، علشان البارت الجاى اجمد وعلشان يكون اطول كمان، وكل التفاعل مبيبقا حلو كل البارت مبيكبر معانا♥️، ومحتاجه رأيكم كالعاده)
سيف : انتى معاكى حق وقام ومسك مفاتيح عربيته وقالها يالا بينا وخرجوا ورجعوا بعد تلت ساعات على معاد العمليه بالظبط ودخلوا اوضه العمليات وفاللحظه دى حور فاقت
حور : ااه يا راسى، انا فين؟
الممرضه : اخيراً فوقتى يا دكتوره حور والحمدلله نبضك رجع طبيعى مره واحده
حور : مين الى جابنى هنا؟
الممرضه : دكتور سيف
حور بدءت تفتكر فى اللى حصل
حور بخوف : وهو فين دالوقتى؟
الممرضه : فأوضه العمليات، فى شخصيه مهمه النهارده ما انتى عارفه يا دكتور
حور : اه عارفه، طيب ومين الى دخل بدالى؟
الممرضه : دكتوره جديده اسمها دكتوره ايه يا ربى، اسمها جديد كدا، اه اسمها دكتوره يقين ودكتور محمود
حور بصدمه : يقين؟
امحاويه وطويله وعينيها سمره وشعرها اسمر؟
الممرضه : اه يا دكتوره هى كدا بالظبط بس حضرتك نسيتى تقولى حاجه مهمه جدا وهى ان دمها واقف
حور : طيب ممكن تجيبلى البالطوا بتاعى لو سمحتى
الممرضه : حاضر
حور قامت بسرعه من على السرير وبدءت تلبس فالبالطو
رئيسه الممرضين جات : الف سلامه عليكى يا دكتور حور دكتور سيف قالى ابقا ابلغه لما تفوقى، بس هو دالوقتى فاوضه العمليات ومش هعرف اكلمه
حور بتجاهل لكلامها : عارفه
رئيسه الممرضين : طيب وحضرتك رايحه فين دالوقتى؟
مش هينفع تدخلى اوضه العمليات وانتى تعبانه، وبعدين فى دكتوره دخلت مكانك
حور : عارفه، انا هتفرج على العمليه من الشاشه الى فى مكتب دكتور سيف، عندك مانع!
رئيسه الممرضين : اكيد لا طبعاً يا دكتوره
حور دخلت مكتب سيف وبدءت تتفرج على العمليه من الاول وعلى يقين الى واقفه جنب سيف وبتساعده بدالها وجات اخدت مكانها فيوم وليله وان اد اى حور كانت مستنيه العمليه دى وانها فيوم واخيرا تدخل لكبار الشخصيات وان اد اى هى كانت متدربه ومستعده للعمليه دى وجات يقين فثانيه اخدت مكانها كالعاده وبعد نص ساعه بس حو ر بتبص لقيت حصلت مشكله فى اوضه العمليات كبيره بسبب يقين حور طلعت جرى على اوضه العمليات
وبصت للمرضه : ساعدينى البس بسرعه
عقمت ايديها وساعدتها فلبس المريله والماسك
وحور دخلت بسرعه وقفت جنب سيف ويقين وقفت على جنب
وشدت المشرط من سيف وهو واقف مش عارف يعمل اى وراحت عاطياه للمرضه
يقين : وراحت ماده ايديها جوا بطن المريض وهو بينزف من كل مكان لحد ممكست الشريان الى اتقطع بأيديها السليمه والنزيف وقف لحد مخلصوا العمليه وخرجت من اوضه العمليات بعد اربع ساعات متواصلين دخلت مكتبها وكانت مُجهده جداً وبعدين دخلت التويلت وقفت قدام المرايه وفضلت تعيط وبعدين افتكرت كلام احمد ومسحت دموعها وقالت لنفسها
لاء انتى قويه وادها واول مخرجت من التويلت لقيت احمد داخل من الباب معاه بوكيه ورد وشنطتها وتليفونها
احمد : الف مليون سلامه عليكى يا حور
حور بخضه : يالهوى مال وشك؟
احمد : سيبك من وشى دالوقتى المهم انتى عامله اى؟
ودخل فاللحظه د. دكتور محمود
محمود : ايه يا دكتوره حور الى انتى عملتيه ده؟ بجد برافو عليكى لولاكى كانت المستشفى دى اتشمعت بالشمع الأحمر النهارده، عن اذنك هروح اجهز غرفه العنايه المركزه بسرعه للحاله
احمد بصدمه : ايه ده يا حور انتى بتهزرى، انتى دخلتى اوضه العمليات وانتى تعبانه كدا ازاى اصلا!
حور بتعب : ممكن تروحنى يا احمد؟
احمد : اكييد يالا بينا وساب الورد فمكتبها ومسك فأيديها والشنطه فالأيد التانيه وخرجوا فتحلها باب عربيته وركبت
احمد : انتى كويسه يا حور ؟
حور : انا مش عارفه بقيت بتعب بسرعه لى كدا !
احمد : حور، انتى لازم تتابعى مع دكتور قلب انتى عندك مشكله فى ضربات القلب جامده
حور : لاء مفيش الكلام ده انا بس مُرهقه او نفسى
احمد بعصبيه : هو انتى هتعملى زى سيف بقا
حور : انا مش قادره اتكلم يا احمد والله ممكن نفضل ساكتين لحد منوصل؟
احمد : حاضر
احمد وصلها لحد باب الشقه
احمد : ادخلك لحد اوضتك؟
حور : لا لا انا هدخل لوحدى
احمد : متأكده انك هتدخلى؟
حور : ااه
حور دخلت اوضتها واترمت على السرير نامت ومحستش بأى حاجه وبعد ساعه واحده صحيت على صوت زعيق سيف
سيف فأوضتها
انتى فاكره انك هتهربى بعملتك يا هانم!
حور بدءت تفتح عينيها بتعب
اخرج بره، انت ازاى تدخل عليا الأوضه كدا من غير متخبط
سيف بعصبيه : انا جوزك يا هانم، وكمان جه وروحك وجايبلك ورد البيه وايه بقا ضايفتيه حاجه وانتم فالشقه هنا وفرجتيه على اوضه النوم ولا لسا
حور قامت وقفت وبصريخ وهى بترفع ايديها علشان تضربه بالقلم
اخرررس
سيف مسك ايديها جامد راحت واقعه على ركبتها وحاطه ايديها على قلبها
سيف : بطلى تمثيل بقا، علشان مش هتفلتى منى المره دى وانا عارف الحركات دى كويس
(عاوزين التفاعل نار علشان البارت الجاى اجمد وعلشان يكون اطول كمان، وكل التفاعل مبيبقا حلو كل البارت مبيكبر معانا♥️، ومحتاجه رأيكم كالعاده)
#يتبع.
#مين_حب_مين
#ساره_محمد.
Part 10
سيف بعصبيه : انا جوزك يا هانم وكمان جه وروحك وجايبلك ورد
حور قامت وقفت وبصريخ وهى بترفع ايديها علشان تضربه بالقلم
سيف مسك ايديها جامد راحت واقعه على ركبتها وحاطه ايديها
على قلبها
سيف : بطلى تمثيل بقا، علشان مش هتفلتى منى المره دى وانا
عارف الحركات دى كويس
سيف بيشدها من ايديها بقوه : يالا قومى وردى عليا
حور صوت نفسها بدء يعلى بشكل ملحوظ وهى مش قادر تقوم ولسا حاطه ايديها على قلبها وبصريخ وعياط
حور : نفسى.. انا مش قادره اخد نفسى...
سيف ساب ايديها وبدء يحس انها مبتمسلش
واول ما ساب ايديها وقعت على جنبها على الأرض وهى لسا حاطه ايدها على قلبها ومش قادره تاخد نفسها، ووشها ازرق بشكل ملحوظ
سيف قرب منها براحه وهو مصدوم وفضل يقولها طيب خدى شهيق وزفير براحه، حاولى تظبطى التنفس معايا كدا، اعملى شبهى
وفضل معاها واحده واحده لحد مقدرت تاخد نفسها واستشهدت وقامت قعدت على الأرض ولسا بيمد ليها ايديه
حور وهى بتحاول متتعصبش : اطلع بره يا سيف، لو سمحت اطلع بره دالوقتى
سيف خرج من الأوضه وقفل الباب وراه براحه وهى اتسندت لحد طلعت على السرير وفضلت تعيط لحد منامت من كتر التعب
سيف بعد ساعه فتح باب اوضتها ودخل فضل باصص ليها شويا وبعدين حط ايديه قدام مناخيرها علشان يتأكد هى بتتفس ولا لاء وحط عليها الغطا وبعدين قفل النور وخرج
وقفل الباب وراه وفضل يضرب نفسه بالقلم وهو بيقول لنفسه انت ايه الى عملته ده ؟
حور فضلت نايمه 12 ساعه وكانت الساعه اتنين بعد الضهر متواصلين وكل شويا سيف يدخل يتطمن عليها وبعدين صحيت دخلت الحمام اخدت شاور واول مطلعت لقا سيف واقف قدامها وهى لابسه البرنص وحاطه الفوطه على شعرها
سيف : انا هحضر الأكل لحد متلبسى
حور بصيت فالأرض ودخلت اوضتها طلعت جيبه قصيره وعليها بلوزه وفوقيهم بالطو طويل
وخرجت لقيت سيف محضر الأكل ومستنيها
سيف : يالا اقعدى اتغدى معايا يا حور
حور : مليش نفس
سيف : يعنى مش هتدوقى اكلى؟، وبعدين دا احنا مأكلناش مع بعض من زمان، هو انا مليش فالطبخ بس حاولت علشان خاطرك والله وقام وقف ومسك يالا علشان خاطرى
وسحب لها الكرسى قعدت وراح قعد فوشها
سيف : انا عاملك اكل تقليدى فراخ وشوربه ورز والطبيخ صعب بصراحه فمكنتش هعرف اعمله
حور بصيت للأكل بأستغرب كدا
سيف : ما يالا يا حور دوقى وقوليلى رأيك
حور بصيت لسيف وحطيت ايديها على خدها
سيف بص فى عينيها وبعدين بص فالأرض
وقالها : انا عارف انى غلطان وبجد انا اسف، انا عارف انى مينفعش اعاملك انتى بالذات بالطريقه دى، وبجد انا ندمان والله
حور بدءت تمسك المعلقه وبعدين هو ابتسم وبدء يدوق الرز
سيف : ثوانى يا حور متاكليش من الرز ده وراح شادد الطبق بتاعها بسرعه
حور بأستغراب : ليه يا سيف؟
سيف : انا نسيت احطله ملح
حور : مش مشكله هاته انا هاكله
سيف : انتى متأكده؟ ده معجن كمان
حور : اه متأكده هات بقا انا جعانه
واخدت منه الطبق وبدءت تاكل وهو مستغرب ازاى بتاكله دا هو مش قادر يبلعه حتى
سيف بأستغراب : انتى قادره تاكليه ازاى يا حور بجد؟
حور : انا أول مره اكل رز من ايديك فى حياتى يا سيف وسايفاه حلو مش وحش
بعد مخلصوا اكل
حور جات تشيل الأطباق علشان تدخلهم المطبخ
سيف قام بسرعه اخد الطبق من ايديها
لا لا انا الى هدخلهم المطبخ ارتاحى انتى
حور : طيب انا هنزل دالوقتى
سيف : رايحه فين؟ وبعدين هتنزلى باللبس القصير ده ؟
حور : هو فين الى قصير!
سيف : الجيبه قصيره جدا طبعاً
حور بدءت تشوف ان تعليمات احمد بدءت تجيب نتيجه
حور : فوقيها البالطو طويل
سيف : يا تقفلى البالطو يا حور يا اما تدخلى تلبسى كلون تحت الجيبه
حور بعصبيه : اوووف انا متأخره بجد
سيف : مقولتيليش بردوا انتى رايحه فين؟!
حور رجعت شعرها لورا وسكتت شويا وهى بتحط الشنطه على كتفها وبتلبس البوت بتجاهل
سيف : ما تردى
وفجأه الباب خبط
حور : طيب دخل الاطباق الى فأيديك دول وانا هفتح الباب وبعدين هقولك متقلقش
سيف : تمام
سيف دخل المطبخ وحور فتحت الباب لقيت نبض واقفه قدامها
نبض : ممكن تندهيلى سيف
حور بعصبيه : انتى ايه الى جابك هنا؟
نبض : فى اى يا بنت انتى، هو انتى هتعيشى الدور يا حبيبتى ولا اى؟ سيف قالى انك مراته عالورق وبس وانك متجوزك علشان بيعطف عليكى مش اكتر، اطلعى بقا من حياته بدل ما انتى عامله زى اللزقه كدا وقارفاه فحياته
حور اتديرت لقيت سيف واقف وراها...
خرجت بسرعه وركبت الأسانسير
سيف بصوت عالى : حور
يقين : انت مش هتقولى ادخلى ولا اى؟
حور خرجت من العماره وطلعت على بيوتى سنتر
حور : قصيلى شعرى
البنت : نصيحه منى خساره شعرك ما شاء الله جميل دا عامل زى شعر الحصان
حور بفتور : قصيه لو سمحتى
البنت : طيب عاوزا الطول لحد فين؟
حور : اى حاجه المهم تقصيه، وكمان عاوزه اغير لونه
البنت : طيب عاوزه لونه اى؟
حور : اختارى انتى
البنت : انتى قمحيه ايه رأيك اعملهولك بنى موكا واقصهولك كاريه
حور : تمام
البنت : طيب تسمحيلى اقصلك قصه؟
حور : الى شايفاه كويس اعمليه
البنت خلصت وقالت لحور طيب بصى كدا فالمرايه
حور قامت وقفت وكانت مستغربه نفسها جداً
البنت : ما شاء الله اللون طالع عليكى حلو جداً وكمان القصه
والقصه لايقه جدا مع وشك وتدويرته وعيونك الحلوين اووى دول
حور خرجت لقيت احمد بيرن عليها
احمد : انتى فين يا حور انا برن عليكى من امبارح
حور : انا جايه اهو
احمد : طيب هبعتلك اللوكيشن لانى قافل العياده النهارده
وبعتلها لوكيشن كافيه على البحر واول حور موصلت وهى جايه من بعيد احمد قام وقف وهو مصدوم ومتنح
احمد بأستغراب : حور؟!
حور بأبتسامه : لا عفريتيها
احمد : واو ايه اللوك الجديد ده؟، عارفه انا مش شايفك حور خالص
حور : اه اومال شايفنى اى؟
احمد بأبتسامه : شايفك من بسكوتايه لبت مخربشه وفكلتا الحالتين قمر بردوا
انا شايفك النهارده الحمدلله كويسه عن امبارح كتير، سيف كلمك؟
حور قعدت تحكى لأحمد على كل الى حصل امبارح
احمد بعصبيه : متطلقى منه يا حور وتعيشى حياتك، ليه رابطه نفسك بيه، صدقينى هو ميستاهلكيش، انتى كتير عليه يا حور والله لدرجه انه مش قادر يشوفك
حور : انا بحبه يا احمد ومقدرش اعيش من غيره
احمد : يعنى هتكملى فالتمثيليه دى بردوا؟
حور والدموع فعينيها : هقدمله استقالتى النهارده فالمستشفى وهخليه يبعتلى ورقه طلاقى ويتجوز حب حياته يا احمد وهبعد عنه واعيش حياتى
احمد بفرحه شديده : انتى بتتكلمى بجد يا حور ولا بتهزرى بالله عليكى
حور : انا انسانه انانيه ويقين معاها حق انا طول عمرى مربوطه بسيف ولازم افك الرباط ده بقا وانساه وعارفه انه صعب بس انت هتفضل صديقى وهتساعدنى صح؟
احمد مسك ايد حور : اكيد يا حور هنبتدى جلسات فك التعلق علطول وخلال فتره صغيره ان شاء الله هتنسيه خالص
حور : تسلم يا احمد وسحبت ايديها من ايديه براحه
حور : يالا تعالى وصلنى على المستشفى بقا علشان الحق اقدم استقالتى
احمد : من عيونى يالا بينا
حور ركبت العربيه مع احمد ووصلت المستشفى واحمد استناها فعربيته ودخلت مكتب سيف ملقيتهوش
حور بتسأل الممرضه
هو فين دكتور سيف ؟
الممرضه : دكتور سيف اتصل وقال انه مش هيعرف يجى النهارده لأنه تعبان
حور بضحك : بجد؟
الممرضه : هو حضرتك متعرفيش ازاى؟
حور بضحك : لا لا انا عارفه كل حاجه عن جوزى متقلقيش وحطيت الورقه الى فيها استقالتها على مكتب سيف وخرجت ركبت العربيه مع احمد
احمد : يعنى هتنهى الحوار ده واخيراً بقا النهارده؟
حور : ان شاء الله انا اصلاً متأكده انى يا اما هطلع الاقيها معاه فوق يا اما هطلع مش هلاقيه
احمد : المهم انا عاوزك تمسكى اعصابك لحد اخر لحظه
حور : حاضر
احمد : ابقى طمنينى عليكى
حور دخلت من باب الشقه لقيت نور الشقه كله مقفول واوضه سيف منوره وحذمته فمكانها وشكله موجود وقفت فالصاله الضلمه شويا وبدءت تسمع صوته خارج من الاوضه لكن بصوت واطى جداً وكانه بيكلم حد وفاللحظه دى حطيت ايديها على قلبها وقربت من باب اوضته وفتحت الباب لقيته نايم على السرير قربت منه ووقفت قدامه
حور : سيف ممكن تصحا لو سمحت علشان عاوزاك فموضوع مهم
مردش عليها
حور : ارجوك يا سيف متتجاهلنيش انا عارفه انك صاحى
وفجأه سمعته بيتمتم ويقول كلام غريب ومن ضمن الكلام ده انا السبب فموتهم
حور قربت منه اكتر بسرعه وحطيت ايديها على جبهته لقيت درجه حرارته عاليه جدا وبيخطرف، اتصلت بالصيدليه بسرعه جابت كذا حقنه وركبتهم فبعض واديتهومله وفضلت سهرانه بيه طول الليل بتعمله كمادات لحد محرارته نزلت والصبح راحت لكت هدومها كلها فشنطه واول مخرجت من اوضتها لقيته واقف قدامها
سيف بتعب : انتى رايحه فين يا حور؟
حور : حاسس انك بقيت كويس دالوقتى؟!
سيف : ردى عليا يا حور
حور : انا بحررك منى يا سيف، وحطيت ايديها على قلبه وقالتله اتجوز الأنسانه الى قلبك ده حبها ومتنساش تبعتلى ورقه طلاقى
سيف وهو بيحسي على شعرها : كنت بحب شعرك الطويل
حور وهى بتشيل ايديه من على شعرها وبترجع خطوه لورا وبدموع، ما انا علشان كدا بصيته
سيف : بس بحب عيونك الواسعين دول اكتر
حور بعدت كام خطوه لورا : سيف ارجوك ارحمنى، ومتصعبهاش عليا وعليك وعليها، وقربت منه وخبطت بأيديها على قلبه
وقالتله : انت معندكش قلبين هو قلب واحد لشخص واحد وقلبك اختار الشخص ده خلاص
سيف : بس انا مش هقدر اعيش من غيرك
حور بصريخ : اسكت يا سيف، اسكت
سيف : وانا مش هينفع اطلقك يا حور
حور بصدمه : ودا لى ان شاء الله
سيف : علشان فى ليله فعمرك كانت من شهرين بالظبط انتى ناسياها ولا اى؟
حور قربت من سيف وضربته على كتفه : انا مش عاوزه افتكر اليوم ده لو سمحت يا سيف، ابعتلى ورقه طلاقى لو سمحت واديتله ضهرها ومشيت لحد موصلت عند باب الشقه، ولسا هتفتح الباب
سيف : انتى حامل فالشهر التانى يا حور
يتبع
تعليقات
إرسال تعليق
فضلا اترك تعليق من هنا