رواية انتقام امراه البارت الثامن 8جديده وحصريه في مدونة قصر الروايات
رواية انتقام امراه البارت الثامن 8جديده وحصريه في مدونة قصر الروايات
فاق حسام من النوم..أخد شاور ونزل على تحت ولقى أمه بترص الفطار مع الشغاله على الطاوله..
حسام: صباح الخير يا ماما..
مروه بابتسامه: صباح النور يا حبيبي..اقعد على ماجيب العصير من الثلاجه..
قعد حسام وبعد ماخلصوا..ركب العربيه وراح على المقابر..
اتوجه لقبر ساره(المزيفه) وقعد جمبه: ازيك يا ساره؟..انا عارف انك في مكان احسن من هنا..وكمل بحزن: بس انا زعلان منك اوي..ليه سيبتيني من غير مقدمات كده؟..كمل كلام معاها بعدها قام تاني عشان يمشي وغصب عنه عينيه دمعت..وراح للمشفى بتاعته..
دخل بهيبه زي عادته..والناس بدإت تبص عليه..قربت منه موظفة الإستقبال واتكلمت بحزن: أهلا وسهلا يا دكتور..المستشفى نورت..
هز راسه بدون كلمه وسار ناحية مكتب ساره..
فتح الباب وشال النظاره السوده ومرر نظره عليه وقال بوجع: آه يا ساره يا حبيبتي..سيبتي مكانك لمين بس..
خرج تاني وقال بصوت عالي قاصد الكل يسمعه: مش عاوز اشوف حد مقرب من المكتب ده فاهمين؟!!!
كلهم ردو بحاضر..فمشي لمكتبه وبدأ شغله..
________________________________________________
: اتفضلي الورق اهو..
ساره بلهفه: شكرا ليك..تعبتك معايا..
العامل بنفس الابتسامه: العفو يا فندم ومشي..
قفلت الباب وقعدت على الكنبه تقرا:
" مراد الصنهاجي..ڤيلا الصنهاجي..شارع(*)..مكان تاني..ڤيلا سالم الصنهاجي..شارع(*)......"
ساره برعشه بعد ما قرت المكتوب: هو..مراد؟!!
ضغطت على الورق بقبضتها بعصبيه وراحت تغير هضومها بسرعه وركبت تاكسي لعنوان الڤيلا التاني اللي استنتجت انها بتاع ابوه..
وقفت بعيد شويه وبدإت تراقب الڤيلا..بعد مده..لقته بيطل من البلكونه بيتكلم في التيليفون..جمعت قوتها بتحاول تكتم انفعالاتها وقالت بشر: والله ووقعت بين ايديا يا سي مراد!!
ظلت تراقبه لغاية ما خلص مكالمه ودخل الأوضه تاني..فاتوجت بخطوات متشجعه للڤيلا ولقت البواب قدامها..
ساره: هو مراد بيه هنا؟
البواب: ايوه هو هنا..اقوله مين حضرتك؟
ساره بضيق: خطيبته..قوله خطيبتك بتستناك وهو هيفهم على طول!!
البواب باستغراب طلع وندهله..
نزل مراد من على السلالم وبيكلم نفسه: تطلع مين دي كمان؟!
ليراها أخيرا تقف أمامه وجها لوجه بعد شهر..مراد بصدمه:ا..انتي؟!
ساره ببرود: اه أنا..اتخضيت؟..فاكرني هسكت عاللي عملتوه فيا يا كلا*ب؟!!
مراد بلع ريقه بخوف: وطي صوتك ليسمعوك أهلي وتبقى مصيبه!!
ساره بعدم تصديق: مصيبه؟!!!..امال اللي عملتوه فيا بيتسمى ايه؟؟!!
مراد: طب يلا نطلع على مكان هادي ونتكلم ونتناقش على راحتنا..
ساره بغضب: ماشي..
وركبت معاه في عربيته..مراد بتوتر: عايزانا نروح فين بقى ونتفاهم؟
ساره: وديني للبيت اياه اللي دمرتوني فيه..فاكره؟!!
مراد: حاضر..
وصلو بعد شويه ومراد فتح البوابه اللي عملت صوت زي المره اللي فاتت..فترعشت ساره..ودخلو مع بعض..
قفل الباب ووقف قدامها بابتسامة سخريه: انتي يابت انتي عايزه تفضحيني..مش عارفه انا مين بقى؟!!
ساره بجديه: وقعت بين ايدي يا مراد بيه وبحلفلك انك مش هتشوف النور تاني..
مراد ضحك: هههه..وهتعملي ايه يعني..هتضربيني ولا تسجنيني ياقمر وحط ايده على خدها..
مسكت ايده بعدتها وقالت بغضب: ايدك الق*ذره دي متلمسنيش..وانا هرتاح منك برضاك او غصب عنك وهقتلك زي ما قتلتني بالحياه..
خرجت ابره مخدره من جيبها ووكزته بيها على رقبته فوقع على الأرض مغما عليه..
._______________________________________________
بدأ يفتح عينيه بعد ساعه..وحاول يقوم بس مقدرش من الحبال اللي اتربط بيها..كلمها بخوف: انتي..انتي ازاي عملتي كده؟!...و..وعايزه مني ايه؟!!
ساره بضحك وبتقرب منه: بتسألني عايزه منك ايه..وانت اكثر واحد عارف..يا بجاحتك يا أخي..
مراد أسف: انا آسف والله بالنيابه عننا كلنا..ومستعد ادفعلك كل اللي نتي عاوزاه..بس سيبيني ارجع..
ساره: ماشي هسيبك تمشي بس بشرط..
مراد بلهفه: أأمري يا ستي..
ساره بابتسامة شماته: عايزه اعرف اسماء الإثنين التانيين وعنوينهم وكل حاجه تخصهم..
مراد بتفكير: حاضر..حاضر وقالها..
خرجت ساره المسجله اللي خبيتها جوه هضومها وسمعتها بعدها قالت: كرر اللي قلته دلوقتي..
مراد بخوف ودهشه من ذكائها: حاضر وعاده تاني..
سمعت ساره التسجيل الاول وبعده التاني بس ملقتش تطابق بينهم سوى في حجات بسيطة جدا..
خرجت مطوه صغيره واضافت وشر*طت ذراعه بيها فصرخ من الألم..
مراد: آآه!!..خلاص خلاص هقول..هقول الحقيقه وربنا بس ارجوكي متاذنيش..
ساره: خلصنا بقى..
مراد حكلها واجبرته يعيد لرابع مره عشان تتأكد فلقت تطابق..قربت منه تاني بابتسامه: شاطر يا مراد كده هحبك..
مراد بفرحه: يعني هتسيبيني امشي؟
ساره بضحك: انت اتجننت؟!!..فاكر ان دخول الحمام زي خروجه؟!!!..فشرطت ذراعه الثانيه..فصرخ تاني..
مراد بألم ودموع: ارحميني..هموت مش قادر..
ساره: بس انتو مرحمتونيش..ياما اترجيتكم واتوسلتلكم تسيبوني فحالي بس لا حياة لمن تنادي!!
مراد: اسفين..اسفين خلاص بقى انا بتوجع..
ساره: ياقلبي انا..الولد بيتوجع..تصدق قطعت قلبي..انا هرحمك من العذاب ده!!
______________________________________________
في الصبح وفمقر الشرطه..الظابط بعصبيه: ازاي؟!..ازاي مفيش اي دليل او سلا*ح للجري*مه المعقده دي؟!
الرائد بإعجاب: شكل المج*رم عارف شغله كويس ومسبش غلطه وحده..بس اللي حيرني ال1/3 المكتوبه على المرايه..اكيد ده يعني ان ال 2/3 الباقيين فخطر ولازم نوصلهم فأقرب وقت ممكن!!
_______________________________________________
في بحث جوحل( مدونة قصر الروايات) تظهر القصص كامله
تابعونا علي قناة التليحرام من هنااااااااااا
ليصلكم اشعار بالنشر
الرواية كامله من البداية من هناااااااااااا
تعليقات
إرسال تعليق
فضلا اترك تعليق من هنا