روايةامي خليتني اشيل الرحم علشان محتاجه فلوس البارت الثالث الاخير
روايةامي خليتني اشيل الرحم علشان محتاجه فلوس البارت الثالث الاخير
امي شالت ليا الرحم علشان الفلوس
الحلقه الاخيره
بقلم هويدا زغلول
الاخيره
وليد
بجد ياخالتي ده اسعد خبر سمعته انا عايز اكتب عليها علطول بقا لازم اكون جنبها الفتره دي
الخاله
طيب اهدي كده بس لحد العده بتاعتها ماتخلص
وليد
ماشي انا هادي وقفلت معاه وقال لنفسه
عدت ايه ايام عده خليكي متعشمة كده ياخالتي بس ليكي يوم انتي وبنتك اللي رافعة مناخيرها فوق دي
وفي شقه حماتي الكل كان قاعد وجوزي قال
يحيي
ليه عملت كده يا أحمد ايه مكنتش تستاهل منك كده ابدا ايه كويسه علي فكره وعمرك
ما هتلاقي زيها تاني
سهير
ايوه والله يا أحمد دي كانت بتحبك وبتخاف عليك من الهوا الطاير وموضوع الخلفه ده كان يتعوض
أحمد
يوووه انتو كلكم جايين عليا ومحدش فيكم حس بيا واني نفسي اكون اب ويكون عندي ابن من صلبي
الام
وهو احنا منتمناش يعنى يابني انك تكون اب وانا يكون عندي حفيد بس هي نصيبها كده وربنا كتبلها كده هنعترض على أمر ربنا
يحيى
ونعم بالله خلاص يا أمي سبيه هو حر في نفسه
أحمد
ايوه انا حر يا يحيى ولعلمكم بقا انا اتجوزت وبكره هجيب مراتي تعيش معايا هنا
الام
اتجوزت ودي مين دي يابني اللي اتجوزتها من ورانا
أحمد
بكرة كلكم هتعرفو انا ماشي دلوقتي وبعدها مشي
يحيى
انا مش عارف ايه اللي جرالة
الام
خلاص ياولاد معتش منه فايدة الكلام هو عمل اللي هواه وادينا بكره مين دي اللي اتجوزها
وانا كنت في اوضتي ولقيت ماما داخلة تقولي
الام
ها ياحبيبتي عاملة ايه دلوقتي
ايه
هكون عامله ايه ياماما واحدة مطلقة عايزاها تكون عاملة ازاى
الام
متزعليش نفسك هو اللي خسرك وانا بقا عندي العريس اللي هيخليكي اسعد واحدة في الدنيا واطمني هو لا عايز عيال ولا حاجة هو عايزك انتي وبس
ايه
ايه الكلام ده انا لا يمكن اتجوز تاني بعد احمد
الام
اصبري بس هو انتي عرفتي هو مين الاول مش يمكن تغيري رايك لما تعرفي
ايه
انا قولت مش عايزة حد ياماما
الام
ياحبيبتي ده مش غريب عنك ده وليد ابن خالتك
ايه
نعممم وليد لا طبعا انا لايمكن أوافق على واحد صايع زي وليد
الام
صايع بقا وليد صايع يا ايه طب ده عنده الفلوس بالكوم وتقولي عليه صايع
ايه
وانتي مسالتيش نفسك بيجيب الفلوس دي كلها منين ياماما
الام
واحنا مالنا يابنتي المهم انه معاه فلوس وهيعيشك ملكة
ايه
طول عمرك مابيهمكيش في الدنيا إلا الفلوس وبس حتى لما احمد اتقدملي وافقتي عليه عشان معاه فلوس ولما رفضت اقوله انه يساعدك قلبتي عليه وعليه
الام
اسمعي يا ايه انا بعمل كل ده عشان مصلحتك وبس وعقلك في راسك
وسبتني وخرجت من الاوضة
وعند حماتي الباب اتفتح ودخل احمد وسما
احمد
ادخلي ياسما ادخلي ياعروسة وفي الوقت ده وقفت سهير
سهير
سما انتي بتعملي ايه مع أحمد
أحمد
في ايه ياسهير سما تبقا مراتي
سهير
مراتك انتي اتجوزتي من ورايا ياسما
سما
اه ياسهير انتي اصلا ملكيش حكم عليا
سهير
اه ياقليلة الادب ولسه هتمد ايديها عليها أحمد وقفها وقالها
احمد
لا يا سهير اياكي تفكري تمدي ايدك عليها
يحيى
سهييير ملكيش انتي دعوة بيهم سبيهم هما حرين
سهير
مليش دعوه ازاى يا يحي وبصت لاحمد وقالت يا أحمد انا لو كنت اعرف من الاول انك سما اختي تنفعك انا كنت وافقت انك تتجوزها
سما
ومنفعهوش ليه بقا ياست سهير ناقصه ايد ولا ناقصه رجل
أحمد
اسمعوا كلكم سما بقت مراتي على سنة الله ورسوله ومش عايز اي حد يتكلم معاها كلمة زيادة يلا ياحبيبتي على شقتنا
سهير فضلت تعيط وحماتها قالت
عليه العوض ومنه العوض فيك يا احمد
وفي شقه سهير طلعت ويحي قال
يحيى
بقا سما تتجوز من وراكي ياسهير والمفروض انك بتعتريها زي بنتك عشان انتي اللي مربياها
سهير
مكنتش اتوقع ابدا يا يحي وبعدين سما مش بيهمها في الدنيا غير الفسح والخروجات ومش مهم عندها اي حاجة تاني بقا دي هتجيب له العيل اللي بيتمناه
وفي شقه ماما وليد جه ومع البوليس
الام
اي ده فيه اي البوليس ده جاي ليه
وليد
هما جايين عشانك ياخالتي اصل انا وديت الشيكات النيابة ههههه أشوفك في طره بقا ياخالتي هبقا اجبلك كباب وكفتة ولا اقولك انتي مقامك عيش وحلاوه ههههه
الخاله
عملتها ياندل والله لأوريك يا وليد
الظابط
يلا ياعسكري خود الست دي على البوكس
ايه بتعيط
ماما ياماما انتي رايحة فين وهنا مسكني وليد من ايدي وقالي
وليد
انتي بتجري وراها ليه سبيها دي اخدت جزاتها
ايه
انت ايه اللي انت عملته في خالتك ده ياوليد كل ده عشان رفضت اتجوزك
وليد
لا يا ايه مش عشان رفضتيني دلوقتي ولا عشان رفضتيني زمان لا يا حلوه ده عشان امك تستاهل وكمان عشان اكسر عنيكي ومناخيرك اللي رافعاهم فوق دول
ايه
اه يا واطي ولسه هضربة بالقلم مسك أيدي وقالي
وليد
استني بس يابنت خالتي مش تعرفي امك اللي انتي بتدافعي عنها دي عملت فيكي ايه
ايه
هتكون عملت فيا ايه ماهو انت انسان حقير وندل واللي يعمل كده في خالته اتوقع انه يقول اي حاجة عليها
وليد
طيب اقعدي بقا كده وانا احكيلك كل حاجة
وفعلا حكالي وليد علي كل اللي ماما عملته فيا وان هي اللي اتسببت في اني مش هخلف تاني
ايه
انت بتقول ايه انا مش مصدقه اللي بسمعة بقا ماما تتدمرني عشان شوية فلوس
وليد
هااااأ وكانت مستعده تبيعك لو حد قالها يدفع اكتر دي امك طول عمرها بتموت في الفلوس
ايه
امشي اطلع بره مش عايزة اشوف وشك قدامي امشيييي
وليد
خلاااااااص انا خارج يااا هااااأ بنت خالتي
ومشي وليد وفضلت اعيط من اللي كل اللي حصل فيا
وفي شقه احمد روحت سما متاخر وأحمد قال
احمد
انتي كنتي فين لحد دلوقتي
سما بارتباك
انا انا ااه كنت مع واحده صاحبتي مامتها دخلت المستشفى وفضلت معاها
احمد
وتليفونك كان مقفول ليه وليه مبلغتنيش انك هتروحي مع صاحبتك
سما
ماهو مكنش في شبكة في المستشفى وبعدين من خضتي على ام صاحبتي ملحقتش اقولك وبعدين ايه الاسئله الكتيرة دي
وردت بخبث ودلع وقالت
اخص عليك يا أحمد هو انت بتشك فيا ولا ايه
أحمد
لا ياقلبي بس مش عايز حد في البيت هنا يقول عليكي حاجة
سما
محدش يقدر يتكلم عليا ده انا سيد الرجالة واللي عملي قيمة وسطهم محدش يقدر يقول عليا كلمة
أحمد
طيب ايه رايك نروح بكره للدكتور ونشوف العطلة دي جاية منين احنا بقالنا كام شهر متجوزين ومحصلش حمل
سما
هو احنا مش اتفقنا اننا نسيبها للظروف وبعدين على فكره بقا اكيد يعنى لسه أوانه مجاش ياحبيبي
أحمد
ماشي ياسما هستنا الشهر ده كمان والشهر الجاي نروح علطول اتفقنا يلا بقا عشان ننام
وتاني يوم سما نزلت عند سهير اختها
سهير
نعم عايزة ايه
سما
انتي هتفضلي زعلانة مني كده كتير ياسوسو انا مليش حد في الدنيا كلها غيرك
سهير
انتي ياسما انتي يطلع منك كده بقا تروحي تتجوزيه من ورايا انا اختك الكبيره اللي المفروض في مقام ماما الله يرحمها
سما
منا خوفت اقولك لحسن تزعلي مني ياسهير وبعدين انا عارفاكي قلبك ابيض ومش هتفضلي شايلة مني
سهير
لا ياسما انا مكنتش اتوقع منك كده على العموم ربنا يهديلك حالك والمهم انك تعقلي وتبطلي الهبل اللي انتي فيه وتعرفي انه بقا عندك بيت ومسؤولية
سما
ماشي ياسهير حاضر هعقل حاضر
ورحت لماما في السجن عشان اعرف ليه عملت فيا كده ولما شافتني اخدتني بالحضن وقالت
ايه ياحبيبتي يابنتي وحشتيني اوي
بعدت عنها شويه وقولت لها
ايه
وحشتك هو انتي اصلا تعرفي انا مين انتي متعرفيش غير الفلوس وبس هي أهم حاجة عندك اهم من بنتك وأهم من كرامتك
الام
عشان خاطري يا بنتي انا مش ناقصه كلامك ده كفايه اللي انا فيه
ايه
اللي انتي فيه ده انتي اللي حطيتي نفسك فيه لما دمرتيني وضعيت حياتي وحرمتيني من الشئ اللي اي بنت بتحلم بيه من يوم ماتتولد انتي ام انتي
الام بتعيط
حرام عليكي والنبي كفااية عليا اوي والله انا ندمت وبتمني يابنتي اني اقدر ارجعلك اللي ضيعتة منك
ايه
ترجعي ايه هو اللي بيتكسر وبيتفتت ميت حته بيرجع يتصلح تاني عمره مابيرجع هتعرفي ترجعيلي الرحم اللي اتشال عشان اعرف احمل وابقي ام هتقدرى ترجعيلي جوزى حبيبي ليا تاني ياخسارة ياماما
الام
ابوس ايدك تسامحيني يا ايه والنبي يابنتي
ايه
ربنا اللي بيسامح يا ماما بس برضو انتي في الاول وفي الاخر امي مينفعش اكون في قلبي حاجة من ناحيتك عن اذنك ياااا ماما
وسبتها ورجعت البيت وانا قلبي مكسور وحزينة عشانها
وفي شقه يحيي راح احمد ويحيي قالو
يحيي
خير يا احمد جاي متاخر ليه كده
أحمد
ايوه يا يحيى انا كويس معلش اني جايلكم في وقت متاخر كده بس كنت عايز سهير
يحيى
طيب ادخل يا أحمد وانا هدخل اصحى سهير
وخرجت سهير وقالتله خير يا أحمد في ايه
أحمد
اختك ياسهير مرجعتش البيت لحد دلوقتي والمصيبه كمان بفتح دولابها لقيت ده فيه
سهير
ايه ده دي حبوب منع الحمل وهي سما بتاخدها ليه وهي عارفه انك متجوزها عشان تخلف منها
أحمد
ماهو ده اللي هيجنني عملت فيا كده ليه مستحمل تأخيرها كل يوم بره واقول ماشي انما كمان تاخد حبوب من دي ليه
يحيى
وانت بقا جاي لينا دلوقتي عشان نعرفلك هي عملت كده ليه ولا عشان ندورلك عليها
سهير
براحة يا يحيى مش كده انا من الاول مكنتش موافقة على انك تتجوز سما يا أحمد برغم انها اختي لكن انا عارفه انها متدلعه ومش قد بيت ومسؤولية
أحمد
انا فعلا شكلي اتسرعت لما اختارت انها تكون زوجة ليا وكنت مفكر انها هتكون ام لأولادي بس انا لازم أصلح الغلطة دي
وفضل مستنيها لحد لما رجعت وقالها
احمد
حمد الله على السلامة يا هانم
سما
أحمد الله يسلمك ياحبيبي انت صاحي برضو مش نايم
أحمد نزل على وشها بالقلم وقالها
اه يازبالة وانا اللي كنت فاكرة هتعوضيني عن ايه وهتجبيلي عيل يشيل اسمي وانتي دايرة على حل شعرك وكمان بتاخدي حبوب عشان متخلفيش مني انا استاهل منك كل ده
سما
ايوه انا بحب اتفسح وأخرج وادخل براحتي وكمان مش عايزة اخلف وابوظ جسمي واشيل هم عيال انا عايزة أعيش حياتي انت فاهم
أحمد
يبقا دلوقتي هطلقك وارميكي تعالي بقا كده معايا واخد سما من ايديها لحد شقة سهير وقالها خودي ياسهير اختك دي طالق مني ومش عايز اشوفها تاني وسبها وطلع شقته
سهير
ينفع اللي عملتية في نفسك ده وفضلت تضرب فيها انا معرفتش اربيكي
يحيى
خلاص ياسهير دي مهما ان كانت اختك الصغيره وطايشة
سهير
انا من بكرة هتصل بخالي يجي من اسكندرية ياخدك تعيشي معاه انا مش قد مسؤليتك
سما
خلاص يا سهير بلاش انتي عارفه خالك صعب قد ايه
سهير
هو ده اللي هينفع معاكي وتاني يوم اتصلت بخالها وجه اخدها وعشان سما بتخاف منه راحت معاه وهي ساكتة
وليد ابن خالتي اتقبض عليه في قضية مخدرات
يحي وسهير وحماتي اقنعو أحمد انه يرجعني ولقيتهم كلهم جايين عندي
يحي
يا ايه أحمد اخويا عرف قيمتك وجاي يردك تاني
سهير
اه والله يا ايه ده حتى البيت من غير وحش اوي
الام
تعالي ارجعي معانا يابنتي ده احمد محتاجلك اوي
ايه
انا بحبه والله ياماما وعشان كده صعبان عليا منه بس انا هرجع عشان خاطركم
ورجعت معاهم واحمد رجعني لعصمتة تاني وقالي
انا هاروح بكرة ادفع فلوس الشيكات لمامتك عشان نخرجها من السجن يا ايه مينفعش اننا نسيبها مسجونة دي مهما ان كانت امك
ايه
بجد يا احمد ربنا مايحرمني منك
وفعلا أحمد دفع لماما كل الفلوس وخرجت بس معرفتش اسمحها بعد اللي عملته فيا
سهير ولدت وجابت بنوتة وقالت هتسميها ايه على اسمي وقالتلي
على فكره يا ايه دي مش هتبقا بنتي انا لوحدي لا دي بنتك انتي كمان ساعتها دمعت وحضنت سهير وايه الصغيرة
وشكرتها واتجمعنا كلنا يوم السبوع
وبكده تكون خلصت حكايتي
اكتب في بحث جوحل( مدونة قصر الروايات) تظهر القصص كامله
تابعونا علي قناة التليحرام من هنااااااااااا
ليصلكم اشعار بالنشر
الرواية كامله من البداية من هناااااااااااا
تعليقات
إرسال تعليق
فضلا اترك تعليق من هنا