حماتي عايزه عيل لبنتها عملت اكبر حاجه حرام مع جوزي البارت الثاني
حماتي عايزه عيل لبنتها عملت اكبر حاجه حرام مع جوزي البارت الثاني
حماتي عايزه عيل لبنتها عملت اكبر حاجه حرام مع جوزي
الثانيه
بقلم هويدا زغلول
ولاء
طيب انتي ناويه تعملي فيا ايه يعني هتسبيني متكتفة ياشيخة حرام عليكي فكيني ده انا اختك
يعني
رقية
قولت لا لما تعقلي وتبطلي الهبل اللي في دماغك وبعدين انتي زعلانة ليه مانتي قاعدة بتاكلي وبتشربي وزي الفل اهو المهم عندي صحتك اوعدك اول لما اخد اللي في بطنك
هسيبك عايزه حاجه تاني
ولاء
انتي بطريقتك دي هتقضي على صحتي حرام عليكي
رقيه
انا همشي بقا قبل ماياسر يصحى من النوم وياخد باله اني مش موجوده وسبتها ورجعت البيت تاني اول لما دخلت حماتي قربت
منها وقالت
الحما
ها يا رقية عملتي ايه
رقية
اطمني ياحماتي كله تمام بس المهم تقولي لعزه تقول لحماتها وتفرحهم بقا
الحما
انا مش عارفه اقولك يابت ربنا مايحرمني منك
خرجت من الاوضه اللي كنت نايمة فيها لقيت حماتي ورقيه بيتكلموا بصوت واطي واول ماشافتني قالت
رقية
هما بيطلعوا امتى دول هو مش المفروض الي يطلع على حد كده يقول صباح الخير ولا انتي متعملتيش تقولي ولا كنتي عايزه تسمعي احنا بنقول اي
ناهد
انا مش هرد عليكي
الحما
بقولك ايه يا ناهد ادخلي المطبخ واعملي احلى اكل للعرسان يلا وفي الوقت ده انا
سبتهم ودخلت وانهارت من العياط ورقيه قالت
رقية
شوفتي بتبصلي ازاى زي ماتكون هاتكولني
الحما
سيبك منها بقا وادخلي انتي عند جوزك قبل مايصحي ويلاحظ غيابك
ودخلت رقية وحماتي اتصلت ببنتها في التليفون
الحما
ايوه ياعزه خلاص ياقلب امك كلها كام يوم وتقولي انك حامل وتفرحي العقربة حماتك وتسكتيها بقا
عزه
بجد ياماما يعني هيحصل بجد انا مش مصدقة
الحما
لا صدقي وزي ماقولتلك هتعملي نفسك ان الحمل تعبك وتجيبي بعضك وتيجي تقعدي عندي هنا
عزه
حاضر ياماما حاضر
وقفلت معاها السكة وفضلت عزه تفكر هتعمل ايه عشان تبين كل حاجة طبيعي
وياسر صحي من النوم لقى رقيه جنبة واول ماشافها قال
ياسر
صباح الخير انتي صاحية بدري ولا ايه
رقيه
ايوه صاحية واقعد ابوصلك واتأمل فيك مش مصدقة اني بقيت معاك انت متعرفش كنت حلم
صعب ان اقدر احققه ازاي يا ياسر
ياسر
طيب انا اقوم اروح الحمام
رقية
على ماتخرج من الحمام يكون الفطار جاهز يا حبيبي
وبعدها خرج وهو رايح على الحمام شفني في المطبخ وقالي
ياسر
عاملة ايه يا ناهد كويس انك رجعتي عشان الولاد مينفعش يبعدوا عني اعملي حسابك ان والله بحبك
ناهد
اعمل انت حسابك انا هنا علشان الاولاد وبس
انما مليش علاقه بيك
ياسر
متزعليش مني ياناهد بكره تفهمي كل حاجة
ناهد
لا يا ياسر انا افهم دلوقتي حالا وفي الوقت ده دخلت رقيه وقالت
رقية
الله الله انت ايه اللي موقفك هنا يا ياسر مش قولت انك رايح الحمام جاي تقف مع الست هانم واكيد طبعا هتسخنك عليا ايوه امال
بصلها ياسر ومتكلمش ودخل الحمام
وهي بصتلي وقالت
رقيه
اوعي تكوني فاكره اني هخليكي تتهني بيه لا انسي انه يجيلك تاني وسبتني وخرجت وشويه
ودخلت حماتي
الحما
انتي كل ده مخلصتش سيبي اللي في ايدك روحي روقي اوضتة العرسان عايزاها بتبرق
ناهد
حاضر ياحماتي وفي شقه عزه كانت برا ودخلت
قالت
عزه
ياماما ياماما باركيلي الدكتورة طمنينتي الحمد لله وقالت اني حامل
الحما
بجد ياعزه يالف نهار ابيض يالف نهار مبروك اهو كده تبقى مرات ابني وحبيبتي تعالي في حضني ياحبيبتي لولولولولوي
جه مصطفى علي صوت الزغاريط
في ايه يا أمي فرحانة كده ليه وبتزرغطي
الحما
مبروك ياحبيبي عزه مراتك لسه راجعه من عند الدكتورة وقالت لها انها حامل يااااه دنا قلبي هيخرج من كتر الفرحة
مصطفى
مبروك يا حبيبتي طيب مستنتيش لما اصحى ليه وانا كنت جيت معاكي وسمعت الخبر بنفسي انا كمان
عزه
بصراحة يامصطفى انا قولت اروح لوحدي المرة دي لحسن ميكونش فيه ونرجع زعلانين بس الحمد لله ربنا كرمني
مصطفى
الحمد لله انا فرحان اني هاكون اب انا بفكر أجل سفري شويه
الحما
ازاي يا حبيبتي هو مش العيل اللي جاي ده عايز
فلوس ولا اي لازم تسافر
عزه
ماما عندها حق وبعدين في حاجه الدكتورة قالتلي لازم انام على ضهري طول فترة الحمل وممنوع اتحرك ابدا
الحما
وماله ياحبيبتي انا اخدمك بعنيه هو انا افديك الساعة لما اخدم مرات ابني واشيلها في حملها
عزه
لا ياماما طبعا مش هينفع انتي تعبانة ومش هتقدرى على شغل البيت كله لوحدك انا بقول انه خلاص مصطفى مسافر قريب وانا قولت اروح اقعد عند ماما واهي هي ومرات اخويا ياخدو بالهم مني برضو
مصطفى
فكرة كويسة برضو يا أمي لانك مش هتقدرى على البيت لوحدك
الحما
خلآص ياولاد اللي تشوفوه
وفعلا عدي كام يوم وجوزها سافر وهي جات عندنا واقعدت وعرفتني انها حامل
ناهد
مبروك ياعزه ربنا يكملك على خير ياحبيبتي
عزه
الله يبارك فيكي ياناهد انا داخله اريح جوه شويه وسبتنا ودخلت
الحما
بقولك ايه عزه هتقعد عندنا هنا طول فترة الحمل مش عايزاها تشيل النسمة من الأرض انتي سامعة ولا لا اي حاجة تطلبها تنفيذها علطول
ناهد
حاضر يا حماتي انا اخدم عزه بعنيا طبعا
والله ما تعرفي فرحت ازاي لما عرفت انك
حامل يا عزه وخرجت رقيه من اوضتها وقالت
رقيه
الف مبروك يا اخت جوزي و
عقبالي انا كمان بقا يارب وتخدميني بعنيكي ولا بلاش لتحسديني
ناهد
واحسدك على ايه انتي مين اصلا عشان احسدك
بقولك اي يا عزه انا لازم اقوم اعمل
شربات للخبر الحلو ده ولقيتها مسكتني من دراعي وقالت
رقية
عجبك كده ياحماتي شايفه مرات ابنك بتقول ايه
انا بصراحه حاسه ان حقي هيروح في البيت ده
وفي الوقت ده حماتي قامت وقفت وقالت
الحما
بقولك ايه ياناهد اتلمي واتكلمي مع ستك رقية بأدب واحترام انتي فاهمة
ناهد
ستي
الحما
اه ستك ايه مش عجبك واللي تقول عليه في البيت ده يتنفذ علطول انا بقولك اهو
ناهد
حاضر انا مش هتكلم بس لما يرجع جوزى يبقا يشوف راية ايه في الكلام ده
الحما
انتي بتهدديني ولا لا فوقي ياناهد كده انتي هنا خدامة وبس ويلا غوري من وشي
ودخل ياسر وامه بتزعق وقال
في ايه يا أمي صوتك جايب لاخر الشارع ليه
الحما
تعالي شوف الست ناهد مراتك بتعلي صوتها عليا ومش عجبها اني بقولها ان اختك عزه هتقعد عندنا طول فترة حملها احنا مصدقنا
البت تبقي حامل وهي مش عايزنا نكون معاها
ناهد
والله ماحصل الكلام ده يا ياسر
رقيه
ينهارك اسود انتي كمان هتكدبي حماتك لا لا يا ياسر دانت متجوز ممثله قديرة بصراحة
فضلت واقفه اعيط قدامهم وياسر قالي
ياسر
عزه اختي تقعد هنا على عينا وراسنا ياناهد مينفعش تبقى مضايقة من وجودها
بصتله بقهرة ودخلت الاوضة فضلت اعيط
ياسر
انا داخل اغير هدومي وبعدها دخلت في الاوضه
وعزه قالت
عزه
والله حرام اللي بيحصل ده ودخلت ورايا
رقية
والنبي لاخليها تلف حوالين نفسها
الحما
هو انتي مش ناوية تاخديني للبت الحامل دي بقا عايزة اطمن بنفسي
رقية
لا لا أصلها اقعده في مكان محدش يعرفه غيري عشان أهلها
الحما
طيب انا بقول بس اطمن
رقيه
اطمني على الآخر ياحماتي
وعدت الايام والمفروض ان عزه تبقا في الشهر السادس ومش باين عليها الحمل خالص
ناهد
والله ياعزه انا مش عارفة انتي ليه حملك مش باين عليكي كل يوم اقولك كويس عشان الولد يطلع صحته كويسة
عزه
ايه اه اه ياناهد اصل الحمل ده جايلي بسدة النفس كده مش عارفه ليه يلا ربنا يستر بقا وخرجت من عندها ولقيت امها دخلت عندها وقالت
الحما
هي كانت عايزة ايه دي وبتقولك ايه
عزه
اخدت بالها ان الحمل مش باين عليا وبتقولي يعنى اكل كويس عشان العيل يطلع صحتة كويسة
الحما بتريقة
لا والنبي قال يعني عاملة انها خايفة عليكي
عزه
كبري دماغك ياماما وقوليلي ايه الاخبار البت اللي حامل دي صحتها كويسة
الحما
اهي رقية بتقول كويسة بس مش عايزاني اروح معاها اشوفها مش عارفة البت دي غريبة ومش مريحاني
عزه
عارفه با ماما لو الموضوع كله طلع كدبه ح
هيحصل فيا اي
الحما
يابت اهدي هي هناك وقالت لما تيجي
هطمنها عليها ورقية عند اختها ولاء
ولاء قالت
ولاء
ااه مش قادرة تعبانة انا المفروض اروح اكشف يارقية عشان اطمن انتي هتفضلي مكتفاني لحد امتى انا ممكن اروح فيها حرام عليكي
وفي الوقت ده كانت قاعده بتاكل تفاح وقالت
ببرود
رقية
ولا هتروحي ولا حاجة ياختي مانا بزغط فيكي اهو عايزة ايه تاني مش فاهمة
ولاء
يارقية طيب خليني اروح لجلال اقوله يتجوزني يمكن لما يعرف اني حامل يتجوزني حرام عليكي
رقية
نعم وانا كنت بعمل ده كله عشان تروحي تتجوزية وتاخدي الواد لا ياماما أولدي الأول واخد الولد وروحي خليه يتجوزك مش يتجوزك ميخصنيش
ولاء
انتي مش انسانة انتي شيطانة
رقية
انتي هتادخيلك قرشين حلوين اوي يابت يا ولاء بعد متولدي عايزة ايه تاني ياختي ارضى واسكتي
ولاء
انا مش عايزة حاجة انا عايزاكي تسبيني في حالي
رقية
لا طبعا ودي تيجي اسيبك في حالك ازاى بقولك ايه انا ماشية بقا يلا خلي بالك من نفسك
وسبتها ورجعت البيت واول لما دخلت قالت لحماتي
رقية
فين الاكل هو انا ياولية انتي مش قولتلك تعمليلي اكل حلو على مارجع ولا انا لازم افضل ازعق فيكي كل يوم
الحما
انا قربت اخلص الاكل اهو اللي تعوزي تحت امرك
وبقيت شايفه حماتي بتتهان منها ومستغربة هي مستحمله كل ده ليه
وعدت الشهور والمفروض ان عزه في السابع وولاء في التاسع بس اتفقت حماتي مع رقيه انهم يقولو للناس ان عزه هتولد في السابع
ولقيت حماتي اخدت عزه ورقيه ومشيو من اول النهار معرفش راحو فين وياسر صحي ملاقش حد وبيسالني وبيقول
ياسر
امال فين الجماعة ياناهد محدش فيهم هنا ليه هما راحوا فين
ناهد
معرفش متسالنيش وروح اتصل بمامتك واسألها
وملكش دعوة بيا في البيت ده يا ياسر قولتلك انا هنا عشان ولادي وبس
ياسر
متزعليش مني ياناهد انا مقدرش أعيش من غيرك انتي لما تعرفي انا عملت كده ليه هتعذرونى
ناهد
مفيش اي عذر يخليك تروح تتجوز عليا بس برضو اديني ساكتة عشان ولادي وبس انا داخلة جوه في اوضتي وفي الوقت ده لقيت حماتي اتصلت وقالت
وحماتي
عزه ولدت وجابت ولد بس الولاده جات بدري في الشهر السابع لكن الولد كويس ومدخلش الحضانة
ياسر
بجد الف الف مبروك يا امي وانا اول
لما سمعت كده خرجت وقولت
ناهد
ولدت ازاى دي في السابع معقوله تكون ولدت بدري كده طيب هما هيرجعو امتى
ياسر
بتقول هيجو بالليل انا رايحلهم على المستشفى
وفعلا راح وكان مصطفي هناك
ياسر
معقول انت جيت أمتي الف حمد لله علي سلامتك
مصطفي
معقول اعرف ان مراتي خلاص قامت بالسلامه
وافضل مسافر نفسي اشوف ابني اوي
ياسر
يتربي في عزك يارب وبعدها وقف جنب أمه وقال
امال فين رقيه
الام
ها مش عارفه تلاقيها هنا ولا هنا
وفي اوضه ولاء كانت علي السرير وبتقول
ولاء
ااه ااه ابني فين هاتولي ابني ااه
رقية
اهدي ياولاء ابنك ايه بس
ولاء
انتي اخدتي مني ابني انا هوديكي في داهية يارقية
رقية
اخرسي يابت خالص مسمعش صوتك انتي فاهمة ولا لا خودي الفلوس دي وتختفي خالص مشوفش وشك لعملك فضيحة
وسبتها ومشيت
ورجعت عزه البيت والكل حواليها ومصطفى شايل الولد
مصطفى
مشاء الله طالع زي القمر شبهك ياعزه
عزه
لا يا مصطفى ده شبك انت انا عايزاه شبك والكل ضحك عليهم
الحما
ها ياعزه هتمسيه ايه انا بقول نسمية محمد علي اسم ابو مصطفى
عزه
اللي تشوفيه ياحماتي طبعا انا موافقه عليه
الام
يتربى في عزكم ياحجة ام مصطفى وتفرحي بيه يارب وكلهم فرحانين
وبعد اسبوعين خرجت ولاء راحت لجلال اللي كانت غلطة معاه
جلال
مين ولاء انتي اي اللي جابك هنا
ولاء
انت شوفت اللي عملته فيا ده كان رجوله يغني
جلال
بصراحه انا كنت مزنوق في قرشين ولحد دلوقتي ما اعرفش اختك كانت عايزه تعمل فيكي كده ليه
ولاء
انا هقولك. علي كل حاجه
اكتب في بحث جوحل( مدونة قصر الروايات) تظهر القصص كامله
تابعونا علي قناة التليحرام من هنااااااااااا
ليصلكم اشعار بالنشر
الرواية كامله من البداية من هناااااااااااا
تعليقات
إرسال تعليق
فضلا اترك تعليق من هنا