رواية انت الترياق البارت 1-2-3-4-5بقلم هايدي احمد كامله

البارت الاول من #انتِ_الترياق

_ ايه ابنه انتى بتقولى يا ماما

=زى ما سمعتى ويلا جهزى نفسك عشان جايين بليل

_لا انتى اكيد بتهزرى يا ماما بقى بعد ده كله وبعد ما اتعلمت اتجوز واحد أرمل ومعاه ولد ليه بايرة ولا معنسه

=بت انتى انتى واحده مكانك بعد ما رفضت العرسان دول كلهم متتكلمش ولا نسمع صوتها والمرة دى مفيش رفض هتتجوزيه ورجلك فوق رقبتك

=لا ده إجبار وقهر كمان واديكى قولتيها العرسان دول كلهم يعنى انا مش بايرة ولا قطر الجواز فاتنى عشان ترمونى الرميه دى ويا ترى بقى بيت عيله وامه واخواته موجودين قولى متتكسفيش ما ده الى ناقص بترمونى بترمونيي يا أهلى ياللى مليش غيركم

=بسسس يا بت وطى صووتك وايه الكلام الاهبل ده نرميكى ايه وامه ايه وبيت عيله ايه ما انتى متعرفيش مين متقدملك لو تعرفى مش هتفتحى بوقك انا مش عارفه هو بصلك على ايه اصلا على لسانك الى بينقط درر ولا على زورك وصوتك الى بيسمع الجيران ولا كأننا مربين بقرة فى البيت يلا يا بت بلاش لكاعه البسي حاجه زى الناس وظبطى نفسك عشان الناس اما تيجى بليل خلصى

_مش لابسه هااا وهطفشوا زى الى قبله وابقوا اتكلموا

مهو ده بالذات لازم يطفش انا مش مطلقه ولا بايرة عشان ترمونى الرميه دى ها وخليه يعتب هنا ...ماشى خلينى اشوف وشه بس اكيد واحد من جمبنا من هنا ومعفن قال ابنه قال ليييه هيتجوز شغاله

*بليل

_يلا يا بت الناس جت برة قومى تعالى

=مش عايزة اطلع مش عااايزة خليهم يمشوا

_يمشوا مين يا بنت الموكوسه ده انا ما صدقت

=ااه ما صدقتى عايزة تخلصى منى بس ده لا يمكن يحصل هفضل قاعده كده على قلبكم

_ايه يا ام غزل مجيتوش ليه

=تعالى شوف بنتك مش راضيه تقوم معايا

_فيه ايه يا بنتى قومى الناس قاعده بره عيب عليكى عايزاهم يقولوا علينا ايه

=يعنى ده يرضيك يا بابا أرمل ومعاه ولد انتم ناسيين ان دى هتبقى أول فرحتى

_يا حبيبتي كل شيء قسمه ونصيب وطلاما ده نصيبك منقدرش نقول لا

=ومين قال ان ده نصيبى ما يمكن لا مين عارف

_لو مش نصيبك مش هغصبك ولو مش عجبك برضه مش هغصبك صدقينى بس اطلعى اقعدى معاهم دول ضيوف مينفعش كده

=حاضر يا بابا عشان خاطرك بس هطلع بس لو فعلا معجبنيش انتم مش هتجبرونى صح

_صح يا حبيبتي يلا تعالى معايا

خرجت مع بابا وانا ماسكه فى ايده وخايفه مش عارفه ليه كأنها أول مرة عريس يتقدملى وأطلع اشوفه كنت متوترة وباصه فى الارض خايفه اشوفه

دخلنا وبابا قعد وانا قعدت جمبه وانا بفرك فى ايدى من التوتر وبفكر فى اى حاجه تانيه عشان مقلقلش وبتمنى الليله دى تخلص بسرعه فوقت على صوت بابا وهو بيقول نسيبهم مع بعض شويه يتكلموا فجأه الدنيا ضلمت ومسكت فى ايد بابا وكأنى بقوله متسبنيش طبطب على ايدى وخرج وانا فضلت حاطه راسى فى الارضيه متوتره اكتر انا مش عارفه لسانى راح فين بجد معقوله دى انا

فوقت على صوته

:حتفضلى باصه فى السجادة كتير أظن انتى حافظاها فمش لازم تتأملى فيها كتير

ايه ده صوته حساه صارم اوى كده ليه ابتدينا بقى

رفعت راسى وانا ببصله بغيظ من كلامه ...ايه ده ايه القمر ده احم لا مش لدرجه قمر يعنى ده قمرين ملامحه حاده شويه وعيونه عسلى وابيضانى وجسمه شكله متناسف بالبدله الى كان لابسها شكله بيروح جيم وبيلعب رياضه احم شيلت عينى عنه بسرعه عشان ميبانش إعجابى ليه

_احم اتفضل اتكلم انا سمعاك

=تمام ندخل فى الجد الاول بعدين نتكلم فى الشكليات بتاعة اى رؤيه شرعيه مع انى شايف ملهاش لازمه

كمل كلام وانا ببصله بغيظ اكتر وحرقة دم

=بصى انا قررت اتجوز اولا عشان ابنى ولانه محتاج ام خصوصا فى سنه ده

_طب لما انت جاى تتجوز عشان ابنك ما كنت تجبله مربيه وخلاص ووفرت على نفسك فلوس الجواز

=اولا فيه داده اصلا

_اصلا

بصلى عشان يكمل كلامه

=ثانيا الداده اكيد مبتحلش محل الام ممكن توفرله كل مستلزماته بس بيبقى فيه حاجه ناقصه دايما

ثالثا والاهم اكيد الداده مش هتوفرلى احتياجاتى كراجل

برقت عينى من صراحته او وقاحته بالأصح

_اظن كده فهمتى قصدى بس مش معنى كده انى ناسى ان دى اول فرحتك فأكيد هعملك فرح زى كل البنات

و..اقدملك نفسى انا جاسر داوود الإيبارى ضابط فى الداخليه 30 سنه

_ااا ..انا

=عارف كل حاجه عنك مش لازم تقولى ودلوقتى أعرفك على ابنى

بصتله بذهول من كلامه وبعدين سمعته بينادى على باباه بس ايه ده

= داوود ..داوود

هو ازاى بينادى باباه كده حاف قليل الذوق مع الكل حتى باباه

فجأة لقيت طفل صغير داخل علينا كان لا بس بدله صغيرة على قده وايه ده ده طبق الأصل نسخه منه صحيح الى خلف مماتش بس ايه داوود ده

= ده ابنى داوود عنده 5 سنين

بصتله بصدمه : داوود ..

_ايه ماله الاسم مش عاجبك.. اسم ابويا

ا=يوه مقولتش حاجه بس مش لدرجه طفل صغير تسميه داوود

بصلى ومتكلمش ولقيته بص للولد بصه مفهمتهاش

بعدين لقيت الولد قرب نحيتى ومد ايده ليا عشان اسلم عليه سلمت عليه ولقيته بيقولى

=انا داوود جاسر الإيبارى اتشرفت بمعرفتك

كنت ماسكه ايده ومبرقه وببص لجاسر ايه ده ده طفل عنده خمس سنين

كنت ببصله وببص لجاسر فى صدمه من الى جاى

*ده باينه هيبجى مرار طافح يا غزل*

البارت الثاني من #انتِ_الترياق

_يعنى ايه لا انتى اتجننتى يا بت

=هو كده انا مش عايزه يعنى مش عايزه

_لا بقى اناديلك ابوكى يتصرف معاكى ..تعالى شوف بنتك قال ايه مش عايزاه

=فيه ايه بس صوتكم عالى كده ليه يا ام غزل فيه ايه يا بنتى

_الست بنتك قال ايه .. مش راضيه بالعريس ومش عاجبها

-ليه بس يا بنتى

=يا بابا انا وافقت اقابله بس عشان خاطرك مش انت قولتلى لو معجبنيش مش هتغصبنى

_ايوه بس يا بنتى ايه الى مش عاجبك فيه بس ..عشان ابنه يعنى

=لا يا بابا الولد ملوش دعوه بس هو طريقة تعامله وحشه اوى ومتكبر ولا كأنى الجارية الى ابوه جايبهاله

_غزل عييب كده يا بنتى

=يا بابا مش قصدى بس انت مشوفتش كان بيكلمنى ازاى

_يابنتى يمكن تعامله كده عشان ضابط وكلامه ناشف شويه وملوش الا فى الجد ..طب اقولك صلى استخارة ولو مرتحتيش مش هغصبك

=اه وارجع اقول مرتحتش وتقولولى استحملى بقى واتجوزيه مش كده

_لا طبعا وبعدين ما يمكن ترتاحى مين عالم

= يا بابا ده قرارى خلاص مش عايزاه

_ يعنى دى اخر حاجه عندك يا بنتى

=ايوه يا بابا

_طيب يا بنتى الى انتى عايزاه

=الى هى عايزاه ايه ..انت هتمشى على كلامها زى كل مره وهتفضل كده لعند امتى لعند ما تعنس وتقعد جمبك ..يا بنتى حرام عليكى انا نفسي افرح بيكى بقى واشوف عيالك.. انا وابوكى مش دايمين ليكى لازم تتجوزى عشان نطمن عليكى

بصتلها غزل بحزن وهى محتارة مش عارفه تعمل ايه

=خلاص يا ام غزل سيبيها على راحتها الى هى عايزاه يلا تعالى انا هكلم ابو الولد واقوله اننا موافقناش خلاص

اخدها وطلعوا بره ومامت غزل بتتحايل عليه ميكلموش ويوافقوا عليه لكن هو اصر وراح يكلم والد العريس وغزل طلعت تسمع والدها هيقوله ايه

_ايوه حضرتك ده الى حصل انا بجد متأسف ليك بس كل شئ قسمه ونصيب ...ايوه مع حضرتك ....طبعا تنورنا ...تمام على خيرة الله

قفل وبص لغزل ومامتها الى مترقبين يسمعوا هيقول ايه

_ قالى انه جاى النهارده بليل عايز بتكلم مع غزل وهيجى لوحده من غير ابنه وحفيده

= عايز يتكلم معايا انا ليه مش فاهمه ..بابا انت تعرفه منين بالضبط بتشتغل معاه

_لا مفيش شغل بيجمعنى بيه

=متاكد

_ايوه يا بنتى متاكد عموما هو هيجى النهارده ونفهم عايز ايه

دخلت غزل وهى خايفه من المقابله دى وبتقول فى نفسها ..يكونش جاى يهددنى عشان اتجوز ابنه ..اه ويقولى انه هيأذى اهلى ..ايوه هم بيعملوا كده فى كل الروايات استر يارب

*بليل

-تعالى يا بنتى الراجل وصل بره

خرجت وانا خايفه اكتر من المرة الى فاتت وفيه مليون فكرة فى دماغى يا ترى عايزنى ليه دخلت ومكنش فى دماغى اى فكرة عن شكله لانى مشوفتوش المرة ال. فاتت شوفت ابنه وحفيده بس وبعدين دخلت اوضتى دخلت وكان راجل ميبانش انه كبير اوى فى السن وشعره مش ابيض كليا بس ماسك فيه ايده عكاز بس لحظه انا شوفت الراجل ده فين قبل كده وقفت احاول افتكر كويس لقيته ابتسملى وقالى تعالى يا بنتى

قعدت قصاده وانا بدقق فى ملامحه عشان افتكره

_ايه افتكرتينى ولا لسه

بصتله بصدمه وتركيز لعند ما افتكرت

فلاش باك

_ايه ده حاسب يا عمو هتقع خد بالك

روحت سندت راجل كبير كان هيقع وهو بيسند ايده على الحيطه وعكازه وقع منه سندته وشيلت العكاز واديتهوله وهو بيبصلى بتركيز بصه مفهمتهاش

_ اتفضل يا عمو ..حصلك حاجه

قعد يبصلى شويه وبعدين ابتسم واخد العكاز وحط ايده على راسى وقالى تسلمى يا بنتى ربنا يحفظك لشبابك

_ طب محتاج حاجه اساعدك او تروح اى مكان ممكن اساعدك

ابتسملى اكتر وشكرنى وهو بيبصلى بنفس الطريقه وبعدين مشى وانا استغربت و كملت طريقى

والراجل طلع الرصيف وكمل لعند ما قابله راجل

_اتفضل يا باشا

راح معاه وركب عربيه ودى كانت عربيته ده السواق

_فيه بنت كانت واقفه معايا من شويه ابعتلى حد وراها يعرفلى كل حاجه عنها ومن تأخير

_اوامرك يا باشا

بااك

=ايوووه افتكرت حضرتك انا شبهت على حضرتك اول ما شوفتك

_طبعا بتقولى ايه الصدفه دى

=فعلا ده ولا كأنه فيلم هندى

_ههه بس دى مش صدفه ولا صدفه انى اطلب ايدم لابنى

_قصد حضرتك انك جايلى مخصوص

=بالضبط بصراحه يا بنتى انا اقنعت ابنى انه يتجوز عشان داوود الصغير لانه ملوش ذنب يعيش من غير ام ده قضاء من ربنا اللهم لا اعتراض بس لما شوفتك قولت مينفعش يكون فيه ام لحفيدى غيرك انتى

_طب وليه انا بالذات...قصدك عشان ساعدت حضرتك ..بس كان فيه كتير غيرى يقدر يعمل الى عملته

=بس مش عشان كده انا شوفت حاجه تانيه ..شوفت فيكى ام جاسر الله يرحمها فيكى منها مع انكم متقربوش لبعض بس شوفتها فيكى وقبل ما اشوفك ام لحفيدى شوفت مرات ابنى وانتى انسب واحده ليه صدقينى بصى يا بنتى انا مش هغصبك انا هسيبك تفكرى كويس بس خليكى حاطه فى بالك ان ده هيكون انسب اختيار ليكى لو وافقتى صدقينى انا طالب مساعدتك

_مش فاهمه في ايه

=هتعرفى قريب واتمنى انك توافقى

سابنى ومشى وانا فى دوامه مش فاهمه ايه الى بيحصل حواليا ومتردده ما بين اوافق وما بين لا فضلت قاعده طول الليل وانا محتارة وقررت اصلى استخارة ونمت

بس لما قومت مشو فتش حاجه او بالاصح مفهمتش ده خير ولا شر وده الى حيرنى اكتر وبعد تفير كتير قررت اوافق وافقت عشان اشوف الفرحه الى فى عيون اهلى لما قولتلهم وكأنهم مستنينها من زمان بس يا ترى كل الجواز الى عن طريق الاهل بيكمل ولا لا ياترى النصيب واخدنى لفين ..بابا كلم العريس ووالده وقالهم موافقتنا وبعدها بيومين لقيتهم جايين عشان يكتبوا الكتاب ايه السرعه دى انا من حقى اتخطب زى كل البنات واخرج انا وخطيبى ويجى يزورنا وبعدها اعمل كتب الكتاب الى بيكون فيه اول حضن وبعدين اعمل فرحى على مهلى وانا بجهزله بكل تفصيله بس تجهيزات فرحى تمت من غيرى اصلا صحيت على جملة المأذون الشهيرة (بارك الله لكما وبارك عليكما) بصيت على جاسر وكانت ملامحه بارده جدا حتى مبصليش من ساعة ما دخل وبعدها قعدوا الكل يباركولنا مش عارفه على ايه على خيبتى وبعدين بابا جه باس راسى وماما زغرطت وانا قاعده فى ملا كوت تانى

*يا ترى مستنيكى ايه تانى يا غزل*

تمت ترتبيات الفرح كلها فى اقل من اسبوع ونزلت غزل ومامتها عشان تختار الفستان وباقى لوازمها الى هتحتاجها ومكنتش اكتر من الهدوم وحاجتها الخاصه وجاسر حجز القاعه فى فندق كبير وحجز الميكب ارتيست

*يوم الفرح الصبح *

_ قومى يا غزل ..انتى يا بنت قومى يلا وراكى يوم طويل

=يوووه يا ماما سيبينى كمان شويه عايزه اناااام

_تنامى ايه النهارده فرحك يلا عشان فيه حاجات كتير ورانا. يلا يا بنتى

=اهو عشان فرحى سيبونى على راحتى يعنى حتى فى اخر يوم ليا هنا مش سايبنى انام

بصتلها امها والدموع فى عنيها وغزل استغربت سكوتها وقامت تبص عليها لقيتها بتمسح دموعها فقامت متفاجأة

=ماما انتى بتعيطى معقول ..طب ..طب بتعيطى ليه طيب

_ مش مصدقه ان انا هقوم بكرة مش هلاقيكى فى البيت مش مصدقه انك هلاص هتتجوزى وهتسيبينا

= ومين قال بس انى هسيبكم ده انا هنطلكم كل شويه ومش هسيبكم فى حالكم متقلقيش قاعده على قلبكم ..خلاص بقى فكيها واضحكى .. خلاص بقى والله هعيط انا كمان

_ خلاص بلاش نكد ده النهارده فرح ..يلا يلا نشوف ورانا ايه هنا الاول ..انا هطلع اشوف الناس الى برا زمان بقيت العيله جايه

طلعت مامتها وهى مقدرتش تمسك دموعها وهى بتبص على كل ركن فى الاوضه وبتحفظها مش مصدقه انها هتسيب بيتها الى اتربت وكبرت فيه

وبعد مباركة الكل ليها وتجهيزاتها حضرت شنطها الى هتاخدهم معاها وكل لعبها ومقتنياتها القديمه الى اتلعقت بيهم وقعدت تفتكر كل ذكرياتها فى البيت فرح وحزن كانها مش مهاجرة ومش هترجع تانى .

وصلت عربيات من جهة جاسر عشان تاخد غزل ومامتها وبقيت العيله الى هيجوا معاها وراحوا على الفندق

واول ما دخلت غزل انبهرت بجمال الفندق والغرف الى كانت محجوزالهم وشكت اكتر فيه

=لما الغرف عامله كده امال القاعه هتبقى عامله ازاى انا مش مصدقه انه ضابط.. ضابط ايه الى يبقى معاه الفلوس دى كلها يكونش شغال فى السل.اح او يمكن فى المخ.درات على اخر الزمن هتجوز واحد من الماف.يا يا مرارك يا غزل

وصلت الميكب ارتيست ومساعدينها وطبعا غزل خافت يحصل زى ما بيحصل مع كل العرايس ويكون الفوتجرافر راجل والى هيعمل الشعر والطرحه راجل بما ان ده فندق كبير وشكل الميكب ارتيست مشهورة بس اطمنت لما لقت الفريق كله سيدات حتى الى هيصورها بالفستان ويوثق فديوهات الميكب ست

=امم شكله بيفهم الواد ده ومش من الرجاله إياهم

خلصت غزل الميكب والفستان والطرحه وكان معاها مامتها وبنات خالتها واصحابها وكانت مبسوطه انهم جمبها بس حاسه بحاجه ناقصه فى فرحتها

جه وقت نزول العروسه عشان العريس يستلمها وبعدين يعملوا سيشن الفرح وجه والد غزل عشان يسلمها لعريسها

=بسم الله ما شاء الله ربنا يحميكى ويتمملك فرحتك يا بنتى

_ تسلم يا بابا ويديمك ليا يارب

والدها باس راسها وحضنها وهو بيبكى وهى خانتها دموعها ومامتها عيطت معاهم

_ ايه ده بس يا عروسه مش عايزين نكد النهارده ده يوم فرحك يعنى فرح وبس بلاش دموع تعالى اما اظبطلك الى الميكب الى هتبهدليه ده

بعدها مسكت غزل ايد والدها واخدها ونزلوا على السلم وكان مستنيهم جاسر وواقف جمبه داوود الصغير

حست غزل بالخوف كل ما كانت بتقرب اكتر لجاسر

_ اتفضل يا ابنى.. خد بالك منها ..وحطها فى عنيك هى ..ساعات بتبقى عصبيه شويه بس طيبه اوي بتطلع وتنزل على مفيش فعايزك تحتويها ماشى يا بنى

وطبطب على كتفه وحط ايد غزل فى ايده

‏_عنيا يا عمى متقلقش

‏كانت غزل بتعيط ومكنتش عايزه تسيب ايد باباها وبعدين اخدها جاسر ومشى وابوها عنيه مدمعه وهو بيبص عليها ومامتها بتهديه

جاسر اخد غزل ومشى نحية الكوشه بس غزل لاحظت ست كبيرة جت اخدت داوود الصغير بس هو مسك فى ايد ابوه ومكنش عايز يروح معاها فأضايقت غزل وقربت نحيتها ومسكت ايد داوود

_سيبيه معانا مش هيحصل حاجه

مردتش عليها الست ومشيت غزل وجاسر بصلها بصه غريبه ومشى معاها لعند الكوشه وقعد جاسر وجت هى تقعد داوود فى النص بس ساب ايديها وراح قعد جمب باباه فأستغربت غزل بس قعدت واستنتجت انه متعودش عليها لسه

بدأت مراسم الزواج فى القاعه وسط نظرات فرح للعروسين ونظرات حقد وحسد ليهم

= كنت عارف انك هتوافقى

بصتله غزل بإستغراب

- نعم ..قولت ايه

- ‏بصلها جاسر بإبتسامه جانبيه

= قصدى انى عرفت انك رفضتى الاول بس كنت عارف ومتاكد انك هتوافقى فى الاخر

_واضح انك واثق فى نفسك زياده عن اللزوم

_مش ثقه ..بصلها جاسر بحده .بس انا مترقضش

غزل بذهول :نعمم

:جاسر الإيبارى ميترفضش

غزل بغيظ :انت متترفضش انت مستفز

بصلها جاسر بنفس إبتسامته المستفزة :شكرا

اتغاظت غزل وسكتت وهو ابتسم بغرور وبعد نظرة عنها

بعد شويه طلبوا من العريس والعروسه يرقصوا سوى

اتضايقت غزل شويه ومكنتش عايزة تقوم

قام جاسر واستناها تقوم بس قعدت تبصله بتوتر

_ يلا الناس بتبص علينا قومى

هو لازم احنا الاتنين ما تروح انت ترقص مع اصحابك احسن

= مش وقت هزار دلوقتى يلا قومى الناس بتبص علينا

_ أمرى لله

قامت غزل معاه وهو مدلها ايده بس هى مسكت الفستان بإيديها الاتنين ومشيت لانه تقيل

بصلها جاسر بضيق وبعدين طلعوا على الاستيدج وبدأت اغنية رومانسيه وغزل كانت زعلانه

هتفضلى ضاربه بوز كده الناس هتاخد بالها

بصتله غزل بضيق وسكتت وهو اتضايق واخد ايديها الاتنين حطهم على كتفه ومسكها من وسطها وقربها منه جامد وهى اتخضت

_ الرقص بيبقى كده

_ انا اصلا مش عايزه ارقص معاك المفروض الرقص الرومانسي ده يكون بين اتنين بيحبوا بعض او على الاقل يعرفوا بعض كويس بينهم فترة خطوبه بينهم موده وده مش موجود بينا خالص

_معنديش وقت للكلام ده انا راجل دوغرى والى عايزه بيحصل

=لا بجد ما تشترينا بفلوسك بالمرة

بصلها جاسر بإستهزاء : واتتى فكرك ان ده محصلش

بصتله غزل بصدمه ووقفت مكانها وهى بتبصله بذهول _ق.قصدك ايه بالكلام ده

= قصدى انى دفعت شبكه ليكى ومهر والكلام ده كله اكتر بكتير من الى والدم طلبه ده غير حاجات تانيه مش هقول عليها فتفتكرى ده كرم منى او انتى تستاهلى ده كله ولا ده عشان املى عينكم و .

= بس كفايه لو سمحت كفايه انا مش عايزه اكمل رقص هرجع اقعد مكانى

مشيت غزل من قدامه والدموع فى عنيها وهو مشى وراها علطول عشان الناس متاخدش بالها

قعدت غزل وهى مصدومه وبتبص لجاسر بإشمئزاز وصدمه فيه وبتتمنى الزمن يرجع بيها لورى بس خلاص فات الأوان ومعدش ينفع الرجوع

خلص الفرح وغزل ودعت اهلها وهى بتعيط بحرقه لأكتر من سبب منهم انها مش عايزه تسيبهم ومنهم من خوفها من ال جاى وصدمتها فى الإنسان الى اتجوزته

فضل مستنيها جاسر وهو مضايق عشان طولت وهى بتسلم على اهلها لعند ما راح قاطعهم عشان ياخدها وطبعا والدها ووالدتها وصوه عليها وهى فى ملكوت تانى

*ناويه على ايه يا غزل *

البارت الثالث من #انتِ_الترياق

= انت يا استاذ..انت يا باشا براحه شويه

لف بصلى بتكبر : ايه مش قادرة تمشى الحته دى

بصتله بغيظ : والله لو البعيد بيشوف هيفهم ان الفستان بلوه وتقيل اوى مش قادرة امشى منه يعنى المفروض تحس وتساعدنى شوية

_ ومين الى اختار البلوه دى مش انتى.. اتحملى نتيجة اختيارك

= انا فعلا لازم اتحمل نتيجة كل اختياراتى الى زى الزفت

بصلى بغضب وسابنى ومشى

_عديم احساس بجد ..وانا كان لازم اتفشخر اوي واجيب البلوة دى كلها اشربى بقى يا غزل

*بعد ما سلمت على اهلى وجه حمايا باركلنا وباس راسى وكان معاه كذا شخص منهم الست الى كانت بتاخد داوود وواضح انها اخت حمايا فيها شبه كبير منه ومن نظراتها ليا وكلامها الى بيطلع بالعافيه شكلها مش سهله ومش هنبقى كويسين مع بعض ، ركبت فى موكب عربيات كبير وبعدين جينا على البيت وكان شكله من برا بيقول انه مش بيت عادى او شقه دى ڤيلا بس صغيرة ونزلت انا وهو وداوود بس معرفش حمايا هيسكن معانا ولا لا بس اتمنى انه يسكن معانا لانى لو قعدت مع الشخص ده فترة هتجنن بجد

فضلت اشيل فى الفستان واجره والبيه طبعا طلع وسابنى لوحدى مش عارفه جوز ايه ده مفيش احساس خالص بعدها لقيت داوود داخل ورانا

= بسبس بس

بصلى بإستغراب شويه ووقف

=احم ممكن تساعدنى شويه يل صغنن اشيل البلوه دى معلش مفيش غيرك قدامى ابوك سابنى وخلع

بصلى شويه بتفحص وبعدين جه من ورايا وحاول يشيل الفستان على قد ما يقدر ومشينا شويه لعند ما طلعنا على السلم مش عارفه دى فيلا ولا سرايا كل ده مدخل و سلم ده ايه العذاب ده

قال بصوته الطفولى: اااه ده تقي..ل اوييي

مكنتش عارفه اضحك على لطافته ولا اعمل ايه

=معلش ايدك معايا فاضل كام سلمه هااانت

واخيرا وصلنا قعدت ابص على الغرف مش عارفه انهى اوضتى كان فيه اربع غرف فبصيت لداوود بإستفهام

فشاورلى على غرفه وقالى دى بتاعة بابا

_ وانت اوضتك فين

= ليه

_عشان لو اتطردت اجيلك ههه

_ايه

=لا متاخدش فى بالك احتمال اجى انام معاك النهارده

بصلى من فوق لتحت : بس انا سريري صغير عليكى وبعدين انا بحب انام لوحدى

_حتى انت يا ابن جاسر ما صحيح هتطلع لمين يعنى

روح نام روح

=طيب تصبحى على خير

وانت من ...

-ايه بقالك سنه بتطلعى على السلم ما تباتى عندك احسن

=لا اصل كنت ... وانت مالك اطلع براحتى ثم لو حضرتك كنت ساعدتنى كنت طلعت بسرعه بس ابنك احسن منك

اتجاهلنى وبص لداوود وقاله يلا روح انت نام معاد النوم فات من زمان ومشى داوود فوراً كأنه أمر لازم يتنفذ وهو دخل الاوضه وانا دخلت وراه بغيظ منه

كانت اوضه اشبه بجناح كانت كبيرة وفيها حمام واثاثها راقى وفخم انا قولت بيشتغل فى المخ..درات محدش سمعنى لاو واضح ان ذوقه حلو تاجر مخ..درات ذوقه حلو ههه قاطعنى وانا بتفرج على الاوضه

-ايه هتاخدى سنه كمان على لما تغيرى هدومك ولا ايه عارف انك اول مره تشوفى الحاجات دى ومقدر

بصتله بغيظ من كلامه الى زى السم ده لسان بنى آدم ده ولا لسان حيه مش فاهمه

مردتش عليه ومشيت نحيه الشنط بتاعتى الى طلعوها وفتحتها واختارت منها بيجامه حرير بأكمام وحطتها على السرير وكنت رايحه للحمام بس هو وقفنى

-استنى هساعدك عشان تفكى الفستان

=واشمعنى ده بالذات الى عايز تساعدنى فيه ..شكرا انا هساعد نفسى

-مهو ده بالذات مش هتعرفى تفكيه وهنقعد سنه بجد فخلينا نخلص

=قولت لا هفكه انا

بصلى بجمود وجه عليا فخوفت مسكنى ولفنى وبعدين بدأ يفك اربطه الفستان لانه كان سوسته واربطه وفعلا مكنتش هعرف افكه فضل بتاع عشر دقايق يفك فيه وانا زهقت من الوقفه وهو بدأ يتعصب

-انا مش فاهم ايه كل ده ...مهو اختيارك هيطلع ازاى يعنى

=مالو اختيارى بقى ان شاء الله

-زى الزفت

=اووف

-لا وانا هقعد للصبح

فجأة لقيت حاجه بتتقطع ..ايه ده قطع الفستان

=ااااع قطعت فستانيي

-اعملك ايه مكنش هيجى غير بكده هقعد افك فيه طول الليل ولا ايه يلا روحى غيريه

=كان فيه كذا حل غير انك تقطعه على فكرة ده مش اسلوب بجد

مردش عليا وسابنى ولا كأنى موجوده وراح يقلع الجاكيت بتاع البدله ويفك البيبيون

بنى آدم مستفز بجد اااع قطعلى فستانى المفترى اخدت البيجامه ودخلت الحمام عشان اغير وطبعا فضلت اكتر من نص ساعه بفك فى الطرحه وبعدين اخدت شاور دافى يهدى جسمى و اعصابى الى اتلفت النهارده بسبب الاستاذ وفجأه سمعت صوته من برى وهو متضايق

-ايه هتنامى عندك ولا ايه ما ده الى ناقص

بجد احتارت اسميه ايه ده مش بنى آدم بجد مش فاهمه عايز ده ..لبست هدومى وطبعا مبلتش شعرى عشان ميبوظش وخرجت ليه وانا مكسوفه شويه لان دى اول مره يشوفنى فيها بشعرى او بهدوم بيت عمتا بس العصبيه منه دارت الكسوف شويه فطلعت وانا مضايقه

= ايه مش عارفه اخد الشاور كمان ناقص تقولى مفيش نوم بالمرة ده الى ناقص

لفلى وفضل باصصلى شويه وهو بيتفحصنى من فوق لتحت اتكسفت من بصته حاسه ان عينه هتخرم الهدوم الى انا لبساها

- لاا..مهو مفيش نوم اصلا ..فضل يقرب منى شويه شويه وانا ارجع ورا من الخوف

- ‏فيه حد ينام ليلة دخلته برضه ولا انتى رأيك ايه يا مدام

- ‏احم ..انا ر..رأيي إننا ننام ونرتاح عشان تعبنا النهارده

وبكره ان شاءالله أعملك الا انت عاوزه سلام عليكم

لسه هتمشى من قدامه بس فجأة لقت نفسها متشاله على كتفه

غزل بخوف :ااااع نزلنى لو سمحت ده مش إسلوب ...بقولك نزلنيييي

مشى بيها جاسر بعدين سابها ووقعت على السرير

غزل وهى بتتألم وماسكه ضهرها :اااع ..اه ..انا قولت نزلى مش اكسرلى ضهرى مش كدهههه

كانت متعصبه بس عصبيتها اتبدلت لخوف لما شافته بيقرب منها وبيبصلها بجمود وكل ما يقرب منها ترجع لورى

-ايه ايه يا باشا ..استهدى بالله كده

=اظن انتى فهتى قصدى كويس ولو محدش قالك بيحصل ايه فى الليله دى انا هقولك ..ولا عايزاهم يقولوا جاسر الايبارى معرفش ليلة فرحه مهو يقولوا كده يا يقولوا العروسه معيوبه

-نعم نعم معيوبه ده ايه يا اخويا لا مسمحلكش

=طب ورينا عشان اتأكد

غزل وهى بتمسك بيجامتها :ها اوريك ايه بالضبط ها ايه قلة الادب دى

-قلة ادب.. انا لسه معملتش قلة ادب بس لو عوزانى اقل ادبى معنديش مانع

-لالا طب هقولك ايه رأيك نستنى شويه.. يعنى ناخد على بعض شويه بص اعتبرنا مخطوبين ولسه هنتجوز

=اممم... طب بصى يا بنت الناس انا مش عايز اخدك غصب عشان ده مش من مبادئى اما بالنسبه ليكى اظن انتى عارفه ان الست الى بتتمنع عن جوزها ربها بيغضب عليها لا والملايكه بيلعنوها واظن ان دى حاجه الست الوالده اكيد قالتهالك

بصتله غزل بخوف وتوتر لانها تعرف ده فعلا انا مش هوصل للدرجه دى بس انا بس ...خايفه ومتوترة جامد

جاسر بص لتعابيرها واخد نفس :انا عارف انتى بتفكرى فى ايه

بصتله غزل بصدمه وكمل جاسر

-ايوه.. بس متقلقيش انتى متجوزه بنى أدم مش حيوان يعنى بالأصح انا فاهم ان ده توتر عشان اول مره

بصتله بصدمه اكتر من كلامه وهى بتمتم اما صحيح قليل الادب زى ما توقعت بالضبط

كانت لسه هتتكلم بس فاجأها بقبل.ته الى جت فأجاة

استوعبت غزل وضربته على صدره عشان يبعد بس حط ايده على ايديها الى على صدره وكأنه بيهديها

لعند ما استلمت غزل للمساته ليها واصبحت زوجته قولا وفعلا❤️

*عند اهل غزل *

-اااه البيت فضى علينا يا ابو غزل مشيت الى كانت عامله للبيت حس

-‏بس بقى خلاص يا ام غزل هى راحت فين يعنى مش راحت بيت جوزها ادعيلها ربنا يتمم عليا فرحتها

-‏يارب انا مش كارهه بس هتوحشنى

-‏اه والله فعلا هى وحشتنى من دلوقتى ربنا يسعدها

-‏طب اهدى بكره تلاقيها جايه بتجرى وبتقول اناا جيييت محدش هيرحب بيا هههه حاكم بنتى وانا عارفاها مش هتقدر تقعد يومين على بعض

*نرجع عند غزل *

صحيت غزل فى وقت متأخر بليل ومقدرتش تنام بصت على جاسر واتكسفت لما شافته عارى الصدر وحاشت نظرها واتكسفت اكتر لما لقيت نفسها أسخم حاولت تقوم بس الحركه كانت صعبه بالنسبة لها بس تحاملت على نفسها وراحت الحمام اخدت شاور دافى وخرجت مكنتش عارفه تعمل ايه الجو غريب عليها خرجت بره الاوضه وبصت حواليها على البيت كويس تحفظه وبعدين نزلت تحت لقيت الدور الارضي مكون من صالون كبير واوضه كبيره وواضح من السفره الى بتتوسطها انها للاكل وفيه كذا اوضه تانيه بس مقفولين مشيت تدور على المطبخ لعند ما لقيته حاوىت تدور على كبس النور بس سابته

=اااه اخيرا لقيت حبيبي ..ايه ده كبير اوى ده انا هفرش واعيش هنا ..جمب التلاجه ههه (اه يا جماعه غزل بتعشق حاجه اسمها اكل عايشه على مبدأ اصرف قرشك ودلع كرشك بس بتاكل ومبيبنش عليها) راحت فتحت التلاجه وطلعت الاكل الى كان فيها وفاكهه وعصير وحطتهم على الترابيزه وقعدت تاكل بشراهه لانها كانت جعانه اوى اليوم كان طويل جدا ومرهق

- ايه ده حرامى

اتخضت غزل وقامت بسرعه تشوف مين

النور فتح وبصت للى واقف بس كان حماها فأخدت نفسها براحه وبلعت الاكل الى فى بوقها بإحراج

=احم انا جيت بس ....عشان ...

-هههه مالك خايفه ليه كده يا بنتى ده بيتك يا بنتى فيه ايه انا بس استغربت شويه معقوله لو حرامى هيجى المطبخ حرامى جعان ههه

ضحكت غزل واتحمحت بإحراج

-مالك كده تعالى تعالى ده انا كمان ميت من الجوع مأكلتش فى الفرح تعالى

قرب حماها بعكازه وقعد قصادها على الترابيزه وبدأ الاتنين ياكلوا فى الاول غزل كانت محرجه بس بدأت تتعود بعد ما اتكلمت معاه وضحكوا

= بس برضه يا عمو مفهمتش شوفت فيا ايه زى حماتى الله يرحمها

وقف اكل وبص على جمب بإبتسامه ورجع بصلها

- كانت عفويه زيك كده الى فى قلبها على لسانها وكانت علطول بتقاوح حتى لو غلطانه ومحدش يقدر يقف قصادها هه وفيها خفة دم تخليكى متبطليش ضحك بس على الحنيه بحر حتى لو حد زعلانه منه قلبها ابيض

ياااه فكرتينى بيها يا غزل

=ربنا يرحمها ادعيلها يا عمو

حبت غزل تغير الموضوع عشان ميقلبش بغم

= بس فيه حاجه عايزه افهمها ...داوود الصغير مين سماه

- اه بصى احنا عندنا الابن بيسمى ابنه على اسم ابوه وقليل لو لقيتى اختلاف يعنى مثلا جاسر متسمى على اسم جده

= بجد يعنى والد حضرتك اسمه جاسر

ايوه وعلفكره جاسر طالع نسخه منه كان شخصيته قويه ومحدش يقدر يكسرله كلمه كان صارم بمعنى الكلمه

= دلوقتى عرفت طالع لمين لان اكيد مش طالع لحضرتك فيه فرق كبير ههه

ايوه فعلا جاسر مكنش كده الاول لكن بعد صدمة وفاة والدته بقى عصبى جدا بيتعصب من اى حاجه مبقاش يضحك مبقاش يهزر معايا زى الاول بقى كلامه معايا مقتصر انا ممنتش عايز ادخله شرطه كنته عايزه يطلع حاجه تانيه لكن هو صمم على الشرطه وللاسف لما دخل بقى اسوأ ونفسيته فى النازل لعند ما قررت اجوزه يمكن يتحسن شويه يمكن لما يخلف ويحسن بالابوه وان عنده ضنا يحس بيا لما جه داوود حياتنا بدأت تتحسن شويه شويه بس للاسف والدته اتوفت وهو عنده سنتين يمكن صعب لانه لسه طفل بس ربنا له حكمه انه ساعتها مكنش يفهم بس بقينا نعانى معاه جدا لانه مكنش بينام غير مع امه فا ده كان حمل كبير على جاسر خصوصا انه علطول مان فى مأموريات ومش متعود عليه فالولد بعيد عنه جدا حاسس ان التاريخ بيعيد نفسه ونفس الى بينى وبين جاسر هيبقى بين جاسر وابنه عشان كده انا بوكلك انتى المهمه دى يا غزل عايزك تداوى البيت ده من السموم الى عششت فيه وتطرديها وترجعيه زى الاول

طبطب على ايديها وهى مندمجه بتسمعه ومشفقه على جاسر بس مشفقه على داوود اكتر

- هتقدرى يا غزل ..قد المهمه دى يا بنتى

طبطت غزل على ايده وابتسمت

= ايوه يا عمي قدها وان شاء الله ربنا يقدرنى واحاول اقربكم من بعض

- بلاش عمى دى بقى قوليلى يا بابا انتى بقيتى زى جاسر عندى يا بنتى

ابتسمت غزل بإتساع : ماشى يا بابا

= يلا نطلع ننام الوقت اتأخر احنا بنام فى البيت ده وبنصحى بمواعيد جاسر جبلنا السجن هنا ههه

- ايوه مانا اخدت بالى ههه تصبح على خير يا بابا

= وانتى من اهله يا بنتى

طلعت غزل اوضتها ودخلت بس اتفاجأت ان جاسر مش نايم قعدت تدور عليها لعند ما لقيته طالع من الحمام

- والهانم كانت فين الساعه دى

= ايه ..كنت تحت فى المطبخ اصل بصراحه منت جعانه

- مطبخ دلوقتى ...اممم واكلتى

- ‏اه الحمدلله اكلت .. حتى بابا جه اكل معايا

= ‏بابا اه ..انت. لحقتى ما علينا تعالى عشان عايزك

- ‏نعمم عايزنى فى ايه .. واضح انك مش جايبنى عشان ابنك انت جايبنى عشان رغباتك وبس

قرب منها وهو بيبصلها بجمود بعد الى قالته وهى خافت ورجعت ورى لعند ما لزقت فى الحيطه وهو قرب منها اوى

=طب وايه الى فيها مش مراتى ولا انا شاقطك

-ايه ..ايه شاقطنى دى حسن ملافظك

قالتها وهى بتضربه على صدره وهو بيبص لإيديها ببرود ورجع بصلها فخافت غزل

=احم ..سوريي ..بس مش المفروض يعنى ان ده.. يحصل بينا لما نتعود على بعض او مثلا مثلا نكون بنحب بعض

=اه انتى بتسمعى روايات ومسلسلات كتير

-اه بقرأ روايات بس مسلسلات مش اوى

=امم عشان كده ...طب اسمعى يا حلوه الجو ده مش هياكل معايا نحب بعض ونتعود على بعض انا مش فاضى للكلام الفاضى ده قولتلك انا دوغرى يعنى تقولى حاضر وبس حاضر وايه

بصتله غزل بغيظ وربعت ايديها ومردتش عليه بس اتنفضت فجأة على نبرة صوته العصبيه

-حاضر واااييييه

=ح.حاضر وبس ..فهمت فهمت

=تمام ..طولى ما بتسمعى الكلام هتتلاشى غضبى

بصتله بخوف ازاى فجأة من عيونه البنى الهاديه دى يقلب فجأة لشخص تانى تمام

اخدها جاسر وقرب منها بس المره دى كانت عكس المرة الأولى لانه متهاون معاها عامل حساب ان دى مرتها الاولى

وووو يتبع

البارت الرابع من #أنتِ_الترياق

صحيت غزل من النوم وهى حاسه جسمها مكسر ومش قادرة تتحرك فردت ايديها وهى بتتململ فى السرير وهى مغمضه عنيها : غريبه ماما مصحتنيش يعنى

اتقلبت على الجهه التانيه بنوم وفتحت عنيها وقفلتها بس فجأة فتحتهم بصدمه : مين ده وانا بعمل ايه هنا واي.. اااااع

صحى جاسر مفزوع على صوتها وفجأة جاب المسد.س من تحت المخده وعمره وهو وبيصوبه وبيتلفت حواليه

-مين مين فيه ايه

خافت غزل اكتر ورجعت شويه وهى بتبلع ريقها وجاسر بصلها يتفحصها : فيه مالك ايه الى حصل

مسكت غزل الغطا واحكمته عليها : انت عملت فيا ايه وانا بعمل ايه هنا فين ماما

-نعممم ياروح ام.ك كل الدوشه دى عشان كده

-ااايوه ثم احترم نفسك انت عملت فيا ايه بالضبط ها

=اغت.صبتك يعنى مش برضاكى ولا غصب عنك

-ااايوه غصب عنى ومش برضايا علفكره

بصلها جاسر بسخريه وقرب منها وهى رجعت شويه

مسكها وقرب من ودنها وهمس : لو كنتى شوفتى نفسك امبارح مكنتيش هتقولى كده تحبى افكرك بالضبط الى حصل امبارح ونقرر برضاكى ولا غصب

اتكلم وهو بيشاور عليها :ولا على ايه ما الجواب باين

من عنوانه

احتقن وجه غزل من الكسوف والخجل بسبب كلامه وهو سابها وقام حط المسد.س على الكمود ودخل الحمام ياخد شاور وغزل حاولت تقوم تجيب هدوم ليها عشان تاخد شاور وعدت على المرايا وشافت نفسها واتصدمت من الكدمات والعلامات الى على جسمها فغطت نفسها من الكسوف واستنت لما جاسر طلع من الحمام وهو بينشف شعره وبصلها بطرف عينه وبعدين راح يسرح شعره ركزت عليه غزل فى انعكاس المرايا وسرحت

-عارف انى حلو ايه مش هتدخلى الحمام ولا هتفضلى كده طول اليوم

-‏اتغاظت غزل منه وبصتله بقرف ودخلت الحمام

*فى بيت غزل*

=مش هتقومى تحطى الفطار يا ام غزل

-هى البت غزل لسه مصحيتش لازم اض.ربها بالشبب عشان تقوم

=ههه سلامة الشوف غزل فى بيت جوزها

اتأثرت الام وهى مش مصدقه انها مش هتروح تزعقلها وتصحيها دلوقتى وان اوضتها فاضيه

=فكرتنى ليه بس كنت قربت انسى شويه

-قومى بس هنفطر ونروح نشوفها اصل ..هى وحشتنى اويي

*فى بيت جاسر*

نزلوا الاتنين على الفطار كان ابو جاسر قاعد على السفرة وداوود الصغير قاعد جمبه

-صباح الخير يا عرسان صباحيه مباركه

رددوا الاتنين الله يبارك فيك

قعد جاسر على الجمب من ابوه وغزل قعدت جمب داوود وبدأوا يفطروا لعند ما خلص جاسر

- انا هاخد داوود اوصله الحضانه

- ‏ليه ما تخلى السواق يوصله ده النهارده صباحيتك المفروض تقعد مع عروستك

بص جاسر لغزل الى كانت متابعه كلامهم

-مش مهم مش فاضى للكلام ده انا مش هقعد مربوط فى البيت ..يلا يا داوود

قام داوود باس جده وراح مع باباه تحت نظرات غزل المغتاظه من كلامه : بنى آدم مستفز بجد

- معلش يا بنتى هو جاسر كده عشان كده قولتلك مهمتك صعبه شويه بس انتى قدها انا متأكد

بصتله غزل وبعدين بصت فى الفراغ بحيرة من الى جاى

بعدها قعدت غزل مع حماها فى الجنينه بيتكلموا

وبيضحكوا سوى

- يا خبر ده انتى دمك خفيف اوى يا غزل

=تسلملى يا بابا والله انت الى دمك زى السكر

وقربت واتكلمت بهمس بصراحه عكس ابنك خالص انا مش عارفه ابنك ده طالع لمين

-هههه فى دى معاكى حق.. جاسر مبيهزرش ولا بيضحك خالص ماشى جد ،ضبط ربط التزام ههه

=ليه احنا فى الجيش ده ناقص يعملنا الطابور الصباحى والله انا خايفه يأثر على داوود الصغير ويطلع زيه

-ده بقى الى انا خايف منه فعلا الولد لانه مبيشوفش غيرى انا وباباه بدأ يتعقد وهو لسه يدوب خمس سنين

=بصراحه معاك حق انا مشوفتوش بيجرى ويلعب زى الاطفال ولا بيتنطط ده انا خاله يجى لست عيال من اعمامى وخالاتى وباقى العيله، بيجننونى لما بيجوا عندنا لغاية الى فى سن ١٢ و١٤ سنه ده غير ان داوود لبسه كله بِدل طفل يلبس بِدل

-اااه ..انا كنت لواء سابق فى الداخليه وطلعت على المعاش من فترة مش كبيره

اتفاجأت غزل ووقفت وهى بتحييه زى العساكر

=تمام يا فندممم

-ههه اقعدى يا بنتى بتعملى ايه بس انا خلاص طلعت على المعاش ، جاسر واخد طبعه شويه منى لما كان صغير كنت بعامله بطريقه ناشفه عشان يطلع راجل وناشف كده بس كان وقت الجد جد ووقت الهزار اقعد انا ومامته معاه كعيله ونقعد نهزر ونضحك سوى بس من وقت ما مامته اتوفت مبقيناش نقعد سوى خالص كنت بطحن نفسى فى الشغل عشان مروحش البيت واقلب على نفسي المواجع ويمكن ده الى أثر فى جاسر اكتر بس لما جيت اصلح غلطتى كان الآوان فات عشان كده بقولك انتى الى هتقدرى بس أول بدايتك لازم تبدأ من عند داوود الأول وبعد كده جاسر

-‏فعلا يا بابا معاك حق انا لو بدأت بجاسر طاقتى هتخلص واحتمال بعدها أكره الدنيا ومش بعيد اسيبلكم البيت وأهج ههه

قاطع كلامهم دخول حارس الامن الى برا ومعاه أهل غزل

غزل اول ما شافتهم قامت بسرعه وجريت عليهم وحضنتهم جامد وهى مبسوطه

=وحشتوني وحشتوني اويي

- يا بنتى ده احنا لسه سايبينك امبارح

=ولو برضه وحشتونى ومش هتمشوا النهارده

ضحكوا عليها واخدتهم وراحوا سلموا على حماها وهو بيرحب بيهم ترحيب حار

-اهلا اهلا وسهلا بيكم نورتونا اتفضلوا خديهم يا غزل على لما اتصل بجاسر

-‏هو العريس مش هنا فى يوم صباحيته

غزل حاولت تدارى توترها : لا يا ماما ده بس راح يوصل داوود الصغير الحضانه يعنى متعود على كده وبرضه عشان داوود ميزعلش وبعدين هنقعد نتحبس فى البيت نعمل ايه ها يلا ست الكل تعالى اما افرجك على البيت

- ادخلى يا بنتى انتى ومامتك وانا هقعد هنا مع والدك شويه على لما جاسر يجى وناكل كلنا سوى

- ‏لا والله ملوش لزوم اكل ايه بس احنا جايين نشوف العرسان ونباركلهم ونمشى

- ‏لا انت بتقول ايه يا ابو غزل يعنى اول مرة تشرفنا انت والمدام وتمشوا من غير ضيافه ده حتى تبقى قلة ذوق مننا يرضيك يرضيكى انتى يا غزل اتصرفى مع ابوكى بقى

=ايوه يا بابا ليه تمشوا دلوقتى انتم مش جايبن تشوفونى يعنى مش هتمشوا من هنا الا لما اشبع منكم ها

-شكلها هتحبسكم ومش هتطلعكم النهارده خد بالك هههه

ضحكم كلهم سوى وبعدين غزل اخدت مامتها ودخلت ووالدها قعد مع حماها يدردشوا شويه

دخلت غزل المطبخ تقول للشغالين على الاكل الى هيعملوه وباركولها على الجواز وبدأو يعملوا الاكل

- ما شاء الله دول كلهم هيعملوا الاكل

= لا تقريبا كل واحد مسئول عن حاجه والاكل اتنين بس

- اتنين بس هيملوا السفرة دى كلها لا اخش اساعدهم

تساعدى بس يا ماما انتى جايه هنا يتعملك كل الى انتى عايزاه زى الملكات بالضبط وانا الى هدلعك

سبحان الله الرزق بيجى للعبد من حيث لا يحتسب الحمدلله يا بنتى انا مبسوطالك اوى

= اهو سوفتى عشان تبقى تسمعى كلامى لما كنت بقولك انا هجيب خدامين يعملواى كل حاجه

- ههه ااه يانى شوفى الخظ يا فاشله ..المهم يا بنتى طمنينى عامله ايه مع حوزك كله تمام

= طبعا يا ماما كويسين مع بعض متقلقيش انتى

- متاكده يا غزل ولا بتضحكى عليا عشان ترضينى قولى الحقيقه انا عرفاكى كويس

= يا ماما والله ما فى حاجه من الى فى بالك قولتلك متقلقيش بقى وبعدين ده انا غزل بنتك يعنى مش تخافى

-اهو ده الى مخوفنى منك طب تعالى كده احكيلى

=احكيلك ايه ها

-تطمنينى ها سبع ولا ضبع

=ايه يا ماما الكلام ده عيب دى حاجه خاصه بيا

-والنبى شكله قرع تعالى تعالى

****** بعد شويه

-ايوه يا جاسر انت فين

=انا عديت على الشغل وبعدين هجيب داوود واجى

-شغل لا ده انت اتجننت انت يا ابنى مش واخد اجازه

=ايوه اجازه يومين بس

-لا ده انت اتجننت رسمى تجيب داوود وتكون فى البيت حالا سامع حماك هنا تيجى فورا ومش هعيد كلامى

خلص والده المكالمه وحاول يبان عادى عشان اهل غزل ميحسوش بحاجه

- جاسر جاى غى الطريق اهو مش هيتأخر على لما يحطوا الاكل هيكون وصل اتفضلوا

حست غزل بالحيرة شويه ومبينتش قدام اهلها حاجه واخدتهم ودخلوا اوضة الاكل قعدوا يتكلموا ويضحكوا سوى وبعدين غزل دخلت المطبخ تشوف الاكل

= ها يا جماعه خلصتوا

-مدام غزل ...ايوه حضرتك خلصنا عملنا كل الاكل الى طلبتيه تقدرى تعملى عليه تشيك

= لا ده كفاية ريحو الاكل بتتكلم مش محتاجه المهم اجهزوا يلا ربع ساعه وحطوا الاكل

بعد شويه جه جاسر وداوود الصغير دخلوا عليهم

وجاسر سلم على اهل غزل وباركوله وقعدوا عشان ياكلوا

راحت غزل قعدت جمب جاسر وتغرفله الامل قدامه وهى بتعامله بحب قدام اهلها عشان يطمنوا عليها

بصلها جاسر بسخريه وقرب منها

-مش لازم تعملى التمثيليه الى ملهاش لازمه دى

= بصتله غزل بصدمه وبعدين بصت قدامها بغيظ

وبعدها جاسر عمل صوت تحت السفره وكلهم بصوله وهو بص لغزل بغضب وغزل بصتله بإنتصار لإنها داست على رجله بجزمتها جامد وقالت ببراءه وهى بترمش بعينها

= ايه مالك يا جاسر فيه حاجه وجعاك

*ولسه دى البدايه*

بصلها جاسر بغضب وهو مصدوم من تجرأها عليه بس اخفى غضبه عشان ميلفتش الانظار نحيتهم اكتر

-خير يا اولاد فيه حاجه يا جاسر

=لا ابدا كملوا اكل يا جماعه وانا هسبقأكم على الصالون

-ليه يا ابنى كمل اكلك انت مأكلتش حاجه ولا مكسوف مننا ما تشوفى جوزك يا غزل

بصتله غزل بإبتسامه مستفزة: اه يا جاسر انت مأكلتش حاجه ايه الى سد نفسك بس ده حتى داوود الصغير اكل اكتر منك

اتضايق جاسر اكتر واتغاظ منها :بعد اذنكم يا جماعه خدوا راحتكم وقبل ما يمشى وطى عند غزل وهو بيعدل الاطباق قدامها عشان محدش يشك فى حاجه وهمس فى ودنها بحده :تعالى ورايا وإياكى تتأخرى وابتسم بمجامله فى الاخر عشان محدش ياخد باله

ابتسمت والدة غزل من اهتمام جاسر لغزل وبصت لجوزها

قلقت غزل من نبرته وبانت عليها علامات الخوف بس اتمالكت نفسها.. وانا هخاف منه ليه ولا يقدر يعملى حاجه ده انا غزل

=احم انا هقوم انا يا جماعه بالهنا والشفا

-روحى يا حبيبتي شوفى جوزك محتاج ايه

ابتسمتلها غزل ومشيت وهى بتدور تشوف جاسر راح فين فجأة لقت حد بيشدها وبيمسكها من وسطها وهى لسه هتصرخ بس حط ايده على بوقها وكتم صوتها

اتصدمت لما لقيته جاسر قرب منها وحاوطها بينه وبين الحيطه وهو بيبصلها بحده وهى بتحاول تفلت منه وتحوش ايده من على بوقها

= امممم

- بس اهدى ...بقى انا تعملى معايا كده فاكرانى هخاف عشان اهلك هنا وهسكتلك تبقى غلطانه اوى انا مبيتلويش دراعى وقابلى الى جاى مش هتخلص هنا ..يا مدام

فك ايده من على بوقها وسابها ومشى

حطت غزل ايديها على قلبها وقعدت تاخد فى نفسها برعب

=ماشى والله لأوريك يا جاسر ..وهتشوف

راحت غزل المطبخ تقول للخدم يعملوا قهوة ويقدموا الحلو بعد الاكل وراحت بصت عليهم كانوا كلهم قاعدين فى الصالون بس داوود طلع اوضته بصت غزل لجاسر بغيظ وتوعد وبعدين دخلت المطبخ ولقت القهوة جهزت بصت عليها بتركيز وإبتسامه مريبه

بعد شويه خرجت غزل ليهم وقعدوا يتكلموا سوى والخدم جابوا الحلو والقهوة قدموهم وبعدين مشيوا

- اتفضلوا يا جماعه

- ‏لا نتفضل ايه انا مليش تقل على الحلويات السكر بقى وعمايله

= متقلقش يا بابا فيه حلو من غير سكر والقهوة ساده زى ما بتحبها

- ايوه بقى ده ايه الاهتمام ده كله ادينا شويه

= ميغلاش عليك والله عنيا الاتنين

تسلميلى يا بنتى والله يا ابو غزل انا مقدر احساسك دلوقتى انا اخدت من بيتك جوهرة من حقك تزعل

ضحك جاسر بسخريه وهو بيبص لغزل واخد فنجان القهوة وهو بيهز راسه بقلة حيله

والله فعلا غيابها مأثر فينا الصراحه

قطع كلامهم جاسر وهو بيحك جامد بعد ما شرب القهوة بصتله غزل بتشفى وبعدين اخدت كوباية المايه واديتهاله يشرب اخدها بسرعه منها وشرب وبعدين بصلها بنظرات ناريه والشرر بيطلع من عنيه

-خير يا ابنى فيه ايه مالك كفا الله الشر

بصتله غزل بخبث:صحه يا حبيبي ايه الى حصلك خير

-احم لا مفيش شرقت بس متقلقوش مفيش حاجه

وبص لغزل بوعيد وكمل كلام قعده معاهم لعند ما اهل غزل جم يمشوا وغول ودعتهم بحرارة وزعل لانهم ماشيين وطبعا والدتها وصتها على جاسر جامد لانه مكنش مضبوط النهارده ويمكن يكون تعبان بس غزل طمنتها

السواق وصل اهلها وهى طلعت فوق على اوضتها

ودخلت تغير هدومها عشان ترتاح دخلت الحمام اخدت شاور وطلعت تنشف شعرها وبعدين قامت عشان تنام بس لقت جاسر جه دخل وقفل الباب وهو بيبصلها بجمود

بصتله غزل ببرود وربعت ايديها واستنته يتكلم

بس هو فاجأها وهو بيطلع المسد.س بتاعه وبيعمره وبيوجهه نحيتها اترعب غزل ورجع لورى بخوف وكل ما

ترجع يقرب منها جاسر اكتر

= انت هتعمل ايه يا مجنون

- همو.تك ..بقى انا جاسر الايبارى بت زيك تعمل معايا انا كده ..ده مطلعش عليه نهار الى يفكر يتحدانى او يلعب معايا ، حط المس.دس على رأسها وهو بيبصلها بجمود وهو بيضغط على الزناد

لا انت هتعمل ايه ااااع......يتبع

البارت ال5 من# انتِ الترياق

يا مامااا ..والله ..والله هعلى صوتى وهلم عليك الناس

ابتسم بسخريه وهو بيبصلها :اتشهدى على روحك

=لا لا خلاص انا اسفه والله مش هعيدها سامحنى سامحنى..شيل البتاع ده بالله عليك ده انا مراتك برضه

ضغط جاسر على الزناد وهو بيبصلها ببرود

غزل بصراخ : لا والنبى ..ااااااه

بعد ثانيه ..ثانتين ...تلات ثوانى

فتحت غزل عنيها برعب

=انا مُ.ت انا مُ.ت بصت قدامها لقت جاسر بيشيل المس.دس من على راسها وبيحطه فى جيبه بسخريه

-المره دى كان فاضى المره الجايه موعدكيش واول واخر مره تتعاملى معايا بالطريقه دى فاهمه ...فاااهمه

=ف فاهمه والله فاهمه خلاص

-يلا روحى اتخمدى ومسمعلكيش صوووت

هزت غزل راسها بعنف ورعب منه وكانت فى خلال ثانيه نايمه على السرير ومتغطيه برعب وهى بترجف من الخضه

-اه الحيطان هنا عازله للصوت

بصتله غزل برعب اكتر

بعنى محدش كان هيسمعنى معقول كان زمانى ميته دلوقتى وبيترحموا عليا لا وكان ممكن يخلص منى ومحدش يعرف يا لهوى ده طلع مجن.ون رسمى منك لله يا جاسر يا ابن ام جاسر قال وعايزه ابدأ بجاسر الأول ده انا كنت همو.ت اه يا صغيرة يا غزل مكنش يومك

- انا مش قولت اتخمديييي

اتخضت غزل وحطت ايديها على بوقها تكتم نفسها عشان ميسمعهاش وغمضت عنيها

طلع جاسر قعد فى البلاكونه وولع سي.جارة وهو بيبص فى الفراغ بشرود

*عند اهل غزل *

-اااه اما ناس كرماء صحيح واصحاب اصل انا كنت فاكره عشان كانت رافضه مش هتبقى مرتاحه بس طلع العكس الحمدلله شوفت الخدم هم الى بيعملوا كل حاجه

=يلا اهم حاجه ربنا يسعدها وتفضل مبسوطه ده الى انا عاوزه من الدنيا

-‏ان شاء الله ربنا هيكرمها وهنشوف اولادها بإذن الله

=بس انا قلقان من القصه دى

-‏ازاى يعنى الى قالقك بس

-=يعنى ممكن جاسر ميبقاش عايز يخلف تانى يعنى عشان داوود موجود وكده وانتى عارفه انه ابن مراته الاولانيه وبيخافوا عليه وبيحبوه ف فكرة ان ولد تانى يجي هتبقى صعبه شويه

-‏ليه ان شاء الله وهو الولد الى هيجى مش هيبقى ابنهم برضه ومن لحمهم ولا هو ابن البطه السوده شيل الافكار دى من دماغك وبعدين مشوفتش الراجل الكبير بيحبها ازاى ده يوم المنى لما تجبله حفيد وبكره تشوف

-=ربنا يقدم الى فيه الخير ويصلح الحال

*فى مكان تانى *

-يعنى ايه يا مامى خلاص كده انتى مش وعدتينى

=وانا فى ايدى ايه بس يا مايا ما انتى شوفتى خالك وبعدين انتى عارفه ان جاسر طلاما مش عايز حاجه بيعند وبينشف دماغه

=يعنى ايه يعنى هو انا بترمى عليه ولا بايرة ده انا الف مين يتمننانى بس انا عاوزاه هو

-الى حصل حصل خلاص اتجوز الكلام ده كان يبقى من الاول

=فيه ايه يا ماما صوتكم عالى ليه

-تعالى شوف الست اختك

=تانى يا مايا تانى يا ابنتى افهمى انتى رايحه تحملى نفسك بلوه لييه جاسر طباعه صعبه ومش هتقدرى عليه من صغره كده وهتروحى تشيلى مسئولية ابنه ..انا اختى مش مربيه ولا خدامه عشان تروح تربى عيل مش ابنها

-وانا مالى ومال ابنه انا ليا دعوه بيه بس

=ازاى ده بقى إذا كنتى انتى عارفه انه عايز يتجوز تانى عشان ابنه تروحى تقولى مليش دعوه بإبنه ازاى ده بقولك ايه قفلى على الموضوع ده لأحسن باباكى يسمعك مش عايزين مشاكل وجهزى نفسك عسان هنروح لخالك بكره

-نعم اروح اباركلها كمان واقولها مبروك اخدتى جاسر منى

=مايااا قولنا اقفلى على الموضوع ده وانسيه فاهمه

بصتله مايا بغيظ وسكتت وعلى وشها نظرات وعيد

"عند غزل *

كان جاسر لسه قاعد فى البلاكونه وخلص السي.جارة ودخل ينام بس لقى غزل صاحيه وقاعده فى السرير وعنيه منفخه وحمرا وشعرها منكوش

بصلها بإستغراب وكمل ببرود

-انتى متخمدتيش ليه انا مش بعيد كلامى

=مش عارفه انام

-وده من ايه ان شاء اللّه

=انا مبعرفش انام غير لما ماما تيجى تمشى ايديها على شعرى قبل ما انام

-واجبهالك منين دلوقتى نامى وبطلى دلع بنات ..مش لايق عليكى

-‏بصتله غزل بدموع وحطت راسها على المخده واتغطت

وحاولت تمنع دموعها و تنام بس بالها كله فى بيتها واهلها

*يا ترى مستنيكى ايه تانى يا غزل *

نامت غزل بعد محاولات كتيرة وجاسر كان بيبصلها بنظرات غير مفهومه وبعدين راح ينام

*تانى يوم

صحيت غزل وهى بتتاوب وعنيها منفخه بسبب الارق والنوم متأخر بصت جمبها ملقتش جاسر اخدت نفسها براحه وقامت دخلت الحمام اخدت شاور وغيرت هدومها وقررت تروح تشوف داوود الصغير فى اوضته خبطت على الباب ودخلت ودى كانت اول مرة تدخل اوضته ركزت فى الاوضه كانت كبيره وفيها العاب كتير بس اغلبية اللعب كانوا ليهم علاقه بالشرطه والضباط ااه يا جاسر هتعقد الواد وهو فى السن ده بس ايه ده مش المفروض الاوضه دى يبقى لونها ازرق اشمعنى لونها موڨ ولا كانوا فاكرينه بنت ما علينا ..داوود ...داوود انت فى الحمام

مفيش رد ، بس هدومه وشنطته هنا امال هو فين

بعد شويه سمعت صوت باب الحمام بيتفتح بص لقت داوود فتح الباب وطلع راسه من جوه وهو بيبصلها بنظرة استفهام وخوف فى نفس الوقت

=اا احم خلصت حمام

-انتى عايسه ايه

=ابدا كنت جايه اجهزك للحضانه

-بس انا بعرف اجهس لوحدى

=امم طب.. اجهز شنطتك

-جهستها

=امم طب بالنسبه للفطار

-هلبس وانسل اكل مع جدوو

=امممم ما انت ابن جاسر هقول ايه يعنى

-ممكن تنسلى بقى

=ها ليه

-عسان البس الهدوم

=اوك البس وانا هستناك برا اوك

طلعت غزل وقفلت الباب شويه وبعدين بصت من وراه تشوفه هيعرف يلبس ولا لا بس فاجأها انه بص ناحية الباب وجه قفله وهى رجعت ورى وهى مصدومه وبتضحك على تصرفه

= اااه شكل الموضوع هيبقى صعب

نزلت غزل تحت تسأل الشغالين على انواع الاكل الى داوود بيحبها والى بياخدها معاه الحضانه وجهزت سفرة الفطار عشان يفطروا سوى

-صباح الخير يا غزل يا بنتى

=صباح النور يا بابا اتفضل الفطار جاهز وداوود كمان شويه وهينزل

-تمام امال جاسر فين

=ااا..بصراحه مش عارفه انا قومت ملقتوش

-اه يبقى عمل الى فى دماغه برضه وراح الشغل معلش يا بنتى هو بيحب شغله اوى انتى اكيد عارفه

=عارفه اكيد متقلقش عليا انا بتعود بسرعه

نزل داوود وصبح على جدو وباسه من خده

-تعالى يا حبيب جدو اقعد يلا عشان تروح الحضانه

-جدو هو بابى فين

-ااا بابا راح الشغل يا حبيبي السواق هيوصلك

-طيب يا جدو

لاحظت غزل ان داوود زعل لان جاسر مش هيوصله

=طب ايه رأيك اروح معاك اوصلك

-اه صح ايه رايك يا حبيب جدو ماما غزل هى الى توصلك النهارده

بصلها داوود شويه بتردد : لا انا عايس بابى هو الى يوصلنى بس خلاص هروح مع السواق

بصت غزل لحماها بتوتر وهو بصلها بإحراج من كلام داوود

-احم طب ايه الفرق يا حبيبي لو غزل الى وصلتك دى زى ماما برضه

بصلها داوود شويه واخد شنطته وسابهم وخرج

-غزل روحى وراه ووصليه اه واجهزى عشان عندنا ضيوف النهارده اختى وجوزها وأولادها معزومين على العشا

-=تمام حاضر يا بابا

-‏مشيت غزل وهى متضايقه : كان ناقصنى طنط الحر*بايه دى كمان حاسه ان جيتها مش هتبقى خير

جريت غزل وركبت فى العربيه جمب داوود

-حضرتك جايه معانا

=ايوه يا اخويا جايه معاكم عندك مانع

-جاسر بيه عنده علم بكده

=نعم.. داوود بيه عنده علم فيه مشكله يا استاذ

-لا ابدا متأسف حضرتك

=اتفضل اطلع يلا ..كانت نقصاك انت كمان

بصت غزل لداوود وكان قاعد ساكت تماما فحاولت تكلمه وتلطف الجو بينهم

=هى الحضانه بتاعتك بعيده عن هنا

-لا

=امم طب انت ليه بتحب بابا هو الى يوديك بالذات

بصلها داوود وسكت وبان عليه الزعل ومردش

سكتت غزل وقررت متضغطش عليه لعند ما يوصلوا

-------------

=نعم خرجت ازاى يعنى واستنيتها تخرج ولسه جاى تقولى

-يا فندم حضرتها خرجت بعلم الباشا

-اقفل ..اقفل وحسابك معايا بعدين اقفللل

طيب يا ست غزل اما اوريكى اخرة الى بيلعب معايا

-----------------

بعد شويه وصلوا للحضانه ونزل داوود من العربيه علطول غزل نزلت بسرعه وراه

=استنى يا داوود ..انت يابنى ..ايه الواد ده

راحت وراه ومسكته قبل ما يدخل وقعدت قدامه

=انت بتجرى ليه ها مش قولت هندخل سوى

-انا مس عايسك تدخلى معايا

=وده ليه بقى ان شاء الله مستعر منى

بصلها وهو مش فاهم ومردش

=طب قولى مش عايز ادخل معاك ليه

حط راسه فى الارض بزعل ومردش عليها

=طب ليه عايز بابا هو الى يوصلك قولى لو قولتلى هخليه يوصلك علطول

بصلها داوود وبعدين بص حواليه واتكلم

-كل اصحابى هنا بابا وماما بيوصلوهم علطول وانا لا عسان كده عايس بابا يجي معايا عسان يسوفوا ان عندى بابا سيهم (زيهم)اتأثرت غزل وحاولت تبقى طبيعيه

=طب ..طب ايه رأيك تعتبرنى زى ماما انت مش ناقص عنهم فى حاجه يا حبيبي بالعكس انت عندك بابا وعندك جدو وعندك انا صح

-بس انتى مس ماما انتى غسل (غزل)

=طب بلاش ماما اقولك ..اعتبرنى صاحبتك ايه رايك

-بس انا اصحابى صغيرين انتى كبيرة

=تانى يا ابن جاسر ..ما علينا جرب مش هتخسر حاجه صدقنى

بصلها داوود بقلق ومش عارف يرد مدتله غزل صابعها الصغير

=اوعدك ..يلا وعد الصابع ..يلا مش هتخسر حاجه

بصلها داوود وبعدين بص لصابعها ومد صابعه ليها

ابتسمت غزل على طفولته وبعدين مسكت ايده ودخلت من البوابه

-على فين حضرتك

-ايوه حضرتك فيه ايه بدخل ابنى فيه مشكله

=داوود ابن حضرتك انا متأسف جدا يا فندم معرفش انك والدته اصل..

-انا هدخل معاه بعد اذنك

=انا متاأسف بس اولياء الأمور مبيدخلوش

كانت لسه غزل هتعلى صوتها وتتخانق معاه بس داوود شد ايديها فبصتله تشوف عايز ايه قربت منه

-محدس بيدخل جوه حتى بابى مبيدخلس بيفضل هنا

=وده ليه ان شاء الله دى حضانه ..طب خلاص ادخل انت وانا همشى تمام

جه يمشى غزل نادته وهو بصلها ورجع

نزلت غزل لمستواه وباسته من خده

=خلى بالك من نفسك تمام

بصلها داوود شويه ببراءة وتفاجئ وبعدين دخل الحضانه

=وأدى طوبة الأساس الأولى

رجعت غزل البيت مع السواق ودخلت المطبخ تسأل الشغالين عن الاكل الى هيتقدم وتعرف الضيوف هيوصلوا امتى عشان تجهز نفسها بس بعد ما خرجت سمعت الشغالين بيتهامسوا بعد ما مشيت فوفقت تسمعهم

-اه لو تعرف هى بتعمل الضيافه دى لمين لو تعرف مش هتعمل كده

-بس احنا ملناش دعوه احنا هنا نعملى الى مطلوب مننا بس غير كده ما ندخلش فى حاجه

-ايوه ما احنا هنشوف كل حاجه بليل

قلقت غزل وكانت عايزه تدخل تسألهم بيتكلموا عن ايه بالظبط بس رجعت فى كلامها وراحت تشوف حماها

------------------

-ها يا مايا جهزتى

_ايوه يا مامى جهزت

-ايه الى انتى لبساه ده يا مايا

_ايه يا مامى ماله لبسى ثم عاجبنى ايه المشكله

-انتى ناويه على ايه بالضبط قولنا اقفلى على الموضوع ده وروحى غيرى عشان اخوكى ميشوفكيش كده

-مش مهم بابى لو شافنى مش هيقول حاجه على فكره ثم انتى فكرانى بعمل كده عشان مراته مثلا دى مش من مستوايا اصلا عشان اعملها قيمه

-‏مقولناش حاجه بس على الاقل نبان احنا ارقى شويه منها ثم خالك مش هيعجبه لبسك فبلاش

-‏مامى انا مش هغيره ده بس عشان تعرف قيمتها كويس وتعرف كان هيتجوز مين عشان متتغرش فى نفسها دى

-------------------

-ها يا غزل يا بنتى كل حاجه جهزت

=ايوه يا بابا هم هييجوا امتى

-زمانهم على وصول انا كلمت جاسر عرفته عشان يبقى معانا على العشا

=تمام ...اانا كنت عايزه اسأل هى اخت حضرتك ومين تانى يعنى عشان اعرف العيله وكده

-هو بخصوص العيله فمفضلش غيرى انا واختى ولينا اخ تانى بس مسافر برى مصر مبينزلش غير فى الاعياد فضلت انا واختى سميرة لعند ما جوزتها صاحب وزميل ليا واطمنت عليها وبعدين اتجوزت انا كانت هى جابت يوسف ابنها الكبير وكان على ايديها وانا ربنا كرمنى بجاسر وبعدها جت مايا بنت اختى

وقفت غزل هنا

=مايا

-ايوه جت بعد جاسر بسنتين

=(امم يعنى داخله على التلاتين ) ومتجوزه بقى

-لا لسه متجوزتش هى طبعا البنت الوحيده الى كانت فى العيله فكلنا كنا مدلعينها بقى

=(امم قلبى مش مرتاح برضه ) تقريبا شوفتها فى الفرح بس مش فاكره ملامحها كويس

-دلوقتى تعرفيها وهتبقوا اصحاب كمان

=(يارب نبقى كده فعلا قلبى مش متطمن ) ان شاء الله

بعد شويه جه داوود من الحضانه وغزل اقنعته واخدته عشان يرتاح ويغير هدومه على لما الضيوف يوصلوا

* بعد فتره من الوقت *

جم الضيوف واستقبلهم ابو جاسر بحراره وقعدوا وساعتها غزل نزلت وكانت لابسه دريس بيج وطرحه وشكل لبسها سيمبل وجذاب فى نفس الوقت

- تعالى يا غزل سلمى على الضيوف

دخلت غزل عشان تسلم عليهم واول ما عينها جت على مايا اتصدمت من لبسها .....يتبع

*اهو ده بقى المرار الطافح الى بجد يا غزل *

تكملة الرواية هنااااااااا

اكتب في بحث جوحل( مدونة قصر الروايات) تظهر القصص كامله

تابعونا علي قناة التليحرام من هنااااااااااا

ليصلكم اشعار بالنشر

الرواية كامله من البداية من هناااااااااااا

قصر الروايات

القائمة الرئيسية

الصفحات

تابعنا من هنا

رواية انت الترياق البارت 1-2-3-4-5بقلم هايدي احمد كامله

أخر المواضيع من قسم : قصص حديثه

تعليقات

إرسال تعليق