رواية انت الترياق البارت 11-12-13-14-15بقلم هايدي احمد كامله

رواية انت الترياق البارت 11-12-13-14-15بقلم هايدي احمد كامله 

رواية انت الترياق البارت 11-12-13-14-15بقلم هايدي احمد كامله 

البارت ال11 من #انتِ_الترياق

بصله جاسر بصدمه من كلامه وبص للسواق عشان ياخده يرجعه العربيه 

- متخافش يا حبيبي ماما غزل مش هتمشى مين قالك كده مش انت لما بطنك بتوجعك بتروح للدكتور اهو ماما غزل كده هى كويسه و هتروح معانا يلا يا حبيبي روح مع عمو سامى و استنانا عشان نروح

كان جاسر متابع والده وكلامه و بيتمنى الأمور تبقى بسيطه كده زى الكلام بعدها مشى داوود مع السواق وفضل جاسر ووالده  مستنين الدكتور يطلع من العمليات وحازم استأذن من جاسر يمشى و هيرجع تانى اما جاسر ووالده كانوا قاعدين  كل واحد فى جمب لعند ما قطع الصمت جاسر وهو باصص فى الفراغ قدامه

=انت الى وصلتنى لهنا 

بص والده ليه بإستغراب من كلامه بصله جاسر 

=ايوه انت الى وصلتنى للى انا حاسه دلوقتى 

سابه جاسر وقام مشى ووالده بينادى عليه عشان يستنى بس مسمعهوش وكمل مشى لبرا اما والده بقى مستغرب من كلامه الى قاله ومش فاهم قصده 

…………………………………………………………………………..

-ها خلصتم يا ابنى 

-ايوه يا حازم باشا المكتب مفيهوش حاجه  اتسسبت فى حريق بس لقينا بواقى الازاز  ده

-ايه دول ..طب وديهم على المعمل الجنائى يتحللوا لعند ما اشوف الكاميرات الى حوالين القسم 

-حاضر يا فندم

راح حازم يفرغ الكاميرات الى حوالين القسم وفى كل الجهات لعند ما شاف الولدين  الى رموا الحاجه بس كانوا متخفيين وبعد ما خلصوا ركبوا موتسيكل ومشيوا بسرعه 

-كبر الصورة دى عايز اعرف نمرة الموتسيكل ده... تقلبوا الدنيا عليه سامعين 

……………………………………………………………………………

كان جاسر واقف قدام المستشفى بيدخن وباصص فى الفراغ بعد شويه جه حازم 

-ايه مالك واقف بره ليه 

=مفيش ها عملت ايه 

-زى ما اتوقعت بفعل بفاعل وبندور عليهم 

=عليهم ..هم كام واحد 

-اتنين ملثمين وبندور على الموتوسيكل الى كانوا راكبينه 

اتكلم جاسر وهو بيجز على سنانه 

=يتجابوا من تحت الارض النهارده قبل بكره 

-متقلقش هيكونوا فى القسم النهارده

=لا..دى تصفية حساب تبعى انا

بصله حازم بفهم وهز راسه 

بعد شويه دخلوا يسألوا على غزل كانت خرجت من العمليات واتنقلت لأوضه الانعاش راح جاسر للدكتور الى متابع حالتها يساله عنها 

-اتفضل يا استاذ حضرتك زوج المدام غزل 

=ايوه حضرتك طلبتتى

-انا طبعا كنت هبلغ عن الحادثه دى بس بما ان حضرتك ضابط تقدر تتعامل مع ده لان الدخان او الغاز نفسه عباره عن سم 

=ايوه متفهم احنا لسه بنحقق فى الموضوع ..طب هى حالتها مستقرة دلوقتى 

-للأسف لا هى اتعرضت لتسمم وتورم فى الرئة وده بسبب كميات الغاز الكتير الى استنشقتها احنا عملنا الازم وحطيناها تحت المراقبه لانها معرضه للدخول فى غيبوبة 

=طب اقدر ادخل اشوفها 

-للأسف ده ممنوع دلوقتى لازم نستنى على الاقل ٢٤ ساعه لان اى تصرف مننا ممكن يرجعنا لنقطة الصفر فمن الافضل اننا نمنع الزيارة على الاقل دلوقتى 

اتنهد جاسر بضيق وحاول يتكلم بطريقه طبيعيه

=تمام يا دكتور بعد اذنك

طلع جاسر من عند الدكتور وهو متضايق 

-خير يا جاسر  هى كويسه

=الدكتور قال انها..تحت المراقبه ال٢٤ ساعه الجايين وممنوع عنها الزيارة

اتكلم والد جاسر بقلق

-طب ليه مانع الزيارة لما هى بقت كويسه

عشان الاكسجين وخصوصا انها متسس.ممه فده هيأثر عليها 

-خير ان شاء الله يا جاسر 

=تسلم يا حازم تعبتك معايا اوى النهارده تقدر تروح انت 

-ايه تروح دى انت بتطردنى ولا ايه وبعدين تعبتنى فى ايه ده ولا حاجه جمبك يا صاحبي بس ابقى خف ايدك عليا ها 

ابتسم جاسر عليه وهو مش قادر يبقى على طبيعته معاه فجه حازم طبطب على كتفه يطمنه 

-ما تاخد عمى وتروحوا ترتاحوا شويه 

=لا انا عايزك تاخده انت وتروحوا يلا 

-هنسيبك هنا ازاى لوحدك 

=متقلقش يلا امشوا انتم 

سابهم جاسر وفضل حازم يقنع فى والد جاسر عشان يروحوا وجاسر هيفضل هنا وخصوصا عشان داوود ميفضلش لوحده فى البيت 

عدى يومين كاملين على غزل ولسه مفاقتش وحالتها مش مستقره واليومين دول عدوا على جاسر ببطئ ومكانش بيروح شغله وكل شويه يسأل الدكتور عليها وحازم كان بيجى يقعد معاه لعند ما دخلوا فى اليوم التالت وجاسر زهق وراح للدكتور تانى 

-اتفضل يا استاذ جاسر 

=حضرتك قولتلى ٢٤ ساعه من تلت ايام ولسه مفيش نتيجه 

-يا استاذ جاسر انا فهمت حضرتك ان الوضع مش مستقر واحتمال انها تدخل فى غيبوبه فمن الافضل اننا نستنى لعند ما حالتها تستقر وننقلها أوضه عاديه 

=طب انا عايز اطمن عليها على الاقل او اشوفها حتى لو

 خمس دقايق

-صدقنى يا استاذ مينفعش ده ف ....

=هو ايه الى مينفعش بقولك هشوفها خمس دقايق واطلع مش هيحصل مشكله عشان خمس دقايق

-يا فندم ارجوك تهدى قولت لحضرتك مينفعش 

اتعصب جاسر اكتر وقام 

=وانا قولت هشوفها يعنى هشوفها انا مش مطمن للى بتقوله 

مشى جاسر بعصبيه والدكتور جرى وراه عشان يلحقه قبل ما يدخلها ونده على الامن وجم مسكوه قبل ما يدخل عند غزل وجه والده وحازم 

=سبنى منك ليه انتم اتجننتم هتندموا على الى بتعملوه ده 

بدأ يخاف الامن بسبب نظرات جاسر ليهم وبسبب جسمه الرياضى 

جه حازم بسرعه وزعق فيهم 

-نزل ايدك منك ليه ده الرائد جاسر الإيبارى ده يوديكم فى داهيه متلعبوش فى عداد عمركم 

خافوا الأمن ونزلوا ايديهم بسرعه وبصوا للدكتور لانهم مش هيعرفوا يعملوا حاجه 

=قلت هدخل وابقوا شوفوا مين الى هيمنعنى

-يا فندم قلت حضرتك مينفعش لو سمحت يا فندم -حضرتك والده 

-ايوه 

-حضرتك انا فهمته انه ممنوع الزيارة وان ده خطر على حياة المريضه بس مش راضى يسمع منى وعايز يدخل بالعافيه ارجوك اتصرف معاه والا هضطر اعمل ضده محضر 

-انت مسمعتش بقولك رائد محضر ايه 

-حضرتك مش هتفرق رائد ولا عقيد القانون هو القانون دى حياة مريض ومسئوله منى 

-جاسر فيه ايه هو شغل عيال الدكتور بيقولك خطر عليها طب حتى عشانها هى ايه عايز تموتها

جاسر بص لوالده شويه بدون تعبير وجمود وسابهم ومشى فراح وراه حازم 

بص عليه والده بقلة حيله وشكر الدكتور ومشى 

خرج جاسر وهو بيضغط على ايده بغضب وطلع سجا،ير 

جه حازم من جمبه وهو بيهديه 

-انا عارف انت مصمم تشوفها ليه صدقنى متقلقش هتبقى كويسه انت ملكش ذنب صدقنى كله قضاء وقدر من ربنا ربك الى عايز كده عمرك ما كنت هتنقذها طلاما ربك ليه حكمه تانيه اسمع منى ينفع الفيلم الهندى الى عملته جوه ده ههه يابنى روق كده هنستنى زى ما قال الدكتور ابن ال..ده وان شاء الله تبقى كويسه 

بص جاسر قدامه وهو بيتنهد وبيدخن وفيه كذا حاجه فى دماغه

.……….............................................................

=امم يعنى فى غيبوبه

-هو مش بالضبط بس الى وصلنى انها مفاقتش يبقى اكيد غيبوبه بس انا مش عارف ايه الى حصل بالضبط خلاها توصل للمستشفى 

=بسيطه نعرف من خالو

-عرفت ان جاسر مبيروحش البيت قاعد جمبها 

بصتله مايا بضيق من كلامه وبعدين عنيها لمعت وابتسمت بخبث 

-الابتسامه دى وراها مصيبه 

=لا لا مصيبه ولا حاجه دى انسانيه 

-انسانيه برضه 

=ايوه طبعا واحد مرراته تعبانه وابنى خالى لازم اقف جمبه طبعا يلا قوم البس عشان هنروح المستشفى 

-لا بقولك ايه طلعينى انا من الموضوع ده خالص ده لو شافنى احتمال يحبسنى 

=انشف كده مالك هيعملك ايه يعنى فى المستشفى وبعدين مش هيبقى فاضيلك عشان انا هكون معاه 

يلا يلا قوم عشان منتاخرش اصل زيارة المريض واجب 

-ونعم الزيارة 

........……………………………………………….……………………..

فضل جاسر قاعد يحرق فى سجا.ير وحازم معاه لعند ما جه والده عليهم وكان متضايق 

-ينفع الى حصل جوه ده وشاطر بس تقول الرائد والضابط دى تصرفات ضابط دى ولا تصرفات بلطجيه بصله جاسر ومردش عليه 

وحازم قام يهدى والد جاسر 

-يا عمى انا عارف ان تصرفنا غلط بس برضه نعذره الدكتور قال يوم واحد واحنا فى اليوم التالت ده معناه ان فيه حاجه غلط 

-فيه حاجه غلط يبقى نتكلم بالعقل مش بالدراع ثم هو قال ان فيه خطر عليها يبقى نستنى عايز تضيع ده كله ونرجع للصفر 

=انا مغلطتش ومحدش يزود معايا كلام والا هقوم اكسر المستشفى دى كلها وبرضه هدخل اشوفها ومحدش هيمنعنى 

اتنهد والده بقلة حيله 

-ربنا يهديك يابنى ربنا يهديك 

سابهم ومشى وجاسر اخد نفس من السيجارة ورماها بعصبيه وحازم قعد جمبه تانى

-ايه ده شوف مين جاى 

بص جاسر بعدم اهتمام وكانت مايا جايه لابسه لبس بيظهر مفاتنها ووراها يوسف وهو متوتر من مقابلة جاسر 

-هى دى بنت عمتك الرقا...احم هى كان اسمها مايا صح

=امم وده الخرو*ف اخوها 

اخدت بالى خلاص 

جت مايا وهى مبتسمه 

-جاسر عامل ايه وحش...احم الف سلامه عشان ..غزل هى ..كويسه دلوقتى 

=اه كويسه انتم بقى..عرفتم منين 

-ااا..من خالو طبعا اصل مامى كانت بتتطمن عليكم وكده وخالو قالها 

=ااه خالو 

بص جاسر ليوسف بضيق الى كان بيتهرب من نظراته وهو متوتر 

=طب يا جماعه شكر الله سعيكم اتفضلوا 

-لا طبعا انا هفضل معا..قصدى يعنى هنتطمن الاول عليها وبعدين نمشى ولا عندك مانع 

=المستشفى عندكم انتم حرين يلا يا حازم

اخدت مايا بالها من حازم وهو بيقوم وقعدت تبصله من تحت لفوق وهى بتفصصه وطبعا حازم كان متجاهلها تماما وده من لبسها 

-يلا يا كبير 

دخل جاسر وحازم وطبعا مايا شدت يوسف بسرعه واخدته عشان يلحقوهم ودخلوا 

وصل جاسر عند والده ولقى فيه ممرضه بتجرى لجوه اوضة غزل فأتخض وجرى يشوف فيه ايه بس منعوه من الدخول 

=اوعى انت وهو انا عايز ادخل 

-مينفعش يا استاذ ده فيه خطر على المريضه

=بقولك وسع من وشى ايه ايه الى بيحصل 

خرجت ممرضه من جوه 

-فى ايه ايه الدوشه دى حضرتك عايز ايه 

=المريضه الى جوه مالها بتجروا ليه 

-للاسف المريضه قلبها وقف واحنا بنحاول نسعفها 

=ايه ....

-انتى لسه واقفه مكانك فين الى طلبته منك 

-اسفه يا دكتور هجيبهم حالا

-حضرتك تانى.. اروجوك بلاش دوشه 

=اسمع لو حصلها حاجه مش هرحمك سامعنى 

بصله الدكتور بقلق ودخل تانى الاوضه وبعده الممرضه وهى بتجرى وجاسر متابعهم بخضه وكأن اتكب عليه ميه ساقعه 

فى الوقت ده حازم كان بيتكلم فى التليفون وخلص وكان رايح لجاسر بس خبط فى مايا 

=ايه يا متخلف مش تفتح 

-متخلف ..الكلام ده ليا انا 

=امال لخيالك ايه العالم دى 

وقف حازم وبصلها بجمود ومردش عليها واتمالك اعصابه 

=انت يا اسمك ايه.. انت 

بصلها حازم بإستنكار بطرف عينه قبل ما يمشى 

=هو جاسر فين 

-وانتى مالك 

=هو ايه الى مالى بقولك فين خلص 

بصلها حازم بقرف وسابها ومشى 

=ايه ده هو اتجاهلنى ومشى الحيو.ان هو فاكر نفسه مين عشان يتجاهلنى انا والله لاوريه 

مشى حازم وهو متعصب وكلامها بيرن فى ودانه 

-ملحوقه مهى لو كانت عندى فى القسم كنت ظبطها وعرفتها مقامها كويس السحليه دى 

وقف حازم لما شاف جاسر قاعد محاوط راسه بإيده ومتضايق ووشه مخطوف جرى عليه بسرعه 

-فى ايه قاعد كده ليه حصل حاجه 

= قلبها وقف 

-ايه 

قاطعهم خروج ممرضه راحلها حازم بسرعه 

-ايه الى حصل 

-متقلقش يا استاذ معنى ان قلبها يقف يبقى ده مؤشر انها بتصحى من الغيبوبه احنا دلوقتى بنعملها اللازم استنوا الدكتور

قعد حازم جمب جاسر 

-فى امل انها تصحى متقلقش مش هيحصلها حاجه

=هى لازم تعيش لازم تعيش 

بصله حازم بحزن لانه فاهم قصده وربت عى كتفه عشان يطمنه 

بعد شويه خرج الدكتور وهو بيشيل الكمامه وجاسر قام جرى عليه 

-الحمدلله يا استاذ جاسر المدام بخير وفاقت من الغيبوبه دلوقتى هننقلها اوضه عاديه وتقدر تشوفها زى ما انت عايز بس بلاش الضغط عليها يا جماعه لعند ما تشد حيلها واهم حاجه ليها دلوقتى هى النفسيه نبعد عنها الزعل تماما بعد اذنكم 

وربت على كتف جاسر وهو مبتسم 

-الحمدلله على سلامتها 

ارتاح جاسر وحس ان فيه حجر اتشال من على قلبه لما عرف انها بقت كويسه 

-الف مبروك عدت الحمدلله

=الحمدلله ..اتصل بابويا عشان يطمن 

-اذا كان كده ماشى 

وده كله تحت نظر مايا الى كانت بتغلى وجه من وراها يوسف

-ايه مالك واقفه كده ليه

=اتفضل اهى صحيت من الغيبوبه هنعمل ايه 

-ولا اى حاجه هنروح لجاسر ونمشى 

=امشى واسيبه معاها انت بتستهبل

-خلاص ادخلى ياختى ورينى هتعملى ايه 

سابته مايا وراحت قعدت جمب جاسر وحطت ايديها على كتفه وقالت من تحت سنانها 

-حمدالله على سلامتها يا جاسر خلاص بقت كويسه متقلقش

شال جاسر ايديها براحه عنه 

=شكرا يا مايا تقدرى تروحى انتى و  .. الاستاذ تعبناكم 

-لا تعبتنا ايه احنا او.. انا هفضل معاك يعنى لعند ما نطمن عليها 

وحطت ايديها على كتفه تانى وكانت لازقه فيه وشويه وهتنام على كتفه 

لعند ما جه حازم بعد ما كلم والد جاسر وبصلها بإشمئزاز وراح شال ايديها وقومها من مكانها وجاسر بصله بإستغراب وهى كانت متفاجئة من عملته وبعدين قعد مكانها 

-انت ازاى تمسكنى كده مين سمحلك 

-اسف يا انسه اصل ده مكانى مين سمحلك انتى تقعدى هنا 

-نعم 

-ايوه وبعدين 

حط ايده حوالين جاسر وحضنه وجاسر بصله بتفاجئ 

وكمل 

-دى شغلتى انا من الاول انتى جيتى متأخره صح يا كبير 

بصله جاسر وحاول يخفى ضحكته من تصرفه 

بصتله مايا بصدمه وغيظ غى نفس الوقت ودبدبت رجليها فى الارض 

-واحد قليل ذوق بجد 

ومشيت وهى شايطه راحت ليوسف وشعرها بيطير وراها من الغيظ 

ضحك حازم عليها وقال بتريقة 

-انت واحد قليل ذوق بجد 

ضحك جاسر 

=والله يابنى ضحكتنى وانا مليش نفس ايه الى انت عملته ده  مالك ومالها

-ياخى مضيقانى من ساعة ما شوفتها لا وخبطت فيا من شويه وهى الى مش مركزه وشتمتنى انا عبيطه البت دى 

=ما علينا سيبك منها مسكتوهم 

-ايوه كله فى السيليم عيب عليك وراك رجاله 

=طب بمناسبة الرجاله شيل ايدك دى وابعد شويه عشان انت بقيت شبه مايا كده 

-ايه ده استغفر الله ايه يا عم ده 

=طب قوم يا اخويا روح شوف ورانا ايه زمان القسم بايظ وهاخد جزا انا وانت 

-قولتلك كله تحت السيطره نطمن على مراتك الاول

بص جاسر قدامه بشرود وبعد شويه كان عندها فى الاوضه كان لابس لبس المستشفى ومتعقم ولابس كمامه دخل براحه وراح قعد جمبها حط ايده براحه على خدها وملس عليه برقه وهو باصص لكل تفصيله فى وشها وبعدين مسك ايديها براحه وشدد عليها وهو حاسس بحاجه غريبه واتكلم بضعف 

=مش عارف انتى دخلتى حياتى بالسرعه دى ازاى  جيتى ورجعتيلى احساس خلصت منه من زمان وكنت قربت انساه وارتاح بس رجعت احس بيه تانى مش عارف ده صح ولا لا بس الى اعرفه انه اكيد خطر عليا انتى ..مش لازم تفضلى... طول ما انتى موجوده هفضل احس بيه طول الوقت ومش هقدر انسى وجرحى كل مادا هيزيد بوجودك 

ركز جاسر فى ملامحها وبرائتها وهى نايمه بس وشها خاسس وباين عليه البهتان من التعب قام وهو بيحط ايديها جمبها براحه بس غزل كانت مشدده على ايده وهو بيسيبها وكانت ايديها متلجه حس جاسر انها خايفة من حاجه ملس على ايديها براحه وبعدين قعد يمشى ايده على راسها براحه عشان تهدى فضل يعمل كده شويه لعند ما بدات تهدى وايديها ترتخى ساب ايديها وبعدين خرج من الاوضه 

(يمكن اشارة لبداية جديده بس مجهوله منعرفش صح ولا غلط فى الآخر كله مقدر ومكتوب )

-ها يابنى صحيت 

=لا لسه مش هتفوق دلوقتى 

-هر دخلت فى غيبوبة تانى ولا ايه 

=لا بس ده طبيعى لانها مرهقه ولسه هترد عافيتها 

-طب الحمدلله خير المهم انت اتطمنت 

بصله جاسر بشرود 

=مش عارف حاسس بحاجه غلط او يمكن اللخبطه دى جوايا انا بس 

-لا مش معقول جااسر متلخبط بتهزر اكيد 

=ياخى بطل رخامه انا غلطان انى بتكلم معاك 

-لا خلاص خلاص ده انا ما صدقت تفتح بوقك تعالى 

اخده وقعدوا سوى وبعد شويه جه والد جاسر 

جاسر اتغاضى وجوده وقام عشان يمشى 

-جاسر 

وقف جاسر بضيق وبصله 

-قولى هى عامله دلوقتى كويسه 

=ادخل شوفها بنفسك انا رايح البيت وهبقى اعدى عليكم 

-تعدى علينا ليه انت رايح فين 

عندى شغل 

-وشغلك مينفعش يتأجل لعند ما مراتك تخف 

=لا ..مينفعش يتأجل يا سيادة اللواء سيادتك ادرى 

بصله والده بتوتر شوية من كلامه لانه فهم قصده 

سابه جاير بضيق ومشى 

بص عليه والده بحزن 

-شكلك عمرك ما هتنسى يابنى ..ربنا يهديك 

دخل والد جاسر عند غزل اطمن عليها وبعدين راح للدكتور يطمن اكتر عن حالتها 

فى الوقت ده وصل جاسر البيت وطلع اوضته ياخد شاور ويغير هدومه بعد شويه طلع جاسر ولبس هدومه وبعدين اخد مفاتيحه وسلاحه وراح يبص على داوود فى اوضته لقاه قاعد بيلعب على التليفون 

=بتعمل ايه 

-ها م.م مبعملس حاجه 

=طب قوم البس عشان هتروح لجدك المستشفى

-هى غسل مس هتيجى 

بصله جاسر بطرف عينه 

=لا هتيجى بكره قوم متتأخرش

قام داوود بسرعه ولبس وبعدين نزل لجاسر تحت والداده ركبته العربيه 

واخده وراح للمستشفى فى هدوء تام

بعد شويه وصلوا المستشفى وجاسر دخل داوود لجدو 

=انا همشى عشان ورايا شغل هبقى اجى بليل لو حصل حاجه ابقى كلمونى 

مشى جاسر واتصل على حازم

=ها كله جاهز 

-من زمان فينك 

=فى الطريق 

بعد نص ساعه وصل جاسر لمكان شبه مهجور وفيه مخزن كبير نزل من العربيه وهو لابس نضارته وقابه على الباب حازم وبعدين دخلوا جوه

كان فيه جوه رجاله كتير وفى النص الولدين السبب في الى حصل لغزل 

بصلهم جاسر وقلع النضاره وضيق عينه عليهم وركز اكتر على واحد فيهم وده الى كان عايز ينتقم منه وسأله بإستفهام 

=انا شوفتك قبل كده ياض انت 

-ايه مش فاكرنى يا جاسر بيه ..غريبه 

=انطق يلا من غير لف ودوران شوفتك فين 

-مع انك بتفتكر كل حاجه ومفيش حاجه تخفى عنك يا باشا انا اخو محسن الى انت السبب فى مو.ته ..محسن الواد الى مسكته فى #### ايه مش فاكره ده كمان 

=اممم افتكرتك ..وانت بقى جاى تكمل مسيرته وعايز تم.وت مو.ته.. لو عايز انا جاهز 

-مانا عارف انك جاهز يا باشا وانا معدش يهمنى 

مسكه جاسر من لياقته 

=وانت بقى جاى من نفسك ولا حد زقك عليا يلا انطق 

-لا متقلقش انا جاى بنفسي عشان اخد حقى وحق اخويا بايدى واظن انه حصل انا عرفت ان الى كانت هناك تبقى مراتك لو كنت اعرف انها مراتك من الاول كنت عملت معاها الواجب اكتر من كده يا باشا ومو.تهالك خالص 

ض.ربه جاسر  وهو متعصب من كلامه 

=ده انت ليلة ام.ك سوده ومش هتطلع من هنا عايش ومتقلقش مش هسلمك انا هسيبك هنا تتمنى الموت الف مره ومش هرحمك وابقى اقرا الفاتحه لاخوك وليك بالمره تشاهد على روحك من دلوقتى 

مشى جاسر ونبه على جاسر انهم مش يطلعوهم و يروقوهم و يسّووه على نار هاديه 

-متقلقش من غير ما تقول يا كبير المهم روح انت شوف مراتك وابقى كلمنى وانا هروح وبكره ان شاء الله هعدى عليك 

حضنه جاسر وشكره على وقفته جمبه وبعدين ركب عربيته وراح على المستشفى 

…………………………………………………………………………..

عند غزل كانت بدات تفوق شويه شويه لعند ما فتحت عنيها براحه وضايقها النور الى جه فى عنيها وبعدين الرؤية بدات توضح عندها 

-حمدالله على السلامه يا بنتى ايه كل ده نوم مش وحشناكى 

ابتسمت غزل ابتسامه مرهقه واتكلمت بوهن 

=لا طبعا ..وحشتنونى جدا 

-طب يلا شدى حيلك وارجعى زى الاول كده بعافيتك 

=ان شاء الله

-ان شاء الله يا بنتى انا هنادى الدكتور عشان يشوفك 

=هو ...جاسر فين 

-جاسر اا عند شوية شغل هيخلصه ويجى 

اماءت راسها بحزن لانها ملاقتوش بصت شويه للسقف بعدين اخدت بالها من الكتله الصغيرة الى قاعده على الكرسي قصادها كان داوود قاعد وضامم ايديه وبيبصلها من بعيد 

=انت هنا من امتى 

-من قبل ماتسحى بسوية كنت قاعد مع جدو 

=طب مالك زعلان ليه تعالى 

بصلها داوود شويه بقلق 

=متخفش تعالى 

-اسل جدو قال ان بطنك وجعاكى وتعبانه فانا مس عايس اجى عسان مس تتضايقى 

ابتسمت غزل على لطافته وحاولت تقوم براحه على قد ما تقدر وبعدين مدت ايديها ليه 

=متقلقش انا كويسه خالص تعالى 

نزل داوود من على الكرسي وراح عندها وكانت راسه اعلى شويه من السرير بس هو شبه مش باين 

رفعته غزل بإيديها بكل قوتها وقعدته جمبها 

=ها قولى بقى عملت ايه اليومين الى فاتوا دول مين كان بيوديك الحضانه

-عمو ثامى  هو بيودينى كل يوم 

=بابى مكنش بيوديك 

-بابى مكنس بيجى البيت خالس 

=ليه 

-عسان هو كان هنا عندك هو وجدو وعمو حاسم 

ركزتت غزل فى كلامه شويه وبعدين استوعبت 

=انت شوفتهم 

-ايوه جيت هنا مع جدو وكان غضبان هو وبابى خالس وجدو قال ان بطنك بتوجعك وهتروحى للدكتور 

ابتسمت غزل وباست جبينه 

=طب وانت كنت غضبان برضه 

-اممم 

=ليه 

-عسان ...عسان انتى كنتى هتمسي سى مامى ما مست 

بصتله غزل شويه ولبرائته الى بيتكلم بيها وهو مش فاهم الى بيتكلم عنه ولسه مش هيفهمه دلوقتى 

خضنته غزل وهى بتملس على شعره 

=لا مين قالك انى همشى انا هفضل معاكم بس ..انت بتحبنى افضل معاكم ولا لا 

بصلها شويه وهز راسه ببراءه 

ضحكت غزل وباست راسه برقه بعد شويه دخل الدكتور 

-ازى حضرتك دلوقتى يا مدام حاسه بإيه 

=هو انا يا دكتور شبه مش فاكره حاجه حاسه ان بقالى سنه نايمه 

-لا ده تاثير الغيبوبه لانك بتبقى فى الاوعى 

دلوقتى نفحصك ونشوف هتخرجى امتى  وبرضه احتياطات عشان جوز حضرتك 

بصتله غزل بإستغراب وهى مش فاهمه وبعدين بصت لحماها. بعد شويه جت الممرضه تغير المحلول بتاعها و حماها خرج مع الدكتور و داوود راح وراه

=ااه ممكن براحه 

-متقلقيش يا مدام دى شكه صغيره خالص  ...اكيد اكتر حد فرح انك فوقتى هو جوزك 

بصتلها غزل وابتسمت بسخريه (فعلا فرح جدا ده حتى مجاش يشوفنى يلا قال يعني واقعين فى غرام بعض)

-ايه روحتى فين اوعى تكونى زعلتى انا مبحسدش اصل المستشفى كلها شافت حبه ليكى اليومين الى فاتوا ربنا يخليكم لبعض 

بصتلها غزل بصدمه واستغراب وهى مش فاهمه حاجه

=حبه ايه ..قولتى ايه 

-ينهار ابيض حبه بس دى حاجات كتير 

=حاجات ايه ..ايه الى حصل اليومين الى فاتوا 

-لا دى عايزه قعده ... اسمعى يا ستى

حكت الممرضه لغزل كل حاجه جاسر عملها علشانها وغزل كانت بتسمعها وهى مش مصدقه ان جاسر كان مرعوب عليها كده وانها فارقه معاه كانت بتسمعها وقلبها بيدق اكتر كل ما تسمع عنه حاجه وده اداها امل اكتر ان علاقتهم تتحسن ويبقوا زى اى زوجين 

بعد شويه خلصت الممرضه وطلعت 

بعد شويه دخل جاسر الاوضه وغزل بصت بلهفه على الباب واول ما شافته ابتسمت واتكسفت شويه لما اتخيلته وهو قلقان عليها 

بص عليها جاسر اول ما دخل شويه وبعدين اتحمحم واتكلم بصوته الخشن 

-احم .. حمدالله على السلامه

ابتسمت غزل وقالت بتوهان فى ملامحه كانها بقالها سنه مشافتوش 

=الله يسلمك ..

كان لسه هيتكلم جاسر بس غزل قاطعته بشوق

=كنت فين مشوفتكش لما صحيت 

رمش جاسر عدة مرات ولسانه اتلجم عن الكلام من طريقتها ونظرتها ليه و مكنش عارف يرد يقول ايه لعند ما فاق وهو بيهز راسه ورجع لطبيعته 

-احم ااا كان عندى شغل الدكتور كتبلك على خروج الداده بعد شويه هتيجى عشان تساعدك تجهزى نفسك ونمشى 

=تمام

كان هيمشى بس غزل وقفته بسرعه 

=رايح فين 

وقف جاسر بلخبطه شويه 

-ااا هروح اكمل اجراءات الخروج عشان نمشى ...احم عايزه حاجه 

=لا ابدا عايزه سلامتك 

بصلها جاسر شويه بذهول واخد بعضه وطلع بسرعه مقدرش يفضل (هى وقعت على راسها ولا الغيبوبة اثرت عليها ولا ايه ) 

جه حماها بعد ما جاسر خرج وفى ايده داوود الصغير 

-خلاص يا بنتى هو المحلول ده بس وبعدين هنخرج الدكتور طمنا عليكى بس عايزك لما نرجع متقوليش لاهلك على الى حصل ده لانهم قلقوا اليومين الى فاتوا وانا قولتلهم انكم لسه مجيتوش من السفر

=متقلقش يا بابا من غير ما تقول انا كمان مش عايزه اقلقهم ولا اخوفهم عليا 

-تسلمى يا بنتى ربنا يكملك بعقلك 

هنطلع نستناكى بره واشوف السواق وصل ولا لا 

=تمام يا بابا

جت الداده وقامت غزل معاها براحه لانه رجليها مش مساعداها لسه وغيرت هدومها و سندتها لعند ما خرجوا بره شافها جاسر وراح فتحلها الباب الى جمبه وركبت براحه وبعدين لبس نضارته وركب ومشيوا 

-ايه الى حصل لما انا مشيت 

بصتله غزل وهى بتفتكر وبعدين حست بخضه شويه لما افتكرت احساسها وقتها حست كأن نفسها بيروح وقعدت تكح استغرب جاسر نظرتها وعرف ان نفسيتها مش هتبقى كويسه بعد الى حصل وخصوصا لانها كانت لوحدها اخد ميه وادهالها  اخدتها منه بتعب وشربت منها بعدين سندت راسها وهى شبه مش فى وعيها 

وفضلت كده لعند ما وصلوا البيت بص عليها جاسر كانت لسه على حالتها  فاتنهد ونزل يفتحلها الباب بصتله بوهن وحاولت تنزل بس اطرافها كانت سايبه مسك جاسر ايديها وحطها على كتفه بصتله غزل شويه بعدين شدها وشالها ودخل بيها البيت كان الشغالين كلهم مستنين جمب البيت عشان يطمنوا على غزل وسلموا عليها وبعدين اخدها جاسر لاوضتهم وحطها على السرير 

وبعدين راح قلع الجاكيت بتاعه 

م=مكن تنادى الداده 

بصلها جاسر بطرف عينه 

-عايزاها ليه 

=عايزه اخد شاور واغير هدومى 

اماء جاسر براسه بتفهم من غير ما يبصلها وقلع الجاكيت بتاعه ونزل عشان يشوف الداده 

ركنت غزل ضهرها براحه واستنت الداده تيجى بس جاسر جه وهى مجتش 

ه=ى مجتش ليه 

-مشغوله تحت بتعمل اكل ليكى 

بصتله غزل بتفهم وقلعت طرحتها وقعدت تستنى وجاسر طلع يعمل شوية مكالمات بعد شويه غزل زهقت وكانت عايزه تاخد شاور عشان ريحة الادويه والمستشفى فحاولت تقول بس حست بإرهاق ورجليها مش شايلاها كان حاسر فى البلاكونه ولمحها ودخل 

-بتقومى ليه عايزه حاجه 

=مش مستحمله عايزه اخد شاور عشان انام 

بصلها بتفكير جاسر وهو خاطط ايده فى جمبه وبعدين رفع راسه وشمر اكمام القميص 

-مبدهاش بقى 

بصتله غزل بخوف وهو داخل عليها 

=ايه فى ايه 

-ايه هساعدك انا 

اييه

البارت ال 12 من #انتِ_الترياق

-اييه قولت هساعدك 

=لا شكرا انا هعرف لوحدي 

-امال مين الى كان عاوز الداده من شويه زى العيال الصغيره 

=ها مش انا ..انا هعرف اروح لوحدى 

-ورينى 

=ايه 

-ورينى هتروحى ازاى 

قامت غزل من على السرير بوهن واتسندت على السرير ووقفت على رجليها ومشيت وشويه وبدأت تحس بدوخه ووجع فى جسمها من الخمول ووقعت بس لقت جاسر شدها من ايديها وشالها مره واحده 

-لا جامده ياختى ايه الصحه دى 

اخده جاسر ودخل الحمام وهى كانت عبارة عن طمطماية من الكسوف والخجل اتكلمت بتوتر 

=طب خلاص نزلنى هنا وانا هكمل  انا 

مشى بيها جاسر ببرود ومردش  عليا لعند ما وصل للبانيو وقعدها عليه وشمر اكمام قميصه بجمود 

اتلجلت غزل من هيئته الى واقف بيها وحست انها محاصره ومش عارفه تعمل ايه 

اتحمحمت غزل وكانت لسه هتتكلم سكتها حاسر بحده وبملامح من غير تعبير 

-مش عايز اسمع صوتك لعند ما اخلص مفهوم ...مفهوووم

بلعت غزل ريقها بخوف وأماءت براسها وهو قرب منها ببرود وهدوء مميت وبدأ يساعدها وهى كانت مغمضه عنيها ومش راضية تفتحهم وجاسر بصلها بسخرية

-ايه يا مدام اول مره اشوفك فيها ولا ايه 

 وبعدين فتح الميه وساعدها وغزل كانت كتلة حمرا من الكسوف اما جاسر كان عادى خلص وجبلها الفوطه ولفها فيها وكان هيشيلها 

=كفايه خلاص ممكن بس الهدوم وانا هلبسهم 

مردش عليها جاسر كانها متكلمتش واخدها حطها على السرير وراح جابلها هدوم وبدأ يلبسها وهى بتحرك ايديها معاه بالعافيه زى ما تكون طفله صغيرة و باصه فى الارض و بتعض فى شفايفها طول الوقت وجاسر ملاحظها بعد ما خلص رفع راسها ليه بضيق وهى بصتله بإستفهام ولسه بتعض فى شفايفها وشدها جاسر من تحت سنانها 

-متحصلش تانى 

وراح جاب فوطه وحطها على شعرها وراح ياخد هدوم عشان ياخد شاور ولف ضهره ليها وقال وهو ماشى 

-نشفى شعرك ومتناميش  قبل الاكل 

وبعدين دخل وقفل الباب وهى فضلت باصه فى اثره وجواها مشاعر متلخبطه ومش عارفه ترتبها بعد شويه لقت الباب بيخبط 

=ادخل 

دخلت الداده وراحتلها 

-معلش يا بنتى اتاخرت عليكى ...ايه ده انتى غيرتى هدومك 

=اه ...جاسر ساعدنى 

-جاسر بيه ...معلش يا بنتى مفضتش كنت بعملك الاكل 

=لا ولا يهمك كتر خيرك 

-طب خمس دقايق وهطلعلك الاكل حالا مش هتأخر

نزلت الداده وغزل نشفت شعرها كويس وبعدين سندت على السرير وهى حاسه بخمول  وغمضت عنيها 

……………………………………………………………………………

-مايا ..مايا 

=ايوه يا مامى خير 

-انتى مقولتليش ليه ان مرات جاسر فى المستشفى

=ايوه هتعملى ايه يعنى هى كويسه دلوقتى 

-برضه كنتى قوليلى كنت اروح انا وباباكى المستشفى نقف جمب خالك وجاسر 

=متقلقيش انا ويوسف روحنا وقفنا جمبه 

-ولو برضه المفروض انا الى اروح بكره تجهزى نفسك عشان هنروح نزورهم فى البيت وقولى ليوسف 

=وده كله عشان ست غزل 

-يا بنتى مينفعش لازم نروح نزورهم وعشان خالك 

=امم اوك يا مامى نروح 

…………………………………………………………………………..

خرج جاسر من الحمام و بينشف شعره وبص على غزل لقاها سانده ضهرها على السرير ونايمه وفارده شعرها بعد ما نشفته

اتنهد بقلة حيلة 

-ولا كأنى قلت حاجه 

حط الفوطه على الكرسي وراحلها وعدل راسها على المخده بس غزل اتخضت وصحيت 

-شششش نامى 

بصتله غزل بنص عين وحطت راسها على المخده عدلها جاسر وغطاها كويس وفضل باصصلها شويه وقعد جمب السرير كانه مغيب وتايه ومد ايده براحه وملس على شعرها وهو سرحان بعد شويه فاق وهز راسه وبعدين قام ونزل تحت للداده عشان تجيب الاكل بعد ما غزل تصحى وبعدين طلع قعد قصادها على الكنبة وجاب شوية ورق وقعد يشتغل فيهم وهو بيطمن على غزل كل شوية لعند ما تليفونه رن وكان حازم رد عليه 

-ايه يا كبير

=ايه يا ابنى مش هخلص منك بقى 

-لا عيب عليك ده انا حبيبك يعنى لازق لازق 

=طيب عايز ايه يا عم اللزقه 

-بمناسبه اللزقه انا جايلك بكره البيت ان شاء الله عشان ازورك واطمن على مرات اخويا 

=مش بقول لازقه طبعا مطرود من قبل ما تيجى

-حبيبي هو ده العشم برضه هجيلك

=اقفل يا رخم.. سلام

قفل جاسر وبعدين استنى لما غزل تصحى عشان تقوم تاكل بس فضلت نايمه لبليل من التعب وجاسر قام نام جمبها لانه منمش اليومين الى فاتوا

……………………………......…........….....…........…......

كان تحت قاعد والد جاسر بيشرب القهوه وداوود الصغير نزله عشان يتعشوا 

-جدو 

=تعالى يا حبيب جدو يلا عشان نتعشى سوى 

-هو بابى وغسل فين 

=نايمين يا حبيبي

-بس الوقت لسه بدرى 

=ده عشان تعبوا اليومين الى فاتوا فى المستشفى فلازم يرتاحوا من بكره بقى هنفطر سوى تمام 

قعد داوود يتعشى مع جدو وبعدها جه لواد جاسر اتصال من اخته اهنا هتيجى بكره تزورهم فى البيت عشان غزل ورحب بيها وبعدها بلغ الشغالين عشان يجهزوا كل حاجه لزيارة بكره 

اما جاسر وغزل فضلوا نايمين لتانى يوم من التعب 

تانى يوم صحيت غزل وبصت حواليها شويه تستوعب انها فى اوضتها دورت على جاسر ملقتوش بعدها قامت دخلت الحمام وطلعت لقت جاسر قاعد على الكنبه وقدامه الفطار لفلها وهى طالعه 

-تعالى افطرى عشان تاخدى ادويتك 

=مش قادره اك....

قاطعها جاسر بتحذير وهو بيشدد على كلامه 

-قولت اقعدى افطرى عشان تاخدى ادويتك 

اتنهدت غزل وراحت قعدت جمبه وهو كان متابعها ومستنيها تاكل بدات تاكل وبعدين اكل معاها وكانت كل ما تبطل اكل يقولها تاكل تانى عشان تتعافى 

بعد ما خلصت راح جابلها الادويه عشان تاخدها وبعدين سابها ترتاح ونزل تحت وعرف انه عمته واولادها جايبن يزوروهم فطلع يقول لغزل وطبعا غزل مزاجها اتقلب لما عرفت ان مايا جايه وطبعا مش مصدقه انها جايه تزورها وقامت تجهز هدومها وهى بتدور فى الدولاب لقت شنط الهدوم الى جاسر جابهلها فى الجونه فبصتلهم شويه وابتسمت وبعدين طلعت منهم دريس بسيط جدا وهادى عشان تلبسه واستنت لما الضيوف يوصلوا وحد يطلع يناديها

بعد وقت 

وصلت مايا واهلها واستقبلهم والد جاسر وقعدوا فى الصالون 

-حمدالله على سلامتها يا داوود امال هى فين 

=الله يسلمك هى فوق بترتاح هتنزل كمان شويه 

-لو مش هتقدر خليها ترتاح ونطلع احنا نشوفها 

بصت مايا لمامتها بضيق وهمست جمبها 

=نطلعلها ليه ان شاء الله زمانها كويسه زى الحصان نطلعلها كمان 

نغزتها والدتها وبرقتلها عشان تسكت وبعد شويه جه جاسر سلم عليهم وقعد جمب والده واتكلموا شويه 

-اطلع نزل غزل يا جاسر عشان يسلموا عليها 

استأذن جاسر وطلع فوق وبعدين دخل يدور على غزل لقاها قاعده على السرير ودقق اكتر واخد باله ان الفستان من الهدوم الى جابهالها فى الجونه ابتسم وبعدين اخفى ابتسامته 

-يلا عشان مستنينك تحت 

اماءت غزل وقامت راحتله طلعت وهو وراها وبعدين مسكها من وسطها وقربها منه واخدها ونزل وهى بتبصله بإستغراب 

معقوله ده جاسر نفسه الى كان فى القسم ولا ده هدوء ما قبل العاصفه وهيق*تلنى فى الاخر 

نزلوا على السلم وطبعا تحت نظرات الحقد من مايا 

قامت والدت مايا سلمت على غزل 

-الف حمدالله على سلامتك اعذرينا عشان مجيناش فى المستشفى

=لا ابدا يا طنط عذرك معاكى كفايا مجيك دلوقتى

اتكلمت مايا بضيق 

-انا ويوسف الى جينا المستشفى لجاسر كنتى لسه مفوقتيش و ...حمدالله على سلامتك

استغربت غزل واتضايقت وبعدين بصت لجاسر شويه ورجعت بصتلها 

=اه ..الله يسلمك و. شكرا عشان جيتى المستشفى

مسكت غزل ايد جاسر واتسندت عليه وهى بتبصله اخدها جاسر وقعدها وقعدوا معاهم ومخلتش غزل من مضايقات مايا وجاسر مكنش مركز معاهم لانه مبيحبش التجمعات بعد شويه دخل حازم وقام جاسر يرحب بيه واول ما شافته مايا اتضايقت 

-هو ايه الى جابه الرخم قليل الذوق ده 

=انتى تعرفيه يا مايا 

-ايوه شوفته فى المستشفى مع جاسر

=ايوه يبقى اكيد زميله في الشغل

جه حازم وسلم عليهم وطبعا معبرش مايا ولا كانه شافها وده غاظها اكتر وبعدين راح لغزل 

-حمدالله على السلامه يا مدام غزل متعرفيش انتى =قلقتينا عليكى قد ايه خصوصا جاسر كان هي...

خبطه جاسر على ضهره وهو بيبصله بتحذير 

اخدت غزل بالها وكتمت ضحكتها 

=تسلم يا استاذ حازم اشكرك على وقفتك معانا بجد 

-لا وقفة ايه ده اخويا 

ابتسمت غزل وبعدين جاسر شد حازم ومشى وراحوا قعدوا مع والد جاسر ووالد مايا 

بصت والدت مايا على حازم وهى بتتفحصه كويس وفى بالها حاجه وبعدين شاورت لمايا وهى بتبتسم اتصدمت مايا لانها فهمت قصدها 

-مستحيل الى فى بالك ده لو اخر واحد فى العالم مش هفكر فيه وبعدين ايه الى عجبك فيه ده

=بصى كويس شكله مهندم وباين عليه مرتاح ماديا من تصرفاته

-تصرفات مين ده بنى آدم مستفز ومش محترم انتى مشوفتيش بيتعامل ازاى اصلا 

=طب بس خلاص خلاص اجلى الكلام خلينا نتكلم فى البيت 

بعد وقت جه معاد الغدا وقاموا عشان ياكلوا سوى وجاسر اصر على حازم يتغدا معاه لانه كان هيمشى ورجع قعد معاهم 

-تعالى بس يابنى ميصحش تمشى كده 

=تحت امركم يا جماعه طلاما فيها اكل 

ضحكوا كلهم ما عدا مايا الى كانت بتبصله بقرف وهو بيقعد فى الكرسي الى قصادها واتجاهلها تماما 

فى الوقت ده جاسر قعد جمب غزل وشاور للشغالين بعدها جابوا اكل تانى لغزل لانها لسه تعبانه وحطوه قدامها كشرت غزل اول ما شافته واتضايقت وبصت لجاسر 

-ايه مالك ده الاكل الى لازم تاكليه على الاقل اليومين دول عشان تبقى كويسه 

=بس انا بقيت كويسه ومش حاسه بتعب اقدر اكل اكل عادى 

-لا ده بيتهيألك لسه بدرى على الكلام ده يلا كلى 

بصتله غزل وهو بياكل وبصت لاكلها وبعدين مدت ايديها براحه عشان تاخد من الحمام الى كان فى النص وقبل ما تاخدها جاسر ضربها على ايديها من غير ما يبص وغزل اتخضت وبعدين بصلها بتحذير بصتله غزل بغيظ ورجعت ورى وربعت ايديها بزعل 

=مش واكله ها 

-عنك ما اكلتى الى بياكل على درسه 

ااتغاظت غزل ومرضيتش تاكل 

كان حازم بياكل وبعديين مد الشوكه عشان ياخد حمامه من الطبق الى فى النص فى الوقت الى مايا حطت فيه الشوكه بتاعتها بصتله مايا بغيظ وشدتها وحازم بصلها بلامبالاة وشدها وقعدوا يبصوا لبعض بتحدى ويشدوا الحمامه من بعض لعند مايا اتضايقت وضربته فى رجله تحت السفرة فخبطت رجله فى السفره وعملت صوت خلى الكل يبصله هو ومايا فابتسم حازم بإحراج 

-اسف يا جماعه الطول بقى نعمل ايه 

وبعدها رجع بص لمايا بتوعد وهى ابتسمت بغرور وكملت اكل وحازم متابعها 

-هتفضلى قاعده كده بتتفرجى على الكل كلى خلصى 

=قلت مش هاكل 

قرب جاسر راسه وهمس بتحذير 

-وانا قولت الاكل ده يخلص فورا ومش هعيد كلامى تانى لو عدته هتزعلى 

بعد جاسر وغزل بصتله بضيق ومسكت المعلقه وبدات تاكل وهى متضايقه ومايا كانت واخده بالها منهم ومضايقه وحازم اخد باله من نظراتها وبص فى الناحية الى بتبص فيها وفهم انها عينها على غزل وجاسر  وعنيها مبتتشالش من عليهم

شالت غزل ايديها ورجعت لورى ولقت جاسر بيبصلها بعينه على الاكل عشان تكمل وهى برقت وهزت راسها بلا وربعت ايديها وهى بتبص بعيد وجاسر اتنهد بقلة حيله 

-غلبتى داوود الصغير يا عيله 

بعد شويه خلصوا كلهم اكل وقاموا قعدوا فى الصالون وبعدها مايا غمزت ليوسف وقامت وبعد شويه يوسف راح وراها ووقفوا فى ركنية 

-ايه فى ايه 

=جبت الى قولتلك عليه 

-جبته بس اسمعى المره دى انا مليش دعوه عايزه تحطى براحتك بس انا همشى كمان شويه كفايه المره الى فاتت انا الى اتضربت 

=نعم تروح فين انت اتجننت امال هعمل الخطه ازاى مينفعش تمشى من غيرك انت اتجننت 

-لا انتى عايزه تموتينى اكيد ده ضربه لسه مراحش من وشي عايزاه يقتلنى قدام اهلك النهارده 

=ومين قال ان الغلط هيبقى عليك ده هيطلع كله عليها هى اسمع منى انا هظبط الموضوع

-كنتى ظبطتيه قبل كده وهو بيضربنى 

=يوسف خلص بقى احنا جبنا الحاجه خلاص يلا عشان نخلص انا هروح المطبخ واستنى منى اشاره يلا 

مشيت مايا وهى بتبص حواليها ويوسف راح وراها فى الوقت ده طلع حازم من ورى الحيطه بعد ما مشيوا  وهو بيبص عليهم بتركيز وبعدها مشى 

-يلا اطلعى انتى فوق 

=بس انا عايزه اقعد معاهم شويه 

-انتى لسه متحسنتيش فاطلعى ارتاحى خلصى 

=ءا 

-انا قولت ايييه 

قالت غزل بغيظ منه وهى بتمشى 

=يووه بقى 

بصلها جاسر برفعة حاجب وهى ماشيه 

فى الوقت ده مايا راحت المطبخ وقالت للشغالين يطلعوا عصير لغزل وان جاسر الى قايل فجهزوا ليها كوباية وحطوها على جمب وراحوا يجهزوا الباقى وطلعت مايا برى وادت اشاره ليوسف عشان يطلع بعد العصير وفى الوقت ده دخل حازم المطبخ وهو بيدور على ميه قدام الشغالين وبعدها اخد باله من كوباية العصير وراح اخدها وحطها وسط كوبايات العصير التانيه وطلع واحده مكانها وبعدين خرج 

اخدت واحده من الشغالين الكوباية لغزل فوق والباقى راح للضيوف وده تحت ترقب من حازم لانه خايف من الكوباية ومش عارف فيها ايه بالضبط ورفض يشرب عصير وبص لكل واحد شرب عصير مستنى التأثير 

بعد شويه قام يوسف من وسطهم ومشى وحازم اخد باله منه والباقى مشغولين مع بعض  

 اما فوق كانت غزل قاعده فوق بعد ما غيرت هدومها وكانت متغاظه بسبب تحكمات جاسر فيها واوامره الى مبتخلصش ليها قعدت على السرير تقلب شويه فى تليفونها وقاطعها فتح الباب فاتخضت لما لقت الباب بيفتح وبيدخل منه جاسر اتخضت غزل فى الاول لكن بعدها اطمنت لما شافته بس استغربت لما لقته داخل وهو باصصلها لعند ما جه عندها وفجأة وقع على السرير على وشه قامت غزل بسرعه تشوفه وتحركه وقلبته على ضهره وهى بتتفحصه وبتمسك وشه بإيديها فتح جاسر عينه وبصلها وبعدين ابتسم وضحك وهو بيبصلها وده بيدل انه مش فى وعيه بصتله غزل بصدمه من حالته 

🥀🥀🥀🥀🥀🥀🥀🥀🥀🥀🥀🥀🥀🥀🥀

فى الوقت ده تحت كان حازم اخد باله من يوسف لما قام واستنتج انه كان هيطلع فوق لغزل وكده خطتهم وضحت فى دماغه فراح وقف يوسف وطبعا يوسف لما شافه داب فى هدومه وخاف ليتكشف 

-ايه يا جو رايح فين كده ما احنا قاعدين 

-ها لا ابدا ده انااا...كنت ....رايح الحمام اه هروح واجى علطول

-امم طب روح وتعالى انا مستنيك متتاخرش اصل ...جاسر طلع فوق فهقعد معاك انت 

اتصدم يوسف وبلع ريقه بخوف لانه كان هيطلع وجاسر فوق بس كان مستغرب ازاى طلع وهو مشافوش 

استأذن يوسف وراح الحمام وبعت لمايا رساله قالها على الى حصل قرأت مايا الرساله وهى متضايقه وبعد شويه جه حازم وهو بيبصلها بخبث ونظرات مش مفهومه 

بصتله مايا بتركيز و خافت انه يكون شاكك فيها وعارف هى عملت ايه بس اتظاهرت بالقوة وانه مفيش حاجه واتغاضت عن نظراته اما والدتها كانت ملاحظه نظرات حازم ليها ومبسوطه عشان الى فى بالها 

بعد شوية استاذن حازم ومشى بعد ما اطمن ان جاسر فوق واتاكد ان هو الى اخد الكوباية

-يلا يا كبير تعيش وتاخد غيرها ابقى اطمن عليه بكره ههه

وبعد ما مشى فضلت مايا وعيلتها شويه وبعدين استأذنوا ومشيو ومايا كانت سبقاهم عشان تمشى وهى متغاظه لان خطتها فشلت وكله بسبب حازم 

🥀🥀🥀🥀🥀🥀🥀🥀🥀🥀🥀🥀🥀🥀🥀

-انتى كويسه صح 

=ايه 

شدها حازم وهو فرحان وحضنها وغزل كانت مصدومه ومش مستوعبه 

=انت ..انت كويس 

-احسن وقت اكون فيه كويس 

بعدت غزل عنه وهى بتتحسس وشه وبتشوف حرارته بس جاسر مسك ايديها وفضل باصص لعنيها بإبتسامه 

=ج..جاسر 

-عيونه 

=انت ..انت شارب حاجه شكلك مش فايق خالص 

-ده اكتر وقت حاسس انى فايق فيه 

=طب ..هتغير هدومك ادخل الحمام خد شاور يفوقك وانا هجهز الهدوم 

قامت غزل عشان تمشى بس جاسر مسك ايديها وقعد على السرير وهى وقفت قدامه مستنياه يتكلم 

=جاسر ..انت كويس

هز جاسر راسه بحزن وبصلها 

-لا مكنتش كويس..كنت ...خايف 

بصتله غزل بصدمه من طريقته الغريبه وقربت اكتر منه وهى قلقانه 

=خايف من ايه 

-خايف ..تروحى زيهم ..مكنتش ..مكنتش هتحمل اشيل الذنب ده تانى ..كان ..كان هيحملنى الذنب تانى 

اتصدمت غزل لما شافت دمعه نازله منه ونزلت على الارض قدامه وهى بتمسك وشه وبتمسح دمعته وهى مش فاهمه هو بيتكلم عن ايه 

-انا ..انا مش وحش يا غزل ..صدقينى انا...انا مش وحش 

هزت غزل راسها بحزن وهى ماسكه وشه وبتطمنه 

=انا عارفه والله من غير ما تقول 

- طيب ليه..هو بيعمل معايا كده انا...انا تعبت تعبت وعايز ارتاح 

غلبته دموعه الى بيجاهد عشان متنزلش وبدأ يبكى وده كان صادم لغزل الى كانت متوترة ومش عارفه تعمل ايه قامت تانى وقفت قدامه وحضنته زى ما يكون ابنها وهى بتملس على شعره براحه وهى بتبكى ومش عارفه تقوله ايه رفعت راسه وبصت له وهى بتمسح دموعه ودموعها وبتحاول تطلع صوتها عادى 

=انت مش وحش مين قالك كده ..عارف.. يمكن كنت فكراك قاسى ومش بتهتم لغيرك لعند امبارح بس اتأكدت ان انا شايفاك غلط الوقت ده كله وانك عندك حنيه تكفى بلد 

بصلها جاسر شويه وهو مش مستوعب

هزت غزل راسها وهى بتأكدله كلامها 

=ايوه انت حنين جدا كمان بس انت الى مبتحبش تبين ومبتعرفش تعبر عن مشاعرك صح 

حط جاسر راسه فى الارض ومردش عليها رفعت غزل راسه تانى عشان يبصلها 

=الى تاعبك انك بتجاهد عشان تبين نفسك كده ويمكن عشان اتعودت على كده بس حاول تجرب تظهر ده وتطلعه صدقنى هترتاح 

بص جاسر بعيد بحزن ومردش عليها 

=يلا قوم عشان تاخد شاور وانا هجهز هدومك 

ابتسم جاسر وهز راسه وهى راحت تحضر الهدوم وبعدين قومته عشان يروح الحمام بس مكنش ثابت وبيروح يمين وشمال

=ااه نفسي اعرف ايه الى بيدهولك كده كل مره 

سندته غزل وهو حط ايديه حوالين رقبتها واتسند عليها وهو بيضحك وبعدين دخلته الحمام وهو بدأ يقلع هدومه بخمول وغزل طلعت تجهز الهدوم وبعدين راحت تغير الدريس الى كانت لبساه وحطته فى الدولاب وبصت على الشنط بتاعة الهدوم وبدأت تطلعهم وتشوفهم تانى وهى بتفتكر لما كانت بتشتريهم مع جاسر وبعدين علقتهم وبعد ما اخدت كل الفساتين لفت نظرها حاجه تانيه فى الشنطه وفتحتها واتصدمت لما مسكته وكان قميص نوم من الستان وليه روب فتحت غزل بوقها بصدمه لان اكيد جاسر الى جايبه بس ازاى جابه وهى مشافتوش وسط الهدوم ومأخدتش بالها وهو بيشتريه ابتسمت بكسوف وقطع عليها صوت جاسر وهو بينادى عليها سابته بسرعه وراحت لجاسر وخبطت على الباب 

-ادخلى 

دخلت غزل براحه وهى بتبص من ورى الباب وكان جاسر فى البانيو وسط الصابون وراكن راسه عليه بتعب قربت غزل منها وهى مكسوفه 

=احم كنت عايز حاجه 

-انا ..مش قادر احرك ايدى 

بصتله غزل بإبتسامه (لا ده اكيد مش شارب ده مضروب على راسه لو كان فى وعيه وبيموت مش هيطلب منى حاجه ) قربت غزل واخدت الشامبو ورفعت اكمامها وبدأت تساعده براحه وهو بيبصلها ومبتسم 

-يوم ليك ويوم عليك 

اتكسفت غزل وبصت فى الارض وهى بتكمل وهو مبتسم ومتابعها وبعد شويه خلصت غزل وجابتله الهدوم و الفوطه وطلعت وهو كمل لوحده 

وبعد ما طلعت بصت للقميص بإبتسامه وراحت اخدته

🥀🥀🥀🥀🥀🥀🥀🥀🥀🥀🥀🥀🥀🥀🥀

وصلت مايا واهلها البيت وكانت مايا شايطه ومش طايقه نفسها دخلت ورمت شنطتها بعصبيه 

بعد شويه جت والدتها وقعدت جمبها 

-بقولك يا مايا انا سالت خالك على حازم 

=نعم وتسالى عليه ليه سي زفت كان من بقيت عيلتنا

-لا يا حبيبتي هيبقى ان شاء الله

=ماما متهزريش ايه الى بتقوليه ده لو اخر واحد فى العالم مستحيل يحصل الى فى بالك 

-اسمعى يا بنت انا استنيتك بما فيه الكفايه على امل انك تعقلى وتبطلى الى بتفكرى فيه بس مفيش فايده فيكى ومش هينفعك غير ده ولو مش برضاكى غصب عنك 

=ماما انتى هتغصبينى بجد هتغصبى بنتك 

-ما انا سبت بنتى برضاها عملت ايه يعنى رايحه تفكر فى واحد متجوز مش عايزاه ضابط اهو ده ضابط 

=بس مش جاسر 

-بلا جاسر بلا زفت بقى اعقلى بقى يا مايا انا سألت على الولد وشكله كويس وعيلته كويسه ومرتاح ماديا 

=ده ده مرتاح ماديا اراهنك ان ما كان بيشحت من جاسر اصلا

-انا قولت الى عندى وهعمل كل الى هقدر عليه فى الموضوع ده وده اخر كلام عندى سامعه 

سابتها والدتها وهى اتغاظت اكتر 

=اااااع ده طلعلى منييين 

🥀🥀🥀🥀🥀🥀🥀🥀🥀🥀🥀🥀🥀🥀🥀

خرج جاسر وهو ماسك راسه بإيده ولسه مش فى وعيه وكان عارى الصدر وبعدين مشى ناحية السرير وكان هيقع بس لقى غزل سندته قبل ما يقع 

=ايه ده انت لسه مش فى وعيك 

رفع جاسر راسه وعنيه شبه مقفله وبص لغزل شويه وبعدين بدأ يتفحصها من راسها لرجليها وبعد عنها عشان يشوفها كويس كانت غزل فارده شعرها ولابسه القميص والروب عليه ولما ركز فى القميص اكتر ابتسم بخبث وبصلها وهى اتحرجت ورجعت شعرها ورى ودنها بخجل 

=ااا مش هتنام ولا ..هتفضل واقف كده 

هز راسه بإبتسامه وبعدين هى جت سندته وهو مشالش عينه من عليها مشيوا وقعدته على طرف السرير وبعدت عشان تجيب باقى هدومه بس هو شدها مره واحده وقعدها على رجله شهقت غزل وبصتله بصدمه وحطت ايدها على صدره 

=ج.جاسر اا..

-ششش 

قرب منها جاسر ودفن راسه فى رقبتها وهو بيشم ريحتها بتوهان وغزل كانت مغمضه عنيها وهى خايفه

بعد عنها جاسر ومسك شعرها وهو بيشم ريحته وبعدها بص فى عنيها شويه وحط ايده على وسطها واتكلم بصوت مبحوح 

-بوسينى 

=ها 

-سمعتى قولت ايه ...بوووسينى 

=ح.حاضر حاضر 

حاولت غزل تقرب منه وتبوسه وهى مش مستوعبه طلبه لسه بس مقدرتش وكانت هتعيط وهى مش قادر تحط ايديها عليه 

ابتسم جاسر  وحط ايديها على وشه 

-ايه لسه معرفتيش 

احمرت غزل من كلامه وكانت لسه هتتكلم بس جاسر قاطعها وباس*ها قبل ما تتكلم  ومن صدمة غزل مكنتش عارفه تعمل ايه بعد عنها جاسر وهو بيتنهد وغزل كانت بتاخد نفسها بصعوبه وباصه فى الارضيه رفع جاسر رأسها وهو بيضحك عليها 

-ايه ده احنا لسه مبدأناش 

اتكسف غزل وهى بترجع خصله من شعرها ورى ودنها

قرب جاسر ودفن راسه فى رقبتها وقربها اكتر منه ونزل الروب من على دراعها وباسها من كتفها

-ريحتك حلوه اوى كل مره بتوهنى 

=ج.جاسر 

 حطها على السرير وقرب منها وبعدها .....❤️

البارت ال13 من #انتِ_الترياق

تانى يوم صحيت غزل على خبط على الباب اتقلبت غزل بنوم ومقامتش بس الخبط زاد 

=اممم جاسر ..جاسر 

فتح جاسر نص عين براحه وبعدين اخد باله من صوت الباب قام وهو ماسك راسه وكان عارى الصدر راح فتح الباب وهو بيفتح عينه بصعوبه لقاه داوود الصغير 

بصله جاسر من فوق برفعة حاجب وتركيز 

وكان داوو حاطط راسه فى الارض وبيرفع عينه ويبص عليه فى الخفى من وقت للتانى استغرب جاسر منه واخد باله انه عارى الصدر وداوود مش متعود يشوفه كده 

=احم ..فيه ايه 

-ااا جدو بيقول الفطار جاهس وانا عايس ااا

=عايز ايه 

بصله داوود بحذر 

عايس حد يودينى الحضانه 

=طب انزل واحنا جايين وراك وبعد كده متطلعش خلى حد من الشغالين يطلع مكانك..... يلا 

-حاضر 

نزل داوود ودخل جاسر وهو بيتاوب وبيمسح راسه وبص على غزل شوية بتركيز كانت نايمه وشعرها مفرود جمبها فقرب منها شويه وبعدين ضيق عينه بإستغراب ولاحظ علامات على رقبتها قرب منها اكتر لعند ما بقى فوقها وشاف العلامات (هو انا عملت ده ...بس عملته امتى انا مش فاكر حاجه ..انا وصلت للاوضه امتى ) مسك جاسر راسه بضيق لانه مش فاكر حاجه فقرر يصحيها ويسألها عن الى حصل 

-غزل ..غزللل

=اممم ...فيه ايه 

-قومى 

فتحت غزل عنيها وبصتله بخضه ووبعدها ابتسمت بس ابتسامتها اختفت لما لقت نظراته مفيهاش تعبير وباين عليه الضيق 

قامت واتعدلت بعدين رجعت شعرها ورى ودنها بخجل

=ف فيه ايه حصل حاجه 

-ايه الى حصل امبارح بالظبط

=اه اكيد مش فاكر حاجه خالص 

-رفع جاسر حاجبه بإستفهام 

=اصل انت مكنتش فى وعيك برضه وكنت اا...

-كنت اييه انطقى 

=اا..كنت شارب 

-شاارب شارب ازاى انت بتستعبطى وانا من امتى بشرب 

اتخضت غزل ومسكت الغطا عليها 

=ممعرفش والله انت فعلا مكنتش فى وعيك خالص ومعرفش ليه بتبقى كده كل مره 

-كل مره هى بقت كل مره 

مسكها من شعرها وقربها منه 

-انا عايز اعرف اشمعنى ده بيحصل معاكى انتى ومببقاش فى وعى 

=صدقنى معرفش انا طلعت امبارح وسبتكم وانت بعدها طلعت وجيت هنا ولقيتك كده 

بصلها جاسر وهى بتتكلم والدموع فى عنيها وبص بشرود وهو بيفتكر ان كمان بوسف كان هنا امبارح بس..

قاطع تفكيره صوت غزل وهى بتتكلم بألم 

=ممكن تسيب شعرى بفى هيتخلع فى ايدك 

سابها جاسر ورجعت على السرير وهى بتعيط وهو بصلها شويه وهو شارد وبعدين دخل الحمام ياخد شاور 

اما غزل كانت باصه فى الفراغ ودموعها نازله على خدها وحاسه انها فى دوامه ومش عارفه تعمل ايه 

اما جاسر كان ماسك راسه بضيق  وهو تحت المياه وغمض عينه فجأة افتكر غزل امبارح 

فلاش باك 

=انت مش وحش مين قالك كده ..عارف.. يمكن كنت فكراك قاسى ومش بتهتم لغيرك لعند امبارح بس اتأكدت ان انا شايفاك غلط الوقت ده كله وانك عندك حنيه تكفى بلد 

=ايوه انت حنين جدا كمان بس انت الى مبتحبش تبين ومبتعرفش تعبر عن مشاعرك صح 

=الى تاعبك انك بتجاهد عشان تبين نفسك كده ويمكن عشان اتعودت على كده بس حاول تجرب تظهر ده وتطلعه صدقنى هترتاح 

باك 

بص جاسر قدامه بصدمه وبص ناحية الباب بندم وحاسس انه حيران وقعد يضرب ايده فى الحيط بعصبية ومش عارف هيعمل ايه لما يطلع بعد شويه خلص جاسر وخرج من الحمام وهو بينشف راسه وحاطط راسه فى الفوطه كأنه بيخبى وشه منها وبعدين شالها وهو بياخد نفس ورفع راسه وكان هيتكلم 

بس اتفاجأ ان غزل مش فى الاوضه استغرب وبص كويس فى كل الاوضه بس ملاقهاش فراح يلبس ويشوف هى راحت فين 

بعد شويه لبس كاجوال وحط برفانه الى ريحته مميزه واخد نضارته ونزل 

كانت غزل تحت بتحط الفطار لداوود ولحماها 

-تاعبه نفسك ليه يا بنتى انتى لسه تعبانه المفروض ليكى فترة نقاهه يعنى لازم ترتاحى 

=لا يا بابا انا مرتاحه كده وبعدين هقهد فوق لوحدى اعمل ايه وبعدين انا عايزه افطركم من ايدى 

-تسلمى يا حبيبتي ..اه والدك اتصل بيا وبلغته انكم لسه راجعين من السفر وهيجوا يطمنوا عليكى لانهم قلقوا جدا عليكى الفترة دى واكيد شاكين ان فيه حاجه 

=ايوه زمانهم زعلانين منى اوى عشان مكلمتهمش مش مشكله هصالحهم انا 

فى الوقت ده دخل جاسر وبص لغزل بس غزل اتجاهلته تماما كانه مش موجود بعدها راحت قعدت جمب داوود الصغير بدل ما تقعد جمب جاسر وده لفت نظره وفضل مركز معاها وهم بيفطروا ومشالش عينه من عليها بس هى مدتوش وش وركزت مع داوود ومع اكله 

بعد شويه خلصوا فطار 

-رايح شغلك 

-ايوه هخلص شوية حاجات 

-طب بعد ما تخلص تاخد غزل عشان تعمل تحاليل اكيد فى مضاعفات ومش هيبان اعراض دلوقتى

-عامل حسابى متقلقش 

=مضاعفات لايه يا بابا انا مش فاهمه

-متقلقش يا حبيبتي دى احتياطات عشان سلامتك خلاص الخطورة راحت عنك بس مفيش ضرر لو اطمنا عليكى اكتر

اماءت غزل وهى مش مقتنعه وحاسه بحيره وفى نفس الوقت خايفه 

بصلها جاسر وبعدين بص لداوود 

-يلا عشان اتاخرت على حضانتك 

اماء داوود بسرعه ونزل من على الكرسي ولبس شنطته بسرعه 

وقفته غزل وهى بتحطله الانش بوكس فى شنطته 

=استنى فيه ايه براحه الدنيا مش هتطير 

وقف جاسر وبصلها بتركيز وعلى شفايفه شبه ابتسامه وبعدها اختفت ولبس نضارته وخرج ركب العربيه اما غزل اخدت داوود وركبته العربيه 

=خد بالك من نفسك ها وكل سندوتشاتك كلها 

اماء داوود وبعدين قفلت الباب 

بصلها جاسر وقلع النضاره 

-احم ..جهزى نفسك قبل ما ارجع عشان نروح المستشفى 

بصتله غزل ومردتش عليه وبعدين شاورت لداوود ودخلت وطبعا جاسر مشالش عينه من عليها لعند ما دخلت وهو بيعض فى شفته من الغيظ 

وبعدها بص ناحية داوود لقاه بيبصله  بحذر من شكله 

بصله جاسر برفعة حاجب 

فبص داوود قدامه بسرعه وهو بيلعب فى صوابعه بشكل يضحك ضحك جاسر وهز راسه وبعدين لبس نضارته تانى وقال للسواق يطلع 

🥀🥀🥀🥀🥀🥀🥀🥀🥀🥀🥀🥀🥀🥀🥀

-كده برضه يا غزل الفترة دى كلها متكلميناش تطمنينا عليكى يا بنتى قلقتينا انا وابوكى 

=معلش يا ماما حقك عليا الى حصل بقى 

-بس مش للدرجه دى قلقتينا يا بنتى وانتى عارفانى الف موال هيجى فى بالى ومش هرتاح غير لما اكلمك 

=والله يا حبيبتي غصب عنى 

-مالك يا غزل انتى كويسه صوتك مش عاجبنى 

=مفيش يا ماما بس تعبانه شويه

-تعبانه مالك يا حبيبتي متخبيش عليا ايه الى حصل

=يا ماما قولتلك متقلقيش والله كويسه بس هم شوية تعب والحمدلله بقيت كويسه 

-بجد اوعى تكونى بتخبى عليا حاجه ولا يكون الى فى بالى صح يا غزل 

=لا يا ماما مش الى فى بالك انسى ده خالص 

-وانسى ليه بقى ان شاء الله عايزه افرح بيكى 

=مش دلوقتى خالص ياماما وبعدين تفرحى بيا ايه بس =ما انا اتجوزت وفرحتى بيا اهو فيه ايه تانى 

-لا الفرحه دى فرحه تانيه خالص واهم من الفرحه الكبيره كمان دول اى بنطلع بيهم من حياتنا يا غزل 

سكتت غزل وحست بحزن ازاى تخلف من سخص مبيحبهاش وحتى مش بيعاملها كويس وساعات بيعتبرها كانها مش موجوده اصلا ازاى هتخلف منه او هو اصلا هايز يخلف منها وخو متجوزها عشان ابنه 

-الو ..غزل روحتى فين 

=معاكى يا ماما سمعاكى 

-طب اسمعى كلامى بقى وشدى حيلك وجيبلى حفيد افرح بيه نفسي اشوف ولادك قبل ما اموت 

ابتسمت غزل 

=ربنا يديكى الصحه وطولة العمر يا ست الكل 

كملت المكالمه معاها وهم بيحكوا سوى وبعدين قفلت معاها 

=غريبه الدنيا دى بجد نفسي تتجوزى وافرح بيكى اتجوزتى نفسي اشوف عيالك قبل ما اموت خلفتى اجوزهم بقى قبل ما اموت هو انا هعمل كده مع ولادى بجد ..يمكن 

دخلت غزل تشوف الغدا وبعدين طلعت تجخز نفسها وتستنى جاسر دخلت الاوضه وبعدين عينها جت على القميص الى كانت لبساه وراحت مسكته ودمعت وبعدين رمته فى جمب وهى متضايقه وفى بالها حاجه عايزه تعملها

🥀🥀🥀🥀🥀🥀🥀🥀🥀🥀🥀🥀🥀🥀🥀

وصل جاسر داوود وعدها طلع على القسم ودخل مكتبه وقعد يشوف شوية ورق وبعدها دخله حازم 

-صباح الخير يا باشا مصر ايه الاخبار ها

=صباح الخير اخبار اي...بصله جاسر بتركيز وبرق 

يا ابن ال#&$## هو انت 

قام جاسر مسكه من لياقته وحازم مسك ايده وهو بيضحك 

-اهدى بس هفهمك والله

=هتفهمنى ايه يا حيوان انت مش عارف انت عملت ايه يا متخلف 

-اهدى بس هفهماااك 

=انطق يا متخلف

-اقعد بس وانا هرسيك على كل حاجه 

قعد جاسر وهو مستنيه يتكلم وهو متعصب 

-النيه مكنتش انت اصلا 

=واحيات امك 

-اهدى بس...النيه كانت مراتك 

برق جاسر وكان لسه هيقوم يضربه 

-استهدى بالله واسمع للاخر تلنيه فعلا كانت مراتك بس مش انا والله انا مليش دعوه انا كل الى عملته .........

حكى حازم ليه الى عمله امبارح كله 

=تسلم يا حبيب اخوك 

-دلوقتى حبيب اخويا مش كنت ابن #$#& من شويه 

=يا عم مبتلزقش واحيات امى ما هيعدى منها المره دى ابن ال#$&# وهيشوف وش تانى منى خالص وهندمه 

-يوسف مكنش لوحده 

=قصدك ايه 

-قصدى ان يوسف عباره عن ايد بس مش اكتر 

=ايد لمين بالضبط وضح

-ايد لاخته يا معلم هيكون لمين يعنى 

=ماياا انت بتهزر 

-وههزر ليه البت دى مش تمام اصلا 

سكت جاسر وهو شارد ومحتار فى الموضوع ده 

-ها هتعمل ايه 

=هعمل ايه هخلص منها 

-ازاى ده 

=مش عارف بس قريب هعرف متقلقش يلا نكمل الشغل ده عشان عندى معاد فى المستشفى

-مالك يا ابنى فيه ايه انت كويس 

=اكيد مش ليا يعنى يا ذكى ده لغزل احنا شاكين ان الغاز ده يكون ليه آثار ومش هتبان دلوقتى ولازم تحاليل 

-ايوه صح كنت عايز اقولك كده فعلا طب كويس ان شاء الله ميطلعش فى حاجه كبيرة متقلقش

=هى اصلا مش طايقانى عمتا 

اتكلم حازم بخبث وهو بيغمز 

-ايه ده ليه ده المفروض يعنى بعد امبارح الامور تبقى

 تمام يعنى 

=مهو الامور اتنيلت بسببك يا اخويا بركاتك 

-ههه ان شاء الله تمشى ببركتى علطول 

=قوم ياض غور من هنا يلا

-طب اهدى هحللك الموضوع ده متقلقش عندى دى 

=طب يلا يا اخويا خلينا نخلص 

خلص جاسر وبعدين استأذن وراح البيت عشان ياخد غزل ويروح المستشفى وبعتلها حد من الشغالين يناديها ووقف يستناها تحت بعد شويه نزلت غزل وجاسر اتفحصها من راسها لرجليها وكانت .....يتبع

البارت 14 من #انتِ_الترياق 

جماعه ده البارت الجديد 29

خرجت غزل من الباب فى اتجاه جاسر بس وهى متجاهلاه تماما وحاطه ميكب ولابسه دريس ومتشيكه ولا كأنها رايحه فرح مش فحص 

فى الاول جاسر اعجب بجمالها وتنح شويه بس بعدها استوعب ان ده مش لبس يتراح بيه المستشفى 

-هو ايه الى انتى لبساه ده

 مبصتلوش غزل وراحت تفتح باب العربيه بس جاسر مسكها من ايديها 

-انا مش بكلمك ايه الى انتى لبساه ده احنا رايحين المستشفى مش فرح

بصتله غزل فى عينه وبعدين بصت على ايده وشالتها وهو بصلها بصدمه وبعدين ربعت ايديها 

=والله انا عارفه كويس ان ده مش لبس للمستشفى بس بعد الفحص انا رايحه لاهلى عشان خطوبة بنت عمى النهاردة 

-نعم وانتى قررتى من نفسك انك تروحى من غير علمى 

كيس جوافه انا مش لازم تعرفينى 

=طيب ...ادينى بعرفك اهو قبل ما اروح 

اتغاظ جاسر ولسه هيرد بس قاطعهم والده 

-ايه يا ولاد انتم لسه هنا هتتأخروا على المعاد 

=لا كنت همشى اناو جاسر حالا يا بابا ..يلا 

-طيب يا بنتى متنسوش تعدوا تاخدوا داوود معاكم 

بصله جاسر بإستغراب 

-ناخده فين 

-الخطوبه معاكم عشان ميزعلش 

-نعم 

=متقلقش يا بابا هاخده معايا وجاسر يبقى يعدى ياخدنا 

-ليه يا ابنى انت مش رايح معاهم 

كان جاسر هيرد بس غزل قاطعته 

=لا يا بابا بيقول مش فاضى وعنده شغل  عشان كده قلت بعد ما يخلص يعدى ياخدنا وخلاص 

-طب خلاص ابقى عدى عليهم متنساهمش انا مش هبقى موجود في البيت الليله دى عندى شوية شغل هخلصهم مع جوز عمتك ونرجع علطول خدوا بالكم من نفسكم

- ماشى تمام 

=ماشى يا بابا ترجع بالسلامه

-الله يسلمك يا بنتى

مشى والد جاسر وركب العربيه ومشى

بعدها بص جاسر لغزل بحده بس كانت سبقته وركبت العربيه وهى مش مهتمه بيه 

اتغاظ جاسر وراح ركب العربيه وهو بيتوعدلها اما هى اتعاملت بلا مبالاه ولا كأن حاجه حصلت وده غاظ جاسر اكتر مشيوا بالعربيه ووصلوا المستشفى دخلت غزل تعمل الفحص وبعدين دخل جاسر للدكتور يساله عنها

متقلقش يا استاذ جاسر كويس ان حضرتك جبتها بعد ما خفت شويه لان الآثار مبتظهرش دلوقتى فى الاعراض بس هتظهر غى التحاليل ان شاء اللّه

=طب التحاليل هتظهر امتى

-بعد يومين إن شاء الله تجبها عشان لو فيه حاجه نقدر نتصرف

=تمام يا دكتور بعد اذنك

-اتفضل اذنك معاك

خرج جاسر وكانت غزل مستنياه 

=ايه قال ايه 

-هنيجى بعد يومين نشوف التحاليل ونطمن 

مشى جاسر وهو قلقان لانه عارف كويس الاثار الى بتحصل بعدين ونتيجتها اما غزل ف كانت عادى لانها متعرفش مشيوا وطلعوا عل حضانة داوود اخدوه منها وطلعوا على بيت غزل 

-هو احنا مش هنرلح البيت 

=لا يا حبيبي هنروح الاول عند تيت....سكتت غزل وبصت لجاسر وبعدين  كملت بحرج 

=هنروح عند مامتى الاول هنحضر مناسبه قد كده ونرجع البيت تانى متقلقش 

بصلها جاسر بتركيز  وشرود وبعدين رجع بص فى الطريق 

-تب بابى هيجى معانا

بصت غزل لجاسر بإستفزاز 

=لا يا حبيبي مش هيجى بابى عنده شغلل 

بصلها جاسر بغيظ ومردش عليها وكمل سواقه

وصلوا تحت البيت اخدت غزل شنطتها 

=هتبعت السواق ياخدنا امتى 

بصلها جاسر بتركيز وهو مضيق عيونه 

-انتى مش عايزانى اجى ولا افضل هنا ليه فيه ايه هنا 

=هيكون فى ايه يعنى عادى بس كل القصه ان حضرتك مبطقنيش فمش عايزه اجبرك على حاجه مش اكتر 

كان هيتكلم جاسر بس هى قاطعته وفتحت الباب 

=بعد اذنك يلا يا داوود انزل 

نزلت غزل واخدت داوود فى ايديها بس لقت باباها مقابلها كان نازل من البيت وراحلها وحضنها 

-كده يا بنت الكلب كل دى غيبه 

=غصب عنى يا بابا 

-يلا المهم جيتى ايه ده جوزك لسه فى العربيه ليه ومنزلش

=ااصل عنده شغل وهيبقى يعدى علينا ياخدنا 

-ياخدكم فين انتم هتباتوا معانا النهارده 

شاف جاسر والد غزل وهو بيلف العربيه ونزل عشان يسلم عليه 

-اهلا اهلا وسهلا يابنى نورتنا 

سلم عليه جاسر 

-تسلم يا عمى 

-ايه يابنى مش عايز تقعد معانا ولا ايه الشغل اهم مننا 

بصله جاسر وبعدين بص لغزل الى كانت بتبص بعيد وبتشغل نفسها مع داوود عشان متبصلوش 

جز على سنانه باحراج وبعدين كمل بثقه 

-لا ابدا يا عمى ازاى مش اهم منكم عشان كده انا هحضر معاكم كده كده انا كلمت صاحبى يبقى مكانى فى باقى الشغل 

بصتله غزل بصدمه وهو ردلها بخبث 

-ده انت تنورنا يابنى وتشرفنا يلا تعالوا امك هتفرح اوى يا غزل تعالوا يا ولاد 

-ححاضر ما انا هاجى يا بابا

وبصت لجاسر بغيظ وهو بصلها بإنتصار ومسكها من دراعها جامد وشدها 

-قدامى يا هانم 

زقت غزل دارعه بضيق

=متزقش 

...………....……………………..……............................

عند حازم كان بيتكلم فى التليفون 

-ايه يا بنى فينك انا فى الشغل هخلص شوية حاجات.... وكمان جاسر مش هنا

يابنى مش هتبطلوا بقى الشغل ده احنا كبرنا .....

طيب يا حبيب اخوك عشان خاطرك بس ...........

لا جاسر لا عنده زيارة عائلية ما انت عارف ملوش فى الجو ده انا الى جاى بس بقولك ايه اى حاجه كده ولا كده هلمكم كلكم فى البوكس واخدكم معايا وانا مروح

ههه ماشى يابا سلام 

*************★★★★★★★★★★★★★★★★**********

طلع جاسر وغزل ورى ابوها وامها قابلتهم 

-اهلا اهلا يا حبايبى اتفضلوا خطوه عزيزه لولولولوى 

=ايه يا ماما بس 

-بس ايه مش اول مره تيجوا بعد الجواز يا عرسان 

=عرسان ايه بس ما خلاص 

-بس يا بت انتى مش فاهمه حاجه تعالى يا ابنى اتفضل نورتنا تعالى

واخدت داوود باسته 

-تعالى يا قمر يا صغير تعالى يا حبيبي ادخل 

دخلت غزل وهم وراها وقعد جاسر برى مع والدها هو وداوود وغزل مع مامتها فى المطبخ 

-ايه يا حبيبتي جوزك بيبحب ايه فى الاكل 

=اكل ايه هو مش هياكل هعمله قهوة ساده 

-قهوة وسادة قهوة ايه حرام عليكى يا بنتى واول مره يجيلنا بعد جوازكم اعمله قهوة انتى اتجننتى اطلعى يا غزل وجهزى السفره امشى خلصى 

=يووه يا ماما اسمعى منى 

-اسمعى انتى الكلام يلا امشى قال قهوة 

طلعت غزل وهى متضايقه تحضر السفره وبعد شوية طلعت مامتها وراها وفى ايديها اطباق الاكل وحطتها على السفره 

-يلا يا جماعه الاكل يلا يا جاسر يا بنى 

-لا اكل ايه مش هقدر انا اكل تسلمى 

-قوم يابنى ام غزل ميتقلهاش لا تزعل منك 

-والله يا عمى ما هقدر انا اكل معلش اعفونى

=قولتلك يا ماما مش هياكل وبعدين هو شوية وهيمشى انا عارفه 

-يمشى يبروح فين ده لسه جاى قوم يلا عشان ناكل سوا 

-صح يا حماتى ده اول اجيلكم بعد جوازى انا وغزل هقوم طبعا يلا يا داوود 

-ايوه كده اسمع الكلام يلا يا ابو غزل 

قام جاسر وهو بيبص لغزل بخبث وهى متغاظه ووراه داوود وبعدين قعدوا على الاكل وجاسر نظراته كلها مع غزل كانه بيتوعدلها وهى بتتجاهله 

همست ليها والدتها 

-حطى الاكل قدام جوزك يا غزل 

=مهو بياكل اهو 

-قومى يا بت خلصى 

=حاضر مش هناكل اللقمه بقى 

قامت وهو بيبصلها بإنتصار وحطت قدامه الاكل ولسه هتقعد شاورلها على الميه 

-هاتى مياه لجوزك يا غزل 

=ححاضر 

صبت المياه وودتهاله ولسه هتقعد اداها الكوبايه 

اخدتها بغيظ وحطتها على السفره وهى بتجز على سنانها

=تأمر بحاجه تانيه

ضحك غصب عنه وهز رأسه بلا وهى قعدت متغاظه 

وبعدين بصت لداوود وحطتله الاكل وقعدت تاكله وجاسر مركز معاهم وشايف اهتمامها بداوود 

-سيبى داوود يا غزل وكلى واكلى جوزك  انا هاكله اوعى 

كملوا اكل وسط كلامهم وضحكهم وجو من الدفى الاسرى وده الى شد جاسر نحيتهم اكتر 

وهو حاسس بأمان العيله الى محسش بيه من زمان 

وبعد ما خلصوا الاكل قعدوا يشربوا القهوة والحلى الى بعد الاكل 

-معلش يا ابنى معرفش انك جاى الاكل مكنش قد المقام بس اعمل ايه فيها مقالتليش 

=هو مكنش جاى فعلا 

بصلها جاسر وبعدين رد على والدتها

-لا ازاى متقوليش كده كل ده ومش قد المقام متقوليش الكلام ده تانى احنا اهل 

-ربنا يكرم اصلك يا ابنى ابن اصول ..يلا قوموا ارتاحوا شويه عشان نطلع الخطوبة سوى 

=اه صح البت جنى راحت لكوافير ولا فى البيت 

-لا فى البيت ليه مش مستاهله كوافير وميكب 

=طب انا هطلع اشوفها محتاجه حاجه ولا لا 

جت تمشى جاسر مسكها من دراعها 

=ايه فى ايه 

-ميصحش يا غزل تطلعى من غير ما تستأذنى جوزك معلش يا جاسر يابنى 

=واستاذنه ليه ما هو عارف انى جايه لبنت عمى 

برقتلها والدتها وكملت 

-برضه ميصحش  اقعدى مع جوزك ونبقى نطلع كلنا سوى 

=حاضر حاضر 

دخلت والدتها وهى بصتله بغيظ 

=ممكن تسيب ايدى بقى 

جز جاسر على سنانه وبص حواليه لقى حماه وحماته قاعدين قصادهم فساب دراعها وهمس بغيظ 

-بعدين ..بعدين يا غزل 

وبعدين راح قعد معاهم وهى راحت وراه 

★★★★★**********★★******★★★★★★********★★

-يخربيتك بتعملى ايه هتروحى ازاى كده اوعى تتاخرى بقى 

=يا بنتى متقلقيش الدنيا امان الامان النهارده ابويا مش هنا مع خالى وهيباتوا بره وامى زمانها نايمه دلوقتى ويوسف تلاقيه مع اصحابه الدنيا رايقه النهارده متشغليش بالك عايزين ننبسط 

قعدوا يرقصوا سوى وهم مبسوطين

-ايه ده بصى المز الى دخل علينا ده 

بصت مايا بقلة اهتمام وركزت شويه من الاضواء الى حواليها وبرقت من صدمتها 

=ايه ده انا بيتهيئلى ولا ايه ده انا لسه مشربتش كحول ده حازم ايه الى جابه هنا ده انا ناقصه  اووف 

-ايه انتى تعرفيه ولا ايه 

=اه ده شغال مع جاسر ابن عمى 

-اه قولى كده مهو الحلويات دى متشتغلش الا مع الحلويات زيها 

=امم حلويات اه طب اسكتى بقى عشان مش اسكتك بطريقتى 

-طب خلاص مالك قلبتى كده خلينا نكمل سهرتنا على خير 

اتجاهلته مايا وكملت هى واصحابها 

ام عند حازم 

دخل من الباب وقعد يدور على اصحابه فى وسط المكان وهو كاتم مناخيره من الريحه الى قابلته 

-ايه ده بيت ابو لهب ده ولا ايه 

شافه واحد من صحابه من نص النايت وراحله 

-ايييه يا حازم 

-ايه يابنى عامل ليه 

سلموا على بعض 

-ايه ياابنى الى انتم فيه ده ما قولتلك هنا لا 

-ياعم تعالى بس ده انت هتنبسط اخر انبساط 

-لا يا عم مليش انا فى الجو ده انت عارف وورايا شغل بدرى 

-ايه يا ابنى مالك عجزت بدرى كده ليه خش بس ده انا هرجعك شباب تانى تعالى 

دخلوا وبعدين راحوا لاصحابهم وسلم عليهم وبعدين قعدوا يضحكوا سوى وكل ده وحازم بيبص فى الساعه وعايز يمشى 

★★★*★*****************************************************★★★★

اخدت غزل داوود وطلعت هى ومامتها فوق لبنت عمها لان العريس واهله جايين اما جاسر استنى والدها عشان يطلع معاه ويستقبلوا اهل العريس مع عمها 

=بت يا جنى ايه القمر ده يخربيتك 

-ده انتى القمر ايه الحلاوه دى بقولك ايه جبتى جوزك المز معاكى 

=يا بت اتلمى بقى ده انتى خطيبك على وصول 

-الله هو جوزك مز بجد 

-اه امال جوزها حلو اوى عشان تعرفوا ان حظ بنات العيله دى من السما 

=طب اتهدى بقى خلى ليلتك تعدى على خير هاتى اما اشوف الفستان ده استنى 

فضلوا الستات يجهزوا العشا عشان الضيوف وغزل مع بنت عمها عشان لو ناقصها حاجه فى الميكب هو واصحابها بعد شويه طلع اخو العروسه يقولهم ان العريس واهله وصلوا تحت وان الرجاله بيستقبلوهم تحت طلعت ام العروسه وزغرطت زى اى مناسبه فى بيت مصرى وبعدها طلع العريس وهو ماسك بوكيه الورد معاه واصحاب العروسه بيعملوا الفديوهات بتاعة الخطوبه وبيصوروهم وسط زغاريط وفرح من العيلتين وبعدها بدأو يلبسوا الشبكه وفى وسط الفرحه وانشغالهم كانت غزل فى عالم تانى وهى بتبصلهم بشرود وبعدين بصت لجاسر وفى عيونها نظرة كلها ألم وحزن استغرب جاسر ومفهمش نظرتها وكان كل الوقت عينه عليها لانه مبيبحبش الجو ده وعايز يمشى بس حس جاسر ان فهم نظرتها وهى بتبص لبنت عمها وخطيبها وبعد ما خلصوا لبس الشبكه شغلوا الاغانى وقاموا عشان يرقصوا وكانت غزل بتصقف فى جمب وبتبص على جاسر بتوتر من وقت للتانى 

وهو متابعها بشك من نظراتها 

=ياربى هيفضل واقفلى زى الحيطه كده انا عايزه ارقص مع البت شويه 

وكل ده وجاسر بيفكر هى عايزه ايه بالضبط 

بعد شويه رقصت العروسه مع مامتها واصحابها وراحت شدت غزل عشان ترقص وغزل بترفض 

-يلااا يا غزل مش عايزه ترقصى معايا اخس عليكى 

قعدت جنى تهز فيها عشان ترقص 

=لا بقى معدتش قادرة 

اتمايلت غزل مع الاغانى ورقصت مع جنى تحت نظرات جاسر المصدومه من الى شايفه

بصت نحيته غزل وهى بترقص ووقفت من خوفها من نظرته الى لو كانت طايله تحرقها مكانها كانت قدرت وقفت غزل وبلعت ريقها براحه وبعدين رجعت ورى براحه وهى بتصقف بتوتر وبتتغاضى عن نظرته ليها الى لسه بتتفحصها من راسها لرجليها وبتتفحص الى حواليها بعدها سابتهم ودخلت تحيب المشروبات وتضايفهم وجاسر عينه عليها بعدها لمح ست بتمسك ايديها 

-الا قوليلى يا حلوه انتى تبع مين هنا 

=انا ..انا تبع العروسه 

-بجد تقربى ايه للعروسه 

=انا بنت عمها علطول 

-بجد يا الف نهار ابيض 

مسكت الست ايديها تبص عليهم ولقت مفيش دبله 

-طب بصى يا حلوه شايفه الجدع الى بيرقص جمب العريس ورى ده ده ابنى ولسه عازب متجوزش وبدورله على عروسه ايه رايك 

=رايى فى ايه بالضبط مش فاهمه 

-استنى هناديه

=تنادى مين استنى 

-واد يا محمد تعالى يا واد لقيتلك عروسه 

=يالهوى استنى عروسه ايه 

-تعالى يا واد بسرعه 

=ايه ده الحقينى يا ماما 

-ايوه يا ماما فى ايه 

-تعالى يا واد شوف العروسه القمر دى بنت عم العروسه 

-بس الله ما شاء الله ايه القمر ده 

-ومش مخطوبه يا واد 

-حلوه اوى يا ماما ابوكى فين يا قمر 

=يالهوى الحقينى يا ماما 

-استنى بس خايفه ليه احنا بنقول حاجه غلط 

كان لسه هيقرب منها بس لقى جاسر قدامه زى الحيطه 

-خير يابا فى حاجه واقف كده ليه 

بصله جاسر من فوق لتحت بتفحص 

-مالك بتبصلى كده ليه يقربلك ده يا حلوه اخوكى لو اخوكى اطلب ايدك منه 

مسكه جاسر من كتفه

-لا انا جوزها يا روح امك 

وخبطه بالروسيه وقعه ورى على مامته 

-يالهوي ابنيي 

مسكه جاسر تانى وضربه فى وشه 

والعريس وأصحابه وابو غزل جم يحوشوا بينهم 

-خلاص يا جاسر يابنى خلاص مكنش يعرف 

بعد عنه جاسر وهو بيتنهد وبعدين بص ناحية غزل الى كانت حاطه ايديها على بوقها من الصدمه وشدها من دراعها واخدها ونزل ووراها مامتها وابوها وداوود الصغير 

★★★★★★★★★★★★★★★★★★★★★***

فى النايت كلب 

قام حازم واستاذن من صحابه عشان يمشى 

-يا ابنى رايح فين بس ده لسه بدرى اوى 

-يا عم سبنى بالله عليك عندى شغل بكره وجاسر هيحبسنى لو اتاخرت يلا سلام 

-انت حر هيفوتك حاجات كتير اوى 

-لا كفايه عليا اوييي الى شوفته وشميته سلام 

مشى حازم ناحية الباب بس وقفته حاجه بص بتركيز اكتر واتاكد من الى شافه 

-يخربيتك هى كانت نقصاكى دلوقتى وانا مالى تولع اهلها يتصرفوا معاها 

كان هيمشى بس وقف شويه وبص حزاليها يمكن حد مز اهلها موجوده بس اتاكد انها هنا مع اصحابها وكان هيمشى بس رجع فى كلامه وقرر يتصل بجاسر 

بس جاسر مردش 

-يووه رد يا عم طب وانا مالى فعلا كانت من بقيت عيلتى 

مشى حازم وهو خارج بص عليها لقى فى شباب قريبه منها وفى واحد شدها من دراعها وواضح انها متعرفوش لانها زقته زقف شويه يتابعهم لعند ما شافه بيمسكها من وسطها مقدرش يقف وراحلها وجه قدامها 

-ايه ده وانت مين انت كمان واحد من زباينها هم كتار للدرجادى يا مزه 

-مزه وزباينها 

-اه عندك مانع يا شبح 

-لا المانع عندك انت 

وضربه بوكس فى مناخيره جاب د*م 

-يا نهارك اسود ليلتك مش معديه 

-ولا انت يا روح امك

مسكه حازم ونزل فيه ضرب لعند ما فقد الوعى وقام وهو بيمسح وشه وبعدين بص لمايا الى كانت واقفه بتبصله بذهول وهى بترمش بعينها بس 

زقها حازم بغيظ وهو متعصب 

-قدااامى انتى كمان خلصى 

مشيت مايا وهى مش مستوعبه الى حصل وبعدين رجعت لوعيها 

-ايه ده انت مالك بيا اصلا وعايز ايه 

-عايز ايه انت عبيطه يا بت انتى انتى مشوفتيش كان هيعمل معاكى ايه 

-نعم يعمل مع مين ده ميقدرش يعمل معايا حاجه وانا مش صغيرة ولا ضعيفه عشان مدافعش عن نفسي 

-نعم نعم ومدافعتيش ليه يا كبيرة يا سترونج وومن 

-وانت مالك انا حره انت  الى دخلك ايه اصلا انا مطلبتش منك حاجه انت مين اصلا انا اعرفك منين عشان تيجى تدافع عنى 

-اممم واضح ان انتى كان الجو عاجبك وهو عاجبك فمكنتيش تمثلى التمثيل ده طلاما عايزاه 

بصتله مايا بصدمه وضربته بالقلم 

-اخرس انت مين عشان تقولى كده ده انت حيالله الدلدول بتاع جاسر يعنى ملكش اى حق تعمل راجل عليا ولا تكلمنى كده اصلا بنى آدم متخلف 

عدلت شعرها وكانت هتمشى بس حازم وقفها

-استنى عندك 

بصلها حازم وعنيه حمرا ومفيش على وشه تعبير وبعدين قرب منها بجمود وهى كانت بتظهر قوتها وبتبص فى عينه بسخريه فجأة لقت نفسها اتخبطت فى الحيطه الى وراها جامد وهو ماسكها من رقبتها وهى مسكت ايده وهى بتتخنق وعروق ايده كالعه بغضب بعدها شال ايده وهى بتكح بإختناق وبتتنفس بصعوبه 

=اسمعى ...عندينا الى يمد يده على حرمه ميبقاش راجل وخصوصا لو حرمه اجنبية عنه وانا متربتش على كده والا كان زمانى راددلك القلم عشره ودافنك مطرحك ومتاويكى 

بصتله مايا بصدمه من لهجته الى قلبت صعيدى ولنظراته وعيونه الى اسودت من الغضب برعب وهى ماسكه رقبتها وبتبلع ريقها 

=انجريي قدااامى 

اتخضت مايا وجريت بسرعه من نبرة صوته العاليه 

بص حازم فى أثرها بغل وغضب وميل دماغه يمين وشمال واخد نفسه بهدوء وهدى 

=لازم تطلعوا العرق الى جوا يعنى 

وبعدين مشى وراها 

★★★★★★★★★★★★★★★★★★★★★

دخلت غزل البيت ودخل وراها جاسر  وهو ماسكها من دراعها جامد وبعدين شدها وراه ودخل اوضتها ورماها على السرير 

-عاجبك الى حصل فوق ده يا هانم ردددى 

=ا.انا معرفش ان ده كله هيحصل على فكره انا كنت...

-بس اخرسييي مكنتيش عارفه ايه بالضبط ده السبب الى مكنتيش عايزانى اجى عشانه عشان تترقصى قدام الناس براحتك 

=ايه الى بتقوله ده ان كنت رقصت فعشان بنت عمى وعشان مكسرش فرحتها مش عشان الناس على فكره ثم فكرة انك متجيش فده عشانك 

-عشانى ازاى بقى الرقص غلط على صحتى خايفه اتعب عاجبك الى حصل ده مبسوطه وواحد شحط جاى يطلب ايدك منى عشان تقولى البقف جوزى اهو 

=انا عايزه اعرف انت بتفكر ازاى وبتجيب الافكار دى منييين وانا ليه هفرح بكده ها بص انا فعلا مكنتش عايزاك تيجى عارف ليه 

-ليه خوفتى على وشى يتاكل وسط الناس

ل=ااا عشان انا كل ما ببص فى عينك بشوف عدم قبولك 

ورفضك ليا 

-نعم 

=ايوه ده الى بشوفه فى عينك من اول ما اتجوزنا عايزنى اجيبك ليه عشان اوريك لاهلى واقولهم بصوا جوزى الى مش عايزنى وبيكرهنى اهو بصوا على حياتى  التعيسه بصوا على الحب المزيف والعيشه الزوجية المزيفه الى انا عايشاها 

-مزيفه 

=ايوه مزيفه احنا ايه فى جوازنا حقيقى ممكن تقولى 

انا مفرحتش زى باقى البنات متخطبتش زى باقى البنات مقابلتش العريس الى جاى عشانى انا عشان شخصى مش عشان باباه طلب منه مجهزتش لفرحى زى اى عروسه انا مخترتش حاجه فى فرحى انا مفرحتش زى ما انتم كنتم فاكرين انت فاكر بشوية الفلوس والحاجات الى عملتها كده انا فرحت وقولت واااو لا ده غنى بقى ومعاه فلوس كتير  ايه يعنى مبيحبنش ها ايه يعنى مبيفهمنيش ايه يعنى مبيهتمش لمشاعرى وواخدنى جسد بس وبيهنى وبيشك فيا ايه المشكله ها 

قالت وهى دموعها بتنزل منها زى الشلال ورجليها ارتخت ووقعت على الارض وهى بتشهق بعياط وكل ده جاسر واقف زى الحيطه وبيبصلها بصدمه وبيستوعب كل كلمه قالتها وهو مصدوم ومش قادر يتحرك 

=انتم ليه فاكرين ان كل حاجه هى الفلوس والهدايا والقصور فين المعامله فين الحب انا مكنتش عايزه ده كله انا بس كنت عايزه كلمه حلوه وايد حنينه تطبطب عليا للدرجه دى طلبى صعب ومش هلاقيه 

ضغط جاسر على ايده وهو مغمض عينه بألم وحاسس انه متكتف ومتردد مش قادر يعمل حاجه 

قاطعهم صوت خبط على الباب 

-جاسر يا ابنى افتح يا ابنى حقك عليا انا انا عارفه الواد غلطان معلش وبنتى غلطان انى هى مندهتكش علطول 

بصتله غزل بسخريه 

=شايف شايف اهلى بيعاملوك ازاى بيغلطونى وبيراضوك 

انا لو مكانهم وحد من عيلتك غلط هتحط الغلط عليا انا وتهنى انا 

بصلها جاسر بإنتباه وبعدين فاق اكتر على خبط الباب 

-افتح يا جاسر يا ابنى متعملش فيها حاجه دى مراتك 

قامت غزل ومسحت دموعها وعدلت فستانها وجاسر بص عليها وبعدين راح ناحية الباب وبصلها 

-كلامنا لسه مخلصش لينا بيت نتكلم فيه يا مدام جاسر الايبارى 

بصتله غزل وهى ساكته ومردتش وبعدين هو فتح الباب ودخلت والدتها ووراها والدها 

-ايه يا ابنى ده كله ايه الى حصل مالكم 

-فيه ايه يا بنتى حصل ايه 

=مفيش يا بابا محصلش حاجه ده ..ده جاسر زعل من الموقف وعايزنا نمشى 

-تمشوا ليه يا ابنى بس ما تخليكوا قاعدين معانا 

-لا معلش يا عمى لازم نمشى والدى مش فى البيت ولازم نمشى اتاخرنا 

-اديك قولتها والدك مش فى البيت ف خليكوا معانا الليله دى بس وبكره امشوا زى ما انت ا عايزين ده حتى غزل وحشتنا اوي وداوود الصغير وبعدين عشان ياخد علينا برضه بدل ما هو مش عارفنا كده 

-بس 

-عشان خاطرى ده اول طلب اطلبه منك يا ابنى واثبات ان انت مش زعلان من الموقف الى حصل فوق ها قولت ايه 

بصلهم جاسر بحيره وبعدين بص ناحية غزل كانت مربعه ايديها وشارده والدموع باينه فى عنيها 

-ها قولت 

-سيبيهم على راحتهم يا ام غزل لو هيضايقوا 

-لا ابدا يا عمى مش هنضايق خلاص هنبات 

بص جاسر ناحية غزل الى بصتله بصدمه لانه وافق 

-بجد ربنا يكرم اصلك ياابنى 

-تسلمى يا حماتى 

-يلا غيروا هدومكم على اما احضر العشا واستنى هجبلك جلابيه نوم من هدوم ابو غزل 

-لا مش لازم انا هنام كده 

-لا تنام كده ازاى وترتاح فى النوم ازاى بهدومك كده

ما تكلمى جوزك يا غزل 

بصتلهم غزل بضيق وهى مربعه ايديها 

=سيبيه على راحته يا ماما طلاما مش عايز 

بصلها جاسر شويه وبعدين بص لوالدتها 

- اسيبه ازاى يا بت بص هجبلك جلابيه صدقنى هترتاح فيها ومتقلقش طويله مش قصيره يلا 

-استنى بس يا طنط

مشيت والدتها وهو وقف بقلة حيله مش عارف يعمل ايه ولا يقول ايه وبعدين بص على غزل كانت لسه على وضعها وواضح انها عايزه تعيط 

افتكر كلامها كله ودماغه وقفت (اول مره اتحط فى موقف معرفش اتصرف فيه كنت علطول بلاقى الحلول لكن دلوقتى حاسس انى عاجز ومش قادر اعمل حاجه ) بعد شويه جت والدة غزل ومعاها جلابيه وحطتها على السرير 

-يلا يا ابنى ادخل استحمى والبسها جهزى لجوزك الحمام يا غزل على ام اجيب هدوم لداوود يلا 

بصتلهم غزل بضيق ومردتش 

-يلا يا بت هتفضلى واقفه 

بصلها حاسر ببراءة ومستنى ترد 

دبدبت غزل برجليها ومشيت بغيظ 

=حاضر حاضر

ضحك جاسر عليها وعلى شكلها وبعدين جت والدتها 

-معلش يا ابنى هى عصبيه اه بس حنية الدنيا فيها وبتصفى فى ثانية ان شاء الله بكلمة صغيرة بس اكبر مشكله انها كانت بتدلع علطول ومتعرفش تنام الا لما اقعد امشى ايدى على راسها عشان تنام 

بصلها جاسر بتركيز واستماع 

اتمنى متكونش لسه كده بس لو لسه يبقى مبتنامش وبتعمل نفسها نايمه كانت تعمل كده وهى صغيرة ههه 

ضحك جاسر وطبطب على ايديها 

-متقلقيش ربنا يقدرنى ومزعلهاش ابدا 

-ربنا يهدى سركم يا ابنى 

-العشا يا ام غزل 

-حاضر حاضر يلا يا ابنى خد دش كده والبس وتعالى عشان نتعشى سوى 

مشيت والدتها وفضل جاسر شارد ومش عارف يعمل ايه بص حواليه واخد الجلابيه فردها وهو بيبصلها بإستغراب بس لقاها طويله فعلا هتيجى على مقاسه بعد شويه جت غزل وهى بتنشف ايديها ومضايقه 

الحمام جاهز اتفضل 

-ايييه غزل انا 

=بسرعه عشان نتعشى وانا جعانه 

سبته ومشيت وهو رمش بعينه كذا مره بإيستعاب 

-جعانه انا كنت هقول كلام مهم وهى جعانه اااه 

اخد الهدوم وراح الحمام وغزل راحت تغير لداوود 

=يلا يا داوود مش هشوف الأمله انا

-لاا انتى نوتى متبسيس عليا 

=حاضر يا عم انا نوتى وهبص عليك ها تعالى 

-لااا انا هغير لوحدى

=خلااص البس خلص والا هناكل ونسيبك 

-حاضر اطلعى برى 

=اطلع برى ...ياض عيب ياض ده انا قد امك يلا طالع لابوك هتطلع لمين يا رب صبرنى 

خرجت غزل وراحت تغير هدومها وقبل ما تدخل الاوضه اتاكدت ان جاسر لسه مخلصش دخلت تدور على اى هدوم ليها فى الدولاب 

=امم بيتهيئلى كنت سايبه بيجامتين هنا عشان الضروره راحوا فين ..امم ايه ده مفارش انتى لحقتى يا ماما تعملى اوضتى مخزن مامااااا مامااا

-ايه ايه بتجعرى كده ليه عيب اناى بقيتى متحوزه وجوزك بره 

=يعنى اعمل ايه يعنى ايه يعنى برا 

-يعنى شوية انوثه كده اتدلعى مش مامااا ايه مخلفه بقرة وانا معرفش 

=طب خلاص خلاص فين بيجاماتى الى كانت هنا 

-بيحامات ايه ما انتى اخدتيهم 

=اخدت ايه انا سبت هنا اتنين راحوا فين 

-اااه يبقى ولاد خالتك اخدوهم ما انتى سايباهم بقى 

=وسايباهم يعنى مش محتاجاهم يعنى مش تسالوا الاول البس انا ايه دلوقتى 

-طب بس خلاص استنى هجبلك حاجه من عندى وطى صوتك 

=اخدوهم اه ده انتم ما صدقتوا خلصت ا منى بتوزعوا حاجتى دول اهلى دول ولا لاقينى 

جابتلها والدتها قميص طويل من بتوعها وبكم للنوم اخدته وغيرت هدومها وفردت شعرها وقعدت تسرحه وبعدين راحت تغير مفارش السرير وتظبط الاوضه 

=والله الاوضه مش محتاجه نضافه واضح انها نضفت لما مشيت ههه 

دخل جاسر الاوضه وهو بينشف شعره واتفاجأ بحد بيرتب السرير وواضح من الهدوم انها مش غزل اتوتر جاسر واتحمحم وكان هيطلع بس غزل لفت بصلها جاسر بذهول لانها لابسه قميص بيتى عادى بس سرح فى شكلها واتفحصها وكانت حلوه وهى فارده شعرها كانها اخدته لجو دافى وريحه تانيه لزمان وخصوصا ملامحها وعنيها الواسعه فكرته بمامته زمان 

فاق جاسر على صوت غزل وهز راسه بإستيعاب 

ا-حم ايه والدتك بتنادى عشان الاكل

=طيب روح وانا هخلص واجى وراك 

-احم ..هو داوود فين 

=داوود فى الاوضه التانيه بيغير هدومه 

-اه طب ايي..

=انا هروح احط الاكل مع ماما 

-استنى 

مسكها جاسر من ايديها وهى معديه من قدامه لفت غزل وبصتله وكانت قريبه منه لدرجه انفاسهم اختلطت سوى 

★★★★★★★★★★★★★★★★★★★★★

عند حازم 

كان حازم ركب العربيه هو ومايا وكانت مايا بتبصله مز وقت للتانى بإستغراب (معقول من الصعيد بس مش باين عليه خالص وايه يعنى من الصعيد دى بلد الجهله انا مالى بيه الحيوان ده بس استنى هدفعك تمن الى عملته ده غالى اوى وحطيتك واحد من اعدائى با سى حازم )

كان حازم بيسوق وهو متجاهلها تماما ومتغاظ منها ومن غرورها وبيبصلها بضيق (الى زى دى مناخيرها بتبقى فى السما على مفيش وده كله بسبب التربيه الغلط والترفيه اه لو كنتى عندنا فى البلد كان زمانك مو*تى عشر مرات و اتدف*نتى والقلم الى اخدته ده هردهولك بس مش دلوقتى يا ست يا مايا )

كان الكريق كله مشاحنات ما بينهم ونظرات كره لعند ما وصل حازم لبيتها وركن العربيه بفرمله خلت مايا وصلت للإزاز بس لحقت نفسها وشعرها جه على وشها 

رجعت ورى بعصبيه

= ايه ده انت متخلف كنت هتخبطنى فى الازاز 

-وده اول درس بصفتى ضابط لازم بعد كده تحطى حزام الامان مش معنى انك مبتسوقيش يبقى متحطيهوش يلا انزلى خلصى ولا هخدك احبسك فى التخشيبه الليله دى يلاااا 

بصتله مايا بغيظ ونزلت ورزعت الباب وراها وهى بتطير شعرها بغيظ 

=حيوان بصحيح طلعلى منين ده 

-لحظه استنييي 

وقفت مايا 

=عايز ايه يا سى زفت 

-زفت ده انا لا انا ساكتلك من بدرى 

=اه انت اعلى ما فى خيلك اىكله ها 

-حاااضر 

نزل حازم وراح ناحيتها بغضب فوقفت مايا بشجاعه مزيفه فى وشه وهى بتعدل شعرها بغرور 

=متنساش انك قدام بيتى دلوقتى يعنى ده مش فى مصلحتك فيلا روح يا شاطر وشوف انت رايح فين 

بصلها حازم من فوق لتحت بتجاهل ومشى ناحيه باب بيتها ف اتوترت ومشيت وراه 

=انت يااا رايح فين 

ضرب حازم جرس الباب كذا مره 

=بقولك بتعمل ايه انت مكنتش ماشى 

مردش عليها حازم وكمل 

=المتخلف هيصخى ماما وهيفضحنى استخبى فين دلوقتى 

اتفتح الباب وكانت والدة مايا 

ا-لسلام عليكم ازى حضرتك 

=ايه ده حازم ازيك عامل ايه خير يا ابنى فى حاجه حد حصله حاجه 

-لا لا متقلقيش ده بس انا ..لقيت الانسه مايا كانت فى ...

بصت والدتها ليها بصدمه وهى اتوترت وقربت بسرعه قبل ما يقول 

=كنت فى عيد ميلاد اخو جيهان يا مامى وهو كان هناك ف اصر يوصلنى 

=كده يا مايا انا مش قولت ميت مره اعياد الميلاد المتاخر دى لا كده ينفع 

=خلاص بقى يا مامى وبعدين ااا يوسف كان هناك اصلا بس مع اصحابه صح 

بصلها حازم بسخريه من تحت لفوق (قلبت فرخه دلوقتى)

-على العموم يا هانم المهم انها وصلت بخير استاذن انا 

=شكرا بجد يا ابنى انا مش عارفه اقولك ايه والله 

-متقوليش حاجه يا هانم ده واجبى استاذن انا تصبحوا على خير 

=وانت من اهله يا ابنى اعذرنى الوقت اتاخر بس ده ميمنعش انك لازم تزونا كده يوم عشان اشكرك على وقفتك دى ولازم تيجى بجد والا هزعل ده انت فى مقام جاسر بالضبط 

-اكيد يا هانم ده شرف ليا بعد اذنكم 

وبص لمايا بإستهزاء وهى ردتله بكره وغل وبعدها مشى اما مايا والدتها شدتها جامد وقفلت الباب 

=كده ينفع يا مايا عجبك منظرنا قدام الناس وانتى جايه فى الوقت ده والله اعلم منين انا مش حذرتك مية مره سهر لا وتاخير لا ولا عايزه باباكى يتصرف معاكى انا بدارى عليكى اه لكن توصل لكده اتصرفى مع باباكى 

=يا مامى انتى فاهمه غلط انا بس طولت عشان حيهان متزعلش 

=متزعل احسن من الموقف البايخ ده عاجبك كده يقول علينا ايه دلوقتى يقول معرفتش اربى بنتى 

=ما يقول الى يقوله هو ليه عندى ايه ومبقاش فاضل غير ده تعمليله خاطر 

=وماله ده بقى ان شاء الله ضابط ومحترم وسالت عيه طلع من عيله كبيره مش زى ما قولتى واديكى شوفتى هو الى جايبك من نفسه يعنى خطوه يبقى ليه لا 

=لا بتهزرى يا ماما ده لو اخر واحد فى الدنيا ..انا مش هتجوزه ده كمان طلع صعيدى انت متخيله 

=صعيدى بجد طب ايه المشكله يبقى فعلا من عيله كبيرة 

=يوووه انتى بتفكرى فى ايه هو ده الى لفت نظرك 

=ماياا لمى الدور وكفايه المصايب الى بتعمليها وغورى يلا على اوضتك كفايه فضايح لعند كده 

=طيب بقى يا انا يا هو سى زفت ده 

★★★★★★★★★★★★★★★★★★★★★

عند غزل 

قرب جاسر منها وهو مشدود لعنيها الى بتبصله ببراءه وريحتها الى بتشده ليها اكتر كل ما يقرب ونظراتها على شفاتيها وضعفه الى بدأ يظهر قدامها بس 

-غزززل يلا العشا جاهز 

=ااا حاضر حاضر

بعدت غزل بسرعه هى وجاسر بخضه وبعدين خرجت غزل وجاسر وراها 

-ايه يا ولاد اتاخرتم ليه يلا عشان نتعشى 

قعدت غزل جمب باباها والناحيه التانيه مامتها وداودد وجاسر وبعدين بداو يتعشوا سوى وسط جو من الالفه والدفى الى وسط العيله الى كان بيحبب جاسر فى الجو ده اكتر وخصوصا هيئته هو وغزل وشكلها الى شده اكتر وبعد ما خلصوا الاكل قامت غزل تعمل شاى وبعدين جابت مقرمشات وفشار عشان يسهروا سوى 

=بابا فين الافلام الى كانت هنا 

-شوفيهم فى المكتبه بس متجبيش رعب 

=لا مجبش رعب ايه ده ما تحلاش الا بالرعب 

-لا يا غزل عشان داوود 

=داوود مين ده بياكلنى فى البيت ..صح انت بتخاف من الرعب 

-لا بحبه 

=اهو شوفتم 

جابت غزل فيلم وشغلته وبعدين قعدت جمب والدتها وهى بتاكل فشار  ومندمجه مع الفيلم هى وداوود ويدوا بعض الفشار اما والدتها كانت بتغمض عنيها وقرفانه منه ووالدها وجاسر كانوا عادى مفيش ردة فعل 

بعد شويه قام والد غزل عشان ينام 

-تصبحوا على خير يا ولاد

=ليه يا بابا ده لسه بدرى 

-بدرى ايه بس ده احنا وش الفجر ليلة هنيه عليكم يا اولاد 

-استنى خدنى معاكى يا ابو غزل 

=راحه فين يا ماما لازم تكملى الفيلم 

-فيلم ايه انا قطعت الخلف من بعدك بتقطعبه تانى 

ضحكت غزل هى وجاسر على مامتها وبعدين كملوا الفيلم سوى وكان حاسر مربع ايده وحاسس بالملل 

وداوود مندمج وبياكل فشار 

وبعدها غزل شاورت لداوود عشان يدى فشار لجاسر 

بصلها داوود شويه وبعدين بص لجاسر ورجع هز راسه بلا وكانه مش عايز يضحى 

=يعنى خايف منه ومش خايف من الفيلم 

بصت غزل لجاسر ولهيئته وهمست جمب داوود 

=احم معاك حق هو يخوف فعلا 

بصلهم جاسر بطرف عينه وكمل فرجه

اخدت غزل الفشار ومدت ايديها قدامه من غير ما تبصله 

بص جاسر لايديها وبعدين بصلها واخد من الفشار 

كملوا فرجه وفجأة حست غزل بخيال وراها وجاي على التليفزيون وقت صرخه من الفيلم خلتها اترعبت وصرخت وهى بتمسك فى جاسر بخوف 

اتخض جاسر ومسكها 

-ايه فى ايه 

-ففى ..فى خيال ورايا فى حاجه 

بص جاسر ورى ملقاش حاجه وبعدين اخد باله انه ده خيال الدولاب الى ورى 

-مفيش حاجه ده الدولاب الى ورى 

=ايه ده بجد 

بصت غزل وطلع مفيش حاجه 

طلعت ضحكه من داوود على غزل خلت جاسر يضحك معاه غصب عنه وده احرج غزل 

=خلاص الله حسيت حد ورايا يكون حرامى دخل من الشباك 

مسك جاسر بطنه من الضحك وداوود ساند ضهره وهو بيضحك بطفوله وغزل بترجع شعرها ورى ودنها بإحراج

=ما خلاص بقى الله قوموا يلا ناموا مفيش فيلم قوموا 

قامت غزل طفت التلفزيون واخدت الاطباق ودتها المطبخ وجاسر بيبص عليها بضحك 

-جبانه وقفوشه 

=ما تقوموا تناموا ولا فقرة الضحك عليا مخلصتش 

دخلت غزل الاوضه بغيظ وجاسر وداوود قاموا وراها 

عدلت غزل الغطا ورجعته واتخضت لما لقت داوود بيزقها وهو بيخوفها 

=اااع داوود ايه الى عملته ده 

-خضيتك هههه 

بص جاسر لداوو وغمزله وغزل لاحظت وحطت ايديها فى وسطها بغيظ 

-لا والله بتعلمه ايه بقى 

-انا مقولتلوش حاجه ثم هو اخد عليكى خلاص انك خوافه 

=اااع انا مش خوافه ومتكلمنيش ها 

ضحك جاسر عليها وهى دخلت تخت الغطا واتغطت ونامت 

-احم احنا هنام فين 

=ما تناموا فى اى حته الاوضه واسعه 

بص جاسر لداوود بحيره 

-تب انا مبعرفس انام جمب حد 

=سلك نفسك دلوقتى يا اخويا على اما نروح بكره 

ربع داوود ايده بتذمر 

-اوووه بقاا 

بصله جاسر بذهول على حركاته وبعدها

طلع داوود من على غزل كأنه بيتسلق وبعدين عدى وراها ونام فى النص 

ااه براحه انت بتطلع على جمل 

انت مس راضيه تسلينى 

طب نام يلا 

بصلهم جاسر بإستغراب وبعدين لف وشال الجلابيه واتغطى جمبهم و.....يتبع

البارت ال15 من #انتِ_الترياق

اتغطى جاسر ونام جمبهم وهو حاسس براحه محسش بيها قبل كده وغمض عينيه وفى ابتسامه على وشه 

بعد وقت 

فتح جاسر عينه من تقليب غزل وبص عليها كانت بتتقلب وواضح انها منامتش فعرف هى ليه منامتش 

بص على داوود لقاه نايم فى عمق غطاه وقرب شويه وحط ايده على شعر غزل ومشى ايده عليها شويه وهو مركز معاها بعد شويه قرب منها وكانت بتتنفس بهدوء فابتسم لما اتاكد انها نامت قرب وباسها على اول راسها وغطاهم كويس وبعدين نام 

★★★★★****★*★★★★★★★★★*★****★★★

نزل حازم من العربيه بعد ما ركنها وبعدين طلع شقته ودخل حط مفاتيحه على السفرة وبعدين دخل اخد شاور وطلع عارى الصدر وبينشف شعره ودخل المطبخ طلع اكل من التلاجه وحطه فى الميكرويف يسخنه واستناه وهو حاطط ايده على خده بشرود وبيفتكر مايا (يا بنت ال ....مسيرى هردهولك القلم ده بس مش دلوقتى خليها كده على الهادى بس استنى ) طلع الاكل بعد ما سخنه وقعد ياكل وبعدها عمل نسكافيه وطلع البلاكونه يشربه وكل ما يفتكرها ويفتكر انها ضربته يضايق ويجز على سنانه (غورى بقى من بالى ...اااه لو مسكتك هعرفك تضربى مين يا سحلية انتى ) خلص النسكافيه وبعدها دخل ينام 

★★★★★*★★★**★*★★★★★★***★★★★

دخلت والدة غزل لاوضة غزل بليل تتطمن عليهم وهى مبسوطه ان اوضتها فيها حد زى زمان 

قربت من غزل ومشت ايديها على راسها بحنان فاتملمت غزل بنوم واتقلبت الناحية التانية فابتسمت والدتها انها نايمه فعلا وبعدين بصت على جاسر وغطته وطبطبت عليه وباست داوود وخرجت فى الوقت ده صحى جاسر وبص فى أثرها بعد ما مشيت وبعدين بص فى الفراغ بشرود وعنده مشاعر متخبطه وبعدين بص على غزل وابتسم واتقلب نحيتهم وحضنهم ونام وكانت دى اسعد ليلة تمر عليهم كعيله ❤️

★★★★★★★★★★*★★★★★★★★★★*★

مايا 

طلعت مايا اوضتها بضيق واخدت شاور وغيرت هدومها وجه فى بالها حازم 

يوووه مبقاش فاضل الا انت كمان افكر فيك بس والله لادفعك تمن ده كله غالى اوى عشان تعرف انت بتلعب مع مين بس ..ازاى كان بيتكلم صعيدى اللهجه دى صعيدى معقول معقول يكون صعيدى فعلا بس مش باين عليه الصعايده مش كده ...الله وانا مالى بالزفت ده انا هناسبه مش هتفرق صعيدى ولا لا 

قعدت تفكر كتير وبعدين تعبت ونامت 

★★★★★★★★★★★★★★★★★★★*★★*

كنتى فين دلوقتي

كنت بشقر على الولاد واغطيهم 

هم صغيرين ده كبار ومتجوزين 

الله وايه يعنى مهما كبروا احنا اكبر وفى نظرنا عيال 

وبعدين مبسوطه ان اوضتها اتملت تانى بريحتها زى الاول 

معاكى حق عاملين حس فى البيت  

متقلقش بكره تملى علينا البيت ده عيال وبعدين فى داوود 

ايوه بس انتى عارفه الى فيها 

وماله اعتبره ابن بنتى يعنى انا كمان سته وانت جده يلا نام بقى وابقى صحينا للفجر 

تصبحى على خير

وانت من اهله 

بعد وقت صحى والد غزل يصلى الفجر وصحى ام غزل وراح يصحيهم بس لقى جاسر بيتوضى عشان يصلى 

انت هنا طب مش تصحينا

قلت ما اقلقكوش

لا تقلقنا ازاى دى صلاة الفجر يا ابنى 

صحى غزل يا ام غزل نصلى جماعه 

حاضر 

راحت والدتها تصحيها وكانت غزل نايمه بعمق 

بت يا غزل 

اممم 

قومى يا بت الفجر اذن قومى عشان نصلى 

طب شويه وهاجى وراكى 

قومى يا بت بلاش كسل

حا..ضر خمس دقايق بس

يا بت قومى جوزك صحى بره قومى صلى معانا 

ايه جاسر 

اه قومى 

قامت غزل بصت مكانه ملاقتوش واتاكدت انه برا فقامت لمت شعرها وخرجت بتقل ورا مامتها 

لقت جاسر برى بيصلى السنه هو وابوها 

ايه ده جاسر فعلا 

يلا يا غزل اتوضى عشان نصلى جماعه سوى 

اتوضت غزل ومامتها وبعدين صلوا السنه وخلصوا 

بعدها قام جاسر وقف قدامهم وأمهم واستغربت غزل انه هو الى هيصلى بيهم 

بعدها كبر جاسر وبدأ يقرأ القرآن بصوت عذب وهم بيصلوا وراه وبعدها سلموا 

رفعت غزل راسها بذهول من الى سمعته

ربنا يبارك فيك يا ابنى ما شاء الله عليك

بسم الله تبارك الله ايه التلاوة الحلوه دى اتعلمت القران فين 

كنت اشتغلت فترة ضابط عمليات وفى الفترة دى كنت وزمايلى بنحفظ القران وبنسمعه لبعض وكنت علطول بأمهم فى الصلاة وده كان بيبقى تحسبا لو حد فينا مات قبل التانى نقابل ربنا واحنا حافظين كتابه لان شغلنا كان صعب و راح منه كتير 

ربنا يحميكم ياابنى فعلا شغلكم صعب ده انتم الى بتحموا البلد 

كانت بتبصله غزل وهى حاسه بفخر بيه وفى نفس الوقت بحزن عشانه لانه اكيد مشافش قليل فى الشغلانه دى وهو عينيه جت فى عينها وهو سرحان فيها 

يلا يا اولاد قوموا ناموا شويه على اما الصبح يطلع 

قامت غزل وراحت قلعت الاسدال وبعدين اتغطت وجاسر دخل وراها ونام جمبهم 

انت اكيد بتصلى الفجر علطول ليه مكنتش بتصحينى اصلى معاك 

بصلها جاسر شويه وبعدين بص قدامه 

معرفش انك بتصلى اصلا ثم فى قصة الصلاة دى الى مش عايز مش بكبره بكره يفهم ويتعظ 

ليه كده علفكره ممكن تكون سبب ان حد مبيصليش يبدأ يصلى تانى بسبب نصيحتك امال الشيوخ والداعيه بيفضلوا ينصحوا فى الناس ليه عشان لعل وعسى حد يتعظ ويبعد عن الغلط الى بيعمله ده ربك الى قال كده 

-ربنا لو عاوز يهديه هيهديه هو قادر على كل شئ 

=ايوه بس مش معناه اننا منحاولش ونقوى ايمانا بيه 

بصلها جاسر شويه وبعدين سكت 

مش كل الى حواليكى بتقدرى تغيريه فى حاجات انتى مش قدها فبتسيبها لربك 

بصتله غزل شويه وهى بتحاول تفهم قصده 

يلا نامى عشان  هنمشى الصبح عندى شغل وداوود هيروح الحضانه 

نامت غزل وهى فى راسها مية حاجه وبتفكر فيها وبعدها غمضت عنيها واستسلمت للنوم 

★★★★★★★★★★★★*

تانى يوم صحي جاسر واتقلب جمبه وبص على غزل وادوواد وهم نايمين وداوود نايم فى حضن غزل وابتسم وفضل يبصلهم شويه وهو بيمشى ايده عليهم فصحيت غزل وجاسر شال ايده بسرعه وبصتله شويه وبعدين بصت لداوود الى فى حضنها 

يااه لو نفضل كده علطول ده العيله الى كنت عايزه اعملها بس شكلى مليش نصيب 

صحى داوود وقومى يلا عشان نمشى 

قامت غزل وهى بتتمطع وبتصحى داوود براحه وجاسر قام راح الحمام وغير هدومه ورجع تانى كانت غزل راحت لبابها الى قاعد فى الصاله صبحت عليه 

صباح الخير يا حج ايه الحلاوة دى على الصبح صغرت عشر سنين 

يا بت بطلى بكش بس وحشنى البكش بتاعك ولمضاتك يا بنت الكلب 

ههه لا يبقى وحشتك فعلا 

وبعدين راحت تساعد والدتها فى المطبخ 

صباح الخير يا ماما

صباح الخير يا حبيبتي يلا صحى جوزك وداوود يلا عشان نفطر سوى 

هم صحيوا وجاسر لبس عشان هيمشى 

يمشى ليه يا بنتى 

عنده شغل يا ماما وداوود هيروح حضانته 

بسرعه كده زعلتينى يا غزل 

يا ماما هبقى اعدى عليكى انا تانى وهجيب داوود معايا متقلقيش 

طب خلاص افطروا الاول 

مش عارفه هيفطر ولا لا انا هعمله قهوة على اما يطلع 

يفطر وميفطرش ليه اوعى كده انا هروحله 

هه ايوه انتى قدها يا ماما 

بس يا بت يلا جهزى السفره 

طلع جاسر وقعد جمب حماه 

صباح الخير يا ابنى ايه مالك مستعجل ولابس هدومك ليه 

صباح الخير يا عمى  همشى عشان عندى شغل ضروري 

طب غزل وداوود هتاخدهم معاك 

ايوه هى غزل فين 

غزل جوه مع مامتها 

يلا يا غزل الفطار ..ايه ده انت لبست بسرعه كده ليه 

يلا اتصرف انت مع حماتك بقى 

عندى شغل والله يا طنط ومش هقدر اقعد اعذرينى 

لا انتم هتمشوا ازاى مش هتتغدوا معانا النهاردة 

لا غدا ايه مش هينفع المره الجايه ان شاء الله

يعنى كده ماشيبن انا ما صدقت جيتوا طب حتى اقعدوا كمان يومين 

متزعليش هجبهم واجى تانى متقلقيش يا اما انتم تيجوا تقعدوا معانا 

لا نقعد ايه يا ابنى الواحد كبر ومعدتش يقدر يقعد فى مكان تانى غير بيته هتفهمها بعدين دى يلا قوموا عشان نفطر 

بعد شويه طلع داوود وهو بيفرك فى عينه بنوم وبعدين راح قعد على السفره وهو مستنى الاكل 

انت صحيت يا صغنن ثوانى وهنحط الفطار يلا يا بت يا غزل 

حااضر يا ماما 

جابت غزل لاطباق وحطتها وبعدين جابت العيش السخن ومعاه الشاى وحطت جمبه النعناع 

الله الله واضح ان الفطار الملوكى ده مش معمول عشان خاطرى انا مش كده 

بصلها جاسر بإستفهام وهى بتكلم مامتها 

بس يا بت بطلى برطمه ما انتى ياما اكلتى ده عشان جاسر وداوود

اه اخد بعضى انا وامشى بقى 

لا يا حبيبة ابوكى تمشى ازاى 

وقرب وهمس بخبث 

هنمشيهم هما ونقعد احنا 

اشطا يا حج 

ايوه يا اخويا دلعها فى الاخر هتطردنا احنا 

ضحكوا كلهم وبصلهم جاسر ولعلاقتهم مع بعض وهو مبتسم وحاسس بالدفى بينهم بعدها اتنهد وقام وبص للاكل وشكله وهو سخن وجمبه العيش والشاى وفى ريحه بتاخدك لزمان ولبيوت زمان 

بدأو ياكلوا فى وسط كلامهم وضحكهم مع بعض 

بعدها قام جاسر واستعجل غزل وبعدين اخدت داوود وراحوا يلبسوا 

خد بالك منهم يا ابنى وخدوا بالكم من الطريق ومتطولوش علينا يومين كده وتعالوا تانى 

خاضر يا طنط متقلقيش 

دخلت والدة غزل ليها 

يلا يا بناى حوزك متاخر على شغله 

ما يتاخر ملبسش يعنى 

غزل اوعى تكونى بتعامليه كده فى بيتكم مينفعش المعامله دى الراجل ميبحش العند والشد فى المعامله 

بصتلها غزل بسخريه (والنبى لا ده نافع ولا ده يا ماما)

سمعتينى 

خلاص سمعت حاضر يا ماما 

ربنا يهدى سركم يا بنتى 

بعد شويه هرجت غزل ومعاها داوود وسلموا على اهلها واخدهم ونزلوا واهلها وصلوهم للعربيه 

مع السلامه يا ماما مع السلامه يا بابا هتوحشونى 

مع السلامه يا حبيبتي متكوليش الغيبه علينا 

مع الف سلامه يا بنتى خدوا بالكم من نفسكم خد بالك من الطريق يا ابنى مع الف سلامه 

الله يسلمك يا عمى 

شغل جاسر بالعربيه و غزل شاورت لاهلها وهى متأثرة وزعلانه وبعدها مشيوا اخد جاسر باله من غزل ومزاجها الى اتقلب وباين عليها الحزن وبعدين كمل سواقه ووصل داوود لحضانته وبعدها وصل غزل البيت 

اخدت غزل شنطتها وكانت هتنزل بس وقفها جاسر 

احم ..محتاجه حاجه اجبهالك وانا جاى 

بصتله غزل بإستغراب وذهول 

قولت .. ايه

محتاجه اى حاجه اجبهالك وانا جاى يعنى حاجه عايزاها 

سكتت غزل شويه (هو سالنى بجد يا ترى فيه فخ ورى سؤاله ده بس انا مش محتاجه حاجه ...طب وماله احتاج طلاما عايز )

اييه اه ..كنت عايزه ...شوكلاته 

شوكلاته ...بس ده الى عايزاه 

ايوه شوكلاته دارك جت على بالى 

تمام ..هجيب وانا جاى 

تمام 

سابته غزل ونزلت ودخلت البيت من غير كلمه زياده معاه 

بص جاسر فى أثرها واتنهد 

وماله نجيب شوكلاته 

وبعدها شغل العربيه وطلع على شغله 

دخل المكتب ولقى حازم مستنيه فى المكتب 

ايه يا كبير نموسيتك كحلى يعنى جاى متاخر ليه 

وانت مالك يلا هتحقق معايا 

حاشا لله يا كبير بس قلبى متوغوش عليك بس 

لا يا اخويا متتوغوش خليك غى حالك 

كده ده انا حازم حبيبك تخبى عليا 

اخبى عليك يلا سيبك من ده كله عملت ايه فى الشغل الى قولتلك عليه 

خلصته يا اخويا مانا مفيش غيرى هنا ..اه كان فى حاجه كنت عايز اقولك عليها حصلت امبارح 

ايه الى حصل قول 

امبارح شوفت بنت عمتك فى نايت .......وانا فى عيد ميلاد صاحبى 

وبعدين 

حكى حازم لجاسر كل الى حصل امبارح لعند ما روح 

بص جاسر قدامه بشرود وبعدين بص لحازم 

دى العادى بتاعهم بس البت دى وراها حاجه وانا مش قادر اوصلها 

انت لسه هتشك مى باينه زى عين الشمس 

لا ده مش كفايه دى مش اول مره يوصلنى حاجه عنها وخايف تعمل حاجه دى مجنونه 

طب الحل ايه ما انت عارف انها كانت عايزاك 

ما تتلم ليه عايزاك دى 

الله ده الاعمى يشوف انت ازاى مش شايف واكيد نراتك برضه اخدت بالها واراهنك ان حصل بسببها خناقات بينكم 

ايوه صح بس قولت غيرة بنات عادى 

لا ده الست اكتر واحده تفهم الست 

سكت جاسر شويه وهو بيفكر وبعدين بص لحازم 

ايه بتبصلى كده ليه 

بفكر فى الحل والى متاكد منه ان الى زى مايا مبيحبش هى بس من النوع الى بيحب الحاجه تبقى بتاعته بس مش اكتر وانا عرفت حلها 

ايه هو 

ضحك جاسر بخبث 

هقولك ..............

بعد شوية 

ايه ده مستحيل 

وليه مستحيل 

الموضوع مش سهل زى ما انت مفكر ده موضوع عايز ترتيبات ومينفعش يجى بسهوله كده وبعدين افرض اتدبست وانت عارف اهلى 

متقلقش اكيد هنوصل لل. عايزينه قبل ما تتدبس ثم انت عارف المنظمات دى مش سهل الوصول ليها لا بالمراقبه ولا غيره لازم تبقى تحت ايدينا 

طب ليه مش انت

كان ممكن فعلا انا بس انت عارف فيه غزل 

اااه قول كده يا حبيب 

اتلم بقى يلا وخلص اعمل الى قولتلك عليه فى اسرع وقت 

طيب انا همشيها من عندى بس الجمب التانى انت مشيه بقى 

متقلقش مرتب كل حاجه 

ازاى بقى 

بصله جاسر بخبث 

ابويا 

اه يا ابن ال 

هااا 

ده انت مرتب لكل حاجه بقى وعايز تدبسنى 

ايه هنخاف ولا ايه 

لا وعلى ايه حاضر مقداميش حل تانى  سلا انا عشان اجهز نفسي 

مع السلامه يا ....ولا بلاش خليها بعدين 

اااااع ده انا اتدبست بجد 

مشى حازم متغاظ وحاسر بيضحك عليها بعدها قعد يشوف القضايا والمحاضر الى وراه 

★★★★★★★★★★★★★★★★★★★★★***

بليل

كانت غزل قاعده فى البلاكونه بتقرأ كتاب وهى مندمجه فيه وبتشرب قهوة بعد شوية سمعت صوت باب الاوضه فعرفت ان جاسر جه نزلت الكتاب وشافته داخل عليها وكان فى ايده بوكس فاستغربت غزل شويه وهى بتبصله حط جاسر البوكس قدامها على الترابيزة بصتله غزل وبعدين ابتسمت واخدته بحماس وفتحته وجاسر متابعها ولقته مليان شوكلاته دارك بالبندق بصتلها غزل بذهول وبعدين بصت لجاسر 

انت عرفت منين انى بحب الشوكلاته بالبندق 

بصلها جاسر بصدمه شويه 

اايه انا معرفش انك بتحبيها ونسيت اسألك بتحبى انهى نوع ...بس جبت دى عشان ..والدتى كانت بتحب النوع ده فقولت اجيبه عشان اعرفه 

بصت غزل للشكولاته وبعدين بصتله بصدمه 

مامتك كانت بتحبها ....هى مامتك كانت عامله ازاى انا ولا مره شوفتلها صورة هنا 

بصلها جاسر بشرود 

كانت فيها شبه منك 

بجد بابا قال كده بس مصدقتش طب ليه ملهاش صور هنا خالص 

ليها بس فى اوضه لوحدهم 

طب ...ممكن اشوفها 

اتنهد جاسر وسابها ودخل 

بصتله غزل بحزن (كنت عارفه انه لا ...)

اخدت البوكس والكتاب ودخلت الاوضه لقت جاسر بيطلع برواز  من الدولاب بتاعه و وراح لغزل وهى بتابعه بذهول وبعدين ورهولها شافته غزل وهى مصدومه لان فعلا فيها شبه منها وابتسمت وحطت الى فى ايديها على الترابيزة ومسكت الصورة

ايه ده انا فيا شبه منها فعلا هى اتوفت ازاى 

كشر جاسر وعقد حواجبه واخد منها البرواز وكان هيمشى بس غزل مسكت ايده 

انا ..اسفه مش قصدى ازعلك ولا اجرحك انا بس عايزاك تفضفض وتطلع الى جواك طول ما انت كاتمه هتتوجع اكتر صدقنى لو اتكلمت هترتاح لو مش عايز خلاص بس متزعلش 

اتنهد جاسر ولف وبصلها وهى بتبصله برجاء عشان يرضى لكن هو شد ايده ودخل الحمام اتنهدت غزل بحزن واخدت بوكس الشوكلاته وقعدت على السرير تاكل منه بضيق وبعدين سابته واتغطت ونامت وهى مستنياه يجى عشان يمشى ايده على راسها 

كان جاسر بياخد شاور ومتضايق وبيبص فى الفراغ بحزن وبيفتكر مامته وبعدها خلص وخرج وهو بينشف شعره لقى غزل متغطية فقرب شويه وعرف انها منامتش فابتسم بسخرية وبعدين طلع على السرير واتغطى واستنى شوية وبعدين بص لغزل واتنهد وحط ايده على راسها وهو بيمشى ايده عليها وبيبص فى السقف اما غزل كانت مبتسمه ونامت وهى مطمنه (هيجى اليوم الى هتتكلم فيه يا جاسر وهتفتحلى قلبك وانا مستنيه اليوم ده ومش هيأس)

بعد مرور شهر بدون احداث لسه علاقة جاسر بغزل زى ما هى بس علاقتها بداوود بدأت تتحسن عن الاول وتقربه ليها ولجاسر اكتر 

عند حازم

ايوه يا ابنى ..جاى فى الطريق خلاص استنانى 

تمام ...بس خليك فاكر انت الى دبستنى التدبيسه دى 

ماشى يا عم الحبيب سلام 

قفل حازم وبعدين رش برفان وهو مضايق 

وعمل كام مكالمه وبعدين نزل 

(الى الهلاك يا حازم ..يا صغير على الهم)

نزل حازم وراح قابل جاسر ووالده وبعدين مشيوا 

عند مايا 

ايييه لا لا لا مستحيل ايه الى بتقوليه ده يا مامى مستحيل طبعا 

وليه مستحيل بقى ان شاء الله جه لحد عندنا نقوله لا 

ايوه تقولوا لا لانى مش موافقه طبعا ده لو اخر راجل على الكوكب مستحيل اتجوزه 

اسمعى يا بنت انتى الولد محترم وعاحبنى وظابط وعاحب ابوكى جدا ده غير ان خالك الى جايبه يعنى ميترفضش ايه عليزانى اجوزك لمين لحد من العيال الهايفه الى انتى مصحباهم مستحيل طبعا انا بنتى متاخدش حد مش من مستواها 

وده من مستوانا ازاى بقى ان شاء الله انتى شوفتى بعينك وبعدين ده صعيدى يعنى من الفلاحين عايزه بنتك تعيش فى الفلاحين هو ده مستوايا 

فلاحين اه انت تعرفى الفلاحين دول عايشين ازاى ولا املاكهم قد ايه ميغركيش البساطه الى هم فيها دول معاهم ملايين 

ولو انا مش محتاجه الملايين ولا هبقله عشانهم 

مايا خمس دقايق وتكونى جاهزه الناس على وصول وانتى حره اتصرفى مع باباكى وخالك وابن خالك 

ايه ..جاسر جاى معاهم 

الله مش صاحبه هيجى من غيره 

يعنى جاسر موافق 

اكيد طبعا مين هيشهدله غير جاسر 

يلا متتأخريش 

اغاظت مايا وقعدت تكسر فى كل حاجه فى الاوضه 

لا لالا مستحيل يعنى ايه جاسر جاى معاااه ااااع

انا مستحيل اعيديها على خير وهندمه على الخطوه دى ويا انا يا انت يا حازم 

بعد شويه 

وصل حازم وجاسر ووالده ودخلوا البيت واستقبلهم والد ووالدة مايا وضايفوهم 

اهلا وسهلا طبعا يا حازم انت مش معترف بالجيه دى وده لعدم حضور والدك معاك على الاقل 

كان حازم شارد(والله انا مكنتش جاى اصلا) بس فاق لما جاسر زقه عشان ياخد باله 

ها ..ايه اسف يا عمى والله بس والدى عنده ظروف ومعرفش يجى وكمان تعب الطريق عليه هو ووالدتى فعشان كده جبت عمى داوود معايا 

طبعا مجى داوود على راسى بس كان يصح والدك معاك بس انا عاذرهم طبعا وان شاء الله تتعوض فى الجايه 

ان شاء الله طبعا انت عارف احنا جايين ليه يا سامى رغم انى كمان من موكلين العروسه هه بس ميصبش حازم عندى زى جاسر بالضبط شاب محترم وشهم ومن اكفأ الضباط فى المديريه واظن انت واصلك عنه كل كده وبصراحه ملاقيش احسن منه لبنت اختى 

بلع حازم ريقه بتوتر(اه ادبست يا حازم )

اكيد يا داوود طبعا ده شرف ليا بس ناخد رأي العروسه ووالدتها طبعا 

اكيد طبعا هى فين عروستنا 

جت والدة مايا وسلمت عليهم 

ثوانى يا داوود هتنزل حالا 

قعدت والدة مايا وشاورت للداده تطلع تناديها وده تحت نظرات حازم المتوترة بعد شويه سمعوا صوت كعب عالي فبصوا ناحية السلم وكانت مايا و.....يتبع

...يتبع

تكملة الرواية هناااااااا