رواية انتقام عشق الصعيد البارت 16-17-18-19-20بقلم الكاتبه المجهوله
رواية انتقام عشق الصعيد البارت 16-17-18-19-20بقلم الكاتبه المجهوله
انتقام عشق الصعيد 16
كانوا البنات بيتكلموا وميعرفوش ان في حد واقف برا
والشخص ده كان صقر
صقر كان بيسمع كلام عشق وهو حاسس بخنقه لأن عشق عرفت كدا عنه بس مكنش يعرف هو لي فارق معاه هي هتشوفه ازاي
مشي صقر من قدام الاوضه لما لقى البنات سكتوا
جوا الاوضه
مرام لاحظت ان عشق عنيها اتملت دموع لما اتكلمت عن صقر فهمست لنور
نور: اوعي تنزلي دموعك يا عشق انتي اقوى من ان واحد زيه يخليكي تعيطي
مرام: مش حب الي يعمل فيكي كدا يا عشق انتي اقوى من كدا
بصت عشق ليها: حب اي انا مش بحبه ومش عشان ايام الطفوله كنت بحبه يبقى كمان دلوقتي بحبه واحب واحد زيه ازاي اصلا
نور: طيب يا عشق
مرام وهي بتحاول تخفف توتر الجو: طيب اي انا جعانه مش هناكل
نور: همك على بطنك علطول اصبري شويه
عشق: بس انا كمان جعانه هنزل اشوف الاكل جهز ولا لا
نزلت عشق ولقت الاكل جهز وبيتحط على السفره فنادت البنات واتجمعت العيله كلها
صقر كان بيقلب في الطبق ومش بياكل
ريهام: اي يا صقر مش بتاكل لي
صقر: لا باكل اهو
جعفر كان باصص ليهم بس ساكت
عمر قاطع السكوت وقال: طيب اي يا عمي ناوي تجوزني امته
جعفر بصله بضحك: مليش مزاج دلوقتي
عمر بصدمه: نعم ملكش اي
جعفر بغضب مصطنع: اي يا واد احترم حالك
عمر: اسف يا عمي بس انا عايز اتجوز وبسرعه
جعفر: مالك متسربع لي الصبر، حلو
عمر بص لنور بحب: الصبر حلو بس قدام عيونها لا
نور اتكسفت وحطت وشها في الطبق
وفاء حدفت المعلقه على عمر
عمر: اي يا وفاء حد يعمل كدا
جعفر: جرالك اي يا واد متتحشم عيب كدا ولا اقلك مفيش جواز غير لما تتربى
عمر كام من مكان وراح لوفاء باس ايدها: انا اسف يا ست الكل
وراح لجعفر باس راسه: حقك عليا يا عمده بالله عليك اعمل فيا اي حاجه بس جوزني البت الي هناك دي عشان انا زهقت وتعبت من الانتظار
جعفر بتفكير: اممم طيب هشوف الموضوع ده
احمد: وانا يا عمي
جعفر: انت اي
احمد: عايز اتجوز
مرام بصتله وفرحت لما حست انه قصده عليها
جعفر: ومين الي امها داعيه عليها بت مين يعني
احمد: واحده بس مش من سوهاج يا عمي
مرام هنا ادايقت لما عرفت ان مش قصده عليها
مرام وعيونها مليانه دموع: الحمدلله انا شبعت
وقامت بسرعه قبل محد يتكلم معاها
وفاء: مالها دي
احمد: شكلها فكرت اني اقصد حد غيرها
عشق: وانت كنت قاصد مرام
احمد: امال اي انا هتجوز مين غيرها
نور: يبقى لازم نقلها عشان متزعلش
احمد: لا لا استني انا عايز اعملها مفاجأه وان شاء الله يوم خطوبتك انتي وعمر هخطبها هي كمان
عمر: اشطا بس عمي يحدد الميعاد بس
جعفر بص لنور: انتي موافقه الاول يا بتي
نور اتكسفت وبصت لوفاء الي قالت: ايوه يا جعفر البت موافقه
جعفر: على بركه الله يبقى نرتب امورنا ونحدد ميعاد ويمكن بعد شهر
عمر: كتير شهر يا عمي
جعفر: اخرس بدل نخليها سنه
عمر: لا سنه اي شهر كويس
صقر بص لعشق وهما بيتكلموا بس لما بصتله وجه عنيه الناحيه التانيه
جعفر: طيب انا شبعت خلي الخدم يعملوا شاي يا وفاء
صقر: اعملي حسابي انا والشباب
ريهام بسرعه: خليكي انتي يا طنط وهعمل انا ومتعترضيش بليزز
وفاء: طيب يا بتي روحي
بالفعل قامت تجهز ريهام الشاي وجهزته بس قبل متخرج بيه حطت حاجه في كوبايه صقر وخرجت قدمت الشاي
شربوا الكل الشاي
صقر: طيب بقلكم اي انا نعسان وهطلع انام تصبحوا على خير
احمد: استنى انا كمان هنام
عمر:خدوني معاكم اكيد مش هقعد لوحدي
وراحوا الكل نامي ومش عارفين اي الي هيحصل
في اوضه صقر
: صقر فوق يا صقر
صقر: عشق
: انا بحبك يا صقر
صقر: وانا كمان بحبك بحبك اوي
: انا جيت عشان بحبك ومش عايزه ازعلك
ونامت في حضنه
تاني يوم صقر صحي مفزوع لما لقى….جنبه
يتبع….
يترا مين كان جنبه وهل عشق فعلا اعترفت بحبها لصقر ولا كانت تهيآت؟؟؟؟
انتقام عشق الصعيد 17
تاني يوم صحي صقر مفزوع لما شاف ريهام نايمه جنبه
صقر كانت بيتنفس بخوف وقام من مكانه بسرعه
ريهام صحيت وقالت: صباح الخير
صقر بغضب: انتي بتقولي اي انتي واعيه انتي فين ومنظرك عامل ازاي
ريهام: اي يا صقر مالك
صقر: هو اي الي مالي انتي مش شايفه وضعنا
ريهام: مالك بتتكلم كأنك مش فاكر اي الي حصل
صقر: انا فعلا مش فاكر اي الي حصل
ريهام بمكر: اااه دانت هتعيدها تاني تاخد الي عايز وتقول مش فاكر لا يا صقر بيه المره دي لا
صقر بغضب: انتي بتقولي اي
ريهام: بقول اني هنزل دلوقتي اعرف الكل بالي حصل
صقر: وهو اي الي حصل
ريهام بعياط مزيف: الي حصل اني سمعتك بتنده امبارح وباين عليك تعبان دخلتلك عشان اعرف مالك لقيتك بتقرب مني حاولت ابعدك مقدرتش وقلتلي انك هتتجوزني وتيجي دلوقتي تقولي مش فاكر
صقر: انا فعلا مش فاكر اي حاجه من الي بتقوليها
ريهام بمكر: تمام انا هنزل دلوقتي اعرف الكل وهما يبقوا يفكروك
صقر مكنش عايز يخلي حد وبالذات عشق تعرف انه عمل كدا
صقر: استني
ريهام: نعم
صقر: متعرفيش حد وانا هتجوزك
ريهام فرحت جدا بس مبينتش: وانا الي يثبتلي كلامك
صقر: انا الي بقوله بنفذه
ريهام: امته هتتجوزني
صقر بتوتر: استني فتره بس اخلص المأموريه الي ورايا وهعرف بابا ونتجوز علطول
ريهام:اكيد
صقر: اكيد
لبست ريهام هدومها وخرجت برا الاوضه اما صقر قعد على طرف السرير وحط راسه بين ايديه
صقر: ازاي حصل كدا انا مش فاكر مستحيل حاجه زي دي انساها مستحيل
نسيب صقر
ريهام وهي طالعه من الاوضه شافت عشق خارجه فبهدلت شعرها واتجهت ناحيتها
ريهام: صباح الخير
عشق بصتلها بقرف وقالت: صباح النور
ريهام بمكر: سوري على منظري ده بس صقر هو الي….وسكتت
عشق حست بنغزه في قلبها لما حست بالي ريهام عايزه توصله بس قالت بجمود: انا مسألتكيش وسابتها ونزلت
ريهام راحت اوضتها ووقفت قدام المرايه: خلاص انا حققت هدفي الاول هنا مش فاضل غير مهمتي السريه ووقتها هبقى انتصرت من كل النواحي….وضحكت بشر
تحت على السفره..
عشق: صباح الخير
الكل: صباح النور
جعفر لحق عشق قبل متقعد بعيد وقال بسرعه: تعالي هنا يا بتي اقعدي جمبي
عشق: انا برتاح هنا
جعفر: مش اتفقنا تديني فرصه اثبتلك اني ندمان وكدا انتي بعيده فمش هعرف اعمل حاجه
عشق بصت لوفاء الي هزت راسها بمعنى روحي
راحت عشق قعدت في الكرسي الي جمب جعفر والي كان اصلا مكان صقر
نزلت ريهام واستغربت لما شافت عشق قاعده مكان صقر
ريهام بغيظ مكتوم: اي ده ومش ده المفروض مكان صقر
جعفر: طب قولي صباح الخير
ريهام: سوري صباح الخير انا بس استغربت من وجود عشق في مكان صقر
عشق: وانتي مالك انتي هتقسمي الاماكن ولا اي
ريهام كانت هترد بس قاطعها نزول صقر الي اتجاهل قعده عشق وقال: انا ماشي
وفاء: مش هتفطر يا حبيبي
صقر: مليش نفس انا رايح الشغل عشان العقيد محتاجنا في موضوع مهم انا وفريقي وكمان فريق النسر
عشق هزرت راسها بتمام وقامت هي والبنات
برا عند العربيات
عمر: تعالي يا نور اركبي معايا عشان ابقى مطمن عليكي
عشق بانزعاج: بقلك اي يا نور اطلعي اوضتك انا مش مقتنعه بقرار رجوعك ده انتي لسه تعبانه
نور: انا قلتلك انا كويسه وبعدين مش عايز اسيب عمر لوحده
عشق بصتلها بغيظ
عمر: طيب يلا اركبي
ركبت نور مع عمر
مرام بسرعه: ممكن اركب معاكم
عمر بص لاحمد: تمام اركبي
احمد: انا كمان هاجي معاك
عمر: طيب يلا
نور: طيب انتي يا عشق
عشق: هروح بعربيتي
صقر: بس انا هاخدك معايا
عشق قربت وقفت في وشه: لا مش هركب معاك وملكش دعوه بيا….وسابته ومشيت
صقر: عشق..عشق انا بنده عليكي على فكره
بس عشق كانت ركبت عربيتها ومشيت قدام الكل
ركب صقر عربيته واتجوهوا كلهم للمقر
في مكتب العقيد
كان الكل متجمع
العقيد: الحمدلله على سلامه النقيب نور
نور: الله يسلم حضرتك
العقيد: المهم وصلتني اخبار ان العقرب موجود هنا في سوهاج
عشق: اي ده ازاي
صقر: وده ازاي يجي هنا هو مش خايف
عشق: قصدك هي انا قدمت للعقيد الادله الي تسبت ان العقرب واحده ست
الكل بصوا العقيد الي اكد كلام عشق
العقيد: علامه الروج الي كانت على الرساله في مخزن الصحرا في اخر عمليه اثبت انها ست وبرده ده مش معلومه ثابته
عمر: طيب احنا مطلوب مننا اي دلوقتي
العقيد: المطلوب تتطلعوا على الحاجات الي مسكوها العناصر في المخزن هناك ومنها تحاولوا تعرفوا اي خيط يوصلنا العقرب
احمد:طيب والحاجات دي فين
العقيد: بصراحه هي مش موجوده هنا احنا كنا بعتينها للطب الشرعي عشان يرفع البصمات الي عليها ولسه موصلوش
عشق: طيب هيجوا امته
العقيد: بكره ان شاء الله يكونوا هنا
صقر: مطلوب منكم تطلعوا على اخر التقارير الي سجلتها القوات
الكل: تمام
وخرجوا الكل واتجمعوا في مكتب عشق وكانوا بيقروا التقارير بتركيز وبيسجلوا كل المعلومات المهمه
خلص اليوم والكل رجعوا البيت وعدا اليوم بدون اي احداث تذكر
تاني يوم الكل استعدوا واتوجهوا للمقر
في مكتب صقر بعد موصلت الحاجات الي اخدوها من الموقع مع تقارير الطب الشرعي
بعد قرايه التقارير
نور: مفيش اي حاجه مفيده
مرام: بيقولوا ان مفيش اي بصمات على الحاجات دي
عشق: ازاي يعني اكيد في حاجه
صقر: اهدي شويه هيعملوا اي يعني اكتر من كدا
عشق سكتت شويه بعدين قامت راحت لمكتب العقيد
عشق ادت التحيه العسكريه وقالت بسرعه: في اي حاجه لقتوها غير الحاجات الي راحت للطب الشرعي
العقيد بتفكير: استني هسأل
كلم حد يتأكد منه وبعدين قفل
العقيد: بيقولوا في بس معظمها حاجات ملهاش لازمه
عشق: بعد اذن حضرتك حابه اشوفهم
العقيد: مفيش اي مشكله
قالها على المكان وراحت عشق تدور في الحاجات
لفت نظرها روج احمر، وبسرعه كانت افتكرت ان ده نفس اللون الي على الرساله
عشق للظابط الي كان معاها: لي مبعتوش الروج ده مع الحاجات
الظابط: اكتفينا اننا نبعت الرساله وقلنا ممكن يتعرف منها
عشق بتفكير: لا العكس تماما الروج لمس شفايفها الاول فبكدا هيكون سهل اكتر نوصلها
عشق للظابط: انا مش عايزه حد يعرف اني اخدت الروج ده انا مش واثقه في حد
الظابط باحترام: تحت امرك يا فندم
خرجت عشق واتجهت لمكتبها ولقت الكل قاعد في توتر
عشق: فين الرائد صقر والنقيب احمد
نور:.....
يتبع…..
يترا اي الي حصل وصقر واحمد راحوا فين؟؟؟؟
انتقام عشق الصعيد 18
عشق: الرائد صقر والنقيب احمد فين
نور: كلمونا من البيت وقالوا ان عمو جعفر تعب واخدوه المستشفى وصقر راح واحمد راح معاه
عشق: ازاي ولي محدش عرفني
مرام: احنا استنناكي تجي عشان نروح مع بعض وعمر نزل يجهز العربيه
عشق: طيب يلا بسرعه
نزلوا لقيوا عمر مستنيهم ركبوا معاه واتوجهوا للمستشفى
عشق كانت طول الطريق حاسه بخنقه ومدايقه ومش عارفه لي هل هي زعلانه عشان جعفر ولا عشان اي مكنتش عارفه
وصلوا المستشفى وعشق طلعت لقت الكل واقف ومتوترين
شافت صقر قاعد بعيد بس ريهام جمبه وبعد مكانت مقرره تروحله غيرت رأيها
بعد شويه الدكتور طلع والكل جري عليه
صقر: طمنا يا دكتور
الدكتور: الحمدلله عدت على خير العمده بس السكر علي عليه شويه بس دلوقتي الحمدلله بقى بخير
الكل براحه في نفس واحد: الحمدلله
عدا اليوم والكل رجعوا البيت
طلع جعفر ومعاه وفاء عشان يرتاحوا وبعدهم كل واحد اتوجه لاوضته عشان يناموا
الا ريهام الي راحت لصقر اوضته
ريهام: انت صاحي يا صقر
صقر اتفاجأ بيها لما كان بيغير هدومه
ريهام بصتله بحقاره بدل متتكسف
صقر: انتي ازاي تدخلي كدا….وكان رايح يجيب التيشرت بتاعه بس وقفت ريهام
ريهام بدلع: عادي يا بيبي مانت هتبقى جوزي ولا اي
صقر بعد عنها: ريهام اطلعي بره
ريهام: لي مش عايزني ابقى معاك
صقر: ريهام بقلك اخرجي انا مش عايز يحصل حاجه بينا وانتي كدا بتضغطي عليا يلا اخرجي
ريهام بغضب: مالك يا صقر في اي مش انت الي كنت بتحب كدا جرالك اي ولا رجوع السنيوريتا بتاعتك خلاك مش عايز حد غيرها
صقر: قصدك مين
ريهام: هتكون مين يعني عشق وعلى فكرعشق مستحيل تحبك يا صقر انا الي بحبك سيبك منها وحبني انا انا الي عايزاك
صقر: انا مش عايزك ولا عايزيها انا مش بحبها دي متفرقش معايا
ريهام: بس مقلتش انك بتحبها
صقر بصلها وبعد عنها
صقر: اطلعي برا يا ريهام
قالها بنبره خوفت ريهام وخلتها تخرج بسرعه
كانت عشق خارجه من اوضتها تجيب مايه وشافت ريهام خارجه من عند صقر اديقت بس مبينتش ونزلت منغير متديها اهتمام
كانت واقفه بتشرب مايه وحاسه بوجع في قلبها من الي شافته دي تاني مره تشوف ريهام خارجه من اوضته وكانت عارفه ان اكيد بيحصل بينهم حاجه
قفلت نور المطبخ وكانت خارجه بس اتزحلقت وقبل متقع حست بحد بيلف ايده حوليها وبيمنعها من الوقوع
فتحت عنيها بعد ماطمنت انها موقعتش
لقيت عيون صقر قدام عيونها نسيت نفسها وهي سرحانه فيه وهو سرحان في جمالها
صقر لنفسه: اي الجمال ده معقول في حد كدا…..صقر صوته بقى اعلى شويه وقال: انتي جميله يا عشق
عشق وهي سرحانه: بجد
ابتسمت عشق بس فاقت من سرحانها لما صقر وقفها وقرب وشه من رقبتها
عشق وهي بتزعقه بيعد عنها: انت كنت هتعمل اي
صقر:انا مخدتش بالي
عشق بقرف: اي مكنش كفايه عليك الي عملته من ريهام هانم
صقر سمع كدا وفكر انها عرفت الي حصل
صقر بتوتر: قصدك اي
عشق: قصدي ان لسه شايفه الحلوه طالعه من عندك واكيد مكنتوش بتلعبوا كوتشينه في وقت زي ده
صقر ضحك واطمن انها مش عارفه حاجه
كانت هتمشي بس قاطعها: محصلش حاجه انة طردتها من الاوضه
عشق كملت وكانت مبتسمه وفرحانه ان مفيش حاجه حصلت بينهم
تاني يوم راحوا الشغل وعدا اليوم عادي واليوم الي بعده والي بعده لحد معدا شهر كامل
شهر اتعافت فيه نور تمام وعلاقتها هي وعمر بقت اقوى واحمد بيحاول يقرب من مرام وبيتكلم معاها على انه بيحب واحده وهي حزينه عشان محبهاش وعشق وصقر الي خناقتهم مستمره بس مع كدا حبهم بيزيد لبعض وهما مش عارفين ومش معترفين حتى قدام بعض بالحب ده
عشق اتشغلت ونسيت موضوع الروج الي كان معاها ومزالت نسياه
الصبح في مكتب العقيد
العقيد: وصلت اخباريه بأن في عمليه للعقرب هتخرج من سوهاج قريب بس مش عارفين امته
عشق: وازاي وصلت الاخباريه دي
العقيد: قواتنا انتبهوا لبعض الحركات الغريبه الي بتحصل هنا وبعد بحث وصلوا لمخزن المفروض كان يبقى فيه البضاعه الي هيسلمها العقرب بس لما وصلت القوات لقيوا تليفون هناك عليه تسجيل صوت
مرام: فين التليفون
العقيد: موجود هنا
صقر: طيب ممكن نشوفه
العقيد امر ان التليفون يجي وفعلا جابوه
شغل العقيد التسجيل وسمعهوه كلهم
محتوى التسجيل: ضحكت عليكم تاني مش معقول العقرب يديكم فرصه تكشفوه بضاعتي غيرت مكانها والتسليم هيتم وقريب اوي كمان ههههههه باي باي
عشق اخدت التليفون بسرعه واستأذنت هي والبنات وقالت هتدور فيه على حاجات وترجعه
فعلا خدته واتجمعت هي والبنات ودوروا فيه على كل حاجه
عشق: وصلتي لحاجه
نور: لسه بس اكيد هنوصل مش معقول مفيش اي دليل
دخلوا الشباب
احمد: الوقت اتأخر
عمر: يلا لازم نمشي
خرجوا من المقر واتجوا للبيت
اكلوا الكل واتوجهوا لاوضهم
صقر كان قاعد واتفاجأ بريهام دخلت عنده
صقر: اي الي جابك دلوقتي
ريهام: مصيبه يا صقر انا حامل
صقر بصدمه: نعم حامل ازاي
ريهام بغضب: يعني اي ازاي
صقر: ازاي دي مره يا ريهام
ريهام: يعني اي يا صقر اي مش بتحصل من اول مره
صقر بصلها: ريهام
ريهام: اي
صقر بغموض: انتي بتخرجي، من البيت
ريهام بتوتر: اه بخرج….انت قصدك اي… وسكتت
كملت بغضب: اه قول كدا قول انت بتعمل كدا عشان متعترفش ان الي في بطني ابنك
صقر: حاسس اني مش قادر اصدقك يا ريهام
ريهام بغضب: تمام انا هعرف الكل وهو الي هيصدقوا
صقر مسكها من دراعها بغضب: اوعي يابت تكوني مفكره اني دراعي بتلوي لا فوقي وغوري عرفي الي عيزاهم انا مش بتهدد
وخرجها بره
تاني يوم الصبح
صقر كان نايم واتفاجأ بحد بيكب عليه مايه وبيشده بقوه
صقر: في اي
بس اتفاجأ بجعفر
جعفر بغضب: قوم يا حيو*ان يا و*سخ قوم
شده جعفر ونزل بيه لتحت بين خوف وفاء ومحاولتها انهم تبعدهم عن بعض
نزل ووقع صقر على الارض
صقر: في انت بتعمل كدا لي
جعفر بغضب ضر*به بالقلم بقوه
صقر بصله بصدمه دي كانت اول مره يض*ربه
جعفر بغضب: اول مره سامحتك عشان قلت يمكن مظلوم وعشان وفاء حلفتني اسامحك بس المره دي لا
صقر بغضب: انا عملت اي
جعفر بعصبيه شديده:.....
يتبع….
يترا لي جعفر بيض*رب صقر؟؟؟
انتقام عشق الصعيد 19
صقر:انت بتضر*بني لي انا عملت اي
جعفر كان هيتكلم بس اتفاجأ بصوت جاي من وراهم
منال: متتعبش نفسك يا اخوي اني الي هتكلم دلوقت
جعفر: في اي يا منال اي الي جابك
ريهام بعياط مزيف وهي بتجري تحضن ماماتها: انا قلتلها كل حاجه محدش كان هيلحقني غيرها
منال بصت لصقر واتكلمت: اخص عليك اما انت وس*خ بصحيح وانت يا اخوي بقى انا ارجع اثق فيك وادخل بتي بيتكم بعد الي حصل مره تاني عشان المره دي ترجعلي حامل بعد مابنك رجع كرر عملته تاني
اتصدمت عشق الي كانت واقفه على السلم ومن الصدمه مقدرتش تمسك نفسها وقعدت على السلم بدموع وكانوا معاها احمد ومرام ونور وعمر وكلهم اتصدموا برده
صقر عينه جت على عشق الي عيونها خانوها وعيطت بصمت
بصلها بعيونه وكأنه بيقلها انا اسف انا مش عارف حصل كدا ازاي
جعفر لمنال: حقكم عليا يا اختي
منال بعصبيه: لا حقنا مش عليك حقنا على المحروص ولدك ولازم حقنا بتي يرجع
جعفر: يعني اي
منال بمكر:يعني ولدك لازم يكتب على بتي
صقر اتصدم وكان هيعترض بس اتصدم اكتر لما جعفر اتكلم
جعفر: واني موافق
صقر: لا يا بابا مش هتجوزها
ريهام عيطت اكتر وطبعا عياط مزيف
منال بصت لجعفر بغضب وقالت: عقل ولدك والا وعزت وجلالت الله هبلغ عنه واحبسه
جعفر: لا ملهوش لزوم يا منال صقر هيكتب على ريهام
صقر مكنش قادر يتكلم عشان محدش هيصدقه لأن ماضيه كان بيثبت انه عمل كدا
عشق مقدرتش تستحمل اكتر من كدا فجريت على اوضتها ونور ومرام لحقوها
صقر كان عايز يروحلها بس مقدرش
منال: بعد اسبوع تعرف البلد كلها ان صقر هيتجوز
جعفر: قليل اسبوع يا منال
منال: لازم نلحق البت يا جعفر
جعفر سكت شويه وبص لصقر بقرف
عمر بسرعه: مينفعش بعد اسبوع
منال: وانت اي حشرك في حاجه متخصكش
احمد رد قبل عمر عشان ميبهدلش الدنيا: هو قصده ان عندنا مأموريه اخر الاسبوع والله اعلم هتعدي ولا لا فعشان كدا مش هينفع
شرحلها كل حاجه وحاول يزود من عنده عشان يؤجل الجوازه ده
منال: اخركم معايا اسبوعين وبعدها نكتب الكتاب
استسلموا لكلامها بعد محاولات كتير فشلت
احمد وعمر اخدوا صقر لاوضته
كانوا الشباب رايحين اوضه صقر فلقيوا مرام ونور واقفين بيخبطوا على باب اوضه عشق
صقر: في اي مالها عشق
نور يقرف: مفيش حاجه اتفضل حضرتك كمل طريقك لاوضتك
صقر حس انها مش طيقاه هي عندها حق بعد الي عمله الكل ليهم حق يكرهوه
مرام: عيب يا نور
صقر: خلاص محصلش حاجه انا كنت عايزه اعرف بس عشق لي قافله على نفسها
كانت مرام هترد بس قاطعها خروج عشق
عشق: في اي واقفين لي كدا
مرام: انتي كويسه
عشق: ايوه كويسه واي ملبستوش ليه مش رايحين المقر ولا اي
نور فهمت ان عشق مش عايزه تبين حاجه فخدت مرام ومشيوا
احمد وعمر بصوا لصقر الي عنيه منزلتش من على عشق
عمر: يلا بينا من هنا عشان يعرف يتكلم معاها
مشيوا الشباب
عشق بجمود: في حاجه يا رائد صقر
صقر: عشق انا مش عارف حصل كدا ازاي انا بجمد مش فاكره ازاي عملت
عشق قاطعته بغضب: رائد صقر دي حياتك الخاصه وانا مليش دعوه بيها وبعدين برر لباباك مش انا
ودخلت وقفلت الباب في وشه
عشق وقعت على الارض بانهيار
عشق: عمرك مهتتغير يا صقر انا بكرهك بكرهك…وقعدت تعيط بس قاطعها صوت تليفونها
اخدت نفس وردت
العقيد: خلال ساعه تكوني هنا يا عشق انتي وفريقك وقفل بسرعه
عند صقر
دخل اوضته وشاف عمر واحمد وهما وقفوا
صقر: قبل متتكلموا انا بجد مش عارف عملت كدا ازاي مش فاكر انا صحيت لقتها جنبي وامبارح بتقلي انها حامل مكنتش عارف هعمل اي
كانوا هيتكلموا بس قاطعهم صوت تليفون صقر الي رن برقم العقيد الي امره يكون عنده بسرعه وقفل كمان
جهزوا الكل بسرعه وبعد ساعه كانوا عند العقيد
العقيد: التسليم النهارده الساعه 12
عشق: ازاي بالسرعه دي
العقيد: الاخباريه الي وصلت قالت كدا
عمر: المكان فين
العقيد: في مخزن في الطريق الصحراوي الي رايح اتجاه الوادي البضاعه هتطلع من هناك
صقر: يعني كدا لازم نبدا استعدادات من دلوقتي ونحاول نستغل كل دقيقه لصالحنا
العقيد: بالظبط كدا اتفضلوا دلوقتي استعدوا
كانوا خارجين وعشق وقفت شويه وافتكرت الروج الي لقيته والي كانت نسياه خالص
كانت هتمشي بسرعه على البيت بس في ظابط نادى عليها وعطاها ملف يخص القضيه
خدته ومشيت بسرعه من غير متعرف حد
بعد شويه وقت وصلت عشق البيت واتجهت لاوضتها وقلبتها وهي بتدور على الروج واخيرا لقيته في الدرج خدته بسرعه وراحت بيه المعمل
شافتها ريهام وهي نازله فضحت بخبث
عشق سلمت الروج للطب الشرعي وبعدين راحت المقر
وهي في العربيه انتبهت للملف فحست انها ممكن تستفاد لو قرته وفعلا وصلت المقر وقرت الملف
عشق بتركيز للكل: كل عمليه كان بيجي اخباريه عنها كانت بتتنفذ فعلا في نفس الوقت بس اول اخباريه جت انها هتسلم في سفينه في البحر عند اسكندريه بس بعدها اتسلمت في اسوان تاني اخباريه كانت بتقول التسليم في السويس بس اتسلمت في السلوم على حدود ليبيا تالت اخباريه كان المفروض في الغردقه بس كانت في مطروح والاخباريه الي فاتت كان المفروض على طريق اسكندريه بس اتسلمت على طريق الاقصر من جه الصحرا
سكتت شويه والكل بصلها باستغراب
عشق بصوت عالي وبسرعه: دلوقتى حالا تبلغوا ان مكان التسليم غلط التسليم مش في اتجاه الوادي
نور: امال فين
عشق بخبث: لعبتها صح العقرب التسليييم…….
يتبع….
يترا التسليم فين خمنوا حسب فهمكم لكلام عشق؟؟؟
ا
انتقام عشق الصعيد 20
الساعه 11 ونص باليل كانوا عشق وصقر ونور وعمر واحمد ومرام واقفين على بعد اتنين كيلو من مخزن على طريق الغردقه الصحراوي
صقر: لحد دلوقتي مفيش اي دليل يقول ان في حد هناك
عشق: لسه بدري استنى شويه
صقر: انا عارف ان في الاخر مكان التسليم هيطلع صح وانتي جايبانا هنا على الفاضي
عشق بصتله بقرف ومردتش عليه
نور: اهدى يا حضرت الرائد مش هنخسر حاجه يعني
احمد: ايوه وكدا كدا في قوات راحت على طريق الوادي يعني هنا في قوات وهناك في قوات
صقر سكتت والكل سكتوا
عشق: انا بقول نقرب من هناك شويه
مرام: مش هينفع صوت العربيات هيبقى عالي واحنا في صحرا يعني سهل يسمعوا الصوت
عشق: هنتحرك دفعات مش مع بعض
عمر: ازاي
عشق: انا هاخد مجموعه من اربع عربيات وننطلق بعدها صقر واحمد ياخدوا اربع عربيات تاني ويتحركوا وبعدها نور وعمر ومرام تفضل هنا مع اخر القوات واول ماديكي اشاره تتحركي في اتجاه المخزن
فعلا بدأوا في تنفيذ الخطه وعشق عدت مع القوات الي معاها
صقر واحمد بدأوا يتحركوا بعد معشق اعلنت وصولها لمكان قريب من المخزن
كانوا ماشيين واول مقربوا يوصلوا اتفاجأوا
احمد: اقف وخلي الباقي يقفوا بسرعه
صقر: لي
احمد: في عربيات جايه بعيد
صقر امر القوات تقف في اللاسلكي وكلمي عمر ونور ومرام
بعدين وجه الكلام لعشق لما لقي العربيات وقفت عند المخزن
صقر: عشق خلي بالك يا عشق في ناس عند المخزن عشق انتي سمعاني
عشق بهمس: ايوه سمعاك الي باقي القوات امركم بالتوجه للمخزن لكن على دفعات اقل وقبل المخزن ب100 متر تنزلوا من العربيات وتكملوا الطريق مشي ومش عايزه كشافات تشتغل
نفذ الكل كلام عشق بس بعد شويه
عشق للقوات الي معاها: الظاهر كدا انهم هيسلموا بسرعه
عشق بعدت عن الفريق شويه
الكاتبه المجهوله H
عشق بهمس في اللاسلكي: الي جميع القوات العقرب هينفذ بسرعه والبضاعه بتتحمل على العربيات الي هتنقلها ورجوع الرائد صقر مش في صالحنا انا ههجم مع القوات الي معايا وارجو الاسراع
صقر بزعيق: لا يا عشق متدخليش لوحدك اياكي
نور بخوف: عددهم كبير يا عشق مش هتقدروا لوحدكم
مرام: احنا قربنا نوصل يا عشق استني
عشق: متخافوش بس احنا لازم نهجم دلوقتي قبل ميخلصوا وعشان العقرب موجود وبيستعد عشان يمشي
حطت عشق اللاسلكي في جيبها بعد مكتمت صوته وراحت للفريق
عشق: انتوا ابطال يا شباب وهتقدروا تقبضوا عليهم اوعى حد ييأس مهما حصل شجعوا بعض وحاربوا بكل قوتكم اوعوا تسبوهم ينتصروا عليكم وكل واحد يحط في دماغه انه هنا عشان ينقذ بلده فاما يطلع من هنا وهو رافع راسه ومكلبش المجرمين وده الي فعلا بطل اما الي عارف نفسه جبان فيدخل وميطلعش غير جثه مفهوم
الكل بجديه وحماس: امرك يا رائد عشق
عشق بصت للسما وقالت في بتوسل: يارب احمينا
عشق امرت القوات يدخلوا براحه واحد واحد وراها ويحاولوا يلتفوا في دايره حول افراد العصابه وفعلا نفذوا وبدأوا يلتفوا حوليهم
عند صقر والباقي: مجنونه ومتهوره ازاي تدخل لوحدها
مرام بخوف: انا خايفه عليها اوي عدد العناصر الي معاها قليل جدا مقارنه بعناصر العقرب
صقر كان لسه هيرد بس وقف العربيه من الصدمه لما سمع صوت ضر*ب نا*ر جاي من المخزن
صقر بصوت عالي: عييييييشق لاااا
وشغل العربيه وانطلق باقصى سرعه
بعد كام دقيقه وصلوا المخزن
الكاتبه المجهوله H
احمد: المكان هادي كدا لي
عمر: معقول مشيوا
صقر: لو مشيوا فده معناه انهم خلصوا على عشق
نور: لا مستحيل وبعدين محدش اتحرك
صقر: طيب يلا
صقر وزع القوات حول المخزن واخد منهم جوا
صقر واحمد وعمر ونور كانوا داخلين بس وقفوا في صدمه وقلق لما شافوا عشق واقفه في نص المخزن وفي شخص لابس اسود في اسود ومغطي وشه واقف وراها ومعاه اربع اشخاص واقفين وراه وكان الشخص ده موجه سلاحه على عشق الي كانت واقفه بهدوء ومش وبتبصلهم ببرود
الشخص شاور لواحد من الي واقفين
واحد من الرجاله: اخيرا شرفتوا
قبل محد يرد
اتكلمت عشق باستهزاء: برده مش هتتكلمي يا جبانه لسه خايفه عادي كدا كدا عارفين انك بنت مش راجل فبطلي تتخبي زي الحشره وسمعينا صوتك
العقرب ضر*بت عشق بالقلم بقوه
عشق بصتلها ببرود وكملت: جبااااانه
صقر بزعيق: عشق اخرسي
العقرب بصوت خشن: الصقر طلع بيخاف عليكي اوي يا نسر الظاهر روحك غاليه عنده
كان العقرب لسه هيكمل بس اتفاجأ بعدد كبير من الرجاله الي كانوا حول المخزن جايين ورافعين ايديهم لفوق ووراهم قوات الشرطه
الكاتبه المجهوله H
عشق ببرود: استسلم معندكش حل تاني
العقرب: لا في
قالت كدا وقربت من عشق وحطت المس*دس على راسها
العقرب: وسعوا الطريق والا هفرغه في دماغها
عشق وهي بتضحك بصوت عالي: غبيه
العقرب ضر*بتها بالقلم
العقرب: وسعوا الطريق
عشق بصت لنور ومرام في عنيهم جامد
نور بصوت عالي: وسعوا الطريق
صقر: اوعوا حد يتحرك لو مشيوا هيخدوها
نور: انا قلت وسعوا الطريق
صقر: انتي مين عشان تأمري انا القائد
نور بصوت عالي: وانا مش هتضحى بحياه صحبتي
صقر:ولا انا هضحي بحياتها لو طلعوا هيخلصوا عليها
نور بصت لمرام واتكلمت بجمود: خليهم يوسعوا الطريق
فعلا بدأوا القوات ينقسموا الي جزئين يمين ويسار ووسعوا الطريق والعقرب، والي معاها خرجوا بره وعشق تحت ايد العقرب
الكاتبه المجهوله H
صقر بعصبيه: انتي اتجننتي اهم خدوها
نور بصت لمرام: اخدت المس*دس
مرام: بدل الواحد تلاته عشان يكفوا يعني
نور ضحكت
عمر: اي ده
احمد: مس*دس اي
صقر كان لسه هيتكلم بس سمع صوت عالي
صقر بخوف: لو حصلها حاجه مش هرحمك
الكاتبه المجهوله H
برا عند عشق
كان العقرب بتزقها قدامها
عشق وهي بتحط ايدها في جيبها: انتي غبيه اوي بجد يعني انا سمعت انك ذكيه بس انا شايفه العكس ازاي فكرتي انك ممكن تاخديني بسهوله
العقرب: مانا اخدتك خلاص
عشق: ههههه لا لسه
وفي لمح البصر كانت عشق مسكت في كل ايد مس*دس وبدات تصوب على رجاله العقرب وكمان زقت العقرب وقعت منها المس*دس الي كان معاها
العقرب جريت تاخد المس*دس بس عشق ضغطت برجلها على ايد العقرب، اليمين ووقفتها وضر*بتها واتعورت العقرب في خدها بس العقرب زقت عشق وراحت للمس*دس ومسكته
العقرب: مش هسمحلك مش انا الي اقع
وجهت المس*دس على عشق
عشق: اضر*بي وانا هض*رب ونموت مع بعض
العقرب: هه مش هتلحقي
وبسرعه خرجت رصا*صه من مس*دس و…..
يتبع…..
يترا الرصا*صه خرجت من مس*دس مين ومين هيمو*ت؟؟؟؟
اكتب في بحث جوحل( مدونة قصر الروايات) تظهر القصص كامله
تابعونا علي قناة التليحرام من هنااااااااااا
ليصلكم اشعار بالنشر
الرواية كامله من البداية من هناااااااااااا
تعليقات
إرسال تعليق
فضلا اترك تعليق من هنا