رواية انتقام عشق الصعيد البارت 22بقلم الكاتبه المجهوله
رواية انتقام عشق الصعيد البارت 22بقلم الكاتبه المجهوله
انتقام عشق الصعيد 22
يوم الجمعه الصبح
البيت كان مليان بالخدم والناس الي رايحه وجايه الي بينضف والي بيزين والي والي بيجهز الاكل والكل كانوا مشغولين
صقر كان في اوضته نايم على سريره او كان بيمثل النوم لما دخل عمر واحمد
قربوا من السرير
عمر: قوم يا صقر انا عارف انك صاحي
قام صقر وقعد قدامهم وقال بحزن: نعم
احمد: مش هتقوم تجهز
صقر بصله بغضب: اجهز اي انت بتهزر انا بتجوز واحده مش عايزها واتدبست يا احمد ادبست
عمر:اهدى شويه يا صقر مفيش قدامك حل غير تتقبل الواقع هتعمل اي يعني خلاص النهارده كتب الكتاب ومش هينفع المره دي تمشي زي المره الي فاتت
سكت صقر ومعرفش يرد
بعد شويه وقت كان صقر خارج مع احمد وعمر من الاوضه وقابلوا البنات وهما نازلين
الكاتبه المجهوله H
عشق بصت لصقر وقالت بابتسامه: الف مبروك يا صقر
صقر بصلها بحزن بيحاول يخفيه: الله يبارك فيكي عقبالك
نزلوا الاتنين ووقفوا احمد ومرام وعمر ونور
عمر: كل حاجه جاهزه
نور: ايوه
مرام: المهم انتوا لقيتوا مكان آمن
احمد:عيب عليكي المكان جاهز وقريب من هنا كمان
البنات بصوا لبعض وضحكوا
نزلوا وراهم
باليل
كانوا كل العيله متجمعين والبيت كان مليان بالضيوف
جعفر لصقر: ابعت حد ينادي العروسه المأذون وصل
صقر بص لجعفر بوجع: حاضر يا ابوي
جعفر بحنيه: خليك واثق ان عمري مهعمل حاجه تضرك وبكره هتشكرني يا ولدي
صقر سابه ومشي
صقر شاف مرام ونور واحمد وعمر
صقر: هي عشق فين مش شايفها من بدري
نور: قالت انها مش هتحضر وخرجت وهترجع الصبح
مرام: انت كنت عايز حاجه
صقر: المأذون جه هاتوا ريهام
نور: حاضر
الكاتبه المجهوله H
طلعوا البنات يجيبوا ريهام
في الاوضه
مرام: يلا يا عروسه يا قمر المأذون جه
نور: احنا تطوعنا اننا نكون واقفين جنبك النهارده فيلا بقى عشان ننزل معاكي
نزلوا كلهم وبنزول العروسه الكل بصولها باعجاب
كانت نازله بفستان ابيض جميله محتشم والطرحه مغطيه وشها
قربت منال من ريهام
منال بحب: اخيرا شفتك عروسه يا حبيبتي
وكانت هترفع الطرحه بس وقفوها البنات
نور بسرعه: لا لا يا طنط مينفعش تشيلي الطرحه
منال: لي ان شاء الله
مرام: العروسه قمر اوي واحنا خايفين عليها تتحسد
نور: وغير كدا لازم صقر هو الي يرفع الطرحه اول واحد
منال: طيب يلا عشان المأذون مستني
قربوا البنات ومعاهم ريهام من المأذون وقعدوها
جهز المأذون الورق وبدأ في الخطبه
الكاتبه المجهوله H
بعد شويه
المأذون: بارك الله لكما وبارك عليكما وجمع بينكما في خير وعلى خير
ارتفع صوت الزغاريط وفرح الكل ماعدا صقر الي كان مهموم طبعا
قام صقر
جعفر: روح ارفع طرحه مرتك يا ولدي وباركلها
صقر: حاضر يا ابوي
قرب صقر من مراته الي وقفت لما قرب
وصل عندها ومد ايده يرفع الطرحه
في ثواني كانت الصدمه مرسومه على وجوه الكل من الي شافوه قدامهم
صقر بصدمه: ع عشق
كانت عشق واقفه وعنيها في عيون صقر الي بيبصلها بصدمه
منال بصدمه وزعيق: اي ده لا لا ازاي مستحيل يكون ده حقيقه
قربت من عشق بغضب وكانت لسه هتض*ربها بس منعها جعفر الي مسك ايدها بغضب
جعفر: اياكي تمدي يدك عليها
منال بغضب: اي الي بتقوله ده انت مش شايف انت جوزت مين لمين….وجهت كلامها لعشق: بتي فين يا خطافه الرجاله انطقي
جعفر: صوتك يوطى الناس تمشي ونتفاهم
منال:احنا لسه هنتفاهم بتي فين وازاي تعملوا كدا ردوا
جعفر بصلها بصه رعبتها
جعفر بصوت عالي: الفرح خلص يلا كل واحد على بيته
الكاتبه المجهوله H
خرج الكل من البيت وهما بيتهامسوا
بعد حوالي تلت ساعه كان البيت فضي من الضيوف
كان صقر لسه باصص لعشق بصدمه
منال: هااا يا اخوي فهمني اي الي حصل ده وبتي فين
كان جعفر هيرد بس شاف وفاء بتقرب من عشق
عشق: ماما
وفاء بعصبيه ضر*بت عشق بالقلم على وشها وقالت بغضب: دي اخرتها يا بت بطني تاخدي مكان واحده تاني وتتجوزي الي كان المفروض هيبقى جوزها وتسبيها تتفضح بين الخلق وهي حامل وهي مش متجوزه دي اخرتها يا عشق بس هقلك اي مانتي متربتيش على ايدي عشان كدا طلعتي بالقذاره دي
جعفر بزعيق: وفااااء سدي خشمك واخرسي واياكي تقولي كلمه وحشه في حقها
وفاء: بتدافع عنها يا جعفر
جعفر: ايوه ادافع
منال: استنوا استنوا يعني انت كدا يا اختي كنت عارف انها عشق مش ريهام بتي عشان كدا انت خليت المأذون يكتب الكتاب بعيد الناس
جعفر بغضب: اكتمي يا منال
منال بغضب: لا مش هكتم واني عايزه اعرف بتي فين
جعفر: هجبلك بتك
بص جعفر لعمر واحمد وهما فهموا وفي دقايق كانت ريهام داخله معاهم وجريت على مامتها
ريهام بعياط مزيف: اخدوني غصب يا ماما عشان يجوزوا عشق لصقر
جعفر قاطع منال قبل متتكلم: مسمعش صوتك بعد متسمعوا كلكم الي عندي ابقوا احكموا
سكت الكل وجعفر قرب من ريهام وبغضب ضر*بها قلم قوي وقعها على الارض و….
يتبع…..
تتوقعوا جعفر ضر*ب ريهام لي واي الي حصل؟؟؟؟
اكتب في بحث جوحل( مدونة قصر الروايات) تظهر القصص كامله
تابعونا علي قناة التليحرام من هنااااااااااا
ليصلكم اشعار بالنشر
الرواية كامله من البداية من هناااااااااااا
تعليقات
إرسال تعليق
فضلا اترك تعليق من هنا