رواية انتقام عشق الصعيد البارت 28بقلم الكاتبه المجهوله
رواية انتقام عشق الصعيد البارت 28بقلم الكاتبه المجهوله
انتقام عشق الصعيد 28
عشق كانت بتخبط على الباب بقوه
فتحت بنت باين عليها في العشرينات من عمرها
البنت: انتي مين وبتخبطي لي كدا
عشق زقتها ودخلت
البنت: تعالي هنا يا بتاعه انتي
نور للبنت: احترمي نفسك دي الرائد عشق
دخلوا الكل ورا عشق واتصدموا من منظر عشق وهي واقفه متنحه لصقر الي كان قاعد على الكنبه وباصص لعشق بصدمه
عشق بدموع: كنت غلطانه لما فكرت انك بني ادم بس طلعت از*بل واحد انا شفته في حياتي
صقر: اي الي بتقوليه ده
عمر: عندها حق في الي بتقوله
صقر: انتوا فاهمين غلط
قرب من عشق وقال: عشق انتي فاهمه غلط والله
عشق غمضت عنيها وقالت بوجع: طلقني يا صقر
صقر: لا يا عشق
عشق بعدت ايد صقر عنها وكانت لسه هتخرج بس وقفها صوت
الكاتبه المجهوله H
: في اي يا صقر
عشق بصت للصوت ولقيت ست كبيره تقريبا في سن والدتها
صقر: تعالي يا ماما
صقر مسك ايد عشق وقال: ممكن تسمعيني لو سمحتي
عشق كانت ساكته
صقر:اتكلمي يا عشق قوليلي ازاي عرفتي اني هنا
نور: في حد بعت لعشق انك مع واحده وبتخونها وبعتلها العنوان ده
صقر بص لعشق: عشق والله مبخونك
عشق: امال مين دي واي الي جابك هنا
صقر بص للست الي كانت واقفه وقال: انا هنا عشان ماما سعاد والبنت دي انا جبتها عشان تخدمها تقدري تسألي ماما لو مش مصدقه
عشق سكتت ومكنتش عارفه ترد تقول اي
صقر: انا مش بكدب عليكي صدقيني
سعاد اتدخلت وقالت: صقر عنده حق البنت دي بتخدمني هنا
عشق: كنت فين لما قلتلي انك في المستشفى
صقر: عند هنا والله العظيم كل مره كنت باجي هنا…قوليلها يا ماما
عشق هنا استوعبت ان صقر بيقول للست دي يا ماما
بصتله عشق باستغراب: ماااماا
صقر بصلها باستسلام وقال: ايوه ماماا دي امي يا عشق امي الي جابتني الدنيا
عشق بصتلها وقالت: هي دي الي خلت عمو جعفر يق*تل بابا
صقر بغضب بيحاول يخفيه: عشق
عشق بصتله: اي كلامي غلط ولا حاجه استنى استنى عشان كدا بتقابلها في السر ومش بتعرف حد عشان مش هتعرف تواجه بيها باباك
صقر بغضب: عييشق
عشق بزعيق: اااااي
صقر بعصبيه: وطي صوتك
عشق علت صوتها اكتر وقالت: لا مش هطوي ومش هسكت يا صقر
صقر: عشق
عشق بزعيق: ربنا ياخدها عشق عشان ترتاح يارب عشق تم*وت عشان تاخد راحتك
الكاتبه المجهوله H
وسابته وجريت
صقر بص الكل وبعدين جري وراها والباقي راحوا وراها
صقر راح للاسنسير بس ملحقهوش فنزل السلم جري
عشق وصلت عند باب العماره ووقفها صوت صقر الي نازل جري
صقر: تعالي يا عشق قلتلك مفيش حاجه
بصتله عشق بغضب:ازاي مفيش حاجه انا اي يثبتلي انك مش بتكدب واي الي خلاك رجعت مامتك لحياتنا تاني انت عايز تدمر الكل لي
صقر: عشق متخلبطيش في الكلام والزمي حدودك انا لحد دلوقتي مستحمل وضعك بس مش هسمحلك تتكلمي على امي بالطريقه دي
عشق: طبعا مهو انت عمرك هتفهم مامتك عملت اي وهتشوفني غلطانه انت مشفتش باباك ومامتك في البيت وهو بيتحرق بيهم ولا هربت من بلدك وقعدت في الشارع بعدين اتربيت في ملجأ واتذليت من ناس ميعرفوش ربنا وفي الاخر تطلع مامتك عايشه وانت بعيد عن حضنها
صقر وهو بيحاول يهدى: اهدي يا عشق
عشق بدموع: ربنا ياخد عشق عنده يا صقر عشان الكل يرتاح منها
وجريت عشق لبرا وصقر جري وراها وراح وراهم الي كانوا واقفين يسمعوهم
كانت عشق بتعدي الطريق وهي بتجري ومخدتش بالها من العربيه الي جايه عليها بسرعه
وقفت عشق في نص الشارع وبصت لصقر
الكاتبه المجهوله H
صقر بزعيق وخوف: عششششششقق
كانت العربيه هتخبط عشق لولا صقر حضنها ووقعوا بعيد العربيه
جريوا الكل عليهم بخوف
نور ومرام لعشق: عشق انتي كويسه
سعاد: صقر يا حبيبي انت كويس
صقر كان حاضن عشق وبيبصلها بخوف وصدمه مش مصدق ان كان ممكن تكون مي*ته دلوقتي كانت هتروح منه
بعد صقر عنها ورفع وشها بين ايديه
كانت بتعيط
صقر: عشق انتي كويسه حصلك حاجه
حضنته عشق بقوه وهي بتعيط
وقف صقر وشالها وطلع بيها والكل معاهم
الكاتبه المجهوله H
بعد وقت كان صقر وعشق وسعاد واحمد ومرام وعمر ونور واقفين قدام سرايه العمده
عشق لصقر: متأكد انك عايز تعمل كدا
بص صقر لمامته وقال:ايوه
دخل صقر وهو ماسك ايد عشق وايد مامته والباقي وراه
كان جعفر ووفاء ومنال وريهام قاعدين لما دخلوا عليهم
وسعت عيون ريهام بصدمه ووقعت منها الكبايه لما شافت صقر وعشق وسعاد
جعفر ووفاء ومنال قاموا بصدمه
جعفر بغضب لسعاد: اي الي جابك هنا يا وش المصايب
صقر: انا الي جبتها يا ابوي
جعفر لسعاد: اطلعي برا بيتي يا قا*تله
صقر: لو مشيت انا همشي معاها
جعفر بغضب لصقر: صقر خد مرتك واطلع اوضتكم والست دي تمشي دلوقتي مفيش مكان في بيتي لواحده قا*تله زيها
صقر بغضب: مش هي وحدها الي قا*تله يا عمده
بصله جعفر بصدمه
الكاتبه المجهوله H
وفاء بغضب: احترم نفسك يا صقر اي الي بتقوله لابوك ده
صقر: هو الي غلط في امي
منال بغضب: جرالك اي يا صقر انت بتكلم ابوك
قرب صقر من جعفر وقال: انتوا الاتنين غلطتوا وكل واحد اتحاسب وزي معشق وامها سامحوك انت لازم تسامح امي
جعفر: لا يمكن دي حيه ودمرت الكل
صقر:الي بتقول عليها حيه دي امي ومش هسمح لاي حد يغلط فيها
جعفر بصدمه: هي لحقت لعبت في دماغك يا صقر
صقر: انا مش صغير عشان يتلعب في دماغي انا عارف كويس مين غلطان واعرف ان كل واحد اتحاسب
جعفر لسعاد: اطلعي بره يا سعاد
صقر: لو طلعت هروح معاها ومش هرجع
جعفر: الباب يفوت جمل
صقر بصله بعدين اداه ضهره ومسك ايد سعاد
صقر لعشق: جايه معايا ولا لا
وفاء: بتي مش هتطلع من هنا
صقر بصلها وقبل ميتحرك قالت وفاء بصوت عالي: سحر خلي الخدم يجهزوا اوضه لسعاد
جعفر بعصبيه: انتي بتقولي اي يا وفاء اوضه اي دي الي تجهز
وفاء قربت مسكت ايد جعفر وضمت عليها وقالت: مش هيمشوا يا عمده انا مسمحاها
جعفر حس ان في حاجه ورا كلام وفاء فسكت وسحب ايده ومشي
الكاتبه المجهوله H
جري صقر حضن وفاء وقال: شكرا يا ماما
سعاد لوفاء: شكرا يا وفاء
بصتلها وفاء ومردتش
اتفاجأت وفاء لما حضنتها سعاد وقالت: سامحيني يا وفاء
وفاء بهمس: مش مسمحاكي ومش هسمحلك تدمري اي حد او اي حاجه انا مش غب*يه يا حرب*ايه
بعدت سعاد عن وفاء بصدمه ووفاء مشيت بدون كلام
راحوا الكل على اوضهم وسعاد راحت اوضتها الي جهزوها الخدم
عند صقر وعشق
عشق: روح اعتذر لعمو جعفر يا صقر بوس راسه وايده واطلب السماح
صقر: مش هيسامحني
عشق: عمو جعفر قلبه طيب وهيسامحك
صقر: انا تعبان يا عشق
حضنته عشق وقالت: قولي مالك يا حبيبي
صقر: عارف ان امي غلطانه وغلط لا يغتفر وعارف انك مش مسمحاها ولا حتى ماما وفاء وبابا عمره مهيسامحها بس دي امي يا عشق مكنتش اقدر اسيبها لوحدها لما عرفت انها خرجت….اتنهد وكمل: مش عارف اعمل اي
عشق رفعت راسه بين ايديها وقالت بحب: مش هيحصل غير كل خير يا حبيبي متقلقش
حضنها صقر وقال: عايز انام في حضنك
عشق: بس كدا يلا
وفعلا نامت عشق وحضنته لحد منام وهي كمان نامت
عند سعاد في الاوضه
كانت بترتب حاجتها لما دخلت عليها ريهام
ريهام: جيتي هنا ازاي
سعاد: هو اي الي ازاي ابني حبيبي جايلي
ريهام: اممم ابنك اه وحبيبك كمان…ازاي تعملي كدا منغير متقوليلي وازاي صقر وعشق مع بعض دلوقتي
سعاد: انت هتتأمري ولا اي اتكلمي عدل
ريهام: لا بقلك اي متعيشيش عليا دور الكبيره وست البيت انتي نسيتي الي بنا اي
…….
يتبع……
يترا هيحصل اي مع صقر وجعفر ولي وفاء قالت الكلام ده لسعاد واي الي بين سعاد وريهام؟؟؟؟
اكتب في بحث جوحل( مدونة قصر الروايات) تظهر القصص كامله
تابعونا علي قناة التليحرام من هنااااااااااا
ليصلكم اشعار بالنشر
الرواية كامله من البداية من هناااااااااااا
تعليقات
إرسال تعليق
فضلا اترك تعليق من هنا