رواية انت الترياق البارت 28بقلم هايدي احمد كامله

رواية انت الترياق البارت 28بقلم هايدي احمد كامله 

رواية انت الترياق البارت 28بقلم هايدي احمد كامله 

البارت ال28 من #انتِ_الترياق

خير يا ابنى هى فين 

جوه يا بابا ..مش هتولد النهارده

ازاى طب والطلق و..

الدكتور قال ..هتولد بكره قيصرى وان ممكن...

ممكن ايه يا ابنى قلقتنى 

حط جاسر راسه بين ايديه بحزن 

كل حاجه هتتعاد تانى يا بابا كل حاجه هتتعاد 

استهدى بالله يا ابنى خير ان شاء الله هتقوم بالسلامه هى والجنين

انا مش فاهم ليه بيحصل معايا كده ليه.. مفيش حاجه حلوه راضيه تدوم للاخر ليه 

استغفر ربك ومتقولش كده ربك اذا احب عبدا ابتلاه العقبات دى حب من ربنا عشان نزيد ايمان بيه مش عشان نيأس 

بس انا تعبت ..تعبت اوى طب ربنا ليه عايز يخيرنى بينهم ويحطنى فى نفس الموقف الى بقالى سنين بحاول اتخطاه انا كنت قربت انسى ليه كل حاجه بتتعاد تانى ...انا غلطت لما رجعتها صح

بس يا ابنى مين قالك انك غلطت حتى لو مكنتوش رجعتوا ربك كاتب انها تحمل منك ده افضل حاجه حصلت انكم رجعتم محدش عارف كان ممكن يحصل ايه

على الاقل كانت هتبقى كويسه وسط اهلها لكن انا 

طبطب والده على كتفه وهو بيهديه 

قوم قوم يا ابنى غسل وشك وشوف المسجد صلى ركعتين لربنا قوم ..قوم يلا 

قام جاسر ومسح وشه ومشى اما والده اتصل بمايا عشان تروح تقعد مع داوود على اما الصبح يطلع و قعد يسبح ويستغفر ربنا وبعد شويه جه حازم 

خير يا عمى ولدت 

لا يا ابنى الولاده بكره ان شاء الله

طب ليه بكره مش المفروض جالها الطلق 

الولاده الطبيعى هتبقى خطر عليها لازم قيصرى وهيبقى بكره ان شاء الله

استر يارب طب جاسر فين اكيد متضايق دلوقتى

جاسر بعته يتوضى ويصلى ركعتين عشان يهدى

قعد حازم جمب والد جاسر لعند ما جت ممرضه 

انتم اهل المدام الى جوه 

ايوه يا بنتى 

طب عمتا الدكتور اداها مسكن وهتقوم فى خلال نص ساعه عشان تدخلوا ليها

متشكرين يا بنتى 

بعد اذنكم 

طب يا عمى الولاده القيصرى هتكون احسن ليها ليه... مش جالها طلق الولاده العاديه 

المفروض يا ابنى لكن بعد ما عمل فحوصات قال ان فيه مشاكل فى الحمل والولاده العاديه صعبة عليها لازم قيصرى 

يعنى ايه صعبه عليها يعنى ممكن ...

خير ان شاء الله خير..رب الخير لا يأتى إلا به 

بعد شويه جه جاسر وقعد جمبهم وهو ساكت تماما 

جدوو

جت مايا ومعاها داوود وهو بيجرى على جده وباباه 

ايه الى جابك يا مايا 

بص حازم بلهفه لما سمع اسمها وقام وقف قصادها اما هى بصتله بتوتر وبعدين اتجاهلته وبصت لخالها

مقدرتش عليه يا خالو قعد يعيط واصر يجى هى غزل عامله ايه دلوقتي

كان حازم متابعها وبيبص لكل تفصيله فيها وللبسها ومش مصدق ان دى مايا فعلا واتغيرت كده 

لسه يا بنتى لسه ..ايه الى جابك يا داوود مش قولتلك تقعد فى البيت مع مايا 

جيت عشان اشوف مامى هى كانت تعبانه وبتصرخ 

متقلقش يا حبيبي كويسه وبعدين احنا كلنا هنا معاها مش انت عايز يجيلك اخ او اخت تلعب معاهم 

ايوه

خلاص يبقى تروح دلوقتى مع مايا وبكره هنجيب ماما ومعاها البيبي الصغير ها 

لا يا جدو مس همسي انا خايف مامى غسل تمسى زى مامى عشان هتجيب نونو

بصله جاسر بصدمه وهو بيبص لابوه ومسك داوود 

مين الى قالك كده يا داوود 

جدو..جدو منصور قالى ان مامى مسيت عشان انا جيت هى غسل كمان هتمسى عشان هتجيب نونو

غمض جاسر عينه بحزن وهو مش عارف يرد عليه

تعالى يا حبيبى مفيش الكلام ده خالص غزل هتبقى كويسه وهترجع معانا البيت ومعاها اخوك الصغير متقلقش يا حبيبي 

لا خليه يقلق 

بصوا كلهم لجد داوود الى دخل عليهم 

ها يا حضرة الرائد هو ده الى طلقتها شوفت عشان كدبتوا عليا اهو هيحصل معاها نفس الى حصل وبدل ولد واحد هيبقوا اتنين يتامى والله اعلم يمكن يفضل واحد بس كله سلف ودين 

بس اخرس يا منصوور انت مين عشان تقرر عن ربنا مين يعيش ومين يم*وت 

ايه نسيت يا داوود مش ابنك الى اختار الولد على حياة بنتى 

ابنى مختارش حد بنتك الله يرحمها هى الى اختارت لانها كانت فى المرحله الاخيرة انت ليه بتدفع ابنى تمن حاجه معملهاش لامتى هتفضل كده 

هفضل كده لحد ما حق بنتى يرجع من ابنك وهو مبقاش بعيد وهيحصل مش قولتلك كله سلف ودين 

بصله جاسر بحزن وخرج بره المستشفى وهو حتى مش قادر يرد عليه 

جاسر ..جاسر استنى 

سيبه يا حازم سيبه اسمع يا منصور... كلمه زياده عن الموضوع ده وهفتح فى القديم كله واندمك انك اتكلمت وحفيدى..حفيدى هيفضل معايا وان كان عندك سبب عشان يبقى معاك فانا عندى مليون سبب ولا نسيت زمان لو نسيت افكرك يا ابو الدهب 

لو سمحتم احنا فى ميتشفى وفى مرضى ده مش مكان للخناقات اطلعوا اتخانقوا بره 

بصلهم منصور بغل وسابهم ومشى ووالد جاسر قعد وهو بيتنهد بتعب 

جتلى منين يا منصور تهد كل الى بنيناه 

اهدى يا عمى هو ميقدرش يعمل حاجه كده خلاص 

بس ..جاسر جاسر هيعمل لو ملحقتوش 

المدام فاقت فين جوزها عايزه تشوفه 

عشر دقايق وجاى نقدر ندخلها احنا 

ممكن بس ياريت بهدوء 

تمام

دخل والد جاسر الاول وهم وراه

بابا 

ايوه يا بنتى عامله ايه دلوقت

بابا هو انا ولدت انا مش حاسه بجسمى ..هو فين فين البيبى 

لسه يا بنتى لسه ولادتك بكره ان شاء الله وهتقوميلنا بالسلامه انتى وحفيدى 

طب..جاسر..جاسر فين 

اااجاسر بره ..بيملى البيانات بتاعة المستشفى وجاى حالا هروح اجيبه 

خرج والد جاسر وجت مايا قعدت جمبها وحازم قعد على الكرسي وهو بيشاورلها تهديها وهى امائت له

عامله ايه دلوقت يا غزل 

تعبانه اوى يا مايا مش حاسه بأى حاجه ولا حتى برجلى 

انا لسه حامل صح ..متخبوش عليا انا حاسه انى ..

لا لا لسه حامل الدكتور بس قال ان الولاده معادها بكره متقلقيش 

طب ليه مش النهارده فى حاجه حصلت انتم مخبين عليا حاجه 

يا غزل والله ما فى حاجه كل حاجه تمام 

داوود ..انت ايه الى جابك عندك مدرسه بكره 

جدو قال انك تعبانه وهتجبيلى اخ صح 

ايوه يا حبيبي هجبلك اخ تلعب معاه ..وتاخد بالك منه لو ..

خير ان شاء الله يا غزل متقوليش كده 

شاورت مايا لحازم عشان يتكلم 

طبعا انتى مش هتسيبيه لداوود هيطلع بلطجى ولو جاسر فى الموضوع هيطلع انسان آلى ههه

لا من الناحيه دى اطمن جاسر معدش جاسر الى تعرفه الدور والباقى عليك 

ما خلاص بقى يا غزل بلاش احراج 

بصت غزل لمايا وغمزتلها عشان تكلم حازم بس هى برقتلها عشان تسكت 

جاسر 

بص جاسر لوالده الى جاى عليه

انت هتفضل كده لامتى ها رد عليااا هتفضل ضعيف كده لامتى 

ضعيف 

ايوه ضعييف انت فاكر الضعف انك متحميش الى بتحبهم تبقى غلطان انت لسه مش عايز تفهم ان كل دى تدابير ربنا.. يا ابنى فوق للى فى ايدك قبل ما يضيع سيبك من كل الأفكار الى فى دماغك دى بص للنعم الى فى ايدك واحمد ربك عليها ومتفكرش فى الى فات ربك له حكمه فى كل حاجه بيعملها ادعيله انت قادر تخفف قدر بالدعاء ..يلا ادخل لمراتك عايزاك انت باديك دلوقتى تحميها

بصله جاسر بإستفهام 

 ايوه تحميها بحبك ليها ووقوفك جمبها وانك تطمنها بوجودك دى حمايه قبل ما تكون واجب او حب اسمع الكلام يا ابنى ربنا يهديك يلا ..يلا ادخل 

حضن جاسر والده بإمتنان ومشى بسرعه عشان يدخل لغزل الى كانت بتضحك من هزار حازم ومايا معاها 

دخل جاسر عليهم وقفل الباب 

السلام عليكم

وعليكم السلام يا كبير كنت فين ها بتخونى 

ما تحترم نفسك يالا البنات قاعدين 

الله وايه يعنى هم مش غرب 

استغفر الله العظيم انا هطلع انا وهاخد داوود يا غزل ميصحش ولد صغير يسمع التلوث ده يلا يا داوود

استنى خدينى معاكى 

ليه ما تخليك قاعد مش خلاص بقيت مراتى التانيه

يا راجل عيب عليك دى مراتك زى الفل اهى معقول عايز تتجوز عليها اخس 

غور يالا اطلع بره هتودينى فى داهيه امشى

طب ما تزقش طيب 

فضلت غزل تضحك على هزار حازم وهى ماسكه بطنها 

ايوه ايوه اضحكى ياختى 

ههه مش قادره حاسه انى هولد بجد

طب وماله اولدك انا طلاما الدكاترة مش عايزين يولدوكى 

ايه ده ..ليه ..هو انا ليه مولدتش النهارده مش الطلق جه خلاص 

لا اصلهم خافوا منك فى الولادة الطبيعى فقالوا قيصرى احسن عشان هتكونى فى البنج 

جاااسر

الله مش بقول الحقيقه 

طب ايه رايك هطلعهم عليك انت ها 

قرب جاسر وباس ايديها 

اى حاجه منك انتى على قلبى زى العسل 

ابتسمت غزل بخجل 

حامل ولسه بتتكسفى 

قولى بقى بجد ليه اجلوا الولاده وبقت قيصرى 

ابدا يا حبيبتي ده عشان معدتش فيه ولاده طبيعى دلوقتى بقت متعبه وكتير بيعدوا وقت ولادتهم الطبيعى عشان يولدا قيصرى لانه اسهل 

يعنى بجد مفيش حاجه 

اطمنى يا حبيبتي كل حاجه بخير 

بس ليه قيصرى ..كده هيفتحوا بطنى صح 

اييوه بالضبط 

لالاااا قيصرى لا انا خايفه 

متخافيش يا حبيبتي انا معاكى اهو 

طب طب انا عايزه ماما عشان تبقى معايا قولهم بكره بلاش النهارده الوقت اتاخر وانا عارفه انهم مش هيستنوا لبكره 

حاضر يا حبيبتي هبعت السواق يجيبهم بكره متقلقيش 

حضنها جاسر وباس راسها وهو بيطمنها وبيحاول يطمن نفسه ان كل حاجه هتبقى كويسه وهتعدى 

يلا يا مايا خدى داوود وامشوا 

ليه يا خالو كلها كام ساعه وغزل تولد فم..

اانا قولت ايه خدى الولد وامشوا بلاش داوود يبقى قدام جاسر الوقت ده الا لما غزل تقوم بالسلامه 

خلاص يا خالو هاخده دلوقتى بس هاجى بكره بدرى تمام 

طيب ماشى ..وصلهم يا حازم يا ابنى معلش هتعبك 

لا لا ابدا يا عمى مفيش تعب

لا خليك السواق اصلا مستنينا بره 

وانا قولت حازم يوصلكم ناخد بالنا كويس تحسبا لاى حاجه تحصل حازم ضابط هيعرف يتصررف يلا اسمعى الكلام خدى داوود واطلعوا يلا.. معاهم يا حازم 

بص حازم لمايا وشاور لمايا براسه عشان تمشى قدامه 

فاتنهدت بضيق واخدت داوود ومشيت وحازم وراهم 

اما والد حازم كان مبتسم وبيبص فى اثرهم 

ربنا يهدى سركم انتم كمان 

على فكره مكنش لازم تيجى معانا كده كده السواق بره 

يلا عشان الحق اوديكم وارجع اقعد مع جاسر 

سبقها حازم وهى اتنهدت بضيق وشدت داوود ومشيت وراه وبعدين ركبت داوود وره وركبت قدام

حطى الحزام 

مش لازم كلها نص ساعه 

سندت مايا راسها لورى واتخضت لما لقت حازم قرب منها فجأة وهو بيبص فى عنيها فبصتله بتوهان بس فاقت لما لقته بيجيب الحزام وبيركبه وهو بيبصلها بسخريه ورجع شغل العربيه وهى بتبصله بغيظ وربعت ايديها وبعدين طلعوا بالعربيه 

عند جاسر راح للدكتور مكتبه 

اتفضل يا فندم ...ده الإقرار لعملية المدام القيصرى لازم تبقى بموافقتك بس حضرتك لازم تختار ننقذ حياة مين لو اتحطينا فى اختيار والعملية كانت خطرة 

بلع جاسر ريقه وهو بيبصله ومش قادر ينطق 

انا..عايزهم هم الاتنين لو الجنين حصله حاجه هى ممكن تروح فيها 

انا فاهم ومقدر موقفك وعارف انه صعب بس كله بإرادة ربنا احنا هنحاول ننقذهم هم الاتنين لكن موضع الاختيار مفيش مفر منه فلازم حضرتك تختار وتمضى على ده 

اتنهد جاسر واماء ليه براسه ومسك القلم 

عند حازم 

يلا انزلوا وصلنا 

بصت مايا لداوود  لقته نام 

داوود انت نمت ..داوود 

سيبيه نايم هشيله انا 

لا لا خليك هنادى حد من الحر...

قولت هشيله انا اطلعى انتى ...يلاا لسه واقفه 

بصتله مايا بإستغراب من تصرفه ودخلت البيت وطلعت الاوضه الى جمب اوضة داوود وحطت شنطتها وبعدين راحت فتحت الباب شويه لقت حازم لسه مطلعش  وقفلته تانى بسرعه 

كان حازم شال داوود وقفل الباب برجله ودخل البيت وطلع على السلم براحه عشان داوود ميصحاش ودخله اوضته وحطه على السرير وقام يدور على مايا بره بس مش عارف هى فى انهى اوضه فاتحمحم ونده عليها بس مردتش 

راحت فين دى كمان ..همشى انا وخلاص 

جه يمشى بس وقف بتردد واتنهد وراح لأوضة الضيوف وكان هيخبط عليها بس اتخض لما سمع مايا بتصرخ من جوه ففتح الباب بسرعه ودخل وجريت عليه مايا بسرعه 

ايه فى ايه الى حصل انتى كويسه

ااه كو..يسه بس شوفت ..شوفت خيال واحد من البلاكونه وصوت 

صوت ..هنا 

ايوه 

طب ارحعى وره كده

طلع حازم مسد*سه وقرب من البلاكونه بهدوء وبعدين فتحها بسرعه ودخل بس ملقاش حاجه فيها فاتنهد براحه وبص للمرجيحه الى فيها وكانت بتتحرك 

متقلقيش دى المرجيحه بس اتهزت من الهوا مفيش حاجه 

حطت مايا على قلبها براحه وبعدين لاحظت نظرات حازم ليها فاتحمحمت ورجعت شعرها لوره واتخضت وجريت على السرير اخدت الروب وغطت نفسها بيه لانها لابسه هدوم نوم وبصتله بخجل ورجعت وره لما لقته قرب منها شويه بشويه لعند ما خبطت فى الحيطه الى وراها وهى بتبصله برعب 

ح.حازم 

قرب منها حازم ومسك خصله من شعرها فى ايده 

تعرفى ان لون شعرك كده حلو ..ولايق عليكى اكتر 

بصتله مايا وهى مش قادرة ترد عليه 

ح..حازم ممكن تبعد الى احنا...الى احنا فيه ده مينفعش

حطت ايديها عليه عشان تزقه بس متحركش ومسك ايديها وقرب من ودنها 

على فكره احنا لسه مطلقناش رسمى المحكمه لسه محكمتش لان فيه فترة تعايش الاول لعند القرار الاخير والى مش تعرفيه انى حاولت على قد ما اقدر امد الفترة 

دى بينا 

بصتله مايا بصدمه 

انت... عملت كده بجد 

مسك حازم خصلة شعرها وهو بيلعب فيها وبيبصلها بابتسامه

همم كنت مستنى تطلعى مايا دى الى كنتى مخبياها تحت مايا التانيه 

بصت مايا بحزن فى الارض وهو رفع راسها ليه وبصوا لبعض وقرب وباسها من جبينها وهى غمضت عنيها وفتحتها وهى بتبصله بتأثر  

مش عايز نطلع من التجربة دى خسرانين ..عايز نحاول تانى وندى لبعضنا فرصه عشان منندمش بعدين ..موافقه 

اترددت مايا ومكنتش عارفه ترد خايفه توافق ويرجع يندم انهم اخدوا الفرصه دى او انها ترجع مايا القديمه وخايفه تتعمق فى الرابط ده وتتجرح منه كانت مشتته ومش لاقيه اجابه وحازم قرأ الرفض فى عنيها وترددها

فاتحمحم وبعد عنها 

عموما ..لسه فى وقت على قرار المحكمة متقلقيش مفيش حاجه هتم من غير ارادتك ..انا نيمت داوود فى اوضته وهمشى دلوقتى اقفلى على نفسك كويس 

حازم استنى 

وقف حازم وهى ماسكه ايده ولف بصلها 

انا..اه غلطت فى حياتى كتير وأذيت ناس ملهاش ذنب ومكنتش حاسه بالى بعمله وندمت صدقنى..ودلوقتى بحاول اتغير واغير كل الى فات ده بس الى متاكده منه ان اكبر غلطه هندم عليها فى حياتى هى انى مديتش فرصه تانيه لعلاقتنا .... موافقه 

شدها حازم بلهفه وحضنها وهى بادلته بحب وبعد عنها وهو ماسك وشها بين ايديه وباسها على جبينها 

اوعدك اننا مش هنندم على الفرصه دى 

ورجع حضنها تانى وهى دخلت فى حضنه وهى حاسه بإحساس اول مره تجربه او تحس بيه وشددت على حضنه وهى بتتنفس براحه 

تانى يوم 

جم الممرضات جهزوا غزل للعمليه وجاسر فى موقف لا يحسد عليه من القلق الى حاسس بيه وبعدها راح للدكتور يأكد عليه تانى ويحاول يتطمن 

بعد شويه خرجوا غزل لاوضة العمليات على السرير

مدت ايديها لجاسر بلهفه مسك جاسر ايديها وباسها وهو ماشى معاهم 

متقلقيش كله حاجه هتبقى تمام انا جمبك متخافيش 

يلا يا استاذ عشان هندخلها العمليات استناها هنا 

لا..تعالى معايا انا..انا خايفه 

متخافيش انا هنا 

ماما..ماما وبابا يا جاسر قولهم والنبى 

جايين فى الطريق متقلقيش احنا كلنا هنا

اخدوها الممرضات وسابت ايد جاسر غصب عنها وهى بتعيط من خوفها ساب جاسر ايديها وهو بيبصلها بحزن وقلبه بيدق من الخوف 

(اااه زارك الخوف تانى يا جاسر الى كنت نسيته )

جاسر يا ابنى.. العمليه بدأت

ايوه لسه داخله 

طبطب والده على كتفه وهو بيطمنه 

خير ان شاء الله تقوم لينا بالسلامه

قعد جاسر بره هو ووالده وبعد شويه جت مايا ووراها حازم وبيجيبها قدامه وهى بتنفض ايده بغيظ

امشى بقى 

اوعى ايدك دى 

ايه يا ولاد بتتخانقوا ليه 

بص جاسر لحازم بإستفهام وهو اماء ليه وبص لوالده

احم مفيش حاجه يا عمى ..هى غزل فين 

غزل دخلت العمليات يا ابنى 

بجد يا خالو طب مقولتوش ليه انها هتدخل دلوقتى 

مرضيتش اقلقكم يا بنتى خير ان شاء الله

راح حازم وقعد جمب جاسر وطبطب على كتفه 

وفضلوا قاعدين فى قلق وتوتر وبعد شويه جه اهل غزل وهم بيجروا عليهم وقلقانين 

بنتى..بنتى فين 

متقلقيش يا طنط هى في العمليات دلوقتى 

اخس عليك يا جاسر تجيبوها تولد من غير ما تقولولنا طب حتى عرفونى عشان اجى اقعد جمبها انا عارفاها بتخاف ..ليه كده يا ابنى 

والله ما تقلقى يا ام غزل وبعدين احنا هنا جمبها ما احنا كمان اهلها هتخافى عليها معانا 

مش القصد والله بس كنت عايزه ابقى معاها عشان برضه تتطمن 

خير ان شاء الله هى زمانها خارجه دلوقتى وهتبقى زى الفل 

 قعدوا كلهم يستنوا وباباها بيقرأ قرآن والباقى بيدعيلها لعند ما باب العمليات اتفتح وخرج الدكتور فقام جاسر بسرعه عليه وهم وراه 

طمنى يا دكتور مراتى بخير 

بنتى يا دكتور طمنا

 اطمنوا يا جماعه احنا حاولنا على قد ما نقدر فى العمليه دى والحمدلله المدام بخير لكن..البنت للاسف حالتها مش مستقرة احنا هنحطها دلوقتى فى الحضانه دلوقتى على امل انها تتحسن

اتصدموا كلهم وخصوصا والدتها الى قعدت تعيط وزاد التوتر والقلق بينهم اكتر

اا البنت ..مالها يا دكتور فى امل ...

طبطب الدكتور على كتفه باسف انا وعدتك وهحاول اوفى بوعدى خليك متابع حالتها معانا اهم حاجه دلوقتى نفسية الام ياريت تطمنوها على الاقل لعند ما الجرح يخف شويه هى دلوقتى هتتنقل اوضه تانيه لعند ما تفوق من البنج بعد إذنكم 

وقف جاسر وحط ايده على وشه بحزن

الحمدلله يا جاسر الحمدلله انها بخير 

الحمدلله

اسمع يا ابنى بلاش موضوع البنت دلوقتى الا لما تفوق وتبقى كويسه واحنا كلنا معاها اهم حاجه انك متتوترش قدامها يا جاسر اتعامل عادى يا ابنى 

اماء جاسر براسه بتفهم وبعدين راح على الحضانه ووقف بره وهو بيبص للأطفال الصغيرين وبيحاول يعرف بنته 

بتدور على حاجه يا فندم 

اايوه البنت الى لسه مولوده دلوقتى بنتى 

حضرتك استاذ جاسر

ايوه انا 

للاسف مش هينفع تشوفها لازم على الاقل بعد يومين لان مناعتها ضعيفه جدا ولازم ناخد بالنا من اى حاجه

بس انا عايز اشوفها دلوقتى لو سمحتى عشان اتطمن عليها وعشان اطمن والدتها 

اتنهدت الممرضه وراحت جابتله لبس المستشفى المعقم  وماسك وجونتات وده عشان يمنع اى تلوث للاطفال 

دخل جاسر وراها لعند سرير صغير بس حواليها حمايه من الازاز وبص بتردد كانت بنته صغيرة اوى وحجمها اقل من حجم اى طفل مولود وحواليها اسلاك كتير وكانت نايمه حس جاسر بوجع فى قلبه لما شافها كده ورجع تانى بصلها وابتسم لما لقى فيها شبه من غزل وكان عاوز يلمسها بس مينفعش بعدها خرج بسرعه من الاوضه ومسح دمعه هربت من عينه وبعدين راح يقلع لبس المستشفى وراح لوالده الى قابله بلهفه 

ها يا ابنى ايه اللي حصل البنت كويسه 

هز جاسر راسه وهو مش قادر يتكلم فطبطب والده على كتفه بتفهم 

اهدى يا جاسر مش عايزك تبقى كده لما غزل تصحى اتماسك يا ابنى 

بعدها قعد وفضلوا قاعدين ساعتين لعند ما غزل فاقت 

وقاموا عشان يدخلولها وجاسر حاول يتماسك على قد ما يقدر عشان غزل متكشفوش 

فتحت غزل عنيها بتعب وهى بتحاول توضح الرؤية قدامها وبعدين اتخضت مره واحده وحطت ايديها على بطنها 

حمدالله على السلامه يا غزل 

الف سلامه عليكي يا غزل انتى كويسه 

حمدالله على سلامتك يا قلب امك حاسه بايه

الله يسلمكم اه كويسه بس ..مش حاسه بنص جسمى 

انا..انا ولدت ولا لسه 

ولدتى يا بنتى حمدالله على السلامه

بجد ..جبت ايه يا بابا ..انا مرضيتش الفترة دى اكشف بسونار عشان اليوم ده ..عايزه دى تبقى اول مره اشوفه او اشوفها انا حاسه انها بنت مش عارفه ليه 

حط جاسر ايده على راسه بندم لانه سمع كلامها ومعملوش سونار فى الشهور الأخيرة عشان يعرفوا جنس المولود وده عشان معاملة جاسر تفضل زى ماهى ميكونش علشان بنت او ولد 

فين البيبى هو مش هنا ليه ..جاسر 

 قعدوا يبصوا لبعض بتوتر ووالده بص ليه واشار براسه..راح جاسر جمبها وباس راسها وايديها 

حمدالله على السلامه يا حبيبتي انتى جبتى بنت زى القمر نسخه منك 

بجد..طب هى فين انا عايزه اشوفها يا جاسر هاتها 

مش دلوقتى يا حبيبتي لازم اللول ترتاحى شويه ومفعول البنج يروح تماما وبعدين هى لازم تفضل فى الحضانه عشان مناعتها 

ايوه بس...اشوفها بس دقيقه واحده يا جاسر مش هعمل حاجه والله اشوفها بس 

اتنهد جاسر بوجع وهو بيتماسك

حاضر..هتشوفيها والله متقلقيش بس نطمن عليكى الاول يا حبيبتي..هروح اشوف لو ينفع يطلعوها دلوقتى ماشى ارتاحى انتى بس 

خرج جاسر بسرعه ووراه حازم وجت والدتها جمبها هى والباقى وهم بيطمنوا عليها وبيشيلوا التوتر عشان متحسش بحاجه 

ها يا حبيبتي نويتى تسميها ايه 

ابتسمت غزل بفرح 

مش عارفه يا ماما مجاش فى بالى اسم قولت اول ما اشوف البيبي اول اسم هيجى على بالى هسميه بيه 

تتربى فى عزك يا حبيبتي انتى وابوها وتفرحى بيها 

اما جاسر كان بره وحازم بيهون عليه 

خايف..خايف يجرالها حاجه هبقى انا السبب 

صدقتى انت ملكش ذنب انت ليه مش قادر تصدق ربنا بيختبركم وهتجتازوه ان شاء الله

يارب 

بعد كام ساعه 

كان حازم اخد مايا ومشيوا ووالد جاسر اخد داوود يروحه ويغير هدومه وفضل جاسر واهل غزل الى مرضيوش يروحوا يرتاحوا وفضلوا جمب غزل 

كانت غزل صاحيه ومامتها ثلت العشا ونامت على الكنبه هى وباباها وبعد شويه دخل جاسر ومعاه اكل المستشفى

تعلت نفسك ليه انا اصلا مش هاكل 

مش هتاكلى ازاى انتى طالعه من ولاده ولازم تتغذى عشان الجرح 

مش قادره يا جاسر مش عايزه اكل حاجه 

مينفش يا غزل حازلى تاكلى اى حاجه على قد مقدرتك 

انت عارف انا مبحبش جو المستشفيات ده انا عايزه اروح البيت 

هنروح يا حبيبتي متقلقيش بس لازم على الاقل يومين كمان عشان يطمنوا عليكى وعلى..بنتنا 

طب هى فين ليه لغاية دلوقتى مش راضيين اشوفها انا مش قادرة استنى 

مش عارف شغل مستشفيات بقى ودكاترة ولازم تعقيم وفحصوات وغيره 

فحوصات ايه..هى كويسه فيها حاجه 

اه الحمدلله كويسه يا حبيبتي قولتلك متقلقيش 

قلبى مش مرتاح يا جاسر وقلقانه اوى 

مسك جاسر ايديها وباسها 

والله يا حبيبتي ما تقلقى كله خير بإذن الله

عند حازم

وصلنى عند ماما هالوا هيجى يقعد مع داوود 

ماما مين وخالو مين 

احنا هنروح بيتنا 

بيت ايه لا 

هو ايه الى لا بقولك لسه متطلقناش 

ايوه بس فى حكم المطلقين 

مطلقين والى حصل امبارح ده ظروفه معاكى يا مدام 

ده..كان 

كان ايه ها 

انا قولت اه هدينا فرصه بس واحده واحده 

يعنى ايه مش فاهم 

يعنى نرجع فى حكم المخطوبين تانى لعند مااتعود عليك

اتعود عليك ايه بقولك كمان شويه هنجيب عيال تقوليلى مخطوبين احنا هنروح بيتنا دلوقتى

وانا قولت لا هروح عند ماما وبعدين انا ما قولتلهومش ان انا معاك 

مقولتيش ايه هو انا ماشى معاكى من وراهم ولا ايه بقولك لسه مراتى 

حاازم انا قولت الى عندى هناخد فترة خطوبه لعند ما نرجع واحده واحده يعنى الجوازه دى تنساها خالص كأننا هنتجوز من اول وجديد

قرب حازم منها وهو بيحط ايده على وسطها 

اذا كان كده ماشى طلاما كده كده هنتجوز ها 

هااا قولت ايه 

حاضر اتنيلت سكت يلا نطلع على بيت ماما يا ختى اما اشوف اخرتها 

تانى يوم 

صحى جاسر صلى الفجر هو وحماه واتضرع لربه بالدعاء ان كل الى هم فيه يعدى 

انا هروح انا البيت اغير يا عمى شوف حماتى لو عايزه اى حاجه من البيت او هدوم عشان اجيبها وانا جاى 

اه يا ابنى كان فيه سويه حاجات عايزاها هكتبهملك فى ورقه عشان متنساش وكانوا هدوم لغزل وحاجات للبنت هياحتاجوها وجاسر هيشتريها وهو راجع 

وبعد شويه صحيت غزل والممرضه بتحطلها محلول وجايبالها فطار عشان تاخد الدواء 

اتفضلى خلصى فطارك وبعد شويه هعدى عليكى على الدواء بتاعك 

اماءت غزل ليها بتعب وهى مش قادرة تتحرك 

كانت والدتها بتصلى وخلصت صلاة وراحتلها 

عامله يا قلب امك دلوقتى 

مش قادرة يا ماما القيصرى ده طلع صعب اوى 

انا مش عارفه كان ماله الطبيعى قيصرى ايه بس عاجبهم بطنك وهى مفتوحه كده ..ايه الاكل ده ده اكل واحده لسه والده لا يا بنتى احنا نقعد النهارده ومن بكره اخدك البيت احسن من الجو ده حتى اعملك لقمه ترمى عضمك بيها بدل الاكل ده 

ابتسمت غزل لوالدتها

ربنا يخليكي ليا يا حبيبتي

ويخليكي ليا يا نن عينى ..امال الراجل ابوكى ده فين من ساعة ماصحيت وهو مش هنا 

مش عارفه لا هو ولا جاسر مش عارفه راحوا فين 

طب كلى يا حبيبتي اما اشوف ابوكى فين حتى اروح البيت اعملك اكل زى الناس بدل ده 

يا ماما متتعبيش نفسك كده كده مش هاكل 

بس يا بت قال مش هاكل انتى والده عارفه يعنى ايه يعنى اى حاجه تيجى قدامك تاكليها عشان لسه فى رضاعه يا بنتى عشان بنتك 

مشيت والدتها وبعد شويه جت الممرضه 

ايه ده انتى لسه مأكلتيش لازم تاكلى عشان ادويتك

بجد مش قادره خالص مش هقدر اكل اى حاج..

وقفت غزل لما دخل الدكتور الى متابع حالتها وبدا يقيس ضغطها

صباح الخير ازيك يا مدام غزل اخبارك ايه النهارده

الحمدلله بخير

ماكلتش حاجه يا دكتور

ازاى بس يا مدام لازم تاكلى لان ضغطك واطى جدا اهو 

الاكل ده اهم حاجه اتعودى على الاكل اليومين دول وبعد كده اطلعى كلى الاكل البيتى العادى بس مسلوق طبعا 

تمام...هى البنت هتطلع امتى من الحضانه

لا البنت لسه بدرى عليها حدا لازم فترة كويسه عشان تتحسن 

تت.. تتحسن من ايه بالضبط يا دكتور هى مالها 

للاسف ضعيفه جدا ووزنها خفيف ومناعتها ضعيفه ومحتاجه رعايه شديده ولازم تفضل فى الحضانه وربنا قادر با يكتبلها عمر جديد يا اما ...

يا..اما ايه هتم*وت ...ازاى نازله ضعيفه انا فاكره ان فترة الحمل كانت كويسه مفيش حاجه حصلت 

للاسف ده الى حصل يا مدام واحنا حاولنا نعمل الى نقدر عليه بجد بعد ربنا ثم انا قولت للاستاذ جاسر هو مسمعش منى لان حضرتك كان ممكن يج...

قولتله ايه بالظبط حضرتك مش فاهمه 

قولتله ان حمل حضرتك صعب وللاسف مش هينفع ننقذكم لازم فى الواقف دى نختار حد ننقذه والا ممكن نفقد الروحين  واستاذ جاسر اختار حضرتك بس لقينا امل اننا ننقذكم انتم الاتنين وده الى حصل بس نسبة البنت كانت قليله جدا 

كانت غزل بتسمع مل كلمه بصدمه اكبر وبتبلع ريقها بخوف ومش قادرة تتكلم ....يتبع

تكملة الرواية هناااااااااااا

اكتب في بحث جوحل( مدونة قصر الروايات) تظهر القصص كامله

تابعونا علي قناة التليحرام من هنااااااااااا

ليصلكم اشعار بالنشر

الرواية كامله من البداية من هناااااااااااا