رواية انتقام عشق الصعيد البارت 29بقلم الكاتبه المجهوله
رواية انتقام عشق الصعيد البارت 29بقلم الكاتبه المجهوله
رواية انتقام عشق الصعيد البارت 29بقلم الكاتبه المجهوله
انتقام عشق الصعيد 29
ريهام: فهميني دلوقتي ازاي عشق وصقر لسه مع بعض وازاي تيجي من غير متعرفيني
سعاد: انا مش همشي اوامرك يعني
ريهام قربت منها وقالت بغضب: لا تمشي لأن لحد امبارح كانت كل حاجه بأمري خروجك من السجن كان بأمري وصولك لصقر كان بأمري وانا الي خليته يسامحك ولا نسيتي ان انا الي قلتله عليكي وانا الي قلتله انك تعبانه وساعدتك تمثلي عليه
سعاد: لي شامه ريحه تهديد في كلامك
ريهام: اعتبريه زي متعتبريه مش هتفرق بس من دلوقتي وممنوع تعملي حاجه غير لما تعرفيني
سعاد بصتلها بقرف وقالت: وانتي بلاش تهدديني عشان مرحش القسم ابلغ على العقرب واقول اني اعرفه
ريهام مسكت ايدها بغضب وقالت: فكري تعمليها ووقتها كلنا هنروح كلنا في داهيه
سكتوا الاتنين شويه وكل واحده بتحاول تهدي عشان متقلش حاجه تندم بسببها بعدين
الكاتبه المجهوله H
ريهام: اي الي حصل في الشقه
سعاد: بعد موصلت رسالتك لعشق جت ووشها مكنش يبشر بالخير طلبت من صقر الطلاق بس بعدين اتراجعت لما صقر قالها ان البنت دي خدامه عشاني وانا قلت ان كلامه صح عشان ميشكش فيا
ريهام: وبعدين
سعاد: العربيه الي كانت هتخبط عشق تبعك
ريهام: اه بس كان غب*ي ومعرفش يخبطها
سعاد: ده من غبا*ئك انتي الي حصل زاد حبهم
ريهام بغيظ: خلاص خلاص همشي انا قبل محد يحس بينا
سعاد: اه صحيح وفاء مطلعتش سهله وشكلها كاشفه سبب دخولي البيت
ريهام: سيرتي متتجابش عشان العقرب ميزعلش يا سعاد
سابتها ريهام ومشيت راحت اوضتها
جه اليل والكل نزلوا عشان ياكلوا
كانوا بياكلوا في صمت لحد مجعفر اتكلم
جعفر: انا عندي سفريه قريب وهقعد فيها فتره كويسه ولما ارجع هكتب كتاب عمر
عمر بحماس: امته
جعفر: بعد شهر او اربعين يوم بالكتير
عمر بحزن: مش كتير شويه
جعفر بصله
عمر: انا اسف براحتك يا عمده
قام جعفر ووفاء وعشق شاوروا لصقر يقوم وراه وفعلا قام دخل وراه المكتب ووفاء راحت وراهم
قاموا الشباب راحوا الشغل ومنال طلعت اوضتها وريهام قامت لما سعاد شاورت ليها تمشي وكان فاضل عشق وسعاد
الكاتبه المجهوله H
سعاد: عشق
عشق: نعم يا طنط
سعاد: عامله اي مع ولدي
عشق: تمام علاقتنا كويسه الحمدلله
سعاد: سمعت عن الظروف الي اتجوزتوا فيها وفكرت ان علاقتكم متوتر
عشق: بالعكس انا وصقر بنحب بعض وكل حاجه تمام
سعاد: انتي ازاي سامحتي جعفر
عشق: عمو جعفر كات ضحيه زي المرحوم بابا بالظبط
سعاد بغضب: قصدك اي
عشق: ولا حاجه يا طنط حضرتك سألتي وانا جاوبت
سعاد: انا هقلهالك بصراحه انا مش عايزاكي لولدي ريهام كانت احق بيه منك
عشق: ريهام الي مع كل واحد شويه ودلوقتي حامل ومش معروف من مين
سعاد: اي واحده غيرك المهم مش انتي
عشق: رأي حضرتك مطلبش احنا بنحب بعض وعايزين بعض ومحدش هيقدر يبعدنا عن بعض
سعاد: بتتحديني
عشق: مش انا ده حبنا انا وصقر
الكاتبه المجهوله H
سعاد بصتلها بغضب وقامت مشيت
عشق قامت اتجهت لمكتب جعفر واستأذنت للدخول
كان صقر ووفاء واقفين وجعفر بيبصلهم بغضب
دخلت عشق وبدون اي مقدمات حضنت جعفر
جعفر اتفاجأ بس حضنها
عشق: ممكن متزعلش من صقر وماما
جعفر: بس
عشق: مبسش عشان خاطري انا سامحت حضرتك وطنط وانت كمان سامحها ومتزعلش من صقر دي مهما كانت مامته وميقدرش يسيبها تتبهدل وهو عايش
سكتت عشق وبصت لجعفر بترجي وجعفر فتح ايديه لصقر ووفاء وحضنوا كلهم
جعفر: يارب تكونوا بجد سامحتوني يا وفاء ويا عشق
وفاء: ربنا بيسامح يا جعفر فلازم احنا نسامح
بص لعشق الي قالت: مسمحاك يا عمو
جعفر بص لصقر
صقر: وانا هتسامحني
جعفر: هسامحك بس بشرط
صقر: تجبلي عمده صغير من البت دي
عشق اتكسفت
صقر قال بغرور: من عيوني بس كدا
كمل وقال: يلا ي عشق
عشق: فين
صقر: نجيب العمده الصغير
ضر*بته عشق في كتفه واتكسفت
وفاء: لم نفسك يا واد ومتكسفش البت كدا
صقر: حاضر بس تصبحوا على خير دلوقتي
الكاتبه المجهوله H
اخد صقر عشق وطلعوا اوضتهم
عشق غيرت هدومها ولبست قميص زيتي ستان وسيبت شعرها الطويل على ضهرها
صقر وهو بيحاول يدايقها: شكلك مستعجله
عشق باستغراب: على اي
صقر: على زين
عشق: ماله
صقر: جرا اي يا نسر فتحي دماغك معايا كدا
سكتت عشق شويه عشان تستوعب صقر قصده اي ولما فهمت شهقت بصدمه: انت قليل الادب على فكره وانا غلطانه انا هروح اغير هدومي
مسكها صقر وقربها منه ولف ايده على وسطها
صقر بضحك: خلاص خلاص متزعليش ههه بحبك
عشق بحب وهي بتلف ايديها على رقبته: وانا بعشقك يا صقري
صقر بهيام: عيون صقرك
شالها صقر ونيمها على السرير وراحوا لعالمهم الخاص
الكاتبه المجهوله H
بعد شهر تقريبا
وفاء: يلا يا سحر خلصي بسرعه الرجاله على وصول ولازم العمده يجي يلاقي كل حاجه مظبوطه
سحر: خلاص كل حاجه جاهزه
وفاء: طيب جهزي السفره عشان لما يجيوا هياكلوا علطول وانا هغير هدومي
سحر: حاضر
طلعت وفاء عشان تلبس وبعد شويه خلصت ونزلت
وفاء: فين عشق يا بنات
نور: مش عارفه
مرام: انا خبطت عليها من شويه وقالت نازله
وفاء: طيب اطلعوا استعجلوها يلا دول خلاص خمس دقايق وهيوصلوا
نور: حاضر يلا يا مرام
وفعلا طلعوا البنات لعشق وخبطوا على الباب بس محدش رد
قلقوا البنات على عشق وفتحوا الباب
اتصدموا البنات لما لقيوا عشق نايمه على السرير
مرام: دي نقلق عليها دي
نور: اسكتي وتعالي نصحيها بسرعه عشان تلحق تلبس
مرام وهي بتنط على السرير: عششششق
نور: قومي يا عشق قومي بسرعه
عشق: بس عايزه انام
مرام: تنامي اي قومي بسرعه عمو جعفر وصل والكل معاه
عشق استوعبت الي قالوه وقالت بسرعه وهي بتنط من السرير: يالهوي يالهوي انا هدخل الحمام بسرعه وانتوا خرجولي هدوم بسرعه
بعد شويه كانوا الكل في استقبال جعفر
جعفر سلم على الكل وحضن وفاء وراح لعشق
عشق ميلت باست ايده وحضنته وقالت بحب: الحمدلله على سلامتك يا بابا
جعفر وهو بيبوس راسها: الله يسلمك يا قلب ابوكي
وفاء: يلا الاكل جاهز تلاقيك جعان
قعدوا الكل ياكلوا
عمر: اهو يا عمده جيت بالسلامه الحمدلله هتتحد كتب الكتاب امته بقى
جعفر: الشهر الجاي
عمر: لا بقى حرام عليك كل شويه تقلي كدا انا عايز اتجوز واخلص بقى
جعفر: طب مفيش جواز
عمر: لا بالله عليك انا اسف خلاص شهر شهر
الكل ضحك وقال جعفر بضحك: متخفش يوم الجمعه الجايه ان شاء الله هتكتب كتابك يا واد
قرب عمر وباس ايده وبحب واحترام: تسلم يارب يا احلى عم في الدنيا
عدت الايام وجه يوم الخطوبه والي حصل…..
يتبع….
يترا اي الي هيحصل وهل اليوم هيعدي على خير ولا هتحصل حاجه؟؟؟
اكتب في بحث جوحل( مدونة قصر الروايات) تظهر القصص كامله
تابعونا علي قناة التليحرام من هنااااااااااا
ليصلكم اشعار بالنشر
الرواية كامله من البداية من هناااااااااااا
تعليقات
إرسال تعليق
فضلا اترك تعليق من هنا