رواية انتقام عشق الصعيد الجزء الثاني البارت الثالث 3بقلم الكاتبه المجهوله
رواية انتقام عشق الصعيد الجزء الثاني البارت الثالث 3بقلم الكاتبه المجهوله
انتقام عشق الصعيد الجزء التاني 3
في المستشفى
كانوا عشق وخالد مع يزن والدكتور بيكشف عليه لما تليفون خالد رن
خالد قام يرد على التليفون ورجع لعشق
عشق: مين كلمك
خالد: مدير اعمال صاحب شركه JX بيقول انه مش هيقدر يجي على الموعد عشان عنده ظرف طارء
عشق: احسن اصلا مكنتش هقدر اروح ويزن تعبان
بعد الكشف طلب الدكتوران يزن يعمل تحاليل وعشق وخالد راحوا معاه لمعمل المستشفى
عشق لخالد: بقلك اي انا هروح الحمام وهرجع علطول روحوا انتوا وانا هاجي وراكم
خالد: طيب بس متتاخريش
عشق: حاضر
سابتهم عشق وراحت الحمام وهي طالعه كانت بتظبط هدومها ومش منتبهه للي قدامها
قبل وقت
الكاتبه المجهوله H
كان صقر ووفاء والباقيين واقفين عند اوضه جعفر عشان يطمنوا عليه وبعد مخرج الدكتور وطمنهم سابهم صقر وكلم محمود
محمود: اي يا صقر فينك يا عم انا مستنيك بقالي ساعه
صقر: خالد الراوي ومراته جم
محمود: لا
صقر: احسن كلمهم وقلهم ميجوش عشان مش هقدر اجي
محمود: خير في اي
صقر: بابا تعبان شويه واحنا معاه في المستشفى
محمود: طيب الف سلامه هبلغه دلوقتي واقله نبقى نحدد ميعاد تاني
صقر: تمام
قفل صقر مع محمود بس قعد على اقرب كرسي
كان ماسك تليفونه وفاتح البيدج بتاعت شركه العشق وبيتفرج على البوستات الي فيها
جت على باله عشق
صقر لنفسه: لو تعرفي قد اي وحشتيني وحشني صوتك وضحكتك وطريقه كلامك نفسي ارجع انام في حضنك تاني بس انتي سبب البعد ده…..لا هي مش السبب….بس دي قت*لت امي…مكنش قصدها…..ازاي يعني هي كانت تقدر متصوبش عليها…..بس امي كانت مع العقرب يعني كدا كدا كانت هتتحاكم….بس مش بالطريقه دي
صقر حط ايده على راسه وقال: اخرجي من دماغي بقى كفايه عذاب
رفع راسه وبص قدامه بعدين نزل راسه للارض بس رفعها تاني بسرعه
صقر بصدمه: عشق ايوه عشق انا شفتها
الكاتبه المجهوله H
قام صقر من مكانه بسرعه وراح للمكان الي شاف عشق معديه منه وبص كتير
صقر: انا شفتها انا متأكد…لا انا بتوهم مش اكتر عشق مش اكتر
ورجع قعد مكانه
بعد شويه
عند عشق
خالد: انا كدا سلمت التحاليل شويه وهتظهر النتيجه وانا هروح ادفع حساب المستشفى لحد ميخلصوا
عشق: خليك هروح انا وانت اقعد مع يزن انا حابه اتمشى شويه
خالد: خدي الكريدت كارد ادفعي وتعالي
عشق: تمام
راحت عشق عند الريسبشن عشان تدفع الفلوس
عند صقر
عمر: انا هروح ادفع حساب المستشفى وجاي
وفاء: خدني معاك يا عمر هروح الحمام
عمر: طيب تعالي نروح ندفع وبعدين اوديكي عشان انتي رجلك وجعاكي ومش هتقدري تمشي لوحدك
وفاء: طيب يا ابني يلا
وفعلا راحوا عند الريسبشن
عند عشق كانت بتدفع الحساب
البنت في الريسبشن: بالاسم مين حضرتك
عشق: خالد الراوي
عشق قالت كدا ومكنتش منتبهه لوفاء الي كانت واقفه وراها وسمعت صوتها
لفت عشق عشان تمشي بس خبطت في وفاء
عشق: انا اسفه يا طنط بجد مخدتش… بالي
وفاء بصدمه وعيونها بدأت تدمع: ع عشق بنتي عشق
ومسكت ايدها بحب وحضنتها
وفاء بعياط: عشق ايوه انتي بتي عشق وحشتيني يا حبيبتي
عشق بتوتر وعنيها دمعت: ابعدي لو سمحتي مين عشق دي انا مش عشق
وفاء: لا انتي عشق بتي ايوه
عشق شاورت لبنت كانت معاها
عشق لنفسها: انا اسفه يا ماما بس غصب عني
عشق: ابعدي انا مش عشق
وزقتها وبسرعه كانت البنت الي مع عشق وقفت مكانها وعشق مشيت بسرعه
الكاتبه المجهوله H
البنت وهي بتقوم وفاء:انا بجد اسفه اوي
وفاء باندهاش: انتي مين وفين بتي عشق
البنت: عشق مين بس يا طنط قلتلك انا مش عشق
وفاء: ايوه انتي مش عشق فين بتي دي كانت هنا
عمر شافه منظر وفاء وهي بتعيط وراح ليهم بسرعه
عمر: في اي يا طنط مالك
وفاء: الحقني يا عمر عشق كانت هنا وكانت بتكلمني بس فاجأه اختفت وظهرت البنت دي
البنت بسرعه: والده حضرتك ماسكه فيا من بدري ومصممه اني عشق بنتها وانا بحاول اقنعها ان مش انا
عمر: انا بعتذر جدا من حضرتك تقدري تمشي
مشيت البنت وراحت لعشق الي كانت واقفه بعيد ومتابعه الموقف
البنت: تأمريني بحاجه تاني يا هانم
عشق: لا روحي انتي استني في العربيه
مشيت البنت وركزت عشق مع عمر ووفاء
وفاء لعمر: يا عمر صدقني والله عشق كانت هنا وانا كلمتها بس هي بتقول انا مش عشق
عمر حضن وفاء وقالها بحب: اهدي يا طنط وفاء بالله عليكي دي مش عشق انتي اكيد بيتهيألك
اخد عمر وفاء ومشي
وبعد وقت كمان مشيوا عشق وخالد ويزن وراحوا الفيلا
بعد وصولهم عشق شافت البنت الي كانت معاهم في المستشفى والي هي اصلا داده ليزن
الكاتبه المجهوله H
عشق راحت للبنت
عشق: الي حصل في المستشفى مش عايزه حد يعرفه حتى خالد واياكي تتكلمي في الموضوع حتى بينك وبين نفسك مفهوم
البنت باحترام وخوف: امرك يا هانم
مشيت البنت وعشق طلعت اوضتها
عدا اليوم بعد تعب الكل
جعفر كان خرج من المستشفى وراح البيت والكل راحوا اوضهم عشان يرتاحوا
عند عشق وخالد
خالد: كلمني مدير اعمال مستر JX وطلب يكون اللقاء بكره
عشق: انت هتروح
خالد: اكيد وانتي هتيجي معايا اكيد
عشق: لا بجد مش هقدر عشان يزن من جهه وعشان انا بجد تعبانه اوي ومش هقدر حتى اروح الشركه
خالد: طيب يا حبيبتي ارتاحي انتي وهروح انا
قرب خالد قعد جنبها على السرير وحط ايده على كتفها وبص في الكتاب الي كان في ايدها شويه بعدين سحبه منها وحطه جنب السرير
عشق بغضب: اي يا خالد الحركات دي هات الكتاب لو سمحت
خالد: هدهولك بس مش دلوقتي
عشق: امته بقى ان شاء الله
خالد: لما تجاوبي على سؤالي
عشق: اتفضل
خالد بمشاكسه: مفكرتيش تجيبي اخ او اخت ليزن
عشق: اه لا دانت فاضي بقى..لا يا خالد
خالد: بس انا فكرت
قال كدا وهو بيحاصرها وبيقرب منها
الكاتبه المجهوله H
قاطعته عشق لما قالت: خالد ارجوك ابعد عني
بصلها خالد وبعد وهو بيقول: قلبك اسود لي كدا يا عشق معقول مش عايزاني اقرب منك عشان الي عملته زمان وانتي مش مسمحاني عليه ولا عشان..
قاطعته عشق: عشان انا مش عايزه كدا ولو سمحت يا خالد مش عايزه نقاش في الموضوع ده ولو وجودي هيأثر عليك فانا اخرج من الاوضه احسن
بصلها خالد بحزن وقال: تصبحي على خير يا عشق
طفت عشق النور ونامت وهو كمان نام
تاني يوم
كان صقر قاعد في مطعم فخم بيشرب قهوه لما جه خالد ليه
خالد شاف صقر من بعيد وو…
يتبع….
يترا خالد يعرف صقر ولا لا وهل عشق هتقابله ولا لا وازاي ممكن يتقابلوا وكل الظروف دي بتمنع مقابلتهم؟؟؟
اكتب في بحث جوحل( مدونة قصر الروايات) تظهر القصص كامله
تابعونا علي قناة التليحرام من هنااااااااااا
ليصلكم اشعار بالنشر
الجزء الاول من هناااااااااااا
تعليقات
إرسال تعليق
فضلا اترك تعليق من هنا