رواية انتقام عشق الصعيد الجزء الثاني البارت الرابع4بقلم الكاتبه المجهوله
رواية انتقام عشق الصعيد الجزء الثاني البارت الرابع4بقلم الكاتبه المجهوله
انتقام عشق الصعيد الجزء التاني 4
كان صقر قاعد في مطعم فخم بيشرب قهوه لما جه خالد
خالد شاف صقر وراح عنده
خالد بابتسامه: مستر JX
صقر: خالد الراوي اهلا وسهلا اتفضل اقعد
قعد خالد بابتسامه
صقر: غريبه حضرتك جاي لوحدك
خالد: للاسف ابني تعبان شويه ومراتي قاعده معاه
صقر: الف سلامه عليه
خالد: الله يسلمك
صقر: طيب نبدأ في الشغل
قعدوا يتكلموا كتير بخصوص الشراكه والاتفاقات وبعد وقت
الكاتبه المجهوله H
خالد: وانا معنديش اعتراض
صقر: تمام…امته الافتتاح
خالد: بصراحه لسه فاضل شويه حاجات صغيرين هيتعملوا وطلبيات تاني لسه مجتش
صقر: سيب كل ده عليا وانا اوعدك في خلال يومين بس كل حاجه ناقصه هتيجي
خالد: لو حصل زي مبتقول يبقى الافتتاح اخر الاسبوع
صقر: هيحصل انت بس اعلن عن يوم الافتتاح اخر الاسبوع وسيب الباقي عليا
بعد اتفاقات وكلام كتير خرجوا من المطعم وكل واحد راح في طريق
اخر اليوم خالد رجع البيت وقعد مع عشق
عشق: عملت اي النهارده مع JX
خالد: الحمدلله كل حاجه تمت على خير وكمان عرض عليا المساعده عشان الافتتاح وقال خلال يومين هيكون جاب كل حاجه ناقصه عشان الافتتاح يبقى اخر الاسبوع
عشق: طيب كويس اه صحيح هو اسمه اي
خالد: اسمه…
يزن: مامي مامي مامي
عشق شالته بضحك: اي يا روحي
يزن بحماس:بصي رسمت اي
اخدت عشق الورقه الي في ايده ولقته راسم ولد صغير وماسك ايد مامته وباباه
يزن: دي انتي وده بابي
خالد: والولد ده انت
يزن: اي السؤال الغ*بي ده يا بابي بقلك ده انت ودي مامي هيبقى مين ده يعني صبري البواب
عشق ضحكت بصوت عالي وحضنت يزن
خالد: اه يا حز*مه قصدك ان بابي غ*بي
يزن: لا يا بابي مش قصدي انا قصدي ان السؤال هو الي غ*بي بعدين انت واخد الكلام على نفسك لي
خالد بصله بذهول وقال:اي ده تصدق انك عايز تتربى
عشق سمعت كدا وشالت يزن وطلعت تجري
خالد: تعالى هنا يا واد انت وهي
عشق نزلت يزن ومسكت ايده وجريت
بس خالد قدر يمسك يزن وشاله نيمه على الكنبه وقعد يزغزغ فيه
الكاتبه المجهوله H
يزن وهو هلكان ضحك: الحقيني يا مامي
عشق راحت عشان تبعده عن خالد بس خالد شدها ونيمها جنبه وزغزغها هي كمان
بعد وقت
كانوا خلصوا ضحك ولعب ويزن نام وطلع خالد نيموا في اوضته
تاني يوم كانوا عشق وخالد في الشركه
عشق كانت في مكتبها لما خالد دخل
خالد: صقر كلمني
عشق بصتله بصدمه وقالت:كلمك ازاي
خالد:كلمني وقال انه باعت عربيات في شويه حاجات من الي محتاجنهم
عشق باستغراب: صقر مين
خالد: مالك يا عشق صقر الي هو JX
عشق: اسمه صقر
خالد: اه هو انا مقلتش ليكي
عشق: لا
خالد: خلاص حصل خير انا قلت اجي اقلك وانا هنزل استلم
عشق: ماشي
خرج خالد وساب عشق عرقانه في دوامه التفكير
عشق: معقول بس لا صقر ظابط اي الي هيخليه يبقى مدير شركه اكيد ده تشابه اسماء بس ممكن يكون هو…لا لا مش هو مستحيل صقر بيحب شغله ومستحيل يسيبه…انا لازم اشوفه
الكاتبه المجهوله H
كملت عشق شغلها بعدين راحت لخالد
عشق: انا تعبانه وهروح
خالد بقلق: مالك فيكي اي
عشق: ارهاق مش اكتر انا هروح اجيب يزن وارجع البيت
خالد: ماشي يا حبيبتي اه صح
عشق: اي
خالد: صقر جه بنفسه وصل الطلبيه
عشق: بجد
خالد:انا برده استغربت بصراحه
عشق: خالد بقلك اي اوصفلي شكله
خالد: بصي يا ستي هو
قاطعه دخول احد الموظفين
الموظف: اسف على الازعاج بس في ورق محتاج امضه حضرتك
خالد: تمام هاته
عشق: خلاص همشي انا ونكمل كلامنا بعدين
مشيت عشق واتجهت لحضانه يزن
عند يزن
كان يزن في جنينه بتاعت الحضانه بياكل ومستني عشق تيجي تاخده
يزن شاف بنت قاعده لوحدها وبتعيط
راح يزن للبنت
الكاتبه المجهوله H
يزن: هاي
البنت وهي بتمسح دموعها: هاي
يزن: انتي بتعيطي لي الميس ضر*بتك ولا اي
البنت: لا
يزن: امال لي بتعيطي
البنت: بسبب عمو لأن هو بيكرهني
يزن: لي
البنت: ماما قالت بسبب اسمي
يزن: لي انتي اسمك اي
البنت: اسمي عشق عمر
يزن: الله ده زي اسم مامي
عشق: بجد طيب هي في حد بيكرهها بسبب اسمها برده
يزن وهو بيشاور بايده بمعنى لا: لا مامي كل الناس بتحبها
وانتي كمان كل الناس هتحبك عشان انتي حلوه اوي زي مامي
عشق اتكسفت بس ابتسمت
يزن بفرحه: هيي ضحكتي
عشق: انت اسمك اي
يزن: اسمي يزن خالد
عشق: اسمك جميل اوي يا يزن
يزن: مرسي انتي الي جميله اوي
عمر من وراهم: الله الله بنتي بتتشقط يا ناس
نور: عيب يا عمر
عمر: عيب اي ده بيقلها انتي الي جميله وضحكها وهي اتكسفت الله الله
عشق: انتوا هنا من امته
نور: من وقت مكنتي قاعده لوحدك
يزن بطفوله: سوري يا طنط لو كلامي مع عشق زعلكم
نور بصتله وقبل متتكلم انتبهت لملامحه وركزت فيها
عمر: نور فوقي في اي
نور بصتله ونزلت لمستوى يزن
نور ليزن: انت قلت مامتك اسمها عشق
يزن: ايوه
نور: باباك اسمه اي
يزن: خالد
نور: انت منين يا حبيبي
يزن: انا كنت عايش في امريكا بس بابي ومامي بيقولوا ان اصلنا من مصر
عمر: اي يا نور
نور ليزن: فين مامتك يا حبيبي
يزن: في الشركه مه بابي وهي دلوقتى هتيجي عشان تاخدني
نور:طيب يا حبيبي
الكاتبه المجهوله H
عمر مسك نور
عمر: في اي يا نور
نور وهي لسه مركزه على يزن: حسيته شبه عشق اوي ولما قال ان مامته اسمها عشق فكرت انه ابنها
عمر: مستحيل يا نور الولد قال انه من امريكا وباباه اسمه خالد
نور: انا هستنى اشوف مامته بعدين نمشي
عمر: بس يا نور
نور: ارجوك يا عمر
عمر: ماشي يا حبيبتي نستنى
بعد وقت جت مس من الحضانه نادت على يزن وقالت ان مامته بره
نور ليزن: تعالى يا حبيبي نروح انا وانت لماما
مشي يزن مع نور وعمر وعشق الصغيره
وصلوا وكان في واحده قاعده اول مشافت يزن راحت عليه
بصتلها نور بصدمه و…..
يتبع…
يترا اي الي هيحصل مع نور وهل الي شافتها دي عشق ولا لا ولو عشق هتتصرف ازاي
اكتب في بحث جوحل( مدونة قصر الروايات) تظهر القصص كامله
تابعونا علي قناة التليحرام من هنااااااااااا
ليصلكم اشعار بالنشر
الجزء الاول من هناااااااااااا
تعليقات
إرسال تعليق
فضلا اترك تعليق من هنا