رواية انتقام عشق الصعيد البارت 6-7-8-9-10بقلم الكاتبه المجهوله
رواية انتقام عشق الصعيد البارت 6-7-8-9-10بقلم الكاتبه المجهوله
انتقام عشق الصعيد 6
راحوا البنات يفتحوا الباب ولقوا وفاء وكان باين عليها انها خايفه من حاجه
البنات دخلوها جوه وجابولها مايه عشان تاخد نفسها وتهدأ
عشق: في اي يا ماما اي الي حصل وصلك للحاله دي
وفاء: في واحد جه لجعفر وقاله انك عايشه واني باجي اقابلك سألني وانا انكرت واتخانقت معاه بس ضر*بني عشان صوتي علي عليه حبسني في الاوضه بس الخدامه طلعتني وجيت جري لهنا عشان اقلك تهربي
عشق: اهرب من اي انا مش خايفه منه يا ماما
وفاء: لا يا عشق لازم تمشي من هنا وحالا
عشق: وانا مش همشي
وفاء: وانا قلت لازم تمشي انا مش مستعده اخسرك انتي كمان من بعد ملقيتك
عشق حضنت وفاء بحب وقالت: اهدي يا روحي انا همشي بس بعد مخلص مهمتي في الشغل
وفاء:ودي هتخلص امته
عشق: كام يوم بس
وفاء:عشق الكام يوم دول مش عايزاكي تظهري قدام جعفر يا بتي عشان خاطري
عشق: حاضر يا ماما
قعدوا شويه مع بعض بعدين وفاء قامت مشيت
مرام: ناويه تمشي امته يا عشق
نور: هتفضلي غب*يه يا مرام المفروض تسأليها ناويه تواجه جعفر امته
بصت عشق ليها بطرف عينها فكملت نور: تنكري انك هتعمليها
عشق: لا بس كل حاجه ليها وقتها
اتكلموا شويه بعدين قاموا يروحوا شغلهم
عشق دخلت مكتبها وقعدت بعد شويه دخل صقر من غير ميخبط
عشق باشمئزاز: مكنتش اعرف انك وق*ح كدا
صقر بغرور: وانا مكنتش اعرف ان لسانك طويل للدرجه دي
عشق: عايز اي يابن جعفر المنشاوي
صقر: كل خير يا بنت المنشاوي قال كدا وبصلها بطريقه وق*حه
عشق وهي بتبص في الورق الي قدامها: اطلع بره
صقر: لي يا بنت عمي
عشق: انت واحد تافه وفاضي وانا مش فضيالك فاطلع بره
صقر بضحك: خلاص انا اسف ده تقرير تاني عن العقرب، وده التقرير الي خدته منك امبارح
عشق:وده التقرير بتاع فريقك اتفضل
صقر: وصلتي لحاجه
عشق كانت هتتكلم بس جم البنات
نور: انا جبت الورق ده لحضرتك يا حضرت الرائد
عشق: تمام حطيه هنا وكملت: انا قريت التقارير دي كويس ولما ربطت الخيوط ببعض توصلت ان العقرب ده مش راجل يا رائد صقر
صقر: مهو الي يعمل الحاجات دي كلها ميبقاش راجل طبعا
نور بضحك: الرائد عشق مش قصدها الي حضرتك فهمته قصدها تقول ان العقرب واحده ست
صقر بذهول: ازاي
عشق بجديه: بحكم اني ست قدرت اكشف الموضوع لو بصيت على الورقه دي هتلاحظ ان تعامل العقرب مع غيره بيكون مبني على المكر والخديعه الصفقات الي بتقول انها هتوقعها مع رجال اعمال من الغرب بيبان فيها انها متقبله الصفقات وبتدخل الصفقه دايما واثقه بس فاجأه رجال الاعمال دول او بمعنى اصح رجال المافيا بيخسروا صفقاتهم مع العقرب وبيختفي العقرب من قداهم
صقر بتركيز: بس ده مش كافي ومش دليل انها ست
عشق: مسألت نفسك ازاي كل رجال الاعمال دول بيقعوا في خداعها مع ان معظمهم على معرفه ببعض فأكيد يعرفوا عن العقرب بس برده بيدخلوا معاها في صفقات وهما واثقين
او طيب ازاي الصفقات دي بتتم بسرعه
صقر: دي حاجه خلتني استغرب فعلا
عشق: الاغراء يا حضرت الرائد العقرب بتستخدم اسلوب الاغراء معاهم ودول معظمهم اجانب يعني سهل يقعوا في شباكها
صقر: كلامك صح
عشق كانت هتتكلم بس اتفاجأوا باحمد وعمر بيدخلوا بسرعه
احمد: وصلت اخباريه ان العقرب هيسلم صفقه على طريق اسكندريه الساعه 12
نور: الصفقه دي عن اي
عمر: اثار
مرام: اي اثار ازاي اثار وهيودوها فين
عمر: اكيد هيخرجوها بره مصر
نور: ودول هيخرجوها ازاي
صقر: مستحيل يقدروا يخرجوها بسهوله كدا
عشق بتركيز: مستحيل تخرج بسهوله لو كانوا هيخرجوها النهارده فعلا بمعني ان الاثار مش هتخرج بره مصر النهارده
مرام: حتى لو مش النهارده هتخرج ازاي
عشق: لو هيخرجوها بس بمساعده حد من الي ليهم كلمه في البلد واعتقد انه من الشرطه
صقر: صح كمان الصفقات الي طلعت قبل كدا كمان كانت بتعدي بسهوله
احمد: طيب هنجهز القوات وكمان تلت ساعات بالكتير هنكون في طريقنا لاسكندريه
عشق: ساعتين يا نقيب احمد
احمد كان هيعترض بس صقر سكته وامره ينفذ الكلام الي قالته عشق
راحوا الشباب يجهزوا وقعدوا البنات يعملوا مكالماتهم عشان يجهزوا للعمليه
نور كانت قاعده سرحانه
عشق: مالك يا نور
نور: مش عارفه حاسه اني خايفه وان في حاجه هتحصل
عشق: اي يا نور من امته واحنا بنخاف جمدي قلبك دي مش اول عمليه نطلعها
نور بصتلها نظره طويله وفاجأه حضنتها: انا بحبك اوي يا عشق انتي اكتر من اختي لا انتي عمري كله
مرام بغيظ: الله الله وانا اي مليش لازمه
نور: لا طبعا انتي كمان حبيبتي
وحضنوا بعض بعدين كملوا شغلهم
عدا الساعتين في التجهيزات
عشق: اربع عربيات محملين باسل*حه وزخ*يره وعناصر شرطه
احمد: انا جهزت عدد كبير من العناصر واستعنت بقوات الجيش لان اكيد عمليه زي دي هيكون فيها اعداد كبيره مع العقرب للتأمين
صقر: تمام…جاهزه يا حضرتك الرائد
عشق: جدا
وانطلقوا في طريقهم لطريق اسكندريه
وبعد خمس ساعات كانوا خلاص قربوا يوصلوا والساعه كانت 11ونص
عشق: قلهم يقفوا بسرعه
صقر: لي
عشق: بسرعه
صقر مسك اللاسلكي واتكلم فيه: من الرائد صقر لجميع العناصر امركم بالتوقف حالا
وقفت العربيات كلها وعشق خدت اللاسلكي واتكلمت فيه: مش فاضل غير نص ساعه بس وفاضل مسافه قليله جدا على الموقع وعدد العربيات بيعمل صوت عالي وكدا هيبقى انذار ليهم والتسليم هيتلغي فعشان كدا تلت الفريق هيجي معانا مشي والباقي هيستنوا هنا بالعربيات ولما نبعت الاشاره تيجوا علطول
الكل وافقها الرأي وعشق ونور ومرام وصقر وعمر واحمد اتحركوا ومعاهم تلت العناصر بعد مشي عشر دقايق وقفهم صقر
صقر:هناك في مخزن اظن التسليم فيه
عشق: طيب يلا بينا
جهزوا اسلحتهم ونور اول مشافت عشق في اول الصف جريت وقفت جنبها بخوف
عشق: في اي
نور: مش هسيبك لوحدك ثانيه واحده
عشق: طيب يلا
وهجموا على المخزن وكانوا بيدوروا في كل مكان بعد مصقر قسمهم مجموعات
وصلوا عشق وصقر ونور وعمر واحمد ومرام لنص المخزن تقريبا وكانوا بيتصفحوا كل مكان هناك لحد معشق وقفت قدام صندوق كبير ونادت الكل
عمر: اي ده
مرام: معقول تكون دي الاثار
صقر: معتقدش لأنهم مستحيل يسبوها هنا
عشق: ارجعوا لورا انا هفتحه
رجعوا كلهم بس صقر وقف جمبها وكل واحد خرج مس*دسه وضر*بوا نار على القفل
بس اتصدموا لما لقوا اسد كبير خارج من الصندوق وبيبصلهم بشراهه
نور من خوفها على عشق ضر*بت نار على الاسد ومن بعدها الكل بدأوا يض*ربوا
عشق: ده فخ اكيد هما كانوا عايزين يخلصوا مننا
احمد: في ورقه هناك
صقر جري عليها ومسكها وبدأ يقرأها: لو انتوا بتقروا الورقه دلوقتي فده معناه انكم اتغلبتوا على الاسد بس مش مشكله اهم حاجه اني اكتشفت انكم اغب*ياء اوي معقول تصدقوا اخباريه زي دي مش معقول العقرب يسيبكم توصلولها واكيد مش هسيبكم تخرجوا من هنا سالمين وبالذات عشق انتظري وكانت طابعه بوسه بالروج على الورقه
صقر: شد عشق بين ايديه وبص حوليه وقال: العقرب عايزاكي انتي لازم تخرجي من هنا بسرعه
وفعلا بدأيوا يتحركوا للخروج بس، نور كانت بتجيب الورقه الي رماها صقر في الارض وشافت شعاع احمر متجه ناحيه راس عشق وفي استعداد لاطلاق النار بصت جه المكان الي خارج من الشعاع ولقت شخص فعلا هناك
صرخت نور بصوت عالي جداا وهي بتجري في اتجاه عشق: عييييييييشق
بصوا الكل في اتجاهها بس الكل وقفوا مكانهم من الصدمه وانقطع النفس في المكان لماااا…
يتبع…
تتوقعوا حصل اي؟؟؟
انتقام عشق الصعيد 7
وقفوا الكل بصدمه وانقطع النفس في المكان
صرخت عشق بعياط بعد منور حضنتها وخدت الرصا*صه بدالها: نووووور لا لا قومي يا نور قومي يا نور قوووميي
مرام كانت واقفه مصدومه ودموعها على خدها وعمر كان باصص عليها ولما استوعب الي حصل جري شالها وركب بيها العربيه منغير ميستنى حد واتجه للمستشفى
راح صقر لعشق الي كانت قاعده مكانها وبتعيط
صقر بحزن: قومي يا عشق يلا خلينا نروح وراهم يلا اتحركي
قومها صقر وسندها وخدها للعربيه
احمد: يلا مرام نروح وراهم يلا
مشيت مرام معاه وهي بتعيط بدون صوت ومكنتش حاسه ب اي حاجه بتحصل حوليها
انطلقوا الكل ورا عربيه عمر ونور الي كانت ماشيه بسرعه عاليه زي ميكون بتسابق الوقت
عند عمر ونور في العربيه
عمر بانهيار: لا يا نور متعمليش كدا متسبنيش ارجوكي انا عملت كل ده عشان تبقي معايا انا الي كلمت بابايا اللواء عبدالرحمن وخليته وافق على نقلكم لسوهاج وانا الي اجبرت العقيد يزور تقرير مشاركت فريقنا معاكم عملت كدا عشان تبقي قدام عيني ومعايا ودلوقتي مش هسمحلك تسبيني يا نور مش هسمحلك….وقعدت يعيط زي الطفل الصغير
شويه ووصلوا المستشفى
عمر بزعيق: هاتوا ترووليي بسرعه يلا اتحركوا
اتقلبت المستشفى كلها بدخولهم والكل خاف من زعيق عمر
وفي خلاص عشر دقايق واقل كانت نور في غرفه العمليات والكل واقف بره وعمر كان قاعد على الارض وايده على راسه وبيعيط
وعشق كانت منهاره وصقر بيحاول يهديها
اما مرام كانت ساكته وواقفه في نص الطريق وعينها على غرفه العمليات ودموعها على خدها
قرب منها احمد ووقف قدامها وقال بحزن: انتي ساكته لي عيطي واصرخي يا مرام متقفيش كدا
بصتله مرام وفاجأه صرخت بصوت عالي جدا وهي بتنادي على نور ووقعت على الارض في انهيار
عشق راحتلها والاتنين حضنوا بعض
جم الممرضين وامروهم يسكتوا عشان كدا بيوتروا الكل
طلعت ممرضه وقالت بحزن: الحاله صعبه لأن الرصاصه جت في مكان خطر
عشق صرخت: لا بالله عليكم لا انقذوها متسبوهاش تموت….انا السبب كان المفروض انا ابقى مكانها هي عملت كدا عشان تحميني يرتني كنت مكانها وانهارات
عمر وعنيه حمره من العياط والغضب: اختفي من قدامي وقولي للي جوه لو نور مطلعتش هنا بخير انا هخلص عليك كلكم
خافت الممرضه من منظره ورجعت لورا بخوف
وصقر جري عليه ومسكه
خرجت ممرضه تانيه وقالت بسرعه: الدكتور بيقول المريضه خسرت د*م كتير وعايزين حد يتبرع دلوقتي عشان فصيلتها مش متوفره دلوقتي
صقر: فيصلتها اي
عمر بسرعه: O وانا كمان O وجاهز اتبرع حالا
الممرضه خدت عمر عشان تسحب منه د*م
الكل كانوا قعدوا بره بعد معمر جه والصمت حل على المكان لحد مغرفه العمليات فتحت وخرجوا الدكاتره والممرضين ونور منها
الدكتور: احنا قدرنا ننقذها ونخرج الرصا*صه بس لسه حالتها خطر واحنا هنحطها تحت الملاحظه 24 سنه ونشوف هيحصل اي
مشي الدكتور والكل مشي وراه وقعدوا كلهم قدام غرفه نور
في بيت العمده
جعفر: طيب تمام ودلوقتي في اي جديد….تمام سلام انت
وفاء: في اي يا جعفر
جعفر: بنت وهي في عمليه من كام ساعه اتض*رب عليها نار يا وفاء
وفاء وهي بتصرخ: بنتيي يالهووويي بنتي يا ناس بنتي
وقعدت تصرخ وتعيط بس بعدين انتبهت لجعفر الي كان واقف جنبها
وفاء بشر: انت يا ند*ل انت الي عملت في بنتي كدا يا واط*ي يا حيو*ان
جعفر اتعصب وضر*بها بالقلم: اخرسي يا مرا والزمي ولمي لسانك بدل مقط*عهلك
وفاء: مش هسكت انت الي عملت في بتي كدا يا جعفر الكل*ب موت*ها زي ممو*تت ابوها
جعفر ضر*بها مره تاني بس اقوى من الاول:انتي جنيتي ولا اي قسما بالله يا وفاء لو سمعت حسك مره تاني لقط*ع خبرك سامعه….وصوح في حاجه تاني مش بتك الي اتصابت دي واحده تاني لحقتها وخدت الرصا*صه مكانها يعني متخافيش
مشي جعفر وفاء قعدت تحمد ربنا ان عشق بخير بس رجعت خافت احسن يكون واحده من البنات حصلها حاجه..
جه الصبح بين دموع الكل وحزنهم على نور
في المستشفى
عمر قام من بين الكل وراح اوضه نور ودخل وقعد جنبها وقعدت يعيط
عمر بعياط: قومي يا نور عشان خاطري قومي بالله عليكي انا بحبك يا نور مش هقدر اعيش من غيرك قومي بقى
مسك ايدها وباسها وحط راسه على ايدها على السرير وفاجأه قام من مكانوا بسرعه وفتح الباب وصرخ بصوت عاالي، اوي: دكتوووور دكتووور هنا بسرعه
جريوا الكل على الاوضه واتصدموا لما شافوااا…
يتبع…
انتقام عشق الصعيد 8
جريوا الكل على اوضه نور لما سمعوا صوت عمر واتفاجأوا لما شافوا نور صحيت
عشق ومرام حضنوا نور وعيطوا عشان بس جه الدكتور وخرج الكل وبعدين طمنهم على نور
بعد ساعه البنات كانوا قاعدين مع نور وبيتكلموا معاها وكان عمر قاعد على كرسي قدام سرير نور وكان بيبصلها
نور بصت نحيته وعنيهم اتلاقت مع بعض فاتوترت نور
مرام لاحظت نظراتهم بقالت بمكر: والله يا نور كلنا هنا كنا هنموت من الخوف عليكي صح يا نقيب عمر
عمر بتوتر: اه صح
مرام: بس انتي مكنتيش حاسه ب اي حاجه
نور: لا مين قال كدا انا كنت لحد مدخلت غرفه العمليات كنت سامعه وحاسه بكل الي بيحصل حوليا صوت عشق وهي بتصرخ مرام الي كانت متكلمتش الرائد صقر لما بعد عشق عني كل حاجه تقريبا
قالت كدا وبصت لعمر الي كان عينه عليها في صدمه وكان بيدعي من جواه متكنش سمعته والا ممكن تبعد عنه وتمشي من سوهاج كلها
قطع تفكير عمر واحمد الي دخلوا
احمد: مين عايز جعان وعايز ياكل
الكل في صوت واحد: اناا
احمد: لا يا نقيب نور مينفعش تاكلي الحاجات دي انتي تعبانه ولازمك اكل صحي
نور: اكل صحي اي بس طيب اي الي معاك
احمد: شاورما وبيتزا
نور: اي شاورما وبيتزا طيب مش حرام عليكم تجيبوا الحاجات دي ومتأكلونيش
عشق بسرعه: استنوا استنوا انتوا دخلتوا الاكل ده ازاي ده ممنوع هنا
صقر: هو انا اي حد ولا اي انا الرائد صقر محدش يقدر يقلي لا
عشق: اممم حصل اه
نور: مش مهم دخلوا ازاي المهم اني عايزه اكل معاكم
احمد بضحك: طيب متاخفيش انا عامل حسابك اصلا
قعدوا ياكلوا في جو كله ضحك وطول القعده عمر كانت عينه على نور ونور كانت ملاحظه بس ساكته
جه اليل
نور: عشق قومي خدي مرام وروحوا البيت ارتاحوا انتوا اكيد تعبانين
عشق: مستحيل مش هنمشي ونسيبك
نور: عشان خاطري يا عشق روحوا ارتاحوا شويه وبعدين تعالوا تاني
عشق كانت هتتكلم بس صقر قاطعها: نور عندها حق لازم ترتاحي انتي ومرام انتوا تعبتوا اوي امبارح
نور: ايوه يا عشق يلا امشوا وكمان انت يا حضرت الرائد صقر تقدر تروح ترتاح مع فريقك مش هقدر اشوفكم تعبانين كدا بسببي
مرام: اي الي بتقوليه ده يا نور مش هينفعش نمشي كلنا
عمر بسرعه: امشوا انتوا وانا هستنى هنا عشان لو حصلت حاجه
نور: لا يا نقيب عمر حضرتك كمان لازم ترتاح
عمر: انا مش باخد رأيك على فكره انا قلت الي عندي وانتي تسمعي وانتي ساكته
بصوا الكل لعمر وهو كمل: اتفضلوا انتوا يلا
وخرجهم وخرج هو كمان عشان يجيب قهوه عشان يفوق
بعد حوالي نص ساعه رجع عمر بعد مجاب قهوه وغير هدوم بهدوم اشتراها جديد
دخل عند نور لقاها نايمه او كان مفكر انها نايمه
عمر قعد يبصلها كتير بعدين قرب قعد على كرسي قريب من السرير
عمر: نور…نور انتي صاحيه
….مفيش رد
فكر انها فعلا نايمه
عمر بحب: اه لو تعرفي انا حصل فيا اي لما شفتك واقعه قدامي والد*م حوليكي كنت حاسس ان قلبي خرج من مكانه لما شفتك في حالتك دي ولحد دلوقتي لسه خايف عليكي انا بحبك يا نور من زمان اوي….من ايام مكنا جيران وصغيرين وقتها باباكي كان دايما يقول انا هجوز نور لعمر لما يكبروا بس للأسف خلف كلامه وخدك انتي ومامتك ومشيتوا ومحدش عرف عنكم حاجه…..اكيد انتي مش فاكره حاجه ونسيتي حبنا ونستيني
سكت عمر وبعدين قام من مكانه وكان لسه هيخرج بس اتفاجأه بنور
نور بلهفه: بس انا منستكش يا عمر
عمر سمعها ورجعلها تاني
عمر: انتي قلتي اي
نور: قلت اني منستكش ومنستش اي حاجه من ذكريات زمان
عمر: انتي كنتي سمعاني
نور: ايوه سمعت كل حاجه حتى كلامك في العربيه كله سمعته…..انا عرفتك اول مشفتك يا عمر قلبي وعقلي تلقائيا افتكروك وكنت عايزه اقلك بس فكرتك نسيتني
عمر: انساكي ازاي انا كنت بحلم بيكي علطول كنت شايفك قدامي في كل مكان حتى كنت متابع اخبارك واتعذبت اوي من بعد ممشيتي….لي مشيتوا يا نور لي باباكي خلف بوعده وخدك ومشي…ردي ساكته لي لي عمل فيا كدا وكسر قلبي وبعدك عني لي كان اناني اوي الله يرحمه وجعني ومشي بدون تردد
نور بعياط: انت متعرفش حاجه يا عمر فمتقلش كدا
عمر: طيب عرفيني في اي ولي عمل كدا
نور: مستعد تعرف وعل هتحافظ على السر ده
عمر: اتكلمي يا نور
نور: طيب انا هحكيلك حصل اي……
يتبع…
يترا لي والد نور خدها ومشي؟؟؟
انتقام عشق الصعيد 9
عند عشق ومرام
وصلوهم صقر واحمد للبيت
عشق: ادخلي انتي يا مرام انت هتكلم مع صقر في حاجه وجايه
مرام: تمام
دخلت مرام واحمد راح ركب العربيه
صقر: عايزاني في اي
عشق: عمر يا صقر
صقر: ماله
عشق: هو اي الي ماله انت مش شايف تصرفاته من وقت الي حصل
صقر: واي يعني
عشق: تصدق انا غلطانه عشان بتكلم مع واحد با*رد زيك
انا ماشيه
كانت عشق هتمشي بس صقر شدها لي
عشق: انت اتجننت يا صقر سيبني ابعد
صقر: مش قادر غصب عني من وقت مشفتك وانا عايزك..عايزك ليا انا وبس
عشق: يعني اي
صقر: يعني عايزك تبقي بتاعتي ومش حب متخافيش عشان انا عارفك مش بتكرهي سيره الحب دي
وشدها لي اكتر وقرب منها
كان لسه هيبو*سها بس اتفاجأ بضر*به مألمه تحت الحزام خدها من عشق اجبرته يبعد عنها
عشق: اوعى تنسى نفسك وتنسى مين هي عشق المنشاوي يا صقر انا مش زي الزبا*له الي تعرفهم انا غير
كانت متجهه ناحيه الباب بس وقفت وبصتله وقالت بجمود: دي تاني مره تتعدى حدودك معايا فخلي بالك انا مش بسامح كتير
وسابته ومشيت بس هو وقف مكانه لفتره وعينه على اثرها وفي الاخر مشي
تاني يوم البنات صحيوا حضروا الفطار وقعدوا ياكلوا بعد مخلصوا راحوا يجهزوا عشان يروحوا لنور
الباب خبط
مرام: مين
عشق: وانا اعرف منين مش انا معاكي
مرام ضحكت وراحت نع عشق يفتحوا الباب وكانت وفاء
عشق: ماما
وفاء شافت عشق وحضنتها جامد وقالت بعياط: الحمدلله انك بخير يا حبيبتي الحمدلله
عشق: في اي يا ماما تعالي طيب ادخلي جوه
دخلت وفاء والبنات وراها
وفاء: هي فين نور لي مجتش تسلم عليا مش عادتها يعني
عشق: نور في المستشفى يا ماما
وفاء وقفت وقالت بصدمه: اي انتي بتقولي اي، ازاي نور ازاي…وعيطت
مرام: اهدي يا طنط بالله عليكي
وفاء: حسبي الله ونعم الوكيل فيك يا جعفر انت السبب
عشق: اي هو السبب ازاي يعني
وفاء: انا شاكه ان جعفر هو السبب في الي حصل
مرام: مين الي قال كدا
عشق: جعفر هو العقرب…..دلوقتي بقى مفيش سماح يا جعفر
عشق قامت جريت على اوضتها جابت المس*دس بتاعها ونزلت بسرعه
وفاء: رايحه فين يت عشق
مرام: دي واخده المس*دس
وفاء: اوعي يا عشق اياكي تروحي بالله عليكي يا بنتي لا
عشق خرجت برا وقفلت الباب عليهم بالمفتاح
مرام: افتحي يا عشق افتحي بقلك
وفاء بعياط: هيخلص عليها لو راحتله احميها يارب مش هقدر اخسرها يارب مش هقدر
مرام راحت جابت مفتاح من اوضتها ونزلت فتحت الباب وخرجت مع وفاء
مرام بعصبيه: خدت العربيه عشان منلحقهاش
مرام شافت عربيه صقر واحمد جايه عليهم
صقر نزل وقال: في اي واقفين كدا لي وفي اي يا ماما
مرام بصدمه: ماما..هي طنط وفاء تبقى مامتك
صقر: دي مرات بابا بس امي…سيبك من كل ده في اي
مرام: عشق يا صقر
صقر: مالها
وفاء: انت تعرف عشق ازاي
صقر: موضوع طويل بس قولولي مالها عشق
مرام: عشق الظاهر ناويه تق*تل العمده باباك
صقر بصدمه: نعم وهي هتعمل كدا لي
وفاء: لازم نلحقها دلوقتي ونقلك في الطريق بس يلا نتحرك
بالفعل ركبوا العربيه وراحوا ورا عشق على بيت العمده
عند عشق
كانت ماشيه بسرعه جنونيه لحد موصلت قدام بيت العمده
وقفها الغفير: عايزه مين يا هانم
عشق: جعفر جوه
الغفير بعصبيه: اتحشمي يا مرا ده العمده
عشق بعصبيه اكتر: انا سألت سؤال جعفر جوه
الغفير بخوف: يلا امشي من هنا مش هدخلك امشي
عشق: تمام ماشي
عشق نزلت من العربيه وخرجت المس*دس ووجهته للغفير
عشق: افتح الباب بدل مافرغه في دماغك وهدخل برده
الغفير: حاضر هفتحه…اها ادخلي
دخلت عشق والغضب مالي عنيها
زقت باب البيت وبعصبيه ودخلت وقفت في نص البيت
عشق بصوت عالي: اطلعلي يا جعفر اخرج وريني نفسك يا جبان…..انا هنا اهو انا عشق بنت مصطفى المنشاوي الي انت حر*قته وهو عايش انا بنته وجايه اخد حقه وحق مراته الي اتجوزتها غصب وحق الي لحقتني لما كنت هتقت*لني انا كمان
كملت بعصبيه: هتفضل طول عمرك تعمل العمله وتستخبى زي الحش*ره تعالي واجهني يا جعفر يا جبان
جعفر من وراها: صوتك ميعلاش تاني وانتي في سرايه العمده يا بت المنشاوي
لفت عشق وبصتله
عشق بضحك: اخيرا جيت يا جعفر
جعفر: وانا اخيرا شفتك بعد غياب السنين دي كلها يا عشق
عشق: واخر مره تشوفني يا جعفر…..ورفعت عليه المس*دس كملت بحقد: اتشاهد على روحك يا جعفر
غمض جعفر عنيه فخرجت رصاصه من مسدس عشق وخرج معاها صريخ كل الي كانوا موجودين ومتابعين الموقف و…..
يتبع…
تتوقعوا جعفر ما*ت ولا لا؟؟؟
انتقام عشق الصعيد 10
صرخ كل الي موجودين لما الرصا*صه خرجت من المسدس
فتح جعفر عينه لما استوعب ان محصلهوش حاجه
بص على عشق الي صقر ماسك ايدها وموجهها لفوق
صقر اخد المس*دس من عشق وقال بغضب: انتي اتجننني يا عشق انتي كنتي هتقت*لي روح وهتضيعي نفسك…مش حرام عليكي هااا انطقي
جريت وفاء على عشق وحضنتها بعياط وعشق كانت عنيها مليانه دموع
اخدها صقر من ايدها وخرج بيها بره البيت
صقر: لي يا عشق عادي عندك تخلصي على روح كدا
عشق بانهيار: وهو اي مش كان حرام عليه يح*رق بابا وهو عايش وياخد ماما ويتجوزها غصب ويفهمها اني مي*ته وانا اترمي في ملجأ واتذل كأني مليش حد وانا امي عايشه ومفكراها كانت مع بابا في البيت وكل ده لي عشان زفت عموديه وعشان ابوك حد مرات ابن عمه وكان عايزها لي
صقر شاف انهيار عشق ودموعها وتلقائيا لقى نفسه حاضنها عشان يواسيها وعشق مبعدتش عنه دي بالعكس حضنته بقوه هي كمان وكانت لسه بتعيط في حضنه
عشق بعياط: جعفر اذاني كتير يا عشق دمر حياتي انا ومامتي دمرنا يا صقر ازاي كنت عايزني اسامحه
صقر: اهدي يا عشق كل حاجه هتبقى كويسه
عشق: مفيش حاجه هتبقى كويسه اي يعني بابا هيرجع هترجع سعادتي وان بين عيلتي ابوك حرمني من ماما وبابا 15 سنه يا صقر دمرني بدل مكان المفروض يعوضني عن بابا الي هو قت*له
صقر: كفايه يا عشق….وعد مني كل حاجه هتتصلح
عشق بعدته عنها بقوه وقالت: ابعد عني انت ابنه واكيد زيه لا دانت او*سخ منه على الاقل هو لما حب ماما بقى معاها في الحلال مش زيك زير نساا كل يوم مع واحده ومش بتخاف ربك يا صقر مش ناقص غير انك تق*تل حد انت كمان عشان تبقى بقيت زيه واسوء كمان
صقر: عشق انا مقدر الي انتي فيه ومش عايز اعمل حاجه اندم عليها
عشق بعصبيه: اي هتضربني ولا هتعمل فيا زي معملت في بنت الغفير من سنه
صقر بصلها بصدمه بس هي كملت: اي مفكرني مش عارفه لا انا عارفه كل حاجه عن وسا*ختك عرفت انك اغت*صبت بنت الغفير وما*تت وهي معاك وبابا عشان ميتكلمش ادتوه فلوس خلته ينسى بنته الي ما*تت
صقر بتردد: انتي متعرفيش حاجه يا عشق
عشق: لا اعرف..اعرف انك مش راجل يا صقر
صقر اتعصب ورفع ايده عشان يض*ربها بس اتفاجأ بجعفر ماسك ايده بقوه
والي صدمه اكتر لما جعفر ضم عشق لحضنه بحب وقال بعصبيه: اياك ترفع يدك عليها والا وربي هقط*عهالك فاااهم
عشق بعدت عنه: انت قلت اي
جعفر: قلت اني اسف يا عشق اسف يا بنتي اسف
عشق بدموع: هههه اسف…اسف على اي بالظبط انت مستوعب انت عملت اي
جعفر بعياط: ايوه عارف يا عشق وندمان ورحمه مصطفى ندمان….ندمان ندم صعب يا عشق الي حصل معداش عليا بسهوله انا وابوكي كنا بنحب بعض قوي يا عشق انا وهو كنا صحاب سنين وبينا مواقف تشهد واسألي الكل عنها
اني شيطاني عماني يا عشق ومش بس هو لا دي كمان كانت الحر*بايه سعاد هي الي لعبت في عقلي
عشق بمقاطعه: مهو لو مكنش انت عاجبك مكنتش هتقدر عليك بس انت الي كنت عايز تعمل كدا
جعفر: لا يا عشق انا اتجبرت اتجوز سعاد وكنت بكرهها عشان بحب امك بس بعد جوازي بشهر عرفت ان ابوكي خطب امك وقتها سعاد لعبت في دماغي ان مصطفى كان عارف اني بحب امك وراح خطبها عشان يقهرني عليها ولي عشان هو كان بيحب سعاد ولما انا اتجوزتها هو حب ينتقم
واصلا ابوكي مكنش يعرف بحبي لسعاد واتجوزها عشان حبها وغير اكده بعد مو*ت جدنا كانت كاتب العموديه ليا بس مصطفى زور الوصيه مع ان جدنا كان كاتبها ليه
سعاد ضحكت عليا يا عشق وانا معرفش اكده غير لما اتجوزت امك وهي وقتها ثارت واعترفت ان هي الي عرفت امك وابوكي وخليتهم يحبوا بعض
عشق فضلت بصاله وهي مصدومه بس مش قادره تصدقه
وفاء من وراهم: جعفر كلامه صح يا عشق سعاد فعلا السبب في كل حاجه
عشق حضنت وفاء بعياط: صدقيه يا عشق جعفر عمره مكان وحش هو بعد معرف غلطته اعترف لعملته في ابوكي واتحبس بس طلع بعدها لما الراجل الي حر*ق البيت اعترف ان سعاد الي امرته يعمل كدا وهي فعلا الي عملت بس جعفر هو الي سمحلها ودي غلطته….انا مكنتش هسامح جعفر يا عشق لحد دلوقتي بس لما شفت في عنيه دموع الندم سامحته..سامحته لما شفته بيبصلك وهو عايز يعوضك عن الي حصل…..سامحيه يا عشق وانسي
عشق بصت لمامتها بصدمه وقالت: انتي بتقولي كدا يا ماما
وفاء: انا لولا اني شفت الندم في عيون جعفر ال15 سنه دول مكنتش هسامحه ده ربنا بيسامح يا عشق انتي مش هتسامحي
عشق كانت هترد بس اتفاجأوا بصوت مرام
مرام بسرعه: عشق الحقي نور كلمتني وهي بتعيط وقالت نيجي بسرعه
عشق: يلا بينا بسرعه
احمد: هجهز العربيه خرجوا احمد وصقر وعشق كانت هتخرج بس وقفها صوت جعفر
جعفر:هستناكي ترجعي يا عشق
عشق بصتله بس مردتش عليه ومشيت
في العربيه
صقر: مش المفروض عمر مع نور لي مكلمناش
احمد: مش عارف
مرام: معقول نور يكون فيها حاجه
عشق: بس لو كان نور فيها حاجه كان عمر كلمنا مش العكس وكدا معناه ان عمر هو الي مش كويس
احمد: انا كلمته كتير ومش بيرد فاكيد حصله حاجه
صقر: اسرع شويه يلا
بعد شويه وصلوا واتوجهوا لاوضه نور
اول مدخلوا جريو البنات حضنوا نور وهي انهارت في العياط
صقر: عمر فين
نور: مش عارفه هو مشي امبارح متأخر وهو مدايق ولحد دلوقتي مرجعش كلمته كتير ومكنش بيرد عليا وانا عشان كدا كلمتكم تيجوا…..دوروا عليه يا صقر بالله عليكم رجعوه
عشق بشك: هو عمر لي مشي مدايق يا نور
نور بتوتر: انا قلتله يا عشق
عشق بصتلها لثواني لحد مستوعبت هي قالتله اي
عشق بعصبيه: انتي اتجننتي يا نور لي عرفتيه
صقر: عرفته اي فهمونا
كانوا لسه هيردوا بس….
يتبع…..
تتوقعوا حصل اي وقفهم عن الكلام قولولي توقعاتك
اكتب في بحث جوحل( مدونة قصر الروايات) تظهر القصص كامله
تابعونا علي قناة التليحرام من هنااااااااااا
ليصلكم اشعار بالنشر
الرواية كامله من البداية من هناااااااااااا
تعليقات
إرسال تعليق
فضلا اترك تعليق من هنا