رواية انتقام عشق الصعيد البارت 26بقلم الكاتبه المجهوله
رواية انتقام عشق الصعيد البارت 26بقلم الكاتبه المجهوله
انتقام عشق الصعيد 26
صقر: عشق عندها فكره حلوه خلاص
العقيد: اي هي
عشق بصت لصقر وقالت: ريهام دلوقتي شبه مطمنه اننا انشغلنا عنها وكدا في وقت قريب هي هتكمل تنفيذ العمليه يعني البضاعه الي متسلمتش هي لازم هتسلمها ومظنش انها تقدر تتأخر في التسليم فعشان كدا انا قسمت الفريق كالآتي مرام ونور عشان عندهم خبره في البرمجه فهما هيتتبعوا اي جهاز ريهام هتستخدمه النقيب احمد والنقيب عمر هيراقبوا تحركات ريهام كلها بره البيت وانا والرائد صقر هنتابع تحركاتها جوه البيت
العقيد: وبعدين
صقر: اظن بعد كل المراقبات دي مش هتقدر تخطي خطوه منغير منعرف
العقيد: تمام اتفضلوا على شغلكم
ادوا التحيه العسكريه وخرجوا
صقر تليفونه رن وقف عشان يرد
الكاتبه المجهوله H
صقر: الو
:.........
صقر: طيب انا جاي حالا
عشق: في اي يا صقر حد من البيت حصله حاجه
صقر بتوتر بان عليه: لا مفيش حاجه انا بس هروح مشوار كدا وارجع بسرعه
عشق: طيب
كان ماشي بس عشق وقفته
عشق: صقر
صقر: نعم
عشق بخجل: خلي بالك من نفسك
صقر قرب منها وقال بحب: حاضر
وباس راسها وسط زهول الكل وزهول عشق شخصيا
عشق اتكسفت لما شافت الكل بببص عليها واتحركت بسرعه على مكتبها
خلص اليوم بدون احداث جديده
الساعه 11 باليل
الكاتبه المجهوله H
كانت عشق في اوضتها رايحه جايه والتليفون في ايدها
دخلت وفاء
وفاء: اي لسه مردش عليكي
عشق: لا لسه
وفاء وهي باصه لعشق: بتحبيه يا عشق
عشق: اي…اا لا عادي انا بس قلقت عليه عشان اتأخر وهو قال هيجي بسرعه
وفاء: اممم طيب هعمل نفسي مصدقه
كانت عشق هترد بس قاطعها دخول صقر
صقر: ماما
وفاء: اي يا حبيبي اي الي اخرك كدا عشق كانت قلقانه عليك اوي
صقر وهو بيبص لعشق:انا كنت مشغول شويه
وفاء: طيب غير هدومك لحد مابعتلك الاكل مع سحر
صقر: لا شكرا انا كلت بره
وفاء: بس دي عشق مكلتش وكانت مستنياك عشان تاكلوا مع بعض
صقر بص لعشق: بجد
عشق بتوتر: لا انا كلت من شويه
وفاء: ده امته ده
عشق برقت لوفاء: كلت وانا طالعه يا ماما
وفاء: طيب اسبكم انا تصبحوا على خير
صقر: وانتي من اهل الجنه
عشق سابت صقر وراحت ناحيه الدولاب وخرجت ليه هدوم يلبسها
عشق: اتفضل
صقر: اي الحنيه دي الصبح تقوليلي خلي بالك من نفسك ودلوقتي تطلعيلي هدوم لا وكمان كنتي خايفه عليا
عشق بغضب: خلاص هات ارجعهم وهاتهم انت
صقر بضحك: اهدي هاتيهم
عشق انا هدخل اخد شاور
الكاتبه المجهوله H
اخدت عشق هدوم ودخلت الحمام
بعد شويه خرجت عشق وكان صقر مركز في اللابتوب الي قدامه وبيسجل حاجات في ورق معاه
ساب صقر الي في ايده لما شاف عشق خارجه وقرب منها
صقر وهو بيقرب من عشق: انتي بجد كنتي خايفه عليا
عشق بتوتر: لا ماما بس كانت بتبالغ شويه
صقر قرب منها اكتر وقال: بس عنيكي بتقول غير كدا
عشق: بتقول اي عنيا
صقر قرب منها اكتر ولف ايده حولين وسطها وقال بحب: بتقول كلام كتير عايز اسمعه منك
عشق بهيام:زي اي
صقر وهو بيدفن راسه في رقبتها: انتي عارفه انا عايزك تقولي اي
بعد عنها صقر ومسك ايدها وقعدها على السرير وقعد قدامها
وقرب منها تاني
عشق: صقر
صقر: عيونه
عشق بدموع: ابعد ارجوك مش هينفع يا صقر
صقر بعد عنها وبص في عيونها وقال: لي يا عشق
عشق بدموع: احنا هنطلق يا صقر وكدا مش هينفع
قام صقر من جنبها وقال بغضب: انتي اي لي كل شويه بتقولي كدا لي كل مقرب منك تقوليلي احنا هنطلق لي عايزانا نطلق لي مش عايزه نكمل ونعيش مبسوطين لي
عشق عيطت وسكتت
صقر بغضب: للدرجه دي بتكرهيني للدرجه دي مش عايزه تبقي معايا
سكت شويه وكان بيبصلها بغضب وهي بتعيط في صمت
صقر: طيب يا عشق انا مش هحاول اقرب منكم تاني ووعد مني بعد منخلض من ريهام هطلقك
الكاتبه المجهوله H
بصتله عشق بصدمه ودموع وهو سابها ونام على السرير واداها ضهره
عشق دخلت الحمام وقعدت تعيط
عشق في نفسها: مش قادره اصدقه خايفه يكون بيعمل كدا بس عشان يوصل للي عايزه وبعدين يطلقني خايفه يكسر قلبي الي بيعشقه خايفه
قعدت تعيط شوه بعدين غسلت وشها وراحت تنام
تاني يوم الصبح
كان الكل متجمع على السفره بيفطروا بصمت لحد مقاطعهم عمر
عمر: اي بقى يا عمده مش ناوي تجوزني ولا اي بقالنا اكتر من شهر ولسه مخطبتش البت دي قربت تخلل جنبي
جعفر بضحك: طيب يا عمر ان شاء الله قريب فتره بس بسيطه اخلص الي ورايه وهعملك احلى كتب كتاب
عمر بفرحه وهو بيقوم من مكانه: اي كتب كتاب
جعفر: اي عايز خطوبه بس
عمر: لا مش قصدي هو انا اطول
جعفر: بس خلي بالك صح كتب كتاب بس مش هنعمل فرح الفرح بعدها بشهر
عمر: اي حاجه المهم اتجوز
احمد: وانا يا عمده
جعفر: انت تخرس دلوقت
احمد: حاضر انا اسف
الكل ضحك عليه وكملوا اكل
كانوا الشباب والبنات خارجين وصقر تليفونه رن
وقف صقر يرد وبعدين قفل
صقر لعمر: خد عشق معاك انا عندي مشوار
عمر: مشوار اي
صقر بص لعشق وقال: هقلك بعدين
عشق حست انه مش عايز يعرفها فسكتت
مشي صقر وعشق ركبت عربيتها ومشيت
في المقر كانت عشق في مكتبها لما دخلوا عليها البنات
الكاتبه المجهوله H
نور وهي بتقعد: ممكن اعرف في اي
عشق: مش فاهمه
مرام: صقر من الصبح وبيتجاهلك يا عشق اي الي حصل
عشق: مفيش حاجه
نور: انتي هتخبي علينا يا عشق
عشق سكتت بس حكتلهم الي حصل
مرام: لي كدا يا عشق
نور: لي بتبعديه عنك مش يمكن هو مش عايزكم تطلقوا
مرام:وكدا يبقى بيحبك
عشق: افهموا بقى انا خايفه خايفه يكون يعمل كدا عشان يوصل للي عايزه وبعدين يطلقني
نور: بس انا شايفه انه بجد بيحبك
مرام: اديه فرصه يا عشق مش هتخسري حاجه
سكتت عشق شويه
نور: هتديه فرصه
عشق: هفكر
مرام: متخسرهوش يا عشق
عشق: حاضر
خلص اليوم ورجعت عشق البيت مع البنات ولقت صقر في البيت
صقر: اي الي اخرك
عشق: كنت بجيب حاجه
صقر: حاجه اي ان شاء الله
احمد: اهدي يا صقر
صقر: مانا هادي اهو انا عايزه اعرف هي اتاخرت لي
عمر: مكنتش لوحدها يا صقر كلنا كنا معاها
نور: وعشان تهدى اكتر فاحنا كنا بنجيب كاميرات
صقر: لي
مرام: عشان نحطهم في اوضه ريهام
صقر:واحنا هندخل اوضه ريهام ازاي ومين الي هيدخل
عشق: انا هدخل وده قرار مش عايزع نقاش فيه
مشيت عشق وسابتهم
بعد شويه الكل اتجمعوا كلهم في الجنينه
الكاتبه المجهوله H
عشق وهي بتركب سماعه في هدومها: كدا تمام انا هطلع وزي متفقنا كل حاجه تتسجل عشان لو مسكتني هواجهها وهي ممكن تعترف وكدا هتكون فرصه كويسه عشان نمسك عليها دليل صقر: تمام خلي بالك من نفسك
نور: لا اله الا الله
عشق: محمد رسول الله
طلعت عشق على اوضه ريهام ودخلت الاوضه منغير محد يحس بيها وبدأت تركب في الكاميرات وكمان بدأت تنقل كل الملفات الي على اللاب بتاع ريهام على الفلاشه الي معاها
مرام لعشق: عشق…عشق سمعاني
عشق: اه سمعاكي
عشق:دخلي الفلاشه التانيه في اللابتوب يلا ومتشليهاش غير لما اقلك
فعلا عشق دخلت الفلاشه بس بعد شويه حست بصوت حد جاي باتجاه الاوضه
عشق: مرام خلصتي ولا لا في حد جاي
مرام: ثواني بس
صقر: اخرجي يا عشق ومش لازم نخلص دلوقتي
مسمعوش صوت
صقر: عشق…عشق انتي سمعاني عشق ردي يا عشق
صقر كان بينده عليها بس مكنش في صوت خارج من السماعه
الكل قلق
صقر بخوف: ردي بقى يا عشق
سكتوا الكل لما خرج صوت من السماعه وكان صوووت…..
يتبع…..
ياترا سمعوا صوت مين وهل عشق هتقدر تخرج من الاوضه؟؟؟؟
اكتب في بحث جوحل( مدونة قصر الروايات) تظهر القصص كامله
تابعونا علي قناة التليحرام من هنااااااااااا
ليصلكم اشعار بالنشر
الرواية كامله من البداية من هناااااااااااا
تعليقات
إرسال تعليق
فضلا اترك تعليق من هنا