رواية انتقام عشق الصعيد الجزء الثاني البارت السادس عشر 16بقلم الكاتبه المجهوله

رواية  انتقام عشق الصعيد الجزء الثاني البارت السادس عشر 16بقلم الكاتبه المجهوله 

رواية انتقام عشق الصعيد الجزء الثاني البارت السادس عشر 16بقلم الكاتبه المجهوله 

 انتقام عشق الصعيد الجزء التاني 16 

صحيت عشق ولقت خالد قاعد جنبها وحاطط وشه في الارض 

عشق بدموع: صقر فين 

خالد ولسه وشه في الارض: خايفه عليه اوي كدا عملتي كل ده عشانه

عشق: جاوب على سؤالي صقر ما*ت بجد 

خالد بصلها: لا يا عشق 

عشق: بس الممرضه 

خالد بمقاطعه: في واحد جه المستشفى مع صقر وكان اخد رصا*صه في دماغه عرفت انه كان معاكم وهو ده الي ما*ت والممرضه فكرتك مراته عشان كدا قالتلك 

عشق: يعني صقر كويس 

خالد: ايوه يا عشق 

الكاتبه المجهوله H

قام خالد وقعد على السرير جنب عشق 

خالد: انا قصرت معاكي في اي 

عشق: اي 

خالد بغضب: انا قصرت معاكي في اي اي الي في صقر ومش موجود فيا لي كل السنين الي فاتت فضلتي تحبيه هو مع اني كنت بتمنالك الرضا ترضي لي لي محبتنيش انا مع كنت مستعد ابيع عمري عشانك لي 

بصتله عشق بدموع ومتكلمتش

خالد مسك ايدها وقال بغضب: ردي عليا قوليلي كان ناقصني اي عشان تحبيني لي لحد دلوقتي بتحبيه هو وانا لا 

عشق بدموع: خالد انا اسفه 

خالد: اسفه على اي يا عشق اسفه انك علقتيني بيكي وانتي بتحبي صقر اسفه عشان كنت بتديني امل تحبيني اسفه عشان كنتي بتكدبي عليا وتقولي انك نسيتي صقر ومبقتيش بتحبيه وانتي روحك في 

عشق: لي محسسني ان الموضوع سهل ده ابو ابني يا خالد وحب طفولتي لازم افضل احبه عايزني اعمل اي شايف ان سهل عليا انسى الحب ده 

بصلها خالد الي عنيه دمعت 

خالد بدموع: وانا كان ذنبي اي 

عشق: انت غالي عندي يا خالد كفايه انك وقفت جنبي في اصعب ايامي كنت سندي وضهري وانا ضعيفه وكنت اب ليزن بس انا مقدرتش 

خالد وهو بيقف: شوفي حابه نبدأ اجراءات الطلاق امته 

عشق بصتله بدموع: طلاق 

خالد: انتي بتحبيه يا عشق ومستحيل تحبيني انا الاحسن ابعد انا عن طريقكم 

الكاتبه المجهوله H

قال كدا وسابها ومشي 

بعد دقايق عشق قامت من مكانها وخرجت عشان تسأل على صقر 

دلوها الممرضين على اوضته وفعلا راحت وشافت هناك جعفر وعمر واحمد 

شافوا عشق جايه عليهم فقام جعفر ليها وحضنها 

عشق: صقر كويس يا بابا 

جعفر: ايوه يا بتي الحمدلله هو كويس دلوقتي انتي كويسه 

عشق: اه الحمدلله هو صقر كان ماله 

عمر: الحمدلله الرصا*صه كانت بعيد عن قلبه خرجوها وهو دلوقتي كويس 

عشق: الحمدلله

جعفر لعشق: انا عرفت بالي حصل من شويه خالد قالي وعرفني بقراره 

عشق: قرار اي

جعفر: عرفت انكم هتطلقوا وانا زعلت منك يا عشق لي يا بتي تعشمي ابن الناس ده اما انتي مش بتحبيه لي تتجوزيه واي ذنب العيل الصغير يبعد عن ابوه بعد طلاقكم 

عشق بصتله وقالت: مش هنطلق يا بابا انا مش هسيب خالد 

جعفر: بس صقر 

عشق بمقاطعه: صقر اتخلى عني يا بابا وشيلني مسؤوليه م*وت مامته وهو عارف ان غصب عني 

جعفر: قلبك يا بتي 

عشق: هدوس عليه يا بابا…المهم تعالى بس نقعد 

مسكت عشق ايد جعفر عشان تقعده بس لاحظت انه بيعرج 

الكاتبه المجهوله H

عشق: بابا انت بتعرج لي 

جعفر بص لرجله وسكت لثواني بعدين قال: مفيش وقعت على رجلي بس 

عشق: طيب انت كويس نروح للدكتور يشوفها 

جعفر بسرعه: لا لا انا كويس تعالي قعديني بس 

قعدوا وبعد شويه جم وفاء ونور ومرام 

اطمنوا على عشق وقعدوا 

بعد وقت جه الدكتور دخل لصقر واذن الكل انهم يشوفوه 

وفعلا دخلوا عنده وكان فاق 

وفاء وهي بتحضن صقر: حمدلله ع السلامه يا ولدي 

صقر: الله يسلمك يا ماما 

جعفر: عامل اي دلوقتي يا ولدي في حاجه تعباك

صقر: لا يا ابوي انا كويس الحمدلله 

عشق لصقر بتوتر: حمدلله ع السلامه يا صقر 

صقر: الله يسلمك 

عمر: خوفتنا عليك يا صحبي 

احمد: مكنش لازم تعمل الي عملته يا صقر كنت سبت التمثال انت حياتك اهم من كل حاجه 

صقر: هو شغلك في الشرطه ده معلمكش انك لازم تضحي عشان بلد وتفديها بروحك 

عمر: طيب يا عم الوطني 

بعد شويه قاموا الكل عشان يمشوا وقعد عمر واحمد مع صقر

الكاتبه المجهوله H

عمر لصقر: هو اي الي حصل معاكم هناك ولي عشق كانت بتنزف لما جيت 

احمد: احكيلنا كل حاجه بالتفصيل 

صقر حكى ليهم كل الي حصل معاه من وقت موصل هناك لحد مالعقرب صوب عليه 

عمر: يعني هو كان قادر يق*تل عشق بس مقت*لهاش 

صقر: امم 

احمد: تفتكروا لي

صقر: مش عارف 

عمر: بس تعرف لما وصلت عندكم وشفت حاله عشق فكرتك م*ت 

صقر: لي كان مالها عشق 

عمر: عشق كانت بتصرخ باسمك ولما شافتنا قالت صقر ما*ت صقر خلاص راح وبعدين اغمى عليها خفت عليك بصراحه بس بعدين لقيت ان الرصا*صه مجتش في قلبك او قريب منه 

صقر سرح شويه بس قاطعه احمد 

احمد: هي لي عشق عملت كدا

عمر بص لاحمد وابتسم وهو فهم قصده

صقر بعد مفهم قصدهم: احترموا نفسكم انتوا الاتنين عشق دلوقتي متجوزه وعندها ابنها ومبسوطه معاه 

عمر: وانت مفكر ان بعد الي حصل الصبح خالد هيفضل معاها 

صقر: اي الي حصل 

حكاله احمد الي حصل مع عشق والممرضه 

صقر: يعني كدا خالد هيسبها 

عمر: يريت عشان ترجعوا لبعض 

صقر بحزن: معدش ينفع 

احمد: لي 

صقر: عشق كبريائها غالي عندها ومظنش انها ممكن ترجعلي بعد كل ده انا ظلمتها مع اني كنت عارف ان غصب عنها 

عمر: عشق بتحبك يا صقر ومهما كانت هتكابر بس مسيرها هتحن وهترجعوا لبعض 

صقر: انتوا بتتكلموا في اي دي لسه متجوزه 

احمد: ولو اتطلقوا هترجعوا لبعض

صقر: لو بقى 

عند عشق في البيت وتحديدا في اوضتها 

دخلت عشق ولقت خالد قاعد على السرير وماسك التليفون 

خالد مدهاش اي انتباه 

عدت دقايق في صمت تام 

خالد: عشق 

عشق: نعم 

خالد وهو بيقوم: انا كلمت المحامي عشان يجهز ورق الطلاق 

سكت شويه بعدين كمل بدموع: اول ميخلص هجبلك الورق تمضي عليه ووقتها هتكون كل حاجه خلصت وانا هخرج من البيت وهسيب مصر كلها واتمنالك حياه سعيده 

قال كدا وسابها وخرج 

يتبع…. 

يترا عشق وخالد هيتطلقوا ولا لا وصقر وعشق هيرجعوا لبعض وحد خد باله من حاجه؟؟؟؟ 

تكملة الروايه من هنااااااا 

اكتب في بحث جوحل( مدونة قصر الروايات) تظهر القصص كامله

تابعونا علي قناة التليحرام من هنااااااااااا

ليصلكم اشعار بالنشر

الجزء الاول من هناااااااااااا