رواية انتقام عشق الصعيد الجزء الثاني البارت السابع عشر 17بقلم الكاتبه المجهوله
رواية انتقام عشق الصعيد الجزء الثاني البارت السابع عشر 17بقلم الكاتبه المجهوله
انتقام عشق الصعيد الجزء التاني 17
تاني يوم باليل
رجع خالد وطلع اوضته هو وعشق لقي عشق قاعده مستنياه
عشق: اتأخرت كدا لي
خالد: كان عندي شغل
عشق: طيب عايزه اتكلم معاك في حاجه مهمه
خالد: خير
عشق: بخصوص طلاقنا
خالد: متخافيش يا عشق انا كلمت المحامي وهو بدأ في تجهيزات الطلاق وقريب هنكون منفصلين
قال كدا واداها ضهره وكان لسه هيدخل الحمام بس وقفته عشق
عشق: بس انا مش عايزه اطلق
لف خالد وشه ليها وقال: لي انتي كدا او كدا مش هفرق معاكي عشان بتحبي صقر
عشق: بس انا عايزاك ومش عايزه اطلق
خالد: بس انتي مش بتحبيني يا عشق
عشق: لسه الايام جايه ويمكن يجي يوم واحبك
خالد: بقالنا 6 سنين متجوزين ومحبتنيش
عشق: برده لسه الايام جايه كتير ويمكن احبك في يوم
خالد: يعني افهم من كلامك ان دي اشاره
عشق بابتسامه: امم
خالد بفرحه شالها وقال بحب: بحبك يا عشق بحبيييييك
عشق: كفايه يا خالد نزلني دوختني
نزلها خالد وقال بلهفه: انا اسف مش قصدي اسف
الكاتبه المجهوله H
خالد بصلها بحب وبدأ يقرب منها
بعدت عشق عنه
عشق بتوتر: انا عايزه انام
خالد بصلها بمعنى اي غيرتي رأيك
عشق: انا لسه خارجه من المستشفى وتعبانه اوي يا خالد
خالد: طيب يا روحي تعالي ننام
تاني يوم صحيت عشق وكان خالد نايم جنبها ومحاوطها بايده
كان بيبصلها بحب باين في عينيه
خالد: صباح الخير يا روحي
عشق: صباح النور…انت صاحي من امته
خالد: من ساعه تقريبا قمت اخدت شاور وجيت نمت جنبك
عشق: طيب انا هقوم دلوقتي اخد شاور عشان اروح المقر
خالد: انتي تعبانه يا روحي ارتاحي اسبوع وارجعي
عشق: اسبوع اي بس الدنيا مقلوبه في المقر وتقولي ارتاح اسبوع
خالد: بس انتي تعبانه
عشق: لا انا كويسه الحمدلله
قامت عشق وشالت الغطاء من عليها وقفت تجيب هدوم
خالد قام وقعد على الكنبه الي في الاوضه
عشق لفت عشان تدخل الحمام ولفت نظرها رجل خالد الي ملفوفه بشاش
عشق وهي رايحه ليه: اي ده يا خالد رجلك مالها
خالد: مفيش يا حبيبتي ده جرح بسيط بس
عشق: اي الي عمل فيك كدا
خالد: كنا بننقل حاجات لي الجنينه الي ورا الشركه وبالغلط العمال وقع منهم سيخ حديد على رجلي
عشق: الف سلامه عليك
خالد: الله يسلمك يا حبيبتي
الكاتبه المجهوله H
دخلت عشق الحمام وجهزت بعدين راحت المقر
في مكتب اللواء
دخلوا عشق ونور ومرام وعمر واحمد وقعدوا
اللواء: الحمدلله على سلامتك يا مقدم عشق
عشق: الله يسلمك يا فندم
نور: دلوقتي احنا عايزين نعرف ازاي العقرب عرف اننا هنروح هناك
مرام: ده المفروض اخر مكان كان يتوقعه
اللواء: في دخيل
احمد: كنت متأكد
عمر: بالظبط كدا مهو اكيد العقرب مش مخاوي يعني عشان يعرف مكان ريهام وعدد القوات الي بتحرسها ولا هيعرف بخططنا غير لما يكون في دخيل
عشق: بس مفيش حد بيعرف عن تحركاتنا غير الي في المقر
نور: بس دول كلهم موثوق فيهم ومعانا من زمان
اللواء: مش كلهم في ناس جديده وانا حطيتهم كلهم تحت المراقبه وقريب ان شاء الله الخاين ده هيغلط وهنمسكه
خلصوا كلامهم وادوا التحيه العسكريه وخرجوا
مر اسبوع بدون اي احداث مهمه غير خروج صقر من المستشفى ومحاولات خالد انه يقرب من عشق بس هي كل مره بتتحجج بحجه مختلفه وكان في اشخاص بيراقبوا عشق وفريقها
صقر في الفتره الي فاتت مكنش بيشوف خالد وكمان جعفر مكنش مرحش عنده غير مره واحد بعد اخر مره كان فيها هناك
صقر خرج من المستشفى باليل واحمد وعمر دخلوه اوضته
تاني يوم بعد خروج صقر
كان الكل متجمع على السفره وبيفطروا لما نزل صقر
صقر: صباح الخير
الكل ماعدا خالد: صباح النور
وفاء لصقر: اي يا ولدي رايح فين وانت تعبان كدا
صقر: هروح المقر
جعفر: تروح لي وانت تعبان كدا
صقر: عندي شغل يا ابوي ولازم ارحله
وفاء: بس يا ولدي..
صقر بمقاطعه: مبسش يا ست الكل انا الحمدلله كويس ولو تعبت هرجع علطول
وفاء: طيب يا حبيبي
الكاتبه المجهوله H
كملوا اكل وبعد شويه
خالد لعشق: انا شبعت يا حبيبتي الحمدلله وهمشي دلوقتي
عشق: طيب تيجي بالسلامه
خالد وهو بيبوس راسها وقاصد يستفز صقر: الله يسلمك يا حبيبتي
جعفر: الحمدلله انا شبعت وهروح المجلس دلوقتي عشان محتاجيني
قاموا الاتنين في وقت واحد ومشيوا جنب بعض
كان ظاهر للكل ان الاتنين ماشيين بيعرجوا
محدش اتكلم بس صقر كان بيبص للاتنين بتركيز
صقر بصوت عالي: استنواا
بصوا الكل لصقر باستغراب
لف كل من جعفر وخالد لصقر
قرب صقر منهم وبص ليهم وعلى وشه علامات الصدمه
صقر: انتوة الاتنين بتعرجوا لي وانتوا ماشيين
جعفر: انا بس رجلي وجعاني عشان وقعت عليها
صقر لخالد: وانت
خالد: مع انها حاجه متخصكش بس في حاجه وقعدت على رجلي سببتلي جرح
صقر: فين مكان جرح كل واحد فيكم
جعفر: اي لزمه الاسئله دي يا صقر
صقر: معلش يا بابا عايزه اعرف بس
جعفر وخالد نزلوا ايديهم وكل واحد شاور على مكان جرحه والغريب انهم كانوا في نفس الرجل ونفس المكان
خالد: حاجه تانيه يا حضرت المقدم
جعفر: في اسئله تاني يا ولدي
صقر: لا تقدروا تمشوا
مشيوا الاتنين وصقر متابعهم بعنيه لحد مخرجوا من باب البيت
رجع صقر قعد مكانه وهو سرحان
الكاتبه المجهوله H
احمد لصقر: في اي
صقر: مفيش حاجه
عمر: مفيش ازاي انت مش واخد بالك انت عملت اي
صقر: في حاجه اتصدمت لما انتبهت ليها ومقدرتش اسكت
احمد: اي هي
صقر: في المقر نتجمع واعرفكم كل حاجه عشان هنا مينفعش
كملوا اكلهم وبعد مخلصوا اتجهوا للمقر
بعد وقت كان السته متجمعين في مكتب صقر
عمر: فهمنا بقى اي الي حصل
احمد: لي وقفت عمي وخالد وخلتهم يقولوا مكان جرح كل واحد
صقر: الاول عرفوني امته كل واحد فيهم رجله اتعورت
نور: عمو جعفر اول مجه على المستشفى ليك كانت رجله متصابه
مرام: وقتها قال انه وقع وده تقريبا كان يوم الي حصل معاك لأن الجرح كان طري وجديد
صقر: انتي شفتي الجرح
مرام: اه
صقر: اوصفهولي
مرام: الجرح كان عميق عمو قال انه وقع على حاجه اشبه بالآله الحاده لأنه كان في ارض زراعيه
صقر: وخالد
الكل بص لعشق
عشق: قال انه يوم الي حصل وقال في سيخ حديد كانوا العمال بيتقلوه وقع على رجله
صقر: شفتي الجرح
عشق: ايوه غيرتله عليه كذا مره
صقر: اوصفيه
بصت عشق لمرام وقال: نفس الوصف
عمر: في اي يا عم
صقر: العقرب
احمد: ماله
بصت عشق لصقر بصه هو فهم معناها
صقر: انا ضر*بت العقرب بآله حاده في رجله يوم الي حصل
نور بصدمه: انت قصدك
صقر: ايوه نفس الرجل ونفس المكان
عشق: انا فعلا اخدت بالي يومها من رجل العقرب وكانت بتنزف بس مستحيل يكون واحد منهم
صقر: مش هنخمن يا عشق بابا مستحيل يكون العقرب
عشق بغضب: وجوزي كمان مستحيل يكون العقرب
صقر ادايق من كلام عشق بس قال: لي
عشق: هو ملهوش علاقه بريهام ولا يعرفها وانا وهو مع بعض اكتر من 6 سنين ولو في حاجه كنت عرفت
عمر: اهدوا انتوا الاتنين شويه
احمد: يمكن العقرب يكون واحد تاني يعني زي مفي اتنين عندهم نفس الجرح في نفس المكان ممكن يكون في واحد تالت وهو العقرب…..
يترا احمد كلامه صح وفي واحد تالت وهو العقرب ولا العقرب واحد من الاتنين مين فيهم ممكن يكون بيكدب وهو العقرب الحقيقي وتتوقعوا مين الدخيل؟؟؟
اكتب في بحث جوحل( مدونة قصر الروايات) تظهر القصص كامله
تابعونا علي قناة التليحرام من هنااااااااااا
ليصلكم اشعار بالنشر
الجزء الاول من هناااااااااااا
تعليقات
إرسال تعليق
فضلا اترك تعليق من هنا