رواية عذاب الحب البارت السابع وعشرون 27بقلم مارلي ايهاب

رواية عذاب الحب البارت السابع وعشرون 27بقلم مارلي ايهاب

رواية عذاب الحب البارت السابع وعشرون 27بقلم مارلي ايهاب

رواية عذاب الحب 

ژ كانت رفيده واقفه مصدومه وقالت بعصبيه

انت بتعمل ايه هنا يا جدع انت

احمد بعصبيه

ايه يا رفيده الكلام الفارغ اللي بتقوليه ده ادخلي على اوضتك

رفيده نظرت لوالدها بعصبيه وقالت

لو ده العريس اللي انت بتقول لي عليه فهو مرفوض

ده قالت كلامها ودخلت اوضتها واحمد كان مصدوم ومكسوف من اللي عملته قدام مهاب

مهاب بهدوء

طبعا انت مستغرب عن هي تعرفني منين وانا اعرفها منين صح كده يا استاذ احمد اتفضل استريح وانا هحكي لك وتشوف انا غلطان ولا هي اللي غلطانه

احمد

اتفضل يا استاذ مهاب وانا بعتذر لك عن اللي حصل ده

مهاب ببرود

لا عادي ولا يهمك رفيده انا عرفتها من القسم كانت جايه تبع قضيه واحد كده اسمه تميم تقريبا وكانت عايزه تشوف وعرفت ان ما فيش بينها وبينه اي صله قرابه لخطيبته ولا مراته ولا حتى اخته سالتها انت تقربي له ايه قالت لي بينا مشروع جواز سكت وعديتها جت اكتر من مره وعرفت ان ما فيش بينهم حاجه رسميه فانا بصراحه اعجبت بيها وحظرتها اكثر من مره انها تبعد عن الشخص ده لانه مجرم لكن هي كانت بتدافع عنه بستماته وده طبعا يضر في سمعتها لان اصلا ما فيش بينهم اي شيء رسمي واكتر شيء اكيد لي انه لو في موضوع جواز بينه على الاقل انت هتبقوا عارفين بيه وهتيجوا تطمنوا عليه في القسم ولكن ما كانش حد بيجي لما نبهتها اكثر من مره مع الاسف هاجمتني فانا اضطريت اني اتعامل معاها بطريقه مش لطيفه زعقت فيها ومن وقتها وهي واخده على خاطرها جامد مني رغم اني ما كنتش خايف غير على سمعتها اللي ممكن تضر بسبب مجرم

احمد باحراج وحاول ينقذ سمعه بنته

انا مش عارف اقول لك ايه والله يا استاذ مهاب انت حضرتك عملت اللي عليكم زياده بس هو فعلا تميم كان فعلا نتكلم عليها بس بعد اللي حصل ليه القسم والقضيه والحوارات دي انا رفضته ولكن هي اتمسكت زي ما حضرتك قلت بس احنا كنا رافضين تماما علشان كده ما جيناش نشوف ولا نعرف حاجه عنه انا بعتذر لك عن اللي رفيده عملته

مهاب بهدوء

ما فيش داعي للاعتذار يا عم طيب انا هديكم فرصه ثانيه تفكروا ومش هاخد ردها ده رد اكيد

وده رقم تليفوني فكروا براحتكم وبعدين رد عليا استاذن انا

احمد

ليه ما تخليك قاعد شويه يا استاذ مهاب

مهاب

معلش مره ثانيه بعد اذنكم

مهاب خرج من البيت واحمد دخل اوضه رفيده بسرعه وقال بعصبيه

بقى في واحده محترمه تحرج جابوها بالمنظر ده انت ازاي تعملي كده ما عملتيش احترام ليا ولا لامك انت ايه يا بنت عيارك غلط ولا ايه ولا مفكره انا مش هعرف اشكمك من اول وجديد

رفيده

يا بابا انت ما تعرفش الراجل ده عمل ايه ده انسان قليل الذوق وقليل الادب

احمد بدون اي مقدمات صفعها على وجهها ورفيده نظرت له بصدمه اما ليلى شهقت بخوف

انت بتضربني علشانه ليه كل ده انا عملت ايه اصلا ده انسان مش محترم

احمد بعصبيه

طبعا هو مش محترم الظابط الوقور لكن الاستاذ تميم بتاعك هو محترم وسيد الرجاله مش كده

رفيده بدموع

انا قلت لكم مش عايزه اسمع اسمه تاني ليه مصرين تجرحوني وتضايقوني و اللي اسمه مهاب انا مش طايقاه ولا عايزاه

احمد بعصبيه

اسمعي بقى يا بت انا سكت لك كثير بس خلاص وقت الدلع بتاعك ده انتهى انت مش هتتجوزي غير مهاب ظابط وليه اسمه ووزنه وهيعيشك عيشه محترمه ما كنتش تحلمي بيها ده غير انا انسان محترم ومهذب وباين على اسلوبه وشكله وانا بقى هوافق عليه يومين بالظبط وهكلمه وهدي له موافقته ولو سمعت منك اي اعتراض انت حره يا رفيده

احمد قال كلامه وخرج ورفيده قعدت على السرير بصدمه وقالت لامها

انت ليه بتعملوا فيا كده انا مش موافقه عليه انتوا هتبيعوني لواحد علشان خاطر فلوسه

ليلى اتنهدت بتعب وقالت

حبيبتي افهمي اكيد احنا مش بنبيعك ايه الكلام اللي بتقوليه ده بابا بيبص المستقبلك وهو شايف انه مستقبلك هيبقى مع مهاب ظابط قد الدنيا ومحترم و 

رفيده بتريقه

وانتوا عرفتوا منين بقى ان شاء الله انه محترم كنت سالت عنه كنت عرفتوه وبعدين واحد بيرد بتعقيد معقول لغايه دلوقتي مش متجوز ما عندوش ولاد وبعدين ده سنه كبير ده تقريبا في الاربعينات

ليلى توترت وقالت

هو قال انه كان متجوز ومطلق وما عندوش اولاد وهو فعلا عنده 42 سنه بس يا حبيبتي الفرق مش كبير بينكم انت 27 سنه

رفيده بتريقه

بجد فعلا فرق 15 سنه مش كتير وانا ليه اتجوز واحد مطلق ليه ما ابقاش اول بخته وهو اول بختي للدرجه دي بقيت عبء عليكم وعايزين تخلصوا مني

ليلى

عيب كده يا رفيده ما تقوليش الكلام ده عبء  ايه انت اتجننتي احنا عايزين ايه من الدنيا غير ان نشوفك انت واخواتك مبسوطين في حياتكم

يا حبيبتي احنا اهلك وادره مصلحتك

رفيده بعصبيه

انا اللي اسمه مهاب ما بقبلوش بكرهه مجرد اني بشوفه كده بيغم نفسي انت ليه مش فاهمني واحد انا مش عايزاه

ليلى

باباكي موافق عليه يا حبيبتي ومقتنع بيه 100%

بلاش تضايقي ابوكي كفايه اللي عملتيه والفضيحه اللي كنت هتسببيها لنا

رفيده بدموع

يعني علشان مضايقش ابويا اتجوز واحد مش عايزاه انتم بتفكروا ازاي وما فكرتوش مراته اتطلقت منه ليه وعشان ايه ولا عادي بقى مش مهم انتم بتبيعوا تشتروا فيا براحتكم

ليلى اتعصبت وقالت

انت يا بنت بلاش الكلام الفارغ بتاعك ده احنا بنجوزك هو احنا بنرميكي في الشارع

رفيده بدموع

ايوه بترموني في الشارع لما تجوزوني واحد زي ده يبقى بترموني في الشارع لما تجوزوني واحد كان متجوز قبل كده وعايزين تجوزيني من غير ما تسالوا عليه وتعرفوا عنه كل حاجه يبقى بترموني لما ابقى رافضه وعايزين تجوزوني بالغصب يبقى بترموني

ليلى بعصبيه

ما بلاش دراما يا بنت ما انت هتتخطبي له وهتشوفي تعامله معاك هيبقى عامل ازاي ولو ما عجبكيش يبقى خلاص كل واحد في حاله لكن اللي انت بتعمليه ده ملوش اي لازمه

رفيده بدموع

معاكي حق يا ماما ما لوش اي لازمه اتفضلي لو سمحت اطلعي بره وسيبيني لوحدي انا مش عايزه اتكلم مع حد سيبوني في اللي انا فيه

ليلى بعصبيه

وايه اللي انت فيه يا اختي جاي لك شاب زي الورد عايزه ايه ثاني واحد زي ده طول بعرض وظيفه زي الفل ليه اسم ووزن وعقيد في الشرطه عايزه ايه تاني واحده غيرك تبوس ايديها وش وظهر

اني قالها واحد زي ده ده غير انه غني ومعايش في فيلا وحاجه هاي يعني مش زي المعفن اللي انت كنت بتحبيه جاتك القرف عليك وعلى ذوقك

ليلى قالت كلامها وخرجت بره ورفيده قعدت تعيط ومنهاره

//////

في شقه سهام وعادل

سهام بعصبيه

يعني الغبي ما خبطهاش وكمان عايز فلوس اوعى تقول لي يا عادل انك اديت له

عادل

لازم ادي له الباشا بيهددني ان لو ما ادتلوش هيروح يعرف احمد ومراته 

سهام بعصبيه

انا زهقت من اللي اسمها روفان دي خلاص جبت الاخر منها اتصرف يا عادل كفايه انها بعد تقفني عني ده ما بقاش يكلمني ولا حتى يرد عليا لما بتصل بيه

عادل

مش ابنك اللي مطوحها وماشي وراها ما لوش كلمه دلدول ورا الهانم ما انا ياما رفضت الجوازه دي وانت اللي اقنعتيني ولا ايه

سهام

ايوه اقنعتك بس عشان خاطر احمد ما يبعدش عني اديك شفت عمل ايه لما رفضناه ساب البيت وساب الشركه وما عرفناش طريق ليه غير بعدك فين وفين كنت عايزني اخسر ابني علشان خاطر واحده زي دي لا طبعا يا عادل

عادل

والمفروض مني دلوقتي اعمل ايه ابنك انا مشيته من الشركه ومش هرجعه ثاني وبصراحه بقى مش هتدخل في حكايه زي دي ثاني كفايه ل 100 الف جنيه بسبب ابنك ومراته

سهام

تقصد ايه يا عادل انك غيرت رايك ومش هتقتلها زي ما اتفقنا

عادل

ايوه انا مش هدخل نفسي في حوارات زي دي تاني ادينا جربنا وشفنا ايه اللي حصل واحد حيوان زي ده يبتزنا بكره ولا بعده يكلمنا ويطلب فلوس ثاني واحنا غصب عننا هندفع علشان ما يروحش يقول لا ابنك ان احنا السبب ورا الموضوع ده وانت عارفه اول ما ابنك يعرف هيروح يبلغ عننا

سهام

الواد ده مش هيقدر يتكلم علشان خاطر ما يروحش في داهيه معانا ما تنساش ان العربيه بتاعته وان هو اللي كان هيخبطها

عادل

يا سهام اللي زي ده مش هتفرق معاه يقول لك اخذ منهم الفلوس على قد ما اقدر ولو اتحبست مش مهم هاخد الفلوس يوديها في اي مصيبه وهياخذ له سنه ولا اثنين وخلاص وهيخرج لكن احنا اللي لو حصلت حاجه زي دي هنخسر كل حاجه سمعتنا والشركه اللي ممكن اسهمها تنزل في ثواني لو حاجه زي دي اتعرفت انا مش مستغني عن شركتي وفلوسي وسمعتي قصاد الناس انا خلاص رفدت ابنك وشلته من حساباتي

نهائي انا ماشي

سهام

ما تقعد معايا في عادي مش متفقين انك هتبات معايا النهارده

عادل

لا مش هينفع مريم مراتي بقت تشك فيا من كتر بياتي بره وانت عارفه لو عرفت اني متجوزك هتسيب لي البيت وهتمشي وهتغضب عند اهلها

سهام

طب ما تسيبها هي حره هو احنا بنعمل حاجه حرام احنا متجوزين على سنه الله ورسوله

عادل بتريقه

 انت مجنونه ولا ايه يا سهام دي مراتي ام ولادي استحاله طبعا اسيبها انت في حاجه في مخك

سهام بضيق

انت بتتكلم وكانها هي مهمه عندك وانا لا ما انا مراتك زي ما هي مراتك

عادل ببرود

لا يا حبيبتي في فرق انت اللي جريتي ورايا وحفيتي علشان خاطري اتجوزك وانا قبلت واتجوزتك في السر اي نعم رسمي بس في السر ولو ولا ولادي ومراتي قالوا لي اطلقك هطلقك

ولادي ومراتي اغلى منك مليون مره

سهام بصدمه

وانا ما ليش اي قيمه عندك امال انت اتجوزتني ليه

عادل ببرود

بصراحه حبيت جريك ورايا مرات اخويا اقصد ارمله اخويا بتجري ورايا وبتحاول بكل الطرق تلفت نظري اقول لها لا وبصراحه عجبتيني اتجوزتك جواز متعه يعني لكن لو اتعرف اي حاجه انت اول واحده هبيعي ومش هيفرق معايا غير مراتي واولادي افتكري دول دايما

سهام بعصبيه

ايه في النهايه بقيت جواز متعه انت اتجننت يا عادل

عادل ببرود

لا يا حبيبتي ما اتجننتش ولا حاجه لسه بعقلي وما تضيعيش وقتي بقى وما تتصليش بي غير لما انا اكلمك واياك عقلك يوزك وتقولي هخرب عليه  واعرف مراته هتندمي صدقيني يا سهام لو فكرتي تعرفيها حاجه هي اولادي ما حدش هيخسر غيرك مفهوم سلام

خرج عادل وسابها قاعده مصدومه من كلامه

في صباح يوم جديد الساعه 5:00 الفجر قام تميم بتعب وغير هدومه وطلع يتمشى في الشارع علشان خاطر يروح شغله مشي نص ساعه ولها العربيات قدامه ركب وراح على الجراج اللي شغال فيه وقابل عم عوض

عوض

جاي بدري ليه يا تميم لسه نص ساعه

تميم

ما فيش بس صحيت بدري قلت اما البس واجي اخلص الشغل اللي ورايا

عوض

خلاص ابقى امشي بدري نص ساعه يلا روح شوف شغلك

تميم

حاضر يا عم عوض

تميم راح يشوف شغله وكان شايف نظرات الكره اللي في عين زميله ولكن بيتجاهله

في العماره كان مصطفى مع نجوى في اوضه لوحدهم

كانت نجوى قريبه منه جدا وبتلعب في ازار قميصه

نجوى بدلع

هتفضل مضايق نفسك كده لغايه امتى ما خلاص يا صاصا اهو راح لحاله ايه اللي مضايقك انت بقى

مصطفى بحزن

انا وهو اكلنا عيش وملح سوا اول واحد نضيف قابلته في حياتي اول واحد قابلته في حياتي يرفض الحرام مهما كانت الظروف اللي قدامه اللي بتشجعه على الحرام بيرفضها ما كانش بيهمه كلام حد كان عنده استعداد ينام جعان طول اليوم بس ما ياكلش لقمه حرام يتحبس ظلم ويتحرك مع عليه ظلم وحتى لما هربنا قبل انه يعيش في عماره مع اولاد حرام مع ناس ما لهمش اهل وعايشين حياتهم بالطول والعرض

نجوى بهدوء

معك هو فعلا من ساعه ما جه وهو بيرفض الحرام وهو مختلف عننا بس لانه عاش طول عمره مع اهله واتربى في وسطهم لكن احنا طول عمرنا في الشارع يا مصطفى ما تزعلش نفسك لو ما جاش النهارده هيجي بكره ولا بعده

هو ملهوش مكان تاني غيرنا ويمكن ربنا يوقف له ولاد الحلال اللي زيه يساعدوه

مصطفى بحزن

يا رب يا نجوى انا متضايق هقوم اتمشى شويه

نجوى بدلع

يعني انا قاعده معاك من امبارح ومستحمله حزنك ونكدك ده وفي الاخر عايز تسيبني وتمشي يا صاصا

مصطفى بضيق

بت يا نجوى انا مش فايق لك اوعي بقى سيبيني في حالي

نجوى بدلع وهي بتغريه وهي بتفتح ازرار بلوزتها

ما انا حالك يا صاصا ولا انت عندك راي تاني

نجوي شافت سكوته قربت منه وبدات في وضع قبلاتها علي جبينه و قبله علي خده الايمن و الايسر و قبله علي تفاحة ادم البارزة ثم نظرت لشفتيه وقبلتهم بشغف و مصطفى تجاوب كثير معاها و وضع يديه خلف راسها وهو يقبلها بشهوة و رغبه وهي تبادله قبلته بقوة 

//////////

في وقت الظهر كان قاعد احمد وروفان مع روان

احمد بهدوء

يا روان ارجوكي وافقي انا ما قداميش اي شغل هنا خالص ما حدش هيرضى يشغلني ومش هبقى مطمن لو سبتك هنا برده

روان بهدوء

انا مقدره كلامك يا احمد بس انا فعلا مش هقدر اسافر واسيب بلدي وبيت اهلي مش هقدر خد روفان واولادك مسافر زي ما انت عايز وانا هبقى كويسه

احمد

كويسه ازاي انا مش هبقى مطمن  ابن عمك وعمك ممكن يعملوا فيك اي حاجه واحنا مش موجودين عشان خاطري وافقي

روان بحزن

عشان خاطري  يا احمد ما تضغطش عليا انا مش هقدر اسافر وما تقلقش علي انا هبقى كويسه واديك عارف رجاله المنطقه كلهم بيبقوا موجودين لو حصل اي حاجه هيقفوا معايا مش عايزاك تقلق وبعدين محمد موجود هو وندى ما فيش داعي للقلق

احمد بضيق

محمد مين ده يا ماما اللي هيقف جنبك ويساعدك محمد اللي خلى اختك تقطع علاقتها بيكم ولا محمد اللي شافني بتبهدل ولا فكر يتدخل ولا ولو لحظه ارجوك يا روان فكري علشان خاطرنا

روفان بهدوء

ايوه روان احنا مش هنقدر نسيبك هنا لوحدك ما ينفعش يا حبيبتي

روان بضيق

لا ينفع وانا قلت لكم قبل كده ينفع ما تشيلونيش ذنبكم سافروا زي ما انتم عايزين لكن ما تجبرونيش اني اسافر معاكم انا هبقى كويسه لو سمحت يا روفان جهزوا ورق مع السلامه وانا هكلمكم كل يوم واطمنكم علي

احمد بضيق

خلاص يا روفان ما فيش سفر ولا حاجه انا هلغي الموضوع ده انت تميم موصيني عليك وانا لو سافرت عمري ما هبقى مطمن وانت هنا لوحدك

روان بدموع

لا يا احمد هبقى كويس ارجوك ما تضيعش فرصه زي دي من ايدك وما تشيلينيش ذنبك

احمد

ما فيش ذنب ولا حاجه خلاص عادي هدور على شغل هنا وخلاص

روان بدموع

لا يا احمد انت هتسافر على فرنسا دي فرصتك الوحيده انك تعيش انت واختي واولادك في مستوى كويس لو سمحت ما تضيعش حاجه زي دي من ايدك يمكن لما تستقر هناك اجي لكم على فرنسا لكن انا مش عايزه اسافر من دلوقتي لو سمحت احترموا قراري وسافروا انتم على فرنسا بعد اذنكم

روان دخلت اوضتها بسرعه وروفان قالت لاحمد بحزن

هنعمل ايه يا احمد

احمد رد وقال

..... 

يا ترى قرار احمد هيكون ايه هيسافر وهيسيب روان في شقتها ولا هيقنع روان انها تسافر معاهم ولا مش هيسافر خالص

تكملة الرواية من هنااااااا