رواية يعني اي ساب الفرح وهرب البارت الثاني 2 بقلم ايمان الرشيد
رواية يعني اي ساب الفرح وهرب البارت الثاني 2 بقلم ايمان الرشيد
part<2>
- انتِ بتقولي علي جوزاي منك فضيحه ؟؟!.
= ايوه فضيحه.
- طب انا هوريكي الفضيحه الا علي حق ، شوفي مين هيداري الفضيحه دي مُش هكتب عليكي.
- انتَ فاكر نفسك مين يا بتاع انتَ.
= اسمي ايوب ولما تتكلمي معايا تتكلمي عدل.
- هقت.لك اقسم بالله.
= اخرسي.
- مُش هخرس.
= طب اخرسي عشان مزعلكيش يا فيروز واتقي شري.
/وفعلا اتكتب كتابي علي ايوب بعد ما اهله اقنعوه يكتب
عليا بعد الكلام الا حصل بينا ، بعد ما كتب الكتاب خُلص واستغراب المعازيم ونظراتهم وهمسهم ودعت اهلي بحزن ودموع اوقات اختيارنا ووقفونا قصاد اهلنا بيبقي اكبر غلطه زي ما انا عملت وحلفتلهم ان قاسم غير اي حد طلع اكبر مخادع، ايوب خدني وروحنا شقته الا في بيت العيله.
- الفستان تقيل مش قادرة اطلع كل دا
= مُش انتِ اللي متنيلة ومختاراه.
- اي قلة الذوق دي احترم نفسك؛وبعدين قاسم كان هيشيلني.
= هرميكي من فوق هنا لو جيبتي سيرته تاني عاد.
- مجوزيني قتا.ل قُ.تله.
= قولتلك اخرسيي.
- انتوا مش عاملين اسانسير ليه ؟!.
= ليه ياختي فكرانا في الكومباوند.
- يباي عليك.
= شاطرة كدا بدأتي تلقطي.
- القط ايه؟
= كلام هتلقطي ايه يعني !! وايفاي؟
- منك لله ياقاسم علي الوقعه دي ؛هو فاضل قد إيه!
= قد اللي طلعناه.
- يااا لهويي الحقوني.
= يابت المهبول اكتمي .
/وهوووب قام شايلني قليل الأدب والربايه دا هو علشان بقا جوزي يشيلني يعني عنينا اتلاقت في بعض هربت من نظراته ، بس رموشه حلوه وطويله اوي ؟!
- ماتقولي اسكين كير رموشك وبشرتك كدا.
= يطلع ايه السكينكير ديه !؟
- يلهوي عالتخلف اسمه اسكين كير يعني روتين العنايه بالبشره اصل شايفه بشرتك صافيه.
= اااااه قولتيلي
- قولي بقا بتعمل ايه.
= بنضف قلبي خميس وجمعه من الصفار اللي فيه ف بيطفح ، علي اللي برا مش زي ناس.
/ايوا ايوا قليل الأدب بيلقح عليا بس والله لوريك النجوم
في عز الضهر استني بس ميبقاش اسمي فيروز ان ما ندمتك يا ايوب !!.
_________________
/وصلنا الشقه معرفش الدور الكام دا بصراحه هما لو بانين ناطحة سحاب مش هيكون كدا.
اول ما وصلنا راح راميني علي الأرض ،
- ااااااااه منك لله حد يرمي حد كدا
= اكتمي يابت انتِ مش كفايا لبسالي فستان 50 كيلوا وساكت؛ اه ياضهري منك لله جبتيلي الغضروف.
بصتله بحنق:
- بت تبتك اي بت دي شايفني بلعب معاك في الشارع انا هسكت ومُش هرد عليك.
= ايوه مُش عاوز حس خالص.
بصتله بغيظ:
- انننننننن.
= بتجولي حاجه؟!.
- بقول فين التواليت.
= التواليت الله يرحم؟!.
اتنهدت بضيق:
- انتَ هتقفلي علي الواحده عاوزين نقضي الكام شهر
دول مع بعض في هدوء.
اتكلم بهدوء:
= تعالي هوريهولك يا اخره صبري.
After a few minutes:
خبط علي الباب بقلق:
- انتِ نمتي في الحمام ؟!.
اتكلمت بعصبيه:
= اسمه تواليت يا جاهل.
- سيبنهولك يا متعلمه.
= انتِ نمتي جوه ولا اي برضوا.
/طلعت بعصبيه وبصلي باستغراب واتكلم باستفزاز:
- اي ده انتِ لسه مغيرتيش.
بصتله بضيق:
= مُش عارفه افك سوسته الفستان.
بصلي بهدوء واتكلم بنبره حنينه:
- لفي.
= افندم ؟!.
اتكلم بغمزه:
- تفكيرك راح فين هفكلك السوسته.
اتكلمت بغيظ:
= هفكها لنفسي مُش محتاجه منك مساعده.
اتكلم وهو بيمدد علي السرير:
- علي راحتك.
بعد عده ثواني طلعت بغيظ ودموعي علي خدي:
- هتفكلي السوسته ولا لا.
اتكلم بضحكه حاول يداريها:
= ما كان من الاول لازم تعملي فيها جامده.
بصتله بعصبيه:
- تصدق انا غلطانه.
مسك ايدي واتكلم بنبره حنونه:
= خلاص متتقمصيش تعالي.
/شال شعري علي جنب ومد ايده يفكلي سوسته الفستان ، نظرا لفرق الطول بينا اتكلم بجمود:
- انتِ قصيره كده لي.
= انتَ الا عمود نور.
- لسانك ده عاوز القطع.
/مشيت من قدامه عشان اغير الفستان ، اتنهدت بضيق وقعدت اعيط علي الا حصل وان مهما حاولت ابين ان
عادي ومُش فارقلي بس انا موجوعه في يوم وليله
الحال اتبدل واحلامي اتهدت لقيت نفسي مع شخص
لا هو بيطيقني ولا انا بطيقه وكل ده عشان الناس مع
ان هما في كلا الحالتين بيتكلموا بس علي رأيه اهون.
بصلي واتكلم بشك:
- كنتي بتعيطي؟؟
اتكلمت بصوت مبحوح:
- لا مُش بعيط.
= ايوه مهو باين علي وشك وصوتك اهو.
حاولت اغير الموضوع:
- انتَ يا بني ادم بتعمل اي.
= اي هنام.
- نامت عليك حيطه حالا اتفضل قوم نام في اوضه الاطفال.
= واي لازمتها اتفضل ، بعدين لو مُش عاجبك روحي انتِ.
دبدبت بغضب:
- مُش راحه.
= خلاص اتهدي وتعالي نامي عشان مُش ناقص صداع.
- اوف وسع.
= انتِ هتنامي كده ؟!.
- كده ازاي.
= بالاسدال.
- ايوه هنام كده انا مرتاحه كده.
= قومي غيري ربنا يهديكي قومي.
- انتَ مالك انا مرتاحه كده الله.
= متخافيش مُش هغت.صبك.
اتكلمت باحراج وتلعثم:
- اا...اا.. انتَ قليل الادب.
ضحك وبصراحه ضحكته تخطف القلب:
= طب قومي.
/وفعلا سمعت كلامه وقومت لاني مكنتش مرتاحه في الاسدال غيرت هدومي لبيجامه نوم حلوه ومريحه
وسيبت شعري علي ضهري.
شهقت بخضه لما شوفته عاري الصدر:
- انتَ البس التيشرت بتاعك انتَ مُش لوحدك.
بصلي من فوق لتحت واتكلم بجمود:
= لا جمر بالبيجامه.
نفخت خدودي بضيق واحراج:
- البس التيشرت انتَ مبتفهمش.
/قرب مني ورجعت لورا بخضه كل ما يقرب خطوه ارجع لورا خطوه لحد ما اتخبطت في الحيطه حاوطني بكتوف ايده اتكلم بابتسامه وهو بيبص ف عيني مُش هلبس بيتي وانا حر وبعدين انتِ مراتي في عادي جدا.
- مراتك علي الورق.
= بطلي تستفزيني عشان مخليهوش حقيقه.
- طب البس التيشرت.
= مُش هلبس.
بصتله باعجاب فتابع كلامه:
- هتاكليني بنظراتك.
= علي فكره مكنتش ببصلك.
- طب اسكتي عشان عاوز انام اليوم كان متعب.
/اتنهدت ونمت جنبه بهدوء قرب عليا وخدني في حضنه.
- انتَ مفكر نفسك جوزي بجد ابعد يعم.
= يعم !!
- ايوه ابعد عني انا قولتلك مليون مره متقربش مني.
شدني اكتر في حضنه:
= اتخمدي واسكتي عشان مش هسيبك مهما عملتي.
/سمعت كلامه وفعلا نمت من التعب اليوم كان متعب جدا.
______________
تاني يوم الصبح:
- مين كان هنا...واي صوت الخبط ده.
= اهلي واهلك كانوا جايين يطمنوا علينا.
- هما لي محسسيني ان الجوازه دي حقيقه.
= لسانك دايما بينقط دبش.
بصتله بكسوف:
- طب انا جعانه في اكل هنا ؟!.
= فيه علي السفره بره.
- انا مُش باكل الاكل ده.
= امال بتاكلي اي.
- باكل تشيكن فرايز وسوشي و...
قاطع كلامي واتكلم بحده:
=سوشي اي وبتاع اي هو البط والحمام والكوارع والمحشي.
- انا مُش هاكل من ده انا ممكن اكل المحشي.
= عنك ما كلتي هاكل انا.
بصلي بطرف عينه:
= تاخدي ؟!..
- هجرب انا اصلا مُش عاوزه اكل عشان متخنش.
= عاجبك وانتِ عامله شبه عود القصب كده.
بصتله بغيظ:
- ده عود فرنساوي انتَ مبتفهمش اصلا.
= لا مبفهمش الا في الكير.في بصراحه.
- طب اسكت متعصبنيش.
= تقريبا كنتي بتقولي مُش هتاكلي من الاكل ده.
- انا اصلا شبعت.
= بعد ما خلصتي الاكل علي العموم بالهنا والشفا.
- البط معجبنيش الباقي حلوين اوي.
____________________
بعد مرور اسبوع:
- صباح الخير يا جماعه.
= صباح النور.
= لسه صاحيه سيادتك.
اتكلمت بعفويه:
- ايوه لسه صاحيه ، في حاجه.
= لا نموسيتك كحلي.
- يعني اي مُش فاهمه.
= هتعملي فيها من باريس.
اتكلمت اخت ايوب:
= سيبك منهم.
- مشوفتوش ايوب؟!.
= هتلاجيه في الجنينه.
- وانا بجول ايوب هيسيبها تنزل كده ازاي.
= بصتلها باستغراب فكملت كلامي طب هروح اشوفه.
/روحت الحديقه بتاعتهم ادور عليه كُنت عاوزاه في موضوع مهم وبعدين ازاي يسيبني وينزل وهو قالي هننزل سوا يعرفني علي اهله الا انا مُش فهماهم دول.
لقيته بس مكنش قاعد لوحده فشاورتله مشافنيش فندهتله:
- ايوب.
بصلي بعصبيه مُش فاهمه سببها وجز علي اسنانه بغضب وقرب مني شدني من ايدي:
= ده انتِ ليلتك طين ومُش هتعدي.
يتبع...
اكتب في بحث جوحل( مدونة قصر الروايات) تظهر القصص كامله
تابعونا علي قناة التليحرام من هنااااااااااا
ليصلكم اشعار بالنشر
الجزء الاول من هناااااااااااا الرواية كامله من هنا ☝️☝️☝️☝️☝️
تعليقات
إرسال تعليق
فضلا اترك تعليق من هنا