رواية بنت عمي طلعت رقاصه البارت الثاني 2بقلم رحاب القاضي جديده وحصريه في مدونة قصر الروايات

رواية بنت عمي طلعت رقاصه البارت الثاني 2بقلم رحاب القاضي جديده وحصريه في مدونة قصر الروايات 

رواية بنت عمي طلعت رقاصه البارت الثاني 2بقلم رحاب القاضي جديده وحصريه في مدونة قصر الروايات 

#بنت_عمي_طلعت_رقاصه💃

_البارت التاني

_فأوضة ادهم كان قاعد بيخلص شوية شغل ع اللابتوب بتاعه وبعدين خلص ودخل غسل سنانه وجه ينام سمع صوت دوشه جاي من تحت، فاتعصب ونزل بسرعه.. 

واتصدم لما لقي كامليا واقفه فنص البيت وهي رابطه طرحه حمرا ع وسطها وجنبها مازن رابط طرحه حمرا هو كمان ع وسطه ومن الناحيه التانيه حلا ورابطه نفس الطرحه الحمرا، وسعاد قاعده عالكنبه بتسقف.. 

كامليا وهي بتغني: اماااا نعيمه.. 

حلا ومازن وهما بيرقصو: نعمين.. 

كامليا: امااا نعيمه.. 

حلا ومازن: نعمين.. 

كامليا وهي بترقص بشكل جميل: متخلي عليوه يكلمني، انا قولت لابويا وشارطه عليه يديني ميه وعشره جنيه ويجيبلي نحاس والنجفه عليه والخاتم اسمي واسمه عليه وانا عايزه بابور وحسيره عليه وحبيبي يرش الورد عليه، امااااااا نعيمه.. 

حلا ومازن: نعمييين.. 

كامليه: متخلي عليوه يكلمني.. 

صرخ فيهم ادهم بصدمه وعصبيه: باااااااااااااس، فضحتونا قدام الجيران ي عرر.. 

_جري مازن وحلا وسعاد لفوق وفضلت كامليا قدامه مش عارفه تروح فين من خوفها وانها لسه متعرفش البيت كويس.. 

كامليا بخوف: يولاااد الغداره الحقوووني.. 

قرب منها ادهم وقال من بين سنانه: بقالك ساعه بس فالبيت وقلبتيه كباريه... 

كامليا بقلق: موهبه من عند ربنا اوعي تعترض بقي للتسخط عرسه.. 

زعق فيها: اخر مره تتصرفي كده هنا، وتقعدي باحترامك والا والله العظيم هربيكي بطريقتي.. 

اتعصبت كامليا وزعقت فيه: حووش حووش سكتناله دخل بحماره، تطلع مين انت ي عسل عشان تكلمني كده.. 

ادهم بحده: وطي صوتك وشغل الرقصات ده تبطليه وفوقي انتي دلوقتي بنت كمال السيوفي ارتقي شويه.. 

زقته فكتفه اووي وقالتله بغيظ: خليك فحالك ي عسل وانا اقعد هنا براحتي بيتي زي مهو بيتك وطريها شويه عشان تسلك معايا بدل م.. 

قبل متكمل كلامها شدها من دراعها جامد لاوضتها، فصرخت هي وزعقت فيه: سيبني ياااه وربنا هعروك سيبني حد ينقذني من التور ده.. 

ذقها فاوضتها وقالها بعصبيه: اتخمدي واتهدي بقي ي شيخه.. 

كامليا بغيظ: بتستقوي عليا طيب بس يجي ابوك وانا هشوفلي حل معاك وهخليه ينفخك مره وحده مش وحده وحده.. 

دخل الاوضه وزعق فيها: البيت ده محترم ولو محدش هيعرف يلمك قبل متخربيهم ويبقو زيك انا هربيكي وهخليكي محترمه غصب عنك.. 

ادايقت جدا من كلامه فاتملت عينيها بالدموع وردت عليه: وانت بقي جاي لوحده اتربت فبيت رقاصه مع واحد طول اليوم الكاس والسجاره فايده وتقولها هربيكي، كفي نفسك ي عسل السكه اللي انت عايزني امشي فيها اتقفلت فوشي من عشرين سنه لما اترميت فالملجأ.. 

كان كلامها مليان حزن فمقدرش يرد عليها، وبعدين وقفت هي عند. الباب وقالتله بعصبيه: سكتك خضرا يلا.. 

مفهمش ادهم كلامها وسألها: يعني اي؟.. 

كامليا بعصبيه: اطلع بره ي عسل.. 

اتعصب منها وقال: بطلي تقوليلي عسل دي ي قليلة الذوق انتي.. 

كامليا بضيق: اللهم اغزيك ي شيطان، اطلع بره وخلصني.. 

ادهم وهو بيطلع بره: هطلع عشان اروح اربي الجزم التانين بس كلامنا مخلصش وبلاش تغلطي تاني ومتنفذيش كلامي و.. 

قبل ميكمل كلامه قفلت الباب فوشه وهي بتقول بعصبيه: يخي يخربيت ام درس العربي بتاعك اللي مش بيخلص ده.. 

بصلها بصدمه بعد مقفلت الباب وقال وهو بيضحك بهدوء: وربنا هتشل قريب... 

_راح لاوضة مامته واول مدخل استخبي مازن وحلا ورا سعاد اللي كانت بتبص لادهم بخوف.. 

ادهم بزعيق: انتي ي ماما طيب هما وتافهين وعيال وحضرتك بتسقفيلهم.. 

حلا بخوف: ايوه ي ادهم ماما السبب هي اللي سقفت.. 

مازن بقلق: ايوه هي السبب ع رأي المثل طول ما القرد لاقي حد بسقفله يبقي يتنطط براحته.. 

سعاد بغيظ: ااه ي قرد منك ليها بتدبسوني انا فوش ابو الغضب.. 

ادهم بحده وهو بيبص لمازن وللطرحه اللي ع وسطه: افرحي ي ماما بقي عندك بنتين حلا وزي زي.. 

اتغاظ مازن وقاله: اي زي زي دي هي الدقن دي مش ماليه عينك.. 

رد عليه ادهم بسخريه: انا مفيش حاجه ماليه عيني بصراحه غير الطرحه الحمرا اللي ع وسطك دي.. 

اتصدم مازن وقال: يالهوي هو انا لسه مفكتهاش ي فضحتك ي زي زي.. 

زعق ادهم فيه وفحلا: تعالي هنا قدامي انت وهي.. 

حلا بخوف: لا مش هاجي هو العمر بعزقه.. 

مازن بقلق: وانا اللي عايزني يجيني.. 

اتعصب وقال: مش هقول تاني تعالي قدامي منك ليها.. 

وقفو الاتنين قدامه وهما خايفين فسألهم بهدوء: من غير هزار وضحك، انتو فرحانين ان بنت عمكم رقاصه؟.. 

بص مازن وحلا لبعض باحراج، وردت. حلا عليه: لا طلعا مش مبسوطين.. 

مازن بهدوء: بس احنا قولنا نفرفش شويه عشان تاخد علينا بسرعه ومتستغربناش.. 

ادهم بجديه: يبقي بطريقتنا احنا، منخليهاش تفضل فاكره انها بتعمل حاجه صح، احنا عايزين نغيرها وتبقي هي زينا وزي البيئه اللي طلعنا فيها مش نبقي احنا زيها.. 

سعاد: اخوكم معاه حق ي ولاد.. 

مازن بسخريه: لا مع نفسكم. بقي انا عايز اللي يغيرني ويلمني.. 

حلا: عيب ي مازن، خلاص ي ادهم انا هعمل زي مقولتلي بس هخليها تعلمني الرقص.. 

سعاد بحماس: وانا كمان دي عليها هزت وسط ولا صفيناز.. 

زعق ادهم فيهم بصوت عالي: برضو عايزين تعملو زي المنحرفه اللي جوه دي... 

زعقت كامليا من اوضتها وهي بتقوله: اكتم ي عسل بدل ما المنحرفه دي متطلع ترنك علقه تجيب اجلك.. 

ضحكو كلهم وقال ادهم بغيظ: مفيش فايده انتو عيله من كبيرها لصغيرها مكانها الوحيد مستشفي المجانين.. 

ــــــــــــــــــــــــــــــــــــــــ 

تاني يوم فشركة السيوفي كان ادهم مشغول فاعماله هو وباباه، وكانو بيحضرو اجتماع مهم .. 

عزت بصوت واطي: مش المفروض كانت كامليا تيجي تحضرالاجتماع ده بما انها شريكه رسميه معاك.. 

اتغاظ ادهم ورد عليه: وهتجيبها تعمل اي دلوقتي تلم النقطه.. 

ضحك عزت وقاله: البركه فيك تعلمها هي ومازن وحلا.. 

بصله ادهم بعصبيه ورد عليه: خلينا فالاجتماع ي حج.. 

عزت بغمزه: طيب خلي بالك بقي عشان البنت ام عيوم خضرا دي منزلتش عينها من عليك ي شقي.. 

اتنهد ادهم بنفاذ صبر: ياارب صبرني الاقيها منين ولا منين الا مفيهم واحد بس عاقل.. 

ــــــــــــــــــــــــــــــــــــــــ 

_فجامعة مازن، كان قاعد مع صحابه وهما بيضحكو بصوت عالي.. 

فقربت منه البنت اللي قاعده جنبه وقالت بصوت ناعم: طلع دمك خفيف اووي ي مازن.. 

ضحك مازن وقالها بهيام: ده بيبقي اخف اكتر لما نبقي لوحدنا.. 

ضحكت البنت بصوت عالي وبعدن كشرت لما لقيت في بنت تانيه واقفه ورا مازن ومتعصبه جداً.. 

مازن بقلق: لي بس التكشيره دي ده احنا مصدقنا الشمس طلعت.. 

زقته البنت اللي واقفه وراه بايديها الاتنين ع ضهره فوقع ع الارض وزعقت فيه هي بعصبيه: ده انا اللي هخليها تغيم وتضلم عليك باقي عمرك بتخوني تاني ي مازن.. 

وقف صاحب مازن وقالها بسخريه: تاني اي بس ي ناني قصدك ميه ميتين.. 

وقف مازن وقال بسرعه: سيبك منه ده بيهزر وبعدين انتي اللي اتاخرتي عليا.. 

زقته بعيد وردت عليه: اتاخر عليك نص ساعه ارجع الاقيك بتخوني ياخي كفايه بقي.. 

سابته ومشيت فجري بسرعه وراها وهو بينادي عليها.. 

مازن: ي ناني استني والله مخنتك ده انا بس كنت بهزر.. 

دمعت عينيها وقالتله: في فرق بين الهزار وانك تعاكسها وهي تضحك وموافقه.. 

مازن بحزن: انتي ظلماني ع فكره انا بعمل كل ده عشان علاقتنا تستمر.. 

اتعصبت وردت عليه: انت عايز تجنني علاقتنا هتستمر ازاي وانت بتخوني؟.. 

مازن بهدوء: ي عبيطه انا لما اتعرف علي بنات غيرك ده لمصلحتك عشان كل معرف وحده غيرك اقول والله ي مازن مهما دورت ولفيت مفيش غير ناني تملي عينك.. 

ناني بسخريه وحزن: انت اللي زيك ي حبيبي مبيملاش عينك غير التراب انت اي انثي معديه حتي لو جموسه هتبصلهاا مدام انثي.. 

مازن بقلق: طيب وربنا ظلماني طيب احنا بقالنا شهر مرتبطين صح؟.. 

ناني بهدوء: ايوه اول يوم دخلت فيه الجامعه انت شقطتني.. 

مازن: بعيد عن شقطتني دي، انتي غيبتي كام يوم فالشهر ده؟.. 

ناني بعدم فهم: 10 ايام اللي غبتهم، انت لي بتسأل؟... 

مازن بخبث: حلو انتي غيبتي 10 ايام وانا اقسم بالله مخنتك فيهم غير ست مرات شوفتي انا مخلص ازاي.. 

شدته من ياقة هدومه وقالت بعصبيه من بين اسنانها: ورحمة امي ي مازن هي مره وحده تاني لو لمحتك بتخوني مره كمان هسيبك للابد.. 

اتغاظ منها وقال: حرام عليكي ي ناني طيب خليهم تلات مرات.. 

زقته وصرخت فوشه بعصبيه: مبس بقي ي شيخ ارحمني، اقولك من غير مره كمان انا مش عايزه اعرف اهلك تاني.. 

_سابته ومشيت فادايق، هو بيحبها لانها غير كل البنات اللي عرفهم رغم انها مش غنيه زيه ومن عيله بسيطه بس جميله جدا وطيبه وهو مش قادر يسيبها.. 

_بعدين لمح بنت حلوه اووي معديه من جنبه فضحكلها ومشي وراها وهو بيقول بمرح: ي غزال ي شغل عالي تعالي بينا ع الغابه... 

ــــــــــــــــــــــــــــــــــــــــ 

_وقفت عربية ادهم قدام باب بيتهم، نزل السواق وفتحله الباب باحترام ونزل من العربيه ادهم وهو ماسك جاكيت بدلته فايده، دخل بيتهم وهو بيتكلم فالموبيل مع حد ع الشغل.. 

ادهم بزعيق: مفيش تأجيل تاني بكره العشا وهنتفق ع الصفقه.. 

_قفل الموبيل وكان لسه هيطلع السلم عشان يروح اوضته بس شااف كامليا وهي جايه من بره ولابسه فستان ازرق باكمام خفيفه واصل لركبتها وفارده شعرها بشكل جميل ع ضهرها وكانت فعلا مختلفه جداً حتي انه معرفهاش وافتكرها وحده من صحاب حلا اخته.. 

قرب منها وهي ماشيه بالراحه وقالها بهدوء: خير ي انسه حضرتك عايزه مين؟..  

بصتله بقرف وزعقت فيه: انت هتستهبل بروح امك.. 

اتخض وقال بصدمه: كامليا... 

كامليا بعصبيه: ايوه كامليا هتعمل مش عارفني.. 

ضحك بسخريه ورد عليها: لا مش قصدي بس انتي اللي نضفتي.. 

اتعصبت وكانت لسه هترد بس جات حلا وباباه.. 

حلا بحماس: اي رئيك فيها بقيت ولا الفنانين دي اخدت كمية معاكسات واحنا جايين.. 

اتغاظ هو وردت هي بكل ثقه وقالت: هه اقل حاجه عندي.. 

عزت بخبث: كده انتي زي القمر ي كامليا وعايزك تبقي بكره احلي كمان عشان هتروحي عشا عمل مع ادهم.. 

اتعصب ادهم وقال: مستحيل تيجي معايا انا مش ناقص فضايح.. 

_تاني يوم... 

جهزت كامليا ولبست فستان اسود طويل من غير اكمام وحطت مكياج خفيف وكانت خلوه اووي وطلعت لادهم اللي مستنيها عشان يروحو الحفله.. 

بصلها ادهم وسرح فيها وقالها بهدوء: انتي حلوه اووي.. 

اتوترت بس زعقت فيه وقالتله: متتلم ي عسل بدل متضرب.. 

اتغاظ منها ورد عليها: يخربيت لسانك فصل اللحظه.. 

قربت منه وقالتله بقلق: بقولك اي هو عشا العمل ده بيكون ازاي انا معايا دبلوم يمشي معاهم.. 

كتم ضحكته ع طريفتها ورد عليها بهدوء: انتي تبقي عملتي اكبر معروف فينا لو سكتي وسيبتيني انا اتكلم تمام.. 

ردت عليه بسخريه: مع اني مش برتاحلك بس مش قدامي غير اثق فيك.. 

فتحلها باب العربيه وقالها بهدوء: اتفضلي ي كامليا هانم.. 

ردت عليه وهي بتركب العربيه: يزيد فضلك يخويا.. 

_ضحك ع طريقتها وراح ركب جنبها من الناحيه التانيه بعد مفتحله السواق الباب.. 

من فوق فالبلكونه بتاعت البيت كان واقف عزت وجنبه سعاد وجنبها مازن وجنبه حلا وهما بيبصو عليهم من بعيد.. 

عزت: تفتكري ي سعاد ادهم هيحبها او حتي هيعجب بيها؟.. 

سعاد بقلق: تفتكر ياد ي مازن؟.. 

مازن وهو بيبصلهم بتركيز: اشك لان ادهم ده جبله مبيحسش، بس تفتكري ي حلا؟.. 

حلا باهتمام: طيب افرض ادهم اعجب بيها، هي بقي تفتكر ي مازن هتعجب بيه؟.. 

مازن بقلق:  مش عارف تفتكري ي ماما؟.. 

سعاد بعصبيه: بس بقي وترتوني.. 

عزت بضيق: جرا اي ي سعاد هتفضحينا العيال يقولو بنتجسس عليهم مينفعش عيب.. 

حلا بفرحه: الله ادهم فتحلها باب العربيه.. 

سعاد بغيظ: اخص عليك ي عزت عمرك معملتهالي واحنا مخطوبين.. 

عزت بسخريه: عشان وقتها مكنتش عندي عربيه ي سعاد.. 

مازن: تعالو نتفرج ع فيلم تحت لحد ميجو، عملتي الفشار ي ماما.. 

سعاد بحماس: ايوه وعملتلكم كيك الشوكلاته وجيبتلكم لب.. 

ــــــــــــــــــــــــــــــــــــــــ 

_بعد شويه 

وقفت عربية ادهم قدام مطعم راقي جدا، وفتح ليه السواق باب العربيه ونزل بكل هيبه وثقه.. 

نزلت ورااه كامليا وقالت: بقولك ي عسل هو انا ينفع اقلع الجزمه اصلها دايقه وورمتلي رجلي.. 

اتنهد ادهم بنفاذ صبر ورد عليها: اقسم بالله لو فتحتي بوقك تاني هحبسك فالعربيه لحد مخلص فاهمه.. 

_هل هتسكت كامليا ولا اي اللي هيحصل الحلقه الجايه؟

تكملة الروايه من هنااااااا

اكتب في بحث جوحل( مدونة قصر الروايات) تظهر القصص كامله

تابعونا علي قناة التليحرام من هنااااااااااا

ليصلكم اشعار بالنشر

الرواية كامله من البدايه  هناااااااااااا