رواية انت الترياق البارت 31الأخير بقلم هايدي احمد كامله
رواية انت الترياق البارت 31الأخير بقلم هايدي احمد كامله
البارت ال31 من #انتِ_الترياق الأخير
ااه واخيرا هدخل اخد شاور يوم الوقفه ده متعب اوييي يا ليلة العيد انستينا وج.....جاسر...انت بتعمل ايه فى البنت
كان جاسر مقعد البنت وساندها على السرير وحاطط قدامها مخده عشان ما تقعش وجايب مشط صغير وبيسرح شعرها
يا خبر انت بتعمل ايه
ايه... لقيت شعرها مش متسرح فسرحتهولها
حرام عليك يا جاسر لسه بدرى على لما يتسرحلها متحطش المشط تانى على راسها لسه طريه ومذنبها كده ليه حرام عليك
راحت غزل شالتها
دى لسه بدرى انها تقعد كدههههه
كانت رقيه رافعه ايديها وبتبص على غزل وهى بتزعق وبتضحك بتلقائية وهى بتبص لجاسر وغزل
جاسر.. دى بتضحك
ضحك جاسر على ضحكتها
انتى بتضحكى يا قلب بابا عجبتك مامى وهى بتزعق
يعنى ايه بتزعق
احم مش قصدى يا حبيبتي
طب بص خليها معاك على اما ادخل اخد شاور
شالها جاسر وهو بيلاعب فيها على اما غزل تطلع
تعالى يا روح بابا هتتعودى هتتعودى انتى كنتى بتضحكى لبابى يا بت انتى
قعد جاسر يلاعبها بس قعدت تعيط عشان غزل مشيت وهو بيهدى فيها ومش راضية تسكت
غزل...غزل اطلعى بسرعه البنت بتعيط
بعد دقايق خرجت غزل وهى حاطه الفوطه على كتفها وشعرها مفرود وبينقط ميه
فى ايه يا روحى بتعيطى ليه ..تعالى
مسكتها غزل وقعدت بيها على السرير
شوفيها مالها فى حاجه وجعاها
لا متقلقش دى جعانه هرضعها وهتبقى كويسه
قعد جاسر جمبها وكانت غزل لابسه روب الحمام ومسكتها كويس عشان ترضعها بس وقفت لما لقت جاسر لسه قاعد
احم...قولت هرضعهااا
ما ترضعيها يا حبيبتي
ايوه ما تقوم عشان ارضعها
انتى مكسوفه منى ولا ايه امال جبناها ازاى
ضربته غزل بكوعها
جاسر بس بقى ايه الى بتقوله ده .
مسكها جاسر وقربها منه اكتر
لا ده بجد بقى ومكسوفه منى
جااسر
ضحك جاسر وقربها منها ولسه هيبو*سها
بابييي ..انتم تعملوا ايه
اهلا اهلا بالعي.....سلام قولا من رب رحيم انت مين
وفين مايا مراتى
كانت مايا قاعده فى الصاله حاطه ماسك ازرق وبتحط مونكير وبصتله بإستغراب
فى ايه يا حازم مالك
ايه ده انت عارف اسمى
حازم بطل هزارك البايخ ده
طب بذمتك ده شكل نبدأ بيه العيد انا مش عارف انتم بتحطوا الحاجات دى على وشكم ازاى الرجل الازرق ههه
بصتله مايا بضيق ومردتش عليه وهو بيضحك
بعد خمس دقايق
كان حازم قاعد جمب مايا وهو حاطط نفس الماسك ومايا بتبصله بإنتصار
ده عشان متتريقش عليا تانى
ربنا على الظالم والمفترى
بس اسكت لعند ما الماسك ينشف
طب النيله دى هتنشف امتى
عشر دقايق
يعنى هفضل حاطط ده على وشى عشر دقايق لييه
هو كده وبعدين ده ماسك تقشير لسه مسك السنفرة و الرؤوس السودا
يا نهار ابيض ده اول واحد لا بصراحه بتتعبوا انا اسف بس شيلى البتاع ده من على وشى
لا قولت استنى عشر دقايق
ربع حازم ايده بغيظ وسند ضهره ومايا بتضحك عليه
بعد جاسر عن غزل بسرعه
احم ..مفيش يا داوود ماما كان فيه حاجه فى عنيها وكنت بنفخ فيها
ضيق داوود عينه بعدم تصديق وبعدين قرب منهم
امم طب انا عايس العب مع رقيه سويه واسيلها
لا يا داوود مش هتعرف تشيلها تقيله عليك
لا مش تقيله دى صغنونه وهعرف اسيلها
طب بص هأكلها وبعدين تعالى العب معاها
بس هتكون نامت انا عايس دلوقتى
لا مش هتنام متقلقش يلا خد بابى واطلعوا على اما اكلها
طب وبابى ماله دلوقتى عملك ايه ما انا قاعد ساكت
لا انت مش هتقعد ساكت يلا خد داوود واطلعوا بره والا هنادى بابا
لا وعلى ايه ايدك يا داوود شكلى هنام معاك الليله تعالى
ضحكت غزل على شكله وهو واخد داوود وطالع بره وبيبصلها بصعبانيه لكن هى مش راضيه فخرج وقفل الباب
كله عشانك يا ست رقيه ..تعالى يا قلب ماما انتى جحانه يا بت انتى
عاجبك كده كان لازم تدخل دلوقتى
ليه يا بابى انا عملت ايه
لا متاخدش فى بالك تعالى
يا مايا كفايه ابوس ايدك
كانت مايا واقفه وماسكه فرشة الماسكات وبتحط ماسك تانى على وشه
بس يا حازم اثبت متتحركش
كفايه يا مايا ده هيتشال بصعوبه
لا ما انا حطيت منه اهو يا حازم بس خلينى اكمل
امرى لله
بعد ربع ساعه
اااه الحقنى يا حازم مش راضى يتشال بيوجع اوييي ااااع يا مامااا
كان حازم بيبصلها بصدمه لانه محطوط على وشه كله وحواجبه
انت واقف ليه اعمل حاجه
اعمل ايه منك لله يا شيخه انتى غرقتى وشى بيييه
ايه يا ولاد منمتوش ليه
لا مفيش غزل طردانا عشان بتنيم رقيه
ههه ده بس عشان فى الاول بكره تتعودوا انا هقوم انا وانتم كمان ادخلوا ناموا عشان تصحوا بدرى لصلاة العيد
جدو هو العيد ليه سلاه
اه يا حبيبي بنصليها بعد الفجر كلنا
انا كمان عايس اسلى معاكم
ماشى يا عم بس تصحى بدرى
حاضر انا هروح انام
بعد شويه طلع جاسر لقى غزل بتحط رقية فى سريرها وبتشاورله عشان ميعملش صوت
ااه واخيرا نامت انا هه*وت وانام بجد
لا تنامى ايه بس ده انا ما صدقت رقيه نامت
شدته غزل وراها
جاسر يلا يا حبيبي كده اتغطى ونام ومسمعلكش صوت ماشى
كان لسه جاسر هيتكلم بس غزل طلعت على السرير واتغطت ونامت فى حضنه فابتسم واخدها فى حضنه
ابقى صحينى بكره بدرى معاك عشان عايزه اصلى
حاضر
باس جاسر راسها و ناموا
حازم انت نمت
ايوه عشان اصحى بدرى
لا قوم متنمش دلوقتى
ليه عايزه تجربى عليا حاجه تانيه ولا ايه
لا كده خلاص خلصنا كل الماسكات بس قوم نتفرج على فيلم سوى او مسرحيه
مايا الساعه ٢ دلوقتى تعالى نام عشان نصحى للفجر
بس انا مش عايزه انام عليزه الليله تبقى مميزه من اولها
تعالى ربنا يهديكى تعالى
يا حازم بقاا
نامى والا هنيمك بطريقتى وانتى حره
يوووه
غطاها حازم وبعدين اخدها فى حضنه وهى متضايقه و ناموا
الصبح
دخل جاسر الحمام ياخد شاور وطلع لقى غزل مجهزاله جلابيته والبرفان والساعه بتاعته ابتسم وراح سلم عليها وباس راسها
كل سنه وانتى طيبه يا حبيبتي
وانت طيب يا حبيبى كل سنه وانت معايا
ده اول عيد يعدى عليا واحس انى متجوز بجد جيتى ونورتى حياتى
ابتسمت غزل وعنيها بتلمع
بحبك
ايه ..قولتى ايه
قولت بحبك
ده انا الى بموت فيكى
قرب منها جاسر وبا*سها وهى بتحاوط رقبته بس بعدت عنه بسرعه اما الباب خبط وداوود بينادى بره
بابييي
المره الجايه هحبسه قبل ما اكون معاكى فى حته
ههه طب افتحله بسرعه
حاضر ياختى رايح افتحله
راح جاسر وفتح الباب ودخل داوود
مامى انا عايس البس انا كمان عسان اسلى مع بابى
حاضر يا حبيبي
اخدت غزل داوود ولبسته الجلابيه الى جاسر جايبهاله وسرحتله شعره وبعدين دخلت الاوضه كان جاسر بيحط برفان وبيسرح شعره ابتسمت غزل وراحت لبست عباية العيد الى جاير جابهالها وراحت عشان تلف الطرحه
وقفت لما لقت جاسر جاب سلسه وجاب شعرها على جمب ولبسهالها وهى بتضحكله وبعدين باس راسها
يلا عشان منتاخرش
طب اسبقنى انت على لما الف طرحتى
نزل جاسر وراح ياخد داوود ونزل تحت
وبعد شويه نزلت غزل ومعاها رقية ووراها والد جاسر وسلموا عليه
كل سنه وانتم طيبين يا ولاد عيد مبارك وسعيد علينا
تعالى يا حبيب جدو ..خد عديتك
هيييه عيديه
خدى يا غزل يا بنتى عديتك
انا كبرت على العيديه يا بابا
طول ما احنا موجودين انتم صغيرين فى نظرنا
اخدت غزل العيديه وهى بتضحك
حبيبة جدو انتى عيديه تانيه خالص
شالها جدها وباسها واداها لغزل
امسك يا جاسر يا ابنى
امسك ايه يا بابا
انت بالذات مكبرتش على العيديه
اخد جاسر العيديه وبصلها بإبتسامه كأنها بترجعله ذكريات كتير
يلا يلا يا ولا عشان منتأخرش على الصلاة يلا اتصل بحازم وحماك عشان يقابلونا هناك
بعدها خرجوا وركبوا العربيه وطلعوا على المكان الى هيصلوا فيه جماعه
مايا. مايا... مايااا
ايييه فى ايه الى حصل
قومى صلاة العيد هتفوتنا يلا
لا انا عايزه انااام
مبدهاش بقى
شالها حازم على كتفه ودخل الحمام
حااازم لا مش عاايزه عايزه انااام
بعد شويه خرجوا من الحمام
قعدت مايا تسرح شعرها وترطب جسمها
اما حازم كان بيلبس جلابيته وعبايته وبعدين حط البرفان ولبس الساعه
يلا البسى عشان منتاخرش جاسر بيتصل
حاضر هتصل بماما الاول
بعدين البسى الاول ونبقى نعدى عليهم
بعد ربع ساعه خلصت مايا
خلصت
ما كنتى تطولى كمان شويه نصلى الضهر هنا
يلا بقى يا حازم
مشيت مايا بس حازم مسك ايديها
استنى
حضنها حازم وباس راسها
كل عيد وانتى معايا يا حبيبتي ومنوره حياتى
وانت معايا يا حبيبي
يا ايه
حبيبييي
حضنها حازم وهو بيضحك
شكل السنارة هتغمز النهارده
بس بقى يلا اتأخرنا
شدها حازم ونزلوا ركبوا العربيه ومشيوا
وصلوا كلهم لمكان الصلاة ونزلوا وصفوا الرجاله ووراهم الستات وصفوا جمب بعض
الله اكبر الله اكبر الله اكبر لا اله الا الله
الله اكبر الله اكبر الله اكبر ولله الحمد
الله اكبر كبيرا والحمد الله كثيرا
وسبحان الله بكره واصيله
خلصوا الصلاة ورموا البلالين وهم فرحانين
جه جاسر وحضن غزل وهم شايلين بنتهم وداوود بيلعب معاها وبيتصورا سوى
ومايا بتطير البلالين مع حازم وهم بيضحكم
حازم خلى الواد ده يجيب البلالين دى لون عبايتى
هجبلك انا بلالين تانيه
لا انا عايزاهم دلوقتى اتصور بيهم
يا بنتى متعمليش عقلك بعقل العيال
مليييش دعوه هاتلى البلالين ديي
كانوا بيصحكوا على حازم وهو بيتفاوض مع الولد وبيديله فلوس عشان ياخد البلالين
خدى يا ستى مبسوطه كده
اه طبعا يا حبيبى
ده انا عشان الكلمه هملالك الجنينه بلالين
عمو حاااسم هاات العيديه تاعتى
عينيا يا عم داوود احلى عيديه
حازم وانا كمان عايزه عيديه
حاضر عيديتك متشاله
لا عايزاها دلوقتى متضحكش عليا
ما خلاص بقى متخلنيش اديهالك قدام الناس وانتى حره ايه دى يا عمو
غمز حازم لمايا بخبث
العيديه يا داوود
خبطته مايا فى كتفه
ضمها حازم ليه وهو بيضحك
إن شاء الله العيد الجاى تبقى بنتنا او ابننا معانا
جاسر انا كمان عايزه البلالين دى اتصور بيها
عيلنا ولا ايه
بصتله غزل بضيق
خلاص مش عايزه منك حاجه
ضحك جاسر وسابها ومشى وبعد شوية رجع ومعاه مجموعة بلالين كبيرة اوى ضحكت غزل وهى بتتنطط لما شافتهم واخدتهم منه
وبعد ما اتجمعوا وعيدوا على بعض واتصوروا سوى وفرقعوا بومب العيد وهم بيهزروا سوى وسط اجواء العيد والفرحه والبلالين
اتجمعوا كلهم فى بيت جاسر عشان يتغدوا سوى
وطبعا الاكله الاساسية فى العيد
جبتلكم فسييخ ورنجه
لا انا مش هاكل فسيخ
ليه يا جاسر
مبحبوش
ولا انا انا مستحيل اكل فسيخ مستحيل كفاية ريحته بجد يا غزل
انتم الخسرانين خشى عليا انا بالفسيخ ده
ضحكم على حازم وبعدين حطوا الاكل وجهزوه وقعدوا يتغدوا سوى
كانت غزل بتاكل فسيخ بإستمتاع لانها بتحبه ومقابلها حازم اما مايا وجاسر الوحيدين الى مرضيوش ياكلوا فسيخ
جاسر خد دى منى
لا يا غزل مش هقدر اكله
دى بس يا جاسر دى بس
اعترض جاسر بس غزل اكلتهاله وعجبه نوعا ما واكل منه فعملتها مع مايا واكلتهالها
وكملوا اكل وخلصوا ما عادا مايا وحازم طبعا الى كانوا بيتخانقوا على الاكل
بس بقى كفايه يا مايا مش كنتى من شويه مش بتحبيه ايوه الكلام ده من شوية سبنى اكمل
قعدت مايا تاكل فى الفسيخه وهم بيضحكم
يا ابنتى كفايه اغتص*بتيها مش اكلتيها كفايه
لا لسه فيها شويه
طب اوعى كده
لااا سيب انا الى هاكلها اااع
بابى هم بيتخانقوا ليه
معلش يا حبيبي اصلهم لسه تحت السن لسه هيكبروا
قعدوا يضحكوا عليهم لعند ما اكلوا الفسيخ كله ومعادوش قادرين ياكلوا
اااه معدتش قادر
انا عايزه مياااه
لا متشربيش دلوقتى لانك هتشربى كتير اوى
مش قادرة عطشااانه
بعد شويه اتجمعوا كلهم قدام التلفزيون مع معادهم المنتظر مع سلطان السكرى والعيال كبرت وهم بيضحكوا من قلبهم بعد ما تمموا صيامهم بعيد الفطر والفرحه والبركه الى بقيت من رمضان محاوطينهم
والدك ووالدتك مش هيجوا يا غزل
لا يا بابا هبقى اروحلهم انا وجاسر والولاد بليل
طيب يا حبيبتي يلا يا سامى تعالى نقعد احنا بره
كل سنه وانتى معايا يا عيون جاسر ودوا قلبه
باس جاسر ايديها وعينيه بتلمع بيها
حضنته غزل وهى مبسوطه
وانت منور حياتى يا قلب غزل
الله شايفه عصافير الحب دول
ربنا يسعدهم
ويحنن قلبك عليا بقى
لا متقلقش حن من زمان بس مستنيك
بس كده ناديه بس بكلمه هيقولك شبيك لبيك انا ملك ايديكى
ضحكت مايا بكسوف
حلاوته الى بيتكسف يا ناس ما تجيبى بوسه
بس بقى اتلم الله
ماشيه معاك حلاوة انت يا كبير
طب خليك فى حالك يا رخم
كده
ولا يا داوود اقعد وسط امك وابوك ومتقومش
يا ابن ال
اى خدمه يا كبير وهات البت روكا اما اديها عيديتها تعالى يا حبيبة عمو يا خرابى على السكر
حظك بقى انك هتبقى اكبر من الواد الى هجيبه لولا كده مكنتش ضيعتك من ايدى
يا نهارك اسود انت يا ابنى عايز ايه من ولادى نفسى اعرف ما تتجوزنى انا كمان بالمره
مش سايبك الا اما اناسبك يا كبير ده انت حبيبي
ضحكوا على منشاوات جاسر وحازم سوى وبعدها كملوا المسرحيه وهم بياكلوا مكسرات وحلويات العيد وبعدها قرروا يخرجوا سوى عشان يتفسحوا ويتصوروا
وبعد مرور العيد وفترة كبيرة علاقة جاسر وغزل كانت كل مادا بتزيد وتعلقهم بالولاد والتزاماتهم وطبعا مبيعرفوش يقربوا لبعض الا ولازم داوود يقاطعهم او رقية تكون محتاجه حاجه
اودى ولادك دول فين عشان اخلص
ههه معلش بقى يا حبيبي بكره يكبروا
انا هستنى لما يكبروا
لا متقلقش مش هتستنى كل ده
حضنته غزل وهى بتخفف عنه وبتضحك
اما مايا وحازم علاقتهم اتطورت ومخلتش من خناقاتهم ومناوشاتهم سوى وعرفت مايا انها حامل وده فرح حازم جدا وفرح اكتر لما كشفوا وعرف انها بنت
اهو يا كبير مكذبتش خبر البنت دى من نصيب الواد داوود
الله يكون فى عونك يا داوود ياابنى
يا جدع متقولش كده الله ده يا سعده يا هناه
وطبعا كانت هرمونات مايا مش متظبطه نهائى وكل ده فوق راس حازم الى كان بيندب حظه
يا بنت الناس والله نسيت اجيبها هجيبها بكره
لاااا انت مبقتش بتحبنييي اهئ اهئ
طب بتعيطى ليه بس والله نسيت مش قصدى الفترة دى مضغوط فى القضايا ومش بفتكر
مليش دعووووه انت خاين ومبقتش بتحبنى انت بتخونى صح قووول
ايه الى جاب سيرة الخيانه بس استهدى بالله
اهئ اهئ
يادى النيله عليك يا حازم
حضنها حازم وهو بيهدى فيها
انا اسف انا خاين وواطى وكل حاجه انتى عايزاها بس متعيطيش خلاص البنت هتطلع كئيبة
قصدك ايه
لا يا روحى مش قصدى قصدى اضحكى كده وفرفشى متزعليش نفسك يا روحى ماشى
ماشى انا عايزه شيكولاته
من عينيا يا روحى احلى شيكولاته وكل الى انتى عايزاه يا حبيبي
وبعد عدة اشهر ولدت مايا بنت وكلهم كانوا فرحانين بيها واكترهم حازم
شالها حازم وهو بيكبر فى ودنها وبيبوسها وحطها جمب مايا وباس راسها وايديها
الف حمد الله على السلامه يا حبيبي مبروك علينا تتربى فى عزنا
يارب يا حبيبي
الف مبروك يا حازم وحمدالله على السلامه يا مايا
شوفت يا كبير مش قولتلك.. ادى البنت جت واتحجزت ها
عمو حازم انا عايز اشيلها
لا بعد اذنك يا داوود مش من اولها كده البنت لسه صغيرة بس اوعدك هتبقى من نصيبك لما تكبر
قعدوا يضحكم على حازم وجنانه واتطمنوا على مايا والبنت ومشيوا وفضل حازم مع مايا وبنتهم
مجنون حازم بجد
لا بالعكس ده طيب ودمه خفيف اوى
اممم وايه كمان
الله اتضايقت ولا ايه
اه طبعا متجبيش سيرة اى راجل على لسانك غيرى ولا حتى داوود الصغير
لا لا ده اوڤر صح يا جاسر
لا ده الطبيعى يا قلب جاسر
طب اوعى بقى
لا اوعى ايه انا هسيب داوود هنا مع عمو حازم وانتى نيمى البنت وتعالى اما اقولك كلمه سر
ههه مش مصدقه ان ده كله يطلع منك انت
لا استنى كتير منى كله على ايدك انتى يا روح جاسر
ضحكت غزل برقه وهى حاطه ايديها على قلبه
بحبك
ده انا الى بعشقك وبحمد ربنا انه هدانى بيكى
لقيت جزء فيكى
تكامل فـ كُلى
يا ريت يبقى كُلك
مكمل لـ كُلى
لإنك أميرة
عيونى أسيرة
تملى بسببك فـ حيرة و غيرة
لإنك حياتى
و روح ذكرياتى
أنا مش هسيبك ، و هفضل معاكى ❤️
طبعا بشكر الناس الى استحملونى الفترة الى. فاتت دى
واستحملت التأخير وكانوا مهتمين بالرواية ومقدرين المجهود وبيشجعونى شكرا ليكم بجد واستنونى فى رواية جديده
اكتب في بحث جوحل( مدونة قصر الروايات) تظهر القصص كامله
تابعونا علي قناة التليحرام من هنااااااااااا
ليصلكم اشعار بالنشر
الرواية كامله من البداية من هناااااااااااا
تعليقات
إرسال تعليق
فضلا اترك تعليق من هنا