رواية احبني ابن الاكابرالفصل الثالث 3بقلم شمس الصباح

 رواية احبني ابن الاكابرالفصل الثالث 3بقلم شمس الصباح

رواية احبني ابن الاكابرالفصل الثالث 3بقلم شمس الصباح

(3)

السرعه والجوده يعني المشروع بيستلم النهارده بيخلص بكرة ودي اكتر ميزه معروفين بيها 

ابتسمت وحسيت بفخر اني هشتغل في شركه زي دي وهيا قالت دا مكتبك ودا مكتب زميلك وهوا حاليا في اجتماع هيخلصوا وهوا هيشرحلك طبيعة الشغل وهيعملك الكارنيه الخاص بيكي 

قلقت جدا من فكره ان زميلي ولد بس قولت استني ومحكمش من غير ما شوف 

شكرت شهد وهيا ابتسمت وادتني رقمها وقالت دا رقمي خليه معاكي علشان لو احتاجتي اي حاجه كلميني 

ابتسمت وانا باخد منها الكارت وهيا مشيت 

قعدت علي الكرسي وانا بشوف المكتب وعجبني طريقة التصميم كانت كل المكاتب الي جمبي فاضيه لانهم زي مقالت شهد في اجتماع قلت استني لحد ما يخلصوا لاني مش عاوزه اعمل حاجة انا مش فهماهه 

بعد ربع ساعه سمعت صوت دوشه لقيت شباب وبنات خارجين من اخر الطرقة والغريبه انهم مش لابسين الاوتفين بتاع الشركة زي الي شوفتو تحت يعني البنات بشعرهم عادي بس لابسين بدل والشباب هكذا كلهم عدوا من جمبي وانا كانت عنيا عليهم منتظرة اشوف مين الشخص الي معايا في التيم بس كلهم قعدوا علي مكاتبهم ومفيش اي حد ظهر بصيتلهم لقيتهم بداو شغل والغريب انو محدش انتبه ليا معقول الشركة دي قوانينيها صارمة للدرجة دي انهم مبيتكلموش غير في الشغل بس 

قعدت وعدا ساعه وانا لسا زي منا وكنت خلاص مليت لقيت ملفات بتتحط قدامي رفعت عيني اشوف مين الي حطه لقيتوا نفس الشاب المچنون 

بصيتلوا پصدمة هو انت 

قعد من غير ولا كلمه وبدا شغل 

كنت قاعده

مش فاهمه هوا بيعمل ايه ولي مش مديني اهتمام 

قولتلوا بصوت مخڼوق هو حضرتك زميلي 

بصلي بطرف عين وهز راسوا 

قولت طيب انا زميلتك الجديده وشهد قالتلي انك هتوريني شغلي وتفهمني كل حاجه 

لقيتوا هز راسوا وقرب مني وانا اتوترت وحط قدامي الملف وقالي بصي هنا 

بصيت بس مفهمتش حاجه 

قالي انا حاليا براجع الملف وانا هخلصوا وانتي هتنقليه علي اللاب توب 

بصيتلوا وهزيت راسي وهوا كان خلص بعد شويه واداني الملف 

انقلي كل الحسابات دي علي الملف دا وحوليه للمدير 

بصيت بتركيز وبدات اعمل زي مفهمني بس مكنتش عارفه اثبتو 

لو سمحت انا مش عارفه اثبت الملف 

اخد مني اللاب توب وبدا هوا يثبتوا ووراني الطريقه وانا مركزه معاه وبعد ما انتهي بصيت لشكلوا لقيتوا مشاء الله جذاب وملامحه جميلة جداا 

بصلي وانا بعدت وشي بحرج وقال كدا الملف دا خلص وجه وقت البريك هنقعد ساعه وبعدها هنرجع تاني لشغلنا 

انا كنت سامعه كلاموا ولاكن كان كل تفكيري هوا مين دا وليه باين شخص عادي يعني هوا حاليا موظف بس ازاي كان راكب عربيه فخمه كدا ويوم اما وقف الميكروباص كانت الناس خاېفه منو شخص مجهول مش فهماه 

وقف وقالي انو هيمشي وهيرجع بعد ما البريك يخلص 

بصيت لباقي الموظفين لقيتهم بيقوموا ورايحين من نفس الاتجاه وانا كنت قعده مكاني مش عارفه اعمل ايه قررت اتصل ببابا واطمن عليه 

الو ايوا يا حبيبي عامل ايه في الشغل 

رد بابا الحمد لله ناس اخر كرم يا بنتي والله انا حاسس ان دا عوض من ربنا 

ابتسمت وقولت بجد يبابا بس احكيلي عملت ايه لما روحت 

بابا الشغل طلع مش بواب يا شمس 

اټصدمت وقولت امال ايه يا بابا 

بابا صاحب القصر عندو تلات اولاد كل واحد فيهم جنسيتوا مختلفه واحد مصري وواحد امريكي وواحد المانيا الثلاثه مش من نفس الام بس 

صاحب القصر عنده شركات كتيره واكترهم ان في كل بلد ليه فرع بس اختار امريكيا دا علشان ابنو يديرها. وبرضوا

المانيا علشان ابنو التاني يديرها وعندو شركه في مصر بس ابنه المصري رافض يديرها وشغال زيو زي اي موظف 

كنت سامعه كلام بابا بتركيز وقولت وليه المصري مش عاوز يدير الشركة 

بابا مهي دي بق المشكله الي طلبني فيها البيه صاحب القصر 

قولت باستغراب واي هيا يابابا 

بابا صاحب القصر دا كان شريك قديم لصاحب الشركه الي كنت شغال فيها قبل الحاډث وكان عارف اني كنت من اشطر الموظفين وعرف بقصة الحاډثه وقالي ان ابن صاحب الشركة هوا الي عملها ورتبلي الحاډث بس بعدها ربنا افتكرو وعلشان صاحب الشركة يحل الموضوع بعد ماخسر ابنه قرر ميرجعنيش الشركة وانا كنت

طول التلاث سنين بتعالج وكان بيسعادني هو صاحب القصر لانو عارف الي حصل زي مقلتلك يعني العلاج مكنش جاي ببلاش زي ما المستشفي بلغتنا بس هوا عمل كل دا علشان ابنو برضوا كان عارف الحكايه ومكنش يعرف انو ابوه بيساعدني وكان رافض الشغل في شركة ابوه ولما ابوه صمم علي شغلوا في الشركة قرر يشتغل موظف عادي وانا شغلتي في القصر اكون مساعد للبيه الكبير ونعمل خطة علشان ابنو يقتنع ان ابوه مسبنيش ولازم يصدق كدا علشان يستلم الشركة ويديرها ويبق كل واحد عنده شركته وميبصش لاخوه 

استغربت جدا من كلام بابا وهوا سالني 

وانتي عاملة ايه في الشغل ابتسمت وقولت كلو تمام يا حبيبي اهم حاجه انت تكون بخير 

ابتسم بابا وقالي ربنا معاكي يا شموسه 

قولت ومعاك يا حبيبي يلا بق انا هقفل علشان منترفدش احنا الاتنين 

بابا ضحك وقالي ماشي يا حبيبتي خلي بالك علي نفسك 

ابتسمت وانا بقوله ماشي يا حبيبي وانت كمان خلي بالك علي نفسك اوعي اي واحده تشقطك وانت راجع دي بطوط كانت تدمر الدنيا 

بابا ضحك وقالي مټخافيش يا حبيبتي ابوكي واثق من نفسوا 

ضحكت وقولت ماشي يا عم الواثق انت اما نشوف بق 

ابتسم وقالي ماشي يا حبيبتي يلا مع السلامه يا شموسه 

ابتسمت مع السلامه يبابا 

قفلت التلفون وابتسمت وبعدها لقيت بطني بتعمل صوت اي دا انا جعانه اوي 

قومت اشوف هما بيروحوا فين الموظفين دول ومشيت من نفس الطريق اللي مشيو فيه لقيت ان في كذا طرقة وقفت وانا مش عارفه اروح من اي طريق قولت همشي من علي اليمين وامري لله ومشيت لحد ما لقيت باب قربت بهدوا وانا بسمع اي دا ملقتش اي صوت خارج منها 

فتحت الباب بهدوء ولقيت ان المكان فاضي دخلت وبعدها لقيت ايد بتكتم بوقي اممم اممم كنت بحاول افلت من ايدو وهوا بصلي وساب ايده وقال انتي بتعملي ايه هنا 

بصيتلوا پصدمة انت الي بتعمل ايه هنا وازاي تم سكني كدا 

لقيتوا مردش وقرب من باب صغير ودخل وخرج بعد ثواني وفي ايده صنيه مليانه أكل 

بصلي وقال بما انك جيتي هنا معناه ان انتي جعانه 

بصيتلوا ولفيت لا مش جعانه انا ماشيه 

مسك ايدي قبل ما مشي وقالي هتاكلي 

بطني عملت صوت وانا اتكسفت جدا وبصيتلوا لاقيتوا لسا ماسك صنيه الاكل وبيضحك هزيت راسي وقربت منو وهوا حط الاكل وبدات اكل وانا مكسوفه بصيتلوا لاقيتوا باصصلي وساكت ومش بياكل 

سيبت الاكل باستغراب وبصيتلوا وقولت اي دا انت مش بتاكل ليه 

قالي مليش نفس 

قولت وانا بصالوا اوي طيب كل 

قالي كولي انتي انا مليش نفس 

قولت برفض لا مش هاكل

غير لما تاكل انت كمان وكنت مصره جدا علي انه يا كل 

بصلي وابتسم وبدا فعلا ياكل 

خلصنا اكل وانا مكسوفه لسا 

لقيتوا قام وانا بصراحه كنت خلاص مش هقدر اقعد معاه اكتر من كدا! 

قومت

تكملة الرواية من هناااااااااا

اكتب في بحث جوحل( مدونة قصر الروايات) تظهر القصص كامله

تابعونا علي قناة التليجرام من هنااااااااااا

ليصلكم اشعار بالنشر

الرواية كامله من البدايه  هناااااااااااا