رواية بنت عمي طلعت رقاصه البارت الثالث3 الأخير بقلم رحاب القاضي جديده وحصريه في مدونة قصر الروايات

رواية بنت عمي طلعت رقاصه البارت الثالث3 بقلم رحاب القاضي جديده وحصريه في مدونة قصر الروايات

رواية بنت عمي طلعت رقاصه البارت الثالث3 بقلم رحاب القاضي جديده وحصريه في مدونة قصر الروايات

#بنت_عمي_طلعت_رقاصه.. 

_البارت الاخير 

وقفت عربية ادهم قدام مطعم راقي جدا، وفتح ليه السواق باب العربيه ونزل بكل هيبه وثقه.. 

نزلت ورااه كامليا وقالت: بقولك ي عسل هو انا ينفع اقلع الجزمه اصلها دايقه وورمتلي رجلي.. 

اتنهد ادهم بنفاذ صبر ورد عليها: اقسم بالله لو فتحتي بوقك تاني هحبسك فالعربيه لحد مخلص فاهمه.. 

ادايقت كامليا وقالتله: انت عبيط ولا عندك خال اهبل بقولك رجلي وجعتني انا مقاس رجلي اربعين والغبيه اختك جابتلي مقاس 38.. 

قرب منها وقال بغيظ: هششش فضحتيني اكتمي بقي واستحملي شويه... 

وبعدين خدها ودخلو جوه وقعدو مع العملا اللي هيتعاقدو معاهم فالشركه.. 

سلم ادهم عليهم وبعدين سلمت كامليا فجه واحد منهم عشان يبوس ايدها.. 

فسحبت ايدها بسرعه وقالتله بعصبيه: حيلك حيلك ي عم هتبوس اي،تطلع مين انت عشان تبوس ايدي؟... 

بصلها الراجل بقلق ورد عليها: سوري انا مقصدش.. 

ادهم باحراج: لا ولا يهمك بس كامليا هانم متحفظه شويه.. 

قعدو فقربت عليه كامليا وقالتله: هو البعيد معندوش نخوه سايب الراجل يبوس ايدي كده عادي؟.. 

ادهم بغيظ: اكتمي ي كامليا.. 

كامليا بضيق: بلا نيله ده انتو رجاله اسم فالبطاقه بس.. 

ابتسم ادهم للضيوف ورد عليها بغيظ من بين اسنانه: بس نطلع من هنا وانا هديكي بالجزمه ي كامليا.. 

قرب الراجل اللي كان هيبوس ايد كامليا منها وقالها بخبث: مكنتش اتوقع ان شركة السيوفي ليها مديره جميله زيك كده.. 

قبل مترد قام ادهم وهو متعصب و قام مسك ايد كامليا وقال للراجل بعصبيه: سوري بس الهانم مش هتكمل الاجتماع وياريت حضرتك تلتزم حدودك لان دي بنت عمي ومش هسمحلك تكلمها بطريقتك دي... 

الراجل بتوتر: انا اسف ي ادهم بيه بس.. 

قاطعه ادهم بعصبيه: حصل خير، وسوري بس العشا هيتاجل لاني مش فاضي.. 

اخد كامليا ومشيو فسألته هي بقلق وهي ماشيه جنبه: محصلش حاجه لكل ده ي ادهم، لي اجلت العشا؟.. 

وقف وزعق فيها بعصبيه: عشان المفروض انتي متكونيش معايا.. 

ردت عليه بزعيق: لي بقي ان شاء الله ده حقي؟.. 

قرب منها وهو متعصب جدا وقال: عشان الجو بتاع الرقصات اللي عملتيه جوه ده وتخلي الراجل يقولك كده، ده مينفعش معايا ولا اصلا المفروض تبقي وحده زيك فحياتي.. 

دمعت عينها وردت عليه بحزن: انا فعلا كنت رقاصه بس مكنش برضايا لان جوز امي هو اللي بيخليني اشتغل عشان اجيبله فلوس، تفتكر ي ادهم لو انت اللي اترميت فالملجأ وانا اللي اتربيت وسط اهلي كان هيبقي ده وضعنا دلوقتي مكنتش هترضي اني اكون فحياتك وانا بنت عمك.. 

ادايق من كلامها اووي، هو مكنش قصده يزعلها بس كان متعصب ان الراجل اللي جوه بصلها وعاكسها قدامه، فرد عليها بهدوء: انا مكنش قصدي اقولك كده متزعليش و.. 

سابته ومشبت ناحية العربيه وقالتله: انا عايزه اروح  وبسرعه.. 

_ركب العربيه هو كمان وراحو البيت وكانو ساكتين ومحدش اتكلم.. 

نزلت ودخلت البيت ولقيتهم كلهم قاعدين ودخل ادهم وراها.. 

سعاد بأبتسامه واسعه: ي خراشي جوز عصافير داخلين علياا.. 

كامليا بعصبيه: بلا عصافير بلا حمام  هي كلمه انا مش عايزه منكم حاجه لا انتو شبهي ولا انا شبهكم انا وحده تربية رقاصه و يدوب واخده دبلوم وانتو كلكم متعلمين ومتربين، والفلوس بتاعتكم مش عايزاها انت ي حج عزت وابنك احق بيها وانا مكاني فالكباريه وسط الناس اللي شبهي... 

زعلو كلهم من كلامها، وجات هي تمشي فشد ادهم ايدها جامد.. 

ادهم بعصبيه: انتي مش هتمشي من هنا والرقص والكباريه ده تمسحيهم من دماغك خالص،وهتعيشي فالبيت ده غصب عنك.. 

سحبت ايدها منه وردت عليه بدموع: انت اخر واحد يتكلم، واخر واحد يفكر يمشي كلامه عليا ي عسل.. 

ادهم: هي كلمه ومش هتتكرى هتتزفتي تعيشي هنا وتنسي الرقص خالص.. 

كامليا: ناااعااام ي سوووكر شالله عني معشت فيه المخروب ده انا محدش يمشي كلامه علي كوكي لا عاش ولا كان.. 

ادهم: انا بقي همشي كلامي عليكي.. 

كامليا: ده بامارة اي ي عنيا.. 

مازن: بامارة اي افضل هنا حتي دقيقتين بحبها الاغنيه دي.. 

زعقو فيه هما الاتنين: بس يا تافه.. 

شدها ادهم من دراعها جامد وزعق فيها: عايزه تعرفي بامارة اي؟... 

شدت ايدها منه وحطتها فنصها: بس اوعي كده بدل مايدك توحشك وقول اللي عندك.. 

حط ايديه فجيوبه وقالها بثقه: بامارة انك بنت عمي وقريب اووي هتبقي مراتي.. 

وقف مازن وحلا اخوات ادهم وهما فرحانين وزغرتوو... 

زعقت فيهم كامليا: بتزغرتو ع اي انت وهي.. 

بصت لادهم وقالت بغيظ: انت هتجنني من شويه تزعق فيا وتقولي كلام غلس زيك ودلوقتي تقولي اتجوزك والله انت مش عندك خال اهبل ده انت اللي اهبل وعبيط.. 

ضحك بصوت واطي وقالها: وهتجوزك برضو.. 

عزت بفرحه: وافقي ي بنتي هتلاقي احسن من ادهم فين.. 

مازن بحماس: وع رأي المثل الاقربون اولي بالمعروف... 

زعقت فيه بعصبيه: اكتم يالا ي اصفر انت وبعدين الاقربون اولي بالمعروق مش بابو الغضب.. 

حلا: مانتي محدش هيلمك غير ابو الغضب.. 

كامليا بغيظ: هجيبك من شعرك ي بت انتي.. 

ادهم بعصبيه: خلصتي، المهم شوفي وقت يكون مناسب ليكي عشان نعمل خطوبه.. 

اتغاظت وردت عليه: بتحلم ي ادهم هاا بتحلم.. 

سابتهم ودخلت اوضتها، فقربت سعاد منه وسألته بخبث: هي مش مكنتش عجباك ورقاصه ومش عارفه اي، اي بقي اللي غير كل ده؟.. 

اتوتر ادهم وقال بسرعه وهو بيروح لاوضته: زي مقال مازن الاقربون اولي بالمعروف.. 

غمزله مازن وقاله: بس ده مش معروف ده جواز ي ادهم.. 

ابتسم ادهم ودخل اوضته وقعد يفكر هو لي طلب يتجوزها هي جميله وحلوه جدا ولما سأل عن ماضيها اتأكد انها كانت بتشتغل رقاصه مش برضاها ولما عرف عنها كل حاجه لقي نفسه ميال ليها.. 

ــــــــــــــــــــــــــــــــــــــــ 

عدي كام يوم وكانت كامليا بتتجاهل ادهم وديما قاعده فاوضتها ولما هو يروح الشغل بتنزل تقعد مع حلا وسعاد.. 

_انما بقي مازن كان مدايق لان ناني مش بتكلمه خالص ولما بيشوفها فالجامعه بتتهرب منه ومش بترد عليه لو راح كلمها وبتسيبه وتمشي.. 

وفيوم كان واقف مع بنت زميلته وبيقولها بمرح: انتي المفروض يبقي اسمك اوكسجين.. 

قربت منه البنت وقالت بهدوء: اشمعنا؟.. 

لمح ناني معديه من جنبهم فأتعمد يغيظها وقال للبنت بخبث: عشان مش بعرف اتنفس غير وانا جنبك.. 

ضحكت البنت بصوت عالي فدمعت عيون ناني وسابته ومشيت، فساب هو البنت اللي فضلت تنادي عليه وجري ورا ناني.. 

مسك ايدها وقالها بهدوء: استني ي بنتي قطعتي نفسي اي مركبه عجل فرجليكي.. 

زقته جامد وردت عليه بعصبيه وهي بتمسح دموعها: عايز مني اي، روح يلا للاوكسجين لحسن نفسك يتكرش هنا... 

ضحك ورد عليها: وربنا نفسي مبيتكرش غير وانا بعيد عنك.. 

زعقت فيه ببكاء: انا مش زيهم عشان اصدق كلامك واتثبت.. 

مسك ايدها وقال بهدوء: انا عارف انك مش زيهم وانك اجمل واطيب بنت عرفتها كفايه ان اللي فقلبك ع لسانك والبنت اللي شوفتيها معايا دي والله كنت عايز اغيظك عشان اعرف انتي لسه بتغيري عليا ولا لا ، وانا والله من لما بعدتي عني وانا لميت نفسي ومبقتش اكلم حد وان شاء الله ربنا يتوب عليا وابطل ابص... 

اتنهدت بعصبيه وقالت بغيظ: برضو بتستفزني متبقي محترم زي الناس هتخسر اي؟.. 

كتم ضحكته ورد عليها: هحاول بس وانتي معايا، انا ببقي كويس وانتي جنبي.. 

بعدت عنه وقالتله: طيب نتفق هرجعلك وهبقي ليك بس بشرطين.. 

مازن بحماس: اعتبريهم اتنفذو.. 

ناني بثقه: اولاً تنجح السنه دي وبتقدير حلو.. 

بصلها بغيظ فكملت هي بهدوء: وبعد متنجح تيجي تخطبني من بابا وقتها ارجعلك.. 

مازن بجديه: انا مستعد اجي اخطبك دلوقتي و.. 

قاطعته بعصبيه: لااا تنجح الاول والفتره دي ورحمة ماما ي مازن لو شوفتك مع وحده وبتتسهوك معاها هلغي الاتفاق ولو حصل اي مستحيل ارجعلك وهوافق باي عريس يتقدملي.. 

سابته ومشيت فبص حواليه هو بغيظ وبعدين قالها بصوت عالي قبل متختفي من قدامه: انا رايح احضر المحاضرات بتاعتي هااا عشان بحبك ي بت ال.. 

بصتله بعصبيه فضحك وقالها: ي بنت النحله مهو اكيد ماما نحله عشان تجيب العسل ده كله اللي هيبقي بتاعي لوحدي.. 

_ضحكت ومشيت وهي مبسوطه انه هيبدا يصلح من نفسه عشانها.. 

ــــــــــــــــــــــــــــــــــــــــ 

فالبيت كانت كامليا قاعده فالجنينه بتفكر فاللي جاي هتعمل فيه اي ديماً حلا وسعاد بيقنعوها توافق بادهم بس هي مش عارفه تتصرف حياتها فجأه اتلغبطت ما بين وحده رقاصه لوحده بنت ناس وفي شاب جميل عايز يتجوزها.. 

دخل ادهم البيت بعد مرجع بدري من شغله واول مشافها راحلها.. 

وقال بهدوء: اظن سيبتلك وقتك تفكري.. 

اوترت ووقفت قدامه وردت عليه: افكر فاي انا رديت عليك وقتها.. 

شدها من ايدها وقعدها قدامه وقالها بهدوء: بصي ي كامليا اينعم انتي تصرفاتك تخلي الواحد يبقي عايز يرتكب فيكي مصيبه، بس جدعه رغم ان جوز الست اللي ربتك راجل مش كويس واناني انتي فضلتي تنفذيله طلباته وتصرفي عليه عشان صرف عليكي ورباكي زمان، بتروحي الملجأ اللي جدو وداكي فيه وبتقعدي مع العيال بالسعات وبتجيبلهم هدايا وكلهم بيحبوكي وغير كده حاجات حلوه كتير لما دورت وراكي عرفت انك بتعمليها خلتك كبرتي فنظري اووي.. 

بصتله بحزن وردت عليه: ومدام عرفت ده كله لي بقي ي عسل قولتلي كلامك السخيف ده يوم مكنا فالمطعم.. 

ضحك ورد عليها: عشان انا متربتش، مهو اللي يزعل وحده زيك كده بالجمال ده كله يبقي مترباش.. 

ضخكت غصب عنها فمسك ايدها وقالها بهدوء: هو انا مش متاكد حبيتك ولا لا بس من جوايا عايز اكمل الجاي معاكي عايزك تعيشي الحياه اللي تستاهليها وربنا يقدرني واسعدك.. 

كمل كلامه بعصبيه: وعشان نبقي متفقين تبطلي تقوليلي ي عسل فاهمه ولا لا؟.. 

ضحكت وسحبت ايدها منه وقالتله: لما تبطل تتسهوك كده وتخطبني وتعملي فرح وقتها مش هقولك ي عسل.. 

سابته ودخلت جوه فضحك وقالها بمرح: طيب والله مفي عسل غيرك.. 

ــــــــــــــــــــــــــــــــــــــــ 

_وبعد كام شهر.. 

_يوم فرح كامليا وادهم،اللي كانو عملينه فالجنينه بتاعت البيت اللي اتزينت بشكل حلو جداً... 

قرب مازن من ناني اللي جات تحضر الفرح لما حلا عزمتها.. 

مازن بمرح: اي ده القمر دي صحبتك ي حلا؟.. 

حلا بسخريه: انت هتستهبل يااه مانت اللي قولتلي اتعرف عليها عشان اخليها تزورني وتعرف تشوفها.. 

مازن باحراج: طيب استري عليا يخربيتك.. 

ضحكت ناني وقالتله: وانا ع فكره عارفه انك انت اللي قولتلها تتعرف عليا وجيت بمزاجي برضو.. 

مازن بخبث: طيب ع فكره برضو انا كمان عارف انك وافقتي تيجي لما عرفتي اني نجحت بتقدير حلو فالترم الاول.. 

ناني بتوتر: طيب بطل كلام احنا لسه بينا اتفاق.. 

مازن بسخريه: لا انا كده هنحرف وربنا، يعني لا اكلمك ولا اكلم غيرك هيجيلي جفاف يرضيكي.. 

كتمت ضحكتها وردت عليه: ايوه عشان تتلم وتبطل بصبصه ع البنات.. 

مازن بغيظ: ي شيخه بقي اتقي الله ده انا ابويا وامي مربونيش زي مانتي بتربيني كده.. 

قرب منها وقال بثقه: من الاخر عشان والله مقادر اعيش من غير منبقي زي الاول، انا بعد الفرح هكلم بابا وهخطبك ونتجوز بعد متخرج ع طول.. 

اتكسفت بس قالتله بمرح: طيب هفكر.. 

مازن بغيظ: يالهوي الارض هتقع هتتكسر تحتك من كتر التقل.. 

حلا بفرحه كبيره: ايوه كده كملو فرحتي، هروح اشوف كامليا خلصت ولا لسه وجايه تاني.. 

_فأوضة كامليا... 

لبست كامليا فستانها الابيض الجميل وكانت فرحانه جدا هي حتي فاحلامها مكنتش تتخيل انها هتوصل للحياه الجميله النضيفه دي بعيد عن الرقص والكباريه، نزلت من ع السلم وكانت ماسكه ايد عزت اللي سلمها لادهم وهو مبسوط جدا.. 

ادهم بابتسامه واسعه: مبروك عليا ي احلي عروسه فالدنيا... 

كامليا بعصبيه: اختك دي محدش رباها برضو جيبالي جزمه مقاس 38.. 

اتغاظ منها وشدها وقعدو فالكوشه وقالها: معلش كانت فاكره رجلك رجل انثي مش خُف جمل.. 

كتمت ضحكتها فقرب منها وقال بخبث: عاملك حتت مفاجأه فوق هتيجي ع مزاجك اووي.. 

كامليا بحماس شديد: قول والنبي قول اي هي والا هقوم ارقص وافضحك.. 

بصلها بعصبيه وقالها من بين اسنانه: طيب فكري تهزي قدام حد هوصلك بالكهربه واخليكي تهزي باقي عمرك.. 

ضحكت وقالته: طيب اي المفجاه عشان خاطري قول.. 

قرب منها وغمز وقالها: جايبلك شوية بدل رقص انما اي موديل اوربي.. 

كامليا: نعم ي عينيا انت هترجعني ارقص ولا اي؟.. 

رد عليها بخبث: ايوه بس ليا لوحدي مانا لازم استغل ان مراتي وبنت عمي طلعت رقاصه.. 

اتكسفت وبصت الناحيه التانيه وهي بتضحك، فقالها لاول مره: بحبك ي كامليا.. 

ردت عليه بسعاده: يالهوي اخيراً نطقت وانا كمان بحبك ي ادهم.. 

تمت 

اكتب في بحث جوحل( مدونة قصر الروايات) تظهر القصص كامله

تابعونا علي قناة التليحرام من هنااااااااااا

ليصلكم اشعار بالنشر

الرواية كامله من البدايه  هناااااااااااا