رواية عودةإبليس الفصل 1-2-3-4-5بقلم رشا منصور جديده وحصريه (جميع الفصول كامله)

 رواية عودةإبليس الفصل 1-2-3-4-5بقلم رشا منصور جديده وحصريه (جميع الفصول كامله)

رواية عودةإبليس الفصل 1-2-3-4-5بقلم رشا منصور جديده وحصريه (جميع الفصول كامله)

أنا سهيله وأهل الحته بيقولولى يا سهي عندى 20 سنه عايشه في السويس مع أمي واخويا الكبير عبدالله اللى خرج من الدراسة وبقي بيشتغل في أى حاجة  صبي في ورشه أو بياع في محل  ولا حتى تباع على عربيه ميكروباص أى حاجة بتجيب قرش حلال أخويا أشتغل فيها 

لحد ما واحد جارنا قال له أن المصنع اللى شغال فيه طالب ناس كتير ومنهم عمال بدون مؤهل في الفرع الجديد في البحر الأحمر وراح أخويا وقبل الوظيفه  وفرحنا أن أخيراً هيبقي في مرتب شهري

 رغم أننا مكناش عارفين هنعيش طول الشهر إزاى لحد ما يقبض وبعد ما سافر بيومين جه صاحب البيت عاوز أجرة الاوضه اللى قاعدين فيها وقال أنتوا عليكوا شهرين لو مدفعتوش في خلال أسبوع هطردكوا اترجيتوا يستني لحد ما أخويا يرجع من السفر بس قالي هو أسبوع واحد وأنا كل اللى معايا ميكملش مئة جنيه والمفروض أدفع لصاحب البيت 1200 جنيه إيجار الاوضه المتأخر 

 ‏ علشان كده فكرت ادور على اى حاجه اشتغلها اجيب بها فلوس منها أصرف ع البيت ومنها أدفع لصاحب البيت أى مبلغ  

 ‏

وكان في مستشفى كبيرة في الشارع اللى ورايا الكل كان بيشكر في صاحبها وأنه راجل طيب قولت يمكن الاقي فيها شغل روحت عند الكشك بتاع الست أم هشام هو قدام باب المستشفى ع طول وسألتها متعرفيش يا خالتي المستشفى طالبه ناس تشتغل ولا لأ

قالت ليا يابنتي هو في شغل للشباب لما تلاقي انتي قولت لها طب أعمل إيه يا خالتي طب متعرفيش أى محل محتاج بياعه أنا مستعدة اشتغل من الصبح لحد بالليل بس يحاسبني باليوم

 قالتلي طب وأمك يابنتي دى تعبانه قولت لها هعمل ايه يا خالتي مش أحسن ما نطرد من البيت سكتت شويه بعدين قالت ليا طب اسمعي يا سهي أنا بقفل الكشك هنا ع الساعه 5 او 6بالكتير ايه رأيك تقعدى للساعه عشرة واهو تبقي طول النهار مع امك وتشوفي طلباتها وتجيلي الساعه 5 وهديكي خمسين جنيه في اليوم لحد ما ربنا يسهل وتلاقي شغل 

 ‏فرحت أوى قولت لها موافقه طبعاً قالت ليا طيب روحى دلوقتي وتعاليلي ع الساعه 5 ومشيت وأنا مبسوطه وروحت علشان افرح أمي قابلت صاحب البيت عند السلم قولت له أنا لقيت شغل وأن شاء الله هدفعلك جزء الاسبوع ده وكل اسبوع ادفعلك 300 جنيه 

 ‏قالي أنا قولت اخرك الاسبوع ده وهطردكوا ومن الآخر بقي أنا محتاج الاوضه هعملها مخزن سيبته ودخلت الاوضه

 ‏

 ‏ افرح أمي رغم أنى عارفه أن الفلوس مش هتكفي حاجه بس أحسن من مافيش ولما جت الساعه 5 روحت ل خالتي أم هشام لقيتها كاتبه ليا الأسعار ع علب البسكويت وقالت ليا أنها بتعمل شاى ونسكافيه وبتعمل ساندوتشات جبنه وحلاوة للموظفين المستشفى الصبح أو وقت الزيارة 

 ‏و قالتلي خلي بالك من نفسك أنا هكلم الأمن اللى ع البوابه يبقي كل شويه يبص عليكي ولو حد ضايقك 🔪🔪 الجبنه جنبك وعندك كمان الحديدة اللى بحطها ع باب الكشك وبالليل هبعتلك حد من عيالي يقفل الكشك قولت لها متخافيش عليا يا خالتي سبيها ع ربنا 

 ‏

 ‏وبعد ما مشيت الدنيا بدأت تضلم ويادوبك مافيش غير عواميد النور ولقيت الشارع ساكت ومافيش حد وحسيت بخوف وفجأة شوفت بتاع الأمن جالي وقالي اعملي لنا كوبايتين شاى وقالي أنا إسمي عم عثمان لو في أى حاجة نادى من هنا وأنا اجيلك متخافيش وهو واقف شاف عربيه إسعاف داخله البوابه سألته مش باب المستشفى الرئيسي الناحية التانية أومال ليه الإسعاف داخله من هنا

 ‏

 ‏ قالي لأن البوابه دى بتاعه المغسله والجراج بتاع عربيات الاسعاف ومواظفين المستشفى 

بصيت له قولتله يعني قدام منى مغسله أموات 

ضحك وقالي خايفه من ايه الخوف يابنتي من الاحياء مش من الأموات وخد الشاي ومشي 

كنت خايفه فضلت أقول قرآن طول ما أنا قاعدة وبعدين سرحت شويه ولقيت طفله صغيره بتلعب عند البوابه فضلت ابص عليها رشامنصور و أستغربت ايه اللى جابها هنا والزيارة المفروض أنها خلصت وبعدين لقيتها بصت ليا وشاورتلي وجريت وجت عربيه ماشيه بسرعه اتخضيت عليها وخرجت من الكشك اجري علشان الحقها ملقتش حد الشارع فاضي

 روحت ل عم عثمان ناديت عليه وسألته هى البنت الصغيرة دخلت جوه ولا راحت فين قالي يابنتي مافيش اطفال هنا والزيارة مشيت من بدري من البوابة التانيه هنا المغسله بس 🙄😲.... 

 ‏

 ‏رجعت للكشك تاني معقوله يكون بيتهيقلي بس إزاى دى كانت بتلعب وشاورتلي كمان روحت قعدت تانى فى الكشك وفضلت أفكر في كلام صاحب البيت 

 ‏وببص لقيت تلات قطط واقفين جنب رجلي اتنين كبار وواحدة صغيره بصيت لهم وحسيتهم سقعانين 

 ‏نزلت قعدت على الأرض وخدتهم ع رجلي وفضلت اطبطب عليهم وقولت لهم والله لو معايا فلوس كنت جبت لكم أكل وغصب عني بكيت ولقيت نفسي بحكي للقطط ع حالي يمكن لأن معنديش حد اشيله همي كفايه علي امى مرضها واخويا ربنا يرزقه برزقنا 

 ‏مش عارفه ليه حسيت أن هم وانزاح من ع صدري من بعد ما اتكلمت معاهم وسمعت صوت خطوات رجلين شيلت القطط وحطيتهم ع الكرسي وقومت وقفت ببص لقيت ناس جايه ع الكشك خوفت وبصيت للقطط وقولت لهم ربنا يستر ومسكت الحديدة في ايدي ولقيت راجل حوالى خمسين سنه بيقولى يابنتي متعرفيش أى حته نجيب منها أكل ونشرب كوبايتين شاى الليله شكلها لسه طويلة يابنتي 

 ‏قولت له أنا بعمل شاى ونسكافيه وساندوتشات جبنه وحلاوة ينفع يا عم الحج 

 ‏الراجل ..... 

 ‏بنت حلال يابنتي ع الأقل نبقي جنب المستشفي أصل بنتي هتولد وأمها وحماتها معاها جوه وأحنا أهو منتظرين الفرج يابنتي ادعيها

 ‏سهي..... 

 ‏أن شاء الله تقوم بالسلامه وتجيب الخلف الصالح وكنت فرحانه اوي أخيراً حد هيشتري مني حاجه وكمان ونس ليا احمدك يارب 

 ‏كنت خايفه خالتي أم هشام لما تلاقي أن محدش اشتري مني حاجه تمشيني وارجع أدور ع شغل 

 ‏والحمد لله خدوا ساندوتشات كتير علشان الناس اللى معاهم وغير الشاى كمان 

 ‏وكان حسابهم 45 جنيه بس الراجل جاله تليفون أن بنته جابت ولد قالي يا وش السعد وادانى مئة جنيه 

 ‏كنت فرحانه اوي وبصيت للقطط وقولت لهم الحمد لله 

 ‏بس أنا هعرف بردو خالتي أم هشام 

 ‏لان لولا الكشك مكنتش الفلوس جاتلي وحقها نقسمها سوي ولقيت أبنها هشام جاي من بعيد ناديت ع 

 ‏عم عثمان بتاع الأمن واخدت منه حق الشاى وطلب كوبايه كمان واخد بسكويت ودفع حقهم 

 ‏وهشام فضل واقف لحد ما خلصت وقولت له احسبك أنت ولا خالتي

 ‏قالي سيبي الفلوس في الدرج واكتبي ورقه بهم وهى لما تفتح بكره تبقي تشوفهم بصراحه اخدت الخمسين جنيه وحطيت الباقي ومعاهم ورقه بالحاجات اللى بيعتها 

 ‏وخرجت من الكشك وهو قفل 

 ‏ولقيت وأنا ماشيه القطط ماشين معايا حسيت بالونس بصراحه الشارع كان هادى أوى ويخوف 

 ‏ولما روحت البيت اتفاجأت ب....... 

 ‏يتبع بقلم #رشامنصور ✍️

 ‏

 ‏

#الجزءالثاني 

#عودةإبليس

سهي.... 

الشارع كان هادى أوى وبصراحه كنت متونسه بالقطط ولما قربت من البيت اتفاجأت ب صاحب البيت واقف مع ناس بيقولهم هى دى الاوضه اللى بقولكم عليها مساحتها كبيره وبحمام يعني تنفع مخزن أو محل كمان ايه رأيكم بصيت للقطط ولهم 

ودخلت البيت بصيت ع القطط لقيتها اختفت دخلت الاوضه ومقدرتش اجيب ل أمي سيرة واطمنت عليها ونمت وشوفت حلم غريب أوى

شوفت صاحب البيت وهو داخل البيت ويا دوب طلع السلم وأول ما وصل شقته في الدور التالت اتكعبل وقع وخد السلم كله لحد ما وصل قدام باب الاوضه عندنا 

وفضل يصر'خ ويتألم والقطط واقفه قدامه والجيران اتلمت وخدوه المستشفى 

وصحيت الساعه 10 الصبح 

يااااااه أنا نمت كتير أوى بس حسيت نفسي صاحيه مرتاحه ومبسوطه رغم أنى مقدرتش انسي الحلم 

وعديت الفلوس اللي معانا لقيتهم 85 جنيه بس المفروض دول اللى هنعيش بهم امي قالتلي خدى خمسة وتلاتين جنيه هاتي بهم أكل يكفينا كام يوم وخدى الخمسين جنيه الباقي مع الخمسين اللى هتاخديهم من الست أم هشام وادينهم يابنتي ل صاحب البيت وقولي له أن شاء الله كل يومين هديك مئة جنيه وكدا يابنتي أن شاء الله هنسدد اللى علينا قبل ما الشهر ما يخلص بأذن الله 

قولت لها حاضر وروحت السوق وقولت اعدى ع خالتي أم هشام بالمرة اقولها ع الفلوس 

يمكن تديني نصهم اقدر ازود في الأكل شويه وفعلاً روحت الكشك وحكيت لها كل حاجه ولقيتها بتقولي

خالتي أم هشام

علشان كده أنا لقيت في الفلوس خمسة جنيه زيادة أنا افتكرت حد له باقي

 خدى يابنتي واديتها الخمسة جنيه وقولتها ده رزق ربنا باعته لكي وأنا ماليش أى حق فيه وخدى كمان حساب امبارح الخمسين جنيه وروحى يابنتي هاتي الأكل واعملي واكلي أمك وتعالي الساعه 5 بالسلامه يابنتي 

 ‏سهي..... 

 ‏كنت ماشيه فرحانه اوي وطول ما أنا ماشيه بقول الحمد لله وفكرت اجيب بهم أكل بس رجعت وافتكرت صاحب البيت قولت خلاص بدل ما اديله مئة جنيه اديله مئة وخمسين وبكره أن شاء الله اديله خمسين كمان ويبقي كدا مش فاضل غير ألف جنيه يارب قدرني علي السداد 

 ‏وجبت أكل ب 40 جنيه ما أنا حطيت الخمسه جنيه اللى اديتهالي خالتي أم هشام 

 ‏وروحت البيت وحكيت ل أمي ع كل حاجه وقالتلي اطلعي ل صاحب البيت ولما طلعت فضلت اخبط ع الباب محدش رد ولقيت الجارة اللى فى الشقه قدامه قالت ليا فيكي الخير يابنتي بقي هو عاوز يطردكم وانتى طالعه تطمني عليه هو لسه يابنتي مرجعش 

 ‏قولت لها مرجعش منين قالتلي من المستشفى يابنتي ما هو امبارح لما وقع من السلم الجيران خدوا ع المستشفي بيقولوا أنه جبس دراعه وفي كدمات في بقيت جسمه وهيفضل محجوز كام يوم 

 ‏وهنا افتكرت الحلم والقطط نزلت قولت ل امى ع اللى اتقالي من جارتنا لكن خوفت احكي لها ع الحلم ولقيت امي قالت سبحان الله يمكن ربنا عمل كدا لحد ما نجمع له الفلوس ربنا يسترها علينا ويدبر لنا حالنا 

 ‏وعملت بطاطس مهروسه وخدت ساندوتش معايا وحطيت الأكل جنب أمي ومشيت اروح الكشك وأول ما خرجت من الشارع لقيت القطط واقفه 

 ‏بصيت لهم وضحكت ومشيت وهما جنبي قولت لهم أنا انهاردة معايا أكل هناكل أن شاء الله سوي 

 ‏ووصلت الكشك ولقيت خالتي أم هشام بتقولى

 ‏

 ‏ والله وبقي لكي زباين يا سهي في ناس جت وسألت عليكي ولما قولت لهم أنك لسه قدامك ساعه قالولى خلاص كمان ساعه نبقي نجيلها نشرب الشاي 

 ‏

 ‏سهي... 

 ‏كنت فرحانه اوي من كلامها وقولت لها ربنا يجعل في وشي الرزق والقبول يا خالتي وسألتني ع أمي وطمنتها عليها وبعدين مشيت 

 ‏بصيت ع القطط لقيتها مش موجوده وبعد المغرب لقيت الناس بتوع امبارح ومعاهم الراجل اللي ادانى خمسين جنيه بيقولى حمدالله على السلامه يا وش السعد أنا جيت العصر لقيتك مش موجوده 

 ‏

 ‏قولت له أنارشامنصور بقف من الساعه 5 قالي اعملي لنا بقي خمسه شاى وعشر ساندوتشات جبنه 

 ‏عملت لهم وأنا مبسوطه أوى ولقيت عم عثمان بتاع المستشفى جاى وطلب منى تلاته شاى واخد ساندوتشات هو كمان وطول ما الناس دى قاعدة جنب الكشك بتاكل وتشرب الشاى في زباين عماله تهل عليا أنا بعت حاجات أكتر من مئة جنيه في ساعه واحده بس ده غير لسه حساب الناس دى بصراحه مكنتش عوزاهم يقوموا وشهم حلو عليا ورجعوا طلبوا شاى تاني وبعدها اخد بسكويت كتير وشيبسي وقال للناس اللي فوق وسألني ع الحساب قولت له 73 جنيه 

 ‏

 ‏راح مطلع 200 جنيه وقالي الباقي علشانك أنا لما طلعت امبارح علشان اطمن ع بنتي عرفت أنها جابت تؤام ولدين وبنتي متجوزة واحد صعيدي وأول ما سمع كدا بقي طاير من الفرحه واهله هيد'بحوا عجل وهيعملوا عقيقه وأنا حالف أنك هتاخدى نصيبك منها يا وش السعد 

 ‏قولت له بس ده كتير أوى يا عم الحج 

 ‏

 ‏قالي كتير ايه يابنتي انتى رشامنصور مش عارفه حاجه جوز بنتي يبقي كبير عيلته  وكان متجوز واحدة قبلها ولما جابت له البنت طلقها لأنه عاوز وريث يشيل إسمه وكل ما نروح للدكتور علشان يعرف نوع الجنين الدكتور يقولوا مافيش حاجه ظاهرة اصبر ليوم الولادة كنت خايف أحسن بنتي يوم ولادتها تتطلق هى كمان وتبقي صدمه لها

 ‏واهى دلوقتي جوز بنتي واهله كلهم فوق شايلين بنتي ع رأسهم ....

 ‏ عرفتي بقي أن مافيش حاجه كتير عليكي 

 ‏يلا اشوفك ع خير إحنا هنمشي بكره الصبح بس أحنا ساكنين قريب من هنا ويوم السبوع بأذن الله هتلاقيني عندك سلام 

كنت فرحانه اوي ده ساب ليا 127 جنيه احمدك واشكر فضلك يارب وببص لقيت القطط جت وطلعوا فوق رجلي ميعادا القطه الصغيره مش عارفه تطلع وعماله تشد في العبايه بتاعتي 🐈 شكلها عسل أوى اخدتها وبوستها وقولت لها بكره تكبري وتعرفي تنطى زيهم كدا 

ونزلت قعدت ع الأرض وطلعت ساندوتش البطاطس كانوا قاعدين جنب بعض بيبصولى وساكتين قطعت لهم قطع صغيرة وحطيت لكل واحد ورقه وعليها القطعه بتاعته بصوا لبعض وابتدو يأكلوا 

حساهم اذكياء أوى وفاهمين كلامي وهنا افتكرت الحلم ولقيت نفسي بحكيلهم ع تفاصيل الحلم وكلام الجارة ليا وقولت لهم يا سلام لو صاحب البيت يفضل اسبوع في المستشفى اكون حوشت مثلاً 600 جنيه وقتها مقدرش يطردنا أصل العقد مكتوب فيه شرط لو مدفعناش الإيجار تلات شهور له حق يطردنا من غير انذار وهو كان مديني فرصه اسبوع لأن كدا هيكون الشهر التالت خلص فلو دفعت له شهر يبقي ميقدرش يطردنا من الاوضة 

شوفتهم بصوا لبعض وبصولى وهزوا رأسهم كأنهم بيقولوا حاضر 🤔😲 

ايه ده هو انتوا فاهمين كلامي هزوا رأسهم تاني ليا بقيت مش عارفه المفروض أعمل إيه اجري من الكشك ولا اصوت ولا اعمل ايه وفي وسط خوفى لقيت مشهد القطط التلاته وكانوا واقفين جنب صاحب البيت وقت ما وقع 

ولقيت نفسي بدون تفكير بقولهم هو انتوا اللي عملتوا كدا فيه هزوا رأسهم تاني قولت لهم يا ولاد الجنيه والله عسل طب خلوا في المستشفى لحد ما اكمل اجرة شهر ادفعها له 

لقيتهم طلعوا ع رجلي وناموا خدت القطه الصغننه وشيلتها ونيمتها ع كتفي كأنها طفل صغير وببص لقيت البنت الصغيرة واقفه قدامى وبتقولى بتحبي القطط قولت لها انتي فين امبارح خوفت عليكي من العربية ولما دخلت المستشفى لقيتك اختفيتي 

لقيتها قالت 😲😲😲 يتبع...... 

الكاتبه ✍️

#رشامنصور ‏

 ‏

#الجزءالثالث

#عودةإبليس

سهي....

لقيت البنت بتقولي أنا جريت دخلت جوه عند ماما 

قولتلها حبيبتي هى ماما محجوزة في المستشفى ألف سلامة عليها هى عندها إيه 

الطفلة.... 

مش عارفه إحنا كنا في البيت ومرة واحدة سمعنا الجيران بتصر.خ وبتقول الحقو اقفلوا الغاز حريقه. 

وبعد كدا لما صحينا لقينا نفسنا هنا 

سهي... 

أن شاء الله هتبقي بخير اطمني ومرة واحدة لقيتها بتبص ع عربيه الاسعاف وقالت الناس الوحشة جت وجريت ونفس اللى حصل المره اللي فاتت اختفت 

استغربت كلامها والفضول خلاني اعدى الطريق وأشوف في إيه 

ولما دخلت لقيت عم عثمان واقف مع واحد زميله وواحد تاني شكله كدا سواق عربيه الاسعاف 

نديت ع عم عثمان وقولت له الطفلة اللي جريت دلوقتي راحت فين 

عم عثمان....

 تاني يا بنتي اللى قدامك دى المغسله فيها أموات وبس وعلشان حد يعدى من هنا يدخل الجانب التاني ل غرف المرضي هيعدى ع كذا باب داخلي وكل واحد عليه أمن يعني محدش يقدر يخرج أو يدخل غير العاملين بس

 ‏

سهي... 

كنت هتجنن أومال راحت فين افتكرت أنها قالت إن مامتها محجوزة بسبب الحر.يقه وقولت له هو فين قسم مصابين الحر.وق اللى هنا 

عم عثمان....  

هنا في ولادة ، عظام ، قلب ، حاجات من دى لكن مصابين الحر.وق بيكون لهم مستشفيات متخصصة تانيه 

سهي... 

وبعدين بقي أنا لازم لو شوفتها مرة تانية اسألها هى قاعدة فين ومرة واحدة وأنا واقفه مع عم عثمان لقيته بيجري لواحد راكب عربيه فخمه أوى وبيفتح له الباب 

وقفت تنحت من جمال العربية بس أول ما نزل اللي كان راكبها فضلت باصه له مشيلتش عيني من عليه شاب وسيم وشيك أوى وله هيبه كدا رغم سنه الصغير ولقيته فجأة بصلي وابتسم  وجالي

الشاب....

 مساء الخير هو حضرتك مين أول مرة أشوفك هنا 

 ‏

 ‏عم عثمان....

 ‏ يا دكتور ده واقفه في الكشك اللي قدام المستشفى وكانت عاوزة شويه ميه أمشي مافيش ميه أمشي

سهي...

 حسيت أن وجودى هيعمل مشكله لعم عثمان ولما جيت أمشي لقيته بيقولي

 ‏

 ‏الشاب.... 

 ‏انا الدكتور عزيز صاحب المستشفى والاوضة اللي هناك دى فيها كولدير وفي كمان حمام ولو احتاجتي أى حاجة اطلبي من عم عثمان ولو قالك لأ تعالي مكتبي ع طول 

 ‏

 ‏سهي.... 

 ‏شكرا جدآ ل حضرتك أنا ماشيه ع أذنك وقولت في بالي شكله حلو ولطيف كمان أنا أول مرة أشوف كدا 

الدكتور عزيز.... 

يااااا استني لما اعديكي الطريق وخرجت معاها وعديتها الطريق وسألتها عن أسمها قالت ليا سهيله بس الناس بتقولي يا سهي وفجأة لقيت القطط واقفه قدامى 

ولقيتها وقفت جنبهم وقالت

سهي....

 أنا متشكرة أوى تحب اعملك شاي متخفش أنا اللي عزماك ومرة واحدة لقيت القطط عماله تعمل صوت غريب يخوف والدكتور بصلهم وقالي اظاهر القطط بتاعتك مش بتحبني مع أنى جاي في الخير لقيت بعدها القطط سكتت 

 ‏

 ‏قولت له لأ أبدا تحب الشاى يكون كام معلقه سكر 

 ‏

الدكتور عزيز...

فضلت باصص للقطط وعرفت أنهم عاوزيني أمشي قولت لها خليها مرة تانية اجيلك وبالمرة أعرف منك إيه حكايه القطط دى تعرفيهم منين 

سهي... 

دول قطط شارع بس طيبين أوى وبصراحه اعتبرتهم أصحابي أصل الشارع هنا بالليل يخوف أهو بتونس بوجودهم معايا

الدكتور عزيز....

واضح أنهم بيحموكي بصيت للقطط وقولت خلوا بالكم منها متخلوش أى إنسان يضايقها 

وسيبتها ودخلت المستشفى وأنا مستغرب هى إزاى مش خايفه منهم أكيد متعرفش حقيقتهم 

سهي.... 

من وقت ما الدكتور عزيز ما دخل المستشفى لقيت نفسي بفكر فيه وعماله أحكي للقطط عن وسامته وذوقه معايا 

بس لقيت القطط عاملين يبصوا لبعض ويعملوا صوت كأنهم بيكلموا ولقيت زباين جت انشغلت معاهم والحمد لله ربنا كرمني وجه إبن الست أم هشام وقفل الكشك 

وأنا مشيت وكالعادة القطط وصلتني واختفت 

الدكتور عزيز.... 

يا تري ايه حكايه سهي دى وازاى بيحموها مني وهما عارفين أنا أقدر أعمل إيه 

لحظه أنا نسيت اعرفكم بنفسي

أنا الدكتور عزيز إبن نهي المبروكة الملقب ب ولي العهد سيبت القاهرة وانتقلت السويس أنا وجدتى علشان نبعد عن كل الناس اللي تعرفنا واخدنا شقه وبنيت مستشفى كبيرة وجدتى طلبت مني لازم أعمل جزء خيري رحمة ع روح أمي 

علشان كده عملت يومين في الأسبوع بالمجان كشف وعلاج وعمليات للناس البسيطة ماديا وطبعاً مكنتش محتاج حد يقدملي ورق يثبت أنه غير مقتدر أنا من نظرة كنت بعرف كل حاجه عنه عن طريق قرينه 

وكنت يوميآ بزوغ ساعتين واروح مملكة الجن علشان أشوف أحوال العشيرة واطمن عليهم

وبعد ما دخلت المستشفى وطلعت مكتبي قررت أعرف كل حاجه عن سهي كان عندي فضول رهيب اتجاهها

وابتديت أشوف شغلي وخلصت ع الساعه 3 الصبح وروحت البيت 

كنت متعود اقضي النهار مع جدتى وبالليل في المستشفى 

وحاولت أنام بس افتكرت لميس واللى عملته معايا 

مش عارف ايه اللي خلاني افتكرها دلوقتي يمكن لأني مش قادر أنسي أنها موقفتش جنبي في محنتي

ونمت من كتر التفكير وصحيت وأنا مقرر اقابل سهي 

وبالمره أعرف من قرينتها إيه حكايتها مع القطط

اتحولت ل عزازيل وطرت ووقفت عند سور المستشفي ولقيتها مش موجوده طب وبعدين 

سألت قرين الست صاحبة الكشك وعرفت أن سهي بتستلم الشغل الساعه 5 طرت ع البيت 

وقعدت مع جدتى ولما الساعه قربت ع 5 نزلت ع طول  وفى لحظه كنت واقف بالعربيه قريب من المستشفى براقب الطريق لحد ما شوفتها جايه من بعيد ولقيت.....

يتبع

الكاتبه ✍️

#رشامنصور

#الجزءالرابع

#عودةإبليس

سهي....

 بعد ما وضبت وجهزت الأكل ل أمي أخدت الساندوتش بتاعي وأول ما خرجت لقيت القطط في انتظاري مشيت معاهم وفضلت اكلمهم وأقولهم أنتوا وعدتونى تتصرفوا مع صاحب البيت أنا خايفه أوى

عزيز.....

كنت مركز أعرف هى بتقول للقطط إيه وعرفت من قرينتها اللى اتقال وأن القطط بتوصلها وتجيبها من البيت🤔 أفهم من كدا أن القطط دى بتحميها من صاحب البيت طب لو ده السبب يبقي الأولى يكونوا معاها في البيت مش هنا وبعدين بقي ايه ده 

سهي.... 

وصلت الكشك عند خالتي أم هشام واستلمت منها وبعد ما مشيت قولت اجيب ميه من المستشفى علشان الشاى واظبط كل حاجه علشان استعد للزباين ولسه باخد ازازة الميه ببص لقيت الطفلة الصغيرة واقفه قدامى 

ازيك يا قمر عامله ايه أنا نسيت اسألك عن أسمك 

الطفلة.... اسمي غدير 

سهي....

 أسمك حلو زيك وأنا سهي تعالي معايا أنا كنت لسه هدخل المستشفى أجيب ميه علشان غلايه الشاى وبالمره تعرفيني مامتك محجوزة فين 

عزيز.....

كنت في العربيه وبتابع كل اللي بيحصل وشوفت البنت الصغيره لكن الغريب أن هى كمان شيفاها وبتكلمها 

سهي.... 

يا عم عثمان ممكن املئ ازازة الميه دى من الكولدير

عم عثمان.... ادخلي يابنتي وأنا هقف ع البوابه بره ابصلك ع الكشك لحد ما تخلصي 

سهي... تسلم يارب استني هنا يا غدير لحد ما اخلص

الطفلة غدير..... حاضر يا ابله سهي 

سهي... خلصت وأنا خارجه ومعايا ازازة الميه لقيت هدير واقف عن باب المغسلة نديت عليها تبعد من هناك 

غدير.... أبعد ليه يا ابله ماما جوه وأنا وناس كتير تانيه

سهي...  جوه إزاى عم عثمان قالي هنا المغسله وتلاجه الموتي تعالي وريني مامتك فين أول ما فتحت الباب لقيت

الأمن..... أنتي مين وجايه هنا ليه

سهي.... البنت كانت بتقول أن مامتها محجوزة هنا 

الأمن .... إسم الجثه ايه

سهي.... جثة ايه هى عايشه كانت في البيت اللي اتحر.ق بالغاز وبنتها قاعدة معاها هنا يا غدير هو إسم مامتك ايه

الأمن.... 

أنتي بتكلمي مين لا حول ولا قوه الا بالله بصي يابنتي كل اللي هنا أموات والبيت اللي حصل فيه الحر.يق كلهم ماتوا فى منهم اللي اهاليهم جت استلامتهم 

ومنهم اللى المستشفى مش عارفه توصل لحد من اهله 

سهي.... 

أنت بتقول إيه البنت مامتها عايشه ما تردي عليه يا غدير

غدير يا غدير روحتى فين

الأمن.... يابنتي انتي لوحدك ومحدش كان معاكي يلا امشي من هنا متعمليش ليا مشكله

سهي.... 

مشيت وخرجت من المستشفى وأنا بكلم نفسي هى غدير عفريته بس لأ لأ هو في حاجه اسمها عفاريت أكيد بتاع الأمن ده مش فاهم حاجه بس لو كنت أعرف هدير اختفت فين

عزيز.... 

كان لازم بعد الكلام اللى سمعته سهي من الأمن أظهر لها واتكلم معاها معذورة عقلها مش مستوعب 

بس اللي مش فاهمه لحد دلوقتي هى إزاى قادرة تشوفها وتتكلم معاها واشمعني البنت اختارتها هى بالذات 

مساء الخير يا سهي أنا جيت أشرب الشاى عندك قبل ما أدخل المستشفى 

سهي... 

أهلا وسهلا بك دقيقة ويكون الشاى جاهز 

جهزت الشاى وقدمته له ولقيت القطط ظهرت وجت تقف جنبي قولت له معلشي عندى سؤال لحضرتك 

هو أنت عارف كل الحالات اللى محجوزة عندك  في المستشفى 

عزيز....

 اكيد لأ طبعاً أنا بيكون ليا الحالات بتاعتي بجانب الشغل الإدارى ومراجعة الحسابات ومصاريف ومرتبات ف صعب أعرف كل الحالات أنا أصلا مش عارف أسماء الموظفين اللي معايا إلا من خلال اليونيفورم 

بس بتسألي ليه لكي حد محجوز في المستشفى 

سهي.... 

فى طفلة صغيرة إسمها غدير قالت إنها هى ومامتها محجوزين في المغسلة لكن بتاع الأمن قالي مافيش حد جوه وأنا مش عارفه اصدق مين 

عزيز....

بتاع الأمن مكدبش في غرف للمرضي ليه هنحجز حد في المغسلة إلا بقي لو كنا هنجمدهم 

انتي بتقولي أنها طفله وانتى عارفه اللي يمشي وراء العيال 😂😂 

وبصيت للقطط وقولت تخيلي لو ظهرلك جن ولا شبح روح حد متوفي هتعملي ايه 

سهي....

 لأ لأ ربنا يسترك أنا قلبي خفيف ومش ناقصه ده أنا لما بشوف فيلم رعب بفضل أحلم بكوابيس طول الليل 

 ‏

 ‏عزيز.... غريبه طيب أنا هقوم أشوف شغلي ومتشكر ع الشاى تسلم ايدك اتفضلي وطلعت فلوس 

 ‏سهي.... 

 ‏لا أنا قولتلك أن الشاي ع حسابي خليها عليا المره دي

 ‏عزيز.... 

 ‏هو ده الكشك بتاعك ولا أنتي شغاله فيه

 ‏

 ‏سهي... لأ بشتغل فيه لحد ما ألاقي شغل تاني 

 ‏عزيز... 

 ‏هو أنتي عايشه لوحدك يا سهي قصدى يعني مالكش حد مسؤول عنك 

 ‏سهي... أنا عايشه مع أمي واخويا الحمد لله لقي شغل وسافر من كام يوم وأنا قولت اشتغل لحد ما يبقي يقبض ويبعت لنا فلوس 

 ‏

 ‏عزيز..... لو محتاجه حاجه أنا ممكن اساعدك وخليكي في البيت واعتبريهم سلف ومش هطلبك بهم ابدا 

 ‏سهي.... 

 ‏لا لأ متشكرة أوى مش عارفه ليه اضيقت مع أنى كنت مبسوطه وأول ما شوفته 

 ‏عزيز.... 

 ‏سهي أنا مش قصدى اضايقك أنتي بنوته زى القمر وأنا خايف حد يضايقك وخصوصاً الشارع بالليل مفهوش غير العربيات بس 

 ‏ع العموم أنا عندي فكرة كويسه إيه رأيك لو اخوكى اشتغل في المستشفى ع الأقل يفضل معاكم 

 ‏سهي... 

 ‏ياريت بس هو ينفع قصدى يعني أنه مش معاه شهادة بس بيعرف يقرأ ويكتب لهلوبه 

 ‏عزيز.... 

 ‏متحمليش هم أكيد هلاقي له شغل مناسب ولقيتها قالت 🙄.        

 ‏سهي...  

 ‏طب هو ينفع اشتغل مكانه لحد ما يرجع من السفر بس بعد أسبوع لو ينفع يعني قالي هو ينفع لو حكيتي ليا عن السبب وبصراحه  

 ‏قولتله بصراحه أصل أنا عاوزة أجمع فلوس الإيجار وقربت أكمل حق شهر هدفعهم واكمل كام يوم اجيب بتمنهم علاج ل أمي وبعد كدا اجي اشتغل عندك ع ما اخويا يرجع بالسلامه ويدفع بقيت الإيجار 

 ‏عزيز.... 

 ‏طول ما سهي ما بتتكلم وأنا زعلان علشانها شايله مسؤولية صعبه ع بنت في سنها 

 ‏قولتلها هو أنتي متعرفيش أني عامل في المستشفى يومين في الاسبوع كل حاجه فيها بالمجان كشف واشعة وتحاليل وعمليات كمان 

 ‏هنتظرك بكره تجيبي مامتك ع الساعه 4 أوعى تتأخري

 ‏سهي.... 

 ‏انت بتكلم جد قول والله كدا أنا مش مصدقه 

 ‏

 ‏عزيز.... 

 ‏مكنش ينفع احلف بس قولت لها لما تيجي بكره هتتأكدى بنفسك يلا سلام علشان أشوف شغلي متتأخريش بكره

 ‏مشيت وأنا سامع كل اللى بتقوله وأستغربت أوى

 ‏فضلت تقول الحمد لله يارب استجبت دعائي 

 ‏وببص شوفت الطفله واقفه عند باب المغسلة وطبعاً محدش شايفها غيري 

 ‏ولقيتها بتقولي إياك تفكر تأذيها. مش هنرحمك بعدها اختفت 😏 هى حصلت طفلة بتهد.دنى

 ‏يتبع....

الكاتبه ✍️

#رشامنصور

#الجزءالخامس

#عودةإبليس

دخلت المستشفى شوفت شغلي وروحت البيت وصحيت ع رنه الموبايل الساعه 8 الصبح 

عزيز..... الو يا رخم حد يصحي حد بدري كدا

أمير.... اصحي يا بني إحنا في الطريق ساعه بالكتير ونكون عندك جهز لنا الفطار يلا سلام يا دوك 

عزيز.... 

قومت أعرف جدتى دى هتفرح أوى طنط مها وأولادها هما اللى وقفوا جنبا في الوقت اللي الكل اتخلي عنا حتى بعد ما سافرنا كل فترة لازم تيجي تشوفنا ويوميا لازم أنا وأمير وأميرة نكلم بعض يعتبر ماليش أصحاب غيرهم 

جدتى..... 

ياااه والله فيهم الخير يابني ياريت يقعدوا معانا ع طول 

عزيز...  

إزاى بس يا جدتى أنتي عارفه أمير مهندس وعنده شغله وأميرة مضيفة طيران يعني بصعوبة لما ياخدوا إجازة

اسبوع نقضيه مع بعض 

أنا هقوم اخد شاور واطلب دليفري وبعد كدا نبقي نروح نتغدي ع البحر اهو بالمره تغيري جو شويه 

جدتى ..... 

ربنا يحفظك يا حبيبي من بعد اللي حصل وأنا مبقاش ليا حد غير حفيدي بيصعب عليا أوى اتصدم في ابوه ومراته وعياله راحو منه وامه ماتت ربنا يقويك يابني ويصبرك 😭 ويعوضك باللي تفرح قلبك 

عزيز ..... يا دوب خلصت الشاور واتصلت اطلب أكل لقيت جرس الباب بيرن وحد بيطبل ع الباب 

ايه ياعم أنت هتعمل فرح 

أمير..... الحق عليا بعملك أجواء احتفالية مجاتش منك بدل ما تفرش ليا الأرض ورد 

عزيز... 

أنا مش عارف مستحملك إزاى وسع كدا خليني اسلم على طنط مها وحشتيني يا طنط 😘 ايه يا ميرو القمر ده 

أميرة.... ده عيونك اللي حلوين يا زوز 

عزيز....  أنتي عارفه اللى يسمعك بتتكلمي أنتي واخوكى يقول أنكم تربيه شوارع مش مدارس لغات ابدااا

أميرة..... بطل تكسفني بقي 😂

أمير.... ياعم انجز جعان فين الأكل وفين جدتك 

يا تيتا تعالي شوفي حفيدك اللى مجوعنا 

جدتى...  أهلا أهلا ب الحبايب منورين الأكل زمانه ع وصول يلا ادخلوا اغسلوا وشكم يكون الأكل وصل 

عزيز....

وصل الأكل وفطرنا وبعد شويه طلعنا ع البحر وبعدين اتغدينا وأول ما لقيت الساعه 3 تواصلت مع قرين سهي وعرفت أنها بتستعد هى ومامتها علشان يكونوا موجودين قبل الميعاد 

قولت لهم أنا عندي شغل يلا اوصلكم وأنا هطلع ع المستشفى 

ووصلت عند البوابه كانوا هما لسه واصلين قدامها اخدتهم وطلعت ع العيادات وطلبت من الدكاترة فحص شامل وتتعمل كل الاشعة والتحاليل اللازمة 

واخدت سهى علي مكتبي اللى اول ما دخلت فضلت تتفرج وهى مبهورة أد ايه البنت دى بسيطة وصادقه في مشاعرها 

سهي.... ما شاء الله المستشفى حلوة اوى والمكتب بتاعك ربنا يزيدك يارب 

عزيز.....

 متشكر يا ستي تقدري تقعدى هنا لحد ما مامتك تخلص ولو متتأخرة ع شغلك انزلى وأنا أول ما تخلص هبعت السواق يوصلها لحد البيت 

 ‏سهي.... 

 ‏انا شغلي كمان ساعه بس ممكن انتظر تحت ع أذنك 

 ‏عزيز..... 

 ‏اقعدى هو ليه دايما بتفهمي كلامي غلط خليكي هنا لحد ميعاد شغلك واهو بالمره تشربي شاى معايا 

 ‏طلبت شاى وأنا طول الوقت بتابع كل اللي بتفكر فيه 

 ‏وبعدها نزلت علشان ميعاد الكشك 

 ‏

 ‏سهي.... لقيت الساعه داخله على 5 نزلت ولما قربت من البوابة قولت ل عم عثمان أمي بتكشف جوه وهبقي كل شويه هسأل عليها وببص لقيت هايدي واقفه عند الكشك 

 ‏عديت الطريق ولقيتها بتقولي 

 ‏ابله سهي منتظراكي من بدري سلمت عليها وع خالتي أم هشام اللي لقيتها بتقولي أنتي بتكلمي مين 

 ‏ببص لقيت غدير اختفت وبعدين بقي في الجنان ده 

 ‏مافيش يا خالتي كنت بكلم نفسي يلا بالسلامه أنتي

غدير..... 

اوعي يا ابلة اكون عامله لكي مشكله

سهي... 

نفسي اعرف أنتي بتختفي بتروحى فين الناس فكراني مجنونه

غدير..... ما هو محدش غيرك يقدر يشوفني 

الناس الوحشة جت تبقي قولي ل عزيز يبعدهم عنا هو الوحيد اللي هيقدر يمنعهم واختفيت

سهي..... 

بسم الله الرحمن الرحيم انس ولا جن وفضلت اقول كل سور القرآن اللى حفظاها كلها لحد ما هديت 

عزيز.....

مجرد ما سهي خرجت من المكتب ظهرت القطط قدامي 

قولت لهم كويس كنت محتاج اتكلم معاكم بس ياريت لو تظهروا بشكلكم الحقيقي

فضلوا ع شكلهم قولت لهم طب عاوز أفهم انتوا موجودين حمايه ع سهي علشان ايه 

فى أى خطر. عليها من الإنس أو الجن أنا أقدر احميها بس فهموني ايه الموضوع 

القطط.... اضطرينا نكلم وقولنا ايه سبب خوفك عليها 

عزيز.... 

شايفها بنت ضعيفة ويتيمة وحتى أخوها مش موجود 

القطط.... ظهرنا بشكلنا الحقيقي 

عزيز.... ظهر ليا رجل بشوش الوجه يرتدى جلباب أبيض وامرأة تشع نور وطفله صغيره عمرها لا يتعدي اربع سنوات 

أنتوا مين وايه حكايتكم 

القطط.... إحنا أهل سهيلة الحقيقين 

عزيز....  إزاى أومال مين الست اللي معاها دى

القطط...  إحنا جاوبنا ع سؤالك ودورك تبعد عنها 

أو تحميها لكن لو فكرت في أى ضرر. لها هتقو.م حرب' بينا

عزيز..... 

ضحكت ع كلامهم وقولت اظاهر ذوقي معاكم نساكم انتوا بتتكلموا مع مين وهنا ظهر ليا ضوء قوى 

تشكل في شكل أنثي 😲أنتي مين 

هي..... أنا اللي هقف لك لو فكرت تأذى. سهي

عزيز..... فجأة اختفت هى والقطط لااا ده الموضوع كبر أوى ياتري ايه حكايتك ياست سهي 

خدت بعضي وطلعت ع البيت بعد ما وصيت الدكاترة تهتم بحاله أم سهي وأول ما روحت لقيت

مها..... عزيز هو ممكن تاخدنى أشوف أولادك 

عزيز... ممكن بس غريبه عاوزة تروحى لمملكة الجن 

مها.... متستغربش أنا حاسه اني مقصرة في حق ولادك نفسي اشوفهم واحكيلهم عن نهي 

أمك عمرها ما اتخلت عني يا عزيز وواجب عليا اخلي بالي منك ومن عيالك 

عزيز....  تمام بس توعديني أى حاجة تشوفيها تفضل سر

يلا بينا اخدتها وفي لحظه كنا في القصر ولقيت الأمير صرماط ظهر أمامي وقدم التحية ل طنط مها وقولت لها لحظه اجيب الاولاد 

وبعد ثوانى اتفضلي يا طنط 

مها .... لسه بدور وشي علشان اشوف الاولاد مصدقتش عنيا أغمي عليا من اللى شوفته 

وفوقت لقيت نفسي نايمه ع السرير وعزيز واقف بيقولى حاسه بأيه دلوقتي قولت له مش عارفه يابني مرة واحدة تخيلت تخيلت 😔 أمك قدامى الله يرحمها اكيد روحها حوالينا وسمعت اللي بتقول

نهي..... 

وحشتيني يا مها فيكي الخير عملتي بالوصيه ووقفتي جنب أبني علشان كده أنا كمان خليت حار'س من الجن معاكي دايما 

مها..... هو أنتي بجد ولا أنا اللى ميته ولا أنتي شبح 

نهي.... 

ههههههههه بجد يا مها أنا نهي فوقي بس كدا وأنا هعرفك كل حاجه يلا قومى بلاش قلبك يبقي خفيف كدا أومال لو مكنتيش متربيه في وسط الجن 

مها....  

يعني انتي عايشه بجد طب ليه مقولتيش ليا ولا حتى ل مرات عمك ده قلبها حزين عليكي كأنك بنتها 

ليه تعملي فينا كدا يا نهي وتقطعي قلبنا عليكي

نهي.... 

أنا هحكيلك كل حاجه  

يتبع......

تكملة الرواية من هناااااااا