رواية بنات للحراسه الفصل 1-2-3-4-5بقلم نوران احمد (جميع الفصول كامله)

رواية بنات للحراسه الفصل 1-2-3-4-5بقلم نوران احمد (جميع الفصول كامله)

رواية بنات للحراسه الفصل 1-2-3-4-5بقلم نوران احمد (جميع الفصول كامله)

رامز : المفروض نختار النهار ده قائد لفريق المغامرين مينفعش مجرد بنت تمسكها

انا رامز 25سنه ابويا من كبار رجال الأعمال اغنيه جدا بس بحب ادور علي نفسي واعيش كل لحظه في حياتي صح رافض فكره اني امسك الشركات دي لان ليا كاريري الخاص وهشق طريقي بنفسي واوصل من غير اي مساعده 

دينا : ميرا انت عارف كويس قد اي هي موهوبه وقويه واحسن منك  ومبتخسرش

دينا صاحبه ميرا من الطفوله ودايما مع بعض جميله وعندها 20 سنه  

رامز : هنشوف بعد المنافسه هتخسر ولالا مش مقابلتنيش ااكدلك انها هتخسر 

في حلبه المصارعه 

ميرا : قدامك 5 دقائق في تحدي تاني ورايا ومش فاضيه

ندي : انتي بتتكلمي كتير اوي وانا محبش الرغي

ندي غامضه جدا محدش يعرف حاجه عن أهلها وشخصيه بارده وجميله وشعرها قصير وعندها 21 سنه 

هجمت ميرا عليها وبدءو بالمصارعه بينهم 

علي البحر 

رامز : ميرا مجتش ليه لحد دلوقتي معقول خايفه 

دينا   مستحيل تخاف منك استنا وبدأت تتصل عليها 

في حلبه المصارعه كانت المواجهه صعبه اوي بينهم لكن في الاخر بطلتنا وقعتها وتفوقت عليها 

في البحر 

رامز : 5 دقائق ووقت المنافسه هيخلص وبكدا اكون بقيت قائد اتحاد المغامرون 

انا ميرا عمري 20 سنه يتيمه ولا أم ولا أب بس بشتغل بطريقه مختلفه خالص يعني رهانات انا وصحابي واللي يكسب أو اي حد عنده مشكله مع حد بتصرف معاه وباخد اجر بالمقابل زي فتوه بس حديثه شويه 

كنت ماشيه بالعجله بسرعه كبيره كنت مركزه مع طفله وأبوها ولقيت الناس بتصوت بصيت قدامي بسرعه لقيت لوح ازاز شايلينه سبت العجله مكمله ونطيت فوق بسرعه للجه التانيه نزلت علي العجله وكملت طريقي ولقيت ناس كتير مصدومين ومن بعيد كان في حد بيراقبها ومبتسم  كملت طريقي بضحك لحد ما وصلت علي البحر 

دينا : اتاخرتي اوي ليه كدا 

رامز : والله قولت انك انسحبتي من الرهان طبيعي تخافي ما انا مش اي حد 

ميرا بابتسامه : الرجاله أفعال لا اقول وريني همتك في السباق 

رامز : في نص البحر في علم اللي هيوصل ليه الاول هو الكسبان

ميرا : اتفقنا اما نشوف 

وفي اوضه سلمي بنت كيوت بتحب اللون الوردي  عمرها 19 سنه شعرها قصير جميله ورقيقه ورفيعه جدا معندهاش غير امها كانت قاعده علي اللاب توب بتاعها وهي حاضنه الدبدوب بتاعها وبتهكر كذا مركز مهم وبتكتشف معلومات جديده وفجاه جت ليها رساله 

الام : سلمي كفايه زفت وتعالي اتغدي المخروب اللي في ايدك ده بوظلك عينك 

سلمي : مش عايزه يا مامي المهم  ورايا مشوار مهم هروح بقا سلام 

وجريت علي تحت 

ندي بعد ما خلصت المصارعه مع ميرا فجاه وصلت ليها رساله استغربت جدا منها بس فضولها خلاها تتحرك علي هناك 

وفي بيت عيله كبير وتحديدا في اوضه بنت اسمها جنا

كانت بتتسحب علي اوضه اخوها وجريت بسرعه ونطت عليه 

عمر : يا شيخه حسبي الله ونعم الوكيل فيكي اي حد يصحي حد كدا 

جنا : اي يا حبيبي الغدا جاهز ده جزاتي يعني اني عايزه اصحيك تاكل 

عمر : مش هخلص من مقالبك دي ابدا 

جنا : لا قاعده علي قلبك أنت وأهلك كلهم 

وجريت بسرعه وخضت مامتها 

الام : يا بنتي حرام عليكي هيحصلي حاجه من حركاتك دي في يوم من الايام 

الاب : خلي عندك احساس بالمسؤوليه شويه مش كفايه عاطله وفاشله 

جنا : جري اي يا حجوك والله بخاف اسيبك لحظه يحصلك حاجه من غيري بخاف عليك الله 

الاب : يا شيخه غوري بقا قرفتينا 

عمر : بيحبك اووووي مش قادر اوصفلك قد اي محبوبه في البيت انتي 

جنا : فعلا تراني تأثرت 

وعلي الاكل وصلت رساله للاب فابتسم

وعلي البحر 

وقع رامز في البحر في طريق رجوعه 

وفازت عليه ميرا كانو صحابها مبسوطين جدا 

رامز بضيق : لا لا لا لا ده غش الكلام ده مش حقيقي اكيد 

ميرا : مش انت اللي اخترت التحدي 

رامز : اه 

ميرا : وانت اللي اخترت المكان 

رامز : اه 

ميرا : وانت اللي حطيت قوانين اللعبه 

رامز : اه 

ميرا : وانت اللي قررت الخسران هيحصل فيه اي 

رامز : حصل 

ميرا : جاي تلومني علي خسارتك هو انت  راجل بجد 

رامز بعصبيه : انتي ازاا

ميرا : خد خد لمون هدي اعصابك 

وفجاه زن تليفون رامز وميرا قرءو الرساله وبصو لبعض باستغراب 

روحت ميرا البيت  وفجاه رن الفون بتاعها وكان عمها 

العم : مش كفياكي بجي صرمحه وجله ادب وترجعي ع بلدك تتزوجي وتقعدي 

ميرا : لا مش انا اللي هتحطها تحت طوعك وتقولك حاضر ونعم ولو فاكر اني نسيت ورث ابويا الي سرقته تبقا غلطان وحوار اني اتجوز ابنك ده تنساه 

العم : وه كانك اتعوجتي جوي عليا يا بت اخويا عجيبك وعجسر راسج النشفه دي ونبقا نشوف كلام مين اللي هيمشي ولد المركوب 

وقفل السكه 

ميرا : عمري ما هنسي الاذي النفسي اللي سببته ليا والرعب اللي عشته من صغري مصدقت هربت من السجن ده ومستحيل ارجعله الا وانا قويه كفايه عشان ارجع حقي وحق ابويا ورنت علي صاحبتها سلمي 

ميرا : اي اخبارك 

سلمي : تمام بس في حاجه غريبه حصلت 

وانا بهكر شركه معينه وبشوف معلوماتها لقيت رساله غريبه وصلت ليا علي شاشه اللاب بتقول احنا عارفين بوجودك قفلت اللاب بسرعه ولقيت رساله مبعوتالي هنستناكي وبعتو لوكيشن مكان غريب 

ميرا : وانا كمان بس عندي فضول اروح 

دخل معاهم في المكالمه تامر 

تامر : بقولكم اي في رساله غريبه جاتلي لمكن غريب 

سلمي : نفس اللي حصل معانا احنا هنروح 

تامر : تمام معاكم 

ميرا : بقولكم اي انا مش فاضيه هروح اجيب طلبات من المول قبضت النهار ده اخيرا فهروح بقا سلام 

وفي ورشه كان رامز قاعد فيها 

رامز : انا اخسر علي ايد البت دي ازاي ازاي ازاااااااي 

معتز : يا عم صدعتني ما تولع انت وهي ارحمني وارحم نفسك الغل ده غلط عليك 

رامز : بس بصراحه البت موزه 

معتز : ام برج الجوزاء ده بقولك اي حدد موقفك ومتجننيش اي معجب ولا حاقد 

رامز : الاتنين 

معتز : لا كدا أخري معاك انا مروح انام مش ناقص عته

فجاه جت رساله 

معتز : اي ده 

رامز سحب الفون بسرعه : وريني كدا نفسها جاتلي في حاجه غلط.... هتروح 

معتز  : لا سلام بقولك في اجتماع وابوك عايزك معاه بكرا بيوصيك تلبس بدله 

رامز : يا عم خلصنا خلاص تمام سلام بقا 

وفي مول كبير 

كانت ميرا واقفه بتختار حاجه 

رامز : مكنتش متوقع اشوفك هنا 

ميرا  : عايز اي جاي اخسرك تاني ولا اي المفروض بعد اللي حصل فيك مشوفش وشك لمده سنه 

رامز : حقك تقولي اللي عايزه تمام بس ده اخر تحدي ولو كسبتي اطلبي اللي انتي عايزاه تعالي بس 

دخلو الاسانسير

وفجاه طفله جريت ناحيتهم وبقت معاهم كانت امها بتجري وراها ولسه الاسانسير هيقفل فتحه رامز بسرعه لحد ما الام تدخل 

الام : لارين اللي عملتيه ده غلط لو كان الاسانسير طلع بيكي كنا هنعمل اي

الطفله لارين : كنت هركب اللي بعده 

ضحك رامز وميرا علي لطافتها 

الام  : كدا غلط متعمليش كدا تاني مفهوم 

الطفله : يا مامي حاضر مس تزعلي مني 

الام : مش زعلانه يلا دلوقتي اشكري عمو 

الطفله : شكرا يا عمو 

رامز بابتسامه : ولا يهمك يا حبيبتي 

وصلو للدور الرابع دخلت ميرا ورامز وكان المكان مقفول 

ميرا : حظك ملكش نصيب تخسر النهار ده

رامز : طب بقولك اي عايز خدمه 

ميرا  : اخلص 

رامز : عندي اجتماع مهم معلش ساعديني اختار بدله لاني فاشل في الموضوع ده 

ميرا : انت فاشل في كل حاجه واللي زيك يعرف اجتماعات اصلا 

رامز : لا اوعي تشككي في قدارتي ده انا جامد جدا 

بدأت تختار معاه بدله كويسه ودفع وهما ماشيين لاحظ رامز حاجه غريبه نفس البنت اللي ركبت مع الام ماشيه مع شاب غريب وبتقوله

الطفله :  هتوديني الالعاب يا عمو 

الشخص : ايوه يا حبيبتي امشي معايا 

مسك رامز  ايد ميرا ونزل جري علي تحت 

كانت البنت متربطه في العربيه وبتعيط بخوف ووو وكدا تكون خلصت حلقتنا استنونا في البارت الجاي تعليقاتكم بتفرحني وارائكم مفيده وهستنا 

بقلم نوران احمد

بنات للحراسه 2

بقلم نوران احمد 

كانت البنت متربطه في العربيه وبتعيط بخوف 

ميرا : في اي مالك يا ابني حصل حاجه 

رامز  : اركبي العربيه بسرعه اخلصي 

ركبت ميرا العربيه وهي قلقانه 

ميرا : في اي بقا اي اللي بيحصل 

رامز : البنت اللي كانت معانا في الاسانسير في واحد واخدها شكله بيع أعضاء 

ميرا : احقر ناس بجد معندهمش رحمه امشي بسرعه اكبر 

فضل رامز وراه بالعربيه لحد ما وقف قدامه علشان يتفاداه 

العربيه اللي فيها البنت انقلبت 

جريت ميرا بسرعه تلحق البنت اللي كانت في جروح علي وشها بس الابواب مبتتفتحش خالص 

ورامز طلع الراجل من الشباك 

دخلت ميرا من الشباك وحاولت تشيل البنت 

راح رامز ليها بسرعه يساعدها خد منها البنت وراح يوديها في العربيه بتاعته 

أما ميرا في حديده زنقت رجليها مبقتش عارفه تطلع مهما حاولت مش عارفه الحريقه حوليها في كل مكان 

ورامز برا مفزوع 

ميرااا .. ميراااا 

ميرا بدموع : رجلي رجلي مش عارفه اطلع 

امي عايزه اجيلك وحشتيني اوي شكلها كدة النهايه 

فجاه ظهر راجل ببدله قلع الجاكت 

ومسك حديده لحد ما قدر يفتح الباب وبالحديده ضغط علي اللي زانق علي رجليها وطلعها وجريو بسرعه 

ميرا : اهم حاجه البنت كويسه 

رامز : اه بخير المهم انتي  هتصل بالشرطه

الراجل : هما علي وصول وركز اوي مع سلسله ميرا كأنه يعرفها وفجاه اختفي 

في بيت رامز 

الاب : ازاي تعرض نفسك للخطر 

رامز : انا عملت اللي شايفه صح وبعدين انا مبقتش عيل صغير عشان تخاف عليا والمفروض تكون فخور بيا اني عملت حاجه زي كدا مش تزعق وتعلي صوتك 

الاب : انت هتعلمني اعمل اي كمان 

رامز : لو نسيت دور الأب ممكن افكرك 

ضربه الاب علي وشه 

بصله بضيق : ودخل اوضته ينام 

وفي بيت ميرا روحت بيتي وحشني السرير ياااه اخيرا وحلمت بماما

الام : كوني بخير دايما

ميرا : افتكرتك النهار ده هخلي بالي من نفسي وهخليكي فخوره بيا صدقيني ده وعد 

صحيت تاني يوم 

افتكرت الرساله الغريبه اللي جاتلي لسه فاضل يوم واروح الفضوول 

ودينا وتامر عزموني علي الغدا عشان يطمنو عليا 

في المطعم طلبنا أكل 

تامر : انتي كويسه 

ميرا : جدا بسبع ارواح متقلقش 

غمز تامر لدينا بعد الاكل 

دينا : ااه صح انا عايزه اجرب مشروب معين هروح اقعد هناك خدو راحتكم 

مشيت قعدت بعيد 

ميرا : وزعتها بنجاح عايز اي 

تامر : انتي عارفه 

ميرا بضيق : لا

تامر : انا بحبك كل الناس خدت بالها الا انتي 

ميرا : انت عارف اني بعتبرك زي اخويا مقدرش افكر فيك بشكل تاني 

تامر : هفضل وراكي ومش هيأس لحد ما تحبيني 

لاحظت ميرا شاب غريب قعد جنب دينا واول ما مسك ايديها يمشي بيها 

ميرا : دقيقه ورجعالك يا تامر 

ميرا للشاب : انت مين 

الشاب : ميخصكيش 

ميرا : لا يخصني دي صاحبتي 

الشاب : لو مش عايزه تضربي امشي من قدامي 

خبطت ميرا أيده وقع منها حاجه غريبه 

ميرا : اي ده 

الشاب وهو شايل دينا  

ابعدي من وشي 

ضربته ميرا علي وشه ومسكت دينا وحاولت تفوقها 

رجعت للشاب مره تانيه وضربته لحد ما أغمي عليه 

صاحب المكان : ميرا ميصحش كل شويه مشاكل انا هتصل بالشرطه

ميرا : اتصل بالشرطه بسرعه الحيوان ده حط حاجه لدينا خلاها تنام 

جت الشرطه خدت الولد وميرا 

ميرا : ممكن افهم ليه واخدني 

الظابط : لازم ناخد الاتنين اللي اتخانقو 

ميرا : بس هو فعلا شخص مش محترم 

الظابط : احنا اللي نحدد مين كويس ومين لا 

ميرا : بس دي حاجه واضحه 

الظابط : انتي بترغي كتير ليه اسكتي شويه 

في القسم 

ميرا : مكلتش جعانه 

الظابط : ميرا انا بقيت اعرفك كويس انت بنت ومع ذلك كل يوم تيجي القسم بمشكله شكل مشوفتش بنت زيك قبل كدة 

وفجاه دخل خالها ماجد 

الظابط : استاذ ماجد لازم تعلم بنت اختك مينفعش كدا هي اه بتعمل خير بس بردو وجودها في القسم كل شويه غلط 

ماجد : انا اسف انا دلعتها شويه هتعامل معاها 

الظابط : تمام تقدر تاخدها 

ماجد : شكرا 

في الطريق 

ماجد : انتي كبيره كفايه ينفع اجيبك من القسم بالليل كدة 

ميرا : عندي أسبابي ومش ندمانه علي حاجه صح عملتها لو حد عمل كدا في بنتك كنت هتسكت 

ماجد : صوتك عالي 

ميرا : كنت هتسمح بده يحصل ليها ها ها ها ها هسيبك تفكر في كلامك تصبح على خير

طلعت بيتها وهي بتضحك 

تاني يوم 

دخلت بنت شقره جميله واتحدت دينا خسرت دينا ووقعت 

البنت : ضعيفه اوي 

سابتها ومشيت 

كان تامر بيتدرب علي الجري والباركور 

اتحدته نفس البنت وكانت اسرع واقوى منه وتفوقت عليه لحد ما وقع ومسك ضهره بصتله بابتسامه ومشيت 

قابلت دينا اللي ماشيه بعكاز بسبب إصابتها وميرا 

البنت : بطئ جدا جاي ورايا انتي بقا اللي مبتخسرش هستناكي كمان شويه في الملاكمه 

ومشيت 

تامر : البنت دي قويه جدا بجد جامده 

ميرا : انت خايف منها 

دينا : هي فعلا قويه جدا 

تامر  : دي حقيقه لازم اقولها 

ميرا : هي اتحدتني في لعبتي المفضله الملاكمه مش النط من علي الصخور والجري 

تامر : لما تجربي هتفهمي 

جه وقت المنافسه 

كانت سلمي مهكره كاميرات المكان وبتتفرج 

وندي ودينا وتامر بيتفرجو 

بس كانت البنت دي اقوي منها كتير مهما حاولت كانت دائما تقع علي الارض بضربات قويه 

ندي بصدمه : دي عارفه حركات من قوات خاصه امريكيه ميرا هتخسر اكيد 

سلمي بدأت تدور حولين البنت دي واتصدمت وقالت بخوف 

اه يا ميرا انتي المره دي مش بتتحدي انسان عادي دي وحش 

البنت : مستنياكي تستسلمي 

ميرا : مستحيل 

البنت : اي اكبر هدف نفسك توصلي ليه رايي تستسلمي افضل 

ميرا : موافقه بس لو قدرتي توقعيني علي الارض بس المره دي 

كان الكل بيشجعها  ومعدتش ثواني وكانت وقعت علي الارض ودي كانت المره الاولي اللي تخسر فيها 

البنت : في عربيه هتيجي تاخدك بكرا لو مهتمه هستناكي هناك 

وفي بيت العيله 

جنا بعصبيه : انت بتهزر يا بابا اي المكان اللي عايزني اروح فيا ده انت بتقول بجد معسكر 

الاب : ده لو نفعتي بس بسلطتي غصب عنك هتدخلي لازم تتعلمي الادب وتبطلي تفاهه ودلع شويه 

ضحك عمر : انت مدخلتنيش الجيش هتدخلها بصراحه بنت حلال وتستاهل 

جنا : ماما وقفي اللي بيحصل ده 

الام : ابوكي معاه حق 

جنا بصدمه : نعم بجد انتم بتتخلو عني 

الاب : العربيه جايه تاخدك بكرا وده اخر كلام عندي 

في بيت سلمي 

رن الفون 

سلمي : ايوه نعم 

المتصل : احنا محتاجينك في معسكر براتب شهري خلال فتره تدريبك وبعد انتهاء التدريب هنعينك موافقه ولالا 

سلمي بتردد : موافقه 

المتصل : في عربيه هتيجي تاخدك الصبح 

كانت ندي مروحه بيتها وفجاه هجم عليها حد عرفت تهرب منه بصعوبه ودخلت بيتها 

واتبعت ليها رساله احنا عارفين كل حاجه عنك لو عايزه تحسني حياتك الضايعه في عربيه هتكون قدام بيتك الصبح هنستناكي 

جه الصبح : ركبت ميرا العربيه وجواها توتر كبير  واتفاجات بمكان غريب وبعيد ولقت رامز ومعتز وندي وجنا وتامر وسلمي وناس كتير غيرهم موجودين هناك في ساحه كبيره منها للسما 

رامز : انت اي اللي جابك 

معتز : فضول مش هخسر حاجه في كل الأحوال مش عاجبني أحوالي وفجاه ظهرت حاجات غريبه واتقفل عليهم وفجاه و 

بقلم نوران احمد

كدا تكون خلصت حلقتنا استنونا الحلقه الجايه وعايزه رايكم

بنات للحراسه 3

بقلم نوران احمد 

فجاه ظهر شخص 

ميرا : ثانيه واحده مش ده نفس الشخص اللي انقذني يا رامز 

رامز : هو فعلا نفسه ياختي نفسه 

الراجل : انا القائد فارس جمعتكم النهار ده علشان اعرفكم شويه حاجات الفتره اللي فاتت انتم كنتم مراقبين يعني نشوف قدراتكم الجسديه ضعيفه ولا قويه هتنفعو في المكان ده لالا 

ميرا : اي المكان ده اصلا 

فارس : ده معسكر تدريبي للقوات الخاصه وفي نفس الوقت هنشغلكم بعد التدريب كاحرس أو فريق خاص بعمليات خاصه وليكم راتب شهري طبعا 10 الالف في فتره التدريب وبيزيدو حسب كفائتك في العمليات الجايه 

رامز : الكلام ده تبع الجيش المصري ولا دي حاجه خاصه  

فارس بابتسامه : متقلقش المهمات هتكون دايما لمساعده الناس والجيش المصري عارف بالمعسكر فعلا اللي عايز ينسحب في اي وقت الباب مفتوح وتم فتح المكان وقال ودلوقتي كل واحد يشيل شنطه ويجري للمقر التاني هو 5 كيلو ربع ساعه والاقيكم هناك بدأ الوقت 

بدأ كل واحد يجري بسرعه 

جنا : هجري ازاي بالكعب ده بس يا ربي اوف بقا  

ميرا : بسيطه اقلعي الكعب ده واجري انها توجعك احسن ما تنكسر 

لاحظت ميرا أن الكل جري وسبق الا سلمي مبتقدرش تجري كتير 

ميرا : امسكي فيا كويس وهاتي شنطك واجري معايا استحملي 

واول ما وصلو المكان كانت البنت الشقره هناك واللي اسمها مايا 

مايا لميرا : المكان ده مش عشان تساعدي صحابك وبعدين جسمها ضعيف جدا وواضح أن المكان ده مش مكانها بس عجبتني العزيمه وبما أن ميرا خالفت القواعد العقاب هو 100 واحده ضغط 

وقدام الشباب كلها كانت ميرا علي الارض بتعمل الضغط لحد ما وصلت ل ال 100 

ميرا بابتسامه : 100 كدا مظبوط 

بصت ليها مايا بضيق وقالت : قدامكم 3 دقائق تكلموا فيها اهلكم تشرحو ليهم الوضع لأن الفتره الجايه هيتم يحب الفون لمده شهر 

بدأ الشباب يتضايقو ليه شهر 

سلمي : ميرا انتي كويسه انا بجد اسفه 

ميرا : انا بخير متقلقيش عليا 

رامز لميرا : غريب ندي الغامضه بتتصل يا تري بمين 

ميرا : ميهمنيش كل واحد يخليه في حاله احسن 

رامز : تمام طب انتي مبتتصليش بحد ليه 

ميرا: كنت كلمت خالي وقولت قبل كدا مش هتصل كل شويه

خد رامز منها الفون عشان يسلمه كل الطلاب بيسلمو لمايا كان لسه هيدخل دخل ولد وزقه وهو بيزعق 

الولد : ليه عايزين الفون ده عشان محدش يكتشف اللي بتعملوه

مايا متجاهله الولد : قدامك دقيقه و 40 ثانيه  

مشي الولد وتم تسليم كل التليفونات وبدأو يدخلو جوه وكانت مستنياهم مايا مع شاب جميل اول ما وصلو عنده 

جنا وهي فاتحه بقها : يا لهوي علي الجمال هو في شباب بالحلاوه دي 

ميرا : يا بنتي انتي  الشنطه بتاعتك انتي نسيتيها هفضل أشيل وراكم حاجتكم كمان فينك مالك 

جنا : مش مهم مش مهم اي حاجه خالص المهم القمر ده اااخ مشوفتش حلاوه كدا 

مايا : قدامكم 10 ثواني وتحطو الشنط علي جنب وتقفو صفوف قدام العربيه 

بدأ الكل يجري وينفذ كلامها وقفو صفوف 

سيف : انا القائد سيف مسؤل عن تدريبكم شكلكم تعبان ومرهق  عايزين تشربو 

بدأ الكل يقولو اه 

شغل خرطوم ضخ ميه قوي جدا وبدأ يوجهه عليهم وقعو كلهم علي الارض

قامت ميرا وقالت : كلكم قومو بسرعه وامسكو ايد بعض جامد عملو اللي قالت عليه ميرا وقدرو يمسكو نفسهم وميقعوش بالطريقه دي

وقف سيف الميه وقرب من ميرا وقال : انتي صاحبه الفكره دي مش كدا 

هزت راسها 

سيف : تمام متفتكروش ان تدريب اليوم خلص كدا ده لسه دي بدايه الكابوس ليكم 

وقفهم القائد سيف عند حمام سباحه كبير بس من الطين مش غويط للاطفال وقال 

دلوقتي دي المهمه التانيه تزحفو في الطين 

جريت ندي ونطت 

ميرا : بتحاول تاخد اللقطه مش هسيبك وهغلبك يا ندي  

ونطت وراها ووراهم الكل الا جنا 

جنا : يا قائد هينفع يتغسل لبسي مره تانيه بعد ما أنزل ولا خلاص كدا باظ  

سيف : اشك في ده اي ده انتي هترغي  اتحركي 

جريت جنا وراهم 

وفي مكان تاني علي شاشات المراقبه فارس بيكلم مايا 

فارس :  اي رايك في ميرا ييجي منها وذكيه متهيقلي هتكمل معانا 

مايا  : كويسه بس مغروره ولسانها طويل 

ضحك فارس 

طلعو اخير من الطين 

سيف : كويس بس معملتوش احسن حاجه عيدو الموضوع مره تانيه اتحركو كررو الموضوع مره تانيه وطلعو اخيرا بعد تعب 

ميرا : سلمي انت كويسه حاسه ان هتقدري تكملي مالك  

سلمي وهي مش قادره تاخد نفسها : ايوه هقدر مش هستسلم ابدا دلوقتي معاكم 

مايا  : يلا اتحركو  مره تانيه اتحركو بلاش لكاعه 

جنا : مستحيل مش هنقدر كدا كتير اوي علينا ده حتي لسه اول يوم نرتاح فيه شويه 

مايا : لو مش هتقدري اطلعي بره المعسكر كله المكان هنا تعب وشده مش محتاج دلع 

جنا بضيق : لا مستحيل هكمل ومش هستسلم بسهوله 

ونطت في الطين مره تانيه تزحف 

مايا : وانتم مستنيين اي ما اتحركو ولا عايزين عزومه 

بدءو يتحركو وفي نص الطين بدأت سلمي تواجه صعوبه كبيره في التنفس

سلمي : م ميرا ... م ميرا 

بصت ميرا وراها ولقت سلمي كان هيغمي عليها جريت عليها بسرعه وحاولت تفوقها 

سلمي : هحاول هقدر اعملها لازم اقدر اوصل 

قالت كلامها واغمي عليها 

ميرا بقلق  ' يا قائد مش هتقدر تكمل اغمي عليها لازم تطلع حالا 

سيف لمايا  : اي رايك ده وقت ياخدو فيه راحه 

هزت راسها 

سيف : ادخلوا لمكان الاستراحه ده وقت الاستراحه 

ميرا :  شالت سلمي بسرعه واتجمع الكل حواليهم

دخلت مايا معاها بطانيه وطلبت ميه سخنه لسلمي 

جنا : وانا وانا مينفعش تجيبيلي زيها 

مايا : لا هي حاله خاصه وبس 

حضنتها ندي تدفيها شويه 

قرب تامر ونام علي كتف ميرا 

ميرا : انت بتعمل اي انت يا متخلف ابعد 

تامر  : عايز ادفي مش الصحاب لبعض بردو ولا اي 

ميرا : ابعد عني بدل ما اكسر وشك حالا 

اول ما وصلت كوبايه الميه السخنه قام شاب من الفريق وشربها كلها وهو بيقول بتكبر : جيبلي واحده تانيه اخلص 

ميرا  : رامز امسك سلمي دقيقه وراحت للولد ده 

انت ازاي انسان زباله ومعندوش احساس بالشكل ده 

الولد : مالك يا حلوه في اي انتي عايزه تضربي صح 

سيف : مسمعش ولا كلمه كل واحد يرجع مكانه حالا 

ووجه كلامه للعسكري روح جيب كوبايه ميه تانيه 

جابها بسرعه مد الولد أيده لكن ايد سيف كانت اسرع مسكها واداها لميرا 

سيف : ليه شايف انك تستاهل انك تشرب ميه وهما لا 

الولد : انا عايز اشرب كوبيتين انت متعرفش انت بتتكلم مع مين انت فاكر نفسك مين انت متعرفش رئيسي ممكن يعمل اي 

سيف : ميهمنيش مين رئيسك وممكن يعمل اي عايزك بس تعرف انا مين 

مد الولد أيده يضرب سيف مسكها سيف بسرعه 

جنا : يااااه حمش حمش وعضلات وكاريزما وجامد هيييح اوعدنا يارب بالمزز اللي زي دي 

ندي : تعرفي تخرسي احنا في اي ولا في اي 

سيف : في قانون بيقول لو الطالب هو اللي بدا برفع أيده يقدر القائد يضربه براحته وانت اللي جبته لنفسك 

كسر سيف ايد الولد وضربه بالرجل وقاله

انت مطرود خد حاجتك وامشي من هنا حالا 

الولد : استنا وشوف انا هعمل اي وخرج 

مايا لفارس : ياريس ده هيسبب اي مشكله لينا باي شكل ولا تمام 

فارس : لا تمام سيف عمل الصح 

مايا : قال كلام غريب عن شخص معين ده ممكن ياذينا في اي  

فارس : ليه بتسالي علي اي حال مفيش اي مشاكل هتوصل لينا 

مايا : تمام ياريت تبلغ سيف باي جديد مليش علاقه 

سيف : ده درس ليكم يا شباب انا بعلمكم ازاي تعملو الخير وتحرسو الناس مش عشان تكونو بلطجيه في الشوارع 

جنا : اااه قمر وقوي وبيعرف يحارب كويس لا واي قلبك من دهب هو ده فتي احلامي 

بصت ندي ليها بصدمه وبعدتها عنها 

مايا : قدامكم 30 ثانيه وتنزلو للطين مره تانيه الا سلمي 

مشيو الكل بسرعه الا ميرا 

سلمي : روحي يا ميرا  هكون بخير متقلقيش عليا يا حبيبتي 

مايا : اتحركي وسيبيها هنا 

سابتها ميرا ومشيت ولسه مايا هتمشي 

سلمي : مدربه لو سمحتي هو انا كدا مطروده 

مايا : قوه الاراده بتاعتك عجبتني بس الحارس الشخصي قوه الاراده بالنسبه ليه مش كفايه لو مش قادره تحمي نفسك هتقدري تحمي غيرك ازاي فكري في الموضوع 

سابتها ومشيت 

فضلت سلمي تعيط 

أما في التدريب سيف بصوت عالي : اللي عايز ياكل يشتغل اسرع اللي عايز حمام دافئ يشتغل اسرع يلا اتحركو فضلو على الحال ده فتره طويله 

جنا : انا بستسلم اقدر دلوقتي اروح اكل انا بجد تعبت 

سيف : اه انا اصلا عامل التدريب ده عشان حد ينسحب دلوقتي تقدرو كلكم تروحو تأكلو

جنا : لا لا لا اي ده  انا مش موافقه رجعت في كلامي مش هستسلم هكمل 

سيف : بتبصولي ليه كملو تدريب مش عايز كسل 

طلعت بنت فجاه : لا انا انا هستسلم مش قادره لو اليوم الأول صعب اوي كدا امال الايام التانيه هعمل اي 

سيف : تمام خلص كدا تدريب اليوم تقدرو تروحو ترتاحو 

رامز للبنت : شكرا جدا انتي استسلمتي في الوقت المناسب كنا هنموت 

راحو المطعم ياكلو كل 6 قدموا ليهم طبق واحد رز ورغيف واحد عيش قسموهم علي بعض بالتساوي 

رورحو اخيرا عماره للبنات وعماره للشباب وكل باب عليه اسماء البنات اللي هتعيش فيه وكانت سلمي وندي وجنا وميرا مع بعض اول ما دخلو نامو علي طول 

الصبح بدري جاب سيف صبات عاليا 

واتكلمت مايا : قدامكم 5 دقائق وتكونو قدامي حالا اصحو واتحركو  

صحيت ندي بسرعه ودخلت تلبس 

سلمي : بجد مش قادره  جسمي تعبان اوي متكسر 

جنا : انا مش فاكره هو احنا نمنا قد اي ملحقناش ننام 

ندي : يلا بسرعه هنتاخر قومي انتي وهي اتحركو بسرعه مفيش وقت 

سلمي : ميرا بسرعه قومي يلا يلا هتتاخري 

قامت ميرا جريت سلمي والبنات علي تحت 

ورجعت ميرا للنوم مره تانيه 

طلعت مايا ومعاها جردل ميه و و

بقلم نوران احمد 

وكدا تكون خلصت حلقتنا استنونا في بارت جديد وهستنا رايكم في الروايه مع السلامه

بنات للحراسه 4

بقلم نوران احمد 

دلقته علي ميرا اللي صحيت مخضوضه ميرا : بغرق بغرق في اي حصل اي 

مشيت مايا وخلال دقيقه كانت ميرا واقفه في الصف 

سيف : اكيد بتسالو ليه التمارين امبارح كانت صعبه شويه وده علشان كنت عايز اطرد اي حد معندوش عزيمه ونيته وحشه في ناس جايه هنا مش بسبب حبهم للوظيفه ولا علشان يحسنو من نفسهم جايين بس عشان يبقا ليهم قيمه ويتعرفو علي رجال أعمال ويعملو مصلحه واللي زي دول مش مرحب بيهم هنا 

تدريب النهار ده ملاكمه اتحركو 

ميرا : ممتاز ده انا هنفخك زي ما نفختك المره اللي فاتت فأكره ولا ملوش لازمه افكرك في الحلبه دلوقتي 

ندي : تعالي نشوف المره دي كسر ايدك واعلمك الادب غرورك مقويكي اوي معرفش علي اي 

مايا : ميرا وندي اتقدمو شكلكم عايزين تتخانقو وانا هديكم الفرصه انتم الاتنين علي سيف 

سيف : كدا بتظلميهم رامز وتامر تعالو ووروني انتم الاربعه هتقدرو ولالا

بدأت مايا في عمل التيمر ودخلوا كلهم عليه وبسهوله وخلال 25 ثانيه كان موقعهم علي الارض 

سيف : انتم دلوقتي في نظري 25 ثانيه عارفين خسرتم ليه لانكم متدربتوش بشكل كويس ومفيش روح فريق 

جه الليل في اوضه البنات 

سلمي : ميرا انتي كويسه شكلك غريب ليه النهار ده 

هزت راسها ب لا 

سلمي : بجد المدرب ده قاسي جدا المفروض يتعامل مع البنات بشكل أفضل من كدا 

جنا : في رأيي مفيش فرق بين راجل وبنت وهو جامد ومسمحش لحد يتكلم عنه كدة 

ندي : متنسيش ابدا انك خسرتي في 25 ثانيه

ميرا : مخسرتش لوحدي انتي ليه بتعدي بس اخطائي ومش شايفه نفسك 

خرجت ندي من الاوضه 

جنا : ده مش معسكر تدريب ده العذاب نفسه ضوافري والمانكير وشعري كل حاجه باظت عايزه اعمل مسك لوشي بس مفيش وقت 

ميرا : ادام مش عجبك كدا يا حلوه امشي مناكير وظوافر وزفت اي اللي بتتكلمي عنهم 

جنا : لا مش هستسلم ابدا وبعدين احنا مهما كان بنات لازم نهتم بنفسنا وفي وسط تعبنا نكون مزز امال هنوقع الرجاله ازاي بس 

سلمي :  خلاص بقا متزعليش يا ميرا أما انتي بقا  ده انتي عايزه ضرب الشبشب علي كلامك 

ميرا : انا مش زعلانه انا بس استغربت كل مره كان بيوقعني بكون عايزه اقف بسرعه واضربه بس حاسيت احساس غريب 

جنا : مش هعلق علي كلامك عشان أنتي واحده مريضه دلوقتي ها بقا يا ميرا حاسيتي بايه ها ها ها 

ميرا : معرفش كأنه ضرب قلبي في حاجه وجعتني جوه بشكل غريب مش عارفه اوصفه

سلمي : ميرا انتي كويسه شكلك  تعبانه حاسه بايه 

ميرا : بس اتعلمت حاجه جديده اني لو معترفتش ابدا اني ضعيفه عمري ما هقدر احسن من نفسي علي اي حال أنا هخرج 

جنا : هو انا متهيقلي ولا هيا كانت بتكلم نفسها دلوقتي ومش معبرانا خالص 

في اليوم اللي بعده صحيو في المعاد ونزلوا بسرعه 

معتز : انتم دلوقتي اتقبلتم في المعسكر بس لازم يكون في امتحان تحريري مهم لاكتشاف معلوماتكم 

دخلو الامتحان ومكنوش عارفين اي حاجه 

جنا بإعجاب : هو انت اسمك اي يا اسمك اي انت ها  

معتز : انا القائد معتز والتزمي معايا في حدود المعامله 

جنا : طب انا مش هعرف احل وانا جعانه كدا 

تجاهلها معتز وبعد ما خلص وقت الامتحان وسلمو كان تامر نايم 

كانو واقفين كلهم في نص البحر الموج بيخبط فيهم 

سيف : عارفين بتتعاقبو ليه عشان الاستاذ تامر غلط 

شاب : واحنا مالنا نتعاقب ليه عشانه أن شاء الله 

سيف : لان أساس الفريق التعاون مش كونك لوحدك عشان كدا اللي هيغلط الفريق كله هيتعاقب 

وفي بيت ميرا 

راجل : ايوه يا حج دورنا عليها ملقينهاش وبقالها يومين مبتجيش البيت 

عم ميرا: متاكد يا ولد انك دورت عليها زين حاول مره تانيه 

الراجل : ايوه متاكد بس هدور مره تانيه واي جديد عنها هقولك يا حج 

عم ميرا : خليك عندك واول ما تظهر اخطفها وتكون عندي مفهوم 

الراجل : حاضر يا حج 

في معسكر التدريب 

خلصو عقابهم وبدؤو في الجري مع كل لفه بيشيلو وزن اتقل علي وسطهم لحد ما وصلو لاعلي وزن كانت سلمي تعبانه جدا ومش قادره تكمل بس بسبب تشجيع رامز وميرا قدرت تعدي وتنجح

داخت جنا ولسه هتقع مسكها معتز بسرعه 

بصتله جنا بحب ونامت علي كتفه

معتز : انتي يا بني ادمه انتي  يا بنتي فوقي مش ناقصه علي الصبح ابعدي عن امي 

جنا بكسوف : اه اه اسفه جدا وطلعت تجري أما معتز فضل يضحك عليها 

سيف لميرا : مش وحش استمري وهتبقي احسن في فتره قليله 

ميرا : هوصل لمستواك في فتره بسيطه وهتشوف 

سيف بابتسامه : هستناكي 

معتز : اي يا حج سيف من أمتي وانت بتبتسم 

سيف : عادي بس شكلها بيضحك لما بتتعصب 

معتز : لا والله اني اري هنا شراره الحب تشتغل 

ضربه سيف في معدته جامد ومشي 

رامز : انتي كويسه يا سلمي شكلك مش احسن حاجه 

سلمي : اه الحمدلله دلوقتي احسن يمكن عشان مش متعوده بس علي الشغل والإرهاق  

رامز : تمام ابقي خلي بالك من نفسك سلام 

وفي مكتب سيف دخلت عليه ندي 

ندي : لو سمحت ممكن اعمل مكالمه ضروري جدا الموضوع بجد مهم 

سيف : ممنوع الا لو في سبب مهم ولازم اعرفه عشان اعرف أقيم 

ندي : في سبب مهم بجد بس مش هعرف اتكلم عنه دي خصوصية بس 

سيف : انا سامعك غير كدة مقدرش اساعدك اتفضلي  

ندي بتوتر حكتله ووقف سيف علي الباب يراقب الجو وفجاه دخلت عليه مايا 

سيف : اه صحيح كنت عايز أسألك هو تدريب التوازن انتي اللي هتكوني معاهم فيه ولا انا 

مايا : اي السؤال الغريب ده من أمتي بتسال في الحاجات دي 

سيف : اصل التدريب علي البحر والشمس صعبه اوي النهار ده ف قولت اروح انا بدالك 

مايا : لا مفيش داعي ولسه هتدخل وقف سيف في وشها وقال : ممكن نتغدا مع بعض النهار ده

مايا : انا هنا للشغل بس ملوش لازمه الهبل ده وفوق كدا مش فاهمه اي اللي حصلك 

سيف : ما احنا هنتكلم في الشغل واحنا بنتغدا بردو مفيش مشكله قصدي برئ

مايا : برئ اه لا يا ريت تحترم نفسك شويه وسابته ومشيت 

ندي طلعت : قائد سيف في مشكله حصلك حاجه بسبب المكالمه 

سيف : لا ابدا كنا هنتقفش بس عدت سليمه الحمدلله اتفضلي علي تدريبك 

ندي : طيب شكرا جدا علي مساعدتك مش هنساها  اتفضل الفون  

علي البحر 

مايا : ده اخر تمرين للتوازن 

كل بنت وراها ولد المفروض تعمل 5 ضغط وترفع أيدها ورجل واللي متقدرش تكمل الولد اللي وراها هيروح يعمل 10 ضغط جوه البحر 

رامز لسلمي : انا معتمد عليكي ها اجمدي كدا أنا واثق فيكي 

بدأ الوقت وكل البنات وقعت الا سلمي 

كررو الموضوع اكتر من مره والوحيدة اللي ثابته هي سلمي كان رامز فرحان وفخور جدا بيها 

عدت الايام من التدريبات الصعبه وفي يوم 

واول ما نامو دخلو المدربين وحطو حاجات تطلع دخان وتعمل صوت عالي واول ما بدأت طلعو كلهم يجرو علي بره وكان ده جزء من تدريب مفاجاه واليوم اللي بعده عملو فريقين بنات واولاد واللي يقدر يلاقي مفتاح صندوق ويرفع العلم اللي فيه هو اللي يكسب وقدرت سلمي هي اللي تلاقيه

حد من الشباب : مفيش داعي تكون مبسوطه اوي كدا كسبتي المره دي صدفه دي أضعف واحده موجوده هنا 

والتاني قال : ملوش لازمه وجودها اصلا معرفش متحملينها علي اي اي اللي يجيب واحده مريضه وضعيفه هنا 

خلص التدريب وروحو

طلعت سلمي تجيب حاجه وهي راجعه الولاد شافوها وحدفو عليها من فوق ميه وسخه 

طلعت للبنات وهي بتعيط

ميرا بعصبية : اي اللي حصل مالك مين اللي عمل فيكي كدا 

فضلت تعيط بهدوء 

ميرا بغضب : حد من الولاد صح ا انا هربيهم شويه العرر اللي ملقوش اللي يربيهم 

طلعت بسرعه علي بره 

سلمي : ميرا عشان خاطري  مش عايزين مشاكل 

بعدتها ميرا وجريت علي اوضه الشباب وقفتها سلمي  : علميني ازاي اضرب بس بلاش مشاكل دلوقتي ارجوكي وافقت ميرا وبدأت تعلمها في اليوم اللي بعده غرقوها ميه مره تانيه حاولت تمشي وتتجاهلهم بس بدؤو يضايقوها 

الشاب : اعتذري قبل ما تمشي شكلك قلب معدتنا اعتذري 

الشاب 2 : اي مش سامعه ولا اي مش كفايه ضعيفه كمان مبتسمعش اعتذري وشدها من شعرها وفجاه و 

بقلم نوران احمد 

وكدا تكون خلصت حلقتنا استنونا في بارت جديد وهستنا رايكم في الروايه مع السلامه

بنات للحراسه البارت 5

بقلم نوران احمد 

الشاب مسك شعرها

ف ضربته سلمي بقوه في وشه زي ما علمتها ميرا 

الشاب 2 كان لسه هيضربها أتدخل رامز بسرعه ومسك أيده 

رامز : انت فرحان بالبلطجه علي البنات انت كدا راجل يعني 

ضربهم رامز سابو المكان وجريو بسرعه 

بصتله سلمي ابتسم ليها رامز فضلت تعيط بصوت عالي زي الاطفال 

رامز : بس بس اهدي اهدي طب طب مين اللي علمك ازاي تضربي 

بطلت سلمي عياط : ميرا كنت خايفه ومكنتش عارفه ازاي اتصرف هما ليه اصلا بيعملو معايا كدا 

خدها رامز يقعدوا في مكان لوحدهم 

سمعت ميرا باللي حصل ودخلت علي اوضه الشباب فتحت الباب برجليها

الشاب 1 : ميرا انتي  متخلفه يا بنت انتي مريضه عقليا يعني ولا اي اي الداخله دي 

ميرا : مين فيكم اللي خوف سلمي وكان بيرمي ميه عليها كل يوم 

الشاب 2 : انتي هنا عشان كدا طب بصي وشي هي عملت اي قبل ما تتكلمي وتظلمينا 

ميرا : ده لانك ضعيف أو مش راجل مفيش راجل بيستقوي علي بنت وبيتقال عليه راجل اصلا 

الشاب 1 : انتي عايزه تعملي مشاكل يعني لا بقا احنا رجاله ورجاله اوي وريني بقا هتعملي اي 

ميرا : تمام اوي انتم الاتنين اطلعولي بره خلونا نشوف مهاراتكم ورجولتكم دي هتعرفو تضربوني ولالا وريني نفسك يا يا راجل 

الشاب 2 : انتي مجنونه انتي عارفه انتي بتقولي اي يلا يا ماما اتكلي علي الله وغوري من هنا احسنلك 

ميرا : اي يا دكر  خايف مني ولا اي شكلك خايف من المواجهه امال عاملي جامد ليه بقا 

الشاب 2 : و انا هخاف من واحده زباله ماشيه وري اي حد يديها فلوس وعشانهم بتعمل اي حاجه اكيد لا 

ضربته ميرا وبدأ وشه ينزف ولسه الولد  هيضربها 

سيف  : اقف عندك ... ميرا كفايه اوي كدا  اطلعي بره 

ميرا  : شويه جبناء  بيبلطجو علي الأضعف منهم 

سيف  : وانتي مش شايفه انك زيهم دلوقتي باللي بتعمليه ده 

ميرا : تقصد اي ... تمام اخرجوا برا وهنشوف مين الأضعف 

وقفو قدام المبني والشباب كلهم وقفو حواليهم

وقفت ميرا وسيف بدأت ميرا تقرب عليه وتضربه اتصدي ليها وفضلو يضربون في بعض ويتفادو الضربات وصل الخبر لسلمي ورامز وجريو علي هناك نزلت ندي و جنا 

جنا : الخناقه دي بسببك يا سلمي ربنا يستر علي اللي هيحصل للمجنونه دي

بصت سلمي بضيق وقالت : ميرا كفايه كدا عشان خاطري متكبريش المواضيع 

جنا : المفروض نساعدها منقفش كدة انا مش هسكت 

وقفتها ندي وقالت  : احنا خلاص قربنا نتخرج ونبدا شغل لو اتدخلنا الفرصه دي هتضيع وممكن نطرد

جنا : بس احنا صحاب وانا مش هسيب صاحبتي لوحدها 

مسكتها سلمي : لا متروحيش هتتاذي ابعدي عن الموضوع 

بعدتها جنا ومشيت وقفها حد من الشباب زقته ومكمله مسك ايديها فضربته 

الشاب 2 : انتي بتضربي ليه طب تمام 

وجه يضربها اتفادته وبدأو يضربو بعض 

الشاب 1 اللي ضربته جنا لسه جاي يهجم عليها من ضهرها علي خوانه وقفته ندي 

ندي  : بطل خناق اتنين ضد اتنين وانتهي متدخلش نفسك 

جه الشاب 1 يضربها اتصدت ليه

ندي : بكره الرجاله اللي بتستضعف الستات قابل يا زميلي 

وبقت جنا بتتخانق مع الولد 2  اتفوقت عليه 

وندي مع الولد 1 وهي المتفوقه عليه 

وميرا مع سيف وكانو في تعادل 

وسلمي واقفه في النص بخوف وتوتر 

لاحظ سيف أن في كذا خناقه حواليه 

وفجاه ظهرت مايا 

الكل وقف عن القتال الا ميرا وقف سيف سحبتها مايا 

وفي البحر كانت سلمي وجنا وندي وميرا في نص البحر واقفين والموج بيخبط فيهم ومايا واقفه علي الشط وماسكه الساعه 

ميرا  : ده ظلم انا اللي غلط مش هما انا اللي اتعاقب مش هما وبعدين الشباب هما اللي غلطنين من البدايه 

مايا  : كنتم مع بعض تتعاقبو مع بعض مش صحاب وحلوين وبتدافعو عن بعض اشربوا 

ميرا : نظامكم ظالم لو فيه شويه عدل علي الاقل كاو يبقا في اي عقاب للشباب دي 

دخلت مايا بعصبيه للبحر وقالت : اسكتي وبطلي تضيعي وقتي وتعرفيني اي صح واي غلط بطلي غرورك ده 

ميرا  : ده معسكر غبي وانا مبقتش مهتمه وهطلع من هنا وزقت مايا وقعت في البحر تحت صدمه البنات كلهم 

في مكتب معتز  : ميرا درجاتك كلها خسرتيها أما باقي البنات نص درجاتكم اتشالت 

ميرا  : انا اللي غلطانه هما ملهمش ذنب هشيل كل حاجه عنهم 

معتز : مفيش درجات ليكي عشان تشيليهم 

ميرا :  ممكن اتعاقب بدنيا انا مستعده لده ومعنديش مشكله بس مش هسمح ليهم يتظلمو معايا 

معتز  : تمام كل واحده ليها 3 ساعات عقاب  يعني الإجمالي  12 ساعه عقاب 

ميرا  : انا موافقه ومستعده 

اعترضو البنات 

ميرا  : انا اللي غلطانه وانا اللي رميت مايا في البحر يبقا استحق كل واحده فيكم عايزه تتخرج من المكان ده باسرع وقت وتشتغل وانا مش هكون سبب في اذيتكم ومشيت 

جريت سلمي وراها 

جنا وندي لسه هيروحو وراها 

معتز : استنوا عايزكم في موضوع مهم 

قدام المبني كانت واقفه ميرا وسلمي جنبها 

ميرا : سلمي امشي الحقي التدريب وابعدي عني انا هكمل عقابي واجي ليكم انا كويسه 

سلمي : لا كل ده بسببي انا اسفه انا مش هسيبك كان لازم اتحمل العقاب معاكي 

ميرا : انتي فاكره ده عقاب ده راحه اكتر من التدريبات المتعبه دول مجرد اغبياء 

سلمي : لا مش هسيبك ولو هتسيبي المكان هنا انا هاجي معاكي

ميرا : انتي صدقتي يا عبيطه ده كلام مش بجد لو ناويه اسيب المكان هقف تتعاقب هنا ليه انا معاكم  

سلمي : بجد يعني مش هتخرجي من المعسكر 

ميرا : لو كنت ناويه اسيب المعسكر مكنتش زماني واقفه الواقفه دي وبتعاقب يلا امشي اخلصي 

مشيت سلمي للتدريب 

كان تامر حزين ومتضايق من اللي حصل واول ما شاف سيف راح عليه وقال 

تامر : كل اللي حصل  بسببك انت ومفيش احساس

سيف : مش فاهم حاجه تقصد اي عملت اي يعني انا 

تامر : انت اللي اتخانقت مع ميرا وهي اللي اتعاقبت مش شايف ده ظلم اعمل نفسك بري ومش عارف حاجه دلوقتي مش هصدقك 

ومشي وسابه 

سيف : مايا كملي التدريب مع الشباب في حاجه لازم اروح اشوفها 

سيف : ندي هو اي الي حصل لميرا بالضبط انا مش فاهم حاجه 

ندي : قالت إنها ممكن تسيب المعسكر 

سيف : نعم وده ليه بقا أن شاء الله لعب عيال هو 

ندي : بسببك طبعا ورايا تدريب عن اذنك 

راح سيف لجنا بتوتر : اممم جنا هو ميرا حصل معاها اي بالضبط 

جنا : والله ودي حاجه تهمك الاهتمام مبيطلبش يا قائد 

سيف باحراج : انا دائما بهتم بيها يعني عادي بس عايز افهم اي الحوار بس 

جنا : لو بتهتم بيها  ليه كنت بتتخانق معاها ودخلت معاها في مشكله 

سيف : ده عشان هي اللي دخلت اوضه الشباب بتدور علي حد تضربه عايزاني اعمل اي يعني 

جنا : تمام ده قرارك وانا مليش دعوه بيك عن اذنك وسابته ومشيت 

راح سيف لميرا  : سمعت انك عايزه تنسحبي من المكان الكلام ده حقيقي  

ميرا : حاجه متخصكش خليك في حالك يا كابتن 

بص ليها سيف ومشي انتهي التدريب وراحو لميرا 

وكانت ميرا لسه واقفه لحد ما جه الليل عليها وبدأت تمطر وهي واقفه مكانها نزلت ندي وجنا بشمسيه حطوها فوقها

ميرا : امشو من هنا الجو وحش وانا مش محتاجه مساعدتكم 

ندي : بطلي متبقيش عنيده كدا هتتعبي اكتر بطلي غباء 

ميرا : انا مش غبيه أمشو من هنا بقا مش ناقصه وجع دماغ 

ندي  : تمام اوي انا بقا مش عايزه حد يشيل عقاب عني وهفضل واقفه ال 3 ساعات بتوعي 

سحبتها ميرا ودخلتها المبني وهي بتقول لجنا : خديها من هنا 

كان بيراقبها من بعيد وحزين علشانها 

معتز : انزل ليها هتفضل تبص عليها من بعيد كتير كدة 

سيف : في كذا حد نزل ليها وهي عنيده مفيش فايده فيها 

معتز  : انا نفسي قلبي واجعني علي شكلها كدا براحتك 

راح سيف لمايا 

مايا : لو جاي علشانها هي حتي معتذرتش علشان متتعاقبش هي عنيده جدا مقدرش اعمل ليها حاجه 

سيف : تمام  لو علي قد كدا سيبي الموضوع ليا  

راح سيف وقف جنب ميرا 

ميرا : مش عايزه اصعب علي حد اتفضل امشي بقا 

سيف : عايز اعرف بس انتي طالعه عنيده كدا لمين 

ميرا : ملكش دعوه وامشي من هنا بقا اتفضل مش ناقصه رخامه 

سيف : تمام انا وانتي غلطانين وانا معترف اني غلطان اي المشكله لما نعتذر من بعض وخلاص 

ميرا : انت اللي غلطان اكتر والمفروض تعوضني اصلا الاعتذار مش بياكل ولا بيشرب 

سيف : دبش تمام تعرفي محدش قالي انزل بس اعتقد اني معجب بيكي 

بدأ سيف يهزر معاها لحد ما ضحكت 

سيف : ايوه بقا ضحكت يعني قلبها مال هقولك علي سر 

بص عليها لقاها بيغمي عليها وبتقع شالها بسرعه علي المستشفى و و 

تكملة الرواية من هنااااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله اضغط هناااااااا