رواية اتجوزت جوز اختي بالغصب الفصل 1-2-3-4-5بقلم ميرنا فوزى (جميع الفصول كامله)
رواية اتجوزت جوز اختي بالغصب الفصل 1-2-3-4-5بقلم ميرنا فوزى (جميع الفصول كامله)
1/☕
حوريه حوريه انتي فين تعالى بسرعه ..سمعت صوت اخويا من الأوضه اتخضيت لحسن يكون في حاجه قومت جريت وطلعت برا الاوضه قولتلوا بلهفه خير يا فارس مالك يا خوي
فارس بص عليها وقالها= مفيش حاجه ده الحج سليم بعتلك مصاريف الجامعه خديهم عشان تدفعيهم للجامعه"
بصتله بغيظ وضيق وقولتلوا يا بني انت اسمه ابوك مش الحج سليم حط أيده علي راسي بهزار وابتسم وقالي لااا أنا بجوله يا حج بعدت أيده من علي راسي وضحكت= قولتلوا براحتك مفيش فايده من المناهده معاك هنفضل نجول نفس السيناريو أكده ضحكت أنا وهو وقالي طب يلا جوام روحي جهزيلي الواكل وبعدين خشي ذاكري وبعدين سبته ورحت جهزت الاكل " نسيت اعرفكوا أنا حوريه بنت سليم الشهاوي من عيله أكابر في الصعيد كلهم بيعملوا الف حساب ليهم واللي يخالف كلامهم هيرده عليهم بدل عيار اتنين معايا اتنين اخوات اخويا فارس عايش معايا في السكن عشان الجامعه بتاعتي بعيده في جامعه القاهره طبعا مفيش حاجه جت بسهوله اتحيلت علي ابوي لأن مكنش قابل حوار اكمل تعليمي بعيد عن المكان وقف جنبي اخويا فارس وقالوا أنا رايح معاها طبعا ابوي موفقش بسهوله لحد لما قبل الفكره دي لما اخوي قاله البنت لازم تكمل تعليمها هي مش اقل من بنت الدهشوري في حاجه ما هي بردو بتكمل تعليمها يعني هي تتعلم وتشوف مستقبلها واختي تشوفها من بعيده متحسره عشان هتبقي حاجه في الاخر وهي لا قطعه أبوه بحده وقاله اختك مصيرها زي مصير اختها تتجوز و تشيل مسئوليه بيتها وجوزها و دي عاداتنا و تقاليدنا ياولدي وانا وعمك الدهشوري خدنا قرار هتجوز ابن عمها رحيم وخلاص أنا جولت اللي عندي بصيت علي بوي وانا عيوني كلها محبوسه دموع وقولت بخيبه الامل ونبي يا بوي مش عايزه اتجوز خليني اكمل تعليمي زي اسماء بنت عمي اشمعني هي تتعلم وتاخد شهاده حلوه وانا ابقي جهله بنسبالها مش عايزه كدا يا بوي ونبي بو.ست أيده برجاء و أنا دموعي كلها ماليه وشي وبصيت عليه ونبي يا بوي وافق اكمل تعليمي مبصش عليا وقال بجمود أنا جولت كلامي يا بتي و مش عايز خلاف اخوي كان صعبان عليا وقاله بضيق وانا يا بوي مش هخليك تتحكم في مصير حياتها اختي زي ما هي عايزه تكمل تعليمها يبقا تكمل زي ما هي عايزه دي حياتها ملناش دخل وهي عايزه تبني مستقبلها زي اى واحدة حرام نظلمها وتخسر مستقبلها وهنندم عليها في الاخر كفايه نتحكم فيهم في حاجه مش عايزنها مش بدل ما تدعمها يا بوي زي عمي الدهشوري واقف جنب بنته ومحترم قرارها وسندها في حياتها و بيبسطها و مش مخليها عايزه حاجه في الدنيا وغير كمان وافق أنها تتعلم لان مش عايز حد يبقا احسن من بنته لي يا بوي متعملش كدا مع بنتك الفاضله لي عايز تكسر فرحتها لي عايز ترميها في اوضه ضلمه لي !!!سليم بص عليه بضيق واتنهد وقال خلاص يا ولدي قطعت في جلبي أنا موافق تكمل تعليمها بصتله بفرحه و مسحت دموعي و بو.سته من أيده وقولتله ربنا يخليك يا بوي ميحرمنيش من وجودك ما بينا ابدا ابتسملي وقالي مهم يا بتي مشوفكيش زعلانه واصل المهم راحتك وبعدين كمل بجديه بص يا فارس تروح مع اختك وخلي بالك منها عشان لو حصل حاجه هقف قصادك انت وانتي لو عوزتي حاجه قولي لاخوكي وهو مش هيتاخر عليكي في طلبك طبعا مكنتش متخليه الفرحه اللي أنا فيها اخيرا وافق اكمل تعليمي بعد معاناه طبعا بعد ما جهزت الاكل لاخويا دخلت البلكونه وقعدت اذاكر وبعدين ريحت ضهري علي الكرسي وقفلت عيني وفضلت اشم الهوا وانا بستمتع بيرحته سمعت صوت حد بينادي عليا بصوت واطي بصيت واتفاجت قولتلوا يخربيتك انت اى اللي جابك هنا اخويا موجود وهيقطعني بصلي بحب وقالي وحشتيني قولتله بخوف امشي من هنا يا يوسف قالي بنظره عتاب يووو نفسي ابل ريقي بقا قولتله بحذر خلاص تعالى اتقدم علي سنه الله ورسوله بصلي بحزن ماانتي عارفه اللي فيها يا حوريه اتكلمت معاه بحده يبقا تصبر ومتعملش حركاتك دي وسبني اذاكر عشان ورايا امتحانات راح رمي شوكولاته وقالي خدي دي ابتسمت بخجل قولتله شكرا وبعدين كملت مذاكره لحد لما سمعت صوت اخويا ورحت عشان اشوفه وقالي أنا عندي مصلحه و هرجع علي بليل مهمتك متفتحيش علي حد واصل و نامي بدري عشان تعرفي تحلي في الامتحان طبعا سمعت كلامه وذاكرت بجديه و صحيت متأخر قومت لبست بسرعه وجريت وانا بنهج ولاقيت صحبتي حلا وقالتلي انتي تاخرتي كدا لي يلا نخش الامتحان بسرعه طبعا دخلت بدون اى مقدمات والحمدلله حليت كويس وخرجنا أنا وحلا واحنا متعبين وقالتلي الحمدلله امتحان وعدي بشره ضحكت عليها وقولت عقبال الباقين ردت عليا وقالتلي أن شاء الله يا حوريه تطلعي الأولي زي السنه اللي فاتت وتبقي احسن دكتوره وبعدين بصت ورا وقالت بغمز حبيب القلب واقف بعيد و مستنيكي بصيت عليه واتنهدت واتكلمت ماانتي عارفه عوايده هيفضل يمشي ورانا لحد لما يتأكد أن وصلت البيت يلا نمشي وبعدين مشيت وقولت تعرفي يا حلا أنا بدعي لربنا أن أنا وهو نبقا لبعض ابتسمت وقالت لو نصيبك هتاخديه دعيت من قلبي وقولت يارب يا حلا طبعا حلا روحت بيتها وانا كملت الطريق ويوسف كان ورايا لحد لما دخلت العماره وهو دخل ورايا لأن هو ساكن في نفس العماره روحت دخلت الشقه ورنيت علي ماما و كلمتني واطمنت عليا وقالت بحزن ادعي لأختك ثريا خلاص هي في شهورها الاخيره من الحمل دعيت ليها وقولت ربنا يسرلها الحال و يرزقها بذريه صالحه امها اتكلمت وقالت يارب يا بتي يلا أنا هقفل بجا عشان ابوكي جاي من الجامع روحت قفلت معاها و كملت مذاكره ولحد تاني يوم روحت الامتحان ويوسف كان مستني برا لحد لما اخلص الامتحان وبالفعل خلصت طلعت أنا وحلا وقالت معلش بقا يا حوريه أنا اخويا جاي يخدني روحي انتي وخلي بالك من نفسك رديت عليها ماشي يا حلا مع سلامه يا حبيبتي و مشيت و سبتها و يوسف كان ماشي ورايا لحد لما روحت البيت وسمعت صوت جرس بيرن طبعا انا خوفت لأن اخويا مش موجود قومت شوفت في عين الباب و ملقتش حد فضولي اقتلني وفتحت الباب لاقيت شنطه علي الارض زي شنط الهدايا خدتها وشوفت اللي فيها لاقيت حاجات حلوه اوي و شوكولاته و في اخر حاجه لاقيت رساله مكتوبه فيها اتمني الهديه البسيطه تعجبك وحبيت افرحك معايا لاقيت شغل جديد بمرتب حلو و اعملي حسابك هتقدم ليكي طبعا انا فرحت جدا بس الفرحه دي اتقلبت لحزن لما حسبتها مع نفسي ولقيت عوائق في الموضوع وهو جوازي من ابن عمي استحاله ابوي يوافق بجوازي من واحد غريب فضلت ادعي أن يوسف ده يبقا من نصيبي وان ابوي يوافق عليه بعد مرور أسبوع كنت بذاكر اخر ماده ليا ودخل عليا اخويا وقالي اى يا حبيبتي دي اخر ماده صح ابتسمت وقولتله اها اخر ماده اتنهد وقالي طب جهزي حالك عشان بعد ما تخلصي هنسافر وجهزي الشنط عشان هنمشي علي فجر كدا قولت ماشي طبعا روحت اخر امتحان بس ممشيش ورايا يوسف عشان ساعتها اتوظف مبقاش فاضي روحت امتحنت ورجعت وجهزت الشنط و رتبت البيت لحد لما اخويا يرجع من الشغل....
في بيت سليم الشهاوي "
ثريا كانت بتولد وفضلت تصوت وقالت مش قاااادره حاسه ان نفسي بيطلع اااااه بم.وت حماتها قلقت عليها وقالت استحملي يا بتي امك و الدكتوره في الطريق خدي نفس ثريا عيطت وصرخت وقالت أنا عايزه حازم هاتولي حازم اااااه بطني مش قادره حماتها رنت علي ابنها وقالت تعالى يا حازم مرتك بتولد حازم ساب كل في ايديه بخوف وجري وراح عندهم ودخل علي ثريا بخوف ومسك ايديها وقالها اهدي يا حبيبتي خدي نفس ششش ثريا فضلت تعيط مش قادره يا حازم مش قادره حازم بقلق معلش استحملي عشان ابننا يجي بخير الدكتوره جت بسرعه هي ومامت ثريا والدكتوره اتكلمت وقالت أبعده كدا وشالت العبايه وقالت خدي نفس يا حبيبتي واولدي ثريا عيطت وفضلت تصرخ جامد وقالت بممممو.ت ااااه يا حازم مش قادره اااااه والحمد لله ولدت والدكتوره قالت مشاء الله يتربي في عزكم حازم مبصش علي ابنه و كان مركز مع ثريا وقالها ابنك جيه يا ثريا ثريا بصت بتعب وابتسمت وبعدين قفلت عينيها حازم قلق وقال ثريا افتحي عينك يا حبيبتي مالك ثريا مرديتش وقال بخوف وزعيق تعالى شوفي مالها الدكتوره بصت عليها وبلعت ريقها وقالت البقاء لله حازم اتصدم هو و مامت ثريا وصوتت وبعدين حازم مكنش مصدق وقال ايييي!!! البقاء لله اى مش فاهم انتي بتقولي اى وبعدين راح لثريا وقال بصدمه اصحي يا ثريا اصحي عشان ابنك قومي يا حبيبتي أمه عيطت و ربت علي ضهره وقالت قوم يا ولدي ادعيلها بالرحمه بص ليها وبرق عنيه وقال انتي بتقولي اى مراتي كويسه ومفهاش حاجه ثريا قومي وبعدين دمع وقال مسبنيش لوحدي أنا بحبك قومي يا ثريا وبعدين خدها في حضنه وقال بهستريا ثرياااااااا وووو يتبع رايكم اى ❤️
#اتجوزت_جوز_اختي_بالغصب
2/✨
بقلم ميرنا فوزي
وقال انتي بتقولي اى مراتي كويسه ومفهاش حاجه ثريا قومي وبعدين دمع وقال مسبنيش لوحدي أنا بحبك قومي يا ثريا وبعدين خدها في حضنه وقال بهستريا ثرياااااا ...
فارس عرف وفاة أخته من أبوه وقاله بصدمه اختي ما.تت اختي ثريا وبعدين عيط وقال ازاي يا بوي ما كانت كويسه حصلها اى لكل ده ااااه أبوه كلمه علي تليفون بحده وقاله اى هنعترض علي قضاء ربنا احنا مؤمنين بالله هنكفر يعني قدر الله وماشاء فعل متتعزش علي خالقها اختك في حاجت الدعوات وبعدين كمل بحذر حوريه متعرفهاش بو.فاه اختها تجبها من غير ما تعرف فاهم فارس كان منهار و مش مركز معاه سليم زعق في وقاله اى هتفضل تعيط زي الستات وانا مخلفتش رجاله ولا اى اسند طولك كدا فارس كمل وهو عليه التعب ماشي يا بوي هجيب حوريه وجاي ..فارس استني أخته لما جت من اخر امتحان وقالها يلا نمشي حالا أنا طبعا استغربت وقولتله انت مش جولت انك ماشي علي الفجر بصلها بحزن وقالها لا هنمشي دلوقتي يلا دلوقتي ومن غير نقاش عشان وربنا تعبان طبعا روحت غيرت هدومي وانا مش فاهمه فارس ماله متغير ومش علي بعضه حسيت بقبض في قلبي وقلقت لان تغير في رأيه مره واحده خلاني قلقانه وبعدين خرجت ومشيت معاه وانا حاسه ان تايهه في افكار ملهاش اجابه عدي ساعه ونص تقريبا وكل ما فارس يقرب كل بيزيد ضربات قلبي اكتر واكتشفت حاجه غريبه ناس كتير قدام البيت استغربت اكتر لما شوفتهم لابسين لون اسود خوفت جامد و كلمت فارس بقلق وانا جسمي كله بيترعش فارس في اى يا فارس من الناس دي وجايين لي فارس مرديش عليها وعيونه كلها دموع مستخبيه هزيت دراعه وقولت بخوف وزعيق ما تجول اى اللي حصل مين دول مش بترد لي فارس بص عليها بنظره عتاب و دموعه خانته وقال تعيشي انتي يا حوريه اختك ثريا تو.فت بصيت عليه بصدمه ايييي!!! انت بتجول اى انت شكلك بتضحك عليا وبعدين ضحكت وانا مش مصدقه كلامه دايما هزارك بايخ يا فارس بقا بتفول علي اختك فارس دموعه نزلت بغزاره ولما شوفته كدا استوعبت أن كلامه صح وجسمي كله اتجمد نزلت بسرعه من العربيه وانا بجري وحاسه أن هيغمي عليا دخلت لاقيت صويت علي اختي دخلت لاقيت امي قاعده علي الارض وحاطه ايديها علي دماغها بحسره قربت منهم وانا مش مصدقه وحاسه أن أنا في حلم ومش عارفه اهرب منه صحيت علي صوت امي وهي بتتكلم بحسره تعالي يا حوريه تعالي شوفي اختك راحت ومعدناش نشوفها تاني خلاص وبصيت ليها وانا لغايت دلوقتي مش مصدقه عيطت جامد بقهره وقولتلها انتي بتجولي اى كلكوا كدابين اختي لسه عايشه فضلت اعيط وبعدين ماما بصت عليا وقالت انتي اتعميتي اختك اهي قدامك وعلي وشها الملايه بصيت وقربت من اختي وضحكت جامد طب قومي يا ثريا كفايه لعب أنا عارفه لعبه دي كويس كنا بنلعبها مع بعض واحنا صغيرين مرديتش عليا قومت هزتها وهي مش عايزه ترد عيطت بهستريا لاااا قومي كفايه قلبي بيتحرق قومي بقا عيطت جامد لحد لما جاتلي حاله هستيريا ونمت علي الارض وانا بصرخ ثرياااااا لاااا امي شافتني كدا جريت عليا وقالت مالك يا حوريه قومي يا بتي يا فارس فارس الحق اختك فارس سمع صوت امي وجري عليا وشالني روحت أغمي عليا امي خافت وقالت وديها الاوضه بتاعتها يا فارس جوام فارس وداني الاوضه وعدي اربع ساعات وانا لسه نايمه صحيت وانا دماغي وجعاني جامد لاقيت امي و حمات ثريا جنبي بصيت باستغراب وقولت هو في اى امي رديت عليا وقالت ارتاحي انتي يا بتي عشان لسه تعبانه افتكرت كل اللي حصل وعيطت وقولت يعني مش هشوفها تاني ياما امي حضنتني بحزن وقالت ادعيلها بالرحمه يا بتي ....
حازم دخل الاوضه بتاعته وهو عليه علامات التعب وآثار العياط قرب من ابنه وهو مقهور و بص عليه بغل وقال انت السبب في مو.ت امك انت السبب خدت روحها بدالها بسببك مش هقدر اشوفها تاني لما جيت سرقت كل حاجه حلوه مني اتنهد وقعد علي الكرسي وطلع سيجاره و ولعها وفضل يشرب وينفخ في الجو لحد لما الاوضه كلها عباره عن دخان أمه دخلت عليه باستغراب وقالت بضيق اى ده يا حازم عايز تقطع نفس ولدك من الدخان وحازم بص بعصبيه وقال الواد ده مش عايز اشوفه قدامي ارموه في اى حته تخده أمه بصت باستغراب اى اللي انت بتجوله ده يا ولدي ده ابنك في حد يرمي ضناه ده من لحمك ودمك حازم رمي السيجاره وداس عليها وقال بغضب وانا الواد ده مش عاوزه هو السبب في مو.ت أمه هو اللي السبب ان اعيش في الغم ده انا بكرهه شيليه من قدامي أمه قربت منه وقالت بغضب انت شكلك مش فايج انت بتجول اى عاد اعقل يا ولدي واغثي الشيطان حازم ببرود أنا عاقل وفاهم تصرفاتي اللي بعملها دلوقتي أمه اكلمته بحذر وقالت اسمع الكلام ده ميطلعش لابوك عشان لو سمع منك الكلام دي مش هيسامحك واصل فوج كدا وشوف انت بتتكلم في اى حازم بص بلا مبالاة محدش لي حاجه عندي واللي هيجي علي دماغي هنفذه انا حر وده ابني ومش عاوز اتكفل بيه واظلمه اديه لحد يستاهله غيري لان مش هديله كل حتياجته أمه اتنهدت وقالت ده ابنك يا حازم يعني حته منك ومن مرتك الله يرحمها خليه ذكره من مرتك خليك عزيز عليه وحبه وخده في حضنك و مترمهوش للغريب و متخدش قرار وهتندم عليه في الاخر طول عمرك لو الواد كبر وعرف انك أبوه ساعتها مش هيسامحك وضميرك هيانبك طول حياتك عشان اتسارعت في الحكم عليه وهو ملهوش ذنب في ده كله ده قضاء وقدر ومكتوب لها هتعيش أمتي وهتموت أمتي منقدرش نتحكم في حاجه زي كدا يا ولدي فكر يا حبيبي ده ضناك من لحمك ودمك يلا هسيبك تفوج و تفكر مع نفسك حازم اتنهد بحزن وفضل يعيط وهو مش قابل الوضع اللي هو في ومش قابل الكائن الغريب اللي اتسبب في مو.ت حبيبته بعد مرور شهرين حازم كان قاعد في الاوضه ودخلت عليه امه وهي محرجه وقالت عايزه اكلم معاك في حاجه يا ولدي حازم بص عليها ببرود اتفضلي راحت قعدت جنبه أنا شيفاك من ساعت ما ثريا الله يرحمها وانت مش طبيعي وحالتك مش عجباني و قلبي بيوجعني عليك يا ولدي حازم بص عليها بنظره حزن اومال عايزاني اضحك و اهزر وكأن مراتي مراحتش من ايدي اتنهدت أمه وقال مش كدا يا ولدي قصدي عايزاك تفك عن نفسك ومتبقاش قافل علي روحك وتتقبل بالواقع وعيش حياتك ثريا عمرها ما تتنسي يا ولدي وكلنا فاكرنها بس مش معني كدا نفضل قافلين علي نفسنا حازم اتنهد وقال عايزاني اعمل اى ياما أمه طبطبت علي ضهره عايزه الخير ليك وتعيش حياتك وافرح بيك تاني حازم استغرب تفرحي بيا اى مش فاهم كريمه اتنهدت وقالت ابوك هيكلم عمك سليم الشهاوي عشان يتفق بجوازك انت و حوريه حازم قام مره واحده وقال انتوا بتقولوا اى يعني مراتي لسه د.مها مبردش في قبرها وعايزني اتجوز من بعدها استحاله اتجوز تاني من بعد ثريا أنا قفلت علي كدا خصوصا أن رحيم اخويا عاوزها هروح اخد منه حبيبته ابقا بجح لو عملت كدا واناني كريمه بجمود ابوك هيتصرف معاه وهيقدر يقنعه ملكش دعوه انت احنا عايزين مصلحتك الاول وبعدين نفكر في اخوك حازم بعصبيه وانا قولت مش هتجوز ومحدش لي دعوه بيا ودي حياتي انا حر فيها مفيش كلام هيمشي غير وانا موافق عليه كريمه بغضب ومين هيشيل هم ابنك ويتحمل مسئوليته وانت عارف محتاج اللي يربيه ويهتم بيه ويرعيه ويعيش في وسط اب وام مش عايزه الواد يطلع مفتقد حنان الام حازم بغضب وانا قولت مش عاوز الواد ده من الاول دايما جايبلي الهم فوق دماغي أنا طالع اكلم معاه حازم طلع لابوه وهو مخنوق وقال أنا سمعت انك عايز تجوزني لحوريه الكلام ده صح الدهشوري اتكلم بحده وقال اتكلم عدل معايا والا هقطع خبرك ايوه هتتجوز بنت عمك هي اولي بيك عن اخوك وكلامي هتمشي عليه حازم بعصبيه انت مفكرش في رحيم اللي عايزها !! الدهشوري بصوت غضب خفيف اخوك هعرف اتعامل معاه كويس مش شغلك حازم بزعيق مش هتجوز علي ثريا يابا انت عارف انا كنت بحبها قد اى مكنتش شايف غيرها و مش عايز حد غيرها وبعدين حوريه صغيره هروح اتجوز عيله خصوصا مش هتوافق تتجوز جوز اختها ده عيب في حقي وحقها قدام الناس أنا مش موافق وهي اكيد مش هتوافق رحيم دخل عليهم وسمع اسم حوريه في الموضوع وقال باستغراب هو في اى حازم ضحك بسخريه وقال تعالى شوف اخر اصدار من كلام ابوك عايز يخليني اتجوز حبيبتك حوريه بص عليهم بصدمه وقال حوريه تتجوز حازم حضرتك مش عارف أن حوريه تلزمني الدهشوري اتكلم بجمود أنا جولت كلامي وخلص اخوك هيتجوز بنت اخوي رحيم بزعيق حوريه يابا مش هتكون لحد غيري وانا بحبها من زمان ومستني تخلص تعليمها حوريه تلزمني أنا و مش هتترمي في حضن حد غيري يمين بالله يابا حوريه مش هتاخد حد غيري وفيها مو.تي انت متجيش تتحكم فينا وتمشي كلامك علي مزاجك عشان تستريح واحنا نشيل الطين فوق دماغنا في الاخر الدهشوري اتعصب وقام صفعه قلم علي وشه جامد وكريمه جريت علي بنها وقالت يلهوي ولدي وبعدين الدهشوري اتكلم بزعيق وقال انت بتصغرني وبتقل ادبك عليا يا كلب بقا احنا بنشيلك الطين فوق دماغك نسيت نفسك ولا اى نسيت أن احنا لينا فضل عليك انت من غيري مكنتش هتبقا حاجه ف الاخر أنا اللي كبرتك وعلمتك وخليتك احسن واحد و بنشوف مصلحتك قبل مصلحتنا ومش مخلينك تحتاج حاجه انت وأخواتك و في الاخر تتكلم وتجول إن احنا بنشيلك الطين خساره تربيتي فيك طول السنين دي كلها غور من وشي رحيم حط أيده علي وشه من الضربه وقال مش مسامحك يابا علي اللي عملته فيا وبعدين مشي وبعدين بص لحازم وانت أنا جولت كلامي عاد الأسبوع الجاي حوريه تبقي مرتك وام ابنك ولو رفضت ولا انت ابني ولا عرفك حازم بص عليه بضيق انت بتلوي دراعي يا حج ماشي خليك فاكر انك ظلمتني وظلمت رحيم معايا لأن حضرتك عارف أن هو بيحبها من هو صغير وانا مش هسمح بكدا اخويا اولي بيها و مش هسرق منه حياته هقولك حوريه مش هتوافق لو وافقت يبقا لينا كلام تاني عن اذنك حازم مشي و الدهشوري حس بخانقه و مش قادر يتنفس وقال الحجيني يا كريمه كريمه خافت وقالت مالك يا حج اهدا و خد نفس رد بصوت خانق مش قادر اتنفس يا كريمه وبعدين أغمي عليه كريمه صوتت وقالت يلهوي مالك يا حج فوج يا حج يا رحيم يا حازم يلهووووي الحجوني ابوكو بيروح مني حازم سمع صوتهم وقال بصدمه ابويا !!! يتبععع شكرا علي تفاعل ❤️اتمني يعجبكم ده كمان
#اتجوزت_جوز_اختي_بالغصب
3✨
حازم سمع صوتهم وقال بصدمه ابويا !!! حازم جيه بسرعه وقال بخوف في اى ياما ابويا ماله كريمه عيطت وقالت مخبرش يا ولدي مخبرش رن علي الدكتور جوام يا حج فوج يا حج حازم رن بسرعه علي الدكتور وبالفعل الدكتور جيه و كشف عليه وقال ده ضغطه ارتفع متقلقوش أنا اديتله حقنه مهدئة و هكتبلكوا علي شويه ادويه وان شاء الله خير خلوه يرتاح وابعدوه عن اى حاجه بضايقه وتهتموا بعلاجه كويس عن اذنكم الدكتور مشي وحازم كان مضايق وكان ساكت الدهشوري اتكلم بتعب شوفت انت و اخوك كنتوا هتمو.توني ازاي حازم اتنهد وقال بعد شر عليك يابا من المو.ت الدهشوري اتكلم وقال بتعب يبجا تسمع كلام ابوك عشان عاوز مصلحتك حازم اتنهد بضيق وقال هفكر يابا عن اذنك عدي يوم والدهشوري اتجمع هو سليم الشهاوي وابنه وقال محتاج اكلم معاك بخصوص حازم ولدي سليم رد عليه وقال خير يا خوي الدهشوري اتنهد وقال حازم من ساعت ما ثريا الله يرحمها وهو مش عاجبني حاله واصل ذاد الواد تعبه و مش عارف يعمل اى سليم اتنهد وقال لو الواد تعبه يجيبه يا خوي وحوريه وام فارس هيشلوه في عيونهم و هيهتموا بيه الدهشوري لقلق وقال بس اني عندي حل تاني هيرضيك و هيرضيني فارس بتركيز جول يا عمي الدهشوري بااحراج نجوز حوريه لحازم و متخافش حازم هيحطها في عيونه و مش هيقدر يزعلها واصل سليم باستغراب طب و ولدك رحيم ماكان عايز البت الدهشوري اتكلم لا أنا غيرت رايي حوريه هتبجا لحازم وعشان بردو تربي ابن اختها وحازم اولي من رحيم بدل ما يتجوز واحده غريبه منعرفش طينها اى سليم اتنهد وقال اللي انت شايفه صح يا خوي أنا معاك فارس اتكلم بضيق بس يا بوي معتقدش حوريه هتوافق سليم بجمود احنا نقرر يا ولدي احنا عارفين مصلحتها اكتر منيها فارس بتردد طب ما حوريه ملهاش ذنب في الحوار ده الدهشوري اتكلم وقال احنا مش هنضرها يا ولدي بالعكس احنا هنجوزها والجواز البنات سترة فارس بضيق طب وتعليمها ما هي لسه بتتعلم الدهشوري اتنهد وقال حوريه هتكمل تعليمها و مش خليها تحتاج حاجه واصل سليم بفرحه يبقا علي بركه الله طبعا فارس كان مضايق علي أخته لان مش ذنبها تشيل مسئوليه حازم وابنه اتنهد بضيق و متكلمش لان مش بايده يعمل حاجه.....
في بيت سليم الشهاوي "
سليم كان بينادي علي حوريه وقال يا حوريه يا بتي انتي فين طبعا سمعت صوت ابوي ورحت اشوف عايز اى كلمته وقولت خير يابا سليم اتكلم باحراج اجعدي يا بتي عايزك في كلمتين بخصوص ابن اختك عزيزه بفضول خير يا حج جول في اى سليم باحراج قرارنا أنا وعمك الدهشوري انك تتجوزي حازم وتربي ابن اختك انتي اولي طبعا انا اتصدمت وضربات قلبي بدأت تزيد ودموعي بدأت تملي عنيا وقولت اييي انت بتجول اى يابا أنا لا يمكن أوفق بحاجه زي كدا سليم بضيق انتي هتكسري كلامي عاد بصتله وانا دموعي بتنزل وقولت بتشهق أنا بعتذر يا بوي بس انا وحازم مش هنقدر نعيش مع بعض سليم ببرود مش مهم المهم ابن اختك محتاج ام بدل ما يطلع يتيم ام بصتله بعياط عايز تضحي بابنتك الصغيره يا بوي سليم اتنهد هو أنا يا بتي هرميكي في النار أنا عايز مصلحتك قولتلوا طب وتعليمي أنا لسه بدرس سليم بجمود عمك الدهشوري قالي هخليها تكمل تعليمها اظن مفيش حجه تهربي منها عزيزه اتكلمت بحزن طب يا حج فكر تاني بنتك لسه صغيره ومحتاجه تعيش حياتها مع واحد قريب من سنها انت كدا بتعجزها سليم بغضب أنا جولد كلامي ومش هعيده تاني وبعدين حازم سنه مش كبير عنده اتنين وتلاتين وهي عندها اربعه وعشرين السن مش كبير فضلت عيط وقولت حازم بيحب اختي جدا وانا هتظلم في الحب دي فكرك لما اتجوز حازم هينسي ولما اترمي في حضنه هيفتكر ثريا بلاش تظلمني وتظلمه لااا يابا مش عايزه اتجوز حازم انت كدا بدمر حياتي ارجوك متخدش الخطوه دي سليم بغضب أنا مش هعيد كلامي عاد خلاص اتفاقنا أنا وعمك الدهشوري وفرحك الاسبوع الجاي وبعدين مشي اترميت في حضن امي وانا بعيط جامد ومش مصدقه اللي بيحصلي ده انا خلاص ادمرت طب و يوسف اللي بحبه هعمل في اى أنا هو بنحب بعض ولو عرف مش هيسكت فضلت اعيط وامي طبطبت علي ضهري وقالت اهدي يابتي هنعمل اى قدرك كدا نصيبك تخدي حازم فضلت اعيط بقهره أنا ياما اتظلمت اوي انتوا دمرتوني و دمرتو حياتي ااااه اخويا بص عليا بحزن وقال أنا آسف مفيش حل تاني اعمله عارف أن الموضوع صعب عليكي بس ارضي بنصيبك وراح مشي وسبني وفضلت اعيط لحد لما دموعي نشفت علي خدي دخلت الاوضه ونمت وفضلت ادعي من ربنا أن يجبلي الخير نمت حلمت حلم غريب أن حازم بيحضني بحنيه فوجت من الحلم وخدت نفس وانا مستقرفه من نفسي ازاي ابقا في حضن واحد أختي كانت مراته اتنهدت وقولت خلاص انتي اتحصرتي في اوضه ضلمه محدش هيطلعك منها عدي يوم وانا في الاوضه ابويا دخل عليا وقال هااا يا بتي فرحينا بصيت عليه بحسره لأن مفيش حاجه تاني اعملها وانفد بجلدي وقولت أنا موافقه طبعا اخويا كان جنبه وحاسس بيا لأن عارف أن وافقت بالغصب عشان ابويا بصلي بحزن وبعدين مشي لأن مش قادر يعمل حاجه وكأن ايديه الاتنين متكتفين ابويا فرح وقال ربنا يفرحك يا بتي واشوفك اسعد واحده وبعدين طلع امي قعدت جنبي وحضنتني وفضلت اعيط وامي طبطبت عليا وقالت معلش يا بتي وبعدين حازم كويس مش هلاقي حد زيه وفي أخلاقه متكلمتش لأن معدش ليا صوت أطلعه واناهد مش هيجيب نتيجه من الاخر
في بيت الدهشوري"
حازم حازم خد يا ولدي حازم راح قعد جنب أبوه وقاله خير يابا الدهشوري اتكلم كل الخير يا ولدي حوريه بنت عمك وافقت عليك حازم بص بصدمه وقاله وافقت!!! الدهشوري بجمود اظن ملكش حجه بعد كدا اهي وافقت عليك حازم قام من مكانه بضيق أنا قولت اللي عندي مش هتجوز حوريه الدهشوري بغضب يعني بنت سليم مصغرتش ابوها وانت راجل وبتصغر في ابوك كريمه بخوف اهدا بس يا حج عشان صحتك حازم بضيق ازاي اخد حوريه واخويا عينه عليها ازاي الجوازه دي مش هينفع تتم و في طرف مظلوم وهو رحيم الدهشوري بعصبيه اخوك ملكش دعوه بيه أنا هجبله واحده تملي عنيه و ينسي حوريه من دماغه حازم بحذر طيب أنا موافق بس خليك فاكر أن ذنبنا في رقبتك طبعا رحيم كان مراقب من بعيد بحزن حازم بص عليه وهو رايح الاوضه واضايق عليه ودخل اوضته بعد مرور أيام وجيه فرح حازم و حوريه والدنيا كانت عباره عن فرح و زغاريد و ضرب نار في الجو و ناس مبسوطه بترقص طبعا كنت قاعده معاهم وهما فرحانين و بيرقصوا وانا كنت حزينه وشيله هموم الدنيا عليا ومقهوره علي نفسي وسمعت اخر جملتهم وهو الشيخ بيقول بارك الله ولكما وبارك عليكما وجمع بينكما في خير اول لما سمعت كدا دموعي نزلت غصب عني و مش متقبله اللي بيحصل ده معقوله بقيت مرات حازم رسمي ضربات قلبي بتزيد وحاسه بخوف جامد ولاقيت حماتي اللي هي حمات اختي ثريا وامي جايين جنبي و بيقولولي يلا يا بتي تعالى معانا اوريكي اوضتك مشيت معاهم وانا مش سانده نفسي و جسمي كله بيترعش مش مصدقه كل اللي بيحصل ده لا و كل حاجه بتكمل علي طول من غير تعيطل في الوقت أو في الايام أنا لاقيت نفسي مره واحده مرات حازم ودخلت في دوامه ملهاش نهايه دخلت الاوضه وقعدت علي السرير وجنبي ملايه بيضه بصيت عليها بخوف وقلق اللي اتمكنوا مني بلعت ريقي ومسكت في ايد امي وانا بترجي ليها وبقولها مسبنيش لوحدي أنا خايفه امي ابتسمت بحزن وطبطبت علي ضهري وقالتلي متخافيش اليوم هيعدي بسرعه وبعدين سبوني ومشيه و فضلت اعيط وافرك في أيدي بخوف جامد وجسمي كله بيترعش وابص علي الملايه البيضه واخاف اكتر وقولت يارب ساعدني واهديني الهدايه من عندك يارب
حازم قبل ما يخش الاوضه عليا أبوه وقفه وقاله احنا مستنينك برا أنا وعمك سليم تدينا اشاره انك دخلت عليها حازم بص بضيق عايزني اعمل اى يابا الدهشوري بجمود عايزين نعرف انت دخلت عليها ولا لا حازم باستغراب زي اى مثلا الدهشوري بجمود تورينا الملايه حازم قفل عنيه بضيق وقال دي خصوصيه ما بين أنا ومراتي بس محدش يدخل وبعدين اشمعني طلبت مني حاجه زي كدا دلوقتي وزمان لما اتجوزت ثريا مطلبتش اللي بتقوله ده الدهشهوري ببرود الوضع يختلف عن دلوقتي ثريا انت كنت بتحبها وانا كنت واثق انك هتخش عليها بس المرادي الثقه مهزوزه دلوقتي وعشان كدا عايز اطمن حازم بزعيق كدا كتير يابا يعني انت خلتني اتجوز بالعافيه ودلوقتي بتطلب مني الحاجه دي أنا آسف مش هقدر اوريك حاجه زي كدا الدهشوري بزعيق أنا طلبي يتنفذ متجيش تجادل معايا عايز تصغرني قدام عمك اللي قاعد برا و مستني تخش علي عروستك كريمه جت بقلق خير يا حج في اى حازم بعصبيه عايزني اوريه الملايه ياما مش كفايه وفقت علي طلباتكم و سكت كريمه بهدوء معلش يا ولدي كمل جميلك و خش علي عروستك و ريح باله حازم بضيق مااشي ذنبي بيزيد عليك يابا خلي في علمك وبعدين دخل سمعت صوت باب بيتفتح اتخضيت بخوف مسحت دموعي ولاقيت حازم قدامي معرفتش ابص عليه من الخوف حازم لما شافني اتجمد في مكانه من جمالي و مش قادر ينزل عينه من عليا وقال في باله اى القمر ده بلعت ريقي من الباصه لاقيته بيقولي أنا عارف انك مجبوره علي الجوازه وانك موافقتيش برضاكي أنا كمان زيك و مكنتش قابل انك تبقي في حضني من بعد اختك الله يرحمها بس ده نصيبنا و دلوقتي عايزين يخلوني ادخل عليكي و اوريهم الملايه قومت مره واحده وخوفت وبعدت وقولت ونبي يا حازم متعملش فيا كدا ارجوك اتصرف أنا وانت مغصوبين علي الجوازه دي بلاش تظلمني وتظلم نفسك حازم مسح في وشه بضيق وقال الحل اى مفيش حل لازم ادخل عليكي اهدي عشر دقايق وهنخلص مش هناخد وقت عشان نخلص من زنهم فضلت اعيط وقولت انت كدا بتظلمني حازم بضيق و عصبيه عارف عارف هعمل اى مش بايدي حاجه اعملها بصتله بدموع اتصرف اعمل اى حاجه قولهم اني تعبانه قولهم اى حاجه بس بلاش كدا ارجوك حازم مسك دماغه بضيق مفيش حل مفيش حل هعمل اى قوليلي لو عندك حل أنا مستعد ابقي معاكي انا نفسي مش عايز كدا و شايفك اختي الصغيره و مش عايز اظلمك عشانهم فضلت اعيط وقعدت علي الارض وقولت هعمل اى ومره واحده جاتلي فكره شيطانيه لما بصيت علي الكوبايه قومت بصيت عليها وقربت منها بصيت علي حازم وقولتلوا واثق فيا قالي مش فاهم هتعملي اى بصيت علي الكوبايه وحازم استغرب قومت كس.رتها و شمرت ايدي وحازم كل ده مش مصدق روحت عو.رت ايدي حازم بغضب انتي مجنونه اى اللي انتي هببتيه ده قولتلوا بارتجاف و وجع هات الملايه دي بسرعه جري حازم وهو مش مصدق فكرتها وجاب الملايه قومت مسحت الد.م وقولتلوا خد وريهم بصلي بصدمه وووو يتبععع
#اتجوزت_جوز_اختي_بالغصب
4✨
اسفه يا جماعه علي التاخير معرفتش انزل البارت امبارح عشان حصل ظروف بتاسف ليكوا جدا ع التأخير
**********
جري حازم وهو مش مصدق فكرتها وجاب الملايه قومت مسحت الد.م وقولتلوا خد وريهم بصلي بصدمه وقالي لي عورتي نفسك كدا لي ايدك بتنز.ف روحت قولتلوا بوجع وريهم يا حازم عشان نخلص من الموضوع ده اديته الملايه وانا كاتمه الد.م بايديا بوجع حازم كان متشتت وخد الملايه وطلع برا الاوضه اما أنا روحت دخلت الحمام وبصيت في المرايه وفضلت اعيط علي نفسي و في نفس الوقت بعيط من الوجع روحت غسلت ايدي من الد.م و طلعت وقعد علي الارض وحضنت نفسي من العياط...
حازم نادا علي أمه و كريمه جت بسرعه حازم أداها الملايه وقالها خدي اهو نفذت كل اللي عاوزينه حوريه طلعت بنت بنو.ت اظن ده هيريح ابويا و هيريح الجميع ممكن بقا تسبوني في حالي حوريه بقت مراتي رسمي واهو الدليل مرتاحين كدا !! بس يمين بالله انا مش مسامح ابويا ابدا بعد اللي عملوا فيا و مش مسامح نفسي عشان سرقت حلم اخويا وسعادته اللي كان المفروض الليله دي ليلته كريمه حزنت علي ابنها وقالت معلش يا ولدي ده نصيب في الاخر محدش عارف نصيبه فين وربنا كتبك تكون جوز حوريه مش رحيم وبعدين ابوك مش في نيته يضرك بالعكس ابوك كان عايزك متفضلش لوحدك انت وابنك وكان لازم يبقا في حرمه ليك تساعدك وتشيل المسئولية البيت معاك بكرا هتعرف أننا ساعدناك ياولدي عمرنا ما هنجبلك الاذي ابدا كلها خير ليك يا ولدي حازم اتنهد بضيق وقال ملهوش لازمه الكلام ده ياما اللي حصل حصل أنا بس مكسوف ابص في عين رحيم وندمان ندم عمري وضميري مش مستريح بعد ما خدْ حبيبته وبعدين اضايق وقال أنا خارج كريمه باستغراب رايح علي فين خش شوف عروستك مسبهاش لوحدها حازم بغضب هغور في ستين داهيه تاخدني سبوني بقا في حالي أنا ضميري مانبني مش خدته اللي عاوزينه ملكوش حاجه عندي تاني وبعدين مشي وسبها كريمه حزنت وبصت للملايه وطلعت عشان توريهم الدهشوري بجمود هااا حصل كريمه وريتهم الملايه بحزن وقالت حصل ياحج الدهشوري فرح وقال الف مبروك يا سليم سليم ابتسم وقال الله يبارك فيك طبعا رحيم لما شاف كدا قلبه حرقه وكأنه كاتم النا.ر في قلبه خلاص كدا حوريه بقت مرات حازم حس بهزوز في جسمه و دموعه كلها محبوسه في عينه وبعدين قفل عنيه بضيق و سابهم ومشي .....
بت يا نعمه تعالى يا بت نعمه جت وقالت في اى ياما
بدريه بخبث تعالى يا بت هجولك علي حاجه نعمه فضول خير ياما بدريه بسخريه كلها خير يا حبيبتي مبقولش شر ابدا المهم جلبك لسه بيحن لرحيم ابن خالك نعمه بخيبه الامل وهيفضل جوه جلبي ياما ماانتي عارفه أن رحيم غالي عليا اوي وبحبه بس مليش حظ في عشان بيحب حوريه بدريه باستنكار مرايه الحب عميا ياختي وبعدين حوريه علي ذمه راجل يعني رحيم خلاص رمه طوبيتها نعمه بحزن بس لسه بيحب حوريه ياما ومعتقدش هينساها بدريه بخبث انتي اللي هتنسيه دلوجتي اهو جيالك علي الطبطاب انتي تلعبي من علي يمينك وانا هلعب علي شمالي نعمه باستغراب هتعملي اى ياما بدريه بخبث هكلم اخوي الدهشوري عليكي وانتي اللي عليكي تخلي رحيم خاتم في صباعك وبعدين فكرك هسيب المنيله حوريه دي تقش كل الورث والعز في عبها علي ج.ثتي لو حصل انتي يا بت حاولي تجيبي رحيم وتخليه يحبك علي طول لحسن الست كريمه هي كمان تفكر تجيب بنت اختيها وتتجوزها لرحيم ابنها واحنا نطلع بالمولد بلا حمص من هنا ورايح تروحي تزوريهم علي طول وطبعا عايزاكي تتشيكي وتبقي علي سنجه عشره واتمرقي كدا يمكن يقع في دباديبك وبعدين ضحكت ...
حازم كان ماشي في شارع فاضي مفهوش حد وعمال يحرق في سجاير لحد لما قبله واحد بينادي عليه راجل علي قد حاله ساكن في بيت صغير طوبه قديم وقاعد علي الارض بيشرب شاي حازم بص عليه ورحله وقاله حضرتك كنت عايز حاجه حسين ابتسم وقاله عايزك انت يا ولدي تشرب شاي حازم اتنهد وقعد معاه وقاله ماشي هات شاي حسين باستغراب اومال انت يا ولدي جاي منين وشارع مفهوش مخلوج انت هربان ولا حاجه حازم ابتسم وقال هربان من فرحي يا حج حسين بفضول لي ياولدي كدا في حد يسيب يوم فرحه دي احلي ليله وعمرها ما تتعوض واصل حازم ضحك وقال دي الليله التانيه من زواجي يا حج يعني أنا كنت متجوز قبل كدا ومراتي دي كنت بعشقها مش بحبها بس ولا حتي فكرت ابص علي واحده وهي موجوده مكنتش شايف غيرها ابدا عشان هي كانت ماليه عيني وقلبي لحد لما ربنا افتكرها خدها مني عشان هي كانت طيبه ومكنش في حد في اخلاقها ابدا و كانت محبوبه ما بين الناس أنا محظوظ اني خدتها بس مليش حظ اكمل بقيت عمري معاها حازم دمع من عينه من غير قصد وقاله معلش اتاثرت شويه حسين حزن عليه وقاله ادعيلها بالرحمه يا ولدي هي محتاجه تدعيلها وهي علي طول هتزورك وهتحس بيها بس انت مش شايفها هتحس بروحها بتلف حواليك وهتجيلك في احلامك عارف لي عشان روحك متصله مع روحها فا هتحس بهمستها دايما حازم بدموع بحبها اوي يا حج أنا في كل حته بشوف خيالها قدامي ببقا نفسي حضنها بس بتختفي مني دماغي عماله تشتتني بيها أنا تعبت اوي في نار أيده جوايا مش عايزه تطفي فراقها صعب جدا مش قادر اتخطاه الموضوع صعب عليا حسين بحزن اهدا يا ولدي أنا حاسس بيك والله ربنا يرحمها هي دلوجتي في حته احسن مني ومنك يبختها عايشه عزيزه و مكرمه واحنا هنا شايلين هم الدنيا وجرافها جوم يا ولدي مسبش عروستك لوحدها هي تقربلك حازم مسح دموعه وخد نفس اها بنت عمي اخت المرحومه الله يرحمها حسين رد عليه وقال طب كويس دي فيها ريحه من مرتك الدم واحد وروح واحد يا ولدي هي مش مختلفه عن اختها بالعكس دي تعويض من ربنا بعد وفا.ة مرتك مش هتحس ابدا انها تو.فت عشان هي من دمها ونفس روحها و اكيد في نفس حنيتها جرب تصونها وتعيش حياتك معاها متحكمش عليها وانت جلبك رافضها أو مغصوب عليها بدون سبب صدجني لما تعمل كدا مرتك هتفرح انك خدت من نسلها وهترتاح في قب.رها انك مبجتش لوحدك انت مش حاسس بكدا بس فعلا تلاجيها فرحانه جاوي انك خدت اختيها و مش هتشيل ذنبك واصل وبالها هيرتاح صدجني جوم يا بني مسبش عروستك لوحدها وربنا ييسر لك امورك يارب حازم ابتسم وقام وقاله متشكرا علي كلامك ده اتشرفت بيك يا حج ... حسين بسرعه اسمي حسين يا ولدي وانا اتشرفت بيك وعلي الجعده الحلوه دي حازم ابتسم ماشي يا حج حسين ابقا اجي اشرب معاك شاي تاني وشكرا على الشاي حسين ابتسم الشكر الله متنساش كلامي ياولدي حازم ابتسم وقاله حاضر وبعدين مشي وقال كلام محزن أثناء وهو في الشارع وقال لا أشعر بأن الحياة لها طعم بدونك يا أغلى من فقدت، وأغلى من سكن القلب، انتظرك كل ليلة على أمل أن يكون هذا كابوس قد مررت به، لكن أتفاجأ بأنه واقع مرير لابد أن أعيشه وبعدين دمع وراح لبيته اتفاجي بصوت أبوه وقاله كنت فين ياولدي وفي حد يسيب عروسته في ليله دخلتها حازم اتنهد وقال مسبتهاش يابا لوحدها كنت بشم هوا وجيت وبعدين ماانتوا معاها في نفس البيت الدهشوري بجمود بس مش بمعني كدا تسيبها لوحدها وهي في أول يومها اطلع يلا شوف مرتك حازم بضيق ماشي يابا حازم طلع ودخل علي حوريه واستغرب لما شافها نايمه علي الارض بالفستان حازم خاف عليها وقرب منها ونزل مستواها وشاف ايديها بتنز.ف علي بسيط حازم شالها بهدوء و كان عليه علامات التوتر خايف تكون حصلها حاجه وبعدين حطها علي السرير بهدوء طبعا انا حسيت حد نايمني علي السرير روحت فوقت وبصيت بتوهان وتعب وحازم اتكلم بخوف وقالي انتي كويسه اجبلك الدكتور طبعا اتكلمت بسرعه بخوف وقولت لا لا بلاش هيعرفوا بموضوعنا حازم بضيق مايعرفوا أنا مالي محدش لي عندي حاجه انتي عايزاني اسيبك بحالتك ده وتتعبي اكتر قولتلوا برجاء بلاش يا حازم أنا كويسه صدجني أنا بس محتاجه شاش الم الجرح ده الفتحه بسيطه حازم بقلق هتعرفي تلمي الجرح طبعا ابتسمت وقولت انا دكتوره يا حازم حاجه زي دي مش صعبه عليا حازم اتنهد وقام جاب شاش وقطن وشويه حاجات روحت بدأت اخيط الجرح لأن من خوفي عور.ت نفسي وفتحت جر.ح كبير وبعدين فضلت اخيط وأيدي كانت بتترعش وانا بتوجع وعروقي برزت من شده الوجع وفضلت انهج وضربات قلبي بتعلي و فضلت اعرق في كل حته من وشي كان جوايا صوت مكتوم بيخبط في قلبي من الوجع حازم كان جنبي ولاقيت عليه علامات القلق والخوف عليا قومت خلصت ورميت نفسي علي السرير وغمضت عيني من المنهجه منكرش أن حازم خاف عليا وقالي انتي كويسه بصيت عليه بتعب وقولت أنا بخير عايزه انام بس روحت نمت غصب عني مع اني كنت خايفه من وجوده بس التعب والنوم امتلكوني حازم غطاني و اطمن أن أنا كويسه وراح نام علي الكنبه عدي تلت ساعات والدنيا لسه ليل كان علي فجريه روحت قومت بتعب لأن كنت عطشانه اوي ملقتش مايه جنبي بس الاول قومت غيرت الفستان عشان لو حد شافني بيه هيبقى يومي مش فايت وفعلا غيرت وقبل ما اخرج بصيت علي حازم اللي نايم علي الكنبه وفتحت الباب بهدوء واتسحبت ونزلت ودخلت المطبخ وشربت كتير اوي كأني كنت في صحرا بقالي كتير وفجاه سمعت صوت حد بيقرب أنا خوفت اوي لان مش متعوده اخد راحتي في بيوت الناس بلعت ريقي بخوف ولاقيت رحيم دخل عليا وهو مش علي بعضه شكله شارب كتير لان كان مهزوز في مشيته و وشه باين عليه التعب و لما شافني اتصدم وقالي حوريه انتي بجد ولا خيال استغربت اكتر و مش فاهمه هو اتفاجي بيا لي كدا وقولت اها أنا حوريه ابتسملي وقالي تعرفي أن أنا كنت بحبك اوي من وانا صغير وبعدين قرب مني وهو مكمل كلامه وقال و كنت مستني انك تخلصي الجامعه عشان اجوزك وتبقي بتاعتي مرات رحيم الدهشوري مش حازم بس مليش نصيب تتجمعي معايا و بنسبالي اسوء يوم أنا مريت بيه وانا شايفك بيخدوكي من حياتي وبعدين فضل يقرب وانا ببعد بخوف وبقوله ابعد يا رحيم شكلك شارب وهو مكمل في كلامه أنا بحبك اوي ومش قادر اشيلك من دماغي أنا كنت كل يوم بسرح في خيالي انك في حضني بس للاسف كل ده اتبخر والحلم راح و سرقوكي مني بالعافيه أنا في اليوم ده تعبت عشانك لان مش مصدق ان حازم خدك مني انا مش مسامحه ولا هو و لا ابويا وبعدين قرب جامد وشدني في حضنه وقالي خليكي جدعه و مسبنيش لوحدي لان مش قادر اعيش من غيرك وانا فضلت أبعده بخوف وقوله ابعد عني يا رحيم ابعد وفضلت ازقه وهو منكمش فيا وقالي بحبك اوي يا حوريه انتي حبي الاول والاخير وفضل يتحرش بيا وانا أبعده عني وزقه وقوله ابعد عني يا متخلف اى اللي بتعمله ده من كتر ما بزقه بايدي حسيت بوجع في الجر.ح بيحر.قني مبقتش عارفه ازقه من كتر قوته عليا وتشبسه فيا بعناد حازم صحي ملقاش حوريه قلق عليها وخرج من الاوضه ودور عليها وسمع صوتها و وقفل عنيه بغضب وجز علي سنانه وجري ودخل المطبخ وهو عيونه كلها شرار وقال بصوت غضب رحيييم !!! وووووو يتبععععع
#اتجوزت_جوز_اختي_بالغصب
5✨
وقفل عنيه بغضب وجز علي سنانه وجري ودخل المطبخ وهو عيونه كلها شرار وقال بصوت غضب رحيييم رحيم فاق علي صوته وبصله وساب حوريه طبعا اول لما شوفت حازم جريت عليه في حضنه وبعدين دموعي بدأت تنزل وفضلت اعيط ومعرفش بقا عندي الجرا احضنه ازاي بس جالي شعور غريب وهو شعور بالأمان والراحه والدفئ شعور جديد وف نفس الوقت حلو اول مره احس بالامان ده بمجرد حضنته طبعا لاقيت حازم استغرب من رد فعلي و مش عارف يعمل اى في الموقف ده انا اتحرجت روحت بعدت عنه وانا بعيط وبصلي ببراءة وقالي انتي كويسه عملك حاجه هزيت دماغي بارتجاف وقولت كويسه حازم اضايق وقال بزعيق انت مجنو.ن بقا بتتحر.ش بمرات اخوك يا متخلف يخساره ثقتي فيك عمري ما فكرت تخوني وتعمل حاجه زي كدا بس للاسف ظني طلع غلط وقليت من نظري جامد رحيم زعق خلاص اتقبلت أنها بقت مراتك بقيت المدافع بتاعها اى حبيتها اول لما دخلت عليها وبعدين ضحك بسخريه بس شكلك كدا اول لما شوفتها اعجبت بحلاوتها عندك حق الصراحه حوريه حلوه و العيون كلها متشلش من عليها من جمالها حازم جيه ناحيته وصفعه قلم وقال بحذر اخرس يا كل.ب شكلك شارب ومش واعي انت بتقول اى رحيم مسك وشه من الضربه وضحك بسخريه طبعا ابوك يضربني من هنا وانت تضربني من هنا بقيت بنسبالكم ملطشه حازم بعصبيه عشان تفوق لنفسك وتشوف تصرفاتك معانا رحيم بزعيق يمكن عشان انتوا السبب في حالتي دلوقتي انتوا اصلا مش حاسين بيا انت وابوك محدش فكر فيا وكلهم فكرو فيك قبلي عشان يفكه حزنك بس كل ده علي حسابي أنا وانت والخلق عارفين أن حوريه المفروض تبقي مراتي مش مراتك انت انتوا دمرتوني نفسيه و دمرتو حياتي اللي كنت مخططها اعيشها معاها هي كان نفسي ابني حياتي معاها وكنت مستني اللحظه دي من زمان وانت خدتها علي الجاهز بدون مقدمات ابوك سرق سعادتي واداها ليك ودلوقتي أنا اللي بدفع تمنها مش مسامحك يا حازم ولا انت ولا ابوك وقلبي وربي غضبانين عليكوا ليوم الدين انتوا السبب في اللي أنا في وبعدين بص لحوريه بحزن حوريه انتي كان مفروض تبقي مراتي حوريه أنا كنت بحبك وكنت مستعد احارب الدنيا دي عشانك بس هما هزمومي وخدوكي مني غصب عني أنا قلبي كل يوم بمو.ت عشانك و مش مصدق انك روحتي مني طبعا لما سمعت كلامه قلبي وجعني عليه ومكنتش متخيله أن هو بيحبني اوي كدا وعايزني وبعدين اتصدمت لما قال بس انا بقا هريحكو من قر.في وبعدين طلع المسد.س و صوبه علي حازم طبعا انا اتخضيت وشهقت مره واحده وحازم اتصدم وقال انت بتعمل اى يا رحيم اعقل كدا وارجع لعقلك رحيم ضحك بسخريه متخافش مش هعملك حاجه وبعدين عمر المسد.س وقال اصل بعمر المسد.س عشان اجهز لكفني واريحك مني وبعدين صوبه علي دماغه وقال أنا هريح نفسي ومن القهر والذل اللي انا فيه حازم بحذر وخوف نزل السلا.ح ده يا رحيم من ايدك انت كدا بضيع نفسك اى مستغني عن روحك رحيم ضحك بسخريه مش فارق معايا كدا كدا روحي متعلقه ما بين حبال المو.ت وبعدين أنا اتكلمت وقولت برعشه رررحيم نزل السلا.ح وهعملك اللي انت عاوزه حازم بص عليها بحده حوريه ملكيش دعوه انتي نزل السلا.ح ده يا رحيم وفوق لنفسك مش عشان حوريه تضيع نفسك في كتير زيها والله حوريه ليها كذا نسخه ونفس جمالها ونفس روحها صدقني نزل سلا.حك يا رحيم اهدا يا اخويا واغثي الشيطان رحيم ضحك وقال مش حضرته الشيطان ابقوا اعرفوا تصرفوا ومش هنزل السلا.ح وبعدين قفل عنيه جامد وقال اشهد ان لا اله الا الله حازم بزعيق رحييم طبعا انا خوفت وجريت عليه ومسكت ايده وانا بعيط وبقوله ارجوك سيب السلا.ح أنا عارفه أن أنا السبب في اللي حصلك وهدفع تمن اى حاجه زعلتك أو ضرتك بس ارجوك نزل سلا.حك حازم اتخض عليا وقالي ارجعي يا حوريه انتي بتعملي اى مبصتش عليه وفضلت اترجي لرحيم يسيب السلا.ح وبص عليا بحزن وقالي مفيش حاجة هتقدر ترجعني زي الاول والمايه عمرها ما هترجع لمجاريها أنا هريحكوا مني بس اعرفي أن أنا كنت بحبك اوي وعمري ما حبيت قدك حازم كان مقرب عليه بخبث وهدوء وانا كنت بكلم في رحيم وقولت هعوضك صدجني هعوضك بس ارجوك متروحش مننا كلنا بنحبك رحيم بلهفه بتحبيني!!؟ طبعا بلعت ريقي وقولت بتوتر كلنا بنحبك وبعدين حازم شد السلا.ح وزق حوريه بعيد بس رحيم قفشه في اخر لحظه وحازم كان بيحاول يشد السلا.ح ويقوله سيب السلا.ح يا رحيم طبعا عمي الدهشوري جيه هو كريمه علي صوتهم وكريمه اتخضت وصوتت وقالت يلهوي الحج يا حج الدهشوري بزعيق سيبه السلا.ح ده طبعا حازم كان بيحاول يشد منه لحد لما الطلقه اضربت و كله بقا في حاله انصدام وصمت ومش عارفين الطلقه جت في مين كله بص في نفسه ومحدش حصله حاجه حازم خد منه السلا.ح ورحيم فضل يعيط وقال سبوني ارتاح بقا العيشه في القب.ر احسن من عذاب الدنيا حازم بص عليه بحده وقال انت مجنو.ن عايز تمو.ت نفسك وكريمه جريت علي ابنها وقالت بعياط اهدا يا ولدي كل حاجه هتبجا كويسه الدهشوري قال بصوت غضب خديه يا كريمه من قدامي عشان وقسم بالله مش هيحصله كويس وبعدين بص لحازم وقال هات السلا.ح ده وخد مرتك وعلي اوضتك وبكرا احاسب علي المهزله دي كلهم راحوا علي اوضتهم وانا استريحت علي السرير وبصيت علي ايدي ولاقيت د.م مغرق ايدي وانا مش حاسه حازم بص عليا وقلق وقال انتي بتنز.في بصيت عليه وقولت مفيش حاجه مش مقلقه بص عليا بقلق لو تعبانه اوديكي للدكتور اتكلمت بسرعه وقولت أنا زينه والله حازم ابتسم علي كلامها لأن هو وأخوه مبيكلموش صعيدي زيهم فضل متنح فيها وافتكر ثريا اختها لأن شبها ونفس أسلوبها وافتكر حاجات حلوه كتير معاها ونفسه الايام دي ترجع تاني وياخدها في حضنه ويضمها ويخبيها في اعماق قلبه خوفا عليها من فراقها تاني طبعا لاقيت حازم بصلي كتير وانا اتكسفت وعيني كانت بتوه في كل حته من التوتر حازم فاق من شروده وقالها هقوم اجبلك حاجات تغيري الجر.ح روحت قولت بتوتر ياريت قام جبلي الشاش وكتمت الد.م تاني وبعدين خلصت قالي محتاجه حاجه تاني ابتسمت وقولت متشكرا قالي طيب ريحي انتي وخدي راحتك هطلع اشوفهم وفقت علي كلامه وهو خرج وانا نمت من التعب كان اكتر يوم صعب مريت بيه في حياتي والحمدلله كانت ليله وفراقها الصبح وعدي يوم كامل وصحيت لاقيت حازم نايم علي الكرسي قدامي روحت قومت واتكسفت حازم حس بيا وفاق من النوم وقال انتي كويسه اتحرجت وقولت أنا بجيت زين ابتسم و قالي طب يلا جهزي نفسك عشان نفطر روحت سمعت كلامه وقومت جهزت نفسي ونزلت أنا وهو وقعدنا علي سفره وكان في حاله صمت رهيبه كريمه ابتسمت بحزن وقالت صباحيه مباركه يا عرسان أنا رديت وقولت الله يباركلك يا مرات عمي حازم استغرب وقال هو فين رحيم كريمه قالت بحزن جاعد في الاوضه مش عايز ينزل يفطر الدهشوري بجمود احسن خليه جاعد في الأوضه و يصحصح لنفسه مش عايز اشوف خلجته حازم اتنهد وقال أنا رايح اشوفه طبعا حازم سبني وكنت مكسوفه اوي حسيت لما و جوده يبقا جنبي بطمن اكتر حازم دخل علي اخوه ولاقاه قاعد علي السرير ده حتي مبصش عليه ولا اتهز حازم راح قعد جنبه وقاله منزلتش تفطر ليه مرديش عليه وحازم زقه وقاله يا بني أنا بكلمك رحيم بص عليه ببرود مليش عين ابص علي حد منكم بعد اللي عملته و مش مستعد اخسر كرامتي واتهزق من ابوك قدام الكل حازم اتنهد ومين قالك أن هسمح لابوك يهزقك قدامنا انت كرامتك من كرامتي انت اخويا ياض رحيم ضحك بسخريه زي ما سمحتله انك تاخد حوريه مني صح حازم خد نفس وقال سبق وقولتلك أن حوريه خدتها بسبب ضغط من ابوك وانت عارف كويس أن عمري ما فكرت فيها ولا فكرت في اسمها عشان عارف انك بتحبها بس هعمل اى مش بارادتي اخد حوريه حاولت اقف كذا مره قصاد ابوك و النتيجه تعب بسببي رحيم بدموع كان ممكن تتصرف عشاني لو كنت بتفكر فيا أو بتحبني مكنتش قبلت منه تاخد حوريه انت اناني اوي يا حازم سرقت مني حب عمري اللي كنت مستني اليوم بتاع امبارح ده عشانها حازم مسك رأسه وقاله افهم بقا افهم وفوق أنا مخدتش حوريه عشان نفسي ابوك غصب عليا اتجوزها بالعافيه بقا أنا أعمل فيك كدا واخد حوريه غصب عنك مكنش العشم والله ده انا اخوك ابيع الدنيا دي كلها عشانك عشان تبقي مبسوط وفي الاخر تقولي اناني انت عارف ان أنا وانت اتظلمنا في الحوار وكمان واخد حوريه غصب عني عارف يعني اى غصب أنا بردو مظلوم زيك متجيش تلومني علي حساب ابوك مش بايدي والله افهم رحيم عيط وقال بحبها يا حازم مش قادر ابوك ظلمني اوي وجرح قلبي مش قادر حازم حضنه وقاله معلش اهدا كل حاجه و ليها حل ....
بدريه جت هي وبنتها في بيت الدهشوري و وقفو قدام الباب وقالت بخبث عرفتي هتعملي اى يا موكوسه نعمه بثقه اعتبري حصل ياما بدريه بسخريه يا خوفي والله حاسه اني سانده علي حيطه مايله ربنا يستر نعمه بثقه اوثقي فيا شويه ياما دي فرصه بنسبالي اجوم اضيعها بدريه باستنكار أما نشوف يا اختي علي راي مثل يجعل سره في أضعف خلجه وبعدين خبطوا....طبعا انا طلعت الاوضه بعد ما ساعدت مرات عمي في شيل الاكل وقعدت علي السرير وبصيت علي ايدي بوجع وقطع شرودي صوت رنت تليفوني بصيت لاقيت يوسف اللي كنت بحبه بيرن عليا بلعت ريقي وبصيت في كل حته في الاوضه بحذر وفتحت عليه وأيدي كانت بتترعش وقولت بخوف وهدوء خير يا يوسف بترن لي يوسف بضيق انتي بتقوليلي برن لي يعني تختفي مره واحده و معرفش عنك حاجه وتقوليلي برن ليه رديت عليه وقولت حصل ظروف لما اشوفك هبجا اجولك و فجاه حازم دخل عليا وبصيت عليه بخوف وانا حاطه التليفون علي ودني وقالي بتكلمني مين بلعت ريقي بتوتر !!!!وووووو يتبعععععع
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
 رواية اتجوزت جوز اختي بالغصب الفصل 1-2-3-4-5بقلم ميرنا فو…){kind=link}
تعليقات
إرسال تعليق
فضلا اترك تعليق من هنا