رواية صدفة العمر الفصل 1-2-3-4-5بقلم زينب رضا كاملة
رواية صدفة العمر الفصل 1-2-3-4-5بقلم زينب رضا كاملة
.
| 1 |
- ف واحد مدفعش ورا
بصوت عالي : مين ي جماعة اللي مدفعش ورا
الشخص اللي قاعد جنبها : اي براحة وداني، بصتله ومردتش
رجعت قالت : مين مدفعش ي جماعة
بهمس : انا اللي مدفعتش، بصتله بطرف عينها وعملت نفسها مسمعتش : انت بتكلمني انا
رحيم : اه انا اللي مدفعتش
رقية : ومدفعتش ليه شاطر تقول وداني ومش وداني
رحيم : ما انتي اللي بتجعري
رقية بصدمة : بجعر! تصدق ان.. قاطعها السواق : ف واحد مدفعش
رقية بشماته : ادفع بقا
رحيم : نسيت محفظتي ف العربية و...
رقية : اي اي حيلك انت هتحكيلي قصة حياتك وفتحت شنطتها وطلعت فلوس : خد يسطا واحد
السواق : لما انتي اللي مدفعتيش عمالة تقولي للناس ليه
رقية : انا دفعت بس اللي جنبي اداني الفلوس وانا اتلغبطت محصلش حاجه، السواق خد الفلوس وسكت وهي قعدت متعصبة
رحيم رن ع صاحبه
قابلني عند **** يحيوان .. انت بتضحك اصبر عليا .. متعصب عشان بسببك اتأخرت ع الشركة وحصلي موقف بايخ .. بقا كدا طب ماشي وقفل السكة ف وشه
رحيم وهو باصص قدامه : اما ننزل هديكي الأجرة، رقية مردتش عليه
السواق اخيرا وصل والناس نزلت
رحيم بيبص لاقها ماشية نده عليها : لو سمحتي ي انسة
رقية وقفت وبصتله : خير
رحيم : هو اي اللي خير هو انا بشحت منك
رقية : لا لسمح الله اظن انت شوفت السواق اتكلم معايا ازاي
رحيم ببرود : وانا مالي حد قالك ادفعيلي
رقية : تصدق انا غلطانة كنت سيبت السواق عليك ونزلك من العربية ف نص الطريق
رحيم : محدش يقدر، رقية بصتله بغيظ ومشيت
رحيم : استني خدي فلوسك
رقية بصتله وبصوت عالي : معلش متأخرة اقولك اعتبرهم صدقة سلام، ومشيت وهي بتضحك عشان سابته يكلم نفسه خصوصا ان باين عليه مش محتاج صدقة
رحيم : صدقة!! هي البت دي غبية ولا اي
= انت بتكلم نفسك ولا اي
رحيم : عارف انك حيوان ولا اعرفك
مؤمن بضحك : مالك بس ف اي
مؤمن حط ايده ع بوقه : اهو سكت اهو قولي بقا ف اي .. اقولك تعال نفطر وتحكيلي وبعدين نروح الشركة
رحيم : طيب، ومشيوا سوا
رقية وصلت الشركة ودخلت ومش عارفه ولا فاهمه حاجة وقفت واحد وسألته
: لو سمحت انا جايه عشان انترفيو
الشخص : اطلعي الدور الرابع
رقية : تمام شكراً
الشخص : العفو ومشي؛ رقية بتكلم نفسها ' دور رابع اي انا فيا صحة اطلع دور اول حتي اكيد ف اسانسير اكيد ' فضلت تدور لحد ما لاقت الاسانسير وطلعت
شافت سكرتيرة راحت عليها : لو سمحتي كنت جاية عشان الانتر... اي ده مالك انتي كويسة
السكرتيرة بتعب : اه ممكن بس تجيبيلي مية
رقية بصت حواليها : منين طيب
السكرتيرة : آخر الدور يمين هتلاقي عمي محمد هاتي منه
رقية : حاضر، راحت بسرعه لاقت راجل كبير واقف والمكان زي مطبخ
رقية : لو سمحت عاوزة مية
محمد : انتي مين يابنتي
رقية بابتسامة : انا جاية اعمل مقابله بس عاوزه مية عشان السكرتيرة الحامل اللي برا
محمد : اتفضلي يابنتي
رقية : شكرا؛ واخدت الازازة وادتها للسكرتيرة
دينا : شكرا
رقية : العفو، معلش بس هو انا هعمل الانترفيو امته
دينا قفلت الازازة : مستر رحيم ع وصول اتفضلي اقعدي
رقية : تمام وراحت قعدت
~~~~~~~~~~~~~~~~~~~~~~~~~~~~~~~~ صلوا ع النبي�؛ ~~~~~~~~~~~~~~~~~~~~~~~~~~~~~~~~
ف كافية*
رحيم : بس يسيدي ده اللي حصل ومنظري كان وحش
مؤمن : هي دفعتلك لوحدها كدا
رحيم : اه بس السواق كلمها وحش
مؤمن : طبعا انت رديت عليه
رحيم : لا يخويا هي ردت عليه هي دي بتسكت ولا بتسيب حقها
مؤمن : طب والله جدعة
رحيم وهو بياكل : هي جدعه عشان مبتسيبش حقها بس لسانها طويل
مؤمن ضحك : وهتديها الفلوس ازاي
رحيم : مش هديها انت متعرفش انها دفعتها صدقة
مؤمن فتح ف الضحك : صدقة!؛ رحيم بصله بغيظ
مؤمن : مش قادر لاا
رحيم : اطفح وانت ساكت خلينا نمشي عشان عمك
مؤمن وهو لسه بيضحك : حاضر
بعد ساعة تقريبا*
رقية قاعده زهقانه وفيه كذا بنت جت للانترفيو ولابسين لبس قصير وفيه اللي بشعرهم وده مسببلها توتر عشان ممكن متتقبلش
رقية قامت بزهق : لو سمحتي المستر اللي بتقولي عليه هيجي ولا لا
دينا : هو المفروض يكون جه عمره ما اتأخر
رقية : انا بقالي ساعة وشوية قاعدة اي الاستهتار ده
دينا شافت رحيم جاي قامت وقفت : ممكن تهدي ... مستر رحيم ان..
رقية : بلا رحيم بلا بتاع بقا مديرين اخر زمن انا راحة اقعد هي نص ساعة كمان لو مجاش هقدم استقالتي احنا هنهزر هنا
صوت من وراها : هو انتي كنتي اشتغلتي عشان تقدمي استقالتك، بتلف تشوف مين بيتكلم
رقية : انت؟؟ انت بتعمل اي هنا اوعي تكون جيت ورايا عشان تديني الأجرة
رحيم : أجرة اي دي
رقية : الأجرة اللي انا دفعتهالك ف العربية انت هتستعبط، دينا ضحكت بتعب غصب عنها
رحيم بغيظ : ممكن تخرسي
رقية : وانت مين عشان تقولي اخرسي؛ وبصت لدينا انا جاية اول واحده هنا لو سمحتي رني ع رحيم ده شوفيه فين او هيجي ولا لا
دينا بصت لرحيم اللي هو اعمل اي
رحيم : مش المفروض تحترمي الشخص اللي جاية تشتغلي عنده
رقية : انت مالك انت وبعدين لما هو يبقا يحترم مواعيده ووقت الناس ابقا احترمه
رحيم اتعصب من كلامها ووجه كلامه لدينا : هاتي القهوة بتاعي ع المكتب ومشي دخل مكتبه
رقية بصت لدينا وعلامات الاستغراب ع وشها
دينا بهدوء : مستر رحيم اللي حضرتك مستنياه
رقية بصدمة : احيييه
#يتبع..
_
|2|
رقية بصت لدينا وعلامات الاستغراب ع وشها
دينا بهدوء : مستر رحيم اللي حضرتك مستنياه
رقية بصدمة : احيييه
رقية ف نفسها ' هو اه شكله نضيف وابن ناس بس مش لدرجة انه يطلع المدير وكمان يطلع الشخص اللي عماله اهزق فيه لا وعمالة اذله بالأجرة الأحسن اخد بعضي وامشي من هنا ' ولفت وماشيه وهي سرحانه
دينا : ايوا ي مستر .. تمام حاضر؛
دينا : ي انسة لو سمحتي
رقية فاقت من سرحانها وبصتلها : بتكلميني انا
دينا : ايوا انتي
رقية راحتلها : نعم
دينا ضحكت ع منظرها : اتفضلي
رقية باستغراب : اتفضل فين
دينا : مش انتي مستنيه ده كله عشان الانترفيو
رقية : انتي فكره ان بعد اللي حصل ده انا هتقبل
دينا : متخافيش ادخلي واعتبري ان مفيش اي حاجه من ده كله حصلت جمدي قلبك
رقية : تفتكري
دينا بتحاول تطمنها : ايوا خليها ع الله ومستر رحيم كويس ومتفاهم متقلقيش
رقية حاولت تبتسم وهي هتموت من الخوف وراحت خبطت ع باب المكتب
رحيم : ادخل
رقية دخلت وهي خايفة وقفت قدام المكتب وطلعت الملف بتاعها من الشنطه وحطته ع المكتب
رحيم وهو باصص ف الورق اللي قدامه : هتشتغلي من بكرا
رقية : يعني اي هي كدا الانترفيو
رحيم : ملفك قدامي اكيد هشوفه وقولتلك انتي معانا عاوزه اي تاني
رقية : بس ده ظلم
رحيم رفع عينه من الورق وبصلها : نعم ياختي
رقية استغبت نفسها ع اللي قالته هي اكتر واحدة محتاجه الشغل
رقية : مش قصدي ب..
رحيم قاطعها : خلاص مش مهم قصدك
رقية بصوت واطي : انا غلطانه اني بوضحلك
رحيم : بتقولي حاجة
رقية بسرعه : لا لا ابدا يعني اجي بكرا الساعه كام
رحيم وهو بيقلب ف ملفها : 8 تكوني هنا وممنوع التأخير بس هتفضلي ساعتين مع دينا تفهمك الدنيا ماشيه ازاي لأنك هتبقي بدلها اللي قاعده برا هي هتاخد اجازة عشان قربت تولد
رقية ف تفكيرها " اكيد دينا مراته دايما ف الروايات المدير السكرتيرة بيتجوز ع مراته ف السر ... بتبص لرحيم بتركيز : ياتري معرف مراتك انك متجوز عليها ولا ل... "؛ قطع تفكيرها وهو بيقول بصوت عالي : معايا؟
رقية بخضة : م معاك
رحيم : تقدري تخرجي لدينا تفهمك الدنيا وبكرا هتبدأي وياريت متتاخريش
رقية : حاضر بس المفروض يكون ف عذر لو حد اتأخر غصب عنه
رحيم : وهو حضرتك اديتي عذر انتي ماشيه تتخانقي مع الناس وعاوزه كل حاجه تحت أمرك
رقية بعصبية : لا مش كدا ولا عمري بتخانق من غير سبب ودايما بحترم الكل الصغير قبل الكبير بس حضرتك حصلك ظرف وهتتاخر المفروض كنت اتصلت وبلغت السكرتيرة بتاعتة وهي تعرفنا ده اللي عصبني واظن اني مش غلطانه
رحيم باقتناع : معاكي حق والمفروض كنت اتصلت بس مجاش ف بالي ونسيت مش جريمة ولا انتي شايفة اي
رقية : حصل خير واسفة ع اللي حصل برا
رحيم : تمام تقدري تتفضلي
رقية : عن اذنك وخرجت وقفلت الباب؛ وقفت تاخد نفسها وبعدين راحت ع دينا
~~~~~~~~~~~~~~~~~~~~~~~~~~~~~~~~ صلوا ع النبي🦋؛ ~~~~~~~~~~~~~~~~~~~~~~~~~~~~~~~~
دينا بابتسامة : مبرووك
رقية : الله يبارك فيكي؛ ربنا يقومك بالسلامة
دينا : يارب
رقية : هي البنات اللي كانت هنا راحت فين
دينا : مستر رحيم قالي امشيهم اهم حاجه بس لما تيجي متتاخريش مستر رحيم ملتزم جدا بالمواعيد وبتعفرت لو حد اتأخر، هو عمره ما بيتاخر قليل جدا لما يتأخر بتبقا صدفة يعني زي انهارده كدا
رقية بابتسامة : تمام هو ينفع اخد رقمك عشان لو احتاجتك وانتي مش موجوده
دينا : اكيد، وادتها الرقم
رقية : شكرا
دينا : العفو ع اي، يلا عشان افهمك كل حاجه
رقية : يلا، وبدأوا يشتغلوا
بعد ساعتين*
دينا : انتي كدا فهمتي معظم الشغل
رقية : اه الحمدلله
دينا : رقمي معاكي متتردديش تكلميني لو محتاجة تفهمي حاجه
رقية : حاضر، رحيم خرج من مكتبه
رحيم : اي الاخبار
دينا : كله تمام ي مستر
رحيم : طب كويس مؤمن ف مكتبه
دينا : لا مستر مؤمن مجاش
رحيم : تلاقيه روح نام تاني المهم بابا فوق
دينا : اه ي مستر
رحيم : تمام، ومشي
دينا : بصي يستي انتي اكيد مش فاهمه حاجة
رقية : بصراحة اه
دينا : مستر مؤمن يبقا ابن خال مستر رحيم وعايش معاهم وهما اكتر من اخوات مع بعض دايما ومكتبه هناك اهو جنب مكتب مستر رحيم، الشركة دي بتاعتهم وفيه فرع تاني ف اسكندرية ابو مستر مؤمن ماسكه هناك انما هنا ابو مستر رحيم هو المدير وطبعا معاه مستر رحيم ومستر مؤمن بس يستي فهمتي حاجه
رقية : اه فهمت عيب عليكي
دينا : ماشي يستي، وقعدوا يرغوا شوية وبعدين رقية روحت وصلت بيتها واقفه عند الباب سمعت اخوها اللي اصغر منها بيعيط دخلت بسرعة تشوفه لاقت ابوها ماسكه بيضربه جريت عليه وشدته
رقية : ف اي بتضربه ليه
سعيد 'ابوها' : اهلا ياختي كنتي فين ده كله
رقية : كنت بشوف شغل هكون فين
سعيد : جيبتي فلوس
رقية : كنت بقدم واول يوم انهارده فلوس اي اللي هاجبها، ضربها بالقلم
سعيد : انا قايلك مترجعيش البيت غير ومعاكي فلوس صح
رقية بصوت عالي : اعمل اي يعني اجيبلك منين اسرق
سعيد : قولتلك اتجوزي ابو منه الراجل عاوزك
رقية بعصبية : مش هتجوزه اي انت كل اللي همك الفلوس حرام عليم مش بتشتغل ولا بتصرف علينا عايش مبتعملش حاجه غير انك بتسهر فضلت اشتغل واصرف ع نفسي لحد ما اتخرجت وكل اما فلوس تبقا معايا تاخدها
ضربها بالقلم تاني وشدها من طرحتها وراح ناحيه الباب : صوتك ميعلاش عليا تاني ويلا بقا روحي هاتيلي فلوس ولو رجعتي من غير فلوس مش هتعرفي انا هعمل اي
رقية بصت لاخوها وعينيها مدمعه : طب هاخد احمد معايا وهجيبلك الفلوس اللي انت عاوزها
سعيد : لا يحلوة، وحط ايده ع كتف احمد ده هيفضل معايا انا اي يضمنلي انك هترجعي
رقية راحت عليه حضنته وبهمس : متقلقش يحبيبي هاحي ادخل انت اوضتك ولما ارجع هنقعد وناكل سوا ومتعيطش مفيش راجل بيعيط
سعيد : كفايه ياختي يلا شوفي راحه فين
رقية بصتله ومردتش وخدت بعضها وخرجت
سعيد : ادخل يخويا متقفليش كدا
احمد : طيب
سعيد : ولا تعال اقولك
احمد : نعم
سعيد : اخلي ابو منه يشوفلك شغل وفكك من التعليم ده
احمد : لا انا رايح 3 اعدادي وهذاكر وهدخل هندسه عشان رقية تفرح بيا
سعيد بتريقة : هندسه اه يفرحتي بيك وبيها امشي شوف رليح فين اجري، احمد سابه َدخل اوضته
رقية فضلت تلف ف الشوارع مش عارفه تعمل اي اخر ما زهقت قعدت ع الطريق بتعب
* ياارب انت اللي عالم بحالي خليك معايا ومتسيبنيش يارب انا تعبت طب اروح الشركه هيرضوا يدوني المرتب قبل ما اشتغل .. انا هروح ان شاء اكتب وصل امانه ع نفسي وقامت وقفت وبصت للسما ساعدني يارب * وبتعدي الطريق من غير ما تبص عربية جايه بسرعه
رقية : اااه..
#يتبع...
|3|
رقية فضلت تلف ف الشوارع مش عارفه تعمل اي اخر ما زهقت قعدت ع الطريق بتعب
* ياارب انت اللي عالم بحالي خليك معايا ومتسيبنيش يارب انا تعبت طب اروح الشركه هيرضوا يدوني المرتب قبل ما اشتغل .. انا هروح ان شاء اكتب وصل امانه ع نفسي وقامت وقفت وبصت للسما ساعدني يارب *
وبتعدي الطريق من غير ما تبص عربية جايه بسرعه
رقية : اااه..
رحيم نزل من عند أبوه لاقي دينا قاعدة لوحدها فسأل : هي مشيت؟
دينا : اه ي مستر وهتيجي بكرا ان شاء الله
رحيم : فهمتيها كل حاجه يعني انتي عارفة لولا انك هتولدي وكدا مكنتش اديتك اجازة
دينا : متقلقش ي مستر وهي بتفهم بسرعة ومعاها رقمي لو احتاجت تفهم حاجه هتكلمني
رحيم : تمام ولسه هيمشي وقف، اه صح عاوز كل حاجة عنها
دينا : عن مين
رحيم : البنت اللي كانت هنا
دينا : قصدك رقية
رحيم : هي اسمها رقية
دينا : اه ي مستر، حاضر هجيبلك كل حاجه عنها ساعة بالظبط والملف هيكون ع مكتب حضرتك
رحيم بإبتسامة : تمام؛ ودخل مكتبه
~~~~~~~~~~~~~~~~~~~~~~~~~~~~~~~~
: انتي كويسة
رقية : لما انتوا مبتعرفوش تسوقوا بتسوقوا ليه
مؤمن : يابنتي انتي اللي ماشية زي الهبلة ومبصتيش ع الطريق قبل ماتعدي
رقية : هو ف اي انهاردة مرة يتقالي بتجعري والتانيه يتقالي هبلة
مؤمن بضحك : حلوة بتجعري دي
رقية بغيظ : عجبتك اقولها مرة كمان
مؤمن ولسه بيضحك : خلاص يستي متزعليش نفسك المهم انك كويسه صح
رقية : اه الحمدلله
مؤمن : تمام؛ ورايح يركب العربية وقفته رقية
رقية : انت يأخ انت
مؤمن بصلها باستغراب : بتكلميني انا
رقية من غير قصد : انت غبي يابني هو فيه غيرك
مؤمن : نعم!!
رقية بسرعة : اسفة مش قصدي والله بس مفيش غيرك هنا يبقا اكيد بندهلك انت
مؤمن : خير اتفضلي
رقية : حضرتك شايف ان مفيش مواصلات ممكن تاخدني بس ف طريقك لشركة المرشدي ده بعد اذنك طبعا
مؤمن رفع حاجبه : حضرتك وبعد اذنك، مش كنت غبي من شوية
رقية : ما انت اللي سألت سؤال ميتسألش وقولتلي هبلة عديها بقا
مؤمن : واحده بواحده يعني اركبي اركبي اما اشوف اخرتها؛ رقية ركبت بسرعة ورا
مؤمن : اي البت دي شكلها هبلة بجد
رقية بصوت عالي وهي ف العربية : انت مش هتركب ولا اي
مؤمن ف سره : دي طلعت بتجعر بجد، وبعدين ركب
مؤمن : معلش اركبي قدام انا مش السواق بتاع حضرتك
رقية : لا مش السواق ولا حاجه انت ربنا بعتك ليا عشان تساعدني فا اعمل الخير وارميه البحر
مؤمن : خلاص خلاص افصلي، طب راحة شركة المرشدي ليه
رقية : انت مالك انت هتصاحبني مش عشان ركبت معاك هترغي
مؤمن بعصبية : اللهم طولك يروح انا غلطان، وساق
رقية لاقته اتعصب سكتت ومردتش
~~~~~~~~~~~~~~~~~~~~~~~~~~~~~~~~
الباب بيخبط~
رحيم : ادخل
دينا : اتفضل ي مستر الفايل ده فيه كل حاجة عن رقية
رحيم : اي السرعة دي
دينا بابتسامة : انا لاقيتني خلصته قبل الساعة قولت اجيبه لحضرتك
رحيم وهو بيقلب ف الملف : تمام شكرا ليكي
دينا : تحت أمرك، عن اذنك
رحيم : اتفضلي
~~~~~~~~~~~~~~~~~~~~~~~~~~~~~~~~
ع القهوة*
سعيد : ده انا ليا الشرف
ابو منه : طب العروسة هتشرف بيتها امته
سعيد : اصبر عليها شهر شهرين ونص كدا
ابو منه : لا كدا كتير هو شهر واحد
سعيد : عاوزها بس تجيبلي فلوس الشهرين اللي هتشتغلهم
ابو منه : هديهملك انا وبزيادة
سعيد بفرحة : بجد
ابو منه : اكتر كمان وحط فلوس ع الترابيزة قدامه
سعيد وهو بياخد الفلوس : خلاص بعد شهر العروسة هتكون ف بيتك
ابو منه بضحكة خبث : مبروك يحمايا
~~~~~~~~~~~~~~~~~~~~~~~~~~~~~~~~ صلوا ع النبي❤️🦋؛ ~~~~~~~~~~~~~~~~~~~~~~~~~~~~~~~~
رقية : بس بس اقف الشركة اهي
مؤمن : طب ثواني هركن
رقية : لا نزلني وبعدين اركن
مؤمن وقف ونزلها وبعدين راح جراچ الشركة عشان يركن عربيته
رقية جت تدخل الأمن وقفها
رقية : والله انا كنت موجوده الصبح ودخلت عادي وهشتغل هنا بس هاخد حاجه من مستر رحيم
الأمن : حضرتك مش معاكي اي حاجه تثبت انك ف الشركة
رقية : طب اتصل ع مدام دينا وهي هت.... قاطعها مؤمن وهو بيقلع نظارته وبيقول : ف اي
الأمن : استاذ مؤمن مفيش حاجة
رقية باستغراب : استاذ ومؤمن بصتله هو حضرتك شغال هنا، مؤمن هز راسه بمعني اه
رقية : طب انا اتقبلت انهارده ف الانترفيو وجيت عاوزه طلب من مستر رحيم وهو مش راضي يدخلني، وشاورت ع الأمن
الأمن لسه هيتكلم قاطعه مؤمن : ما هو اكيد مش اي حد هيقوله عاوز ادخل هيدخله عموما تقدري تدخلي
رقيه : شكرا ليك بجد ودخلت
مؤمن للأمن : اما تيجي تدخل ع طول طالما هتشغتل هنا ع ما يتعملها الكارت
الأمن : حاضر ي استاذ
مؤمن : تمام، ودخل لاقها مستنيه الاسانسير وقف لحد ما الاسانسير نزل وركبوا سوا
رقية : هو حضرتك ابن عم مستر رحيم او ابن خاله تقريبا
مؤمن : اه ابن خاله
رقية : ربنا يخليكوا لبعض، بس ماشاء الله لسانكوا شبه بعض
مؤمن : نعم!! يعني اي مش فاهم
رقية : لا ابدا متاخدش ف بالك مؤمن بصلها ومردش، رقية ف سرها " واحد يقولي بتجعري والتاني يقولي هبلة عيلة واحدة ونفس العقلية "
وصل الاسانسير وخرجوا دينا شافت رقية قلقت
مؤمن : رحيم جوا
دينا : اه ي مستر
مؤمن : تمام، ودخل
دينا بقلق لرقية : انتي نسيتي حاجه ولا اي
رقية بكسوف : لا ابدا بس بصراحة عندي طلب
دينا : اتفضلي
رقية : انا عارفه اني لسه مشتغلتش بس انا محتاجة فلوس ضروري وهكتب وصل امانه ع نفسي
دينا : بصي هو المرتب مقدم عادي بس انتي حاليا مشتغلتيش فا مش عارفة يعني ماشوفوش شغلك
رقية : طب ممكن اقول لمستر رحيم بصي مش عاوزه المرتب كله اي مبلغ
دينا : طب استني، وسابتها ودخلت لرحيم
بعد عشر دقايق*
دينا : اتفضلي ياستي ده مبلغ من مرتبك وساعة القبض هتاخدي باقي المرتب
رقية بفرحة : شكرا ليكي بجد مش عارفه اقولك اي تحبي امضي ع اي حاجه عشان الفلوس
دينا : لا شكرا ولا حاجه ومفيش حاجه هتمضي عليها المهم تبهريهم بشغلك
رقية : حاضر والله هعمل كل اللي اقدر عليه
دينا : ربنا معاكي
رقية : شكرا ليكي بجد، همشي انا بقا
دينا : بالسلامه يقمر، مشيت رقية
مؤمن : هي البنت دي تبعك
رحيم : لا مش تبعي جت الصبح عشان الانترفيو واتقبلت
مؤمن : بس غربية من امته السكرتيرة بتتقبل ف نفس اليوم وبعدين البنت دي لسانها ماشاء الله طويل يعني اطول منها مرتين تلاته كدا
رحيم ساب الورق اللي ف ايده وبصله : قبلتها عشان دينا هتاخد اجازه ومحتاج سكرتيرة بس ثانيه انت عرفت منين ان لسانها طويل
مؤمن : هقولك... * وحكاله اللي حصل *، رحيم عمال يضحك
مؤمن : لا وكله كوم وهي بتقولي مره يتقالي بتجعري ومرة هبلة كوم تاني خالص
رحيم زاد ف الضحك
مؤمن : انت مالك كدا ف اي
رحيم : اصل انا اللي قولتلها الصبح بتجعري
مؤمن بصدمة : بتهزر صح يعني دي البنت بتاعت الصدقة
رحيم بضحك : اه هي يخويا
مؤمن : البنت دي فظيعه بجد بس شكلها محترم وطيبه ده اللي خلاك تديها فلوس من مرتبها صح
رحيم افتكر الملف بتاعها اللي هو قرأه : اه بالظبط
مؤمن : طب انا هشوف شويه حاجه ف المكتب وهجيلك نروح سوا
رحيم : تمام يارايق يارب عمك يهزقك ع التأخير ده
مؤمن : جوز عمتي ده حبيبي حبيبي
رحيم : اومال عاوزك بس توريه وشك اصل انا كنت عنده وسأل عليك
مؤمن قام وقف : وقولتله اي
رحيم : بيتشغل جامد جدا
مؤمن براحه : طمنتي
رحيم كمل : وهو نايم ف البيت
مؤمن : ينهاراسود وجري ع مكتبه، رحيم قعد يضحك عليه
رقية وصلت البيت ملاقتش أبوها ندهت ع احمد خرجلها ع طول وحضنها
احمد : اتاخرتي كده ليه
رقيه : معلش ي حبيبي غصب عني يلا انا جيبت اكل يلا ناكل
احمد : يلا، وقعدوا ياكلوا
رقية : اومال بابا فين
احمد : خرج
رقيه : متعرفش راح فين
احمد : سمعته بيكلم ابو منه ده وبيقوله عروسة وكلها شهر او شهرين تكون عندك وبعدين قاله هجيلك نشوف الموضوع ده ونتفق
رقية الاكل وقع من اديها من الخضة " يعني بابا بجد ممكن يبيعني بالفلوس " وكملت اكل وهي مرعوبه من اللي جاي..
#يتبع..
|4|
رقية : اومال بابا فين
احمد : خرج
رقيه : متعرفش راح فين
احمد : سمعته بيكلم ابو منه ده وبيقوله عروسة وكلها شهر او شهرين تكون عندك وبعدين قاله هجيلك نشوف الموضوع ده وننفق
رقية الاكل وقع من اديها وهي مرعوبة..
خلصوا اكل ،رقية : اشرب العصير ده وادخل ذاكر شوية ونام ولو احتاجت حاجة قولي
احمد : حاضر وخد العصير ودخل اوضته
كانت قاعده بتراجع الحاجات اللي دينا قالتلها عليها وبتبحث عن الشركة وشغلها وتشوف هتعمل اي، شوية وابوها جه
سعيد : اي اللي مقعدك كدا
رقية : عندي شغل الصبح فابجهز حاجتي
سعيد : جيبتي فلوس
رقية : لا روحت قالولي ف اخر الشهر باخد مرتبي
'سعيد افتكر الفلوس اللي ادهاله ابو منه فا سكت'
رقية : كنت فين بابا
سعيد : وانتي مالك
رقية بخبث : كلت برا يعني ولا اي
سعيد بدون وعي : اه كلت مع ابو منه؛ "رقية اتاكدت من كلام اخوها" لمت حاجتها وداخله
رقية : تصبح ع خير يابابا
سعيد : هو اللي يشوفك يشوف خير
رقية بصتله بزعل ومردتش ودخلت اوضتها
~~~~~~~~~~~~~~~~~~~~~~~~~~~~~~~~
رحيم خرج من مكتبه لاقي دينا لسه قاعده
رحيم : مؤمن جوا
دينا : اه ي مستر
رحيم : تمام، تقدري تروحي انتي
دينا : حضرتك مش هتحتاج مني حاجه
رحيم بابتسامة : لا شكرا
دينا : تمام ي مستر، رحيم دخل لمؤمن ودينا لمت حاجتها ومشيت
رحيم اول ما دخل لاقاه قالع جاكيت البدلة ومركز ف الشغل
مؤمن هو باصص ف الورق : متقوليش ان ابويا بعت حاجة تاني
رحيم بضحك : اي المنظر ده من امته وانت مجتهد كدا
مؤمن : اسكت اليوم اللي ادلع فيه الاقي ابويا باعتلي ملفات قد كدا
رحيم : يعني انت مش كل الايام بتدلع
مؤمن بضحك : تؤتؤ انهارده بس
رحيم : طبعا اومااال؛ انا هخلع انا هتعوز حاجه
مؤمن : هتفضل معايا مش هتمشي
رحيم : وانا مالي حد قالك روح نام
مؤمن : يعم منمتش والله
رحيم بتتضيق عين : اومال كنت بتعمل اي
مؤمن : عمتي حبيبتي كانت شايلالي مكرونة بشاميل من امبارح وانت رنيت عليا ملحقتش اكل وقومت جيتلك
رحيم : وحياة امك ولا متعصبنيش انت مش فطرت معايا
مؤمن : كنت باكل معاك اي كلام كدا عشان نفسك تتفتح
رحيم : لا انت جيت عشان تدبيسة امبارح
مؤمن بضحك : حد قالك العب الشايب معانا
رحيم : اول وآخر مرة
مؤمن وهو بيقفل الورق وبيلبس البدلة : مظنش المهم يلا
رحيم : والشغل
مؤمن : بكرا هاجي بدري معاك هو عمي حسن مشي
رحيم : اه من شوية يلا، وخرجوا عشان يروحوا
~~~~~~~~~~~~~~~~~~~~~~~~~~~~~~~~ صلوا ع النبي🦋، ~~~~~~~~~~~~~~~~~~~~~~~~~~~~~~~~
"ياتري يابابا هتبعيني فعلا كل ده عشان الفلوس استحالة اتجوزه استحالة لو هموت نفسي بس احمد اسيبه لمين سيبتينا بدري اوي ي ماما محتاجينك، يارب حلها من عندك"، رقية فضلت تفكر لحد ما غلبها النوم ونامت
بصوت عالي : ي عمتوو
سلوي بخضة 'ام رحيم' : اي يابني ف اي
رحيم وهو بيبوس ايدها : سيبك منه ده حيوان
مؤمن : وانت مالك يرخم
سلوى : بس بقا انتوا كبرتوا اطلعوا غيروا هدومكوا وصلوا ع ما الاكل يجهز
مؤمن : ف ثانيه بس الاكل يجهز بسرعة
رحيم بصوت واطي : ببطن
مؤمن : بتقول حاجه
رحيم : لا ابدا بقول بابا فين
سلوى : ف مكتبه يلا اطلعوا
رحيم : يلا يا خويا الا صحيح انت بتودي الاكل ده فين
مؤمن بغمزة : انا رياضي يابني
رحيم زقه : طب يلا يعم الرياضي
سلوي ضحكت عليهم وبعدين دخلت المطبخ
بعد25د*
مؤمن : يااه الاكل كان واحشني
حسن 'ابو رحيم' : بالف هنا المهم خلصت الشغل اللي جالك، مؤمن اول ما سمع عمه شرق وقعد يكح..سلوي خبطت ع ضهره براحه
رحيم : ما انت لو بتشتغل قد ما بتاكل كنا هنفرح والله
سلوي وهي بتدي مؤمن ميه : ما براحة عليه سيبوه ياكل
رحيم : انا اللي ابنك مش هو ع فكرة
مؤمن : ملكش دعوه وبص لعمه بإذن الله بكرا هيكون الشغل خلصان
حسن : ياريت متتاخرش بس
مؤمن : عيوني، خلصوا اكل وكل واحد طلع اوضته ورحيم نام وكل تفكيره ف رقية والمعلومات اللي قرأها عنها
~~~~~~~~~~~~~~~~~~~~~~~~~~~~~~~~
تاني يوم الصبح*
رقية صحيت بدري وصلت ودخلت تصحي اخوها
احمد : سيبيني انام كمان شويه
رقية : لا اصحي عشان انا هخرج قبل بابا ما يصحي واه جهزتلك اكل ف المطبخ قوم بقا
احمد اتعدل : طب خلي بالك من نفسك
رقية باست راسه : حاضر يحبيبي اوعي تنام تاني يلا سلام وخرجت
احمد بعد ما خرجت : ربنا يخليكي ليا
رقية وصلت الشركة ودخلت عادي محدش وقفها
خلصوا فطار ووصلوا الشركة
ف الاسانسير*
حسن : انت جيبت سكرتيرة جديدة
رحيم : اه انت عارف ان دينا قربت تولد فاخدت اجازة
حسن : طب ابقا ابعتهالي
رحيم : لا
حسن : نعم!
رحيم : ي بابا كل اما تيجي سكرتيرة وتلاقيها كويسه بتخليها السكرتيرة بتاعتك زي دينا كدا انا كنت ما صدقت رضيت تسيبها والحمدلله بقالها سنتين معايا وبرضو لحد انهارده بتطلب منها شغل
حسن : يابني البنات المحترمة دي بتطمن ع شغلك معاهم
مؤمن : معاك حق يعمي، رحيم بصله بغيظ
الاسانسير وصل الرابع ورحيم خرج وبص لمؤمن بتستغراب : انت مش هتيجي
مؤمن : لا هطلع مع عمي نصايه كدا وهنزل
رحيم : تمام ومشي، لاقي رقية قاعده بتقلب ف ورق قدامها، رحيم : صباح الخير
رقية : صباح النور
رحيم : هاتيلي القهوة بتاعتي وسايبها وماشي
رقية : ده انا اجيبها منين دي
رحيم وهو بيشاور ع اخر الدور : من هناك هتلاقي عمي محمد هاتيها منه، ودخل مكتبه
رقية : هو جايبني اشتغل شغاله ولا اي، وراحت عشان تجيب القهوة
رقية بابتسامة : صباح الخير
محمد : صباح النور يابنتي
رقية : عاوزه قهوة استاذ رحيم
محمد : حاضر روحي انتي وانا هجيبهالك
رقية : انا واقفه اهو هاخدها انا فاضية متقلقش، محمد ابتسم وبدأ يعمل القهوة
رحيم فاتح اللاب وبيراجع شغل فجأة الباب اتفتح رفع وشه يشوف مين
رحيم بغضب : انتي بتعملي اي هنا اي اللي جابك هنا اصلا
دخلت وقفلت الباب وراحت ناحية المكتب ومردتش
رحيم وعيونه حمرا : بقول بتعملي اي هنا
انجي : جاية اشوفك وحشتني
رحيم قام وخارج عشان يشوف رقية ازاي سابتها تدخل من غير ماتعرفه
رقية جابت القهوة ولسه هتخبط ع الباب لاقته اتفتح اتخضت ومن الخضة فنجان القهوة وقع ع رحيم..
#يتبع..
|5|
رحيم قام وخارج عشان يشوف رقية ازاي سابتها تدخل من غير ماتعرفه
رقية جابت القهوة ولسه هتخبط ع الباب لاقته اتفتح اتخضت ومن الخضة فنجان القهوة وقع ع رحيم
رقية بخوف : اس اسفة والله ماكان قصدي حضرتك اللي خضيتني و..
رحيم وهو مغمض عينه : اطلعي برا ومشوفش وشك تاني
رقية بصدمة وخوف : بس انا مكن... ،لسه مكملتش جملتها لاقته بيرجع لورا وبيقول بصوت كله : برااا؛ رقية اتنفضت من صوته ولاقت بنت خارجه من وراه لابسه جيب قصيرة وكعب وبشعرها وقفت جنبه ومسكت ايده
انجي : هاجي تاني ع فكرة
رحيم زق ايدها وبعيون حمرا : بقول برا اي مبتفهميش
انجي : ماشي ي رحيم وبصت لرقية من فوق لتحت ومشيت
رقية لسه هتتكلم رحيم رزع الباب ف وشها
رقية بتكلم نفسها : اي الراجل المشمحترم ده اي يعني فنجان قهوة وقع عليه مش جريمه بس صحيح مين الزرافة اللي كانت هنا دي
مؤمن من وراها : انتي بتكلمي نفسك
رقية بخضة : بسم الله الرحمن الرحیم هو يوم الخض العالمي انهارده انا قطعت الخلف منكوا ماتكح يعم
مؤمن بضحك عليها : يابنتي افصلي شويه وبعدين انتي اتهبلتي من اول يوم
رقية : هو انتوا اللي يشتغل معاكوا يبقا عاقل
مؤمن : معاكوا مين بس
رقية : انت وابن عمتك ولا ابن خالتك
مؤمن : اي اللي حصل واي اللي وقع القهوة دي كدا
رقية بصوت واطي : تعال نبعد عن الباب الأول
مؤمن : طب انا هجيب حاجه من مكتبي تكوني مسحتي القهوة دي عشان لو خرج ولاقها كدا هيتعصب
رقية بهمس : اومال لو شوفته لما اتحول هيتعصب دي كلمة قليله
مؤمن : انتي بتقولي اي
رقية : بقول حاضر
مؤمن : كلامك لنفسك غلط هتتجنني قريب لو فضلتي مدا وسابها وراح مكتبه
رقية : هو انا لسه متجننتش ده خل... اهو بكلم نفسي اهو يارب صبرني وراحت لعم محمد تجيب حاجه تمسح القهوة
بعد5د*
مؤمن خرج من مكتبه لاقها قاعده وحاطه ايدها تحت خدها
مؤمن : مالك قاعده زي المطلقة ليه كدا
رقية : مستنيه الفرج الا صحيح قريبك مش فرفوش زيك ليه
شد كرسي وقعد قصادها ع المكتب وضحك : اخويا قصدك هو فرفوش واوي كمان بس ف الشغل جد بيفصل الهزار والضحك وحياته الشخصية عن شغله المهم اي اللي حصل
رقية حكاتله اللي حصل كله ووصفتله البنت، مؤمن اتنفض من ع الكرسي : ينهاراسود هي ليها عين تيجي هنا
رقية بفضول : هي مين، مؤمن مردش عليها وحري ع رحيم
رقية : هي اي العيال الهبلة دي
: عيال مين يابنتي
رقية بصت لمصدر الصوت : لا مفيش حضرتك عاوز حاجه
حسن : قصدك رحيم ومؤمن صح
رقية : للدرحادي سمعتهم وحشة
حسن بضحك : جدا هما فعلا عيال هبلة
رقية بغباء : معاك حق والحمدلله لاقيت حد نفس رأيي بس هو حضرتك مين
حسن : انا حسن ابو رحيم
رقية : اه اهل.. نعم!!!
~~~~~~~~~~~~~~~~~~~~~~~~~~~~~~~~
: انت يلا ياللي نايم جوا، احمد خبط الكتاب وقام خرج
احمد : نعم
سعيد : جعان
احمد : وانا اعمل اي
سعيد : اعملي اكل هتعمل اي يعني
احمد : مفيش اكل هنا ' لأنه كل الاكل كله اللي رقية كانت عملاه '
سعيد : طب اخرج هاتلي اكل بقولك جعان
احمد : حاضر هات فلوس
سعيد : عاوز تفهمني ان رقية مشيت كدا من غير ماتديك فلوس
أحمد : والله فعلا ماسابتش حاجه هكدب عليك ليه
سعيد : طب ادخل اجري
احمد : عاوز فلوس اروح الدرس
سعيد وهو خارج من باب الشقة : روح ع رجلك
احمد ' طب هروح الدرس ازاي وهي فعلا مسابتش فلوس ومش هينفع ارن عليها ده اول يوم ليها ف الشغل انا هاخد اجازه بقا '
~~~~~~~~~~~~~~~~~~~~~~~~~~~~~~~~
مؤمن دخل مكتب رحيم من غير ما يخبط ملاقهوش
رحيم من وراه : ف حد يدخل من غير مايخبط
مؤمن بصله لاقاه بيقفل زراير قميصه : اي ده هي القهوة وقعت عليك
رحيم : اه بس غيرت القميص بسرعة
مؤمن : هي ازاي ليها عين تيجي هنا
رحيم برفعة حاجب : هي مين دي
مؤمن : ست انجي هتكون مين يعني
رحيم : وانت عرفت منين
مؤمن : السكرتيرة قالتلي
رحيم : حسابها معايا بعدين المهم بلغ الأمن لو جت تاني متتدخلش من باب الشركة
مؤمن : حاضر انت كويس بس
رحيم : هي عصبتني بس انا تمام متقلقش
مؤمن : طب الحمدلله وملكش دعوه بالسكرتيرة معملتش حاجه
رحيم : خليك ف حالك
مؤمن : مش هرد عليك صحيح تعالي شوف الملف ده معايا ابوك وابويا بيختبروني لحد انهاررده
رحيم : هو مش لوحدك اللي بيختبروك تعال، وقعدوا يشتغلوا
~~~~~~~~~~~~~~~~~~~~~~~~~~~~~~~~ صلوا ع النبي🦋؛ ~~~~~~~~~~~~~~~~~~~~~~~~~~~~~~~~
حسن بضحك : ايوا زي ماسمعتي
رقية بخوف قامت وقفت : والله حضرتك انا لساني ده موديني ف داهية بس عيالك هما ال..
حسن وهو لسه بيضحك : خلاص خلاص عيالي فعلا مجانين
رقية بخوف : اهو حضرتك اللي بتقول انا ماليش دعوه يعني مش هترفد
حسن زاد ف الضحك : اميد مش هتترفدي من اول يوم
رقية : شكرا وال.. اي ده يعني هترفدني بعد كدا عادي
حسن وهو رايح ناحية مكتب رحيم : تصدقس عيالي مش لوحدهم اللي مجانين
رقية لنفسها : قصده اي
حسن دخل لاقهم بيشتغلوا
رحيم : هو الباب ده محدش بيخبط عليه ليه
حسن : انت عاوزني اخبط ولا حاجه
رحيم بتراجع : مش قصدي بس كل اللي دخل انهارده مخبطش فافتكرت ف عيب ف الباب ولا حاجة، مؤمن ضحك
حسن وهو بيقعد جنبهم : ماشي ي ظريف وبص لمؤمن : وانت اي اللي مقعدك هنا
مؤمن باستعباط وبيخبي الملف : كنت بشوف ماله اصل القهوة وقعت عليه
رحيم : ي حنين
حسن : وبالنسبه للملف اللي انت خبيته ده
مؤمن : بص يعمي انا هدخل ف الموضوع ع طول
رحيم : اي ده انت هتخطبني من ابويا، كلهم ضحكوا حتي مؤمن ورمي الازازة ف وش رحيم بس رحيم مسكها
مؤمن مسك الملف : انا رايح المكتب بكرامتي وقايم
حسن : ابقا خليه يساعدك وانا مش ف الشركة خالص
مؤمن : فيه فون هكلمه عليه عادي وضحك وخرج
رقية شافته ابتسملها ودخل مكتبه
رقية : ليه الناس كلها متبقاش زي مؤمن ماشيه توزع بهجة كدا
حسن بضحك : ليها حق تقول عيالك هبل
رحيم : هي مين دي
حسن : لا مفيش المهم قهوة اي اللي وقعت عليك، *رحيم حكاله اللي حصل*
حسن : بص ياينيانا مش بقولك سامحها الموضوع قرب ع سنه عاوزك بس تنسي وتعيش حياتك وتحب وتتجوز
رحيم بخنقة : ربنا يسهل ي بابا
حسن وهو بيقوم : ماشي ياسيدي كلامي مش ع هواك كمل شغل كمل، وسابه وخرج لاقي رقية قاعده حاطه ايدها تحت خدها
حسن : معندكيش شغل ولا اي
رقية : والله حضرتك ابنك لما بيشوفني يقول قهوة بس ده حتي اول قهوة اجيبهاله وقعت عليه
حسن ضحك : متستعجليش هو اول يوم بيبقا كدا
رقية : طمنتني
حسن : لو احتاجتي اي حاجه اطلعيلي انا ف الدور اللي فوقك ع طول
رقية بابتسامة : حاضر، حسن اكتفي بابتسامة وطلع
رقية بحزن : ليه بابا ميبقاش حنين كدا
: كويس انه مستحملك اصلا
رقية بصتله : وانت مالك معلش
رحيم : انتي سكرتيرة عندي فا كل حاجه ليا فيها
رقية : لا معلش انت ليك شغلك بس انما حياتي الشخصية ملكش اي حق تتكلم عنها ولا تجيب سيرتها اصلا
رحيم : حلو متجيش بقا تطلبي مساعده
رقية بعدم فهم : مساعدة اي دي
رحيم : هتعرفي ف وقتها
رقية : لا شكرا مش هحتاج منك حاجه ولو ع الفلوس اللي انا اخدتها امبارح فا دي هتتخصم من مرتبي اظن انها بعيد عن حياتي الشخصية صح
رحيم : صح اعمليلي قهوة بقا
رقية : هو انت كل اما تشوف وشي قهوة
رحيم : بسرعة وخبطي قبل ماتدخلي وسايبها وداخل مكتبه
رقية بصت فوق : ربنا ع الظالم
رحيم وهو بيقفل الباب : سمعتك ع فكره
رقية : ماتسمع هخاف مثلا ولا هخاف يعني بقا ده اللي كان متحول من شويه
رحيم فتح الباب فجأه : انتي لسه هنا
رقية اتخضت افتكرته سمع بصتله بغيظ ومشيت،، رحيم ضحك عليها وقفل الباب
~~~~~~~~~~~~~~~~~~~~~~~~~~~~~~~~
: يعم اتفضل اتفضل البيت بيتك خلاص
ابو منه : هي العروسة هنا
سعيد : لا رقية ف الشغل وتلاقي اخوها هو كمان راح الدرس هدخل اجيب اطباق عشان ناكل
ابو منه : خد راحتك
احمد سمع صوت ف المطبخ فا رايح يشوف مين فتح الباب لاقي قفا راجل قدامه وشاف ابوه خارج من المطبخ ومعاه اطباق قفل الباب بسرعة بس سابه موارب
سعيد وهو بيحط الاطباق : يلا بسم الله
ابو منه : انت قولتلي آخر الشهر بنتك هتكون مراتي
سعيد : حصل هي اول ما تقبض تاني يوم هات المأذون وحلاوتي وتعال، ومش هخليها تروح الشغل تاني انت مش هتخليها محتاجة حاجة لا هي ولا ابوها صح
ابو منه : صح الصح كمان يلا ناكل
احمد قفل الباب براحة " يعني بعد كل اللي هي بتعمله عشاني وعشانك عاوز تبيعها بالمنظر ده ع جثتي "..
#يتبع..
تعليقات
إرسال تعليق
فضلا اترك تعليق من هنا