رواية تربية حواري الفصل 1-2-3-4-5بقلم ولاء حامد (جميع الفصول كامله)

 رواية تربية حواري الفصل 1-2-3-4-5بقلم ولاء حامد (جميع الفصول كامله)

رواية تربية حواري الفصل 1-2-3-4-5بقلم ولاء حامد (جميع الفصول كامله)

الفصل الأول 

في حاره شعبيه تتسم بالطيبه والاصاله الكل يراعي بعضه نشاءت بطلتنا الصغيره المتمرد تربت وتراجعت بين اروقه الحاره حتى شبت الحيل وكبرت كأنثى تخطف عين انتي الرجال بجمال خلاب ولكن تلفحت بلسان سليط يجلد كل من يقترب منها فهي تربيه الحاره التي لقبت بالقادره لما تفعله بكل من يتجرأ عليها واصبحت الشرشحه هي وسيلتها الأولى 

الساعه 8 الصبح في حاره المغربي صوت صراخ وزعيق خلا الكل فتح شبابيكه يتفرج على الخناقه المعتاده كل يوم والكل عارف ان اخرها محسوم قامت هدى من النوم وهي بتبرطم يا فتاح يا عليم يا رزاق يا كريم منك لله يا حور يا بنت بطني إلهي يشرشحك زي ما مشرشحه خلق الله لسبت طرحتها ونزلت

هدى بزعيق: حووووور في ايه مش هاتبطلي الموال المنيل بتاع كل يوم اتقي الله فيا 

حور: وهي قاعده على بطن الست بعد ما بططتها في الشارع يووووه في ايه يا أما اسيب حقي يعني مهي لو مؤدبه محدش هايقل منها بس تقولي ايه بقى نسوان مبتجيش الا بضرب البُلغ

وهبدت دمغها في الارض ومشيت خطوتين وبصتلها تاني ابقى استحمي الله يخربيتك ريحتك طفحت موعت نفسي إلهي يحميك في بياره طافحه

هدى واقفه ناقصه العياط: قومي يا حبيبتي امسحيها فيا دي حور غلبانه والله مفهاش الا لسان داه حتى انتي اللي مربيها 

أم عبدو جارتهم: بصت على شعرها المنكوش وهي بتساويه وتلف الايشارب عليه وهدمها اللي متربه ووشها المخربش:  لا يا حبيبتي بنتك مشفتش تربيه الله في سماه لولا عامله خاطر ليكي لاجبلها نسوان هنا يكسروها 

حور من فوق : طلعت من البلكونه وبشهقه نعم نعم يا عوووومر تجيبي ايه شكل العلقه بردت انا بس رعيت ان العضمه كبرت يا بنت المبقعه وريني طولك اللي والله ما بينلك طول من عرض انا عارفه بتجيبي هدوم منين بلا هم كاتكو القرف

هدى ناقصه العياط: حقك عليا

حور : تحقي نفسك ليه يا أما طيب انا نزلالك

ام عبدو طلعت تجري مهي عارفه حور القادره 

هدي طلعت جري: شدت حور من شعرها: تعاليلي بقى انا مش هخلص كل يوم من بلاويكي يابت اتهدي منك لله الشارع بقى بيخاف يقرب من بيتنا من عمايلك 

حور بلويه وش: عملت ايه بس يا اما 

هدى: عملك اسود ومهبب مش سايبه حد في حاله لا راجل ولا ست ولا كبير ولا صغير ايييييييه ارحمي الله يهدك تعبتيني

حور ببرود هايشل امها: مالك يا هدي سانه سكاكينك عليا ليه

هدى بوجع قلب وغُلب: يا بنتي الله يهديكي انتي ماشيه تقولي ياشر اشتر عملتلك ايه ام عبدو وامبارح البت صباح وأول ايمن ابن نجاح وأول وأول اييييييييييييه اعرف عملتلك ايه

حور بمصمصه: الوليه الناقصه ماشيه تلقح عليا اقولها صباح الخير يا سهير تقولي اهو صباح شكل وشك وشهقت وكملت ماله وشي دانا قمر

هدي بصويت:  يقطع الخميره من البيت وشك يعكر الميه الرايقه وشك هايجيبلي سكته قلبيه تقومي يا قادره تبركيها في الشارع وتطفحيها الدم ادعي عليكي بإيه وانتي كل العبر فيكي الا مالقيه عبره من عبر الكون مش فيكي

حور ببرود ولا مبالاه  بعد ما غيرت هدومها: طيب هاتعوزي مني حاجه 

هدي بكز على أسنانها:  رايحه فين 

حور بتبص حواليها: هو الكلام داه لامؤاخذه يعني ليا

هدي: لا لأمي الله يرحمها ايوه ليكي 

حور: الله يرحمها يا اما رايحه الشغل

هدي: تصدقي وتأمني بالله انا مكرهت في حياتي حاجه قد الشغل داه هو اللي قلبك دكر 

حور بوجع على وشها: الدكر داه لو مكانش موجود كان زمانك يا اما عايشه مع عمي غصب عنك وانا وانتي عايشين تحت رحمة مراته وابنه وبنخدمهم واحنا أصحاب المال

الدكر داه يا اما اللي وقف شريك ابويا الله يرحمه انه يسرقنا عيني عيني اصل الزمن داه يا اما يا صياد يا فريسه واحنا اثنين ولايا لا لينا ضهر ولا لينا سند غير ربنا واخواتك كل واخد واخداه الدنيا وسرقاه من حمله اللي على اكتافه علشان كده كان لازم واحده منا تبقى دكر فهمتي 

رمت كلامها لأمها ومشيت بدون ما تتلفت وراها

بعد ما مشيت حور غمضت هدى عنيها ودموعها نزلت : عارفه يا ضنايا ان اللي شوفتيه وانتي لسه في أول عمرك صعب اوي بس نفسي اطمن عليكي احميهالي يارب

فلاش باك

بعد العزاء بأسبوع لازالت هدي في صدمتها معقول سندها في الدنيا راح معقول خلاص مش هاتشوفه تاني قاعده سرحانه في ملكوت ربها وحور جمبها اللي دموعها منشفتش هي كانت دلوعه ابوها كانت الأميره المتوجه قطع ذكريات كل واحده منهم صوت خبط وهبد على الباب  

هدي بنطره من مكانها : ياساتر يارب مين 

افتحي يا أم حور

فتحت هدى الباب بإستغراب:  خير يا ابو ياسر 

زقت سلفتها الباب ودخلت: خير من على الباب يا أم حور داه حتى عيب داحنا أصحاب بيت وقتها ودخلت وقعدت تحت ذهول هدى وحور

ودخل جوزها وراها

قعدت هدى وجابها بنتها: خير يا ابو ياسر

عم حور: الله الله على الجد والجد الله الله عليه يا هدى انتي دلوقتي 2 ولايا بعد اخويا الله يرحمه ومينفعش تعيشوا لوحدكم وانا دلوقتي أولى بلحم اخويا انا وأم ياسر وياسر هايجي نعيش معاكم لحد ما تخلصي العده وبعدها هاعقد عليكي وياسر هايعقد على حور علشان اريح اخويا في قبره

هدى بصدمه: تريح اخوك تقوم تطمع في مرات اخوك وبنته لا مش لحم اخوك قصدك مال اخوك طلبك مرفوض يا عابد والله في سماه لو اخر راجل في الكون ما أسمي يتكتب على اسم راجل بعد عامر الله يرحمه 

عابد ببرود وحط رجل على رجل : وماله يا ام حووووور بس الناس ليها الظاهر واولك شويه رجاله شمال يطلعوا وينزلوا ونسوان متسواش قرش يطلعوا عليكم سمعه

هدى: قصدك ايه لوي دراع

عابد: والله الحق حق وميزعلش حد احنا لينا حق في ورث اخويا الله يرحمه ويبشبش الطوبة اللي تحت رأسه  وانا بلغت المحامي نعمل اعلان وراثه علشان كل حي ياخد حقه  اصل المرحوم مكانش ليه راجل من بعده مجتبى الا البت وقطعتي وكمان الدهب بتاعك وبتاع حور لينا حق فيه علشان كده احنا قاعدين هنا 

حور قامت ومشيت خطوتين 

هدي بصت لها : رايحه فين يا حور 

حور بغموض:  رايحه الحمام يا اما

هدي :ماشي 

دقايق ورجعت حور وقعدت تاني والكلام لسه مستمر والطمع باين عيني عينك

نعمه مرات عم حور: انا هاقوم اشوف اللي قولتلك عليه يا ابو ياسر

عابد:  حقك يا ام ياسر 

دخلت نعمه تحت أنظار حور وهدي اوضه نوم هدي وقلبها فوقاني تحتاني وطلعت تزعق جرى ايه يا مرا فين الدهب

هدى بصدمه من بجاحه سلفتها:  دهب ايه اللي بتدوري عليه عندي

نعمه ببجاحه: الدهب المتلتل يا عنيا اللي المرحوم كان جايبهولك 

قبل ما ترد هدي سبقت حور: بابا الله يرحمه اخده قبل ما يموت كان مزنوق واخده ماله ومحدش كان يقدر يسأله ليه واظن انتي طبيتي على غفله يعني محدش لحق يخبي حاجه ولا يتصرف فيها

نعمه بزعيق وصوت عالي : يعني اييييه  عايزاني أصدق ان المرحوم خد الصيغه دي كلها داه انتي كان عندك محل صاغه الكلام داه تحوري بيه على حد غيري يا هدى

حور وهي قاعده مكانها : والله المكان عندك دوري براحتك وعلى اااقل أاااقل من مهلك يا اااا مرات عمي

نعمه بحقد: وماله ادينا قاعدين هانروح من بعض فين

مر اسبوع ونعمه كل يوم تبهدل حور وهدي  ومشغلاهم في خدمتها والغريب على هدي هو خضوع حور وسكاتها الغير طبيعي وغير عادتها واللي زاد هو مجي ياسر ابن عمها ومضايقته لحور كل يوم 

لحد اليوم الموعود

دخل عمها بزاعبيب أمشير انتي يا هبابه بتنصبوا عليا شويه نسوان يلبسوني انا العمه الله في سماه داه لا كان ولا يكون 

حور بنفس برودها:  خير يااااا عمي 

عابد بتجعره: انتوا كنتوا عارفين ان المجحوم الله يحرقه كاتب كل حاجه بإسمك صح 

حور بنفس البرود: وانا هاعرف منين

نعمه بشرشحه: خشي في عبي يا بت خشي في عبي دانتي تربيه هدى 

حور: ومالها هدي يا نعمه يابنت الدلاله هدي كبيره بنت أكابر وغمزتلها بعينها ولا إييييه

عابد بجبروت: طيب يا بنت هدي كتب كتابك على ياسر انهارده وانا نازل اجيب المأذون 

نعمه بتشفي: يسلم فمك يا راجلي هو داه الكلام والله وجه اليوم اللي جيتي تحت رجلي يا هدى انتي وبنتك

حور بهدوء:  ومااااااله يا نعمه

شدت هدى حور ودخلت اوضتها وهي بتعيط: يارب ليه كده استغفر الله منك لله يا عابد ربنا ينتقم منك

حور بتهدئه لأمها:  اهدي يا أما 

هدى بدموع: هانعمل ايه يا ضنايا

حور: سلميها لله اقعدي واتفرجي عايزاكي بس تطلعي للقرشانه اللي بره واشغليها شويه واتفرجي بقي على اللي جاي

طلعت هدى وقعدت : عارفه يا نعمه طول عمري عارفه ان جواكي كره الدنيا ليا بس ولا مره فكرت أسأل ليه 

نعمه بجحود: يااااه يا هدي انا لو مت دلوقتي هابقى مرتاحه اني شوفتك مكسوره عارفه ليه عشان طول عمرك منخيرك في السما حتى جوزك كان شايلك تاج فوق راسه برغم انك جبتيله بت مش واد طول عمرك شايفه نفسك

نعمه بضحكه بسيطه: والله فعلا عقول مريحه اصحابها عارفه ليه علشان طول عمرك باصه للي في ايد غيرك مش مكتفيه باللي في ايدك طول عمرك عايزه كل حاجه ونسيتي ان كل واحد ليه 24 قيراط متقسمين رزق وصحه ومال وعيال وسعاده وغيره بس انتي بقى عايزه كله هاقولك نصيحه لوجه الله لما تيجي تبصي في عيشه حد بصي للي أقل منك اللي يتمنى عيشتك علشان تحمدي ربنا عليها وبلاش تبصي للي أعلى منك عشان متحرمش عليكي عيشتك

نعمه برفع حاجب: الكلام سهل بس خلاص زمن الكلام ولى وفات ودلوقتي كل حاجه هاتبقى في أيدي انا وابني مكملتش كلامها وكانت حور كاتمه نفسها بمنديل فيه مخدر

هدي بخوف: يالهوووي عملتي ايه يا بت

حور: اصبري يا اما لسه معملتش التقيل جاي شيلي 

معايا بنت الكلب دي لما نرميها جوه

شالتها حور وهدي ودخلوها جوه وكتفتها حور بعد ما كممت بقوها ومسكت تليفونها وبعتت رساله لابنها انه ييجي ضروري ومسحت الرساله 

وفعلا دقايق ووصل ياسر وفتح الباب : اما يا نعمه 

حور بغموض: امك جوه في الأوضه دي وشاورتله على الاوضه

ودخل ياسر بس حور سلمت على دماغه بالفازه 

هدى صوتت: يالهووي عملتي ايه موتيه ياخراب بيتك يا هدي يالهوووي هانعمل ايه 

حور: اماااا عايش مماتش اصبري بقى جري معايا ابن الكلب داه لحد جوه

هدي بخوف وذعر: ناويه على ايه تاني 

حور بشر :كل خييييييير 

دخلته هي وأمها على السرير وفتحت زاير قميصه وفكت حزام البنطلون وقطعت العبايه بتاعته من الكم وخبطتت دماغها في الحيط كذا مره وخربشت صدرها ونكشت شعرها ومسكت موبايل ياسر ومسحت الرساله من عنده

ودخلت فكت مرات عمها وفوقتها بنشادر لحد ما فاقت

حور بضحكه شيطانيه: جيتي لقضاكي يا نعمه وزقت مرات عمها وطلعت على باب الشقه ترقع بالصوت: يالههووووي الحقوني ياناس يالهوووي 

اتجمع الناس خير يا حور يا بنتي

حور بدموع تماسيح : ي ي ياسر إبن عمي ج ج جو جووه وحح ححاول ييي يييتت يتهججم عللليييا

الجيران مكدبوش خبر ودخلو شافو وضع ياسر 

اتصلوا بالشرطه وجات خدت ياسر وأمه 

في قسم الشرطه

الظابط بهدوء: اهدي يا آنسه واحكيلي اللي حصل

حور بدموع: ع ع ععمي بعد ممموت ابويا جه ههو ومراته علشان موضوع الورث ولما عرف ان بابا الله يرحمه كاتب كل حاجه بإسمي اتجنن وهددنا انه هايشوه صورتنا قدام الجيران ويجيب رجاله تقول إننا شمال 

ومراته بهدلت البيت علشان كان بيدور على إيصالات الأمانه اللي كان كاتبها على نفسه لأبويا ولما ملقيوهاش هددنا انهم مش هايسيبونا في حالنا وقال لابنه ملكك واعمل فيها ما بدالك وفي الأول والآخر المال مالنا وهي ليك بمزاجها او غصب عنها

وانهارده شكيت لمرات عمي قالتله وماله داه راجل يعمل ما بداله ل ل لحد ما اتهجم عليا  حور بدموع انا مكنتش اقصد اموته يا بيه والله 

الظابط بتفهم وتعاطف: متقلقيش هو مماتش وحقك هاييجي

قاطع كلامهم دخول عمها بزاعبيب أمشير وزعيق شد حور من شعرها من تحت طرحتها : وبعلو صوته بقى حتت بت لا راحت ولا جات عايزه تموتيلي الواد اللي حيلتي يابنت الكلب والله لاقتلك

الظابط بزعيق:  انتا مين وزاي تتهجم على مكتبي وعليها بالشكل داه

عابد بشر: انا عم الفاجره دي 

حور بدموع وصعبنيه: احميني منه يا بيه داه عايز ياخد ورثي في ابويا الله يرحمه وعايز ياخد إيصالات الأمانه اللي عليه علشان ياكل حقنا زي ما كل حق ابويا زمان وعايز يوسخ شرفي

عابد بزعيق: إيصالات أمنه ايه يا مخلوله واذا كان على مال ابوكي داه حقي بالشرع اللي انتي وامك نهبتوه

حور بنفس حدته: الشرع قالك تنهش لحم اخوك الشرع قالك تاكل مال اخوك الشرع قالك تتهجم على بيت اخوك انتا ومراتك وابنك وهي لسه في العده انهو شرع اللي قال لابنك يعتدي عليا مش انتا ومراتك 

عابد بزعيق: مهو هايبقى جوزك الله في سماه مانا سايبك يا حور الكلب

حور بدموع : شايف يا بيه بيهددني عيني عينك احمينا منه يا بيه 

الظابط بزعيق: انتا فاكر نفسك فين في سويقه انتا في القسم وبدل ما واحد زيك يتكسف على دمه من عملة ابنه واقف يبجح 

ياعسكري خد الراجل داه على الحبس لما نشوف حكايته ايه هو كمان

عابد في الحبس: يابنت الكاااالب انا حته عيلة تلعب بيا وتعلم عليا مااشي صبرك عليا يا بنت الكلب 

ياسر بتعب ودماغ ملفوفه بالشاش بعد ماجبوه من المستشفى على الحبس: هانعمل ايه يا أبا البت دي شكلها مش سهل ومرقدالنا من زمان 

عابد بوش احمر من الغضب:  لما افهم بنت الكلب دي عملت ايه وايصالات امانه ايه

ياسر بإستغراب:  إيصالات أمانه ايه دي يا أبا 

عابد بزعيق: معرفش معرفش مش فاهم حاجه في ام المخروبه دي

دخل العسكري:  عابد ناصر

عابد بعصبيه:  ايوه يا شويش 

العسكري: اكل ليك

اخده عابد وفتحه لقي عيش وحلاوة ومعاهم ورقه تعيش وتاكل غيرها يا ابو ياسر

رزع الكيس في الارض وبزعيق : يا بنت الكااالب والله مهاسيبك يا حوووور اصبري عليا

واحد من المساجين: وطي صوتك يا جدع انتا عايزين نتخمد بدل ما اقوملكم 

شد ياسر ابوه وقعدوا كل واحد في همه

تاني يوم دخل العسكري واخد ياسر وعابد للظابط

دخلو وبصوا لقيوا نعمه وحور وهدى قاعدين قدام الظابط ونعمه واقفه قدامهم 

حور ببرود وهدوء: دي إيصالات الأمانه إللي كان كاتبها عمي لأبويا بنص مليون جنيه يا بيه 5 إيصالات كل إيصال ب 100 الف يا بيه 

عابد بجنون: إيصالات ايه يا مخلوله انا ممضتش على حاجه يبقى ازاي 

الظابط : دلوقتي انا مضطر أحول الموضوع للنيابة 

حور: إللي تشوفه يا بيه

نعمه بتمسكه ودموع تماسيح بعد عذاب الليله إللي قضتها في السجن: يا حور يابنتي إللي يرضيكي وانا تحت امرك

عابد بزعيق: انتي بتقولي ايه يا ام ياسر بقى حته بت بشخه تعلم عليا وتكسرني داه لا كان ولا هايكون

نعمه بزغرة عين: اهدا يا ابو ياسر الله يخليك داه احنا أهل والضفر عمره ما يطلع من اللحم ولا ايه يا حور

حور : لاء بيطلع يا مرات عمي لو ضرب وعمل صديد لازم يشيلوه علشان يطلع غيره على نضافه

الظابط بتفهم: طيب انا هاسيبكم مع بعض قبل ما أحول المحضر للنيابة قالها وطلع بره

عابد جري نحيت حور ومسكها من دراعها بعصبيه بقى انا تعملي فيا كده يا بنت الكلب هاقول إيه منتي تربيه مرا

حور بضحكه صفرا: وماله يا ااا ابو ياسر مهو مرا بمرا ومرا بميه ومرا خساره فيها الانيه وانا بعون الله بمليون وختمت كلامها بغمزه

نعمه بإستعطاف: شوفي اللي يرضيكي يا حور واحنا هانعمله عيب تبهدلي أهلك على اخر الزمن ولا إيه 

حور:..........

يا ترى حوووووور هاتعمل فيهم ايه تااااني 

ناويه على ايه يا سوسه

يتبع

الفصل الثاني الكاتبه 

حور: وماله بس كل حاجه وليها تمنها اممممم ولا ايه

ياسر بنفاذ صبر: قولي واخلصي علشان نفض الليله دي

حور : ولااا صوتك ميعلاش الا وديني وما أعبد مهتنازل واسيبك تعفن هنا انتا وأهلك اصل اللي مربهوش أمه وأبوه بتربيه الأيام والليالي وفي السجن مفيش أطول من الأيام والليالي ساعة السجن يا لااا واقفه مبتمشيش

عابد بشر: اخلصي يا بت

حور : اسمي حوووووور عامر ناصر سمعت ياااا ابو ياسر حوووووور افتكر الاسم ولو اني اشك انك هتنساه في حياتك كلها 

حق ابويا في ورث سيدي الله يرحمه يرجع على داير نكله 

والمحروسه مراتك كانت عايزه تاخد دهب امي انا بقى هاخد دهبها تأديب اصل ابن أدم مبيحرقش قلبه ويأدبه غير القرش وانتي طول عمرك يا نعمه بتقولي الدهب بينور العين خلينا نطفي النور شويه اهو نوفر الكهربا وطبعا يااااا عمي يا شقيق ابويا الله يرحمه الايصالات دي معايا في الحفظ والصون واه نسيت اقولك معايا منها حوالي 40 او 50 او 60 مش فاكره بالظبط بس هما كتيييير متعدش علشان يوم ما تغدر يبقى نقول يا رحمان يا رحيم

عابد بعروق نافره: وديني مهسيبك لا انتي ولا اللي مقويه قلبك

حور :وماله الجدع اللي يضحك في الاخر 

دخل الظابط : ايه الدنيا يا أنسه نمشي المحضر

حور بهدوء: هتنازل يا باشا بس عمي وابنه ومراته هايمضوا على محضر عدم تعرض عشان اضمن ان اللي حصل ميتكررش تاني 

الظابط بتفهم: تمام نبداء الإجراءات 

حور : بكره ان شاء الله 

عابد: لييييه مش قولتي هتتنازلي

حور قربت من عمها ووشوشته:  هو انا خدت حق ابويا وحق أمي وغمزتله بعينها بالليل هابعتلك المحامي ومعاه ورق التنازل عن حق ابويا في بيت سيدي وايدك على المفتاح علشان الحق اطفي الكهربا عن بنت الدلاله

عابد بعصبيه وعنين حمرا زي عين التنين: وماله وطلع المفتاح من جيبه وادهولها

حور مشيت وهي مبتسمه

هدى: حور االي عملتيه اكبر غلط عمك مش هايسكت

حور : متقلقيش مسكاه من رقبته لو لوحها هايموت نفسه يلا علشان نلحق نطفي نور عنين نعمه بنت الا الا هو اسم امها اسمها ايه

هدي بضحك: الله يهديك يا حور ويستر من اللي جاي

وصلت حور امها للبيت وراحت بيت عمها ودخلت

حور بذهوووول: يالهوووي يا أولاد الكلب كل داه عز داه البيت ولا الفيلا وطمعان في مال الولايا يلا مش خساره في طيبة قلبك على رأي المثل الطمع يقل ما جمع

دخلت حور اوضه النوم ودورت فيها واتصدمت من اللي قدامها يخربيييتك يا نعمه إيه  داه كله يا بنت المكلوبه وتقولي أمي عندها محل صيغه وامال انتي عندك إيه المصنع نفسه عارفه انك هاتتقهري قهره ممنها جبره يلا مش خساره في طيبه قلبك

انا عن نفسي لو مكانك هايجيلي سكته قلبيه

اخدت حور العلبه وحطتها في شنطه وقفلت البيت ومشيت تاني 

وصلت حور البيت : لقيت هدى مستنياها في الصاله 

هدى بلهفه: روحتي فين يا حور سيبتيني ومشيتي 

اترمت حور على الكنبه: ولا حاجه يا أما روحت مشوار مهم وفتحت الشنطه اللي معاها 

هدى بصدمه وخبطت على صدرها: يالهوووي ايه داه كله ولما هما معاهم الدهب داه كله طمعانين في البيت والورشه اللي ساترين البيت حسبي الله ونعم الوكيل فيك يا عابد يا ابن حوا وآدم 

حور : وامال يا أما لو شوفتي البيت احيييييه داه ولا الفيلا اهو جه لقضاه 

هدى: ياريت بينفع يا بنتي ياريت ابوكي ساب الدنيا مخدش منها الا كفنه وفي ايده عمله يلا الله يرحمك يا عامر الا قوليلي يا حور الدهب بتاعي وبتاعك اللي كان في الدولاب فين وازاي نعمه ملقيتهوش

حور بإبتسامه هم ووجع: خفيته يا أما لما مرات عمي جابت سيرته عرفت انها هاتعمل كده الطمع كان باين من عنيها وكان باين اوي هي ناويه على ايه

هدي بإستغراب وكشت حواجبها في بعض: خفتيه دي نعمه قلبت البيت الاسبوع اللي قعدته هنا حته حته وملقيتش حاجه 

حور: تعالي معايا يا أما 

دخلت هدى وحور اوضه حور وشالت حور الكومدينو وشالت من وراه لوح خشب محطوط زينه في النص وطلعت علبة الدهب

هدى بذهول: يا بنت الجنيه عرفتي منين المكان داه

حور: ابويا الله يرحمه هو اللي عملهولي كنت بحوش فيه فلوس وكنت بخبي حاجاتي العزيزه عليا هنا 

هدي  ببسمه وجع: المال الحلال لا يتسرق ولا يتحرق ولا يتنصب عليك فيه وداه قرش تعب وشقى يا ضنايا

حور: الحمد لله على كل حال يا أما 

هدى بتذكر: فكرتيني إيصالات الأمانه اللي قدمتيها في عمك دي جبتيها منين ابوكي الله يرحمه مجابليش سيره بيها

حور بغموض وهي باصه على الفراغ: متشغليش بالك يا اما زي ما قولتي المال الحال مبيضعش واهو لف الزمن ورجع الحق لأصحابه 

هدي بكزه سنان: حووور رسيني على الدور

حور بلويه بوق: لما كانوا هنا انا وانتي اللي كنا بنخدمهم وانا خدت المنوم بتاع ابويا الله يرحمه اللي الدكتور كتبله عليه وحطيتهولهم في الطفح ولما اتخمدوا كنت شاريه 15 دفتر إيصالات أمانه من المكتبه اللي في الموقف وبصامه واسيتون وزيت اطفال  ومحك وقطن وبصمته هو مراته وابنه كل واحد على 5 دفاتر ونضفت صوابعهم مكان الحبر زي ما كانت وخفيتهم لوقت عوزه عرفتي ليه يا أما قولتلك ان رقبته في أيدي لو عوج هايكسرها بنفسه

هدى بهزه رأس:  ربنا يستر من الي جاي

حور بلا مبالاه: سبيها على الله يا أما 

مر اليوم وفي المساء راح محامي المرحوم عامر لعابد السجن

المحامي بهدوء: دي العقود وداه موظف الشهر العقاري عملتله مأموريه خارجيه يعني حضرتك هاتمضي على تنازل عن نصيب الحاج عامر الله يرحمه ونسجله والصبح حور هاتيجي تتنازل عن  محضر التعدي عليهم ومحاولة ابنك الاعتداء عليها بعد ما حضرتك وزوجتك وابنك تمضي على محضر عدم تعرض 

عابد بغيظ مكتوم وهو ناقص العياط:  بقى انا حتته عيله لا راحت ولا جت تعلم عليا

المحامي: والله يا عابد الحق مهما طال الزمن بيرجع لأصحابه والطمع آخرته وحشه

خلص المحامي كل الإجراءات ومشي هو وموظف الشهر العقاري

تاني يوم صحيت حور وكأن مر عليها زمن ولنفسها: معقول اسبوع ممكن يوجع انسان كده معقول الدنيا وحشه اوي كده الكل بينهش في بعضه الكل مستني اللي قدامه يضعف علشان يأكله بس لحد هنا وكفايه عمري ما هضعف تاني

واتحركت من السرير واستحمت وغيرت هدومها هدي انا نازله

هدي من المطبخ: رايحه فين بدري كده على لحم بطنك

حور: رايحه القسم اتنازل عن المحضر 

هدي : طيب كلي لقمه بلاش تنزلي على لحم بطنك

حور بخبث: تمام وادي قعده 

قعدت حور تفطر وشربت الشاي واتلكعت شويه  قبل ما تروح

أما أنا ماشيه بقى 

هدى: ماشي يا ضنايا خلي بالك عمك سماوي ونابه ازرقك ومش هايعدي اللي عملتيه على خير

حور: متشغليش بالك وطمني قلبك يا أما بعد انهارده ولا هايقدر يهوب يمتنا تاني 

هدى: ربنا يستر الا انا متوغوشه والفار بيلعب في عبي من عمك

حور: لا طمني الفار وهو يسرح لوحده وضحكت لأمها قبل ما تمشي

راحت حور القسم وهي راسمه ملامح الانكسار ببراعه ولقيت المحامي ومحامي عمها موجودين 

عابد بشر مستعر: عملتي اللي على هواكي يا بنت عامر خلصي وامضي تنازل عن المحضر

حور بصت للمحامي  والمحامي اتكلم:  يا فندم لو سمحت عايزين نعمل محضر عدم تعرض من كلا من المتهمين الثلاثه لضمان عدم التعرض مره اخري لموكلتي

الظابط بإماءه من راسه: تمام يا متر 

وخلال نص ساعه مضي عابد وهو مضطر على محضر عدم التعرض لحور وأمها هو وابنه ومراته 

وخرجوا من القسم 

عابد بشر مسك حور من دراعها : بقى انا يا بنت الكلب تعملي فيا كده 

حور شدة ايدها منه بنطره شديده: الزم حودوك يا ابو ياسر  اه نسيت اقولك بعد المحضر اللي مضيتو عليه لو حصلي انا او امي خربوش هاتتشد المره دي ولو وقفت على شعر راسك اللي أقرع من الزمن مهتعرفش تطلع منه واااه فكرتني انا بعون الله انتا والمحروس ابنك والمحروسه مراتك كل واحد ليه معايا 5 دفاتر إيصالات أمانه يعني يوم ما تعك هاقدمهم وصل وصل كل ما تطلع من السجن هارجعك ليه تاني لحد ما تسلم الأمانه لربها فكن وابعد عن طريقي انا وأمي علشان طريقى شوك جبلي يقطع جسمك اول ما تخطي فيه خطوه انا قولت انورك ودلوقتي علشان نفضنا من الموال الخرا داه نصيب ابويا في ورث سيدي هايتمن بما يرضي الله عايز تشيل كان بها مش عايز واشيل انا كان بها عايز غريب يشيل امين  قولت ايه

عابد بصدمه وهو مش قادر يستوعب ان العيله اللي مكملتش 20 سنه يطلع منها داه كله ازاي 

حور : ها يا ابو ياسر قولت ايه ولا سرحت في إيه وغمزتله بعينها

عابد بإنتباه: في ايه

حور: في اللي قولته 

عابد: هاشيل محدش هايخطي بيتي ولا محلاتي 

حور : آمين هاجيب السمسار ونتقابل 

عابد بشر: فين

حور بلؤم: هابقى اقولك بعد ما السمسار يتفرج على البيت والمحلات ويتمنهم 

عابد: ليه متيجي معاه ونخلص مره واحده 

حور : ليه مجنونه اخش عش الدبابير برجليا انا اكون في منطقتي ومتأمنه من غدرك نصيحه متفكرش إنك تلعب معايا علشان انتا مفضوح اوي ليا يااااااا أبو ياسر

سلااااام وميعادنا بالليل 

روح عابد وهو هايتجنن هو ومراته وابنه

نعمه طلعت تجري على اوضتها: وطلعت تلطم : يالهوووي ياخراب بيتك يا نعمه يا كب زيتك يا نعمه يالهوووي

عابد قام منطور : في ايه يا وليه بتولولي ليه تاني 

نعمه بصوت وعياط وعماله تلطم : بنت هدى سرقت شقى عمري خدت دهبي كله مسابتليش حاجه سرقتني عيني عينك

اترمى عابد على الكنبه: منتي عارفه انها قالت هتاخده

نعمه بولوله: كنت فاكره بتقول كده عشان تحرق دمي اااه يا شقى عمري اااه سرقت نور عنية اللي طفته بنت هدي بس لا والله ما ابقى نعمه ان سبتها 

ياسر بتأييد : ايوه يا أما دي لازم تتربي هاتعملي فيها ايه عايز اشوفها مكسوره ومذلوله

نعمه بشر مستعر: هي ديتها ازازه ميه نار : وعيل بعشره جنيه يشوهلها وشها

عابد بزعيق: بس يا مرا انتي وابو رياله اللي جراه في ديلك المحضر اللي مضيناه لو حور ضفر منها اتمس هانتحبس المره دي ومحدش هايعرف يطلعنا منها

نعمه بصويت وبدئت تشد في شعرها وتقطعه: يعني ايه يعني ايه بنت هدي سرقت شقى عمري ونور عنيا وتلعقتلي في الاخر وانا اتكتم واحط جزمه في بوقي واتكتم واعيش بحسرتي

عابد: خلاص بقى مهي شورتك المهببه وانا الغلطان كنا عايشين ملوك ورث عامر الله يحرقه كان معايا وتحت ايدي بس هاقول إيه غلطتي اللي يسمع شورة المرا يشيل الخرا و شيلته بسببك انكتمي بقى ونقطيني بسكاتك

نعمه فضلت تعيط لحد ما طبت من طولها 

ياسر بنطره: أما فوقي يا أما 

عابد بنفخه شيلها دخلها جوه 

دخلها وعابد جاب كوبايه ميه ورشها عليها 

قامت نعمه وفتحت وصلت نواح وعديد على دهبها ونور عنيها اللي انطفى

ساعتين وقام عابد من النوم مفزوع على خبط على البوابه الحديد بتاع البيت 

عابد من جوه بزعيق: ايوه ياللي على الباب براحه مش نايمين ورا الباب احنا ايه الدنيا طارت اصبر 

فتح  عابد بزعابيب امشير : اييييه الدنيا خربت

الراجل بخضه: مساء الخير يا عم عابد كفاره

عابد بكزه سنان:  خيييير وانتا مين

الراجل:  انا زقزوق السمسار وجاي اتفرج على البيت والمحلات اللي من تحته

غمض عابد عنيه واتمالك نفسه : خش يا معلم زقزوق 

زقزوق بصوت عالي: يارب يا ساتر 

دخل وبداء يتلفت حواليا 

عابد بمسايسه : بقولك ايه يا معلم زقزوق ليك عندي مصلحه تاكل من وراها الشهد 

زقزوق:  خير يا  عم عابد اؤمرني 

عابد بمكر التعالب: بص يا سيدي انتا جاي تتفرج وتتمن صح الكلام

زقزوق بإنصات شديد: صح الكلام

عابد: تمام انتا هاتقعد تاخد واجب ضيافتك وفوقه 50 باكو 

زقزوق بإندهاش:  بتوع ايه لامؤاخذه 

عابد خد نفس وطلعه مره واحده: ترجع لحور وتقولها ان البيت والمحلات ميساووش غير نص أرنب وحق 

ابوها فيهم ربع أرنب آمين 

زقزوق بتفكير: طيب مهي اكيد عارفه سعر المتر في المنطقه وعارفه مساحة البيت يعني لامؤاخذه يعني مش غبيه حور دماغها توزن بلد

عابد بعصبيه: ياعم وانتا مالك انتا تقولها الكلمتين دول وتاخد اللي فيه النصيب وتتكل على الله

زقزوق:  تمام يا حاج

عدت نص ساعه وعامر اتصرف في 50 الف للسمسار واخدهم واتكل على الله

عابد بضحكه خبيثه: بتتنصحي عليا يا بنت عامر لا عشتي ولا كونتي والصبر جميل يابنت ال ….. ولا بلاش 

رجع زقزوق لحور وقال …………

ياترى حور هاتصدق وهاتسكت ولا لسه في جعبتها لعابد ايه تاني

يتبع

الفصل الثالث 

زقزوق : مساؤ فل يابنت الغالي

حور بضحكه: مساؤ عسل يا عم زقزوق عملت ايه

زقزوق:  طلع الفلوس وحطهم على التربيزه زي ما قولتي عرض عليا اقل من عُشر تمنهم ومرضيش يخليني اشوفهم واداني دول

حور بهزه رأس : تسلم يا غالي كام دول

زقزوق:  50 باكو

حور ببسمه: خدلك 10 بواكي حقك

زقزوق:  تعيشي يا بنت الغالي ابوكي الله يرحمه ليه فضل عليا لو عشت عمري عمري ما هاقدر اوفيه

حور : تسلم يا عم زقزوق البني آدم بيموت ومبيعش منه إلا السيره الحلوه

زقزوق:  الله يرحمك يا غالي ها ناويه على ايه 

حور بضحه: ناويه ارقص القرد 

زقزوق بضحك لحد ما شرق: الله يهديكي يا حور قرد وماله نرقصه ناويه على ايه وانا في ضهرك

حور: مين من السماسرة تعرفه وتثق فيه 

زقزوق:  كتير بس اشمعني 

حور: عايزه 10 سماسره  تثق فيهم زيك كده يا عم زقزوق 

زقزوق بتفكير: غالي والطلب رخيص حبايب ابوكي كتير واللي يتمني يخدمه الله يرحمه اكتر 

حور:  تمام عايزاهم كمان نص ساعه يكونو عندي هنا ولو أكتر من 10 يبقى تمام اوي

زقزوق ببلاهه: طيب رسيني انا توهت منك يا بنتي

حور بخبث:  لما تكبر يا راجل يا عجوز

ضحك زقزوق من قلبه:  الله يرحمك يا عامر اللي خلف مماتش رسيني عشان ارتاح يا بنتي

شاورت حور على عنيها الاتنين: بص يا سيدي طبعا بيت سيدي الله يرحمه على الشارع الرئيسي والمتر هناك بيلعب في 23 ل 25 الف تمام

زقزوق:  تمام دي حقيقه وبعدين

حور بإكمال: البيت حوالي 200 متر يعني بيعلب في أضعف الإيمان 4 مليون ونص لحد ال 5 مليون

عمي عايز يكوش عليه ب 500 الف انا بقى هلاعبه لحد ما يقول حقي برقبتي كل ساعه هابعتله سمسار وكلهم هايعمل معاهم اللي عمله معاك طبعا ميعرفش اني هابعتله لحد ما يقول حقي برقبتي وينخ لوحده من كتر كع الفلوس يبقى استفدت من النحيتين يعني من جمب الفلوس اللي هايجيبوها السماسرة ومن نحيه حقي في البيت بما يرضي الله عرفت بقى 

زقزوق وهو فاتح بقه: يا دين النبي دماغك دي ايه يا بنت الغالي المااااظ وكتاب الله ماشوفت ولا هاشوف زيك بنت ابوكي بصحيح هي دي تربيه عامر الله يرحمه 

حور بضحكه:  طيب يلا الله يخليك خلينا ننجز علشان القرد 

ضحك زقزوق وطلع تليفونه

وفعلا خلال نص ساعه كان اكتر من 20 سمسار من جوه وبره المنطقه ورستهم حور على الحوار والكل قال آمين وهو مين يقدر يرفض طلب لحبيب القلوب المرحوم عامر

جاه الليل وعامر هايتجنن لحد دلوقتي دفع اكتر مليون جنيه

يابنت الكاااااالب يابنت الكاااالب انا حتت بت تعمل فيا كده وتعلم عليا  اااخ يا ناااري وبعدين وبعدين

ياسر بتعب: وبعدين يا أبا البت دي مش سهله دي هاتخلينا نشحت 

عابد بتعب: مقداميش حل اتعقدت عقده بشنيطه مالهاش حل

لو بعتت حد تاني يتمن بقى بدل ما بنت الكلب عماله تصفي فيا نقطه نقطه 

وفعلا ساعه وكانت بعتت حور سمسار اخير وسابه عابد بقلة حيله واتفرج على البيت والمحلات من فوق لتحت وكل شبر

تاني يوم طلبت حور رقم عمها 

عابد بشر: خير يا محروقه يا اؤس الخراب

حور بضحك: كل خير يا ابو ياسر انهارده بالليل جهز نصيبي ال 2 مليون ونص 

عابد بزعيق: واللي السمساره خدو داه ايه

حور بعبط:  سمساره إيه أنا بعت ناس تتمن ولما السعر مكانش بيعجبني كنت ببعت غيره لاني كنت بحس انه ضلالي بعيد عنك السمسار اللي انا هحاسبه اللي بعته وقالي السعر بما يرضي الله

بكره على ميعادنا في البنك هاتحولي الفلوس والموظف  بتاع الشهر العقاري موجود هايسجل وهاستلم فلوسي في البنك تصبح على خييييييير وأحلام سعيده يا عمى

عابد حدف التليفون على الكنبه:  اااااه يناري بقى انا حتة بت تأكلني البلوظه هاتروحي مني فييين الله يحرقك يا عامر الكلب غورت وسيبتلي داهيه مسيحه هنا 

نعيمه بحرقه ونواح: بنت هدي اكلتكم صنيه القرع بلوحكم يا رجاله وعلمت عليكم

وكملت ندب يا نور عيني اللي انطفى يا دهبييي يا شقي عمري اااااه

عابد طول الليل منامش كان هايتجلط من اللي حور عملته فيه ٣ أيام وهي عماله ترن على قفاه

تاني يوم صحيت حور والضحه على وشها بس ضحك ناقصه ضحكه مكسوره اضطرت تتخلى عن أنوثتها واتعاملت بمداء الشارع القوي بياكل الضعيف حور بشرود لنفسها: انا مغلطتش انا رد فعل مش فعل لو كنت سكتت كان داس علينا بالقوي ااااه يا دنيا كنا عايشين في حالنا كافيين خيرنا شرنا وخداني على فين تاني يا دنيا الهموم ومرسي الوجع كل خبطه أشد من اللي قبلها وكل كسره وراها كسره ياترى مستخبيلي ايه تاني يا دنيا الله يرحمك يا أبا كنت على حق العقل اقوي من الدراع 

فلاش باك 

حور بإستغراب: ازاي يا أبا الواد المعصعص داه ضرب البغل داه كله

عامر ببشاشه لحور : خلي في بالك يا حور مش بالجسم ولا بالدراع لو استخدمتي دراعك اخرك تكسري او تتكسري بس قوه العقل تقطع الدراع مش تكسره خلي قوتك في عقلك مش في دراعك

هزت حور رأسها بفهم لابوها ووشمت كلامه في عقلها زي الوشم في الجسم

 انتهاء الفلاش باك

حور بتنهيده: الله يرحمك يا حاج ارتاح في رقدتك حقك رجع 

وبنتك بألف راجل 

عدى اليوم وتاني يوم صحيت حور على غير العاده بنشاط وحيويه وقامت غسلت وشها واتوضت وصلت فرض ربنا ولبست بنطلون جينز واسع وعليه تونيك اسود طويل بعد ركبتها ولبست طرحه سوده وكوتشي ابيض وطلعت من اوضتها: صباحو فل يا هدى

هدي ببسمه موجوعه:  صباحك لبن حليب يا قلب هدى مبدره على فين كده 

حور : رايحه اجيب حق ابويا الله يرحمه 

هدى بإستغراب: حق ايه داه يا بنتي

حور بتوضيح:  انهارده هاقابل عمي في البنك مع المحامي علشان ياخد نصيبنا في البيت والمحلات بتاع سيدي الله يرحمه 

هدى بإستغراب: بس عمك وافقك يديكي حقك بسهوله 

حور :لا يا أما لما شاف العين الحمرا سلام بقى علشان الحق وقتي وأما ارجع هارسيكي على الفوله 

هدى بشك: حور ناويه على ايه وايه الشنطه اللي معاكي دي

حور بإطمئنان: داه حق ابويا في سيوله المال اللي كان في المحلات والبنك هاحطه في حسابي وحسابك يا أما سلام بقى علشان الوقت

ركبت حور عربيتها ووصلت البنك قبل الميعاد بنص ساعه 

حور:  السلام عليكم لو سمحت عايزه اعمل إيداع 

الموظف بإحترام وعمليه:  كام المبلغ ورقم الحساب من فضلك

حور: 850 الف  منهم 250 الف لرقم حساب …….  و600 الف لرقم حساب …… وطلعت حور البطاقه وخلال دقايق انتهي الموظف من عد الفلوس وايداعها 

وخلال ربع ساعه كان وصل المحامي وموظف الشهر العقاري وبعدها وصل عابد وعلى وشه غضب ربنا

استلمت حور مبلغ 2مليون ونص ووثقوا العقود 

حور ببرود: مبروووك يا أبو ياااسر 

عابد بشر مستعر: الجدع اللي يضحك في الأخر يا بنت عامر

حور على نفس برودها: قدها وقدود يا ابو ياسر معلش هي الدنيا كده تيجي تصيده يصيدك يلا الله يقويك على اللي جاي

وتممت حور إجراءات الإيداع بمبلغ 650 الف في حساب هدى ومليون و850 الف في حسابها

ورجعت وكأن شيئ لم يكن

عوده من الفلاش باك

وصلت حور شغلها مركز صيانه  سيارات و تكاتك وموتسيكلات وملحق بيه توكيل لقطع الغيار

صباحو يا عم صبحي

صبحي راجل عجوز تجاوز 60 من عمره:  صباحو يا اسطى 

حور : وصلت البضاعه 

صبحي: ايوه واستلمها الحاج وائل 

حور بقلبة وش : امممم قولتلي وائل  طيب ربنا يستر 

دخلت حور وتممت على الشغل ودخلت على مكتبها لقيت عم وائل قاعد عليه حور خير يا حاج وائل بتدور على ايه في مكتبي 

وائل برتباك:  ولا حاجه يا بنتي 

حور ببرود وشر يخوف: تمام يااااا حاج وائل مع السلامه 

قعدت حور وشردت في الي فاات وافتكرت

فلاش باك 

بعد وفاه أبوها قاعده في الصاله مساكه التليفون وعماله تنفخ

هدى: مالك يا حور بتخانقي في دبان وشك ليه بس

حور بتعب: من الدنيا يا أما الهم ورايا ورايا عماله اتصل على شريك ابويا علشان ايراد الورشه والتوكيل ومش عايز يرد 

هدي بغلب: طيب هانعمل ايه يا بنتي الغايب حجته معاه

حور بشرود: لا يا أما هو قالك اتنين ولايا أما انهبهم بالمره واهو راجلهم راح بس لحد كده وكفايه اوي

هدى بخوف:  يعني ايه يا بنتي ناويه على ايه 

حور : ناويه اراعي مالنا واكل عيشنا يا أما 

خبطت هدى على صدرها: يالهوي عايزه تنزلي ورشه ميكانيكا يا حور وسط الرجاله والصنايعيه 

حور: أما المال السايب يعلم السرقه وادي أول القصيده كفر اشحال الباقي إيه وانا متربيه في الورشه من صغري وحفظاها شبر شبر وعارفه كل مسمار فيها 

هدى: يابنتي مينفعش الناس هتاكل وشنا وتعلمنا لبانه في بقهم واللي يسوى واللي ميسواش هايتشدق بيها

حور بجمود: الناس مبتسبش حد في حاله يا أما الناس مش هتاكلنا وتشربنا ولا تصرف علينا الورشه والتوكيل داه تعب ابويا وليه ال ¾ يعني محدش هايراعي مالنا غيرنا

قامت حور منطوره من مكانها ودخلت اوضتها ولبست طقم اسود وخرجت: لقيت هدي قدامها

هدى : رايحه فين السعادي 

حور: رايحه اشوف اكل عيشنا وسابت امها ومشيت

وصلت حور الورشه

عم صبحي: ازيك يا بنتي البقيه في حياتك

حور بجمود وحزن: حياتك الباقيه يا عم صبحي هو الحاج وائل هنا

صبحي بهزه رأسه:  ايوه هنا ليه 

حور : ولا حاجه انا دخلاله 

دخلت حور من غير حتى ما تخبط 

وائل بخضه واستغراب:  حور وأكمل بملامح مستغربه البقيه في حياتك يا بنتي معلش عارف اني مقصر بس انتي عارفه الدنيا مشاغل 

حور بجمود ولم يظهر عليها أي شيء: حياتك الباقيه يا حاج اخبار الشغل ايه طمني

وائل بإرتباك: اهو نحمدو على كل حال الدنيا واقفه من بعد المرحوم بس ان شاء الله تتعدل قريب

حور على نفس الجمود:  ان شاء الله وعشان كده يا حاج انا قررت اباشر الورشه

وائل بخضه: وانتي يا حور هاتقدري متزعليش مني يعني لامؤاخذه انتي بت ولسه عيله بنت إمبارح متعرفيش الدنيا 

ماشيه ازاي والشغل داه عفي وعايز رجاله من حديد 

حوربلا مبالاه:  الشغل مفيش راجل وست واكل العيش مر لازم نتحمله والمال السايب يعلم السرقه وانا تربيه عامر متقلقش يعني بعون الله اجيب حقي لو كان في حنك السبع ودلوقتي يا حاج عايزه كل دفاتر التوكيل من أصغر مسمار دخل لحد اكبر قطعه بفواتيرها وعايزه بردوا فواتير البيع على ما ابص على الورشه

وائل بذهول: نعم عايزه ايه وبأي حق

حور ببرود:  الدفاتر وبحق اني ليا ¾ الورشه بإسمي بيع وشرا وتقدر تتأكد من العقود في المحكمه لو عايز تخلع بنصيبك انا شاريه عايز تكمل وماله بس الحق حبيب الله دفاتر التوكيل من شهرين تلزمني بالفواتير فاهم يا حاج وائل

وائل بقلق: انتي مخوناني يا بنتي

حور بسماجه:  لا سمح الله أما مبأمنش غير لإيدي انا نازله الورشه وهاعدي على المخازن اعمل جرد على ما الدفاتر تجهز مشيت خطوتين واتلفت واااه ياريت ترجع مكتبك لاني هاقعد في مكتب ابويا وسابته في ناره ومشيت

وائل بشر: اه يا بنت ال …. ولا بلاش وماله كنت مفكرك عيله ولقمه سهله بس ملحوقه 

نزلت حور وفوجئت بـ... 

يتبع

الفصل الرابع

فوجئت حور براجل غريب هدومه مبهدله بيشيل كل الخرده اللي موجوده في الورشه 

حور: بتعمل ايه يا عم 

الراجل:  بشيل الخرده زي كل مره 

حور:  من أمته وانتا بتاخدها انا اول مره اشوفك هنا 

الراجل: انا اللي اول مره اشوفك انا جاي حسب اتفاقي مع المعلم وائل صاحب المكان

حور بمده بوز: اممممم المعلم وائل قولتلي وعلت صوتها اوي علشان يسمع كل اللي في المكان طب بص يا حاج المعلم وائل بتاعك داه مالهوش مسمار في الورشه وكل نصيبه الربع في التوكيل بتاع قطع الغيار و¾ ملكي وبإسمي ورث عن المرحوم ابويا المعلم عامر وايدك يا حاج متمدش على حاجه مش ملكك ولا ملكه اظن الكلام واضح ودلوقتي طريق وسكه ورايا اكل عيش

نزل وائل على صوت زعيق حور 

وائل بعصبيه وصوت عالي :  في ايه يا ست البنات اول ساعه ليكي هنا ونازله شخط ونطر مقولنا الشغل هنا للرجاله قولتوا اطلعوا من البلد

حور بعصبيه وصوت أعلى:  صوتى يعلى زي ما انا عايزه من حكم في ماله ما ظلم ياااا ههه معلم وائل انتا هنا مالكش مسمار في الورشه انتا كل اللي ليك ربع التوكيل وبس وعايزه أعرف الراجل داه بياخد الخرده على اي أساس وحتة الشغل للرجاله دي سيبها بقى على جمب اصل بنت المعلم عامر ارجل من ارجل رجل فيك يا بلد.

وائل بخوف من قوه حور وصوتها العالي: طيب تعالي يا ست البنات المكتب نتكلم وانتا يا معلم تعالى معايا 

طلعوا كلهم مكتب حور 

قعدت حور على مكتبها كإثبات منها للكل انها هنا صاحبه المكان والمال والكل في الكل وقعد وائل والرجل الآخر أمامها

حور ببرود: خير فهمني ايه اللي بيحصل بقى بالظبط

وائل بمساسيه ومحايله لحور: يا بنتي انتي عارفه ان الخرده بتعمل ازمه في المكان هنا وان احنا بنتخلص منها كل أسبوع والمعلم جمعه بيشيلها كلها مره واحده وبيدفع حسابها 

حور: امممم وداه كلاله ولا مفروز 

وائل بعدك فهم: يعني ايه 

حور: يعني بشيل الخرده مره واحده ولا كل حاجه لوحدها

جمعه: لا كلاله يا ست البنات وبدفع اللي فيه النصيب مهو كده كده انتوا مش لازماكم في حاجه يعني 

حور برفعه حاجب:  اللي فيه النصيب ليه يا معلم شايفني واقفين على باب السيده ولا مقام الملاحه بنقول لله يا محسنين علشان تدينا اللي فيه النصيب 

جمعه: لا العفو يا ست البنات انا بقول اللي بيحصل

حور : والموضوع داه من أمته 

جمعه: من ايمة 3 شهور كده 

حور : امممم طيب اسمع بقى دكر الكلام يا معلم الخرده هاتخدها بالوزن مفروزه عجبك امين معجبكش بدل التاجر الف ويرمح رمح 

جمعه بعدم فهم: يعني ايه لا مؤاخذه 

حور: يعني الخرده هاتتفرز البلاستك لوحده والالمونيه والاتمونيه والنحاس لوحده والرفايع لوحده الصاج لوحده والحديد لوحده فهمت يا معلم  ولا اعيد وكل حاجه بسعر السوق وبيني وبينك حد الله

جمعه برفض:  وليه ان شاء الله كنتوا بتدفعوا ابو كلب في الخرده دي منا بشيلها بديكم حقكم

حور: كتر رغي فاضي ملهوش لزوم معايا بين البايع والشاري يفتح الله 

جمعه بتفكير: طيب يا ست البنات يا واش يا واش يعني احنا كلنا بنجري على أكل عيشنا وعندنا بيوت وعيال زي الناس بردوا ومصاريف وعمال وهم ما يتلم

حور بهدوء: بص يا معلم الخرده نهر فلوس يعني انتا بتاخدها كلاله وبتفرزها وبتاخد الطاق 10 فيها واحنا كمان والله عندنا عمال وصنيعيه وبيوت مفتوحه وداه مال ولايا ويتامه قولت ايه يا معلم علشان ننجز يا اه يا يفتح الله علشان اشوف غيرك

جمعه بغضب: ماشي يا أسطى 

حور : يبقى آمين اخر كل أسبوع هاتشيل الخارج مره واحده وانا هانزل بنفسي افرزه واوزنه قبل مااسلمهولك

وائل بغضب:  وليه داه كله

حور ببرود: اظن مالي وانا حره فيه الورشه بكل مسمار فيها ملكي وانا حره في مالي بس لوجه الله هافهمك كل خرده وليها سعر يعني الحديد كيلو الخرده بيلعب من 8 ل 10 جنيه والمعلم بيسلم على 15 

وخرده الالمونيه من 30  ل 35 جنيه  والاتمونيه من 30 ل 33 جنيه والمعلم بيسلم على 40

وخرده النحاس بيلعب في 60 ل 75 جنيه والمعلم بيسلم 85 او 90

وخرده البلاستيك من 3 ل 5 جنيه والمعلم بيسلم 10

وخرده الرفايع والمسامير من 12 ل 15 جنيه والمعلم بيسلم 25 

يعني انتا بتديله الكل كلاله ب الفين ثلاثه وفاكر انك ابو العريف وغمزتله بعينها مش بالسن وبصت لجمعه من هنا وجاي هاتشيل على سعر السوق وبالوزن كده عداني العيب وأزح

يلا بالسلامه علشان ورايا ورق وحسابات عايزه تتراجع قالتها وهي بتبص للمعلم وائل بنظره غريبه

فهمها وائل بإرتباك بس مشي وهو جواه هايطق

نزلوا الورشه وقدام الورشه 

جمعه بغضب: وبعدين يا معلم البت دي مش سهله دي عارفه دبة النمله في السوق بنت ابوها بصحيح والعمل المصلحه اللي كانت بتطلع من الخرده بح

وائل بغيظ: وانتا يا راجل يا عره بتستكردني وتقولي الخرده مبتجبش همها وبتحاسبني الكيلو في قلب بعضه ب 20 جنيه وانا اللي فاكر نفسي ناصح

جمعه بلوع: يا ملعم احنا في سوق والسوق مفتوح وماشي بشيلني واشيلك 

يعني انا بشيل الخرده بس بردوا انا بجيبلك البضاعه الحلوه النص عمر اللي بتدخلها التوكيل بأقل من ربع تمنها والباقي بتدبه في جيبك غير العربيات المسروقه اللي بتتحل وبتتباع يعني ليا وعليا وليك وعليك آمين يا أبا شوف هاتعمل ايه مع البت دي الا كل المصالح كده هاتتعطل والبت دي دماغها شغاله اكتر من أبوها وهاتقفلنا زي اللقمه في الزور

وائل بشر: ولا تشغل بالك كده كده هي متعرفش عن الحتت اللي بتدخل الورشه وانا هاتصرف 

كانو يتحدثون وهم غافلين عن الأذان التي تستمع إليهم 

*************

ياسر: هاتفضل قاعد كده يا أبا خلاص اللي حصل حصل خلينا في اكل عيشنا

عابد بهم: امك السبب بنت الكلب زي الشيطان فضلت توسوس في اوداني منا كنت عايش سلطان زماني طمعتني ان البت وأمها بقوا لقمه سهله ونسيت ان البت تربيه عامر اللي بداء من مفيش وعمل فلوس لا تاكلها لا نار ولا حطب والبت بنت ابوها وبص لياسر مش زيك يا خيبه الأمل 

فلاش باك 

بعد وفاه عامر دخلت نعمه على عابد وهو حزين: ايه يا راجل مالك اجمد كده اومال وفوق لمصالحك وحقك وتجيبه من عين هدي وبنتها 

عابد بعدم فهم: حق ايه ومصالح إيه 

نعمه بخبث: هو مش المرحوم كان عنه شيئ وشويات 

عابد بهزه راس: ايوه

نعمه: ومعندهوش راجل يبقى إيه 

عابد: إيه 

نعمه بقلب وش: يا راجل فتح معايا يبقى انتا ليك في الورث بشرع الله ويا سلام بقى لو حطينا ايدنا على الورث كله وزياده الخير الف خير مش خيرين بس

عابد بطمع وقد تناسي حزنه على اخوه: قصدك إيه 

نعمه بشرود وكره طالع من عنيها قبل لسانها: يعني نحط ايدنا على ورث البت وأمها 

عابد: وداه ازاي بقى يا ام العريف 

نعمه على نفس وضعها: نجوز حور لياسر واهو ابن عمها وأولى بيها واهز نلم لحم اخوك ومعاهم كمان فلوس اخوك بدل ما ييجي عيل صايع يلف على البت ويلهفه منهم 

عابد: طيب وهدي يا ام الأفكار 

نعمه بشر وكره: تتجوزها على ورق وتسيبهالي بقى اربيها بمعرفتي وانا هاعرف اكسر شوكتها ونفسها وعينها ومنخيرها اللي رفعاهم في السما دول

عابد وقد اقتنع بكلام نعمه وعشش في دماغه

نهايه الفلاش باك

ياسر بنفخه: الله انا مالي يا أبا هو انتا هاتطلع غلبك عليا وبعدين انتا اللي غلطان كان لازم تسأل وتتطأس قبل ما تطُب عليهم زي القضا المستعجل واهي البت رقدتلنا ولبدت في الدره لحد ما خدتنا على خوانه 

عابد: بطل بقى تبكت فيا بقى انا اللي فيا مكفيني وكفايه عليا رقدت أمك 

ياسر: ايو اللا بالحق هانعمل معاها ايه دي بقالها ياما راقده وعماله تعيط ولا حتى قادره تحط الزاد في بطنها

عابد: مقهوره القهره نزلت بطنها من اللي عملته بنت الكلب فينا علمت علينا بالجمله 

ياسر: اااخ يا ناري لو تسيبني عليها 

عابد: يا شيخ اتوكس داه البت علمت عليك وعملتلك محضر بعد ما فتحت قرنك

ياسر: خلاص يا أبا البت خدتنا على خوانه بس بردوا مش هاتفلت من تحت ايدي ليها يوم تقع ومحدش هايسمي عليها

عابد: اسمع ياض البوقين دول علشان مش هاعيدهم تاني حوار اطرانة البرك داه تمسحه من نفوخك كفايه اللي نابنا منها البت دي نابها حامي وازرق كفايه لحد كده بدل ما تخسرنا الجلد والسقط  وتبيعنا هدومنا فوق البيعه

ياسر بقلة حيله: ماشي يا أبا  وفي نفسه بس بردوا ليها يوم وتقع تحت ايدي 

دخل عابد وياسر عند نعمه وهي راقده لا حول ولا قوه 

ياسر وهو بيبص على امه بحسره:  قومي يا أما ايه اللي صابك بس دانتي كنتي قويه وجبل

نعمه بصوت مبحوح من العياط ووش شاحب كشحوب الأموات:  خدت نور عيني طفت نور عيني بنت هدى اااه يا حسرتي على شقا عمري اااه يا وجع قلبي على مالي وحالي اللي ضاع وفضلت عيط 

عابد نفخ بزهق: خلاص يا نعمه بقى ما انتي السبب فضلتي تزني زي التمبور اللي زن على خراب عشه واهو النار طالت الكل

ياسر:  خلاص يا أبا بقى عمال تبكت فينا داه بدل ما تجيبلها بدل دهبها اللي خدته اللي متتسمى 

نعمه بلمعه أمل:  ايوه يا عابد والنبي رجعلي نور عيني رجعلي دهبي

عابد بلويه بوق: منين يا حسره البت قلبتني من السماسرة غير الارنين ونص اللي خدتهم تمن نص البيت والمحلات اجيبلك منين 3 كيلو دهب تاني ربنا يفرجها وابقى اعوضهوملك

نعمه بنواح:  ااااه يا شقى عمري يا خراب بيتي اااه حسره قلبي كشفت راسي ودعيت عليكي يا حور يا بنت هدي اشوفك مسخوطه كلب إلهي يجيك ويحط عليك قادر يا كريم بحق حرقة قلبي 

عابد بزهق: انا قايم مفييش مراره لنواح النسوان داه 

ياسر: نامي يا أما علشان تبقى زي الفل خدني معاك يا أبا 

***************

يا اثطى حوي يا اثطى حوي 

حور بدهشه: في ايه يا يا ديشا 

مثيبه يا اثطى مثيبه 

حور بدهشه:  مصيبه ايه ياض انتا

ايمعيم وائي كان بيتكيم مع اياجي بتاع الخيده عن حواي كبيي 

(المعلم وائل كان بيتكلم مع الراجل بتاع الخرده عن حوار كبير)

حور بعدم فهم: لا استنى كده  وواحده واحده 

المعلم وائل والمعلم رجب مالهم وواحده واحده على ما افهم الطلاسم اللي بتقولها 

ديشا: كانو بيتكيمو في موضوع يخص الويشه 

حور كشت وشها بمعنى كمل 

ديشا:  المعيم وائي بيقويه انهم مش هايعيفو يفكوا العيبيات المثيوقه عيشان انتي عينك مفتحه عييهم وكمان بيدخي قطع غياي التوكيي نث عمي  عي انها جديده عيشان يكثب فيها

(المعلم وائل بيقوله انهم مش هايعرفوا يفككو العربيات المسروقه علشان انتي مفتحه عليهم وكمان بيدخل قطع غيار التوكيل نص عمر على أنها جديده علشان يكسب فيها

حور بذهول قامن من المكتب وشدته من ياقه التيشيرت:  سمعت الكلام داه من فين ياض

ديشا:  كانو بيتكيمو تحت قدام الويشه

(كانوا بيتكلموا تحت قدام الورشه)

حور في نفسها:  يانهار اسود يعني استغل مرض ابويا وموته ومشغل الورشه شمال ماااشي يا وائل الكلب

بصت لديشا:  اسمع ياض عايزاك تطرطق ودانك مع وائل بالذات لحد ما اتصرف انا في الحوار داه 

ديشا: من عنيا يا اثطى حوي

قعدت حور على مكتبها بشرود وهي دماغها هاتنفجر ولنفسها:  طيب والحل لو موضوع العربيات المسروقه داه اتشم انا اللي هاروح في الرجلين مهو الورشه بإسمي ومفيش دليل على اللي بيعمله الكلب داه يااارب انا تعبت ضاقت أوي يارب حلها من عندك 

وفجاءه افتكرت حور حاجه مهمه جدا 

ياترى حور افتكرت إيه وهاتتصرف ازاي

يتبع

الفصل الخامس

افتكرت حور صاحبتها من أيام الجامعه ومسكت تليفونها 

حور: ايوه يا هندسه 

شذا: حور عامر فينك يا بنتي مختفيه فين بقالي فتره بحاول اوصلك ومش عارفه 

حور: في الدنيا يا هندسه عماله تلطش فيا والطش فيها 

شذا بإستغراب: مالك يا حور صوتك مهموم فيكي ايه

حور بتعب: ابويا الله يرحمه ومن وقتها الدنيا عكت على دماغي من كل نحيه

شذا بصدمه:  البقاء لله يا حبيبتي أمته داه حصل وازي متقوليش ايه يا بنتي احنا اغراب ولا ايه وازاي انا معنديش خبر بكل داه

حور: والله يا بنتي الدنيا عكت مره واحده ابويا تعب ومكملش شهرين وكان ربك استرد أمانته وملحقتش حتى أحزن عليه والدنيا نازله طاخ طيخ على دماغي

شذا بمواساه: معلش يا حور انتي قدها وقدود يا بت داه انتي بنت ابوكي واللي خلف مماتش

حور بوجع:  الحمد لله على كل حال كنت عايزه منك خدمه

شذا: عنيا انتي تؤمري أمر 

حور:  الأمر لله تسلمي يا غاليه عايزه اعرف كل دبه نمله في الورشه والتوكيل في حد سايق العوج معايا وعايزه اعدله 

شذا بإنصات: تمام سهله اوي 

حور باهتمام: ازي 

شذا بتوضيح : ركبي كاميرات مراقبه 

حور: مش عايزه حد ياخد خبر بيها عايزه انا وبس هاينفع يعني 

شذا: اه يا حور ينفع وسهل كمان جدا في كاميرات حديثه وصغيره في الحجم وبتتحط في أماكن مخفيه الميجا بيكسل بتاعتها عاليه أوي بتجيب مسافات كبيره وكمان بتسجل صوت وصوره مش صوره بس

حور: تمام حلو اوي بس عندك حد ثقه يعني

شذا بضحك: عيب عليكي والله يعني صاحبتك مهندسه كمبيوتر وبتسألي على حد ثقه انا هاجي اركبها بنفسي بس محتاجه صور للمكان ومساحته علشان اشوف هنحتاج كام كاميرا

حور: بصي مش هاعرف علشان محدش يشك لما يلاقني بصور بس على العموم هاتي بزياده أوي الورشه مساحتها حوالي 150 متر والتوكيل دورين مساحته 80 متر والمخزن مساحته 350 متر 

شذا بتفكير:  اممم تمام انا هاجيب اللي يكفي المساحه وزياده كمان علشان منتعطلش بكره هاكون عندك

حور: لالالا بكره لا خليها الجمعه اجازه الورشه وندخل في الخباثه ونخلص كل حاجه

شذا بتفهم: تمام يا حور يوم الجمعه ان شاء الله وقولي لطنط تعملي محشي معتبر وملوخية من ايديها وياسلام لو كان معاهم فرخه بلدي متحمره ولا دكر بط متزغط يبقى عملتي احلى واجب

حور بضحك: طفسه من يومك هاقول لهدي وهي هاتعملك احلى محشي تذوقيه في حياتك 

شذا بضحك: لاء منا عارفه وزايقه فاكره لما جبتيه الجامعه كان يوم منيل كلنا من هنا ونمنا في الجنينه 

حور بضحك: طيب كان اهون من السمك اللي جابته نهال كلنا ودخلنا في غيبوبه

شذا بضحك: ذكريات قذره الله يخربيت كده

حور بضحك: لا دي فضايح الذكرى الهباب لأيام العذاب

شذا بضحك: اه والله الذكر الهباب

حور :خلاص هستناكي يوم الجمعه 

شذا : تمام يا حوريه قلبي

حور : وجع في قلبك هستناك سلام

قفلت حور وهي جواها وجع الدنيا وهموم اتقل من الجبال ولنفسها: ماااشي يا وائل عاملي قرد بس على مين لو انتا قرد فأنا القرداتي اللي هايرقصك اصبر الصبر حلو 

عدوا يومين وحور ولا كأنها سمعت حاجه بس مركزه في الدفاتر اللي قدامها واكتشفت مصيبه

حور: يا نهار اسود ايه داه حرامي أهبل يا وائل ناسي يا ابن الموكوسه اني خريجه تجاره يعني الحسابات لعبتي وياريت لاعب في الدفاتر عدل لا دي مكشوفه لأي عيل اهبل بس اصبر على رزقك دورك جاي مهو شكل الفيران طلعت من جحورها وانا بعون الله هارجعكم ليها من تاني 

فاقت من شرودها على صوت امها

حور : ها بتقولي ايه يا أما 

هدي بإستغراب: مالك ممققه عينك في الورق اللي قدامك وسرحانه في ايه

حور: لا يا أما سلامتك دانا براجع حسابات الشغل الشهرين اللي فاتوا 

هدي: ربنا معاكي يا ضنايا ويحميكي ويكفيكي شر أولاد الحرام قادر يا كريم

حور بابتسامه:  اللهم امين ربنا يخليكي ليا يا أما بالحق اعملي حساب البت شذا بكره على الغدا معانا واعمليلها محشي وملوخية وبط وفراخ طفسه وانا عارفاها

هدي بتردد: بس يا بنتي مينفعش

حور بإستغراب:  مينفعش ايه يا هدي

هدي بتوضيح: مينفعش المحشي وابوكي الله يرحمه ليه اسبوعين ميت مينفعش قبل الأربعين الناس هتاكل وشنا يا ضنايا

حور بإندهاش: ايه علاقه الأكل بالميت يا هدي مش فاهمه 

هدي بصبر: عيب مينفعش المحشي والسمك يا حور الا بعد الأربعين عادات يا بنتي والناس خدت عليها 

حور بتفهم: طيب يا أما أنا هانزل دلوقتي اجيبلك الحاجات في العربيه من السوق الكبير واحطها في كيس اسود علشان محدش يشوفها واظن الريحه الناس محدش هايعرف مين اللي طابخ تمام يا هدهد

هدي بقله حيله: لله الأمر من قبل ومن بعد حاضر يا ضنايا هاتي الحاجه في الدرا  كده وانا هاعملك اللي يشرفك

حور ضمت امها في حضنها: تسلميلي يا ست الكل اللحق انا اروح اجيب الحاجات

ونزلت حور ساعه وكانت جابت كل الطلبات ودخلتها المدخل وقفلت الباب

حور :يا هدي تعالي شيلي معايا

هدي :ايه كل الأكياس دي 

حور: فاكهه وطلبات للبيت يا أما اخلص بقى وحولي الحاجات معايا

هدي : طيب يا حور 

يوم الجمعه صحيت حور بنشاط وقامت غسلت وشها واتوضت وصلت الضحى 

حور بذهول:  بتعملي ايه يا أما 

هدي بخضه وتفت في عبها: بسم الله الرحمن الرحيم  حرام عليك يا بت وقفتي قلبي في ايه حد يدخل كده زي القضا المستعجل 

حور بعنين مبحلقه: لا والله طيب حقك عليا يا غاليه المره الجايه هاتنحنح بتعملي ايه بقى من النجمه 

هدى:  بجهز المحشي عملت التقليه وأهي على النار بتتسبك وسلقت الكرنب ووضبت ورق العنب وبقور الكوسه والبنتجان 

تعالي بقى ارطفي الملوخيه على ما اخلص 

حور : لا والله بتدبسيني يعني

هدى بشخطه: اخلص يا بت بقى وجع في مصارينك انا لسه هالف واحشي يا اختي داه بدل ما تقولي خليكي يا أما وانا اللف عنك 

حور بذهول: الله صلاه النبي بتجبيها في اربيزي يعني اه وماله يا اختي هارطف الملوخيه مأرطفشي ليه هو انا صغيره بدل ما القيكي دبستيني منا عارفاكي يا هدي 

هدى بإبتسامه:  ربنا يرضى عليكي يلا بقى علشان اللحق اخلص

خلصت هدى لف كان وقت صلا الجمعه 

يلا يا حور نصلي وانا هاجي ازود يكون البط استوى 

حور :طيب ما تزودي من مرقه الفراخ مهي استوت أهي وخلصت

هدى بشرح وتوضيح :  لا هازود من مرقه البط مرقه البط دسمه ووشها سمن تخلي المحشي مفحفح ووشه بيلمع يلا بقى وبلاش عطله 

حور بإندهاش: يلا 

اتوضوا وصلوا وقامت هدى تكمل الأكل ورن تليفون حور

حور: ايوه يا هندسه وصلتي فين 

شذا : انا على اول الحاره أهو 

حور: طيب هافتحلك الباب 

دقيقه وكانت حور في حضن شذا ومتبته فيها 

شذا:  البقاء لله 

حور ونعم بالله وهي لسه في حضنها 

شذا بضحك علشان تخرج حور من جو الحزن اللي فيه : تعالى في حضن اخوك يا فواز

حور بإبتسامه: لسه زي  ما انتي مش هاتتغيري

دخلوا الاثنين  وسلمت شذا على هدى 

شذا: البقاء لله يا طنط

هدى بوجع: ونعم بالله يا بنتي 

شذا بشمشمه: اممم الله أكبر محشي يا جدعان انا شامه الريحه من على اول الحاره وصقفت بيديها يا هدي يا جامده 

هدى من المطبخ بإبتسامه: مجايب حور هاتكون ايه اكيد مهبوشه زيها

شذا من الصاله:  مقبوله منك علشان ريحه المحشي بس

نص ساعه وكانت هدي رصه الأكل 

شذا قعدت قبل ما حد يقولها حتى تقعد 

حور بذهول لا بجحه بجحه يعني مفيش كلام

شذا كانت بتاكل في آخر زادها 

حور بصدمه بالراحه يا أما الأكل مش هايطير 

شذا وبوقها مليان أكل : يا بنتي بطني نشفت من أكل امي اللي هريتنا كل يوم بطاطس تقولي ابوها كان بياع بطاطس 

هدي بضحك:  الله يخيبك يابت قولي الحمد لله

شذا وهي مستمره في الأكل:  الحمد لله بس في أنواع تاني من الاكل غير البطاطس 

حور : حشي حشي يا اختي مهو مال سايب

شذا وهي لسه مستمره في الأكل:  منا باكل والله ما تعزمي

حور بلويه بق: اعزم هو انا لحقت يا حبيبتي انتي قومتي بالواجب وزياده انتي واكله نص دكر بط ونص فرخه لوحدك غير 3 اطباق ملوخية وغير المحشي اللي اتنسف انتي لو جايه من مجاعه الصومال وكتاب الله ماهاتكلي كل داه

شذا وهي مستمره في الأكل:  طب والله دانا حتى اكلتي قلت اليومين دول 

حور بذهول وصدمه:  لا على يدي يا بت كنت انتي قاعده كده والأكل الضعيف قاعد النحيه التانيه بتحشي حش الحمير في النجيل لا الحمير بتشبع ولا النجيل بتخلص وبرغم داه كله عامله زي خله السنان

شذا بضحك: داه قر بقى ولا ايه 

حور بتلويه بقوها يمين وشمال:  هاقر على ايه يا حسره انا عملت المحشي وشوفته واعدم عمي لو كنت ذوقته 

شذا بضحك وهي بردوا لسه بتاكل: هاتطمعي مش كفايه عملتي وشميتي سبيني بقى اكمل أكل 

حور وهي ناقصه العياط: كلي يا اختي ادخلي يا أما هاتيلها قعر الحله تاكل اللي فيه 

هدى بضحك: يابت هاتعدي على البت اللقمه

شذا بتأييد: ايوه والنبي يا هدي قوليلها

حور بصدمه:  لقمه دي واكله الخبزه كلها ال لقمه قال

شذا : والله منا واكله سديتي نفسي

حور بصدمه وهي بتبص على الأطباق الفاضيه: لا اخص عليا ازي اقعدي يا حبيبتي اقرشي الأطباق مهي اللي باقيه

هدى بضحك:  خلاص يا حور بقى وحدي الله 

حور وهي ناقصه العياط:  لا إله إلا الله يا أما انكتمت اهو وحطت ايدها على بوقها

هدي بضحك: طيب يلا خلينا نشيل الأكل

حور بحسره: اكل هو فين الله يرحمه كان ابن حلال بصي بقى انا جبت وعملت انا وانتي هي بقى اللي تشيل

هدي: عيب يا حور دي ضيفتك 

شذا طلعت بعد ما غسلت ايدها: تسلمي يا هدي كوبايه شاي بقى بنعاع وتبقى عملتي معايا احلى واجب علشان نهضم 

حور بتزوج بوقها يمين وشمال: دي عايزه صندوق حاجه سقعه علشان يهضم اللي كلته داه كله 

هدى شاورت على عنيها: من عنيا يا ضنايا احلى كوبايه شاي بنعناع أخضر كمان وسابتهم وبدئت تشيل الأكل  

قعدت حور وشذا في الصاله 

شذا : ايه بقى هنتحرك أمته العصر قرب يأذن

حور : نشرب الشاي وعلى أقامه الصلاه على نتحرك بس فين الكاميرات انا شيفاكي جايه بطولك

شذا بتبرقه عنين: في العربيه ليه فاكره جايبه تاجر شنطه من بورسعيد هاجيبلك الكاميرات في هاند باج ولا ايه 

حور بهزه رأس:  تمام نشرب الشاي وعلى العصر نتحرك بإذن الله 

قطع كلامهم هدى وهي بتحط صنيه على كوبايتين شاي بالنعناع

شربوا الشاي وفعلا بعدها بدقايق اتحركوا 

شذا بإستغراب: احنا رايحين فين

حور: داه مكان مختصر وكمان علشان محدش يبقى قاطرنا انا عايزه الموضوع في الدرا فهماني

شذا: تمام طيب والعربيه 

حور هانركنها في حاره قبل الورشه ونكمل الباقي مشي علشان لو وقفنا قدام الورشه اي حد ممكن ياخد باله 

شذا: طيب والكراتين اللي فيها الحاجات 

حور بنفاذ صبر:  اكيد هانشيلها انا وانتي اخلص بقى 

دقايق ووصلوا المكان وفعلا حور نزلت كرتونين كبار جدا جدا  واتحركوا وخلال دقايق كانوا وصلوا حور طلعت المفاتيح وفتحت ودخلت هي وشذا وقفلت المكان تاني

شذا بإستغراب: قفلتي ليه يا بنتي 

حور بعصبيه: شذا بلاش الغباء يطفح الله يسترك الورشه على الطريق والرجل راحه جايه يعني اي حد ممكن ياخد باله خلينا نخلص بقى يلا ابدأي 

شذا :عايزه سلم 

حور : عندك اهو جابتلها السلم وفعلا خلال 3 ساعات كانت شذا خلصت كل حاجه

حور: ها هانعمل ايه بقى 

شذا: انا كده ركبت الكاميرات ووصلت دوائر الكهرباء فاضل بقى نسطب البرنامج على التليفون وكل دبه نمله هاتشوفيها صوت وصوره

حور بقلق واستفسار:  طيب هو ممكن حد ياخد باله من السلوك اللي ركبتيها دي

هزت شذا رأسها بنفي: لا يا حبيبتي انا عملتها على البوات العمومي علشان ميبقاش ليها دخله ظاهره في الورشه خالص اطمني وطمني قلبك

حور: تمام التليفون أهو 

شذا: بصي هو أفضل يكون تابلت علشان تشوفي أوضح وكمان تقدري تشوفي اكتر من مكان 

حور ثواني ودخلت من باب جانبي هي وشذا وطلعت مكتبها وفتحت الدرج وطلعت تابلت 

حور: اتفضلي ياست 

شذا: تمام هاتي وبدئت تسطب البرنامج وشغلت كل الكاميرات وبدئت تعرف حور كل كبيره وصغيره عليه وازاي تحتفظ بكل حاجه

حور: حلو اوي كده

شذا : اي خدمه

حور:  طب يلا بقى نقفل المكان ونلم الكراتين والورق داه كله 

شذا : يلا يا اختي يلا 

وفعلا لموا كل حاجه وخرجوا وقفلت حور المكان تاني زي ما كان ورجعوا العربيه وهما ماشيين حور عدت على مقلب زباله كبير كانت العربيه بتشيل الزباله نزلت وعطت الرجل الكرتونه واللي فيه النصيب وكملو طريقهم

شذا: ناويه على ايه

حور: الله اعلم المستخبي كده هيبان

شذا : ان شاء الله خير 

حور : ونعم بالله 

نزلت حور على اول الحاره وكملت شذا طريقها

رجعت حور البيت والتابلت بقى ملازم ايدها 

وعدا اسبوع على نفس الحال وحور بدئت تقلل من مرواحها الورشه على قد ما تقدر 

وداه خلى هدى تستغرب 

ووائل اطمن وافتكر ان حور خلاص تعبت من شغل الورشه والدنيا هاتخلاله من تاني 

وتاني أسبوع وائل كان اتفق مع المعلم جمعه انهم يرجعوا للشغل تاني وان حور بقت سايبه الورشه طول الوقت 

وتاني يوم بعد الشغل ما خلص جاب جمعه 4  عربيات مسروقه ومبلغ بيها ومعاه عمال وصنيعيه من اللي شغالين معاه وفكوا العربيات وقطع الغيار السليمه خدها وائل وحطها في كراتين قطع الغيار اللي طلعت من الورشه ودخلها المخزن وهو مطمن

جمعه بضحكه: ايوه كده أيام العز رجعت تاني الا الواحد نشف بسبب بنت عامر الكام يوم اللي فاتوا دول يا ساتر من دي بت

وائل: على قولك يا ساتر البت طالعه لابوها كان دوغري الله يرحمه بقى متجوزش عليه إلا الرحمه بس بردوا اكل العيش عايز فهلوه

جمعه: اومال داه نهر فلوس يا أبا كده انا هاخد الخرده واحملها ونصيبك منها هايوصلك

وائل:  تمام ولما القطع دي تطلع:  نصيبك في الحفظ والصون 

جمعه: تمام يا معلَمه

وائل: تمام يا معلم

واتحرك كل منهم في طريقه غافلين عن التي تسمع وترى كل شيئ وداخلها نار تحرق الأخضر واليابس

وفضل الموضوع يتكرر كل يوم ولمده أسبوع وحور متبعاهم كده تمام اوووي كده جبتوا اخركم

وتاني يوم حور وصلت الورشه وهي ناويه على نيه

يا ترى حور ناويه على ايه تااااني يا بنت عامر ويا ترى هاتلحقي ولا القدر له رأي تاني…..؟

هانعرف الفصل الجاي

يتبع

تكملة الرواية من هنااااااااااااا