رواية المبروكه الفصل 1-2-3-4-5بقلم رشا منصور جميع الفصول كامله وحصريه مدونة قصر الروايات
رواية المبروكه الفصل 1-2-3-4-5بقلم رشا منصور جميع الفصول كامله وحصريه مدونة قصر الروايات
#الجزءالأول
#المبروكه
أنا الست مبروكه الناس اللى طلعت عليا الإسم ده لكن أنا أسمي الحقيقي نهي دلوقتي بكتب لكم وأنا في زنزانه السجن منتظرة تنفيذ حكم' الاعد'ام عليا علشان كده قررت احكيلكم قصة حياتي وايه اللى وصلني للي أنا فيه دلوقتي يمكن حد فيكم يتعلم من غلطتي ويمكن حد منكم يدعيلي ربنا يسامحني
حكايتي بدأت من 35 سنة
كنت لسه في الاعدادى وكنت وحيدة ماليش أخوات وعايشه مع أمي أصل أبويا مات وأنا لسه عندى خمس سنين وكنت متعودة بعد ما أكتب واجب المدرسة اطلع ألعب مع البنات في الحارة وكان في بنت محدش يقدر يزعلها وتحسسنا أنها بتمن علينا لما تلعب معانا كنت بتغاظ من أفعالها وبغيير منها في نفس الوقت أصلها كانت بتلبس هدوم حلوة أوى ودهب وحاجات عمري ما شوفتها ولما سألت عليها عرفت أن خالتها تبقي الست لواحظ ودى واحدة لها في الأعمال والسحر' ومكنش عندها عيال وبتعتبر البنت دى زى بنتها علشان كده محدش يقدر يزعلها أحسن بعدين تزعل منه الست لواحظ
قررت من وقتها انى لما أكبر أتعلم السحر' علشان يبقي عندى فلوس كتير واجيب كل اللي نفسي فيه ومكنش فارق عندى يعني ايه حلا'ل ولا حر'ام أنا عاوزة يكون عندى فلوس وبس وكبرت والفكرة كبرت في دماغي ولما اتفرجت مرة ع فيلم البيضة والحجر وأنه كان مدرس وبعد كدا بقي مشهور واسمه في كل المجلات وحتى لما اتقبض عليه الضابط كان بيعمله حساب قررت أنا كمان ادخل كليه الاداب واشتغل مدرسة علشان محدش يقول عليا جاهله والناس تصدق كل اللى أقوله وكمان ميتقبضش' عليا ولما يسألونى فلوسك دى منين اقولهم من التدريس بس للأسف امى ماتت وبقيت لوحدى في الدنيا ولقيت عمي قالي تعالي عيشي معانا فرحت ما أنا كنت لسه في ثانوية عامة بقلم رشا منصور ومش عارفه اصرف ولا اعيش منين وكمان كنت بحب سعيد ابن عمي من صغري رغم أنه ميعرفش حقيقة مشاعري وقولت يمكن لما اكون قدامه يحس بيا هو كان أكبر مني بتلات سنين وكان في كليه حقوق روحت اعيش معاهم وكملت دراستي ودخلت كليه آداب قسم علم نفس وابن عمي خلص دراسته وسافر يكمل يعمل دراسات عليا في بلاد بره وأنا قررت أروح ادور على الست لواحظ كان لازم اتعلم السحر قبل ابن عمي ما يرجع من السفر وخصوصاً أن مرات عمي مصممه تجوزه بنت أختها علشان كده كان لازم افكر إزاى اخرج من البيت وخصوصاً أن عمي معاه جدول المحاضرات وأوقات كتير كنت الاقيه واقف منتظرني عند باب الكلية علشان كده فكرت اقوله إني هروح شقة أمي انضفها وافضي الصاله علشان أحاول ادي دروس فيها وافق وبقيت اتعمد أنى ابات بحجه أن الشقه بقالها سنين مقفوله ومحتاجه تنضيف جامد وأنا بنضف كل يوم ساعتين بعد ما ارجع من الكليه واستغليت الفرصة علشان اروح ل الست لواحظ ولما وصلت هناك لقيت مها بنت أختها كانت جايه تزورها قولت لها أنا جايه ل خالتك استغربت قالتلي ايه هتعملي عمل لحد ولا يكنش بتحبي وعاوزة تعملي جلب له
قولت لها لا عاوزاها في حاجه تانيه وهنا لقيت الست لواحظ خرجت ليا وكانت عامله زى المعلمين بتوع السوق وعمرها حوالى خمسة وخمسين سنة فضلت بصالي شويه وبعدين قالت ليا هتيجي كل يوم تنضفي البيت وتعملي الأكل وتمشي بصيت ل بنت أختها قولتها هو انتوا طالبين خدامه قالت لأ
لقيت الست لواحظ بصتلي وقالتلي ايه انتي فاكرة اني هعلمك ببلاش وانتى معكيش فلوس تدفعيها تبقي تشتغلي خدامه عندى أن كان عجبك قولت لها عجبني بس هجيلك كل يوم بعد المغرب لأن مش عاوزة حد يعرف من أهلي وافقت
وبقيت يوميا اخرج من الجامعه ع بيت عمي اتغدي واطلع على الشقه بتاعتي اقعد لحد المغرب وبعدين انزل اروح للست لواحظ أقعد عندها ساعتين اوضب لها كل حاجه واروح تاني وفضلت ع كدا عشر أيام لحد ما حسيت أنها بتضحك عليا وبتستغلني' روحت لها البيت الصبح بدري وقولت لها من الاخربقلم رشا منصور هتعلميني هخدمك لكن غير كدا لأ أنا مش بشتغل ببلاش زى ما انتي مش بتعلمي حد ببلاش قولتي ايه
قالت ليا جهزى نفسك تكونى عندى بعد العشاء انهاردة قولتها ماشي ونزلت روحت الجامعه وطلعت لقيت عمي منتظرني فقصدت أعلي صوتى وأنا بكلم في موبيل صاحبتي وأقول مركز تدريس وده فين اة تمام اجيلك بالليل ونروح سوى يمكن ربنا يكرمنا وقفلت واستأذنت من اصحابي وروحت ع عمي وسألني طبعاً ع المكالمه وإذا كنت بعمل كدا علشان الفلوس وهو مش مقصر في حقي قولت له
لأ ده المراكز دى بتشغلنا أصلا من غير فلوس وقليل جدا لو ادونا حق مواصلاتنا بس بناخد خبره والطلبه بتعرفنا وأول ما نتخرج من الجامعه وبنشتغل في المدارس وقتها هما بيشغلونا بفلوس بس ادعيلي يا عمي قالي يابنتي ربنا يحقق مرادك قولت يارب
وطبعاً مرات عمي فرحت وقالت يمكن يدوكى فلوس مش مهم في الأول تشتغلي بفلوس قليله بس بعد كدا هتكسبي قولت لها عندك حق يا مرات عمي
ونزلت قبل العشاء علشان الحق ميعادى مع الست لواحظ ولقيتها بتقولي هتيجي معايا مشوار بصراحه مكنتش مطمنه وخايفه تعمل فيا حاجه ولقيت التاكسي مستني وروحنا ع المقابر كنت مرعوبه وقالت للسواق ......
#رشا منصور
#الجزءالثاني
#المبروكه
ولقيت التاكسي مستني وروحنا ع المقابر كنت مرعوبه وقالت للسواق استني.
هنا نص ساعه وجايه ونزلت معاها وأنا بترعش المقابر بالليل ترعب أوى ولقيتها نادت ع التربي ولما جه قالته
الست لواحظ.....
ايه يا شعبان فين المطلوب خلينا نخلص مافيش وقت
عم شعبان....
تعالي ورايا يا ست لواحظ ده أنا مجهزلك طلبك ولسه طازة
مشينا وراه لحد ما وقفنا عند قبر' مفتوح ولقيت الست لواحظ طلبت مني أنزل مع عم شعبان وهو عارف هيعمل ايه قولت لها لأ انتى ناويه ليا ع إيه
الست لواحظ.....
فى ايه ياعين أمك مش عاوزة تتعلمي انزلى مع الراجل وهو بيحط العمل وتشوفيه بيعمل ايه
نزلت معاه وأنا سناني بتخبط في بعض ولقيته فتح الكفن وفتح بوق الميت بالعافيه وقالي حطي العمل بسرعه حطيته وقفل بوقه ورجع الكفن تاني وقالي يلا بينا كنت سامعه أصوات وحاسه بحركه وفضلت اتلفت طول ما أنا ماشيه في المقابر وقربت ع الست لواحظ وقولتها أنا حاسه بحد بيراقبنا وماشي ورانا قالتلي
أمشي وانتى ساكته وركبنا التاكسي وبمجرد ما وصلت ونزلت قالت ليا روحى وبكره الصبح بدري تيجي روحت ع بيت عمي وأنا بتنفض وقولت لهم أنى خوفت اروح المركز لما لقيته جنب المقابر وجريت وفي الليلة دى شوفت كوابيس أن الميت صحي وماسك في رقبتي وفي أصوات صر'يخ وقومت مفزوعه من النوم وفضلت ع كدا لحد ما الشمس طلعت قومت جهزت ونزلت وروحت لها لقيتها حاطه قماش وورق وحبر أحمر وبخور وازايز صغيرة كدا عامله زى ما تكون زيت بس لونه غريب وحاجات تانيه مكنتش عرفاها وقالتلي اقعدى وفتحي دماغك معايا وفضلت تفهمني ازاى نكتب العمل والأرقام والرسومات وفضلنا لحد العصر قولت لها لازم امشي بسرعه علشان عمي وأول ما روحت
عمي.....
كنتى فين يا نهي فضلت واقف على باب الجامعه اكتر من نص ساعه وافتكرتك جيتي البيت كنتى فين
نهي....
صاحبتي اللى كنت معاها امبارح فجأة وأحنا في المحاضرة صر'خت وفضلت تعيط باين عليها اتلبست يا عمي خدتها أنا وزميلي وروحناها البيت وأنت عارف أنا مش معايا تليفون علشان اكلمك ومكنش ينفع اسيبها كدا وأنا الوحيدة اللى عارفه بيتها
عمي....
لا حول ولا قوه الا بالله كويس يابنتي أنك جريتي امبارح ومدخلتيش معاها المقابر
نهي....
دخلت ع الاوضه وفضلت اكتب كل حاجه اتعلمتها علشان منساش وخبيت الورقة معايا احسن حد يشوفها
وتاني يوم قصدت اتعلم سحر المحبه والطاعه وفضلت كل يوم اطلب من الست لواحظ اتعلم حاجه جديده وبردو كنت بنضف واغسل واطبخ لها وأوقات كنت بقعد معاها والزباين عندها بس كنت بحط طرحه ع وشي أحسن حد يعرفني ويبلغ عمي وفضلت ع كدا أكتر من ستة شهور وقدرت بعدها أعمل تسخير القرين
ايوة سخرت قريني لخدمتى علشان اقدر أعرف اللى قدامى بيفكر في ايه وعاوز ايه من غير ما يتكلم وفي يوم وأنا عند الست لواحظ لقيت واحدة قاعدة عوزاها
قدرت اخلي قريني يتواصل مع قرينها وفهمت كل حاجة وعرفت أنها شاكه أن حماتها عامله لها عمل علشان متخلفش وأنها سقطت كذا مره وعرفت أن مافيش ولا عمل ولا حاجة بس مكنش ينفع اقولها كدا قولتلها ياعيني عليكي دى ست مؤ'ذيه أوى
قالتلي بتكلمي عن مين قولتلها حماتك هو في غيرها عملت لكي سحر' انك تفضلي تسقطي ومتخلفيش علشان تخلي ابنها يطلقك' قالت ليا انتى عرفتي ازاى باين عليكي مبروكه شوري عليا أعمل إيه قولتلها
الست لواحظ عندها الحل بس زى ما تطلب منك تنفذي وطبعاً لواحظ كانت سامعه كل حاجه وفرحت وبعد ما الزبونه مشيت قالت ليا عجبتيني يابت يا نهي أنا بعد كدا هخليكي تقبلي الزباين
وراحت اديتني مئه جنيه وقتها كان ده مبلغ كويس فرحت أوى وفكيت الفلوس وروحت ل عمي قولت له أنا قبضت شهر مقدم خمسين جنيه من واحدة ست عوزانى ادى ل بنتها درس خصوصي وفرح عمي ومرات عمي قالت ايوة كدا وعرفت من قرينها أنها مستخصرة الفلوس اللي بيدفعها ليا عمي
روحت قولت لها خدى يا مرات عمي العشرين جنيه دول مساهمه منى في مصروف البيت وعمي كان هيرفض راحت قالت له وماله وفيها ايه ودعتلي طبعاً وقولت لها كل ما اقبض أى فلوس هديكي منها وع بالليل نزلت بحجه الدرس الخصوصي وروحت للست لواحظ وبقيت البس عبايه سوداء واحط الطرحه ع وشي ومع الوقت بقيت أنا اللى بقابل الناس واعمل لهم الأعمال وقررت ساعتها أنى اتوسع أكتر علشان كده قررت اروح المقابر واسخر القرين الحر اللى ملوش صاحب واخليه في خدمتى وبقيت املك عشرين قرين ده غير قريني
وهنا قررت اعيش في شقتي وخصوصاً بعد ما ابن عمي ما رجع من السفر وبصراحه مرات عمي ما صدقت لأنها خايفه يكون ليا تأثير على ابن عمي ومصممه تجوزة ل بنت أختها وأنا بينت لها انه زى اخويا مش إكتر وقررت أنى اتجوزه غصب عنها
يتبع.... #رشامنصور
#الجزءالثالث
#المبروكه
كنت أقدر اعمله سحر' محبه لكن أنا عوزاه يحبني ويقتنع أنى مناسبة له ومن غير سحر وبقيت اروح لهم زيارة مرة كل أسبوع واخد فاكهه وخضار وحاجات للبيت وادى ل مرات عمي فلوس قدام عمي واقوم اروق البيت واساعد في عمايل الأكل والغسيل علشان ابين ل سعيد ابن عمي أنى ست بيت شاطره وطوع أبوة وامه وكنت بلاحظ نظرات عنيه ليا وفي مرة روحت لقيت بنت خالته وامها موجودين وجت مرات عمي تقولى تعالي أعرفك على عروسه سعيد بصيت ل سعيد لقيته بيقولي سلمي على سمر بنت خالتي وأختى وقام وسابهم فرحت من جوايا وعرفت انه مش عاوزها بصيت ل سمر وقولت لها الله أكبر عليكي ايه الجمال ده ألف مبروك يا حبيبتي وأن شاء الله الخطوبه امتى يا مرات عمي ولا مش مستهله خطوبه ما تعملوا الفرح ع طول ولا ايه رأيك يا مرات عمي
قالت ليا حبيبتي يا نهي عندك حق ده أنا خطباها ل سعيد من وهى فى ابتدائي شوفتي حلاوتها طلعالي قولت لها بصي يا سمر أى حاجة عوزاها أنا أختك وأخت سعيد قوليلي اروح معاكي نجيب أى حاجة نقصاكي في الجهاز وكنت عامله حسابي وجايبه قطرة وفيها عمل بالكراهية كنت مخليها في شنطتي ع طول وقومت علشان اجهز الأكل وقولت ل مرات عمي ميصحش تقومى وتسيبي العروسه أنا هجهز الأكل وروحت نقطت بالقطرة جوه جزمه سمر وخدت فتله من الشراب بتاعها وبعد الأكل قولت لهم معلشي بقي علشان عندى دروس ومشيت وأول ما روحت عملت عمل بالمرض ل سمر بس من جوايا مكنتش عاوزه أى اذي لها أنا عاوزة اعطل الجوازة لحد ما سعيد يفر'كش الجوازة بنفسه وطورت من نفسي في الشغل وبقيت أنا اللى بشوف الزبائن واخد الفلوس بالنص ده غير اسلوبي في كلام ومنكرش أن دراسة علم النفس كانت لها فايدة كبيرة في تأثيري ع الناس وبالذات الناس المتعلمه كنت بكلمهم بلغتهم بالعقل والمنطق وبقيت اقنعهم بالأعمال وقدرت اكسب كتير واتعرفت عن الست لواحظ بأسم المبروكه بس صممت أن يتعرف أنى بفك الأعمال والاعطال وبس وأنى ماليش في أى حاجة مضره بس كنت بعمل كل حاجه يعني لو محتاجه فلوس من واحدة ممكن اخليها تتعب فجأة واخلي القرين يلعب في دماغها أنها محسودة وتجيلي وياما دخلت ناس في مشا'كل من غير سبب وبمجرد ما أحضر كل حاجه تنتهي ويقولوا ده بفضل بركه المبروكه كنت فرحانه بنفسي أوى
وكنت بعرف كل حاجه بتعملها مرات عمي وبعد اسبوع روحت عند عمى وسمعت المفاجأة مرات عمي قاعدة مش طايقه نفسها وقدرت اعرف من قرينها أن في مشكله حصلت بينها وبين أختها وبنت أختها وان الجوازة احتمال مش هتكمل لو المشاكل زادت بينهم طبعا عملت نفسي مش عارفه حاجه وقولت لها مالك يا مرات عمي القمر زعلان من ايه اوعي يا عمي تكون مزعلها دى هى الخير والبركة ونصك الحلو
عمي....
والله يا بنتي ولا زعلتها ولا حاجه هى لوحدها كدا مش عارف مالها
نهي....
بس أنا عرفت يبقي علشان مش بتخرجها لها حق تزهق من قاعدة البيت وفتحت شنطتي وطلعت مئة جنيه وقولت لها اتفضلي يا قلبي دى لكي ملهاش دعوه بمصاريف البيت هاتى أى حاجة ممكن تفرحك مش عاوزة اشوفك زعلانه تاني انتى عارفه أن أمى ماتت وأنا من بعدها اعتبرتك امي وانت يا عمي في مكانة أبويا وأنا ربنا عوضني بكم وربنا يقدرني وأرد جمايلكم عليا
مرات عمي.....
حبيبتي يابنتي ربنا يسعدك ويخليكي ليا يارب سبحان الله أوقات ربنا بيسبب الاسباب علشان يشيل الغشاوة من ع عين الواحد
نهي....
طب يلا بقي قومى البسي وأنت يا عمى قوم خرجها اتمشوا في أى مكان لحد ما تهدى أعصابها وأنا هعمل الأكل واوضبلك البيت ولما اخلص هتصل عليكم ما أنا جبت موبيل اهو علشان بينفعني في الشغل
وروحت شلت السجادة وجبت جردل ميه رميته ع الأرض وقولت لهم يلا انتوا اخرجكوا ورايا شغل كتير ولازم اخلص قبل المغرب علشان عندى درس
مرات عمي.....
ده تعب عليكي يابنتي ملكيش حق انتى جايه تقعدى معانا ولا تهدي حيلك في شغل البيت
نهي....
بلاش الكلام اللى يزعل ده هو أنا مش بنتك ولا ايه وبوستها 😘 ودخلت ع المطبخ وأول ما مشيوا كنت مجهزة عمل جديد بس المرة دى ل مرات عمي
ووضبت الشقه وعملت الأكل وروحت رشيت من العمل ع باب الشقه بعد ما حطيت طرحه مرات عمي اللى كانت لبساها فيه علشان العمل يشتغل عليها هى وبس واى حد تانى يمشي عليه ميحصلش معاه حاجه وبعد كدا غسلت الهدوم ونشرتها وروحت عند سرير عمى وفتحت خياطه المرتبه اتجاه اللى بينام فيه عمى وحطيت عمل تاني بس بالكرا'هية من سمر بنت أخت مرات عمي اصل أنا لما اخدت فتله الشراب قطعتها تلات قطع صغيره
قطعه عملت بها العمل ل سمر والقطعه التانيه العمل ل عمي وقولت احتفظ بالقطعة التالته محدش يعرف الظروف وخيطت المرتبه تاني بدقه شديد علشان ميبنش أى حاجة واتصلت على عمي قولت له أنا خلصت كل حاجه والأكل فضله نص ساعه ويبقي استوي ع ما توصلوا يكون جاهز وظبطت نفسي بعد البهدله بتاعه التنفيض ولقيت سعيد ابن عمي وصل
يتبع..#رشامنصور
#الجزءالرابع
#المبروكة
سعيد....
نهي عامله ايه اومال فين الجماعه أنتي لوحدك هنا
نهي...
اة لوحدى بصراحه لقيت مرات عمي شكلها زهقان قولت ل عمي خدها خرجها شويه وقولت أنا اروق البيت واجهز الأكل يمكن أقدر افرحها
سعيد...
أنتى ملاك من السماء يا نهي ع فكره أنا زمان مكنتش اعرفك كويس بس لما جيتي تعيشي معانا لقيتك هاديه ومطيعه وكمان قنوعه جدا ويمكن دى اكتر الصفات اللى عجبتني فيكي ده غير أنك جميلة يعني فيكي مواصفات يتمناها أى شاب وأنا علشان كده عاوز اتاكد من حاجه
نهي....تتأكد من إيه
سعيد.... أنا عارف أن البنات في فترة الجامعه بيكون في ارتباطات بينها وبين زملائها قصدى يعني أنتى بصي أنا عاوزك تصرحيني ومتخا'فيش مني
نهي....
سعيد أنا فهمت أنت عاوز تسأل عن ايه وابسط اجابه أن عمي كان معاه مواعيد محاضراتي واوقات كتير كان بيجي الجامعه يوصلني من غير ما يقولى واوقات كان بيدخلي ينتظرني أمام قاعه المحاضرات ولسه بس انهاردة جيبت موبيل وجيت علشان أعرف عمي رقمه يبقي ارتبطت امتى وازاى
أنا يا سعيد واخده عهد ع نفسي أنى أحب الشخص اللى هتجوزه ومش هسلم قلبي لحد غيره
سعيد....
أنا اسعد واحد بالكلام ده .... نهي أنا أنا عاوز اتجوزك أنا معجب بكي من قبل ما كنت اسافر بس قولت انتظر لما تدخلي الجامعه واكون أنا رجعت واشتغلت هنا قولتي ايه
نهي....
سعيد أنا مش عارفه اقولك ايه أنا دايما بسمع مرات عمي بتقول أنها هتجوزك سمر بنت أختها وخايفه تقول عليا أنى خطفتك' منها وأنت عارف أنا ماليش أهل غيركم
سعيد....
أنا استحاله اتجوز حد غيرك المهم عندى موافقتك أنتي
نهي....
أنا موافقه يا سعيد أنت إبن عمي واكتر واحد يحافظ عليا وكمان أنا واثقه في اخلاقك بس عندي طلب استني شويه لحد ما موضوعك مع سمر ينتهي خالص مش عاوزة حد يفهمني غلط ولا مرات عمي تزعل مني وأنا بعتبرها أمي
سعيد....
وأنا هنفذ طلبك ومش هجيب سيرة نهائي لحد ما الموضوع كله ينتهي وكفايه عليا أنى عرفت بموافقتك
بقلم رشا منصور هاتي رقم موبيلك وخلي بالك من اللحظه دى أى خطوة واى حاجه تعمليها تبلغيني بها أول بأول ولو قولت ع حاجه لأ تبقي لأ فاهمه
نهي....
عملت نفسي مكسوفه وقولت له حاضر واديته الرقم وقولت له لازم امشي قبل ما عمي ومرات عمي يوصلوا وأنت قولهم انك قابلتني ع السلم وأنا ماشيه يلا سلام وع فكره أنا عندي درس كمان ساعه هعدى ع البيت اغير هدومى وانزل ع طول ومشيت
مشيت وأنا من جوايا حققت اللى أنا عوزاه سعيد ده من حقي أنا وهيكون ملكي لوحدى وكان لازم اكسب قلبه من غير سحر' عارفه أن في منكم هيقول عليا خبيثه مش مهم أهم حاجه إني اخدت قلب سعيد ولسه لما العمل يشتغل
وخدت بعضي وروحت البيت واخدت شاور ونزلت روحت عند الست لواحظ وطبعاً سايبه عندها العبايه السودة والطرحه ع الرغم أن بقي ليا زبايني بس أنا كنت بختار ناس معينه يعني الجماعه الاغنيه والمثقفين وبالذات اللى من محافظات تانيه
وخلصت مع الزباين وطلبت من الست لواحظ تعلمني إزاى أعمل اعمال الربط
دى إكتر حاجه الناس بتشتكي منها رغم أن أوقات كتير بيكون السبب نفسي مش إكتر أو بسبب مس عاشق لكن مش بيكون في أعمال لكن ع مين أنا كنت عندى القدرة أقنع الشخص أن اقرب حد ليه هو اللى عمله كدا
وطبعاً بفضل دراسة علم النفس والسيطرة على قرينه
وبقيت كل يوم اتعلم حاجه تانيه ومنكرش أنى كسبت فلوس كتير من وراء الست لواحظ بس فكرت لو في يوم حد سأل الفلوس دى منين علشان كده قررت ادى دروس بجد حتى لو مش هيجيلي منها مكسب المهم تكون ستار استخبي فيه
وفعلاً روحت ل جارتنا في البيت ودى كانت عامله زى شيخ الحارة عارفه الكبير والصغير وع طول قاعدة ع المصطبه اللى قدام باب البيت بره
قولت لها عامله ايه يا خالتي أم سيد وبعد السلام والتحية قولتها أنا بخلص الدروس وببقي فاضيه ساعات لو تعرفي
ناس غلابه من الحارة أنا ممكن اديهم بأجر رمزى اهو منهم اساعدهم ومنهم اصرف ع نفسي انتى عارفه ظروف المعيشة وانتى مش غريبة يا خالتي أنا لو جالى عريس مين هيجهزنى عمى كتر خيره لحد كدا ومش عاوزة اكون تقيله عليه
قالتلي ربنا يرزقك يابنت الناس الطيبين أنا هعرف الناس كلها وهبلغك انتى بنت اصول وتستاهلي كل خير وسيبتها وطلعت ع الشقه كنت تعبانه وجعانه جدا ولسه بفتح الموبيل لقيت سعيد بيتصل عليا 😲
نهي... الو سعيد ازيك أنا لسه واصله البيت حالا
سعيد.... قافله موبيلك ليه وكل ده بره
نهي....
بقفله لما ببدأ الدرس وانهاردة جت بنت جديده بعد ما خلصت قعدت معاها ساعه اراجع لها شويه من اللى فاتها واتفقت معاها كل مرة هديها ساعه بعد الدرس
ولما جيت لقيت خالتي أم سيد بره وقفت معاها شويه اطمن عليها يمكن تكون محتاجه حاجه دى ست كبيرة بردو
سعيد.....
حقك عليا كنت قلقان عليكي أوى عارفه يا نهي كل ما اعرفك بتكبري في نظري اكتر يعني مش كفايه تعبك في توضيب الشقه عندنا وبعد كدا الدروس ورواحه كمان تساعدى جارتك
نهي....
ربنا يقدرني ع مساعده الناس
أنا يا سعيد لولا عمي ساعدنى مكنتش هكمل تعليمي واكيد بردو في ناس محتاجه مساعده ويمكن معندهمش حد يقف معاهم يبقي لازم إحنا نقدم لهم المساعدة ولا ايه
سعيد....
عندك حق ربنا يقدرك ع فعل الخير
طمنيني انتي كلتي ولا لأ
نهي.... أنا لسه واصله البيت هاخد شاور واكل وانام ع طول حاسه اني مرهقه أوى
سعيد... تمام اسيبك ترتاحي تصبحي ع خير
نهي.....
قفلت مع سعيد وأنا مبسوطه أوى أول مرة اعيش الإحساس ده مافيش أجمل من الحب
بصراحه صممت أكتر أنى لازم سعيد يكون ملكي وجوزى في اقرب وقت بس هستني لحد مفعول الاعمال ما تجيب نتيجة وانتظرت أسبوع ع نار عاوزة اروح بيت عمي بأي شكل ويوميا سعيد كان بيكلمني وخلاني اتعلق به اكتر
وأخيراً فات الاسبوع وروحت من بدري على بيت عمي وخدت معايا عبايه بيتي تبين أنوثتي بحجه أنى اروق بها البيت بدل ما ملابسي تتبهدل
ولما وصلت عرفت من قرين عمي أنه عمل خناقه مع مراته وقال لها أختك وبنتها ميجوش البيت هنا تاني أنا مش طايقهم أنا مش عارف إزاى عاوزة دى تبقي مرات ابني بقي دى هتعيش معانا صبح وليل إذا كنت أنا مش طايق اسمع إسمها فرحت أوى وروحت سلمت ع عمي وبوست رأسه 😘 بصراحه يستاهل 😂😂😂
ولقيت مرات عمي قاعدة في اوضة النوم دخلت لها ولقيتها سرحانه وشكلها شايل الهم وعرفت من قرينتها أنها اتخنقت تانى مع أختها والمرة دى شتمتها لما أختها غلطت في سعيد وقالت لها انتى فاكرة ابنك ده ايه ده بنتي برقبته وصغيرة وحلوة وألف من يتمناها ده أنا غصبت ع بنتي توافق ع ابنك المعقد ده وطبعا مرات عمي قامت بالجواب كله إلا أبنها وبعد ما عرفت كل حاجه
قولت لها مالك يا مرات عمي أنا من المره اللي فاتت وحاسه أن في حاجه كبيرة مزعلاكي قوليلي مالك هو أنا مش زى بنتك ولا ايه
مرات عمي....
يتبع. ....
بقلم #رشامنصور
#الجزءالخامس
#المبروكة
مرات عمي....
والله يا نهي مش عارفه اقول ايه ولا اعمل ايه أنا من زمان وقولت اجوز سعيد ل سمر حتى لما سعيد ابني جاب تقدير عالي وسافر يعمل دراسات عليا بره وبنت أختى سقطت في الدبلوم ورفضت تكمل تعليمها
قولت لها وماله يا سمر وابني مكنش عاوزها وطول عمره بيقول أنها زى اخته وبعد كل ده أختى تقول ع ابني معقد وأنها هى اللى غصبت ع بنتها توافق عليه
نهي....
غصبت ع بنتها ده ايه
ليه هو سعيد ماله ده زين الشباب ومؤدب ومتعلم ده ألف من تتمني تتجوزه وع فكره يا مرات عمي متزعليش منى انتى اللى رخصتي من ابنك وأنا لو منك كنتى رديتي عليها وقولى لها أنا مش عاوزة بنتك ل ابني ومش بس كدا ده أنتى لازم تخطبي ل سعيد كمان علشان تتأكد أن في بنات كتير تتمناه خليها تندم وتحس بقيمته
مرات عمي....
والله يا نهي أنا كنت بفكر في كدا بس خايفه بعد ما اخطب له اخسر أختى محتارة يا نهي مش عارفه اعمل ايه وعمك مش طايق يسمع إسم سمر وبردو لو فكرت أخطب له تفتكري اختار له مين
نهي.....
من رأيي تسيبي سعيد هو اللى يختار مش يمكن يكون في واحدة زميلته في الشغل معجب بها ما أنتى قولتي أن مكنش عاوز سمر يبقي اكيد في واحدة تانيه شغله تفكيره
مرات عمي....
تصدقي ممكن فعلاً أهو ع الأقل تبقي خريجه جامعه بدل اللى مخدتش حتى دبلوم
نهي....
طب يلا قومى وفرفشي كدا وقولى ل عمي انك خلاص مش هتجوزى سعيد ل سمر علشان ميفضلش زعلان معاكي ويلا بقي أنا جايبه معايا فطار علشان نفطر كلنا سوى أنا هروح اجهز الأكل
ولما خرجت من المطبخ لقيت سعيد بيقولى محدش بقي طايق سمر أنا هنتهز الفرصة دى واقولهم أنى عاوز اخطبك
قولت له لأ روح قول ل عمي الأول وقوله أنى معرفش حاجه وانك هتبقي تكلم مرات عمي بعد كدا بس مش انهاردة واوعى حد يحس أنى عارفه حاجه علشان لو رفضوا ميبقاش فيها احراج ولا ليا ولا لهم
سعيد.....
حاضر يا نهي متخافيش أنا لا يمكن اتجوز غيرك حتى لو رفضوا مع أنى واثق أن ابويا هيوافق
نهي....
لسه هتكلم لقيت مرات عمي خرجت من الاوضة وشافتني واقفه مع سعيد بصيت لها وقولت اهي القمر طلع اهو سعيد كان لسه بيسألني عليكي يلا أنا هجهز الفطار بسرعه يلا يا عمي
مرات عمي... .
كنت بتقول ايه ل نهي يا سعيد شيفاك واقف منسجم معاها ده أيام ما كانت عايشه معنا هنا عمري ما شوفتك وقفت معاها كدا
سعيد..... وفيها ايه لما اكلمها مش بنت عمي
مرات عمي.....
فيها أنى عاوزة اجوزك وافرح بك ومدام مش عاوز سمر اهو نهي موجودة ومتعلمه وخريجه جامعه ومش محتاجين نسأل عليها ولا أنت حاطط عينك على واحدة من الشغل بص يابني أنا رأيي بنت عمك أولى بك
نهي.....
كنت عارفه كل اللى بيتقال كأنى واقفه معاهم وفرحانه أوى وخايفه الفرحه تبان في عنيا وطبعاً مش محتاجين تسألوا عرفت إزاى البركه في القرين 🧟🧟
خرجت ومعايا الاطباق بعد ما سعيد قال ل مرات عمي لو انتى شايفه كدا يا امى خلاص أنا هكلم ابويا انهاردة بس بعد ما نخلص فطار واشوف رأيه ايه
وعليت صوتى وأنا خارجه وقولت الفطار العسل للناس العسل بألف هنا يلا يا عمي احسن والله ازعل منك ومجيش عندكم تاني
عمي....
أنا جيت يا لمضه وببص لقيت مراتي بتضحك ايه ده اخيرا ده أنتى قلباها نكد بقالك كام يوم ولا علشان نهي هنا لو ع كدا بقي بنت يا نهي مافيش خروج من البيت تاني ههههه وفضلنا نضحك ونهرج
نهي.....
خلصت ترويق البيت عند عمي وجهزت الغداء كمان وقولت ل مرات عمي معلشي هدخل الاوضة عندك اغير هدومى علشان اروح عندى درس عاوزة الحقوا وطبعاً وافقت وقفلت الباب عليا وكنت مجهزة عمل محبه المره دي وقلبت المرتبه ورشيتها كلها وعدلتها وظبطت الملايه من تاني وغيرت ملابسي وظبط حالي وخرجت وسلمت عليهم وجايه امشي سعيد بصلي وبص ع موبيله فهمت
أنه عاوزنى اتصل عليه أول ما اوصل البيت
ومشيت وأنا الفرحه مش سيعاني ياااااه أخيرا سعيد هيبقي ملكي ووصلت البيت وطبعاً اتصلت على سعيد
وبعد كدا أخدت العيال اللي جابتهم ليا خالتي أم سيد ودفعتهم فلوس رمزيه منها مساعده لهم ولاهلهم زى ما أنا مفهمه خالتي أم سيد
ومنها يبقي قدام الناس كلها أن أنا بدي دروس ويبقي محدش يقدر يقولى من أين لكي هذا
وحتى لو رجعت في يوم متأخر الناس هتقول رجعه من الدروس كدا أنا ظبطت نفسي قصاد الناس وقصاد الحكو'مه وقصاد سعيد
وتانى يوم اتصلت على عمي وقولت له أنا عاوزة اكلم مرات عمي اسألها ع حاجه ولما كلمتني حصل الآتي
مرات عمي....
يتبع.....
تعليقات
إرسال تعليق
فضلا اترك تعليق من هنا