رواية اللغز الفصل الاول والثاني 1-2 بقلم سالى محمد (جميع الفصول كامله)

 رواية اللغز الفصل الاول والثاني 1-2 بقلم سالى محمد (جميع الفصول كامله)

رواية اللغز الفصل الاول والثاني 1-2 بقلم سالى محمد (جميع الفصول كامله)

#اللغز

الجزء الاول

كنت ف يوم ماشيه راجعه من شغلي متأخر ولحظي كان الجو مطر غزير بدرجه تخوف جدا ومافيش مواصلات فضلت امشي لعلي وعسي الاقي مواصله ولا حاجه بس ملقتش بشر حتي تعبت جدا وهدومي بقت كلها طينه ورجليه مابقتش شيلاني ماكنتش اكلت اي حاجه طول اليوم وانا ماشيه لقيت نفسي ف مكان مفهوش حد لكن ف بيت النور منور فيه قولت اخبط عليهم إداري من المطر لكن قلقت ليكون الناس اللي فيه مش كويسه ولا حاجه قولت اكمل مشي لكن معرفش ايه اللي حصل اول ما قربت من البيت دا حسيت بدوخه ومادريتش بنفسي ومعرفش حصل اي لكني لقيت نفسي ف لما صحيت ع سرير ولابسه هدوم نظيفه وف دفايه ف الاوضه بس مافيش جمبي حد اتفزعت قولت لنفسي بيت مين دا وانا فين اي جابني هنا قومت بالعافيه من السرير وخرجت وانا خايفه اشوف ف حد ولا اي ولا امشي اول ما خرجت من الاوضه قولت ادور ع حاجتي واشوف فين باب البيت وأخرج لكن سمعت صوت من ورايا رعببني صوت راجل بيقول رايحه فين ياهانم كان صوته مرعببب وعالي جدا بصيت ع الصوت لقيت راجل قمه الجمال واكنه مش بشر من شد جماله رديت بصوت يادوب طالع ومبحوح خارجه قالي هو دخول الحمام زي خروجه قولتله بنفس الصوت الهادي انا فين وانت مين وايه جابني هنا قالي اي كميه الاسئله دي ياهانم انتي مش عارفه انا مين قولتله لا والله معرفش قالي ازاي يا سمر فيه مالك هي الحاله رجعتلك تاني قولتله حاله اي انا فعلا معرفكش وأساسا انا مش سمر انا اسمي امنيه عبدالحي مين سمر لقيته رد بصوت حنين ياحبيبتي ابوس ايدك بلاش الكلام دا تاني امنيه مين بس قولتله انا امنيه  ف اي ياحضرت انت مين انت واي جابني هنا رد بنفاذ صبر يووووه هنعيده تاني سمر انا تعبت اقعدي كدا احنا ف سنه كام ياسمر قولتله بعصبيه انا مش سمر انا منيه امنيه قال طيب تمام ردي احنا ف سنه كام قولتله ٢٠١٢ قالي لا غلط ٢٠٢٤ شوفتي رجعتي تنسي تاني اهو قولتله مش تجنني انا امبارح كنت مروحه من شغلي والدنيا مطر جامد ومعرفش اي جري اغمي عليا ودلوقتي اصحي تقولي اسمي سمر وف ٢٠٢٤ ازاي دا قالي طب استني اقري كدا الجرنال لقيت فعلا احنا ف ٢٠٢٤ استغربت وبعدين اخدني بره البيت شوفي الدنيا تمام واحنا ف الصيف ومافيش مطر كنت هتجنننن اي دا ف اي حسيت بصداع ف دماغي جامد وكأني حد مسك حاجه وضضرررببني بيها ع دماغي قولت بتوتر لا لا ف حاجه غلط انت مين انت رد قالي انا أمجد زوجك وجابلي صورة فرحنا وصور تانيه كتير لينا وكنت مبسوطه اي اللي حصل وايه اللغز كدا والغموض هنعرف الحلقه الجايه 

Sally M Ahmed

#اللغز

الجزء الثاني

طب ازاي الوقت ازاي والزمن والفصول ازاي بقيت زوجه لحظه دا ف صور ليا مع بنت وولد كمان سألته مين دول قال دا حسن ولمي ولادنا وبعدين قال لا لا لازم اتصل بالدكتور وسابني ودخل جاب الموبايل من جوه افتكرت ايوة صح موبايلي فين موبايلي دخلت ادور عليه ملقتوش بس لقيت موبايل تاتش اول ما ضغط عليه فتح ولقيت صورتي انا والاولاد فضلت اقلب ف الموبايل لقيته كله صور ليا انا وراجل الوسيم والاولاد شوفت الأسماء لعلي الاقي رقم من أرقام اهلي ملقتش ولا رقم ليهم كلها أرقام بأسماء ناس معرفهاش او مش فكراها معرفش بس اتخخننقت وصرخت باعلي صوتي وقولت ف اي ايه اللي بيحصل دا فجأه لقيت بنت وولد جايين عليا يحضنوني ويعيطوا ويسألوني ف اي وبيقولوا ماما ف اي مالك مقدرتش اتمالك اعصابي اغمي عليا صحيت لقيت الدكتور بيفوقني وامجد دا والأولاد وافقين  وباين عليهم القلق قولت ف اي هو انا لسا ف نفس الكابوس هو مش عايز يخلص انا ليه مابصحاش رد الدكتور قال يامدام سمر انا الدكتور المعالج لحالتك وانتي كل فتره بتجيلك نفس الحاله دي لو ما اخدتيش ادويتك الظاهر انتي اهملتيها مره تانيه اي يا أمجد مش قولنا تاخد الدوا ف مواعيده رد أمجد معلش يادكتور كنت مسافر ف شغل مهم مقدرتش اتابع حالتها لكن انا رجعت وكله هيبقي تمام رد الدكتور قال كويس هكتب ليها ع حقنه مسكن تجيبها وتاخدها ع طول عشان اعصابها تهدي قولت يادكتور انا عندي اي واي جابني هنا هو انتوا مفكريني حد تاني يعني الدكتور رد بضحكه ع وشه يامدام سمر دي حاله انفصام عندك بتجيلك كل فتره لو مش انتظمتي ف علاجك معلش كلها فتره مع متابعه العلاج وهتبقي تمام رديت بعصبيه انا مش تعبانه وكمان انا امنيه مين سمر دي ها ف الوقت دا كان أمجد خرج يجيب الدوا ومافيش غير الدكتور والأولاد الدكتور قالي انا بعالج حضرتك بقالي ١٢ سنه بسبب صدمه حصلتلك زوجك قالي ع اللي حصل قولتله قالك اي اساسا انا مش متزوجه ولا اعرفه قالي من ١٢ جالي الاستاذ أمجد اليوم كان مطر والدنيا صعبه كنتي مغمي عليكي وحالتك تعبانه جدا ومش فاكره اي حاجه ولا انتي مين وامجد قالي خرجتي تشتري حاجات ولما اتاخرتي خرج شافك واقعه ع الطريق ودخلك واتصل بيا هو دا كل اللي اعرفه ومن وقتها كل سنتين او تلاته تجيلك نفس حاله يوم الحادث وتقولي نفس كلامك دا انت بتقول اي يادكتور انا فعلا من ١٢ سنه كنت راجعه من شغلي يوم مطر ومعرفش حصلي اي صحيت لقيت نفسي ف ٢٠٢٤ ومتزوجه ومخلفه وانا معرفش اي حاجه لسا الدكتور هيتكلم سمع صوت أمجد بيقول الحقن يادكتور قولت حقن اي انا مش عايزة حقن انا كويسه خلوني اروح لبابا زمانه قلقان عليا وماما زمانها بتعيط الدكتور قال لامجد يكتتتففني وفعلا اخدت الحقنه وبعد معافره نمت وانا لسا بروح ف النوم سمعت أمجد بيقول ايه اللي كنت هتعمله دا انت عايزها تعرف الحقيقه ولا اي بعدها نمت محستش بس اتاكدت ان فيه حاجه غلط حلقه مفقوده زي ما بيقولوا ياتري اي حكايه أمجد وفين اهلي وازاي ف ١٢ سنه راحت كدا مش فاكره فيهم حاجه ازاي اسمي اتغير انا لازم ابحث واعرف الحقيقه

تكملة الرواية من هناااااااااااا